نقدم اليوم احداث رواية احببت ابنة الخادمة البارت 22 من روايات ندى الصاوى . والتى تندرج تحت تصنيف روايات رومانسية ، والتى نالت اعجاباً شديداً بين القراء سواء واتباد أو فيس بوك .
نرحب بكم فى موقع مجنونة عشاق روايات موقعنا ، هنا سوف تجد كل رواياتك : روايات رومانسية ، روايات رومانسية مصرية ، قصص عشق ، قصص قصيرة ، قصص حب ، روايات pdf ، روايات واتباد ، قصص رعب ، روايات رومانسية كوميدية .
احببت ابنة الخادمة لندى الصاوى
تعد رواية احببت ابنة الخادمة واحدة من اجمل روايات رومانسية والتى نالت شهرة كبيرة على صفحتنا على الفيس بوك وعلى الموقع وهى من روايات ندى الصاوى ، نتمنى لكم قراءة ممتعة ، كما يمكنكم تنزيل رواية احببت ابنة الخادمة pdf كاملة من خلال موقعنا .
يمكنكم قراءة احداث رواية احببت ابنة الخادمة كاملة من خلال موقعكم مجنونة رواية من خلال اللينك السابق ....
تعد رواية احببت ابنة الخادمة واحدة من اجمل روايات رومانسية والتى نالت شهرة كبيرة على صفحتنا على الفيس بوك وعلى الموقع وهى من روايات ندى الصاوى ، نتمنى لكم قراءة ممتعة ، كما يمكنكم تنزيل رواية احببت ابنة الخادمة pdf كاملة من خلال موقعنا .
يمكنكم قراءة احداث رواية احببت ابنة الخادمة كاملة من خلال موقعكم مجنونة رواية من خلال اللينك السابق ....
رواية احببت ابنه الخادمه البارت الثانى والعشرون
رواية احببت ابنه الخادمه البارت الثانى والعشرون
البارت الثانى والعشرون
ملاك كانت خلصت اكل فى البيتزا وشربت بيبسي وبدئت تخلص فى الشغل خرج احمد شافها مرهقه
احمد: خلصتي ولا لسه
ملاك بتعب: خلصت ممكن امشى عشان تعبانة
احمد: ايوه كده اليوم خلص وياريت تيجى بدرى بكره
ملاك بتعب: حاضر احمد شافها تعبانة صعبت عليا
احمد: تعالي اركبي معاي عشان شكلك تعبان
ملاك بتحول تدارى تعبها: لاء انا كويسه مفيش حاجه
أحمد: بلاش عند وتعالي اركبي ملاك حست نفسها تعبانة فعلا
ملاك: احم حاضر جايه احمد بص نظره انتصار كانت راحه تركب ورا
احمد : مش سواق الهانم انا اركبي جانبي
ملاك بضيق وتعب: ي عم ولا سواق الهانم ولا زفت انا اروح اركب ميكروباص لوحدي
احمد بثقه: تمام روحى قال كده ومشى بالعربية
ملاك بصدمه: ماهو مش اول مره يعملها فيها طب يمسك فيا شويه طيب
فضلت تمشى فى الشارع عشان تلقي اي موصله.. احمد كان فى العربيه ندمان انه سابها لوحدها وقرر يرجع لها
فضل مشى بالعربية لحد ما شافها : هتركبى ولا هتفضلى واقفه كده
ملاك ملقاتش حل غير انها تركب وركبت جانبه
احمد: ما كان من اول مره
ملاك بضيق: ممكن تسكت بقا
احمد: انا نفسى اعرف انتي جايبة الشجاعة دى منين
ملاك برخمه : من عند بتاع الجراءة
احمد : رخمة انتي اووى
ملاك طلعت لى لسانها زى الأطفال: مالكش دعوه حس ان قدامه طفلة حسها على قد ما هي شخصيتها قويه على قد ما هى طفله.. ملاك كانت زهقانه: هو البتاع ده مفيهوش اغنيه او اي حاجه
أحمد: لاء في
ملاك : طب شغل اي اغنيه بدل الملل الى احنا في ده
احمد فضل يقلب ملقش غير اغانى انجلش ومكانش عجب ملاك: هو كل الى عندك انجلش مفيش اغنيه لحسن شاكوش ولا حمو بيكا . احمد بتعجب: دول اسامي مغنين
ملاك بتعجب: انت ازاي متعرفش حسن شاكوش ولا حمو بيكا دول عظماء أغانيهم جامده جدا
أحمد: مش عايز اعرف الاشكال دي وبعدين ده مستواك
ملاك بثقه: ماله مستوية راضيه وشكر ربنا عليا
أحمد: طب اسكتي بقا عشان انتي بتكلمي كتير
ملاك: صدق انت سديت نفسى عن كل حاجه طب مش هسمع حاجه ها
احمد : وفرتي احسن انتي عامل ليا صداع
ملاك: طب بص يا اسمك ايه انت متكلمنيش لحد ما نوصل..
احمد كان ييضحك من جو وكان فرحان انه بيضايقها وملاك كانت فرحانه انها مع بس كانت مضايقه عشان بيرخم عليها.. فضلوا ساكتين لحد اخر الطريق...
♡♡♡♡♡♡♡♡♡♡♡♡♡♡♡♡♡♡♡♡♡♡♡♡♤♤
عند اسر وايه
ايه نزلت واسر كمان واية مش عارفه تروح فين اسر لحظ توترها ده
اسر: مالك متوترة كده لي
اية : مفيش بس مش عارفه اروح لملاك ازاى وفي رهبه فى قلبي كده
اسر بيطمنها: يمكن عشان انتي فى مكان غريب اتصلي على ملاك شوفيها فين وانا واقف معك
ايه: اه صحيح عندك حق ايه رنت علي ملاك
ايه: انتي فين يا بنتي انا فى الفيلا
ملاك: طب انا قربت من الفيلا اهو ثواني وهكون عندك
اسر : اساليها كده احمد فين
ايه: با يقولك اسر هو احمد فين
ملاك بصت لاحمد : احم هو انا راكبه مع العربيه فااهنجي مع بعض
ايه: تمام متاخريش ايه قفلت مع ملاك
ايه: ملاك مع فى العربيه وهيجوا مع بعض
اسر استغرب ان احمد عمره ما ركب اي غريب فى عربيته
ايه كانت بتبص لفيلا يا اعجاب وكان عندها فصول تشوفها من جو أسر شافها وهي بتبص وحب يضيقها
أسر: عجبكي الفيلا اووى كده
ايه: الصراحه شكلها من برا حلو اووى
أسر : يمكن بس عمر ما تعرفي ورا الباب بيحصل اي
ايه: طول عمرى بقول ان ممكن يكون الاغنية معهم فلوس بس مفيش راحه بال والحياة من غير راحه البال ماتسويش يمكن احنا على قدنا بس كفاية حبنا لبعض با الدنيا كلها..
اسر كان بايسمع كلمها وهو فرحان انها مش ماديه وكمان لى رائ : أول مره اعرف انك بتفهمي
ايه : بضيق صدق انت رخم
اسر بضحك: زعلتي يا بطه
اية: مالكش دعوة ممكن متكلمش معاى
أسر كان هيرد سلمي شافتهم راحت تكلمهم
سلمي : ياا اسر وحشتني يا باشا
أسر: زلمة وحشتني جداا والله
سلمي: زلمه تاني مقبولة منك خطيبتك صح
اسر: ايوه ايه آيه كانت بتبص عليهم ومش بتكلم
سلمي: أنا سلمى بنت عم احمد
ايه: اتشرفت يا حبيبتى
سلمي: مكنتش اعرف انك ذوقك حلو كده قصيره وكيوتة فى نفسك كده
ايه: والله انتي عسل هاتي بوسه بس وطي شويه
سلمي وطت وضحكت: والله شكلك عسل شبه ملاك
ايه بثقه: اومال ما مش شله واحده احنا مفيش منا اتنين اصلا
ملاك نزلت من عربية احمد واحمد نزل كمان وسط تعجب من سلمي وملاك اول ما شافت آيه جرت عليها وحضنتها ملاك: وحشتني اووى ي زفته
ايه: انتي: اكتر ي جاموسه
احمد واسر كانوا واقفين مستغربين من كلامهم وسلمي كمان
ملاك : شكلك اتعرفتي على سلمي
ايه: أيوه وعسل خالص
ملاك : تعالى بقا عشان اعرفك على الباقي سلمي أنا وايه هنعقد عندي فى الاوضة قولى لباقي ينزل عشان يعقد معنا لو عايزين سلمي: دانا هروح أنادلهم وجاين فى ثانيه
اسر: انتى هتاخرى ولا اي
ايه: لاء هعقد معها شويه.
ملاك: ولا تأخر انا مشوفتهش من زمان خالص
أسر بضحك: عشان خطرك يا ست ملاك تتاخر
احمد أضيق من كلام أسر لملاك: مش يلا بقا يا اسر ولا اي أسر شك فى احمد او اتأكد ان في حاجه بينه وبين ملاك
ملاك هي وايه راحوا غرفت ملاك..
إيه: اخيرا شوفتك فى حاجه هموت واقو لهالك
ملاك بفضول: اي انطقي بسرعه
ايه: عارفه الشاب الى كان بيقابلني في كل حتها ده
ملاك : ايوه عارفه
ايه: تعرفي طلع مين
ملاك بفضول: مين مين مين
ايه: اسر خطيبي
ملاك جالها حاله من الذهول وقعدت تضحك بهستريا
ملاك: اه ي لهوووى هموت مش قادره ههههههههههههههههههههه
ايه: مش لدرجه دي يعنى
ملاك : بس حقيقي مفيش احلى من دى صدفه شكلكم مكتوبين لبعض يا سبحان الله
ايه بزعل: ايوه شكلنا بس انتي كمان يا عم نازله من عربيته وشغالة مع وحاجه اخر فله
ملاك بزعل: ده واحد خاطب وبعدين هو فين وانا فين انا بنت الخدامة ي ايه
ايه : ملاك انتي حبتي صح
ملاك : ايوه وحبته جامد كمان
ايه: كان قلبي حاسس بس لازم تنسى
ملاك: مش بمزاجى يا ايه لو كان بمزاجي مكنتش حبيته بعدين احنا مستحيل نبقا لبعض فا واحده واحده هنسى
ايه: كان قلبي حاسس ان في حاجه هتحصل بنكم بس متزعليش نفسك ممكن
ملاك بابتسامه: حاضر المهم خلينا فيكى خطوبتك كمان كم يوم جبتي الفستان
ايه: ايوه روحت انا وأسر نجيبه
ملاك بغمزة: الله يسهله يا عم
ايه: الله اكبر فى عينك الله أكبر
سمعوا الباب بيخبط ملاك راحت تفتح الباب: بتهدوا الباب طلعوا ادخلوا
ميرنا: بلاش ندخل تعالى نعقد في الجردن
ملاك: تمام يا ايه تعالي عشان هنعقد فى الجردن
رحوا كلهم قعدوا فى مكان على الأرض ملاك: أنا هعقد على الأرض عشان الكراسي مش هتقضينا
البنات: واحنا كمان هنعقد على الارض
ملاك: احم هعرفكم ببعض بصى ي ايه دى الحلوة الطويلة دى سيرين والى جانبها ميرنا وطبعا انتي اتعرفت علي سلمى
ايه: اتشرفت بمعرفتكم بس سلمى وسيرين تؤام صح
ميرنا : ايوه تؤام شايفهم رخمين زى بعض
سلمي: تسلمي يا محترمه
ملاك : اسكتوا ممكن هي نسمة فين
ميرنا: كلمتها وزمانها جايه انا بحمد ربنا انك شخصيه كويسه عشان لو كنتي وحشه كانت هتبقا خطوبه زفت
سيرين : بصى انا معرفكيش بس كونك صحبت ملاك ده شئ طمنا
ايه: انا حبتكم برده بس انتم لي بتقولوا كده
ميرنا: عشان اخويا هيخطب ارخم انسانه على وجه الأرض
ملاك: حاجه شبه البرص كده
كلهم ضحكوا سلمي: حقيقى أكتر بني ادمه بكرها فى حياتى وكلها شهور وهتكون معنا فى البيت
ايه بثقه: لو قعدت معاي انا وملاك هتودها على المستشفى
سيرين بضحك: ملاك بتجبلها جلطه
ميرنا: صدقى تستاهل والله
نسمه جات عليهم وكنت فرحانة اووى والكل لحظ ده واتعرفت على ايه وحبوا بعض برده
ملاك: نسمه فرحانه اووى النهارده
ميرنا: اول مره اشوفها فرحانه كده
نسمه: مالكم بتنقوا عليا لى سبونى افرح دانا طايرة مش فرحانه
ايه: طب شكلي وشي حلو عليكم الكل فرحان اول ما شافني
ملاك: تبا لتواضعك يا فتاة
ايه: سحقا لكي ايتها المراءة
سلمي: انتم قلبتوا على ايام الجاهلية ولا اي
الكل ضحك على كلام سلمي وبدأوا يهزروا ويضحكوا مع بعض
عند الشباب
أسر: انت هتقولي مالك عشان انت فيك حاجه متغيره
أحمد: مفيش حاجه يا اسر عادي
أسر: انت حبتها يا احمد
احمد بصدمه : حبيت مين
اسر: ملاك ومتكدبش باين عليك اووى
احمد: انت اتهبلت و لا ايه انا احب بنت خدامه
أسر: بتكدب عليا ولا علي نفسك انا اول مرة اشوفك كده
احمد: أسر اقفل الموضوع ده انا بحب فريدة
أسر: هصدقك يا احمد بس انت حبتها ي صحبى وهى الصراحة تحب
احمد بضيق: نعم قصدك اي يعني
اسر: يعني جمال وعيون خضره ودمها خفيف وروحها حلو واي مكان بتروح فى بتحب على طول
أحمد أضيق وكان هيقتل أسر بس اتحكم فى أعصابه: لم لسانك يا أسر احسن لك بدل ما تروح علي كرسي
أسر : باستفزاز وانت مالك هي تخصك فى حاجه انت مضايق كده لي
احمد بزعيق: خالص يا اسر كفاية بقا سيف جه على صوتهم
سيف بخضه: مالكم في اي
اسر واحمد : مفيش
سيف: طب انا عايز اقولكم حاجه
اسر واحمد: اي
سيف بفرح: اخيرا قولتلها اني بحبها
احمد فرح عشان سيف كان بيتعذب وأسر كمان
أسر: اخيرا يا عم مع انك كنت بتخبي بس كان بين عليك اووى
أحمد: الحمد الله انك جبت الشجاعة ونسيت الماضى
سيف: يا رب بس عمك يرفض
اسر: بصراحه انا مش بطيق الراجل ده
سيف: ولا انا بطيقه انا عايز بنته ويغور هو وابنه
اسر: ماهو محدش بيكره ابنه قدى
احمد : سيبك منهم خلينا فى انفسنا
كملوا كلام والبنات كمان بعدها بشويه أسر خد آيه ومشى والبنات طلعت وملاك نامت
رواية احببت ابنه الخادمه البارت الثانى والعشرون
اشرقت الشمس معلنه بداية يوم جديد
عند ميرنا فى أوضتها بدئت تستيقظ كانت طوال الليل تبكي وقلبها مكسور تذكرت كلام ملاك عن الصلاة فقامت لتادية فرضها املا أن يزيح همها بعد ما انتهت من الصلاة جلست فى البلكونة دموعها تنزل بغزارة تبكى بدون صوت. تريد انا يذهب هذا الوجع .. سمعت صوت دق على الباب فأذنت بالدخول... كان احمد
ميرنا: اخيرا افتكرتني
أحمد حس ان ميرنا فيها حاجه: مالك يا ميرنا حسك مش كويسه
ميرنا بكذب: لاء انا كويسه مفيش حاجه
أحمد: حطي عيني في عينك كده وقولي انك كويسه وانا هصدق
ميرنا بتبص لاحمد عشان تخبي بس الدموع خانتها واترمت في حضنه أحمد أتأكد ان اخته فيها حاجه
ميرنا بعيط : احضني زي زمان يا احمد انا محتاجك جانبي اووى
احمد طبطب عليها وضمها لحضنه: اشش بس اهدي مالك ي حبيبتي
ميرنا بعيط : مش عايزه اقول حاجة عايزه أفضل فى حضنك كده نيمني يا احمد وشالني زى زمان
احمد شال ميرنا وكانت متعلقة في جامد وحطها على السرير وفضل يحسس علي شعرها فجاءه نامت وهي ماسكة فى هدومه احمد كان قلقان عليها اووى سليم رن عليا : نعم يا بابا
سليم بعصبية: انت فين اتأخرت كده لي
احمد بهدوء: انا مع ميرنا وجاي اهو
سليم بزعيق: ميرنا اي دلوقتي يلا خمس دقايق وتبقا قدامي ...
احمد اضيق من ابوه وبص لميرنا مكانش عارف يعمل ايه عشان هي متمسكة بي جامد حول يبعد عنها براحه ونزل عشان شغله بس كان قلقان عليها شاف ملاك كانت راحه الشركه : احمد يا ملاك
ملاك: نعم .
احمد : اطالعى لميرنا فوق
ملاك بخضة: ميرنا لي مالها
احمد: معرفش خليكي معها واعتباري نفسك اجازه النهارده..
ملاك طلعت لميرنا واحمد راح لشغله ملاك طلعت لقت ميرنا قاعده علي السرير بتعيط ملاك خافت عليها جدا
ملاك بخضة: مالك ي ميرنا بتعيطي لي
ميرنا بعيط : احمد راح في
ملاك: راح الشركه وقالي اجيلك
ميرنا اترمت فى حضن ملاك وفضلت تعيط : احمد سبني ومشى لي ده عمره ما سبني ابدا
ملاك بطمن ميرنا: هو عنده متينج مهم جدا وداني اجازه عشان خاطرك يا ست مالك بقا في اي
ميرنا فضلت ساكته شويه في حضن ملاك : عارفه يا ملاك احمد من وانا صغيره بيحضني وينميني زى الاطفال وقبل كده كن عايشين فى فيلا لوحدنا فى امريكا لما كنت بتعب كان ببفضل سهران معاي ومره خدني المستشفي وقتها كان بابا وماما فى برتي مع اصحابهم طول عمر جانبي انا النهارده اول ما شوفته مقدرش اتحكم فى نفسى وعيطت فى حضنه عشان كنت محتاج اووى بس هو أكيد ما سبنيش بمزاجه صح ي ملاك..
ملاك بتسمع لها بحب واحمد كبر فى عينها اووى واتمنت ان كان عندها أخ زي دها ملاك حبت تفك ميرنا شويه
ملاك : اي ده ما ابو لهب طالع طيب وغلبان اهو
ميرنا: بس يا رخمة متقوليش على كده
ملاك بغلاسة: لاء هو ابو لهب انا اعرف اكتر منك
ميرنا بزعل: مش وجع في قلبي غير انه هيتجوز فريدة ... ملاك زعلت انها افتكرت ان فاضل كام يوم ويخطب رسمى. ملاك: بجد يكون فى عونك ان فريده دى هتكون مرات اخوكى
ميرنا : لى ميحصلش معجزة ويتجوزك انتي.. ملاك اتصدمت بكلام ميرنا وكنت بتمني انه يتحقق
ملاك: انا ازاى ي حجه أنتي انا مش بطيقه اصلا
ميرنا بحب: طب هاتي حضن عشان انتي فرحتيني... ملاك ابتسمت وحضنت ميرنا. الباب خبط ودخلت سيرين: اي ده انتي لسه ملبستيش يلا احنا راحين المول عشان نجيب فستاين الخطوبة .. ميرنا ضربت ايدها على جبهتها: اوبس انا نسيت خالص اقوم البس بقا .
ملاك: طب انزل انا
نيرنا: استني تعالي معنا أنا حبيت ذوقك في البس
ملاك : اجي معكم ازاي لاء طبعا مش هينفع
سيرين: تعالي ي ملاك بقا
ميرنا: متقوليش حاجه كده كده أنتي واخده اجازه يلا بقا
ملاك استسلمت: خالص هجي وانا اصلا بحب اتفرج على الهدوم هستناكم تحت عما تخلصوا..
ملاك نزلت وسيرين راحت اوضتها ........... .
♡♡♡♡♡♡♡♡ ♡♡♡♡♡♡♡♡♡♡
فى الشركه احمد كان خلص المتينج واقف هو أسر.
أسر: أوف الحمد الله ان عدى على خير مش هناخد يوم اجازه بقا احنا مش عرسان ولا اي
أحمد:- تقريبا معتش فى حاجه نعملها و انا محتاج الاجازة دى
أسر: اشطا اروح اعلن ان فى اجازه النهارده عشان الكل يمشى
احمد: و انا اكلم ميرنا اطمن عليها احمد رن على ميرنا عامله اي دلوقتي ي حبيبتي
ميرنا: كويسه جدا ملاك فضلت معاي ما سبتنيش
احمد : امم تمام
مبرنا : أنا هروح اشترى فستان من المول انا والبنات ما تيجي معنا
احمد: انتي راحه مع البنات اجى اعمل ايه
ميرنا: تجيب البدلة بتاعك انت لسه مجبتهش وهات أسر معك وكمان ملاك جايه
احمد: امم تمام هاجى سلام احمد قفل كان اسر قدامه ...
أحمد: ميرنا عايزنا نروح نشترى البدل هتيجي ولا ايه
اسر: جاي طبعا يلا دلوقتي
احمد واسر وصلوا المول وكانت ميرنا والبنات وصلوا فى نفس الوقت ملاك كانت ماشيه مع ملاك بتبص على المول با اعجاب احمد رن على ميرنا وعرفته هم فين .. ميرنا: المول عجبك اه جدا
ميرنا: هنلفو كله دلوقتى سيرين نادت على ميرنا وسبت ملاك لوحدها فضلت ماشيه بس وقفت قدام محل العاب فى عرايس كتير اوي كانت بتبص عليهم بحب كانها طفله احمد شافها وهى واقفه ومندمجة راح يشوف هى بتشوف ايه انصدم اول ما شاف نظرتها ليه كانها طفله كانت بريئة جدا جمله تلقائيه طلعت من احمد : انتي بتحببيهم اووى كده
ملاك ببراءة: بحبهم اووى
أحمد: محدش جابلك وانتي صغيره
ملاك بزعل : كنت كل ما اعوز عروسه كان بيقول نجيب بتمنها حاجه ناكولها احسن ..احمد حس بزعل عليها اووى هى اتحرجت ومشت وهو لق نفسه بايدخل جو المحل
صاحب المحل : تؤمر بحاجه يا باشا
أحمد: احم كنت عاوز عروسه
صاحب المحل: العرايس كتير قدامك اهو شوف الى يعجبك
احمد بص عليهم عجبته عروسه حسها شبه ملاك: هتالى دى
صاحب المحل: حاضر يا باشا جبله العروسة هتخدها دلوقتى
أحمد: لاء ممكن تبعتها لعنوان ده (...) ده عنوان غير عنوان الفيلا
صاحب المحل: حاضر يا باشا من عيوني..
احمد طلع من المحل لقي ميرنا بتصل عليا: ايه يا ميرنا انا قربت منك أهو
ميرنا بعيط: الحقني يا احمد انا مش لقي ملاك احمد حس ان روحه اتسحبت لحظه بس بدء يستوعب : مش لقيها ازاى رني عليها كانت واقفه معاي من شويه... ميرنا: رنيت عليها فونها مغلق انا خايفه عليها اووى المول كبير وهى متعرفش حاجه هنا. احمد قفل مع ميرنا فضل يدور عليها وهو خالص فقد كل ذرة طاقه روحه بتسحب منه علي البطيء كان الكل بيدور عليها ومش لقيها احمد واسر وسيرين وميرنا وسلمي الكل مش عارف هي راحت فين سالوا كل الناس عليها أحمد كان ماشى سمع صوت عيط حد فضل ماشى ورا لحد ما شافها قاعده بتعيط صوتها مكانش عليا بس مش هو الى سمعه قلبه الى سمعه.. جرى عليها: ملاك انتي كويسه
ملاك بتعيط ومش بترد عليا احمد: طب اهدي مسك ايدها وهى الى اتكت عليهم جامد كانها لقت الامان فضلت تبص عليا كتير كان نفسها تاخده بالحضن بس دينها وأخلاقها منعوها احمد رن عليهم عشان يطمنهم واتفقوا يتقبلوا فى كافي.. .
احمد : انتي كنتي فين
ملاك بدموع: أنا فضلت ماشيه مش عارفة راحه فين لحد ما لقيت نفسي في حتها مش عارفه وفوني كان فاصل شحن..
أحمد بيطمنها : ممكن تبطلى عياط احنا لقنكي خالص
ملاك بصت لى بهدوء وكنت ماسك ايده احمد: احم يلا عشان هم زمانهم مسنتين
ملاك جت تقوم لقت ايدها لسه فى ايده اتحرجت وسبتهم ومشوا مع بعض
أحمد: ممكن تخليكي جانبى عشان متوهيش تاني
ملاك أومأت براسها احمد كان حاسس ان روحه رجعتله تانى ....
وصلوا البنات جروا عليها وفضلوا يعيطوا...
اسر: ملاك دى غريبه اووى عرفت تخليهم يحبوها فى وقت قصير اووى كنت خايف عليها انت اووى
احمد بتلقائيه: كنت مرعوب مش خايف..
اسر بصدمه: يعني بتحبها... .
احمد: أنا مش عارف انت مالك ما حبها ولا اولع
اسر: لاء انت صاحبي ومالي كتير كمان
احمد: اسكت بقا عشان البنات داخله علينا..
سيرين: ممكن نروح نشترى الفساتين بقا...
احمد : يلا راحوا يشترى وكانت ملاك مستمتعا وفضلت تختار معهم
ميرنا: اي رأيك في الفستان ده
ملاك بإعجاب: حلو اووى يعنى
ميرنا: خلاص اعتبري بتاعك
ملاك : ميرنا ممكن عشان نفضل أصحاب تروحي ترجعي مكانه ميرنا كانت هتكلم ملاك قطعتها
بقولك عشان نفضل أصحاب... ميرنا استسلمت لملاك ملاك شافت احمد مش عارف يختار انهي بدلة حلوه
ملاك : دي حلوة اووى
احمد أستغرب : فعلا عندك حق اروح اشوفها فى والبروفا
ملاك ابتسمت وبعد شويه احمد طالع كانت البدلة حلو جداا عليا يعني خاد قلب ملاك : حلو جدا زى ماقولت
احمد بابتسامه: تمام هاخدها
اسر: اختاري ليا انا كمان عشان محتار احمد بص لي نظره ناريه واسر ابتسم عشان يضايقه وملاك ابتسمت ونقت لى واحده وخدها وبعد كده البنات جم وحسابه ومشوا
الى هنا تنتهى احداث عندما رواية احببت ابنة الخادمة الفصل 22 ، يمكنكم اكمال باقى احداث رواية احببت ابنة الخادمة الفصل 23 من خلال الضغط على اللينك واكمال الرواية .
نأمل أن تكونوا قد استمتعتم بـ رواية احببت ابنة الخدامه ، والى اللقاء فى حلقة قادمة بإذن الله ، لمزيد من الروايات يمكنكم متابعتنا على الموقع أو فيس بوك ، كما يمكنكم طلب رواياتكم المفضلة وسنقوم بوضعها كاملة على الموقع .