نقدم اليوم احداث رواية غرام اسياد الصعيد الحلقة السابعة عشر من روايات ايمان وائل . والتى تندرج تحت تصنيف روايات رومانسية ، والتى نالت اعجاباً شديداً بين القراء سواء واتباد أو فيس بوك . نرحب بكم فى موقع مجنونة عشاق روايات موقعنا ، هنا سوف تجد كل رواياتك : روايات رومانسية ، روايات رومانسية مصرية ، قصص عشق ، قصص قصيرة ، قصص حب ، روايات pdf ، روايات واتباد ، قصص رعب ، روايات رومانسية كوميدية .
غرام اسياد الصعيد الحلقة السابعة عشر
تعد رواية غرام اسياد الصعيد واحدة من اجمل روايات رومانسية والتى نالت شهرة كبيرة على صفحتنا على الفيس بوك وعلى الموقع وهى من روايات ايمان وائل ، نتمنى لكم قراءة ممتعة ، كما يمكنكم تنزيل رواية غرام اسياد الصعيد pdf كاملة من خلال موقعنا .
روايه غرام اسياد الصعيد الفصل 17
الحلقه السابعه عشر
غرام اسياد الصعيد
غرام اسياد الصعيد
وقعت الصينيه وانكسر ما احتوته لتفزع نعمه وفاطمه اما نرجس فقد استغلت الفرصه لتوبيخ امال
نعمه بقلق: بتي مالك
كانت امال تضع يدها علي اذناها خوف من صوت الرصاص وجسدها يرتعش لتحتضنها والدتها ولكن يد نرجس ابعدتها
نرجس بنبره خبث: ايه الي عملتيه ده وجعتي وكسرتي الكوبيات انتي مبتعرفيش تعملي حاجه صح
فاطمه:نرجس انتي عارفه انه بتخاف من صوت الرصاص
نرجس بغيظ: مليش صالح بتخاف ولا لا تبجا جد المسئوليه الي بتعمله
نعمه : هي ما كنتش تجصد
نرجس بنبره غضب: تجصد ولا لا شوفي الي حصل وجعت وانكسرت الكوبيات والارضيه اتوسخت
امال ببكاء: اني اسفه هنضفحها دلوجتي
فاطمه بحنان: خليكي انتي الخادمه هتنضفهم
نرجس بخبث: وخادمه ليه ما هي موجوده اهي خليها تنضف الي عملته
امال ببكاء: حاضر
وقفت نعمه عاجزة عن مساعده ابنتها فهي تعرف اختها حق المعرفه
انحنت امال لتنظف الزجاج المنكسر ليدخل فهد فجأه ويجدها تنظف وهي تبكي لينظر الي والدته بغضب
فهد بنبره حاده: ااامال
التفت امال اليه لتجرح قطعه من الزجاج يدها
امال بتألم: اه
فهد بقلق وهو يتجه اليه مسرعا:سلامتك
فهد بزعيق: حد يجيب صندوج الاسعاف
احضرته نعمه
نعمه ببكاء:سلامتك يا بتي
طهر فهد الجرح ومسح دموعها وحملها ووضعها علي الاريكه
ليوجه نظره الي والدته
فهد بنبره غضب: اهي الي حصل
نرجس ببرود: سمعت صوت ضرب نار من الفرح الي جمبنا وجعت الصينيه
فهد باستنكار: وبعدين
نرجس ببرود: كانت بتمسح وتنظف مكانهم
فهد بنبره غضب: مفيش اهنه خدم يعني وكمان كانت بتنضف وهي بتعيط يعني حرجتي دمها
نرجس باستنكار: الي بيغلط بيتحاسب وحتي لو هي مرتك متنساش اصلها
فهد بسخريه: اصلها يبجا انتي نسيتي
اصلك يا امه نسيتي انك خالتها وكانت حالتك ذيهم بس اتجوزتي ابويا وبعدين اتكبرتي عليهم
نرجس بغضب: انته بتعيرني يا فهد بتعاير امك
فهد ببرود: لا مش بيعرك بس بفكرك ان كلنا ولاد تسعه والي متجبليش تسمعيه مجبلش اسمعه علي مرتي
كان مالك ينظر الي رهف بجمود
مالك ' بتجول ايه دي
رهف باستغراب: امه فيها ايه
مالك بحده: نعم يا ختي امه انتي اتجوزتي من ورانا
رهف بضحكه: لا هي مامته متوفيه هي بتجولي ماما مكانها
مالك وهو ينظر الي الطفله: ربنا يرحمه لينخفض الي مستوي الطفله ويخرج من جيبه مال
مالك بابتسامه: خدي دول هاتيلك حاجه حلوه ولا عوزتي حاجه اني موجوده
الطفله بابتسامه : شكرا يا عموا
كانت رهف تنظر الي مالك بحب
وهو يدخل الطفله الي المدرسه
رهف: روح انته هتتأخر
مالك : طيب بس تعليم الطفله دي علي حسابي اني واي حاجه تعوزها جوليلي
رهف بابتسامه: حاضر
تحضر جنان الفطار لادم وكان عباره عن بيض مقلي وجبنه وسلطه
ادم باستغراب: اي ده هو دا فطار
جنان بسخريه: لا سحور ماله الفطار
ادم : الفطار دا لعيل صغير مش ليا
جنان بغيظ: مش عجبك متأكلش
ادم باستفزاز: هأكل عشان امشي من اهنه مش ناجص فجع مراره
جنان بغيظ: مستفز انا نازله
يوقفها صوت ادم الجهوري
ادم بنبره حاده: هتنزلي اكده
فين طرحتك والبسي عبايه
جنان باستغراب: انته نسيت ولا ايه انا مش محجبه
ادم : هتتحجبي
ليفتح ادم الدولاب ويحضر لها حجاب قد اشتراه لها
ادم : خدي البسيه
جنان بحزن: مبعرفش اعمله ومحدش حاول يعلمني
ادم باستغراب: متعلمتيش من النت ليه في مواقع بتعلم لف الطرحه والحاجات دي
جنان' انا معنديش تليفون حديث يا ذكي معيش غير الصغير ده
ادم : ومشترتيش واحد ليه
جنان بصلابه وتخفي حزنها: بدل ما اشتري تليفون الفلوس الي كنت بشتغل بيها كنت بجيب بيها اكل ليا ولاختي ويدوب تكفينا مصاريف المدارس
ادم بابتسامه: جدعه بميت راجل
عشان اكده جويه عليا
جنان باستنكار: مين قوي علي مين يا مفتري
ادم بابتسامه: انتي يا حيزبونه
ليفرد الطرحه ويثنيها
ادم : انا الي معلم رهف لفت الطرحه
ليضعها علي شعر جنان ويلفها بطريقه جميله تغطي شعرها
جنان باستغراب: اتعلمت لفها منين
ادم بنبره حزينه: كنت براجب امي وهي بتلفها اللفه جديمه بس حلوه عليكي ومغطيه شعرك
جنان باستغراب: كنت متعلق بمامتك اوي كده
ادم بنبره حاده: غيري الموضوع لتسكتي
نظرت جنان الي عينه لتلاحظ كسره لم تراه من قبل في عين ذاك للقاسي المتحجر
وفي الاسفل كان الجميع يودع رفان واسر
حسن : خلي بالك منها يا اسر
اسر بابتسامه: اكيد يا جدي
يوسف: لو زعلك جوليلي
رفان : حاضر يا خوي
فهد باستفزاز: توصلوا بالسلامه خلي بالك منه يا رفان هو عصبي بس جلبها رهيف
اسر بحزن: مش هتيجوا معانا يا خوي
فهد : تتعوض انته عارف ان الوفد اهنه ولازم اني لا انته اهنه روح انته انبسط واني هخلص معاهم وربنا يسهل
اسر:ربنا معاك يا خوي
وفي الاعلي كانت امال تنظر الي رفان وهي تركب مع اسر ويرحلان لتجد فهد ينظر اليه بحزن لتدير وجهها الي الداخل وتغلق النافذه
تخرج سياره اسر من القصر وتتبعه سياره اخري!
وفي غرفه نادين تدخل له جنان وهي ترتدي الحجاب
نادين باستغراب: انتي جنان
.
جنان بابتسامه: ايوه انا ايه رأيك
نادين بفرح: جميله اوي عملته اذاي
جنان: ادم هو الي عملهالي
عقدت حاجبها
نادين: ادم! ابليس ده
جنان: اه تعالي هعلمك تعمليها
نادين بنبره حاده' جنان انتي هتمثلي عليه وتتعلقي بيه ولا ايه مكنش اتفقنا
جنان باستنكار : طبعا مش هتعلق بيه انا بشوف بس نقط ضعفه وهخليه يثق بيا عشان اما اضربه الضربه تيجي صح
نادين: بحسب نسيتي الي عمله فيكي
جنان بغيظ؛ هو الي عمله ده يتنسي مش كفايه انحرمت من. فارس بسببها
نادين :بمناسبه فارس سمعت انه فاق بس لسه في المستشفي
وفي المستشفي
جنان : مش هتقولي بقا مين جنان الي بتعيط عليه دي
فارس بنبره حزينه: جنان تبقا مراتي وفي يوم فرحان حصل حريق وانضربت برصاصه ومعرفش عنه حاجه دلوقتي
لتسقط دموعه
جنان باستغراب: لدرجه دي بتحبها
فارس بنبره حزينه: هي كل حياتي وان شاء الله هلاقيه وهتبقا كويسه
صعد فهد لغرفته
ليجد امال تقرأ كتاب الله بصوت جميل ليتركه تقرأ واخذ يراجع الورق وهو ينظر اليه
امال : صدق الله العظيم خير يا بيه عايز تجول حاجه
فهد باستغراب: بيه
امال بابتسامه: ما انته بيه
فهد: لا انا جوزك مش بيه
امال' باستنكار: مش مهم عايز تجول ايه
فهد بنبره حاده: ايه الي مش مهم
انعدلي
امال ببرود: هو اني مايله
فهد : اني عارف انك زعلانه عشان مرحناش شهر عسل بس بوعدك هخلص مع الوفد وهنروح فرنسا
قاطعت امال كلامه
امال باستغراب: ومين جالك اني زعلانه بالعكس اني مبسوطه جوي واكده احسن عشان متخجلش جدام جريبك اني مرتك
فهد باستغراب ودهشه : بتجولي ايه يا مجنونه دا اني فرحان اني احطك فوج رأسي والف بيكي العالم كله وجول بصوت عالي دي مرتي وفخور بيها
امال ببرود: وليه هتعمل اكده ملوش عازه
فهد بابتسامه: طيب بطلي كلام فارغ وكأبه وبصي جبتلك ايه
يخرج فهد من جيبه سلسله بسيطه عليها صورة زفافهم
ومن حقيبه الهدايا طقم من الدهب وبعض الفساتين التي تناسب امال
امال باستغراب: كل ده ليه مش عايزه حاجه كفايه اني عليا ليك فلوس عمليه امي
فهد: متجوليش الكلام ده انا وانتي واحد ودا حجك دي شبكتك يا عروسه
تنظر امال الي السلسله البسيطه التي تحمل صورتهم معا
امال :هأخد دي بس
فهد بابتسامه : كل حاجه ليكي
تنظر امال لفهد وهو يبتسم ويضع الاغراض
فهد : وعندي ليك مفأجاه جهزي نفسك
امال :هنروح فين
فهد بغمزه: مفأجاه
وعند مالك في المصنع
قام بانهاء العمل وتوجه لاخذ رهف من المدرسه وقبل ان يصل الي المدرسه توقف عند محل واشترا علب شكولاته وبالونات لاطفال الصغار
ووصل الي المدرسه
رهف باستغراب:مالك
رحب الاطفال بمالك واعطي كل طفل شكولاته وبالونه ورسم السعاده علي وجه الاطفال
الطفله: شكرا يا عموا
مالك بابتسامه : مفيش شكرا بينا يا حبايب جلبي
تخرج رهف مع مالك
رهف بابتسامه: بجد شكرا ليك انته عارف انته فرحتهم جد ايه انك تزرع الضحكه والبسمه في جلب يتيم دي حاجه كبيره جوي
مالك : الابتسامه في وش العيل دي حياه لوحدها عشان كده خليتك تعملي المدرسه ومكنش عندي اعتراض من النهارده المدرسه دي مجانيه لاطفال اي طفل ابوه او امه ميته هيجي يتعلم اهنه واني المسئول عنه لحد ام يبجا شاب او شابه كبيره تتحمل المسئوليه
رهف باستغراب : بتحب الاطفال اوي كده
مالك : حطيها حلجه في ودانك الاطفال هم الحياه ولو موجفتش مع العيال دي هيعانوا كفايه انهم اتحرموا من اهلهم والحرمان وحش جوي
رهف بحزن: معك حج
يصل اسر ورفان الي الفندق
ويرحب بهم مدير الفندق بنفسه
المدير: اهلا باسر بيه
اسر ببرود: جهزت الي جولت عليه
المدير: الجناح جاهز يا فندم
يذهب كل من فهد ورفان مع المدير وكانت هناك اعين تراقبهم
وفي مصنع السكر الخاص بيوسف
رن هاتف يوسف معلن وصول مكالمه من نادين
يوسف بابتسامه: نادين
نادين بصراخ : الحقني يا يوسف
نهض يوسف مفزوع من مكانه
يوسف بخوف: انتي فين .
الاكثر قراءة :
موعد الحلقة الجديدة الساعة 10 م يوميا ان شاء الله .
هنا تنتهى احداث رواية غرام اسياد الصعيد الحلقة السابعة عشر ، يمكنكم اكمال باقى احداث رواية تغرام اسياد الصعيد الحلقة الثامنة عشر أوقراءة المزيد من الروايات المكتملة فى قسم روايات كاملة .
نأمل أن تكونوا قد استمتعتم بـ رواية غرام اسياد الصعيد ، والى اللقاء فى حلقة قادمة بإذن الله ، لمزيد من الروايات يمكنكم متابعتنا على الموقع أو فيس بوك ، كما يمكنكم طلب رواياتكم المفضلة وسنقوم بوضعها كاملة على الموقع .