رواية جريمة عشق الجزء الثانى الحلقة 24 بقلم مريم نصار

  نقدم اليوم احداث رواية جريمة عشق الجزء الثانى الحلقة 24  من روايات مريم نصار  . والتى تندرج تحت تصنيف روايات رومانسية ، والتى نالت اعجاباً شديداً بين القراء سواء واتباد أو فيس بوك  . نرحب بكم فى موقع مجنونة  عشاق روايات موقعنا ، هنا سوف تجد كل رواياتك : روايات رومانسية ، روايات رومانسية مصرية ، قصص عشق ، قصص قصيرة ، قصص حب ، روايات pdf ، روايات واتباد ، قصص رعب ، روايات رومانسية كوميدية .


رواية جريمة عشق الجزء الثانى الحلقة 24 بقلم مريم نصار

جريمة عشق ج2 الحلقة 24


تعد رواية جريمه عشق ج2  واحدة من اجمل روايات رومانسية  والتى نالت شهرة كبيرة على صفحتنا على الفيس بوك وعلى الموقع وهى من روايات مريم نصار  ، نتمنى لكم قراءة ممتعة ، كما يمكنكم تنزيل رواية جريمة عشق pdf كاملة  من خلال موقعنا .

يمكنكم قراءة احداث رواية جريمة عشق كاملة بقلم مريم نصار من خلال موقعكم مجنونة رواية من خلال اللينك السابق ....



رواية عشقتها منذ نعومة اظافرها الفصل 24


الحلقه ٢٤
رواية جريمة عشق ٢
(عشقتها منذ نعومة أظافرها)
بسم الله نبدأ

عدي اسبوع كمان على ابطالنا ونقول نبذه مختصره.

. ماليكه . حبست نفسها طول الاسبوع ده ومخرجتش من البيت . وبتفكر في زياد كتير .. وكمان شافت ان ملك متجاهلاها . وما بتتكلمش معاها .
.مليكه : جواها البذره اتحركت وبدات تنبت حب ل زياد . ونفسها تعرف ايه اللي حصل . لانها مش فاكره حاجه خالص . وبتفكر انها عايزه تتكلم مع زياد. لانها عرفت انه فعلا رجع والعيله كلها عرفت.

.. اما زياد تانى يوم اتصل على هدى . ومهدلها الموضوع . وقالها . انه وصل القاهره . وهيكون عندها خلال ساعات .. وهدي قلبها كان هيقف من الفرحه .. وسجدت لله ..اول ما عرفت خبر رجوع زياد .. و كانت بتلف في الشقه زي المجنونه .. واتصلت على حسام الل ساب المكتب وجري ركب العربيه اول ما عرف انه ابنه زياد جاي في الطريق ..
.. زياد اخيرا وصل عند باب شقه هدى .. والباب اتفتح من قبل ما يخبط . وكانت هدى واقفه مستنيه ورا الباب من بدري .. واول ما هدى شافت زياد بهيئته الجديده .. ماكنتش مصدقه . ان ده ابنها .. وحضنت زياد بدموع .. وصوتها كان مسمع عند الجيران الل فتحو الباب وتأثره لدموع هدى ... وزياد دخل هدى كلها في حضنه .. وغصب عنه دموعه نزلت .. ومسد على حجابها .. وهدى مسكت وش ابنها وباست كل حته فيه .. ومسكت ايد زياد وباستها من فرحتها .. وحضنته تاني . وتضحك وتعيط ابني نور عيني ..ابني ضلي وسندي . ابني رجع يا ناس . ابني زياد رجع بالسلامه .. وزياد مسح دموعها وباس على ايديها . وقالها خلاص يام زياد . اهدي انا اهو خلاص قدامك . وحدى الله .. والجيران سلمو على زياد .و كانو مبسوطين لانه رجع بعد غياب .. وبعدها هدى دخلته الشقه . ومسكت ايديه الاتنين. وتمسك وشه بايديها وتمسك دراعاته تتأكد انها مش بتحلم .و حضنت زياد تاني من فرحتها . واخدت زياد وقعدته في الليفنج . وقعدت جنبه بدموع . وبعدها سمعو الباب بيتفتح . وكان حسام دخل بسرعه . وقف قدام الليفنج . وشاف ابنه اخيرا . وكأنه شايف قدامه شخصيه مهمه كبيره قوي ..
.زياد وقف اول ما شاف حسام . والاتنين اتحركو وحسام بدموع ..فتح دراعاته لابنه . وزياد اترمي في حضن ابوه الل بيعيط كأنه ابنه من صلبه .. ومحدش اتكلم وحاضنين بعض . وساكتين . لحد ما حسام كسر السكون ده . وبصوت مبحوح . حمد لله على سلامتك يابني .
..زياد وطي على ايد حسام وباسها .. الله يسلمك يا بابا ..
..وحسام ربت علي كتفه . ماشاء الله اللهم بارك كبرت . يازياد وكمان الله اكبر على الهيئه اللي انت فيها ..
.هدى : واقفه وبتعيط وحطت وشها بين ايديها ..
..وزياد رجعلها .. ايه بس يا ست الكل بتعيطي ليه.
هدى : بعيط من فرحتي يا حبيبي .. فرحانه قوي اني شوفتك يازياد كنت خايفه اني اموت قبل ماشوفك ياحبيبى
زياد : باس ايديها . بعد الشر عليكي ما تقوليش كده . انا قدامك اهو . يام زياد خلاص بقى وحدى الله .
هدى : لا إله إلا الله . سيدنا محمد رسول الله ....انت جعان صح .. انت اول ما كلمتني .. وعرفت انك جاي عملتلك الاكل اللي انت بتحبه .ثواني يا روحي و هاجهزلك السفره ..واتحركت خطوتين ورجعت تاني .. انت عطشان مش كده .. تلاقيك عطشات ثواني هاجيبلك ميا واتحركت ورجعت تاني .. ولا اجيبلك عصير احسن . ايوه ايوه هجبلك عصير .
وزياد : مبتسم بدموع من تصرفات امه . ولهفتها عليه . وانه كان هيستنى ايه اكتر من كده علشان الحنان اللي في عينيها ده ..
..وهدى راحت بسرعه على التلاجه. بدموع وجابت الميه والعصير . وقدمته لزياد برعشه . وزياد اخد منها الصينيه . وضمها و هي عيطت بكسره واشتياق لابنها . اللي اتحرمت منه . والل في سنه اتجوز وخلف . وعيطت كتير ومحدش عارف يسكتها .. وزياد سابها في حضنه لحد ما هديت خالص..
. وخرجت من حضنه ومسحت دموعها . بابتسامه حمد لله على سلامتك يا ضنايا ...
زياد : باس راسها . الله يسلمك يام زياد . ايه بقى مش هتدوقيني اكلك الل واحشني ...
هدى : قامت بسرعه .وجريت على المطبخ وكأنها بنت ال٢٠ وجهزت الغدا وقعدو اتغدوا .. وهدى سألته كان فين . وسافر ازاي . ورجع امتى زياد . حاكلهم كل حاجه .. وان آدم السبب في اللي زياد وصله دلوقتي .. حاكلهم على مستوى زياد دلوقتي ... وهدى كانت فرحتها ما تتوصفش .. وان بنها بقى رجل اعمال وما شاء الله عليه .. هدى وحسام . دعو ل آدم كتير . لان ربنا جعله سبب في ان زياد اتغير للافضل واثبت نفسه ..
.بعدها زياد قعد معاهم شويه . وقالهم انه هيقوم يروح ل مريم اخته ..
..هدى قالتله . ما كنا قولنالها وكانت هي جت.
زياد : ما ينفعش يام زياد انا اخوها الكبير . وانا اول مره هاروحلها بيتها بعد الجواز ..زياد طلع ظرف ل امه وحطه في ايديها . وقالها ده مبلغ ليكي .. وهدى لسه هتتكلم .. زياد شاورلها وقال .. انا ابنك وكلي وفلوسي ملكك وليكو . وسابهم واتحرك .. وهدى وقفت في البلكونه. وزياد ركب عربيته .. وهدى لما شافته بيركب العربيه الفخمه ومكانتش مصدقه .. وفضلت تقرا قرآن وتحصنوا . لان هيبته مش عاديه .. واتحرك بالعربيه .. ووصل عند فيلا عزيز..
. ودخل عليهم وكلهم كانوا قاعدين بيتغدو . ويضحكو مع بعض . وكان يوسف بيهزر مع مريم . و ماسك ايديها وباسها . وبيهزرو . ومريم مكسوفه .. وبتبص بالصدفه .. شافت حد واقف بعيد .. مريم قلبها دق .. ووقفت مره واحده . و بتدقق فى النظر .. وقلبها قالها . هو ... واتحركت كام خطوه ..
. وزياد قرب وابتسم . وقالها مبروك يا قلب زياد... هنا مريم فتحت عينيها واتصدمت بفرحه .. وصرخت وجريت عليه . واتشعلقت في رقبته . زياد رفعها من على الارض .. ومريم تصرخ وعيطت بصوت عالي .. ابيه زياد .. ابيه زياد ...
.زياد شايلها وساكت ودموعه نزلت غصب عنه . لانه شايف مريم اخته كبرت وعايشه في مستوى كويس . ودكتوره صيدله قد الدنيا .. مريم بتصرخ بدموع والكل اتاثر .. وشيرين وهنا عيطو .. ويوسف فرحان ان زياد اخيرا رجع .. وزعلان علشان مراته بتعيط ... واشرف ومصطفى مبسوطين . لان واضح ان زياد راجع ومالي مركزه . وكمان مهتم ب لياقته البدنيه . زياد نزل مريم ومسح دموعها بس . بس خلاص انا قدامك اهو . انا رجعت يا مريم . مريم مش عارفه تبطل عياط . ومسكت ايد اخوها وباستها .ودموعها نزلت على ايده . وزياد مسك ايديها وباس على راسها . حبيبتي اهدي وافرحي بقى . انا رجعت اهو بتعيطي ليه . يلا بقى اضحكي.
مريم : مسحت دموعها وابتسمت .. واشرف قرب على زياد وسلم عليه . وزياد راح سلم على مصطفى و شيرين و سلم علي يوسف بحب كبير . وسلم على هنا . وكلهم قالو .. زياد حمد لله على السلامه .
. زياد الله يسلمكم . انا اسف اني دخلت كده . ومدام هنا منتقبه . انا من فرحتي نسيت . اسف بجد.
اشرف : ولا يهمك كده . كده هنا لما بتنزل تحت بتبقى لابسه النقاب زي ما انت شايف . علشان لو حد جه .. اتفضل استريح.
مريم : ماسكه في دراع زياد . وعينيها متعلقه بيه . زياد : كريم فين يا مريم ..
مريم : عينيها متعلقه على زياد ومبتردش ......
زياد : ابتسم . كريم فين يا مريوم ابن اختي فين
مريم : بصاله ومردتش .....
. يوسف : شاف مريم فرحانه ومش مصدقه . يوسف اتحرك . هو فوق مع الداده ثواني هاطلع اجيبه .. يوسف طلع وجاب كريم ونزل ..
زياد : شالوا وضمه بحب . وباسو كتير . وكريم اتعلق ب زياد . وضحك معاه .
وقعد شويه . وقام استأذن وخرج . ظرف ل مريم . وقالها دي هديه جوازك مع هديه نجاحك وكمان ولادتك ب كريم القمر ده . وحمد لله على سلامتك يا قلبي . والف مبروك الصيدليه .مبروك يا مريم يا حبيبتي ..
مريم : انت هتمشي . انا مش عايزه حاجه . انا عايزاك انت .
زياد : وانا موجود . ومعلش يا حبيبتي انا هاروح لهدى . لانها مش هتسيبني . وحلفت اني اقضي معاهم اليومين الل جايين دول . لحد ما اضبط اموري امسكي ..
.. ومريم . اخدت منه الظرف . شكرا يا ابيه بس ..
زياد : مفيش بس .. وانتي ويوسف معزومين بكره عندنا اوكي . ومشي..
وفعلا عزمهم عند هدى . وكانت عزومه مميزه .. ومريم لما عرفت ان زياد ربنا فتحها عليه . وبقى رجل اعمال .. كانت حاسه بالفخر .. و مبسوطه قوي لاخوها .. زياد طلب من هدى انه هيروح يعيش في شقته الكام يوم دول .. بس لحد ما يبني الفيلا وياخد هم يعيشو معاهم .. لكن هدى قالتله . انا قاعده في بيتي ومش هسيبه .يا زياد .. والفيلا دي يا قلبي انت هتتجوز فيها ...وزياد قالها مش وقته الكلام ده .. واستاذنها علشان يمشي .. لكن هدى حلفت عليه .. انه يقعد معاهم الاسبوع ده . علشان تشبع منه . وقالتله لو ليا غلاوه عندك .خليني اشبع منك وزياد وافقها .

------------------بقلمى Mariem Nasar

..فارس : طبعا الضحكه مش بتفارقو . من المجنونه الصغيره . اللي كبرت قدامه ولسه مجنونه . وقالتله خلاص هي مش قادره تبعد عنه اكتر من كده .. وانه لازم يتجوزها . وفعلا كتبوا الكتاب في شقتها والشاهد .. كان آدم ومحمد ... وطارق كان مبسوط جدا . وحاسس ان رودي نفس دماغه ومجنونه زيه..
. لانهم بعد كتبو الكتاب.. وقعدوا يهزروا كتير مع بعض .. ورنا وفارس مذهولين . ورنا حست بالغيره وراحت داست على رجل طارق وقالتله .. انت شكلك نفسك تطلع ترند وانت متقطع صح ... طارق بلع ريقه وراح وقف جمب رنا من سكات .
. (ونقول مبروك لفارس انه كتب كتابه على المجنونه )
.واتحدد فرحهم بعد كام شهر .

--------
زين :واخد اجازه من شغله . وقاعد جنب ريتال اللي كل شويه بتتعب اعصابه . وزين .يعد الايام علشان ينتقم منها على اللي هي عملته معاه . وريتال كل شويه تغري زين بحب .. وهي مش عارفه انها هتدفع تمن كل ده ... واريان وليليان مطلعين عينهم. ولكن مريم بتساعدهم .. وواقفه جنبهم .
--------

مالك : في شغله . ومركز لكن كل مايبص في الساعه الل جابتهاله ساره هديه . يبقى عايز يقلعها ويرميها.. لكن ما يقدرش . وعنده ديما احساس . انه هيقابل ساره تاني . ورافض موضوع الجواز نهائي .. وقالهم انه هيعيش كده . ومحدش يتكلم معاه تاني في موضوع الجواز ده ....
------------
.اما : فريحه .. نايمه جنب بنتها كل يوم . ودايما تفكر في مرادها . لانها دايما بتحس بالوحده من غيره .وبتعد الايام. وانه عدي اكتر من ٤شهور. واوقات كتير نفسها تتكلم معاه لكن دايما فونه مغلق حسب شغله . ومش قادره على فراقه اكتر من كده .. وكل يوم تنام ودمعتها على خدها وهي ما تعرفش انها هتشوف مرادها بكره..
-------------
.اما :رينو .. نايمه في حضن تيم وكل شويه تفكر في الفهد . ف انها خلاص بكره هتشوفه في الحفله .. ومحتاره تلبس ايه .. وهتقابله ازاي . وعاشت في حلم اليقظه لحد ما استسلمت للنوم ...
-----------
.مراد وفهد .. خلصو كل حاجه . وقدمو الادله
ومدير الجهاز شكرهم واثنى عليهم . وبشرهم بالترقيه لكل واحد فيهم ... وان فهد هيترقي ويبقى ظابط ... ومراد هيبقى رائد .. وكانوا مبسوطين جدا.
والمدير قالهم انهم لازم يطلعو على المستشفى ويعالجو جروحهم . لكن فهد رفض وقالله ان اخته دكتوره وهي هتتعامل معاهم .. وقررو انهم يروحو النهارده قبل بكره .. ومراد عايز يفاجئ فريحته .
وفهد عايز يرجع على شقته .. علشان يعيش براحته مع ذكرياته لمعشوقته الصغيره .وماسك السلسله في ايده وقافل عليها ...
--------------
. اما : محمد ونور .. عاشو اول يومين الاجازه وكانو يومين عسل .. محمد ماكنش بيخلى نور تقوم من السرير غير على قد الحمام والصلاه والشاور فقط .. وكان بياآكلها . ويبادلها الحب . وينيمها على صدره ...
.. وبعد اليومين اخدها . وراحو . قعدو. عند مريم.
وكل يوم محمد بعد مايرجع من المستشفى يهتم بيها.. واخر اليوم ياخدها اوضتهم عند آدم ويبادلها الحب .. وعايشه احلى اسبوع .. لانه نور كانت بتنام كويس و فايقه طول الليل .. ومحمد كان عايز كده انها تكون فايقه وكويسه ...
-------------
. اما آدم ومريم : طول الاسبوع مشغولين بالاحفاد والتجهيزات .. وكل حاجه تمت على خير وجهزت .. وعزمو كل العيله والاصدقاء . والحفله بكره . واخيرا ادم اخد اميرته في حضنه .. وناموا علشان وراهم بكره يوم طويل ...
-------------------
في الوقت الحالي
--------------------
الساعه ١ صباحا . كل واحد نايم في بيته ..
مراد وفهد : خارجين من الجهاز بعد ما قدمه الادله .. وكانوا مستعجلين .. مراد كان مستعجل عايز يروح لفريحته وركبه عربيه من عربيات الشغل .وكان معاهم . ساندوتشات.ومراد بيتهم قبل شقه فهد ..
مراد : وهما بياكلو فى العربيه ... ولا يا فهد .
فهد : ايوه يا مراد .
مراد : بقولك ايه . انا هانزل الاول بس انت هتنزل معايا.
فهد : اشمعنى يعني .
مراد : علشان انت دماغك ناشفه . قلتلك تعالى نطلع على المستشفى .. ونشوف جرحك ده لانه شكله عايز خياطه ويتعقم
فهد : على اساس انت مش مجروح . وانت دماغك انشف منى .
مراد : يا عم مالكش دعوه بيا وبعدين ده جرح بسيط في رجلي .. انما انت في كتفك وكمان ضربه سكينه . وكنت هاسيبك في المستشفى واخلع انا .
فهد : ياعم حصل خير . وبعدين الجرح مش باين . مراد : انت هتقولي . وطلع منديل خد اكتم الدم اللي نازل من كتفك ده .. انا غلطان اني سمعت كلامك . اطلع يابني على فيلا العدودي . وارجع انت.
فهد : مش هينفع يا مراد . الوقت متأخر.
مراد : وعلشان كده . تقدر تقولي مين هيعقملك جرحك وانت رايح على شقتك . وما تقلقش احنا عندنا ٣ في البيت دكاتره . فريحه ونور ورينو .
فهد : قلبه دق واتنهد ايوه يا مراد الساعه ١ بليل مش حلوه .
مراد : وحلوه يعني لما دمك يتصفى ..ولاد الكلب فجروا الاوضه بكل حاجه فيها .. الحمد لله اننا عدينا منها على .خير
فهد : الحمد لله .. كل ده بفضل ربنا . وانت . لانك شكيت في الظابط اللي كان معانا . ولو غير كده كان زمانا متفجرين ..
مراد : انا شكيت فيه من اول مره.
فهد : صح ما قلتليش شكيت فيه ازاي ..
مراد : ههههههههه. بيدخل الحمام كتير.
فهد : مش بهزر يا مراد.
مراد : ولا انا والله . انت مش ملاحظ انه كل شويه يقوم يدخل الحمام . وبعدها يقول انا طالع اجيب اكل . وباقي تصرفاته معجبتنيش . ولما حطيت في فونه جي بي اس وهو نايم .عرفنا تحركاته ....
..بس انت قلبك ميت ياض يا فهد . بقى لما تعرف ان في قنبله في الاوضه . وتعرف ان الظابط الل زرعها تقوم تكتفو تربطو وتقعدوا على القنبله . ههههههههه
فهد : واحنا هنحتاج من امه ايه تاني . كل المعلومات خدناها منه والفيديوهات والتسجيلات.
بس قولي .انت ليه قلت ل آدم اننا قبضنا على المجرمين ..
مراد : اتنهد . خلي بالك ابويا ما بيعرفش ينام كويس . بسببنا .. وعلى طول قلقان ... مش ابويا قلبه جامد .!؟ بس لحد عندنا قلبه بيكون احن من قلب امي نفسها .. انا قولتله كده علشان يتطمن .. ويطمن فريحه والعيله ..
فهد : وافرض ما كناش قبضنا على المهرب . وموتنا.
مراد : اهوه هيكون ابويا . ارتاح .ونام كام يوم كويس ..
..واتكلمو مع بعض . لحد ما وصلو فيلا العدوي .
مراد : انزل .
فهد : بلاش يا مراد .
مراد : ولا انا مش قادر اقف على رجلي انزل ..
فهد : نزل والدم نازل من كتفه من الخلف ..
ومراد اتحرك ورجله كلها دم ..ودخلو الفيلا بحرفيه.
ومراد قال .. فهد اقعد في الليفنج .. وانا هطلع لفريحه علشان ما حدش يصحى .. واخليها تنزل تشوفلك الجرح .
فهد : هات بس ازازة ميا قبل ما تطلع .
مراد : ماشي ياعم .ومراد داخل على المطبخ وشاف حد نازل من على السلم .. وكانت رينو ..
ولابسه بيجامه جميله . وشعرها مفرود معدي ضهرها كله .. وكانت نايمه لكن فاقت من غير سبب ونزلت تعملها كابتشينو .وتطلع تذاكر شويه.
.مراد : شاف اخته نازله . ومش عايز يخضها . وكمان فهد هيشوف شعرها ولبسها .. يعمل ايه.. يعمل ايه!؟ نده بهمس رينو .. رينو..
رينو :سمعت همس وبصت وهي على السلم . ومش شايفه حد ..
طبعا فهد : بخبرته . سمع همس مراد . ورفع عينه . وشاف . ملاكه الل نازله على السلم .. بالبيجامه وشعرها المفرود الطويل جدا واول مره يشوف شعرها من سنين وهي صغيره .. فهد نسي وجع كتفه وقام وقف .. وضربات قلبه عدت المعدل الطبيعي . وعينيه مفتوحه من جمال حبيبته . وهمس وقال رينو ..!! ...
مراد : رينو . بيس انتي يا بت انا مراد ..
رينو : بصت . شافت مراد واقف جنب المطبخ . وحطت ايدها على بقها ولسه هتنادي بصوتها كله.
مراد : شاورلها تسكت خالص .ونزلت تجري عليه .. واترمت في حضن مراد ..
..وفهد : طبعا قلبه مش ساكت وهيطلع حرفيا من مكانه .. وشعرها اللي خلاه يتوه
رينو : اترمت في حضن مراد بدموع .. ابيه مراد حبيبي وحشتني قوي قوي . الحمد لله اني شوفتك.
مراد : رفعها من على الارض . حبيبتي انتي اللي وحشاني قوي قوي قوي .. ونزلها ومسح دموعها. كفايه بقى دموع . انا همسح دموعك . ولسه دموع فريحه . ولسه دموع . مريم . ونور . اهمدو بقى ..انا مش جاي امسح هنا ...
رينو : ابتسمت . وباست مراد من خده . حبيبي يا ابيه نورت البيت كله .. حمد لله على سلامتك .. تعالى نقعد في الليفنج مع بعض .. وانا هاعمل اتنين كابتشينو واحكيلي كل حاجه.. وبعدها نصحى بابى ومامى هيفرحو اوى . وخصوصا بقى فريحه . ونور موجوده هنا مع أبيه محمد. وزين هيفرح اووى . ورتى كمان

مراد : شدها من ايدها . لالا انا مش عايز حد يعرف انهردا انى جيت . هعملها ليهم مفاجاه الصبح . ماشى .
رينو . اوكى حاضر يا ابيه .وجواها نفسها تسأله على فهد ..
مراد : لسه هيتكلم .وكانت ريتال نازله على السلم . ومعاها الببرونه .
مراد : ياااادى النيله . اهي بدءت تندع . رينو انا مش عايز حد يعرف فاهمه .
رينو : احم . متقلقش . انا هاقولها متقولش لحد . ولا حتى لا بيه زين
ريتال : نزلت وكانت لابسه إسدال .. وشافت مراد . واتفاجت وفرحت .. وابتسمت . مراد معقول . حمدالله على سلامتك .
مراد : الله يسلمك . ياريتال . انتى عامله ايه دلوقتي.
ريتال : الحمد لله كويسه .
مراد : حمدلله على سلامتك . ومبروك يتربو فى عزكو .
ريتال : الله يبارك فيك ...بجد مبسوطه انك رجعت بالسلامه ..ده زين هيفرح اووى . انا هروح اصحيه . وبتلف..
مراد : شاور ل رينو تتصرف.
رينو : راحت عليها . ريتال . ريتال .
ريتال : نعم يارينو .
رينو : همست بصوت واطى .. ابيه مراد مش عايز حد يعرف أنه جه انهردا . وعايز يعملها ليهم مفاجاه بكره .. . وغمزتلها . انتى فاهمه بقى صح .
ريتال : ابتسمت . حاضر مش هقول لحد . وبصت ل مراد حمدلله على سلامتك . مره تانيه يامراد . دى فريحه هتفرح اوووى . عن اذنكو .. انا هجهز الببرونه للولاد . ودخلت المطبخ .
مراد : ابتسم . ونفسه . يطلع لفريحته جري . ونسى فهد .
رينو : . انا مبسوطه اوى انى شوفتك . احم هو .... هو فهد كويس
مراد : باقولك ايه ..
رينو : نعم يا ابيه .
مراد : فهد هنا وقاعد في الليفنج ..
رينو : قلبها دق بسرعه . وسرحت . وعيزا تروح تشوفه .
مراد : رينو.... رينو انتي يا بت
رينو : ها ايوه . ايوه يا ابيه ..
مراد : بصي . كويس انك صحيتي . انتي تطلعي تغيري هدومك دي . والبسي حجابك . وانزلي علشان عايزك ...
رينو : ليه ياابيه
مراد : يا ستي اسمعي الكلام .. وهاتي علبه الاسعافات معاكي.
رينو : بخوف . واتخضت . انت كويس... فيك حاجه .. حصلك حاجه ..وفهد كويس ..فهد حصله حاجه ياابيه
مراد : يا بت افصلي .. يخرب بيت كده .. انا كويس .. بس في جروح بسيطه .. وهاتي معاكي قطن . بس اطلعي .. وهاتي مضاد حيوي اخلصي بقى ..
فهد : سامع الحوار . ولما رينو اتحركت . قعد بسرعه وكأنه مش شايفها ..وطلعت على السلم بتجرى . وفهد رافع عينيه وشاف شعرها اللي مغطى ضهرها كله .. وقلبه بيدق بسرعه كبيره .
مراد : جاب الميه : فهد باقولك ايه
فهد : قول
مراد : انا هطلع اشوف فريحه ومريم نونو . علشان وحشيني اوي ...ورينوجايه تعقملك الجرح . واتكل اشطا
فهد : احم . رينو طيب ما ينفعش تبعت فريحه . هي اللي تغير على الجرح . علشان لارين يعني ما تتحرجش وكده .
مراد : على اساس . رينو لما بتتدرب مع محمد . مابتشوفش جروح .. وبعدين ريتال موجوده . وهاقولها تقعد معاكو . وانا واثق فيك يا صاحبي .. يلا سلام ..
فهد : مراد رجلك بتنزف كتير . تعالى طيب . ولارين . تعقملك جرحك الاول . وبعدين انا .
مراد : بيبص على كتف فهد التيشرت بتاعك اتغرق . دم انا هابعتلك تيشرت مع رينو . وتغير في الحمام .. واوعى تقلع التيشرت ده قدام رينو . انت بالنقص . تقص مكان الجرح وبس فاهم ..
فهد : ما تقلقش ..
مراد : تغير وتخلع بقى .. انجز الساعه ٢ . وهبعتلك مع رينو تيشرت .و مفاتيح عربيتى تروح بيها .
فهد : ماشي يسطى تسلم
مراد : سابو وطلع .

وفهد : قعد مكانه ومستني معشوقته الصغيره ..

--------
فريحه نايمه وجنبها مريم في حضنها ...
.مراد فتح الباب بشويش ودخل عليها .. وقرب منها وشاف فريحته نايمه .. وكان باين على وشها انها معيطه .. مراد شال خصله شعر من على خدها . وقرب منها وباسها من خدها . وشاف مريم في حضنها وابتسم وقلبه دق .. كأنها فريحه الصغيره ومراد ...
وقام جاب تيشرت واخد مفاتيحه . وعطاهم ل رينو . وقالها . تغيرى على جرح فهد فى وجود ريتال .وتطلعى اوضتك بسرعه ... والمفاتيح والتيشرت ده اديهم لفهد .
ورجع تاني دخل الحمام بسرعه ياخد شاور ويطهر الجرح و يعقمه .. علشان فريحه وحشاه اوى .
------------
رينو : لبست بسرعه .. ولبست لبس بيتي وحجاب بيتي . ونسيت انها رشه عليه برفان .وكانت هتموت من القلق على فهد . واخدت المضاد الحيوي . وعلبه الاسعافات . واخدت المفاتيح والتيشرت اللي كان على التسريحه جنب ازازه البرفان . ونزلت بسرعه و قلبها بيدق ..ونزلت على السلم وعينيها على الليفنج بتدور .وشافت فهد . واقف بيتفرج على صورة العيله الكبيره .. وضهره ليها .... رينو وصلت الليفنج .. .وبلعت ريقها بصعوبه .. وندهت على فهد بصوت مبحوح ..ف... فهد..
فهد : سمع اسمه .. قلبه دقات وصلت ل رينو .. ولف ليها وشافها في ابهي صوره .. ولكن حب يثبت العكس .. نعم .
رينو : قربت برعشه . حمد لله على السلامه .. فهد مش مصدق انه بيتكلم مع حبيبته ولوحدهم . الله يسلمك .. وحاول يبقي جامد وكمل .. الله يسلمك يا انسه لارين ...
رينو : عندها توتر ولخبطه .. احم .. مو ... ابيه مراد قال انك مجروج .. ا..اتفضل اقعد علشان اعقملك الجرح وهي قعدت على الكنبه ..
فهد : راح قعد على الكنبه جنبها ..
رينو : قلبها دق . وتوترت . وارتجفت .
فهد : قعد وباصص قدامه . وبلع ريقه وبينظم انفاسه ..
رينو : بقلق . لكن بصت على ايده مفيش اي جرح وبصت على وشه . مفيش جرح .. خافت اكتر .. فهد انت مجروح فين ..
فهد : لا اراديا .. في قلبي . وبصلها ونص ابتسامه.
رينو : عيونها دمعت بسيط .وسكتت.
فهد : في كتفي . وانا طبعا مش هينفع اقلع التيشيرت لو معاكي وما كملش ....
رينو : بسرعه فتحت العلبه . لانها شافت التيشيرت الاسود بيلمع من الدم ..رينو جابت المقص .. برعشه واول محطت ايديها على تشيرت فهد .. غمض عينيه وجسمه اتشد . واتنهد وخرج نفسه ببطء ...
.ورينو قلبها بيدق جامد .. وبتترعش لكن التيشرت مبلول كأنه في المطر .. وقصت التيشيرت . وشهقت لما شافت الجرح . وكان جرح كبير كمان . كأن حد معوره بسكينه كبيره.. رينو المقص وقع من ايديها وحطت ايديها على بوقها .. ودموعها نازله .
فهد : بص عليها وشاف دموعها وادايق .. يا ترى الخوف ده ... خوفك من الدم ..ولا خايفه عليا . بس انتي دكتوره . واكيد بتشوفي الدم .. واحتار لان دموعها نازله في صمت .. وقالها لو مش هتقدري .. مش مشكله .. انا اساسا مش عايز ه اعقمو .
رينو : غمضت عينيها . واخدت نفس عميق . وجابت القطن .وبدات تنظف كتفه من الخلف ودموعها نازله . وبعدها بالكحول . ولما مسحت الدم شافت عمق الجرح . وكان عايز خياطه . طلعت حقنه البنج برعشه . انا هاديك بنج موضعي علشان ما تحسش بالوجع .
فهد : ابتسم : وهز راسه . لان الوجع الل جواه . اكبر بكتير ...
ورينو : ادتله البنج . وقلبها بيتقطع . وبدات تخيط في الجرح ..وايديها بتترعش .. وقلبها وجعها قوي ..وكل شويه تحاول تتنفس كويس . وتمسح دموعها .
.. وفهد باصص قدام ومش شايف عيون لارين . الل بقت زي الدم من كتر الدموع اللي نازله في صمت .
لكن هو مركز وتايه مع لمسه ايديها . ومغمض عينيه وبيستنشق برفانها . الل تاااه فيه . وبيتخيل رينو معاه في بيت واحد . وراجع تعبان وهي تهتم بيه زي دلوقتي . هو كان عايز اهتمام بحب . مش قرابه وواجب وبس ...
رينو : خلصت خياطه ورشت مضاد حيوي على الجرح . وغطتته بالشاش واللزق ..ومسحت الدم اللي حوالين الجرح بكحول ...
وقالت لفهد بشهقات بسيطه ..انا خلصت ... وبيلف ليها علشان يشكرها ..وشاف كميه الدموع الل نازله من عيونها ..وعينيها حمرا من العياط .. واتخض عليها وخاف...
فهد : رينو انتي كويسه .
رينو : رفعت عينيها في عينيه بدموع .. لانه اول مره يقول اسم . رينو من اكتر من ٣ سنين .. وقلبها دق . وكان نفسها تقوله .. لاء مش كويسه يا فهد ..وان جرحه وجع قلبها قوي ..وان قلبها ماكانش مقبوض من فراغ ... وعيطت ودموعها نازله ...
فهد : مش عارف يعمل ايه و محتار ..بس . بس انتي بتعيطي ليه دلوقتي.
رينو : قامت واتحركت خطوتين . وبتعيط بحرقه وجع السنين .الل فاتت .. هي مش بتعيط على جرحه وبس . لا هي بتعيط على حاجات كتير لان فهد امانها. واللي كان بيحبها حست انه ضاع من بين ايديها .. بسبب الكبرياء اللي عندهم ... وعيطت بصوت وشهقات .
فهد : شاف ريتال فى المطبخ وضهرها ليهم ... ومش عارف يعمل ايه .. ومتدايق لدموعها . وخايف يقرب منها ويضمها فى حضنه . رينو تفهم غلط ... فهد قلبه مش مستحمل .. قام واتحرك جمبها .....
رينو : سابت فهد . وطلعت تجري من قدامه.
فهد - نده عليها رينو .. رينو...
رينو : ما ردتش عليه وطلعت على السلم تجري .. ودخلت على اوضتها ....
فهد : واقف في الليفنج واتنهد ...ومش عارف يعمل ايه . ومخنوق ..لدموعها .. قفل علبه الاسعافات وشاف التيشرت اللي كان حطاه على حجرها وواخد من برفانها ... واخده وقربه وشمه وكان فيه برفانها.
واتنهد . واخد التيشرت في ايده . والمفاتيح. وخرج علشان يروح شقته ويعيش على ذكرياتها وركب عربية مراد . ولبس السلسله . واتحرك . ومتلخبط . من جمال معشوقته وكمان دموعها الل بتحرق قلبه.

------------------بقلمى Mariem Nasar

رينو : دخلت اوضتها وقفت ورا الباب . بشهقات . وحطت ايديها على بقها علشان تيم ميصحاش . ونزلت بضهرها ورا الباب وقعدت على الارض وبتعيط ... وحشتني قوي قوي يا فهد . اااه وحشتني قوي. . والله العظيم وحشتني وعيطت كتير جدا.

---------------

في نفس الوقت . مراد دخل الحمام وقلع هدومه ووقف تحت الدش .. والدم نازل من رجله .. وخلص وعقم الجرح لانها كانت طلقه رصاص لكن الحمد لله عدت من الجنب .. ورش مضاد حيوي وعقم كويس ولفها بالشاش والقطن ولزق ... ولبس بنطلون عشان فريحه ما تقلقش .. وما يقطعش سحر اللحظه الل هتكون بينه وبين فريحته .. وخرج من الحمام .واتحرك وراح قعد جنب فريحته . وحط ايده على خدها .وقرب منها بحب واشتياق . وباسها من شفايفها . وحاول يفوقها .. فريحه فريحتي بت قومي.
فريحه : فتحت عينيها .. وفكرت انها بتتخيل واتنهدت .. وغمضت عينيها تاني ..
مراد : ابتسم . وقرب من شفايفها . وبدا يفوقها بطريقته .. وفاقت واتعدلت . وكانت هتصرخ من الفرحه ..
مراد : حط ايده على بقها .. اسكتي ...وبتحذير .. عارفه لو مريم صحيت !؟ هنفخك ... اهدى كده ..
.ايوه . انا مرادك .. وجيت امتى !؟ لسه جاي من شويه .. وعملت كده ليه !؟ عملتهالك مفاجاه .. وفهد اخوكي تمام . ولسه مروح على شقته .. وعارف اني وحشتك قوي .. وكل حاجه تمام ....و
. دلوقتي انا هشيل ايدي من على بوقك .. لو اتجننتي وصرختي . ماتلومنيش الا نفسك ماشى
.. فريحه : بدموع هزت راسها .موافقه..
مراد : شال ايده . وفريحه حضنت مراد وكلبشت فيه .. ودموعها نازله كأنها لقت ابنها بعد غياب.. وعيطت عياط هستيري .. ومراد قلق عليها . وحس ان فريحه عياطها المره دي مختلف .. مسد على ضهرها ..بس . بس ايه يا فريحه العياط ده ؟ اهدى يا حبيبتي . مالك .!؟ وخرجها من حضنه وشاف وشها . وحس فعلا ان فريحه مجروحه من حاجه..
. مراد اتحرك وقام . وشال مريم الصغيره . ونيمها في سريرها . ولف لاقاها واقفه وجريت عليه . وتشعلقت في رقبته ..
. مراد : رفعها من على الارض ودفن وشه في شعرها وبيشم فى ريحتها الل مشتاقلها . ونسي وجع رجله .
بس . بس اهدى علشانى انا .. في ايه انا اول مره اشوفك بتعيطي كده .. وخرجت من حضنه .. ومراد نزلها وشالها نيمها على السرير .. وهو قاعد جنبها واخد راسها في حضنه .. احكيلي مالك بقى . حاسه بايه .
فريحه : بشهقات . وحشتني قوي يا مراد .. اربع شهور وانت بعيد عني 130 يوم . يا مراد . وانت بعيد ومش موجود .. بشتاقلك كتير وانت مسافر.. ولما احتاجلك واتصل بيك مش بلاقيك علشان شغلك .. وماعرفش ارقامك غير لما انت تكلمني .. وبالصدفه مره او اتنين ترد عليا .. انا تعبانه قوي يا مراد من غيرك .. ارجوك خليك جمبي ومعايا . ارجوك يا مراد .. وكانت بتعيط وبتتكلم وسط شقهات ..
مراد : بس . بس يا قلب مراد . اهدى يا ستي حاضر اخدلك اجازه بس كده.. انا تحت امر فريحت قلبي.
فريحه : اتعدلت .. بفرحه . بجد هتاخد اجازه علشاني انا يا مراد ..
مراد : استغرب فريحه بالشكل ده . وقلبه وجعه عليها ..وكانت كأنها وحيده بجد .. وقالها . فريحه انتي حد زعلك هنا في البيت .!؟
فريحه : مسحت دموعها .. لا ابدا يا مراد . بس ....
مراد : اتعدل وحط وشها بين ايديه وباس جبينها. بس ايه يا روحي اتكلمي ..
فريحه : بدموع . ومراد ماسك وشها .. كل واحده معاها جوزها . وانا لوحدي يا مراد .. انا كل وقت بتخيلك بتاكلني وبتفسحني . بتخيلك في حضني .. انا مشتقالك قوي يا مراد .. انت قبل كده طلعت مهمه بعد حملي في مريم .. وما شوفتكش غير يوم الولاده.. مراد انا محتاجالك قوي ..
مراد : اخدها في حضنه . وربت على ضهرها . بس يا روحي . انا معاكي اهو وهاحاول صدقيني على قد ما اقدر حاضر . ومسح دموعها . وفضلت في حضنه فتره ..ومراد اشتاق لفريحته .. هو انتي مش بتقولي مشتقالي ...
فريحه : هزت راسها ايوه ..
مراد : طيب ايه بقى . مش هتوريني الاشتياق ده.
فريحه : ابتسمت . بس مريم موجوده ..
مراد : مريم في سريرها . وبعدين هي بعيد وفي ستاره ثواني هاقوم اشد الستاره .. وقام وشد الستاره ورجع لفريحته . وكان مشتاقلها وهي هتتجنن عليه .. وباسها من شفايفها بوسه رقيقه . وقالها بصي بقى . انا عايزك تعرفي اني جنبك في اي وقت . واي مكان .. حتى لو في اخر الدنيا انتي فريحت قلبي ...بس عارفه انا زعلان ..
فريحه : زعلان من ايه .
مراد : كنت جايبلك هديه ووقعت مني .
فريحه : مش مهم . المهم انت موجود معايا.. وقربت منه .. ومراد قرب منها .. وفريحه هتعوضه ال 130 يوم غياب ...
-------------
طبعا فهد روح الشقه .. وغير هدومه .واخد مسكن. ونام على السرير .. وماسك التيشيرت اللي فيه برفان حبيبته.. وماسك السلسله اللي في رقبته . وفتحها واتنهد وقفلها من تاني .. وكان نفسه يطمن علي رينو . لانه قلقان عليها .. ولما شاف دموعها حرقت قلبه .وكان مخنوق. وفكر في رينو كتير لحد ما نام وهو ماسك التيشرت ..
------------

رينو طبعا .. قامت من مكانها .. ونامت على السرير بدموع هستيريه .. وعياط كتير مختلط بفراق ووجع قلب علي ٣ سنين واكتر فراق ... يا فهد قلبي وجعني قوي يا فهد وعيطت كتير وكانت نايمه على السرير وحضنا نفسها .. ومن كتر العياط استسلمت للنوم..
---------------
تاني يوم الصبح عند آدم

مريم : نزلت وسعاد جهزت الفطار هي والبنات .. والكل نزل علشان يفطر مع بعض الا . رينو وفريحه لسه منزلوش.
وقعدو
زين وريتال .. ومحمد ونور .. وآدم ومريم ...
آدم : فريحه لسه نايمه .
مريم : خبطت عليها ما ردتش قولت اسيبها براحتها ..النهارده اجازه.
آدم : ورينو ...
مريم : هترد شافت رينو شايله تيمو ونازله .. اهي نازله اهي
رينو : نزلت وعيونها تغني عن السؤال ..
..ومريم : قلقت عليها وسالتها بخوف مالك يا رينو . ومال عنيكى .
رينو : ما فيش حاجه يا مامي ..

مراد : على السلم .. صباح الخير على الكل ....

الكل بص على السلم . واتصدمه بفرحه .. واتفاجأو.. ومريم وكلهم فرحو قوي
.. ومريم حطت ايديها على وشها . وبدموع.. .مراد .
. وزين ومحمد قامو .. وآدم قام من مكانه قلبه وبيرقص .ونور اللي كانت مبسوطه . ورينو ابتسمت
مراد : نازل على السلم . وشايل مريم وماسك ايد فريحه . ونازل بيها ..وفريحه حست ساعتها انها مميزه . ومفيش حد في سعادتها ..
مراد : نزل ومريم امه مش مصدقه .. مراد ساب مريم نونو مع فريحه .. وراح على امه وحضنها .. ومريم عيطت فى حضنه . مرادى حبيبي ابنى . وحشتنى اوى يانور عيني ...وبدموع خرجت من حضنه وباست جبهته . وخدو . ومكنتش مصدقه .. مراد . باس ايديها الاتنين .. حبيبتي يامريومه . والله انتى الل وحشانى مووت . وحضنها تانى .
مريم : بتحسس على ايديه وصدره . حبيبي انت كويس . حصلك حاجه . اتأذيت يانور عيني . قولى ريح قلبى .
مراد : باس راسها . حبيبتى . اهدى انا كويس اوى ومفيش اى حاجه . انا زى الفل . اهو قدامك .

... الكل كان متفاجئ .. لان مراد كان هيجي النهارده بالليل ...
مراد راح يسلم على آدم .. وباس على ايده بحب .. وادم اخدو فى حضنه . ربت علي كتفه وضهره . وبيكابر دموعه ..
مراد : سلم على محمد وحضنه
محمد : حمدلله على سلامتك يامراد .
مراد : حبيبى الله يسلمك يادكتور .
زين : حضن مراد . بحب الاخ . حمدالله على السلامه ياخويا .
مراد : ربت على كتفه . الله يسلمك يابو اريان . والف مبروك ويتربى فى عزك يارب . وليا قاعده معاهم .
زين : الله يبارك فيك يامراد ..
.. وبعدها سلم على نور . وحط ايده على بطنها وضحك واد ولا. بت ..
نور : بدموع . تمارا ..
مراد : سلم علي ريتال تانى .. مبروك يامراة اخويا ظربتى بالسلامه هههه
فريحه : بس اللي ضحكت .والكل مستغرب الكلمه ..
مريم : يعني ايه ظربتى دي يا مراد ..
مراد : هههههههههه الله يمسيك بالخير يا عوض .
عقبالك يا نور لما تظربي تاني بطن ههههه.
فريحه : هههههه .... والكل مش فاهم ..
مراد : بعدين . بعدين ..
مريم : حمد لله على سلامتك يا حبيبي
مراد : الله يسلمك يا قلب مراد وبص ل آدم وحشتني يا حاج .
آدم : اخد مريم نونه من فريحه . وابتسم حمد لله على سلامتك يا بطل ..
مراد : اوعا تكون دي معاكسه .. كلهم ضحكوا
آدم : طبعا وصلت امبارح بليل . كالعاده
مراد : ايوه ياحاج .
آدم ومريم : وفهد عامل ايه .
مراد : فهد تمام اوى جه معايه امبارح . وروح بعربيتى ..
مراد : حرك الكرسي . وشاور لفريحه .. وفريحه اتحركت وكانت مبسوطه قوي .وقعدت
مريم : بصت على رينو الله .!!! مالك يا رينو . مش طبيعيه . وما سلمتيش على اخوكي مراد ليه وفين اللهفه بتاعه كل مره ..
مراد : لا يام مراد . رينو . اول واحده سلمت عليا امبارح ..
آدم : يلا بقى الكل يقعد وافطرو .. والكل قعد .
ورينو . نفسها تطمن على الفهد . ومثلت انها بتفطر . وخلصت . واستاذنت وطلعت اوضتها ...
..ومحمد وآدم ومريم زعلانين على رينو ..

الكل فطر . آدم . مراد تعالى عيزك في المكتب .
مراد : حاضر ياحج . ودخلو المكتب
آدم : قعد على كرسي المكتب . وشاور ل مراد يقعد .وقعد ..
آدم : ها . يابطل . احكيلى . بقى كل حاجه .
مراد : كل حاجه !!؟ حاجة ايه ياحاج !؟
آدم : يعنى . عملت ايه . وايه الل حصل . واتجرحت في رجلك ازاى . وياترى فهد اتجرح زيك .
مراد : بدهشه . انت . انت عرفت ازاى ياحاج .
آدم : قبل ماتكون انت ابنى . انا كنت مقدم . شرطه . وعندى قدره اكشف كل حاجه .. وعرفت انك مجروح . من طريقة نزولك على السلم . ها قولى بقى واحكيلى . بس قبل ماتحكيلى . جرجك عميق . مراد : لا يابابا اطمن جرح بسيط .
آدم : طيب انا سامعك ..
مراد : حاضر ياحاج .. ومراد حكالو كل حاجه .. وازاي هو وفهد اتصابوا .. وقال ... ان مراد كان واقف بعيد بعد ما خرجنا من غرفه المهرب .. سمعنا ضرب نار .. وجرينا نجيب السلاح .. وكان ناس كتير .. و رصاصه طايشه جت جنب رجلي . ولكن الحمد لله ما جتش في العضم .. وفهد جري عليا .. وبيسندني . وبيسالنى انت كويس .. سمعت الفهد مره واحده بيصرخ .. و كان في واحد معاه سلاح ابيض وضربه غدر فى كتف فهد من الخلف .. وفهد سابني وجري وراه .. وجابو .. وفهد مسك السلاح اللي كان معاه وطير راس الراجل ده .. وجرينا وهربنا بالادله .. وكنت من البدايه .شاكك فى الظابط التالت . اللي معانا وطلع خاين . وشغلنا كارت الذاكره . وشوفنا الخاين ده . وسمعنا اتفاقه انه هيزرع قنبله في اوضتنا .. وفعلا دورنا ولقيناها .. كل ده كان في ساعه واحده .. وانا ضربت الخاين . واغمى عليه . ولسه هنطلع وبقول لفهد يلا مفيش وقت .. لقيت فهد ربط الخاين وقعدو على السرير اللي تحته القنبله .. وجرينا بالادله . والاوضه انفجرت .. وجت طياره هليكوبتر . واخدتنا للمطار .. وركبنا .. ورجعنا الحمد لله . امبارح بالليل .وجيت على هنا الساعه ١ . انا وفهد . وكانت رينو وريتال صاحيين.
آدم : فيهم طبعا سر دموع نوتيلا البيت . اللي بترسم انها مبسوطه واتنهد ..
آدم : قام من مكانه . وقرب من ابنه وضمه بحب . وبتنهيده . حمدالله على سلامتك يابنى .
مراد : حضن ابوه بحب . الله يسلمك يابو مراد .
آدم : خرج من حضنه بابتسامه . انا متأكد انك قد المسؤليه . وراجل ويعتمد عليك . انا ديما بفتخر بيك . انت وفهد
مراد : ربنا يخليك لينا ياحاج . وإن شاء الله هتكون ديما فخور بيا انا وفهد ..
وآدم خرج من المكتب مع مراد

مراد : راح ل فريحه ... يلا يا فريحه على شقتنا
فريحه : استغربت شقتنا .!!
مراد : بص لابوه بعد اذنك يا حاج . انا هاخد ومكملش ......
آدم : طلع المفاتيح عربيته ل مراد .. واخد مريم من فريحه ... وقال . سيب مريم معايه هنا . وخد عربيتى . واتكل انت ...
مراد : عسل .. والله يا حاج .. ربنا ما يحرمنا منك ولا من مريوم .
آدم : وما تتاخرش علشان زياد هيكون موجود في الحفله
مراد : ايه ده !! زياد هو رجع امتى.
آدم : من اسبوع . والكل عرف ان زياد رجع ..
مراد : والله .. ده زياد واحشني .. خلاص يا حاج انا هاكون موجود على الساعه ٨ كده ..
آدم : تمام . عموما زياد الساعه ٧ هيكون موجود.
مراد : تمام يلا يا فريحه ...
مريم : استني يا مراد يا حبيبي . خد العلبه دي معاك
مراد : ايه دي يا ست الكل ..
مريم : ده غدا ليك انت وفريحه .. احنا ما صدقنا شوفنا ضحكتها من تاني .
فريحه : حضنت مريم .. حبيبتي يا ماما ربنا ما يحرمنا منك ابدا ...
مراد : تسلمي يا قلب مراد .. واخدها منها العلبه .. واخد فريحه على شقتهم و هيقضي يوم عسل ...
-------------
.هدى : حبيبي زياد .. انا هاروح ل عمتك مريم وعمك آدم . مش حلوه نروح في ميعاد الحفله .
زياد : حبيبتي يا هدى . الساعه كام ..
هدى : الساعه ٣ يا روحي . انا هانزل انا وابوك حسام وانت حصلنا وقت ما تحب .
زياد : طيب تمام . انا هانام شويه .وهاكون موجود على الساعه ٧ ان شاء الله .
هدى : ماشي يا نور عيني . يلا سلام .
زياد : مع السلامه .. ونام على السرير وماصدق لانه طول الليل سهران وبيفكر في ماليكته ونام ..
-----------
وبعد فتره..
ملك : لبست وجاسر ومالك ..

جاسر : راح الاوضه ل ماليكه يشوفها جهزت .. لان ملك ما بتتعاملش معاها من يوم . زياد ما كان جايبها نص الليل ...
جاسر : ماليكه جهزتى
ماليكه : ايوه . احم بابي .
جاسر : ايوه يا ماليكه.
ماليكه : بابي في مشوار صغير عايزه اعمله قبل الحفله ممكن ..
جاسر : بقلق . هتسهري تاني يا ماليكه ..
ماليكه : لا والله يا بابي . انا بس هاعمل مشوار نص ساعه ودلقتى الساعه ٦ . الساعه ٧ هابقى في الحفله ارجوك يا بابي ..
جاسر : ساكت ومردش . وبيفكر يثق في بنته ولا لا !؟ وشايف ان ماليكه بقالها اسبوع ماخرجتش من البيت .. ولو عايزه تخرج . هاتخرج . وكمان مرحتش شغلها . .. ممكن اعرف مشوار ايه!؟
ماليكه : والله يابابي مشوار مهم . ومتقلقش . صدقنى ارجوك .
جاسر : اتنهد . ماشي ياماليكه . لكن صدقيني لو ماجيتيش في الميعاد ما تزعليش من الل هاعمله فيكي.
ماليكه : شكرا يا بابي بجد شكرا واخدت الشنطه وخرجت ...
.وجاسر شرح ل ملك .... وملك زعلت . وقالتله كنت ارفض بنتك عمرها ماهتتغير . وجاسر وضحلها . انها اول مره تستأذن ولازم يثق فيها ... وكلهم اتحركو على الحفله ..
-------------
زياد في شقته بيلبس . وفاضل اللمسات الاخيره والجاكيت .. ورش برفان .. والباب خبط واستغرب ..! لكن راح فتح الباب ..واتفاجئ .. انتي .!؟
ماليكه : شافت زياد . لاول مره من . اكتر من ٣ سنين . وسرحت قد ايه كانت غبيه . وشافت زياد . فى صوره مختلفه ..وجسم مختلف ... وبلعت ريقها ومش عارفه تتكلم .. هي ما عندهاش فن التعامل حد ... احم . ممكن ادخل .
زياد : ساب الباب مفتوح ودخل ...
ماليكه : دخلت وقفلت الباب .. ازيك يا زياد ..
زياد : غمض عينيه .. وقلبه بدأ ف انه ينبض من تاني .. لانه من زمان قوي ماسمعش اسمه من ماليكته .. واتنهد وفتح عينيه .ورد ببرود . كويس.
ماليكه : راحت وقفت قدامه . ومش عارفه تتكلم . اول مره تحس فعلا ان شخصيتها ضعيفه .. وبتبص على زياد . وبتحفر تفاصيله جواها .
زياد : خير يا انسه ماليكه جايه ليه .
مليكه : احم . ا.اانا .. ا.اانا وسكتت.
زياد : بصوت جهوري . انتي ايه .. جايه ليه.
مليكه : انت بتزعقلي يا زياد .علشان جيالك برجلي وقولت افهم منك .
زياد : تفهمي .!! تفهمي ايه. يا ماليكه هانم .
مليكه : اتغاظت . من اسلوبه . افهم . انت سافرت ليه !؟ وسافرت فين !؟ وجيت امتى .. كنت فين كل السنين دي ..
زياد : ههههههههههههه .
ماليكه : مستغربه !! انت بتضحك .
زياد : ايه بلاش ..اصل انتى بتسالي اسئله سخيفه.
مليكه : انت بتكلمني انا كده يا زياد .
زياد : اووووو . سوري وقرب من وشها .. نسيت انك ماليكه الصاوي . بنت جاسر الصاوي . حفيده حسين الصاوي. من نسل عائله الصاوي المحترمه .وريحة برفانها اخترقت قلبه.
ماليكه : بصتله بدهشه . ومش مصدقه اللي قدامها ده زياد .. اللي كان بيلبى كل طلباتها . وبيحترمها.
زياد : ايه بتبصيلي كده ليه !؟ اتغيرت مش كده!؟ .. وكل ده بفضلك يا ماليكه هانم .. وعموما هاريحك.. سافرت ليه !؟ سافرت علشان اثبت نفسي لاني وجودي جنبك كان مخليني في الارض !؟ سافرت فين سافرت فرنسا وشوفت الدنيا .وفتحت شركه تصدير واستيراد . ورجعت امتى !!؟ مش شغلك.
ماليكه : زياد . لو سمحت اتكلم باسلوب احسن من كده . انت بتتريق في كلامك.
زياد : هههههههههه . انا مش مصدق . انتي اللي بتتكلمي كده . فين مليكه المتسلطه المتكبره .. فين ماليكه اللي خلت الكل يطمع فيها .. وزعق فيييين الخروجات اللي دمرتك هاااا.
ماليكه : زياد انا عايزه افهم . انا شوفتك . وبابي قال انك جبتني في نص الليل . انا عايزه افهم . انا مش فاكره حاجه . ولا عارفه انا وصلت ازاي . انا عايزه افتكر .. واخر حاجه فاكراها ...ومكملتش....

زياد : وهي بتتكلم افتكر ايمن . وانه قلع التيشرت. وكان ماسك شعرها .وبيقرب عليها وهي نايمه فى السرير ..والدم غلي فى عروقه ... مش فاكره ..
وقرب منها . ومسك دراعها بقوه..
ماليكه .. اااه زياد . دراعي اااه .
زياد : مش فاكره .عايزه تفتكري اييييه .ها. تفتكري انك بقيتي واحده رخيصه . ورخصتي نفسك .. تفتكري ان صاحبتك باعتك وقبضت تمنك ..وصاحبك اخدك شقه مشبوهه . وكان عايز ..... وزقها ..انتي جايه ليه . جايه لييه .. انتي واحده طمعتي الكل فيكي . ومسكها تاني ايه لبسك ده !!؟ ومسك شعرها... ايه شعرك المكشوف ده !؟ جسمك ده متحدد في اللبس ليه !!؟ علشان ايه !؟ بتلبسي ضيق لييه وانتي خارجه !؟ عايزه الشباب يبصو على جسمك المتحدد ده !؟ ولا عايزاهم يعكسوكي وانتى تفرحي !؟ عايزه ايه بالظبط !؟ انتي مفكره بلبسك ده . انهم هيقولو عليكي شيك ومن عيله !؟ لا يا ماليكه هانم للاسف .. هيتقال عليكي اسوا من كده بكتير... انتى رخصتى نفسك فاهمه . وزعق جامد . رخصتى نفسك ياماليييكه .
ماليكا : واقفه ومصدومه . وعيونها بتروح وتيجي . ومصدومه من زياد الجديد .. اللي قدامها وماسكها بقوه . وناسي ان الل قدامه حبيبته. حتى لو متكبره ومغروره . بس دي روحه .
ماليكه : انت بتقول ايه يا زياد .انا رخيصه .انا . وصحبتي مين الل باعتنى .
زياد : صاحبتك مين !!! وراح جاب فونه وفتح فيديو .. قالها شوفي صاحبتك مين ..
ماليكه : شافت الفيديو . وحطت ايديها على بقها . واتصدمت لما شافت صافي بتشاور ل أيمن
وبيدلها ظرف .. وايمن شد مليكه من ايديها وركبها العربيه ...
زياد : بعدها رمى الفون على الكنبه . شوفتي صحبتك مين الل باعتك وقبضت تمنك !؟ . شوفتى تمنك رخيص قد ايه يا ماليكه . وقرب منها بغل .. بس لو على التمن يا ماليكه انا ممكن ادفع اكتر .. صدقيني هتبقي مبسوطه قوي ومش هتندمي .
ماليكه : قلبها دق بخوف . وتاهت . ومش عارفه تتكلم . وبصت ل زياد في نظره عمره ماينساها . بتقوله انها مغروره . بس مش رخيصه يا زياد .. وحاسه انها مش قادره تتكلم وصدمتها في صديق الطفوله . كبيره . وبصت فى عينيه وكل الل قالته . شكرا يا زياد ... وسابته ومشيت .
زياد : ضرب الحيطه اللي جنبه بايده . ولعن نفسه . غبي . غبي . مكنش لازم تتكلم معاها كدا .

ماليكه . خرجت تايهه . ومش عارفه تروح فين
----------------
عند آدم

.. الحفله بدأت .و كلهم موجودين : وزياد وصل فى الميعاد . والكل رحب بيه وسلمو عليه وكان وجوده في الحفله مميز . وآدم كان فخور بيه .. وزياد كان بيمثل انه مبسوط .. ومراد جه وفريحه كانت حاسه انها ملكه الحفله بوجود مراد جمبها..
ورينو.. نزلت بحزن . لكن برضه عيونه 

موعد الحلقة الجديد الساعة ( 4 م ) يوميا ان شاء الله .

الى هنا تنتهى احداث رواية جريمة عشق الجزء الثانى الحلقة 24 ، يمكنكم اكمال باقى احداث رواية جريمة عشق الجزء الثانى الحلقة 25   أوقراءة المزيد من الروايات المكتملة فى قسم روايات كاملة .

نأمل أن تكونوا قد استمتعتم بـ رواية جريمة عشق ج2 ، والى اللقاء فى حلقة قادمة بإذن الله ، لمزيد من الروايات يمكنكم متابعتنا على الموقع أو فيس بوك ، كما يمكنكم طلب رواياتكم المفضلة وسنقوم بوضعها كاملة على الموقع .
تعليقات



حجم الخط
+
16
-
تباعد السطور
+
2
-