نقدم اليوم احداث رواية جريمة عشق الجزء الثانى الحلقة 15 من روايات مريم نصار . والتى تندرج تحت تصنيف روايات رومانسية ، والتى نالت اعجاباً شديداً بين القراء سواء واتباد أو فيس بوك . نرحب بكم فى موقع مجنونة عشاق روايات موقعنا ، هنا سوف تجد كل رواياتك : روايات رومانسية ، روايات رومانسية مصرية ، قصص عشق ، قصص قصيرة ، قصص حب ، روايات pdf ، روايات واتباد ، قصص رعب ، روايات رومانسية كوميدية .
جريمة عشق 2 الحلقة 15
تعد رواية جريمه عشق واحدة من اجمل روايات رومانسية والتى نالت شهرة كبيرة على صفحتنا على الفيس بوك وعلى الموقع وهى من روايات مريم نصار ، نتمنى لكم قراءة ممتعة ، كما يمكنكم تنزيل رواية جريمة عشق pdf كاملة من خلال موقعنا .
يمكنكم قراءة احداث رواية جريمة عشق كاملة بقلم مريم نصار من خلال موقعكم مجنونة رواية من خلال اللينك السابق ....
روايه جريمة عشق الجزء الثانى الفصل الخامس عشر
الحلقه ١٥
رواية جريمة عشق٢
(عشقتها منذ نعومة أظافرها)
بسم الله نبدأ
طبعا عدي اسبوع على ابطالنا الحلوين .
آدم : لسه زعلان لكن من جواه ومش مبين زعله قدام حد .. ومريم طبعا عارفه انه زعلان وحاولت على قد ما تقدر .. لكن هو مش مديلها فرصه انه يعترف انه زعلان . واغلب الوقت بيقضيه في الشركه وفي مكتبه . .
.رغم ان مراد مش زعلان منه .. لان مراد عارف ان والده كان بيهزر مش اكتر..وان آدم هدده اكتر من مره انه يبعد ولكن مراد كان بيعاند
اما مراد : طول الاسبوع ده .. ما اتصلش على فريحه .. ولا كلمها رغم أنها وحشاه اوى . لكن استغرب عدم اتصالها . وبيفكر أنه يقطع اجازته ويرجع الحربيه تاني ... وطول الوقت بيطلع غيظه من فريحه وزعلها .. في الجيم ..
اما فريحه : على طول زعلانه وسرحانه . وحاسه انها وحيده . ومش عارفه تذاكر ولا تعمل اى حاجه واخر تدريب ليها . جابت فيه درجات وحشه ..وبتحاول تدراى حزنها قدام العيله . وبتعيط كتير لانها كل يوم منتظره اتصال من مراد . او يجيلها على الكليه ...لان طول ما مراد في الكليه بتاعته ما بتتكلمش معاه غير في الاجازات وبس ..
---------بقلمى Mariem Nasar
اما لارين : ركزت في دراستها .. وعايزه تثبت نفسها.. وبتحاول ما تفكرش في فهد كتير .. لكن كل اللي هي مستغرباه ان فهد ما ظهرش طول الاسبوع ده .. هي جواها نفسها تطمن لكن لا عمرها ما هتعمل كده ابدا..
وفي نفس الوقت . زعلانه من اهانتها ل فهد .
----------
اما رودي : على طول سرحانه .. في فارس ..وفرحت جدا لان لارين عزمتها على الحفله بعد بكره .. وسبب فرحتها .انها عرفت ان فارس هيكون موجود .. رودي بتفكير يا ترى هي حبت فارس .. ولا ده مجرد اعجاب .. لكن قلقت من كلام رينو لما كانت بتقولها في المستشفى .. ان فارس مابيحبش يتعامل مع البنات وعايش في حاله ..
------------
اما ساره : ابتسام . وسوزى . بيخطاطولها .. انها تقرب من جاسر وتوقعه في حبها .. علشان قريب تمضيه وهو واثق فيها ... لكن ساره كل ما تحاول تقرب من جاسر متعرفش . لانها مش بجرأة . سوزى . لكن ساره متعرفش إن امها تعمل كدا ف الحقيقة واكتر .. هي مفكره امها بتفكر بالطريقه دى لانها محروقه من جاسر وأنه السبب ف قتل جوزها ..ومن ضغطهم عليها انها تقرب منه. حاولت تانى وفشلت ومعرفتش لانها.
بتشوف قدامها راجل بيحترم العلاقات جدا .. وان ملك مراته . لما بتروح عنده الشركه مابيكونش شايف حد غيرها ... وكمان . جاسر عرف ملك على ساره ... وملك رحبت بيها جدا بكل حب .. لأن جاسر حكالها أنه متأكد من ان مالك معجب ب ساره . وملك عاملتها بكل احترام ... هنا ساره فكرت ازاي واحد بالشر ده . مراته تكون محجبه ولبسها محترم كده .. عكس ماما .. وازاي جاسر ده بيصلي الصلاه في وقتها ... وبيقفل المكتب و ينزل يصلي في المسجد .. وازاي واحد بالشر ده بيدء شغله في الشركه بانه يفتح المصحف ويقرأ فيه قبل ما يشتغل .. ساره بتفكير .. انا لازم اعرف ايه اللي حصل بالظبط ومالك هو المفتاح اللي هيوصلني للحقيقه .. اكيد عنده فكره عن الماضي ..
------
مليكه : ما بتخرجش كتير .بناءآ على طلب جاسر.. لكن جواها بتفكر انها هتخرج بأي طريقه .. وبرده جواها تفكير في زياد .. ومن عنادها شايفه ان الخروج والسهر والطريق اللي هتمشي فيه بعد كده انها كده بتنتقم من زياد ....
-----------
اما يوسف : زي ما هو. كل يوم يوصل مريم .. وعايش معاها حاله حب .. والحب بيكبر كل يوم عن اليوم اللي قبله .. ومريم فكت شويه مع يوسف .. وبدات تضحك وتهزر ..ويوسف اكتشف ان مريم دمها خفيف ..وعشقه ليها زاد اكتر من الاول . . وهدى وحسام مبسوطين .. لانهم شايفين مريم مبسوطه ..
. وبيدعو .. لزياد براحة البال ليل ونهار..
-------------
اما زين : زعلان علشان العلاقات في الفيلا عندهم متوتره . وحاول لكن مريم مانعته وقالتله انها هتحل كل حاجه ....
.وطبعا زين مع ريتال في الكليه .. وكل يوم يوصلها وهو مروح .. وقرب منها اكتر وبيحاول يغير من شخصيه ريتال .. وتثق في نفسها اكتر من كده .. .وفعلا زين شاف ان ريتال بدأت تتغير للاحسن نوعا ما .. لكن هو حابب طريقة حبها .. وردود افعالها في الحب .. وانه ديما يتمسكن. ويمثل انه زعلان .. وريتال . تخرج كل اللي جواها من حب دفعه واحده..
-------------بقلمى Mariem Nasar
فارس : طبعا زعلان على اخوه ومش عارف ايه سبب تغيير فهد ... وان فهد اصبح انسان عملي جدا.. وكمان لا بيهزر ولا بيتكلم كتير .. وانه بيجي هنا الفيلا بس علشان خاطر رنا ما تزعلش منه .. يسلم عليها ويقعد معاها خمس دقايق ويطلع على الشقه ... ويقعد باقي اليوم فيها .. وزعل لما عرف ان فهد بيفكر يقطع اجازته ويرجع للحربيه ... لكن هو برده مش عارف ليه شاف رودى في الحلم وان يوم العمليه اتكرر في الحلم .. وانه شايلها وهي عاكسته..
. وفكر في رودي ... وطرد الفكره .. لان الحب يمكن هو اللي يكون وصل فهد للحاله اللى وصلها دى .. هو ما عندوش فكره باللي حصل .. لكن هو عنده احساس بكده..
-----------
مالك : كل يوم يخرج من الكليه ويروح على شركه الصاوي.. يسلم على جاسر اللي كاشفه وكشف مشاعره تجاه ساره ... وبعدها يطلع على ساره في مكتبها .. ويستنى لما تخلص علشان يوصلها لحد باب شقتها .. وسوزي تفتح الباب ل ساره ومالك يستاذن ويمشي .... ومالك قرر انه قريب اوى هيعترف ل ساره بحقيقة مشاعره.
-----------
اما : ابتسام : الحيزبونه رجليها والقبر .. ولسه بتخطط وبتفكر فكره شيطانيه زيها .. وانها عايزه ساره بعد ما توقع جاسر .. تحاول تسمم مالك وانه يموت .. وتحرق قلب جاسر وملك على ابنهم .. زي ما هما كانوا السبب في حرق قلبها على عاصم .. وانها لو تطول تموت وتقتل عيلة العدوي كلها هتعملها .. وشافت لو انها جات فرصه مناسبه ان ساره تدخل عيلة العدوي وتعمل كده .. لكن خافت من آدم .. وافتكرت يوم ما هددها بالسكينه ...وابتسام جواها نار لانها مش عارفه تحصل على اي حاجه .. ولكن هتفضل ورا ساره .. لحد ما تعمل اللي هي عايزاه .. ومنتظره موت مالك .....ربنا ياخدها بقى ويريحنا منها ...
------------
بيتر زي ما هو علاقته ب آدم واكتر الاجتماعات يحضروها مع بعض .. وكمان طارق الل مجنن آدم وبيتر كمان مجنن آدم
--------------
اما نور : في الاسبوع ده .كان محمد بيوصلها الجامعه .. وبعد الجامعه نور ومريم يبدأو التجهيزات .. وانهم يخرجوا ينزلوا يشتري كل حاجه ناقصه في جهاز نور .. وآدم اقترح على مريم انها ما تتعبش نفسها وهو هيجيبلها كل حاجه .. مريم قالتله انها مبسوطه وهي بتشتري جهاز بنتها ....
..ونور كانت مبسوطه جدا .. لانها في نفس الوقت عايشه حالة حب مع محمد .. ويوميا يكلمها قبل ما تنام لحد ما تنام وهي معاه على الفون...ونور بتفكر انها تجيب هديه مميزه ل محمد
----------
اما محمد : مبسوط جدا مع نور و حس انه صغر 20 سنه .. وبدأ يظبط في شقته .. ومصطفى . واشرف اقترحو انهم يقدموله شقه هديه .. محمد رفض وقال ان الشقه دي فيها كل ذكرياته مع نور من افكار وصور .واحلام .. وهو هيتجوز فيها وفعلا بدا يظبطها .. وكان بياخد رأي نور في اي حاجه او ديكور فى الشقه أو أي تغيرات . وهينفذلها كل اللي هي عايزاه ..بس هي تروح وتختار وتشوف ايه الل هي عيزاه وهيتنفذ.ونور فرحت جدا. واتفقت انها هتروح معاه بعد حفلة آدم ...
-----------
اما بقى فهد : نقل في شقة طارق وعايش فيها .. وغير نظام الشقه .. وفتح اوضتين على بعض .. وجاب فيها اجهزه جيم .. وخصصها للجيم .. وبيطلع كل النار اللي جواه فيها وفي التدريب ... وفهد فعلا اتغير .. رينو وحشاه جدا .. لكن الغضب عاميه . ويوميا يفكر .. انها هانته في انه مش راجل .وانها بتكرهه . واستغلها . وانه اتهان في اعترافه بحبه ليها .. وانها استهانت بكل ده .. ومدتلوش فرصه يشرح موقفه ويعتذر .. ومش قادر ينساه وغضبه كل يوم يكبر عن اليوم اللي قبله .. وقاعد بيفكر انه يحاول على قد ما يقدر انه .. يخرج رينو من حياته .. وهيثبتلها ده .. وقال .. لان فهد السيوفي راجل من ضهر راجل يا لارين..
-------------بقلمى Mariem Nasar
---------------فيلا آدم العدوي
آدم : طول الليل مش عارف ينام . وواخد مريم في حضنه . وبيفكر كتير هيعمل ايه .!؟ الحفله خلاص بعد بكره .. والكل هيكون موجود ...طيب مراد وفريحه هيتقابلوا ازاي .. !!!!
مريم : نايمه في حضنه وقلقت لان آدم بيتحرك وهي في حضنه .. فتحت عينيها ...
مريم : حبيبي انت برده مش عارف تنام ..
آدم : بتنهيده . اسف يا حبيبتي صحيتك انا هنام اهو ...
مريم : حطت ايديها على خده .. انت قلقان من حفله بعد بكره مش كده ..
آدم : قلقان ..!!! قلقان ليه ..
مريم : قلقان .. من ان مراد وفريحه هيكونوا موجودين .. وانهم عدي عليهم حوالي اسبوع اهو ماتصالحوش .
آدم : وهو ده سهل يا مريم .. انا كان نفسي يتصالحوا.. انا بستغرب ازاى قدرو يبعدوا عن بعض اسبوع بحاله .. انا ما اقدرش على فراقك يوم واحد..
ولما كنت في تركيا كنت بموت من بعدك عني .. لكن دول بينهم مسافه صغيره .. ازاي مستحملين البعد كل ده .. ازاى محاولوش على الأقل ...
مريم : حضنته .. حبيبي انت هتقارن عشق ال آدم بعشق اي حد تاني . لا طبعا ...وعموما ما تقلقش انا هتصرف.
آدم : هاتتكلمى مع مراد يامريم .
مريم : عيوني انت تؤمرني امر .. انا هاتكلم مع مراد و هنشوف حل .. لان بجد ما ينفعش كده .. وكمان فريحه صعبانه عليا قوي .. اول ما النهار يطلع إن شاء الله. انا هاتكلم مع مراد يا حبيبي .. بس اهم حاجه عندى انك ماتقلقش ..
آدم : باس ايديها . ربنا يخليكي ليا يا قلبي ولا يحرمني منك ولا من وجودك جمبي ابدا ..
مريم : ولا يحرمني منك يا روح قلبي ....يلا بقى ممكن تنام شويه .. انت بقالك كام يوم مابتنمش كويس ... ولا اخدك انا في حضني وتنام ...
آدم : ياريت لكن اتعودت انك انتي اللي تكوني في حضن ال آدم ... وفعلا آدم دخلها كلها في حضنه ونام ...
-------------بقلمى Mariem Nasar
في الصباح ..
---------------
آدم : صحي قبل مريم ولبس وجهز نفسه ... ومريم فتحت عينيها ..صباح الخير يا حبيبي ..
آدم : صباح الخير يا روحي . صح النوم ..
مريم : قامت وحضنته من الخلف .. وهو لف ليها وحاوطها من وسطها مع ابتسامه .. آدم نمت كويس ..
آدم : وانا اقدر اقاوم حضنك ومانمش.. طبعا نمت كويس يا قلب آدم ..
مريم : حضنته . حبيبي انا متفائله .. ومدام شوفت ابتسامتك دي .. يبقى كل حاجه هتطظبط وتبقى تمام .
آدم : باسها من خدها .. حبيبتي انا واميرتى ربنا يديمك في حياتي ..
مريم : ويديمك تاج فوق راسي ..وراحت جابتله البرفان ولبسته الساعه .. حبيبي ثواني أدخل الحمام وهنزل اعملك القهوه مش هتاخر..
آدم : لا يا روحي ما تتعبيش نفسك انا هنزل على الشركه على طول .. وانت اتكلمي مع مراد وطمنيني اوكي ....
مريم : طيب والقهوه
آدم : هشربها في المكتب ...
مريم : بغيره .. اااه هتشربها من ايد ست كامى .
آدم : ابتسم .. كامى مين دى . هي بتعرف تعمل اندومى .لما تعمل قهوه .. ولاء .. هطلبها من اي حد غير كامي .. وبعدين الحمد لله . كلها اسبوع وكامى تسيب المكتب لان السكرتيره هترجع خلاص ....
مريم : ابتسمت .. بجد .. كويس انها هتمشى .علشان رمضان قرب ..
آدم : بجد يا روح قلبي . وكويس فعلا . انها هتمشى . الواحد مش ناقص ..وقرب منها وباسها .. انا هانزل بقى مش عايزه حاجه ..
مريم : عايزاك انت .
آدم : وانا موجود دايما جمبك يا روحي ..
مريم : يارب ديما جمبى .. انت هاتأكد على العيله ان الحفله بكره ...
آدم : اكيد . انا بس اوصل الشركه .. واتصل ب العيله كلها ..
مريم : ربنا معاك يا حبيبي ...
آدم : باس ايدها وحضنها تاني وسابها وخرج..
-------------------------
----------فيلا السيوفى
فريحه : لسه نايمه و هتتاخر على الكليه . رنا دخلت عليها تصحيها .فريحه... فريحه قومي ...
فريحه : ايه يا مامي . في ايه على الصبح ..
رنا : قومي اتاخرتي .. هو انا كل يوم هفضل اصحيكي كده ايه اللي جرالك .. انتي كنتي بتقومي لوحدك ..قومي بقى الساعه ٩
فريحه : حاضر يا مامي حاضر.. قومت اهو وقعدت على السرير ..
رنا : قومي كده خدى حمامك . وظبطي نفسك وصلي والبسي .. وانا هاجهزلك الفطار..
فريحه : لا يا مامي ما تعمليش فطار انا ها فطر مع ندي في الكليه ...وكمان مش هلحق ..
رنا : كل يوم نفس الاسطوانه ..انتي ما بقتيش بتاكلي زي الاول . ووشك اصفر .فريحه هتفطري قبل ما تنزلي ...
فريحه : ارجوكى يا مامي والله مش جعانه وصدقيني هفطر في الجامعه علشان خاطري ما تضغطيش عليا يا مامي ..
رنا : ماشي يا فريحه ..و لما اشوف اخرتها معاكي.. وسابتها وخرجت ...
..وفريحه قعدت على السرير وفتحت فونها وجابت صوره ل مراد وحشتني قوي يامراد..
-------------بقلمى Mariem Nasar
----------فيلا العدوي
مراد : في اوضته وصاحي من بدري .. واخد شاور ورجع نام على السرير تانى .وما لوش مزاج يعمل حاجه ... الباب خبطت
مراد : بديق .. ادخل .
مريم : فتحت الباب وابتسمت ممكن ادخل ..
مراد : اتعدل احتراماً ل مريم ...اه طبعا اتفضلي يا ماما ...
مريم : داخله وشايله صينيه عليها فطار و كوبايه لبن وهي داخله ... ماما !!؟ من امتى بتقولي واحنا لوحدنا يا ماما ..امممم شكلي كبرت فعلا ..
مراد : ابتسم تعالي يا مريم...
مريم : ايوه كده ..واضح ان لسه مكبرتش ..
مراد : خايف اغازل فيكى الدنيا تتقلب عليا اكتر من كده ..
مريم : ايه الكلام ده .. لا طبعا انت فهمت الموضوع غلط ..
مراد : اتنهد . لا غلط ولا صح خلاص اللي حصل حصل .... المهم ايه الاكل ده . !؟
مريم : ابدا ابني حبيبي ومرادي ما بقاش بينزل يفطر معايا زي كل اجازه.. قولت بقى ايه يا مريوم اعملي ل مراد الاكل اللي بيحبه.. واطلعي رجعيه لعقله اصل دماغه صعيدي ومش هتتعدل غير بمريم . صح
مراد : لا يا مريم ما ليش نفس ..
مريم : كلام ايه ده .. انت عايز تزعلني منك ..
مراد : انتي عارفه انتي عندي ايه.. وزعلك انتى انا ماقدرش عليه ..
مريم : خلاص . اثبتلى بقى .. اوعا بقى كده بقى واتاخر خدني جنبك مش معقول هكلمك وانا واقفه .... ومراد اتاخر وقعد في نص السرير
.. و مريم قاعده جمبه . وشالت الصينيه بين ايديها وحطتها على رجليها ... يلا بقى انا هاكلك بايدي
مراد : ابتسم هو فين ..!؟
مريم : متخافش نزل على الشركه..
مراد : امممم ولو كان موجود وشافك وانتي بتاكلينى كده ..
مريم : كويس انك فتحت كلام في الموضوع ده تانى .. انا جايه مخصوص علشان اوضح كل حاجه...
.. بس تعال اأكلك الاول واشربك اللبن .. وبعد كدا هاقولك على كل حاجه ..
مراد : بتعجب .. تشربيني اللبن.!!!!!..
مريم : طبعا انت في اخر سنه في الحربيه .. وكمان لياقتك وصحتك دي اهم حاجه .. كفايه التدريبات اللي انت بتعملها .. وكملت بزعل .. وكمان ابوك قالى ان رابعه حربيه دي بتطلع فيها مهمات .. وانك هتخلص اجازتك وهتطلع اول مهمه .. انا خايفه عليك قوي يا مراد..
مراد : مسك ايديها وباسها بحب .. متقلقيش يا ست الكل ابنك قدها ..
مريم : عارفه .. وربنا هو الحافظ واستودعتك عند الله في كل وقت وكل مكان ...
..ومريم أكلت مراد ..و شرب اللبن بعد محاولات من مريم ... وبعدها قعدو مع بعض ..ومريم هتبدا تتكلم.
مريم : ممكن بقى تحط راسك على رجلي ونتكلم..
وفعلا مراد . استسلم لانه مخنوق ومحتاج مريم في الوقت ده لانها بتعوضو عن اي حد . وحط راسه على رجليها ..
مريم : مسددت على شعره بحب .. مرادي حبيبي وابن قلبى .. ممكن اعرف انت ليه لحد دلوقت ما تكلمتش مع فريحه ...
مراد : بزعل من فريحه . مش قادر يا مريم مش قادر.. كل ما احاول .. افتكر اتهامها ليا بالخيانه واني كداب وكمان ...... افتكر انه باسها ومكسوف يكمل وسكت .. مش قادر ....
مريم : حبيبي مين فينا مبيغلطش . مراد لازم يحصل بين الاحبه مشاكل .. الحياه مش كلها عسل وبس على طول .. لازم يحصل مناوشات ولازم يحصل زعل .. علشان نقيم العلاقه يا حبيبي .. وبعدين فريحه معتقدش .. انها اتهمتك عن قصد هي بس اتصرفت من قلبها لما شافت وسمعت كلام آدم... بص يا مراد هي المواضيع كلها داخله في بعض .. بمعنى ان آدم كمان زعلان ومتدايق من نفسه لانه ماكانش يقصد .. وانت كمان زعلان لانك ما كنتش تقصد انك توصل ابوك للتصرف ده .. بص يا حبيبي انت كنت بتدايق ابوك وبتستفزوا .. في انك تنافسه فيا.. وكمان كنت بتنقي كل الكلام الحلو اللي كان آدم بيقوله ليا ..
مراد : لسه هيتكلم ....
مريم : لو سمحت سيبني اتكلم واقول كل حاجه.. وبعدها انت قول اللي جواك ... انت يا مراد ااستفزيت ابوك كتير .. ابوك ماعندوش مانع انك تحبني .. لكن انت دايما كنت بتختار الوقت اللي ابوك بيبقى موجود فيه .. وكمان تعاكسني قدامه .. وكمان مننكرش انك بتكون قاصد ده . مع انك عارف ابوك بيغير قد ايه .. ومش بيغير عليا انا بس .. انت عايش معانا وكنت شايف كان بيعمل معانا ايه .وبيغير لدرجة أنه مشدد على اخواتك البنات صيف شتا . ينامو بالبيجامات.. .وانه كان بيبقى غيران على نور من محمد قد ايه .. واي حد يقرب من رينو وماكانش يسمح باي غلط ... ابوك طبعه الغيره ... وانا كنت بكون فرحانه انه غيران عليا .. لكن يا حبيبي لما انت كلمتني على السكرتيره .. وانا رحت وشفتها وحسيت بالغيره ساعتها عذرت ابوك . لان ساعتها حسيت ..ان كل حته فيا كانت عباره عن نار .. وجوايا غيظ وغل وكنت عايزه اضرب البنت دي .. وكمان حسيت ان جسمي كله رجف .. وكنت عايزه اطلع غيظي كله في آدم .. وراسي كانت هتنفجر من الغيره .وضغطى حسيت انه علي عليا. وقلبي ساعتها كان فيه غيظ ... ده غير انى كنت متدايقه اوى ..ساعتها بس عذرت آدم وقولت هو بيتحمل كتير وكمان استحمل مراد ...ومع ان مراد بيختار كلام آدم ويقولو لحبيبته ... .
.حبيبى احيانا الهزار الزايد عن حده بيتقلب لضده ...
. زى اللي حصل مع آدم . لما كلم فريحه .. كان عايز فريحه تيجي هنا وتتخانق معاك .. وهو يقف في صف فريحه ويهتم بيها .. وكان عايزك تغير على فريحه . علشان تحس بالل بيحصل جواه .. لما انت بتهتم بحببته .. لكن لما فريحه عملت عكس كده ابوك زعل جدا .. هو مكانش متوقع ان ده يحصل .. وان الامور هتوصل لكده ... اما بقى بخصوص فريحه فهي ضحيه يا مراد ..
..مراد رافع راسه ليها ... ومريم كملت ايوه ضحيه .. فريحه معاك 18 سنه .. بتغير عليك وما بتستحملش اي بنت تقرب منك .. وانت حابب ده جدا منها .. لكن كمان هي جالها اتصال عن طريق الغلط .. ان مرادها حبيبها موجود مع بنات .. ايان كان المكان والزمان .. لكن في بنات حوالين مراد...
. وكمان قال انه موجود مع فريحه . وهو مش موجود مع فريحه ... واللي قال الكلام ده أبو مراد وابوها التاني . وصديقي العيله ... يعني كلام موثوق منه ١٠٠٪ .. فريحه هنا عملت زي اي بنت بتعشق حبيبها .. شافت ان حبيبها فعلا مش موجود معاها..
. ومش موجود في كليته .. وفونه مقفول لاول مره في اجازته ... وعقلها سيطر عليها .. ان كده مراد بيعمل حاجه غلط .. اي واحده مكانها هتفكر كده...
. مش شرط انها شاكه فيك .. لان مبدء فريحه من وهي صغيره الغيره على مراد الغيره وبس .. لكن اي بنت عقليتها هتفكر كده يا مراد .. وبعدين هي اول ما عرفت من ابوك كل حاجه عملت ايه ..!؟ مش جاتلك واعتذرت منك بدل المره ١٠ .. وانت رفضت تديلها فرصه .. وانت عاقبتها وخلتها تمشي وكسرت قلبها..
مراد انت غلطت انك ما سمعتش فريحه .. ليه هتستفاد ايه من بعدك عنها .. وهي تبعد عنك ... لا انت مرتاح ... ولا هي مرتاحه ... حبيبي الشيطان لما بيدخل عقل الانسان بيصورله اسوئ الصور قدامه .. هو الشيطان عايز ايه يعني غير الناس تعيش في هم ونكد وشك و غيره وحقد وغل ...
مراد : اتنهد فريحه عايشه و مبسوطه يا مريم بدليل انها ما اتصلتش ولا مره ..
مريم : شوفت .!!! اهو . ده اللي انا باتكلم فيه .. الشيطان صورلك انها عايشه مبسوطه .. طيب تعرف ان فريحه تعبانه ..!؟
مراد : اتعدل . فريحه . انتى عرفتى منين .. وتعبانه مالها فيها ايه ..
مريم : ابتسمت .. وحطت راس مراد على رجليها تاني . ايوه فريحه تعبانه . وكمان عرفت ان اخر تدريب ليها جابت درجات وحشه قوي .. وعرفت ده من رنا امبارح . وكمان فريحه ما بقتش بتاكل زي الاول وكملت ...بمكر.... شكلها كده بتنتقم من نفسها يا قلبي .. يعني لا بتاكل ولا بتشرب . وكمان في التدريب درجاتها وحشه .. وكمان مرادها مش موجود اكيد ..فريحه هتتعب وكمان نفسيا اكتر من جسديا..
فريحه اكيد دلوقت حاسه انها وحيده .. البنت لما حبيبها بيبعد عنها .. بتحس قد ايه ان هي مكسوره.. ووحيده . ومالهاش حد في الدنيا .. حتى لو حواليها العيله كلها .. بما ان حبيبها مش موجود هتحس انها يتيمه .. ياعينى عليكى يا فريحه..
مراد : قلبه وجعه على فرحته .. وحس انه غبي انه مادلهاش فرصه وسامحها ..هو كمان غلط لما قرب منها وباسها .. وهي قالتله انها تخطت كل حاجه معاه لانها بتحبه ..
مريم : اكيد يا مراد كلنا بنغلط في حق بعض وبنسامح بعض علشان المركب تمشي...لكن انت وفريحه نزلتو من المركب .. طيب المركب هتمشي ازاي طول ما انتو الاتنين مش فيها .. اعقل يا حبيب ماما .. اعقل كده وصالح فريحه .. وبعدين الحفله بكره هتقابلها ازاي ...!؟
مراد : سرحان في فريحه التعبانه اللي مانعه الاكل واتعدل وبص ل مريم المبتسمه هتروحلها وحياه مريم مش كده ....
مراد : حضن مريم . لانها ديما بتنور العتمه الل فى حياته ..وكمان لانه حاسس انه غلطان وظلم فريحه ولازم يصالحها .. وقام بسرعه .... اطلعي بره علشان البس...
مريم : كشرت عينيها .. اطلعي بره ... اه ماشي ...
يا مراد تستاهل اللي آدم عملوا فيك ...
مراد : هههههه .حبيبتي ما اقصدش .. قصدي علشان الحق بنت طارق ... ما تعرفيش هي في البيت ولا الجامعه ..
مريم : بسعاده . هاتصل على رنا واعرف منها وهاقولك وانت نازل يا حبيبي .. وربنا يهديك و يهديها.....
.وفعلا مريم نزلت مبسوطه واتصلت على آدم وقالتله ان مراد اقتنع .. ورايح دلوقتي يصالح فريحه ...
وآدم : فرح جدا .....
.ومريم بعدها اتصلت على رنا ..ورنا قالتلها ان فريحه خرجت .. وراحت على الكليه لكن بردو من غير فطار
مراد : لبس . قميص وبنطلون . فريحه بتحبه عليه اووى . ونزل بسرعه .. ها يا مريوم فريحه فين ..!؟ مريم : فريحه في الجامعه وخرجت من غير فطار..
مراد : باس على ايد مريم ...طيب سلام وخرج..
ومريم .: ابتسمت لان اخيرا آدامها . ومرادها .هيرجعو زي الاول
-------------بقلمى Mariem Nasar
--------- شركة آدم العدوي ...
آدم : اول ما عرف من مريم ان مراد اقتنع اخيرا و هيصالح فريحه ... فرح جدا .. وب طاقه ايجابيه بدا يتصل على العيله كلها علشان يأكد عليهم عزومه بكره .. والكل رحب جدا .. وكمان طارق ..لكن آدم حس إن طارق زعلان . وسأله مالك . طارق خاف يقول ل آدم . وآدم يتكلم مع فهد . يقوم فهد ينفذ تهديده . وطارق قرر انه ميقولش حاجه .قاله مفيش انا زى الفل.و قال ل آدم كلنا اكيد هنيجى .. لكن فهد ممكن ما يجيش الحفله ...
..وادم قفل مع طارق واتصل على فهد..
فهد : قاعد في شقته و نايم على الكنبه في الصاله تعبان لانه ما نمش غير الفجر من كتر التفكير . وانه بتفرج على فيدوهات رينو وصور ليها . وفاق على صوت الفون ..وجابه من على الترابيزه بملل ... وشاف رقم .... آدم واتعدل .. ورد
فهد : الو ....
آدم : الو .. ايه يا كوتش فينك !؟
فهد : موجود يا عمي .. انت عامل ايه.!؟
آدم : موجود .!!!! وعامل ايه ... انا عامل كويس .. انما انت مش موجود .. ايه فينك من يوم حفله جاسر وما شوفتش خلقتك ..
فهد : اسف يا عمي .. انا بس كنت بتمرن علشان لما ارجع الكليه تاني انت عارف نظام الحربيه ...
آدم : جميل وحلو .. لكن انت بتاخد اجازه وبتعوض فيها في انك تقعد مع حبايبك مش تطلع عينك في التدريب .. وبعدين انت ومراد ما شاء الله مش محتاجين تدريب ده انتو تيران الله اكبر ..
فهد : بشبح ابتسامه ... وسكت
آدم : انت كويس يا فهد!؟
فهد : لازم يثبت عكس الل جواه علشان عارف ان آدم زكي .. انا فله يا عمي وكمان هاجيلك الشركه اعدي عليك انهردا . انت وحشنى ...
آدم : لا يا حبيبي .. مش عايز اشوف وشك النهارده..
بس تكون موجود عندي بكره .. انت ناسي ولا ايه ..
. ان الحفله بكره ..
فهد : اتعدل اكتر .وبلع ريقه .. حفله عندكو .وسرح في رينو انه هيشوفها بكره .. لكن هو مش عايز .. حاسس انه هيضعف ...
آدم : ايه يا بغل انت . رحت فين .
فهد : معاك يا عمي . ان شاء الله هاشوف .
آدم : ما فيش هتشوف .. وايه هتشوف دي ..انت تكون موجود بكره فاهم ..
فهد : اتلخبط.. ومش عارف يفكر ولا ياخد قرار .. فاهم يا عمي... فاهم .
آدم : طيب .. تمام يلا بقى اقفل علشان عمك بيتر جايلى دلوقت .. وقفلو .. وفهد قعد مكانه بيفكر ازاي هيحضر بكره في الحفله وهو مش عايز يشوفها ..
. وكمان هيموت ويشوفها .. لكن هي صغرت بيه جدا.. وسرح في كلامها ليه وبعدها سرحت في عيونها اللي وحشاه و طريقه كلامها .. وطرد الفكره وقام علشان يعمل قهوه .. ومش عارف يعمل ايه بعد كده
----------------بقلمى Mariem Nasar
ف الجامعه .---- نور ...ونرمين ..
نرمين : كده يا نور .. يعني تتخطبي وانا ما اعرفش . وكمان آخر من يعلم .. انا زعلت منك على فكره.
نور : والله يا نرمين حصلت فجاه .. وبعدين انا كنت بعيده فتره عن الكليه .. وغير كده طول الاسبوع ده انا كنت باتصل عليكي . وفونك على طول مقفول.. وما عرفتش اوصلك .. ولما جيت الجامعه هنا ..انتي ما كنتيش موجوده .. قوليلي بقى اعمل ايه ...
نرمين : انا فوني وقع منى في الاتوبيس واتكسر.. ولما تفرج بقى . ابقى اجيب فون انت عارفه الحاله.. وكنت ما بجيش علشان امي كانت مسافره البلد .. وانا قاعده مع اخويا الصغير .. بيني وبينك زهقت من الكليه ..
نور ::حبيبتي .. ولا يهمك ليكي فون عندي هديه بمناسبة خطوبتي يا ستي .. بس انتي ما تزعليش. نرمين : بفرحه . بجد حبيبتي والله انتي بنت جدعه جدا ..حبيبتي يا نور .. ومش زعلانه منك يا قلبي .. الف الف مبروك .. و بصراحه الدكتور محمد لايق عليكي قوي . وكمان قمر ..
نور : بغيره .. طيب ركزي معايا انا .. وسيبك من محمد . محدش طلب رأيك . ابن خالتي وعرفاه..
نرمين : هههههههههه ايوه الغيره بقى .. حبيبتي انا هركز معاكي ماليش دعوه بيه .. المهم هتجيبيلي الفون امتى ..
نور : قريب يا قلبي ...
نرمين : الا قوليلي يانور .. انا جيت النهارده وماشوفتش هشام الرزل .. وسألت عليه قالولي ان ماحدش يعرف عنه حاجه من حوالى اسبوعين متعرفيش ايه السبب.ومبيجيش ليه.
نور : اتوترت واتدايقت . اقولك ايه يعني .. وانا هعرف زفت ده فين .. يارب ما يجي الجامعه تاني.. انتي. فصلتيني والله يا نرمين ...
نرمين : انا بسألك . عادى والله . علشان بس هو كان عايز يتقدملك . قولت ممكن تكونى عارفه . متزعليش . بس انا هعرف . من البت علا..
نور : بتنفخ بديق . لما سمعت اسم هشام . ومش عيزا تفتكر الل حصل معاها قبل كدا ..وفونها .رن وكان المتصل محمد .. وابتسمت ..
نور : نرمين ...
نرمين : نعم يا نور ..
نور : قومي من هنا بقى ..علشان محمد بيتصل
نرمين : هههههه . وماله يا عم . ربنا يهني سعيد بسعيده ...وقامت هاستناكي بره في الكافتيريا..
نور : ردت الو ....محمد .
محمد : الو ... نفسي اعرف ما بترديش على طول ليه.. المحاضره بتاعتك خلصت من عشر دقايق .
نور : ابتسمت . وحطت ايدها على خدها .. أمممم.. وانت بقى عرفت منين ان المحاضره خلصت .!!! وكمان من عشر دقايق ..!؟ انت بتراقبنى .!!؟
محمد : حبيبتي . انا عارف . مواعيد محاضراتك . قبل مواعيد كشفي على المرضى .. وانا عندي كام نور يعنى علشان اهتم بيها . مش اراقبها . هااا
نور : ابتسمت بحب .محمد ...
محمد : قلبه .
نور : ربنا يخليك ليا
محمد ::قلبه دق .. حبيبتي انا . ربنا يخليكي لقلب محمد .
نور : هتيجي تاخدني بعد المحاضره التانيه .
محمد : اممم لا صعب .
نور : بزعل ليه بس ..
محمد : انتي اللي هتيجيلى على المستشفى يا قلبي . علشان في مريض هيعمل عمليه .. لكن انا مستني الاشعه والتحاليل واول ما اشوفها هنبدا العمليه وعايزك معايا.
نور : احم . خلاص اوكي هاخلص . المحاضره .واخد تاكسي واجيلك
محمد : عيب والله .
نور : هو ايه الل عيب مش فاهمه
محمد : قلبي . ممنوع تركبي تاكسي تاني وانا موجود ..
نور : امم طيب انت مش هتيجي تاخدنى . وكمان ممنوع أركب تاكسي...طيب والحل بقى ..
محمد : بصي انتي محضرتك هتبدا بعد نص ساعه..
. انا هاكون موجود عندك بعد المحاضره على طول .. واجي اخدك من قلب الجامعه .. ونطلع على المستشفى اوكي يا روحي ..
نور : بسعاده .. بموت فيك والله. .
محمد : يااااه اخيرا يانور ... انتي من يوم الاعتراف ما قولتليش اي كلمه تنعشي بيها قلبي ..
نور : وشها بقى احمر . واتكسفت .وسكتت ..
محمد : ابتسم ..اكيد خدودك بقت زى الطماطم دلوقتى ..
نور : حطت ايديها على وشها ..واستغربت .. وبصت حواليها .. محمد انت متأكد انك دلوقتى مش مراقبني ..
محمد : نور . انتي بنت قلبي . وبنت عمري .. وحافظ كل تفاصيلك يا نورى ..
نور : بحب محمد .
محمد : عيون محمد .
نور : بحبك
----------------بقلمى Mariem Nasar
---------- ف الجامعه . فريحه . وندى
ندى : وبعدهالك يا فريحه .. هتفضلي منكده كده على طول .. يا بنتي اضحكي وشك شقق .
فريحه : قاعده حزينه .. وكل شويه تتنهد من الحزن.. لأن مراد وحشها .. عايزاني اعمل ايه يا ندى.. لو متدايقه من وجودي هاقوم امشي ..
ندى : انتي عبيطه ..وانتي قاعده في بيتنا يعني .. انا بس مش متعوده عليكي كده . انتي بقالك اسبوع على الحال ده .. لا بتاكلي ولا بتشربي . ولا بتذاكري. وخسيتى . ووشك بقى دبلان .. مش فريحه ابدا..
فريحه : معلش استحمليني شويه .انا هبقى كويسه. ومسيري هتعود..
ندى : هتتعودى على ايه يا فريحه . مراد..!
فريحه : ايوه مراد .. لازم اتعود على بعده ..
ندى : فريحه ... مراد ...!!! يافريحه..
فريحه : خلاص يا ندى الظاهر انا ومراد ...
ندى : يا غبيه مراد .جاى علينا . هناك اهو . موجود هنا..
فريحه : قلبها دق . وخافت لا تكون بتحلم ..ندى .. انتي قولتي . ان مراد هنا ..
ندى : لسه هتتكلم ...
مراد : جه من ورا فريحه .. ووطي وهمس فى ودنها.. ايوه مرادك هنا ..
فريحه : لفت .. وشافت مرادها .. وقلبها دق بسرعه كبيره . ومش مستوعبه ..وكانت عايزه تحضنه .. ولكن هي حاسه انها بتحلم ..
مراد : شاف فريحه وفعلا متغيره .. وشها متغير ودبلان .. وزعل جدا .. ولعن نفسه ..ولكن هي وحشاه اوى
مراد : فريحه ..وحشتيني
فريحه : غمضت عينيها لما سمعت الكلمه ودموعها نزلت ..
مراد : قلبه وجعه . لما شاف دموع حبيبته ..ولعن نفسه اكتر .. وكان جايب معاه بوكس كبير ... وبص على ندى وقالها امسكي ده ..
ندى : فاتحه بقها من حجم البوكس ومسكته والبوكس كانت بين ايديها ...
مراد : مسح دموع فريحه اللي نازله في صمت ..
مراد : انتى عارفه انى مبحبش اشوف دموعك ..وحشتيني بجد يا فريحه ..
فريحه : مش عارفه تتكلم ..هو مراد فعلا اللي قدامها .. يعني ده مراد بجد ..ولا بحلم ...
مراد : فريحه انتي نمتي وانتي واقفه ..
فريحه : فتحت عينيها وبصت في عيون مراد .. اللي وحشاها جدا .... ومراد كمان عينيه اتعلقت بعيون فريحه . وفضلوا باصين لبعض للحظات ..
.وندى حبت طريقه حبهم قوى .. واتمنت واحد زي مراد ...
فريحه : مراد ..
مراد : عيونه ..
فريحه : انت بجد هنا ..
مراد : ايوه يا فريحتى . انا ما اقدرش ابعد عنك اكتر من كده .. وخصوصا بعد ما عرفت ان قلبك جامد قوي كده ...
فريحه : عيطت انا قلبي جامد يا مراد .. وعيطت اكتر .. انا هونت عليك يا مراد تبعد عني الاسبوع ده كله ...
مراد : ما استحملش .. بس يا فريحه علشان خاطري.. مش عايز احضنك في الجامعه ..قدام الكل..
فريحه : لسه بتعيط ...
مراد : خلاص بقى .. وحياة مرادك ..
فريحه : سكتت .. وبطلت عياط
مراد : ايوه كده شاطره .. وبعدين انتي ماهونتيش عليا ابدا .. بدليل اني قدامك اهو ..
فريحه : مش عارفه تعمل ايه . هي فرحانه لأن مراد قدامها .. اخيرا هتبدا تتنفس وتعيش ... كل الزعل اتنسى .. كل الافكار السلبيه اختفت ما بين مراد وفريحه .. نسيو كل حاجه .. وفريحه مره واحده اترمت في حضن مراد .. متبعدش عني تاني يا مراد ارجوك .. ودموعها نازله ..
مراد : قلبه دق . لانه هو بيعشق فريحه .. وقربها منه بيجننه .. وخصوصا انه ما شفهاش اسبوع بحاله ..مراد غمض عينيه .. لكن حاول يسيطر على مشاعره . لانهم في الجامعه . وكمان في ناس كتير موجوده .. وخرجها من حضنه .. ومسح دموعها خلاص بقى اهدى علشان خاطري ..وياستي ما تزعليش مني .. اعتبريها ساعه شيطان وراحت لحالها.
فريحه : بدموع يعني مش زعلان من اني ......وسكتت
مرات : خلاص بقى انسى الهطل اللي انتي كنتي بتقوليه .. انا عارف انك حماره و متخلفه .. واكيد مكنش قصدك ..
فريحه : فعلا عندك حق..
مراد : هههههه . فعلا يعني شايفه نفسك حماره و متخلفه ...
فريحه : بغيظ . لا اقصد .فعلا انه مكنش قصدي يابن العدوي.
مراد : فريحه .. اضحكي يا فريحه انتي وحشاني.
فريحه : ابتسمت بخجل ..وحاسه انها فرحانه . واتكلمت هي ومراد وناسيين ندى الل واقفه متنحه وبوقها مفتوح ....
مراد : انتبه . وشاف ندى ماسكه البوكس وفاتحه بقها ...مراد قرب من ندى .. واخد البوكس وايديها زي ما هي مكان البوكس ..
مراد : يا انسه ندى .
ندى : ..... ساكته وسرحانه.
مراد : يا انسه ندى اقفلي بقك علشان الدبان ..
ندى : ها .. واتحرجت .. احم طيب يا فريحه انا هامشي انا ومشيت ...
مراد : بص ل فريحه .. عسوله اوى ندى .
فريحه : بنظرة تحذير ... اللهم طولك يا روح ..
مراد : مش عسوله اوى . عندها ضرس مسوس ابقى قوليلها تحشيه ...
فريحه . هههههههه .
مراد : ايوه بقى .. خلاص يا روحي اهدى .. المهم يا قلبي ..انا ماهنش عليا ادخل عليكي الجامعه وايدي فاضيه .اتفضلي .. وقدم البوكس ل فريحه اللي فرحت جدا ..
فريحه : الله يا مراد .. ايه ده البوكس الجميل ده علشاني انا ..!؟
مراد : لا . ده علشان ندى .
فريحه : ما تهدى بقى ..
مراد : ايوه كده رجعتي لاصلك ..
فريحه : اوف استغفر الله العظيم يا رب يابني البوكس ده علشاني ما تقول ..
مراد : والله ما انا قايل .. لانك غبيه وحماره .
فريحه : ههههه يبقى علشاني ..هات بقى وكان في كراسي وتربيزات جمبهم . وقعدو
فريحه : مراد افتح البوكس ..
مراد : براحتك يا قلبي اللي يسعدك يسعدني..
فريحه : انا مش هاصبر لما اروح . وفتحته ..
واول ما فتحته ..فريحه.اتغاظت وعفاريت الدنيا كلها كانت بتتنطط في وشها ...
فريحه : اييييه داااا .. مراد ايه ده جايبلي كلب لعبه وكمان ديناصور لعبه .. و اتغاظت اكتر ..
مراد : مش مصدقه صح ..انا قولت هيعجبوكي والله حبيبتي دي اقل حاجه عندي .. كان في خروف بس قولت اجيبهولك في العيد الكبير...
فريحه : شاطت .. اعمل فيك ايه .. اعمل فيك ايه !! مراد : هاتي بوسه ....
فريحه : اتكسفت .. بس بقى يامراد..
مراد : قلب مراد بقى ..وبعدين انا عارف انك بتحبي الحيوانات .. وكمان ما شاء الله مراتي في المستقبل هتبقى دكتوره بهايم قد الدنيا .. فبحاول اساعدك .. وصدقيني انا لفيت المول كله . وفي الاخر شوفت الكلب ده . والديناصور وبعد ما اشترتهم كان في حمار .. بس قولت اجبهولك فى زعله تانيه ان شاء الله .. ههههههههه
فريحه : هههههه بخربيت الخفه . عسل يا مراد ..
مراد : اهم حاجه انها تعجبك يا روحي ..
فريحه : اتنهدت . عجبتني اوى . اي حاجه منك يا مراد تعجبني .ان شاله كلب ..
مراد : حبيبتي . وانا عندى كام فريحه يعنى ..
مراد : شال اللعب من قدامها .. وجاب البوكس . وطلع منه شنطه هدايا ..
فريحه : توقعت ان دي تكون الهديه اللي بجد ..
مراد : فتح الشنطه و كان فيها سندوتشات فول وطعميه .
فريحه : اتصدمت . جايب اكل . وفى البوكس .وكمان في شنطة هدايا ..
مراد : احلا فطار لقلبي .. انا عارف انك ما فطرتيش ..وجبتلك فطار معايا .
فريحه : صكت على اسنانها .. بجد فطار .. فول وطعميه يا مراد ...
مراد : لا ومخلل كمان .. بتحبي الجزر انتي مش كده انا قولت للراجل اتوصى وكتر جزر على قد ما تقدر.
فريحه : حاسه ان ضغطها بدا يعلى ..مراد انت هتموتني ..
مراد : اكتر من كده .. ما انتي بتموتي فيا يا قلبي .. وبعدها مسك ايديها .. فريحه انتى بجد وحشتيني.
فريحه : اتكسفت .احم . وبعدها شمت ريحة الأكل ..مراد ..
مراد : عيونه
فريحه : انا جعانه ..
مراد : طفسه يا روحي ..
ومراد : طلع السندوتشات لفريحه واكلها وسط الجامعه .. وفريحه اتكسفت .. وكمان اكتشفت انها كانت جعانه قوي فعلا .. وان الاكل النهارده مميز وطعمه مختلف ..وفريحه كانت مبسوطه اوى إن اخيرا مرادها جمبها ومعاها ..
فريحه : باااس الحمد لله.. ياااااه كنت جعانه قوي.
مراد : بالهنا يا قلبي .. انتى شفطي السندوتشات كلها ...
فريحه : الله بقى يامراد . كنت جعانه اوى . والمخلل كان حلو . عايزه احبس بكوباية شاى
مراد : تحبسى . ومستغربه انى جايبلك كلب . حاضر يستى هجبلك واحد شاى على ميا بيضا يمعلم
فريحه : حبيبي تسلملى ياوحش ..
مراد طلب ل فريحه شاى . وهو طلب لنفسه قهوه . وبعد ماشربو ..مراد حاسب ..وقام
مراد : قومي بقى علشان هاخدك على مشوارين مهمين ..
فريحه : هنروح على فين ...
مراد : قومي . وانتى ساكته ..
فريحه : قامت ومراد مسك ايديها . وطلع من جيبه علبه قطيفه .. وكان فيها سلسله جميله وقدمهالها هديه .. وفريحه فرحت جدا واتنططت زى الأطفال مراد : ضربها على رأسها اعقلى بقى . بدل ما ارنك علقه تفوقك . بتتنططى في الشارع ..
فريحه : من فرحتى يامراد. بجد انا مبسوطه اووى
مراد : ولسه يقلبى . انا هخدك اول مشوار مهم . هشتريلك فستان علشان حفلة بكره ..
فريحه : شهقت ...موووراااد . انت بتتكلم بجد . بجد.
مراد : انتى هتتحولى ولا ايه يا فريحه .. يلا هاتى ايدك . ومراد حط ايد فريحه في دراعه . وشال البوكس . وحطه في العربيه . وفتح الباب لفريحته . الل شاف الفرحه في عينيها . ووشها نور من تانى ..
واخدها على المول . لكن مراد طلع عين فريحه . ومش عجبه اى فستان تقسيه . الل يطلع ديق . الل يطلع ملفت . والل لونه مش حابه عليها . هو غيران لأن كل حاجه مظبوطه على فريحه . وشكلها ملفت اوى ..
واخيرا . شاف فستان اوف وايت . ورقيق . وقالها قيسى ده . عجبني . وفريحه قاست الفستان . وكان جميل عليها . وعجبه جدا على فريحه . واخيرا مراد اشتراه . وبعد كدا جابلها كل مستلزمات الفستان . حجاب . وشطنه . وجزمه . واكسسوارات . وكانت فريحه بتختار بسعاده وتاخد رأيه . وهو يوافقها . هو خلاص اختار اهم حاجه ل فريحه فستانها الل حبه عليها . اما الاكسسوارات دى هو سابها تختار . علشان يحسسها انها ليها رأيى وكيان . وبعد ماخلصو اخيراا . ركبو العربيه ..
فريحه : يااااه . اخيرا . اخدنا وقت كبير اوى . وكل الوقت ده ف اختيار الفستان ..
مراد : وهو اى فستان . ده فستان فريحتى. وبص ف الساعه . تمام يلا على المشوار التانى ..
فريحه مشوار ايه .
مراد : مشوار اهم من كل حاجه . وساق العربيه .
واخيرا مراد وصل الفيلا عندهم ..ونزل واخد فريحه ودخل على الفيلا ... وكان آدم. ومريم وزين .ورينو . كلهم بيتغدوا ..ولما مراد دخل الفيلا هو وفريحه مع بعض .. وآدم ومريم شافوهم فرحو جدا وابتسموا... لان الحمد لله وش فريحه يبشر بالخير ... وانهم جايين مع بعض كده انهم اتصالحه..
مراد : دخل مساء الخير ...
كلهم : مساء النور ...
فريحه : مساء الخير....
كلهم : مساء النور ...
مريم : اهلا يافريحه . تعالى يا حبيبتي اقعدي اتغدى
فريحه : لا شكرا ياخالتو ..انا اكلت في الجامعه ..
مراد : اه اكلت وحبست ب شاي وضحكوا ...
آدم : خلص اكل و قام .. عن اذنكم .. ومريم قامت وكلهم اكلو ...
زين : بابا . انا هعدى . على عمى أشرف .. وهطلع على الجيم ...
آدم : ابتسم .. ماشى . بس متتأخرش .
زين : هتعوزى حاجه ياست الكل ..
مريم : سلامتك . يازينى . ربنا يحفظك ..
ورينو استأذنت وطلعت تذاكر ..
آدم : قاعد في الليفنج . ومريم قاعده جمبه .. وجه مراد وفريحه .. قعدو معاهم ...
مراد : بدا يتكلم . احم .. بابا انا كنت عايز اتكلم معاك ..
آدم : اتفضل يا مراد سامعك ...
مراد : انا عايز اعتذر لحضرتك . على اللي انا عملته .. لكن صدقني انا ما كانش قصدي اني ادايقك .. انت عارفاني بحب ازاولك وبس ...
آدم : ما فيش حاجه يا مراد . ومش عيب الواحد يعترف بغلطه .. وانا كمان بعترف انى عملت مشكله عن طريق الخطأ .. لكن الموضوع طلع من ايدي و خرج عن السيطره ...
فريحه : انت معملتش حاجه يا عمو .. حضرتك . ادتلنا درس مهم . وهو انى اثق في حب عمرى . وكمان مراد . فكر أنه بعد كدا يسمعنى . ويشوف وجهة نظرى ويستوعبها . وانا متسرعش . واسمع وجهة نظر مراد . وبعدها نحكم الأمور . بعلقنا ..
انا بجد بشكرك . لانى اتعلمت درس مهم . وكمان أكتشفت أن الفراق وحش اوي .. احنا اسفين بجد .
مراد : متزعلش بقى ياحج .وانت تعمل الل انت عيزو ..وبرحتك .. وقام باس على راس آدم احتراماً
مريم : بسعاده . الحمد لله ... الحمد لله ان مراد وفريحه اتراضو . ورجعو لعقلهم ... كده بقى نعمل الحفله واحنا مطمنين ..
مراد : طبعا يا مريومه يا عسل .. وهو انا اقدر ازعلك. دا انتى ملكه تؤمرى والكل ينفذ...
آدم : حط ايده على جبهته بنفاذ صبر. من ابنه وحاول . يمتص غضبه وسكت ...
مراد : شم ريحة الشياط .. اعذرني يا حاج هو طبع فيا .. وانا مش هاقدر اوفي بوعدي ليك .. واسيب مريم في حالها ....
فريحه : ضحكت جامد .. رهيب . رهيب . وكمان مريم . الل اتصدمت من مراد ابنها . لكن غصب عنها ضحكت ..
..وادم : بصلهم بغيظ .. هو انتو متفقين عليا ...
مراد : قام وقعد جمب ابوه .. اعذرني يا حاج بقى .. وخلي قلبك ابيض وما تزعلش مني .. وسيبني براحتي ...
آدم :بصدمه ... اسيبك براحتك .. اسيبك براحتك ازاي يالا انت .. انت ياض مش لسه جاي تقولي مازعلش انك دايقتني .. تقوم تعاكس . امك
مراد : انا مش عارف ..مالك ياحاج دي امي .. دي مريومتي حبيبتي ... انا ما اقدرش استغنى عنها ... وانت بقى حاول كده تصفي قلبك من ناحيتي ... بس يا ريت .. يا ريت ابوس ايدك .ما تعملش اي حركه تاني .انت قرصتك والقبر . ومراد .قام .. وباس مريم من خدها ..قدام آدم : الل هيشتل من أفعال ابنه .. واخد فريحه من ايديها يلا بسرعه قبل مايتحول عليا ..وعلشان اوصلك ... وغمز ل آدم ومريم واخد فريحه بسرعه ومشي ...
آدم : قاعد متغاظ ..وحاسس ان برج من دماغه هايطير .... الواد ده ابن كلب ..ومش هيعديها بالساهل معايا ... وانا اللي زعلان اني ما عملتش اكتر من كده .... وبص ل مريم بغيظ .. انت بتضحكي على ايه...
مريم : غصب عنها ..ضحكت بصوتها كله . ومن قلبها ..وفرحت . ان القط والفار . رجعو اخيرا بالسلامه ..
. حبيبي . خلاص يقلب مريم بقى .. احنا ما صدقنا ان احنا رجعنا نضحك من تاني .. وقربت من آدم وباسته ومن خدوا برومانسيه..
آدم : نضحك من تانى . الواد هيشلنى . الواد متعلمش .. انا هكله بسنانى . وشايط .وبتقولى نضحك من تانى .. واتغاظ اكتر من مريم الل مبسوطه . وكاتمه الضحكه . وصك على اسنانه ..
مريم : شايفه إن ممكن آدم يقلبها جد . ومتدايق فعلا .. قربت منه . آدم . انت وحشتنى اوى ومشتاقلك ...
آدم : بدأ يهدا .. وكمان هو مشتاق لمريم .. احم ..يعني انتى شايفه كده ...
مريم : مسكته من ياقة قميصه .. انا شايفه كده وابو كده .. وام كده .. وبعدين تعالى نطلع فوق .. علشان ورانا بكره حفله كبيره وهتكون متعبه ..
آدم : يعني انتي شايفه كده..
مريم : هههههههه ما انا قولتلك شايفه كده وابو كده يا ابو مراد ....
آدم : مااااشى .. انا هعدى الل عمله ابنك . بس علشان ضحكتك الحلوه دى . وكمان انتى الل جبتيه لنفسك .. استني وشالها
مريم : بعشقك يا آدم
آدم : وانا يقلب آدم
وطلع على فوق علشان يدخل جنة مريم
-------------بقلمى Mariem Nasar
-------- مستشفى النور
محمد فى العمليات هو ونور . وبيعلمها كل حاجه . ونور مش عارفه تركز . لان . الل بيعلهما ده حبيبها وخطيبها. . مش محمد الل كانت مفكراه انه اخوها. الكبير . وكلها شهر وهيبقو في بيت واحد . وفكرة انها هتكون معاه في اوضه واحده موتراها ...
محمد : وهو بيعمل العمليه . انتبه على نور المتلخبطه . وانها متوتره .ومش مركزه . وركز اكتر في العمليه . لحد مالحمد لله العمليه تمت ...
ومحمد خرج . وجمبه نور . لانه معودها اول مايخرج من اى عمليه تخرج معاه وتكون جمبه ..
.محمد طمن أهل المريض . إن العملية الحمد لله تمت على خير . وأنهم هينقلو المريض على الاوضه بعد مايفوق من البنج ... محمد استاذنهم .ومشى ونور ماشيه جمبه ..
نور : بتفكر في مبرر علشان تقوله ل محمد . لانها متوقعه أنه هيعاتبها . ويشد عليها علشان . تركز اكتر من كدا .. والل وترها اكتر . إن محمد وهو ماشى جمبها فى الطرقه . وكمان الاسانسير أنه معلقش . ومتكلمش كلمه واحده ..وبتفكر ياترى محمد هيزعقلى ......... يتبع
----------------بقلمى Mariem Nasar
رواية جريمة عشق٢
(عشقتها منذ نعومة أظافرها)
بسم الله نبدأ
طبعا عدي اسبوع على ابطالنا الحلوين .
آدم : لسه زعلان لكن من جواه ومش مبين زعله قدام حد .. ومريم طبعا عارفه انه زعلان وحاولت على قد ما تقدر .. لكن هو مش مديلها فرصه انه يعترف انه زعلان . واغلب الوقت بيقضيه في الشركه وفي مكتبه . .
.رغم ان مراد مش زعلان منه .. لان مراد عارف ان والده كان بيهزر مش اكتر..وان آدم هدده اكتر من مره انه يبعد ولكن مراد كان بيعاند
اما مراد : طول الاسبوع ده .. ما اتصلش على فريحه .. ولا كلمها رغم أنها وحشاه اوى . لكن استغرب عدم اتصالها . وبيفكر أنه يقطع اجازته ويرجع الحربيه تاني ... وطول الوقت بيطلع غيظه من فريحه وزعلها .. في الجيم ..
اما فريحه : على طول زعلانه وسرحانه . وحاسه انها وحيده . ومش عارفه تذاكر ولا تعمل اى حاجه واخر تدريب ليها . جابت فيه درجات وحشه ..وبتحاول تدراى حزنها قدام العيله . وبتعيط كتير لانها كل يوم منتظره اتصال من مراد . او يجيلها على الكليه ...لان طول ما مراد في الكليه بتاعته ما بتتكلمش معاه غير في الاجازات وبس ..
---------بقلمى Mariem Nasar
اما لارين : ركزت في دراستها .. وعايزه تثبت نفسها.. وبتحاول ما تفكرش في فهد كتير .. لكن كل اللي هي مستغرباه ان فهد ما ظهرش طول الاسبوع ده .. هي جواها نفسها تطمن لكن لا عمرها ما هتعمل كده ابدا..
وفي نفس الوقت . زعلانه من اهانتها ل فهد .
----------
اما رودي : على طول سرحانه .. في فارس ..وفرحت جدا لان لارين عزمتها على الحفله بعد بكره .. وسبب فرحتها .انها عرفت ان فارس هيكون موجود .. رودي بتفكير يا ترى هي حبت فارس .. ولا ده مجرد اعجاب .. لكن قلقت من كلام رينو لما كانت بتقولها في المستشفى .. ان فارس مابيحبش يتعامل مع البنات وعايش في حاله ..
------------
اما ساره : ابتسام . وسوزى . بيخطاطولها .. انها تقرب من جاسر وتوقعه في حبها .. علشان قريب تمضيه وهو واثق فيها ... لكن ساره كل ما تحاول تقرب من جاسر متعرفش . لانها مش بجرأة . سوزى . لكن ساره متعرفش إن امها تعمل كدا ف الحقيقة واكتر .. هي مفكره امها بتفكر بالطريقه دى لانها محروقه من جاسر وأنه السبب ف قتل جوزها ..ومن ضغطهم عليها انها تقرب منه. حاولت تانى وفشلت ومعرفتش لانها.
بتشوف قدامها راجل بيحترم العلاقات جدا .. وان ملك مراته . لما بتروح عنده الشركه مابيكونش شايف حد غيرها ... وكمان . جاسر عرف ملك على ساره ... وملك رحبت بيها جدا بكل حب .. لأن جاسر حكالها أنه متأكد من ان مالك معجب ب ساره . وملك عاملتها بكل احترام ... هنا ساره فكرت ازاي واحد بالشر ده . مراته تكون محجبه ولبسها محترم كده .. عكس ماما .. وازاي جاسر ده بيصلي الصلاه في وقتها ... وبيقفل المكتب و ينزل يصلي في المسجد .. وازاي واحد بالشر ده بيدء شغله في الشركه بانه يفتح المصحف ويقرأ فيه قبل ما يشتغل .. ساره بتفكير .. انا لازم اعرف ايه اللي حصل بالظبط ومالك هو المفتاح اللي هيوصلني للحقيقه .. اكيد عنده فكره عن الماضي ..
------
مليكه : ما بتخرجش كتير .بناءآ على طلب جاسر.. لكن جواها بتفكر انها هتخرج بأي طريقه .. وبرده جواها تفكير في زياد .. ومن عنادها شايفه ان الخروج والسهر والطريق اللي هتمشي فيه بعد كده انها كده بتنتقم من زياد ....
-----------
اما يوسف : زي ما هو. كل يوم يوصل مريم .. وعايش معاها حاله حب .. والحب بيكبر كل يوم عن اليوم اللي قبله .. ومريم فكت شويه مع يوسف .. وبدات تضحك وتهزر ..ويوسف اكتشف ان مريم دمها خفيف ..وعشقه ليها زاد اكتر من الاول . . وهدى وحسام مبسوطين .. لانهم شايفين مريم مبسوطه ..
. وبيدعو .. لزياد براحة البال ليل ونهار..
-------------
اما زين : زعلان علشان العلاقات في الفيلا عندهم متوتره . وحاول لكن مريم مانعته وقالتله انها هتحل كل حاجه ....
.وطبعا زين مع ريتال في الكليه .. وكل يوم يوصلها وهو مروح .. وقرب منها اكتر وبيحاول يغير من شخصيه ريتال .. وتثق في نفسها اكتر من كده .. .وفعلا زين شاف ان ريتال بدأت تتغير للاحسن نوعا ما .. لكن هو حابب طريقة حبها .. وردود افعالها في الحب .. وانه ديما يتمسكن. ويمثل انه زعلان .. وريتال . تخرج كل اللي جواها من حب دفعه واحده..
-------------بقلمى Mariem Nasar
فارس : طبعا زعلان على اخوه ومش عارف ايه سبب تغيير فهد ... وان فهد اصبح انسان عملي جدا.. وكمان لا بيهزر ولا بيتكلم كتير .. وانه بيجي هنا الفيلا بس علشان خاطر رنا ما تزعلش منه .. يسلم عليها ويقعد معاها خمس دقايق ويطلع على الشقه ... ويقعد باقي اليوم فيها .. وزعل لما عرف ان فهد بيفكر يقطع اجازته ويرجع للحربيه ... لكن هو برده مش عارف ليه شاف رودى في الحلم وان يوم العمليه اتكرر في الحلم .. وانه شايلها وهي عاكسته..
. وفكر في رودي ... وطرد الفكره .. لان الحب يمكن هو اللي يكون وصل فهد للحاله اللى وصلها دى .. هو ما عندوش فكره باللي حصل .. لكن هو عنده احساس بكده..
-----------
مالك : كل يوم يخرج من الكليه ويروح على شركه الصاوي.. يسلم على جاسر اللي كاشفه وكشف مشاعره تجاه ساره ... وبعدها يطلع على ساره في مكتبها .. ويستنى لما تخلص علشان يوصلها لحد باب شقتها .. وسوزي تفتح الباب ل ساره ومالك يستاذن ويمشي .... ومالك قرر انه قريب اوى هيعترف ل ساره بحقيقة مشاعره.
-----------
اما : ابتسام : الحيزبونه رجليها والقبر .. ولسه بتخطط وبتفكر فكره شيطانيه زيها .. وانها عايزه ساره بعد ما توقع جاسر .. تحاول تسمم مالك وانه يموت .. وتحرق قلب جاسر وملك على ابنهم .. زي ما هما كانوا السبب في حرق قلبها على عاصم .. وانها لو تطول تموت وتقتل عيلة العدوي كلها هتعملها .. وشافت لو انها جات فرصه مناسبه ان ساره تدخل عيلة العدوي وتعمل كده .. لكن خافت من آدم .. وافتكرت يوم ما هددها بالسكينه ...وابتسام جواها نار لانها مش عارفه تحصل على اي حاجه .. ولكن هتفضل ورا ساره .. لحد ما تعمل اللي هي عايزاه .. ومنتظره موت مالك .....ربنا ياخدها بقى ويريحنا منها ...
------------
بيتر زي ما هو علاقته ب آدم واكتر الاجتماعات يحضروها مع بعض .. وكمان طارق الل مجنن آدم وبيتر كمان مجنن آدم
--------------
اما نور : في الاسبوع ده .كان محمد بيوصلها الجامعه .. وبعد الجامعه نور ومريم يبدأو التجهيزات .. وانهم يخرجوا ينزلوا يشتري كل حاجه ناقصه في جهاز نور .. وآدم اقترح على مريم انها ما تتعبش نفسها وهو هيجيبلها كل حاجه .. مريم قالتله انها مبسوطه وهي بتشتري جهاز بنتها ....
..ونور كانت مبسوطه جدا .. لانها في نفس الوقت عايشه حالة حب مع محمد .. ويوميا يكلمها قبل ما تنام لحد ما تنام وهي معاه على الفون...ونور بتفكر انها تجيب هديه مميزه ل محمد
----------
اما محمد : مبسوط جدا مع نور و حس انه صغر 20 سنه .. وبدأ يظبط في شقته .. ومصطفى . واشرف اقترحو انهم يقدموله شقه هديه .. محمد رفض وقال ان الشقه دي فيها كل ذكرياته مع نور من افكار وصور .واحلام .. وهو هيتجوز فيها وفعلا بدا يظبطها .. وكان بياخد رأي نور في اي حاجه او ديكور فى الشقه أو أي تغيرات . وهينفذلها كل اللي هي عايزاه ..بس هي تروح وتختار وتشوف ايه الل هي عيزاه وهيتنفذ.ونور فرحت جدا. واتفقت انها هتروح معاه بعد حفلة آدم ...
-----------
اما بقى فهد : نقل في شقة طارق وعايش فيها .. وغير نظام الشقه .. وفتح اوضتين على بعض .. وجاب فيها اجهزه جيم .. وخصصها للجيم .. وبيطلع كل النار اللي جواه فيها وفي التدريب ... وفهد فعلا اتغير .. رينو وحشاه جدا .. لكن الغضب عاميه . ويوميا يفكر .. انها هانته في انه مش راجل .وانها بتكرهه . واستغلها . وانه اتهان في اعترافه بحبه ليها .. وانها استهانت بكل ده .. ومدتلوش فرصه يشرح موقفه ويعتذر .. ومش قادر ينساه وغضبه كل يوم يكبر عن اليوم اللي قبله .. وقاعد بيفكر انه يحاول على قد ما يقدر انه .. يخرج رينو من حياته .. وهيثبتلها ده .. وقال .. لان فهد السيوفي راجل من ضهر راجل يا لارين..
-------------بقلمى Mariem Nasar
---------------فيلا آدم العدوي
آدم : طول الليل مش عارف ينام . وواخد مريم في حضنه . وبيفكر كتير هيعمل ايه .!؟ الحفله خلاص بعد بكره .. والكل هيكون موجود ...طيب مراد وفريحه هيتقابلوا ازاي .. !!!!
مريم : نايمه في حضنه وقلقت لان آدم بيتحرك وهي في حضنه .. فتحت عينيها ...
مريم : حبيبي انت برده مش عارف تنام ..
آدم : بتنهيده . اسف يا حبيبتي صحيتك انا هنام اهو ...
مريم : حطت ايديها على خده .. انت قلقان من حفله بعد بكره مش كده ..
آدم : قلقان ..!!! قلقان ليه ..
مريم : قلقان .. من ان مراد وفريحه هيكونوا موجودين .. وانهم عدي عليهم حوالي اسبوع اهو ماتصالحوش .
آدم : وهو ده سهل يا مريم .. انا كان نفسي يتصالحوا.. انا بستغرب ازاى قدرو يبعدوا عن بعض اسبوع بحاله .. انا ما اقدرش على فراقك يوم واحد..
ولما كنت في تركيا كنت بموت من بعدك عني .. لكن دول بينهم مسافه صغيره .. ازاي مستحملين البعد كل ده .. ازاى محاولوش على الأقل ...
مريم : حضنته .. حبيبي انت هتقارن عشق ال آدم بعشق اي حد تاني . لا طبعا ...وعموما ما تقلقش انا هتصرف.
آدم : هاتتكلمى مع مراد يامريم .
مريم : عيوني انت تؤمرني امر .. انا هاتكلم مع مراد و هنشوف حل .. لان بجد ما ينفعش كده .. وكمان فريحه صعبانه عليا قوي .. اول ما النهار يطلع إن شاء الله. انا هاتكلم مع مراد يا حبيبي .. بس اهم حاجه عندى انك ماتقلقش ..
آدم : باس ايديها . ربنا يخليكي ليا يا قلبي ولا يحرمني منك ولا من وجودك جمبي ابدا ..
مريم : ولا يحرمني منك يا روح قلبي ....يلا بقى ممكن تنام شويه .. انت بقالك كام يوم مابتنمش كويس ... ولا اخدك انا في حضني وتنام ...
آدم : ياريت لكن اتعودت انك انتي اللي تكوني في حضن ال آدم ... وفعلا آدم دخلها كلها في حضنه ونام ...
-------------بقلمى Mariem Nasar
في الصباح ..
---------------
آدم : صحي قبل مريم ولبس وجهز نفسه ... ومريم فتحت عينيها ..صباح الخير يا حبيبي ..
آدم : صباح الخير يا روحي . صح النوم ..
مريم : قامت وحضنته من الخلف .. وهو لف ليها وحاوطها من وسطها مع ابتسامه .. آدم نمت كويس ..
آدم : وانا اقدر اقاوم حضنك ومانمش.. طبعا نمت كويس يا قلب آدم ..
مريم : حضنته . حبيبي انا متفائله .. ومدام شوفت ابتسامتك دي .. يبقى كل حاجه هتطظبط وتبقى تمام .
آدم : باسها من خدها .. حبيبتي انا واميرتى ربنا يديمك في حياتي ..
مريم : ويديمك تاج فوق راسي ..وراحت جابتله البرفان ولبسته الساعه .. حبيبي ثواني أدخل الحمام وهنزل اعملك القهوه مش هتاخر..
آدم : لا يا روحي ما تتعبيش نفسك انا هنزل على الشركه على طول .. وانت اتكلمي مع مراد وطمنيني اوكي ....
مريم : طيب والقهوه
آدم : هشربها في المكتب ...
مريم : بغيره .. اااه هتشربها من ايد ست كامى .
آدم : ابتسم .. كامى مين دى . هي بتعرف تعمل اندومى .لما تعمل قهوه .. ولاء .. هطلبها من اي حد غير كامي .. وبعدين الحمد لله . كلها اسبوع وكامى تسيب المكتب لان السكرتيره هترجع خلاص ....
مريم : ابتسمت .. بجد .. كويس انها هتمشى .علشان رمضان قرب ..
آدم : بجد يا روح قلبي . وكويس فعلا . انها هتمشى . الواحد مش ناقص ..وقرب منها وباسها .. انا هانزل بقى مش عايزه حاجه ..
مريم : عايزاك انت .
آدم : وانا موجود دايما جمبك يا روحي ..
مريم : يارب ديما جمبى .. انت هاتأكد على العيله ان الحفله بكره ...
آدم : اكيد . انا بس اوصل الشركه .. واتصل ب العيله كلها ..
مريم : ربنا معاك يا حبيبي ...
آدم : باس ايدها وحضنها تاني وسابها وخرج..
-------------------------
----------فيلا السيوفى
فريحه : لسه نايمه و هتتاخر على الكليه . رنا دخلت عليها تصحيها .فريحه... فريحه قومي ...
فريحه : ايه يا مامي . في ايه على الصبح ..
رنا : قومي اتاخرتي .. هو انا كل يوم هفضل اصحيكي كده ايه اللي جرالك .. انتي كنتي بتقومي لوحدك ..قومي بقى الساعه ٩
فريحه : حاضر يا مامي حاضر.. قومت اهو وقعدت على السرير ..
رنا : قومي كده خدى حمامك . وظبطي نفسك وصلي والبسي .. وانا هاجهزلك الفطار..
فريحه : لا يا مامي ما تعمليش فطار انا ها فطر مع ندي في الكليه ...وكمان مش هلحق ..
رنا : كل يوم نفس الاسطوانه ..انتي ما بقتيش بتاكلي زي الاول . ووشك اصفر .فريحه هتفطري قبل ما تنزلي ...
فريحه : ارجوكى يا مامي والله مش جعانه وصدقيني هفطر في الجامعه علشان خاطري ما تضغطيش عليا يا مامي ..
رنا : ماشي يا فريحه ..و لما اشوف اخرتها معاكي.. وسابتها وخرجت ...
..وفريحه قعدت على السرير وفتحت فونها وجابت صوره ل مراد وحشتني قوي يامراد..
-------------بقلمى Mariem Nasar
----------فيلا العدوي
مراد : في اوضته وصاحي من بدري .. واخد شاور ورجع نام على السرير تانى .وما لوش مزاج يعمل حاجه ... الباب خبطت
مراد : بديق .. ادخل .
مريم : فتحت الباب وابتسمت ممكن ادخل ..
مراد : اتعدل احتراماً ل مريم ...اه طبعا اتفضلي يا ماما ...
مريم : داخله وشايله صينيه عليها فطار و كوبايه لبن وهي داخله ... ماما !!؟ من امتى بتقولي واحنا لوحدنا يا ماما ..امممم شكلي كبرت فعلا ..
مراد : ابتسم تعالي يا مريم...
مريم : ايوه كده ..واضح ان لسه مكبرتش ..
مراد : خايف اغازل فيكى الدنيا تتقلب عليا اكتر من كده ..
مريم : ايه الكلام ده .. لا طبعا انت فهمت الموضوع غلط ..
مراد : اتنهد . لا غلط ولا صح خلاص اللي حصل حصل .... المهم ايه الاكل ده . !؟
مريم : ابدا ابني حبيبي ومرادي ما بقاش بينزل يفطر معايا زي كل اجازه.. قولت بقى ايه يا مريوم اعملي ل مراد الاكل اللي بيحبه.. واطلعي رجعيه لعقله اصل دماغه صعيدي ومش هتتعدل غير بمريم . صح
مراد : لا يا مريم ما ليش نفس ..
مريم : كلام ايه ده .. انت عايز تزعلني منك ..
مراد : انتي عارفه انتي عندي ايه.. وزعلك انتى انا ماقدرش عليه ..
مريم : خلاص . اثبتلى بقى .. اوعا بقى كده بقى واتاخر خدني جنبك مش معقول هكلمك وانا واقفه .... ومراد اتاخر وقعد في نص السرير
.. و مريم قاعده جمبه . وشالت الصينيه بين ايديها وحطتها على رجليها ... يلا بقى انا هاكلك بايدي
مراد : ابتسم هو فين ..!؟
مريم : متخافش نزل على الشركه..
مراد : امممم ولو كان موجود وشافك وانتي بتاكلينى كده ..
مريم : كويس انك فتحت كلام في الموضوع ده تانى .. انا جايه مخصوص علشان اوضح كل حاجه...
.. بس تعال اأكلك الاول واشربك اللبن .. وبعد كدا هاقولك على كل حاجه ..
مراد : بتعجب .. تشربيني اللبن.!!!!!..
مريم : طبعا انت في اخر سنه في الحربيه .. وكمان لياقتك وصحتك دي اهم حاجه .. كفايه التدريبات اللي انت بتعملها .. وكملت بزعل .. وكمان ابوك قالى ان رابعه حربيه دي بتطلع فيها مهمات .. وانك هتخلص اجازتك وهتطلع اول مهمه .. انا خايفه عليك قوي يا مراد..
مراد : مسك ايديها وباسها بحب .. متقلقيش يا ست الكل ابنك قدها ..
مريم : عارفه .. وربنا هو الحافظ واستودعتك عند الله في كل وقت وكل مكان ...
..ومريم أكلت مراد ..و شرب اللبن بعد محاولات من مريم ... وبعدها قعدو مع بعض ..ومريم هتبدا تتكلم.
مريم : ممكن بقى تحط راسك على رجلي ونتكلم..
وفعلا مراد . استسلم لانه مخنوق ومحتاج مريم في الوقت ده لانها بتعوضو عن اي حد . وحط راسه على رجليها ..
مريم : مسددت على شعره بحب .. مرادي حبيبي وابن قلبى .. ممكن اعرف انت ليه لحد دلوقت ما تكلمتش مع فريحه ...
مراد : بزعل من فريحه . مش قادر يا مريم مش قادر.. كل ما احاول .. افتكر اتهامها ليا بالخيانه واني كداب وكمان ...... افتكر انه باسها ومكسوف يكمل وسكت .. مش قادر ....
مريم : حبيبي مين فينا مبيغلطش . مراد لازم يحصل بين الاحبه مشاكل .. الحياه مش كلها عسل وبس على طول .. لازم يحصل مناوشات ولازم يحصل زعل .. علشان نقيم العلاقه يا حبيبي .. وبعدين فريحه معتقدش .. انها اتهمتك عن قصد هي بس اتصرفت من قلبها لما شافت وسمعت كلام آدم... بص يا مراد هي المواضيع كلها داخله في بعض .. بمعنى ان آدم كمان زعلان ومتدايق من نفسه لانه ماكانش يقصد .. وانت كمان زعلان لانك ما كنتش تقصد انك توصل ابوك للتصرف ده .. بص يا حبيبي انت كنت بتدايق ابوك وبتستفزوا .. في انك تنافسه فيا.. وكمان كنت بتنقي كل الكلام الحلو اللي كان آدم بيقوله ليا ..
مراد : لسه هيتكلم ....
مريم : لو سمحت سيبني اتكلم واقول كل حاجه.. وبعدها انت قول اللي جواك ... انت يا مراد ااستفزيت ابوك كتير .. ابوك ماعندوش مانع انك تحبني .. لكن انت دايما كنت بتختار الوقت اللي ابوك بيبقى موجود فيه .. وكمان تعاكسني قدامه .. وكمان مننكرش انك بتكون قاصد ده . مع انك عارف ابوك بيغير قد ايه .. ومش بيغير عليا انا بس .. انت عايش معانا وكنت شايف كان بيعمل معانا ايه .وبيغير لدرجة أنه مشدد على اخواتك البنات صيف شتا . ينامو بالبيجامات.. .وانه كان بيبقى غيران على نور من محمد قد ايه .. واي حد يقرب من رينو وماكانش يسمح باي غلط ... ابوك طبعه الغيره ... وانا كنت بكون فرحانه انه غيران عليا .. لكن يا حبيبي لما انت كلمتني على السكرتيره .. وانا رحت وشفتها وحسيت بالغيره ساعتها عذرت ابوك . لان ساعتها حسيت ..ان كل حته فيا كانت عباره عن نار .. وجوايا غيظ وغل وكنت عايزه اضرب البنت دي .. وكمان حسيت ان جسمي كله رجف .. وكنت عايزه اطلع غيظي كله في آدم .. وراسي كانت هتنفجر من الغيره .وضغطى حسيت انه علي عليا. وقلبي ساعتها كان فيه غيظ ... ده غير انى كنت متدايقه اوى ..ساعتها بس عذرت آدم وقولت هو بيتحمل كتير وكمان استحمل مراد ...ومع ان مراد بيختار كلام آدم ويقولو لحبيبته ... .
.حبيبى احيانا الهزار الزايد عن حده بيتقلب لضده ...
. زى اللي حصل مع آدم . لما كلم فريحه .. كان عايز فريحه تيجي هنا وتتخانق معاك .. وهو يقف في صف فريحه ويهتم بيها .. وكان عايزك تغير على فريحه . علشان تحس بالل بيحصل جواه .. لما انت بتهتم بحببته .. لكن لما فريحه عملت عكس كده ابوك زعل جدا .. هو مكانش متوقع ان ده يحصل .. وان الامور هتوصل لكده ... اما بقى بخصوص فريحه فهي ضحيه يا مراد ..
..مراد رافع راسه ليها ... ومريم كملت ايوه ضحيه .. فريحه معاك 18 سنه .. بتغير عليك وما بتستحملش اي بنت تقرب منك .. وانت حابب ده جدا منها .. لكن كمان هي جالها اتصال عن طريق الغلط .. ان مرادها حبيبها موجود مع بنات .. ايان كان المكان والزمان .. لكن في بنات حوالين مراد...
. وكمان قال انه موجود مع فريحه . وهو مش موجود مع فريحه ... واللي قال الكلام ده أبو مراد وابوها التاني . وصديقي العيله ... يعني كلام موثوق منه ١٠٠٪ .. فريحه هنا عملت زي اي بنت بتعشق حبيبها .. شافت ان حبيبها فعلا مش موجود معاها..
. ومش موجود في كليته .. وفونه مقفول لاول مره في اجازته ... وعقلها سيطر عليها .. ان كده مراد بيعمل حاجه غلط .. اي واحده مكانها هتفكر كده...
. مش شرط انها شاكه فيك .. لان مبدء فريحه من وهي صغيره الغيره على مراد الغيره وبس .. لكن اي بنت عقليتها هتفكر كده يا مراد .. وبعدين هي اول ما عرفت من ابوك كل حاجه عملت ايه ..!؟ مش جاتلك واعتذرت منك بدل المره ١٠ .. وانت رفضت تديلها فرصه .. وانت عاقبتها وخلتها تمشي وكسرت قلبها..
مراد انت غلطت انك ما سمعتش فريحه .. ليه هتستفاد ايه من بعدك عنها .. وهي تبعد عنك ... لا انت مرتاح ... ولا هي مرتاحه ... حبيبي الشيطان لما بيدخل عقل الانسان بيصورله اسوئ الصور قدامه .. هو الشيطان عايز ايه يعني غير الناس تعيش في هم ونكد وشك و غيره وحقد وغل ...
مراد : اتنهد فريحه عايشه و مبسوطه يا مريم بدليل انها ما اتصلتش ولا مره ..
مريم : شوفت .!!! اهو . ده اللي انا باتكلم فيه .. الشيطان صورلك انها عايشه مبسوطه .. طيب تعرف ان فريحه تعبانه ..!؟
مراد : اتعدل . فريحه . انتى عرفتى منين .. وتعبانه مالها فيها ايه ..
مريم : ابتسمت .. وحطت راس مراد على رجليها تاني . ايوه فريحه تعبانه . وكمان عرفت ان اخر تدريب ليها جابت درجات وحشه قوي .. وعرفت ده من رنا امبارح . وكمان فريحه ما بقتش بتاكل زي الاول وكملت ...بمكر.... شكلها كده بتنتقم من نفسها يا قلبي .. يعني لا بتاكل ولا بتشرب . وكمان في التدريب درجاتها وحشه .. وكمان مرادها مش موجود اكيد ..فريحه هتتعب وكمان نفسيا اكتر من جسديا..
فريحه اكيد دلوقت حاسه انها وحيده .. البنت لما حبيبها بيبعد عنها .. بتحس قد ايه ان هي مكسوره.. ووحيده . ومالهاش حد في الدنيا .. حتى لو حواليها العيله كلها .. بما ان حبيبها مش موجود هتحس انها يتيمه .. ياعينى عليكى يا فريحه..
مراد : قلبه وجعه على فرحته .. وحس انه غبي انه مادلهاش فرصه وسامحها ..هو كمان غلط لما قرب منها وباسها .. وهي قالتله انها تخطت كل حاجه معاه لانها بتحبه ..
مريم : اكيد يا مراد كلنا بنغلط في حق بعض وبنسامح بعض علشان المركب تمشي...لكن انت وفريحه نزلتو من المركب .. طيب المركب هتمشي ازاي طول ما انتو الاتنين مش فيها .. اعقل يا حبيب ماما .. اعقل كده وصالح فريحه .. وبعدين الحفله بكره هتقابلها ازاي ...!؟
مراد : سرحان في فريحه التعبانه اللي مانعه الاكل واتعدل وبص ل مريم المبتسمه هتروحلها وحياه مريم مش كده ....
مراد : حضن مريم . لانها ديما بتنور العتمه الل فى حياته ..وكمان لانه حاسس انه غلطان وظلم فريحه ولازم يصالحها .. وقام بسرعه .... اطلعي بره علشان البس...
مريم : كشرت عينيها .. اطلعي بره ... اه ماشي ...
يا مراد تستاهل اللي آدم عملوا فيك ...
مراد : هههههه .حبيبتي ما اقصدش .. قصدي علشان الحق بنت طارق ... ما تعرفيش هي في البيت ولا الجامعه ..
مريم : بسعاده . هاتصل على رنا واعرف منها وهاقولك وانت نازل يا حبيبي .. وربنا يهديك و يهديها.....
.وفعلا مريم نزلت مبسوطه واتصلت على آدم وقالتله ان مراد اقتنع .. ورايح دلوقتي يصالح فريحه ...
وآدم : فرح جدا .....
.ومريم بعدها اتصلت على رنا ..ورنا قالتلها ان فريحه خرجت .. وراحت على الكليه لكن بردو من غير فطار
مراد : لبس . قميص وبنطلون . فريحه بتحبه عليه اووى . ونزل بسرعه .. ها يا مريوم فريحه فين ..!؟ مريم : فريحه في الجامعه وخرجت من غير فطار..
مراد : باس على ايد مريم ...طيب سلام وخرج..
ومريم .: ابتسمت لان اخيرا آدامها . ومرادها .هيرجعو زي الاول
-------------بقلمى Mariem Nasar
--------- شركة آدم العدوي ...
آدم : اول ما عرف من مريم ان مراد اقتنع اخيرا و هيصالح فريحه ... فرح جدا .. وب طاقه ايجابيه بدا يتصل على العيله كلها علشان يأكد عليهم عزومه بكره .. والكل رحب جدا .. وكمان طارق ..لكن آدم حس إن طارق زعلان . وسأله مالك . طارق خاف يقول ل آدم . وآدم يتكلم مع فهد . يقوم فهد ينفذ تهديده . وطارق قرر انه ميقولش حاجه .قاله مفيش انا زى الفل.و قال ل آدم كلنا اكيد هنيجى .. لكن فهد ممكن ما يجيش الحفله ...
..وادم قفل مع طارق واتصل على فهد..
فهد : قاعد في شقته و نايم على الكنبه في الصاله تعبان لانه ما نمش غير الفجر من كتر التفكير . وانه بتفرج على فيدوهات رينو وصور ليها . وفاق على صوت الفون ..وجابه من على الترابيزه بملل ... وشاف رقم .... آدم واتعدل .. ورد
فهد : الو ....
آدم : الو .. ايه يا كوتش فينك !؟
فهد : موجود يا عمي .. انت عامل ايه.!؟
آدم : موجود .!!!! وعامل ايه ... انا عامل كويس .. انما انت مش موجود .. ايه فينك من يوم حفله جاسر وما شوفتش خلقتك ..
فهد : اسف يا عمي .. انا بس كنت بتمرن علشان لما ارجع الكليه تاني انت عارف نظام الحربيه ...
آدم : جميل وحلو .. لكن انت بتاخد اجازه وبتعوض فيها في انك تقعد مع حبايبك مش تطلع عينك في التدريب .. وبعدين انت ومراد ما شاء الله مش محتاجين تدريب ده انتو تيران الله اكبر ..
فهد : بشبح ابتسامه ... وسكت
آدم : انت كويس يا فهد!؟
فهد : لازم يثبت عكس الل جواه علشان عارف ان آدم زكي .. انا فله يا عمي وكمان هاجيلك الشركه اعدي عليك انهردا . انت وحشنى ...
آدم : لا يا حبيبي .. مش عايز اشوف وشك النهارده..
بس تكون موجود عندي بكره .. انت ناسي ولا ايه ..
. ان الحفله بكره ..
فهد : اتعدل اكتر .وبلع ريقه .. حفله عندكو .وسرح في رينو انه هيشوفها بكره .. لكن هو مش عايز .. حاسس انه هيضعف ...
آدم : ايه يا بغل انت . رحت فين .
فهد : معاك يا عمي . ان شاء الله هاشوف .
آدم : ما فيش هتشوف .. وايه هتشوف دي ..انت تكون موجود بكره فاهم ..
فهد : اتلخبط.. ومش عارف يفكر ولا ياخد قرار .. فاهم يا عمي... فاهم .
آدم : طيب .. تمام يلا بقى اقفل علشان عمك بيتر جايلى دلوقت .. وقفلو .. وفهد قعد مكانه بيفكر ازاي هيحضر بكره في الحفله وهو مش عايز يشوفها ..
. وكمان هيموت ويشوفها .. لكن هي صغرت بيه جدا.. وسرح في كلامها ليه وبعدها سرحت في عيونها اللي وحشاه و طريقه كلامها .. وطرد الفكره وقام علشان يعمل قهوه .. ومش عارف يعمل ايه بعد كده
----------------بقلمى Mariem Nasar
ف الجامعه .---- نور ...ونرمين ..
نرمين : كده يا نور .. يعني تتخطبي وانا ما اعرفش . وكمان آخر من يعلم .. انا زعلت منك على فكره.
نور : والله يا نرمين حصلت فجاه .. وبعدين انا كنت بعيده فتره عن الكليه .. وغير كده طول الاسبوع ده انا كنت باتصل عليكي . وفونك على طول مقفول.. وما عرفتش اوصلك .. ولما جيت الجامعه هنا ..انتي ما كنتيش موجوده .. قوليلي بقى اعمل ايه ...
نرمين : انا فوني وقع منى في الاتوبيس واتكسر.. ولما تفرج بقى . ابقى اجيب فون انت عارفه الحاله.. وكنت ما بجيش علشان امي كانت مسافره البلد .. وانا قاعده مع اخويا الصغير .. بيني وبينك زهقت من الكليه ..
نور ::حبيبتي .. ولا يهمك ليكي فون عندي هديه بمناسبة خطوبتي يا ستي .. بس انتي ما تزعليش. نرمين : بفرحه . بجد حبيبتي والله انتي بنت جدعه جدا ..حبيبتي يا نور .. ومش زعلانه منك يا قلبي .. الف الف مبروك .. و بصراحه الدكتور محمد لايق عليكي قوي . وكمان قمر ..
نور : بغيره .. طيب ركزي معايا انا .. وسيبك من محمد . محدش طلب رأيك . ابن خالتي وعرفاه..
نرمين : هههههههههه ايوه الغيره بقى .. حبيبتي انا هركز معاكي ماليش دعوه بيه .. المهم هتجيبيلي الفون امتى ..
نور : قريب يا قلبي ...
نرمين : الا قوليلي يانور .. انا جيت النهارده وماشوفتش هشام الرزل .. وسألت عليه قالولي ان ماحدش يعرف عنه حاجه من حوالى اسبوعين متعرفيش ايه السبب.ومبيجيش ليه.
نور : اتوترت واتدايقت . اقولك ايه يعني .. وانا هعرف زفت ده فين .. يارب ما يجي الجامعه تاني.. انتي. فصلتيني والله يا نرمين ...
نرمين : انا بسألك . عادى والله . علشان بس هو كان عايز يتقدملك . قولت ممكن تكونى عارفه . متزعليش . بس انا هعرف . من البت علا..
نور : بتنفخ بديق . لما سمعت اسم هشام . ومش عيزا تفتكر الل حصل معاها قبل كدا ..وفونها .رن وكان المتصل محمد .. وابتسمت ..
نور : نرمين ...
نرمين : نعم يا نور ..
نور : قومي من هنا بقى ..علشان محمد بيتصل
نرمين : هههههه . وماله يا عم . ربنا يهني سعيد بسعيده ...وقامت هاستناكي بره في الكافتيريا..
نور : ردت الو ....محمد .
محمد : الو ... نفسي اعرف ما بترديش على طول ليه.. المحاضره بتاعتك خلصت من عشر دقايق .
نور : ابتسمت . وحطت ايدها على خدها .. أمممم.. وانت بقى عرفت منين ان المحاضره خلصت .!!! وكمان من عشر دقايق ..!؟ انت بتراقبنى .!!؟
محمد : حبيبتي . انا عارف . مواعيد محاضراتك . قبل مواعيد كشفي على المرضى .. وانا عندي كام نور يعنى علشان اهتم بيها . مش اراقبها . هااا
نور : ابتسمت بحب .محمد ...
محمد : قلبه .
نور : ربنا يخليك ليا
محمد ::قلبه دق .. حبيبتي انا . ربنا يخليكي لقلب محمد .
نور : هتيجي تاخدني بعد المحاضره التانيه .
محمد : اممم لا صعب .
نور : بزعل ليه بس ..
محمد : انتي اللي هتيجيلى على المستشفى يا قلبي . علشان في مريض هيعمل عمليه .. لكن انا مستني الاشعه والتحاليل واول ما اشوفها هنبدا العمليه وعايزك معايا.
نور : احم . خلاص اوكي هاخلص . المحاضره .واخد تاكسي واجيلك
محمد : عيب والله .
نور : هو ايه الل عيب مش فاهمه
محمد : قلبي . ممنوع تركبي تاكسي تاني وانا موجود ..
نور : امم طيب انت مش هتيجي تاخدنى . وكمان ممنوع أركب تاكسي...طيب والحل بقى ..
محمد : بصي انتي محضرتك هتبدا بعد نص ساعه..
. انا هاكون موجود عندك بعد المحاضره على طول .. واجي اخدك من قلب الجامعه .. ونطلع على المستشفى اوكي يا روحي ..
نور : بسعاده .. بموت فيك والله. .
محمد : يااااه اخيرا يانور ... انتي من يوم الاعتراف ما قولتليش اي كلمه تنعشي بيها قلبي ..
نور : وشها بقى احمر . واتكسفت .وسكتت ..
محمد : ابتسم ..اكيد خدودك بقت زى الطماطم دلوقتى ..
نور : حطت ايديها على وشها ..واستغربت .. وبصت حواليها .. محمد انت متأكد انك دلوقتى مش مراقبني ..
محمد : نور . انتي بنت قلبي . وبنت عمري .. وحافظ كل تفاصيلك يا نورى ..
نور : بحب محمد .
محمد : عيون محمد .
نور : بحبك
----------------بقلمى Mariem Nasar
---------- ف الجامعه . فريحه . وندى
ندى : وبعدهالك يا فريحه .. هتفضلي منكده كده على طول .. يا بنتي اضحكي وشك شقق .
فريحه : قاعده حزينه .. وكل شويه تتنهد من الحزن.. لأن مراد وحشها .. عايزاني اعمل ايه يا ندى.. لو متدايقه من وجودي هاقوم امشي ..
ندى : انتي عبيطه ..وانتي قاعده في بيتنا يعني .. انا بس مش متعوده عليكي كده . انتي بقالك اسبوع على الحال ده .. لا بتاكلي ولا بتشربي . ولا بتذاكري. وخسيتى . ووشك بقى دبلان .. مش فريحه ابدا..
فريحه : معلش استحمليني شويه .انا هبقى كويسه. ومسيري هتعود..
ندى : هتتعودى على ايه يا فريحه . مراد..!
فريحه : ايوه مراد .. لازم اتعود على بعده ..
ندى : فريحه ... مراد ...!!! يافريحه..
فريحه : خلاص يا ندى الظاهر انا ومراد ...
ندى : يا غبيه مراد .جاى علينا . هناك اهو . موجود هنا..
فريحه : قلبها دق . وخافت لا تكون بتحلم ..ندى .. انتي قولتي . ان مراد هنا ..
ندى : لسه هتتكلم ...
مراد : جه من ورا فريحه .. ووطي وهمس فى ودنها.. ايوه مرادك هنا ..
فريحه : لفت .. وشافت مرادها .. وقلبها دق بسرعه كبيره . ومش مستوعبه ..وكانت عايزه تحضنه .. ولكن هي حاسه انها بتحلم ..
مراد : شاف فريحه وفعلا متغيره .. وشها متغير ودبلان .. وزعل جدا .. ولعن نفسه ..ولكن هي وحشاه اوى
مراد : فريحه ..وحشتيني
فريحه : غمضت عينيها لما سمعت الكلمه ودموعها نزلت ..
مراد : قلبه وجعه . لما شاف دموع حبيبته ..ولعن نفسه اكتر .. وكان جايب معاه بوكس كبير ... وبص على ندى وقالها امسكي ده ..
ندى : فاتحه بقها من حجم البوكس ومسكته والبوكس كانت بين ايديها ...
مراد : مسح دموع فريحه اللي نازله في صمت ..
مراد : انتى عارفه انى مبحبش اشوف دموعك ..وحشتيني بجد يا فريحه ..
فريحه : مش عارفه تتكلم ..هو مراد فعلا اللي قدامها .. يعني ده مراد بجد ..ولا بحلم ...
مراد : فريحه انتي نمتي وانتي واقفه ..
فريحه : فتحت عينيها وبصت في عيون مراد .. اللي وحشاها جدا .... ومراد كمان عينيه اتعلقت بعيون فريحه . وفضلوا باصين لبعض للحظات ..
.وندى حبت طريقه حبهم قوى .. واتمنت واحد زي مراد ...
فريحه : مراد ..
مراد : عيونه ..
فريحه : انت بجد هنا ..
مراد : ايوه يا فريحتى . انا ما اقدرش ابعد عنك اكتر من كده .. وخصوصا بعد ما عرفت ان قلبك جامد قوي كده ...
فريحه : عيطت انا قلبي جامد يا مراد .. وعيطت اكتر .. انا هونت عليك يا مراد تبعد عني الاسبوع ده كله ...
مراد : ما استحملش .. بس يا فريحه علشان خاطري.. مش عايز احضنك في الجامعه ..قدام الكل..
فريحه : لسه بتعيط ...
مراد : خلاص بقى .. وحياة مرادك ..
فريحه : سكتت .. وبطلت عياط
مراد : ايوه كده شاطره .. وبعدين انتي ماهونتيش عليا ابدا .. بدليل اني قدامك اهو ..
فريحه : مش عارفه تعمل ايه . هي فرحانه لأن مراد قدامها .. اخيرا هتبدا تتنفس وتعيش ... كل الزعل اتنسى .. كل الافكار السلبيه اختفت ما بين مراد وفريحه .. نسيو كل حاجه .. وفريحه مره واحده اترمت في حضن مراد .. متبعدش عني تاني يا مراد ارجوك .. ودموعها نازله ..
مراد : قلبه دق . لانه هو بيعشق فريحه .. وقربها منه بيجننه .. وخصوصا انه ما شفهاش اسبوع بحاله ..مراد غمض عينيه .. لكن حاول يسيطر على مشاعره . لانهم في الجامعه . وكمان في ناس كتير موجوده .. وخرجها من حضنه .. ومسح دموعها خلاص بقى اهدى علشان خاطري ..وياستي ما تزعليش مني .. اعتبريها ساعه شيطان وراحت لحالها.
فريحه : بدموع يعني مش زعلان من اني ......وسكتت
مرات : خلاص بقى انسى الهطل اللي انتي كنتي بتقوليه .. انا عارف انك حماره و متخلفه .. واكيد مكنش قصدك ..
فريحه : فعلا عندك حق..
مراد : هههههه . فعلا يعني شايفه نفسك حماره و متخلفه ...
فريحه : بغيظ . لا اقصد .فعلا انه مكنش قصدي يابن العدوي.
مراد : فريحه .. اضحكي يا فريحه انتي وحشاني.
فريحه : ابتسمت بخجل ..وحاسه انها فرحانه . واتكلمت هي ومراد وناسيين ندى الل واقفه متنحه وبوقها مفتوح ....
مراد : انتبه . وشاف ندى ماسكه البوكس وفاتحه بقها ...مراد قرب من ندى .. واخد البوكس وايديها زي ما هي مكان البوكس ..
مراد : يا انسه ندى .
ندى : ..... ساكته وسرحانه.
مراد : يا انسه ندى اقفلي بقك علشان الدبان ..
ندى : ها .. واتحرجت .. احم طيب يا فريحه انا هامشي انا ومشيت ...
مراد : بص ل فريحه .. عسوله اوى ندى .
فريحه : بنظرة تحذير ... اللهم طولك يا روح ..
مراد : مش عسوله اوى . عندها ضرس مسوس ابقى قوليلها تحشيه ...
فريحه . هههههههه .
مراد : ايوه بقى .. خلاص يا روحي اهدى .. المهم يا قلبي ..انا ماهنش عليا ادخل عليكي الجامعه وايدي فاضيه .اتفضلي .. وقدم البوكس ل فريحه اللي فرحت جدا ..
فريحه : الله يا مراد .. ايه ده البوكس الجميل ده علشاني انا ..!؟
مراد : لا . ده علشان ندى .
فريحه : ما تهدى بقى ..
مراد : ايوه كده رجعتي لاصلك ..
فريحه : اوف استغفر الله العظيم يا رب يابني البوكس ده علشاني ما تقول ..
مراد : والله ما انا قايل .. لانك غبيه وحماره .
فريحه : ههههه يبقى علشاني ..هات بقى وكان في كراسي وتربيزات جمبهم . وقعدو
فريحه : مراد افتح البوكس ..
مراد : براحتك يا قلبي اللي يسعدك يسعدني..
فريحه : انا مش هاصبر لما اروح . وفتحته ..
واول ما فتحته ..فريحه.اتغاظت وعفاريت الدنيا كلها كانت بتتنطط في وشها ...
فريحه : اييييه داااا .. مراد ايه ده جايبلي كلب لعبه وكمان ديناصور لعبه .. و اتغاظت اكتر ..
مراد : مش مصدقه صح ..انا قولت هيعجبوكي والله حبيبتي دي اقل حاجه عندي .. كان في خروف بس قولت اجيبهولك في العيد الكبير...
فريحه : شاطت .. اعمل فيك ايه .. اعمل فيك ايه !! مراد : هاتي بوسه ....
فريحه : اتكسفت .. بس بقى يامراد..
مراد : قلب مراد بقى ..وبعدين انا عارف انك بتحبي الحيوانات .. وكمان ما شاء الله مراتي في المستقبل هتبقى دكتوره بهايم قد الدنيا .. فبحاول اساعدك .. وصدقيني انا لفيت المول كله . وفي الاخر شوفت الكلب ده . والديناصور وبعد ما اشترتهم كان في حمار .. بس قولت اجبهولك فى زعله تانيه ان شاء الله .. ههههههههه
فريحه : هههههه بخربيت الخفه . عسل يا مراد ..
مراد : اهم حاجه انها تعجبك يا روحي ..
فريحه : اتنهدت . عجبتني اوى . اي حاجه منك يا مراد تعجبني .ان شاله كلب ..
مراد : حبيبتي . وانا عندى كام فريحه يعنى ..
مراد : شال اللعب من قدامها .. وجاب البوكس . وطلع منه شنطه هدايا ..
فريحه : توقعت ان دي تكون الهديه اللي بجد ..
مراد : فتح الشنطه و كان فيها سندوتشات فول وطعميه .
فريحه : اتصدمت . جايب اكل . وفى البوكس .وكمان في شنطة هدايا ..
مراد : احلا فطار لقلبي .. انا عارف انك ما فطرتيش ..وجبتلك فطار معايا .
فريحه : صكت على اسنانها .. بجد فطار .. فول وطعميه يا مراد ...
مراد : لا ومخلل كمان .. بتحبي الجزر انتي مش كده انا قولت للراجل اتوصى وكتر جزر على قد ما تقدر.
فريحه : حاسه ان ضغطها بدا يعلى ..مراد انت هتموتني ..
مراد : اكتر من كده .. ما انتي بتموتي فيا يا قلبي .. وبعدها مسك ايديها .. فريحه انتى بجد وحشتيني.
فريحه : اتكسفت .احم . وبعدها شمت ريحة الأكل ..مراد ..
مراد : عيونه
فريحه : انا جعانه ..
مراد : طفسه يا روحي ..
ومراد : طلع السندوتشات لفريحه واكلها وسط الجامعه .. وفريحه اتكسفت .. وكمان اكتشفت انها كانت جعانه قوي فعلا .. وان الاكل النهارده مميز وطعمه مختلف ..وفريحه كانت مبسوطه اوى إن اخيرا مرادها جمبها ومعاها ..
فريحه : باااس الحمد لله.. ياااااه كنت جعانه قوي.
مراد : بالهنا يا قلبي .. انتى شفطي السندوتشات كلها ...
فريحه : الله بقى يامراد . كنت جعانه اوى . والمخلل كان حلو . عايزه احبس بكوباية شاى
مراد : تحبسى . ومستغربه انى جايبلك كلب . حاضر يستى هجبلك واحد شاى على ميا بيضا يمعلم
فريحه : حبيبي تسلملى ياوحش ..
مراد طلب ل فريحه شاى . وهو طلب لنفسه قهوه . وبعد ماشربو ..مراد حاسب ..وقام
مراد : قومي بقى علشان هاخدك على مشوارين مهمين ..
فريحه : هنروح على فين ...
مراد : قومي . وانتى ساكته ..
فريحه : قامت ومراد مسك ايديها . وطلع من جيبه علبه قطيفه .. وكان فيها سلسله جميله وقدمهالها هديه .. وفريحه فرحت جدا واتنططت زى الأطفال مراد : ضربها على رأسها اعقلى بقى . بدل ما ارنك علقه تفوقك . بتتنططى في الشارع ..
فريحه : من فرحتى يامراد. بجد انا مبسوطه اووى
مراد : ولسه يقلبى . انا هخدك اول مشوار مهم . هشتريلك فستان علشان حفلة بكره ..
فريحه : شهقت ...موووراااد . انت بتتكلم بجد . بجد.
مراد : انتى هتتحولى ولا ايه يا فريحه .. يلا هاتى ايدك . ومراد حط ايد فريحه في دراعه . وشال البوكس . وحطه في العربيه . وفتح الباب لفريحته . الل شاف الفرحه في عينيها . ووشها نور من تانى ..
واخدها على المول . لكن مراد طلع عين فريحه . ومش عجبه اى فستان تقسيه . الل يطلع ديق . الل يطلع ملفت . والل لونه مش حابه عليها . هو غيران لأن كل حاجه مظبوطه على فريحه . وشكلها ملفت اوى ..
واخيرا . شاف فستان اوف وايت . ورقيق . وقالها قيسى ده . عجبني . وفريحه قاست الفستان . وكان جميل عليها . وعجبه جدا على فريحه . واخيرا مراد اشتراه . وبعد كدا جابلها كل مستلزمات الفستان . حجاب . وشطنه . وجزمه . واكسسوارات . وكانت فريحه بتختار بسعاده وتاخد رأيه . وهو يوافقها . هو خلاص اختار اهم حاجه ل فريحه فستانها الل حبه عليها . اما الاكسسوارات دى هو سابها تختار . علشان يحسسها انها ليها رأيى وكيان . وبعد ماخلصو اخيراا . ركبو العربيه ..
فريحه : يااااه . اخيرا . اخدنا وقت كبير اوى . وكل الوقت ده ف اختيار الفستان ..
مراد : وهو اى فستان . ده فستان فريحتى. وبص ف الساعه . تمام يلا على المشوار التانى ..
فريحه مشوار ايه .
مراد : مشوار اهم من كل حاجه . وساق العربيه .
واخيرا مراد وصل الفيلا عندهم ..ونزل واخد فريحه ودخل على الفيلا ... وكان آدم. ومريم وزين .ورينو . كلهم بيتغدوا ..ولما مراد دخل الفيلا هو وفريحه مع بعض .. وآدم ومريم شافوهم فرحو جدا وابتسموا... لان الحمد لله وش فريحه يبشر بالخير ... وانهم جايين مع بعض كده انهم اتصالحه..
مراد : دخل مساء الخير ...
كلهم : مساء النور ...
فريحه : مساء الخير....
كلهم : مساء النور ...
مريم : اهلا يافريحه . تعالى يا حبيبتي اقعدي اتغدى
فريحه : لا شكرا ياخالتو ..انا اكلت في الجامعه ..
مراد : اه اكلت وحبست ب شاي وضحكوا ...
آدم : خلص اكل و قام .. عن اذنكم .. ومريم قامت وكلهم اكلو ...
زين : بابا . انا هعدى . على عمى أشرف .. وهطلع على الجيم ...
آدم : ابتسم .. ماشى . بس متتأخرش .
زين : هتعوزى حاجه ياست الكل ..
مريم : سلامتك . يازينى . ربنا يحفظك ..
ورينو استأذنت وطلعت تذاكر ..
آدم : قاعد في الليفنج . ومريم قاعده جمبه .. وجه مراد وفريحه .. قعدو معاهم ...
مراد : بدا يتكلم . احم .. بابا انا كنت عايز اتكلم معاك ..
آدم : اتفضل يا مراد سامعك ...
مراد : انا عايز اعتذر لحضرتك . على اللي انا عملته .. لكن صدقني انا ما كانش قصدي اني ادايقك .. انت عارفاني بحب ازاولك وبس ...
آدم : ما فيش حاجه يا مراد . ومش عيب الواحد يعترف بغلطه .. وانا كمان بعترف انى عملت مشكله عن طريق الخطأ .. لكن الموضوع طلع من ايدي و خرج عن السيطره ...
فريحه : انت معملتش حاجه يا عمو .. حضرتك . ادتلنا درس مهم . وهو انى اثق في حب عمرى . وكمان مراد . فكر أنه بعد كدا يسمعنى . ويشوف وجهة نظرى ويستوعبها . وانا متسرعش . واسمع وجهة نظر مراد . وبعدها نحكم الأمور . بعلقنا ..
انا بجد بشكرك . لانى اتعلمت درس مهم . وكمان أكتشفت أن الفراق وحش اوي .. احنا اسفين بجد .
مراد : متزعلش بقى ياحج .وانت تعمل الل انت عيزو ..وبرحتك .. وقام باس على راس آدم احتراماً
مريم : بسعاده . الحمد لله ... الحمد لله ان مراد وفريحه اتراضو . ورجعو لعقلهم ... كده بقى نعمل الحفله واحنا مطمنين ..
مراد : طبعا يا مريومه يا عسل .. وهو انا اقدر ازعلك. دا انتى ملكه تؤمرى والكل ينفذ...
آدم : حط ايده على جبهته بنفاذ صبر. من ابنه وحاول . يمتص غضبه وسكت ...
مراد : شم ريحة الشياط .. اعذرني يا حاج هو طبع فيا .. وانا مش هاقدر اوفي بوعدي ليك .. واسيب مريم في حالها ....
فريحه : ضحكت جامد .. رهيب . رهيب . وكمان مريم . الل اتصدمت من مراد ابنها . لكن غصب عنها ضحكت ..
..وادم : بصلهم بغيظ .. هو انتو متفقين عليا ...
مراد : قام وقعد جمب ابوه .. اعذرني يا حاج بقى .. وخلي قلبك ابيض وما تزعلش مني .. وسيبني براحتي ...
آدم :بصدمه ... اسيبك براحتك .. اسيبك براحتك ازاي يالا انت .. انت ياض مش لسه جاي تقولي مازعلش انك دايقتني .. تقوم تعاكس . امك
مراد : انا مش عارف ..مالك ياحاج دي امي .. دي مريومتي حبيبتي ... انا ما اقدرش استغنى عنها ... وانت بقى حاول كده تصفي قلبك من ناحيتي ... بس يا ريت .. يا ريت ابوس ايدك .ما تعملش اي حركه تاني .انت قرصتك والقبر . ومراد .قام .. وباس مريم من خدها ..قدام آدم : الل هيشتل من أفعال ابنه .. واخد فريحه من ايديها يلا بسرعه قبل مايتحول عليا ..وعلشان اوصلك ... وغمز ل آدم ومريم واخد فريحه بسرعه ومشي ...
آدم : قاعد متغاظ ..وحاسس ان برج من دماغه هايطير .... الواد ده ابن كلب ..ومش هيعديها بالساهل معايا ... وانا اللي زعلان اني ما عملتش اكتر من كده .... وبص ل مريم بغيظ .. انت بتضحكي على ايه...
مريم : غصب عنها ..ضحكت بصوتها كله . ومن قلبها ..وفرحت . ان القط والفار . رجعو اخيرا بالسلامه ..
. حبيبي . خلاص يقلب مريم بقى .. احنا ما صدقنا ان احنا رجعنا نضحك من تاني .. وقربت من آدم وباسته ومن خدوا برومانسيه..
آدم : نضحك من تانى . الواد هيشلنى . الواد متعلمش .. انا هكله بسنانى . وشايط .وبتقولى نضحك من تانى .. واتغاظ اكتر من مريم الل مبسوطه . وكاتمه الضحكه . وصك على اسنانه ..
مريم : شايفه إن ممكن آدم يقلبها جد . ومتدايق فعلا .. قربت منه . آدم . انت وحشتنى اوى ومشتاقلك ...
آدم : بدأ يهدا .. وكمان هو مشتاق لمريم .. احم ..يعني انتى شايفه كده ...
مريم : مسكته من ياقة قميصه .. انا شايفه كده وابو كده .. وام كده .. وبعدين تعالى نطلع فوق .. علشان ورانا بكره حفله كبيره وهتكون متعبه ..
آدم : يعني انتي شايفه كده..
مريم : هههههههه ما انا قولتلك شايفه كده وابو كده يا ابو مراد ....
آدم : مااااشى .. انا هعدى الل عمله ابنك . بس علشان ضحكتك الحلوه دى . وكمان انتى الل جبتيه لنفسك .. استني وشالها
مريم : بعشقك يا آدم
آدم : وانا يقلب آدم
وطلع على فوق علشان يدخل جنة مريم
-------------بقلمى Mariem Nasar
-------- مستشفى النور
محمد فى العمليات هو ونور . وبيعلمها كل حاجه . ونور مش عارفه تركز . لان . الل بيعلهما ده حبيبها وخطيبها. . مش محمد الل كانت مفكراه انه اخوها. الكبير . وكلها شهر وهيبقو في بيت واحد . وفكرة انها هتكون معاه في اوضه واحده موتراها ...
محمد : وهو بيعمل العمليه . انتبه على نور المتلخبطه . وانها متوتره .ومش مركزه . وركز اكتر في العمليه . لحد مالحمد لله العمليه تمت ...
ومحمد خرج . وجمبه نور . لانه معودها اول مايخرج من اى عمليه تخرج معاه وتكون جمبه ..
.محمد طمن أهل المريض . إن العملية الحمد لله تمت على خير . وأنهم هينقلو المريض على الاوضه بعد مايفوق من البنج ... محمد استاذنهم .ومشى ونور ماشيه جمبه ..
نور : بتفكر في مبرر علشان تقوله ل محمد . لانها متوقعه أنه هيعاتبها . ويشد عليها علشان . تركز اكتر من كدا .. والل وترها اكتر . إن محمد وهو ماشى جمبها فى الطرقه . وكمان الاسانسير أنه معلقش . ومتكلمش كلمه واحده ..وبتفكر ياترى محمد هيزعقلى ......... يتبع
----------------بقلمى Mariem Nasar
الاكثر قراءة :
موعد الحلقة الجديد الساعة ( 4 م ) يوميا ان شاء الله .
الى هنا تنتهى احداث رواية جريمة عشق الجزء الثانى الحلقة 15 ، يمكنكم اكمال باقى احداث رواية جريمة عشق الجزء الثانى الحلقة 16 أوقراءة المزيد من الروايات المكتملة فى قسم روايات كاملة .
نأمل أن تكونوا قد استمتعتم بـ رواية جريمة عشق 2 ، والى اللقاء فى حلقة قادمة بإذن الله ، لمزيد من الروايات يمكنكم متابعتنا على الموقع أو فيس بوك ، كما يمكنكم طلب رواياتكم المفضلة وسنقوم بوضعها كاملة على الموقع .