نقدم اليوم احداث رواية جريمة عشق 3 الحلقة الثالثة من روايات مريم نصار . والتى تندرج تحت تصنيف روايات رومانسية ، والتى نالت اعجاباً شديداً بين القراء سواء واتباد أو فيس بوك . نرحب بكم فى موقع مجنونة عشاق روايات موقعنا ، هنا سوف تجد كل رواياتك : روايات رومانسية ، روايات رومانسية مصرية ، قصص عشق ، قصص قصيرة ، قصص حب ، روايات pdf ، روايات واتباد ، قصص رعب ، روايات رومانسية كوميدية .
جريمة عشق 3 الحلقة 3
تعد رواية جريمه عشق 3 واحدة من اجمل روايات رومانسية والتى نالت شهرة كبيرة على صفحتنا على الفيس بوك وعلى الموقع وهى من روايات مريم نصار ، نتمنى لكم قراءة ممتعة ، كما يمكنكم تنزيل رواية جريمة عشق pdf كاملة من خلال موقعنا .
يمكنكم قراءة احداث رواية جريمة عشق كاملة بقلم مريم نصار من خلال موقعكم مجنونة رواية من خلال اللينك السابق ....
رواية عشق الفهد الفصل 3
رواية جريمة عشق٣
(عشق الفهد)
بسم الله نبدأ
فهد عمل القهوه . وراح بيها على الليفنج . وقعد . بتنهيده . وبيشرب القهوه بملل . ودماغه. شغاله وبعد شويه خلص القهوه . وقام ودخل الاوضه وبيقلع التي شيرت وهو داخل الحمام ياخد شاور . وهو تحت الدش بردو دماغه شغاله . ومخنوق من نفسه . وحاسس أن حب لارين ليه بيضعفه مش بيقويه . بيكون ديما فى تفكير وحيره . وفضل يفكر كتير فى السلب . واتخنق اكتر . وخلص الشاور . ولبس. وخرج . وراسه صدعت من كتر التفكير . فتح الدرج . واخد برشامتين مسكن . وحط فونه على الشاحن وعمله صامت. وقفل الإضاءه ونام على السرير . نايم على ضهره . وشايف صورتها قدامه . ويغمض ويفتح بردو شايف صورتها قدامه . واتنهد . واتكلم . ليه يا رينو . !؟ ليه ديما وجعه قلبى !؟ انا بخاف عليكي اكتر من اى حد . انا سعات بكلم نفسى واقول اهدا يافهد مش كدا . حاول تبطل عصبيه . وحاولت على قد ما اقدر.اغير نفسي . هو التغيير للاحسن . عارفه !؟ وانا فى بره مصر في المهمه . كنت ديما بدعى انك تعترفى بحبك . انا عارف انك بتحبينى لكن مش قد حبى ابدا . لكن انا شوفت حبك . وحسيته لما شوفت دموعك وانا مجروح .. حسيت حبك ولمسته لما وقعتى حضنى . انا شوفت عيونك وهي متعلقه بعيونى . سمعت همسك با اسمى . وتوهنا احنا الاتنين باشتياق . ولما لمست حبك لقلبى . حاولت انى اتغير . ولما سافرت . وانتى اتصلتى وانا رديت . كانت احلى فهد اسمعها . وكانت احلى ضحكه . عارفه لما اترقيت . عرفتك انتى اول واحده . بحسك دنيتى وما فيها . سمعتك وانتى بتحكيلى عن العيله . انا مركزتش غير فى همسك وبس . وحسيت انى بتغير لوحدي . وبدءت احس للدنيا طعم تانى . ولما قولتى أن فى حد بعتلك رساله من رقم مجهول . انا بحكم شغلى . فكرت في السئ قبل الحلو . انا خوفت عليكى . ولما نجحتى كأنى انا الل نجحت . وسمعت دقات قلبك وهو مبسوط . لكن لما قولتى أن حد دايقك في الجامعه . أنا رجعت فهد العصبى من تانى . والغيره غصب عني مبعرفش اسيطر على اعصابى . بحس أن أى حد بس بصلك كأنك ولعتى فيا بالظبط . ببقى عايز اولع في الدنيا كلها . وقولتلك لما ارجع هتصرف . لكن فكرت وقولت لنفسي هخلى بالى منها ازاى . وملقتش حل غير ال GPS قولت هو أأمن حل انى اكون مطمن عليكي . وجبتلك الساعه فيها GPS وقولت يارب بس تلبسيها على طول . لكن فكرت افرض ملبستيش الساعه ديما . طيب اعمل ايه تانى . شوفت السلسله وعجبتنى وحبيتها اوى . لارى . واشتريت السلسله . وكنت عايز اركب فيها GPS قالى مينفعش . وجابلى سلسله تانيه وقالى الفص ده ينفع يتركب فيه . قولتله طيب ينفع تركب الفص ده فى اسم لاري . واقنعته . وطلب منى يوم واحد بس واروح تانى يوم واجيبها . واتركب فيها ال GPS وجبتها . وقولت لارين كدا ممكن تلبس حاجه من الاتنين وتكون فى امان . لكن خوفى عليكى اكبر من كدا يا رينو . مكتفتش بكدا . لما مراد اشترالك . الفستان . الشنطه . والخاتم . هزر وقالى انا هجبلها الاول ميدالية مفاتيح . وهقدمهالها وأشوف ردها ايه . لكن انا كنت متاكد انها هتعجبك . وقولت دى الل هتكون موجوده معاكى ديما . وركبت فيها GPS وفعلا عجبتك . لارين انا خوفى عليكى عدى المدى . انتى ليه مش قادره تفهمى انى بعشق خيالك . واتنهد بتعب . لكن حبك تعبنى . عنادك تعبنى . انتى عنيده . وغمض عينيه واتخنق تانى . واتكلم وهو مغمض عينيه . قوليلى انسى الرسايل ازاى . قوليلى ابطل غيره ازاى . قوليلى انسى أن فى واحد غيري بيتغزل فيكى ازاي . وقبض على ايده . اهو شوفتى مجرد التفكير بس . ببقى عايز اولع في الدنيا كلها . رينو . انا مشوفتكيش من اسبوع وانا فى مصر عارفه يعنى ايه . !؟ واتنهد ونفخ . ومسح وشه وشعره بايديه . وحاول ينام . وغمض عينيه . لكن صورتها قدامه . وهي واقفه بتغنى جمبه . وهي بتاخد منه الهديه . كسوفها . وفتح عينيه . ومش عارف ينام هي وحشاه بقالو اسبوع مشفهاش. وقام . وطلع على الليفنج . وقعد فتره كبيره .. وبعدها عينه جت على التاب . الل متوصل بالل GPS وفتحه زى كل يوم . لكن متأخر شويه. واشتغل . لكن استغرب . الاماكن والعلامات مش جمب بعض . ولا فى مكان واحد . وحدد الموقع . شاف جي بي اس الساعه . بيتحرك فى طريق وسعات يتجهه يمين وشمال ..واتصدم وقام وقف .. لما حدد الموقع . وقال ده طريق سفر. الطريق ده بيوصل لفين . وفتح عينيه بصدمه بنى سويف !!! .. وبسرعه . حدد موقع السلسله . على طريق مصر الصحراوي !!؟؟ وقلبه بيدق بسرعه وخوف . وبلع ريقه . وحدد موقع الميدالية فى نفس المكان. مصر الصحراوي !! لارين فى خطر . ودخل الاوضه بسرعه . وجاب الفون واتصل على رينو غير متاح .. والخوف سيطر عليه . واتصل تانى بتوتر وغير متاح . وحدف الفون على السرير . واتوتر برعب .وبسرعه .بيلبس وبيفكر برعب حقيقى. طيب الساعه فى طريقها لبنى سويف. والسلسلة والميدالية فى مكان واحد . طيب لارين فين !؟؟؟. وفكررر كتير . وقال بما أن السلسله فى رقبة رينو . والشنطه معاها فيها الميداليه . الساعه معرضه انها تتسرق . وفتح عينيه بصدمه .وافتكر الرسايل . وان ممكن يكون هو ... لاااااا !! . وفهد بسرعه لبس . واخد اسلحه معاه ولبس الشنطه . واخد التاب . وخرج بسرعه . ونسي ياخد.الفون .
.ومستناش الاسانسير ونزل بسرعه على السلم ويخطي درجات . وجري من مدخل العماره على العربيه وفتح الباب بسرعه . وساق بسرعه على غير المعتاد . وبعد ١٠ دقايق من الخوف والرعب . بيحسب المسافه الل هيوصل بيها على الصحرواي قدامه على الاقل ساعتين . وخايف انها متكونش في الصحراوى . وانها تكون فى طريق بنى سويف..وزعق بغضب . طيب اعمللللل ايييييه !!!؟ ... وافتكر .. ايوووه . ايوه . مراد . ايوه مراد . يطلع على طريق بنى سويف ورا الساعه . وانا هطلع على الصحراوى . انا هتصل عليه . وبيدور على الفون وهو سايق . وضرب الدريكسيون . لأنه نسي الفون . ومش حافظ رقمه . والتاب مفيش رقم متسجل عليه .. ونسي تماما انه يتصل على حد حافظ رقمه يوصله ل مراد . وعينيه كل ثانيه على التاب . وشايف أن السلسله اتحركت بسيط . لكن فى نفس المكان . ونسي اي حد فى الدنيا . وسااق بغضب وداس بنزين على الاخر . بيسوق بايد . وايديه التانيه بيمسح وشه وشعره بتوتر. وضغط باسنانه على شفايفه بغل . ومفيش قدامه غير السئ الل ممكن تكون لارين فيه . وأقسم أن لو لارين فى خطر لا يدبحه . وبعد نص ساعه طلع على الصحراوى . وكدا قدامه ساعه ونص . والسلسله بس الل بتتحرك . لكن مش كتير . واتأكد أن لارين فى خطر .
. وقال مفيش حاجه اسمها ساعه ونص . انا لازم اوصل قبل كدا .
.ودااس ينزززين وساااق بسرررعه البرق . لدرجه العربيات لما بتشوفه من بعيد بتركن بعيد أو بتسوق على طرف الطريق . وافتكرو مجنون . وكل مايشوف التاب أن الساعه بتبعد . والسلسله بس هي الل بتتحرك . والميدالية اتحركت مرتين بس قلبه هيقف من الخوف . ودعي ربنا انه يحفظها . ووعد نفسه . انه استحاله هيبعد عنها تانى . وسايق بغضب . ومن ساعتين . وصل فى ساعه. وقرب من الموقع . ونزل من العربيه . وماسك التاب . وقال السلسله قريبه هنا فى المكان ده . ولف يمين . ومشى ورا العلامه . ولمح مخزن . وفي ٤ رجاله حراسه. ونزل وماشي بخفة رجل علشان ميحسوش بيه .ولف من جمب المخزن . وسمع واحد بيقول للتانى . إن حارس ٤ مكلم ناس بعتتله ازايز بيره وراح يقابلو على الطريق قدامه شويه ويرجع .
وسمع التانى بيضحك وبيقول اظاهر هشام المنصوري . مش قادر على الدكتوره . وكلهم ضحكو .
فهد : اتصدم . هشام المنصوري . وشال التاب في الشنطه.
.وصك على اسنانه وافتكر هشام ونور . لكن لغى الفكره . وان لارين جوه مع هشام . وسمع صوتها بتصرخ .. واتجنن وعينيه اتحولت لعيون شيطان ومش شايف قدامه . ولف وراح على الحرس بسرعه . وهجم عليهم . الل ٤ وضربهم كأنه بيتدرب فيهم . مسك اول واحد . روسيات فى راسه اكتر من مره . وضربه فى مكان في رقبته ووقع . والحارس التانى والتالت هجمو عليه . وفهد قرب منهم ومسك الاتنين . ده بوكس وده بوكس وبيدل بوكسات وكيم بوكسات وهيغمى عليهم خلاص ومسك واحد فيهم خبط راسه فى بوابه حديد ووقع مكانه . ومسك التانى وخبط راسه في الحيطه ووقع. حارس ٢ شاف فهد باالمنظر وحاول يهرب لكن فهد طلع مسدس كاتم للصوت . وضربه رصاصه فى رجله . ووقع على الارض . وفهد راح عليه . وبوكسات في وشه . والحارس قاله والله انا ماليش دعوه . اسالهم .
فهد : اي حد موجود هنا هيتدبح . واداله روسيه وبوكس واغمى عليه .
.وفهد قام بسرعه . وجري على المخزن . وشاف باب مقفول . ورمي الشنطه . وراح بسرعه علي الباب . ولسه بيكسرو . مع صوت . رينو بتصرخ فااااااهد . والباب اتكسر فى نفس اللحظه ..
--------------------بقلمى Mariem Nasar
فارس : اتصل على طارق . ورد الو .
فارس : الو . ايوه يابابا . انا عند شقة فهد .
طارق : هو فين خليه يكلمنى.!
فارس : فهد مش موجود يابابا .
طارق : اوووف اومال هيكون فين يعنى . ؟
فارس : انا طلعت وخبطت كتير ومحدش فتح . ولقيت البواب تحت . وسألته . قالى أن الأستاذ فهد خرج بسرعه من ساعه واكتر . وكان لابس شطنه على ضهره.
طارق : بعدم فهم . لابس شطنه . وياترى دى شنطه الشغل . ولا الجيم . اله . الواد ده فى أجازه .
فارس : هو فى ايه يابابا . وايه صوت سرينات البوليس الل انا سامعها جمبك دى ..؟
طارق : محبش يقول ل فارس لانه ممكن يقول ل رودي أو رنا وآدم منبه عليهم . ابدا احنا فى مأموريه سريعه كدا.
فارس : طيب حضرتك كنت عايز ايه من فهد !؟
طارق : كنت عايزة اساله على حاجه تخصه وتخص شغله واتنهد . بلا ربنا يستر . وقفلو .
طارق : وبعدين يابيتر . احنا بنلف ومفيش اى بصيص أمل واحد . آدم ومراد ومحمد وزياد طلعو على الصحرواي من بدرى وواخدينها تفتيش .
بيتر : اتنهد بزعل . انا خايف على آدم . وام مراد . وياترى انتى فين يابنتى . واتحركو يكملو مسيرتهم .
رينو : شافت الباب بيتكسر ومبصتش تشوف مين لأن هشام واقف قدامها . وكل خوفها أن حد يشوف جسمها .حاولت تدارى جسمها لكن الفستان متقطع وهشام حدفو بعيد وجسمها كله بيترعش وحضنت نفسها بايديها تدارى نفسها . ودموعها نازله وعيونها بقت حمرا جدا . لكن فجأة شافت هشام بيتشال من قدامها . ورفعت عينيها وكان فهد . ورينو اتنفست اخيرا . وابتسمت برعشه ف..فهد . فهد جه . وقوتها بتقل . لاكن بتقاوم .. وافتكرت كلام فهد عن الرسايل . ودمعه نزلت على عنادها وغباءها .. وشافت امانها جاي عليها ونده عليها . بصوته اخيرا . وقرب منها. وهي مفيش كلام طالع . بتترعش وبس . واطمنت أن الأمان موجود . لكن قالت بصوت مهموس بحركات شفايفها . ده . الل بعت الرسايل يافهد. وبتقاوم علشان متقعش . وفهد اتحرك من قدامها وحست بفهد بيغطيها من شعرها لرجليها . وغطى جسمها كله . لكن خافت من شكل فهد . الل شافت وشه مبلول وشعره بينقط ميا . وعيونه مفتوحه بطريقه تخوف . وحمرا زى الدم . وعروقه رقبته ووشه وايديه بارزه . وفاقت وفهد بيشلها وقعدها على السرير . ومبصش عليها . هو قابض على ايديه وبس . ولف ضهره ليها . وهي قاعده على السرير . بتتنفض . وجسمها بيترعش . وشافت فهد . وهو بيضرب هشام . واتصدمت من طريقة الضرب . ونسيت رجفة جسمها . واول ما فهد ضرب هشام فى عمود الخرسانه . غمضت عينيها بسرعه . وسامعه صوت الخبط . لكن قلبها دق بحب . لما سمعت فهد . وهو بيتكلم انها ملكه وبس . وان لارين للفهد وبس . وحطت ايديها على بقها وعيطت فى صمت على غباءها . وعذبت نفسها وعذبت فهد معاها . هو بيعشقها . وهي بتعشق طيفه يعدى بس من جمبها . وبعدها فاقت على فهد وهو بيغطس راس هشام فى البرميل . واتصدمت من شكل هشام والدم نازل من راسه على وشه بغزاره . قلبها مطاوعهاش . لكن افتكرت لمسته ليها . واتغاظت وكانت عايزا تكمل عليه . وقلبها دق جامد من تانى لما فهد قال دى لارين العدوي الل الفهد بيعشقها . واقسمت انها مش هتبعد عن فهد تانى .. واتخضت لما شافت فهد بيقطع التيشيرت ل هشام . وخافت من شكل فهد وهو بيلف فى المخزن بهستريا . ويوقع صناديق. ويشيل الكراسي يرميها . وفتحت عينيها على الاخر . لما شافته بيلف جنزير على ايده . وقرب من هشام . وهي شهقت .وسمعته بيقول ده صدرك الل انت عايزها تحط راسها عليه .. وجسمها اتشد مع اول ضربه على صدر هشام . وغمضت عينيها بسرعه . ومش قادره تتحمل تشوف اكتر من كده . لكن فتحت عينيها غصب عنها لما سمعته بيقول دي ايدك الل كانت بتكتب الرسايل . وشافت فهد نزل على ركبه ونص . ومسك دراع هشام وبيرفعه قصاد ركبته . رينو حست بدوخه . وسمعت صوت دراع هشام بيتكسر
.وحست ان الهوا بيقل من حواليها . وبتقاوم الاغماء . وخافت من فهد . وخايفه تنادي عليه . وقلبها بيدق بسرعه وحست انها عطشانه . وبتنهج . وغمضت عينيها مش عايزه تشوف عذاب تانى . لكن سامعه صريخ هشام والجنزير نازل على وشه . وبدءت تترعش من تانى . ومغمضه عينيها . لكن شهقت بصوت عالى وفتحت عينيها على الاخر . لما سمعت فهد بيقول انا وعدتك أنى هدبحك . وفهد بما أنه وعد هيوفى . وشافت فهد حاطط سكينه على رقبت هشام .
فهد : ماسك هشام . وضهر هشام على صدر فهد ومرجع راسه لورا . والسكينه على رقبته ولسه هيسحبها ويدبح هشاام .
.سمع صرخت لارين باستغاثه . فاااااهد . وانتبه لصوت صريخها ولف بسرعه . وصك على اسنانه بغيظ .
رينو : حاولت تقوم بسرعه علشان تمنع فهد . لكن لمحت حد داخل بسرعه من الباب وماسك مسدس وقرب منها. وصرخت بخوف . فااااااااهد .
.حارس ٤ : جه من بره والدنيا ليل ومعاه ازايز البيره . وشغل الاضاءه الخارجيه . واتصدم وشاف صحابه كلهم مضروبين
ومغمى عليهم . موجودين ٣ بس . وشغل كشاف . وشغل الاضاءه الل حوالين المخزن كله . واتحرك شاف صاحبه حارس ٢ بعيد شويه ومغمي عليه كمان . ودخل المخزن . وشاف الباب مكسور . ولمح رينو قاعده على السرير . وعليها غطا السرير لفه نفسها بيه . وشافها مغمضه . وطلع المسدس . ودخل بسرعه . وحط المسدس قصاد راسها وصرخت .
.. الحارس اتصدم لما شاف شكل هشام . واقف كأنه سكران ووشه وصدرو كله دم . ومش قادر يصرخ . ودراعه مفرود جمب منه . الحارس للحظه خاف وندم انه دخل . واترعب اكتر لما شاف شكل فهد . لكن فكر بسرعه . وانه ياخد البنت تحت تهديد السلاح ويمشى علشان هو من ساعة ما شافها هيتجنن عليها . وعمل حركه هتكلفه حياته . لارين صرخت . والحارس . شدها عليه ولف ايدو حوالين رقبتها ومسك كتفها. وكتفها بايد والايد التانيه رافعها على راسها بالسلاح . وبيهدد الفهد .
الحارس : نزل السلاح من على رقبت هشام باشا . وإلا هقتلها .
لارين : متكتفه . والسلاح قصاد راسها
.ومغمضه عينيها ودموعها نازله برعب . وبتتشاهد .
فهد : رمى هشام على الارض . والسكينه في ايدو . واتكلم بلغة تهديد وتحذير وغضب .. شيل ايدك من عليها ..
الحارس : هههه لا صدق خوفت . يعنى خايف عليها من ايدي !؟ ومش خايف من المسدس الل فى راسها ده . ؟ وايه كل ده .!؟ انا جيت من بره ولقيت صحابي مضروبين . وهشام باشا خلصان . انا قولت هدخل الاقى عشر رجاله جوه . عاملة فيها كوماندو . يلا ياحلو زى الشاطر كدا . ارمي السكينه الل فى ايدك دي .
.هشام : بينهج ببطء . وسامح صوت الحارس . لكن رؤيته مشوشه . ومش شايف كويس . وحاول يقوم . مره واتنين وتلاته ويقع .
الحارس : بص ل هشام . هشام باشا حاول تقوم . انا معاك متخفش .
هشام : سند بايده الشمال بصعوبه .. وقام بيتخبط يمين وشمال وبينهج . والدم نازل من راسه على وشه وصدرو . وشايف طشاش . واتحرك .
.فهد : مبصش على هشام . فهد بيدرس المسافه بينه وبين الحارس . ويبعد الخطر عن رينو . وايد الحارس على لارين مخلياه شايط ..
. هشام : وصل لعند الباب بصعوبه ومش قادر يكح . ومش مركز مع الحارس . ولا مع حد . هو عايز يهرب . يهرب وبس . !! وطلع من المخزن بينهج .ويقع ويقوم بصعوبه كبيره . والدم نازل على رقبته وصدور من راسه . ومشى لقدام . مشى خطوطين كمان . ورجليه واخداه ومشى وفجاءه شاف ضووووء شاحنه كبيره جدا . وهشام لسه هيتحرك . لكن قضاء الله نفذ . والشاحنه خبطته . وطار بعيد على طرف الطريق . والشاحنه موقفتش.
(ونقوله ايه بقى !؟ خلى شهوات الدنيا دلوقتى تنفعك . وقاضى السماء استجاب ل نرمين . وجابلها حقها . )
فهد : سنانه بتعمل صوت وقرب خطوه وبلغة تحذير وتهديد ؛! . لآخر مره هاقولها .وأقسم بالله العظيم .ما هقررها تانى !! شيل ايدك من عليها .
. الحارس : خليك عندك . انا هاخدها وهخرج من هنا . ولو اتحركت أو جيت ورايا قول عليها يارحمن يارحيم .
رينو : الحارس طول بعرض وضخم . ومكتف رينو . كأنها عيله صغيره بين ايديه . لانه اطول منها وراسها عند صدره ..ومش عارفه حتى تتحرك مثبتها . ودموعها نازله . ومرعوبه .
..والحارس عيونه على فهد . ووطي وهمس ل رينو فى ودنها . وابتسم . وخرج شعرها على خدها .واتعدل . ورينو برقت وعيونها مفتوحه على الآخر. وبصت على فهد .
فهد : شافه بينزل على ودن رينو . وبيهمس ويضحك . ورجع بالسلاح الل فى ايدو الغطا الل على شعر رينو ورجعه لورا . ونزلت خصله على خدها . الغيره ولعت فيه وبينهج بصوت مسموع . . واول ما رفع راسه .. وبحركه سريعه جدا . من فهد كانت السكينه رشقت فى رقبت الحارس . والحارس . قبل مايوقع زق رينو .ووقع مكانه .
.فهد : اتحرك بسرعه وحدف السكينه . ومسك رينو قبل ماتقع على وشها .
رينو : الحارس وطي على ودنها وقالها. لو ممشتيش معايه . انا هغتصبك قدامه . وابتسم . وهقتله .وخرج شعرها .. واتصدمت وبصت لفهد .
. وشافت فهد بملاح الغضب . وغمضت عينيها . ولسه هتدعي فى قلبها . ومشافتش الل حصل . ومحستش غير انها بتتزق لقدام بقوه ولأنها ملفوفة بالغطا . كانت هتقع على وشها .والغطا نصه اتفك وايديها ظهرت . لكن وقعت فى حضن فهد وايديها على صدره .
فهد : صدره بيعلى ويهبط . من الغيظ والغيره .
. لكن رينو دلوقتي في حضنه . ولو كان جرالها حاجه .. وغمض عينيه . واتنفس باريحيه انها بخير وفى حضنه. واتكلم . وهمس .رينو .
رينو : راسها على صدر فهد . وايديها. ورفعت راسها . وبصت ل فهد . وهمست فهد .
فهد : عيونه اتعلقت بمعشوقته . ايوه فهد يارينو . انا جمبك اطمنى . ومش هسيبك .
رينو : شافت انها من غير فهد . صفر .. وعيطت ودفنت وشها فى صدره وعيطت . بشهقات .
فهد : قلبه بيدق . بحب من قربها ليه بالشكل ده. ومحسش بنفسه غير. وهو بيرفع ايديه وحضن رينو بحب كبير وخوف اكبر . وغمض عينيه. واتنهد .
رينو : فى حضنه . وبتعيط . وحست انها فى امان . ولا ارديا حركت ايديها وحضنت فهد . وعيطت بشهقات . واتكلمت . ارجوك يافهد . ماتسبنيش تانى . متبعدش عنى تانى يافهد .
فهد : مغمض عينيه . وحاضن رينو . واول محركت ايديها ورفعتها على ضهره وحضتنه بقوه . جسمه اتشد . وقلبه دق بقوه . وزاد من حضنها وبيسمعها .ولما قالت متبعدش تانى . رفع ايدو ومسد على شعرها لاول مره . وقلبه هيطلع من مكانه .
رينو : فهد : انا اسفه . انا غبيه . انا مكنتش اعرف ان الرسايل ممكن توصلنى لكدا . والله مكنش قصدى اخبى عليك . والله يافهد انا مقرتش الرسايل الاخيره . انا كنت بتكلم على الرسايل القديمه . ارجوك يافهد . متبعدش عنى تانى .
فهد : اتنهد . وخرجها من حضنه . ورفع الغطا على أكتافها وغطي رقبتها. ومسح دموعها بايديه لاول مره . وفهد عندو احساس غريب . وقلبه حرفيا هيطلع من مكانه .واحساسه وقلبه خلاه اتجرأ ومسك وشها بايديه وقرب . وباس جبينها برعشه شفايفه. وبص فى عيونها . ولسه ماسك وشها .. شش بس . متقوليش حاجه. خلاص كل حاجه خلصت .
. ومش عايز اشوف دموعك دى تانى فاهمه .
.ومين قالك اني هبعد تانى!؟ . انا معنديش استعداد انى اخسرك ؟. انا مش عارف اعيش من غيرك .
رينو :رفعت عيونها فى عيون فهد واتعقلت عيونهم فى عيون بعض . وقلبها دق. وشافت عيون فهد متعلقه بيها . واختفت من عينيه نظرات الغضب والشر . وشافت مكانها نظرات اشتياق وحب ولهفه . وخوف عليها . وحست انها خلاص فى امان وقوتها بدءت تقل . ايوه فهد امان لارين وبس . وغمضت عينيها . وقالت بهمس ... ( بحبك يافهد .) واغمي عليها فى حضن الفهد .
فهد : برعب حقيقى .. لارررين . لارررين . وشالها . نيمها على السرير . لارررين . لارين . وقعد جمبها بسرعه وبخوف . لارين . حبيبتي ردي عليا . لارررين . ومن خوفه نسي اعترافها بحبها ليه .. واتحرك . وبيدور على ميا . لكن شاف الحارس الل قتله . مرمي على الأرض جمب السرير. فهد شاله . ورماه بره . علشان رينو متخفش اكتر من كدا.
. وطلع قصافه صغيره وقرب من الحرس كلهم . ورجع . بسرعه . ودور على ميا . وشاف ازازه ميا . ورش على وشها . ومفيش فايده . فهد قام . وشال شنتطها وحجابها وفستانها من على الارض . وحطهم فى الشنطه ولبسها على كتفه . وشال رينو من على السرير بخوف . وخرج بيها من المخزن. بيجرى بيها . وراح بيها على العربيه بسرعه . ونيمها براحه فى الكرسى الخلفى . وركب العربيه بسرعه واتحرك بسرعة البرق ...
--------------------بقلمى Mariem Nasar
آدم . والحرس ماشين على الصحراوى . والدنيا ليل . وبيفتشو كل مكان . ومراد ومحمد وزياد . مقابلينه فى الاتجاه التانى . ومراد مع آدم على الفون . آدم لمح مخزن منور . وفرمل العربيه .
مراد : سمع صوت الفرمله . بابا انت وقفت ليه .!؟
آدم : قلبه بيدق . مراد فى مخزن منور على الطريق وفيه عربيتن واقفين .
مراد : انا دقيقتين واكون عندك . وقفل . وساق بسرعه .
آدم : والحرس وراه . وآدم مش عارف عندو احساس مختلف المرادي . عن كل مكان يدخل ويفتش فيه. ووصلو المخزن . والحرس محاوطين آدم لما شافو ناس واقعه على الارض .
آدم : بعد عن الحرس. وبص على ال٤ حراس واقعين على الارض . ووطي على واحد وشاف نبض رقبته . لاقاه عايش . ورايح على التانى . لكن لمح باب مكسور . وقلبه دق بخوف .وقام ورايح على الأوضه لكن شاف واحد مقتول بسكينه في رقبته . وسابه . ودخل الاوضه . وسمع فرملة عربيه بره . واتأكد أنه مراد .
مراد نزل جري . وكمان وراه محمد وبعد منه زياد . مراد . شاف المخزن وحرس بره ونزل جرى على المخزن . ومبصش على حاجه راح لابوه بسرعه جوه الاوضه . وشاف آدم وعيونه مفتوحه على الآخر . وعيونه على الدم الل على الأرض . وبلع ريقه بخوف . وقرب من آدم . ومراد قلبه واجعه بيتخيل برعب حقيقى . لكن حاول يدور على حاجه .
.ومحمد دخل وزياد . وكلهم خافو . لكن دورو فى المكان .
.آدم عينيه على الدم . وعلى السرير المتبهدل . واتصدم وجري على السرير . مررراد . مررراد . اختك رينو كانت هنا .
كلهم : جريو على آدم : برعب . وشافوه ماسك المصحف الصغير . بتاع رينو . آدم دمعه رعب نزلت منه .
.وزياد بسرعه دور فى المكان على اى دليل . ومحمد . بيدور . ومراد جرى على بره . وأمر الحرس يفتشو المنطقه كلها .
.وبيتر وطارق اتصلو على آدم الل ماسك المصحف بايديه ومبيردش على حد . واتصلو على زياد . ورد عليهم وقالهم . وقفلو وطارق وبيتر اتحركو بسرعه علشان يروحو على المكان .
محمد بيفتش : واتصدم . وقال بصوت عالى مش معقول .!!!
آدم انتبه ووقف برعشه. وزياد راح عليه . في ايه يامحمد .!؟
محمد : وهو بيدور . شاف باسبور وفتحه وشاف صورة هشام . وبص ل آدم وقاله . هشام . هشام يا آدم الل خطف نور قبل كدا . ايوه دة صورته وكان اسمه هشام توفيق. وبص فى الباسبور . على الاسم واتصدم اكتر . ايييه !!! هشام توفيق المنصورى !!!!!؟ وكلهم اتصدمو . ومراد الل كان داخل عليهم .
آدم : أتصدم وقال بهمس . بنتى . وقعد على السرير بخوف .
زياد : بص يامحمد فى تيشرت مقطوع اهو وعليه دم كتير . وكلهم . خافو .
مراد : بيضرب الحيط بايدو . ولمح الحارس المقتول . وقرب منه . وبرق عينيه بصدمه اكبر . وقال بصوت عالى . فهد كان هنا .
. وبينهج بأمل فهد كان هنا .
.فهد جه هنا . وكلهم جريو عليه .
آدم : قلبه بيدق ببصيص امل . انت بتقول ايه يامراد انت متاكد .؟؟؟
مراد : شال السكينه . وقام وقف . ايوه . انا متاكد مليون ال١٠٠ ان فهد كان هنا . وهو الل ضرب الحرس دول .
وهو إلل قتل الراجل ده . ايوه . دي سكينة فهد الخاصة بيه .. وعليها رمز خاص بفهد . واي عدو فى اي مأمورية بيطير بيها رقبته . وبيتكلم بفرحه . وبص ل آدم . بص يابابا . العلامه الل على وش الراجل دي . علامة فهد . معاه سلاح صغير زى القصافه . وبعد ما يقتل اي خاين بيعمل سهم لفوق . ولما سألته قبل كدا على السهم ده ؟ . قالى ده سهم مرفوع لفوق علشان روح الخاين تطلع لفوق على طول بسرعه السهم .
.صدقوني فهد كان هنا . والكل بدء يتصل على فهد لكن مبيردش .
آدم اتحرك بسرعه . وراح على واحد منهم وحاول يفوقه . لكن سمع صوت أنين بعيد . وشاور للحرس بتاعه . وراحو شالو الحارس الل مضروب طلقه في رجله . وجابوه عند آدم . وفوقوه .
. وآدم من غير ما يسأل كتير . فتح فونه برعشه . وجاب صورة فهد . وقاله . ده الل عمل فيكو كدا ؟.
الحارس : بتعب . هز راسه ايووه . ايوه هو يا باشا . كان داخل علينا . زي الطوفان . وانا والله بعيد عن موضوع خطف الدكتوره . انا بعيد هما السبب .
آدم : بلع ريقه بخوف . وهشام . هشام المنصوري . هو الل خطف بنتى .!؟
الحارس : اتصدم . ب..ب.. بنتك . ه.هي الدكتوره بنتك . !؟
آدم : مسكه من ياقته بقوه . وقال بتحذير ..بنتى حصلها حاجه . !؟
الحارس : برعب . والله ما اعرف . بس لحد ماهجم علينا الراجل ده كانت جوه محبوسه مع هشام ..
آدم : قام . وبص للحرس بتوعه .. خدوهم. كلهم على المخزن القديم عند توفيق . والراجل بيصرخ حرام عليكم سيبونى . انا ماليش دعوه . لااااا.
كلهم والحرس . دورو فى المكان كله . وحوالين المكان . لكن ملقوش حاجه . وتوقعو أن فهد اخد رينو . ورجع على البيت . ولكن قلبهم مش هيرتاح غير لما يسمعو صوت رينو . او فهد يرد عليهم .
جارد : من بتوع آدم . جه وقال . آدم باشا . واحنا بندور لقينا . واحد على طرف الطريق جمب المخزن وعامل حادثه كبيره. وميت مش عايش .
آدم : خرج . وكلهم وراه . وشغلو كشافات عليه . ومحدش عرفه من شكل الدم . غير محمد بعد تتدقيق . فى ملامحه. وقالهم . ده هشام !!!.
آدم : صك على اسنانه . سيبو الكلب ده مرمي كدا زى ماهو للكلاب تنهش فيه . وبص للجارد .صور الكلب ده اكتر من صوره وخليها معاك. وانت يامراد . اتصل واعرفلى وحددلى تليفون فهد موجود فين بالظبط .
مراد : بلهفه . صح . ايوه انا هتصل على اكرم . واتصل .
الو . اكرم .بسرعه حددلى بالظبط مكان فهد فين . شوف الفون بتاعه فين . !! واسمع . واعرفلى عربيته موجوده فين . بسرعه يااكرم .
اكرم : تمام يامراد . ٥ دقايق . وهبعتلك رساله . بالموقع بالظبط .
طارق وبيتر . وصلو .
طارق : بلهفه .هاا . عملتو ايه . لقيتوها .!؟
زياد : لا . لكن مراد بيقول ان فهد كان موجود هنا .
طارق : بعدم فهم . وعرفتو ازاى . وحكو كل حاجه ل طارق وبيتر .
مراد . وآدم متوترين . وآدم واقف جمب العربيه . ومستنى رساله اكرم . لمراد .
مراد : سمع صوت الرساله . وفتحها بسرعه . وقال. .بابا . تليفون فهد فى موقع الشقه عندو . واتحرك بسرعه على عربيته وقال. عربيه فهد . فى( .....) القاهره . واول ماسمعو العنوان.
كلهم . ركبو عربياتهم . وآدم اول واحد ساق بسرعه كبيره .ومراد . وراه . ومحمد . وزياد . وطارق . واكتر من ١٠ عربيات الحراسه كلها .اتحركت ورا آدم .
مراد : الو . ايوه يااكرم . عربيه فهد . اتحركت . طيب خليك متابع . ولوغير طريقه عرفنى .. تمام .
. وكلهم ساقو بسرعه رهيبه ...
--------------------بقلمى Mariem Nasar
فهد : سايق بأقصى سرعة . ووصل المدينه . وعلى اقرب مستشفى راح بسرعه . وفرمل العربيه . ونزل بسرعه. وفتح الباب الخلفي . وغطي شعر رينو كويس . وايديها . وشالها على مهله علشان الغطا مايتحركش . وقفل الباب . برجله . ودخل المستشفى بسرعه . وممرضة جريت عليه . خير يا استاذ.
فهد : بلهفه وخوف .. دكتوره . عايز دكتوره.
الممرضه : دخلها الاوضه دى .وثوانى هندهلها دكتور النبطشيه .
فهد : صك على اسنانه بغيظ . والممرضه اتخضت. انا قولت عايز دكتوره . اتحركي . وسابها ودخل الاوضه . ونيم رينو على السرير . وبلع ريقه بخوف . وهي نايمه مغمضه عينيها قدامه . وحاول يفوقها . رينو . رينو ردي عليا . رينو فتحي عينيكى . ارجوكي ردى . رينو . لكن مفاقتش. وشد عليها غطا السرير وغطاها .
الدكتوره : دخلت . خير حضرتك مالها .
فهد : بلهفه . دكتوره شوفيها بسرعه . هي مغمى عليها من ساعه . ومش عايزه تفوق .
الدكتوره : متقلقش . حضرتك جوزها .
فهد : لاء . انا . انا . وبلع ريقه .خطيبها .
الدكتوره : تمام . اتفضل حضرتك استنانى بره. وانا هكشف عليها . وأخرج اطمنك .
فهد : عينيه على رينو . وخرج وقفل الباب وراه . ووقف قدام الباب . ومسح وشه بايديه . وجواه رهبه وخوف. كبير . وكان مداريهم قدام لارين علشان متضعفش. وقعد على الكرسي الل جمب الباب . واكتشف أن ايديه بتترعش من خوفه عليها . وقعد يفكر . لو مكانش جاب ليها الجي بي اس . كان ممكن ايه الل حصلها دلوقتى . ورغم أنها فكره . لكن حس ان نفسه راح . وشهق واخد نفسه . والرعشه زادت. وحط ايدو على قلبه . وكان بيدق لكن بخوف . وبعد تفكير كتير . افتكر آدم . ومريم . وفتح عينيه . وانه متصلش على حد منهم . وقام يشوف فونه فى جيبه لكن مش موجود . وافتكر أنه نسيه . ونفخ . اوووف لارين مختفيه . من ٤ ولوقتى الساعه ٨ . اكيد آدم قالب الدنيا .
الدكتوره خرجت . وفهد لف ليها بسرعة البرق . فاقت !؟ .
الدكتوره : هتفوق . متقلقش . هي شكلها مجهده جدا . او مضغوطه . لان ضغطها واطى . وحالة خوف مسيطره عليها . وبصتله . واتكلمت بتريقه. هي الانسه اتعرضتت لحادثه .
فهد : قبض على ايده . واتغاظ . لكن قالها . لاء
الدكتوره : بشك ! نعم . لأ الل هو ازاى يعنى حضرتك . البنت عندها حالة خوف .وكمان ايديها الاتنين مجروحين . واتريقت وغير كدا سورى يعنى انت جايبها ملفوفه فى ملايه. معناها ايه .!؟؟
فهد : بغيظ . وناسى انها دكتوره . أقسم بالله لو قولتى كلمة ملفوفة فى ملايه . دي تانى . مش هتعرفى انا هعمل فيكى ايه . وزعق . وانتى داخله تفوقيها . ولا تحققى . هيا لابسه ايه . !؟
الدكتوره : بصتله بصدمه . لكن بعدها خافت منه . وقالت أنا مش هتابع الحاله . هبعتلك دكتور ناجي . بعد اذنك .وجت تمشى ..
فهد : شاور بايدو . ومنعها تتحرك . وبلغة تهديد . شغلك وهتعمليه . وهتفوقيها . ومفيش طيف راجل غريب هيدخل الاوضه دي . طول ماهي موجوده فيها . وشوفى شغلك . الل جوه دي . دكتوره . زيها ذيك . وبتساعد اى حد . مش بتحقق في اللبس . واتفضلى انا عايزها تفوق . وزعق اتفضلى .
الدكتوره : خافت . وانتفضت من مكانها .ح..حا..ضر . ودخلت تفوق رينو .
فهد : صك على اسنانه وقبض على ايده. علشان الل هيشوف رينو بالشكل ده هيفكر فيها تفكير مش كويس .و خبط بايدو على الحيطه . وشاف ممرضه جايه وسنها وشكلها اكبر من فهد . ووقفها وحاول يتكلم بهدوء .لوسمحتى .
الممرضه : افندم .
فهد : حضرتك من المنطقة هنا جمب المستشفى .؟
الممرضه : قلقت من فهد وخافت .
فهد : شاف خوفها . وانها فهمته غلط . انا بسال حضرتك لان خطيبتى جوه . وعملت حادثه . ولبسها كله مش هينفع ترجع البيت بيه . ف لو فى محل قريب من هنا. محل فساتين . !؟
الممرضه : بأريحية . الف سلامه عليها.ياستاذ . انا ايوه بيتنا قريب من المستشفى. لكن محلات الفساتين . بعيد عن هنا . الموجودين بس محلات محجبات . اسدلات خروج واسدلات للصلاه وحجاب .
فهد : طيب . دا .كويس اوى . انا عايز اسدال خروج . وشكرا جدا لحضرتك .. وسكت . وبصلها . بس . انا مينفعش اسيبها وانزل .
الممرضه : تفهمت . وشافت خوفه عليها . انا ممكن . انزل واجيب لحضرتك الاسدال .
فهد : انا متشكر جدا لحضرتك . بجد هتعبك معايا. وطلع المحفظه . وعطاها فلوس من غير مايشوف كام .
الممرضه . يدوبك اتحركت .
فهد : لحظه .هاتيه اسود . او غوامك . بلاش الالوان التانيه . وياريت لو اسود يكون كويس . وياريت اسف بجد أنى بطلب منك .لكن انا بجد مقدرش اسيبها لوحدها . هي تعبانه . فياريت اى محل تعدى عليه. جيبى ٢عصير .
الممرضه : بس كدا . انت تؤمر يااستاذ . تمام. . واتحركت .
الدكتوره : خرجت . وبصت ل فهد با احراج . احم . انا ادتلها حقنه . و شويه وهتفوق . ومشيت .
فهد : قلبه اخدو للاوضه . وفتح الباب . ودخل عليها . وشافها . نايمه . فهد . قلبه اتدايق عليها . وقرب من معشوقته مسلوب الإرادة تماما . وقعد على طرف السرير جمبها . وشاف ملامحها . واتخيل الخوف الل شافته . والرعب . وياتري هشام . خطفها ازاى . واتنهد . وشاف ايدها الل اتجرحت مكان المسمار . ومجروح وعليه دم . ومسك ايديها وقلبه بيدق . مع أنه خايف عليها بس قلبه دق مع اول لمسه لمعشوقته . ورفع . أيديها وعيونه على الدم . وقرب شفايفه من ايديها وباس الدم . واخد ايديها على خدو . ومسح دمها على خد الفهد . واتكلم . لو كان حصلك حاجه صدقينى انا كنت انتهيت . رينو . انا مش هسمح انك تبعدى عنى تانى . الخوف الل عشت فيه انهردا . استحاله اخليه يتكرر تانى . رينو انا بحبك . خليكى معايه . ارجوكي . انتى قوتى . انتى عالمى . فوقى . واوعدك أنى مش هتعصب عليكى تانى . وهتكلم معاكى بهدوء . وهقولك انا بحبك يا لاري . واتنهد وقال بهمس فوقى علشانى . علشان فهد . ونزل أيدها . وقام . مخنوق . وراح وقف وبص من الشباك . وسرحان . وبيفكر . انه لما يرجع رينو البيت . هيدور على هشام ويدبحه علشان يطفى النار الل فى قلبه . وانه فكر فيها وشال حجابها وشاف شعرها . والفستان . واتخيل . وغمض عينيه بغضب . وبيقسم لا يدبحه . وفهد لف بدهشه .
رينو : فاااااهد .
رينو : نايمه . واحداث اليوم بتطاردها . وانه بيقطعلها الفستان .اترعشت . وجسمها رجف .وقامت مفزوعه وندهت على فهد .
فهد : جري عليها . وقعد جنبها . رينو . رينو . اهدي انا جمبك . انا اهو معاكي . اهدي .
رينو : بترتجف . وبتترعش . وقامت خايفه من هشام . وبتنهج . بس شافت فهد قدامها . وحاولت تستوعب . انه كابوس . وفهد خلصها منه .
. ومن غير مقدمات . رمت نفسها فى حضن فهد بخوف ورعشه. وعيطت . فهد . فهد . ماتسبنيش . متبعدش تانى . انا كنت هموت يافهد . انا كنت خايفه. انا خوفت اوى يافهد . وعيطت بصوتها كله . انت اتاخرت أوى يافهد . الحيوان قطعلى هدومي . انا بكرررهه . وعيطت ومكلبشه فيه .
فهد : الاول قلق عليها . ولما حضتنه قلبه مش مستحمل . ولما عيطت غصب عنه اتخنق . ولما قالت عن الفستان . غمض عينيه قوووى ومش عايز يتخيل . وغصب عنه دخل رينو كلها في حضنه . ولف ايديه كلها حوالين منها . بس.يارينو . بس . كفايه . خلاص من هنا ورايح انتي فى امانى . رينو انتى مش هتغيبى تانى عنى لحظه واحده بعد كدا . وصدقينى الل حصل ده مش هيتكرر تانى . وحب يطمنها . وبعدين . انتى لارين العدوي . مش اى حد . البنت العنيده . وانا واثق انك انتقمنى من الكلب ده .
رينو : في حضن فهد . وخوفها قل . ومش مصدقه نفسها. انها مع الفهد . وسامعه دقات قلبه .. وبتسمع كلامه . انه امانها . ومش هتغيب عنه لحظه واحده وسكتو شويه فى حضن بعض ..
.رينو. اتنهدت . ولا ارديا . قالت مع التنهيده .
( بحبك يا فهد).
فهد : وهو حاضنها .فتح عينيه بقوه . وضربات قلبه زادت عن المعدل الطبيعي . وبيتنفس بصوت عالى بتوتر . وخرجها من حضنه بسرعه . وبصلها . انتى قولتى ايه !؟
رينو : فكرت بقلبها وحكمت عقلها . ورفعت عينيها وبصت في عينيه . وقالت . كفايه بعد بقى يافهد . انا مش هستحمل بعدك عني تانى . كفايه عذاب . انا بحبك اوى يافهد .
فهد : قلبه كل شويه يزيد . همس . رينو. انتى قولتى بحبك يافهد.
رينو : نزلت عينيها فى الارض . ايوه انا بحبك يافهد.
فهد : كل الغضب الل فى قلبه اتمسح كأنه لم يكن .
وحس بسعاده غير عاديه .. رينو . انا مش بس بحبك . وانتى عارفه كدا . رينو انا . انا . بعشقك . والباب خبط . وفهد لا ارديا مبتسم . ممكن علشان الإعتراف بينهم تم . وفهد عندو احساس غريب أن الغضب الل فى قلبه اختفي . وبعدها اتنهد بسعاده. وقالها . (تعبتينى معاكى يابنت اللذين ) وشد الغطا على شعرها وغطاه . وقام . لان الباب خبط تانى . وفتح الباب .
الممرضه : بتنهج . ودخلت .
فهد : استغرب . ورينو عيونها على فهد وبس..
الممرضه : بتنهج . اتفضل يا استاذ الاسدال اهو . والعصير .
فهد : اخد العلبه منها و العصير . متشكر جدا. انا بجد ممنون ليكى . لكن اسف فى السؤال . انتى متوتره كدا ليه فى حد بيجرى وراكي.
الممرضه : ياريت . وبصت على رينو الف سلامه عليكي ياحبيبتى . وبصت لفهد. اسكت يا استاذ مش هتصدقو الل حصل . وانا شوفت ايه قدام المستشفى .
فهد : ورينو انتبهو. فهد . خير يعنى حد قتل حد.
الممرضه : لا يا استاذ . انا خرجت من المستشفى . واشتريت الاسدال . وانا راجعه . شوفت كمية عربيات رهيبه . ولا ٢٠ عربيه . وكلهم بيتحركو بسرعه تقولش موكب رئيس . واول عربيتن نزلو منهم . ٥ بودي جارد يلهوى على حجمهم يخوفو . ولقيت هرج كتير ودوشه . قولت ايه ده . ده شكله كدا وزير ومعاه العربيات دى كلها . وكانو هيقفلو على باب المستشفى بالعربيات . انا خوفت وجريت .ودخلت قبلهم . وجيت على هنا . يلهوى . دي لو المستشفى بتاجر في الاعضاء . مش هشوف العربيات ولا الناس دى كلها .
فهد : مهتمش . وهز راسه. وبص ل رينو وابتسم بحب . بيطمنها أنه معاها . واستغرب نفسه هو مبسوط مع أنه طالع من حدثه مع هشام . لكن ناسي كل حاجه ومش فاكر غير بحبك يافهد وبس . وبص للست . معلش هتعبك معايا . ممكن تساعديها تلبس الاسدال .
الممرضه : قامت حاضر . واسفه نسيت ادي لحضرتك الباقى . انت مدينى تمن فستان سهره مش اسدال . اتفضل.
فهد : لا خليهم معاكي . واعتبريهم . تعبير عن شكرى انك جبتى الاسدال . اتفضلى وعطاها الاسدال . وياريت تعقميلها ايديها علشان مجروحه . واتحرك عند رينو . وهو بيبتسم . وقالها .اشربى العصير ده علشان تفوقى . وبعدها هي هتساعدك تلبسى الاسدال . وبعدها تعقملك جروج ايديكى .ونمشى من هنا .
رينو : بصت ل فهد بدموع . بابي ومامى . واخواتى يافهد .
فهد : مسح دموعها . متقلقيش انا هتصرف في اي تليفون واتصل عليهم . المشكله انى نسيت اجيب فونى وانا نازل .
الممرضه . لو حضرتك عايز تتصل على حد . انا معايا موبيل .هو قديم بس يأدى الغرض اتفضل .
فهد : متشكر . واخد فونها . وبص ل رينو انا واقف قدام الباب . مش هبعد . ولسه مبتسم.وقلبه بيرقص ان خلاص الاعتراف ده هيخلى رينو معاه طول العمر ..
رينو : هزت راسها. وفهد خرج يتصل على آدم.
فهد : بيفتح الفون علشان يكتب رقم آدم . وحس بهجوم فى اخر الطرقه . ورفع عين واحده . ولكن اتفاجئ .
آدم . ومراد . وطارق . وبيتر . ومحمد . وزياد . وحرس كتير وراهم . اكتر من ٢٠ جارد.
آدم لمح فهد واقف . وجري بسرعه عليه . ومراد وكلهم جريو على فهد .
آدم : بلهفه كبيره . فهد . بنتى معاك .!! ؟
فهد : شاف رعبهم وطمنهم بسرعه . ايوه . رينو معايه اطمن .
آدم : تنفس الصعداء . وغمض عينيه. وقعد على اول كرسي وحط ايدو على قلبه . ااااه . الحمدلله. الحمدلله يااارب . الف حمد وشكر ليك ياالله .
مراد : لف ضهره الناحيه التانيه . ومسح وشه وشعره بايديه . ودمعه راحه نزلت منه . الحمدلله. الحمدلله يارب.
طارق : حس براحه كبيره وحمد ربنا . ولكن عيونه على ابنه .
محمد : راح قعد على الكرسي . وحط وشه بين ايديه . وبيستوعب الل حصل والنتيجه ايجابيه .
زياد : نفخ براحه . واتنهد الحمدلله.
بيتر : حط ايدو على جبهته . ونفخ براحه . الحمدلله .
.وكلهم اتنفسو الصعداء .
آدم : وقف هي فين. هي كويسه . حد . حد .. ومقدرش يكمل .
فهد : بصوت غضبان . لاء طبعا . ومفيش حد يتجرأ طول منا موجود. لارين كويسه . انا معاها. وهي فاقت جوه.
مراد : هجم . بغيظ على فهد .ومسكه من تي شيرته بقوه . وزعق بتحذير . وانت كنت هتعرفنا امتى يافهد . ها !؟ . يعنى انت كنت عارف من بدرى . ان لارين مخطوفه !؟ . مفكرتش تكلمنا لييييه .وعلا صوته . اااانت عارف احنا كنا حاسين . بايه !!؟ . اااانت عاااارف . ابويا كان عامل ازاى !؟ . انت عارف انا بتصل عليك من امتى يافهد !؟ . وانت كنت عارف رينو فين . معرفتناش لييييه .!!!.. ليييييه يافهد . كنت مسسستنى ايييه !؟ . مستنى لما نموت كلنا من الخوف . وانت رايح تخاطر علشان تكون انت البطل .!!!
انت عارف انا كنت حاسس بالعجز ازاى !؟ انت عارف يعنى اختى وبنتى . مش لاقينها . ولاعارفين هي فين ولا مع مين ولا بتمر بايه.!؟
وشده اكتر من التيشيرت وزقه على الحيطه بقوه وبغل .. انت عارف انا كنت بفكر ازاى!؟ عارف كام فكره جت قدامى !؟ عارف يعنى ايه تتخيل اختك بتستنجد بأى حد !؟ عارف يعنى ايه خايف من خمس دقايق قدام نتيجتها هتكون ايه!؟ . عارف كام حادثه اتخيلتها !؟ عارف يعنى تحس انك ولا حاجه من غير عيلتك تكون فى امان !؟ عارف يعنى تشوف دموع ابوك لاول مره تنزل بخوف !؟
.وزعق بغضب شديد . اااااانت متصلتش على اى حد فينا ليييه يافهد . مكلمتنيش ليييه. مكلمتش ابويا ليه . مكلمتش طارق لييييه . وحتى لو تليفونك مش موجود معاك . فى مليون طريقه يافهد . فى مليوووون طريقه .! مش من حقك انك تتحكم في اعصابنا . مش من حقك يافهد انت فااااهم !!
وافرض الخمسه دول واحد منهم صابك برصاصه طايشه !!. كنت هتستفاد ايه؟ . واحنا هنستفاد ايه .؟ ورينو هتستفاد ايه ؟ احنا كنا فى مهمه انا وانت . واحنا ٢ !!! وهما ٣ ورغم أننا مسلحين انا خدت رصاصه فى قلبى وكنت بموت . ولو انت مش موجود كان زماني ميت مكانى !!. افرض انت كمان كنت خدت رصاصه وانت لوحدك كنت هتعمل ايييه .!؟
. انك توصل وتكون بطل حلو اووي . لكن مش بالغباء يافهد .!! وزعق . اااااانت لما عررررفت مكاااان رينو متصلتش علينااااا ليييييه . احنا من ٤ سعات بنلف حوالين نفسنا . احنا كنا هنموووت من الرعب يافهد فاااااهم . انا عشت اسؤ ٤ سعات فى حياتى كلها . وانت عارف هي فين ومعرفتش حد . انا مش هسامحك ابدا يافهد .
. انا لا يمكن اسامحك . وزقه بقوه . ونزل ايديه وسابهم ومشى .
..ومهما ينادو عليه مردش عليهم . -------------يتبع الباقى من تكملة الحلقه 2 من ج ٢
--------------------بقلمى Mariem Nasar
(عشق الفهد)
بسم الله نبدأ
فهد عمل القهوه . وراح بيها على الليفنج . وقعد . بتنهيده . وبيشرب القهوه بملل . ودماغه. شغاله وبعد شويه خلص القهوه . وقام ودخل الاوضه وبيقلع التي شيرت وهو داخل الحمام ياخد شاور . وهو تحت الدش بردو دماغه شغاله . ومخنوق من نفسه . وحاسس أن حب لارين ليه بيضعفه مش بيقويه . بيكون ديما فى تفكير وحيره . وفضل يفكر كتير فى السلب . واتخنق اكتر . وخلص الشاور . ولبس. وخرج . وراسه صدعت من كتر التفكير . فتح الدرج . واخد برشامتين مسكن . وحط فونه على الشاحن وعمله صامت. وقفل الإضاءه ونام على السرير . نايم على ضهره . وشايف صورتها قدامه . ويغمض ويفتح بردو شايف صورتها قدامه . واتنهد . واتكلم . ليه يا رينو . !؟ ليه ديما وجعه قلبى !؟ انا بخاف عليكي اكتر من اى حد . انا سعات بكلم نفسى واقول اهدا يافهد مش كدا . حاول تبطل عصبيه . وحاولت على قد ما اقدر.اغير نفسي . هو التغيير للاحسن . عارفه !؟ وانا فى بره مصر في المهمه . كنت ديما بدعى انك تعترفى بحبك . انا عارف انك بتحبينى لكن مش قد حبى ابدا . لكن انا شوفت حبك . وحسيته لما شوفت دموعك وانا مجروح .. حسيت حبك ولمسته لما وقعتى حضنى . انا شوفت عيونك وهي متعلقه بعيونى . سمعت همسك با اسمى . وتوهنا احنا الاتنين باشتياق . ولما لمست حبك لقلبى . حاولت انى اتغير . ولما سافرت . وانتى اتصلتى وانا رديت . كانت احلى فهد اسمعها . وكانت احلى ضحكه . عارفه لما اترقيت . عرفتك انتى اول واحده . بحسك دنيتى وما فيها . سمعتك وانتى بتحكيلى عن العيله . انا مركزتش غير فى همسك وبس . وحسيت انى بتغير لوحدي . وبدءت احس للدنيا طعم تانى . ولما قولتى أن فى حد بعتلك رساله من رقم مجهول . انا بحكم شغلى . فكرت في السئ قبل الحلو . انا خوفت عليكى . ولما نجحتى كأنى انا الل نجحت . وسمعت دقات قلبك وهو مبسوط . لكن لما قولتى أن حد دايقك في الجامعه . أنا رجعت فهد العصبى من تانى . والغيره غصب عني مبعرفش اسيطر على اعصابى . بحس أن أى حد بس بصلك كأنك ولعتى فيا بالظبط . ببقى عايز اولع في الدنيا كلها . وقولتلك لما ارجع هتصرف . لكن فكرت وقولت لنفسي هخلى بالى منها ازاى . وملقتش حل غير ال GPS قولت هو أأمن حل انى اكون مطمن عليكي . وجبتلك الساعه فيها GPS وقولت يارب بس تلبسيها على طول . لكن فكرت افرض ملبستيش الساعه ديما . طيب اعمل ايه تانى . شوفت السلسله وعجبتنى وحبيتها اوى . لارى . واشتريت السلسله . وكنت عايز اركب فيها GPS قالى مينفعش . وجابلى سلسله تانيه وقالى الفص ده ينفع يتركب فيه . قولتله طيب ينفع تركب الفص ده فى اسم لاري . واقنعته . وطلب منى يوم واحد بس واروح تانى يوم واجيبها . واتركب فيها ال GPS وجبتها . وقولت لارين كدا ممكن تلبس حاجه من الاتنين وتكون فى امان . لكن خوفى عليكى اكبر من كدا يا رينو . مكتفتش بكدا . لما مراد اشترالك . الفستان . الشنطه . والخاتم . هزر وقالى انا هجبلها الاول ميدالية مفاتيح . وهقدمهالها وأشوف ردها ايه . لكن انا كنت متاكد انها هتعجبك . وقولت دى الل هتكون موجوده معاكى ديما . وركبت فيها GPS وفعلا عجبتك . لارين انا خوفى عليكى عدى المدى . انتى ليه مش قادره تفهمى انى بعشق خيالك . واتنهد بتعب . لكن حبك تعبنى . عنادك تعبنى . انتى عنيده . وغمض عينيه واتخنق تانى . واتكلم وهو مغمض عينيه . قوليلى انسى الرسايل ازاى . قوليلى ابطل غيره ازاى . قوليلى انسى أن فى واحد غيري بيتغزل فيكى ازاي . وقبض على ايده . اهو شوفتى مجرد التفكير بس . ببقى عايز اولع في الدنيا كلها . رينو . انا مشوفتكيش من اسبوع وانا فى مصر عارفه يعنى ايه . !؟ واتنهد ونفخ . ومسح وشه وشعره بايديه . وحاول ينام . وغمض عينيه . لكن صورتها قدامه . وهي واقفه بتغنى جمبه . وهي بتاخد منه الهديه . كسوفها . وفتح عينيه . ومش عارف ينام هي وحشاه بقالو اسبوع مشفهاش. وقام . وطلع على الليفنج . وقعد فتره كبيره .. وبعدها عينه جت على التاب . الل متوصل بالل GPS وفتحه زى كل يوم . لكن متأخر شويه. واشتغل . لكن استغرب . الاماكن والعلامات مش جمب بعض . ولا فى مكان واحد . وحدد الموقع . شاف جي بي اس الساعه . بيتحرك فى طريق وسعات يتجهه يمين وشمال ..واتصدم وقام وقف .. لما حدد الموقع . وقال ده طريق سفر. الطريق ده بيوصل لفين . وفتح عينيه بصدمه بنى سويف !!! .. وبسرعه . حدد موقع السلسله . على طريق مصر الصحراوي !!؟؟ وقلبه بيدق بسرعه وخوف . وبلع ريقه . وحدد موقع الميدالية فى نفس المكان. مصر الصحراوي !! لارين فى خطر . ودخل الاوضه بسرعه . وجاب الفون واتصل على رينو غير متاح .. والخوف سيطر عليه . واتصل تانى بتوتر وغير متاح . وحدف الفون على السرير . واتوتر برعب .وبسرعه .بيلبس وبيفكر برعب حقيقى. طيب الساعه فى طريقها لبنى سويف. والسلسلة والميدالية فى مكان واحد . طيب لارين فين !؟؟؟. وفكررر كتير . وقال بما أن السلسله فى رقبة رينو . والشنطه معاها فيها الميداليه . الساعه معرضه انها تتسرق . وفتح عينيه بصدمه .وافتكر الرسايل . وان ممكن يكون هو ... لاااااا !! . وفهد بسرعه لبس . واخد اسلحه معاه ولبس الشنطه . واخد التاب . وخرج بسرعه . ونسي ياخد.الفون .
.ومستناش الاسانسير ونزل بسرعه على السلم ويخطي درجات . وجري من مدخل العماره على العربيه وفتح الباب بسرعه . وساق بسرعه على غير المعتاد . وبعد ١٠ دقايق من الخوف والرعب . بيحسب المسافه الل هيوصل بيها على الصحرواي قدامه على الاقل ساعتين . وخايف انها متكونش في الصحراوى . وانها تكون فى طريق بنى سويف..وزعق بغضب . طيب اعمللللل ايييييه !!!؟ ... وافتكر .. ايوووه . ايوه . مراد . ايوه مراد . يطلع على طريق بنى سويف ورا الساعه . وانا هطلع على الصحراوى . انا هتصل عليه . وبيدور على الفون وهو سايق . وضرب الدريكسيون . لأنه نسي الفون . ومش حافظ رقمه . والتاب مفيش رقم متسجل عليه .. ونسي تماما انه يتصل على حد حافظ رقمه يوصله ل مراد . وعينيه كل ثانيه على التاب . وشايف أن السلسله اتحركت بسيط . لكن فى نفس المكان . ونسي اي حد فى الدنيا . وسااق بغضب وداس بنزين على الاخر . بيسوق بايد . وايديه التانيه بيمسح وشه وشعره بتوتر. وضغط باسنانه على شفايفه بغل . ومفيش قدامه غير السئ الل ممكن تكون لارين فيه . وأقسم أن لو لارين فى خطر لا يدبحه . وبعد نص ساعه طلع على الصحراوى . وكدا قدامه ساعه ونص . والسلسله بس الل بتتحرك . لكن مش كتير . واتأكد أن لارين فى خطر .
. وقال مفيش حاجه اسمها ساعه ونص . انا لازم اوصل قبل كدا .
.ودااس ينزززين وساااق بسرررعه البرق . لدرجه العربيات لما بتشوفه من بعيد بتركن بعيد أو بتسوق على طرف الطريق . وافتكرو مجنون . وكل مايشوف التاب أن الساعه بتبعد . والسلسله بس هي الل بتتحرك . والميدالية اتحركت مرتين بس قلبه هيقف من الخوف . ودعي ربنا انه يحفظها . ووعد نفسه . انه استحاله هيبعد عنها تانى . وسايق بغضب . ومن ساعتين . وصل فى ساعه. وقرب من الموقع . ونزل من العربيه . وماسك التاب . وقال السلسله قريبه هنا فى المكان ده . ولف يمين . ومشى ورا العلامه . ولمح مخزن . وفي ٤ رجاله حراسه. ونزل وماشي بخفة رجل علشان ميحسوش بيه .ولف من جمب المخزن . وسمع واحد بيقول للتانى . إن حارس ٤ مكلم ناس بعتتله ازايز بيره وراح يقابلو على الطريق قدامه شويه ويرجع .
وسمع التانى بيضحك وبيقول اظاهر هشام المنصوري . مش قادر على الدكتوره . وكلهم ضحكو .
فهد : اتصدم . هشام المنصوري . وشال التاب في الشنطه.
.وصك على اسنانه وافتكر هشام ونور . لكن لغى الفكره . وان لارين جوه مع هشام . وسمع صوتها بتصرخ .. واتجنن وعينيه اتحولت لعيون شيطان ومش شايف قدامه . ولف وراح على الحرس بسرعه . وهجم عليهم . الل ٤ وضربهم كأنه بيتدرب فيهم . مسك اول واحد . روسيات فى راسه اكتر من مره . وضربه فى مكان في رقبته ووقع . والحارس التانى والتالت هجمو عليه . وفهد قرب منهم ومسك الاتنين . ده بوكس وده بوكس وبيدل بوكسات وكيم بوكسات وهيغمى عليهم خلاص ومسك واحد فيهم خبط راسه فى بوابه حديد ووقع مكانه . ومسك التانى وخبط راسه في الحيطه ووقع. حارس ٢ شاف فهد باالمنظر وحاول يهرب لكن فهد طلع مسدس كاتم للصوت . وضربه رصاصه فى رجله . ووقع على الارض . وفهد راح عليه . وبوكسات في وشه . والحارس قاله والله انا ماليش دعوه . اسالهم .
فهد : اي حد موجود هنا هيتدبح . واداله روسيه وبوكس واغمى عليه .
.وفهد قام بسرعه . وجري على المخزن . وشاف باب مقفول . ورمي الشنطه . وراح بسرعه علي الباب . ولسه بيكسرو . مع صوت . رينو بتصرخ فااااااهد . والباب اتكسر فى نفس اللحظه ..
--------------------بقلمى Mariem Nasar
فارس : اتصل على طارق . ورد الو .
فارس : الو . ايوه يابابا . انا عند شقة فهد .
طارق : هو فين خليه يكلمنى.!
فارس : فهد مش موجود يابابا .
طارق : اوووف اومال هيكون فين يعنى . ؟
فارس : انا طلعت وخبطت كتير ومحدش فتح . ولقيت البواب تحت . وسألته . قالى أن الأستاذ فهد خرج بسرعه من ساعه واكتر . وكان لابس شطنه على ضهره.
طارق : بعدم فهم . لابس شطنه . وياترى دى شنطه الشغل . ولا الجيم . اله . الواد ده فى أجازه .
فارس : هو فى ايه يابابا . وايه صوت سرينات البوليس الل انا سامعها جمبك دى ..؟
طارق : محبش يقول ل فارس لانه ممكن يقول ل رودي أو رنا وآدم منبه عليهم . ابدا احنا فى مأموريه سريعه كدا.
فارس : طيب حضرتك كنت عايز ايه من فهد !؟
طارق : كنت عايزة اساله على حاجه تخصه وتخص شغله واتنهد . بلا ربنا يستر . وقفلو .
طارق : وبعدين يابيتر . احنا بنلف ومفيش اى بصيص أمل واحد . آدم ومراد ومحمد وزياد طلعو على الصحرواي من بدرى وواخدينها تفتيش .
بيتر : اتنهد بزعل . انا خايف على آدم . وام مراد . وياترى انتى فين يابنتى . واتحركو يكملو مسيرتهم .
رينو : شافت الباب بيتكسر ومبصتش تشوف مين لأن هشام واقف قدامها . وكل خوفها أن حد يشوف جسمها .حاولت تدارى جسمها لكن الفستان متقطع وهشام حدفو بعيد وجسمها كله بيترعش وحضنت نفسها بايديها تدارى نفسها . ودموعها نازله وعيونها بقت حمرا جدا . لكن فجأة شافت هشام بيتشال من قدامها . ورفعت عينيها وكان فهد . ورينو اتنفست اخيرا . وابتسمت برعشه ف..فهد . فهد جه . وقوتها بتقل . لاكن بتقاوم .. وافتكرت كلام فهد عن الرسايل . ودمعه نزلت على عنادها وغباءها .. وشافت امانها جاي عليها ونده عليها . بصوته اخيرا . وقرب منها. وهي مفيش كلام طالع . بتترعش وبس . واطمنت أن الأمان موجود . لكن قالت بصوت مهموس بحركات شفايفها . ده . الل بعت الرسايل يافهد. وبتقاوم علشان متقعش . وفهد اتحرك من قدامها وحست بفهد بيغطيها من شعرها لرجليها . وغطى جسمها كله . لكن خافت من شكل فهد . الل شافت وشه مبلول وشعره بينقط ميا . وعيونه مفتوحه بطريقه تخوف . وحمرا زى الدم . وعروقه رقبته ووشه وايديه بارزه . وفاقت وفهد بيشلها وقعدها على السرير . ومبصش عليها . هو قابض على ايديه وبس . ولف ضهره ليها . وهي قاعده على السرير . بتتنفض . وجسمها بيترعش . وشافت فهد . وهو بيضرب هشام . واتصدمت من طريقة الضرب . ونسيت رجفة جسمها . واول ما فهد ضرب هشام فى عمود الخرسانه . غمضت عينيها بسرعه . وسامعه صوت الخبط . لكن قلبها دق بحب . لما سمعت فهد . وهو بيتكلم انها ملكه وبس . وان لارين للفهد وبس . وحطت ايديها على بقها وعيطت فى صمت على غباءها . وعذبت نفسها وعذبت فهد معاها . هو بيعشقها . وهي بتعشق طيفه يعدى بس من جمبها . وبعدها فاقت على فهد وهو بيغطس راس هشام فى البرميل . واتصدمت من شكل هشام والدم نازل من راسه على وشه بغزاره . قلبها مطاوعهاش . لكن افتكرت لمسته ليها . واتغاظت وكانت عايزا تكمل عليه . وقلبها دق جامد من تانى لما فهد قال دى لارين العدوي الل الفهد بيعشقها . واقسمت انها مش هتبعد عن فهد تانى .. واتخضت لما شافت فهد بيقطع التيشيرت ل هشام . وخافت من شكل فهد وهو بيلف فى المخزن بهستريا . ويوقع صناديق. ويشيل الكراسي يرميها . وفتحت عينيها على الاخر . لما شافته بيلف جنزير على ايده . وقرب من هشام . وهي شهقت .وسمعته بيقول ده صدرك الل انت عايزها تحط راسها عليه .. وجسمها اتشد مع اول ضربه على صدر هشام . وغمضت عينيها بسرعه . ومش قادره تتحمل تشوف اكتر من كده . لكن فتحت عينيها غصب عنها لما سمعته بيقول دي ايدك الل كانت بتكتب الرسايل . وشافت فهد نزل على ركبه ونص . ومسك دراع هشام وبيرفعه قصاد ركبته . رينو حست بدوخه . وسمعت صوت دراع هشام بيتكسر
.وحست ان الهوا بيقل من حواليها . وبتقاوم الاغماء . وخافت من فهد . وخايفه تنادي عليه . وقلبها بيدق بسرعه وحست انها عطشانه . وبتنهج . وغمضت عينيها مش عايزه تشوف عذاب تانى . لكن سامعه صريخ هشام والجنزير نازل على وشه . وبدءت تترعش من تانى . ومغمضه عينيها . لكن شهقت بصوت عالى وفتحت عينيها على الاخر . لما سمعت فهد بيقول انا وعدتك أنى هدبحك . وفهد بما أنه وعد هيوفى . وشافت فهد حاطط سكينه على رقبت هشام .
فهد : ماسك هشام . وضهر هشام على صدر فهد ومرجع راسه لورا . والسكينه على رقبته ولسه هيسحبها ويدبح هشاام .
.سمع صرخت لارين باستغاثه . فاااااهد . وانتبه لصوت صريخها ولف بسرعه . وصك على اسنانه بغيظ .
رينو : حاولت تقوم بسرعه علشان تمنع فهد . لكن لمحت حد داخل بسرعه من الباب وماسك مسدس وقرب منها. وصرخت بخوف . فااااااااهد .
.حارس ٤ : جه من بره والدنيا ليل ومعاه ازايز البيره . وشغل الاضاءه الخارجيه . واتصدم وشاف صحابه كلهم مضروبين
ومغمى عليهم . موجودين ٣ بس . وشغل كشاف . وشغل الاضاءه الل حوالين المخزن كله . واتحرك شاف صاحبه حارس ٢ بعيد شويه ومغمي عليه كمان . ودخل المخزن . وشاف الباب مكسور . ولمح رينو قاعده على السرير . وعليها غطا السرير لفه نفسها بيه . وشافها مغمضه . وطلع المسدس . ودخل بسرعه . وحط المسدس قصاد راسها وصرخت .
.. الحارس اتصدم لما شاف شكل هشام . واقف كأنه سكران ووشه وصدرو كله دم . ومش قادر يصرخ . ودراعه مفرود جمب منه . الحارس للحظه خاف وندم انه دخل . واترعب اكتر لما شاف شكل فهد . لكن فكر بسرعه . وانه ياخد البنت تحت تهديد السلاح ويمشى علشان هو من ساعة ما شافها هيتجنن عليها . وعمل حركه هتكلفه حياته . لارين صرخت . والحارس . شدها عليه ولف ايدو حوالين رقبتها ومسك كتفها. وكتفها بايد والايد التانيه رافعها على راسها بالسلاح . وبيهدد الفهد .
الحارس : نزل السلاح من على رقبت هشام باشا . وإلا هقتلها .
لارين : متكتفه . والسلاح قصاد راسها
.ومغمضه عينيها ودموعها نازله برعب . وبتتشاهد .
فهد : رمى هشام على الارض . والسكينه في ايدو . واتكلم بلغة تهديد وتحذير وغضب .. شيل ايدك من عليها ..
الحارس : هههه لا صدق خوفت . يعنى خايف عليها من ايدي !؟ ومش خايف من المسدس الل فى راسها ده . ؟ وايه كل ده .!؟ انا جيت من بره ولقيت صحابي مضروبين . وهشام باشا خلصان . انا قولت هدخل الاقى عشر رجاله جوه . عاملة فيها كوماندو . يلا ياحلو زى الشاطر كدا . ارمي السكينه الل فى ايدك دي .
.هشام : بينهج ببطء . وسامح صوت الحارس . لكن رؤيته مشوشه . ومش شايف كويس . وحاول يقوم . مره واتنين وتلاته ويقع .
الحارس : بص ل هشام . هشام باشا حاول تقوم . انا معاك متخفش .
هشام : سند بايده الشمال بصعوبه .. وقام بيتخبط يمين وشمال وبينهج . والدم نازل من راسه على وشه وصدرو . وشايف طشاش . واتحرك .
.فهد : مبصش على هشام . فهد بيدرس المسافه بينه وبين الحارس . ويبعد الخطر عن رينو . وايد الحارس على لارين مخلياه شايط ..
. هشام : وصل لعند الباب بصعوبه ومش قادر يكح . ومش مركز مع الحارس . ولا مع حد . هو عايز يهرب . يهرب وبس . !! وطلع من المخزن بينهج .ويقع ويقوم بصعوبه كبيره . والدم نازل على رقبته وصدور من راسه . ومشى لقدام . مشى خطوطين كمان . ورجليه واخداه ومشى وفجاءه شاف ضووووء شاحنه كبيره جدا . وهشام لسه هيتحرك . لكن قضاء الله نفذ . والشاحنه خبطته . وطار بعيد على طرف الطريق . والشاحنه موقفتش.
(ونقوله ايه بقى !؟ خلى شهوات الدنيا دلوقتى تنفعك . وقاضى السماء استجاب ل نرمين . وجابلها حقها . )
فهد : سنانه بتعمل صوت وقرب خطوه وبلغة تحذير وتهديد ؛! . لآخر مره هاقولها .وأقسم بالله العظيم .ما هقررها تانى !! شيل ايدك من عليها .
. الحارس : خليك عندك . انا هاخدها وهخرج من هنا . ولو اتحركت أو جيت ورايا قول عليها يارحمن يارحيم .
رينو : الحارس طول بعرض وضخم . ومكتف رينو . كأنها عيله صغيره بين ايديه . لانه اطول منها وراسها عند صدره ..ومش عارفه حتى تتحرك مثبتها . ودموعها نازله . ومرعوبه .
..والحارس عيونه على فهد . ووطي وهمس ل رينو فى ودنها . وابتسم . وخرج شعرها على خدها .واتعدل . ورينو برقت وعيونها مفتوحه على الآخر. وبصت على فهد .
فهد : شافه بينزل على ودن رينو . وبيهمس ويضحك . ورجع بالسلاح الل فى ايدو الغطا الل على شعر رينو ورجعه لورا . ونزلت خصله على خدها . الغيره ولعت فيه وبينهج بصوت مسموع . . واول ما رفع راسه .. وبحركه سريعه جدا . من فهد كانت السكينه رشقت فى رقبت الحارس . والحارس . قبل مايوقع زق رينو .ووقع مكانه .
.فهد : اتحرك بسرعه وحدف السكينه . ومسك رينو قبل ماتقع على وشها .
رينو : الحارس وطي على ودنها وقالها. لو ممشتيش معايه . انا هغتصبك قدامه . وابتسم . وهقتله .وخرج شعرها .. واتصدمت وبصت لفهد .
. وشافت فهد بملاح الغضب . وغمضت عينيها . ولسه هتدعي فى قلبها . ومشافتش الل حصل . ومحستش غير انها بتتزق لقدام بقوه ولأنها ملفوفة بالغطا . كانت هتقع على وشها .والغطا نصه اتفك وايديها ظهرت . لكن وقعت فى حضن فهد وايديها على صدره .
فهد : صدره بيعلى ويهبط . من الغيظ والغيره .
. لكن رينو دلوقتي في حضنه . ولو كان جرالها حاجه .. وغمض عينيه . واتنفس باريحيه انها بخير وفى حضنه. واتكلم . وهمس .رينو .
رينو : راسها على صدر فهد . وايديها. ورفعت راسها . وبصت ل فهد . وهمست فهد .
فهد : عيونه اتعلقت بمعشوقته . ايوه فهد يارينو . انا جمبك اطمنى . ومش هسيبك .
رينو : شافت انها من غير فهد . صفر .. وعيطت ودفنت وشها فى صدره وعيطت . بشهقات .
فهد : قلبه بيدق . بحب من قربها ليه بالشكل ده. ومحسش بنفسه غير. وهو بيرفع ايديه وحضن رينو بحب كبير وخوف اكبر . وغمض عينيه. واتنهد .
رينو : فى حضنه . وبتعيط . وحست انها فى امان . ولا ارديا حركت ايديها وحضنت فهد . وعيطت بشهقات . واتكلمت . ارجوك يافهد . ماتسبنيش تانى . متبعدش عنى تانى يافهد .
فهد : مغمض عينيه . وحاضن رينو . واول محركت ايديها ورفعتها على ضهره وحضتنه بقوه . جسمه اتشد . وقلبه دق بقوه . وزاد من حضنها وبيسمعها .ولما قالت متبعدش تانى . رفع ايدو ومسد على شعرها لاول مره . وقلبه هيطلع من مكانه .
رينو : فهد : انا اسفه . انا غبيه . انا مكنتش اعرف ان الرسايل ممكن توصلنى لكدا . والله مكنش قصدى اخبى عليك . والله يافهد انا مقرتش الرسايل الاخيره . انا كنت بتكلم على الرسايل القديمه . ارجوك يافهد . متبعدش عنى تانى .
فهد : اتنهد . وخرجها من حضنه . ورفع الغطا على أكتافها وغطي رقبتها. ومسح دموعها بايديه لاول مره . وفهد عندو احساس غريب . وقلبه حرفيا هيطلع من مكانه .واحساسه وقلبه خلاه اتجرأ ومسك وشها بايديه وقرب . وباس جبينها برعشه شفايفه. وبص فى عيونها . ولسه ماسك وشها .. شش بس . متقوليش حاجه. خلاص كل حاجه خلصت .
. ومش عايز اشوف دموعك دى تانى فاهمه .
.ومين قالك اني هبعد تانى!؟ . انا معنديش استعداد انى اخسرك ؟. انا مش عارف اعيش من غيرك .
رينو :رفعت عيونها فى عيون فهد واتعقلت عيونهم فى عيون بعض . وقلبها دق. وشافت عيون فهد متعلقه بيها . واختفت من عينيه نظرات الغضب والشر . وشافت مكانها نظرات اشتياق وحب ولهفه . وخوف عليها . وحست انها خلاص فى امان وقوتها بدءت تقل . ايوه فهد امان لارين وبس . وغمضت عينيها . وقالت بهمس ... ( بحبك يافهد .) واغمي عليها فى حضن الفهد .
فهد : برعب حقيقى .. لارررين . لارررين . وشالها . نيمها على السرير . لارررين . لارين . وقعد جمبها بسرعه وبخوف . لارين . حبيبتي ردي عليا . لارررين . ومن خوفه نسي اعترافها بحبها ليه .. واتحرك . وبيدور على ميا . لكن شاف الحارس الل قتله . مرمي على الأرض جمب السرير. فهد شاله . ورماه بره . علشان رينو متخفش اكتر من كدا.
. وطلع قصافه صغيره وقرب من الحرس كلهم . ورجع . بسرعه . ودور على ميا . وشاف ازازه ميا . ورش على وشها . ومفيش فايده . فهد قام . وشال شنتطها وحجابها وفستانها من على الارض . وحطهم فى الشنطه ولبسها على كتفه . وشال رينو من على السرير بخوف . وخرج بيها من المخزن. بيجرى بيها . وراح بيها على العربيه بسرعه . ونيمها براحه فى الكرسى الخلفى . وركب العربيه بسرعه واتحرك بسرعة البرق ...
--------------------بقلمى Mariem Nasar
آدم . والحرس ماشين على الصحراوى . والدنيا ليل . وبيفتشو كل مكان . ومراد ومحمد وزياد . مقابلينه فى الاتجاه التانى . ومراد مع آدم على الفون . آدم لمح مخزن منور . وفرمل العربيه .
مراد : سمع صوت الفرمله . بابا انت وقفت ليه .!؟
آدم : قلبه بيدق . مراد فى مخزن منور على الطريق وفيه عربيتن واقفين .
مراد : انا دقيقتين واكون عندك . وقفل . وساق بسرعه .
آدم : والحرس وراه . وآدم مش عارف عندو احساس مختلف المرادي . عن كل مكان يدخل ويفتش فيه. ووصلو المخزن . والحرس محاوطين آدم لما شافو ناس واقعه على الارض .
آدم : بعد عن الحرس. وبص على ال٤ حراس واقعين على الارض . ووطي على واحد وشاف نبض رقبته . لاقاه عايش . ورايح على التانى . لكن لمح باب مكسور . وقلبه دق بخوف .وقام ورايح على الأوضه لكن شاف واحد مقتول بسكينه في رقبته . وسابه . ودخل الاوضه . وسمع فرملة عربيه بره . واتأكد أنه مراد .
مراد نزل جري . وكمان وراه محمد وبعد منه زياد . مراد . شاف المخزن وحرس بره ونزل جرى على المخزن . ومبصش على حاجه راح لابوه بسرعه جوه الاوضه . وشاف آدم وعيونه مفتوحه على الآخر . وعيونه على الدم الل على الأرض . وبلع ريقه بخوف . وقرب من آدم . ومراد قلبه واجعه بيتخيل برعب حقيقى . لكن حاول يدور على حاجه .
.ومحمد دخل وزياد . وكلهم خافو . لكن دورو فى المكان .
.آدم عينيه على الدم . وعلى السرير المتبهدل . واتصدم وجري على السرير . مررراد . مررراد . اختك رينو كانت هنا .
كلهم : جريو على آدم : برعب . وشافوه ماسك المصحف الصغير . بتاع رينو . آدم دمعه رعب نزلت منه .
.وزياد بسرعه دور فى المكان على اى دليل . ومحمد . بيدور . ومراد جرى على بره . وأمر الحرس يفتشو المنطقه كلها .
.وبيتر وطارق اتصلو على آدم الل ماسك المصحف بايديه ومبيردش على حد . واتصلو على زياد . ورد عليهم وقالهم . وقفلو وطارق وبيتر اتحركو بسرعه علشان يروحو على المكان .
محمد بيفتش : واتصدم . وقال بصوت عالى مش معقول .!!!
آدم انتبه ووقف برعشه. وزياد راح عليه . في ايه يامحمد .!؟
محمد : وهو بيدور . شاف باسبور وفتحه وشاف صورة هشام . وبص ل آدم وقاله . هشام . هشام يا آدم الل خطف نور قبل كدا . ايوه دة صورته وكان اسمه هشام توفيق. وبص فى الباسبور . على الاسم واتصدم اكتر . ايييه !!! هشام توفيق المنصورى !!!!!؟ وكلهم اتصدمو . ومراد الل كان داخل عليهم .
آدم : أتصدم وقال بهمس . بنتى . وقعد على السرير بخوف .
زياد : بص يامحمد فى تيشرت مقطوع اهو وعليه دم كتير . وكلهم . خافو .
مراد : بيضرب الحيط بايدو . ولمح الحارس المقتول . وقرب منه . وبرق عينيه بصدمه اكبر . وقال بصوت عالى . فهد كان هنا .
. وبينهج بأمل فهد كان هنا .
.فهد جه هنا . وكلهم جريو عليه .
آدم : قلبه بيدق ببصيص امل . انت بتقول ايه يامراد انت متاكد .؟؟؟
مراد : شال السكينه . وقام وقف . ايوه . انا متاكد مليون ال١٠٠ ان فهد كان هنا . وهو الل ضرب الحرس دول .
وهو إلل قتل الراجل ده . ايوه . دي سكينة فهد الخاصة بيه .. وعليها رمز خاص بفهد . واي عدو فى اي مأمورية بيطير بيها رقبته . وبيتكلم بفرحه . وبص ل آدم . بص يابابا . العلامه الل على وش الراجل دي . علامة فهد . معاه سلاح صغير زى القصافه . وبعد ما يقتل اي خاين بيعمل سهم لفوق . ولما سألته قبل كدا على السهم ده ؟ . قالى ده سهم مرفوع لفوق علشان روح الخاين تطلع لفوق على طول بسرعه السهم .
.صدقوني فهد كان هنا . والكل بدء يتصل على فهد لكن مبيردش .
آدم اتحرك بسرعه . وراح على واحد منهم وحاول يفوقه . لكن سمع صوت أنين بعيد . وشاور للحرس بتاعه . وراحو شالو الحارس الل مضروب طلقه في رجله . وجابوه عند آدم . وفوقوه .
. وآدم من غير ما يسأل كتير . فتح فونه برعشه . وجاب صورة فهد . وقاله . ده الل عمل فيكو كدا ؟.
الحارس : بتعب . هز راسه ايووه . ايوه هو يا باشا . كان داخل علينا . زي الطوفان . وانا والله بعيد عن موضوع خطف الدكتوره . انا بعيد هما السبب .
آدم : بلع ريقه بخوف . وهشام . هشام المنصوري . هو الل خطف بنتى .!؟
الحارس : اتصدم . ب..ب.. بنتك . ه.هي الدكتوره بنتك . !؟
آدم : مسكه من ياقته بقوه . وقال بتحذير ..بنتى حصلها حاجه . !؟
الحارس : برعب . والله ما اعرف . بس لحد ماهجم علينا الراجل ده كانت جوه محبوسه مع هشام ..
آدم : قام . وبص للحرس بتوعه .. خدوهم. كلهم على المخزن القديم عند توفيق . والراجل بيصرخ حرام عليكم سيبونى . انا ماليش دعوه . لااااا.
كلهم والحرس . دورو فى المكان كله . وحوالين المكان . لكن ملقوش حاجه . وتوقعو أن فهد اخد رينو . ورجع على البيت . ولكن قلبهم مش هيرتاح غير لما يسمعو صوت رينو . او فهد يرد عليهم .
جارد : من بتوع آدم . جه وقال . آدم باشا . واحنا بندور لقينا . واحد على طرف الطريق جمب المخزن وعامل حادثه كبيره. وميت مش عايش .
آدم : خرج . وكلهم وراه . وشغلو كشافات عليه . ومحدش عرفه من شكل الدم . غير محمد بعد تتدقيق . فى ملامحه. وقالهم . ده هشام !!!.
آدم : صك على اسنانه . سيبو الكلب ده مرمي كدا زى ماهو للكلاب تنهش فيه . وبص للجارد .صور الكلب ده اكتر من صوره وخليها معاك. وانت يامراد . اتصل واعرفلى وحددلى تليفون فهد موجود فين بالظبط .
مراد : بلهفه . صح . ايوه انا هتصل على اكرم . واتصل .
الو . اكرم .بسرعه حددلى بالظبط مكان فهد فين . شوف الفون بتاعه فين . !! واسمع . واعرفلى عربيته موجوده فين . بسرعه يااكرم .
اكرم : تمام يامراد . ٥ دقايق . وهبعتلك رساله . بالموقع بالظبط .
طارق وبيتر . وصلو .
طارق : بلهفه .هاا . عملتو ايه . لقيتوها .!؟
زياد : لا . لكن مراد بيقول ان فهد كان موجود هنا .
طارق : بعدم فهم . وعرفتو ازاى . وحكو كل حاجه ل طارق وبيتر .
مراد . وآدم متوترين . وآدم واقف جمب العربيه . ومستنى رساله اكرم . لمراد .
مراد : سمع صوت الرساله . وفتحها بسرعه . وقال. .بابا . تليفون فهد فى موقع الشقه عندو . واتحرك بسرعه على عربيته وقال. عربيه فهد . فى( .....) القاهره . واول ماسمعو العنوان.
كلهم . ركبو عربياتهم . وآدم اول واحد ساق بسرعه كبيره .ومراد . وراه . ومحمد . وزياد . وطارق . واكتر من ١٠ عربيات الحراسه كلها .اتحركت ورا آدم .
مراد : الو . ايوه يااكرم . عربيه فهد . اتحركت . طيب خليك متابع . ولوغير طريقه عرفنى .. تمام .
. وكلهم ساقو بسرعه رهيبه ...
--------------------بقلمى Mariem Nasar
فهد : سايق بأقصى سرعة . ووصل المدينه . وعلى اقرب مستشفى راح بسرعه . وفرمل العربيه . ونزل بسرعه. وفتح الباب الخلفي . وغطي شعر رينو كويس . وايديها . وشالها على مهله علشان الغطا مايتحركش . وقفل الباب . برجله . ودخل المستشفى بسرعه . وممرضة جريت عليه . خير يا استاذ.
فهد : بلهفه وخوف .. دكتوره . عايز دكتوره.
الممرضه : دخلها الاوضه دى .وثوانى هندهلها دكتور النبطشيه .
فهد : صك على اسنانه بغيظ . والممرضه اتخضت. انا قولت عايز دكتوره . اتحركي . وسابها ودخل الاوضه . ونيم رينو على السرير . وبلع ريقه بخوف . وهي نايمه مغمضه عينيها قدامه . وحاول يفوقها . رينو . رينو ردي عليا . رينو فتحي عينيكى . ارجوكي ردى . رينو . لكن مفاقتش. وشد عليها غطا السرير وغطاها .
الدكتوره : دخلت . خير حضرتك مالها .
فهد : بلهفه . دكتوره شوفيها بسرعه . هي مغمى عليها من ساعه . ومش عايزه تفوق .
الدكتوره : متقلقش . حضرتك جوزها .
فهد : لاء . انا . انا . وبلع ريقه .خطيبها .
الدكتوره : تمام . اتفضل حضرتك استنانى بره. وانا هكشف عليها . وأخرج اطمنك .
فهد : عينيه على رينو . وخرج وقفل الباب وراه . ووقف قدام الباب . ومسح وشه بايديه . وجواه رهبه وخوف. كبير . وكان مداريهم قدام لارين علشان متضعفش. وقعد على الكرسي الل جمب الباب . واكتشف أن ايديه بتترعش من خوفه عليها . وقعد يفكر . لو مكانش جاب ليها الجي بي اس . كان ممكن ايه الل حصلها دلوقتى . ورغم أنها فكره . لكن حس ان نفسه راح . وشهق واخد نفسه . والرعشه زادت. وحط ايدو على قلبه . وكان بيدق لكن بخوف . وبعد تفكير كتير . افتكر آدم . ومريم . وفتح عينيه . وانه متصلش على حد منهم . وقام يشوف فونه فى جيبه لكن مش موجود . وافتكر أنه نسيه . ونفخ . اوووف لارين مختفيه . من ٤ ولوقتى الساعه ٨ . اكيد آدم قالب الدنيا .
الدكتوره خرجت . وفهد لف ليها بسرعة البرق . فاقت !؟ .
الدكتوره : هتفوق . متقلقش . هي شكلها مجهده جدا . او مضغوطه . لان ضغطها واطى . وحالة خوف مسيطره عليها . وبصتله . واتكلمت بتريقه. هي الانسه اتعرضتت لحادثه .
فهد : قبض على ايده . واتغاظ . لكن قالها . لاء
الدكتوره : بشك ! نعم . لأ الل هو ازاى يعنى حضرتك . البنت عندها حالة خوف .وكمان ايديها الاتنين مجروحين . واتريقت وغير كدا سورى يعنى انت جايبها ملفوفه فى ملايه. معناها ايه .!؟؟
فهد : بغيظ . وناسى انها دكتوره . أقسم بالله لو قولتى كلمة ملفوفة فى ملايه . دي تانى . مش هتعرفى انا هعمل فيكى ايه . وزعق . وانتى داخله تفوقيها . ولا تحققى . هيا لابسه ايه . !؟
الدكتوره : بصتله بصدمه . لكن بعدها خافت منه . وقالت أنا مش هتابع الحاله . هبعتلك دكتور ناجي . بعد اذنك .وجت تمشى ..
فهد : شاور بايدو . ومنعها تتحرك . وبلغة تهديد . شغلك وهتعمليه . وهتفوقيها . ومفيش طيف راجل غريب هيدخل الاوضه دي . طول ماهي موجوده فيها . وشوفى شغلك . الل جوه دي . دكتوره . زيها ذيك . وبتساعد اى حد . مش بتحقق في اللبس . واتفضلى انا عايزها تفوق . وزعق اتفضلى .
الدكتوره : خافت . وانتفضت من مكانها .ح..حا..ضر . ودخلت تفوق رينو .
فهد : صك على اسنانه وقبض على ايده. علشان الل هيشوف رينو بالشكل ده هيفكر فيها تفكير مش كويس .و خبط بايدو على الحيطه . وشاف ممرضه جايه وسنها وشكلها اكبر من فهد . ووقفها وحاول يتكلم بهدوء .لوسمحتى .
الممرضه : افندم .
فهد : حضرتك من المنطقة هنا جمب المستشفى .؟
الممرضه : قلقت من فهد وخافت .
فهد : شاف خوفها . وانها فهمته غلط . انا بسال حضرتك لان خطيبتى جوه . وعملت حادثه . ولبسها كله مش هينفع ترجع البيت بيه . ف لو فى محل قريب من هنا. محل فساتين . !؟
الممرضه : بأريحية . الف سلامه عليها.ياستاذ . انا ايوه بيتنا قريب من المستشفى. لكن محلات الفساتين . بعيد عن هنا . الموجودين بس محلات محجبات . اسدلات خروج واسدلات للصلاه وحجاب .
فهد : طيب . دا .كويس اوى . انا عايز اسدال خروج . وشكرا جدا لحضرتك .. وسكت . وبصلها . بس . انا مينفعش اسيبها وانزل .
الممرضه : تفهمت . وشافت خوفه عليها . انا ممكن . انزل واجيب لحضرتك الاسدال .
فهد : انا متشكر جدا لحضرتك . بجد هتعبك معايا. وطلع المحفظه . وعطاها فلوس من غير مايشوف كام .
الممرضه . يدوبك اتحركت .
فهد : لحظه .هاتيه اسود . او غوامك . بلاش الالوان التانيه . وياريت لو اسود يكون كويس . وياريت اسف بجد أنى بطلب منك .لكن انا بجد مقدرش اسيبها لوحدها . هي تعبانه . فياريت اى محل تعدى عليه. جيبى ٢عصير .
الممرضه : بس كدا . انت تؤمر يااستاذ . تمام. . واتحركت .
الدكتوره : خرجت . وبصت ل فهد با احراج . احم . انا ادتلها حقنه . و شويه وهتفوق . ومشيت .
فهد : قلبه اخدو للاوضه . وفتح الباب . ودخل عليها . وشافها . نايمه . فهد . قلبه اتدايق عليها . وقرب من معشوقته مسلوب الإرادة تماما . وقعد على طرف السرير جمبها . وشاف ملامحها . واتخيل الخوف الل شافته . والرعب . وياتري هشام . خطفها ازاى . واتنهد . وشاف ايدها الل اتجرحت مكان المسمار . ومجروح وعليه دم . ومسك ايديها وقلبه بيدق . مع أنه خايف عليها بس قلبه دق مع اول لمسه لمعشوقته . ورفع . أيديها وعيونه على الدم . وقرب شفايفه من ايديها وباس الدم . واخد ايديها على خدو . ومسح دمها على خد الفهد . واتكلم . لو كان حصلك حاجه صدقينى انا كنت انتهيت . رينو . انا مش هسمح انك تبعدى عنى تانى . الخوف الل عشت فيه انهردا . استحاله اخليه يتكرر تانى . رينو انا بحبك . خليكى معايه . ارجوكي . انتى قوتى . انتى عالمى . فوقى . واوعدك أنى مش هتعصب عليكى تانى . وهتكلم معاكى بهدوء . وهقولك انا بحبك يا لاري . واتنهد وقال بهمس فوقى علشانى . علشان فهد . ونزل أيدها . وقام . مخنوق . وراح وقف وبص من الشباك . وسرحان . وبيفكر . انه لما يرجع رينو البيت . هيدور على هشام ويدبحه علشان يطفى النار الل فى قلبه . وانه فكر فيها وشال حجابها وشاف شعرها . والفستان . واتخيل . وغمض عينيه بغضب . وبيقسم لا يدبحه . وفهد لف بدهشه .
رينو : فاااااهد .
رينو : نايمه . واحداث اليوم بتطاردها . وانه بيقطعلها الفستان .اترعشت . وجسمها رجف .وقامت مفزوعه وندهت على فهد .
فهد : جري عليها . وقعد جنبها . رينو . رينو . اهدي انا جمبك . انا اهو معاكي . اهدي .
رينو : بترتجف . وبتترعش . وقامت خايفه من هشام . وبتنهج . بس شافت فهد قدامها . وحاولت تستوعب . انه كابوس . وفهد خلصها منه .
. ومن غير مقدمات . رمت نفسها فى حضن فهد بخوف ورعشه. وعيطت . فهد . فهد . ماتسبنيش . متبعدش تانى . انا كنت هموت يافهد . انا كنت خايفه. انا خوفت اوى يافهد . وعيطت بصوتها كله . انت اتاخرت أوى يافهد . الحيوان قطعلى هدومي . انا بكرررهه . وعيطت ومكلبشه فيه .
فهد : الاول قلق عليها . ولما حضتنه قلبه مش مستحمل . ولما عيطت غصب عنه اتخنق . ولما قالت عن الفستان . غمض عينيه قوووى ومش عايز يتخيل . وغصب عنه دخل رينو كلها في حضنه . ولف ايديه كلها حوالين منها . بس.يارينو . بس . كفايه . خلاص من هنا ورايح انتي فى امانى . رينو انتى مش هتغيبى تانى عنى لحظه واحده بعد كدا . وصدقينى الل حصل ده مش هيتكرر تانى . وحب يطمنها . وبعدين . انتى لارين العدوي . مش اى حد . البنت العنيده . وانا واثق انك انتقمنى من الكلب ده .
رينو : في حضن فهد . وخوفها قل . ومش مصدقه نفسها. انها مع الفهد . وسامعه دقات قلبه .. وبتسمع كلامه . انه امانها . ومش هتغيب عنه لحظه واحده وسكتو شويه فى حضن بعض ..
.رينو. اتنهدت . ولا ارديا . قالت مع التنهيده .
( بحبك يا فهد).
فهد : وهو حاضنها .فتح عينيه بقوه . وضربات قلبه زادت عن المعدل الطبيعي . وبيتنفس بصوت عالى بتوتر . وخرجها من حضنه بسرعه . وبصلها . انتى قولتى ايه !؟
رينو : فكرت بقلبها وحكمت عقلها . ورفعت عينيها وبصت في عينيه . وقالت . كفايه بعد بقى يافهد . انا مش هستحمل بعدك عني تانى . كفايه عذاب . انا بحبك اوى يافهد .
فهد : قلبه كل شويه يزيد . همس . رينو. انتى قولتى بحبك يافهد.
رينو : نزلت عينيها فى الارض . ايوه انا بحبك يافهد.
فهد : كل الغضب الل فى قلبه اتمسح كأنه لم يكن .
وحس بسعاده غير عاديه .. رينو . انا مش بس بحبك . وانتى عارفه كدا . رينو انا . انا . بعشقك . والباب خبط . وفهد لا ارديا مبتسم . ممكن علشان الإعتراف بينهم تم . وفهد عندو احساس غريب أن الغضب الل فى قلبه اختفي . وبعدها اتنهد بسعاده. وقالها . (تعبتينى معاكى يابنت اللذين ) وشد الغطا على شعرها وغطاه . وقام . لان الباب خبط تانى . وفتح الباب .
الممرضه : بتنهج . ودخلت .
فهد : استغرب . ورينو عيونها على فهد وبس..
الممرضه : بتنهج . اتفضل يا استاذ الاسدال اهو . والعصير .
فهد : اخد العلبه منها و العصير . متشكر جدا. انا بجد ممنون ليكى . لكن اسف فى السؤال . انتى متوتره كدا ليه فى حد بيجرى وراكي.
الممرضه : ياريت . وبصت على رينو الف سلامه عليكي ياحبيبتى . وبصت لفهد. اسكت يا استاذ مش هتصدقو الل حصل . وانا شوفت ايه قدام المستشفى .
فهد : ورينو انتبهو. فهد . خير يعنى حد قتل حد.
الممرضه : لا يا استاذ . انا خرجت من المستشفى . واشتريت الاسدال . وانا راجعه . شوفت كمية عربيات رهيبه . ولا ٢٠ عربيه . وكلهم بيتحركو بسرعه تقولش موكب رئيس . واول عربيتن نزلو منهم . ٥ بودي جارد يلهوى على حجمهم يخوفو . ولقيت هرج كتير ودوشه . قولت ايه ده . ده شكله كدا وزير ومعاه العربيات دى كلها . وكانو هيقفلو على باب المستشفى بالعربيات . انا خوفت وجريت .ودخلت قبلهم . وجيت على هنا . يلهوى . دي لو المستشفى بتاجر في الاعضاء . مش هشوف العربيات ولا الناس دى كلها .
فهد : مهتمش . وهز راسه. وبص ل رينو وابتسم بحب . بيطمنها أنه معاها . واستغرب نفسه هو مبسوط مع أنه طالع من حدثه مع هشام . لكن ناسي كل حاجه ومش فاكر غير بحبك يافهد وبس . وبص للست . معلش هتعبك معايا . ممكن تساعديها تلبس الاسدال .
الممرضه : قامت حاضر . واسفه نسيت ادي لحضرتك الباقى . انت مدينى تمن فستان سهره مش اسدال . اتفضل.
فهد : لا خليهم معاكي . واعتبريهم . تعبير عن شكرى انك جبتى الاسدال . اتفضلى وعطاها الاسدال . وياريت تعقميلها ايديها علشان مجروحه . واتحرك عند رينو . وهو بيبتسم . وقالها .اشربى العصير ده علشان تفوقى . وبعدها هي هتساعدك تلبسى الاسدال . وبعدها تعقملك جروج ايديكى .ونمشى من هنا .
رينو : بصت ل فهد بدموع . بابي ومامى . واخواتى يافهد .
فهد : مسح دموعها . متقلقيش انا هتصرف في اي تليفون واتصل عليهم . المشكله انى نسيت اجيب فونى وانا نازل .
الممرضه . لو حضرتك عايز تتصل على حد . انا معايا موبيل .هو قديم بس يأدى الغرض اتفضل .
فهد : متشكر . واخد فونها . وبص ل رينو انا واقف قدام الباب . مش هبعد . ولسه مبتسم.وقلبه بيرقص ان خلاص الاعتراف ده هيخلى رينو معاه طول العمر ..
رينو : هزت راسها. وفهد خرج يتصل على آدم.
فهد : بيفتح الفون علشان يكتب رقم آدم . وحس بهجوم فى اخر الطرقه . ورفع عين واحده . ولكن اتفاجئ .
آدم . ومراد . وطارق . وبيتر . ومحمد . وزياد . وحرس كتير وراهم . اكتر من ٢٠ جارد.
آدم لمح فهد واقف . وجري بسرعه عليه . ومراد وكلهم جريو على فهد .
آدم : بلهفه كبيره . فهد . بنتى معاك .!! ؟
فهد : شاف رعبهم وطمنهم بسرعه . ايوه . رينو معايه اطمن .
آدم : تنفس الصعداء . وغمض عينيه. وقعد على اول كرسي وحط ايدو على قلبه . ااااه . الحمدلله. الحمدلله يااارب . الف حمد وشكر ليك ياالله .
مراد : لف ضهره الناحيه التانيه . ومسح وشه وشعره بايديه . ودمعه راحه نزلت منه . الحمدلله. الحمدلله يارب.
طارق : حس براحه كبيره وحمد ربنا . ولكن عيونه على ابنه .
محمد : راح قعد على الكرسي . وحط وشه بين ايديه . وبيستوعب الل حصل والنتيجه ايجابيه .
زياد : نفخ براحه . واتنهد الحمدلله.
بيتر : حط ايدو على جبهته . ونفخ براحه . الحمدلله .
.وكلهم اتنفسو الصعداء .
آدم : وقف هي فين. هي كويسه . حد . حد .. ومقدرش يكمل .
فهد : بصوت غضبان . لاء طبعا . ومفيش حد يتجرأ طول منا موجود. لارين كويسه . انا معاها. وهي فاقت جوه.
مراد : هجم . بغيظ على فهد .ومسكه من تي شيرته بقوه . وزعق بتحذير . وانت كنت هتعرفنا امتى يافهد . ها !؟ . يعنى انت كنت عارف من بدرى . ان لارين مخطوفه !؟ . مفكرتش تكلمنا لييييه .وعلا صوته . اااانت عارف احنا كنا حاسين . بايه !!؟ . اااانت عاااارف . ابويا كان عامل ازاى !؟ . انت عارف انا بتصل عليك من امتى يافهد !؟ . وانت كنت عارف رينو فين . معرفتناش لييييه .!!!.. ليييييه يافهد . كنت مسسستنى ايييه !؟ . مستنى لما نموت كلنا من الخوف . وانت رايح تخاطر علشان تكون انت البطل .!!!
انت عارف انا كنت حاسس بالعجز ازاى !؟ انت عارف يعنى اختى وبنتى . مش لاقينها . ولاعارفين هي فين ولا مع مين ولا بتمر بايه.!؟
وشده اكتر من التيشيرت وزقه على الحيطه بقوه وبغل .. انت عارف انا كنت بفكر ازاى!؟ عارف كام فكره جت قدامى !؟ عارف يعنى ايه تتخيل اختك بتستنجد بأى حد !؟ عارف يعنى ايه خايف من خمس دقايق قدام نتيجتها هتكون ايه!؟ . عارف كام حادثه اتخيلتها !؟ عارف يعنى تحس انك ولا حاجه من غير عيلتك تكون فى امان !؟ عارف يعنى تشوف دموع ابوك لاول مره تنزل بخوف !؟
.وزعق بغضب شديد . اااااانت متصلتش على اى حد فينا ليييه يافهد . مكلمتنيش ليييه. مكلمتش ابويا ليه . مكلمتش طارق لييييه . وحتى لو تليفونك مش موجود معاك . فى مليون طريقه يافهد . فى مليوووون طريقه .! مش من حقك انك تتحكم في اعصابنا . مش من حقك يافهد انت فااااهم !!
وافرض الخمسه دول واحد منهم صابك برصاصه طايشه !!. كنت هتستفاد ايه؟ . واحنا هنستفاد ايه .؟ ورينو هتستفاد ايه ؟ احنا كنا فى مهمه انا وانت . واحنا ٢ !!! وهما ٣ ورغم أننا مسلحين انا خدت رصاصه فى قلبى وكنت بموت . ولو انت مش موجود كان زماني ميت مكانى !!. افرض انت كمان كنت خدت رصاصه وانت لوحدك كنت هتعمل ايييه .!؟
. انك توصل وتكون بطل حلو اووي . لكن مش بالغباء يافهد .!! وزعق . اااااانت لما عررررفت مكاااان رينو متصلتش علينااااا ليييييه . احنا من ٤ سعات بنلف حوالين نفسنا . احنا كنا هنموووت من الرعب يافهد فاااااهم . انا عشت اسؤ ٤ سعات فى حياتى كلها . وانت عارف هي فين ومعرفتش حد . انا مش هسامحك ابدا يافهد .
. انا لا يمكن اسامحك . وزقه بقوه . ونزل ايديه وسابهم ومشى .
..ومهما ينادو عليه مردش عليهم . -------------يتبع الباقى من تكملة الحلقه 2 من ج ٢
--------------------بقلمى Mariem Nasar
الاكثر قراءة هذا الشهر :
موعد الحلقة الجديد الساعة ( 4 م ) يوميا ان شاء الله .
الى هنا تنتهى احداث رواية جريمة عشق 3 الحلقة الثالثة ، يمكنكم اكمال باقى احداث رواية جريمة عشق 3 الحلقة الرابعة أوقراءة المزيد من الروايات المكتملة فى قسم روايات كاملة .
نأمل أن تكونوا قد استمتعتم بـ رواية جريمة عشق 3 ، والى اللقاء فى حلقة قادمة بإذن الله ، لمزيد من الروايات يمكنكم متابعتنا على الموقع أو فيس بوك ، كما يمكنكم طلب رواياتكم المفضلة وسنقوم بوضعها كاملة على الموقع .