نقدم اليوم احداث رواية جريمة عشق 3 الحلقة الخامسة من روايات مريم نصار . والتى تندرج تحت تصنيف روايات رومانسية ، والتى نالت اعجاباً شديداً بين القراء سواء واتباد أو فيس بوك . نرحب بكم فى موقع مجنونة عشاق روايات موقعنا ، هنا سوف تجد كل رواياتك : روايات رومانسية ، روايات رومانسية مصرية ، قصص عشق ، قصص قصيرة ، قصص حب ، روايات pdf ، روايات واتباد ، قصص رعب ، روايات رومانسية كوميدية .
جريمة عشق 3 الحلقة 5
تعد رواية جريمه عشق 3 واحدة من اجمل روايات رومانسية والتى نالت شهرة كبيرة على صفحتنا على الفيس بوك وعلى الموقع وهى من روايات مريم نصار ، نتمنى لكم قراءة ممتعة ، كما يمكنكم تنزيل رواية جريمة عشق pdf كاملة من خلال موقعنا .
يمكنكم قراءة احداث رواية جريمة عشق كاملة بقلم مريم نصار من خلال موقعكم مجنونة رواية من خلال اللينك السابق ....
رواية عشق الفهد الفصل 5
٣ ج١
رواية جريمة عشق٣
(عشق الفهد)
بسم الله نبدأ
تاني يوم الصبح .
مريم : بتفتح عينيها فى حضن آدم . واتحركت علشان تروح تشوف رينو . ولسه هترفع راسها من على دراعه .
آدم : حس بيها . وفاق . صباح الخير .
مريم : قامت صباح الخير يا حبيبي . وبتبص في الساعه . ياخبر الساعه ١١ يا آدم .!
آدم : اتعدل بتعب . وشافها بتقوم تلبس . وقام . انتى اتطمنتى على رينو بعد الفجر !؟
مريم : بتلبس : ايوه يحبيبى وكانت نايمه . وسبتها وجيت نمت جمبك علشان انت متزعلش . وروحت بصيت عليها تانى الساعه ٧ . وبردو كانت لسه نايمه .
آدم : حبيبتى . وانا كمان روحت شوفتها حوالى الساعه ٨ وقعدت جمبها شويه . ورجعت تانى . حتى مقدرتش انزل الشركه انهردا .
مريم : مش مهم .انت منمتش كويس . المهم صحتك . انا هاتطمن على رينو . هتيجي معايه .!؟
آدم : طبعا . ثوانى اغير هدومي . وغير هدومه وراحو يطمنو على رينو . مريم خبطت بشويش . وفتحت . وآدم واقف وراها . لكن مريم شافت رينو ساجده على سجاده الصلاه وبتعيط . ومريم عيونها لمعت بالدموع .
وآدم : شافها . وسمع انين وشهقات عياطها . وادايق . وساب مريم ونزل على تحت .
.ومريم بصت على رينو . وسمعتها بتشكر ربنا أن محدش قرب منها . وانه سترها وبتعيط من قلبها . ومريم اتنهدت بزعل على بنتها . وقفلت الباب عليها وسابتها تناجي ربها . ونزلت عند آدم . وقعدت جنبه في الليفنج .
رينو : فتحت عينيها الصبح بتعب شديد . ومش فاكره هي فين . وبعدها افتكرت الحادثه واتخضت . واتعدلت بخوف وشدت الغطا عليها وكأنها بتستر نفسها من هشام . لكن بعدها شافت نفسها فى اوضتها . استريحت واتنفست بيراحه . وغمضت وبتحاول تقوى نفسها . وشافت صورة حبيبها قدامها . ابتسمت بحب واتنهدت . وفتحت عينيها . وعيزا الفون لكن افتكرت أنهم اخدوه منها امبارح. وحركت أيدها وبتشوف الساعه كام . وملقتش الساعه فى أيدها . وبصت على الكمود ملقتهاش . رفعت المخده ملقتهاش . فتحت الدرج . وملقتهاش . اله . ساعة فهد فين!؟ . دى كانت في ايدى امبار......!!! وفتحت عينيها بزهول . انها تكون وقعت منها وهي بتدافع عن نفسها . او اخدوها مع الفون . وزعلت اوي . وعيونها لمعت بدموع . يعنى اول هديه فهد يجبهالى للترقية فى شغله تضيع .!؟ وبصت على ساعة الحائط وكانت ٩ ونص .. وقامت بزعل . وحست بدوخه. واتحركت ودخلت الحمام . واخدت شاور . واتوضت وعقمت جرح ايديها . وافتكرت فهد . واهتمامه بيها . واتنهدت . وخرجت . وفرشت سجادة الصلاة . وبدءت تصلى وتدعي وتشكر ربنا . انها هي وفهد . خرجو من الحادثه دي على خير . وكمان عيليتها بخير . وسجدت . وغمضت عينيها . وبتدعى ربنا بخشوع . ان محدش قرب منها . وانه سترها وحافظ عليها . ودعت بعياط وترجي أن ربنا يسامحها على جسمها الل اتعرى قدام هشام . وفهد . وعيطت بذل . رغم انها متأكدة أن فهد عمرو ما هيبص عليها . ولكن فكرة انها اتعرت مخوفاها من ربنا . وعيطت بشهقات . كتيره . وسجدت واتكلمت مع ربنا كتير . ودعت لفهد لانه أنقذها من الخوف والخطر . وشكرت ربنا انها بخير .وفضلت ساجده اكبر وقت ممكن . وبعد فتره كبيره . خلصت صلاه . وقاعده مكانها على السجاده . وفريحه وريتال خبطو عليها ودخلو يطمنو عليها . ويهونو عليها شويه .
سعاد : صباح الخير ياست مريم . صباح الخير يسي آدم .
آدم ومريم : صباح الخير ياسعاد .
سعاد : ست الدكتوره عامله ايه دلوقتى . انا طلعت بصيت عليها . من بدرى بس يانور عيني كانت نايمه .
مريم : الحمدلله ياسعاد . رينو هتبقى كويسه . وهي صاحيه بس بتصلى.
سعاد : رفعت ايديها . الهي ربنا يكرمك يا دكتوره . ويبعد عنك ولاد الحرام . ويعمى عينيهم عنك قادر ياكريم . ويسترك فى الدنيا والاخره . والل يمسك بسوء يترد فى نحره يااارب . وتقوميلنا بالسلامه إن شاء الله .
آدم ومريم : اللهم امين ..
مريم : ربنا يباركلك ويستجيب منك يارب . لو سمحتي سعاد . قولى ل زينب . تحضر الفطار . علشان آدم ما اكلش حاجه من امبارح .
آدم : لا . ماليش نفس .ومش عايز افطر . اعمليلى قهوه ياسعاد لو سمحتى .
مريم : بصتله . لامينفعش و مفيش قهوه .وبصت لسعاد . روحي ياسعاد جهزو الفطار .
سعاد : بصت ل آدم . تاخد قراره . هز راسه ليها . تسمع كلامها . وبصت ل مريم حاضر ياست مريم . واتحركت .
آدم : بصلها. انا مش عايز أفطر .
مريم : بصتله . بس انا عيزاك تفطر . ممكن ؟
آدم : اتنهد . وسكت لانه عارفها عنيده في اهتمامها بيه . وسرح .فى مراد . الل اخد طلقه في قلبه . وامتى وازاى . وحس باايه . وافتكر لما اخد طلقه رصاص جمب القلب وهو فى تركيا . ودخل فى غيبوبه ١٢ يوم .. وغمض عينيه وحمد ربنا ان مراد كويس وبخير .
.وكمان سرح. وعايز يعرف فهد عرف ازاى أن رينو اتخطفت . وازاى عرف المكان ده بسهوله . فهد راح ل رينو بعد ماتخطفت ب ساعتين وشويه . ومش جايه ل آدم اى فكره . غير انه راقبها . او رينو كلمته . بس رينو كانت متخدره . وفاق على صوت حد دخل من بره و عياط وشهقات واستغرب مين الل جايه بتعيط من بره دى !؟ وشافها واتنهد بوجع . وقام يشوفها . ومريم قامت وراه .
نور : عرفت من محمد بعد الحاح شديد منها . وكان واضح عليه الزعل . ولما حكالها . نور اترعبت على رينو . وافتكرت هشام . وخوفها منه . وهي مربوطه على السرير. وهو بيقلعها حجابها وبيقرب منها. وبتتخيل اختها الصغيره فى نفس الوقت . بس الفرق أن نور مكملتش ساعه . لكن رينو ٣ سعات مع هشام . وعيطت طول الليل . وكانت هتتصل لكن محمد قالها أن رينو طلعت اوضتها نامت . ومحمد فضل قاعد معاها لحد الفجر ومش عارف يسكتها . ومن تعبها محمد اخدها فى حضنه ونيمها . بعد الفجر . ونور قامت مخضوضه الساعه ١٠ ولبست بسرعه . وجهزت تيم وتمارا . وصحت محمد . الل قام . وشافها زعلانه وحضنها . وفضل يهدى فيها .
.وجابها وهي طول الطريق تعيط . ونفسها تقتل هشام تانى . وحاسه باختها لانها كانت فى نفس الرعب . واول ما وصلت . نزلت ودخلت البيت بسرعه وبتعيط من قبل ما تدخل . ودخلت وعينيها بتدور على اختها . وشافت آدم رايح بسرعه عليها واترمت في حضنه .
نور : بتعيط . بابى اختى فين !؟
آدم : ايه يانور . بتعيطى ليه كدا !؟
مريم : بتطبطب على ضهر نور . وهي فى حضن آدم . بس يانور متعيطش . اختك بخير ياحبيبتي.
محمد : دخل . وراهم .وشايل تمارا . وتيم ماشى جنبه ..وقال .. والله من امبارح بقولها كدا . لكن هي مش مصدقانى . وعلى الحال ده من ساعت ما عرفت . وبص ل آدم . انا مكنتش هقولها حاجه بس انت عارف . مسابتنيش غير لما عرفت .
آدم : هز راسه بتفهم . ومسد على حجابها . بس ياروحي اهدى . واختك كويسه .
نور : خرجت من حضن آدم. وبصت ل مريم هي في اوضتها يامامي .!؟
مريم : ايوه ياروحي . وكمان فاقت وبتصلى . وانتى اطلعيلها . لكن قبل ما تطلعى امسحي دموعك دى . وحاولي تهوني عليها ماتعيطيش قدامها . وبعدين الحمدلله اختك في حضننا ومحصلهاش اى مكروه . روقى ياحبيبتى . واطلعيها . قويها بيكي .
نور : جريت على السلم . وطلعت .
تيم : بيشد فستان مريم وقال. مريم مريم . لينو حبيبى .
مريم : شالته . وباسته . ايوه ياقلبى رينو حبيبتك .وسالتو تطلع عند رينو ياتيمو !؟
تيم : سقف . وجرى على السلم . وطالع درجه درجه . وبيقول لينو حبيبى . لينو لوحي .
وآدم : شاور ل محمد يدخل يقعد . وقعدو كلهم . ومريم شالت تمارا وقعدت. ومحمد سأل آدم على رينو . وآدم طمنه ..
فريحه . نزلت وريتال . بعد ما اطمنو على رينو . وسابوها علشان نور تقعد معاها . وسلمو على آدم ومريم ومحمد .
فريحه : سالت آدم مراد مجاش من امبارح . والساعه ١٢ الضهر وفونه هو وفهد مغلق.
آدم : قلق . لكن طرد الفكره . وقالها فهد مع مراد فى المكتب . وتلاقيهم من تعب اليوم امبارح نامو هناك . متشغليش بالك . كل حاجه تمام .
وبص ل ريتال : زين فى الشركه !؟
ريتال : لا يابابا . زين فوق . ومنمش كويس امبارح. وسالته الصبح . قالى مش هروح انهردا . ونام . وقولتله مش هتنزل تفطر . قالى لاء انزلى انتى انا هنام .
آدم : هز راسه . وعرف إن زين زعلان . واتنهد . وهيتكلم معاه بعدين .
.سعاد جهزت الفطار . والكل اتحرك .
مريم : سعاد قولى ل زينب . تاخد فطار . وتطلعو ل نور ورينو فوق . وتقول ل نور تأآكل رينو . وخدى للبنات مع الفطار كوبايه اللبن بتاعة الصبح . ومتنسيش كوباية تيم .
وانا هطلعلها بعد الفطار اطمن عليها .
سعاد : عينى ياست مريم . واتحركت . وطلعت الفطار ليهم فوق . والكل هيبدء يفطر .
--------------------بقلمى Mariem Nasar
نور : طلعت ل رينو وحاولت تتماسك لكن مقدرتش . وحضنت رينو . وعيطت بكسره . وبتدعي على هشام في قلبها . على الخوف الل سببه ليها و لرينو . وان لحد دلوقتي نور مش قادره تنسى شبح اليوم ده . ورينو عيطت كمان . وفريحه وريتال حاولو يهدوهم . وبعد شويه . بطلو عياط وقعدو يتكلمو . وفريحه وريتال سابوهم مع بعض ونزلو . وقابلو تيم الل جري عليهم وباسوه . وسابهم وراح على باب اوضة رينو وبيحاول يفتح الباب . ومش عارف وقال ببراءه. افتحي يالينو انا تيمو .
ورينو : سمعته وابتسمت . وقامت هيا بسرعه وفتحتله .
رينو : ضحكت . تيموو روحي انا . ومسكته من ايدو لانها مش قادره تشيله. وراحت بيه على السرير جمب نور .
تيم : قرب وباسها من بقها . لينو انتى لوحي وضحك . ووجود تيم فى اللحظه دى نساهم زعلهم . وتيم قال ل رينو انه عايز يقعد فى حضنها وهي قاعده . وابتسمت وشالته وبتلاعبه وبتتكلم مع نور . وتيم فك الجو شويه .
. زينب طلعت الفطار ليهم . واطمنت على رينو ودعتلها ونزلت .
. وتيم قال ل رينو انها تأآكله . وتيم فتح نفس رينو على الاكل . وشدت نور الل قاعده زعلانه من أيدها علشان تفطر معاها . ونور ابتسمت أن رينو هتفطر وقعدت تفطر معاها .
وبعدها بشويه الكل صلا الضهر . والجارد اتصل على آدم . وقاله طارق باشا وصل عند الفيلا . وقفلو .
. وآدم قال ل مريم تلبس النقاب علشان طارق بيركن العربيه وجاى . ولبست نقابها . وطارق دخل وكان معاه رنا . وردوي . لكن فارس فى الشغل وقالهم بعد ما يخلص هيطلع عليهم .
رودى دخلت بسرعه . وسلمت وطلعت بلهفه على رينو .
ورنا سلمت عليهم . ومريم اخدتها وطلعو عند رينو .
طارق سلم عليهم وقعد جمب آدم .
محمد : جاله فون من المستشفى . وقام واستأذن ومشي .
طارق : ايه يا آدم رينو عامله ايه انهردا !؟
آدم : هز راسه . الحمدلله . هتبقى تمام ياطارق .
طارق : هز راسه .ان شاء الله. وانت عامل ايه!؟
آدم : اهو . تمام . وبصله انت قولت ل رنا.
طارق : طبعا .وانا اقدر ماقولش. دى كانت هتاكلنى امبارح . لما شافت كمية اتصالاتنا مع بعض امبارح انا وانت والشباب .
آدم : تمام . بس ياريت تنبه عليهم . انا مش عايز حد تانى يعرف . لا عيلة عزيز ولا الصاوي وكمان حسام . الموضوع ده عايزه يتقفل تماماً . نور لما الحيوان ده خطفها محدش عرف غيرنا . والموضوع اتنسى نسبيا .
. انا نبهت على ريتال متعرفش حد . وكمان زياد . انا مش عايز حد يعرف يطارق .
طارق : متقلقش انا نبهت على رنا وشددت عليها وكمان فارس ورودي . محدش هيعرف اطمن . المهم قولى مراد رجع امبارح امتى !؟ وعامل ايه ! وتلاقيه كان راجع متنرفز .
آدم : مراد لسه مرجعش من امبارح . شكله نام في المكتب .
طارق : بنرفزه : طبعا ليه حق .
آدم : بصله بعدم فهم . ليه حق فى ايه ؟
طارق : هو اال حصل امبارح ده شويه . وخصوصاً الل فهد عمله .!
آدم : اله . ماله فهد !؟ وعمل ايه غلط ؟
طارق : كل حاجه عملها غلط . كفايه كان عارف وسايبنا في تعب الاعصاب الل كنا فيه . عيل أتم . انا لو مكان مراد . ولا بلاش ..
آدم : بدهشه . انت مالك ومال فهد . الراجل يشكر . ويشكر جداً كمان . وعمل الل عليه وزياده . فهد مهتمش بنفسه في انه يواجهه الخطر . ومراد بدال مايشكره . يهجم عليه كدا . وقدامنا كمان . مراد لازم يعرف غلطه.
طارق : بغيظ . مراد ماغلطش يا آدم . مراد اتكلم وقال الل المفرض الغندفر الل انا مخلفه كان عمله . كان اتصل حتى من الشارع . كان فى ايدو يطمنا . وكويس ان مراد هجم عليه وبس .
آدم : بدهشه .ليه !؟ انت كنت عايزو يمد ايدو عليه !؟ ماتعقل كدا فى كلامك .
.وشيل فهد من دماغك . مالكش دعوه بيه . ومراد ابنى الل غلطان . مش مهم مين عرف قبل مين . المهم النتيجه كانت ايه . وانا مديون لفهد بحياتي . مراد المفروض كان أجل الكلام ده لبعدين . مكنش وقته . ولما مراد يرجع انا ليه كلام معاه .
طارق : بديق . كلام ايه بقى إن شاء الله . بقولك ايه ملكش دعوه ب مراد ولا تيجي جمبه . كفايه انه اتصدم في صحبه . وسبحان الله يا اخي العكس فى كل حاجه . انت سافرت تركيا من غير ماعرف . وسبتنى اتجنن هنا . والمحروس فهد عرف قبلنا وسابنا نتجنن . عجينه واحده انت وهو . جاتكو الهم .
آدم : هز راسه بيأس من صاحبه . انت يبنى مخك ده شغال . ولا ومأجره لحد .
طارق : اه . مأجرو ومفروش كمان . ليك فيه .تحب احجزلك فص .
. انا هتصل على مراد اشوفه فين . انتو تحرقو دمه . وتقول غلطان .
آدم : اه مراد غلطان ياطارق .
طارق : بغيظ . لا يا آدم فهد الل غلطان . ولما اشوف وشه . وابعد عن مراد سيبه بالل هو فيه ( ويقصد طلقة الرصاص) . تلاقيه قاعد فى المكتب ومش طايق نفسه. هتعقدو الواد زيكو
مراد : هههههههههههه ..لا لا . أسمع دي بقى .
. بيقولك مره واحد بلع فوطه ريقه نشف هههههههههههه
فهد : مش حلوه . ههههههههههه
مراد : طيب لو جدع حل الفزوره دى . مره ٤ دخلو سباق وكان فيهم واحد اصلع . والاصلع كسب ليه !!؟
فهد : ليه ياصداع !؟
مراد : عشان كان اصلع واحد فيهم ههههههههه
فهد : هههههههههههه . يبنى ارحمنى والله مقادر طول الطريق من ساعة ماصحيتك رغي.
مراد : بص قدامه . احم صباح الخير يابابا . اذيك ياطارق .
فهد : همس فى ودن مراد . هما مالهم فاتحين بوقهم ليه . وخصوصاً حماك .
مراد : مش عارف . تعالى نقفل بوق ابوك .
آدم وطارق وهما بيتناوشو مع بعض . وكل واحد بيدافع عن ابن صاحبه . شافو مراد وفهد داخلين . وكل واحد يضرب كفه فى كف التانى ويهزرو ويضحكو . وطارق تنح . وآدم كان متوقع أن ده هيحصل . لانهم ثنائى متكرر من آدم وطارق .
مراد وفهد . راجعين من سفر طويل . وسافرو امبارح بليل يعربيه واحده . بتاعة فهد . ومراد ساق ومتتبع الجي بي اس فى الساعه عن طريق التاب . وفهد نام في الطريق لانه كان مرهق . ووصلو . ولما رجعو فهد الل ساق ومراد نام جمبه . وصحي اول دخولهم المدينه . ومراد قاله اطلع على العدوي على طول . وفتح فونه واتصل على فريحه وطمنها . وسأل عن رينو . وعرف أنهم كلهم معاها فوق . وعلشان كدا فهد دخل على طول مع مراد . وهزرو مع بعض . وشافو طارق متنح .
مراد وفهد . قربو منهم .
آدم : بص عليهم . وشاف لبسهم مبهدل . اكتر من امبارح . واستغرب. ايه الل عامل فيكو كدا؟
طارق : انتو ضربتو بعض !؟
مراد وفهد بصو لبعض . وفهد قعد .
مراد : راح قعد جمب ابوه . لا يطارق نضرب بعض ايه بس فال الله ولا فالك ياشيخ . احنا فى مشوار مهم من امبارح بليل ولسه راجعين حالا .
آدم : مشوار !؟ من امبارح !؟ كنتو فين !؟
مراد : الصعيد ..
آدم وطارق بصو لبعض . وقاله الصعييد!!؟
طارق : انا مبقتش فاهم حاجه خاااالص .
جارد : آدم . دخل . واسمه رعد ودخل. بعد اذن من آدم . وبص ل مراد . وقاله مراد باشا . الامانه الل بره . تؤمرنى اوديها على فين !؟
مراد : هاتها هنا يارعد .
رعد : امرك ياباشا . وخرج .
آدم وطارق قاعدين مش فاهمين اى حاجه . وخصوصاً البرود والابتسامه الل على وش مراد وفهد .
طارق : اله . ماتفهمونا انت وهو . انا مش فاهم حاجه خالص . وانتو كنتو فى الصعيد ليه !؟ وامانه ايه الل بره .
آدم : مراد المسافه من مصر للصعيد اكتر من ٨ سعات . يعنى رايح جاي . حوالى ١٦ ساعه . عايز تقنعنى انكو سافرتو الصعيد امبارح بعد مافهد جالك على المكتب . طيب ازاى وليه !؟
مراد : ايوه ياحج سافرنا امبارح بليل ذهاب واياب . واطمن سافرنا لكل خير. وانتبهو ل رعد الل داخل . وماسك راجل وست مربوطين فى أيديهم . ولزق على بوقهم . ورعد زقهم ووقعو قدام رجل آدم وطارق . وبردو مش فاهمين حاجه مين دول !؟
فهد : قام . وشد اللزقه من على وش عواطف . وفك ايديها .
عواطف : صرخت . والنبى ياباشا .ارحمنا . والله اخر مره حرمنا ياباشا .
والكل فوق سمع صوت صريخ وترجي . وقامو كلهم علشان ينزلو يشوفو فى ايه .!؟ واتخضو من شكل مراد وفهد . ولبسهم متبهدل . وخصوصاً أن فهد خدو عليه دم جرح رينو من امبار. واتخضو اكتر لما شافو الا تنين المتربطين .
ست لابسه عبايه سودا ومش لالبسه حجاب وشعرها متبهدل . وواحد لابس قميص وبنطلون . وعينيه حمرا وشكلهم يخوف . رينو واقفه . وماسكه فى ايد نور بخوف . وكمان عيونها على فهد الل واحشها . وخافت لما شافته لسه زى ماكان امبارح . وكمان الدم الل خدو من امبارح . وعيونها متعلقه عليه .
فهد : بص ل آدم وطارق والعيله وقال . عواطف السرحانى . الل خطفت رينو . والبنات شهقت . ورينو زادت من قبضتها لنور . ونور اخدتها فى حضنها . ورودي جمبها وسنداها
مراد : شاف رينو . وقلبه دق بحب . وراح عليها بسرعه . رينو . نوتيلت البيت . ونوتيلت قلبى .
رينو. خرجت من حضن نور . وابتسمت بدموع . ابيه مراد . واترمت في حضنه . وقلب الفهد دق اول ما سمع صوتها ورفع عيونه بسرعه . وشاف اجمل ملاك وابتسم بحب انها كويسه ..
مراد : حضنها بحب . وزعل من نفسه أنه مطمنش عليها امبارح . لكن هو مشي لانه كان حاسس ان الدنيا صغيره اوى ومخنوق من إحساسه وقلقه عليها . حبيبتي . حبيبت اخوكي . الف حمدلله على السلامه ياقلب مراد . وخرجها من حضنه . وباس جبينها . حبيبتي انتى احسن دلوقتي .!؟
رينو : مسحت دموعها . ايوه الحمدلله . طول ما انتو موجودين فى حياتى انا هكون بخير . ووقفت جمبه . وفريحه راحت تسلم عليه . وباس ايديها . وانتبهو ل فهد .
فهد : راح وشال اللزقه على وش سيد الل لسه فايق وفك الرباط من على ايديه . لانه كان سكران ومش دراى بحاجه ولا ايه الل حصل . سيد فاق وبص حواليه . وشاف عواطف بتعيط برعب ..وبص شافهم . وخاف ورجع خطوه لورا بخوف. وخبط فى صدر حد ولف بخوف . لانه كان رعد . ولما شافه . اترعب .وبلع ريقه . انتوو مين . وعايزين منى اييه . و.ووالله انا معملت حاجه !؟
فهد : بصله . حمدالله على السلامه ياحريف. وبصلهم. سيد الشهير بالحريف .. وده الل كان سايق التاكسي المسروق . ورش على وش رينو مخدر . ووصلها لحد هشام .
الكل اتغاظ . وخصوصاً . آدم . ولسه هيتكلم.
وشاف هجوم بغضب شديد جدا . على سيد الل بياخد بوكسات بكل غل . وضرب بشر وغيط وكره كبير . والكل مزهول . من شكل زين . الل كان واقف على السلم . ولما سمع فهد . محسش بنفسه ونزل بسرعه وجرى وهجم على سيد بيضرب فيه بكل غل .
مراد : راح بسرعه يشيل زين الل هيموت سيد فى ايدو حرفيا . لكن آدم شاور ل مراد انه يسيبه . ومراد رجع وسابه . لان آدم عارف ان زين مخنوق . واكيد زين بيفكر أن آدم مفكرو ضعيف علشان مقالوش .
زين : بيضرب . بغل . انت . انت بقى يابن الكلب . الل ودتها للشيطان بايدك . وحياة امي لاخليك تتمنى الموت . زين وقع سيد الل بيكح من الضرب وعينه ورمت ونزفت .على الارض وزين نزل عليه بوكسات في وشه . انطق يالا . ليه عملت كدا . انطق انا مش هرحمك . انت جيت لقضاك . وزين وقف ومتغاظ . وبص حوواليه وشاف تربيزة الليفنج جمبه وكانت ازاز . وبحركه سريعه شالها ومحدش لحقه . وضرب بيها سيد الل اغمي عليه بعدها . وزين بينهج . ومراد وفهد اتحركو لما شافوه رفع الترابيزه لكن ملحقوش لأنهم مكانوش متوقعين إن زين هيعمل كدا . والبنات مصدومه وخافت . وخصوصاً ريتال . الل اترعبت لما شافت زين بالغضب ده . وحطت ايديها على بوقها . واقسمت انها بعد ماشافت زين بالغضب ده مش هتزعله ابدا .
مراد : راح بسرعه وشد زين ورجعه لورا . وزين واقف بغيظ ومش عايز يبص ل آدم . لان فعلا زين فكر ان آدم . شايفه ضعيف . وكل مشوار مهم . ياخد فهد ومراد . وزين سابهم . وطلع بسرعه ومكلمش حد .
. ومريم قالت ل ريتال اطلعى وخدى جوزك فى حضنك . هو محتاجك . وقويه . اطلعى ياريتال .
ريتال : بلعت ريقها بتوتر . ح..حاضر ياماما وطلعت وهي خايفه من زينها .
فهد عيونه على معشوقته الصغيره . الل مكلبشه في نور و رودي . وده دايقه . ونفسه يكرر حضنه ليها من تانى ويقولها امانك هنا .
.ورينو رفعت راسها وعيونهم اتعلقت ببعض . وفهد ابتسم بعشق . وهز راسه ليها بيطمنها . ورينو استمدت قوه من عشق الفهد . وفاقو على صوت عواطف وهي بتترجي الكل برعب . وبتعيط .
. ابوس ايديكو . متعملوش فيا حاجه . انا معملتش حاجه . انا معرفش هي بنت مين . وانبى ياباشا توبه . توبه والله ومش هعمل حاجه تانى.
آدم : بغيظ مكبوت . واسنانه عملت صوت . وسألها وهو مغمض عينيه . عايزك تحكيلى الل حصل بالظبط . ومش هكرر سؤالى . ولو متكلمنيش على طول اقسم بالله السلاح الل هيتكلم .
عواطف : اترعشت برعب . وقلبها دق بخوف . ا.انا هقو.و.ول . هقول كل حاجه ياباشا . انا ياباشا . من اسبوع واكتر . واحد من حرس الل الراجل الل اسمه هشام . و.وقالى انه عايزنى في مصلحه حلوه. وروحت عندهم المخزن الل جمب المزرعه . وقابلت هشام و ٥ رجاله هناك . وكان من ضمنهم ٢ شغالين معايا . بنجيب لبعض مصالح . وفهمونى هما عايزين ايه .وعرفونى كل حاجه عنها . وجابو صوره للدكتوره . وقالو عيزنها لوحدها بأى تمن . وانا كلمت سيد الحريف . لانه شغال معايا . وخدنا الفلوس على دفعتين . اول دفعه قبل التنفيذ . انا وسيد كل واحد اخد (٨٠٠٠ ج)
وقالنا لو جبتوهالى هنا هدفع اكتر . ورحنا على المستشفى االل عطولنا عنوانها . ورقبناها يوم والتانى . ولما عرفنا انها غنيه . طلبنا فيها اكتر . وهشام وافق . وقال كل واحد فيكو هياخد الضعف يعنى انا وسيد . بعد التنفيذ كل واحد هياخد . ( ١٦٠٠٠ الف ج) ولما قالنا كدا . احنا وافقنا وفضلنا نراقيها اسبوع كامل ولما شوفنا أن مفيش حد من عيلتها بيسبها لوحدها . قولنا مفيش امل اننا هنعرف ناخدها . بس امبارح سيد شافها خارجه لوحدها وقالى دي فرصه انزلى . وكان معانا بنت صغره . وخدرناها ونامت . ونزلت صوت وصرخت . والدكتوره جريت عليا . ومشيت معايا . وركبت العربيه . وبتكشف على البت . وسيد رشها بالبنج في وشها . ونامت وواحد سالنى من الشارع مالها . قولتلو دى بنت اختى .وساعدنى واخدناها . وكلمت الراجل الل اتفق معايا وقابلنا فى الطريق . ونزلنا وركبنا معاه . علشان العربيه كانت مسروقه . وسيد اشتراها من واحد عندو عربيات مسروقه . وروحنا بيها عند هشام . ودفعلنا الدفعه التانيه . وسيد قال هنسافر على الصعيد . وسافرنا . ووصلنا الصعيد الساعه ١٢ بليل . والساعه ٦ الصبح لقينا الباشا وكسر علينا الباب وجابنا . وكانت بتحكي بخوف وعياط .وشهقات لانها لما شافت العيله دى عرفت مصيرها . وكانت هتموت فى جلدها من الرعب .
البنات بتسمع . وعيونها مفتوحه بصدمه . من كمية الشر . وروح الناس هينه عليهم . ومش مصدقين أن فى ست تعمل كدا . وكلهم عيونهم على رينو الل مغمضه . وبتستعيد الأحداث من تانى ودموعها نازله من غير عياط . والبنات فريحه ورودي ورنا ونور .كلهم حسو بيها وزعلو عليها .
.وفهد مخنوق قوي علشانها وعايزها بس تفتح عيونها وتبص عليه يطمنها . وجواه غيظ عايز يطمنها بأي شكل .
آدم : بيسمع وهو مغمض عينيه . وبيتخيل بنته والل بيحصل معاها. وبيتنفس غيظ .
طارق : بيسمع ونفسه يقتلها . ومتغاظ .
ورنا : دموعها نازله . وبتدعي عليهم وعلى الشر الل فى قلوبهم .
عواطف : وانبى ياباشا توبه سامحينى ياباشا . وحيات عيالك .
آدم : فتح عينيه . وقال بصوت يخوف . ررااعد . خد ولااااد الحرام دول من قدامى حالا . وارميهم في المخزن . وانا ساعه وهكون هناك . يلاااااا بسررررعه.
رعد : أوامرك ياباشا . واتحرك وشال سيد وطلعو على عربية رعد .
وكلهم ساكتين . وعواطف بتستعطفهم . وانبى ياباشا . وحيات عيالك . اااااااه . وكلهم انتبهو لصرخه عواطف الل وقعت على الأرض. وبصو بزهول . وكانت مريم .
مريم : واقفه على جمب . وبتسمع وافتكرت خوفها زمان . لما آدم هددها . وكانت حاسه انها مفيش حد اترعب قدها . لكن لاء . في بناتها . نور ورينو . وحطت أيدها على قلبها الل وجعها من الخوف . وسمعت عواطف بكل كيانها واتخيلت رعب بنتها . وهي متخدره . وشالوها من عربيه ل عربيه . وقبضو تمنها فلوس . ومحستش ب آدم وهو بيكلم رعد . لكن فاقت على ترجيها ا آدم وبتحلفو بعياله . وقبضت على ايديها بكل غل وكره من أنها ست زيهم وعملت كل ده . ومحستش بنفسها . وان غضبها وخوفها على عيالها ضاعف قوتها . وقربت من عواطف. بكل غل وضربتها قلم بقوه مضاعفه . لدرجة أن عواطف وقعت على الارض . وقامت بخوف . والكل بصو لمريم العدوي بدهشة . وخصوصاً لما اتكلمت .
مريم : انتى اقذر . واحقر . بنت . وست . وام
في العالم .و زعقت . انتى ايييه !؟ انتى عايشه كدا ازززاى . انتى مستحمله نفسك اززاى . وبغيظ . مسكتها من شعرها . انتى مجرده من الادميه . انا عايزه اعرف قلبك ده ايه !؟ . اناا عايزه اعرف الرحمه الل جواكى ماتت ازاى !؟
مراد : خاف على مريم . وراح بسرعه وقالها . مريم . مريم اهدي وتعالى . و .. ومكملش من هجوم مريم ليه .
مريم : شاورت بايدها التانيه ليه . ولااا كلمه . وزعقت . مش عاااايزه اسمع اى كلمه من حد .
مراد : استغرب مريم . لكن قال . انا خايف عليكي .
مريم : بصوتها كله . انا قولت ولا كلمه يامراد . مش عايزه حد يخاف عليا .
.وبصت لعواطف . وشدتها من شعرها بغل اكبر . واتحركت بيها عند رينو . وشاورت على رينو . وقالت ل عواطف . انا عايزه اعرف . بنتى عملت ايه علشان تأذيها . مصعبتش عليكى وانتى ست زيها هاا !؟ قلبك متقبضش ليه لما وافقتى تخطفيها . وزادت من شدها لشعرها وعواطف بتصرخ . وكلهم شايفين مريم كأنها بنت ال ٢٠ وعندها قوه تقتل الكل . لو حد مس بناتها . وهي أم . واي ام بتتحول لما تشوف عيالها فى خطر . او حد اذاهم .
مريم : ضميرك فين !؟ بعتى ضميرك ب (٨٠٠٠ج) وبعتى دينك ب (١٦٠٠٠ الف ج) قوليلى انتى قلبك موجعكيش وانتى بتسلميها ل ٦ رجاااله . وانهارت وضربتها بقلم تانى بقوه اكبر . وصرخت فيها بعياط .قوليلى ازاى .. ام ذيك . ترمي بنت فى وسط كلاب صعرانه . انتى جنسك ايه . لايمكن تكونى بشر . لا انتى استحاله تكوني بتحسى زينا . قلبك دا فين !؟ بنتى مصعبتش عليكى وهي متخدره جمبك وانتى واخداها للهلاك . متعبتيش نفسك . وقولتى لنفسك . ياترى امها هتحس بايه !؟. ابوها هيعيش ازاى !؟ . اخواتها عاملين ايه دلوقتي !؟ . انتى مش بنى ادمه ابداا لأ . ولا حتى حيوانه . الحيوان احن من البشر على عيالهم . كام بنت سلمتيها بايديكى لكلاب صعرانه زي كدا !؟ كام أم وجعتى قلبها !؟ . كام اب اشتريتى بنته بتمن رخيص !؟ وعلت صوتها . رررردى . كاااام بنت بعتيها . كااام بنت حاولت تدافع عن نفسها والنتيجه انها تتقتل على ايد الكلب الل عايز ينهش فيها . حتى بعد ماتموت يغتصبها عادى !؟
. كام بنت خسرت شرفها بسببك . وقتلت نفسها خوفا من العار والفضيحه !؟ كام بنت ابوها دفنها بسبب انها مغتصبه وهيتفضح .!؟ وكل ده بسببك وبسبب الل ذيك . كام حد اتأذى بسببك .
انتى ست يعنى المفروض انك تحسي بكل واحده هنشوف الرعب بسببك . طيب !!! مخوفتيش من ربنا . مش خايفه من الموت . من الحساب . وانتى واقفه يوم القيامه وتجي كل البنات الل انأذؤ بسببك وعايزين حقهم . وهياخدو . الل مخدتش حقها منك صدقينى هتدفعيه في الاخره . وتمنك جهنم وبئس المصير . وزقتها وعواطف وقعت برعب من الست الل هاجمتها . وقوتها كدا . اومال الرجاله ايه . وعواطف عرفت انها مش هتخرج من هنا غير على القبر .
مريم واقفه وبتترعش وبتنهج . والكل مزهول حرفيا من مريم .
وآدم : شاف مريم مكيس من الجزار والعدوي . واتنهد . وزعلان ل دموعها .
نور ورينو . واقفين يعيطو وراحو عند مريم . والاتنين حضنوها . كأنهم بيقول ليها . احنا فى امان طول ما انتى معانا . ورنا ورودي .
. وفريحه عيطت وحطت ايديها على بطنها وخافت على ولادها من دلوقتى . وحست برعب من البشر . ومراد شافها وراح اخد راسها على صدره ومسح دموعها . وادايق علشان مريم . وكمان اول مره فى حياته يشوفها بالعصبية دى .
طارق : كان منبهر ومبسوط .ان مريم ضربتها . وفهد : كان عايز يروح يضرب معاها .
آدم : بزعل وغضب . رررعد خدها من قدامى وارميها في المخزن . وانا جاى وراك انا وطارق وزين . على المخزن .
مراد وفهد .. فى صوت واحد . وانا هاجي معاك .
آدم : بتحذير . انا قولت طارق وزين . وبص ل فهد . انا عايز اعرف منك كل حاجه . انا اول مره مكنش عارف اوصل لحل . رينو اتخطفت . وانت الل عرفت لوحدك . ودلوقتي الست راحت الصعيد . وانت بردو بس الل عرفت . انا عايز افهم بس لما ارجع .
فهد : بلع ريقه . احم حاضر ياعمى . وبما انى مش هاجي معاك المخزن . هروح الشقه . اخد شاور واغير واجيلك . وهشرحلك كل حاجه ..
آدم هز راسه . وبص ل مراد . وقاله . اطلع نادى على زين . وقولو ابوك مستنيك فى العربيه . وكمان غير هدومك دي .
مراد : حاضر يابابا . واخد فريحه الل تعبت من التوتر . وطلع بيها . وهينادى على زين . ويطمن فريحه .
فهد : عيونه على رينو . واتنهد .ولكن لازم يرجع البيت لانه من امبارح بالشكل ده . وسلم على رنا .واطمن على مريم . واستأذن . واتحرك .
طارق : طيب يا آدم انا هستناك في العربيه بره . علشان ام مراد تاخد راحتها. وخرج .
آدم : شايف مريم زعلانه ودموعها نازله وبناتها خدوها وقعدو جمبها فى الليفنج . ورنا ورودي زعلانين .
آدم : اتحرك . ورينو اتحركت لما شافت آدم جاى علشان مريم . وآدم قعد جمبها . ومريم بصه فى الارض ودموعها نازله ولابسه النقاب . آدم مد ايدو . وفك ليها النقاب . وشاله . ورفع دقنها بايدو وكان وشها احمر . وادايق . طلع منديل ومسح دموعها . ومسد على ضهرها . واخد راسها على كتفه . حبيبتي . ممكن ترحمي نفسك وتبطلى تعيطي . مريم احنا اتكلمنا امبارح . وقولنا نشكر ربنا . لانه موجعناش فى بناتنا . ورجعو لحضننا من تانى . اهي بنتك نور . وابتسم نور قلبى وقلبك . دكتوره قد الدنيا . وزوجه لدكتور بيحترمها ومحافظ عليها .. وربنا كافأها بتيمو حبيبك . وتمارا حبيبتى . وضحك ايوه انا هقسمها انتى خدي الولاد . وانا هاخد البنات . اتفقنا .
مريم : اول ما آدم حط راسها على كتف امانها . اتنهدت براحه .. وشهقات بسيطه . ولما اتكلم رفعت عينيها وبصت ل نور وسمعت كلامه وشكرت ربنا . وبعدها ابتسمت غصب عنها . لما اتكلم على تقسيم الأحفاد .
آدم : كمل .وعندك رينو . نويتلتى . ونوتيلت قلبك . طالبة طب وامتياز مع مرتبة الشرف . والاولى على الجامعه . واهي قدامك وبخير . وفى وحضنك . هنحتاج ايه تانى . ربنا ديما معانا . و بناتنا فى حضننا . يبقى نسجد ونشكر ربنا . هو انا يامريم الل هقولك الكلام ده !؟ فين اليقين الل عندك راح فين يا اميرتى . وضحك بسيط . والكل بصله . حتى مريم رفعت عيونها ليه .
آدم : بيضحك . بس ايه يابت القوه دى . القلم نازل من مخبر مش من مريم ابدا ههههه . ايه ياجودزيلا .انبهرنا بصراحه. وحب يفك الجو . مش كدا يارينو .
رينو : ضحكت . ايوه فعلا . انا انبهرت جدا . وخصوصاً لما جابتها من شعرها . ههههههههه
نور : لا وايه . مامي لما قالت لمراد ولااا كلمه .انا قولت احلوت اوى . والاكشن هيبدا .هههه بس حلوه جودزيلا دى يابابى .
رودي : بصراحه ياطنط . حضرتك جامده .
الكل بص واتصدمو بدهشه . ورينو تنحت .
رودي : كحت . ايه ياجدعان .بصتولى فى أم الكلمه وشرقت . انا مقصدش الجمدان ده . انتى اصلا جامده من غير حاجه .
كلهم فتحو بقهم . حتى آدم ومريم .
رودي : يااادي النيله . عليا . بصو انا قصدى . ان طنط جامده . ولوحت رقبت عواطف فى أيديها . قال عواطف قال . وبصتلهم شوفتو شعرها عامل ازاى . يييع . وغمزت . شبه شعر رينو .
كلهم ضحكو على رد فعل رينو . الل وقفت مره واحده وحطت ايديها على حجابها وفتحت بقها بشهقه ودهشه . وبصت ل رودي . بشرز . والله انتى بت رخمه . انا شعرى زى شعر ( ام ٤٤) دى.. دا شعرها مكنش عايز يطلع من ايد جودزيلا . اوبس . قصدى مامى ههههه .
وكلهم ضحكو . ومريم . حطت ايديها على وشها وبتضحك . وبتتخيل شكلها وهي بتشد شعرها وايديها مش راضيه تطلع من شعرها .
آدم : شاف ضحكتها . وغصب عنه قدام الكل باس جبينها . وربت على كتفها . والتوتر قل شويه .
آدم : شاف ضحكتهم واتفاءل . وقام واستأذن ومستنى زين فى العربيه .
. وزين نزل وراح وركب من غير ما يتكلم . وكان وشه باين عليه الزعل . ولا حتى سال احنا رايحين على فين.
آدم : اتحرك بالعربيه . وبدء يتكلم . ايه يازين مفيش سلام حتى . انت مخصامني ولا ايه !؟
زين : بجديه : العفو يا بابا . انا مقدرش . ياريت متزعلش منى .
آدم : مزعلش ازاى بقى !؟ وانت متجاهل ابوك
زين : بزعل وبص من الشباك . انا متجاهلتش حضرتك . ولا اقدر اعملها . لكن انا اختصرت
آدم : ركن العربيه . وبص ل زين . اختصرت!؟
اختصرت ايه يازين . واختصرت مين . ابوك !؟ امك !؟ ولا اخواتك !؟ ايه هتختصر وتعيش لوحدك !؟
زين: اتنهد : لا يابابا . انا مش هعيش لوحدي . لكن هعيش مع نفسي . لانى ...ومكملش .
آدم : لانك اتصدمت فى ابوك مش كدا !؟
زين : ..... مش لاقى رد . وعمرو ما واجهه ابوه بالطريقه دى . بس هو مجروح . وزعلان .
آدم : اتنهد . أسمع يازين . انا عارف انك زعلان . ومش عايز تتكلم . بس انت مفكرتش . لاء . انت زعلت على طول ..
زين : بص لابوه . من حقى ازعل يابابا . من حقى . لما اشوف انى مهمش يبقى ازعل واختصر !؟
آدم : الكلمه صدمته . مهمش !!! انت يازين مهمش . ليه يبنى . انت واخواتك . بذرتى الل كبرت قدامى . وبقت فرع قوى . علشان لما اضعف اتسند عليه . ومن امتى وانت مهمش يا زين .!؟
زين : مهمش فى حقوقى مع اخواتى . لما يحصل اى مشكله . مراد يبقى دراعك اليمين .
وفهد دراعك الشمال . وبص لابوه . لما توفيق ظهر . اتصلت على طارق وفهد واخدت زياد ومراد . وانا كنت موجود في البيت . لكن محطتش في دماغى ولان الموضوع ميخصنيش . بس بردو حضرتك عودتنا انت ومريم . اننا كلنا شجره كبيره وفروعها العيله كلها . يعنى اساسنا العدوي . وحضرتك بنفسك قولتلنا من صغرنا واحنا متجميعن تقولنا يا شباب . احنا اساسنا العدوي . لكن احنا شجره كبيره . ومتفرع من عيله العدوي . عيله السيوفي وعزيز والصاوي . وذياد جمال . يعنى كلنا واحد وأخوات مش ولاد عم أو خال . وكبرنا على الأساس ده . واى مشكله تحصل .وبص قدامه وكمل بحزن . يبقى الأساس بيحرك الفروع . يا .. بابا .
آدم : بدهشه . زين . انا مش مصدق عقليتك وصلتك لحد التهميش ؟
. وكمل بعدم تصديق ..انت زين العاقل . الل مريحنى في كل حاجه . ومأمنه على كل مالى . ومالو ومال اخواته وعمته ملك . وطارق .مهمش انت زين !؟ دا انت يبنى الل دراعي اليمين مش مراد . مراد مايعرفش غير شويه هوامش فى الشركه .أو فى المصانع . ولما أكلمه يقولى زين معاك . وانا فى شغلى . وقالى انا معتمد على زين . يعنى الحمل كله عليا وعليك . انا مش مصدق !! حقيقي مش مصدق . وبصله انت ازاى وصلك الاحساس بالتهميش .!؟
زين : هيتكلم . آدم شاورله . وسكت .
آدم : اتنهد وحط ايدو على كتف زين . وقال . زين . انا لما توفيق ظهر . انا اخدت فهد ومراد بحكم شغلهم . وعندهم فنون قتاليه عاليه . وزياد كان موجود معايا . وعرض عليا وجه . انا سبتك فى البيت مع امك والبنات . لانك راجل ويعتمد عليك . وبكون مطمن عليهم فى وجودك . ولما مراد كلمنى امبارح وسأل على رينو. انا متكلمتش قدامكم . انت كنت شايف حالت مريم ازاى !؟ وغير كدا انا مكنتش متاكد من اى حاجه ولا عارفين هي فين . ولازم انت تكون موجود في البيت . مينفعش كلنا نخرج فى طريق منعرفش نهايته ايه !؟ هنرجع ولا لا!؟ انا مستأمنك على كل حاجه يازين . تخيل بقى انت شايل اكبر مسؤليه . وانت مهمش !!
وشال ايدو من على كتف زين . وبص قدامه . انا لما بيحصل مشكله في اى شحنه أو ميل . مبقولش تعالى يامراد . لاء . بقول . تعالى يازين وحل المشكله دى . تعالى يازين قولى رأيك في المشروع ده !؟ تعالى يازين شوف الوفد واتفق معاه والل تشوفه صح خد قرارك . وبصله . انت ومراد سندى وعكازى . فهد تربيتى . وابنى كمان . وزياد كان ضايع من صغره وانا اخدته ابن ليا . بس ما اخدهمش سند وعكاز يازين .
زين : باصص قدامه . وحس انه صغير اوى . وحس انه اندفع . ومش عارف يعتذر ولا يعمل ايه . وبص لابوه . بابا انا اسف . انا مكنتش شايف كل دا . بس انا زعلت . لانى اخ . واخته كانت في خطر وانا قاعد فى البيت . وابويا واخويا . مش عارف هما فين ولا فيهم ايه . غير انهم فى مشوار . بابا . انتو اغلى حاجه فى حياتى . انا الناس يتحسدنى أنى ابنك . انا بجد اسف . انا مقصدش كل دا حقيقى مقصدش . انا اندفعت بدافع اخ خايف على أخته .
آدم : ابتسم . وانت لو مكنتش زعلت . انا كنت هزعل منك . وصدقينى انا بحمد ربنا . انى بشوف حبكو لبعض . وواعدنى يازين . تفضلو سند لبعض حتى بعد ماموت ..
زين : باندفاع . بس يابابا بعد الشر عليك . وربنا يخليك لينا . ويبارك فيك ويديك طولة العمر . بابا حياتنا من غيرك ملهاش لازمه تتعاش . لو سمحت متقولش كدا تانى .
آدم : ربت على كتفه . ربنا يهديكو على بعض ديما . ومايفرق عليتنا ابدا . ياريت قبل ماتزعل من حاجه . نتناقش فيها اتفقنا ..
زين : ابتسم . يعنى انت مش زعلان منى على الكلام الل انا قولته .!؟
آدم : شغل العربيه واتحرك .. عارف اكتر حاجه مزعلانى منك ايه يازين ؛؟
زين : بلع ريقه بتوتر . خير. يابابا .
آدم : انك كسرت ازاز الترابيزه على سيد . ابن الكلب ههههه خساره ف امه
زين : ههههههههه معلش بقى ياحج . وزين باس على ايد ابوه بحب . ربنا يخليك لينا ياحج آدم .
آدم : ابتسم .ولعب فى شعر زين . حبيبى يازينى . وراحو على المخزن. ونزلو . وطارق حصلهم على هناك . ودخلو كلهم المخزن عند توفيق وسوزى . الل بيصرخو من العذاب .
آدم واقف فى النص وزين على يمينه وطارق على شماله . ووقفو قدام توفيق وسوزى .
آدم : اذيك ياتوفيق باشا .!؟
توفيق : بلهفه . ابوس رجلك ارحمنى خلاص مش قادر . ارررحمنى . ابعد الحرس بتوعك دول عنى .. ارررحمنى
آدم : طنشه . اذيك ياسوزى هانم !؟
سوزى : بتصرخ باستغاثه . اررررحمنى الله يخليك .. اللللله يخلييييك اااه روحي بتطلع منى بالبطيئ مش قااااادره .
آدم : طنشهم . وراح للحارس الل واخد طلق فى رجله وجارد واقف جمبه . اييه يا اتش اسمك ايه !؟
الحارس : بخوف . سمير . سمير ياباشا .
آدم : وقف قدام توفيق وعلا صوته قولى ياسمير . انت كنت شغال جارد عند مين!؟
سمير : بخوف اكبر . ا.انا كنت شغال عند واحد اسمه هشام ياباشا .
توفيق : انتبه لكن ممكن اسم شبيه لاسم ابنه.
آدم : نزل وقرب من وش توفيق . واتكلم بلغة شر . قولى ياسمير . اسمه ايه بالكامل . !؟
سمير : بتوتر . ا.اسمه هشام .وبلع ريقه. هشام توفيق المنصورى ياباشا .
آدم : رفع راسه وحط ايدو فى جيبه . امممم
توفيق : اتصدم . وخاف من طريقة آدم . لااا . لاااا . ابعد عن ابنى . فاهم . ابنى خط احمر يا آدم ياعدوي . ااابعد عن اااابنى .
آدم : اهدا ياتوفى . ع رأي مراد .. انا عندي ليك مفاجأة . بس قبل ما تشوفها . هقولك كلمتين . توفيق . انت تاجرت في المخدرات . وتاجرت في صحة الغلابه بشحنات اكل فاسده. وتاجرت في آثار بلدك . بلدك ياتوفيق والالماس . وغيرو . وغيرو . وبص على سوزى ده غير انك عايش مع الكلبه دى فى الحرام . يااااه . يااااه ياتوفيق . كل ده !؟ كل دي زنوب ياتوفيق . وهز راسه . انت زرعت ياتوفيق . وامبارح بس انت حصدت زرعتك . وشاور ل رعد.
ورعد جه . وفتح الفون . وجاب صور هشام . وحط الفون فى وش توفيق ..
توفيق : شاف الصور . وبيدقق لان الصوره كلها دم ومنظر مرعب .
رعد : جاب صوره تانيه . وتالته .
آدم : ابنك امبارح خطف بنتى . وقبلها ب ٤ سنين خطف بنتى الأكبر . والله اعلم هو عمل ايه تانى . وحصادك ياتوفيق . انى هقولك البقاء لله فى زرعتك .
توفيق : شهق بصدمه كبيره . هشااااااااااام . اااابناااااى . لاااااااااا. لاااااااا . انت قتلت ابببنى . وعيط بصوت عااالى هشااام .
آدم : قرب منه . توفيق . صدقنى لو كان عايش كنت قتلته . لكن قضاء الله نفذ قبل ما اخد حق بنتى . وانا مش شمتان فيك ياتوفيق لاء . اللهم لا شماته . وخصوصاً في الموت .. بس ده عقاب ربنا ليك . اشرب ياتوفيق . اشرب تمن كل واحد مات بسببك . ادمن بسببك . انتحر بسببك . اشرب تمن تربيتك الفاسده . ان ابنك كل يوم والتانى عايز يسد رغباته وبس . اشرب . والبقاء لله . وكفايه عليك كدا . ورفع راسه .
توفيق : نزل راسه . وبيعيد ذكراياته مش لاقى حاجه حلوه عملها . حتى مراته هربت من شره . وعيط بذل . وانكسار .وقال هشام . هشام ابنى عملت فى نفسك ايه .
آدم : راح عند سيد الل فاق ووشه كله دم . وبيثتغيث بصوت عالى . لانهم بيعذبوه . وعواطف . بتصوت بصوتها كله . واتنهد . ورجع عند طارق وزين. ونده ل رعد ..
رعد : اؤمرنى ياباشا .
آدم : تلم كل الكلاب دى . وتاخدهم على القسم . وهيتحولو على النيابه . ومالك الصاوي هيتكفل بالباقى ..
رعد : أوامرك ياباشا .
آدم : يلا يطارق . يلا يازين . واتحركو . والكل بيصرخ بالرحمه من آدم . بلاش السجن . وتوفيق موت ابنه كسرو حرفيا . وسوزى بتصرخ باستغاثه كبيره لانها كدا هتتعدم .
وكمان عواطف وسيد .بيصرخو بصوتهم كله .. لان فهد ومراد اخدو فونهم وعليه تسيجلات مكالمات بالاتفاقيات الل تمت في خطف بنات وأطفال كتير .
وسمير . قرر أنه يحكي كل حاجه بالظبط . ويعترف على ال٣ حرس الل معاه . وقرر أنه يتوب . لان عندو ابن ومش عايز يزرع شر . ويحصد شر . لا قرر انه هيزرع خير ويحصد خير . ومزعلش أنه رايح على القسم .وقرر أنه يدى نفسه فرصه جديده .
وال٣ جارد الل كانو عند هشام ندمو أنهم سمعوا كلام حارس ٤ ومستقبلهم كدا خلاص.
حارس ٤ اخدو عنوانه وهيبعتوه على أهله . وهيعرفوهم ايه الل حصل منه وعمل ايه علشان اتقتل .
طارق : آدم انت ليه هتبعتهم على القسم . انت قولت هنستنى على توفيق لما مالك يهدى . وغير الكلاب الل جوه . لسه ماخدوش حقهم .
آدم : اتنهد : كفايه لحد كدا يطارق . كفاية كسرة توفيق مهما كان خسر ابنه الوحيد .. وسوزي خلاص مبقاش فيها تتحمل . هما هيتحولو على النيابه . واكيد مالك هيبعتلهم وصايا . وغير كدا . هيتحكم عليهم بالاعدام .وانا تعبت من المرواغه .
أما الجاردات . هياخدو حقهم وزياده . متقلقش ..
. وفهد ومراد هيتابعو قضية توفيق وشركاه فى الفيديوهات . والفلاشه والملف . مع مراد .
وكمان . هيتابعو قضية الكلاب سيد وعواطف.
ف انا بقول كفايه كده . مش هنستفاد حاجه . لما واحد يموت فى ايدينا . مش حمل نشيل زنبه . احنا شايلين زنوبنا بالعافيه يصحبى .
طارق : والله عندك حق . الواحد زهق من ولاد الكلب دول . وانت هتعمل ايه دلوقتي .
آدم : هنطلع على البيت . ونشوف حكاية الفهد
وركبو . واتحركو .
(وبكداا الشررانتهي . ونقوله باى باى ياكوتش .)
-------------يتبع الباقى من تكملة الحلقه ٤٤
رواية جريمة عشق٣
(عشق الفهد)
بسم الله نبدأ
تاني يوم الصبح .
مريم : بتفتح عينيها فى حضن آدم . واتحركت علشان تروح تشوف رينو . ولسه هترفع راسها من على دراعه .
آدم : حس بيها . وفاق . صباح الخير .
مريم : قامت صباح الخير يا حبيبي . وبتبص في الساعه . ياخبر الساعه ١١ يا آدم .!
آدم : اتعدل بتعب . وشافها بتقوم تلبس . وقام . انتى اتطمنتى على رينو بعد الفجر !؟
مريم : بتلبس : ايوه يحبيبى وكانت نايمه . وسبتها وجيت نمت جمبك علشان انت متزعلش . وروحت بصيت عليها تانى الساعه ٧ . وبردو كانت لسه نايمه .
آدم : حبيبتى . وانا كمان روحت شوفتها حوالى الساعه ٨ وقعدت جمبها شويه . ورجعت تانى . حتى مقدرتش انزل الشركه انهردا .
مريم : مش مهم .انت منمتش كويس . المهم صحتك . انا هاتطمن على رينو . هتيجي معايه .!؟
آدم : طبعا . ثوانى اغير هدومي . وغير هدومه وراحو يطمنو على رينو . مريم خبطت بشويش . وفتحت . وآدم واقف وراها . لكن مريم شافت رينو ساجده على سجاده الصلاه وبتعيط . ومريم عيونها لمعت بالدموع .
وآدم : شافها . وسمع انين وشهقات عياطها . وادايق . وساب مريم ونزل على تحت .
.ومريم بصت على رينو . وسمعتها بتشكر ربنا أن محدش قرب منها . وانه سترها وبتعيط من قلبها . ومريم اتنهدت بزعل على بنتها . وقفلت الباب عليها وسابتها تناجي ربها . ونزلت عند آدم . وقعدت جنبه في الليفنج .
رينو : فتحت عينيها الصبح بتعب شديد . ومش فاكره هي فين . وبعدها افتكرت الحادثه واتخضت . واتعدلت بخوف وشدت الغطا عليها وكأنها بتستر نفسها من هشام . لكن بعدها شافت نفسها فى اوضتها . استريحت واتنفست بيراحه . وغمضت وبتحاول تقوى نفسها . وشافت صورة حبيبها قدامها . ابتسمت بحب واتنهدت . وفتحت عينيها . وعيزا الفون لكن افتكرت أنهم اخدوه منها امبارح. وحركت أيدها وبتشوف الساعه كام . وملقتش الساعه فى أيدها . وبصت على الكمود ملقتهاش . رفعت المخده ملقتهاش . فتحت الدرج . وملقتهاش . اله . ساعة فهد فين!؟ . دى كانت في ايدى امبار......!!! وفتحت عينيها بزهول . انها تكون وقعت منها وهي بتدافع عن نفسها . او اخدوها مع الفون . وزعلت اوي . وعيونها لمعت بدموع . يعنى اول هديه فهد يجبهالى للترقية فى شغله تضيع .!؟ وبصت على ساعة الحائط وكانت ٩ ونص .. وقامت بزعل . وحست بدوخه. واتحركت ودخلت الحمام . واخدت شاور . واتوضت وعقمت جرح ايديها . وافتكرت فهد . واهتمامه بيها . واتنهدت . وخرجت . وفرشت سجادة الصلاة . وبدءت تصلى وتدعي وتشكر ربنا . انها هي وفهد . خرجو من الحادثه دي على خير . وكمان عيليتها بخير . وسجدت . وغمضت عينيها . وبتدعى ربنا بخشوع . ان محدش قرب منها . وانه سترها وحافظ عليها . ودعت بعياط وترجي أن ربنا يسامحها على جسمها الل اتعرى قدام هشام . وفهد . وعيطت بذل . رغم انها متأكدة أن فهد عمرو ما هيبص عليها . ولكن فكرة انها اتعرت مخوفاها من ربنا . وعيطت بشهقات . كتيره . وسجدت واتكلمت مع ربنا كتير . ودعت لفهد لانه أنقذها من الخوف والخطر . وشكرت ربنا انها بخير .وفضلت ساجده اكبر وقت ممكن . وبعد فتره كبيره . خلصت صلاه . وقاعده مكانها على السجاده . وفريحه وريتال خبطو عليها ودخلو يطمنو عليها . ويهونو عليها شويه .
سعاد : صباح الخير ياست مريم . صباح الخير يسي آدم .
آدم ومريم : صباح الخير ياسعاد .
سعاد : ست الدكتوره عامله ايه دلوقتى . انا طلعت بصيت عليها . من بدرى بس يانور عيني كانت نايمه .
مريم : الحمدلله ياسعاد . رينو هتبقى كويسه . وهي صاحيه بس بتصلى.
سعاد : رفعت ايديها . الهي ربنا يكرمك يا دكتوره . ويبعد عنك ولاد الحرام . ويعمى عينيهم عنك قادر ياكريم . ويسترك فى الدنيا والاخره . والل يمسك بسوء يترد فى نحره يااارب . وتقوميلنا بالسلامه إن شاء الله .
آدم ومريم : اللهم امين ..
مريم : ربنا يباركلك ويستجيب منك يارب . لو سمحتي سعاد . قولى ل زينب . تحضر الفطار . علشان آدم ما اكلش حاجه من امبارح .
آدم : لا . ماليش نفس .ومش عايز افطر . اعمليلى قهوه ياسعاد لو سمحتى .
مريم : بصتله . لامينفعش و مفيش قهوه .وبصت لسعاد . روحي ياسعاد جهزو الفطار .
سعاد : بصت ل آدم . تاخد قراره . هز راسه ليها . تسمع كلامها . وبصت ل مريم حاضر ياست مريم . واتحركت .
آدم : بصلها. انا مش عايز أفطر .
مريم : بصتله . بس انا عيزاك تفطر . ممكن ؟
آدم : اتنهد . وسكت لانه عارفها عنيده في اهتمامها بيه . وسرح .فى مراد . الل اخد طلقه في قلبه . وامتى وازاى . وحس باايه . وافتكر لما اخد طلقه رصاص جمب القلب وهو فى تركيا . ودخل فى غيبوبه ١٢ يوم .. وغمض عينيه وحمد ربنا ان مراد كويس وبخير .
.وكمان سرح. وعايز يعرف فهد عرف ازاى أن رينو اتخطفت . وازاى عرف المكان ده بسهوله . فهد راح ل رينو بعد ماتخطفت ب ساعتين وشويه . ومش جايه ل آدم اى فكره . غير انه راقبها . او رينو كلمته . بس رينو كانت متخدره . وفاق على صوت حد دخل من بره و عياط وشهقات واستغرب مين الل جايه بتعيط من بره دى !؟ وشافها واتنهد بوجع . وقام يشوفها . ومريم قامت وراه .
نور : عرفت من محمد بعد الحاح شديد منها . وكان واضح عليه الزعل . ولما حكالها . نور اترعبت على رينو . وافتكرت هشام . وخوفها منه . وهي مربوطه على السرير. وهو بيقلعها حجابها وبيقرب منها. وبتتخيل اختها الصغيره فى نفس الوقت . بس الفرق أن نور مكملتش ساعه . لكن رينو ٣ سعات مع هشام . وعيطت طول الليل . وكانت هتتصل لكن محمد قالها أن رينو طلعت اوضتها نامت . ومحمد فضل قاعد معاها لحد الفجر ومش عارف يسكتها . ومن تعبها محمد اخدها فى حضنه ونيمها . بعد الفجر . ونور قامت مخضوضه الساعه ١٠ ولبست بسرعه . وجهزت تيم وتمارا . وصحت محمد . الل قام . وشافها زعلانه وحضنها . وفضل يهدى فيها .
.وجابها وهي طول الطريق تعيط . ونفسها تقتل هشام تانى . وحاسه باختها لانها كانت فى نفس الرعب . واول ما وصلت . نزلت ودخلت البيت بسرعه وبتعيط من قبل ما تدخل . ودخلت وعينيها بتدور على اختها . وشافت آدم رايح بسرعه عليها واترمت في حضنه .
نور : بتعيط . بابى اختى فين !؟
آدم : ايه يانور . بتعيطى ليه كدا !؟
مريم : بتطبطب على ضهر نور . وهي فى حضن آدم . بس يانور متعيطش . اختك بخير ياحبيبتي.
محمد : دخل . وراهم .وشايل تمارا . وتيم ماشى جنبه ..وقال .. والله من امبارح بقولها كدا . لكن هي مش مصدقانى . وعلى الحال ده من ساعت ما عرفت . وبص ل آدم . انا مكنتش هقولها حاجه بس انت عارف . مسابتنيش غير لما عرفت .
آدم : هز راسه بتفهم . ومسد على حجابها . بس ياروحي اهدى . واختك كويسه .
نور : خرجت من حضن آدم. وبصت ل مريم هي في اوضتها يامامي .!؟
مريم : ايوه ياروحي . وكمان فاقت وبتصلى . وانتى اطلعيلها . لكن قبل ما تطلعى امسحي دموعك دى . وحاولي تهوني عليها ماتعيطيش قدامها . وبعدين الحمدلله اختك في حضننا ومحصلهاش اى مكروه . روقى ياحبيبتى . واطلعيها . قويها بيكي .
نور : جريت على السلم . وطلعت .
تيم : بيشد فستان مريم وقال. مريم مريم . لينو حبيبى .
مريم : شالته . وباسته . ايوه ياقلبى رينو حبيبتك .وسالتو تطلع عند رينو ياتيمو !؟
تيم : سقف . وجرى على السلم . وطالع درجه درجه . وبيقول لينو حبيبى . لينو لوحي .
وآدم : شاور ل محمد يدخل يقعد . وقعدو كلهم . ومريم شالت تمارا وقعدت. ومحمد سأل آدم على رينو . وآدم طمنه ..
فريحه . نزلت وريتال . بعد ما اطمنو على رينو . وسابوها علشان نور تقعد معاها . وسلمو على آدم ومريم ومحمد .
فريحه : سالت آدم مراد مجاش من امبارح . والساعه ١٢ الضهر وفونه هو وفهد مغلق.
آدم : قلق . لكن طرد الفكره . وقالها فهد مع مراد فى المكتب . وتلاقيهم من تعب اليوم امبارح نامو هناك . متشغليش بالك . كل حاجه تمام .
وبص ل ريتال : زين فى الشركه !؟
ريتال : لا يابابا . زين فوق . ومنمش كويس امبارح. وسالته الصبح . قالى مش هروح انهردا . ونام . وقولتله مش هتنزل تفطر . قالى لاء انزلى انتى انا هنام .
آدم : هز راسه . وعرف إن زين زعلان . واتنهد . وهيتكلم معاه بعدين .
.سعاد جهزت الفطار . والكل اتحرك .
مريم : سعاد قولى ل زينب . تاخد فطار . وتطلعو ل نور ورينو فوق . وتقول ل نور تأآكل رينو . وخدى للبنات مع الفطار كوبايه اللبن بتاعة الصبح . ومتنسيش كوباية تيم .
وانا هطلعلها بعد الفطار اطمن عليها .
سعاد : عينى ياست مريم . واتحركت . وطلعت الفطار ليهم فوق . والكل هيبدء يفطر .
--------------------بقلمى Mariem Nasar
نور : طلعت ل رينو وحاولت تتماسك لكن مقدرتش . وحضنت رينو . وعيطت بكسره . وبتدعي على هشام في قلبها . على الخوف الل سببه ليها و لرينو . وان لحد دلوقتي نور مش قادره تنسى شبح اليوم ده . ورينو عيطت كمان . وفريحه وريتال حاولو يهدوهم . وبعد شويه . بطلو عياط وقعدو يتكلمو . وفريحه وريتال سابوهم مع بعض ونزلو . وقابلو تيم الل جري عليهم وباسوه . وسابهم وراح على باب اوضة رينو وبيحاول يفتح الباب . ومش عارف وقال ببراءه. افتحي يالينو انا تيمو .
ورينو : سمعته وابتسمت . وقامت هيا بسرعه وفتحتله .
رينو : ضحكت . تيموو روحي انا . ومسكته من ايدو لانها مش قادره تشيله. وراحت بيه على السرير جمب نور .
تيم : قرب وباسها من بقها . لينو انتى لوحي وضحك . ووجود تيم فى اللحظه دى نساهم زعلهم . وتيم قال ل رينو انه عايز يقعد فى حضنها وهي قاعده . وابتسمت وشالته وبتلاعبه وبتتكلم مع نور . وتيم فك الجو شويه .
. زينب طلعت الفطار ليهم . واطمنت على رينو ودعتلها ونزلت .
. وتيم قال ل رينو انها تأآكله . وتيم فتح نفس رينو على الاكل . وشدت نور الل قاعده زعلانه من أيدها علشان تفطر معاها . ونور ابتسمت أن رينو هتفطر وقعدت تفطر معاها .
وبعدها بشويه الكل صلا الضهر . والجارد اتصل على آدم . وقاله طارق باشا وصل عند الفيلا . وقفلو .
. وآدم قال ل مريم تلبس النقاب علشان طارق بيركن العربيه وجاى . ولبست نقابها . وطارق دخل وكان معاه رنا . وردوي . لكن فارس فى الشغل وقالهم بعد ما يخلص هيطلع عليهم .
رودى دخلت بسرعه . وسلمت وطلعت بلهفه على رينو .
ورنا سلمت عليهم . ومريم اخدتها وطلعو عند رينو .
طارق سلم عليهم وقعد جمب آدم .
محمد : جاله فون من المستشفى . وقام واستأذن ومشي .
طارق : ايه يا آدم رينو عامله ايه انهردا !؟
آدم : هز راسه . الحمدلله . هتبقى تمام ياطارق .
طارق : هز راسه .ان شاء الله. وانت عامل ايه!؟
آدم : اهو . تمام . وبصله انت قولت ل رنا.
طارق : طبعا .وانا اقدر ماقولش. دى كانت هتاكلنى امبارح . لما شافت كمية اتصالاتنا مع بعض امبارح انا وانت والشباب .
آدم : تمام . بس ياريت تنبه عليهم . انا مش عايز حد تانى يعرف . لا عيلة عزيز ولا الصاوي وكمان حسام . الموضوع ده عايزه يتقفل تماماً . نور لما الحيوان ده خطفها محدش عرف غيرنا . والموضوع اتنسى نسبيا .
. انا نبهت على ريتال متعرفش حد . وكمان زياد . انا مش عايز حد يعرف يطارق .
طارق : متقلقش انا نبهت على رنا وشددت عليها وكمان فارس ورودي . محدش هيعرف اطمن . المهم قولى مراد رجع امبارح امتى !؟ وعامل ايه ! وتلاقيه كان راجع متنرفز .
آدم : مراد لسه مرجعش من امبارح . شكله نام في المكتب .
طارق : بنرفزه : طبعا ليه حق .
آدم : بصله بعدم فهم . ليه حق فى ايه ؟
طارق : هو اال حصل امبارح ده شويه . وخصوصاً الل فهد عمله .!
آدم : اله . ماله فهد !؟ وعمل ايه غلط ؟
طارق : كل حاجه عملها غلط . كفايه كان عارف وسايبنا في تعب الاعصاب الل كنا فيه . عيل أتم . انا لو مكان مراد . ولا بلاش ..
آدم : بدهشه . انت مالك ومال فهد . الراجل يشكر . ويشكر جداً كمان . وعمل الل عليه وزياده . فهد مهتمش بنفسه في انه يواجهه الخطر . ومراد بدال مايشكره . يهجم عليه كدا . وقدامنا كمان . مراد لازم يعرف غلطه.
طارق : بغيظ . مراد ماغلطش يا آدم . مراد اتكلم وقال الل المفرض الغندفر الل انا مخلفه كان عمله . كان اتصل حتى من الشارع . كان فى ايدو يطمنا . وكويس ان مراد هجم عليه وبس .
آدم : بدهشه .ليه !؟ انت كنت عايزو يمد ايدو عليه !؟ ماتعقل كدا فى كلامك .
.وشيل فهد من دماغك . مالكش دعوه بيه . ومراد ابنى الل غلطان . مش مهم مين عرف قبل مين . المهم النتيجه كانت ايه . وانا مديون لفهد بحياتي . مراد المفروض كان أجل الكلام ده لبعدين . مكنش وقته . ولما مراد يرجع انا ليه كلام معاه .
طارق : بديق . كلام ايه بقى إن شاء الله . بقولك ايه ملكش دعوه ب مراد ولا تيجي جمبه . كفايه انه اتصدم في صحبه . وسبحان الله يا اخي العكس فى كل حاجه . انت سافرت تركيا من غير ماعرف . وسبتنى اتجنن هنا . والمحروس فهد عرف قبلنا وسابنا نتجنن . عجينه واحده انت وهو . جاتكو الهم .
آدم : هز راسه بيأس من صاحبه . انت يبنى مخك ده شغال . ولا ومأجره لحد .
طارق : اه . مأجرو ومفروش كمان . ليك فيه .تحب احجزلك فص .
. انا هتصل على مراد اشوفه فين . انتو تحرقو دمه . وتقول غلطان .
آدم : اه مراد غلطان ياطارق .
طارق : بغيظ . لا يا آدم فهد الل غلطان . ولما اشوف وشه . وابعد عن مراد سيبه بالل هو فيه ( ويقصد طلقة الرصاص) . تلاقيه قاعد فى المكتب ومش طايق نفسه. هتعقدو الواد زيكو
مراد : هههههههههههه ..لا لا . أسمع دي بقى .
. بيقولك مره واحد بلع فوطه ريقه نشف هههههههههههه
فهد : مش حلوه . ههههههههههه
مراد : طيب لو جدع حل الفزوره دى . مره ٤ دخلو سباق وكان فيهم واحد اصلع . والاصلع كسب ليه !!؟
فهد : ليه ياصداع !؟
مراد : عشان كان اصلع واحد فيهم ههههههههه
فهد : هههههههههههه . يبنى ارحمنى والله مقادر طول الطريق من ساعة ماصحيتك رغي.
مراد : بص قدامه . احم صباح الخير يابابا . اذيك ياطارق .
فهد : همس فى ودن مراد . هما مالهم فاتحين بوقهم ليه . وخصوصاً حماك .
مراد : مش عارف . تعالى نقفل بوق ابوك .
آدم وطارق وهما بيتناوشو مع بعض . وكل واحد بيدافع عن ابن صاحبه . شافو مراد وفهد داخلين . وكل واحد يضرب كفه فى كف التانى ويهزرو ويضحكو . وطارق تنح . وآدم كان متوقع أن ده هيحصل . لانهم ثنائى متكرر من آدم وطارق .
مراد وفهد . راجعين من سفر طويل . وسافرو امبارح بليل يعربيه واحده . بتاعة فهد . ومراد ساق ومتتبع الجي بي اس فى الساعه عن طريق التاب . وفهد نام في الطريق لانه كان مرهق . ووصلو . ولما رجعو فهد الل ساق ومراد نام جمبه . وصحي اول دخولهم المدينه . ومراد قاله اطلع على العدوي على طول . وفتح فونه واتصل على فريحه وطمنها . وسأل عن رينو . وعرف أنهم كلهم معاها فوق . وعلشان كدا فهد دخل على طول مع مراد . وهزرو مع بعض . وشافو طارق متنح .
مراد وفهد . قربو منهم .
آدم : بص عليهم . وشاف لبسهم مبهدل . اكتر من امبارح . واستغرب. ايه الل عامل فيكو كدا؟
طارق : انتو ضربتو بعض !؟
مراد وفهد بصو لبعض . وفهد قعد .
مراد : راح قعد جمب ابوه . لا يطارق نضرب بعض ايه بس فال الله ولا فالك ياشيخ . احنا فى مشوار مهم من امبارح بليل ولسه راجعين حالا .
آدم : مشوار !؟ من امبارح !؟ كنتو فين !؟
مراد : الصعيد ..
آدم وطارق بصو لبعض . وقاله الصعييد!!؟
طارق : انا مبقتش فاهم حاجه خاااالص .
جارد : آدم . دخل . واسمه رعد ودخل. بعد اذن من آدم . وبص ل مراد . وقاله مراد باشا . الامانه الل بره . تؤمرنى اوديها على فين !؟
مراد : هاتها هنا يارعد .
رعد : امرك ياباشا . وخرج .
آدم وطارق قاعدين مش فاهمين اى حاجه . وخصوصاً البرود والابتسامه الل على وش مراد وفهد .
طارق : اله . ماتفهمونا انت وهو . انا مش فاهم حاجه خالص . وانتو كنتو فى الصعيد ليه !؟ وامانه ايه الل بره .
آدم : مراد المسافه من مصر للصعيد اكتر من ٨ سعات . يعنى رايح جاي . حوالى ١٦ ساعه . عايز تقنعنى انكو سافرتو الصعيد امبارح بعد مافهد جالك على المكتب . طيب ازاى وليه !؟
مراد : ايوه ياحج سافرنا امبارح بليل ذهاب واياب . واطمن سافرنا لكل خير. وانتبهو ل رعد الل داخل . وماسك راجل وست مربوطين فى أيديهم . ولزق على بوقهم . ورعد زقهم ووقعو قدام رجل آدم وطارق . وبردو مش فاهمين حاجه مين دول !؟
فهد : قام . وشد اللزقه من على وش عواطف . وفك ايديها .
عواطف : صرخت . والنبى ياباشا .ارحمنا . والله اخر مره حرمنا ياباشا .
والكل فوق سمع صوت صريخ وترجي . وقامو كلهم علشان ينزلو يشوفو فى ايه .!؟ واتخضو من شكل مراد وفهد . ولبسهم متبهدل . وخصوصاً أن فهد خدو عليه دم جرح رينو من امبار. واتخضو اكتر لما شافو الا تنين المتربطين .
ست لابسه عبايه سودا ومش لالبسه حجاب وشعرها متبهدل . وواحد لابس قميص وبنطلون . وعينيه حمرا وشكلهم يخوف . رينو واقفه . وماسكه فى ايد نور بخوف . وكمان عيونها على فهد الل واحشها . وخافت لما شافته لسه زى ماكان امبارح . وكمان الدم الل خدو من امبارح . وعيونها متعلقه عليه .
فهد : بص ل آدم وطارق والعيله وقال . عواطف السرحانى . الل خطفت رينو . والبنات شهقت . ورينو زادت من قبضتها لنور . ونور اخدتها فى حضنها . ورودي جمبها وسنداها
مراد : شاف رينو . وقلبه دق بحب . وراح عليها بسرعه . رينو . نوتيلت البيت . ونوتيلت قلبى .
رينو. خرجت من حضن نور . وابتسمت بدموع . ابيه مراد . واترمت في حضنه . وقلب الفهد دق اول ما سمع صوتها ورفع عيونه بسرعه . وشاف اجمل ملاك وابتسم بحب انها كويسه ..
مراد : حضنها بحب . وزعل من نفسه أنه مطمنش عليها امبارح . لكن هو مشي لانه كان حاسس ان الدنيا صغيره اوى ومخنوق من إحساسه وقلقه عليها . حبيبتي . حبيبت اخوكي . الف حمدلله على السلامه ياقلب مراد . وخرجها من حضنه . وباس جبينها . حبيبتي انتى احسن دلوقتي .!؟
رينو : مسحت دموعها . ايوه الحمدلله . طول ما انتو موجودين فى حياتى انا هكون بخير . ووقفت جمبه . وفريحه راحت تسلم عليه . وباس ايديها . وانتبهو ل فهد .
فهد : راح وشال اللزقه على وش سيد الل لسه فايق وفك الرباط من على ايديه . لانه كان سكران ومش دراى بحاجه ولا ايه الل حصل . سيد فاق وبص حواليه . وشاف عواطف بتعيط برعب ..وبص شافهم . وخاف ورجع خطوه لورا بخوف. وخبط فى صدر حد ولف بخوف . لانه كان رعد . ولما شافه . اترعب .وبلع ريقه . انتوو مين . وعايزين منى اييه . و.ووالله انا معملت حاجه !؟
فهد : بصله . حمدالله على السلامه ياحريف. وبصلهم. سيد الشهير بالحريف .. وده الل كان سايق التاكسي المسروق . ورش على وش رينو مخدر . ووصلها لحد هشام .
الكل اتغاظ . وخصوصاً . آدم . ولسه هيتكلم.
وشاف هجوم بغضب شديد جدا . على سيد الل بياخد بوكسات بكل غل . وضرب بشر وغيط وكره كبير . والكل مزهول . من شكل زين . الل كان واقف على السلم . ولما سمع فهد . محسش بنفسه ونزل بسرعه وجرى وهجم على سيد بيضرب فيه بكل غل .
مراد : راح بسرعه يشيل زين الل هيموت سيد فى ايدو حرفيا . لكن آدم شاور ل مراد انه يسيبه . ومراد رجع وسابه . لان آدم عارف ان زين مخنوق . واكيد زين بيفكر أن آدم مفكرو ضعيف علشان مقالوش .
زين : بيضرب . بغل . انت . انت بقى يابن الكلب . الل ودتها للشيطان بايدك . وحياة امي لاخليك تتمنى الموت . زين وقع سيد الل بيكح من الضرب وعينه ورمت ونزفت .على الارض وزين نزل عليه بوكسات في وشه . انطق يالا . ليه عملت كدا . انطق انا مش هرحمك . انت جيت لقضاك . وزين وقف ومتغاظ . وبص حوواليه وشاف تربيزة الليفنج جمبه وكانت ازاز . وبحركه سريعه شالها ومحدش لحقه . وضرب بيها سيد الل اغمي عليه بعدها . وزين بينهج . ومراد وفهد اتحركو لما شافوه رفع الترابيزه لكن ملحقوش لأنهم مكانوش متوقعين إن زين هيعمل كدا . والبنات مصدومه وخافت . وخصوصاً ريتال . الل اترعبت لما شافت زين بالغضب ده . وحطت ايديها على بوقها . واقسمت انها بعد ماشافت زين بالغضب ده مش هتزعله ابدا .
مراد : راح بسرعه وشد زين ورجعه لورا . وزين واقف بغيظ ومش عايز يبص ل آدم . لان فعلا زين فكر ان آدم . شايفه ضعيف . وكل مشوار مهم . ياخد فهد ومراد . وزين سابهم . وطلع بسرعه ومكلمش حد .
. ومريم قالت ل ريتال اطلعى وخدى جوزك فى حضنك . هو محتاجك . وقويه . اطلعى ياريتال .
ريتال : بلعت ريقها بتوتر . ح..حاضر ياماما وطلعت وهي خايفه من زينها .
فهد عيونه على معشوقته الصغيره . الل مكلبشه في نور و رودي . وده دايقه . ونفسه يكرر حضنه ليها من تانى ويقولها امانك هنا .
.ورينو رفعت راسها وعيونهم اتعلقت ببعض . وفهد ابتسم بعشق . وهز راسه ليها بيطمنها . ورينو استمدت قوه من عشق الفهد . وفاقو على صوت عواطف وهي بتترجي الكل برعب . وبتعيط .
. ابوس ايديكو . متعملوش فيا حاجه . انا معملتش حاجه . انا معرفش هي بنت مين . وانبى ياباشا توبه . توبه والله ومش هعمل حاجه تانى.
آدم : بغيظ مكبوت . واسنانه عملت صوت . وسألها وهو مغمض عينيه . عايزك تحكيلى الل حصل بالظبط . ومش هكرر سؤالى . ولو متكلمنيش على طول اقسم بالله السلاح الل هيتكلم .
عواطف : اترعشت برعب . وقلبها دق بخوف . ا.انا هقو.و.ول . هقول كل حاجه ياباشا . انا ياباشا . من اسبوع واكتر . واحد من حرس الل الراجل الل اسمه هشام . و.وقالى انه عايزنى في مصلحه حلوه. وروحت عندهم المخزن الل جمب المزرعه . وقابلت هشام و ٥ رجاله هناك . وكان من ضمنهم ٢ شغالين معايا . بنجيب لبعض مصالح . وفهمونى هما عايزين ايه .وعرفونى كل حاجه عنها . وجابو صوره للدكتوره . وقالو عيزنها لوحدها بأى تمن . وانا كلمت سيد الحريف . لانه شغال معايا . وخدنا الفلوس على دفعتين . اول دفعه قبل التنفيذ . انا وسيد كل واحد اخد (٨٠٠٠ ج)
وقالنا لو جبتوهالى هنا هدفع اكتر . ورحنا على المستشفى االل عطولنا عنوانها . ورقبناها يوم والتانى . ولما عرفنا انها غنيه . طلبنا فيها اكتر . وهشام وافق . وقال كل واحد فيكو هياخد الضعف يعنى انا وسيد . بعد التنفيذ كل واحد هياخد . ( ١٦٠٠٠ الف ج) ولما قالنا كدا . احنا وافقنا وفضلنا نراقيها اسبوع كامل ولما شوفنا أن مفيش حد من عيلتها بيسبها لوحدها . قولنا مفيش امل اننا هنعرف ناخدها . بس امبارح سيد شافها خارجه لوحدها وقالى دي فرصه انزلى . وكان معانا بنت صغره . وخدرناها ونامت . ونزلت صوت وصرخت . والدكتوره جريت عليا . ومشيت معايا . وركبت العربيه . وبتكشف على البت . وسيد رشها بالبنج في وشها . ونامت وواحد سالنى من الشارع مالها . قولتلو دى بنت اختى .وساعدنى واخدناها . وكلمت الراجل الل اتفق معايا وقابلنا فى الطريق . ونزلنا وركبنا معاه . علشان العربيه كانت مسروقه . وسيد اشتراها من واحد عندو عربيات مسروقه . وروحنا بيها عند هشام . ودفعلنا الدفعه التانيه . وسيد قال هنسافر على الصعيد . وسافرنا . ووصلنا الصعيد الساعه ١٢ بليل . والساعه ٦ الصبح لقينا الباشا وكسر علينا الباب وجابنا . وكانت بتحكي بخوف وعياط .وشهقات لانها لما شافت العيله دى عرفت مصيرها . وكانت هتموت فى جلدها من الرعب .
البنات بتسمع . وعيونها مفتوحه بصدمه . من كمية الشر . وروح الناس هينه عليهم . ومش مصدقين أن فى ست تعمل كدا . وكلهم عيونهم على رينو الل مغمضه . وبتستعيد الأحداث من تانى ودموعها نازله من غير عياط . والبنات فريحه ورودي ورنا ونور .كلهم حسو بيها وزعلو عليها .
.وفهد مخنوق قوي علشانها وعايزها بس تفتح عيونها وتبص عليه يطمنها . وجواه غيظ عايز يطمنها بأي شكل .
آدم : بيسمع وهو مغمض عينيه . وبيتخيل بنته والل بيحصل معاها. وبيتنفس غيظ .
طارق : بيسمع ونفسه يقتلها . ومتغاظ .
ورنا : دموعها نازله . وبتدعي عليهم وعلى الشر الل فى قلوبهم .
عواطف : وانبى ياباشا توبه سامحينى ياباشا . وحيات عيالك .
آدم : فتح عينيه . وقال بصوت يخوف . ررااعد . خد ولااااد الحرام دول من قدامى حالا . وارميهم في المخزن . وانا ساعه وهكون هناك . يلاااااا بسررررعه.
رعد : أوامرك ياباشا . واتحرك وشال سيد وطلعو على عربية رعد .
وكلهم ساكتين . وعواطف بتستعطفهم . وانبى ياباشا . وحيات عيالك . اااااااه . وكلهم انتبهو لصرخه عواطف الل وقعت على الأرض. وبصو بزهول . وكانت مريم .
مريم : واقفه على جمب . وبتسمع وافتكرت خوفها زمان . لما آدم هددها . وكانت حاسه انها مفيش حد اترعب قدها . لكن لاء . في بناتها . نور ورينو . وحطت أيدها على قلبها الل وجعها من الخوف . وسمعت عواطف بكل كيانها واتخيلت رعب بنتها . وهي متخدره . وشالوها من عربيه ل عربيه . وقبضو تمنها فلوس . ومحستش ب آدم وهو بيكلم رعد . لكن فاقت على ترجيها ا آدم وبتحلفو بعياله . وقبضت على ايديها بكل غل وكره من أنها ست زيهم وعملت كل ده . ومحستش بنفسها . وان غضبها وخوفها على عيالها ضاعف قوتها . وقربت من عواطف. بكل غل وضربتها قلم بقوه مضاعفه . لدرجة أن عواطف وقعت على الارض . وقامت بخوف . والكل بصو لمريم العدوي بدهشة . وخصوصاً لما اتكلمت .
مريم : انتى اقذر . واحقر . بنت . وست . وام
في العالم .و زعقت . انتى ايييه !؟ انتى عايشه كدا ازززاى . انتى مستحمله نفسك اززاى . وبغيظ . مسكتها من شعرها . انتى مجرده من الادميه . انا عايزه اعرف قلبك ده ايه !؟ . اناا عايزه اعرف الرحمه الل جواكى ماتت ازاى !؟
مراد : خاف على مريم . وراح بسرعه وقالها . مريم . مريم اهدي وتعالى . و .. ومكملش من هجوم مريم ليه .
مريم : شاورت بايدها التانيه ليه . ولااا كلمه . وزعقت . مش عاااايزه اسمع اى كلمه من حد .
مراد : استغرب مريم . لكن قال . انا خايف عليكي .
مريم : بصوتها كله . انا قولت ولا كلمه يامراد . مش عايزه حد يخاف عليا .
.وبصت لعواطف . وشدتها من شعرها بغل اكبر . واتحركت بيها عند رينو . وشاورت على رينو . وقالت ل عواطف . انا عايزه اعرف . بنتى عملت ايه علشان تأذيها . مصعبتش عليكى وانتى ست زيها هاا !؟ قلبك متقبضش ليه لما وافقتى تخطفيها . وزادت من شدها لشعرها وعواطف بتصرخ . وكلهم شايفين مريم كأنها بنت ال ٢٠ وعندها قوه تقتل الكل . لو حد مس بناتها . وهي أم . واي ام بتتحول لما تشوف عيالها فى خطر . او حد اذاهم .
مريم : ضميرك فين !؟ بعتى ضميرك ب (٨٠٠٠ج) وبعتى دينك ب (١٦٠٠٠ الف ج) قوليلى انتى قلبك موجعكيش وانتى بتسلميها ل ٦ رجاااله . وانهارت وضربتها بقلم تانى بقوه اكبر . وصرخت فيها بعياط .قوليلى ازاى .. ام ذيك . ترمي بنت فى وسط كلاب صعرانه . انتى جنسك ايه . لايمكن تكونى بشر . لا انتى استحاله تكوني بتحسى زينا . قلبك دا فين !؟ بنتى مصعبتش عليكى وهي متخدره جمبك وانتى واخداها للهلاك . متعبتيش نفسك . وقولتى لنفسك . ياترى امها هتحس بايه !؟. ابوها هيعيش ازاى !؟ . اخواتها عاملين ايه دلوقتي !؟ . انتى مش بنى ادمه ابداا لأ . ولا حتى حيوانه . الحيوان احن من البشر على عيالهم . كام بنت سلمتيها بايديكى لكلاب صعرانه زي كدا !؟ كام أم وجعتى قلبها !؟ . كام اب اشتريتى بنته بتمن رخيص !؟ وعلت صوتها . رررردى . كاااام بنت بعتيها . كااام بنت حاولت تدافع عن نفسها والنتيجه انها تتقتل على ايد الكلب الل عايز ينهش فيها . حتى بعد ماتموت يغتصبها عادى !؟
. كام بنت خسرت شرفها بسببك . وقتلت نفسها خوفا من العار والفضيحه !؟ كام بنت ابوها دفنها بسبب انها مغتصبه وهيتفضح .!؟ وكل ده بسببك وبسبب الل ذيك . كام حد اتأذى بسببك .
انتى ست يعنى المفروض انك تحسي بكل واحده هنشوف الرعب بسببك . طيب !!! مخوفتيش من ربنا . مش خايفه من الموت . من الحساب . وانتى واقفه يوم القيامه وتجي كل البنات الل انأذؤ بسببك وعايزين حقهم . وهياخدو . الل مخدتش حقها منك صدقينى هتدفعيه في الاخره . وتمنك جهنم وبئس المصير . وزقتها وعواطف وقعت برعب من الست الل هاجمتها . وقوتها كدا . اومال الرجاله ايه . وعواطف عرفت انها مش هتخرج من هنا غير على القبر .
مريم واقفه وبتترعش وبتنهج . والكل مزهول حرفيا من مريم .
وآدم : شاف مريم مكيس من الجزار والعدوي . واتنهد . وزعلان ل دموعها .
نور ورينو . واقفين يعيطو وراحو عند مريم . والاتنين حضنوها . كأنهم بيقول ليها . احنا فى امان طول ما انتى معانا . ورنا ورودي .
. وفريحه عيطت وحطت ايديها على بطنها وخافت على ولادها من دلوقتى . وحست برعب من البشر . ومراد شافها وراح اخد راسها على صدره ومسح دموعها . وادايق علشان مريم . وكمان اول مره فى حياته يشوفها بالعصبية دى .
طارق : كان منبهر ومبسوط .ان مريم ضربتها . وفهد : كان عايز يروح يضرب معاها .
آدم : بزعل وغضب . رررعد خدها من قدامى وارميها في المخزن . وانا جاى وراك انا وطارق وزين . على المخزن .
مراد وفهد .. فى صوت واحد . وانا هاجي معاك .
آدم : بتحذير . انا قولت طارق وزين . وبص ل فهد . انا عايز اعرف منك كل حاجه . انا اول مره مكنش عارف اوصل لحل . رينو اتخطفت . وانت الل عرفت لوحدك . ودلوقتي الست راحت الصعيد . وانت بردو بس الل عرفت . انا عايز افهم بس لما ارجع .
فهد : بلع ريقه . احم حاضر ياعمى . وبما انى مش هاجي معاك المخزن . هروح الشقه . اخد شاور واغير واجيلك . وهشرحلك كل حاجه ..
آدم هز راسه . وبص ل مراد . وقاله . اطلع نادى على زين . وقولو ابوك مستنيك فى العربيه . وكمان غير هدومك دي .
مراد : حاضر يابابا . واخد فريحه الل تعبت من التوتر . وطلع بيها . وهينادى على زين . ويطمن فريحه .
فهد : عيونه على رينو . واتنهد .ولكن لازم يرجع البيت لانه من امبارح بالشكل ده . وسلم على رنا .واطمن على مريم . واستأذن . واتحرك .
طارق : طيب يا آدم انا هستناك في العربيه بره . علشان ام مراد تاخد راحتها. وخرج .
آدم : شايف مريم زعلانه ودموعها نازله وبناتها خدوها وقعدو جمبها فى الليفنج . ورنا ورودي زعلانين .
آدم : اتحرك . ورينو اتحركت لما شافت آدم جاى علشان مريم . وآدم قعد جمبها . ومريم بصه فى الارض ودموعها نازله ولابسه النقاب . آدم مد ايدو . وفك ليها النقاب . وشاله . ورفع دقنها بايدو وكان وشها احمر . وادايق . طلع منديل ومسح دموعها . ومسد على ضهرها . واخد راسها على كتفه . حبيبتي . ممكن ترحمي نفسك وتبطلى تعيطي . مريم احنا اتكلمنا امبارح . وقولنا نشكر ربنا . لانه موجعناش فى بناتنا . ورجعو لحضننا من تانى . اهي بنتك نور . وابتسم نور قلبى وقلبك . دكتوره قد الدنيا . وزوجه لدكتور بيحترمها ومحافظ عليها .. وربنا كافأها بتيمو حبيبك . وتمارا حبيبتى . وضحك ايوه انا هقسمها انتى خدي الولاد . وانا هاخد البنات . اتفقنا .
مريم : اول ما آدم حط راسها على كتف امانها . اتنهدت براحه .. وشهقات بسيطه . ولما اتكلم رفعت عينيها وبصت ل نور وسمعت كلامه وشكرت ربنا . وبعدها ابتسمت غصب عنها . لما اتكلم على تقسيم الأحفاد .
آدم : كمل .وعندك رينو . نويتلتى . ونوتيلت قلبك . طالبة طب وامتياز مع مرتبة الشرف . والاولى على الجامعه . واهي قدامك وبخير . وفى وحضنك . هنحتاج ايه تانى . ربنا ديما معانا . و بناتنا فى حضننا . يبقى نسجد ونشكر ربنا . هو انا يامريم الل هقولك الكلام ده !؟ فين اليقين الل عندك راح فين يا اميرتى . وضحك بسيط . والكل بصله . حتى مريم رفعت عيونها ليه .
آدم : بيضحك . بس ايه يابت القوه دى . القلم نازل من مخبر مش من مريم ابدا ههههه . ايه ياجودزيلا .انبهرنا بصراحه. وحب يفك الجو . مش كدا يارينو .
رينو : ضحكت . ايوه فعلا . انا انبهرت جدا . وخصوصاً لما جابتها من شعرها . ههههههههه
نور : لا وايه . مامي لما قالت لمراد ولااا كلمه .انا قولت احلوت اوى . والاكشن هيبدا .هههه بس حلوه جودزيلا دى يابابى .
رودي : بصراحه ياطنط . حضرتك جامده .
الكل بص واتصدمو بدهشه . ورينو تنحت .
رودي : كحت . ايه ياجدعان .بصتولى فى أم الكلمه وشرقت . انا مقصدش الجمدان ده . انتى اصلا جامده من غير حاجه .
كلهم فتحو بقهم . حتى آدم ومريم .
رودي : يااادي النيله . عليا . بصو انا قصدى . ان طنط جامده . ولوحت رقبت عواطف فى أيديها . قال عواطف قال . وبصتلهم شوفتو شعرها عامل ازاى . يييع . وغمزت . شبه شعر رينو .
كلهم ضحكو على رد فعل رينو . الل وقفت مره واحده وحطت ايديها على حجابها وفتحت بقها بشهقه ودهشه . وبصت ل رودي . بشرز . والله انتى بت رخمه . انا شعرى زى شعر ( ام ٤٤) دى.. دا شعرها مكنش عايز يطلع من ايد جودزيلا . اوبس . قصدى مامى ههههه .
وكلهم ضحكو . ومريم . حطت ايديها على وشها وبتضحك . وبتتخيل شكلها وهي بتشد شعرها وايديها مش راضيه تطلع من شعرها .
آدم : شاف ضحكتها . وغصب عنه قدام الكل باس جبينها . وربت على كتفها . والتوتر قل شويه .
آدم : شاف ضحكتهم واتفاءل . وقام واستأذن ومستنى زين فى العربيه .
. وزين نزل وراح وركب من غير ما يتكلم . وكان وشه باين عليه الزعل . ولا حتى سال احنا رايحين على فين.
آدم : اتحرك بالعربيه . وبدء يتكلم . ايه يازين مفيش سلام حتى . انت مخصامني ولا ايه !؟
زين : بجديه : العفو يا بابا . انا مقدرش . ياريت متزعلش منى .
آدم : مزعلش ازاى بقى !؟ وانت متجاهل ابوك
زين : بزعل وبص من الشباك . انا متجاهلتش حضرتك . ولا اقدر اعملها . لكن انا اختصرت
آدم : ركن العربيه . وبص ل زين . اختصرت!؟
اختصرت ايه يازين . واختصرت مين . ابوك !؟ امك !؟ ولا اخواتك !؟ ايه هتختصر وتعيش لوحدك !؟
زين: اتنهد : لا يابابا . انا مش هعيش لوحدي . لكن هعيش مع نفسي . لانى ...ومكملش .
آدم : لانك اتصدمت فى ابوك مش كدا !؟
زين : ..... مش لاقى رد . وعمرو ما واجهه ابوه بالطريقه دى . بس هو مجروح . وزعلان .
آدم : اتنهد . أسمع يازين . انا عارف انك زعلان . ومش عايز تتكلم . بس انت مفكرتش . لاء . انت زعلت على طول ..
زين : بص لابوه . من حقى ازعل يابابا . من حقى . لما اشوف انى مهمش يبقى ازعل واختصر !؟
آدم : الكلمه صدمته . مهمش !!! انت يازين مهمش . ليه يبنى . انت واخواتك . بذرتى الل كبرت قدامى . وبقت فرع قوى . علشان لما اضعف اتسند عليه . ومن امتى وانت مهمش يا زين .!؟
زين : مهمش فى حقوقى مع اخواتى . لما يحصل اى مشكله . مراد يبقى دراعك اليمين .
وفهد دراعك الشمال . وبص لابوه . لما توفيق ظهر . اتصلت على طارق وفهد واخدت زياد ومراد . وانا كنت موجود في البيت . لكن محطتش في دماغى ولان الموضوع ميخصنيش . بس بردو حضرتك عودتنا انت ومريم . اننا كلنا شجره كبيره وفروعها العيله كلها . يعنى اساسنا العدوي . وحضرتك بنفسك قولتلنا من صغرنا واحنا متجميعن تقولنا يا شباب . احنا اساسنا العدوي . لكن احنا شجره كبيره . ومتفرع من عيله العدوي . عيله السيوفي وعزيز والصاوي . وذياد جمال . يعنى كلنا واحد وأخوات مش ولاد عم أو خال . وكبرنا على الأساس ده . واى مشكله تحصل .وبص قدامه وكمل بحزن . يبقى الأساس بيحرك الفروع . يا .. بابا .
آدم : بدهشه . زين . انا مش مصدق عقليتك وصلتك لحد التهميش ؟
. وكمل بعدم تصديق ..انت زين العاقل . الل مريحنى في كل حاجه . ومأمنه على كل مالى . ومالو ومال اخواته وعمته ملك . وطارق .مهمش انت زين !؟ دا انت يبنى الل دراعي اليمين مش مراد . مراد مايعرفش غير شويه هوامش فى الشركه .أو فى المصانع . ولما أكلمه يقولى زين معاك . وانا فى شغلى . وقالى انا معتمد على زين . يعنى الحمل كله عليا وعليك . انا مش مصدق !! حقيقي مش مصدق . وبصله انت ازاى وصلك الاحساس بالتهميش .!؟
زين : هيتكلم . آدم شاورله . وسكت .
آدم : اتنهد وحط ايدو على كتف زين . وقال . زين . انا لما توفيق ظهر . انا اخدت فهد ومراد بحكم شغلهم . وعندهم فنون قتاليه عاليه . وزياد كان موجود معايا . وعرض عليا وجه . انا سبتك فى البيت مع امك والبنات . لانك راجل ويعتمد عليك . وبكون مطمن عليهم فى وجودك . ولما مراد كلمنى امبارح وسأل على رينو. انا متكلمتش قدامكم . انت كنت شايف حالت مريم ازاى !؟ وغير كدا انا مكنتش متاكد من اى حاجه ولا عارفين هي فين . ولازم انت تكون موجود في البيت . مينفعش كلنا نخرج فى طريق منعرفش نهايته ايه !؟ هنرجع ولا لا!؟ انا مستأمنك على كل حاجه يازين . تخيل بقى انت شايل اكبر مسؤليه . وانت مهمش !!
وشال ايدو من على كتف زين . وبص قدامه . انا لما بيحصل مشكله في اى شحنه أو ميل . مبقولش تعالى يامراد . لاء . بقول . تعالى يازين وحل المشكله دى . تعالى يازين قولى رأيك في المشروع ده !؟ تعالى يازين شوف الوفد واتفق معاه والل تشوفه صح خد قرارك . وبصله . انت ومراد سندى وعكازى . فهد تربيتى . وابنى كمان . وزياد كان ضايع من صغره وانا اخدته ابن ليا . بس ما اخدهمش سند وعكاز يازين .
زين : باصص قدامه . وحس انه صغير اوى . وحس انه اندفع . ومش عارف يعتذر ولا يعمل ايه . وبص لابوه . بابا انا اسف . انا مكنتش شايف كل دا . بس انا زعلت . لانى اخ . واخته كانت في خطر وانا قاعد فى البيت . وابويا واخويا . مش عارف هما فين ولا فيهم ايه . غير انهم فى مشوار . بابا . انتو اغلى حاجه فى حياتى . انا الناس يتحسدنى أنى ابنك . انا بجد اسف . انا مقصدش كل دا حقيقى مقصدش . انا اندفعت بدافع اخ خايف على أخته .
آدم : ابتسم . وانت لو مكنتش زعلت . انا كنت هزعل منك . وصدقينى انا بحمد ربنا . انى بشوف حبكو لبعض . وواعدنى يازين . تفضلو سند لبعض حتى بعد ماموت ..
زين : باندفاع . بس يابابا بعد الشر عليك . وربنا يخليك لينا . ويبارك فيك ويديك طولة العمر . بابا حياتنا من غيرك ملهاش لازمه تتعاش . لو سمحت متقولش كدا تانى .
آدم : ربت على كتفه . ربنا يهديكو على بعض ديما . ومايفرق عليتنا ابدا . ياريت قبل ماتزعل من حاجه . نتناقش فيها اتفقنا ..
زين : ابتسم . يعنى انت مش زعلان منى على الكلام الل انا قولته .!؟
آدم : شغل العربيه واتحرك .. عارف اكتر حاجه مزعلانى منك ايه يازين ؛؟
زين : بلع ريقه بتوتر . خير. يابابا .
آدم : انك كسرت ازاز الترابيزه على سيد . ابن الكلب ههههه خساره ف امه
زين : ههههههههه معلش بقى ياحج . وزين باس على ايد ابوه بحب . ربنا يخليك لينا ياحج آدم .
آدم : ابتسم .ولعب فى شعر زين . حبيبى يازينى . وراحو على المخزن. ونزلو . وطارق حصلهم على هناك . ودخلو كلهم المخزن عند توفيق وسوزى . الل بيصرخو من العذاب .
آدم واقف فى النص وزين على يمينه وطارق على شماله . ووقفو قدام توفيق وسوزى .
آدم : اذيك ياتوفيق باشا .!؟
توفيق : بلهفه . ابوس رجلك ارحمنى خلاص مش قادر . ارررحمنى . ابعد الحرس بتوعك دول عنى .. ارررحمنى
آدم : طنشه . اذيك ياسوزى هانم !؟
سوزى : بتصرخ باستغاثه . اررررحمنى الله يخليك .. اللللله يخلييييك اااه روحي بتطلع منى بالبطيئ مش قااااادره .
آدم : طنشهم . وراح للحارس الل واخد طلق فى رجله وجارد واقف جمبه . اييه يا اتش اسمك ايه !؟
الحارس : بخوف . سمير . سمير ياباشا .
آدم : وقف قدام توفيق وعلا صوته قولى ياسمير . انت كنت شغال جارد عند مين!؟
سمير : بخوف اكبر . ا.انا كنت شغال عند واحد اسمه هشام ياباشا .
توفيق : انتبه لكن ممكن اسم شبيه لاسم ابنه.
آدم : نزل وقرب من وش توفيق . واتكلم بلغة شر . قولى ياسمير . اسمه ايه بالكامل . !؟
سمير : بتوتر . ا.اسمه هشام .وبلع ريقه. هشام توفيق المنصورى ياباشا .
آدم : رفع راسه وحط ايدو فى جيبه . امممم
توفيق : اتصدم . وخاف من طريقة آدم . لااا . لاااا . ابعد عن ابنى . فاهم . ابنى خط احمر يا آدم ياعدوي . ااابعد عن اااابنى .
آدم : اهدا ياتوفى . ع رأي مراد .. انا عندي ليك مفاجأة . بس قبل ما تشوفها . هقولك كلمتين . توفيق . انت تاجرت في المخدرات . وتاجرت في صحة الغلابه بشحنات اكل فاسده. وتاجرت في آثار بلدك . بلدك ياتوفيق والالماس . وغيرو . وغيرو . وبص على سوزى ده غير انك عايش مع الكلبه دى فى الحرام . يااااه . يااااه ياتوفيق . كل ده !؟ كل دي زنوب ياتوفيق . وهز راسه . انت زرعت ياتوفيق . وامبارح بس انت حصدت زرعتك . وشاور ل رعد.
ورعد جه . وفتح الفون . وجاب صور هشام . وحط الفون فى وش توفيق ..
توفيق : شاف الصور . وبيدقق لان الصوره كلها دم ومنظر مرعب .
رعد : جاب صوره تانيه . وتالته .
آدم : ابنك امبارح خطف بنتى . وقبلها ب ٤ سنين خطف بنتى الأكبر . والله اعلم هو عمل ايه تانى . وحصادك ياتوفيق . انى هقولك البقاء لله فى زرعتك .
توفيق : شهق بصدمه كبيره . هشااااااااااام . اااابناااااى . لاااااااااا. لاااااااا . انت قتلت ابببنى . وعيط بصوت عااالى هشااام .
آدم : قرب منه . توفيق . صدقنى لو كان عايش كنت قتلته . لكن قضاء الله نفذ قبل ما اخد حق بنتى . وانا مش شمتان فيك ياتوفيق لاء . اللهم لا شماته . وخصوصاً في الموت .. بس ده عقاب ربنا ليك . اشرب ياتوفيق . اشرب تمن كل واحد مات بسببك . ادمن بسببك . انتحر بسببك . اشرب تمن تربيتك الفاسده . ان ابنك كل يوم والتانى عايز يسد رغباته وبس . اشرب . والبقاء لله . وكفايه عليك كدا . ورفع راسه .
توفيق : نزل راسه . وبيعيد ذكراياته مش لاقى حاجه حلوه عملها . حتى مراته هربت من شره . وعيط بذل . وانكسار .وقال هشام . هشام ابنى عملت فى نفسك ايه .
آدم : راح عند سيد الل فاق ووشه كله دم . وبيثتغيث بصوت عالى . لانهم بيعذبوه . وعواطف . بتصوت بصوتها كله . واتنهد . ورجع عند طارق وزين. ونده ل رعد ..
رعد : اؤمرنى ياباشا .
آدم : تلم كل الكلاب دى . وتاخدهم على القسم . وهيتحولو على النيابه . ومالك الصاوي هيتكفل بالباقى ..
رعد : أوامرك ياباشا .
آدم : يلا يطارق . يلا يازين . واتحركو . والكل بيصرخ بالرحمه من آدم . بلاش السجن . وتوفيق موت ابنه كسرو حرفيا . وسوزى بتصرخ باستغاثه كبيره لانها كدا هتتعدم .
وكمان عواطف وسيد .بيصرخو بصوتهم كله .. لان فهد ومراد اخدو فونهم وعليه تسيجلات مكالمات بالاتفاقيات الل تمت في خطف بنات وأطفال كتير .
وسمير . قرر أنه يحكي كل حاجه بالظبط . ويعترف على ال٣ حرس الل معاه . وقرر أنه يتوب . لان عندو ابن ومش عايز يزرع شر . ويحصد شر . لا قرر انه هيزرع خير ويحصد خير . ومزعلش أنه رايح على القسم .وقرر أنه يدى نفسه فرصه جديده .
وال٣ جارد الل كانو عند هشام ندمو أنهم سمعوا كلام حارس ٤ ومستقبلهم كدا خلاص.
حارس ٤ اخدو عنوانه وهيبعتوه على أهله . وهيعرفوهم ايه الل حصل منه وعمل ايه علشان اتقتل .
طارق : آدم انت ليه هتبعتهم على القسم . انت قولت هنستنى على توفيق لما مالك يهدى . وغير الكلاب الل جوه . لسه ماخدوش حقهم .
آدم : اتنهد : كفايه لحد كدا يطارق . كفاية كسرة توفيق مهما كان خسر ابنه الوحيد .. وسوزي خلاص مبقاش فيها تتحمل . هما هيتحولو على النيابه . واكيد مالك هيبعتلهم وصايا . وغير كدا . هيتحكم عليهم بالاعدام .وانا تعبت من المرواغه .
أما الجاردات . هياخدو حقهم وزياده . متقلقش ..
. وفهد ومراد هيتابعو قضية توفيق وشركاه فى الفيديوهات . والفلاشه والملف . مع مراد .
وكمان . هيتابعو قضية الكلاب سيد وعواطف.
ف انا بقول كفايه كده . مش هنستفاد حاجه . لما واحد يموت فى ايدينا . مش حمل نشيل زنبه . احنا شايلين زنوبنا بالعافيه يصحبى .
طارق : والله عندك حق . الواحد زهق من ولاد الكلب دول . وانت هتعمل ايه دلوقتي .
آدم : هنطلع على البيت . ونشوف حكاية الفهد
وركبو . واتحركو .
(وبكداا الشررانتهي . ونقوله باى باى ياكوتش .)
-------------يتبع الباقى من تكملة الحلقه ٤٤
الاكثر قراءة هذا الشهر :
موعد الحلقة الجديد الساعة ( 4 م ) يوميا ان شاء الله .
الى هنا تنتهى احداث رواية جريمة عشق 3 الحلقة الخامسة ، يمكنكم اكمال باقى احداث رواية جريمة عشق 3 الحلقة السادسة أوقراءة المزيد من الروايات المكتملة فى قسم روايات كاملة .
نأمل أن تكونوا قد استمتعتم بـ رواية جريمة عشق 3 ، والى اللقاء فى حلقة قادمة بإذن الله ، لمزيد من الروايات يمكنكم متابعتنا على الموقع أو فيس بوك ، كما يمكنكم طلب رواياتكم المفضلة وسنقوم بوضعها كاملة على الموقع .