رواية عاشقان الروح الفصل الثانى | روايات يمنى الباسل

 نقدم اليوم احداث رواية عاشقان الروح الفصل الثانى من روايات يمنى الباسل . والتى تندرج تحت تصنيف روايات رومانسية ، تعد الرواية واحدة من اجمل الروايات رومانسية  والتى نالت اعجاب القراء على الموقع ، لـ قراءة احداث رواية عاشقان الروح كاملة بقلم يمني الباسل من خلال اللينك السابق ، أو تنزيل رواية عاشقان الروح pdf كاملة  من خلال موقعنا .


رواية عاشقان الروح الفصل الثانى | روايات يمنى الباسل



عاشقان الروح الفصل الثانى

الفصل الثاني
رحل بها عدى لسيارته لا يعلم ماذا يفعل آفاق على صوت انيانها تطلع لها بقلب ممزق على الحاله التى وصلت إليها وتذكر ما قاله أنها زوجته
أسأله كثير دارت فى رأسه
لماذا اطلق عليه زوجته ؟!
لماذا هى ؟!
ولما هى ؟!
ومن هى ؟!
لماذا قلبى يؤلمنى إلى هذا الحد ؟!
لما اساعده هى بذاتها ؟!
لماذا اتطلع لها وكأنها تحل لى ؟!
اتعبه عقله من كثر التفكر ورحل بها إلى قصر من قصور عائلته
وضعها على الفراش ببطئ وكأنها قطعه من الماس يخاف فقدنها وجاء ليرحل فأمسكت يده بشده بيده المرتعشه
تجمد محله لا يعلم ماذا يفعل
يمنى بانين وصوت خافت : ب.......با.....بابا ........مت....سبنيش انا خايف......ه
سا.....عدنى
عدى لا يعلم ماذا ايبقى معاها ام يرحل
العقل ولاول مره يعجز عن فهم ما يدور حوله
لكن فى النهايه لبه نداء داخله بأن يبقى معاها
وجلس جوارها يرتل لها القران بصوته العذب لعلها تهداء من رجفتها وداخله أيضا يهداء
كان يستمع لصوت بكاءها بقلب ممزق لا يعلم بان هى دائما منذ موت والدها وهى وحيده بكائها هو ونس لها على ما مرت به فحياتها عباره عن حزن وتعب ودموع ليس لها حدود
ومر اسبوع على يمنى وهى مش بتصحى ودا قلقك عدى جدا وبعت جاب دكاتره كتير وكلهم أثبتوا انى دى حاله نفسيه اكيد اتعرضت لحاجه عصبيه من زمان ودا إلى باين من الخوف والغيبوبه والعياط وضمها لنفسها بالقوة دى بس مش هانعرف ايه هى غير لما تفوق وتحكى
عدى استنتج أنه نتيجة الاعتداء الى حصلها
وعدا يومين وعدى مش بيسيبها غير لما يروح القصر يطمن على أمه واخته وساب الشغل كله على كريم
يمنى ابتدت تفوق وافتكرت الى حصل وفضلت تعيط كتير وصوتها ابتدأ يعلى وواصل لمسمع عدى ورحلها
عدى بخوف : فى ايه ايه الى حصل مالك انتى اخيرا فوقتى
يمنى برعب : انت مين وبصت حوليها وقالت أنا فين انا اية إلى جابنى هنا انا لازم امشى وتحاملت على نفسها وقامت هتمشى
عدى وقف قدامها
عدى : مينفعش انك تمشى انتى تعبانه
يمنى : ملكش دعوه انا لازم امشى انت عايز منى ايه انت كمان
عدى بيحول يتمالك غضبه : صوتك ميعلاش انا عديتهلك اول مره لكن المرادى مش هعديها
يمنى بتذاكر : هو انت تانى انت جبتنى هنا ازاى أو انا جيت هنا ازاى
عدى محبش يفكرها بالى حصل وميحرجهاش
عدى : انا بس لقيتك مغمى عليكى من اسبوع وجبتك هنا والدكتور قال اتعرضتى لحاله عصبيه بس مش اكتر ومن وقتها انتى نايمه
يمنى بتوهان : معقول اسبوع يارتنى مت وارتحت
عدى سمعها وقلبه وجعه عليها
يمنى : كتر خيرك شكرا على الى انت عملته معايا عن اذنك
عدى : استنى هتروح فين
يمنى : لازم امشى
عدى بتردد : هو مين عمل فيكى كدا
يمنى بألم : مفيش انا لازم امشى عن اذنك
عدى : انا ممكن اساعدك واجبلك حقك
يمنى ببكاء : كتر خيرك عن اذنك
ونسيت كل تعبها وجريت لانى متحملتش صوته لما قالها وافتكرتها شفقه
بس من ناحيه عدى فكان عايز يساعدها فعلا
أو يحاول يرضى ضميره
بس دا إلى كان بيحاول يقنع بيه نفسه
بس الى جوه مشاعر متلخبط مش عارف يسميها ايه
ووصلت عن الباب الرئيسي للقصر بس الحرس مناعوها
عدى: افتح الباب
مشيت يمنى مش عارفه تروح فين مشيت بروح ممزقه ودموع تغزو وجهها بغزاره
عدى مكنش عارف يعمل اية واخد عربيته ومشى وراها عدى : كل دا مشى دى بقالها اكتر من 5 ساعات ماشيه
ماشيه تايها معقوله متعبتش هى ايه حكايتها انا لازم اعرفها
يمنى وصلت الهاويه وقفت وافتكرت كل حياتها وفتكرت أنها ادبحت على ايد شخص عديم الرحمه
فى جريمه يعاقب عليها القانون والإنسانية
عدى شافها رأيحه فى اتجاه الهاويه خاف عليها ونزل علطول فضل يقرب منها لحد ما كانت هترمى نفسها
سحبها وحضنها بقوه وكانى روحه كان هتطلع فضل يحضن فيها لحد ما حس بنفسه وبعدها عنه كان اغم عليها شافها كانت عابره كان جثه هامدة فاقده للحياه على الى مرت بيه
عدى شالها ووداها العربيه وفهم قد ايه هى تعبت فى حياتها وعانت والى حصلها واليأس إلى فى ملامحها يخليها عايزة تنتحر واقسم أنه هيجبلها حقها ويعرف عنها كل حاجه
ورجعوا القصر
عدى فى مكتبه لأحمد
عدى : احمد هاتلى كل المعلومات عنها فاهمه
احمد : امرك يا عدى بيه
كريم اتصل على عدى
كريم : ايه فينك انا هموت لوحدى حرام عليك ارحمنى
عدى : هاجى بكره
كريم : فى ايه يا عدى مالك
عدى : مفيش انا كويس سلام
وقفل قبل ما يسمع ردوه
وفضل يفكر فيها كتير ولقى نفسه مسك سجاده الصلاه وصلى ركع لله الأعظم الذى له القدره على كل شىء بقوله كن فيكون دعاء الله أن ينور طريقه ويدله على معرفه ما يدور داخله
وراح يطمن عليها
عدى : عامله اية دلوقتى
الممرضه : هى كويسه بس نايمه من مفعول المهدئات
عدى : خلى بالك منها
الممرضه: حاضر
رحل ليفكر جيدا فيما خطر على باله وتنفيذه
سطعت شمس يوم جديد ملى بفرح وحزن
في مقر شركات الجارحى
كريم : نسمه ابعتلى الملفات
نسمه : حاضر ي فندم
أية وصلت الشركه
أية : كريم
كريم بتفأجا : ايه دا أية ازيك
أية : بخير الحمدلله وانت
كريم : الحمدلله ايه خلاص هتبتدى تدريب انهارده مع الجروب
أية : ايوة طبعا انا متحمسه جدا
كريم : اوك دا حاجه كويس بس انا فى شغل معرفش قرايب زيك زى اى حد ف التعامل
أية بصوت خافت : انت لو بس تعرف انك اقرب حد ليا وعايش جوايا ماكنتش قلت كدا
كريم :. بتقولى حاجه يا أية
أية : ها لا ابدا اوك وانا موافقه
كريم : طيب يالا اتفضلى عشان هنبدا
أية : اوك
حوله طاوله الاجتماعات يلتف حولها جميع الطلاب المتخرجين لتقديرات عاليه وكفاءه
كريم : انا كريم العمرى المهندس الى هيدربكم
ونظام الشغل هنا مش ف اى مكان مش هقبل باى استهتار والى هيستهان فيتفضل يمشى من دلوقتى احسن نبدا
وشرح المشروع إلى هيتعمل بطريق مبهره عجبتهم وأية سرحت ف كلامه ووقفته ومشيته وحركاته
وكريم لاحظ أنها سرحانه وناده عليه
كريم : أية فينك
ايه بخضه :ها انا اهو
كريم ماحبش يحرجه ويسألها فى حاجه من إلى قاله واكتفه بركزى معايا
ايه. : حاضر
وخلص الاجتماع وطلب من كل واحد يرسم مشروعه وهيتسلم فى مده معينه
وفعلا ابتدوا
خالد : ايه دا أية ازيك
ايه : اهلا خالد ازيك
خالد : انتى بتدربى هنا ف مجموعتى
ايه : من حسن حظى
كريم شافهم بيتكلم وغار جدا عليها كان نفسه يضربه ويبعده عنها مش عايز راجل غيره يكلمها
كريم بعصبيه : ما كل واحد يركز فى مشروعه يا استاذ انت والانسه
خالد باحراج : حاضر ي فندم
ايه زعلت ودموعه اتجمعت فى عينها ولفت تكمل تصميمها بس مكنتش مركزه
وكريم زعل من نفسه جدا أنه شاف دموع فى عنيها وافتكر أنها مش بتحب حد يزعقلها وقرر بعد ما يخلصوا يصالحها
والكل مشى بعد ما خلص المطلوب منهم
واأية هى وماشيه كريم نده عليها
كريم : أية استنى
أية من غير ما تلف
أية : نعم يا فندم
كريم : انا كريم مش فندم
ايه : احنا فى الشركه يبقى فندم
كريم : والدوم خلص يعنى تقوليلى كريم
أية : عن اذنك انا أتأخر
كريم : استنى عايز اتكلم معاكى
أية : مفيش بنا كلام
وسابته ومشيت وهو زعل من كلامها واتعصب وقرر أنه يحصلها
ولحقها هى ف الاسانسير
كريم بعصبيه : انتى ازاى تسبينى وتمشى وانا بكلمك
أية بعصبيه : انت زى اتكلمنى بالطريقه دى ياريت تلزم حدودك
كريم بعصبيه : صوتك ميعلاش عليا انا عديت الموضوع انك واقفه تتكلم مع الواد مفيش اى حترام ليا وانتى ازاى اصلا ترد علي راجل هى دى التربيه الى اهلك ربهالك
أية ضربته بالقلم
ايه : انت تخرس خلاص انا متربيه ومسمحلكش انك تتكلم عليا بالطريقه دى
كريم اتعصب جدا لدرجه انه كان هيرفع أيده عليها بس قلبه مطوعهوش وهى خبت وشها وهو وقف متصنم مكانه من صوتها ودموعها وشهقاتها ابتدوا يعلوا ودا وجعوه جدا
بس هى أهنته ورفعت أيدها عليه وكان لازم يعاقبها
كريم نجحه فى الاعاده لثباته : الى انتى عملتيه لازم تتعاقبى عليه بس مش هنا فى بيتنا
سابها ومشى وهى مش مستوعبه كلامه ورجع كمل شغله وهى روحت
عند يمنى صحيت من النوم وافتكرت إلى حصل كان لازم تنهى حياتها بس الشخص دا ازاى طلعلها تانى وانقذها تانى وقالت حتى كمان الموت كارهنى زى ما الحياه كرهانى وقالت انها لازم تمشى تشوف حياتها وتسيبها على الله وزى ما تاجى تاجى وتحاملت على نفسها ونزلت
عدى : رايحه فين
يمنى : همشى
عدى : مش لما اعرف انتى مين الاول وعايزه تنتحرى ليه عايزة تموتى كافره انتى ازاى تعملى كدا
يمنى : وتعرف ليه دى حاجه ترجعلى وياريت توفر كلمك
عدى : تمام بس انتى فى قصرى وكمان ساعدتك
يمنى : كتر خيرك تعبت نفسك بس انت الى جبتنى مش انا الى جيت
عدى : مهو انتى ماكنتيش فى وعيك
يمنى : كنت سبتنى فى مكانى وماكنتش تعبت نفسك
عدى : عايزة تنتحرى ليه
يمنى : حاجه ترجعلى
عدى : عشان الى حصل
يمنى بألم : مفيش حاجه حصل ولو سمحت انسى انك شوفتنى أو تعرفنى
عدى بغموض : موافق بس انا عايز تمن إلى قعدت بيه هنا ودكاتره
يمنى : اوك بس انا دلوقتى مش معايا اول ما اشتغل هرجعلك كل حاجه
عدى : وانا ايه الى يضملى انك ترجعلى حقى
يمنى : معنديش ضمانات
عدى : بغموض : يبقى تمضيلى على الورقه دى عشان يثبتلى حقى وانك لو هربتى اعرف الاقيكى
يمنى : اوك هاته
ومضت علطول
عدى : مش هتقريه الاول
يمنى : لا عن اذنك
مشيت ولقيت نفسها رايحه الجامعه في مكتب عبد الحميد
د عبد الحميد: ازيك يا بنتى
يمنى : الحمدلله وحضرتك
د عبد الحميد : بخير الحمدلله
يمنى باحراج : كنت طالبه من حضرتك طلب
د عبد الحميد : اتفضلى يا بنتى
يمنى : كنت عايزة شغل ومكان اعيش فيه
د عبد الحميد: شغل ايه هو انتى مستلمتيش الشغل فى شركات ادهم المنشاوى
يمنى : لا لسه مجليش قبول
د عبد الحميد : لا ازاى اهو الجواب بتاعك جه من اسبوع وانا استلمته
يمنى بفرحه : بجد يا دكتور الحمدلله يارب والله ربنا عالم بحالى
د عبد الحميد: اهو الشغل اتحل نجى للسكن فى اوضه عندى على السطوح الناس إلى فيها سبوها امبارح ايه رايك تسكنى فيها
يمنى بسعاده : طبعا يا دكتور
بس انا مامعيش فلوس ادفعها
د عبد الحميد : متقلقيش انا هكلمك الراجل وتاجى تسكنى
انا خلصت شغل يالا نروح
وراحوا العماره والراجل وافق تاخد الاوضه على ضمان دكتور عبد الحميد
د عبد الحميد: يالا يا بنتى ننزل نتغدا وتطلعى ترتاحى
يمنى بحراج : لا شكر يا دكتور بالف هنا
. عبد الحميد : يالا يا بنتى متتعبنيش انا جاى تعبان
يمنى : حاضر
ونزلوا وتعرفت على مراته وبناته
صفاء : اهلا يا بنتى والله نفسى اقابلك من زمان من كلام الحج عليكى وعن اخلاقك وادبك
يمنى : ربنا يخليكى يا طنط
ازهار : والله يا يمنى ما تشوفى بابا هو بيتكلم عليكى كانك انتى الى بنته مش احنا
يمنى :ربنا يخليك يا دكتور وربنا يعلم هو فى مكان ابويا
بيلا بمشاكسه : على فكره هو أنا موجوده بردو وبنته يعنى تتلموا وتسبلولى بابتى ليا وحضنته
يمنى بحنين : ربنا يرحمك يا بابا
مصطفى : سلام عليكم
الجميع : وعليكم السلام
مصطفى: احنا عندينا ضيوف
صفاء :لا يا بنى دى يمنى كانت طالبه عند ابوك
مصطفى : اها اهلا وسهلا
يمنى : اهلا بحضرتك
صفاء : يالا الاكل جهز
يمنى مش بتاكل وسرحانه
ازهار : مالك يا يمنى مش بتاكل ليه اكل ماما مش عاجبك ولا ايه
يمنى : لا طبعا دا جميل تسلم ايدك ي طنط
انا بس شبعت
صفاء : شبعتى ايه هو انتى اكلتى اصلا
يمنى : معلش يا طنط هو أكلى كدا
عن اذنكم أنا هطلع ارتاح شويه عشان الشغل بكره
صفاء :استنى يا بنتى البنات يطلعوا معاكى ويفرشوا الاوضه
يمنى : لا يا طنط متتعبهمش أنا مرتاح كدا
ازهار : لا تعب ولا حاجه تعالى نطلع
وطلعوا وفرشوا الاوضه
ازهار : خدى الفستان دا البسيه بكره للشغل
يمنى : لا أنا كويسه كدا هروح بيه
بيلا : تروحى ازاى يعنى بيه لازم تروحى بحاجه حلوه زيك
يمنى : حبيبتى ربنا يخليكى ليا
ونامت يمنى براحه انها هتعرف تعيش وتشتغل بدام معرفتش تموت وتموت كافره مش كافيه الى هى فيه والى وصلتله
عند أية
فضلت طول الليل تعيط وتفتكر فى كلامه واهانته
وقررت انها مش هتسكتله بعد كدا وتتعامل بحدود انه رئيسها في الشغل مش معنى انها بتحبه هتقبل منه كلامه وقررت تثبتله انها مجرد متدربه عنده يعنى مفيش مشاعر من نحيتها ونسيت اهم حاجه تاكد مشاعره نحيتها انها هتتعقاب فى بيتهم
عند كريم
خلص شغله ونزل لف بالعربيه ورجع بيته فضل يفكر في الى حصل وانه كان ممكن اتهور لما رفع ايده عليها ساعتها ماكنش هيسامح نفسه ابدا وفى اقرب وقت هيروح يطلبها من عدى عشان كان مستنى بحجته دراستها بس دلوقتى مفيش حاجه تمنعه عنها
عند عدى
من ساعت مخرجت الصبح وهو تايه مش عارف ماله حاسس بحاجه نقصاه ومش عارف الى عمله دا صح ولا غلط
ومعرفش يكمل شغله كويس ومشى وفضل يلف كتير لقى نفسه عند القصر الى هى كانت موجوده فيه ودخل الجناح الى هى كانت فيه ونام مكانها واول مره كان يحس بدفئه وغمض عينه ونام
حلم بيها مداله ايديها هو نفس الحلم متغيرش من 14 سنه واكانها حوريه نازله من السماء او جنيه طالعه من المياه جمالها ملهوش وصف شعرها الحرير وعيونها زى صفااء السماء وفستانها الابيض وملمحها الهاديه الطفوليه
ولمست ايدها وايدها الناعمه وصوتها لحن هى بتنادى اسمه
وفجأة يسمعاها بتعيط وبتستنجد بيه وتنادى يعنى بعد ما كانت مداله ايدها بقيت هى الى عايزه يمدلها ايده ليها وبتردد جمله واحده (عدى متسبنيش كفايا وجع وبعد )
صحى عدى من النوم
على صلاه الفجر نفس معاد كل يوم من 14 سنه فضل يسأل نفسه ايه الحلم دا ومن هى دى ودمعها كانت وجعه جدا
كمان دماغه تعبت من التفكير وقام اخد حمام ساقع لعل ضجيج عقله يهدأ
وصلى فرضه ونزل يجرى
عند يمنى
يمنى وهى نايمه حلمت انها ماشيه وسط ناس شر وماسكه اسلحه ومن كتر خوفها كانت بتقوى نفسها أنتوا فكرين عدى هيرحمكم رد واحد عليها اهو عدى اهو وهيموت حتى شوفى كده وفضلوا يضربوا فيه بالرصاص قدام عينها لحد ما وقع وسط دمه
يمنى بصراخ : لا عدى متسبنيش
وصحيت من النوم وهى بتنادى عليه لحد ما هديت وسألت نفسها ايه الحلم دا ومين عدى دا
وفضلت تفكر كتير جدا لحد وقت شغلها
وقامت لبست عشان تروح شغلها
عند عدى هو بيجرى سمع حد بينادى عليه ووقف وفضل يلف حوليه بس مفيش حد مع انى الصوت كان قريب جد ومهتمش ومشى راح يغير عشان يروح الشركه
هذا نداء الروح
الروح بتنادى روحها الى اتخلقت عشانها مينفعش انها تسيبها وتروح عشان ارواحهم مرتبطه بشده وانى وجودهم مع بعض مينفعش يعيشوا من غير بعض
لان الأمر لما بيتعلق بعشق الروح مفيش لا مسافات ولا بعد بتقيدهم لان قلوبهم بتحس بيهم
وعند عدى
فى طريق لمقر شركات الجارحى
شافها ماشيه ومشى وراها بالعربيه كانى لاقى حاجه نقصاه عايز يعرف هى رايحه فين واكانى كان بيتمنى يشوفها من وقت ما مشيت امبارح واتصدم جدا لما شافها داخله شركه المنشاوى وقرر يعرف هى مين فعلا بعد ما اهمل الملف الى احمد جبهوله وأنها تبع ادهم المنشاوى واتجاه لشركته
عند يمنى
ابتدت شغل فى الحسابات
وفهمت كل حاجه فى الشغل
رانيا سكرتيرة أدهم المنشاوى
رانيا : حسن ابعت الموظفه الجديدة بالورق عشان أدهم بيه يمضيه
حسن : طيب
حسن : يمنى روحى ودى الورق يتمضى الدور الى فوق علطول آخر الطرقه يمين عند استاذه رانيا
يمنى : حاضر
يمنى : صباح الخير الورق دا لأدهم بيه
رانيا : انتى بقى الموظفه الجديدة
يمنى : اة أنا فى حاجه
رانيا : لا مفيش ادخلى
في مكتب أدهم المنشاوى
يمنى : الورق حضرتك من الحسابات
ادهم بتفحص هيأتها
ادهم : انتى بقى جديده
يمنى : ايوة يا فندم
ادهم اطمن انها مش حلوه يعنى محدش هياخدها من المنافسين عشان يعرف يستغلها ضده بس اضايق جدا أنها معجبتهوش وقال مش مشكله البنات كتير المهم الشغل
ادهم : الشغل الى هنا لازم تلتزمى بيه ومحدش يعرف اى حاجة عن شغلك أهلك في البيت ميعرفوش انتى بتشتغلى ايه من اساسه مفهوم ولا تشتغل مع حد من ورايا
يمنى : انا عارفه شغلى كويس وبلتزم بيه وبحدوده ومش من حقك أنك تقولى اشتغل فى حته تانيه او لا بدام هقوم بشغلى على اكمل وجه وفى المعاده المحدد للعمل
ادهم عجبه طريق كلامها واهتمامها بشغلها وكمان الحسابات عملتها كويس
ادهم : اوك اتفضلى على شغلك
يمنى : امرك يا فندم
وبعد ما خرجت جاله تلفون
محمود أحد رجال ادهم إلى بيخلصلوا كل شغله
محمود : كل تمام يا بيه
ادهم : امنت المخازن كويس
محمود. : طبعا يا باشا
ادهم : تمام معادك الساعه 12 مع الموزعين وخلى بالك ممكن تكون متراقب
محمود : لا متخافش انا مظبط كل حاجه
ادهم : طيب روح انت وابعتلى صافى على القصر
محمود : امرك يا باشا
ادهم فضل يفكر بعد ما الشحنه تدخل البلد ازاى هيتخلص من عدى الجارحى والنسر إلى بيخربوله شغله كل مره
عند أية
أية : ماما عدى فين
كريمه : مش عارفه تلاقيه فى شغله
حتى حساه متغير بقاله كام يوم مش بياجى ورجع يقعد فى القصر لوحده ربنا يهديك يا بنى ويرضى عنك ويرضيك ويريح بالك
وانتى مرحتيش الشغل ليه
أية بارتباك : لا ابدا انا بس تعبانه انهارده
كريمه بخضه : ليه يا سلامتك مالك
ايه : ابدا يا ماما إرهاق مش اكتر أهدى
بس تعرفى انا نفسى فى البيتزا الى بتعمليها
كريمه : عينيا وهعمل لعدى الكب كيك بالتوت الى بيحبه وكمان كريم بالفراوله
وكانى فكرتها بإلى حاولت تنسى هى ايوة زعلت من كلامه وطريقه بس هو وحشها ونفسها تشوفه بس هتعامله بحدود
أية : طيب يالا هساعدك تعمليهم
كريمه بسخريه : ياااه اخيرا يا بنتى هتدخلى معايا المطبخ
أية : ايوة يا ماما عشان تعدى الجمايل
كريمه : جمايل ايه يا هبله انتى دا انتى هتفضحينى يوم ما تتجوزى قال جمايل قال
أية : ليه بس يا ماما دا انا بعرف اعمل شويه مكرونه وبانيه ايه حكايه انتى نسيتى ولا ايه
كريمه : مكرونه وبانيه ربنا يكون فى عون إلى هياخدك
أية : ايه يا ماما هو انتى عايزة تخلصى منى ولا ايه
كريمه : اخلص منك دا هزعل وابقى لوحدى يوما ما تتجوزى مش شايف عدى مشغول فى شغله ومش بشوفه يعنى هكون لوحدى
أية وهى بتحضنها : يا حبيبتى يا ماما انا عمرى مهاسيبك هجيب جوزى وهناجى نقعد عندك لحد ما تزهقى وتطردينا وعدى هيتجوز مش هيقعد عازب كدا هو بس يوم ما تاجى البنت إلى تستاهله ودا كل مكتوب يعنى نصبر شويه يا ماما
كريمه : عارفه يا بنتى ربنا يهنيكى ويفرحك ويبعت بنت الحلال إلى تريحه ويرتاح يا قادر يا كريم
أية : يارب يا ماما
عند عدى فى مكتبه دخل عليه كريم
كريم : عايز اتكلم معاك فى حاجه مهم
عدى باهتمام : ها أي هى
كريم بيجمع الكلام بصعوبه : بصراحه أنا قررت اتجوز
عدى :بجد مبروك هى مين عشان نخطبهالك
كريم : أية الجارحى
عدى فرح جدا انى ربنا بعت لاخته شخص كويس ومحترم وعارف ربنا وهيتقى الله فيها ويعملها بما يرضى الله
عدى بهزار :طيب هبقى اسأل عليك وارد عليك
كريم فهم انى عدى مش موافق : عن اذنك عندى شغلى
عدى : هسألها اما اروح بليل وارد عليك مهو مينفعش منخدش راي العروسه يا عريس
كريم بعد تصديق : انت بتتكلم بجد
وحضن عدى اوى: ايوة بقى يا ابو نسب
عدى : لسه موفقتش استنى
كريم : خير بأذن الله
عدى : إن شاء الله
كريم :طيب انا هروح اكمل شغل بقى ومشى
عدى بفرحه : ربنا يهنيك يا صحبى
وفتكر الملف بتاع البنت
وفتحه وقرأه
عدى : يمنى محمد الامير يتيمه 22 سنه حاصله على بكالوريوس تجاره امها هاله وأخوها يوسف هى إلى بتشتغل وبتصرف على البيت وأخوها طردها من فتره عشان هى اطردت من شغلها وفضلت عن صحبتها ياسمين واخوها محمد واختفت مره وحده وحدش يعرف عنها حاجه
مزق الملف بعنف وغضب بعد ما عرف مين إلى عمل فيه كدا
وتأكد أنها ملهاش علاقه بادهم المنشاوى غير شغل وبس
عدى بغموض : كل واحد لازم ياخد جزائه ويتعاقب
وخرج ورجع للقصر
عدى مقبلا يدى والدته : ازيك يا امى
كريمه : اهلا يا حبيبى يالا غير هدومك وتعالى عشان تتغدا
عدى : لا يا امى محتاج انام بعدين اكل
وسابها وطلع جناحه
كريمه : طيب اعمل حسابك عشان هعزم كريم على العشاء النهارده
عدى : حاضر يا امى
كريمه بعد ما اختفه من قدمها : لو بس اعرف مهموم ليه يا بنى
عند عدى فى جناحه بعد ما غير ههدومه جاله تلفون غامض
المتصل : المعاد اتحدد هتوصل بعد اسبوع
عدى : أمنت كل حاجه
المتصل : كل تمام
عدى : نقابلهم بعد اسبوع
المتصل : اوك هنستناك فى معادنا إلى اتفقنا عليه
وبعد ما خلص المكالمه رجع يفكر فى الى هيحصل بعد اسبوع لحد ما نام
فى مبنى الخاص بتدريبات الجيش
عند مصطفى وعبد الرحمن
بعد ما خلصوا تدريبهم
عبدالرحمن : النسر بدام دخل في الموضوع يبقى خلاص قول عليهم يارحمان يارحيم
مصطفى : فعلا آخر مهمه مرحمش الشبكه الى اتقبض عليها
عبد الرحمن : مش عارف اللؤاء خالد مش عايز يظهروا لحد انهارده ليه احنا الى صحابه مش عارفين
اللؤاء خالد : أنا هقولك
قاموا واقفوا احتراما لي بالتحيه
اللؤاء خالد : النسر يعرف رجال أعمال كتير بيشتغلوا فى أعمال غير مشروعه منها المخدرات وغسيل الاموال وبيع الفتيات
دا بحكم شغله هو بيساعدنا بداه واحنا قبلنا انه يكون من رجلتنا ودا المقابل بس مش جاسوس لينا لا كفرد من الجيش
يالا القضيه دى لازم تتقفل فى أقرب وقت
عبد الرحمن : شمعنا احنا الثلاثه
اللؤاء خالد : عشان أنتوا بتكملوا بعض اظن انت فهمنى
عبد الرحمن ومصطفى امرك يا فندم
اللؤاء خالد : يالا على الاجتماع
فى غرفه الاجتماعات
عبدالرحمن : هى ملك لسه مجاتش هنتعقب المكان ازاى
مصطفى : مين ملك دى
ملك : انا ملك العمرى اكبر هاكر يخترق اى موقع فى الشرق الأوسط
اللؤاء : ازيك يا ملك
ملك : اهلا يا خالو قصدى يا فندم
مصطفى بهمس لعبد الرحمن : الواد دا والبنت دى شغاله معانا
عبد الرحمن : ايوة واسكت بقى
ملك : انا قدرت احدد مكانهم اهو العنوان هيجتمعوا الساعه 12
عبدالرحمن: مصطفى دا مش عنوان الشارع إلى انت ساكن فيه
مصطفى : اة هو
اللؤاء خالد : طيب جهزوا نفسيكم بقى وبعتوا الموقع للنسر
عبد الرحمن ومصطفى : امرك يا فندم
عبد الرحمن : بعتله رساله اهو
اللؤاء خالد : ربنا معاكم



موعد الحلقة الجديدة الساعة  6 م  يوميا ان شاء الله .

هنا تنتهى احداث رواية عاشقان الروح الفصل الثانى  ، يمكنكم قراءة احداث رواية عاشقان الفصل الثالث أوقراءة المزيد من الروايات المكتملة فى قسم روايات كاملة .

نأمل أن تكونوا قد استمتعتم بـ رواية عاشقان الروح ، والى اللقاء فى حلقة قادمة بإذن الله ، لمزيد من الروايات يمكنكم متابعتنا على الموقع أو فيس بوك ، كما يمكنكم طلب رواياتكم المفضلة وسنقوم بوضعها كاملة على الموقع .
تعليقات



حجم الخط
+
16
-
تباعد السطور
+
2
-