رواية جريمة عشق 3 الحلقة السابعة والاربعون 47 ( عشق الفهد ) روايات مريم نصار

نقدم اليوم احداث رواية جريمة عشق 3 الحلقة 47  من روايات مريم نصار . والتى تندرج تحت تصنيف روايات رومانسية ، تعد الرواية  واحدة من اجمل الروايات رومانسية  والتى نالت اعجاب القراء على الموقع ، لـ قراءة احداث رواية جريمة عشق 3 كاملة بقلم مريم نصار من خلال اللينك السابق ، أو تنزيل رواية جريمة عشق 3 pdf كاملة  من خلال موقعنا .


رواية جريمة عشق 3 الحلقة 47 ( عشق الفهد ) بقلم مريم نصار



جريمة عشق 3 الفصل 47

٢٥
رواية جريمة عشق٣
(عشق الفهد)
بسم الله نبدأ

أكرم : . شاف.دم بينقط ع ارض اليخت ايه الدم ده يامراد .!!؟
مراد : عينيه بتغيب ووقع ع الأرض .
اكرم : برعب ..مراااااد . مراااد ونزل على الأرض جمبه بخوف. مرراااد رد عليااااااا ورفع راسه ع رجله . ورفع التيشرت بسرعه . وشاف مراد متصاب ف جمبه وكمان ف كتفه . ونده بصوت عالى جدا ع الفريق بسرعه . ونقلو مراد ع الطياره . ونيموه جمب فهد . وهيعملو الاسعافات الاوليه . لحد ما يوصلو مصر . واكرم ركب معاهم . بقلق . والطياره اتحركت بسرعه . وقدامهم ساعتين ع مايوصلو .وفرق التوقيت ساعه ..
اكرم : سأل الدكتور . مراد كويس . هيستحمل هو فهد ساعتين .؟
الدكتور : بزعل . والله انا هعمل كل الإسعافات الأولية المطلوبه . الرائد مراد واخد رصاصه تحت الضلع مباشرة . وطلقه ف كتفه . وهسيطر ع الوضع إن شاء الله . أما الرائد فهد انا لحد دلوقتي مسيطر على الوضع لكن الخوف كله من الرصاصه الل ف راسه .هي الحمدلله جت افقيه .ولكن اخترقت الجمجمه ااقل من الميليمتر. القلق كله من التأخير ولو الرصاصه اتحركت ولمست المخ . ده ممكن يأثر عليه . وربنا يستر وميدخلش ف غيبوبه . وسيادتك عارف انهم هنا ف خطر كبير ومينفعش نروح ع اي مستشفى هنا . ولازم نرجع ع مصر ..
اكرم : بيسمع وخايف جدا وبص ع مراد وفهد ونايمين جمب بعض وفاقدين الوعي والفريق الطبى بيركبو اكسجين لفهد ومراد . وهز راسه بخوف حقيقى . ربنا يستر .. ربنا يستر .

----------------------بقلمى Mariem Nasar
بعد فتره .

زين : قاعد جمب نور . لانها ف وقت إصابة مراد . قلبها دق بسرعه كبيره جدا وقامت وقفت مره واحده . لأن نفسها كان هيقف . وحطت أيدها ع قلبها . وبدءت تنهج ..
وزين : راحلها بسرعه وسندها وقعدها وقعد جمبها . وغاده جابت كوباية ميا وزين اخدها منها وشرب نور بالعافيه . ونور قالتله انا قلبى مقبوض اوى يازين . وزين قالها تلاقيكى بس زعلانه ع رينو . وحاول يهديها . وبعد شويه . بيسالها .
زين : ها يانور احسن دلوقتي ياحبيبتي !؟
نور : هزت راسها . الحمد لله احسن وربنا يستر
زين : باس راسها . متقلقيش رينو هتبقى زي الفل . انتى عارفه أن فهد مسافر اكتر من شهرين يعنى مسافر قبل الترم مايبدء وخلاص الامتحانات قربت . ومتصلش ع رينو الفتره دى . واكيد ده مأثر ع رينو . إن شاء الله هتفوق وهتبقى كويسه . وبعدين ما انتى عارفه الحمل بقى . اهدى كدا وكل حاجه هتبقى تمام .
نور : هزت راسها . الله المستعان يارب . ربنا معاها و يقومها بالسلامه ..
زين : بيمسد ع حجابها اهدى ياروحي .
رينو : بدءت تفوق . وكانت هاديه نوعا ما من المهدئ وهمست . فهد . فهد .
وانتبهو ع همسها . وقامو . نور قعدت ع طرف السرير . وزين قعد ع الكرسي جمبها . وغاده واقفه فى الاتجاه التانى .
نور : مسكت أيدها . حبيبتى رينو انتى كويسه!؟
زين : رينو . فوقى ياحبيبتى . انا زين اخوكي.
رينو : بنفس الهمس فهد . حبيبى فهد ..
نور : بدموع . ربنا يرجعهولك بالسلامه يارب هو ومراد .
رينو : فتحت عينيها . ودمعه نزلت من الجمب فهد .
زين : بزعل حقيقي . مسد ع شعرها .رينو . رينو فوقى ياحبيبتى فهد إن شاء الله هيرجع هو ومراد . وهيرخمو علينا من تانى .
رينو : بصت ل زين . ونور وغاده . وافتكرت المدرج . وجسمها اتشد .
زين : اهدى كل حاجه تمام . انا روحت الجامعه علشان اوصلك للبيت بس بقى أغمي عليكى من قلة الاكل بتاعتك . انتى لازم تهتمى بنفسك شويه اوكي .
نور : ابتسمت بتكليف . ولازم تتغذى علشان خاطر ابنك . مش لازم يتأثر هو مالوش زنب ياحبيبتى . الدكتوره كتبتلك ع فيتامينات . ومحمد جابها . ولازم تاخديها ف الميعاد . وقالت اول ماتفوق . تاخد كبسوله من ده . ومسكت الشريط . قومها يازين علشان تاخد العلاج .
زين : حاضر يستى . واحنا عندنا كام رينو يعنى .. وعدلها .
رينو : سمعاهم لكن فكرها كله مابين الل حصل ف المدرج وكمان صورة فهد قدامها . وقلبها مش مرتاح . واتعدلت .
نور : يلا ياحبيبتي بسم الله . وحطت الكبسوله . وشربتها ميا .
غاده : حمدالله ع سلامتك يالارين . خضيتينا عليكي . وحبت تفكها . بقى يطلع اسم الدلع بتاعك رينو . وانا معرفش. ليكى عليا ف الرايحه والجايه رينو من هنا ورايح اشمعنى انا يعنى . وابتسمو
رينو : هزت راسها . بتوهان . الله يسلمك.
زين : فونه رن . وكان آدم. وبص ل نور . بابا بيتصل .
نور : رد عليه . وقوله عادي لأن الحجات دي بتحصل ..
زين : هز راسه ورد . السلام عليكم ياحج .
آدم : بصوت جمهورى .وعليكم السلام . ايه يازين انت فين!؟. كل ده بتوصل رينو ع البيت . وكمان مريم قالتلى أن رينو وزين لسه موصلوش . ورعد قالى انك ف مشوار مهم . ف ايه !؟ ومروحتش اختك لحد دلوقتي ليه؟
زين : قام بتوتر. بصراحه يابابا . انا روحت الجامعه اجيب رينو . لكن هي داخت شويه وجبتها على المستشفى .
آدم : قام وقف بقلق . اييه!!! بنتى ف المستشفى ومتعرفنيش . رينو مالها يازين !!؟
زين :اهدا ياحج . رينو فاقت وزي الفل اهي . هي بس داخت من قلة الاكل .
آدم : انا جاي حالا ..
زين : لا لالا يابابا . رينو فاقت وزي الفل . وانا هاخدها دلوقتي ونرجع على البيت . صدقنى هي كويسه .
آدم : خليها تكلمنى
زين : حاضر يابابا . وراح ليها . رينو بابا قلقان عليكي خدي طمنيه عليكى .
رينو : اخدت الفون بدموع . بابي .
آدم : حبيبت ابوكي . مالك ياروحي . تعبانه اجيلك ؟.
رينو : انا كويسه يا بابي . بس دوخت شويه زي ما ابيه زين قال لحضرتك .
آدم : غمض عينيه واتنهد. صوتك مش عاجبني يارينو . مالك ياحبيبتي بس !؟.
رينو : عيطت . انا عايزه اطمن ع فهد يابابى . قلبى مشغول عليه اوي . ارجوك يابابى ارجوك لو ف اي طريقه تطمنى عليه .!؟
آدم : بزعل حقيقي . حاضر ياحبيبتي انا هتكلم مع عمك طارق حالا . ونشوف طريقه ونطمن ع مراد وفهد .
رينو : مسحت دموعها . بجد . بجد يابابى؟
آدم : بجد ياروح بابى . انتى بس فوقى لنفسك كدا . خلاص امتحانك قرب .
رينو : هزت راسها . حاضر . حاضر يابابى .
آدم : انا هقفل دلوقتي . وهرجع ع البيت . تكونى وصلتى انتى وزين بالسلامه . وقفلو.
نور : ساعدت رينو ف لبس الحجاب والنقاب . ومحمد دخل اطمن عليها . وفكها شويه .
غاده : قامت . طيب يالارين ياحبيبتى الحمد لله انى اطمنت عليكى . ريحي انتى يومين كدا ف البيت وانا هنقلك كل المحاضرات .وان شاله اجبهالك لحد عندك . وسلمت عليها .
رينو : ميرسي جدا ياغاده ..تعبتك معايا .
غاده : تعبتينى ف ايه يعنى . انا معملتش حاجه . ويلا ربنا يعوض عليا ف ساندوتش البرجر . كان سخن وحراق يلا بكره بقى إن شاء الله . ههههه
رينو : ابتسمت بتكليف . وجواها قلقان .
زين : انسه غاده رايحه فين .؟
غاده : بحرج . احم هروح انا بقى .الساعه عدت 4 واهلى اتصلو عليا ومش عايزه أتأخر اكتر من كده .
زين : طيب خليكى هوصلك انا ورينو الاول لحد البيت .
غاده : بتوتر . لا لا متشكره جدا لحضرتك . انا هركب تاكسي .
نور : حبيبتي . مينفعش الل انتى بتقوليه ده . وبعدين مايصحش تكونى صحبة رينو وتمشي كدا وكفايه انك اتاخرتى بسببنا . زين هيوصلك .وكمان رينو هتكون معاكي . ولو بتحبى رينو مترفضيش .
غاده : ابتسمت بحرج . ربنا يعلم لارين اختى التانيه . خلاص زي ماتحبو .
زين : قام وسلم ع محمد و نور . وسند رينو . وخرجو . وركبو العربيه ..
زين : سايق . وبعد شويه ركن العربيه . وبص ل رينو . وقالها رينو ممكن اعرف ايه الل حصل ف الجامعه بالظبط !؟ انا لحد دلوقتي متلخبط ومش فاهم حاجه . وكمان الكلب ده كان متعور ف رجله ووشه وانتى كان معاكي سلاح وجرحتيه بالطريقه دي . طيب ازاى ممكن اعرف !؟ وحاولى تهدى وانتى بتحكى . ولو حاسه انك هتتعبى بلاش تقولى حاجه دلوقتي ..
رينو : بدموع . افتكرت كل حاجه . وهزت راسها ل زين . لأ انا هاقولك ع كل الل حصل. واخدت نفس عميق .. ودموعها نزلت .وحكتله على كل حاجه . وقالتله إنه قالها هصورك وصورك دي هبعتها ل اعز اتنين ع قلبه . وخافت من تانى ..
زين : بيسمعها واتغاظ .واتنرفز جدا . وقال بصوت مسموع . اعز اتنين عنده. وهو مخابرات . يبقى اكيد يقصد مراد وفهد . وكشر عينيه وبص قدامه. ومخنوق .
غاده : بتسمع ومزهوله . من قوة رينو وشجاعتها ..
وزين : رجع بص ل رينو . وشافها منزله راسها ودموعها بتنزل . زين اخد راسها على كتفه . وباس راسها اهدى ياحبيبتي . وحب يفكها . وبعدين انا كملت ع امه مع انتى علمتى عليه ههههه . بس ايه يابت يارينو ده . لأ بجد انا مبهور بيكي . وسيبانا يعم نوصلك ليل ونهار . طيب ما انتى قادره تحمي نفسك اهو . لأ وايه ع السكين واكسر ههههه . وباس راسها تانى . فوقى بقى كدا . وانسى الل حصل الواد ده خلاص اتقبض عليه يعنى استحاله يتعرض ليكي تانى وانا بوعدك بده وشغل العربيه وساق ووصل غاده لحد بيتها . وراجع ع الفيلا .

آدم وصل الفيلا . ودخل . السلام عليكم .
مريم : قاعده قلبها مقبوض . وشافت آدم . وقامت بتوهان وقلق . وعليك السلام . وسلمت عليه لكن من غير الابتسامه المعتاده.
آدم : شافها متوتره . وقال اكيد علشان رينو اتاخرت .وباس جبينها . حبيبتي عامله ايه يا روحي !؟
مريم : هزت راسها ..ا.انا كويسه الحمد لله .
آدم : اخدها وقعد جمبها ف الليفنج . وبصلها وقالها . قلقانه!؟
مريم : بصت ف عينيه . مش عارفه . شعور مختلف غير كل مره . حاسه اني وبصت للأرض...وسكتت وبصتله تانى مش عارفه . مش عارفه انا حاسه بايه .
آدم : حط ايدو ع شعرها . اطمنى رينو كويسه وبخير. وانا طمنتك عليها . وهي مع زين ف الطريق . يبقى ايه لزمته القلق ده بس !؟
مريم : غمضت عينيها .وهزت راسها .. يااارب يااارب اجعل لنا الخير حيث كان . اللهم انى اعوذ بك من الهم والحزن . واتنهدت بحيره .

زين : داخل الفيلا وساند رينو . وقعدها بين آدم و مريم . السلام عليكم.
آدم ومريم . وعليك السلام .
مريم : فتحت دراعها واخدت رينو ف حضنها. سلامتك يا نور عيني . سلامتك ياحبيبتى.
رينو : مغمضه عينيها . الله يسلمك يامامي . انا كويسه يا حبيبتي ..
آدم : أخدها من حضن مريم . ودخلها في حضنه . الحمدلله ياروحي انك كويسه . ومن هنا ورايح مفيش حاجه اسمها ماليش نفس للاكل . في حاضر ونسمع الكلام تمام ولا ايه!؟
رينو : حضنت آدم واتنهدت براحه . حاضر يابابى . الل تشوفه حضرتك .
زين : قاعد . ولاحظ شرود مريم . وقعد جنبها وسلم عليها . مريوم انتى كويسه !!؟
مريم : بغصه في قلبها . هاا !!؟ ااء ااه ايوه انا الحمدلله ياحبيبى . حمدالله ع سلامتك .
آدم وزين . شافو ملامحها متغيره وعابسه . وآدم قال جواه ربنا يستر يامريم انا مبتفائلش باحساسك وتغييرك ده .
وبعدها . فريحه نزلت . ومخنوقه جدا من الصبح . وريتال نزلت . والكل قعد ع الغدا .
آدم : اهتم ب رينو . وأكلها غصب عنها . وكمان اكل مريم . وتعبته لانها مكانتش عايزه تتغدي ..
مريم : قامت . خلاص يا آدم انا شبعت .
آدم : حبيبتي انتى مااكلتيش حاجه .
مريم : انا عايزه اتوضي وأقرأ قرآن . حاسه اني محتاجه أقرأ القرآن .
آدم : هز راسه . اتفضلى ياحبيبتي . اطلعي وانا شويه وهحصلك .
مريم : قلبها بيدق بسرعه كبيره . ومش قادره تنظم أنفاسها وحاسه أن روحها رايحه. وطلعت بسرعه علشان تغذي روحها بالقرآن . بيطمنها .
زين : خلص اكل . ريتال .
ريتال : نعم يازينو !؟
زين : بعد اذنك ياحبيبتى .. خدى رينو وساعديها لحد اوضتها . وشوفى لو محتاجه حاجه تساعديها فيها ممكن !؟
ريتال : ابتسمت . انت بتستاذنى يازين . مش هرد عليك . وقامت . وساندت رينو . وطلعت بيها ..
آدم : شاف فريحه . بتلعب بالمعقله ف الطبق . ويتمثل انها بتاكل .واتنهد . وقام وقعد جنبها . مالك بافريحه !؟
فريحه : انتبهت . هاا !! بتقول حاجه يابابا !؟
آدم : مسد ع حجابها . بقولك هيرجع . إن شاء الله هيرجع ! ربنا عارف قد ايه مراد وفهد وجودهم مهم ف حياتنا . وعارف احنا تعبنا قد ايه . وعارف كمان مراد وفهد بيتعبو قد ايه . علشان كده ربنا هيقف معاهم وينصرهم وهيرجعو بالسلامه .
فريحه : بدموع . يارب . يارب يابابا . انا انهردا طول الوقت مخنوقه . واي حاجه ف ايدى تقع منى وشارده غصب عني .
آدم : طبطب ع كتفها . لما تحسي انك مخنوقه . اعملى زي مريم .اطلعي اتوضي وأقرأي قرآن .صلى اسجدي فضفضي . ادعي غيرى القدر بالدعاء . قومي ياحبيبتى.
فريحه : هزت راسها . واتنهدت بأريحيه . ربنا يخليك لينا يابابا . وقامت انا فعلا محتاجه افضفض لله .. بعد اذنكو وطلعت ..
آدم : بص ل زين . وانت مالك بقى محتار كدا ليه !؟ وطول ما احنا بنتغدي عينيك عليا وع رينو . ولما ابصلك تنزل عينيك بسرعه ف ايه!؟
زين : اخد نفس عميق . ونفخ بتعب . انا فعلا محتار . وعايز اقول لحضرتك كل الل حصل انهردا . ممكن نتكلم ف المكتب بعد اذن حضرتك !؟
آدم : بعدم فهم حيرة زين .. قام تعالى وراحو ع المكتب . وآدم قعد . وزين قعد قصاده .
آدم : ها ! ايه الل حصل انهردا !؟
زين : انهارده لما رينو اتصلت عليا . وروحت اجيبها من الجامعه . وانا داخل بالعربيه --------

----------------------بقلمى Mariem Nasar

الساعه ٦ بتوقيت مصر ف المستشفى العسكري .

الطياره . وصلت المطار من نص ساعه واكتر . والاسعاف المجهز كان ف انتظار مراد وفهد . ونقلوهم ف الاسعاف . بسرعه لكن بحذر شديد وخصوصا فهد . والاسعاف طلع بسرعة البرق ع مستشفى تبع الجيش المصري . والدكاتره كانت ع علم وكانو مجهزين كل حاجه ف العمليات ومنتظرين الحالتين . واول ما وصلو نقلو فهد ومراد كل واحد ع غرفة العمليات المجهزه وبدؤا ف اجراء العمليه .

ف نفس الوقت . اكرم نزل من الطياره والحزن واضح عليه.ومعاه شنطة مراد وفهد .والتاج والميكروفيلم. .وكمان عميل 2 شايل جيسيكا . ومعاهم البنت الظابط الل كانت مع مراد . وركبو عربيه تبع الجيش واتحركو ع الجهاز يسلمو كل حاجه .ووصلو .
اكرم : نزل وساب باب العربيه مفتوح ومتكلمش كلمه واحده مع عميل 2 . ودخل الجهاز وماشي والكل بيبص عليه وفيه الل بينادي عليه علشان يطمن عليه وع مراد وفهد. لكن اكرم مردش ع حد . وخبط ودخل ع مدير الجهاز . وادى التحيه تمام يافندم ..
المدير : قام بحزن كبير . واتنهد بزعل . حمدالله ع السلامه يابطل .
عميل 2 : واسمه حسن .. خبط ودخل . تمام يافندم
اكرم : بص ع حسن بغيظ .. وقال .. مش انا البطل يافندم . البطل الحقيقي الرائد مراد العدوي والرائد فهد السيوفى . الل ضحو بحياتهم ومهتموش بأي حاجه تانيه .
المدير : هز راسه . من غير متقول يا اكرم . مراد وفهد عندهم الاخلاص والوفاء بالعهد رقم واحد ف حياتهم . وإن شاء الله ربنا يطمنا عليهم . انا حقيقي حزين جدا عليهم .
اكرم : قدم خطوه .وحط التاج والميكروفيلم ع المكتب بااحترام . ورجع تانى . وبص للمدير كان ممكن ننقذ الموقف يافندم ومكنش هيحصل كل ده !
المدير : بدهشه ازااى !؟ انت بتقول ايه يا اكرم !؟.
حسن : قبل ما اكرم يتكلم . احم أبدا يافندم الرائد اكرم متأثر نفسيا بالل حصل للرائد مراد وفهد .
اكرم : بغيظ . بص لحسن . انا فعلا متأثر لل حصلهم وأنهم بيصارعو الموت. وخصوصاً بسبب حضرتك . وانا اسف لتجاوزي .بس دي الحقيقه .
المدير : بص ليهم ومش فاهم حاجه . وقال بصوت عالى . أنا عايز افهم ايه الل انا سمعته ده . انتو الل 5 كنتو ف ايطاليا . مراد وفهد واكرم مع بعض للميكروفيلم . وسمير وحسن كانو مع بعض للتاج الملكي.
اكرم : تمام يافندم . انا هشرح لحضرتك المقدم حسن اتسبب ف ايه !
حسن : صك ع اسنانه وسكت لانه مايقصدش الل حصل وكان خايف ع مراد بعد خساره فهد .
المدير : قعد . اتكلم يا اكرم سامعك .
اكرم : الل حصل يافندم . إن مراد رسم خطه ومشينا عليها وعند حضرتك علم بيها . وكمان هناخد الاشاره من المقدم حسن للهجوم أو انا أو مراد ف المصلحه العامه . المقدم سمير اخد نص القوه ع الشاطئ من الاتجاه التانى علشان لو كانت الخطه ( أ ) فشلت .
. والرائد فهد قام ب اكبر جزء من الخطه .
.وده طبعا بجهود الرائد مراد .
.وفهد كان ع اليخت لوحده وفجاءه سمعنا ضرب نار ع اليخت .
. ومراد بسرعه اتحرك علشان نهجم وننقذ الرائد فهد . لأن زى ما سيادتك عارف اهم حاجه رجالتنا ترجع بخير حتى لو المهمه ماتمتش .
.لكن المقدم حسن أصدر أمر أن مفيش حد من القوه يتحرك . واجبر الرائد مراد بعدم الهجوم . وده اخد من وقت الرائد فهد وهو لوحدو ف وسط اكتر من 20 حرس خاص ومسلحين .
.والرائد مراد رفض الأمر . وراح يأدي واجبه . وانقذ مايمكن إنقاذه .
.مراد يافندم . فجر يخت جيسيكا قبل مايضربو فهد غدر ف ضهرو . وقتل اكتر من 10 مسلحين داخلين الشاطئ بأمر من جيسيكا .
. وفهد قتل كل الحرس الل ع اليخت .
. وانا طلبت من المقدم حسن الاذن أنى اتحرك بالقوه . لكن قال استنى لما نشوف مراد هيعمل ايه . وانا ماستنتش وبعت اشاره لمراد وطلبنا القوه .والظابط رغد كانت بتصور الل حصل تقدر تتأكد من كلامى..
. وبعدها المقدم حسن حس بالزنب واتحرك وبدء يقتل ف مسلحين مجهولين جم من خلف مراد وفهد . لكن كان فات الاوان يافندم . لأن زي ما وصل لحضرتك جيسيكا ضربت نار عشوائي وصابت فهد ف راسه وكتفه قرب الرقبه .
.وهربت بالميكروفيلم ف لانش. ومراد نط ف البحر ولحقها باللانش . ولما مراد رجع . سلمنا جيسيكا . والميكروفيلم ووقع فاقد للوعي .
. وبعدها اكتشفت أن مراد مصاب ف جمبه وكتفه . وكل ده حصل بسبب أن المقدم حسن أتأخر ف اصدار الأمر بالهجوم . ومسك مراد وعطله ورفض انه يهجم .
.ولو كنا سمعنا كلام مراد . وهجمنا كلنا . كان فهد ومراد دلوقتي ف امان .ومحدش فيهم بيصارع الموت .
المدير : بيسمع بزهول . وقام من مكانه . وبص ل حسن . وزعق الل قاله اكرم ده حصل ياسيادة المقدم !!؟
حسن : اتنهد بزعل من نفسه . ونزل راسه ف الارض . تمام يافندم . هو حصل لكن مش بالصوره دي . انا يافندم لما سمعت ضرب نار ع اليخت . وانهم عدد كبير . قولت اكيد أن الرائد فهد اتكشف . واكيد هيصفوه . ولما الرائد مراد اتحرك .وانا فعلا وقفته بسرعه لانى اقسم بالله يافندم انا كنت خايف عليه .انا عارف ان مراد وفهد تجمعهم صلة قرابه . وخوفت ع مراد لما يشوف فهد يغضب ويرتكب اى غلط ويصفوه . صدقنى يافندم انا نيتى كانت خير . انا قولت هنتستنى شويه لحد ما جيسيكا تتطمن أن مفيش حد مع فهد ونهجم بعدها ..
المدير : بزهول اكبر . انا لو مش عارفك كويس ياحسن انا كنت قولت انك اكيد قاصد ده . ومن امتى بنسيب اى حد من رجالتنا كدا ولوحدو . انت خيبت املى فيك . واكيد انت هتتحول للتحقيق . ولكن لما مراد وفهد يقومو بالسلامه . واشوف مراد هيغفرلك ولا لا . انت غلطت غلط كبير جدا ياحسن .
.وانت فعلا زي ما اكرم قال لو كنتو سمعتو كلام مراد ونفذتوه كان فهد ومراد رجعو ب أمان .. اتفضل ياسيادة المقدم .
حسن : بزعل . انا متأكد أن الرائد مراد هيسامحنى لان نيتى كانت سليمه . وانا بعتذر فعلا يافندم . واكيد غلطه ومش هتتكرر .
المدير : بغضب . غلطه !؟ انت غلطت غلطه هتخسرنى صقر المخابرات وحوت المخابرات . ودول من أكفأ الضباط . اتفضل يا سيادة المقدم لانى ممكن اتخذ ضدك إجراءات ف لحظة غضب تسحب منك شارتك وتقعدك ف البيت اتفضل .
حسن : ادي التحيه . تمام يافندم وخرج زعلان.
اكرم : انا اسف يافندم . لكن غصب عني . مراد وفهد بيعاملونى كأنى اخ ليهم مش صديق ولا زميل . وبتمنى من حضرتك تسامحنى .
المدير : هز راسه بزعل . ربنا يعدى المحنه دي ع خير ..وبص ل اكرم . وقال ياترى مين الل هيوصل خبر إصابة مراد وفهد للعيله ..

----------------------بقلمى Mariem Nasar

زين . حكى ل آدم كل حاجه حصلت مع رينو.
آدم : بيسمع زين . والغل بيكبر جواه . ومتغاظ لان كل شويه يحصل حاجه تخص بناته . لكن قال ل زين .باستغراب وليد الشامي !!؟ ومخابرات !؟ انا بتهايئلى سمعت الاسم ده قبل كده !!! لكن فين!؟ فيين !؟ وفتح عينيه اايوه افتكرت . مراد .. مراد اخوك كان حكالى عليه وأنه معاهم ف الجهاز ومش مظبوط ف شغله وراجل مش تمام واترفد من شغله . لكن أنه يروح ل رينو الجامعه ف غياب مراد وفهد . وعارف جميع تحركاتها . يبقى الموضوع مش صدفه ابدا . وانه قال اعز اتنين ع قلبه . يبقى قصده ع مراد وووفهد . يعنى الكلب ده . راح ل رينو تصفية حساب امم . وقام . وبص ف الساعه . وكانت ٦ ونص . وزين قام .
آدم : اسمع يازين . الل انت عملته ده الصح . انا هنروح بسرعه المخزن انا ورعد ساعة زمن وراجع إن شاء الله .
زين : متقوليش اني مش جاي معاك . لانه مش هيحصل اسيبك لوحدك . انا حكيت لحضرتك علشان انت كبيرنا وتصرفاتك كلها صح. لكن مش هسيبك تروح لوحدك ابدا . وياريت بعد اذنك مترفضش ارجوك يابابا .
آدم : لا حول ولاقوة إلا بالله . طيب انجز بسرعه . علشان مريم متوتره طبيعي . انا هتصل عليها اقولها رايح الشركه انا وانت ساعه وراجعين . وخرجو واتحركو مع رعد ف العربيه . واتصل ع مريم وقالها أنه رايح الشركه يسلم ملف مهم هو وزين وراجعين بسرعه . وقفلو .
رعد : وصل عند المخزن ونزلو . ودخلو المخزن .
آدم : شاف . شاب طويل عريض . لكن لما شاف الجرح الكبير الل ف وشه ضحك وكان مبسوط وقال جواه رينو !!؟ نوتيلت البيت هي الل شاقتو كدا !؟ وشد كرسي وقعد قدام وليد .
وليد : متكتف كويس جدا . والجرح ف رجله ووشه بيألمه جدااا ومتغاظ وعطشان . . وبص ع آدم بغل . وبص ل زين بغيظ كبير . وقال ل زين انت متعرفش انت مديت ايدك ع مين !؟ ومتعرفش نهايتك هتبقى عامله ازاى !؟
زين : هيرد . آدم شاور ل زين ميردش ..
آدم : حط ايدو ع جرح وليد اممم عميق !!
وليد : ااااه وحرك وشه . ابعد ايدك عنى وفكونى حالا . انتو متعرفوش انا مين !!!؟
آدم : عيل صايع !! انت واحد فاشل. ومرضاش انى اشغلك سايس عندى فى الشركه . انت واحد كلب بتبص ع الل مش ليك . حرامي . ومرتشي وماشيك بطال وديلك انت عارفه كويس . واترفدت زي الكلب من شغلك الل هو المخابرات العامه لانك خامورجي . كفايه كدا تعريف بنفسك ولا تحب اكمل !!!؟
وليد : صك ع اسنانه بغيظ . وبيحاول يفك نفسه لكن استحاله ..
آدم : بتحذير . انا هديلك فرصه واحده وبس .. هو سؤال واحد !؟ انت اتهجمت ع بنتى ليه !!!؟
وليد : بغيظ . ومجاوبش ع سؤال آدم وقال فكووووونى انا عايز أخرج من هنااااا .
آدم : قام وقف . تمام . كدا فرصتك خلصت .انا كنت هرحمك . لكن انت مصمم أن جوزها هو الل يتصرف معاك . وقرب من وشه وغرز صوابعه بغل كبير وقوته كلها ف جرح وليد الل بيصرخ زى الستات .والجرح بينزف. وقاله بفحيح افعي . يكفي انى بنتى علمت عليك!!. واكبر غلطه انت غلطها ف حياتك . انك مسالتش مين عيلة العدوي . وإن حريمهم جواهر .ولو كنت سالت الصغير قبل الكبير كان هيقولك ياويله بس الل يفكر انه يبص ع طرف توب حريم عيلة العدوي ..! عارف يكلب . مش انا ابوها !!؟ بس الل انا كنت هعمله فيك رحمه ليك عن الل فهد السيوفى هيعمله فيك . اخوها ده وكمان الرائد مراد . عذابهم ليك كان هيبقى رحمه ليك قصاد الل فهد هايعيشك فيه . لو تعرف بس . ان الل يلمح طرف توب مراته بيعمل فيه ايه !!؟ انا اديتلك فرصه وانت ضيعتها . ف انت هتشرف هنا لحد ما جوزها يرجعلك بالسلامه . حتى لو رجع بعد سنه . هتفضل هنا . وهتاخد حقك تالت ومتلت .
وشال ايدو وغرقانه دم . ومسحها ف كتف وليد .
وليد : بيتألم بشده ويصرخ. وخدو كله دم وموجوع . وخاف من آدم . وحس انه غلط كان لازم فعلا يسأل الاول ...
آدم : قال بصوت عالى . رعد .
رعد :اؤمرنى ياباشا .
آدم : الكلب ده . يفضل هنا . لحد ما يرجع فهد باشا بالسلامه . وياكل ويشرب عادي جدا . احنا الكلاب بن أكلها ف اى وقت . ولما يدخل الحمام . تربط وسطه بجنزير . وتربطه ف باب الحمام من بره . هو اه صعب يهرب . لأن الشباك صغير جدا .والمكان متقفل كويس. لكن لازم يتذل . لازم يعيش هنا ف ذل ويتعامل ع أنه كلب . لازم يندم ويفكر الف مره قبل مايتجرأ ويتهجم ع بنات الناس .
رعد : اوامرك يا آدم باشا . اعتبرو حصل ..
آدم : شاور ل زين . وخارجين . ورعد وراهم .
وليد : بيصرخ من كل حاجه . الجرح بيوجعه جدااا . وخاف من آدم . وصرخ وقال اسسستناااا انا هقولك ع كل حاجه . استناااااا.
آدم : خارج ومردش عليه . وركب العربيه .
وزين ركب . ورعد فهم الحرس هيعملو ايه بالظبط . وراح ركب العربيه وساق واتحركو ع البيت .

----------------------بقلمى Mariem Nasar

الساعه ١٠ مساءا ف المستشفى .

اكرم :خرج من الجهاز . وقال للمدير اطمن بس ع مراد وفهد . وأنا هوصل الخبر للعيله بنفسي . ودلوقتي واقف قدام العمليات . والدكتور خرج ومعاه دكتور تانى. واكرم راح بسرعه . دكتور طمنى بالله عليك.
الدكتور : المريض المصاب. في جمبه وكتفه . احنا شيلنا الرصاص بحذر شديد والحمدلله الرصاصه بعيده كتير عن الكيليه . وكمان عندو ضلع مكسور .وعملنا اللازم . ولأنه بعد مايفوق هيحس بألم شديد انا عطتله إبرة مورفين . وخرج ف غرفة خاصه وهياخد وقت ع ما يفوق.وبعد ما يفوق هينام تانى لان الجرح مؤلم ولازم مسكن شديد .

والدكتور التانى : قال . أما المريض التانى انا. شلت الرصاصه الل ف الكتف . والرصاصه الل ف الراس كانت صعبه جدا. لان الرصاصه اخترقت الجمجمه بيمليمترات وكانت افقيه والحمدلله انها افقيه وموصلتش المخ . وبردو اخد مورفين . ودخل العنايه المركزه . احنا هانترقب الكام ساعه الل جايين وهنشوف المريض هيفوق ولا الرصاصه أثرت عليه لانها قعدت اكتر من ساعتين .. لكن متقلقش احنا متابعين الحالتين كويس جدا .
اكرم : بلخبطه انا مش فاهم حاجه . المهم اهم هايعيشو !!؟
الدكتور : اولا الأعمار بيد الله . وثانيا احب اطمنك ان الحالتين بخير . ويعدو الكام ساعات الخطر دى ع خير .وبعدها هيبقو زى الفل إن شاء الله . ووجود حضرتك هنا مش هايفيد بشئ واضح عليك الإرهاق . اتفضل روح وتعالى الصبح . والف سلامه عليهم . واتحركو ..
اكرم : مسح وشه بايديه . وحمد ربنا . وفكر أنه مش هيروح لعيلة مراد وفهد دلوقتي علشان مايقلقوش والليل لسه ف أوله . واتحرك علشان يروح . وبكره هيطمن عليهم ويعرف العيله ..

----------------------بقلمى Mariem Nasar

تاني يوم الساعه ٩ صباحاً

آدم : نازل ع السلم والكل منتظره ع الفطار . صباح الخير . وقعد
كلهم صباح الخير .
آدم : رينو حبيبت قلبي .عامله ايه انهردا ياروحي .
رينو : ابتسمت بتعب . الحمد لله يابابى .
مريم : اتفضل قهوتك ياحبيبى .
آدم : تسلمى ياروحي . وحس أن الكل مش طبيعي . وبص ل رينو . انا كلمت عمك طارق امبارح زي ما وعدتك . وقريبا إن شاء الله هيطمنا ويطمنك ع فهد ومراد .
كلهم ابتسمو ب أمل . والنشاط اتجدد من تانى .
رينو : بسعاده . متشكره جدا يا اجمل بابى ف الدنيا .
فريحه : بجد يابابا . ربنا يخليك لينا يارب.
مريم : ضحكت بدموع . يارب اخبار خير إن شاء الله .
آدم : ضحك . ايوه كدا . خلينى اشوف الابتسامه الحلوه دي . خلى الشمس تطلع ههههه . يلا بقى افطرو علشان متاخرش ع الشركه .

وبص ل مريم . ومسك أيدها وباسها . انهارده جاي عميل مهم جدا من استراليا . معلش هتاخر شويه ف اتصالى عليكى . واول ما يخلص الاجتماع هتصل عليكي ف نفس اللحظه .
مريم : ابتسمت . ربنا معاك يارب . ويرزقك خيره ويكفيك شره . المهم ياحبيبى . رنا كلمتنى وانا بعملك القهوه . ولما عرفت أن رينو تعبانه طلبت منى أن فريحه ورينو يروحو عندها كمان شويه يقضو معاها اليوم من أوله . وخصوصاً أن طارق معندوش شغل انهارده ورودي مش هتروح الجامعه ..
آدم : ومالو ياحبيبتى . شوفى رينو لو حابه تروح . انا أو زين قبل ماننزل ع الشركه نوصلهم .او ممكن رعد . ها يارينو ياحبيبتى ايه رايك تروحي مع فريحه وانا واثق إن طارق هيخرجك من الل انتى فيه ههههه.
رينو : ابتسمت مفيش مشكله يابابى . ورودي كمان بعتتلى رساله انها مستنيانى .انا وفريحه
آدم : تمام . افطرو بسرعه بقى علشان اوصلكو ف طريقي . ولو اتاخرتو رعد هيوصلكو .
وهما بيفطرو فون زين رن . وبص ل آدم ده فون الشركه . ورد السلام عليكم . ايوه اه تمام تمام . لعله خير إن شاء الله . لأ خلاص انتى جهزى اوراق المهندس ضياء وانا جاى ..وقفل
آدم : خير يازين . ضياء ده شغله المفروض بعد الاجتماع .
زين : دي السكرتيره يابابا . بتقول ابلغ حضرتك أن طيارة العميل حصل فيها عطل من ساعتين تقريبا . وهيرجع ع استراليا تانى وهيتفق معانا ع ميعاد تانى .
آدم : طيب الحمدلله انها جت ع قد كدا كل تأخيره وفيها خيره .
زين : الحمد لله خلاص يابابا انت ممكن حضرتك متجيش الشركه انهردا . انا هظبط كل حاجه . وهتابع ملف الاستاذ ضياء وهرجع ع الساعه ٢ كدا مفيش شغل كتير.
آدم : هز راسه . تمام مفيش مشكله . واهو بالمره اقعد مع مريم علشان متقعدش لوحدها . وبصلها .وهمس . العيال دي تمشي ونطلع انا وانتى نقعد ف الجنينه ف الشمس الحلوه دي ايه رايك .
مريم : بسعاده . الل تشوفه ياحبيبي.

ريتال : وانا كمان يازين مش هروح معاك الشركه ؟.
زين : لا ياحبيبتي مافيش شغل كتير انهردا.
ريتال : طيب ياحبيبى بقولك بعد اذنك يعنى ممكن اروح انهردا عند ماما اهي فرصه وانت راجع بدرى تعدى عليا ونمشي .
زين : مفيش مشكله ياحبيبتي .خلاص تمام .قومي بقى هاتى اريان وليليان علشان اوصلكو ف طريقي .
وريتال : استأذنت مريم وقامت وجابت اريان وليليان وزين سلم ع مريم وودعهم وخرجو .
آدم : قال لفريحه ورينو أن رعد هيوصلهم علشان مايسبش مريم لوحدها .
وفريحه طلعت وجهزت لبس مريم وآدم ونزلت . ورينو جهزت ونزلت . ورعد وصلهم .
وآدم : اخد مريم وقاعدين مع بعض ف الجنينه ..

.ف الجامعه

غاده : رايحه ع المدرج .
معتز : من وراها . دكتور غاده لحظه بس..
غاده : قبل ماتلف سمعت صوت معتز بينده عليها قلبها دق بسرعه ..ولفت بتوتر . ن..نعم .
معتز : اولا انا بعتذر جدا انى وقفتك ف الطرقه . لكن ف حاجه كنت عايز استفسر عنها ومفيش غير حضرتك الل هاتفيدينى فيها .
غاده : بتوتر . لما وقفت قدامه عن قرب . لأ . احم . لأ متعتذرش يادكتور . إت.. اتفضل خير حضرتك !؟
معتز : بتوتر وقلق . انا من اول ما دخلت الجامعه .سمعت كلام غريب جدا . وإن امبارح حصلت حاجه لزميلتك . احم الدكتور لارين . وانها اغمى عليها ف الجامعه .
غاده : بزعل . ايوه حضرتك . امبارح لارين اتعرضت لموقف وحش جدا . وربنا ينتقم منه
معتز : بخوف . ولهفه . خير يادكتور ممكن اعرف الل حصل . لو ده ميدايقكيش .
غاده : من جواها ما صدقت أن معتز بيتكلم معاها . لأ ابدا . وايه الل هيدايقنى .حاضر هاقولك . امبارح لما كنا ف المدرج منتظرين حضرتك .------ وحكتلو كل الل حصل .
معتز : بيسمع وعيونه مفتوحه على الاخر من الزهول . ومش مصدق .!!! لارين تتعرض للهجوم ف قلب الجامعه . ولارين حامل!!!؟ وكمان معاها سلاح وعورت المجرم .
وسألها طيب والدكتوره عامله ايه دلوقتى.؟
غاده : لارين تعبانه ياحبيبتى . ورجعت من المستشفى ع البيت . ومش هتقدر تيجي الكليه الفتره دى .
معتز. : بزعل . طيب مين الشخص ده !؟ وياترى يعرفها ولا لأ !؟ وهل ليه عداء مع حد من العيله . حاجه غريبه فعلا .
غاده : والله يا دكتور مش عارفه . بس كان طول بعرض وضخم ف نفسه كدا . بس سمعت اخوها لما طلع بطاقته من جيبه بعد ماضربه بيقول وليد تهامي ..حاجه زي كده والله مافكره قال وليد ايه . لأننا كلنا كنا متوترين .وانا مكنتش مركزه بس الل فكراه كويس أنه اسمه وليد .
معتز : بشك. واتصدم .وليد ؟ بس هي قالت وليد تهامى !! وبلع ريقه بخوف . وفتح عينيه على الاخر لما افتكر وليد لما راح عندو امبارح ع البيت واعتذر وصمم أنه يعملي العصير بنفسه قبل ما انزل ع الجامعه . وبعدها محسش بنفسه غير ع المغرب . وبص ل غاده . وطلع فونه وجاب صوره وليد . غاده بصي ع الصوره دي !! هو ده !؟
غاده : استغربت رد فعل معتز .وكمان سرحان وعينيه مفتوحه على الاخر . لكن بصت ع الفون . وشهقت بصدمه . والكتاب وقع منها هيييه يلهوى . هو . ايووه هو يادكتور . انت تعرفه !!؟
معتز : غمض عينيه بيأس .وشك أن وليد بينتقم طيب هو وليد ليه عداء مع جوزها .!؟. ومعرفش يرد عليها يقولها ايه !؟ وبصلها وهز راسه . ده كان شغال ف المخابرات واكيد ليه عداء مع جوزها !! كويس انهم اخدوه ع القسم . الجزاء من جنس العمل.
غاده : خافت وبلعت ريقها بتوتر . وبصت ل معتز . عن اذنك واختفت من قدامه ..
معتز : نده عليها . لما شافها خايفه . ومردتش عليه . وجه يتحرك شاف كتاب غاده واقع ع الأرض . ونزل جابه وحطه فى شنطته لحد مايشوفها ف المدرج ويسلمهولها .. ووقف بغيظ من وليد وصك ع اسنانه بغضب . والله ياوليد تستاهل انك تاخد مؤبد . انت انسان كلك شر . وانا ندمان على انك صاحبى وندمان اكتر كونك قريبى . والحمد لله ان لارين بخير . انا لا يمكن اسامحك ياوليد . تستاهل أسؤ عقاب .

----------------------بقلمى Mariem Nasar

ف المستشفى العسكري.

أكرم وسمير عميل 1 : وصلو المستشفى . وراحو على غرفة مراد بسرعه . ودخلو وشافه مراد متوصل بالأكسجين ونايم ع السرير ومش لابس تيشرت ووسطه كله ملفوف بشاش وكتفه ملفوف بشاش . ومتوصله محلول ونايم.ولسه مافقش. وخرج وسأل العسكرى الل واقف ع اوضة مراد ..
.. وقاله الدكتور فين . ومتعرفش الحاله الل جوه فاقت ولا لأ .
العسكرى : الدكتور لسه خارج من عنده حالا يافندم .
الممرضه : جت وداخله عند مراد .
اكرم : لو سمحتى . الرائد مراد فاق ولا لسه .
الممرضه : ايوه حضرتك فاق الفجر والجرح كان تاعبه ومكنش قادر يتكلم . والدكتور عطاله مسكن ونايم دلوقتي ..
اكرم : الحمدلله يارب . طيب حالته ايه . يعنى اقصد هو كويس الخطر عدى ؟
الممرضه : ايوه يافندم . الحمدلله .
اكرم : ابتسم . الحمدلله .انا متشكر جدا.
واتحركو ع العنايه المركزه . ودور ع الدكتور . وغرفة فهد . وشاف فهد من ازاز الغرفه . ومتوصل بالاجهزه . اكسجين . وقلب وحجات كتير . واتخض من المنظر . والعسكري قاله ممنوع الدخول ع الحاله .
اكرم : شاف الدكتور ف اخر الطرقه . وراح بسرعه . دكتور . دكتور طمنى ع الرائد فهد . فاق ولا لسه !!؟
الدكتور : بزعل . قلع النضاره . وقال . الرائد فهد . فاق انهردا الساعه ٦ صباحاً .
اكرم : ابتسم . لكن ابتسامته اختفت .لما الدكتور كمل ..
الدكتور : المريض فتح عينيه . حوالى نص دقيقه . وغمض من تانى . للاسف الحاله دخلت ف غيبوبه .
اكرم : بصدمه كبيره . اييييه غيبوبه !!!؟

عند طارق.

كلهم قاعدين . رنا قاعده ومبسوطه باللمه الحلوه . فريحه ورينو ورودي .وبتقشر فاكهه للكل ومهتمه ب رينو مرات الغالى .
طارق : قاعد وشايل چود وآدم ع رجليه . ومريم واقفه وسانده ع ركبة طارق بتاكل الشيكولاته . وبتأأكل طارق معاها .
طارق : خلاص ياميرو كلى انتى انا شبعان .
مريم : هزت راسها لأ ياطالق كول معايا انا بحبك .
طارق : ههههه يابت اسمى طارق . انا بخاف اقلدك . اصل ستك تفتكر انى برمي عليها اليمين ولا حاجه . هههههههههههه
كلهم ضحكو .
رنا : بدهشه . ستك !!!!؟ ايه ستك دى كمان انت مش هتبطل بقى وبصت ل مريم انا ماما رنا اوكي ياميرو يقلبى .
مريم : هزت راسها . ماشي انتى ماما لنا .
طارق : ههههه لنا يا لنا . وبص ل آدم . انت ياض انت كلك مراد بالظبط . ههههه فاكره يارانوش وانا بربى ابوه ههههه انا مستنى لما آدم يكبر شويه . وبعون الله هخليه مراد التانى قول ياض يا آدم . يارمينى بلقمه ناشفه والعيش عندك طري . تقلان عليا ليه متحن يامفترى .
..وكلهم ضحكو بدهشه ع طارق وآدم الل بيضحك من قلبه هو وچود ع حركات طارق.
باب الفيلا الداخلي خبط .
رينو : نزلت النقاب .
طارق : بص ل رنا .امسكي ياحبيبتى وعطاها چود . وفريحه اخدت آدم ومريم راحت ل رينو .
طارق : فتح الباب . وكان الجارد . خير يابنى .
الجارد : طارق باشا ف واحد ف الجنينه عايز يقابل حضرتك !
طارق : واحد مين !؟
الجارد : اسمه المقدم سمير مخابرات عامه .
طارق : للحظه حس بقلق مبهم مخابرات !؟ . طيب انا رايح أشوفه عايز ايه .. وقفل الباب وراه وخرج ..

طبعا .اكرم لما عرف بحالة فهد مجاتلوش الجرأه انه ينقل الخبر لعيلة فهد.
.وقال لسمير يروح لعيلة فهد .
واكرم هيروح لعيلة مراد. وكل واحد راح ف طريق .

طارق . وصل الجنينه .شاف واحد لابس مدنى ومعاه شنطه كتف . طارق قلبه بيدق دي شنطة فهد !!! ايوه هي شنطة فهد ابنى !! وبلع ريقه بخوف ..
سمير : صباح الخير يافندم .
طارق : مردش ع سمير .وعينيه ع الشنطه بخوف. وقال دي .. دي شنطة فهد ابنى مش كدا !؟
سمير : هز راسه . ايوه يافندم دي شنطة الرائد فهد . انا اسف يافندم انى هابلغك ---
طارق : رفع عينيه برعب لسمير وبتروح يمين وشمال . وخايف فعلا مرعوب . وهز راسه.لاء..
سمير : شاف تعابير طارق . ولحق يفهمه ان فهد عايش .. حضرتك الرائد فهد بخير . لكن امبارح وهو ف المهمه اتصاب هو والرائد مراد .وحاليا هما الاتنين ف المستشفى العسكري . وده العنوان .اتفضل حضرتك .. وقدم الشنطه والورقه لطارق .

رنا : اله طارق خرج وقفل الباب . ياترى مين الل جه ومدخلش ..
رودي : بصت من الشباك . طاروق جاي اهو انا هفتحله . وفتحت الباب .
طارق : داخل ومخبى دموعه . وماسك شنطة فهد .
رينو : بتلاعب مريم نونو . ورفعت عينيها لطارق . وشافت شنطة فهد. وقلبها دق بسرعه وفرحت جدا . وقامت بسرعه وجريت ع طارق . بابا . بابا. دي . دي شنطة فهد مش كدا . وبصت ع الشنطه كويس ايوه اسمه عليها وضحكت بدموع . فهد جه . ونزلت النقاب وجريت ف الجنينه تدور ع فهد ووصلت لحد بوابة الفيلا تشوفه بره ولا لأ .

فريحه : ضحكت بدموع .وجريت ع ابوها . بابي . مراد وفهد رجعو . هما فين !؟ اكيد مراد راح ع الفيلا هناك ومش هيلاقينى. انا . انا لازم امشي دلوقتي. ههههه مراد جه . مرااادى رجعلى . وطلعت تجرى ع السلم تجيب شنطة ولادها ..

رنا : لما شافت طارق . ماسك شنطة فهد. وباصص ف الارض . قلبها دق بخوف. وقالت فهد مش بالعاده يجيب الشنطه ع هنا وميدخلش . وراحت ل طارق وبتمشي ببطء وحطه أيدها ع قلبها . طا...طارق . هوا...وبلعت ريقها .هوا فا ..فهد فين . وليه مدخلش . وانت ساكت ليه .

رينو : وصلت للبوابه ومسكت الحديد وبتنهج وضحكتها ع وشها . وبعينها بتدور ع فهد ف كل مكان . ههههه انت فين بقى يافهد . انا هسلم عليك علشان انت وحشنى اوى . وبعدها هخاصمك . ولما تعرف انى حامل هتصالحنى بطريقه حلوه .
. ولفت ضهرها . وبتبص ف الجنينه . وبتضحك بدموع . انت فين بقى .وشهقت ياخبر . اكيد فهد اول ما وصل راح ع الفيلا هناك علشانى . ورجعت ع الفيلا وبتجرى هروح أسأل بابا طارق ويوصلنى حالا ههههه فاااهد رجعلك يارينو . لكن وقفت مكانها بصدمه . لما سمعت صوت رنا بتصرخ باسم فهد ..

.طارق : ساكت والشنطه وقعت من ايدو . ودمعه نزلت منه ..
رنا : مسكته من دراعه انت ساكت ليه يطارق .
اتكلم ابني فييين . انت بتعيط لييه اتكلم ياطارق ..
طارق : رفع راسه . ابنك اتصاب .و...
رنا : قلبها هيطلع من مكانه . وصرخت بصوت عالى ابناااااااى . لااااا فااااااهد . فااااااهد لاااااا

طارق : لحقها قبل ما تقع .ونزلو ع الأرض . اهدى يارنا . اهدى ابنك ف المستشفى وهو كويس . ومراد كويس هما اتصابو وهيطلعو منها .

فريحه : نزلت من ع السلم بسرعه . لكن وقفت لما سمعت صريخ رنا . وقلبها وقف لما سمعت ابوها بيقول مراد اتصاب . وهمست بدموع مو..موراد والدنيا بقت ضلمه قدامها ووقعت ع الأرض .
رودي : صرخت . فريييييحه . وجريت عليها بعياط فريحه . فريحه .

رينو : سمعت صوت رنا بتصرخ باسم فهد . وحست ان مفيش هوا حوليها .لكنت أقنعت نفسها انها بتتخيل . وسمعت غلط .. واتحركت وبتمشي وبتقدم خطوه وتأخر خطوه . ومكلبشه ايديها ف بعض . ووصلت عند الباب بصعوبه . لكن سمعت طارق فهد ومراد اتصابو. وشافت رنا وهي قاعده على الارض بتصرخ وبتعيط . وشافت فريحه وقعت ع الارض . ورودي بتصرخ .وبتتصل ع فارس . وطارق محتار بين رنا وفريحه .
رينو : بصدمه وعينيها مفتوحه على الاخر . ودموعها نازله من غير عياط . وحطت ايدها ع بطنها . ونزلت ع ركبها وهمست فهد .

آدم : قاعد ف الجنينه . ايه يامريم فكيها بقى . انا بقالى ساعه بقولك نكت . وانتى مكشره كدا . اه هي النكت بايخه بس ع الاقل فيها واحده حلوه ..
مريم : مسكت ايده . حبيبي والله غصب عني.
مش عارفه حاسه بتقل على قلبى .وقلبى مقبوض .
آدم : باس ع أيدها . قومي معايه . تعالى نطلع اوضتنا .واخدك ف حضنى وتحكيلى مالك بالظبط . انتى مش عجبانى من امبارح . قومي . وساعدها وقامت . وطالعين ع السلم .فونه رن . وكان رعد .ثوانى ياحبيبتى ده رعد ماكنا لسه ف الجنينه . ورد ايوه يارعد . بتقول مين !؟ اه الرائد اكرم . طيب خليه يدخل ..وقفلو .

رعد : اتفضل حضرتك . آدم باشا منتظرك جوه .
اكرم : هز راسه متشكر . وداخل الفيلا ومعاه شنطة مراد

مريم : مين ياحبيبى الرائد اكرم ده !؟
آدم : للحظه افتكر . إن اكرم صاحب مراد وفهد ومعاهم ف المأموريه .. وبص ل مريم بخوف . اطلعى انتى وانا هشوفو عايز ايه وهحصلك .
مريم : هزت راسها . حاضر ياحبيبى .ولفت ضهرها علشان تطلع فوق .

اكرم : دخل وشاف آدم نازل من ع السلم صباح الخير .
آدم : نازل . بخوف مبهم . وشاف اكرم .ورد بتمثيل .. صباح الخير.
مريم : طلعت ع اخر السلم . ولما سمعت صوت اكرم لفت . وشافت اكرم . لكن لفت انتباها الشنطه . ولا إراديا حطت ايدها ع قلبها مراد !!!!

آدم : سلم ع اكرم . وقلبه بيدق خوف ..واتاكد أن ف عاصفه من ورا شكل اكرم وتعابيره . وآدم سأله من غير مقدمات. مراد ابنى كويس !؟
مريم : سمعت آدم ونزلت ع السلم بسرعه وكانت هتقع لكن لحقت نفسها . ووصلت عند آدم. وقالت آدم . آدم دي . دي شنطة مراد ابنى . وبصت ل اكرم شنطة ابنى دي !؟
اكرم : قلبه وجعه ع شكل أم صاحبه .. ايوه يا أمي هي شنطة الرائد مراد...
آدم : بلع ريقه بصعوبه . وخايف عليها . لأنه أتأكد أن ف اخبار مش حلوه ... ومسك مريم . اطلعي انتى دلوقتى . وانا هتكلم معاه .
مريم : قلبها اتقبض اكتر . وبصت ل آدم . وعيونها اتملت بدموع . وبصت ل اكرم . ووقفت قدامه. بترجي . ابنى فين !؟ وانت جايب شنطته ليه . وهو مجاش ليه . ده بيجري عليا اول ما يرجع . فين مراد !!!؟ مراد ابنى فييين !!؟
اكرم : منزل راسه ف الارض . وساكت .
آدم : شد مريم . اهدى تعالى هنا . وقولتلك اطلعي فوق .
مريم : برعشه . بصت ل آدم . لأ لأ مش هطلع . آدم هو مبيردش عليا ليه؟ . ومراد مدخلش ليه ؟ اساله انت طيب . وقوله ولادي فين !؟ آدم أسأله .
. وراحت ع اكرم . بدموع رد عليا ابنى فين . وفهد فين . عيالى فين !!؟
اكرم : بدموع . انا اسف يا امي . الرائد مراد والرائد فهد . اتصابو ... ومكملش كلامه ..
آدم : برعب وصوت عالى . مررررريييييييييييم . -------------يتبع ..

موعد الحلقة الجديد الساعة ( 4 م ) يوميا ان شاء الله .

الى هنا تنتهى احداث رواية جريمة عشق 3 الحلقة 47 ، يمكنكم اكمال باقى احداث رواية جريمة عشق 3 الحلقة 48  أوقراءة المزيد من الروايات المكتملة فى قسم روايات كاملة .

نأمل أن تكونوا قد استمتعتم بـ رواية جريمة عشق 3 ، والى اللقاء فى حلقة قادمة بإذن الله ، لمزيد من الروايات يمكنكم متابعتنا على الموقع أو فيس بوك ، كما يمكنكم طلب رواياتكم المفضلة وسنقوم بوضعها كاملة على الموقع .
تعليقات



حجم الخط
+
16
-
تباعد السطور
+
2
-