رواية رجل المهام الصعبة الحلقة الثالثة عشر 13 | روايات ندى محسن

    نقدم اليوم احداث رواية رجل المهام الصعبة الحلقة الثالثة عشر من روايات ندى محسن . والتى تندرج تحت تصنيف روايات رومانسية ، تعد الرواية  واحدة من اجمل الروايات رومانسية  والتى نالت اعجاب القراء على الموقع ، لـ قراءة احداث رواية رجل المهام الصعبة كاملة بقلم ندى محسن من خلال اللينك السابق ، أو تنزيل رواية رجل المهام الصعبة pdf كاملة  من خلال موقعنا .


رواية رجل المهام الصعبة الحلقة 13 | روايات ندى محسن



رجل المهام الصعبة الفصل الثالث عشر

رواية_رجل_المهام_الصعبة
الحلقة 13
للكاتبة/ندى محسن♕Noody♕
#Nada_Mohsen

سراج راح مع فريقه على المهمة وكان مختلف كان في نشاط كبير اكتر من المعتاد ومبتسم دايما ودا كان بيخلي عز يتضايق لمجرد ان اوتار معاه تمت المهمة وانقذو عيلة من ايد عصابة كانت هتموتهم بسبب عداوتهم معاهم
سراج: خطوبتي يوم الخميس زي النهاردا الأسبوع اللي جاي في شقتي انتو عارفين مليش حد غيركوا اكيد هتيجوا
مالك بصله وهز راسه بإيجاب ابتسم بأصطناع: اكيد
سيف ابتسم بتكلف: صح اكيد جايين ولا ايه يا عز
عز: لو فاضي هاجي
سراج: انا وتوتا هنفرح اوي لو جيت ولازم تحضر انك تغنيلنا ولا انت ملكش غير سيف
سيف ضحك: مهي خربت خطوبة سيف وملحقش يتهنى حبكت جلال يجي لا وتضربه كمان
سراج بص لعز: عد الجمايل
عز بصله بتفكير:انا بعد فعلاً
سراج مشي: معلش بقى لازم اروح عشان نتفق انا وحبيبتي واشوف اللي يعجبها
احمد ضحك: الواد غرق في الحب خلاص
عز حاسس انه مخنوق بس ابتسم بثبات: عقبالك
احمد بصله ولاحظ انه مش طبيعي: تؤ مش عايز وجع دماغ
عز بشرود: دي احلا حاجة في الدنيا حتى وجع الدماغ بتاعه لذيذ
سيف ضحك: والله معاك حق انا معزوم عند سلمى النهاردا وعايزة تشوفك هي وحمايا العزيز
عز: لا روح انت انا مش رايق
انسحب من وسطهم ومشي

#رواية_رجل_المهام_الصعبة
للكاتبة/ندى محسن ♕Noody♕
#Nada_Mohsen

عمران بيهزر مع تالين وحسام وعز دخل تالين جريت عليه حضنته وباست خده بوسة طويلة وحضنته جامد:حمدلله على السلامة
عز ابتسم:الله يسلمك يا حبيبتي عاملة ايه النهاردا
تالين:انا كويسة انت عامل ايه
عز ابتسم:عايش متقلقيش
بصتله وهو بص لعمران
عمران حدفله الكورة:كمل لعب بقى انا عندي شغل يلا يا حج سولم
سليم نزل:اتلم بس
عمران ضحك:اتأخرنا
احلام نزلت وتقى معاها ابتسمت اول مشافت عز وحضنته وابتسمت بجاذبية:حمدلله على سلامتك
عز حضانها وبعد:الله يسلمك
سارة بصاله وهو متجاهلها وطلع على اوضته
تالين اتنهدت بحزن وطلعتله وسليم بص لأحلام وشاورلها تخلي بالها هو مهما كان اب وعز وتالين مش اخوات
تالين:زيزو ممكن ادخل
عز:لا مش ممكن انا تعبان
تالين:عشان خاطري يا عز هات تليفونك اعمل مكالمة واحدة بس
عز:ادخلي
تالين دخلت وخدت التليفون وهو نايم على السرير ومغطي عينه بدراعه
تالين:هجبهولك بسرعة
نزلت واخدت رقم سراج ونقلته على تليفونها وطلعت خبطت
عز:اممم
تالين:ادخل
عز:اتفضلي محنا مش هنخلص يا ست تالي
تالين دخلت وابتسمت واحلام طلعت تشوفهم
عز:كلمتي مين مفيش رقم
تالين:اممم غيرت رأيي
عز:اممم واللهي عملتي ايه بالتليفون
تالين:الله هو تحقيق
عز:لو اللي ف دماغي صح هتزعلي
تالين:اللي هو ايه
عز:مهو لأما كلمتي زياد ومسحتي الرقم لأما خدتي رقم سراج
تالين بصتله:وهاخد رقم سراج ليه ولا هكلم زياد ليه
عز بتحذير:انا بحذر بس
تالين:ا.. طيب يا سيدي متقلقش بس
نزلت خبطت في احلام ومسكت راسها بألم:اااه ايه حكايتك يا ماما
احلام بضيق:انا مش هفضل ماشية وراكي بقى انا اتخنقت من الأخر كدا مشوفكيش عند اوضة عز لأي سبب
تالين بغضب صوتها عيلي: لييه وايه السبب عز لاء عز مش عارفة ايه هو في ايه وعملكوا ايه عز انتي دايمآ تقولي اعملي حدود بس كل مادا الحدود بتزيد ومع مين مع عز وبس يا ماما؟؟
احلام:تاااالي لو لقيتك معاه انا مش هفضل ماشية وراكي هيبقى ليا تصرف تاني فاهمه
تالين:لا انا مش فاهمة حاجة عشان اقولك اه
احلام قرصتها بعنف:فاهمة انا قولت ايه
تالين بعدت بالم ودموع:فاهمة....
دخلت اوضتها بحزن ودموع

#رواية_رجل_المهام_الصعبة
للكاتبة/ندى محسن ♕Noody♕
#Nada_Mohsen

سراج:عايزة تعزمي مين
اوتار:اعزمه على ايه
سراج:خطوبتنا
اوتار:انا مش موافقة
سراج:لا دا اجباري يا روحي
اوتار بعدت نظرها عنه
سراج:مش عايزة حد يجي
اوتار:لاء...
سراج بسخرية وتهكم:انتي ليكي مين اصلا
اوتار صوتها اتهز: طنط اماني و زياد وكمان تالي وحسام...هما بيحبوني
سراج ابتسم بإستهتار: يا روحي طبعا لازم يحبوكي انا مش هعمل ف قاعة هتبقى هنا في الشقة على القد كدا
اوتار ساكتة تمامآ
سراج:ايه مالك
اوتار بصتله والدموع في عينها:مفيش مفيش حاجة....
عدى اليوم وتالين متضايقة وتقى بتحاول تلفت نظر عز بس لا حياة لمن تنادي عز طول الوقت سرحان بقى يرجع من الشغل تالين تبعد لو واقفة بقى ملاحظ ومستغرب بس معلقش وافتكر انها زعلانه منه خبط عليها قبل مينام ومكنش جيله نوم:تالي
تالين ابتسمت وفتحت:منمتش
عز:لاء عايز اتكلم معاكي
تالين:طيب
عز جه يدخل مبعدتش وهو استغرب وبصلها بصدمه لما مسكت الباب وهي واقفة ومش مدياله مساحة يدخل وهي ابتسمت بتوتر:اتفضل
عز بصلها:هو في ايه؟انتي كويسة
تالين هزت راسها بإيجاب وابتسمت بقلق:كنت عايز تقول ايه
عز:لا انتي فهميني في ايه مش عايزة تدخليني ليه بقيتي تبعدي عني ليه انا ضايقتك ف حاجة وانا مش قاصد
تالين هزت راسها بنفي:لاء خالص يا عز
عز:قولت حاجة زعلتك كلمة اتضايقتي لما قولتلك انك هتكلمي زياد طب حقك عليا ولما قولتلك نمرة سراج مقصدتش حاجة والله انا واثق فيكي
تالين بدموع:واللهي مش زعلانه منك
عز رفع وشها بقلق:طب في ايه تالي من امتى بتخبي
تالين بدموع:ماما قرصتني اول مرة ولما مسمعتش الكلام راحت ضرباني جامد
عز بعدم فهم وغضب:تضربك ليه وانتي عملتي ايه عشان تضربك
تالين بصاله وساكتة
عز:ايه يا تالي متتكلمي انتي عارفة اني مبحبش كدا اتكلمي على طول متعصبينيش
تالين:قربت منك
عز مش وصله هي عايزة تقول ايه او عقله مش متخيلها:وضحي معلش يعني ايه قربت منك؟؟
تالين بدموع:يعني قالتلي ولا احضنك ولا اقرب منك ولا العب معاك ولا ادخل اوضتك ولا اكلمك واحنا لوحدنا ولا تدخل اوضتي
عز بصدمة وغضب بضيق:وليه انتي قولتيلها ايه وايه السبب وايه اللي حصل مني وحش ليه بتعمل كدا لييه هي فاكرة يوم مهبص لحد ممكن يبقى ان...
مكملش واتنهد بغضب وحس انه مخنوق والدنيا كلها جاية عليه وهي بتعيط اتنهد بضيق هو بيكره يشوف دموعها هو بيحبها جدا اخته الصغيرة وبنته زي مقال حضانها:انا هتكلم معاها متخافيش ومش هتمد ايدها عليكي تاني وكمان يا عمري انا مش هبعد عنك انتي اختي وروحي وبنتي الصغننه كمان وكنت جايبلك هدية بس مش هديهالك دلوقتي
تالين:انا متضايقة يا عز انا بقالي يومين متضايقة وبقيت خايفة اكلمك
عز:متخافيش ادخلي نامي وبس
تالين مسحت دموعها:انا بحبك جداجدا جدا وكتتتيير
عز ضحك وافتكر لما كانت صغيرة وهو بيلاعبها وكانت بتقوله نفس الكلام بنفس طريقة التعبير فضحك
احلام بضيق:انتو واقفين كدا ليه وايه اللي مصحيكو لحد دلوقتي
بصت لتالين بغضب وتحذير:انتي مفيش فايدة فيكي
عز:هو في ايه هي عملت ايه
احلام:هي عارفة عملت ايه
تالين بصت لعز
عز:ماما انا عايز اتكلم معاكي ومع بابا ممكن
احلام هزت راسها بإيجاب واستغراب ودخلته اوضتها هي وسليم
عز قفل الباب:ممكن افهم لأخر مرة بسئل في ايه بتبعدو تالين عني ليييه وانتي ليه ضربتيها متحضنيش عز متكلميش عز متقعديش معاه لوحدكوا لا يدخل اوضتك ولا تدخلي اوضته افهم انتوا دماغكوا فيها ايه
سليم اتنهد وبص لأحلام بضيق ومسك دراع عز وعز بعد دراعه واتعصب:ماله عز شوفته منه ايه هو يوم ميبص لحد هتبقى اخته انتو بتغلطوا انتو مينفعش تتعبوها نفسيآ دي اغلى حد في اخواتي دي اللي واخدة مني واللي انا بهتم بيها فجأة كدا بقيت حقير للدرجة اللي تبعدوها عني
احلام ارتبكت: هي اكيد فهمت غلط
عز:لا مفهمتش غلط قالتلي كل حاجة منتو فهموني ليه لو حصل مني حاجة قولولي وهوفر عليها الضغط اللي حطينها فيه وابعدها انا لو حصل مني حاجة فهموني وهتفهمكوا ولو عايزيني اسيب البيت هسيبه بس قولولي انا مش هخرج من هنا غير لما اعرف في ايه ولأما افهم لأما اني هسيب البيت انا مش عايزها تتحط ف الضغط دا واشوفها بتعيط
سليم بص لأحلام بغضب هو عايزها تخلي بالها منهم بس مش بالطريقة دي هو واثق ان عز مش هيفكر في تالين عشان زي مهو عارف انها اخته
عز:متفضلش تبصلها اتكلم او خليها تتكلم
احلام:تالين كانت مضيقاني وحبيت اني اعاقبها
عز:وانا عيل بقى وهصدق طب تعاقبيها ولنفترض انك عايزه تعاقبيها متلعبش رغم انها مش طفلة بردو فتعقبيها انها تترمي ف حضني اول مرجع من برا ومتعاقبيهاش انها طول الوقت هزار ولعب مع عمران وحسام
احلام بصتله واتمنت الأرض تنشق من تحتيها وتبلعها وهي مش عارفة تتكلم ولا ترد عليه
عز:انا مش هرجع لحد ملاقي رد مش هرجع لحد ملاقي سبب مقنع انتو مش بس هتضغطو عليها وعليا انتو هتخوفوها مني عز وحش لأي حد انها متقعدش معاه عز ممكن يأذيها انه هتخلوها غصب عني الفترة الجاية هتبعد عني وانا مش عايز اشوف دا مش عايز اشوفها قلقانه مني ومش عايز اشوفها وهي خايفة تقربلي انتو متعرفوش تفكيرها هي اكيد هتفكر في كدا ودا حقها....تصبحو على خير وقت متنو تردو كلموني سلام
سليم سحبه:انت رايح على فين هاا زعلان اننا مبنتكلمش هقولك ليه انت مبقتش ترجع سكران هااا مش بتشرب وامك كذا مرة تحضنك وتشمها فيك وبعدها تالين هاا هنستنى لما تبقى مغيب عن الوعي وتأذيها مش لازم انها كانت تحذرها بدل منت بتشرب مش لازم كانت تبعدها عنك عشان عارفة انك مفيش فايدة ومش هتتأثر بكلامنا
عز:هو انتو جربتوا وانا مقتنعتش
سليم:ومن امتى بتقبل كلام محنا ياما اتكلمنا في موضوع ليالي ومسمعتش لحد
عز بصلها وبصله وسكت
احلام كملت الكلام وفرحت ان سليم رد:حبيبي مش قصدي اجرحك بس انت عارف تالي صغيرة ورقيقة ولو عملتها معاملة وحشة ولا قاسية وانت مش ف وعيك تالي هتتأثر بيها وانت عارف من زمان انها مريضة قلب واننا بنأجل العمليه لخطورتها
عز اقتنع نوعآ ما وهز راسه بإيجاب بس حاسس ان في حاجه:ماشي...انا مش هشرب مش هرجع البيت سكران اطمنوا انا مش هخليها تضايق ولا هضايقكوا لو سكران مش هاجي هنا خالص بس بلاش تضغطوها
سليم ابتسم وحضنه بحنان:طيب يا سيدي مش هنيجي جمب السندريلا بتاعتك لو انت وبتحبها الحب دا كله سبت ايه لجوزها في المستقبل
عز ضحك:لا دا هيجي منظر بس ولو ضايقها هيبقى نهاره اسود هخودها منه ومش هرجعهاله يااه بجد لو تالي اتجوزت هحقق كلامك هخليها سندريلا فعلآ هتروح حفلتها بعربية سندريلا هتبقى اميرة احسن اميرة
سليم ابتسم:بعد منفرح بيك طبعآ
عز ابتسم ومقدرش يداري الحزن اللي ظهر عليه:تصبحو على خير
خرج وسليم خد نفس طويل بسرعه وخرجه بنفس السرعة كأنه متنفسش من زمن واحلام وقعت على السرير:انا كنت شوية وهيغم عليا
سليم بغضب وهو بيهمس:انتي ازاي غلطتي الغلطة دي تقولي لتالي الكلام دا وانتي عارفة ان مفيش حاجة صغيرة او كبيرة الا وعز بيعرفها
احلام غمضت بضيق:اهو دا اللي حصل بقى
سليم:احلام انا عايزك تنسي انك تتكلمي بالطريقة دي تاني عز لو عرف انه
احلام قاطعته:سليم...عز ابننا..وهيفضل طول عمره ابننا فاهم (بدموع)محدش هينجح وياخده او يعرفه حاجة هو ابني وهيفضل ابني الأول وفرحتي الأولى....

#رواية_رجل_المهام_الصعبة
للكاتبة/ندى محسن ♕Noody♕
#Nada_Mohsen

عمران في المكتب في يوم جديد وهو في الشركة:التصاميم دي لازم تخلص في اسرع وقت
سليم:احنا بنعمل اللي علينا شد على الموظفين بس
الباب خبط ودخلت سكرتيرة عمران:المتقدمين للوظيفة الجديدة وصلوا ممكن حضرتك تختار منهم
عمران باستغراب:وظيفة ايه؟
سليم:سكرتيرة تساعدها بدل مهي تعبانه في الرد على التليفونات والمقابلات الخارجية يبقى معاك بديل وتساعدك في انجاز اللي قدامك دا دخليهم يا ملك
ملك فتحت الباب:اتفضلوا
دخلوا وعمران ابتسم:لا تعجبني
كانوا اربعة وكل واحدة ليها استايل غير التانية
عمران:مينفعش كلهم
سليم:بطل هزار وانجز
عمران وقف وقفل زرار الچاكيت بتاعه وبص لكل واحدة فيهم:انتي اول واحدة اسمك ايه
....:ريهام
عمران:انتي جاية تتقدمي لوظيفة البلياتشو اللي في وشك دا مينفعش.. التانية اللي جمبها؟
.....:مريم
عمران:حلوة احم اقصد متجوزة
مريم:اه
عمران:للأسف متنفعيش احنا عايزين انسة تبقى متفرغة لاي ظروف
سليم عض شفته بغيظ وهمسله بغضب:انت بتشوف موظفة ولا هتتجوز متنجز يا حنين
عمران ابتسم وهمسله:اصبر بس واديك الشغل المظبوط (بص للي بعدبها)وانتي؟
.....: متجوزة وعندي ولدين
عمران: امممم الاخيرة اسمك
بصتله و ابتسمت: عشق عزام عامر عمر عمار عادل عدي سليمان
عمران ضحك:سليمان دا كان غلطة
سليم ضرب رجله من غير محد يلاحظ
عشق اتجاهلته وبصت لسليم:حضرتك انا معايا اربع لغات انجليزي وتركي وكوري والماني مش متجوزة دي اول مرة اشتغل بس بتعلم بسرعة والانسة ملك فهمتني
عمران ابتسم:طب تمام على بركة الله ملك وريلها مكتبها وفهميها هتعمل ايه
ملك:ماشي يا مستر عمران
خرجوا وعمران بص لسليم وضحك:عشق عزام عامر عمر عمار عادل عدي سليمان اغنية ف اسم حضرتها
سليم كتم ضحكته:طب بطل وركز في شغلك تصاميم الڤلة دي لازم تخلصها وبسرعة
عمران:تمام حاضر حالآ

#رواية_رجل_المهام_الصعبة
للكاتبة/ندى محسن ♕Noody♕
#Nada_Mohsen

سراج بيخبط على اوتار:توتا افتحي يا روحي يلا
اوتار فاقت ونفخت بضيق:نعم افندم
سراج:يلا
اوتار:يلا ايه
سراج:يلا اخرجي
اوتار:عايز ايه يا بني ادم انت
سراج:عايز اكل وانتي قدامي عايزك تفطري معايا
اوتار:انت بتحلم انا بكرهك
سراج:اوتار اخرجي احسنلك واحسن للكل
اوتار لبست حجاب وفتحت
سراج ابتسم:صباح القمر
اوتار زاته ودخلت الحمام وهو اتنهد بضيق خرجت سحبها ومسك وشها وعايز يبوسها زاته وهو ماسكها:انتي اتجننت سراج حرام عليكي سيبني
سراج بيحاول يكتفها:لحد امتى هتفضلي بعيدة لحد امتى هفضل مش طايلك لحد امتى
بعدت ووقعت نفسها وهو سابها من كتر مبترفص وقعد قدامها.....
اوتار ضربته بالالم وهو حط ايده على وشه بصدمه وهي بصتله بتحذير:انت لو فكرت مجرد فكرة بس تقرب انا مستعدة اقتلك
سراج ضحك بغضب وغل:كان معاكي المسدس ومتجراتيش تضربي اللي كان هياخدك لمصير مجهول
اوتار مش فاهمه وهو ضحك
سراج:نوضح اكتر (قرب همسلها)اللي اتصدرولكوا انتي وعز يا توتا
اوتار اتصدمت:ك...كنت انت....
سراج:اممم شوفتي بقى ان في حاجات كتيرة انتي متعرفيهاش بس مكنش انا كانت رجالت الدمنهوري اللي ميتقلش عليهم رجالة وعز اتخلص منهم بمنتهى السهولة
اوتار بدموع:انت ايه انت ايه شيطان
سراج:قولي اللي انتي عيزاه انا لو شيطان فانا معاكي حاجة تانية خااالص وانتي عارفة كدا لو عايز ءأذيكي كنت عملت كدا لكن انا لو كنت مع الكل وحش معاكي انتي لاء ابدآ يا اوتار
اوتار:انا بكرهك
سراج بغضب مسك ايدها:انا اعمل ايه هاا المفروض اعملك ايه عشان تحبيني المفروض اعملك ايه
اوتار:سيبني امشي سيبني في حالي بقى ممكن
سراج سابها ومشي وهو في قمة غضبه من عز لمجرد انها بتحبه

#رواية_رجل_المهام_الصعبة
للكاتبة/ندى محسن ♕Noody♕
#Nada_Mohsen

عز بيفطر وتالين جت بقلق ابتسم:صباح القمر
تالين:هو انت اتكلمت مع ماما ف ايه امبارح
عز:مفيش حاجة قولتيلها في ايه قالتلي اني بسكر وان دا مينفعش فحبت تعاقبني
تالين:يعني خلاص
عز:اه خلاص يلا انا هتكل على الله وانتي اقعدي افطري
تالين ابتسمت:خلي بالك من نفسك
تقى نزلت بابتسامة:صباح الخير
قربت حضنت عز وباست خده:وحشتني
تالين نفخت وقعدت تاكل
عز بغموض:انتي عايزة حاجة شكلك بيقول كدا
تقى:عرفت ان سراج واوتار هيتجوزو وعايزة اجي معاك الخطوبة
عز:وانتي عرفتي منين
تقى:من النت مهو سراج كان منزل انه هيخطبها
عز:اممم
تقى:ممكن تاخدنا
عز ابتسم وجه ف باله ان لو اوتار بتحبه اكيد هتغير عليه وهز راسه بإيجاب

#رواية_رجل_المهام_الصعبة
للكاتبة/ندى محسن ♕Noody♕
#Nada_Mohsen

عمران خرج من مكتبه شاف عشق شغالة وبتشرب البيبسي:انتي بتعملي ايه انتي ف وقت عملك
عشق مش بصاله وبتشرب وهي شغالة على الكومبيوتر:حضرتك شايف ايه انا لسه يا دوبك فاهمة الشغل وشغالة
عمران بصلها وقرب وقف جمبها:فين ملك
عشق:راحت تدي ورق لسليم بيه
عمران:اممم
عشق بصاله ووقفت:اي خدمة؟
عمران:كملي شغلك
عشق قعدت تكمل شغلها ولحد الليل مليل خبطت على مكتب عمران ودخلت شافته نايم قربت وكتمت ضحكتها وبصتله وهو نايم قربت من وشه وهو حس بحد قدامه فتح وهي متحركتش جه يقوم ثبتته:اوعى تتحرك
عمران باصصلها بأستغراب وابتسم وهي خدت الملف وضربته على راسه وهو وقف بالم:اااه انتي اتجننتي
عشق:انا...اسفة بس كان في حشرة غريبة على راسك
عمران:ودا اللي خلاكي تبصيلي كدا
عشق هزت راسها بإيجاب واحراج
عمران ضحك:وانا اللي كنت فاكر
عشق:حضرتك الكل مشي وسليم بيه قالي ممشيش غير بعد متخلص الساعة 11وانا فاكرة انك بتشتغل معرفش انك كنت نايم
عمران اتصدم:11 ازاي وانتي هنا لدلوقتي ليه
عشق:اعمل ايه دا اول يوم
عمران:طب يلا ومتقلقيش انا هوصلك
عشق هزت راسها بنفي:شكرا انا هروح
مشيت خطوة ولقت النور قطع اتسمرت
عمران:ايه غيرتي رأيك
عشق بعدت وملامحها اتغيرت بقت تترعش وبتبعد:ايه اللي طفى النور دا
عمران:اكيد الحراس محدش هنا افتكرو اني مشيت وانتي خايفة كدا ليه
عشق برعب:مش خايفة
عمران ضحك:طيب يلا
قرب وهي بعدت عنه واتنطرت وهو اتصدم:في ايه اهدي مالك انا ضايقتك؟
عشق بغضب:لو قربت مني انا هموتك
عمران باصصلها بضيق:هو في ايه انتي فكراني ايه..لو خايفة اوي كدا امشي ورايا
مشي وهي نورت تليفونها وخرجت اسبراي شطة هي عملاه
عمران:الاسانسير مش هيشتغل اكيد هننزل على السلم
نزل وعشق وراه وسايبة مسافة وعمران وقف فجأة لما افتكر انه تليفونه فوق وطلع وهي بسرعة راحت رشت في عينه الشطة وهو صرخ بألم وبعد:ااااه انتي عملتي ايه اااه عيني.....
عشق بدموع:انت كنت بتقرب انت
عمران بالم وهو مش عارف يفتح:اااه يا غبية انتي ااه...تليفوني نسيته انتي مالك انتي شكلك مجنونه ااااه
عشق بدموع:بجد...طب انا اسفة طب اعمل ايه ميه انا معايا
خرجتله ازازة الميه وقربت دلقتها في وشه
عمران بغضب:يا بنت ال.....هتخليني اغلط في ايد الواحد يصب فيها
عشق:ط...ب اسف...افتح ايدك
عمران بنفاذ صبر فتح ايده وبقى يغسل عينه واخيرآ بقى يحاول يفتحها بألم:لو مخربتش بيتك مبقاش انا
عشق بتعيط بأنهيار وصمت
عمران بغضب:اطفي الكشاف اللي ضرباه في عيني دا ااه
عشق بدموع هزت راسها بنفي:لاء
عمران طلع بغضب على مكتبه وعينه حرقاه جاب التليفون ونزل ملقهاش نزل وهو حاسس بغضب من تصرفاتها نزل لقاها في الطريق مش لاقيه تاكسي واتفاجأ بيها بتعيط بأنهيار وحالتها صعبة صعبت عليه وقرب: في ايه اهدي اهدي
عشق بدموع: مكنتش اقصد والله كان غصب عني انا افتكرت انك....
بصتله وسكتت
عمران: طب اهدي بقيت كويس ومش هرفدك
عشق ابتسمت: بجد مش هترفدني
عمران: اه يا ستي مش هرفدك وبعد كدا مش هأخرك اهدي بقى
عشق بصتله وعينه حمرا جدآ: انا اسفة بجد
عمران: متقلقيش انا بخير انا كويس... دا انتي عيوطة اوي وجبانه جدا
عشق ابتسمت: مكنتش كدا الضلمة نقطة ضعفي الوحيدة.. انت مش هتروح
عمران: يلا معايا بس اركبي ورا كأني تاكسي ويلا مش هقبل رفض
عشق هزت راسها بنفي: انت مينفعش تروح هناك انا مش خايفة منك بس انت مينفعش تروح هناك
عمران: ليه انتي رايحة فين
عشق:****** منطقة بسيطة وشعبية انت مش هتبقى مبسوط
عمران: طب متشغليش بالك بيا اركبي
عشق ركبت ورا وقبل ميوصلها قدام البيت: نزلني
عمران: هنا ليه؟
عشق: مش عايزاه يشوفني معاك
عمران: مين دا
عشق: اقف...
عمران وقف وهي نزلت
عشق: شكرا يا عمران بيه واسفة جدا
عمران: يا ستي خلاص يلا سلام
مشي وهنا بصتله وهو ماشي وابتسمت وراحت على البيت اول مدخلت لقت اللي سحبها من شعرها صرخت بالم
هاشم: كنتي فين يا بنت ال****لدلوقتي
عشق بخوف ودموع: اشتغلت اتوظفت وغصب عني اتاخرت انا اسفة انا اسفة مش هتتكرر
ايان جري وحضنها وهو بيستخبى وراها بخوف
(هاشم جوز امها عنده 30 سنة اتجوز امها وهو اصغر منها وبعد سنة واحدة ماتت وفضل عايش مع عشق و ايان اخوها اللي ميتعداش 3سنين هاشم صعب وعصبي وعينه زايغة ولسانه مبيبطلش شتايم وعشق حاولت تبعد بس هددها باخوها اللي روحها فيه وخلاها تمضي على شيك ب 500000 جنيه )
عشق ابتسمت وبتطبطب على ايان: ايه في ايه مالك خايف ليه كدا
ايان بص لهاشم
عشق بغضب بصتله: انت عملت ايه انت عملتله ايه
هاشم ضحك: ولا حاجة
ايان استخبى فيها
عشق بتقلب فيه عرت دراعاته ملقتش حاجة وعرت ضهره شافت علامات ايد معلمة عليه بغضب بصتله: انت اتجننت انت تمد ايدك عليه تاني ليه هاا هو عملك ايه هو بيعمل ايه اصلآ
هاشم: مزاجي كدا وكل متعصبيني هضربه وانتي عصبتيني اووي لما اتأخرتي
عشق جت تضربه بالألم مسك ايدها: يا زبالة يا حقير يا عديم المشاعر والاخلاق
هاشم ضربها بالألم: انتي شكلك اتجننتي ونسيتي انا ممكن اعمل فيكي ايه اللي يديني الم اردهوله عشرة يا زبالة انتي يا بنت ال *****
عشق بدموع والم: لو جبت سيرة ابويا انا هقتلك انا مبقتش اخاف منك فاهم
هاشم ضحك: لا بجد يا حلوة
عشق خدت ايان اوضتها وشافت هاشم قالبها نيمت ايان وخرجت: انت ايه اللي دخلك اوضتي وايه اللي خلاك تقلبها
هاشم سحبها عليه: نيمتيه؟؟
عشق زاته بعنف: لو لو قربت هصوت
هاشم: انا عايزك تصوتي فكراني هخاف مين هيتجرأ ويجي ينقذك من تحت ايدي الكل ف المنطقة هنا عارف مين هاشم ومستعديين ينفذو وبس عايزة تعرفي قلبت الأوضة ليه بدور على فلوس اللي بقيتي تخبيها واتفاجأ بيها حلويات وهدوم للمحروس
عشق:ملكش دعوة دي فلوسي وتعبي وهو اللي يستحقها
هاشم باصصلها بابتسامة
عشق بدموع بتبعد
هاشم ابتسم وسحابها لأوضته قفل الباب وطفى النور وقرب منها وهي انهارت في العياط: ايه ده ولع النور بالله عليك
هاشم سحب شعرها بعنف ودفن راسه في رقبتها وهي بتعيط وعضت دراعه بعنف وهو زأها بألم جت تخرج راحت وقعت بسبب الضلمة لأنها مبتشوفش حتى لو الأضاءة ضعيفة وهاشم ابتسم: هو دا اللي انا عارف انه هيحصل
قرب منها وهي بتبعد لحد مخبطت ف السرير وقفت بدموع وهي مش شايفة حاجة وهو ساكت وبس صوت عياطها اللي ف الأوضة وقفت زأها على السرير وهو ضحك: مقدرتيش تفلتي مني
الباب خبط وهو اتجاهله وبيحاول يبوسها وهي بتصوت: ابعد عني سيبني يا هاشم
الباب مبطلش خبط بعد ولع النور وهي جريت على برا بعد مزأته بعنف وغضب وهو فتح نفخ بضيق: هو انتي افندم نعم ايه
ام محمد اتوترت: ا.. كنت عايزة عشق
هاشم بتهكم : رجعت من الشغل تعبانه نامت افندم بقى اي خدمة
ام محمد: نامت؟ انا كنت لسة سامعه صوتها
هاشم بتريقة: شكلك خرفتي
قفل الباب في وشها وخبط على اوضة عشق: هو مش هتعملي اكل ولا ايه ف يومك دا
عشق بتفوق ايان بخوف وهمس: اصحى كدا يا عمري فوق ايان
ايان: عشق انا عايز انام
عشق: معلش بس تعالى معايا هعملك احلا اكل تاكل وجبتلك بيبسي معايا بس متاخدش على كدا
ايام فتح عينه بصعوبة: طيب
عشق ابتسمت وباست خده بسعادة: قمر يا ناس
ايان ابتسم
ملك:ايه يا ماما
ام محمد:قفل الباب في وشي قليل الأصل اللي تتقفل في وشه ابواب الرحمة مش عارفة البنت دي هتعمل ايه ربنا ينجيها منه
ملك:متخافيش...ان شاء الله ربنا هينجيها...وبعدين متخافيش على عشق دي بميت راجل انتي ناسية انه بس لما اتجاوز حدوده معاها عملتله جرح في وشه لحد الان مخلي شكله زي رد السجون

#رواية_رجل_المهام_الصعبة
للكاتبة/ندى محسن ♕Noody♕
#Nada_Mohsen

عمران دخل من الباب سمع صوت الشهقات
سارة: يا نهار اسود مال عينك
احلام: ايه دا يا عمران ايه اللي حصل
عمران: بسيطة بسيطة
سليم: بسيطة ايه دي عينك متبهدله خالص واخرت ليه
عمران: مع انك السبب بس يلا نقول ايه
سليم: سبب في ايه يله انت؟
عمران: السكرتيرة الجديدة دي
سليم: مالها
عمران: اولها ضربتني على راسي بدوسيه مردوم ورق وتقولي حشرة راحت عليا نومة وصحتني 11 والحراس كانوا طفو النور زي معارفين محدش بيبقى ل11 الا لو انت قولتلهم ودا محصلش افتكرت اني عايز...
بص لتالين: ودي وشك الناحية التانية يا بت
تالين بعدت وشها
عمران ضحك عليها: المهم بقت خايفة وماشية ورايا افتكرت اني نسيت تليفوني ويا ريتني مفتكرت بلف اطلع اجيبه افتكرت اني بلفلها وراحت بإزازة معرفش امتى طلعتها رشتها في عيني وعينكوا متشوف الا النور(ضحك اكتر) كنت بندب ولا الولية والحمد لله دا كدا راحة والبت معاها ميه راحت دلأتها ف وشك وحاجة اخر جنان يعني
ضحكوا كلهم وحسام بصله: ذنب ناس بيخلصه ناس هااا فاكر
عمران: طب اتلم.... كانت هم
عشق: كان جميل
ايان بإنزعاج: وانتي ليه رشيتي الشطة في عينه دي بتوجع لو مسكتها بايدي ودعكت عيني بتحرق جامد
عشق: كان غصب عني كنت خايفة من الضلمة وغصب عني رشتها
ايان: وبعدين
عشق: ونزلت بسرعة بعيد عن الضلمة ومفيش تاكسي راضي يقفلي وهو صمم يوصلني وركبت ورا بس حسيت اني مش خايفة منه
ايان: انتي قولتي كل الرجالة وحشين
عشق: هو فعلاً كلهم وحشين جدا جدا جدا
ايان: هو انا هبقى وحش لما اكبر وهبقى راجل وحش زي عمو هاشم كدا واضربك وازعقلك انا مش عايز ابقى راجل
عشق ابتسمت بحنان وهي بتلعب في شعره: لا خالص انت هتبقى احلا راجل في الدنيا وهتخاف عليا وهتمشيني من هنا وهتبعد هاشم عننا خالص ومش هتخلي حد يضربني مش كدا ولا هتشتم زيه كدا
ايان: طيب ينفع اطلب منك طلب
عشق: طبعا اطلب يا نور عيني
ايان: خديني معاكي بكرا
عشق: طلبك صعب يا ايان دا انا لسه شغالة ومصدقت لقيته لولا ملك ربنا بعتهالي معرفض كنت هعمل ايه والحيوان اللي برا دا مش راحمني اخد فلوس وضرب ومش عارفة اجيبله منين
ايان: عشان خاطري يا عشق عمو هاشم هيخليني اقعد لوحدي ف الشارع وانا بخاف
عشق بصدمه: شارع ايه هو على طول بيسيبك في الشارع؟؟؟
ايان: لاء لما يجيله ضيوف وبكرا هتجيله واحدة وهو بينزلني الشارع وسمعته بيكلمها
عشق الدموع اتجمعت ف عينها والغل ملاها وكانت عايزة تطلعله بس غيرت رأيها وحمدت ربنا ان ايان متأذاش بأي شكل

#رواية_رجل_المهام_الصعبة
للكاتبة/ندى محسن ♕Noody♕
#Nada_Mohsen

عز كان هالك نفسه في الشغل وحاسس انه مش عارف يفكر قال هيتكلم مع سراج بس غير رأيه سراج بقى يحط راسه براس عز بقى يغير منه ف اقل حاجة احمد نفسه بقى مستغرب بس عز ف الطبيعي اتجاهل تليفون سراج رن ابتسم ورد:نعم يا روحي
اوتار بغضب:انا عايزة زياد...عايزة اكلمه واشوفه اتصل بيا اخر مرة وانت كسرت التليفون
سراج:ال يعني فرق معاكي منتي خدتي تليفوني التاني
اوتار:هكلمه
سراج:لا
اوتار غمضت بضيق:هكلمه واخبط راسك في الحيط
سراج:لا
اوتار:انت بني ادم قذر ومستفذ
سراج اتمالك اعصابه خصوصآ لما شاف عز بيسرق النظر ليه:حبيبتي انا في شغل لما اجي هرد على كلامك الحلو دا يا عمري
اوتار:غبي
قفلت في وشه وهو نزل التليفون وهو متعصب بس مبتسم
مالك:اموت واعرف ايه حوارك
سراج:يعني ايه
مالك:لمستها
سيف رماه بإزازة المية وبصله بغض انه يسكت
سراج ضحك:طبعا دي في بيتي يبني وبتحبني وبحبها ايه سؤالك الغير منطقي دا
عز كور ايده بغضب وعروق رقبته برزت وسيف لاحظ دا وبص لمالك بغضب انه يسكت وميتكلمش تاني لأن عارف سراج مستفذ
سراج بس لعز وقرب سند ايده على المكتب:وعرفت انها ملهاش تجارب انا اول واحد احط ايدي عليها يعني تلميحاتك كانت في شنك يا عز
عز بصله وسراج ابتسم
سراج:مقولكش اد ايه كانت ناعمة واد ايه كانت
عز قاطعه بلكمه وقعد يضرب فيه:لو نطقت كلمة عنها انا هقتلك فاااهم انت فاكرني هصدق الشويتين دول (لكمه بقوة اكبر وكل مسراج يحاول يضربه بيزيد جنونه وبيضربه اقوى)
القائد دخل:عز سيبه
عز ماسك رقبته بغل
القائد ماهر:عععز قولت سيبه
اللوا محسن:عز انت بتعمل ايه سيبه
عز لكم سراج ووقف وماهر شده:تعالى معايا تعالى
عز بعد ايد ماهر وقعد على الكرسي وماهر قعد قدامه:في ايه يا عز
محسن:انت ازاي تمد ايدك عليه وفي الشغل وليه
عز:مفيش حاجة بني ادم مستفذ
ماهر:في ايه بقالك كام يوم مش مظبوط ايه اللي شقلب حياتك ايه اللي حصل
عز:مفيش مفيش حاجة تتقال
ماهر:انت حبيت واتجرحت
عز بصله وسكت وبص لمحسن
ماهر:مش صح؟
عز:وهيفيد بأيه الكلام
محسن اتنهد:خليك فاكر انك من احسن الظباط هنا في الجهاز انت وباقي فريقك ومش حابب ابدآ من تجربة تعلن فشلك واستسلامك انت بطل ولازم تحافظ على اسمك اللي تعبت عقبال مبنيته يا عز
ماهر:لو تحب تحكي عندي استعداد اسمعك
عز:زي مقولتلك مفيش حاجة تتقال
وقف:بعد اذنك...وبالمناسبة يا سيادة اللوا انا فعلآ لازم احافظ على اسمي بس يا ريتها كانت اول تجربة
خرج وراح كمل شغله وسراج كانت نظراته ليه كلها غل وحقد
اوتار صلت وقعدت تدعي:ياربي انا مش عارفة ايه حكمتك انا عارفة اني غلطت واني يمكن سمحت لعز انه يتجاوز حدود انا كنت عملاها بس كان غصب عني سامحني وخلصني من الشخص دا باي طريقة
خدت القرءان وفضلت تقرأ وحست براحة كبيرة وقفت عايزة تغير هدومها بس لفت نظرها دولاب محفور عليه كلمة (خااص بعز) فضولها اجبرها انها لازم تشوف اللي جواه مع انها كانت خايفة وقلقانه فتحت الدولاب وبعدت بسبب هبو التراب اتفاجأت الاوضة نضيفة بس الدولاب مترب شافت هدوم حريمي غير لائقة واستغربت:اممم اكيد في ستات كانو بيجو هنا للقذر دا
شافت صورة تقى وخدتها قرأت اللي وراها: سراج اسفة اني زعلتك انا عارفة انك بتحبني وانا هطلق من عز بس مش هبقى ليك انت عارف اني انا وامجد بنحب بعض ويا ريت تحترم دا وكفاية اللي عملته.....ليالي
اوتار حست بالضيق والقرف:انتي كنتي ازاي كدا ازاي كان معاكي عز وتخونيه انتي ازاي بالقرف دا ازاي تخوني جوزك ومع مين مع صاحبه ومع واحد مجنون زي دا
شافت اكتر من سي دي وجالها فضول تفتحهم قربت خدتهم وقفلت باب الشقه من جوا عشان سراج لو جه ف اي لحظه ودخلت اوضته فتحت الكومبيوتر لقته لازم كلمة السر جربت اسمه منفعش جربت ليالي منفعش وبقت محتارة وشافت ورقة على مكتبه مرسوم عليها اسمها وسط القلوب غمضت بضيق وكتبت اوتار فتح وغضبها زاد اكتر فتحت اول سي دي من الخمسة كان ليالي في الاوضه وكانت بتضحك مع سراج وهي سكرانه وسراج بيقرب منها:ها بقى احكيلي عز عمل ايه
ليالي:اممم سمعته بيقول لأحلام انه حاسس انه اتسرع لما اتجوزنا ومرضيش يقولها ليه شكله حاسس اني بحب امجد بقى يغير منه
سراج حضانها:وبعدين
ليالي: عملت نفسي مش عارفة حاجة وكلمت ماما وطبعا هي فرحت للفكرة دي كانها كانت شمتانه فيا
سراج:منا وانتي عارفين ان امك دي بنت *****وميهمهاش غير مصلحتها وعايزة عز
ليالي عيطت
سراج:ليالي في ايه مالك
ليالي بدموع وهي سكرانه:هو ليه محدش عايز مصلحتي
سراج ابتسم:انا عايز مصلحتك
باسها واوتار قفلت الفيديو وشغلت تاني واحد وكان لليالي لا دا كان لتقى!طريقتها ولبقتها
تقى:انا مليش دعوة انا كنت بديلك كل حاجه عنها عشان تبعدها عني انت عارف كويس اني مبطقهاش
سراج ضحك:محسساني انها اختي انا مش اختك انتي دا انتوا عيله سافلة وبعدين ماله عز يعني ايه الواو اللي فيه انك انتي وليالي وامك تفكروا فيه
تقى:طب احترم نفسك مبدئيا كدا ولو مش هتقولها تسيبه انا هتصرف
اوتار غمضت بضيق:انتو عصابة انتو مش بني ادمين هو في كدا هو في حد بالقرف دا
الباب خبط وبسرعة اوتار شالت السي دي وقفلت الكومبيوتر وخرجت:مين!
عز:افتحي
اوتار برقت ومصدقتش نفسها قربت بذهول:م..مين
عز ابتسم على نبرة صوتها:عز انا عز
اوتار ابتسمت وجت تفتح افتكرت سراج وممكن انه ينفذ تهديده ويفضح عز
عز:هتوقفيني كدا كتير
اوتار:سراج مش هنا..
عز اتضايق:عارف ان زفت مش هنا عارف بس انا عايزك انتي
اوتار:ليه
عز:افتحي
اوتار:مش هينفع افتح
عز:اوتار انجزي افتحي
اوتار بتردد فتحت وهو ابتسم بتلقائية اول مشافها ودخل وقفل الباب
اوتار:لو سمحت
عز حضانها وهي بعدت وهو بصلها
اوتار:لو سمحت متقربش عز اخرج
عز بغضب مسك دراعها:انتي مش هتبطلي بقى
اوتار:ابطل ايه
عز:انتي مبتحبيهوش انتي كذبتي عليا صح عيزاني اسيبك طب ليه هاا
اوتار:انت مصمم تقنع نفسك بحاجة عبارة عن كذبة
عز بصلها:عمرها مكانت ولا هتكون كذبة
اوتار بصت لأيده وبعدتها عن دراعها:اخرج
عز الغضب اتملك منه ومبقاش عارف هو بيقول ايه:انتي مش عيزاني اقرب منك وعملتي نفسك الشريفة دلوقتي
اوتار بصتله بصدمه
عز مسك دراعها بعنف:سمحتيله يلمسك سمحتيله بكل حاجه امتى بقيتي بالرخص دا
اوتار مصدومه من كلامه وزاته بدموع:يا اخي اتقي ربنا بقى انت بتقول ايه انت مبتملش انتوا مقرفين وبتستنفذوني انت ايه اللي بتقوله دا
عز سندها على الحيطة:بقول اللي سمعتيه هو قال كدا ومش قدامي انا بس هو فضحك فاهمة واكيد مصور كل اللي حصل بينكوا لأنه بيصور اقل لحظة بينه وبين اي حد انتي مش هتتخيلي
اوتار بتوهان وصدمة:بتقول فضحني انت مصدق اللي بتقوله!!انت مصدق
عز باصصلها وهز راسه بنفي
اوتار:انت ازاي بتجرحني بالطريقة دي انت
عز اتنهد هو مش مصدق بس ليه بيجرحها وهو عارف ان سراج بس عمل كدا عشان يضايقة بس اللي مضايقه اوتار هو عارف ان في حاجة من نظراتها بس هتكون ايه يخليها تقبل بالوضع دا مش عارف..
اوتار بتبعد ايده عن كتفها بدموع:يا ريتك مجيت كلام سراج نفسه الكلام الل سمعتك بودني بتقولهوله ابعد عني بقى
عز قرب حضانها بأسف وهي زاته بعنف
اوتار:مش عايزة اشوفك تاني وانسى انك تعرفني فااهم
عز:اوتار
اوتار مبقتش قادرة تقف والدنيا بتلف بيها وفجأة وقعت على الارض وعز اتصدم وقرب بيحاول يفوقها بس مفيش فايدة بسرعة جري على المستشفى وهو قلقان واول موصل واحدة شاورتله على الاوضه:دخلها هنا
عز استغرب ودخلها:بس دي مش اوضة الطوارئ
.....:اتفضل بسرعة نتطمن عليها
عز دخلها بقلق
.....:اتفضل استنى برا
عز بص لاوتار وخرج بقلق وبعد شوية خرجت الدكتورة ابتسمت:انت جوزها!
عز بصلها وسكت
.....:مبروك الف مبروك المدام حامل
عز:مدام مين
.....:هي اللي جوا مش مراتك هي حامل
عز:يعني ايه حامل اكيد في خلل انتي بتقولي ايه انتي؟
.....:اسفة بس هي حامل..

#استودعكم_الله ♥
يا ريت الكل يعمل متابعة لصفحتي بينزل عليها الرواية بدري 👇
#Nada_Mohse

عاصفة جديدة هتضربهم وهفكركوا بحاجة تطمنكوا (ما ضاقت الا لما فرجت 😉) مش عارفة ازاي بس هتفرج ادعوا🙄🙂

يلا عايزة توقعاتكوا..... الأسئلة:-
عشق هتتصرف ازاي مع عمران ويا ترى هتاخد اخوها معاها؟!اوتار حامل فعلآ؟! عز هيتصرف ازاي مع اوتار؟!اوتار ممكن تستفاد من الفيديوهات اللي شافتها عند سراج؟!

الاكثر قراءة هذا الشهر :

موعد الحلقة الجديدة الساعة  10 م  يوميا ان شاء الله .

هنا تنتهى احداث رواية رجل المهام الصعبة الحلقة الثالثة عشر ، يمكنكم اكمال باقى احداث رواية رجل المهام الصعبة الحلقة الرابعة عشر  أوقراءة المزيد من الروايات المكتملة فى قسم روايات كاملة .

نأمل أن تكونوا قد استمتعتم بـ رواية رجل المهام الصعبة ، والى اللقاء فى حلقة قادمة بإذن الله ، لمزيد من الروايات يمكنكم متابعتنا على الموقع أو فيس بوك ، كما يمكنكم طلب رواياتكم المفضلة وسنقوم بوضعها كاملة على الموقع .
تعليقات



حجم الخط
+
16
-
تباعد السطور
+
2
-