نقدم اليوم احداث رواية رجل المهام الصعبة الحلقة الخامس عشر من روايات ندى محسن . والتى تندرج تحت تصنيف روايات رومانسية ، تعد الرواية واحدة من اجمل الروايات رومانسية والتى نالت اعجاب القراء على الموقع ، لـ قراءة احداث رواية رجل المهام الصعبة كاملة بقلم ندى محسن من خلال اللينك السابق ، أو تنزيل رواية رجل المهام الصعبة pdf كاملة من خلال موقعنا .
رجل المهام الصعبة الفصل الخامس عشر
رواية_رجل_المهام_الصعبة
الحلقة15
للكاتبة/ندى محسن ♕Noody♕
#Nada_Mohsen
اوتار اتصلت بحسام بعد مشافت الخبر على النت وفقدت السيطرة على دموعها وهي مصدومه بس اتخطت دا واقنعت نفسها انها لازم تبقى مع عز واكيد حالته وحشة وفي نفس الوقت كان سراج متوقع ردت فعلها ونزل ركب عربيته بسرعة
حسام بدموع:مش عارف يا اوتار عز مبيعرفش حد هو رايح فين
عمران خد التليفون منه:هو اكيد محتاجك ومهما لف هيروح على شقة في ******دي كان مشتريها وكان بيختفي فيها لما يتضايق مؤخرآ روحيله ويا ريت متسيبيهوش
اوتار بسرعة نزلت وهي بتعيط:مش عارفة ليه حصل كدا بس اللي كان مانعني اسيبك ملوش اي وجود دلوقتي انا مش هسيبك مهما يحصل....
راحت فضلت تخبط مفيش صوت قعدت على السلم وهي بتدعي يكون بخير ومفيش حاجة تأذيه وبعد فترة مش قصيرة عز طلع ووقف اول مشافها بصتله كانت حالته صعبة هدومه متبهدله وبينزف وعيونه تايهه ومليانه بالحزن والدموع وجودها كان صدمه بالنسبة ليه
اوتار ابتسمت بدموع ووقفت:انت جيت انا بقالي كتير مستنياك يا عز
عز خرج المفاتيح وهو مش عارف يفتح ايده مش ثابته اتعصب اكتر وضرب الباب برجله وهي اتخضت وقربت خدت منه المفتاح وفتحت الباب وهو دخل وجه يقفل الباب حطت ايدها وهو وقف بضيق ومش قادر يناهد معاها
اوتار:خليني ادخل اساعدك
عز بغضب:قولتلك لو حياتي في ايدك لو قلبي واقف نبضه عليكي انا هدوسه برجلي فاهمة هدوسه ولا انه يبقى معاكي
اوتار بدموع:طيب انا مش عايزة منك حاجه....بس خليني ادخل
عز:مش عايزك تدخلي ومش هتدخلي
الباب اللي قدامه فتح وخرج سامر
(سامر شاب رياضي ومرح جدا عمره 29 سنه مدرس العاب في مدرسه قريبة من البيت وعز مبيطيقهوش من كتر تفاهت تصرفاته وخصوصآ ان كل معز يجي يشوف معاه واحدة شكل)
سامر:اخيرآ يا باشا شرفت انا جيت ونزلت وجيت ونزلت وهي قاعدة مستنياك بس اول مرة يعني اشوف لبيتك حرمة
عز فتح الباب واوتار ابتسمت ودخلت وهو بص لسامر:بعد اذنك
قبل مسامر يرد راح قافل الباب في وشه
اوتار بصتله
عز بغضب:هينزل وتمشي من هنا والا انا همشي واسيبهالك ولا الأحسن اتصلك بخطيبك يجي ياخدك ولا اقول جوزك احسن وعملية اكتر
اوتار بصاله بدموع وعز راح ناحية ركن في الشقة مليانه بالضلف الإزاز فتحها وخرج ازازة خمرا وبقى يشرب وهي سحبتها منه وكسرتها بغضب
عز بصراخ وغضب والدموع في عينه اللي كل شوية يمسحها:انتي اتجننتي
اوتار بدموع غضب:انت هي دي طريقتك هي دي الطريقة اللي بتعالج بيها مشاكلك
عز بغضب وصراخ:ابعدي عني بقى انا خلاص بتدمر سيبيني في حالي بقى عايزة ايه مني وجودك مش هيساعدني عايزة تساعديني فعلاً ابعدي عني ابعدي عني وسيبيني في حالي
اوتار بتعيط:انا حاسة بيك وانا مش هسيبك مهما تصرخ وتغضب عشان عارفة انك محتاج وجودي عشان عرفاك يا عز
عز:برا اخرجي برا
اوتار:مش هخرج
عز مسك ايدها ومشي بإتجاه الباب وهي بتحاول تبعد ايدها وهو حس بحاجة في ايدها بصلها شاف الخاتم اللي لبسهولها:ايه دا؟
اوتار بدموع:ايه خاتم
عز:اومال فين شبكتك ولا هو شكله عاجبك
اوتار بدموع بصت لتحت وابتسمت بإحراج:صاحب الخاتم واللي جابه هو اللي عاجبني وبعدين بتسأل عن شبكتي اومال اللي في ايدي دا ايه انا لا لبست ولا هلبس غيره
عز بصلها رفع وشها شاف عينيها احمرت من كتر الدموع
اوتار:انا مش هسيبك يا عز
عز:انتي تعرفي انا كرهتك قد ايه تعرفي انا قرفان من كلامي معاكي ازاي انتي ازاي كنتي بتكدبي عليا وممثلة دور البريئة ازاي بتتحكمي في نظراتك للدرجة دي
اوتار بصاله بصدمه:انت تقصد ايه انا عمري مكذبت عليك
عز بغضب زأها:انا مش عايز اشوف وشك هنا تاني اطلعي برا انا مش عايز حد جمبي ويوم مهعوز مش هتبقي انتي
اوتار بدموع:عز انت تحت تأثير الصدمة ارجوك اهدى ولازم تسمعني
عز بصراخ:كلكوا كذبتوا عليا الكل كان عارف بس انا اللي كنت غبي كلكوا خدعتوني وانا مش عايز حد
اوتار بدموع:محدش كان قصده يجرحك انت ابنهم ولازم ترجع يا عز افهم بقى
عز ضرب ايده ف لوح الأزاز نزله وهي اتنطرت بقلق وايده بقت تنزف:عز
عز بغضب والدموع ف عينه:مش عايز حد جمبي براا روحي لحبيبك روحي للي بعتي نفسك ليه روحي للي سلمتيله نفسك يا محترمة كلهم كان معاهم حق
اوتار بدموع بتقرب:انت بتقول ايه يا عز دا مش صح
عز بضحكت سخرية والدموع لمعت ف عينه:مش صح هو ايه اللي مش صح هو ايه اللي مش صح انتي حامل يا اوتار
اوتار بصتله بصدمة
عز بسخرية:انتي كان جرحك صعب بس هما قتلوني انا خسرت كل حاجة ابتدت بقتل ليالي اللي طلعت بتخوني وبعدين بيكي وبعدين اهلي اخواتي وتالي اللي كانوا خايفين عليها مني وفهمت دلوقتي ليه...خسرت صحابي وشغلي...خسرت كل حاجة وبقيت نكرة.....خلاص انا مش عايز حاجة غير اني ابقى لوحدي
اوتار بدموع:انت بتقول ايه وحمل ايه اللي انت بتقول عليه انت اتجننت
عز:انتي لسة هتكذبي مخلاص
اوتار بغضب عينها اتحولت لأزرق غامق جدآ:اكذب ايه الكلام دا غلط انت بتقول ايه انت اتجننت يا عز
عز:يوم متعبتي روحنا المستشفى الدكتورة قالتلي قالت انك حامل
اوتار بصاله بصدمه وتوهان وافتكرت اليوم دا سراج كان مبتسم وهادي وشكت فيه وبصت لعز:وانت صدقت
عز بصلها
اوتار بصاله بسخرية ودموع:لا انت بجد صدقت انت ممكن تتخيل اني اعمل حاجة زي كدا
عز بغضب:اومال سيبتيني ليه
اوتار انهارت في العياط وصرخت فيه:عشان حالتك دي عشان مكنتش عايزة توصل للحاله دي عشان كان مهددني عشان مكنش عندي الصبر اني اشوفك كدا في الحالة دي انا عملت كل دا عشانك وانت طلعت كلام وقولت لصحابك كلام عليا ومش صح وانا معرفتش اكرهك وجرحتني بالكلام ومعرفتش اكرهك ودلوقتي ايه اللي حصل انت بمنتهى البساطة جاي تتهمني تهمة اصعب وتقول اني حامل يا ترى قولت لمين المرة دي انت ازاي صدقت اصلآ وايه الدليل فين التحاليل مجرد حد قال حاجة واكيد سراج وراها كل واحد عنده طاقة وانا خايفة صبري ينفذ واستنفذ طاقتي معاك ووقتها مش هكون معاك مهما يحصل انا عمالة احاول ابني وانتي تهدم قولي انا اعمل ايه
عز بصلها وهي منهارة في العياط ونفسها ضاق بصتله:انا طول عمري تعبانه وكل مادا والجرح بيزيد بس انت ليه تقتلني بالطريقة دي تعرف اني حبيت امجد زي زياد حب عشرة وحب اخوة حب فاقد للكلمة الحلوة والحنان وانت اول حب حقيقي في حياتي بس انت كان عندك القابلية انك تصدق حاجة زي كدا انت بمنتهى البساطة صدقت والمفروض اني ابررلك بس انا معنديش مانع لو دا اللي هيثبت برائتي حالآ هنزل اروح اعمل تحاليل واجبهالك بس انسى اني هرجع معاك زي الاول يا عز لأنك هتفضل طول عمرك تتهم والمفروض اني اعيش عمري كله اوضح وابرر....
عز فكر في اللي حصل بتركيز وازاي الدكتورة كانت غريبة ومطلبوش منه يسجله بيناته وهو بقى واقف مصدوم
اوتار بصاله وسكوته واجعها اكتر
عز بصلها بغموض:انا ابن غير شرعي وكنت في ملجأ
اوتار:انت بنيت نفسك بإيدك يمكن عمي سليم ساعدك انك تدخل بفلوسه بس انت اللي وصلت لمكانتك دي ونجحت متضيعش سنين من عمرك مفيش حاجة هتتغير فكر اد ايه هما بيحبوك فكر يا عز
عز:دا مفرقش معاكي!
اوتار بدموع:اللي فارق معايا كلامك واتهماتك ليا مش اكتر واللي انت مش هتحس وجعها ابدآ
عز بصلها
اوتار باصة لجرحه:المفروض تطهر الجرح دا وانا اوعدك لما تبقى كويس انا هسيبك وهختفي تمامآ من حياتك هختفي لدرجة انك لو قلبت الدنيا كلها عليا مش هتلاقيني بس سيبني اساعدك
عز نزل وقفل الباب وهي قعدت بضيق ووجع:انت عمرك مهتتغير وعمرك مهتفهم
قامت شالت الإزازة اللي كسرتها ونضفت الأرض
اوتار تليفونها رن بصت لقته سراج اتنهدت بضيق وغضب فتحت:انت لسة ليك عين تتصل لسة ليك عينك تتكلم معايا
سراج غمض عينه بضيق:واللهي معملتش حاجة انا اتصدمت باللي حصل واللهي معملتش كدا انا مكنتش اعرف حاجه واتصدمت باللي اتنشر صدقيني
اوتار:وانت فاكرني هثق في كلامك دا
سراج بغضب:لازم تثقي في كلامي ايه اللي هيخليني اعمل كدا قبل متجوزك حتى يا زكية اوتار انتي فين انا عايز اشوفك حبيبتي
اوتار:انا مبحبكش ومش عايزة اشوف وشك فاهم ولو عز حصله حاجة انا هفضحك ودا وعد
قفلت في وشه وهو خبط رجله في الحيطه بغضب:اكيد هي اللي عملتها اكيد..
اتصل بتقى وهي ابتسمت:اتاخرت اووي يا سراج
سراج بغضب:ايه اللي خلاكي تعملي كدا ايه اللي خلاكي اتجننتي وتعملي كدا انا خلاص كنت هتجوزها النهاردا ودلوقتي انتي بوظتي كل حاجة بغبائك
تقى:اولآ مكنتش اعرف اما بقى ثانيآ دا كله ميخوصنيش كان لازم اعرف عز هو مش ابنهم وتالين مش اخته وانا هستنى يومين هيهدى واجيله وهبقى ملجأه وكل حاجة في حياته
سراج:مشوفتش في حياتي كلها واحدة بغبائك اوتار هتحاول تتكلم معاه
تقى:متتكلم يا سراج عز مش هيصدق كلامها خصوصآ انك اثبتله بكلام الدكتورة ان اوتار حامل والفضل في مراقبتك ليهم يا روحي
سراج بغضب:عارفة يا تقى انتي فرصك معايا بتقل اوووي وادعي نفسي وصبري يطول معاكي
تقى:بلاش كلام كتير بس انا عايزة فلوس خلاص بقينا على الحديدة
سراج بسخرية:هو انا خلفتك ونسيتك
تقى:انا مش بساعدك يبقى دا حقي وبعدين انت عارف اني مبشتغلش ولا ست سارة اللي كانوا بيصرفوا عليها هناك مش موجودين هنا ومراد عمل فيها الغضبان وسافر ومش وقته اني المح لحد خالص الكل هنا قالبها مناحة خصوصآ ست زفته اللي اسمها تالين اللي بتفضل لازقة لعز
سراج بغضب:انا مش عارف دماغك كانت فين تاخدي خطوة زي دي مش عارف انا لامتى هفضل مستحملك بصي غوري
قفل في وشها ونفخ بضيق رجع شعره لورى وهو بيشد عليه:عادي...عادي هشوف حل اكيد في حل...
اوتار قاعدة مستنيه عز واخيرآ الباب خبط فتحت شافت عز ومعاه تلاته متعرفهمش استغربت
عز:اتفضلوا
دخلوا وعز شاورلهم على الصالون قعدوا واوتار بعدت وهي لسة عند الباب
عز:اوتار تعالي
اوتار استغربت وقربت وقعدت جمبه
عز:دا الماذون انا هتجوزك حالآ
اوتار بصتله بصدمه
عز وشه كان خالي من اي تعبير
اوتار:عز...لا
عز:تعالي.... جهز الورق لو سمحت
خدها وخرج من الصالون وهي مصدومه
عز:لو مش عايزة انا مش هغصبك بس لو عشان كلامي انا مكنتش اقصد ودليل اني مصدقك اني جبت الماذون وسراج انا هعاقبه اشد عقاب واستني وشوفي اما انا انا مش عارف اسمي ايه ولا كنت عايش ازاي ولا اهلي فين ومين وليه رموني كله كلام بيتقال والحقيقة مظهرتش انا عارف وجودك معايا هنا هيبقى صعب بالنسبة ليكي وهيزيد توترك وانا عايزك تكوني براحتك لاني مش هسيبك تروحيله تاني
اوتار بدموع:انت شاكك فيا ازاي هتبني معايا حياتك وهتخليني اشاركك فيها ازاي هتسمح لحد يشاركك حياتك وانت مبتثقش فيه يا عز
عز حاوط وشها وابتسم:واثق فيكي بس كل حاجة كانت جاية عليا والشيطان شاطر اديني فرصه بقى
اوتار بصتله وبعدت ايده:لسه مكتبناش الكتاب
عز بصلها وابتسم:اهو دا اللي انا عامل حسابه يلا قبل محضنك وانتي قمر كدا
اوتار ضحكت بدموع وراحوا كتبوا الكتاب وسحب ايدها باسها وباركولهم وعز اصر انهم يشربوا حاجة جاب حاجة سقعة وكان بيلهي نفسه وهما قعدوا شوية ومشيوا وعز بص لاوتار لقاها سرحانه
اوتار كانت مبتسمة بحب وسرحانه بتفكر وبتتخيل
••رعد حضانها مبروك يا قلبي
اسيا حضنتها بدموع:يا روحي انتي اخيرآ شوفتك عروسة اجمل عروسة في العالم كله
اوتار ابتسمت وبصت لعز وعز حضن رعد وابتسم:انت مش متخيل كمية فرحي عشان تعبت عقبال مخدتها منك يا عمي حرام عليك والله دا انا غلبان
رعد ضحك وحضن اوتار:عشان دي حياتي فكرك هسلمك حياتي وقلبي وعمري بالسهولة دي كدا
عز ابتسم بحب:اوعدك اني هحافظ عليها
زياد صقف هو وحسام وتالين واحلام واسيا زغرطوا والاغاني اشتغلت والكل بقى يرقص وعز عيونه بس مركزة مع اوتار:خلاص بقيتي مراتي حبيبتي وشريكة حياتي
اوتار ابتسمت:انا مش مصدقة خلاص انا بقيت مرات الرائد عز سليم المنشاوي
عز ابتسم وباس ايدها:دا بقى بتاعك انتي وبس وعمره مهيسيبك وبعدين انا اقدر؟دا الحج كان يعلقني
سيف حط ايده على كتف عز هو ومالك:ايه بقى العريس مش ناوي يرقص ميلا هات مراتك ويلا
اوتار ابتسمت وعز ماسك في ايدها وفجاة سراج حط ايده على كتفها وحاوطها
فاقت من احلامها على ايد عز محطوطة على كتفها اتنطرت والدموعها بتنزل على خدها
عز وقف بقلق:انتي كويسة في ايه مالك؟!اوتار بتعيطي ليه انا اسف لو خضيتك وانتي كنتي سرحانه
اوتار بصت حواليها عرفت انها كانت بتحلم احلام اليقظة اتمنت لو كان ليها عيلة تشاركها اليوم دا زي مكانت بتحلم حتى عيلة عز مش هنا ودا حسسها بوجع اكبر مقدرتش تسيطر على دموعها
عز وقف بقلق قدامها مسك ايدها بحنان:في ايه مالك ايه اللي حصل فجاة انتي تعبانه طيب؟
اوتار بصاله وهزت راسها بنفي بدموع
عز:انا ضايقتك!طب حسيتي انك اتسرعتي
اوتار بدموع هزت راسها بنفي:لاء
عز:اومال يا اوتاري في ايه مالك يا نور عيني
اوتار بدموع: اقولك مش هتضايق
عز هز راسه بنفي: ابدآ انا هتضايق لو متكلمتيش
اوتار: انا كان نفسي تبقى عيلتي موجودة كان نفسي يبقو عيلتي وعيلتك متجمعين عمي سليم وبابا وطنط احلام وماما.. تالي وزياد حسام وعمران وسيف ومالك
عز بصلها وحس بوجع كبير وحضانها ابتسم بحنان:عارف انها حاجة توجع خصوصآ للبنت بصي انا اوعدك انك هيتعملك فرح بحفلة كبيرة اهلي واهلك هيبقوا موجودين هنشهر جوازنا الكل هيبقى موجود حتى عمو رعد
اوتار بصتله بدموع
عز مسح دموعها وشاور على قلبها:هنا هو قاعد ومربع في قلبك كمان
اوتار ابتسمت
عز باس جبينها:خلاص بقى وحيات عز
اوتار ابتسمت وهزت راسها بإيجاب:تعالى بقى معايا
فتحت اوضه وبصتله
عز:مش دي اوضتي التانية احلا وبرتاح فيها
اوتار دخلتها وهو ماسك ايدها وابتسمت بصت للأوضة وابتسمت:دي حلوة اووي
عز ابتسم وحاوطها واعتبر مجيها الاوضة اشارة خضرا ليه وقرب من شفايفها.....
اوتار بصاله وعينها اتحولت للبنفسجي
عز ابتسم وبيقرب وهي بعدت وشها: ع.. عز
عز: نعم يا روح عز
اوتار: ابعد
عز بصلها:ليه
اوتار بصت لتحت بخجل:مش هتقرب الا لما نعمل فرح
عز بهزار مط شفته وكشر: دا مين اللي قال كدا
اوتار بحرج: عز
عز بهزار وغيظ: طب جاية معايا الأوضة ليه معلش يعني
اوتار: عشان اعالجلك جرحك دا وبطل الأفكار دي وبعدين من ايه
عز ابتسم بلامبالاه: عملت حادثة
اوتار: ينهار ابيض دا ازاي
عز: اهدي خلاص جرح بسيط دخلت في عربية قدامي
اوتار قعدته على السرير: فين بقى اللي هطهرلك بيه الجرح
عز: في الحمام
اوتار خرجت من الأوضة وقعدت تخمن لحد ملقت الحمام وجابت العلبة وبقت تعالجهوله وفجأة ابتسمت
عز: افتكرتي ايه!
اوتار: سراج
عز ملامحه اتغيرت وبغضب بصلها: وتفكري ليه في سراج وايه اللي يفرح في مجرد التفكير في اقذر بني ادم على الكوكب دا كوكب ايه دا اقذر واحد في الكون
اوتار:كان هيجيب المأذون وهو جاي مكنش هيسيبني النهاردا بس انا دلوقتي معاك انا دلوقتي مراتك؟انت متخيل؟
عز:انتي دلوقتي مراتي يا اوتار ومش عايزك تفكري فيه بأي شكل
اوتار هزت راسها بإيجاب:طب اسيبك ترتاح
عز هز راسه بنفي:لا مش هنام دلوقتي احنا لسة المغرب والنهاردا عايز اسهر معاكي
اوتار ابتسمت وهزت راسها بإيجاب
عز فتح دولابه وخرج تيشيرت وبنطلون ومدهولها:لحد مجيبلك هدومك من عند سراج حابب اوي اروح اخودها من هناك
اوتار بصت للتيشيرت:طيب انا عايزة بكم
عز:انا جوزك على فكرآ واللهي يعني
اوتار:انا بردانه
عز:حاضر يا ستي مع ان الجو حلو بس ماشي معلش بقى معنديش چيبة
اوتار ضحكت وخدت الهدوم منه وخرجت دخلت الحمام وهو قعد مش متخيل ازاي خرج من الحالة اللي كان فيها ولقى تليفونه بيرن وابتسم بحزن لما شاف اسم تالين ورد:امممم
تالين بدموع:عز انت كويس
عز:اه انا كويس انتي بتعيطي ليه
تالين بدموع:عشان وحشتني وعشان انت لسة اخويا ومش عايزاك تبعد عني
عز:طيب ممكن تهدي
تالين بدموع:متخبيش عليا انت تعبان؟
عز هز راسه بنفي وبهزار:لا انا متجوز تنفع دي
تالين بصدمه:اتجوزت مين
عز ابتسم:انتي تفتكري مين غيرها
تالين:اوتار!دا بجد احلف والنبي احلف بالله عليك
عز ضحك:واللهي العظيم اتجوزتها وهي معايا دلوقتي بس دخلت الحمام ايه يا تالي فكرك كنت هتجوز غيرها
تالين ضحكت بفرح وسعادة:بجد دا احلا خبر اسمعه يا عز انا بمووت فيك
عز ابتسم:وانا بموت فيكي يا مجنونة يلا بقى سلام
تالين:سلام يا عريس
قفل واوتار كانت واقفه بإستغراب
عز التفت وابتسم:مغيرتيش هدومك ليه!
اوتار:هصلي وكنت هسألك القبلة منين...انت كنت بتكلم مين
عز:تالين
اوتار بصاله وساكته
عز بإستغراب:دا يضايقك
اوتار بصتله ومعرفتش تتكلم عايزة تقوله ان بعد كدا من بعد معرف مينفعش يقرب من تالين يحضنها او يكلمها كدا بس اتراجعت لما حست انها ممكن ترجع تجرحه تاني
عز:انا فاهم وعارف بس انا نسيت....هي مش اختي وانتي من حقك تغيري بس
اوتار:انا مش غيرانه انا مش عيزاك تعمل حاجه غلط بس....انت كنت ملتزم في الصلاة بس انت بقيت تشرب وبقيت واحد تاني ودي حاجة مخوفاني منك
عز بصدمة:مخوفاكي مني انا!! اوتار انا بشرب بس ببقى واعي انا بعمل ايه انا مينفعش اسكر لدرجة اني افقد الوعي وبعدين يا روحي انا بحبك
اوتار:بس دا حرام وغلط عليك
عز بضيق:حاضر
اوتار:القبلة منين؟؟
عز:كدا
ورالها القبلة وخرج وهي اتنهدت وصلت وهي بتشكر ربنا انه نجاها من سراج وبتدعي انه يهديلها عز
عز جهز الأكل لأول مرة وهي خرجت وابتسمت وهو ابتسم:غيري وتعالي
غيرت هدومها وسرحت شعرها وبقت محرجة تطلع كدا من الأوضة اتنهدت وخدت نفس عميق وفتحت الباب ملقتهوش خرجت ملهوش اي اثر والأكل محطوط استغربت وقعدت وشوية الباب اتفتح ودخل بأزايز حطها في التلاجة وبصلها وابتسم اول مشافها
اوتار:انت كنت فين
عز:لقيت مفيش عصاير فقولت اجيب
اوتار هزت راسها بإيجاب وابتسمت
عز:يلا عشان تاكلي
اوتار وقفت وهو ابتسم اوي:ايه القمر دا بس لاء انتي كدا بتحطمي حصوني والبني ادم ضعيف
ضحكت:طيب بطل
عز:ماشي هبطل يا قمر انتي يلا تعالي عشان تاكلي
اوتار هزت راسها بإيجاب وقعدت وهو سحبها بصتله بإستغرب:ايه يا عز
عز قعدها على الكرسي اللي جمبه وابتسملها بحب:لازم تبقي دايما قريبة مني
اوتار ابتسمت وهو بياكل ويأكلها وهي بقت فرحانه نسيت كلامه واقنعت نفسها ان دا كله كان بسبب سراج وان عز كان في وقت وضغط يخليه يصدق نسيو مع بعض كل حاجة عز كان بيحاول يتغاضى عن شعوره وعن المه واوتار عارفة وبتحاول تخليه يتكلم
اوتار قعدت على الكنبة وهو فرد جسمه جمبها وحط راسه بس على رجليها وهو بيلعب بشعرها وهي مبتسمه بحنان:مش عايز تتكلم بردو وتحكيلي اللي جواك بتفكر في ايه احنا هنرجع تاني هناك ولا لا
عز بيغير الموضوع:انتي مش عجباكي الشقة
اوتار:لاء عجباني وجدآ كمان بس دول اهلك دول اللي دايمآ كانوا وهيظلوا جمبك
عز:مش يمكن اكون تهت او اتخطفت وانا صغير مش لازم بقى اشوف اهلي مين مش يمكن يبقوا محتاجينلي
اوتار هزت راسها بإيجاب:معاك بس دا مش معناه انك تنسى التانيين
عز:اوتار انا بحبهم ومستحيل انساهم
اوتار ابتسمت:ودا اللي يهمني
عز ابتسم وغمض عينه وهي مركزة في تعبيرات وشه
عز فتح وابتسم لمى شاف عينها اتحولت للبنفسجي واستغرب:اوتار!
اوتار:ايه
عز:في خطوبة سيف ازاي عينك شوفتها مع سراج بنفسجي؟
اوتار ابتسمت:كنت بصالك وهو جه وقف قدامي وقعد يزعق عشان ملبستش لينسز
عز:اممم وانتي كنتي لابساه بقى لما قولتيلي انك مبقتيش تحبيني
اوتار هزت راسها بإيجاب وضيق
عز قعد جمبها وحضانها:انا مش هتكلم في الموضوع تاني عايزك تنسي كل حاجة انسي كل حاجة عدت ايامنا الجاية كلها هتبقى سعادة كلها
اوتار ابتسمت وحضنته وهي بتدفن راسها فيه وبتستغل كل لحظة هي معاه فيها:اتمنى يا عز
عز ابتسم وقرب منها باس خدها وبصلها
اوتار عينها اتحولت للبنفسجي وبصاله وهو باس خدها تاني بحب وبيضمها ليه فغمضت وهو ابتسم وشالها دخل اوضتهم وهما مبيفكروش في حاجه غير انهم مع بعض وهيعيشوا اسعد لحظات حياتهم سوا
#رواية_رجل_المهام_الصعبة
للكاتبة/ندى محسن ♕Noody♕
#Nada_Mohsen
تالين نازلة فرحانه:جمااااعة
سليم بصلها
احلام:في ايه
تالين:عز
حسام:ماله كلمك
تالين:انا اللي كلمته
حسام بإستعجال:رد عليكي قالك ايه متنطقي
تالين:استنى بس هو اتجوز
الكل اتصدم وسارة وتقى وقفوا بغضب وصدمه
تقى بغضب:اتجوز مين ايه الكلام الفارغ دا
تالين بصتلها بثقة:اممم اتجوز اوتار
احلام اتصدمت:اوتار؟وفي وقت زي دا وازاي من غير حد معاه؟او معاها
حسام ابتسم وبقى يصفر ومسك ايد تالين قعدو يتدوخو زي الأطفال وسارة طلعت بغضب وتقى خرجت بدموع واتصلت بسراج بغضب قالتله
سراج صرخ فيها:مش دي نتيجة تهورك هو انتي بتسمعي ليا ولا بتكلميني بعد المصيبة هاين عليا اقتلك يا تقى وارتاح من قرفك وانتي عارفة اني اقدر اعملها
تقى: بلا مبالاة اتصرف بقولك اتجوزها عز اتجوزها خلاااص
سراج بغضب:المفروض النهاردا كانت هتبقى مراتي وبسببك انتي اتخرب كل حاجة وخسرتها
تقى:انت حبيتها بجد؟اينكان دا ميخصنيش المهم انها تبعد عنه انا غلطانه اني سمعت كلامك ومقتلتهاش
سراج بغضب:طب اياكي تيجي جمبها فاهمه هقتلك اقسم بالله لو اتخدشت بس خدش بسببك هكون مموتك
قفل في وشها وهي بضيق قعدت بغل:انتوا ابتديتوا تستنفذو طاقتي وخلاص انا صبري بينفذ وهخلص منكوا....
#رواية_رجل_المهام_الصعبة
للكاتبة/ندى محسن ♕Noody♕
#Nada_Mohsen
ملك:هو قافل على نفسه بسبب الخبر دا وانتي محبكش تجيبي سي ايان غير النهاردا
ايان قاعد على رجليها ومغمض عينه بتعب
عشق بحزن:انتي عارفة من اسبوعين كنا في المستشفى بسبب ان عديم الدم ضربه وفتحله دماغه وانا كنت هموت من الخوف والنهاردا مش عارفة ليه سخن كدا مش عارفة ومقدرتش اسيبه دا ممكن ينزله الشارع وهو في الحاله دي دا الرحمة انعدمت من قلبه
ملك:طب سيباه كدا ليه
عشق:اكلته وخد الدوا ومش عارفة اعمل ايه انا خايفة اووي هو نايم كدا
ملك بحزن:متقلقيش هيكون بخير
عشق غمضت عينها بحزن وهي بتتكلم في نفسها:حتى الفلوس اللي في الشنطه لقيته واخدها اعمل ايه واروح ازاي واوديه المستشفى ازاي....انا كل اللي معايا يا دوبك اجيبله حاجة ياكلها ولو هنركب عربية واكملها مشي حسبي الله ونعم الوكيل
جه معاد استراحة الغدا والكل نزل وعمران تعب من القاعدة في المكتب نزل وهي دارت ايان لحد مخرج واتنهدت باست جبين ايان لقت سخونيته زادت اتصدمت وبقت تصحيه فتح عينه بتعب:حبيبي انت كويس!
ايان:انا تعبان راسي وجعاني
عشق سابته:خليك هنا
نزلت بسرعة جابتله اكل وسألت الصيدلي تعمله ايه
ايان القعدة على الكرسي تعباه فتح الباب بتاع مكتب عمران ودخل غصب عنه ونام على الكنبه
وبعد شوية عمران طلع ودخل مكتبه وقعد واتصدم باللي قدامه وقف بسرعه:م...مين دا...؟؟
قرب بيصحيه لقى جسمه سخن جدا:دا تعبان ومين اللي جابه هنا؟؟
شاله بسرعة بقلق وخرج اتقابل مع عشق وهي اتصدمت:انت لقيته ازاي
عمران:الولد دا تعبان جدا
عشق شالته وهزت راسها بإيجاب:انا جبتله الاكل وهديله الدوا
عمران:انتي تعرفيه؟دا لازم يتنقل المستشفى
عشق:دا اخويا....
عمران:لازم توديه المستشفى حالآ
عشق:انا...
عمران بغضب:انتي ايه الواد بيموت انتي مش حاسة بحرارة جسمه عامله ازاي دا خطر
عشق بدموع:انا ملقتش فلوس في الشنطة
عمران خده منها:يلا معايا بسرعة
مشي بسرعة وهي وراه ركبهم ورا وبسرعة ساق وداه المستشفى والدكاترة قعدوا يحاولو ينزلوا حرارة جسمه لحد منجحوا وعشق كانت بتترعش ومنهارة وخايفة عليه وعمران ملاحظ دا وغمض عينه بغضب وهو بيتكلم في سره:لولا الفلوس كان زمانه مات وهي هتفضل متعذبة طول عمرها لأول مرة يحس الأحساس دا هو طول عمرة مرتاح ماديآ هو وكل اللي حواليه....
عشق: انا عايزة اشوفه
عمران كلم الدكتور ووافق يدخلوله وممكن ياخدوه معاهم كمان عشق ابتسمت ودخلتله
ايان ابتسم ومدلها ايده حضنته بدموع:كنت هموت من الخوف عليك ينفع كدا
ايان باس خدها:اسف
عشق ابتسمت وبقت ماسكة ف ايده
ايان بص لعمران بخوف واستخبى في عشق
عشق:ايان هو ساعدنا عشان نيجي المستشفى
ايان:هو هيضربني
عمران مستغرب
عشق:لا يا حبيبي متخافش
ايان:انتي قولتي لو دخلت مكتبه هيضربني
عشق:وانت دخلت مكتبه
ايان بخوف:اه...كنت تعبان ونمت على الكنبة...انا اسف
عشق غمضت عينها بحزن وعرفت انه هيرفدها بصتله:كان غصب عني مكنش ينفع اسيبه لوحده وهو في الحالة دي انا اسفة
عمران قرب وابتسم:اهدي طيب ويا سيدي انا مبضربش حد
ايان بصله وابتسم
عمران مدله ايده وايان مسكها سلم عليه وابتسم وبعدين شاله:هوووبا ايه الحلاوة دي بس ال اضربك ال
عشق اتطمنت نوعآ ما
عمران:انت كويس دلوقتي
ايان هز راسه بإيجاب:عشق
عشق:نعم
ايان:انا عايز انام
عشق:هنروح وتنام
ايان كشر:هنروح ويضربك ويضربني
عمران استغرب:مين دا
عشق قاطعته:مفيش ايان اسكت بقى ويلا نمشي اليوم كان صعب
عمران بصلها وكان عنده فضول يعرف ايان بيتكلم عن ايه بس سكت
#رواية_رجل_المهام_الصعبة
للكاتبة/ندى محسن ♕Noody♕
#Nada_Mohsen
اوتار فتحت عيونها محستش انها غفلت لقت نفسها قاعدة وعز نايم على رجليها وكانه منمش من سنين استغربت انهم هما الاتنين ناموا كدا بعد مكان بيكلمها وابتسمت مش مصدقة يعني هي دلوقتي مراته هي دلوقتي مرات عز المنشاوي ابتسمت وحست ان قلبها بيرقص ونبضه بيزيد وهو فتح عينه كانه صحي على صوت قلبها وابتسم لما شافها مبتسمه:انا نمت!
اوتار هزت راسها بإيجاب
عز ضحك وقعد:وانتي بصالي اوي كدا قلقتيني يا مدام عز
اوتار حضنته جامد كانها مشفتهوش من زمن
عز ابتسم وحاوطها بأيده وضمها ليه اكتر
اوتار:انا بحبك اووي يا عز انا بموت فيك
عز ابتسم وباس جبينها:وانا بموت فيكي وبحبك وبعشقك انتي بقيتي كل حاجة ليا يا اوتار انتي متتخيليش في بعدك كنت عامل ازاي كنت في وسط ناس كتير وحاسس اني وحيد ووقتها عرفت اني مستحيل هرتاح الا لما تبقي معايا
اوتار ابتسمت وهنا تليفونها رن
عز:يوووه هو دا وقته مين القفيل اللي بيتصل اكيد تالي
اوتار ضحكت وخدت التليفون وملامحها اتغيرت لغضب وقلق
عز:في ايه....هو....سراج مش.كدا
اوتار هزت راسها بإيجاب
عز:افتحي عليه وافتحي الأسبيكر
اوتار فتحت وفتحت الأسبيكر بقلق
سراج بيجز على سنانه بغل:مبروووك يا روحي مبرووك يا حلوة
اوتار غمضت بضيق صوته بيعملها اجهاد نفسي وعصبي بقت تحس بالضيق لمجرد انها تسمع صوته
عز ضحك:الله يبارك فيك يا صاحبي صاحبي ايه دا انت ولا الكلاب دا انت ابن *******
سراج قلق وخاف لاوتار تكون حكتله على كل حاجة بس لا هو هددها بحياة زياد مستحيل هتخاطر:انت عايز ايه
عز:انا هو انا اللي متصل بردو يا ****مشوفش رقمك عند مراتي من النهاردا فاهم ويا ريت مشوفش وشك خالص احسن لأنك هتندم على كل دا
قفل في وشه وخد الخط بتاع التليفون وبصلها:انتي محتجاه؟؟
اوتار هزت راسها بنفي
مسك تليفون سراج اللي معاها ورماه في الشارع وحاوطها:هجيبلك احلا منه مليون مرة احم واسف على الالفاظ دي بس هو اللي استفزني انا هموت واموته
اوتار ابتسمت بحب:انت اغلى من كل حاجة عندي يا عز....مش هتتخيل شعوري دلوقتي
عز:طب يلا نريح شوية
اوتار بعدت بضحك:عز
عز ضحك:بأحترامي والله المرة دي بإحترامي يلا نريح بأحترام
اوتار ضحكت ونام وسحبها في حضنه وابتسم:تصبحي على كل حاجة حلوة
اوتار ابتسمت:يعني هصبح على ابتسامتك يا عزي
عز ابتسم وباس خدها وفضل يسأل نفسه انا عملت ايه كويس عشان ترزقني بيها يا رب ويا ترى دي هتبقى نعيم ولا جحيم بس لو جحيم هيبقى ازاي.؟؟
اوتار اول ماستقرت في حضنه نامت وهو ابتسم واكتشف انه بيعشق كل حاجة فيها شقاوتها ابتسامتها عيونها اقل حركة بتعملها....
#رواية_رجل_المهام_الصعبة
للكاتبة/ندى محسن ♕Noody♕
#Nada_Mohsen
زياد:بتتكلمي بجد
تالين مبتسمة:اه بتكلم بجد انا هموت من الفرحة
زياد:انا بردو مصدوم ازاي مش اخوكي
تالين بحزن:بابا كان مع جدي الله يرحمه في الملجأ اللي كان بيزوره للأعمال الخيرية وكانت ماما معاهم ولسة متجوزين وشافه عز كان جايبه واحد قاله انه لقاه وكان صغير جدآ عمره شهر تقريبآ وقالو لماما ان امل انها تخلف قليل وانه يكاد ينعدم اصلآ وبابا اتشدله وهي مكنش عندها مانع وقررو يتبنوه بعد تخيل اللي حصل ان ماما عرفت انها حامل وفي الشهر الرابع كمان في عمران بس عز بالنسبة ليهم كان رزق وكمان ابنهم انا مصدومه ازاي بعد السنين دي كلها يتعرف بمنتهى السهولة دي
زياد:يمكن ربنا خلى الدكتور يقول لخالتو كدا بس عشان يتبنو عز ويمكن حصل دا كله عشان يتجمع مع اوتار انا فرحان وحزين في نفس الوقت
تالين:تيجي نروحلهم
زياد:دول لسة عرسان نروح فين يا بت انتي
تالين:مهو ايه يعني هو احنا غرب زياد والنبي
زياد:بقولك عرسان
تالين:وايه المشكلة يعني محنا هنروح بكرا
زياد:طب افهمك ازاي يعني لازم يبقى في شهر عسل
تالين:يبقوا يسافرو بعدين
زياد ضحك :لو روحنا اخوكي هيطردنا ودا تصرف طبيعي جدا اوي يعني ومش بعيدة عليه
تالين:ملكش دعوة انت بس
سليم:انتي بتكلمي مين يا بت انتي؟؟
تالين ابتسمت:دا زياد خلاص هستناك بكرا
زياد قلق من سليم:امري لله هرن عليكي تنزلي سلام
قفلت معاه وسليم في قمة غضبه:انتي تتكلمي مع الزفت دا ليييه
تالين:ايه المشكلة يا بابا في ايه
سليم متضايق وكلام تالين مع زياد عصبه اكتر:ايه المشكلة ايه وزفت ايه من امتى وانتي بتكلمي حد في التليفون خصوصآ شاب
تالين بإستغراب:دا ابن خالتي
سليم بغضب:ولا ابن خالتك ولا ابن عمتك انتي ولاد عمامك مبتتوصليش معاهم وبتشوفيهم بالصدفة اصلا انتي ملكيش كلام معاه تاني
تالين بإستغراب:هو في ايه؟انا مش فاهمة حاجة
سليم:انتي هتتجوزي
تالين بصتله بصدمه:ايه
احلام دخلت بغيظ:مبروك
تالين بصدمه:انتو بتقولو ايه بس...عشان افهم بتهزرو ولا بتتكلموا بجد
احلام:ابن عمك سالم طلب ايدك والخبر دا اللي هيخلينا نخرج من اللي احنا فيه واكيد عز هيرجع مهما حصل مش هيسيبك في يوم زي دا يا روحي وسالم راجل وجدع وكفاية انه جه كلمني قبل ميقولك وابن عمك
تالين:انا مستحيل اتجوز الشخص دا وبعدين هو انا شوفته كام مرة عشان يطلبني
سليم:هيبقى في فترة خطوبة وهيجي من المنصورة وتتعرفوا وزياد دا مستحيل انا اسمح انك تتعاملي معاه ولو بشكل عادي
احلام:سليم ولزمته ايه الكلام دا..زياد مش زي جلال زياد ابن اختي وانا عرفاه كويس
تالين طلعت على فوق دخلت اوضتها بدموع
قعدت تعيط وهي عارفة سبب رفض باباها وانه مش عايز يقتنع ان زياد غير جلال تمامآ بس لا حياة لمن تنادي وكمان زياد ملمحلهاش بحاجة ودا ضايقها اكتر
يوم جديد الشمس نورت الدنيا وعز فتح عينه على اجمل عيون بيحبها وبيعشقها عيون بلون البنفسج الصافي اللي بتلقائية غصب عنه بتسحره وبتفرض البسمة على وشه وبيحتل الفرح كيانه
اوتار: صباح الخير
عز: صباح الجمال احنا امتى كدا
اوتار ضحكت: احنا بعد الظهر
عز: بتهزي انا نمت دا كله ايه دخلت غيبوبه
اوتار: انت كنت تعبان وانا محبتش اقلقك صليت وعملتلك فطار ومستنياك
عز ابتسم ووقف باس خدها: ماشي هدخل اخد دوش بسرعة كدا واجي ناكل خدتي دش ولا تيجي
اوتار خدودها احمرت وبعدت وشها بإحراج وهو خلاها تبصله وضحك:ايه الفراولة دي كدا كتير عليا اوي
اوتار بكسوف دفنت وشها في كتفه وهو ابتسم بحب باس خدها وبصلها:تعرفي اني بموت فيكي
اوتار ابتسمت بحب وهزت راسها بإيجاب وهو خرج دخل الحمام تليفون عز رن وشافت اسم ليلى استغربت بس سكتت والرقم قعد يرن وهي خرجت بالتليفون خبطت على باب الحمام: عزي التليفون بتاعك عمال يرن
عز: مين يا نور عيني
اوتار: ليلى
عز: طيب ردي وشوفيها عايزة ايه دي اخت سلمى خطيبة سيف انتي تعرفيها اكيد كانت في الحفلة
اوتار ردت وهي مستغربة ليه هتتصل بعز واستنت متكلمتش
ليلى ابتسمت بأمل: عز بقى اخيرآ رديت حبيبي انت كويس عامل ايه انا عارفة اللي حصل دا ضغطك بس انا لازم اشوفك انت عارف انت ايه بالنسبة ليا
اوتار.........
#استودعكم_الله
يا ريت الكل يعمل متابعة لصفحتي بينزل عليها الرواية بدري
#Nada_Mohsen
اسئلة الحلقة:-
ايه هيبقى رد فعل اوتار هل عندها ثقة كفاية في عز وازاي هتتكلم مع ليلى؟!سراج هيعمل ايه وهل هيستسلم؟!تقى وسارة ممكن يفكروا في ايه؟!تالين هتتجوز ابن عمها وهل زياد بيحبها؟!
الحلقة15
للكاتبة/ندى محسن ♕Noody♕
#Nada_Mohsen
اوتار اتصلت بحسام بعد مشافت الخبر على النت وفقدت السيطرة على دموعها وهي مصدومه بس اتخطت دا واقنعت نفسها انها لازم تبقى مع عز واكيد حالته وحشة وفي نفس الوقت كان سراج متوقع ردت فعلها ونزل ركب عربيته بسرعة
حسام بدموع:مش عارف يا اوتار عز مبيعرفش حد هو رايح فين
عمران خد التليفون منه:هو اكيد محتاجك ومهما لف هيروح على شقة في ******دي كان مشتريها وكان بيختفي فيها لما يتضايق مؤخرآ روحيله ويا ريت متسيبيهوش
اوتار بسرعة نزلت وهي بتعيط:مش عارفة ليه حصل كدا بس اللي كان مانعني اسيبك ملوش اي وجود دلوقتي انا مش هسيبك مهما يحصل....
راحت فضلت تخبط مفيش صوت قعدت على السلم وهي بتدعي يكون بخير ومفيش حاجة تأذيه وبعد فترة مش قصيرة عز طلع ووقف اول مشافها بصتله كانت حالته صعبة هدومه متبهدله وبينزف وعيونه تايهه ومليانه بالحزن والدموع وجودها كان صدمه بالنسبة ليه
اوتار ابتسمت بدموع ووقفت:انت جيت انا بقالي كتير مستنياك يا عز
عز خرج المفاتيح وهو مش عارف يفتح ايده مش ثابته اتعصب اكتر وضرب الباب برجله وهي اتخضت وقربت خدت منه المفتاح وفتحت الباب وهو دخل وجه يقفل الباب حطت ايدها وهو وقف بضيق ومش قادر يناهد معاها
اوتار:خليني ادخل اساعدك
عز بغضب:قولتلك لو حياتي في ايدك لو قلبي واقف نبضه عليكي انا هدوسه برجلي فاهمة هدوسه ولا انه يبقى معاكي
اوتار بدموع:طيب انا مش عايزة منك حاجه....بس خليني ادخل
عز:مش عايزك تدخلي ومش هتدخلي
الباب اللي قدامه فتح وخرج سامر
(سامر شاب رياضي ومرح جدا عمره 29 سنه مدرس العاب في مدرسه قريبة من البيت وعز مبيطيقهوش من كتر تفاهت تصرفاته وخصوصآ ان كل معز يجي يشوف معاه واحدة شكل)
سامر:اخيرآ يا باشا شرفت انا جيت ونزلت وجيت ونزلت وهي قاعدة مستنياك بس اول مرة يعني اشوف لبيتك حرمة
عز فتح الباب واوتار ابتسمت ودخلت وهو بص لسامر:بعد اذنك
قبل مسامر يرد راح قافل الباب في وشه
اوتار بصتله
عز بغضب:هينزل وتمشي من هنا والا انا همشي واسيبهالك ولا الأحسن اتصلك بخطيبك يجي ياخدك ولا اقول جوزك احسن وعملية اكتر
اوتار بصاله بدموع وعز راح ناحية ركن في الشقة مليانه بالضلف الإزاز فتحها وخرج ازازة خمرا وبقى يشرب وهي سحبتها منه وكسرتها بغضب
عز بصراخ وغضب والدموع في عينه اللي كل شوية يمسحها:انتي اتجننتي
اوتار بدموع غضب:انت هي دي طريقتك هي دي الطريقة اللي بتعالج بيها مشاكلك
عز بغضب وصراخ:ابعدي عني بقى انا خلاص بتدمر سيبيني في حالي بقى عايزة ايه مني وجودك مش هيساعدني عايزة تساعديني فعلاً ابعدي عني ابعدي عني وسيبيني في حالي
اوتار بتعيط:انا حاسة بيك وانا مش هسيبك مهما تصرخ وتغضب عشان عارفة انك محتاج وجودي عشان عرفاك يا عز
عز:برا اخرجي برا
اوتار:مش هخرج
عز مسك ايدها ومشي بإتجاه الباب وهي بتحاول تبعد ايدها وهو حس بحاجة في ايدها بصلها شاف الخاتم اللي لبسهولها:ايه دا؟
اوتار بدموع:ايه خاتم
عز:اومال فين شبكتك ولا هو شكله عاجبك
اوتار بدموع بصت لتحت وابتسمت بإحراج:صاحب الخاتم واللي جابه هو اللي عاجبني وبعدين بتسأل عن شبكتي اومال اللي في ايدي دا ايه انا لا لبست ولا هلبس غيره
عز بصلها رفع وشها شاف عينيها احمرت من كتر الدموع
اوتار:انا مش هسيبك يا عز
عز:انتي تعرفي انا كرهتك قد ايه تعرفي انا قرفان من كلامي معاكي ازاي انتي ازاي كنتي بتكدبي عليا وممثلة دور البريئة ازاي بتتحكمي في نظراتك للدرجة دي
اوتار بصاله بصدمه:انت تقصد ايه انا عمري مكذبت عليك
عز بغضب زأها:انا مش عايز اشوف وشك هنا تاني اطلعي برا انا مش عايز حد جمبي ويوم مهعوز مش هتبقي انتي
اوتار بدموع:عز انت تحت تأثير الصدمة ارجوك اهدى ولازم تسمعني
عز بصراخ:كلكوا كذبتوا عليا الكل كان عارف بس انا اللي كنت غبي كلكوا خدعتوني وانا مش عايز حد
اوتار بدموع:محدش كان قصده يجرحك انت ابنهم ولازم ترجع يا عز افهم بقى
عز ضرب ايده ف لوح الأزاز نزله وهي اتنطرت بقلق وايده بقت تنزف:عز
عز بغضب والدموع ف عينه:مش عايز حد جمبي براا روحي لحبيبك روحي للي بعتي نفسك ليه روحي للي سلمتيله نفسك يا محترمة كلهم كان معاهم حق
اوتار بدموع بتقرب:انت بتقول ايه يا عز دا مش صح
عز بضحكت سخرية والدموع لمعت ف عينه:مش صح هو ايه اللي مش صح هو ايه اللي مش صح انتي حامل يا اوتار
اوتار بصتله بصدمة
عز بسخرية:انتي كان جرحك صعب بس هما قتلوني انا خسرت كل حاجة ابتدت بقتل ليالي اللي طلعت بتخوني وبعدين بيكي وبعدين اهلي اخواتي وتالي اللي كانوا خايفين عليها مني وفهمت دلوقتي ليه...خسرت صحابي وشغلي...خسرت كل حاجة وبقيت نكرة.....خلاص انا مش عايز حاجة غير اني ابقى لوحدي
اوتار بدموع:انت بتقول ايه وحمل ايه اللي انت بتقول عليه انت اتجننت
عز:انتي لسة هتكذبي مخلاص
اوتار بغضب عينها اتحولت لأزرق غامق جدآ:اكذب ايه الكلام دا غلط انت بتقول ايه انت اتجننت يا عز
عز:يوم متعبتي روحنا المستشفى الدكتورة قالتلي قالت انك حامل
اوتار بصاله بصدمه وتوهان وافتكرت اليوم دا سراج كان مبتسم وهادي وشكت فيه وبصت لعز:وانت صدقت
عز بصلها
اوتار بصاله بسخرية ودموع:لا انت بجد صدقت انت ممكن تتخيل اني اعمل حاجة زي كدا
عز بغضب:اومال سيبتيني ليه
اوتار انهارت في العياط وصرخت فيه:عشان حالتك دي عشان مكنتش عايزة توصل للحاله دي عشان كان مهددني عشان مكنش عندي الصبر اني اشوفك كدا في الحالة دي انا عملت كل دا عشانك وانت طلعت كلام وقولت لصحابك كلام عليا ومش صح وانا معرفتش اكرهك وجرحتني بالكلام ومعرفتش اكرهك ودلوقتي ايه اللي حصل انت بمنتهى البساطة جاي تتهمني تهمة اصعب وتقول اني حامل يا ترى قولت لمين المرة دي انت ازاي صدقت اصلآ وايه الدليل فين التحاليل مجرد حد قال حاجة واكيد سراج وراها كل واحد عنده طاقة وانا خايفة صبري ينفذ واستنفذ طاقتي معاك ووقتها مش هكون معاك مهما يحصل انا عمالة احاول ابني وانتي تهدم قولي انا اعمل ايه
عز بصلها وهي منهارة في العياط ونفسها ضاق بصتله:انا طول عمري تعبانه وكل مادا والجرح بيزيد بس انت ليه تقتلني بالطريقة دي تعرف اني حبيت امجد زي زياد حب عشرة وحب اخوة حب فاقد للكلمة الحلوة والحنان وانت اول حب حقيقي في حياتي بس انت كان عندك القابلية انك تصدق حاجة زي كدا انت بمنتهى البساطة صدقت والمفروض اني ابررلك بس انا معنديش مانع لو دا اللي هيثبت برائتي حالآ هنزل اروح اعمل تحاليل واجبهالك بس انسى اني هرجع معاك زي الاول يا عز لأنك هتفضل طول عمرك تتهم والمفروض اني اعيش عمري كله اوضح وابرر....
عز فكر في اللي حصل بتركيز وازاي الدكتورة كانت غريبة ومطلبوش منه يسجله بيناته وهو بقى واقف مصدوم
اوتار بصاله وسكوته واجعها اكتر
عز بصلها بغموض:انا ابن غير شرعي وكنت في ملجأ
اوتار:انت بنيت نفسك بإيدك يمكن عمي سليم ساعدك انك تدخل بفلوسه بس انت اللي وصلت لمكانتك دي ونجحت متضيعش سنين من عمرك مفيش حاجة هتتغير فكر اد ايه هما بيحبوك فكر يا عز
عز:دا مفرقش معاكي!
اوتار بدموع:اللي فارق معايا كلامك واتهماتك ليا مش اكتر واللي انت مش هتحس وجعها ابدآ
عز بصلها
اوتار باصة لجرحه:المفروض تطهر الجرح دا وانا اوعدك لما تبقى كويس انا هسيبك وهختفي تمامآ من حياتك هختفي لدرجة انك لو قلبت الدنيا كلها عليا مش هتلاقيني بس سيبني اساعدك
عز نزل وقفل الباب وهي قعدت بضيق ووجع:انت عمرك مهتتغير وعمرك مهتفهم
قامت شالت الإزازة اللي كسرتها ونضفت الأرض
اوتار تليفونها رن بصت لقته سراج اتنهدت بضيق وغضب فتحت:انت لسة ليك عين تتصل لسة ليك عينك تتكلم معايا
سراج غمض عينه بضيق:واللهي معملتش حاجة انا اتصدمت باللي حصل واللهي معملتش كدا انا مكنتش اعرف حاجه واتصدمت باللي اتنشر صدقيني
اوتار:وانت فاكرني هثق في كلامك دا
سراج بغضب:لازم تثقي في كلامي ايه اللي هيخليني اعمل كدا قبل متجوزك حتى يا زكية اوتار انتي فين انا عايز اشوفك حبيبتي
اوتار:انا مبحبكش ومش عايزة اشوف وشك فاهم ولو عز حصله حاجة انا هفضحك ودا وعد
قفلت في وشه وهو خبط رجله في الحيطه بغضب:اكيد هي اللي عملتها اكيد..
اتصل بتقى وهي ابتسمت:اتاخرت اووي يا سراج
سراج بغضب:ايه اللي خلاكي تعملي كدا ايه اللي خلاكي اتجننتي وتعملي كدا انا خلاص كنت هتجوزها النهاردا ودلوقتي انتي بوظتي كل حاجة بغبائك
تقى:اولآ مكنتش اعرف اما بقى ثانيآ دا كله ميخوصنيش كان لازم اعرف عز هو مش ابنهم وتالين مش اخته وانا هستنى يومين هيهدى واجيله وهبقى ملجأه وكل حاجة في حياته
سراج:مشوفتش في حياتي كلها واحدة بغبائك اوتار هتحاول تتكلم معاه
تقى:متتكلم يا سراج عز مش هيصدق كلامها خصوصآ انك اثبتله بكلام الدكتورة ان اوتار حامل والفضل في مراقبتك ليهم يا روحي
سراج بغضب:عارفة يا تقى انتي فرصك معايا بتقل اوووي وادعي نفسي وصبري يطول معاكي
تقى:بلاش كلام كتير بس انا عايزة فلوس خلاص بقينا على الحديدة
سراج بسخرية:هو انا خلفتك ونسيتك
تقى:انا مش بساعدك يبقى دا حقي وبعدين انت عارف اني مبشتغلش ولا ست سارة اللي كانوا بيصرفوا عليها هناك مش موجودين هنا ومراد عمل فيها الغضبان وسافر ومش وقته اني المح لحد خالص الكل هنا قالبها مناحة خصوصآ ست زفته اللي اسمها تالين اللي بتفضل لازقة لعز
سراج بغضب:انا مش عارف دماغك كانت فين تاخدي خطوة زي دي مش عارف انا لامتى هفضل مستحملك بصي غوري
قفل في وشها ونفخ بضيق رجع شعره لورى وهو بيشد عليه:عادي...عادي هشوف حل اكيد في حل...
اوتار قاعدة مستنيه عز واخيرآ الباب خبط فتحت شافت عز ومعاه تلاته متعرفهمش استغربت
عز:اتفضلوا
دخلوا وعز شاورلهم على الصالون قعدوا واوتار بعدت وهي لسة عند الباب
عز:اوتار تعالي
اوتار استغربت وقربت وقعدت جمبه
عز:دا الماذون انا هتجوزك حالآ
اوتار بصتله بصدمه
عز وشه كان خالي من اي تعبير
اوتار:عز...لا
عز:تعالي.... جهز الورق لو سمحت
خدها وخرج من الصالون وهي مصدومه
عز:لو مش عايزة انا مش هغصبك بس لو عشان كلامي انا مكنتش اقصد ودليل اني مصدقك اني جبت الماذون وسراج انا هعاقبه اشد عقاب واستني وشوفي اما انا انا مش عارف اسمي ايه ولا كنت عايش ازاي ولا اهلي فين ومين وليه رموني كله كلام بيتقال والحقيقة مظهرتش انا عارف وجودك معايا هنا هيبقى صعب بالنسبة ليكي وهيزيد توترك وانا عايزك تكوني براحتك لاني مش هسيبك تروحيله تاني
اوتار بدموع:انت شاكك فيا ازاي هتبني معايا حياتك وهتخليني اشاركك فيها ازاي هتسمح لحد يشاركك حياتك وانت مبتثقش فيه يا عز
عز حاوط وشها وابتسم:واثق فيكي بس كل حاجة كانت جاية عليا والشيطان شاطر اديني فرصه بقى
اوتار بصتله وبعدت ايده:لسه مكتبناش الكتاب
عز بصلها وابتسم:اهو دا اللي انا عامل حسابه يلا قبل محضنك وانتي قمر كدا
اوتار ضحكت بدموع وراحوا كتبوا الكتاب وسحب ايدها باسها وباركولهم وعز اصر انهم يشربوا حاجة جاب حاجة سقعة وكان بيلهي نفسه وهما قعدوا شوية ومشيوا وعز بص لاوتار لقاها سرحانه
اوتار كانت مبتسمة بحب وسرحانه بتفكر وبتتخيل
••رعد حضانها مبروك يا قلبي
اسيا حضنتها بدموع:يا روحي انتي اخيرآ شوفتك عروسة اجمل عروسة في العالم كله
اوتار ابتسمت وبصت لعز وعز حضن رعد وابتسم:انت مش متخيل كمية فرحي عشان تعبت عقبال مخدتها منك يا عمي حرام عليك والله دا انا غلبان
رعد ضحك وحضن اوتار:عشان دي حياتي فكرك هسلمك حياتي وقلبي وعمري بالسهولة دي كدا
عز ابتسم بحب:اوعدك اني هحافظ عليها
زياد صقف هو وحسام وتالين واحلام واسيا زغرطوا والاغاني اشتغلت والكل بقى يرقص وعز عيونه بس مركزة مع اوتار:خلاص بقيتي مراتي حبيبتي وشريكة حياتي
اوتار ابتسمت:انا مش مصدقة خلاص انا بقيت مرات الرائد عز سليم المنشاوي
عز ابتسم وباس ايدها:دا بقى بتاعك انتي وبس وعمره مهيسيبك وبعدين انا اقدر؟دا الحج كان يعلقني
سيف حط ايده على كتف عز هو ومالك:ايه بقى العريس مش ناوي يرقص ميلا هات مراتك ويلا
اوتار ابتسمت وعز ماسك في ايدها وفجاة سراج حط ايده على كتفها وحاوطها
فاقت من احلامها على ايد عز محطوطة على كتفها اتنطرت والدموعها بتنزل على خدها
عز وقف بقلق:انتي كويسة في ايه مالك؟!اوتار بتعيطي ليه انا اسف لو خضيتك وانتي كنتي سرحانه
اوتار بصت حواليها عرفت انها كانت بتحلم احلام اليقظة اتمنت لو كان ليها عيلة تشاركها اليوم دا زي مكانت بتحلم حتى عيلة عز مش هنا ودا حسسها بوجع اكبر مقدرتش تسيطر على دموعها
عز وقف بقلق قدامها مسك ايدها بحنان:في ايه مالك ايه اللي حصل فجاة انتي تعبانه طيب؟
اوتار بصاله وهزت راسها بنفي بدموع
عز:انا ضايقتك!طب حسيتي انك اتسرعتي
اوتار بدموع هزت راسها بنفي:لاء
عز:اومال يا اوتاري في ايه مالك يا نور عيني
اوتار بدموع: اقولك مش هتضايق
عز هز راسه بنفي: ابدآ انا هتضايق لو متكلمتيش
اوتار: انا كان نفسي تبقى عيلتي موجودة كان نفسي يبقو عيلتي وعيلتك متجمعين عمي سليم وبابا وطنط احلام وماما.. تالي وزياد حسام وعمران وسيف ومالك
عز بصلها وحس بوجع كبير وحضانها ابتسم بحنان:عارف انها حاجة توجع خصوصآ للبنت بصي انا اوعدك انك هيتعملك فرح بحفلة كبيرة اهلي واهلك هيبقوا موجودين هنشهر جوازنا الكل هيبقى موجود حتى عمو رعد
اوتار بصتله بدموع
عز مسح دموعها وشاور على قلبها:هنا هو قاعد ومربع في قلبك كمان
اوتار ابتسمت
عز باس جبينها:خلاص بقى وحيات عز
اوتار ابتسمت وهزت راسها بإيجاب:تعالى بقى معايا
فتحت اوضه وبصتله
عز:مش دي اوضتي التانية احلا وبرتاح فيها
اوتار دخلتها وهو ماسك ايدها وابتسمت بصت للأوضة وابتسمت:دي حلوة اووي
عز ابتسم وحاوطها واعتبر مجيها الاوضة اشارة خضرا ليه وقرب من شفايفها.....
اوتار بصاله وعينها اتحولت للبنفسجي
عز ابتسم وبيقرب وهي بعدت وشها: ع.. عز
عز: نعم يا روح عز
اوتار: ابعد
عز بصلها:ليه
اوتار بصت لتحت بخجل:مش هتقرب الا لما نعمل فرح
عز بهزار مط شفته وكشر: دا مين اللي قال كدا
اوتار بحرج: عز
عز بهزار وغيظ: طب جاية معايا الأوضة ليه معلش يعني
اوتار: عشان اعالجلك جرحك دا وبطل الأفكار دي وبعدين من ايه
عز ابتسم بلامبالاه: عملت حادثة
اوتار: ينهار ابيض دا ازاي
عز: اهدي خلاص جرح بسيط دخلت في عربية قدامي
اوتار قعدته على السرير: فين بقى اللي هطهرلك بيه الجرح
عز: في الحمام
اوتار خرجت من الأوضة وقعدت تخمن لحد ملقت الحمام وجابت العلبة وبقت تعالجهوله وفجأة ابتسمت
عز: افتكرتي ايه!
اوتار: سراج
عز ملامحه اتغيرت وبغضب بصلها: وتفكري ليه في سراج وايه اللي يفرح في مجرد التفكير في اقذر بني ادم على الكوكب دا كوكب ايه دا اقذر واحد في الكون
اوتار:كان هيجيب المأذون وهو جاي مكنش هيسيبني النهاردا بس انا دلوقتي معاك انا دلوقتي مراتك؟انت متخيل؟
عز:انتي دلوقتي مراتي يا اوتار ومش عايزك تفكري فيه بأي شكل
اوتار هزت راسها بإيجاب:طب اسيبك ترتاح
عز هز راسه بنفي:لا مش هنام دلوقتي احنا لسة المغرب والنهاردا عايز اسهر معاكي
اوتار ابتسمت وهزت راسها بإيجاب
عز فتح دولابه وخرج تيشيرت وبنطلون ومدهولها:لحد مجيبلك هدومك من عند سراج حابب اوي اروح اخودها من هناك
اوتار بصت للتيشيرت:طيب انا عايزة بكم
عز:انا جوزك على فكرآ واللهي يعني
اوتار:انا بردانه
عز:حاضر يا ستي مع ان الجو حلو بس ماشي معلش بقى معنديش چيبة
اوتار ضحكت وخدت الهدوم منه وخرجت دخلت الحمام وهو قعد مش متخيل ازاي خرج من الحالة اللي كان فيها ولقى تليفونه بيرن وابتسم بحزن لما شاف اسم تالين ورد:امممم
تالين بدموع:عز انت كويس
عز:اه انا كويس انتي بتعيطي ليه
تالين بدموع:عشان وحشتني وعشان انت لسة اخويا ومش عايزاك تبعد عني
عز:طيب ممكن تهدي
تالين بدموع:متخبيش عليا انت تعبان؟
عز هز راسه بنفي وبهزار:لا انا متجوز تنفع دي
تالين بصدمه:اتجوزت مين
عز ابتسم:انتي تفتكري مين غيرها
تالين:اوتار!دا بجد احلف والنبي احلف بالله عليك
عز ضحك:واللهي العظيم اتجوزتها وهي معايا دلوقتي بس دخلت الحمام ايه يا تالي فكرك كنت هتجوز غيرها
تالين ضحكت بفرح وسعادة:بجد دا احلا خبر اسمعه يا عز انا بمووت فيك
عز ابتسم:وانا بموت فيكي يا مجنونة يلا بقى سلام
تالين:سلام يا عريس
قفل واوتار كانت واقفه بإستغراب
عز التفت وابتسم:مغيرتيش هدومك ليه!
اوتار:هصلي وكنت هسألك القبلة منين...انت كنت بتكلم مين
عز:تالين
اوتار بصاله وساكته
عز بإستغراب:دا يضايقك
اوتار بصتله ومعرفتش تتكلم عايزة تقوله ان بعد كدا من بعد معرف مينفعش يقرب من تالين يحضنها او يكلمها كدا بس اتراجعت لما حست انها ممكن ترجع تجرحه تاني
عز:انا فاهم وعارف بس انا نسيت....هي مش اختي وانتي من حقك تغيري بس
اوتار:انا مش غيرانه انا مش عيزاك تعمل حاجه غلط بس....انت كنت ملتزم في الصلاة بس انت بقيت تشرب وبقيت واحد تاني ودي حاجة مخوفاني منك
عز بصدمة:مخوفاكي مني انا!! اوتار انا بشرب بس ببقى واعي انا بعمل ايه انا مينفعش اسكر لدرجة اني افقد الوعي وبعدين يا روحي انا بحبك
اوتار:بس دا حرام وغلط عليك
عز بضيق:حاضر
اوتار:القبلة منين؟؟
عز:كدا
ورالها القبلة وخرج وهي اتنهدت وصلت وهي بتشكر ربنا انه نجاها من سراج وبتدعي انه يهديلها عز
عز جهز الأكل لأول مرة وهي خرجت وابتسمت وهو ابتسم:غيري وتعالي
غيرت هدومها وسرحت شعرها وبقت محرجة تطلع كدا من الأوضة اتنهدت وخدت نفس عميق وفتحت الباب ملقتهوش خرجت ملهوش اي اثر والأكل محطوط استغربت وقعدت وشوية الباب اتفتح ودخل بأزايز حطها في التلاجة وبصلها وابتسم اول مشافها
اوتار:انت كنت فين
عز:لقيت مفيش عصاير فقولت اجيب
اوتار هزت راسها بإيجاب وابتسمت
عز:يلا عشان تاكلي
اوتار وقفت وهو ابتسم اوي:ايه القمر دا بس لاء انتي كدا بتحطمي حصوني والبني ادم ضعيف
ضحكت:طيب بطل
عز:ماشي هبطل يا قمر انتي يلا تعالي عشان تاكلي
اوتار هزت راسها بإيجاب وقعدت وهو سحبها بصتله بإستغرب:ايه يا عز
عز قعدها على الكرسي اللي جمبه وابتسملها بحب:لازم تبقي دايما قريبة مني
اوتار ابتسمت وهو بياكل ويأكلها وهي بقت فرحانه نسيت كلامه واقنعت نفسها ان دا كله كان بسبب سراج وان عز كان في وقت وضغط يخليه يصدق نسيو مع بعض كل حاجة عز كان بيحاول يتغاضى عن شعوره وعن المه واوتار عارفة وبتحاول تخليه يتكلم
اوتار قعدت على الكنبة وهو فرد جسمه جمبها وحط راسه بس على رجليها وهو بيلعب بشعرها وهي مبتسمه بحنان:مش عايز تتكلم بردو وتحكيلي اللي جواك بتفكر في ايه احنا هنرجع تاني هناك ولا لا
عز بيغير الموضوع:انتي مش عجباكي الشقة
اوتار:لاء عجباني وجدآ كمان بس دول اهلك دول اللي دايمآ كانوا وهيظلوا جمبك
عز:مش يمكن اكون تهت او اتخطفت وانا صغير مش لازم بقى اشوف اهلي مين مش يمكن يبقوا محتاجينلي
اوتار هزت راسها بإيجاب:معاك بس دا مش معناه انك تنسى التانيين
عز:اوتار انا بحبهم ومستحيل انساهم
اوتار ابتسمت:ودا اللي يهمني
عز ابتسم وغمض عينه وهي مركزة في تعبيرات وشه
عز فتح وابتسم لمى شاف عينها اتحولت للبنفسجي واستغرب:اوتار!
اوتار:ايه
عز:في خطوبة سيف ازاي عينك شوفتها مع سراج بنفسجي؟
اوتار ابتسمت:كنت بصالك وهو جه وقف قدامي وقعد يزعق عشان ملبستش لينسز
عز:اممم وانتي كنتي لابساه بقى لما قولتيلي انك مبقتيش تحبيني
اوتار هزت راسها بإيجاب وضيق
عز قعد جمبها وحضانها:انا مش هتكلم في الموضوع تاني عايزك تنسي كل حاجة انسي كل حاجة عدت ايامنا الجاية كلها هتبقى سعادة كلها
اوتار ابتسمت وحضنته وهي بتدفن راسها فيه وبتستغل كل لحظة هي معاه فيها:اتمنى يا عز
عز ابتسم وقرب منها باس خدها وبصلها
اوتار عينها اتحولت للبنفسجي وبصاله وهو باس خدها تاني بحب وبيضمها ليه فغمضت وهو ابتسم وشالها دخل اوضتهم وهما مبيفكروش في حاجه غير انهم مع بعض وهيعيشوا اسعد لحظات حياتهم سوا
#رواية_رجل_المهام_الصعبة
للكاتبة/ندى محسن ♕Noody♕
#Nada_Mohsen
تالين نازلة فرحانه:جمااااعة
سليم بصلها
احلام:في ايه
تالين:عز
حسام:ماله كلمك
تالين:انا اللي كلمته
حسام بإستعجال:رد عليكي قالك ايه متنطقي
تالين:استنى بس هو اتجوز
الكل اتصدم وسارة وتقى وقفوا بغضب وصدمه
تقى بغضب:اتجوز مين ايه الكلام الفارغ دا
تالين بصتلها بثقة:اممم اتجوز اوتار
احلام اتصدمت:اوتار؟وفي وقت زي دا وازاي من غير حد معاه؟او معاها
حسام ابتسم وبقى يصفر ومسك ايد تالين قعدو يتدوخو زي الأطفال وسارة طلعت بغضب وتقى خرجت بدموع واتصلت بسراج بغضب قالتله
سراج صرخ فيها:مش دي نتيجة تهورك هو انتي بتسمعي ليا ولا بتكلميني بعد المصيبة هاين عليا اقتلك يا تقى وارتاح من قرفك وانتي عارفة اني اقدر اعملها
تقى: بلا مبالاة اتصرف بقولك اتجوزها عز اتجوزها خلاااص
سراج بغضب:المفروض النهاردا كانت هتبقى مراتي وبسببك انتي اتخرب كل حاجة وخسرتها
تقى:انت حبيتها بجد؟اينكان دا ميخصنيش المهم انها تبعد عنه انا غلطانه اني سمعت كلامك ومقتلتهاش
سراج بغضب:طب اياكي تيجي جمبها فاهمه هقتلك اقسم بالله لو اتخدشت بس خدش بسببك هكون مموتك
قفل في وشها وهي بضيق قعدت بغل:انتوا ابتديتوا تستنفذو طاقتي وخلاص انا صبري بينفذ وهخلص منكوا....
#رواية_رجل_المهام_الصعبة
للكاتبة/ندى محسن ♕Noody♕
#Nada_Mohsen
ملك:هو قافل على نفسه بسبب الخبر دا وانتي محبكش تجيبي سي ايان غير النهاردا
ايان قاعد على رجليها ومغمض عينه بتعب
عشق بحزن:انتي عارفة من اسبوعين كنا في المستشفى بسبب ان عديم الدم ضربه وفتحله دماغه وانا كنت هموت من الخوف والنهاردا مش عارفة ليه سخن كدا مش عارفة ومقدرتش اسيبه دا ممكن ينزله الشارع وهو في الحاله دي دا الرحمة انعدمت من قلبه
ملك:طب سيباه كدا ليه
عشق:اكلته وخد الدوا ومش عارفة اعمل ايه انا خايفة اووي هو نايم كدا
ملك بحزن:متقلقيش هيكون بخير
عشق غمضت عينها بحزن وهي بتتكلم في نفسها:حتى الفلوس اللي في الشنطه لقيته واخدها اعمل ايه واروح ازاي واوديه المستشفى ازاي....انا كل اللي معايا يا دوبك اجيبله حاجة ياكلها ولو هنركب عربية واكملها مشي حسبي الله ونعم الوكيل
جه معاد استراحة الغدا والكل نزل وعمران تعب من القاعدة في المكتب نزل وهي دارت ايان لحد مخرج واتنهدت باست جبين ايان لقت سخونيته زادت اتصدمت وبقت تصحيه فتح عينه بتعب:حبيبي انت كويس!
ايان:انا تعبان راسي وجعاني
عشق سابته:خليك هنا
نزلت بسرعة جابتله اكل وسألت الصيدلي تعمله ايه
ايان القعدة على الكرسي تعباه فتح الباب بتاع مكتب عمران ودخل غصب عنه ونام على الكنبه
وبعد شوية عمران طلع ودخل مكتبه وقعد واتصدم باللي قدامه وقف بسرعه:م...مين دا...؟؟
قرب بيصحيه لقى جسمه سخن جدا:دا تعبان ومين اللي جابه هنا؟؟
شاله بسرعة بقلق وخرج اتقابل مع عشق وهي اتصدمت:انت لقيته ازاي
عمران:الولد دا تعبان جدا
عشق شالته وهزت راسها بإيجاب:انا جبتله الاكل وهديله الدوا
عمران:انتي تعرفيه؟دا لازم يتنقل المستشفى
عشق:دا اخويا....
عمران:لازم توديه المستشفى حالآ
عشق:انا...
عمران بغضب:انتي ايه الواد بيموت انتي مش حاسة بحرارة جسمه عامله ازاي دا خطر
عشق بدموع:انا ملقتش فلوس في الشنطة
عمران خده منها:يلا معايا بسرعة
مشي بسرعة وهي وراه ركبهم ورا وبسرعة ساق وداه المستشفى والدكاترة قعدوا يحاولو ينزلوا حرارة جسمه لحد منجحوا وعشق كانت بتترعش ومنهارة وخايفة عليه وعمران ملاحظ دا وغمض عينه بغضب وهو بيتكلم في سره:لولا الفلوس كان زمانه مات وهي هتفضل متعذبة طول عمرها لأول مرة يحس الأحساس دا هو طول عمرة مرتاح ماديآ هو وكل اللي حواليه....
عشق: انا عايزة اشوفه
عمران كلم الدكتور ووافق يدخلوله وممكن ياخدوه معاهم كمان عشق ابتسمت ودخلتله
ايان ابتسم ومدلها ايده حضنته بدموع:كنت هموت من الخوف عليك ينفع كدا
ايان باس خدها:اسف
عشق ابتسمت وبقت ماسكة ف ايده
ايان بص لعمران بخوف واستخبى في عشق
عشق:ايان هو ساعدنا عشان نيجي المستشفى
ايان:هو هيضربني
عمران مستغرب
عشق:لا يا حبيبي متخافش
ايان:انتي قولتي لو دخلت مكتبه هيضربني
عشق:وانت دخلت مكتبه
ايان بخوف:اه...كنت تعبان ونمت على الكنبة...انا اسف
عشق غمضت عينها بحزن وعرفت انه هيرفدها بصتله:كان غصب عني مكنش ينفع اسيبه لوحده وهو في الحالة دي انا اسفة
عمران قرب وابتسم:اهدي طيب ويا سيدي انا مبضربش حد
ايان بصله وابتسم
عمران مدله ايده وايان مسكها سلم عليه وابتسم وبعدين شاله:هوووبا ايه الحلاوة دي بس ال اضربك ال
عشق اتطمنت نوعآ ما
عمران:انت كويس دلوقتي
ايان هز راسه بإيجاب:عشق
عشق:نعم
ايان:انا عايز انام
عشق:هنروح وتنام
ايان كشر:هنروح ويضربك ويضربني
عمران استغرب:مين دا
عشق قاطعته:مفيش ايان اسكت بقى ويلا نمشي اليوم كان صعب
عمران بصلها وكان عنده فضول يعرف ايان بيتكلم عن ايه بس سكت
#رواية_رجل_المهام_الصعبة
للكاتبة/ندى محسن ♕Noody♕
#Nada_Mohsen
اوتار فتحت عيونها محستش انها غفلت لقت نفسها قاعدة وعز نايم على رجليها وكانه منمش من سنين استغربت انهم هما الاتنين ناموا كدا بعد مكان بيكلمها وابتسمت مش مصدقة يعني هي دلوقتي مراته هي دلوقتي مرات عز المنشاوي ابتسمت وحست ان قلبها بيرقص ونبضه بيزيد وهو فتح عينه كانه صحي على صوت قلبها وابتسم لما شافها مبتسمه:انا نمت!
اوتار هزت راسها بإيجاب
عز ضحك وقعد:وانتي بصالي اوي كدا قلقتيني يا مدام عز
اوتار حضنته جامد كانها مشفتهوش من زمن
عز ابتسم وحاوطها بأيده وضمها ليه اكتر
اوتار:انا بحبك اووي يا عز انا بموت فيك
عز ابتسم وباس جبينها:وانا بموت فيكي وبحبك وبعشقك انتي بقيتي كل حاجة ليا يا اوتار انتي متتخيليش في بعدك كنت عامل ازاي كنت في وسط ناس كتير وحاسس اني وحيد ووقتها عرفت اني مستحيل هرتاح الا لما تبقي معايا
اوتار ابتسمت وهنا تليفونها رن
عز:يوووه هو دا وقته مين القفيل اللي بيتصل اكيد تالي
اوتار ضحكت وخدت التليفون وملامحها اتغيرت لغضب وقلق
عز:في ايه....هو....سراج مش.كدا
اوتار هزت راسها بإيجاب
عز:افتحي عليه وافتحي الأسبيكر
اوتار فتحت وفتحت الأسبيكر بقلق
سراج بيجز على سنانه بغل:مبروووك يا روحي مبرووك يا حلوة
اوتار غمضت بضيق صوته بيعملها اجهاد نفسي وعصبي بقت تحس بالضيق لمجرد انها تسمع صوته
عز ضحك:الله يبارك فيك يا صاحبي صاحبي ايه دا انت ولا الكلاب دا انت ابن *******
سراج قلق وخاف لاوتار تكون حكتله على كل حاجة بس لا هو هددها بحياة زياد مستحيل هتخاطر:انت عايز ايه
عز:انا هو انا اللي متصل بردو يا ****مشوفش رقمك عند مراتي من النهاردا فاهم ويا ريت مشوفش وشك خالص احسن لأنك هتندم على كل دا
قفل في وشه وخد الخط بتاع التليفون وبصلها:انتي محتجاه؟؟
اوتار هزت راسها بنفي
مسك تليفون سراج اللي معاها ورماه في الشارع وحاوطها:هجيبلك احلا منه مليون مرة احم واسف على الالفاظ دي بس هو اللي استفزني انا هموت واموته
اوتار ابتسمت بحب:انت اغلى من كل حاجة عندي يا عز....مش هتتخيل شعوري دلوقتي
عز:طب يلا نريح شوية
اوتار بعدت بضحك:عز
عز ضحك:بأحترامي والله المرة دي بإحترامي يلا نريح بأحترام
اوتار ضحكت ونام وسحبها في حضنه وابتسم:تصبحي على كل حاجة حلوة
اوتار ابتسمت:يعني هصبح على ابتسامتك يا عزي
عز ابتسم وباس خدها وفضل يسأل نفسه انا عملت ايه كويس عشان ترزقني بيها يا رب ويا ترى دي هتبقى نعيم ولا جحيم بس لو جحيم هيبقى ازاي.؟؟
اوتار اول ماستقرت في حضنه نامت وهو ابتسم واكتشف انه بيعشق كل حاجة فيها شقاوتها ابتسامتها عيونها اقل حركة بتعملها....
#رواية_رجل_المهام_الصعبة
للكاتبة/ندى محسن ♕Noody♕
#Nada_Mohsen
زياد:بتتكلمي بجد
تالين مبتسمة:اه بتكلم بجد انا هموت من الفرحة
زياد:انا بردو مصدوم ازاي مش اخوكي
تالين بحزن:بابا كان مع جدي الله يرحمه في الملجأ اللي كان بيزوره للأعمال الخيرية وكانت ماما معاهم ولسة متجوزين وشافه عز كان جايبه واحد قاله انه لقاه وكان صغير جدآ عمره شهر تقريبآ وقالو لماما ان امل انها تخلف قليل وانه يكاد ينعدم اصلآ وبابا اتشدله وهي مكنش عندها مانع وقررو يتبنوه بعد تخيل اللي حصل ان ماما عرفت انها حامل وفي الشهر الرابع كمان في عمران بس عز بالنسبة ليهم كان رزق وكمان ابنهم انا مصدومه ازاي بعد السنين دي كلها يتعرف بمنتهى السهولة دي
زياد:يمكن ربنا خلى الدكتور يقول لخالتو كدا بس عشان يتبنو عز ويمكن حصل دا كله عشان يتجمع مع اوتار انا فرحان وحزين في نفس الوقت
تالين:تيجي نروحلهم
زياد:دول لسة عرسان نروح فين يا بت انتي
تالين:مهو ايه يعني هو احنا غرب زياد والنبي
زياد:بقولك عرسان
تالين:وايه المشكلة يعني محنا هنروح بكرا
زياد:طب افهمك ازاي يعني لازم يبقى في شهر عسل
تالين:يبقوا يسافرو بعدين
زياد ضحك :لو روحنا اخوكي هيطردنا ودا تصرف طبيعي جدا اوي يعني ومش بعيدة عليه
تالين:ملكش دعوة انت بس
سليم:انتي بتكلمي مين يا بت انتي؟؟
تالين ابتسمت:دا زياد خلاص هستناك بكرا
زياد قلق من سليم:امري لله هرن عليكي تنزلي سلام
قفلت معاه وسليم في قمة غضبه:انتي تتكلمي مع الزفت دا ليييه
تالين:ايه المشكلة يا بابا في ايه
سليم متضايق وكلام تالين مع زياد عصبه اكتر:ايه المشكلة ايه وزفت ايه من امتى وانتي بتكلمي حد في التليفون خصوصآ شاب
تالين بإستغراب:دا ابن خالتي
سليم بغضب:ولا ابن خالتك ولا ابن عمتك انتي ولاد عمامك مبتتوصليش معاهم وبتشوفيهم بالصدفة اصلا انتي ملكيش كلام معاه تاني
تالين بإستغراب:هو في ايه؟انا مش فاهمة حاجة
سليم:انتي هتتجوزي
تالين بصتله بصدمه:ايه
احلام دخلت بغيظ:مبروك
تالين بصدمه:انتو بتقولو ايه بس...عشان افهم بتهزرو ولا بتتكلموا بجد
احلام:ابن عمك سالم طلب ايدك والخبر دا اللي هيخلينا نخرج من اللي احنا فيه واكيد عز هيرجع مهما حصل مش هيسيبك في يوم زي دا يا روحي وسالم راجل وجدع وكفاية انه جه كلمني قبل ميقولك وابن عمك
تالين:انا مستحيل اتجوز الشخص دا وبعدين هو انا شوفته كام مرة عشان يطلبني
سليم:هيبقى في فترة خطوبة وهيجي من المنصورة وتتعرفوا وزياد دا مستحيل انا اسمح انك تتعاملي معاه ولو بشكل عادي
احلام:سليم ولزمته ايه الكلام دا..زياد مش زي جلال زياد ابن اختي وانا عرفاه كويس
تالين طلعت على فوق دخلت اوضتها بدموع
قعدت تعيط وهي عارفة سبب رفض باباها وانه مش عايز يقتنع ان زياد غير جلال تمامآ بس لا حياة لمن تنادي وكمان زياد ملمحلهاش بحاجة ودا ضايقها اكتر
يوم جديد الشمس نورت الدنيا وعز فتح عينه على اجمل عيون بيحبها وبيعشقها عيون بلون البنفسج الصافي اللي بتلقائية غصب عنه بتسحره وبتفرض البسمة على وشه وبيحتل الفرح كيانه
اوتار: صباح الخير
عز: صباح الجمال احنا امتى كدا
اوتار ضحكت: احنا بعد الظهر
عز: بتهزي انا نمت دا كله ايه دخلت غيبوبه
اوتار: انت كنت تعبان وانا محبتش اقلقك صليت وعملتلك فطار ومستنياك
عز ابتسم ووقف باس خدها: ماشي هدخل اخد دوش بسرعة كدا واجي ناكل خدتي دش ولا تيجي
اوتار خدودها احمرت وبعدت وشها بإحراج وهو خلاها تبصله وضحك:ايه الفراولة دي كدا كتير عليا اوي
اوتار بكسوف دفنت وشها في كتفه وهو ابتسم بحب باس خدها وبصلها:تعرفي اني بموت فيكي
اوتار ابتسمت بحب وهزت راسها بإيجاب وهو خرج دخل الحمام تليفون عز رن وشافت اسم ليلى استغربت بس سكتت والرقم قعد يرن وهي خرجت بالتليفون خبطت على باب الحمام: عزي التليفون بتاعك عمال يرن
عز: مين يا نور عيني
اوتار: ليلى
عز: طيب ردي وشوفيها عايزة ايه دي اخت سلمى خطيبة سيف انتي تعرفيها اكيد كانت في الحفلة
اوتار ردت وهي مستغربة ليه هتتصل بعز واستنت متكلمتش
ليلى ابتسمت بأمل: عز بقى اخيرآ رديت حبيبي انت كويس عامل ايه انا عارفة اللي حصل دا ضغطك بس انا لازم اشوفك انت عارف انت ايه بالنسبة ليا
اوتار.........
#استودعكم_الله
يا ريت الكل يعمل متابعة لصفحتي بينزل عليها الرواية بدري
#Nada_Mohsen
اسئلة الحلقة:-
ايه هيبقى رد فعل اوتار هل عندها ثقة كفاية في عز وازاي هتتكلم مع ليلى؟!سراج هيعمل ايه وهل هيستسلم؟!تقى وسارة ممكن يفكروا في ايه؟!تالين هتتجوز ابن عمها وهل زياد بيحبها؟!
الاكثر قراءة هذا الشهر :
موعد الحلقة الجديدة الساعة 10 م يوميا ان شاء الله .
هنا تنتهى احداث رواية رجل المهام الصعبة الحلقة الخامسة عشر ، يمكنكم اكمال باقى احداث رواية رجل المهام الصعبة الحلقة السادسة عشر أوقراءة المزيد من الروايات المكتملة فى قسم روايات كاملة .
نأمل أن تكونوا قد استمتعتم بـ رواية رجل المهام الصعبة ، والى اللقاء فى حلقة قادمة بإذن الله ، لمزيد من الروايات يمكنكم متابعتنا على الموقع أو فيس بوك ، كما يمكنكم طلب رواياتكم المفضلة وسنقوم بوضعها كاملة على الموقع .