رواية رجل المهام الصعبة الحلقة الحادية والعشرون 21 | روايات ندى محسن

  نقدم اليوم احداث رواية رجل المهام الصعبة الحلقة الحادية والعشرين من روايات ندى محسن . والتى تندرج تحت تصنيف روايات رومانسية ، تعد الرواية  واحدة من اجمل الروايات رومانسية  والتى نالت اعجاب القراء على الموقع ، لـ قراءة احداث رواية رجل المهام الصعبة كاملة بقلم ندى محسن من خلال اللينك السابق ، أو تنزيل رواية رجل المهام الصعبة pdf كاملة  من خلال موقعنا .


رواية رجل المهام الصعبة الحلقة 21 | روايات ندى محسن



رجل المهام الصعبة الفصل الحادى والعشرون

رواية_رجل_المهام_الصعبة
الحلقة 21
للكاتبة/ندى محسن ♕Noody♕
#Nada_Mohsen

تالين في الجامعة وسرحانه في اللي حصل ونظرات الحزن متملكة عيونها
زياد همس جمب ودنها:الجميل بيفكر في ايه
تالين اتنطرت بفزع ووقفت بصدمه
زياد ابتسم:زي القمر بالحجاب
تالين بتبعد بقلق
زياد:انا اسف انا مقصدتش انا حقيقي اسف انتي متخيلة اني جيت مخصوص عشان اعتذرلك مش عشان المحضرات خاالص انا بستنى الكتاب لما بينزل وادخل انجح وخلاص
تالين بإرتباك وغضب:دا شيئ ميخصنيش وانا مش عايزة اكلمك ولا اشوفك مرة تانية فاهم يا زياد انت فاهم
زياد بصلها:انا مش عايزك تضايقي مني يا تالي
تالين بغضب مشيت وقفت مع صحابها وهو اتنهد ومشي وهي مرقباه

#رواية_رجل_المهام_الصعبة
للكاتبة/ندى محسن ♕Noody♕
متابعة لصفحتي هنا 👇
#Nada_Mohsen

اوتار راحت لأحلام خبطت على اوضتها واحلام سمحتلها تدخل وهي دخلت وابتسمت:صباح الخير
احلام:عايزة ايه
اوتار اتنهدت بعمق وغلب من شخصيت احلام المعقدة واللي مش قادرة تفهمها:مش هتاكلي يلا
احلام بغضب ودموع:وهو انا فارقة مع حد اكل ولا اتنيل عمران وعمل فيها الزعلان ومشي عشان عاملة على مصلحته منا امه ايه يعني لما اضربه هو فاكر انه خلاص كبر وعز ولا بعرف اتكلم معاه ولا باخد معاه حق ولا باطل تالين وماشية بدماغها وابوها مدلعها وحسام وعمره مدعمني في حاجه وشايفني الشريرة وسبب المشاكل في البيت (كملت بضيق وقهر)وسليم رجعت مشاعره القديمة وحبه القديم وخاني
اوتار بصتلها بعدم اقتناع
احلام بصتلها واتضايقت منها:ايه يا شيخة اوتار انا كمان معجبتكيش مبقاش الا انتي اللي تنتقديني
اوتار بضيق:اولآ انا متكلمتش ثانيآ انتي اكبر غلط انك تقعدي واحدة زي سارة دي في بيتك
احلام:اولآ دي صاحبتي ثانيآ بقى ودا الأهم انك ملكيش دعوة هو اللي اتجاوز حدوده معاها وهو اللي كان خايف يندفع وكان عايزها تمشي عشان مشاعره وانا دلوقتي فهمت ليه المفروض بقى اني اطردها وهو الغلطان دا الحق ودا شرع ربنا؟؟
اوتار هزت راسها بعدم اقتناع:انتي مقعدة واحدة غريبة في بيتك وهي تصرفاتها ولبسها وطريقتها مش مريحة انتي ازاي مش ملاحظة حاجة زي كدا هي خلتك تلاحظي اللي هي عيزاه فكري عمي سليم راجل محترم وعمري مسمعت عنه حاجة وحشة
احلام بصتلها
سارة عند الباب وبدموع تمثيل:انتي تقصدي ايه اني كنت بغريه وامتى بعد متجوز وخلف وكبر انتي ازاي تفكري كدا انتي عايزة الكل ينشغل عن اللي كنتي بتعمليه امبارح انتي نزلتي ومحدش عارف ليه ولا بتعملي ايه
اوتار اتعصبت بس سكتت عشان متعملش مشاكل لتالين وزياد واحلام استغربت سكوتها وسارة ورت لأحلام الفيديو واحلام بصت لأوتار بشك وغضب
سارة:ايه يا محترمة منتي زي امك قذرة و
اوتار بغضب وتحذير:انا مسمحلكيش ولو جبتي سيرة امي هيبقى فيها كلام تاني فاهمه
سارة بصتلها بغضب واحلام بصلها بشك واوتار خرجت
سارة:مش قولتلك يا احلام البت دي مش طبيعية انا واثقة انها على علاقة بزياد....
شوية كدا وتالين وصلت واحلام وسارة اتصدموا:ايه دا؟؟
تالين بإستغراب:مالكوا في ايه؟
سارة:انتي اتحجبتي من امتى ولا عشان مين
تالين متجهلاها وبجحتها مضيقاها
احلام:متردي انتي اتحجبتي؟
تالين:اه اتحجبت من النهاردا ايه المشكلة منتي محجبة يا ماما
سارة بسخرية:تفرق يا روح ماما تفرق اوي انك تتحجبي عشان ماما او واحدة بتستشيخ هي اللي تلعب في دماغك
بصت لأوتار بجنب عينها واوتار نفسها تهجم عليها تضربها وعمالة تهدي نفسها وتستغفر
تالين متجاهلة سارة:والله الصح صح والغلط غلط وانا مقتنعة بكلامها واكيد مش هاخد برأي واحدة زيك؟
سارة بغضب بصتلها واحلام بغضب:تالين احترمي
تالين قاطعتها:معنديش استعداد ادخل في اي نقاش معاكوا انتو الأتنين توتا لو سمحتي تعالي معايا
اوتار هزت راسها بإيجاب وطلعوا
سارة:هو انا مش قولتلك ان وجودها هنا خطر عليكي وعلى بيتك وعلى علاقتك مع ولادك يا احلام احلام حبيبتي انا مش ضدك ولو عيزاني اسيب البيت انا موافقة انا قاعدة هنا بس عشان احنا صحاب بقالنا سنين وانا مليش غيرك والكل اتخلى عني يا احلام....
حضنتها وهي بتعيط واحلام اتنهدت:طبعا لاء مش هتسيبي البيت ولو حد هيسيب البيت تبقى اوتار مش انتي انتي زيك زيي هنا البيت بيتك
سارة ابتسمت بدموع وحضنتها:شكرا يا احلام انا بجد مليش غيرك وبعتبرك اختي
احلام ابتسمت
سارة بدموع:انا مش عارفة ليه..ليه سليم عمل كدا انا كنت فاكرة انه طلعني من دماغة وكنت فاكرة اني لما ابعد هو هيبقى معاكوا مكنتش اعرف انه بيستنى الفرصة اللي تسمحله وكان فاكرني هسكت كان بيحاول يهديني
احلام خلاص مبقتش قادرة تسمع وبضيق:ساارة خلاص الموضوت خلص ومش عايزة اسمع حاجة عنه...انا اسفة بس راعي شعوري واد ايه انا بعاني يا ريت...سليم غلط وانا معنديش استعداد اتفهم رجوعه
سارة هزت راسها:انا اسفة يا احلام
احلام طلعت وسارة ابتسمت وهمست:صعبانه عليا اوووي عيلتك هتدمر يا صاحبتي وحياتك هتتقلب جحيم...

#رواية_رجل_المهام_الصعبة
للكاتبة/ندى محسن ♕Noody♕
متابعة لصفحتي هنا 👇
#Nada_Mohsen

مصطفى:هو انتي موركيش غير الموبيل
تقى:دي حاجه متخصكش
مصطفى:انا اخوكي
تقى:اضحك بالكلمتين دول على حد غيرك
مصطفى:انا غلبت معاكي
جودي دخلت:يا تقى تعالي كلي معانا
تقى:يا ستي مش عايزة هل هو بالعافية
حبيبة:يا روحي مش بالعافية بس بنتونس بيكي
تقى:انا مش صغيرة عشان تضحكي عليا بكلمتين وبلاش دور الملاك دا
مازن نادى من برا:حبيبة مصطفى جودي تعالوا هنا وسيبوها اللي ياكل على ضرسه ينفع نفسه
سابوها وهي عضت شفتها بغيظ
مازن بيبص لاوضتها ومبتسم
حبيبة:هتسيبها انت عارف انها ملهاش ذنب في اللي سارة عملته دا وانها سبب في كل حاجة حرام عليك دي بنتك
مازن ضحك:انتي ليه محسساني اني بعذبها انا هعرف اتعامل معاها من اول وجديد ونربيها من اول وجديد وعشان عارفها عارف ازاي هخليها تعمل اللي انا عايزه
مصطفى ابتسم:مفيش حاجة بتقف قدامك يا بابا
مازن ابتسم:طيب كل يلا بس
جودي ابتسمت وكلوا
تقى ماسكه بطنها بألم جوع:المفروض كان هو اللي يقولي تعالي مش اللي ياكل مش عارف ايه ينفع ايه
الباب اتفتح وهي شالت ايدها من على بطنها وواقفة بثبات
مازن:هتفضلي قاعدة هنا؟
تقى ادتله ضهرها:اه ومش عايزة حاجة ولا عايزة اشوفكوا ممكن
مازن:ممكن اوي براحتك تحبي اقفلك الباب من برا؟
تقى بصتله بذهول
مازن ابتسم:انا في الصالة لو عوزتي حاجة
خرج وتقى بضيق غيرت هدومها ولبست بنطلون اسود وبلوزة كات وفردت شعرها خرجت وجت تنزل مازن وقف قدامها:على فين مهو انا موريش حاجة وواخدلك اجازة من المصنع وقاعدلك
تقى:هشوف صحابي ايه كفرت
مازن:صحابك بدرعاتك دي
تقى ضحكت بسخرية:درعاتي؟انا مش لابسه عريان على فكرا انت مشوفتش العريان
مازن ابتدى يتعصب:ولا عايز اشوف تقى انا بحذرك هنا مفيش الكلام دا فاهمه
تقى بغضب:انت عايز ايه ممكن تبعد عني وتسيبني في حالي
مازن:اللي لبساه دا يتغير او مفيش نزول واختاري يا روحي
تقى بغضب دخلت رمت شنطتها:يبقى مش نازلة محدش هيمشي كلامه عليا....بس انا محتاجة للنزولة دي اوووف
جابت چاكيت اسود ولبسته وخرجت
مازن:انتي رايحة عزى ولا ايه
تقى بجمود:غطيت درعاتي اي مانع تاني
مازن:البنطلون دا ضيق
تقى بصتله بغضب ونزلت
حبيبة حطت ايدها على كتفه:اهدى يا مازن مش هتيجي من يوم وليلة كدا
مازن:منا عارف سارة متوصتش وقعدت تزرع وساخة سنين وانا محتاج امحي كل دا
حبيبة:ربنا هيعينك وهيهديها بس مراد انت متكلمتش معاه
مازن:مراد مش زيها مراد صعب اسيطر عليه دا ولد وبقى راجل بس انا على تواصل معاه وتفكيره مش سيئ بالطريقة دي
تقى بتتصل بأمجد:قابلني في كافيه*****يلا متتأخرش
امجد بضيق:افندم بصي انا مش ناقصك
تقى:قابلني وهتعرف متتأخرش
قفلت وابتسمت بخبث

#رواية_رجل_المهام_الصعبة
للكاتبة/ندى محسن ♕Noody♕
متابعة لصفحتي هنا 👇
#Nada_Mohsen

اوتار مع تالين وتالين حكتلها كل حاجة حصلت في الجامعة وهي بصتلها:وبعدين عمالتي ايه
تالين:بس كدا وهو مشي لما وقفت مع صحابي....
اوتار اتنهدت وهزت راسها بإيجاب:عملتي الصح
تالين:انا خايفة
اوتار حضنتها:وليه انتي بدل معارفة حدودك ومحافظة على نفسك خلاص وزياد مش هيتعرضلك..
تالين هزت راسها بإيجاب فتحت دولابها وطلعت صورة زياد والصور اللي رسماها ليه ودموعها غصب عنها نزلت
اوتار:تالي
تالين بتمسح دموعها:مش عايزة اشوفه تاني...
رمت الصور واوتار ابتسمت وعارفة انها مش هترميهم في الزبالة وضحكت على برائتها
تالين:بتضحكي ليه
اوتار:على غضبك
تالين هزت راسها
اوتار:تالي هاتي تليفونك واتصلي على حسام
تالين ابتسمت:عز وحشك
اوتار بثقة:مش جوزي
تالين ابتسمت:خدي يا قمر انت تؤمر
اوتار خدت التليفون وكلمته
تالين:هوزع نفسي انا
اوتار ضحكت وهي خرجت
عز:الو
اوتار ابتسمت:وحشتني ايه اخبارك
عز:مسافر
اوتار:ايه؟
عز:حجزت على اول طيارة وفي الطريق هاخد هدومي وجبت خطوط عشان ادي للواد تليفونه
اوتار سكتت وخدت نفس عميق:يعني خلاص هتسافر
عز:انا طالعلك ونتكلم
قفلت وسابت تليفون تالين ونزلت وهو واقف مع حسام برا اداله تليفونه وهو شافها ابتسم قرب وحضنها
اوتار بصتله:انت هتسيبني النهاردا
عز:منا قولتلك....تعالي معايا
مسك ايدها وطلع على اوضتهم وهي بعدت
عز:افهم غضبانة ليه
اوتار عينيها اتحولت لأزرق فاتح
عز باس خدها:متخافيش انا رايح اجيبلك المفجأة
اوتار ابتسمت:طب انا عايزاك معايا وبس متسافرش دي هتبقى احلا مفجأة
عز:لازم يا اوتاري
اوتار اتنهدت:طب خلي بالك من نفسك
عز هز راسه بإيجاب و فتح علبة ومدهلها:خدي
اوتار:ايه دا
عز:ايه دا ايه بس تليفون عشان اكلمك واول نمرة عليه نمرتي وعملتلك واتس عشان نتكلم تمام ودول الأرقام وجبت خطين جداد انتي اول حد تضاف اهو وصورنا هتلاقيها عليه والخلفية من برا صورتي ومن جوا صورتنا
اوتار ابتسمت:شكرا....عز انت معاك فلوس؟
عز:ليه بتسألي
اوتار:انت الفترة اللي فاتت زادت عليك
عز:متقلقيش دا انا عز المنشاوي
اوتار ابتسمت وحضنته:ربنا معاك
عز ابتسم وبيحاول ميحضنهاش جامد عشان ضلوعها
اوتار حست بتوتره وبصتله باست خده:ارجع بسرعة
عز ابتسم وباس ايدها:من عيوني يا عيوني هجهز شنطتي بقى
اوتار هزت راسها بنفي:لا سيبلي انا المهمة دي وغير هدومك
دخل الحمام وهي بتتكلم:عمي سليم عامل ايه
عز:زي الفل يختي لقيته محضرلي الفطار
اوتار ابتسمت بحزن:ربنا يراضيه يا رب
تليفون عز رن واوتار لقت رقم استغربت:عز...عز
عز مسمعش من صوت الميه اللي كان شغلها
اوتار فضولها اتغلب وفتحت الخط وسمعت صوت لمار بطريقتها:جبت الرقم امتى بس تعرف رقم مميز زيك انا حفظته و استغربت لما لقيت رسالة على الواتس هو انا مسافر يعني هتجيلي قبل متسافر انا مستنياك ومش هروح في حته ...انت ساكت ليه؟؟عز
اوتار قفلت وحاولت تفتح تليفونه معرفتش بسبب كلمة السر وقعدت تحاول وكتبت اوتار مفتحش وهي غضبانة لدرجة مسمعتش اي حاجة ولا صوت عز وحست بإيد على كتفها.......
اوتار اتخضت وبعدت بألم: ااااه
عز: اسف اسف اهدي مكنش قصدي اخضك مش عارفة تفتحي التليفون
اوتار بصتله وبصت لتليفونه اللي في ايدها ومدتهوله
عز: اسمك يا اوتاري
اوتار: لا مش اسمي
عز عرف انها قعدت تجرب ودا ضايقه انها بتشك فيه فتحه بأسم اوتاري ومدهولها
اوتار مدتهوله تاني
عز: ايه يا قمري مش عايزاه شوفي اللي انتي عيزاه عليه
اوتار هزت راسها بنفي:مش عايزة حاجة
عز: في حاجه مضيقاكي
اوتار: لا دكتورة لمار اتصلت بيك
عز: اه.. بعتلها رسالة عشان في حاجه كدا
اوتار بصاله بس هو سكت
عز فتح دولابه وبيظبط هدومه وهي بصاله وبعدين ابتسمت وقربت خدت منه الهدوم وحضرتله شنطته وهو قرب باسها بس اتفاجأ بيها بتزأه وبتبعد بقلق
عز: انتي.... مش عيزاني
اوتار بعدت نظرها عنه وسكتت
عز:سلام يا اوتار
خد الشنطة ومشي وهي غمضت عينها بضيق: امتى كل دا يخلص بقى
عز نزل شاف سيف ومالك جايين استغرب وبصلهم
سيف: كويس لحقناك روحنا الشقة سليم باشا كان رايح الشركة والحمد لله لحقناه
عز: وعايزين ايه
مالك: شغل اركب بسرعة وهنفهمك
عز بجمود: انا عندي طيارة وعايز الحقها شغل انا مش راجع على الأقل دلوقتي
سيف: اركب بس الموضوع مهم
عز بصلهم اتنهد بضيق وركب معاهم واتفاجأ بيهم رايحين الديسكو دخلوا وعز مستغرب
مالك: اسمع بقى انت هتوقع البنت اللي هقفلك معاها دي بتشتغل مع تاجر مخدرات احنا مش عارفينه هي اللي بتطلع في اي مهمة ومحدش عارف يجيبها بس انت ممكن تجيبها مش كدا
سيف: انت عارف اني بحب سلمى ومش عارف ابقى معاها
عز بصله بغضب: انتو جبتوني عشان مصلحتكوا عشان اعرفلكوا مين هاا؟ انا واحد متجوز وبحب مراتي ودي حاجة مختلفة تمامآ
سيف: عز دا واجبك عشان دا شغل ولا بنعمل حاجة غلط ولا حاجة عيب ولا خبينا حاجة
عز بصله وهو فاهم قصده وسكت راح قعد على البار
مالك راح وقف مع مايا وعز شافه
مايا: مين اللي معاكو دا؟
مالك: دا واحد بيشتغل في المصنع معانا بس ايه شايف نفسه ومفيش بنت تهز فيه شعرة
مايا ابتسمت: لا بجد؟
مالك: بعد اذنك بقى يا جميل عمال يبص
مشي راح لعز وهمس وهو بيشرب: ظبطلك الجو
عز بصله وسكت وهو بيمثل انه بيشرب
سيف ابتسم: عينها عليه تعالى نتهوى شوية
عز بصلهم وبص قدامه وهما مشيو ومايا قربت قعدت جمبه وهو بصلها من فوق لتحت ورجع بص قدامه ودا غاظها وخرج تليفونه بيلعب فيه
مايا:انا مايا
عز بصلها وبص قدامه
مايا بإحراج:اممم وانت اسمك ايه؟
عز بصلها
مايا صبت كاس ومدتهوله وهو ابتسم:لاء دا عشانك انتي
مايا ابتسمت وشربته وهو قعد يشربها لحد مسكرت
مالك غمزله من بعيد وعز سندها وخدها فوق في الدور التاني ودخلها اوضة:اسندي طولك بس
مايا بتضحك:انت سكران
عز بسخريه:اه اه انا اللي سكران
مايا ضحكت وعيطت
عز:مالك بس
مايا حضنته:عندي شغل وتعبانه
عز:شغل ايه
مايا:لاء لاء مش هقولك حاجة دا سر
عز خلاها تبصله وابتسم:مفيش اسرار بينا متخافيش
مايا ابتسمت وباست خده:هقولك يا روحي
عز حس ان الباب افتح ولف مشافش حد بس احساسه ان في حد مراقبه جه يخرج مايا مسكته وهزت راسها بنفي:لاء متسيبنيش لا
عز ابتسم: طب قولي
مايا حضنته: عندي شغل كتتتير مع سامي دا تاعبني ومش بيهتم بيا خالص
عز: ليه وايه الشغل دا
مايا بصتله: مخدرات
عز: فين
مايا : في مخزن كبيير خاالص وفيه عيال كتير
عز استغرب: ايه والعيال دي بتساعدكوا
مايا كشرت وهزت راسهت بنفي
عز: اوماال
مايا بسكر ضحكت: بيموتهم
عز: بيموتهم طب ليه
مايا: بيبيعهم! انت مش بتفهم بسرعة
عز الغضب اتملكه وبصلها
مايا ابتسمت وحاوطت رقبته: شوف انا بتعب ازاي وانا اللي دايما جمبه شوفت بقى
عز زاها بغضب نزل وهي وراه وساندة عليه
مالك: هو لحق؟
راحوله وهو زاها بعنف وقالهم على الكلام وهما اتصدمو
سيف: دا الحوار مش مخدرات وبس بقى
عز: انتو عرفتو اللي عايزينه يا دوبك اروح مشوار واسافر
سيف بصله
عز بصلهم: سلام
مشي كلم لمار وهي قالتله انها روحت البيت ولو ممكن يجي وهو اتنهد و راحلها
لمار فتحت بقميص نوم اسود وشفاف وهو بصلها بإستغراب
لمار ابتسمت: اتفضل
عز اتراجع: انا جيت اديلك بقيت حسابك
خرج فلوس ومدهالها وهي هزت راسها بنفي وبدلع: عز انا مش هاخد حاجة منك غير لما تدخل ونقعد سوا شوية
عز: انا عندي طيارة ومش عايز اتأخر
لمار: ولو بردو هتدخل هنشرب عصير بس ارجوك
شدته وهو اتنهد بضيق وقعد وهي دخلت اوضتها غرقت نفسها بالبرفيم وخرجت وهو مستغرب من افعالها بس ساب الفلوس على الترابيزة وهي جت حطت العصير قدامه: اشرب
عز اتنهد بإستسلام:امرك يا ستي
شرب وهي قعدت جمبه ومسكت وشه وهو بصلها بإستغراب
لمار: انا عايزة خدمة منك
عز بيبعد ايدهاا: ايه
لمار: تعتبرني صديقة ليك وتفتحلي قلبك وتكلمني عنك متتخيلش حاجة زي كدا اد ايه بتسعدني
عز: انتي مفيش حد معاكي هنا
لمار: اهلي على قدهم في الصعيد
عز: امم
لمار قربت حضنته: بس انا فخورة انك معايا
عز بصلها وهو متضايق وقبل ميقوم كانت رمت نفسها في حضنه اكتر وهي قاعدة على رجله وهو بيبعدها حس بخطوات داخلة رفع عينه شاف اوتار والدموع في عينها اتصدم وبعد لمار ووقف بسرعة واستغراب ولمار خدت الروب اللي كان على الكنبة ولبسته بسرعة واحراج واستغراب في نفس الوقت ايه اللي جابها هنا

#رواية_رجل_المهام_الصعبة
للكاتبة/ندى محسن ♕Noody♕
متابعة لصفحتي هنا 👇
#Nada_Mohsen

عشق نايمة وبتفتكر
Flash back
عشق حاضنه ايان وبتعيط
عمران:انا اسف مكنش قصدي اسف
عشق بدموع بصاله:جيت امتى وازاي وليه
عمران ضحك غصب عنه:جيت امتى من شوية واستغربت لما ملقتكيش وقولت اتجول في الشقة الاوضتين وصالة دي ازاي عادي يعني بالعربية ليه بقى عشان مينفعش اسيبك واسيب روحي الصغنن دا وعشان انا السبب في انكم تمشو
عشق:دا مش بيتنا واحنا اسفين اننا سببنالك مشاكل مع مامتك
ايان بصله والدموع في عينه
عمران حضنه بحنان:مالك بس يا عمري لاء اوعى تعيط
ايان حضنه جامد:هي ضربتك جامد
عمران اتنهد وضحك:لا مضربتنيش جامد ولا حاجة بطل تعيط بقى انت راجل
ايان هز راسه بإيجاب
عمران باس خده:انا لقيت الحل
عشق:حل ايه
عمران:اللي مش هيخليكي تبعدي
عشق:عمران بيه انت مش مجبر
عمران:بلاش بيه بس دي
عشق:حضرتك مينفعش تبقى هنا
عمران:خلصنا من بيه تقوليلي حضرتك
عشق:اومال اقولك ايه ؟
عمران:تتجوزيني؟
عشق بصتله بصدمه وحست فجأة ان جسمها تلج ومبقتش قادرة تقف
عمران بإستغراب:عشق انتي كويسة؟مالك بقولك تتجوزيني تقبلي تكوني مراتي؟
عشق بصدمه وعدم تصديق:انت بتقول ايه
عمران:عشق انا مش قصدي اي حاجة انتي مش متخيلة انا حبيته اد ايه ومش متخيل يبعد ماما وهحل مشكلتها ومتخافيش قريب هشتري بيت لينا صدقيني انا عامل على مصلحتكوا
عشق:هو انت بتتكلم بجد
عمران:اه بتكلم بجد وانتي لازم تفكري في دا كويس
ايان بصله وبذهول:انت عايز تبقى بابايا
عمران ضحك:اه وايه يعني
ايان ابتسم وباس خده:انا موافق
عشق دموعها لمعت وهزت راسها بنفي
عمران ابتسم بحنان وبيطمنها:خايفة من ايه بس هو وهشيله في عيوني وانتي ومش هخليكي محتاجة لحاجة
عشق هزت راسها بنفي:لاء اللي بتقوله دا مفيهوش عقل انت وفي فرق كبير بيني وبينك واهلك مش هيتقبلوني وايان هيعاني وانا مش بسيبه حتى النوم هو بينام في حضني لاء صعب لاء انا مش هقدر ولا انت هتقدر
خدت ايان منه وحضنته:هو كل حياتي كل حاجة في حياتي وانت مش هتستحمل دا
عمران:انا هسيبك تفكري بس تعالي معايا بس
عشق:على فين
عمران:فندق هتقعدي فيه الفترة دي ومتخافيش امان
عشق:كفاية لو سمحت انا مش عايزة حاجة من حد
عمران:عشق فكري انا مش هخليه محتاج لحاجة
عشق:وليه كل دا ايه المقابل
عمران ابتسم:ولا حاجة
عشق:يبقى بتكذب عليا
عمران عز راسه بنفي وقرب حط ايده على وشها:مش هعوز اكتر من حقي الشرعي انتي مش شايفة نفسك عاملة ازاي واي راجل تفتكري هيكون عايز منك ايه
عشق بصت لايده بصدمه وبعدت وشها وهو حس انه خانه التعبير وبعد ايده بتراجع:اقصد انتي الف مين يتمناكي ومين ميتمنكيش زوجة ليه
عشق نزلت ايان وزات الترابيظه وبتتحامل على نفسها فتحت الباب وبصتله:برا
عمران:عشق انا قولتلك خاني التعبير
عشق بصراخ وغضب:برااا اطلع برا
عمران:انا عايزك تفكري كويس وانا هجيلك تاني
عشق:طلبك مرفوض ومش هفكر برااا
زاته وقفلت الباب وحطت الترابيزة وراه وقعدت بدموع وايان جري حضنها وهي انهارت في العياط
Back
عشق بتمسح في دموعها وايان في حضنها نايم وهي همست:وانا اللي كنت فكراه حبني او اعجب بيا كل الرجالة صنف واحد هو هيقضي معاها شوية وقت ويرميني وانا مش هعرف اعمل معاه حاجة ولا هعرف اخد معاه حق ولا باطل وايان اللي هيعاني وهيتعذب انا مستحيل اعمل كدا مستحيل...

#رواية_رجل_المهام_الصعبة
للكاتبة/ندى محسن ♕Noody♕
متابعة لصفحتي هنا 👇
#Nada_Mohsen

اوتار بصت لعز بغضب ودموع: ايه دا؟؟
عز: اوتار مفيش اي حاجة من اللي في دماغك بلاش تدخلي الأمور في بعض
اوتار مدتله صور: ودا مش صح انت كنت بتشرب وسهران في الديسكو وكنت في الأوضة مع واحدة من دقايق ودلوقتي ايه دلوقتي انت مع واحدة تانية وهي في حضنك وتقولي اللي في دماغك غلط هاا
عز بضيق: انا روحت بس انا مشربتش وملمستهاش
اوتار بدموع رمت الصور قدامه ونزلت ركبت عربية مستنياها مشيت في اتجاه البيت وهو بص لمار بضيق ومسك الصور بإستغراب دي صوره مع مايا يعني حد كان بيصوره؟ نزل فكر يروح وراها بس جتله مكالمة استغربها من القائد بتاعه وراح على الجهاز بعد اصرار ماهر وقرر يسافر ولما يرجع يصالحها وتكون هديت
اوتار بتعيط
سراج بيسوق وهي قاعدة ورا وهو اتنهد بضيق:اوتار انا اكتر من مرة حاولت اكشفهولك هو ميستحقش دموعك
اوتار بتعيط لحد موصلها قدام ڤلة سليم
سراج بصلها:اوتار انتي لازم تفكري
اوتار مسحت دموعها وخرجت:متنساش انا لسة مسمعتش منه
ابتسم بحب بعد ممشيت:هانت يا عمري واخدك
اوتار طلعت احلام وقفت قدامها:روحتي معاه فين عز سافر وانتي ازاي تروحي مع سراج وخدك فين
اوتار مش قادرة تتكلم وجت تطلع احلام شدتها بغضب:روحتي فين انتي
اوتار بصتلها بإستغراب وسارة بصتلها وابتسمت بخبث
سارة: انتي لسه بتسألي لسة ؟؟
احلام: انتي ازاي تروحي مع سراج مش كان عايز يتجوزك؟ هاا
اوتار بصالها: انا روحت معاه لظروف خاصة لو سمحتي انا تعبانه وعايزة ارتاح
طلعت بدموع وقعدت تعيط ومش عارفة تعمل ايه بس هي عارفة انه هيجيلها... وممكن يكون مظلوم فعلاً....

#رواية_رجل_المهام_الصعبة
للكاتبة/ندى محسن ♕Noody♕
متابعة لصفحتي هنا 👇
#Nada_Mohsen

ايان: عشق ليه مش عايزة تتجوزيه
عشق: اتجوز ايه يا ايان واسيبك
ايان: انتي مش عايزة تتجوزي وتجيبي بيبي صغير
عشق ابتسمت بحب وهي بصاله: انت البيبي بتاعي وانت حبي وانت قلبي وكل حاجة حلوة في حياتي
ايان: انا بحب عمران كمان
عشق اتنهدت وحضنته:استنى اشوف حاجة تاكلها لو مفيش هنزل اجيبلك حاجة
ايان:انتي مش معاكي فلوس
عشق اتنهدت:هبيع اي حاجة متخافش
تليفونها رن وهي بصت فيه لقته عمران مردتش وقعد يتصل لحد مردت:افندم
عمران:بكرا تيجي الشركة انتي اكيد عرفتي ان ملك سافرت
عشق:انا مستقيلة
عمران بغيظ:مش بمزاجك وبعدين دا شغل ملوش علاقة بيكي ومسموح بالأطفال هنا
قفل وهي بصت لأيان:هروح الشغل بكرا
ايان:وانا؟
عشق:هاخدك
ايان ابتسم وحضنها

#رواية_رجل_المهام_الصعبة
للكاتبة/ندى محسن ♕Noody♕
متابعة لصفحتي هنا 👇
#Nada_Mohsen

عدى الوقت وعز مجاش وهي على نار ودموعها كل شوية تعلن تمردها وتنزل على خدها فضلت قاعدة
تالين خبطت ودخلت واوتار قاعدة بصتلها بإستغراب: في ايه
اوتار: عز مجاش
تالين: مش مسافر مش قالك مسافر؟
اوتار: بس هو مسافرش
تالين: استني طيب اتصلك بيه!!
اتصلت رد: الو
تالين: انت فين
عز: انا في المطار هي اوتار في البيت
تالين: اوتار اهي تاخد تكلمها
اوتار هزت راسها بنفي بغضب
تالين: هو في ايه يا عز انتو اتخانقتو
عز: متخليهاش تمشي وبس
تالين هزت راسها بإيجاب وقفلت وبصت لاوتار: مش هتمشي بيقولي متخليهاش تمشي هو في ايه
اوتار بصت لتالين وسكتت
تالين : طيب روقي طيب لو مش عايزة تتكلمي
اوتار حست انها محتاجة تفكر وتعيد حساباتها ولما عز يرجع هتكون وصلت لقرار عز بيخونها بس هو مش حاسس بكدا!!
عز في الطيارة وعمال يفكر فيها حس انه غلط لما سابها كدا وسافر بس اكيد سراج اللي صوره محدش ليه مصلحة يعمل كدا غير سراج...

#رواية_رجل_المهام_الصعبة
للكاتبة/ندى محسن ♕Noody♕
متابعة لصفحتي هنا 👇
#Nada_Mohsen

تقى قاعدة في الصالة بغضب من تفكير امجد وبتفتكر اللي حصل بينهم لما قابلته
Flash back
امجد:افندم
تقى:انت مش عايز اوتار!
امجد:هي مش اوتار اتجوزت عز ولا انا بيتهيقلي
تقى:انت عايزها ولا لاء مش عايز تتجوزها انا عندي ثفقة حلوة ليك انت هتبعدها عنه وانا هساعدك وتتجوزها يا ريت يعني
امجد:هو انتي عبيطة ولا ايه انا مش فاهم يعني كل اللي عملاه دا عشان عز عشان راجل
تقى:دي حاجه متخصكش
امجد:اممم طب العبي لعبة الانتقام دي بعيد عني انا عندي شغل ومش ناقص
تقى بغضب:انت فاكرني اني حابة اتكلم معاك انا مش عارفة ليالي كانت بتحبك على ايه
امجد بصلها بتحذير:تقى
تقى بصتله بتحدي: اولآ انا مش خايفة منك
امجد بإستخفاف: وثانيآ؟
تقى بصتله بتفكير
امجد ضحك: معندكيش ثانيآ طيب بصي العبي بعيد باي
وقف ومشي وهي هتتجنن من استفزازه وبغضب وقفت ومشيت
back
جودي بضيق: يا ماما انا متأخرة بقولك مواعدة اصحابي والنبي يا ماما توافقي
حبيبة: لاء
جودي بغضب راحت خبطت على الحمام: بابا
حبيبة بغيظ: هتدخلي الحمام يعني وهو جوا
مازن خرج وضحك: افندم معندكيش صبر ابدآ انتي
جودي بغضب: انا مواعدة صحابي هروح اشوفهم
مصطفى حضانها: ايه بقى مين زعلها كدا ايه يا جماعه متسيبوها تنزل ايه اللي هيحصل يعني
جودي بإستعطاف: انا عايزة انزل وهما مش راضيين
مصطفى:طب عشان خاطري بقى
مازن: مصطفى هي لسة خارجة امبارح لاء بقى
مصطفى اتنهد وحاوط وش جودي: انا عندي فكرة ايه رأيك انزل اشتري شوية حاجات حلوة كدا واخدك نطلع على السطع فوق ونتصور وتنزليها على الواتس لصحابك انك بتستمتعي بس مع صاحبك بقى اخوكي
جودي ضحكت
تقى مراقبه الوضع بصمت واستغربت لمعاملتهم وافتكرت مراد ازاي كان بيضربها وازاي كان بيبقى شايفها بتضرب من سارة ويبقى مبتسم لحد مهي مبقتش تحترمه او تخاف منه وقفت بغضب دخلت اوضتها ورزعت الباب
مازن بص لاوضتها ونفخ بغلب
حبيبة: واحدة واحدة
مصطفى غمزله وراح خبط عليها
تقى اتنهدت: لو سمحتي يا بابا مش عايزة اشوف حد صعبة دي؟
مصطفى دخل: انا مش بابا
تقى بغضب وقفت: بتعمل ايه انت براا
مصطفى:اعرف بس انتي لسانك متبري منك ليه
تقى: برا احسنلك
مصطفى: انتي بتهدديني كمان
تقى بغضب بتزأه وهو مسكها: شششش اهدي اهدي انا جاي اقولك تعالي معانا بابا قال انك بتحبي الحمص انا هجيبلك حمص معايا وانا جاي
تقى بغضب وسخرية: ايه السخافة دي انت فاكرني زيكم انت ملكش دعوة بيا انت
زاته وقفلت
مازن بصله بخيبة امل
مصطفى ضحك: عنيفة اوي
جودي ضحكت: دي كانت هتفترسك
تقى بغضب قاعدة: بني ادمين مستفزين ...

#رواية_رجل_المهام_الصعبة
للكاتبة/ندى محسن ♕Noody♕
متابعة لصفحتي هنا 👇
#Nada_Mohsen

اوتار لبست وخدت هدومها ونزلت
حسام: على فين
اوتار: انا همشي..
حسام: على فين
اوتار: بيتي
تالين: اوتار بس عز قال
اوتار: عز قال وانا مش هقدر اخالف كلامه عشان جوزي بس انا محتاجة اريح اعصابي وعشان كدا انا هكلمه واقوله
اتصلت بيه وهو ابتسم ومتوقعهاش ورد:الو
اوتار: انا همشي
عز بإستغراب: تمشي على فين
اوتار: انا هروح بيتي
عز: بيتك؟
اوتار: انا ليا كمان طلب..
عز بنفاذ صبر: ايه كمان يا ترى
اوتار: طلقني يا عز
عز اتصدم: ايه ؟ انتي بتقولي ايه انتي اتجننتي يا اوتار
الكل اتصدم
اوتار: طلقني
عز بضيق وغضب واللي في الطيارة انتبهوله: انتي بتقولي ايه انتي وطلاق ايه يا اوتار وايه اللي حصل انا مكنش قصدي والصور دي اسألي عنها سيف ومالك واسأليهم كنت هناك ليه لو مش مصدقاني يا مدام اوتار وبعدين انتي ازاي بتطلبي الطلاق بمنتهى البساطة دي هاا ومن غير متفهمي ولا تتكلمي معايا انا قولتلك هسافر عشان عاملك مفجاة والطيارة كانت هتفوتني
اوتار بغضب ودموع: والمفروض اني اصبر واستنى على خيانتك لحد مترجع وتبرر
عز: انا بوضحلك بس مش اكتر يا اوتار قوليلي مين بيعمل مع مراته كدا وبيوضحلها اقل حاجة واقل كلمه انا قدامك مسحت كل حاجة وكسرت الشريحة اعمل ايه تاني
اوتار ساكته ودموعها بتنزل
عز بغضب وضيق:انتي بتعيطي صح بتعيطي ليه اوووتااار انا بردو تعبت انا مش لاقي اي ثقة او اهتمام منك لمشاعري
اوتار بتعيط وحسام وتالين متضايقين وسارة مبتسمه وهو صرخ بغضب لدرجة انهم سمعوه:انتي سااااكته لييييه
في نفس اللحظة اللي في الطيارة صرخو بسبب ميل الطيارة والإنذار اشتغل
عز بإستغراب:هو في ايه
المضيفة:يا ريت تهدو احنا هنضطر ننزل في اي حته المحركات وقفت
اوتار اتصدمت والشنطة وقعت منها
عز بصدمه:وازاي هيعمل هبوط واحنا تحتينا...تحتينا بحر؟
المضيفة:احنا بعتنا استغاثة والله اعلم هيوصلوا امتى لو سمحت البسو المظلة
عز اتنهد ولبسها وهو حاطت السماعات وبيتكلم مع اوتار
اوتار بدموع:انت هتنط
عز بغيظ:لو احتاج الامر اديكي هتخلصي مني
اوتار عيطت بإنهيار:انا مش عايزة اخلص منك انا بحبك بس انا نفسي تتغير وتبقى شخص تاني...عز انا محتجالك اوعى تسيبني
عز اتراجع عن مخطته الشرير انه يخليها تقلق عليها وبحنان اتكلم:طيب اهدي والله انا مخونتك ولا اي حاجة يا روحي دي كانت مهمة ولمار انا روحت اديها فلوس المستشفى لما عرفت انها مشيت من المستشفى ودا كل اللي حصل
صويت اللي في الطيارة سيطر على المكان والطيارة ابتدت تقع
عز اتنهد:اهدي متقلقيش انا كويس انا هبقى كويس
اوتار انهارت والكل مركز معاها وتالين وحسام قلقوا وجه حسام ياخد التليفون منها بعدت وهزت راسها بنفي
عز مش عارف يقفل معاها وحس بخوف لاول مرة لتكون اخر مرة يتكلموا فيها
اوتار:عز
عز بيبعد عن اللي بيصرخوا:معاكي...انا لسه معاكي
اوتار بدموع:اقرأ قرءان وادعي كتير وانا هدعيلك انا هقعد في اوضة الصلاة بتاعتك وادعيلك انك ترجعلي
عز حس بإصدام الطيارة بالمية وهما في نص البحر والصريخ زاد وهما بيخرجوا وشال التليفون في جيبه والسماعة لسة في ودنه بيسمع انفسها المضطربة خرجهم واتكلم:التليفون ضد المية وانا هفضل على تواصل معاكي...متقلقيش لو فصل انا مش عارف ممكن يقع
اوتار دخلت اوضة الصلاة وقفلت الباب بدموع:انا معاك
عز ابتسم وخرج وهو بيعوم وبيساعد اللي مش عارف يعوم وكان من ضمنها بنت مش عارفة تعوم وهو خادها وعام بيها وهي منهارة من العياط
اوتار:حبيبي انت كويس
عز بيعوم :حبيبتي انا كويس
البنت اللي معاه بصتله بإستغراب
عز ابتسم وفجأة سمعو صوت غريب بصو لبعض وابتدو يعومو بسرعة وفجأة الطيارة انفجرت وهما نزلو تحت الميه بس عز كان مشغول بغيره وعقبال منزل كان حاسس بصدمه قوية على راسه وسمع صفير عالي وعينه مبقتش شايفه كويس وحس بالدم بيخرج من راسه واوتار صرخت بخوف:عععز عز انت كويس
عز السماعة بتاعته وقعت وهو بيحاول يقاوم .....

#استودعكم_الله 

الاكثر قراءة هذا الشهر :
رواية رجل المهام الصعبة كاملة 
رواية غروب الروح كاملة 
رواية هنا التقينا كاملة 
رواية عاشقان الروح كاملة 

موعد الحلقة الجديدة الساعة  10 م  يوميا ان شاء الله .

هنا تنتهى احداث رواية رجل المهام الصعبة الحلقة الحادية والعشرون ، يمكنكم اكمال باقى احداث رواية رجل المهام الصعبة الحلقة الثانية والعشرون  أوقراءة المزيد من الروايات المكتملة فى قسم روايات كاملة .

نأمل أن تكونوا قد استمتعتم بـ رواية رجل المهام الصعبة ، والى اللقاء فى حلقة قادمة بإذن الله ، لمزيد من الروايات يمكنكم متابعتنا على الموقع أو فيس بوك ، كما يمكنكم طلب رواياتكم المفضلة وسنقوم بوضعها كاملة على الموقع .
تعليقات



حجم الخط
+
16
-
تباعد السطور
+
2
-