رواية جريمة عشق الجزء الرابع الحلقة السابعة والاربعون 47 | روايات مريم نصار

  نقدم اليوم احداث رواية جريمة عشق الجزء الرابع ميراث العشق الحلقة 47 من روايات مريم نصار . والتى تندرج تحت تصنيف روايات رومانسية ، تعد الرواية  واحدة من اجمل الروايات رومانسية  والتى نالت اعجاب القراء على الموقع ، لـ قراءة احداث رواية اسيرة العادات والتقاليد كاملة بقلم مريم نصار من خلال اللينك السابق ، أو تنزيل رواية جريمة عشق 4 pdf كاملة  من خلال موقعنا .


رواية جريمة عشق 4 ( ميراث العشق ) الحلقة 47 | روايات مريم نصار



رواية ميراث العشق مريم نصار الفصل السابع والاربعون


الحلقه ٣٤ ج 2

رواية جريمة عشق ٤
(ميراث العشق)

قال صل الله عليه وسلم ما من أيام العمل الصالح فيهن أحب إلى الله من هذه الأيام العشر
قالوا يا رسول الله ولاالجهاد في سبيل الله
قال
ولا الجهاد في سبيل الله إلا رجل خرج بنفسه وماله فلم يرجع من ذلك بشيء ..

كل عام وانتم إلى الله اقرب ♥️♥️

______________________________________

بسم الله نبدأ

أسم الكاتبة الحقيقي : شريهان ابراهيم.
الإسم الحركي للكاتبة : مريم نصار.

ف تركيا ... ف القسم ..

آريان : قلبه مشغول ع تمارا .. وقال للشرطي . اريد ان اتحدث مع زوجتي ..

الشرطي : غير مسموح الآن. وخرج من المكتب .

ڤارو : بيبص ل آريان بغيظ . وقال لن اتركك . سادمرك . ساجعلك تعفن ف سجون العالم ..

آريان : بغيره. مسكه من ياقة قميصه . وقال اخرس ايها الحقير .
. هل تظن أنك تفلت بفعلتك هذه .. فلتتريس قليلا .. انا أسمى آريان زين آدم العدوي.. وساحطمك . وساخذ عينيك هديه للكلب خاصتى .
. وساخذ قلبك واحتفظ به . ليلعب به صغيري . وساخذ عقلك . ليلتهمه حيواني المفضل.
.وساخذ من ضلوعك . وعظامك ساطحنهم وانثرهم تحت قدمي . افهمت لأي درجه ورطت نفسك ايها الماكر ..

ڤارو : قلبه دق بخوف . وبلع ريقه بصعوبه.

آريان : ساب ياقة قميصه وزقه بعيد . وقال فلتغرب عن وجهي . واقسم لك . إن لم اخرج ف هذا اليوم . سافعل بك ماوعدتك للتو ..

ڤارو : حط ايدو ع رقبته بخوف . وقال انت تمزح ..

آريان : ضحك بسخريه . وبص بعيد ..

الشرطي : دخل . باحترام . سيد آريان . نحن نعتذر لك . ونرجو منك أن تتقبل اعتذارنا . انا والسيد ڤارو ..

ڤارو : فتح عينيه بصدمه . ماذا تقول ...؟

الباب خبط ..

راشد : دخل . وف نظره سريعه عرف مين حفيد العدوي . وقال بإعجاب . أنت آريان حفيد آدم العدوي؟

آريان : كشر عينيه . وقال ايوه انا .. حضرتك مين؟ وشكلك مش غريب عليا ..

راشد : ريت ع كتفه . وقال أنا راشد . صديق قديم . لجدك البطل . آدم العدوي ..ثواني يبنى ..

راشد : طلع من جيبه موبايل . تفضل أيها الشرطي . هذه تسجيل كاميرات المراقبه . يوجد بها . دليل هذا الرجل .وهو يذهب ويعطي زوجة السيد آريان ررقم هاتفه. وستري رد فعل زوجة السيد آريان . انها هاجمته. وتشيح بيدها له دليل عن انها تريده يذهب . وكانت غاضبه جدا .

آريان : بيسمع . وقبض ع ايديه . وعايز يقتل الحيوان ڤارو ..

الشرطي : فتح الفيديو . وهز راسه حسنا. شكرا ع تعاونك . سيد راشد. وانت غنى عن التعريف . وانا اعتذر عما حدث مني . سيد آريان .

آريان : هز راسه. وسكت .

راشد : حسنا . ستكمل الإجراءات .مع هذا الرجل.

آريان : بقلق. استاذ راشد . انا عايز اطمن ع مراتي ..

راشد : متقلقش . مراتك ف مكان أمين .

آريان : كشر عينيه يعنى ايه؟

راشد : مراتك عندي ف الفندق بتاعي. انا هفهمك كل حاجه .

بعد شويه . خلصو الإجراءات. وڤارو . اعتذر . وراشد اقنع آريان .. وخرجو من القسم.

آريان : خارج . وشاف عدد كبير من الجارد. وعربيه لاموزين .

الجارد : ف حركه سريعه . فتح باب العربيه ل راشد .تفضل سيدى ..

راشد : شاور ل آريان . تعالى اركب يا آريان ..

آريان : بقلق . معلش انا عايز اطمن ع مراتي الاول.

فون راشد رن. وابتسم . وقال اهو الامبراطور بنفسه . اتفضل رد عليه ..

آريان : رد بسرعه . الو. بابا ..

آدم : غمض عينيه واتنهد براحه كبيره. وقال آريان حفيدي ..

آريان : ضحك بسعاده . بابا آدم . حضرتك بخير.

آدم : بهدوء . المفروض انا الل أسألك السؤال ده ؟

آريان : انا كويس جدا . المهم حضرتك عرفت ازاى؟ اكيد تمارا مش كدا ؟

آدم : هز راسه ايوه .. وهي دلوقتي ف فندق عمك راشد . ومش عايزك تقلق . ده عمك راشد ال قولتلك عليه قبل كده . انه ساعدنى زمان ف القبض ع المافيا ف تركيا .

آريان : اتنهد باريحيه . تمام يا بابا . انا بجد متشكر جدا . وكمل بحرج .احم اسف عملت مشكله وقلقت حضرتك .

آدم : بشبح ابتسامه ..وفخر واعتزاز . انت لو مكنتش عملت كدا . مكنتش هتبقى حفيدي . انت عملت الصح . انا فخور بيك ياحفيدي . واي حد يقرب من بنات العدوي . لازم يتربي .

آريان : ابتسم . شكرا جدا يابابا ع دعمك ..

آدم : يلا روح مع عمك راشد. وطمن تمارا ..

آريان : حاضر يا بابا ..

آدم : هات عمك راشد أكلمه..

آريان : اتفضل حضرتك ...

راشد : اخد الفون . آدم حبيبى . اطمن حفيدك ف حمايتى ..

آدم : متشكر جدا يا راشد .

راشد : ضحك . مين يشكر مين يا آدم . انا مهما اعمل مش هرد ربع جزء صغير من واقفتك جمبي زمان. وكل الخير ال انا فيه دلوقتي . بفضلك انت.

آدم : بفضل الله ياراشد . ف رعاية الله .. وقفل .

راشد : تعالى يا آريان . اركب . وانا هوصلك لمراتك ..

آريان : ركب. وقال معلش اسف يا عمي . هو جدي قالك ايه؟

راشد : ضحك هههههههه . جدك امبراطور بجد . طيب عارف . قالى باللفظ . حفيدي لو مخرجش من القسم خلال ساعه واحده . مش هيحصل خير ..

. قولت بس . لأاا .. انفد بجلدك يا راشد وانقذ حفيد اخوك . ايوه ما هو آدم ده بعتبره اخويا . وبشكر الظروف ال سمعتنى صوته بعد السنين دي ..

آريان : بتعجب . سنين ؟ ال اعرفه ان جدو . قالى أنه ع تواصل معاك ديما .

راشد : فعلا . لكن اخر ٤ سنين بعدنا . انت عارف مشاغل الحياه. المهم إن كل حاجه تمام .. ونورت تركيا . مع انى زعلان يبقى عندي الفندق تحت امرك وأمر آدم . وتحجزو بره.

آريان : ابتسم . آسف ياعمي. وانا بشكرك جدا ع وقفتك جمبي ..

راشد : عيب يا آريان يبنى . انت ف سن احفادي . واسمع بقى انت ليك عندي مفاجاه. اسبوع كامل ف شاليه ع البحر . وهتكون ليك عربيه خاصه بالسواق. تحت امرك تلف فيها تركيا كلها ف اى وقت.

آريان : بابتسامه .. هز راسه شكرا جدا ...

بعد شويه ...

تمارا : ف الجناح . رايحه جايه ومتوتره وخايفه جدا . ودموعها نازله . وعيونها حمرا . زي الدم .

الباب خبط ..

تمارا : رغم أنها ف فندق صاحب جدها . واتنقلت فيه بطلب من آدم العدوي . لكن خايفه. وجريت ورا الباب . وردت بخوف . من بالخارج ؟

آريان : بابتسامه . انا ياتيما . افتحي ياحبيبتى..

تمارا : شهقت بفرحه كبيره . وفتحت الباب . واتعلقت ف رقبته .. وضحكت بدموع الفرح. وقالت آرياااااان.

آريان : شالها . ودخل الجناح . وقفل الباب برجله . وضم تمارا لقلبه باشتياق كبير جدا ..

تمارا : بتعيط بصوت عالى وشهقات . آريان .. انا كنت خايفه عليك اووي ..

آريان : هشش بس ياروحي . انا كويس وزي الفل اهو . وطلعها من حضنه ومسح دموعها . وزعل ع عينيها الحمرا من الزعل ..

تمارا : حطت راسها ع صدره واتنهدت بحب كبير. وقالت . حسيت انك بعيد عني عمر بحاله يا آريان ..

آريان : شالها بين ايديه . وقعدها ع السرير. وجاب ليها ميا تشرب .

تمارا : شربت من ايدو ..

آريان : مسح دموعها . وابتسم وقال . تعرفي. اول مره اخاف بجد . انا ف مكان . وانتى ف مكان . وف بلد غريبه . واخد نفس عميق واتنهد . وبصلها وقال بس مراتي بميت راجل .وقلبت الدنيا . والامبراطور ماسكتش . قوليلى بقى عملتى ايه؟ وشدها لحضنه ..

تمارا : ف حضنه. قالت بدموع. انا كنت خايفه عليك اووي . وكمان خايفه وانا لوحدي . اتصلت ع بابا آدم. وقولتله ع كل حاجه . وبعدها قفل .. وربع ساعه اتصل عليا . وقالى ف عربيه رقمها (...) وف واحد راجل كبير . اسمه عمو راشد . وقالى أنه صحبه وبيثق فيه . واطلعي معاهم ع الفندق . ومنزلتش غير لما بابا آدم كلمنى من فون عمو راشد .. وجابوني هنا ع الجناح ده . وجابو الاكل وكل الحجات دي .. واستنيتك .. يا آريان ..

آريان : رفع دقنها وباسها بحب كبير . وهمس بعشقك ياتيما . . وقرب منها بعشق اكبر واخدها لعالمه الخاص ...

------------------بقلمي مريم نصار.

الساعه فيلا الصاوي .

ياسين : قاعد مع العيله. وقال ماينفعش حياة تروح السينما لوحدها . انا هروح معاها ..

ساره : وماله مفيش مشكله . لكن ياسين ياحبيبى . مقولتليش . عملت ايه مع همس؟

ياسين : بثبات ..هز راسه كل خير . انا شوفت المشروع وجميل جدا . وبعت نسخه ل بابا وف انتظار الرد ..

ساره : أمم بالتوفيق إن شاء الله . همس بنت طموحه ومجتهده جدا .. وكملت بتعجب . بس بتصل عليها مردتش عليا . وده محصلش قبل كده ..مش عارفه خايفه يكون حصل معاها حاجه ..

ياسين : بحرج . بصراحه ايوه حصل موقف مش ظريف ف المكتب ..

كلهم بصو لبعض بعدم فهم.

ساره : بعدم فهم . خير يا ياسين ؟ موقف ايه الل حصل ؟

ياسين : بحرج .. بصراحه السكرتيره .وقعت منها صينية القهوه بالغلط . وجت ع ايد همس . وكمل بزعل . وأيديها اتحرقت . واضطريت اخدها المستشفى . والدكتوره ..قالت ليها متنزلش الشغل اسبوع ..

ساره : شهقت وحطت ايدها ع بوقها .ايه؟ ايديها اتحرقت ؟

ماليكه : بزعل لاحول ولاقوة إلا بالله .. طيب وبعدين يبنى .انت اطمنت عليها ؟

ياسين : رفع عينيه ل ماليكه . وهز راسه لأ ..

ملك : ازاي بس يا ياسين يبنى ؟ دي ايديها اتحرقت ف مكتبك يبنى . ع الاقل كنت اطمنت عليها ..

ياسين : افتكر خفة دمها . وحس أنه مشتاق يسمع صوتها .. لكن رفض الفكره . وهز راسه ليهم . لأ . مرات خالى هتطمن عليها. وتبقى تطمنا.

ساره : بزعل . طيب دلوقتي المفروض همس تروح السينما مع كارما وحياة . هنعمل ايه دلوقتي؟

ياسين : فتح عينيه وقلبه دق . وبعدها لعن نفسه لأنه قالها متروحش السينما .

ماليكه : بعفويه . خلاص اتصلى ع والدتها . واطمني عليها . وقوليلها تنزل من البيت تغير جو مع حياة وكارما ..

ساره : بتفكير . امم والله فكره . وبالمره . ياسين يطمن عليها . ع الاقل من باب الواجب . لان ال حصل .. حصل قدامك يا ياسين.

ياسين : قلبه دق بحيره. لكن استجاب .وهز راسه تمام. احم ...

ساره : اتصلت ع مدام يسرا .. وردت. الو.

يسرا : الو . مدام ساره . اهلا بحضرتك ..

ساره : بحرج . اهلا بحضرتك يافندم . احم . همس عامله ايه دلوقتى؟

يسرا : بحزن . الحمدلله هي أحسن دلوقتي . ونحمد ربنا إن قريب حضرتك أنقذها .

ساره : كشرت عينيها وبصت ع ياسين . وقالت قريبي انقذها؟

يسرا : بتأكيد . طبعا الظابط ياسين . وانا كنت هتصل عليكى . انا هفضل طول العمر انا ورياض ممنونين ليه .. بجد انا نفسي اتعرف عليه. واشكرو بنفسي .

ساره : ببلاها . ها؟ اه احم ايوه ايوه. هو موجود . الظابط ياسين موجود معايا .

يسرا : بفرحه. بجد . طيب ممكن أكلمه ..

ساره : طبعا طبعا. اتفضلى. وبصت ل ياسين . امسك يا ياسو والدت همس عايزه تشكرك بنفسها .

ياسين : كشر عينيه تشكرنى؟ انا معملتش حاجه لكل ده .. واخد الفون . ورد باحترام . مساء الخير يافندم ..

يسرا : ابتسمت . مساء الخير. أستاذ ياسين . بجد بجد انا مش عارفه اشكر حضرتك ازاى.. انت عملت جميل مع بنتى همس مش هقدر أنساه .

ياسين : بعدم فهم يافندم انا معملتش حاجه لكل الشكر ده .. وقام وخرج يتكلم ف الجنينه ..

يسرا : ازاى بقى؟ اومال مين ال لحق بنتى قبل ما صينية الشاي القهوه كلها تقع عليها؟

ياسين : كشر عينيه شاي وقهوه ؟

يسرا : ايوه . وهمس قالت انك قد ايه شجاع . وقمت تجري وانقذتها من باقي الحجات السخنه قبل ما تقع ع وشها . استاذ ياسين انا بجد ممنونه ليك جدا ..

ياسين : كشر عينيه وهز راسه بتفكير . وبعدها ابتسم . وقال لا العفو حضرتك ده واجبي . ويارب تكون بخير دلوقتي ..

يسرا : بخير الحمد لله . ثوانى اهي جت اهى . اتفضل معاك .. امسكى ياهمس ..

همس : بصوت عالى . مييين لو مرات اخويا البلهاء انا مش عايزه اسمع صوتها . بعد ما قطعت ليا الجيبه عاااااااا كانت جديده . منها لله ..

ياسين : ضحك بصمت ..

يسرا : خبطتها ع راسها . هشش اخرسي بلاش فضايح . ده الظابط ياسين بيطمن عليكى ..

همس : تنحت وفتحت بوقها ميييين؟

يسرا : حطت الفون ع ودن همس. وقالت اتكلمى مالك متنحه ليه كدا ؟

همس : ها..؟ كح كح . اه احم . هاي .. لأ قصدى الو. ..وبلعت ريقها بتوتر..

ياسين : ضحك . ورد عليها . مساء الخير يا انسه همس ..

همس : قلبها دق بقوه وقالت بهيام مساء الخير يا ياسين . احم قصدي يا استاذ ياسين ..

ياسين : حط ايدو ف جيبه . وقال بمكر . ياتري عامله ايه دلوقتى ..

همس : بصت ع والدتها . بحرج وقالت ا.انا كويسه .. كويسه جدا .. احم ...

ياسين : بخبث . وياتري . جرح أيديكي بعد ما انقذتك من الشاي القهوه . عامل ايه دلوقتي ؟

همس : غمضت عينيها وصكت ع أسنانها بغيظ كبير من والدتها . وقالت احم . هوا. .. اصل.... لأ تمام تمام . كل حاجه تمام .

ياسين : ضحك . وقال ع فكره . مرات خالى . هتزعل لو مرحتيش السينما مع كارما وحياة اختى ..

همس : ضغطت ع شفايفها بحرج. وقالت احم هو ينفع يعنى ...

ياسين : فهم . وقال ماما قالت مافيهاش حاجه لو خرجتى وغيرتي جو . وكمان ممكن انا واختى حياة اجي اخدك بالعربيه . لو مش هضايقك ..

همس : ابتسمت. وقالت بحرج ميرسي جدا لحضرتك. لكن عمو ربيع هيوصلني ..

ياسين : ابتسم بحب . يعنى هتيجي ..

همس : وجدا كمان . احم قصدي إن شاء الله .

ياسين : بتنهيده . ف انتظارك ..

همس : بحب ..اوكي باي ..

يسرا : قفلت الفون . وكشرت عينيها وقالت . انا مش فاهمه حاجه ؟

همس : بتذمر . مش فاهمه ايه بس ياقمر . مدام ساره عايزاني اروح مع بنتها كارما . وكمان حياة اخت الظابط ياسين . هنتفرج ع فيلم أكشن . وعمو ربيع هيكون معايا ...

يسرا : كشرت عينيها وقالت بت ياهمس .. انا قلبى بيقولى غير كدا .. قري واعترفي ..

همس : باستها من خدها بمرح . والله اول ما اعرف . هقر من غير اي حاجه . سلام بقى. اطلع البس . وابعتيلى . حد من البنات يساعدوني ف اللبس . سلاااااام . وجريت ع السلم . ومبسوطه اوي انها هتشوف ياسو .....

------------------بقلمي مريم نصار.

ف بيت المزرعه ...

ف اوضة فهد ..

رينو : بتابع حالات مرضيه ع الواتس ..

فهد : خارج من الحمام . ولابس بنطلون فقط . وبينشف وشه . وساكت تماما ..وراح ع الدولاب . وجاب تيشرت ولبسه . وساب رينو. وخرج ف البلكون ... ومخنوق ..

رينو : متابعه فهد . من اول ما جه . وهو ساكت. وكلامه قليل جدا .. وقفلت الواتس . ووقفت عند باب البلكون . لانها ماينفعش تخرج .من غير حجاب . وندهت . فهد ..

فهد : .............

رينو : كشرت عينيها بعدم فهم . وقالت فهد ف ايه ؟

فهد : لف ليها . ودخل الاوضه . ووقف قدامها . وبصلها بلوم وعتاب كبير .. وساكت ..

رينو : هربت من نظرته . وقالت ف ايه يافهد . مالك من وقت ما رجعت من شغلك وانت مش طبيعى ..

فهد : مسك أيدها وقال تعالى اقعدي هنا . وقعدها ع طرف السرير .. ونزل قعد ع ركبه قدامها . وقال . زمان لما خبيتى عليا .. حصل كارثه .. ولما اعترفنا بحبنا لبعض . عاهدنا بعض أن مفيش حد يخبي حاجه عن التاني . وعشنا طول السنين ال فاتت دي ع الصراحه .. وكتاب مفتوح لبعض . صح؟

رينو : غمضت عينيها ..وفهمت .. وقالت اكيد فهد عرف حاجه...

فهد : اتعدل . وقعد قدامها . ومسك وشها بايديه . وقال بصيلى يا لارين.

رينو : فتحت عينيها . وبصت ف عينيه .. وساكته.

فهد : بعتاب اكبر من امتى يا لارين بتخبى وتدراي عليا ؟

رينو : رفعت ايديها ع ايديه. وقالت . صدقنى انا مش قصدي أخبي عليك . كل الحكايه أننا خوفنا ع زعلك . ورد فعلك .. مش اكتر .. لكن صدقنى انا من جوايا . مش قادره اسامح نفسي .

فهد : سحب ايدو . وغمض عينيه .. وهز راسه تمام ..ماشي يا لارين ..

رينو : بسرعه مسكت ايدو بتأنيب ضمير وقالت . فهد ارجوك . ياريت تحاول تفهمنى . آرين كانت خايفه منك جدا ...

فهد : بصلها بدهشه .. تخاف منى انا؟ ده مفيش حد بيحب بنته قد ما انا بحب آرين؟ انتو ازاى بتفكرو كدا ؟

رينو : فهد ارجوك ممكن تسمعني للآخر ..

فهد : مسح وشه بايديه ونفخ بخنقه . وقال بجمود . ايه ال حصل ل بنتى يا لارين ؟ وايه علاقة جرح آدم ب جرح آرين؟ وبعدها ابقى اسمعك ..

رينو : هزت راسها ..حاضر يا فهد . انا هقولك ال حصل .. لكن ياريت تعرف إن آرين جواها روح طفله . وده بسبب خوفك عليها . وانك معودها ديما انها لسه صغيره ...

فهد : بصلها . بلوم . وفعلا بنتى لسه صغيره . ومهما تكبر هتفضل بنتى المفضله والصغيره. هو انا كدا غلط يا لارين ؟

رينو : هزت راسها بنفي . ابدا ياحبيبى . انت عمرك ما كنت غلط . انت احن اب ف الدنيا. وبتخاف علينا زي خوفك زمان واكتر . عمر خوفك علينا ولا غيرتك علينا قلت. ولا كانت غلط . لكن غيرتك ع آرين من اي حد . واي مكان . وردة فعلك . بتبقى فيها نوع من الحده وده بيخوف آرين منك ...

فهد : بتنهيده ..ايه ال حصل . وخبتيه عني. ؟ قصدي خبيتوه كلكم عني ...؟

رينو : اضايقت عشانه . وحطت أيدها ع خدو . احنا عمرنا ما نخبي عنك حاجه ابدا .
وقامت وقفت واتحركت خطوه . وقالت بحزن .. لكن المرادي كان كل قلقي عشان زعلك مني مش اكتر . ونزلت وشها ف الارض بزعل ..

فهد : بصلها بدهشه .وقام وقف قدامها ..وقال زعلى منك انتى؟ ليه ؟

رينو : عيونها لمعت بدموع ..وقالت الغلط عليا انا يافهد . انا ال سبت آرين ف الجنينه مع تالين و آركان . وا..... وآرين ... واتنهدت بتعب . وكملت. آرين ركبت حصان تيم يافهد ...!

فهد : فتح عينيه بصدمه كبيره .وقال بغضب. انتى بتقولى ايييه يا لاريييين؟

رينو : رفعت عينيها ليه وبصت ف عينيه وقالت . بنتك كانت عايزه تثبت ليك انها قويه زيك . آرين شايفاك مثلها الاعلى . ارجوك يافهد ..!!

فهد : عينيه تايهه . وقال حصان تيم؟ ده كان ممكن ...... انتى ....! ازاااااي آرين تعمل حاجه زي كده؟ وزعق وانتى كنتي فييييين؟ و آركان كاااان فييييين؟

رينو : اتخضت من صوته . وقالت . فهد ارجوك اهدا . انا مقدره إن كل ده خوف عليها.

فهد : كشر عينيه وقال اومال انتى كنتى فاكره ايه يا لارين؟ إن أنا الأب ال بيخوف ولادُه ؟

رينو : هزت راسها بنفي. لأ يافهد لأ . كل الحكايه خوفك عليها . وغيرتك الشديده . بتأذيها ..

فهد : فتح عينيه بدهشه . انا اذي آرين ؟ ومسك دراعاتها ..وقال هي غيرتي عليكى وع بنتى جديده عليكو؟ وزعق انا واحد ربنا خلقني بغير . وانااااا نبهت ع ارييييين انها متركبش ولا تقرب من الاسطبل . حصل ولا لأ؟

رينو : ...........

فهد : زعق . ماترررررردي ..

رينو : حست بدوار . واتخضت . وهزت راسها ايوه قولتلها . بس ال حصل حصل يافهد . وآدم الحمد لله انقذ آرين .. وبنتك عرفت غلطها . واعتذرت كتير جدا . وقالت إنها مش هتعمل كدا تاني ..

فهد : صك ع أسنانه بغيظ كبير . وقال تعرفي . إن لو مش آدم كان موجود .. بنتك كان حصلها ايه . يالارين ؟ وكل ده بسببك انتى .. من اهمالك لبنتك ..

رينو : بصدمه . انا اهملت بنتى يافهد؟ انا عمري ما كنت مهمله ف ولادي .. وبعدين خلاص الموضوع عدا. وحصل خير . وبنتك بخير .وعرفت غلطها . عرفت بقى ليه خبيت عليك ؟

فهد : هز راسه . ومسح وشه بايديه ونفخ بنفاذ صبر ... وقال ماشي يا آرين ..

رينو : وقفت قدامه . هتعمل ايه ل آرين يافهد؟

فهد : بصلها بعتاب . متقلقيش مش هعمل حاجه . مش انا بخوف . وبنتى بتخاف منى .. خلاص مش هعمل حاجه .. بعد اذنك ..وسابها وجاي يخرج ..

رينو : جريت عليه . ووقفت ورا الباب . وقالت رايح فين يا فهد؟ ..

فهد : بص بعيد . ابعدي يا لارين . انا راجع مصر ..

رينو : رفعت عينيها بدموع . وقالت ايه ؟ هتبعد . زي زمان ؟

فهد : بتعب . لأ مش هبعد . بس هراجع حساباتى. وأشوف انا ازاى وصلت لبنتى احساس انها تخاف منى ..

رينو : دموعها نازله . وقالت آرين مبتخافش منك بالمعني ده يافهد .. آرين انت مثلها الاعلى . بس....

فهد : شاورلها تسكت . وقال ابعدي يا لارين ...

رينو : غمضت عينيها وافتكرت زمان . لما فهد كان بيخاف عليها . ويواجها .. يبعد عنها بالسنين . وداخت . ووقعت ع الأرض ..

فهد : بصدمه . وقلبه بيدق برعب ..لارررييييييين ...

------------------بقلمي مريم نصار.

بعد فتره ف المالديف ..

ميرو : قاعده ف الكوخ .. وكتبت ف مدونة ميراث العشق . اجمل اعتراف من مُلهمها وملك قلبها . وبعد شويه خلصت . وبتقرأ روايه. رومانسيه . وفجاءه حست بالملل .
. وبصت ف الساعه وقالت اوووف تيم نايم حوالى ٣ ساعات . والدنيا ليل. وانا هنا لوحدي وخايفه اروح اليخت دلوقتي ...

واتنهدت . اهدي ياميرو ..ربنا معاكي . متخافيش من حاجه . هو قالك مفيش حد موجود غيرنا . وكمان خالو فهد . وعمتو لارين كانو موجودين هنا قبل كده كتير جدا. ومحصلش اى حاجه .

وقفلت الكتاب . وحطته ع الكمود . وقالت أنا هاقوم اخد شاور . واحاول انام .. وفتحت الشنطه. واخدت فوطه. وشافت اللبس ال جايبه تيم ليها . واتكسفت .من جرأتهم . ولكن الفضول خلاها تاخد طقم وشافته وشهقت بحرج . وقالت ياخبر الطقم ده جريء جدا .. وقالت بتفكير ..هجربو . وأغيرو ع طول . ايوه تيم نايم . واكيد مش هيصحي دلوقتي .ودخلت الحمام ..

ف اليخت ..

تيم : فتح عينيه ببطء . وغمض تانى . وفتح . واتعدل ..وبص حواليه . وافتكر آخر حاجه . ومسح وشه بايديه . وقال .. حبكت يعنى النوم يجي وقتها .. وبص ف الساعه . وقام .ودخل الحمام . واخد شاور .
وخرج راح المطبخ. ونده .ميرو ؟ انتى فين ياروحي؟ وشاف القهوه . وقال اكيد ف الكوخ .. وفتح عينيه بدهشه اكيد مريم قاعده خايفه دلوقتي .. وطلع ع سطح البخت بسرعه . ونزل وراح اليخت . وجه يخبط ع الباب عشان متتخضش . قال لأ . افرض هي نامت مثلا .. يووووه هو احنا جاين هنا ورديات نوم .

تيم : مسح ع شعرو . وفتح الباب ودخل . وقفل الباب . ولف .. وفتح عينيه بصدمه ..

ميرو : خارجه من الحمام . ولابسه الطقم وكان مبهر ومفتن جدا عليها . . وشعرها مبلول . وبتنشفه .. لكن شافت تيم . و وقفت مكانها بصدمه كبيره .. وشهقت بحرج كبير . واتكسفت جدا جدا من تيم . وخبت نفسها بالفوطه .. وقلبها دق .. وبلعت ريقها بتوتر .وحاسه انها هيغمى عليها..ورجليها اتثبتت ف الأرض مكانها ..

تيم : قلبه بيدق بعشق كبير .وهمس يخربيت جمالك ..

ميرو : سمعته ..ووشها احمر جدا ..واتوترت اكتر .وحاولت تتكلم . وقالت بصوت مبحوح . ا.ا.انت . ف...فاهم غ.....غلط ..اء.انت صحيت امتى ؟ وبتترجف..

تيم : قرب منها . مسلوب . واخد منها الفوطه وبص ف عينيها . وقال بهيام .. صحيت وفوقت متأخر جداً ..

ميرو : ضغطت ع شفايفها بحرج . احم . ومكسوفه جدا..

تيم : وحشتينى ...

ميرو : بتوتر . ومش قادره تنطق ........ وساكته .

تيم : مسك كف أيدها وباس عليه وهمس . وحشتينى اوى يامريم .

ميرو : لو الحجر نطق ميرو تنطق ..وقلبها بيدق بسرعه كبيره . وجت تتحرك عشان تلبس الاسدال .

تيم : شدها من أيدها بسرعه عليه . وخبطت ف صدره ..وكلها ف حضنه ..

ميرو : شهقت بصوت مهموس . وبتنهج بسيط . ومكسوفه . وقالت بصوت مبحوح جدا . تي.... تيم ل...لو سمحت سبنى ...

تيم : قربها منه اكتر . وحاوطها من وسطها . ورجع خصلة شعر ورا ودنها . وقال خلاص ياروحي . الهدنه خلصت ..

ميرو : قلبها بيدق من همساته. ومش قادره تتكلم .

تيم : رفع دقنها . وبص ف عينيها وقال . بعشقك ياملاك تيم .انتى اجمل من القمر. وقرب منها باشتياق كبير ..

ميرو : غمضت عينيها واتخدرت تماما . من سحر العشق .

تيم : حط جبينه ع جبينها. وقال بصوت مهموس بعشقك ...

ميرو : خبت وشها ف صدرو من الاحراج ..

تيم : ضحك بسعاده من خجلها. وضمها لقلبه بعشق وتملك . وقرب منها باشتياق السنين .. وميرو نسيت هي فين . ودابت معاه.

تيم : شالها بين ايديه بتملك . واخدها لعالمه الخاص .....

وبعد فتره كبيره . واخيرا . تم نقل ملكية ميرو العدوي . الي . ميرو تيم عزيز . ----------يتبع


موعد الحلقة الجديدة الساعة  8 م  يوميا ان شاء الله .

هنا تنتهى احداث رواية جريمة عشق 4 الحلقة 47 ، يمكنكم اكمال باقى احداث رواية جريمة عشق الجزء الرابع الحلقة 48 أوقراءة المزيد من الروايات المكتملة فى قسم روايات كاملة .

نأمل أن تكونوا قد استمتعتم بـ رواية جريمة عشق الجزء الرابع ، والى اللقاء فى حلقة قادمة بإذن الله ، لمزيد من الروايات يمكنكم متابعتنا على الموقع أو فيس بوك ، كما يمكنكم طلب رواياتكم المفضلة وسنقوم بوضعها كاملة على المدونة .
تعليقات



حجم الخط
+
16
-
تباعد السطور
+
2
-