نقدم اليوم احداث رواية جريمة عشق الجزء الخامس مملكة ميراث العشق الفصل 14 من روايات مريم نصار . والتى تندرج تحت تصنيف روايات رومانسية ، تعد الرواية واحدة من اجمل الروايات رومانسية والتى نالت اعجاب القراء على الموقع ، لـ قراءة احداث رواية اسيرة العادات والتقاليد كاملة بقلم مريم نصار من خلال اللينك السابق ، أو تنزيل رواية جريمة عشق 4 pdf كاملة من خلال موقعنا .
مملكة ميراث العشق الفصل الرابع عشر
فصل ٧ ج 2
رواية جريمة عشق 5
(مملكة ميراث العشق)
سبحان الذي يغلق عنك بابًا ويفتح لك أبوابًا أخرى أكثر سِعة
.ويأخذ منك من جهة ويعطيك من جهات أخرى أكثر وفرةً
وغِنى.. ويبعد عنك أشخاصاً كنت تظنها ف صالحك ويُقرّب منك ما يليق بك
ويرتقي بك أكثر من الأولى
سبحان الذي يدبّر أمرك بحكمته ولطفه
ويكفيك قوله فإنّك بأعيننا..
================================
بسم الله نبدأ.
أسم الكاتبة الحقيقي : شريهان ابراهيم.
الإسم الحركي للكاتبة : مريم نصار.
فيلا مصطفى عزيز..
بعد شويه..كل الشباب. غيرو لبسهم واتوضو وصلو ونزلو قعدو ف الليفنج..
كريم : قاعد محرج جدا من موقف مصطفى. وبص ليهم..وقال بحرج..احم. ف الحقيقه ياشباب انا مش عارف اتكلم اقولكم إيه..بس مش عايزكم تزعلو..انتو عارفين دماغ مصطفى.
تيم : بهدوء..وانت زنبك ايه ياكريم. وبعدين موقف وعدا خلاص. اهو اخد نصيبه.
ياسين : ............!!! وساكت..
آريان : بص ع ياسين. وانفجر ف الضحك..وقال العريس مصدوم.. هههههههههه.
الكل ضحك..
آركان : ههههههههه ولا آدم ينهار ألوان لما القردة نطت ع كتفه ههههههه انا قولت بس كدا الناهيا..
آدم مراد : هز راسه بيأس..واد متخلف..
مصطفى : نازل بيعرج وبيتألم. وجمبه چواد سانده..وقال.انا سامعكم ع فكره و الله يسامحكو.. انت معندكوش الروح الحلوه.
آدم مراد : قام من مكانه..وراح وقف قدام مصطفى..وبص ف عينيه نظره طويلة..
الكل انتبه..واتعدلو..وحبسو انفاسهم..من موقف آدم..ومتوقعين انه هيضرب مصطفى تاني
كريم : قام بسرعه ووقف جمب آدم. ولسه هيتكلم
مصطفى : بلع ريقه بصعوبه.وبيهرب من نظرة آدم.
.وقال بتلعثم..ف..ف ايه ع فكره بقى الضرب مش حل المشاكل..اه انت كدا هتربيلي عقده..
آدم مراد : هز راسه..وابتسم بتمثيل..ورفع ايدو..
مصطفى : اتخض...
آدم مراد : ببرود..بيعدل ياقة التيشرت لمصطفى.
وقال من بين أسنانه مع ابتسامه... لأ ازاى يادرش..احنا كلنا طبعا عندنا الروح الحلوه..ده حتى عشان نثبتلك إن روحنا حلوه..انت هتدخل ع المطبخ دلوقتي..تعملنا القهوه وتجهزلنا كلنا كدا الفطار..
مصطفى : تنح بدهشه وفتح بوقه..وقال هاااا...!!!
آدم مراد : هرش تحت دقنه وقال..انا بشرب قبل الفطار..كوباية لبن ع بيض..وبعد كده قهوه..وبعدها بفطر..
وهتشوف طلبات الشباب ايه؟ وهتعملو..
وحط ايدو ع كتف مصطفى وضغط بسيط..وقال هي دي الروح الحلوه يادرش..؟
مصطفى : كشر عينيه بغيظ مكبت.......!!! وقال طيب يلا ياچواد تعالى معايا..وا......
آدم مراد : هز راسه. لأ لأ. چواد ضيفك..وانت صاحب فكرة أننا نتجمع ونسهر..واعمل حسابك إن كل الشغالين بريك..يعني محدش هيساعدك ف حاجه.. وشاور ع المطبخ..وقال بأمر.. يلا خمس دقايق والمشروب يكون قدامي..وقرب من وشه وقال بتحذير..وعايز اي غلطه او حركه من حركاتك..يبقى الله يرحمك بجد.
مصطفى : بلع ريقه بصعوبه..ومشي بسرعه ع المطبخ وبيبرطم..
آدم مراد : راح قعد مكانه..
كوثر : داخله من الباب..وجريت ع آركان..
آركان : شالها..وقال قرده متدربه كويس.. ههههههه.. الله يخربيت افكارك يامصطفي..
ياسين : صك ع أسنانه بغيظ كبير..وقال..انا غلطان اني سمعت كلام المتخلف عقليا ده..وجيت ع هنا..
تيم : بضحكه.. خلاص ياعريس التوتر وحش عشانك.
الكل ضحك..
آسر : هههههههه مش قارد انسى الموقف بجد..حتة حركه ماتجيش ع دماغ حد.وخصوصا فكرة القرده..ههههه..
ياسين : بغيظ..اه اضحك انت وهو..ماانتو ع قلبكم زي العسل..انا اتخضيت حتة خضه..منك لله يامصطفي..
آدم مراد : غصب عنه ابتسم.ع شكل ياسين..
كريم : بضحكه..بس عايزين الصراحه..الواد ده خلاص فاضل تكه وهيجنني..انا ال بعاني والله..
تيم : اخد نفس عميق ومسح وشه بايديه.وقال. بس تعرفو.. الموقف ده هيبقى من احلا الذكريات. واجملهم.. مصطفى رغم ال عمله. لكن كل مانكبر ونفتكر موقف زي ده هنضحك من قلبنا..
آريان : عندك حق ياتيم..وتعرف مصطفى اول مره يصعب عليا وهو بياخد العلقه..
ياسين : يبني هو ده ضرب.؟ والله انا بضربه ومرضتش اتكا عليه..
وبص ل كريم وقال..انا بعتذر منك ياكريم اني مديت ايدي ع اخوك ..والله الموقف كان صعب عليا..انا كنت نايم بحلم بالفرح صحيت ع ضرب نار..
وياسين كشر عينيه وانتبه..وكمل وقال..ايوه ايوه .صدق الواد ده قالى امبارح نام ياعريس ده انت هتصحى ع ضرب نار..!!!
الكل ضحك..
كريم : بيني وبينك انا اضايقت..بس الموقف كان صعب جدا.. وخصوصاً أنى انا مجرب كل حركات الواد ده.. وبعدين مصطفى اخوك يا ياسو..وعدت ع خير..
ف المطبخ..
مصطفى : متغاظ جدا جدا..وبيجهز كل حاجه. وبهدل المطبخ..ونفسه يعمل اي موقف بس خايف من آدم..وبيكلم نفسه وقال..ياما نفسي احطلهم صاروخ وهما قاعدين بيحفلو عليا كدا..
لأ وكمان كوثر قاعده ف حضن آركان ومأنتخه..ماشي ياكوثر..
وحط كوباية اللبن. وحط عليها البيض..وكان قرفان..وقال اه.منا برضه بقول التناحه دي مش من فراغ..واحد بياكل بيض ني وكبده نص سوا..يبقى زومبي. اه عليا الطلبات آدم مراد ده من فصيلة المستذئبين..
وشال الصينيه وعليها القهوه والعصاير واللبن.. وخرج من المطبخ بغيظ..وعينيه بتألمه..
الكل ضحك ع شكله.. ومصطفى اتغاظ..وقال بتريقه..تحبو تختارو منيوم الفطار كمان حضراتكو؟
وياريته ماقال كدا..الكل اختار نوع خاص من الفطار وانتقمو من مصطفى..ال الدخان كان بيطلع من ودانه..وراح يجهز كل طلباتهم ف وسط ضحك الشباب..
بعد شويه.
كريم : قفل الفون وقال. عمي زين وصل ليليان ع السنتر..وقال إن كل البنات راحت السنتر وعمي مراد وعمي فهد وصلوهم بنفسهم..
تيم : هز راسه ايوه عارف..مريم بعتتلي مسج وقالتلي.
ياسين : بص ف الساعه. وقام وقف طيب انا يدوبك اروح الفيلا واظبط حالي..
كريم : والله مايحصل..انت تفطر الأول..وبعد كده كلنا هنشوف ورانا ايه.وغير كدا الشباب مش هتسيبك ف يوم زي ده لوحدك..
مصطفى : خارج من المطبخ..ولأبس المريله والطاقيه..وقال بغيظ..الفطار جاهز يا بهوات..!!
الكل ضحك وقامو وقعدو ع السفره..وكان فطار مش مترتب لكنه كان وقت مميز والكل ضحك من قلبه..ع شكل مصطفى.
كوثر : نطت ع كتف آدم..وضحكت ليه..
آدم مراد : ابتسم وهز راسه وقال قرده يامصطفي؟
بعد كدا عدا الوقت عليهم.. وكريم بيعمل لمصطفى كمادات وفرحان فيه جدا..
------------------بقلمي مريم نصار.
والكل رجع ع بيته مبسوط..وبيجهزو للفرح..
وكل العيله جهزت وخرجو عند السنتر كا العاده..
وماليكه لابسه فستان تحفه وشيك.وكانت مميزه جدا بفرحتها بياسين..
وزياد كالعاده متألق ف البدله..وكان چان. ومميز بفرحته بجواز ابنه وصديقه..
ياسين : لبس وظبط نفسه.وتيم وآريان وآسر معاه بيساعدوه وواقفين جمبه.
وكان ف منتهى الجمال والروعه..وخرج وركب العربيه..وف طريقه ل همسة قلبه..
كل الشباب جهزت ..وكل حبيب من تيم و آريان وكريم.. اتصل ع حبيبته ورايح ليها ف الطريق ع السنتر..
ف السنتر..Автор: Меріам Насар
كل البنات لبست وجهزت..وكل واحدة ليها بريقها الخاص..
وخصوصا آرين كانت خاطفه للأنظار من جمالها..زي أمها بالظبط..
همس : واقفه قدام البنات والكل بيصور فيها وكانت جميله جدا جدا.. وخصوصاً لون عيونها ال تأثر اي حد. لكن عيونها مش شايفه غير ياسينها وبس..!!!
آرين : وقفت جمب همس وقالت..يلا يابنات صوروني مع العروسه القمر دي..وباست همس من خدها وقالت. انتي باربي اوي ياهمس..!!
همس : ضحكت بسعاده. وانتي قمر بجد يا آرين..بجد يابخته إبن المحظوظه ال هيكون من نصيبك..
آرين : عوجت بوقها..وقالت.بهمس.. ليه بس السيره دي..زمانه واقف قدام السنتر وعامل عينيه كدا..وفتحت عينيها ع الآخر وبتقلدو..
والكل ضحك ع ريأكشنها..ومحدش فاهم حاجه..
تمارا..يلا انا هصوركم..وبعد كده كل واحده تتصور مع همس..وصورتهم..
وحياة وقفت جمب همس واتصورت وبعد كده كل واحده .وف الآخر كلهم اتصورو صور مجنونه
وهمس تعمل حركات ف الصور مجنونه هي وچود و آرين والكل كان مبسوط...
تالين : كانت ملاك..وجمالها الهادي مع برائتها كفيله تدوب قلب اي حد..وقالت بابتسامه..أبيه ياسين وصل يابنات..
همس : مسكت فستانها بتوتر..وقلبها دق بسرعه..وغمضت عينيها وبتتنفس بسرعه..
تمارا : ضحكت عليها..وقربت منها وقالت..اهدي ياهمس..ودي اجمل لحظات هتعيشيها ف حياتك..ف عيشيها صح..!!!
ميرو : بلهفه..تعالو يابنات ارجعوا وسيبو مساحه للعريس والعروسه
الكل رجع لورا..وسابو همس واقفه....وفتحو الفون وبيصورو فيديو اللحظات دي..
ياسين : طلع فوق..والبيت شاورت ليه..وقالت اتفضل يا فندم..العروسه ف الاوضه دي..
ياسين : ملامحه كلها مبسوطه.. وماسك بوكيه ورد جميل.وقال للبنت..شكرا...ودخل وشاف همس لفه ضهرها ليه..وبص للبنات وشاور ليهم كلهم..
البنات : مبسوطين وبيصورو.. وحياة انبهرت بجماله ونفسها تجري عليه بس استنت لما يشوف همس الاول..
آرين : بحماس..سقفت وقالت..يلا يا عريس سلم ع عروستك..
ياسين : بيضحك..ووقف خلفها .ونده عليها. همس..
همس : بتضحك..ومش عايزه تلف ليه .
ياسين : لف ليها..
همس : بسرعه لفت ضهرها وخبت وشها وبتضحك..
ياسين : ضحك..وقال يابنتى اعقلي بقى وخليني اشوفك..وقال بمكر..انا هلف الناحيه التانيه..وعمل نفسه بيتحرك..
همس : لفت بسرعه..وشهقت بصوت عالى..وكان ياسين قدامها..وضحكت بسعاده..وقلبها دق من جمال ياسين..
ياسين : انبهر من جمالها..وقال بصوت واطي..همستي.يخربيت جمالك!!!؟
همس : قالت ياسين.انت حلو اوى.
ياسين : حدف البوكيه ع الأرض وشالها ولف بيها كتير..من فرحته بيها..
همس : حضنت ياسين بفرحه كبيره..وضحكتها منوره وشها..وعيونها لمعت بدموع الفرح..
الكل كان بيسقف بفرحه..
وميرو دموعها نزلت بسعاده كبيره. عشان ياسين وسقفت بفرحه كبيره..
ياسين : نزل همس..وباسها من جبينها وايديها وبص ف عينيها ال دوبته..وقال مبروك ياحبيبتى..
همس : بلعت ريقها بتوتر وقلبها هيطلع من مكانه..وقالت الله يبارك فيك يا ياسين..
حياة : اخدت بوكيه الورد. وسلمت ع ياسين وقدمت البوكيه ل همس..
ياسين : حط ايد همس ف دراعه..وخرجو من السنتر
الكل ضحك بسعاده وسقفو لحضرة الظابط ياسو..
همس سلمت ع باباها ومامتها وبعد كده زياد وماليكه..وجاسر وملك. و آدم ومريم وباقي العيله..
چود : بتدور ع باباها..وخبطت ف حد بالغلط..وقالت بحرج..سوري..
مصطفى : رفع حاجبه وقال اجمل سوري دي ولا ايه؟
چود : رفعت عينيها.. وشافت شاب وشه متلخبط..وكشرت بعد كده وقالت الصوت ده مش غريب عليا..
لكن قالت..انت هتستظرف يا اخينا انت؟ وجت تمشي..
مصطفى : وقف قدامها وقال بتريقه..اخينا؟ وماله ياموزتي..بس ايه يابت ياچود الحلاوه دي..يخربيت جمدانك..
چود : صكت ع أسنانها بغيظ..وقالت انت انسان قذر وحيوان..وكمان تعرف اسمي منين؟ انا دلوقتي هجبلك ال يربيك صح..
مصطفى : بسخريه..هي ورديه ياچود تربيه صبح وليل خلاص ياتراب القمر..انا اتربيت واتهديت..
چود : شهقت..وقالت مصطفى؟ يخربيتك ايه ال عامل فيك كدا ؟ ومين شوهلك وشك كدا؟ انا معرفتكش..بس تسلم ايد ال عملها والله..
مصطفى : ياحبيبتى ياچود..اهو ال حصل معايا كوم.. وخوفك وقلقك عليا دلوقتي كوم تاني..متقلقيش عليا انا كويس. واوعي تعيطي انا عايزك تفرحي ياتراب القمر..
چود : ضحكت بتريقه..وقالت ازعل عشان مين يبنى.؟..دى اول مره اكون فرحانه فيها كدا..بجد تستاهل ياريتهم علمو عليك اكتر من كده.. ههههه فين الباي والتراي ياتيفا هههه..
مصطفى : كشر عينيه..وقال ع فكره دي حادثه..مش علقه ولا حاجه..
چود : ههههههه...
مصطفى : سمع ضحكتها..وقال بغمزه..بس سيبك انتي وقوليلى..من اين اتيتي بكل هذا الجمال والدلع.؟
چود : جابت آخرها..وداست ع رجله بغيظ..وقالت...من عند الدلعدي.وسابته ومشيت تلعن فيه.
مصطفى : أتألم من رجله..وقال ااااه..هو يوم حوادث الله يخربيتك ياسعيد الكلب...
------------------بقلمي مريم نصار.
آرين : نازله ع سلم السنتر..وحاطه أيدها ف دراع ليليان وبيضحكو..لكن عينيها بتدور عليه..
آدم مراد : وصل وركن العربيه..وبيفتح باب العربيه.ولسه هينزل ورفع عينيه.لكن شاف ضي الروح..سندريلا وريبونزل وكل حاجه بريئه وحلوه وجميله..هي دي يا آدم.. آرين ال بتخلي قلبك يدوب ف لحظه. جمالها عدى المدى. برائتها قاتله فيك غضبك.ضحتكها تلين عصبيتك..هي دي آرين.. ضيك..ضي آدم..!!!
آرين : نزلت..وقلبها دق بقوه كبيره.. لأن عينيها جت ف عينيه..
آركان : رفع حاجبه بإعجاب كبير..وراح استقبلها..وقال أنا عندي أخت ملكه جمال وانا معرفش؟ وباس ع أيدها..
آرين : متلخبطه..ومش عارفه تعمل ايه وفضلت واقفه مكانها..
آركان : حط ايدها ف دراعه..وقال تعالى ياحبيبتى..الحج فهد بيسأل عليكي..واتحركو.. و آرين وشها ناحية آدم..لحد ما وصلت عند فهد..
آدم مراد : عيونه بتتحرك معاها..
تالين : أبيه آدم.
آدم مراد : انتبه..ها..احم..وبص ل تالين وابتسم..وقال ماشاء الله ايه الجمال ده ياتالي..ونزل من العربيه وسلم عليها..
تالين : ابتسمت..شكرا جدا يا أبيه..مع اني واقفه بنادي ع حضرتك من بدري بس شكلك كنت سرحان..
آدم مراد : ابتسم معلش يا روحي ف حاجه شاغله تفكيري..تعالى نسلم ع العيله..وحط أيدها ف دراعه واتحركو وبيسرق النظرات ليها..
فهد : أخد آرين ف حضنه..وابتسم بحب كبير..وقال آريني حبيبتى وروحي..انتى قلب ابوكي.. وفتح ليها باب العربيه..وركبت..وكانت بتتمنى تركب مع آدم..
رينو : ركبت جمب فهد..وعيونها ع بنتها..وحاسه بيها..لكن فضلت الصمت..
مريم عزيز : شافت مصطفى وشهقت بصدمه كبيره..وقالت مصطفى؟ ايه ال عمل ف وشك كدا؟
مصطفى : حط ايدو ع خدو وقال دى حساسيه..!!!
بعد كدا : كلهم طلعوا ع السيشن..والكل اتصور وكان زياد اكتر واحد مبسوط..لانه مكنش يحلم إن يوم فرح ابنه يشوف إن ياسين ليه اخوات بجد. وإن شباب العيله كلهم بالإجماع واقفين جمب ياسين..
بعد السيشن كلهم وصلو القاعه..
زياد فتح باب العربيه لابنه.
ياسين : نزل وفتح باب العربيه ل همس..ونزلت وحطت أيدها ف دراعه..
الكل دخل القاعه..وياسين دخل من الباب وجمبه همس..
والميوزك ابتدى.. بأغنية ادي الزين وادي الزينه. ل علي الحجار..
وشغلو الدخان مع الاضاءه والتصوير ابتدى.. وياسين ماشي ف الطرقه مع همس لحد الاستديج..وقعدو..
وبدا الفرح والسعادة تدخل قلوب كل الموجودين..
آدم واميرته..متمركز ف الأول. وجمبه طارق وبيتر وجاسر.. وأشرف..
وزياد بيشرف ع كل حاجه..وزين معاه ماسبوش لحظه..وكان تكاتف بمعنى الكلمه..
------------------بقلمي مريم نصار.
آركان : بيدور ع مصطفى.. وشافه واقف ف الآخر..وراح وقف جمبه وبيضحك ع شكله..وقال..و اله وجالك يوم تستخبى يابرص ههههههههه.. ايه يادرش واقف ف الركن متزنب ليه؟
مصطفى : بغيظ..بقولك ايه.؟ العمليه معايا ع الآخر. مش ناقصه تريقه..
آركان : هههههههههههه لأ ومسمي القرده كوثر هههههخخخ..
مصطفى : نفخ بنفاذ صبر..وقال ياعم غور من وشي..انا مخنوق لوحدي..تاخد كام وتبطل هري وكلام؟
آركان : رفع حاجبه وقال تستاهل يابرو..انت عارف إن تيم وآدم الاتنين دول بالذات محدش يهزر معاهم..انت بقى عامل فيها الهيرو..اشرب ياحلو.. المهم يلا تعالى هنرقص وفرفش..
مصطفى : عليا الطلاق مايحصل..انا اطلع بوشي ده؟ اجري يا آركان.. اجري وسبني ف أحزاني..انا دلوقتي خزان مليان احزان..
آركان : هههههههه اه يابطني..طيب سلام انا.. وسلامي ل كوثر ههههههه..وسابه ومشي..!!
همس : مبسوطه..وقالت ياسين هو انت مش هتتلحلح وتغنيلي..
ياسين : بدهشه..ات ايه؟ اتلحلح؟ يابنتى هو انا ماسكك ف القسم..انهردا فرحنا ياهمس..
همس : ههههههه سوري يقلبي بس من فرحتي بيك والله عايزاك تغتيلي...
ياسين : باس ع أيدها..وقال من عيوني.. وقام واخد المايك.. وبدأ يغني ل همس..اغنية حلوه حياتى معاه..ل عبدالله ناصر..
والشباب.. سابت البنات مع بعض..وطلعو ع الاستيدج مع ياسين وكانت الفرحه فرحتين..
ماليكه..رغم دموعها إلا أنها مبسوطه..ورودي وساره ونور ورينو بيهونو عليها وبيتكلمو معاها..
آسر : شاف حياة لابسه فستان باللون الزهري..وقلبه دق ليها..وشاف ابتسامتها الرقيقه..واتفائل خير..
بعد شويه.. همس وقفت والبنات كلهم حواليها.. وغنت ل ياسين.. قالهالي ل نداء شراره..
آرين : واقفه جمب حياة وچود ع الاستديج.ومندمجه..
آدم مراد : شافها.والدم غلى ف عروقه..ومهتمش لحد وطلع ع الاستديج..
آرين : شافته..وبطلت تسقيف..وفتحت عينيها بصدمه..ورجعت وقفت ورا تمارا وبلعت ريقها بصعوبه..وقالت المرعب..؟
آدم مراد : بنظره ناريه لعيونها وكان تهديد واضح..وقرب ع مريم مراد..وقال ف ودنها.. لو آرين منزلتش حالا من ع الزفت ده..انا هخرب الدنيا فاهمه..!!!
ميرو : بلعت ريقها بتوتر..وقالت بتوتر.. طيب طيب حاضر بس بالله عليك بلاش عصبيه. روح انت وانا هنزل انا وهي..
آرين : بصتله بغيظ واضح..
آدم مراد : بصلها بغيره كبيره..
آرين : نزلت عينيها بسرعه..وبتلعن فيه..
آدم مراد : نزل وواضح ع ملامحه الخنقه..
ميرو : ابتسمت بتمثيل..وحاولت تكون ثابته..وقالت آرين تعالى ننزل نقعد مع بعض تحت ايه رايك..
آرين : بتذمر..حاضر ماهي عيشه بلاك يلا اتفضلى. ونزلو .
بعد كدا..
الكل اتفاجيء بوصول سليم بدر الدين. وفتون مهران..وحياة و آمان..وخالد الشرقاوي..وحنين الهلالي..وسيف وجنى..
وزياد : استقبلهم بترحيب كبير.. وقعدو ع تربيزه خاصه..وسلمو ع كل الموجودين..و آدم العدوي كالعاده رحب ترحيب يليق بيهم..
------------------بقلمي مريم نصار..
بعد فتره الكل عاش أجواء الفرح وقدموا عروض كتيره واغاني وفرح. وچود كانت فرحانه ف مصطفى.
.وهمس كانت مهيبره ورقصت كتير جدا. ورقصت مع ياسين سلو..وكان يوم جميل جدا.. وقدموا التورته ٧ ادوار ..ودي هديه من زين العدوي ل زياد جمال..
والفرح تم ع خير ..وياسين ودع العيله كلها واخد همسته وطلعو ع عشهم..
وكل العيله رجعت ع بيتها مبسوطين بعد فتره كبيره من التعب..
------------------بقلمي مريم نصار.
ف شقة ياسين..
ياسين فتح باب الشقه..وشال همس بين ايديه..وقفل الباب برجله.ودخل بيها اوضة النوم..ونزلها ف نص الأوضه..
همس : رغم فرحتها الكبيره. إلا أنها متوتره جدآ..لكن افتكرت كلام والدتها..وحاولت تكون ثابته..
ياسين : مسك كف أيدها وباس عليه..وبص ف عينيها بحب كبير وقال..ميروك ياهمس..
همس : بتوتر..احم..اء..الله يبارك فيك..!!
ياسين : ابتسم بتعجب..وقال اول مره اشوفك متوتره كدا..مع انك ع طول عندك انفصام...وضحك..
همس : ضحكت بحرج .وقالت مش عارفه الانفصام راح فين..مختفى من الصبح..
ياسين : ههههه احسن حاجه والله..ع الأقل اقدر اثبت ع شخصيه معاكي..
همس : نزلت عينيها بحرج..وقالت..هو انا محيراك اوي كدا؟
ياسين : رفع دقنها..وقال بحب كبير. انتي محيرا قلبى معاكي..بس عايزه الجد. انتي مفتاح ضحكتي ياهمس..انتى نبض قلبي وحياتي..
همس : مسكت فستانها بتوتر..وغمضت عينيها..بحرج كبير..ومردتش..
ياسين : باس جبينها بحب كبير..وقال..يامجنونه انا ياسين حبيبك.. وعايزك تهدي وتبطلي توتر..يلا بقى ادخلي غيرى الفستان ده..واتوضى عشان نصلي..
همس : وشها بقى جمرة نار..وهزت راسها ومشيت من قدامه بسرعه..
ياسين : ابتسم بصمت..واخد هدومه..وراح ع الحمام التاني..واخد شاور واتوضى..
همس : اخدت شاور واتوضت..ولبست طقم لاتعليق عليه بعد جدال كبير مع نفسها..ولبست الاسدال..وقلبها بيدق بسرعه كبيره جدا.
ياسين : فرش سجادة الصلاة. وصلى بيها..وبعد كده قال الدعاء..
همس : وقفت ومتوترة..وقالت بتلعثم.عشان تهرب من ياسين انا جعانه..واتحركت بسرعه عشان تخرج..
ياسين : خطفها بين ايديه..وعرف بطريقته ورومانسيته..ينسيها الخوف والقلق والتوتر.وقرب منها بحب كبير واخدها لعالمه الخاص..
وتم نقل ملكية همس المنشاوي..ل همس ياسين جمال..
ونقول بارك الله لكما وعليكما..وعقبال باقي الأبطال..
------------------بقلمي مريم نصار.
عدا كام يوم كمان...
ياسين وهمس سافرو شهر العسل ف دهب..وعايشين احلا حياه..
تيم وميرو سافرو ع بريطانيا. يكملو دراسة الماجستير..
ف الجهاز..
ف مكتب آدم مراد..
آدم قاعد ع كرسي المكتب وحاطط رجيله ع المكتب..
. وفاتح شاشة عرض قدامه..موصلها بفلاشة صور. وبيقلب ف الصور..ويرجع تاني من اول صوره. ويتفرج عليهم بتركيز كبير جدا..
ف الطرقه..
مراد وفهد رايحين عند آدم. وماشيين يتكلمو..
فهد : بحيره.حرف الW.بجد غريبه..ماهو لو وليد عايش كنا شكينا فيه..
وحرف الA ده بيدل ع أسماء كتيره ف العيله.
لكن حرف الH ده مش عارف اوصل.. انا من امبارح بفكر ف فك الشفره دي ومش عارف..وواضح إن ف مجهول..حتى لو وليد ال حرق الشقق والعربيه. اكيد ف حد معاه..
مراد : بنفس الحيره..انا بقى من يوم بوكيه الورد ده..وانا دماغي شغاله..وحرف الH قولتلك ممكن يكون هيكل..!!!
فهد : هز راسه معتقدش يامراد..مفيش حد هيبعت دليل إدانة أو يشككنا فيه.. وخصوصاً لو معروف عن طريق عمي آدم وزين و آريان..!!
مراد : مسح وشه بايديه ونفخ بخنقه كبيره.مش عارف يافهد..بجد مش عارف..حتى ال بعت الورد كأنه فص ملح وداب. وده بيأكد أنها مقصوده..
فهد : بتفكير..فاكر يامراد الرساله التانيه من المجهول..يوم ما حرقو الشقه. لما قالو قريباً سنلتقى.. وبعدها محصلش حاجه. ولا اتقابلو معانا..؟
لكن ال حصل إن عمي آدم اتعرض للاغتيال.
مراد : كشر عينيه وبص ل فهد..وقال.. يعنى قصدك أنهم بيلعبو بأعصابنا؟
فهد : هز راسه. فعلا ده حد مفتح عيونه علينا كويس. بدليل أن وليد ظهر وانتحر.
مراد : بخنقه..بقولك ايه. تعالى نشرب قهوه مع آدم عشان أنا من التفكير دماغي هتفجر..
فهد : تعالى. واكيد هنوصل لحل إن شاء الله.
مراد : بيخبط ع باب المكتب بتاع آدم..وقال إن شاء الله..وفتح الباب ودخلو..
آدم مراد : ع نفس الحاله. لكن نزل رجليه احتراماً لابوه وخاله..
مراد : قعد ع الكرسي..اذيك يا كابتن..
آدم مراد : هز راسه تمام. اذيك انت ياسيادة العقيد..
مراد : هز راسه بخير..
فهد : بص ع الشاشه بتركيز.وكشر عينيه بعدم فهم..وقال.مش دي صور الشقه ال كان فيها القناص بيراقب عمي آدم؟
مراد. : لف راسه. وبص وقال بتعجب..ايوه هي.. وبص ل آدم..وقال انت اكتشفت حاجه ولا ايه؟
آدم مراد : أخد نفس عميق..وقال ركزو معايا ف الصور كدا.. وبدأ يقلب صوره..صوره..ويتكلم..
فهد ومراد عينيهم ع الصور بتركيز..
آدم مراد : دي الشقه ال القناص اتأجرها قبل عيد ميلاد الشركه باسبوعين..واختارها ف الدور والاتجاه ده عشان يقدر يصيب الهدف..
نيجي للصوره ال بعدها.. قبل الجريمه بتلات ايام.. جه حد مخبى وشه.ودخل البرج وطلع للدور ال٢٤. وال عرفناه بعد كده أنه وليد..
نيجي للصوره ال بعدها..وليد دخل الشقه الساعه ٢ و٣٣ دقيقه بالظبط..وخرج منها الساعه ٢ و ٣٤ دقيقه و٢٧ ثانيه.. يعني وليد دخل الشقه وقعد فيها . دقيقه و٢٧ ثانيه بالظبط..
نيجي للصوره ال بعدها. وليد نزل من البرج. وهو بنفس التخفي..وفجاءه جت عربيه وانحرفت عن مسارها..وكانت هتخبط وليد..
ورد فعل وليد كان طبيعي رجع بسرعه ووقع. والكاب وقع وملامح وشه ظهرت.. ولو لاحظنا هنا.. إن اتجاه العربيه جاي مخالف.. ووليد قصاد كاميرا المراقبه بالظبط..!! ونمرة العربيه مخفيه..
مراد وفهد اتعدلو بتركيز..
فهد : بدهشه..يعني قصدك إن كل ده كان مترتب..!!!؟
آدم مراد : هز راسه..ومش بس كده..بصو كويس للصوره دي..!!
دي قطعة ازاز من كاس ويسكي..وكانت موجوده ف الشقه.. وال اتضح بعد كده إن البصمات ال عليها..كانت بصمات وليد..!!مش غريبه إن قطعة ازاز.تفضل ع الأرض كل المده دي..من غير ما حد يجي جمبها. ولا حتى القناص..!!!
مراد : رفع حاجبه..وقال..وطبعا وليد دخل الشقه وقعد فيها دقيقه و٢٧ ثانيه بالظبط. يعني ملحقش يشرب..ولا يعمل أي حاجه..!!
آدم مراد : بالظبط..وكل ده كان مترتب. يعني وليد كان طعم مش اكتر...!!!
مراد : طلع الكارت وبص فيه تاني..
آدم مراد : كشر عينيه..وقال مش فاهم..
مراد : حكي ل آدم كل حاجه عن وليد وفهد وال حصل زمان..
آدم مراد : بص عليه وقال..حرف الW ده اكيد وليد..!!
فهد : بحيره..بس وليد انتحر يا آدم..وكمان شوفنا جثته ف المشرحه..يعني متأكدين انه مات..
آدم مراد : هو فعلا مات..لكن دي اكيد حركه من العقل المدبر لكل ده.عشان يشتت انتباهنا.
مراد : طيب خليني معاك للآخر.. الحرف ده وليد..وحرف الA ممكن جدآ يكون المقصود بيه بابا..طيب وحرف الH..؟ معقول يكون هيكل؟
آدم مراد : بص قدامه وقال..ف أربع احتمالات للحرف ده..
اول إحتمال .. إن الحروف دي تكون مقصود بكنيتنا احنا التلاته.. حوت والديزل وصقر..!!!
تاني إحتمال.. أنه يكون وهم ومالوش اي دليل..
تالت إحتمال أنه يكون هيكل فعلاً بس ده انا استبعده لأن مستحيل حد يبعت رمز إننا نكشفه بكل سهوله..
رابع احتمال.. يكون عايز يوقعنا ف ال حوالينا. زي همس وهارون وهيكل..وعايز يعمل حرب نفسية داخليه. ويشتت تفكيرنا..
مراد : هز راسه باقتناع..وقال بخنقه.. الموضوع كبير جداً ياشباب..!!
فهد : بغضب مكبت..وطبعا وليد كان شغال معاهم.. وبلغهم بكل تحركاتنا..ومن الاكيد أنهم ضحو ب وليد..عشان ياخد إعدام..!!.ويخلينا نصدق إن كدا الموضوع اتقفل بظهور وليد.
مراد : ...........!!!
آدم مراد : بص قدامه وقال..الحركه ال بعدها اكيد.هتكون أكبر..ولازم نكون مفتحين..!!
----------------بقلمي مريم نصار
بعد اسبوعين..
ف نص الليل. صوت فون مراد رن..
فريحه نايمه وفاقت ع صوت الفون..وقالت بنوم..مراد . مراد فونك الخاص بالشغل بيرن..!!
مراد : فاق..ومسح وشه بايديه..وبص ف الفون..وكشر عينيه باستفهام..مدير الجهاز..!!! اكيد ف مصيبه..ورد عليه.. تحت امرك يافندم..!!
المدير : بحزم وجديه شديدة..سيادة العقيد مراد..!!! اجمع حالا انت والحوت والديزل ف اجتماع مغلق..!!!
مراد : هز راسه تمام يافندم..ساعه بالظبط وهنكون قدام سيادتك..وقفل..
فريحه : اتعدلت بقلق .ف ايه يامراد..
مراد : قام بسرعه..وقال مفيش حاجه مهمه ياحبيبتى..نامي انتى..وانا رايح الجهاز مع فهد و آدم ومش هنتأخر..
مراد : طلع التراس واتصل ع فهد وآدم وبلغهم والكل جهز ف ثواني..ونزلو وسط دعوات فريحه ورينو..
بعد ساعه واكتر...ف الجهاز..
غرفة الاجتماعات المغلقه..
مدير الجهاز : بحزم..انا اختارتكم انتو التلاته لأني واثق انكو قد المخاطرة دي..
وشاور ع كل واحد..وقال..انا جمعت بين القوه الحوت.
والذكاء.الصقر. وسرعة البديهة واندماج القوه مع الذكاء.الديزل..
وشغل شاشة عرض. وقال المهمه هي إن.. ده شاب ف اواخر التلاتينات.وزي ما انتو شايفين ف الصور متدرب ع اعلا مستوى. مجهول الهوية.ليه اكتر من إسم. ومحدش عارف إذا كان امريكي او أسترالي أو حتى مصري.
.لكن ال عرفناه بعد كده من المعلومات ال وصلت لينا. انه اساسه من بلجيكا..لكن مش عايش فيها..لانه ديما بيسافر من بلد لبلد..
الشاب ده. كان عايش ف مصر فتره كبيره.وبيتكلم عربي بطريقه سهله جدا. لدرجة إن كل ال حواليه مشكوش للحظه أنه مش مصري. وكان معروف بإسم حيدر.
والبنت ال جمبه دي اسمها شهيره..بنت شابه مصريه ومعروفة بإسم شاهي.
حيدر قدر يخترق عقل شاهي وعلقها بيه. واتفق انه هيتجوزها ويسافرو بلد أجنبي يقضو شهر العسل ويرجعو ع مصر تاني..والبنت.وافقت واتجوزو وسافرو. وشاهي هناك اكتشفت حقيقة حيدر.
..وواضح جدآ انها تعبت كتير عشان توصل لأي جهة امنيه.
.احنا وصلتنا من سنه ونص تقريبا رساله خاصه مشفره من خلال جهات خاصه بينا ف الخارج..
شاهي قدرت توصل ليها.
وبعد فك الشفره.وفيها. إن حيدر ده مافيا متخفي وخطر جدا. وأنها اكتشفت أنه عنده قائمه أسماء بالاغتيالات..من اكبر رجال الأعمال ومناصب هامه ف الدوله..وهيتم البدء ف التنفيذ ف أقرب فرصه..
مراد : كشر عينيه بعدم فهم..وقال سنه و نص؟ بس كدا كتير جدا يافندم..!!
المدير : هز راسه..فعلا يامراد..واحنا اتصرفنا ف وقتها..وبعتنا رجالتنا ف مأمورية سريه..لكن ال حصل مكنش متوقع..وعشان كده انا جبتكم هنا..!!
مراد : بص ل فهد و آدم..وبص للمدير..واحنا تحت امرك يافندم..
المدير : بتنهيده..احنا بعتنا زميلكم العقيد أكرم..!!! وللأسف......!!!
فهد ومراد اتعدلو بقلق..!! وهمسو.اكرم..!!!!؟
آدم مراد كشر عينيه بتركيز..
مراد. : بلع ريقه بتوتر..وقال.. أكرم..!! حصله حاجه؟
المدير : مط شفايفه وهز راسه.وقال للأسف محدش يعرف حاجه..اكرم اختفى ومحدش عارف يوصله..
آدم مراد : بهدوء.ممكن تفاصيل اكتر..!!
المدير : بالتأكيد..وبدء يشرح..وقال..من سنه ونص. كلفنا أكرم بالمهمه..وسافر هو واتنين معاه العقيد حسن والرائد نادر.وانا بنفسي متابع التفاصيل لانها قضيه مهمه.ووصل لبلد اجنبي..وراقب شاهي كويس جدا. وجمع كل الخيوط..وفعلا أتأكد من صحة كلامها.. وإن حيدر شغال مع مافيا خطيره جدا ملقبه بالشياطين ال شغالين ف كل حاجه. ومبيهابوش حاجه ابدا.. لدرجة أنهم بيقتلو ف وضح النهار..
ولما اكرم وصل ف قلب المنطقة ال موجود فيها حيدر ومساعدينه..كانت للأسف الشبكه ضيئله جدآ..وصعب أننا يوصلنا اي اشاره من العقيد أكرم..وده طبعا بأن حيدر متحكم ف كل حاجه..
ولما اكرم يجمع معلومات. يسافر لبلد قريبه مسافة ساعه ونص تقريبا..عشان يلاقي شبكه ويقدر يبلغنا بالجديد..وأنه اتعاون مع شاهي..وهيبلغنا بكل جديد..لكن آخر رساله مشفره جت من أكرم كانت من ٦ شهور و١٢ يوم بالظبط..وبعد كده اختفى تماماً..ومنعرفش عنه حاجه..الرساله بتقول. إن شاهي قالت إن حيدر كشفها..وتاني يوم كانت شاهي مقتوله.. وإن اكرم هيحاول يوصل ل حيدر بطريقته..ويا يرجع بالقايمه..يايرجع جثه..ومن وقتها مفيش اي جديد..
انتظرنا فتره وبعد كده بعتنا قوه من معارفنا بره مصر..تدور ع أكرم وحسن ونادر ف نفس المنطقة.. وللأسف مفيش أي أثر ليهم.لكن...!!!
مراد وفهد بقلق واضح..
مراد : بخوف..لكن ايه يا فندم..!؟
المدير : بتنهيده..من اسبوع واحد بس. رجالتنا بره مصر قدرو يوصلو ل نادر و حسن..وكانو مصابين.. الرائد نادر فقد جزء من كف أيدو. والعقيد حسن شرخ في الجمجمة. آثر حادث وضرب نار أثناء هروبهم من المنطقة..
العقيد حسن هيشرحلكم ال حصل..
العقيد حسن دخل..وسلم عليهم وقعد..وقال.. المنطقه هناك كلها مليانه حرس بسلاح..تشبه الوكر ال مليان بلطجيه بالظبط..او نقدر نقول انها منطقه مخصصه للاتفاقات ال من النوع ده..مفيش شارع تعرف تمشي فيه غير لما يتفتش.ويبقى حظك حلو لو عديت وملقتش حد موجود..كانت بتحصل بس من النادر. وكان احسن وقت هو من الساعه ٦ الصبح لحد ٨ دول بس الساعتين ال بينامو فيهم لحد ما الحرس التاني يبدل ورديته. المهم احنا بعد ما اكتشفنا إن شاهي اتقتلت..فكرنا ف طريقه اننا ندخل وسط المافيا. والعقيد أكرم هو ال اختار أنه يقوم بالمهمة دي..ولقب نفسه ب ويليام..
وكان ف بار ديما حيدر بيروح يسهر فيه..لما راح البار . اكرم دخل وراه.يوم واتنين..وف اليوم التالت وبعد ساعه و٢٨ دقيقه من دخول اكرم البار بالظبط..كان اكرم خارج بسرعه كبيره..وقال الكلمه السريه بتاعتنا..وال معناها إن القايمه معاه. وفجاءه.. أكرم اختفى. واحنا اتكشفنا..ومفيش خمس دقايق. ولقينا هجوم كانها حرب. وطيارات وغاز مسيل للدموع..وضرب نار. واحنا هربنا ونادر اتصاب ف ايدو..وانا اتصابت والعربيه اتقلبت بينا. ونادر حاول ع قد ما يقدر ونقلنى المستشفى. وقعدنا فتره كبيره واتعالجنا. والجهه قدرت توصل لينا.ورجعنا ع مصر
مراد وفهد. و آدم قلبهم بيغلى ع أكرم..
المدير : بحزم..مهمتكم ترجعو ب اكرم حي او ميت..وبقائمة الاغتيالات..
فهد : بتوعد. اطمن يافندم..وهيدفعو التمن..
المدير : انتو هتتحركو بعد اسبوع من تاريخ اليوم..
انا متأكد من كفائتكفم..ولاني عارف إن هناك مفيش شبكه وصعب توصلنا أي اشاره. ف انا اختارت العقل والذكاء مع القوه..وانتو معاكو حرية التصرف ف المهمه دي.اعملو ال انتو عايزينه معاكم الحريه الكامله.. لكن المهم عايز نتيجه يا أبطال..
الكل قام وخرجو من الجهاز...
مراد وفهد وآدم ماشين جمب بعض وسرحانين ف المهمه...
مراد وقف مره واحده وقال باستفهام معقول تكون رساله مشفره من أكرم...!!!؟
فهد : بعدم فهم..ف ايه يامراد؟ وصلت لفكره؟
مراد : طلع الكارت بسرعه.وشاور ع الحروف.وقال بصو كويس..
آدم وفهد بصو للكارت..
فهد : كشر عينيه..وقال تقصد إن حرف ال W هو ويليام..!!!؟
آدم مراد : وحرف ال A هو اكرم وعلامة الاكس أنه ف خطر..!!!؟
مراد : بتفكير..وحرف ال H اكيد حيدر....!!! -------------يتبع
رواية جريمة عشق 5
(مملكة ميراث العشق)
سبحان الذي يغلق عنك بابًا ويفتح لك أبوابًا أخرى أكثر سِعة
.ويأخذ منك من جهة ويعطيك من جهات أخرى أكثر وفرةً
وغِنى.. ويبعد عنك أشخاصاً كنت تظنها ف صالحك ويُقرّب منك ما يليق بك
ويرتقي بك أكثر من الأولى
سبحان الذي يدبّر أمرك بحكمته ولطفه
ويكفيك قوله فإنّك بأعيننا..
================================
بسم الله نبدأ.
أسم الكاتبة الحقيقي : شريهان ابراهيم.
الإسم الحركي للكاتبة : مريم نصار.
فيلا مصطفى عزيز..
بعد شويه..كل الشباب. غيرو لبسهم واتوضو وصلو ونزلو قعدو ف الليفنج..
كريم : قاعد محرج جدا من موقف مصطفى. وبص ليهم..وقال بحرج..احم. ف الحقيقه ياشباب انا مش عارف اتكلم اقولكم إيه..بس مش عايزكم تزعلو..انتو عارفين دماغ مصطفى.
تيم : بهدوء..وانت زنبك ايه ياكريم. وبعدين موقف وعدا خلاص. اهو اخد نصيبه.
ياسين : ............!!! وساكت..
آريان : بص ع ياسين. وانفجر ف الضحك..وقال العريس مصدوم.. هههههههههه.
الكل ضحك..
آركان : ههههههههه ولا آدم ينهار ألوان لما القردة نطت ع كتفه ههههههه انا قولت بس كدا الناهيا..
آدم مراد : هز راسه بيأس..واد متخلف..
مصطفى : نازل بيعرج وبيتألم. وجمبه چواد سانده..وقال.انا سامعكم ع فكره و الله يسامحكو.. انت معندكوش الروح الحلوه.
آدم مراد : قام من مكانه..وراح وقف قدام مصطفى..وبص ف عينيه نظره طويلة..
الكل انتبه..واتعدلو..وحبسو انفاسهم..من موقف آدم..ومتوقعين انه هيضرب مصطفى تاني
كريم : قام بسرعه ووقف جمب آدم. ولسه هيتكلم
مصطفى : بلع ريقه بصعوبه.وبيهرب من نظرة آدم.
.وقال بتلعثم..ف..ف ايه ع فكره بقى الضرب مش حل المشاكل..اه انت كدا هتربيلي عقده..
آدم مراد : هز راسه..وابتسم بتمثيل..ورفع ايدو..
مصطفى : اتخض...
آدم مراد : ببرود..بيعدل ياقة التيشرت لمصطفى.
وقال من بين أسنانه مع ابتسامه... لأ ازاى يادرش..احنا كلنا طبعا عندنا الروح الحلوه..ده حتى عشان نثبتلك إن روحنا حلوه..انت هتدخل ع المطبخ دلوقتي..تعملنا القهوه وتجهزلنا كلنا كدا الفطار..
مصطفى : تنح بدهشه وفتح بوقه..وقال هاااا...!!!
آدم مراد : هرش تحت دقنه وقال..انا بشرب قبل الفطار..كوباية لبن ع بيض..وبعد كده قهوه..وبعدها بفطر..
وهتشوف طلبات الشباب ايه؟ وهتعملو..
وحط ايدو ع كتف مصطفى وضغط بسيط..وقال هي دي الروح الحلوه يادرش..؟
مصطفى : كشر عينيه بغيظ مكبت.......!!! وقال طيب يلا ياچواد تعالى معايا..وا......
آدم مراد : هز راسه. لأ لأ. چواد ضيفك..وانت صاحب فكرة أننا نتجمع ونسهر..واعمل حسابك إن كل الشغالين بريك..يعني محدش هيساعدك ف حاجه.. وشاور ع المطبخ..وقال بأمر.. يلا خمس دقايق والمشروب يكون قدامي..وقرب من وشه وقال بتحذير..وعايز اي غلطه او حركه من حركاتك..يبقى الله يرحمك بجد.
مصطفى : بلع ريقه بصعوبه..ومشي بسرعه ع المطبخ وبيبرطم..
آدم مراد : راح قعد مكانه..
كوثر : داخله من الباب..وجريت ع آركان..
آركان : شالها..وقال قرده متدربه كويس.. ههههههه.. الله يخربيت افكارك يامصطفي..
ياسين : صك ع أسنانه بغيظ كبير..وقال..انا غلطان اني سمعت كلام المتخلف عقليا ده..وجيت ع هنا..
تيم : بضحكه.. خلاص ياعريس التوتر وحش عشانك.
الكل ضحك..
آسر : هههههههه مش قارد انسى الموقف بجد..حتة حركه ماتجيش ع دماغ حد.وخصوصا فكرة القرده..ههههه..
ياسين : بغيظ..اه اضحك انت وهو..ماانتو ع قلبكم زي العسل..انا اتخضيت حتة خضه..منك لله يامصطفي..
آدم مراد : غصب عنه ابتسم.ع شكل ياسين..
كريم : بضحكه..بس عايزين الصراحه..الواد ده خلاص فاضل تكه وهيجنني..انا ال بعاني والله..
تيم : اخد نفس عميق ومسح وشه بايديه.وقال. بس تعرفو.. الموقف ده هيبقى من احلا الذكريات. واجملهم.. مصطفى رغم ال عمله. لكن كل مانكبر ونفتكر موقف زي ده هنضحك من قلبنا..
آريان : عندك حق ياتيم..وتعرف مصطفى اول مره يصعب عليا وهو بياخد العلقه..
ياسين : يبني هو ده ضرب.؟ والله انا بضربه ومرضتش اتكا عليه..
وبص ل كريم وقال..انا بعتذر منك ياكريم اني مديت ايدي ع اخوك ..والله الموقف كان صعب عليا..انا كنت نايم بحلم بالفرح صحيت ع ضرب نار..
وياسين كشر عينيه وانتبه..وكمل وقال..ايوه ايوه .صدق الواد ده قالى امبارح نام ياعريس ده انت هتصحى ع ضرب نار..!!!
الكل ضحك..
كريم : بيني وبينك انا اضايقت..بس الموقف كان صعب جدا.. وخصوصاً أنى انا مجرب كل حركات الواد ده.. وبعدين مصطفى اخوك يا ياسو..وعدت ع خير..
ف المطبخ..
مصطفى : متغاظ جدا جدا..وبيجهز كل حاجه. وبهدل المطبخ..ونفسه يعمل اي موقف بس خايف من آدم..وبيكلم نفسه وقال..ياما نفسي احطلهم صاروخ وهما قاعدين بيحفلو عليا كدا..
لأ وكمان كوثر قاعده ف حضن آركان ومأنتخه..ماشي ياكوثر..
وحط كوباية اللبن. وحط عليها البيض..وكان قرفان..وقال اه.منا برضه بقول التناحه دي مش من فراغ..واحد بياكل بيض ني وكبده نص سوا..يبقى زومبي. اه عليا الطلبات آدم مراد ده من فصيلة المستذئبين..
وشال الصينيه وعليها القهوه والعصاير واللبن.. وخرج من المطبخ بغيظ..وعينيه بتألمه..
الكل ضحك ع شكله.. ومصطفى اتغاظ..وقال بتريقه..تحبو تختارو منيوم الفطار كمان حضراتكو؟
وياريته ماقال كدا..الكل اختار نوع خاص من الفطار وانتقمو من مصطفى..ال الدخان كان بيطلع من ودانه..وراح يجهز كل طلباتهم ف وسط ضحك الشباب..
بعد شويه.
كريم : قفل الفون وقال. عمي زين وصل ليليان ع السنتر..وقال إن كل البنات راحت السنتر وعمي مراد وعمي فهد وصلوهم بنفسهم..
تيم : هز راسه ايوه عارف..مريم بعتتلي مسج وقالتلي.
ياسين : بص ف الساعه. وقام وقف طيب انا يدوبك اروح الفيلا واظبط حالي..
كريم : والله مايحصل..انت تفطر الأول..وبعد كده كلنا هنشوف ورانا ايه.وغير كدا الشباب مش هتسيبك ف يوم زي ده لوحدك..
مصطفى : خارج من المطبخ..ولأبس المريله والطاقيه..وقال بغيظ..الفطار جاهز يا بهوات..!!
الكل ضحك وقامو وقعدو ع السفره..وكان فطار مش مترتب لكنه كان وقت مميز والكل ضحك من قلبه..ع شكل مصطفى.
كوثر : نطت ع كتف آدم..وضحكت ليه..
آدم مراد : ابتسم وهز راسه وقال قرده يامصطفي؟
بعد كدا عدا الوقت عليهم.. وكريم بيعمل لمصطفى كمادات وفرحان فيه جدا..
------------------بقلمي مريم نصار.
والكل رجع ع بيته مبسوط..وبيجهزو للفرح..
وكل العيله جهزت وخرجو عند السنتر كا العاده..
وماليكه لابسه فستان تحفه وشيك.وكانت مميزه جدا بفرحتها بياسين..
وزياد كالعاده متألق ف البدله..وكان چان. ومميز بفرحته بجواز ابنه وصديقه..
ياسين : لبس وظبط نفسه.وتيم وآريان وآسر معاه بيساعدوه وواقفين جمبه.
وكان ف منتهى الجمال والروعه..وخرج وركب العربيه..وف طريقه ل همسة قلبه..
كل الشباب جهزت ..وكل حبيب من تيم و آريان وكريم.. اتصل ع حبيبته ورايح ليها ف الطريق ع السنتر..
ف السنتر..Автор: Меріам Насар
كل البنات لبست وجهزت..وكل واحدة ليها بريقها الخاص..
وخصوصا آرين كانت خاطفه للأنظار من جمالها..زي أمها بالظبط..
همس : واقفه قدام البنات والكل بيصور فيها وكانت جميله جدا جدا.. وخصوصاً لون عيونها ال تأثر اي حد. لكن عيونها مش شايفه غير ياسينها وبس..!!!
آرين : وقفت جمب همس وقالت..يلا يابنات صوروني مع العروسه القمر دي..وباست همس من خدها وقالت. انتي باربي اوي ياهمس..!!
همس : ضحكت بسعاده. وانتي قمر بجد يا آرين..بجد يابخته إبن المحظوظه ال هيكون من نصيبك..
آرين : عوجت بوقها..وقالت.بهمس.. ليه بس السيره دي..زمانه واقف قدام السنتر وعامل عينيه كدا..وفتحت عينيها ع الآخر وبتقلدو..
والكل ضحك ع ريأكشنها..ومحدش فاهم حاجه..
تمارا..يلا انا هصوركم..وبعد كده كل واحده تتصور مع همس..وصورتهم..
وحياة وقفت جمب همس واتصورت وبعد كده كل واحده .وف الآخر كلهم اتصورو صور مجنونه
وهمس تعمل حركات ف الصور مجنونه هي وچود و آرين والكل كان مبسوط...
تالين : كانت ملاك..وجمالها الهادي مع برائتها كفيله تدوب قلب اي حد..وقالت بابتسامه..أبيه ياسين وصل يابنات..
همس : مسكت فستانها بتوتر..وقلبها دق بسرعه..وغمضت عينيها وبتتنفس بسرعه..
تمارا : ضحكت عليها..وقربت منها وقالت..اهدي ياهمس..ودي اجمل لحظات هتعيشيها ف حياتك..ف عيشيها صح..!!!
ميرو : بلهفه..تعالو يابنات ارجعوا وسيبو مساحه للعريس والعروسه
الكل رجع لورا..وسابو همس واقفه....وفتحو الفون وبيصورو فيديو اللحظات دي..
ياسين : طلع فوق..والبيت شاورت ليه..وقالت اتفضل يا فندم..العروسه ف الاوضه دي..
ياسين : ملامحه كلها مبسوطه.. وماسك بوكيه ورد جميل.وقال للبنت..شكرا...ودخل وشاف همس لفه ضهرها ليه..وبص للبنات وشاور ليهم كلهم..
البنات : مبسوطين وبيصورو.. وحياة انبهرت بجماله ونفسها تجري عليه بس استنت لما يشوف همس الاول..
آرين : بحماس..سقفت وقالت..يلا يا عريس سلم ع عروستك..
ياسين : بيضحك..ووقف خلفها .ونده عليها. همس..
همس : بتضحك..ومش عايزه تلف ليه .
ياسين : لف ليها..
همس : بسرعه لفت ضهرها وخبت وشها وبتضحك..
ياسين : ضحك..وقال يابنتى اعقلي بقى وخليني اشوفك..وقال بمكر..انا هلف الناحيه التانيه..وعمل نفسه بيتحرك..
همس : لفت بسرعه..وشهقت بصوت عالى..وكان ياسين قدامها..وضحكت بسعاده..وقلبها دق من جمال ياسين..
ياسين : انبهر من جمالها..وقال بصوت واطي..همستي.يخربيت جمالك!!!؟
همس : قالت ياسين.انت حلو اوى.
ياسين : حدف البوكيه ع الأرض وشالها ولف بيها كتير..من فرحته بيها..
همس : حضنت ياسين بفرحه كبيره..وضحكتها منوره وشها..وعيونها لمعت بدموع الفرح..
الكل كان بيسقف بفرحه..
وميرو دموعها نزلت بسعاده كبيره. عشان ياسين وسقفت بفرحه كبيره..
ياسين : نزل همس..وباسها من جبينها وايديها وبص ف عينيها ال دوبته..وقال مبروك ياحبيبتى..
همس : بلعت ريقها بتوتر وقلبها هيطلع من مكانه..وقالت الله يبارك فيك يا ياسين..
حياة : اخدت بوكيه الورد. وسلمت ع ياسين وقدمت البوكيه ل همس..
ياسين : حط ايد همس ف دراعه..وخرجو من السنتر
الكل ضحك بسعاده وسقفو لحضرة الظابط ياسو..
همس سلمت ع باباها ومامتها وبعد كده زياد وماليكه..وجاسر وملك. و آدم ومريم وباقي العيله..
چود : بتدور ع باباها..وخبطت ف حد بالغلط..وقالت بحرج..سوري..
مصطفى : رفع حاجبه وقال اجمل سوري دي ولا ايه؟
چود : رفعت عينيها.. وشافت شاب وشه متلخبط..وكشرت بعد كده وقالت الصوت ده مش غريب عليا..
لكن قالت..انت هتستظرف يا اخينا انت؟ وجت تمشي..
مصطفى : وقف قدامها وقال بتريقه..اخينا؟ وماله ياموزتي..بس ايه يابت ياچود الحلاوه دي..يخربيت جمدانك..
چود : صكت ع أسنانها بغيظ..وقالت انت انسان قذر وحيوان..وكمان تعرف اسمي منين؟ انا دلوقتي هجبلك ال يربيك صح..
مصطفى : بسخريه..هي ورديه ياچود تربيه صبح وليل خلاص ياتراب القمر..انا اتربيت واتهديت..
چود : شهقت..وقالت مصطفى؟ يخربيتك ايه ال عامل فيك كدا ؟ ومين شوهلك وشك كدا؟ انا معرفتكش..بس تسلم ايد ال عملها والله..
مصطفى : ياحبيبتى ياچود..اهو ال حصل معايا كوم.. وخوفك وقلقك عليا دلوقتي كوم تاني..متقلقيش عليا انا كويس. واوعي تعيطي انا عايزك تفرحي ياتراب القمر..
چود : ضحكت بتريقه..وقالت ازعل عشان مين يبنى.؟..دى اول مره اكون فرحانه فيها كدا..بجد تستاهل ياريتهم علمو عليك اكتر من كده.. ههههه فين الباي والتراي ياتيفا هههه..
مصطفى : كشر عينيه..وقال ع فكره دي حادثه..مش علقه ولا حاجه..
چود : ههههههه...
مصطفى : سمع ضحكتها..وقال بغمزه..بس سيبك انتي وقوليلى..من اين اتيتي بكل هذا الجمال والدلع.؟
چود : جابت آخرها..وداست ع رجله بغيظ..وقالت...من عند الدلعدي.وسابته ومشيت تلعن فيه.
مصطفى : أتألم من رجله..وقال ااااه..هو يوم حوادث الله يخربيتك ياسعيد الكلب...
------------------بقلمي مريم نصار.
آرين : نازله ع سلم السنتر..وحاطه أيدها ف دراع ليليان وبيضحكو..لكن عينيها بتدور عليه..
آدم مراد : وصل وركن العربيه..وبيفتح باب العربيه.ولسه هينزل ورفع عينيه.لكن شاف ضي الروح..سندريلا وريبونزل وكل حاجه بريئه وحلوه وجميله..هي دي يا آدم.. آرين ال بتخلي قلبك يدوب ف لحظه. جمالها عدى المدى. برائتها قاتله فيك غضبك.ضحتكها تلين عصبيتك..هي دي آرين.. ضيك..ضي آدم..!!!
آرين : نزلت..وقلبها دق بقوه كبيره.. لأن عينيها جت ف عينيه..
آركان : رفع حاجبه بإعجاب كبير..وراح استقبلها..وقال أنا عندي أخت ملكه جمال وانا معرفش؟ وباس ع أيدها..
آرين : متلخبطه..ومش عارفه تعمل ايه وفضلت واقفه مكانها..
آركان : حط ايدها ف دراعه..وقال تعالى ياحبيبتى..الحج فهد بيسأل عليكي..واتحركو.. و آرين وشها ناحية آدم..لحد ما وصلت عند فهد..
آدم مراد : عيونه بتتحرك معاها..
تالين : أبيه آدم.
آدم مراد : انتبه..ها..احم..وبص ل تالين وابتسم..وقال ماشاء الله ايه الجمال ده ياتالي..ونزل من العربيه وسلم عليها..
تالين : ابتسمت..شكرا جدا يا أبيه..مع اني واقفه بنادي ع حضرتك من بدري بس شكلك كنت سرحان..
آدم مراد : ابتسم معلش يا روحي ف حاجه شاغله تفكيري..تعالى نسلم ع العيله..وحط أيدها ف دراعه واتحركو وبيسرق النظرات ليها..
فهد : أخد آرين ف حضنه..وابتسم بحب كبير..وقال آريني حبيبتى وروحي..انتى قلب ابوكي.. وفتح ليها باب العربيه..وركبت..وكانت بتتمنى تركب مع آدم..
رينو : ركبت جمب فهد..وعيونها ع بنتها..وحاسه بيها..لكن فضلت الصمت..
مريم عزيز : شافت مصطفى وشهقت بصدمه كبيره..وقالت مصطفى؟ ايه ال عمل ف وشك كدا؟
مصطفى : حط ايدو ع خدو وقال دى حساسيه..!!!
بعد كدا : كلهم طلعوا ع السيشن..والكل اتصور وكان زياد اكتر واحد مبسوط..لانه مكنش يحلم إن يوم فرح ابنه يشوف إن ياسين ليه اخوات بجد. وإن شباب العيله كلهم بالإجماع واقفين جمب ياسين..
بعد السيشن كلهم وصلو القاعه..
زياد فتح باب العربيه لابنه.
ياسين : نزل وفتح باب العربيه ل همس..ونزلت وحطت أيدها ف دراعه..
الكل دخل القاعه..وياسين دخل من الباب وجمبه همس..
والميوزك ابتدى.. بأغنية ادي الزين وادي الزينه. ل علي الحجار..
وشغلو الدخان مع الاضاءه والتصوير ابتدى.. وياسين ماشي ف الطرقه مع همس لحد الاستديج..وقعدو..
وبدا الفرح والسعادة تدخل قلوب كل الموجودين..
آدم واميرته..متمركز ف الأول. وجمبه طارق وبيتر وجاسر.. وأشرف..
وزياد بيشرف ع كل حاجه..وزين معاه ماسبوش لحظه..وكان تكاتف بمعنى الكلمه..
------------------بقلمي مريم نصار.
آركان : بيدور ع مصطفى.. وشافه واقف ف الآخر..وراح وقف جمبه وبيضحك ع شكله..وقال..و اله وجالك يوم تستخبى يابرص ههههههههه.. ايه يادرش واقف ف الركن متزنب ليه؟
مصطفى : بغيظ..بقولك ايه.؟ العمليه معايا ع الآخر. مش ناقصه تريقه..
آركان : هههههههههههه لأ ومسمي القرده كوثر هههههخخخ..
مصطفى : نفخ بنفاذ صبر..وقال ياعم غور من وشي..انا مخنوق لوحدي..تاخد كام وتبطل هري وكلام؟
آركان : رفع حاجبه وقال تستاهل يابرو..انت عارف إن تيم وآدم الاتنين دول بالذات محدش يهزر معاهم..انت بقى عامل فيها الهيرو..اشرب ياحلو.. المهم يلا تعالى هنرقص وفرفش..
مصطفى : عليا الطلاق مايحصل..انا اطلع بوشي ده؟ اجري يا آركان.. اجري وسبني ف أحزاني..انا دلوقتي خزان مليان احزان..
آركان : هههههههه اه يابطني..طيب سلام انا.. وسلامي ل كوثر ههههههه..وسابه ومشي..!!
همس : مبسوطه..وقالت ياسين هو انت مش هتتلحلح وتغنيلي..
ياسين : بدهشه..ات ايه؟ اتلحلح؟ يابنتى هو انا ماسكك ف القسم..انهردا فرحنا ياهمس..
همس : ههههههه سوري يقلبي بس من فرحتي بيك والله عايزاك تغتيلي...
ياسين : باس ع أيدها..وقال من عيوني.. وقام واخد المايك.. وبدأ يغني ل همس..اغنية حلوه حياتى معاه..ل عبدالله ناصر..
والشباب.. سابت البنات مع بعض..وطلعو ع الاستيدج مع ياسين وكانت الفرحه فرحتين..
ماليكه..رغم دموعها إلا أنها مبسوطه..ورودي وساره ونور ورينو بيهونو عليها وبيتكلمو معاها..
آسر : شاف حياة لابسه فستان باللون الزهري..وقلبه دق ليها..وشاف ابتسامتها الرقيقه..واتفائل خير..
بعد شويه.. همس وقفت والبنات كلهم حواليها.. وغنت ل ياسين.. قالهالي ل نداء شراره..
آرين : واقفه جمب حياة وچود ع الاستديج.ومندمجه..
آدم مراد : شافها.والدم غلى ف عروقه..ومهتمش لحد وطلع ع الاستديج..
آرين : شافته..وبطلت تسقيف..وفتحت عينيها بصدمه..ورجعت وقفت ورا تمارا وبلعت ريقها بصعوبه..وقالت المرعب..؟
آدم مراد : بنظره ناريه لعيونها وكان تهديد واضح..وقرب ع مريم مراد..وقال ف ودنها.. لو آرين منزلتش حالا من ع الزفت ده..انا هخرب الدنيا فاهمه..!!!
ميرو : بلعت ريقها بتوتر..وقالت بتوتر.. طيب طيب حاضر بس بالله عليك بلاش عصبيه. روح انت وانا هنزل انا وهي..
آرين : بصتله بغيظ واضح..
آدم مراد : بصلها بغيره كبيره..
آرين : نزلت عينيها بسرعه..وبتلعن فيه..
آدم مراد : نزل وواضح ع ملامحه الخنقه..
ميرو : ابتسمت بتمثيل..وحاولت تكون ثابته..وقالت آرين تعالى ننزل نقعد مع بعض تحت ايه رايك..
آرين : بتذمر..حاضر ماهي عيشه بلاك يلا اتفضلى. ونزلو .
بعد كدا..
الكل اتفاجيء بوصول سليم بدر الدين. وفتون مهران..وحياة و آمان..وخالد الشرقاوي..وحنين الهلالي..وسيف وجنى..
وزياد : استقبلهم بترحيب كبير.. وقعدو ع تربيزه خاصه..وسلمو ع كل الموجودين..و آدم العدوي كالعاده رحب ترحيب يليق بيهم..
------------------بقلمي مريم نصار..
بعد فتره الكل عاش أجواء الفرح وقدموا عروض كتيره واغاني وفرح. وچود كانت فرحانه ف مصطفى.
.وهمس كانت مهيبره ورقصت كتير جدا. ورقصت مع ياسين سلو..وكان يوم جميل جدا.. وقدموا التورته ٧ ادوار ..ودي هديه من زين العدوي ل زياد جمال..
والفرح تم ع خير ..وياسين ودع العيله كلها واخد همسته وطلعو ع عشهم..
وكل العيله رجعت ع بيتها مبسوطين بعد فتره كبيره من التعب..
------------------بقلمي مريم نصار.
ف شقة ياسين..
ياسين فتح باب الشقه..وشال همس بين ايديه..وقفل الباب برجله.ودخل بيها اوضة النوم..ونزلها ف نص الأوضه..
همس : رغم فرحتها الكبيره. إلا أنها متوتره جدآ..لكن افتكرت كلام والدتها..وحاولت تكون ثابته..
ياسين : مسك كف أيدها وباس عليه..وبص ف عينيها بحب كبير وقال..ميروك ياهمس..
همس : بتوتر..احم..اء..الله يبارك فيك..!!
ياسين : ابتسم بتعجب..وقال اول مره اشوفك متوتره كدا..مع انك ع طول عندك انفصام...وضحك..
همس : ضحكت بحرج .وقالت مش عارفه الانفصام راح فين..مختفى من الصبح..
ياسين : ههههه احسن حاجه والله..ع الأقل اقدر اثبت ع شخصيه معاكي..
همس : نزلت عينيها بحرج..وقالت..هو انا محيراك اوي كدا؟
ياسين : رفع دقنها..وقال بحب كبير. انتي محيرا قلبى معاكي..بس عايزه الجد. انتي مفتاح ضحكتي ياهمس..انتى نبض قلبي وحياتي..
همس : مسكت فستانها بتوتر..وغمضت عينيها..بحرج كبير..ومردتش..
ياسين : باس جبينها بحب كبير..وقال..يامجنونه انا ياسين حبيبك.. وعايزك تهدي وتبطلي توتر..يلا بقى ادخلي غيرى الفستان ده..واتوضى عشان نصلي..
همس : وشها بقى جمرة نار..وهزت راسها ومشيت من قدامه بسرعه..
ياسين : ابتسم بصمت..واخد هدومه..وراح ع الحمام التاني..واخد شاور واتوضى..
همس : اخدت شاور واتوضت..ولبست طقم لاتعليق عليه بعد جدال كبير مع نفسها..ولبست الاسدال..وقلبها بيدق بسرعه كبيره جدا.
ياسين : فرش سجادة الصلاة. وصلى بيها..وبعد كده قال الدعاء..
همس : وقفت ومتوترة..وقالت بتلعثم.عشان تهرب من ياسين انا جعانه..واتحركت بسرعه عشان تخرج..
ياسين : خطفها بين ايديه..وعرف بطريقته ورومانسيته..ينسيها الخوف والقلق والتوتر.وقرب منها بحب كبير واخدها لعالمه الخاص..
وتم نقل ملكية همس المنشاوي..ل همس ياسين جمال..
ونقول بارك الله لكما وعليكما..وعقبال باقي الأبطال..
------------------بقلمي مريم نصار.
عدا كام يوم كمان...
ياسين وهمس سافرو شهر العسل ف دهب..وعايشين احلا حياه..
تيم وميرو سافرو ع بريطانيا. يكملو دراسة الماجستير..
ف الجهاز..
ف مكتب آدم مراد..
آدم قاعد ع كرسي المكتب وحاطط رجيله ع المكتب..
. وفاتح شاشة عرض قدامه..موصلها بفلاشة صور. وبيقلب ف الصور..ويرجع تاني من اول صوره. ويتفرج عليهم بتركيز كبير جدا..
ف الطرقه..
مراد وفهد رايحين عند آدم. وماشيين يتكلمو..
فهد : بحيره.حرف الW.بجد غريبه..ماهو لو وليد عايش كنا شكينا فيه..
وحرف الA ده بيدل ع أسماء كتيره ف العيله.
لكن حرف الH ده مش عارف اوصل.. انا من امبارح بفكر ف فك الشفره دي ومش عارف..وواضح إن ف مجهول..حتى لو وليد ال حرق الشقق والعربيه. اكيد ف حد معاه..
مراد : بنفس الحيره..انا بقى من يوم بوكيه الورد ده..وانا دماغي شغاله..وحرف الH قولتلك ممكن يكون هيكل..!!!
فهد : هز راسه معتقدش يامراد..مفيش حد هيبعت دليل إدانة أو يشككنا فيه.. وخصوصاً لو معروف عن طريق عمي آدم وزين و آريان..!!
مراد : مسح وشه بايديه ونفخ بخنقه كبيره.مش عارف يافهد..بجد مش عارف..حتى ال بعت الورد كأنه فص ملح وداب. وده بيأكد أنها مقصوده..
فهد : بتفكير..فاكر يامراد الرساله التانيه من المجهول..يوم ما حرقو الشقه. لما قالو قريباً سنلتقى.. وبعدها محصلش حاجه. ولا اتقابلو معانا..؟
لكن ال حصل إن عمي آدم اتعرض للاغتيال.
مراد : كشر عينيه وبص ل فهد..وقال.. يعنى قصدك أنهم بيلعبو بأعصابنا؟
فهد : هز راسه. فعلا ده حد مفتح عيونه علينا كويس. بدليل أن وليد ظهر وانتحر.
مراد : بخنقه..بقولك ايه. تعالى نشرب قهوه مع آدم عشان أنا من التفكير دماغي هتفجر..
فهد : تعالى. واكيد هنوصل لحل إن شاء الله.
مراد : بيخبط ع باب المكتب بتاع آدم..وقال إن شاء الله..وفتح الباب ودخلو..
آدم مراد : ع نفس الحاله. لكن نزل رجليه احتراماً لابوه وخاله..
مراد : قعد ع الكرسي..اذيك يا كابتن..
آدم مراد : هز راسه تمام. اذيك انت ياسيادة العقيد..
مراد : هز راسه بخير..
فهد : بص ع الشاشه بتركيز.وكشر عينيه بعدم فهم..وقال.مش دي صور الشقه ال كان فيها القناص بيراقب عمي آدم؟
مراد. : لف راسه. وبص وقال بتعجب..ايوه هي.. وبص ل آدم..وقال انت اكتشفت حاجه ولا ايه؟
آدم مراد : أخد نفس عميق..وقال ركزو معايا ف الصور كدا.. وبدأ يقلب صوره..صوره..ويتكلم..
فهد ومراد عينيهم ع الصور بتركيز..
آدم مراد : دي الشقه ال القناص اتأجرها قبل عيد ميلاد الشركه باسبوعين..واختارها ف الدور والاتجاه ده عشان يقدر يصيب الهدف..
نيجي للصوره ال بعدها.. قبل الجريمه بتلات ايام.. جه حد مخبى وشه.ودخل البرج وطلع للدور ال٢٤. وال عرفناه بعد كده أنه وليد..
نيجي للصوره ال بعدها..وليد دخل الشقه الساعه ٢ و٣٣ دقيقه بالظبط..وخرج منها الساعه ٢ و ٣٤ دقيقه و٢٧ ثانيه.. يعني وليد دخل الشقه وقعد فيها . دقيقه و٢٧ ثانيه بالظبط..
نيجي للصوره ال بعدها. وليد نزل من البرج. وهو بنفس التخفي..وفجاءه جت عربيه وانحرفت عن مسارها..وكانت هتخبط وليد..
ورد فعل وليد كان طبيعي رجع بسرعه ووقع. والكاب وقع وملامح وشه ظهرت.. ولو لاحظنا هنا.. إن اتجاه العربيه جاي مخالف.. ووليد قصاد كاميرا المراقبه بالظبط..!! ونمرة العربيه مخفيه..
مراد وفهد اتعدلو بتركيز..
فهد : بدهشه..يعني قصدك إن كل ده كان مترتب..!!!؟
آدم مراد : هز راسه..ومش بس كده..بصو كويس للصوره دي..!!
دي قطعة ازاز من كاس ويسكي..وكانت موجوده ف الشقه.. وال اتضح بعد كده إن البصمات ال عليها..كانت بصمات وليد..!!مش غريبه إن قطعة ازاز.تفضل ع الأرض كل المده دي..من غير ما حد يجي جمبها. ولا حتى القناص..!!!
مراد : رفع حاجبه..وقال..وطبعا وليد دخل الشقه وقعد فيها دقيقه و٢٧ ثانيه بالظبط. يعني ملحقش يشرب..ولا يعمل أي حاجه..!!
آدم مراد : بالظبط..وكل ده كان مترتب. يعني وليد كان طعم مش اكتر...!!!
مراد : طلع الكارت وبص فيه تاني..
آدم مراد : كشر عينيه..وقال مش فاهم..
مراد : حكي ل آدم كل حاجه عن وليد وفهد وال حصل زمان..
آدم مراد : بص عليه وقال..حرف الW ده اكيد وليد..!!
فهد : بحيره..بس وليد انتحر يا آدم..وكمان شوفنا جثته ف المشرحه..يعني متأكدين انه مات..
آدم مراد : هو فعلا مات..لكن دي اكيد حركه من العقل المدبر لكل ده.عشان يشتت انتباهنا.
مراد : طيب خليني معاك للآخر.. الحرف ده وليد..وحرف الA ممكن جدآ يكون المقصود بيه بابا..طيب وحرف الH..؟ معقول يكون هيكل؟
آدم مراد : بص قدامه وقال..ف أربع احتمالات للحرف ده..
اول إحتمال .. إن الحروف دي تكون مقصود بكنيتنا احنا التلاته.. حوت والديزل وصقر..!!!
تاني إحتمال.. أنه يكون وهم ومالوش اي دليل..
تالت إحتمال أنه يكون هيكل فعلاً بس ده انا استبعده لأن مستحيل حد يبعت رمز إننا نكشفه بكل سهوله..
رابع احتمال.. يكون عايز يوقعنا ف ال حوالينا. زي همس وهارون وهيكل..وعايز يعمل حرب نفسية داخليه. ويشتت تفكيرنا..
مراد : هز راسه باقتناع..وقال بخنقه.. الموضوع كبير جداً ياشباب..!!
فهد : بغضب مكبت..وطبعا وليد كان شغال معاهم.. وبلغهم بكل تحركاتنا..ومن الاكيد أنهم ضحو ب وليد..عشان ياخد إعدام..!!.ويخلينا نصدق إن كدا الموضوع اتقفل بظهور وليد.
مراد : ...........!!!
آدم مراد : بص قدامه وقال..الحركه ال بعدها اكيد.هتكون أكبر..ولازم نكون مفتحين..!!
----------------بقلمي مريم نصار
بعد اسبوعين..
ف نص الليل. صوت فون مراد رن..
فريحه نايمه وفاقت ع صوت الفون..وقالت بنوم..مراد . مراد فونك الخاص بالشغل بيرن..!!
مراد : فاق..ومسح وشه بايديه..وبص ف الفون..وكشر عينيه باستفهام..مدير الجهاز..!!! اكيد ف مصيبه..ورد عليه.. تحت امرك يافندم..!!
المدير : بحزم وجديه شديدة..سيادة العقيد مراد..!!! اجمع حالا انت والحوت والديزل ف اجتماع مغلق..!!!
مراد : هز راسه تمام يافندم..ساعه بالظبط وهنكون قدام سيادتك..وقفل..
فريحه : اتعدلت بقلق .ف ايه يامراد..
مراد : قام بسرعه..وقال مفيش حاجه مهمه ياحبيبتى..نامي انتى..وانا رايح الجهاز مع فهد و آدم ومش هنتأخر..
مراد : طلع التراس واتصل ع فهد وآدم وبلغهم والكل جهز ف ثواني..ونزلو وسط دعوات فريحه ورينو..
بعد ساعه واكتر...ف الجهاز..
غرفة الاجتماعات المغلقه..
مدير الجهاز : بحزم..انا اختارتكم انتو التلاته لأني واثق انكو قد المخاطرة دي..
وشاور ع كل واحد..وقال..انا جمعت بين القوه الحوت.
والذكاء.الصقر. وسرعة البديهة واندماج القوه مع الذكاء.الديزل..
وشغل شاشة عرض. وقال المهمه هي إن.. ده شاب ف اواخر التلاتينات.وزي ما انتو شايفين ف الصور متدرب ع اعلا مستوى. مجهول الهوية.ليه اكتر من إسم. ومحدش عارف إذا كان امريكي او أسترالي أو حتى مصري.
.لكن ال عرفناه بعد كده من المعلومات ال وصلت لينا. انه اساسه من بلجيكا..لكن مش عايش فيها..لانه ديما بيسافر من بلد لبلد..
الشاب ده. كان عايش ف مصر فتره كبيره.وبيتكلم عربي بطريقه سهله جدا. لدرجة إن كل ال حواليه مشكوش للحظه أنه مش مصري. وكان معروف بإسم حيدر.
والبنت ال جمبه دي اسمها شهيره..بنت شابه مصريه ومعروفة بإسم شاهي.
حيدر قدر يخترق عقل شاهي وعلقها بيه. واتفق انه هيتجوزها ويسافرو بلد أجنبي يقضو شهر العسل ويرجعو ع مصر تاني..والبنت.وافقت واتجوزو وسافرو. وشاهي هناك اكتشفت حقيقة حيدر.
..وواضح جدآ انها تعبت كتير عشان توصل لأي جهة امنيه.
.احنا وصلتنا من سنه ونص تقريبا رساله خاصه مشفره من خلال جهات خاصه بينا ف الخارج..
شاهي قدرت توصل ليها.
وبعد فك الشفره.وفيها. إن حيدر ده مافيا متخفي وخطر جدا. وأنها اكتشفت أنه عنده قائمه أسماء بالاغتيالات..من اكبر رجال الأعمال ومناصب هامه ف الدوله..وهيتم البدء ف التنفيذ ف أقرب فرصه..
مراد : كشر عينيه بعدم فهم..وقال سنه و نص؟ بس كدا كتير جدا يافندم..!!
المدير : هز راسه..فعلا يامراد..واحنا اتصرفنا ف وقتها..وبعتنا رجالتنا ف مأمورية سريه..لكن ال حصل مكنش متوقع..وعشان كده انا جبتكم هنا..!!
مراد : بص ل فهد و آدم..وبص للمدير..واحنا تحت امرك يافندم..
المدير : بتنهيده..احنا بعتنا زميلكم العقيد أكرم..!!! وللأسف......!!!
فهد ومراد اتعدلو بقلق..!! وهمسو.اكرم..!!!!؟
آدم مراد كشر عينيه بتركيز..
مراد. : بلع ريقه بتوتر..وقال.. أكرم..!! حصله حاجه؟
المدير : مط شفايفه وهز راسه.وقال للأسف محدش يعرف حاجه..اكرم اختفى ومحدش عارف يوصله..
آدم مراد : بهدوء.ممكن تفاصيل اكتر..!!
المدير : بالتأكيد..وبدء يشرح..وقال..من سنه ونص. كلفنا أكرم بالمهمه..وسافر هو واتنين معاه العقيد حسن والرائد نادر.وانا بنفسي متابع التفاصيل لانها قضيه مهمه.ووصل لبلد اجنبي..وراقب شاهي كويس جدا. وجمع كل الخيوط..وفعلا أتأكد من صحة كلامها.. وإن حيدر شغال مع مافيا خطيره جدا ملقبه بالشياطين ال شغالين ف كل حاجه. ومبيهابوش حاجه ابدا.. لدرجة أنهم بيقتلو ف وضح النهار..
ولما اكرم وصل ف قلب المنطقة ال موجود فيها حيدر ومساعدينه..كانت للأسف الشبكه ضيئله جدآ..وصعب أننا يوصلنا اي اشاره من العقيد أكرم..وده طبعا بأن حيدر متحكم ف كل حاجه..
ولما اكرم يجمع معلومات. يسافر لبلد قريبه مسافة ساعه ونص تقريبا..عشان يلاقي شبكه ويقدر يبلغنا بالجديد..وأنه اتعاون مع شاهي..وهيبلغنا بكل جديد..لكن آخر رساله مشفره جت من أكرم كانت من ٦ شهور و١٢ يوم بالظبط..وبعد كده اختفى تماماً..ومنعرفش عنه حاجه..الرساله بتقول. إن شاهي قالت إن حيدر كشفها..وتاني يوم كانت شاهي مقتوله.. وإن اكرم هيحاول يوصل ل حيدر بطريقته..ويا يرجع بالقايمه..يايرجع جثه..ومن وقتها مفيش اي جديد..
انتظرنا فتره وبعد كده بعتنا قوه من معارفنا بره مصر..تدور ع أكرم وحسن ونادر ف نفس المنطقة.. وللأسف مفيش أي أثر ليهم.لكن...!!!
مراد وفهد بقلق واضح..
مراد : بخوف..لكن ايه يا فندم..!؟
المدير : بتنهيده..من اسبوع واحد بس. رجالتنا بره مصر قدرو يوصلو ل نادر و حسن..وكانو مصابين.. الرائد نادر فقد جزء من كف أيدو. والعقيد حسن شرخ في الجمجمة. آثر حادث وضرب نار أثناء هروبهم من المنطقة..
العقيد حسن هيشرحلكم ال حصل..
العقيد حسن دخل..وسلم عليهم وقعد..وقال.. المنطقه هناك كلها مليانه حرس بسلاح..تشبه الوكر ال مليان بلطجيه بالظبط..او نقدر نقول انها منطقه مخصصه للاتفاقات ال من النوع ده..مفيش شارع تعرف تمشي فيه غير لما يتفتش.ويبقى حظك حلو لو عديت وملقتش حد موجود..كانت بتحصل بس من النادر. وكان احسن وقت هو من الساعه ٦ الصبح لحد ٨ دول بس الساعتين ال بينامو فيهم لحد ما الحرس التاني يبدل ورديته. المهم احنا بعد ما اكتشفنا إن شاهي اتقتلت..فكرنا ف طريقه اننا ندخل وسط المافيا. والعقيد أكرم هو ال اختار أنه يقوم بالمهمة دي..ولقب نفسه ب ويليام..
وكان ف بار ديما حيدر بيروح يسهر فيه..لما راح البار . اكرم دخل وراه.يوم واتنين..وف اليوم التالت وبعد ساعه و٢٨ دقيقه من دخول اكرم البار بالظبط..كان اكرم خارج بسرعه كبيره..وقال الكلمه السريه بتاعتنا..وال معناها إن القايمه معاه. وفجاءه.. أكرم اختفى. واحنا اتكشفنا..ومفيش خمس دقايق. ولقينا هجوم كانها حرب. وطيارات وغاز مسيل للدموع..وضرب نار. واحنا هربنا ونادر اتصاب ف ايدو..وانا اتصابت والعربيه اتقلبت بينا. ونادر حاول ع قد ما يقدر ونقلنى المستشفى. وقعدنا فتره كبيره واتعالجنا. والجهه قدرت توصل لينا.ورجعنا ع مصر
مراد وفهد. و آدم قلبهم بيغلى ع أكرم..
المدير : بحزم..مهمتكم ترجعو ب اكرم حي او ميت..وبقائمة الاغتيالات..
فهد : بتوعد. اطمن يافندم..وهيدفعو التمن..
المدير : انتو هتتحركو بعد اسبوع من تاريخ اليوم..
انا متأكد من كفائتكفم..ولاني عارف إن هناك مفيش شبكه وصعب توصلنا أي اشاره. ف انا اختارت العقل والذكاء مع القوه..وانتو معاكو حرية التصرف ف المهمه دي.اعملو ال انتو عايزينه معاكم الحريه الكامله.. لكن المهم عايز نتيجه يا أبطال..
الكل قام وخرجو من الجهاز...
مراد وفهد وآدم ماشين جمب بعض وسرحانين ف المهمه...
مراد وقف مره واحده وقال باستفهام معقول تكون رساله مشفره من أكرم...!!!؟
فهد : بعدم فهم..ف ايه يامراد؟ وصلت لفكره؟
مراد : طلع الكارت بسرعه.وشاور ع الحروف.وقال بصو كويس..
آدم وفهد بصو للكارت..
فهد : كشر عينيه..وقال تقصد إن حرف ال W هو ويليام..!!!؟
آدم مراد : وحرف ال A هو اكرم وعلامة الاكس أنه ف خطر..!!!؟
مراد : بتفكير..وحرف ال H اكيد حيدر....!!! -------------يتبع
الاكثر قراءة هذا الشهر :
موعد الحلقة الجديدة الساعة 8 م يوميا ان شاء الله .
هنا تنتهى احداث رواية جريمة عشق 5 الفصل 14 ، يمكنكم اكمال باقى احداث رواية جريمة عشق الجزء الخامس الفصل 15 أوقراءة المزيد من الروايات المكتملة فى قسم روايات كاملة .
نأمل أن تكونوا قد استمتعتم بـ رواية جريمة عشق الجزء الخامس ، والى اللقاء فى حلقة قادمة بإذن الله ، لمزيد من الروايات يمكنكم متابعتنا على الموقع أو فيس بوك ، كما يمكنكم طلب رواياتكم المفضلة وسنقوم بوضعها كاملة على المدونة .