رواية جريمة عشق الجزء الخامس الفصل العشرون 20 | روايات مريم نصار

  نقدم اليوم احداث رواية جريمة عشق الجزء الخامس مملكة ميراث العشق الفصل 20 من روايات مريم نصار . والتى تندرج تحت تصنيف روايات رومانسية ، تعد الرواية  واحدة من اجمل الروايات رومانسية  والتى نالت اعجاب القراء على الموقع ، لـ قراءة احداث رواية اسيرة العادات والتقاليد كاملة بقلم مريم نصار من خلال اللينك السابق ، أو تنزيل رواية جريمة عشق 4 pdf كاملة  من خلال موقعنا .


رواية جريمة عشق الجزء الخامس الحلقة 20 | روايات مريم نصار



 مملكة ميراث العشق الفصل العشرين


فصل ١١ ج 1

رواية جريمة عشق 5
(مملكة ميراث العشق)

اللهم اجعلني مباركًا
أينما كنت ، وتولّني
بفرحي وحزني ، واجعل
لي من لدنك رحمة ،
واغفرلي واعفُ عني ،
واصلح لي شأني

و اجبرني يا الله
كأني لم أُكسْر يوماً ،
و دَاوني يا الله كأني
لم أُجرَح أبداً ، و أعنّي
يا الله و لا تعن عليّ ،
و أعزّني و لا تكلني
لغيرك يذلني ... بيدك الأمر وحدك تعز من تشاء وتذل من تشاء ...
وَﺇﺟﻌَﻞ ﺣﻴَﺂﺗِﻲ ﻭ ﺣﻴَﺂﺓ ﺃﺣِﺒﺘِﻲ وكل من يقرأ ﻧُﻮﺭ ﻋﻠﻰ نور..

================================

بسم الله نبدأ.

أسم الكاتبة الحقيقي : شريهان ابراهيم.
الإسم الحركي للكاتبة : مريم نصار.

فيلا العدوي..

ف جنينة الفيلا وسط الشجر..

آدم : قاعد وجمبه أميرته..بيتكلمو مع بعض..

رينو : جت عليهم..وقالت..بابتسامه.. صباح الخير..

آدم ومريم..بابتسامه..
صباح الخير ياحبيبتى..

رينو : بصت حواليها..وقالت. مامي..فريحه وباقي العيله فين؟ مفيش حد جوه غير الشغالين؟

مريم : بابتسامه صافيه..فريحه راحت ع العياده. وريتال ع الشركه. وزين سافر يانور عيني. وتمارا زي ما انتي عارفه عند نور لحد ما آريان يرجع بالسلامه..ما انتي عارفه من امبارح..لحقتي نسيتي يانور عيني.؟

رينو : حطت ايدها ع جبينها.. ايوه صح..انا ازاي نسيت.؟ راح عن بالي خالص..ربنا معاهم ويرجعو بألف سلامه..
وبصت ل آدم وقالت بترجي..
بابي بما إن آرين ف الجامعه. و آركان كمان في جامعته..انا محتاجه ارجع العياده..ممكن؟ لأن ف حالات كتير بتتصل كل يوم ع العياده..

آدم : هز راسه بتفهم..وقال..
ماشي ياحبيبتى.. شوفي عايزه تروحي امتى.؟والسواق والحرس هيكونو. معاكي..

رينو : ابتسمت..وباست ع راسه..ربنا مايحرمناش منك ولا من وجود حضرتك ف حياتنا..انت ومامي حبيبتي ست الكل..
لكن بعد إذنك..مش لازم الجارد كفايه السواق..!!

آدم : بهدوء.. لأ. كدا افضل للكل. والحرس هيكونو معاكي لحد ما ترجعي ع البيت.. تمام..!!؟

رينو : بابتسامه..ال تشوفه حضرتك.. انا لازم امشي دلوقتي..!!

آدم : تمام..واتصل ع الجارد ونبه عليهم يفتحه عينيهم كويس..وبنته تكون ف أمان..

مريم : ربنا معاكي يارينو يابنتي..

رينو : حبيبتي يا مامي..وسلمت عليهم.. بعد إذنكم..ومشيت..

مريم : ل آدم بعتاب..ليه وافقت إنها ترجع العياده يا آدم..!؟

آدم : بهدوء..كدا احسن ليها.. طول ما هي حابسه نفسها. هتفضل زي ما انتي شيفاها كدا..لكن هي هتنسى مجرد ماتندمج ف الحاجه ال بتحبها..وهتبدأ ترجع لطبيعتها..

مريم : بتنهيده..ربنا معاهم..ويوفقكم ياولادي اينما كنتم..

آدم : ابتسم..وقال بمكر..طيب وانا..ماليش نصيب من الدعوه الحلوه دي يا أميرتي.؟

مريم : بتنهيدة حب..أنت..!!! ده انت دعوه ف كل سجده يا آدم..!!!

آدم : باس ع راسها..وقال..وانتي راحه بعد تعب.. ياقلب آدم..!!!

Автор: Меріам Насар

------------------بقلمي مريم نصار.

ف الجامعه..

آرين : ف المحاضره.

الدكتور : خلص المحاضره وخارج..

الطلاب بدأت بالخروج..

آرين : بتقفل الكتاب..

وحيد : جه عندها..احم.. آنسه آرين..!!

آرين : لفت ليه بإستغراب..وبعدها اضايقت وقالت بخنقه..افندم مش معقول كدا؟

وحيد : أبتسم..وقال..انا المرادي مش هستسلم.. ممكن اتكلم معاكي..!!؟

آرين : شافت لمار بتضحك عليها بسخريه..وده ضايقها جدآ..
آرين قامت وقفت وقالت بحده..
أسمع ياكابتن انت.؟ انا كل ده ساكته تماماً عشان احنا هنا ف جامعه وجايين عشان نتعلم مش نتكلم..!!
وحضرتك حاولت تكلمني مره واتنين وعشره وانا ساكته..
.لكن لحد كدا وكفايه انت زودتها اوي.. وانا هطلع دلوقتي لمكتب العميد يتصرف مع أمثالك.. وشدت شنطتها وخارجه بغضب..

وحيد : خرج وراها بسرعه.. وجري عليها..وقال..
ثواني بس..انتي فاهمه غلط. انا مش بعاكس. وحتى لو بعاكس ده من حقي لأن جمالك هو إلي يجبرني على كدا..
وبعدين انتي ال مش مديالي فرصه اكلمك..بس انا لازم اكلمك وهتقفي وهتسمعيني ممكن..!!

آرين : زعقت. أنت واحد قليل الذوق..واكلمك بتاع ايه يااستاذ انت؟ كنت أخويا ولا قريبي؟
لو سمحت خلي عندك شوية زوق ومتحاولش تتكلم معايا تاني.
.انا لو بس قولت لحد من عيلتي أو لأخواتي هنا ف الجامعه..صدقني مستقبلك التعليمي هيتدمر ومش بعيد كمان يبقى الله يرحمك..!!

وحيد : ضحك بتعجب..للدرجادي؟ بس انا بقى مبخفش من أي حد..
وانتي واخده ف نفسك مقلب جامد..ايه يعني لما نقف نتكلم مع بعض؟ هخطفك مثلاً؟ ولا الدنيا هتتهد..؟
وبعدين انتي يوم ما تكلميني تتكلمي عن عيلتك انها هتدمر مستقبلي؟
وده بقى إن شاء الله اعتبره تهديد..!!!

مصطفى : من وراه.. بحزم..اه اعتبره تهديد.. ولو مش مصدق اوريك بروڤا صغيره من ال ممكن يحصلك..!!!

آرين : فرحت..وجريت وقفت ورا مصطفى.

حامد : نفخ بنفاذ صبر.. ومردش..

مصطفى : بغضب مكبت..عمل ايه الأخ يا آرين؟

آرين : بغيظ..بصراحه بقى يا مصطفى. الشخص ده معايا ف نفس الدفعه..و كتير جدا بيحاول يكلمني.جوه المدرج وف حرم الجامعة كمان..وانا مردتش عليه..وقولت اكيد هيعرف ويفهم اني مش من النوع ده..لكن هو مصمم يكلمني..وقبل كدا سألني عن عنوان البيت.ودلوقتي عايزني أقف معاه بالعافيه.. إنسان مستفز...!!!

مصطفى : رفع حاجبه وقال..عنوان البيت مره واحده؟
طيب ياحلو بما أنك شاطر ولماح..وعينك منها اوي كدا.؟
اكيد أنت عارف إن آرين ليها أخواتها هنا..!!
اللي هو آسر الصاوي. وانا اللي الكل عارفني هنا ف الجامعه..

ده غير إن الدكتور آريان العدوي بيدخل بنفسه ليها المدرج ويطمن عليها..!!! يعني عارف إن نص عيلتها موجوده هنا..!!

آسر : جه بسرعه وسمع الحوار وقال..ماله الاخ.؟ وبص لوحيد وقال..
يعني لو نيتك سليمه..كنت ع الأقل كلمت اي راجل فينا..!! ولا أنت صعب عليك تتعامل مع رجاله..؟

مصطفى : قال بسخريه.. لأ وحياتك يا آسر. هو بس مش راجل عشان كدا..بيتعامل مع الي حاسس انه زيهم.. مش كدا يالا..!!؟

آرين : نفخت بأريحية.واطمن لوجودهم جمبها.!!

وحيد : بخنقه.. جرا إيه ياشباب..ليه الغلط ده؟ وبص ع آرين..
..ايه يا آنسه آرين..انا كنت عايز أستاذنك واخد منك الملزمه بتاعتك انتي ال فهمتي غلط..

مصطفى : حط ايدو ع كتف وحيد..وقال بتريقه.. لأ وحياة أمك؟ صدقتك يالا..
مشكلتك إنك وقعت معانا.. ومعايا انا شخصياً..وجتلي ف وقتك..عشان بصراحه كدا..عايز اضرب حد..!!!

وحيد : بلع ريقه بتوتر..وقال..ليه بس كده ياكابتن. اء..انا هكدب عليك ليه؟

آرين : بغيظ وتذمر..انت فعلاً إنسان كداب.. وربنا هيولع فيك ياكداب.. ياكداب..!!!

وحيد : خلاص يا آنسه..انا آسف..عموما ياشباب حصل خير.. وهي زي اختي..

آسر : ببرود..بس هي مش أختك..

وحيد : من جواه اضايق..وقال..طيب ماهي مش أختك برضه..ولا انتو بتحبو تعملوا شو..!!!

مصطفى : حدف الكتاب ع الأرض وهيضربه..

آسر : مسك أيد مصطفى..وهز راسه لأ..!! ونزل ايد مصطفى..
ولف ل وحيد..وابتسم ببرود..وبيعدل ياقة القميص لوحيد..وفجاءه آسر ضربه روسيه ف راسه..

آرين : شهقت وحطت ايدها ع بوقها بصدمه..

وحيد : اتفاجيء بالضربه.واتألم.وراسه لفت..

آسر : بصوت واطي..وحياة أمك..لو حاولت حتي تتكلم بينك وبين نفسك..قول ع نفسك يارحمن يارحيم..
دي بالذات ابعد عنها.. أنت لو تعرف مين ال موصي عليها. أنت مش هتطلع من بيتك ولا هيطلع عليك شمس..!!
وخلي بالك عينيا عليك قبل منها..اشتري نفسك يابن الناس باين عليك إنك مش بتاع مشاكل..عيش واتعلم وشوف مستقبلك..
وهمس ف ودنه..وقال بص هناك كدا.؟وشاور بعينيه.

وحيد : ماسك راسه..ورفع عينيه لإشارة آسر.. وشاف تلات شباب حرس شخصي..وجسمهم مبالغ فيه.. وحيد اول ما شافهم..تنح وقلبه وقع ف رجليه..

آسر : بابتسامة نصر..قال..اهو التلاته دول بقى..حرس شخصي ل آرين السيوفي.. وانا اللي منعتهم اول ما شوفتك..
ولو انا مجتش ف الوقت المناسب..كان زمان الجامعه كلها بتقرا ع روحك الفاتحه...

أقسم بالله هو لو شم خبر باللي انت عملته معاها.. لا يقتلك..
ايوه هيقتلك أصله معندوش حاجه اسمها تفاهم..
فاهم ياااا...
وبص ع الكارنيه..وقال..ياوحيد.. ولا انت مصمم تبقى وحيد فعلا..!؟

مصطفى : من بين أسنانه بغيظ.. اسمع يالا..اتعلم وكل وعيش..بدل ماروحك توحشك..فااهم؟

وحيد : بلع ريقه بتوتر..وقال..اء.. أنا آسف ياكابتن..وبص ل آرين.. آسف يا آنسه..وصدقيني مش هتقرر تاني.

آرين : هتتكلم......!!!!

مصطفى : بصلها بتحذير..

آرين : سكتت.. لأنها أول مره تشوف ملامح مصطفى جد كدا..

وحيد : مشي بسرعه..وماسك راسه..

آرين : بحرج..ميرسي جدآ يامصطفي..ميرسي يا آسر..

مصطفى : مردش عليها..وعيونه ع چود ال جايه عليهم... ونفخ بخنقه..

آسر : أبتسم..ميرسي ع إيه يابنتي..اسمعي يا آرين الله يكرمك لو اي حد ضايقك بلغي أي حد فينا..

آرين : هزت راسها..حاضر . حاضر يا آسر..

چود : جت عليهم. ومتغاظه..وعندها حالة تعجب من رد فعل مصطفى معاها..لكن قالت.. إيه ياجماعه ف إيه؟

آرين : هقولك بعدين ياچود لكن انتي فين من الصبح؟

مصطفى : بخنقه.. انا ماشي..

چود : رفعت عينيها ليه.. واستغربت واضايقت..

آسر : كشر عينيه.. ماشي؟ رايح فين؟ أنت قولت إنك عندك محاضره كمان..

مصطفى : جاب الكتب من الأرض..واتعدل. وبص ل چود بغضب..وقال...
بناقص المحاضره..بناقص التعليم كله..الواحد اتخنق..سلام..وسابهم وماشي..

آسر : بتعجب.. اله. ماله ده كمان..وبص للبنات..وقال..
هروح اشوف ماله..وراح وراه خد يامصطفي..استنى يبني..!!

چود : نفخت بخنقه..

آرين : بتعجب..اله ماله مصطفى؟ دي اول مره يكون مكشر كدا؟ معقول يكون كل ده عشان اللي إسمه وحيد ده ضايقني؟

چود : بغيظ..معرفش..المهم بقى.. قوليلي في إيه؟

آرين : اوكي هقولك..............!!!

آسر : جري ورا مصطفى..وقال أنت ياعم انت..مالك ماشي ف وشك ليه؟ماتهمد بقى وتقف..

مصطفى : وقف..وقال بخنقه..ف ايه يا آسر..واحد مروح البيت فيها ايه؟ جريمه؟

آسر : لأ مش جريمه ولا حاجه..لكن غريبه..!!

مصطفى : لا غريبه ولا حاجه. انا عايز امشي..

آسر : لأ غريبه.. لأننا اول مره نشوفك مخنوق كدا..

مصطفى : مسح وشه وشعرو.. وضحك بتمثيل..ياعم مخنوق فين..انا بس اضايقت من إبن التيت ده.. شوفت الواد بارد إزاي؟ لأ ورايح يكلم إللي ديزل المخابرات موصي عليها بنفسه..عايز يموت بسرعه شكله كدا..

آسر : بتفهم. ماشي هعمل مصدقك..بس فعلاً انا لحقت الجارد ف آخر لحظه..كانو رايحين يقرقشوه.. ده آدم لو شم خبر بس ممكن يسيب المهمه ويرجع.. أنا مش ناسي..لما جالي الشركه يوم سفرو ومعاه الحرس ده..ونبه عليا إن آرين لازم تكون في أمان.. بجد انا مشوفتش حب كدا..

مصطفى : رفع عينيه ع چود..وقال بتنهيده..حب..!!!

آسر : بص ع نظرة مصطفى..وشافه باصص ع چود..وابتسم بتفهم. وقال.. أيوه حب.. وده اجمل شيء في الحياه..

مصطفى : بنفاذ صبر..بقولك ايه؟
..كفايه كلام إنشا..انا عندي مشوار مهم..ولازم أمشي..هشوفك بليل سلام.. ومشي..وقلبه بيدق بخنقه..وبيلعن في كل حاجه..وعايز أي طريقه يخلي چود تعترف بحبها ليه..

آسر : نفخ بتنهيده..وبص للسما..وقال. ياترى هتتعبي قلبي انتي كمان ياحياة.؟ ولا هتفرحي بحبي وتعوضي قلبي في الحلال...!!!

چود : بخنقه.. إبن الجز..*ه عايز يكلمك؟ ليه فاكرها سايبه..
وكملت بغيظ.. وقالت..هو ف ايه بالظبط؟ كل واحد يعجب بواحده.. يقولها اقفي كلميني.. هو مفيش أي احترام للبنت..
وانتي مااتصلتيش عليا ليه؟ كنت جيت ربيته. وعرفته مقامه صح..!!

آرين : ههههه خلاص بقى ياچود الموضوع عدا ع خير..

چود : عينيها ع مصطفى الي ركب العربيه وخارج من الجامعه..واتغاظت اكتر واتخنقت أنه مشي..
..وقالت أنا رايحه المحاضره..وهنتقابل في الكافتيريا..سلام.ومشيت تلعن في مصطفى..!!

آرين : بتعجب..هي چود مالها..؟..دي مضايقه اكتر مني.. امممم هعرف بعدين.. دلوقتي بقى اروح المعمل..وبتلف..
واتخضت من لمار الي واقفه وراها ومربعه أيديها ونظراتها كلها شماته..

لمار : بسخرية..تؤ تؤ ياحرام.. ليه بس كدا يا آرين.معذبه كابتن وحيد معاكي ليه؟

آرين : بصت ل لمار بصدمه..وقالت. لمار..!! انتي بتتكلمي بالطريقه دي ليه معايا؟

لمار : بغيره مكبته.. أبدا ياحبيبتى..انا بس عايزه مصلحتك..
وبدأت تلف حواليها وتتكلم وقالت..
انا شايفه إن وحيد من بداية الترم.وهو عينيه عليكي..

آرين : بخنقه.. وانا مالي بقى عينيه عليا ولا على غيري..المهم أنا ماشيه صح..ومبعملش حاجه غلط..

لمار : بمكر..طبعا طبعا..وانا قولت إنك بتعملي حاجه غلط؟ امممم بس آدم يعني....!!!!

آرين : صكت ع أسنانها بغيظ مكبت..وقالت.. لمار..الزمي حدودك في الكلام معايا..انتي من فتره وطريقتك كلها غريبه..وبتلمحي تلميحات انا يستحيل اقبلها..
.وبما إن تفكيرك فيا وصل بالطريقه دي.. يبقى إحنا من البدايه مكانش في صداقه بينا.. لأن الي انا اعرفه عن الصداقه غير كدا..
.يبقى من الأفضل. انتي في حالك من اللحظه دي وانسي إنك كنتي تعرفيني في يوم..
وبصت ف عينيها بقوه وقالت...
مش آرين بنت فهد السيوفي..اللي تيجي في يوم واحده بتجبر أهلها على تصرفاتها الغلط.. وتيجي تلمح عليا بكلام مالوش لازمه..انتي فاهمه؟ وسابتها ومشيت..!!!

لمار : صكت ع أسنانها بغيظ واضح..وقبضت ع أيديها ونظراتها كلها شر. وقالت انتي الي جبتيه لنفسك يا آرين..اصبري عليا..!!

ريتاج : جت..هاي لمار..يلا بينا على المعمل؟

لمار : بغيظ..مردتش عليها..وسابتها وركبت العربيه..وخرجت من الجامعه متنرفزه..
وطول الطريق تتوعد ل آرين وبتفكر إزاي تتنقم منها..
وبصت ف المرايه..وشافت عربيه متفيمه ماشيه وراها..واستغربت..وداست بنزين وزودت السرعه.. والعربيه وراها..
فجاءه العربيه سبقت لمار ووقفت قدام عربيتها..

لمار : فرملت..وقلبها دق بخوف كبير..

جارد آدم مراد..نزل من العربيه..وخبط ع ازاز لمار..

لمار : بتنهج بخوف..وفتحت ازاز العربيه.
.برعشه.وخافت من حجمهم المبالغ فيه.
وقالت برجفه...اء..انتو مين..!!!

جارد : ضخم جدآ..قال بأسلوب تهديد.. لو اتعرضتي ل آرين هانم في طريق أو قربتي تاني منها..قولي ع نفسك يارحمن يارحيم...
وطلع ازازة ميا نار..وفتحها ودلقها ع الأرض وعملت دخانه..

لمار : شهقت وفهمت..وهزت راسها برعب..حء...حاضر..والله العظيم ماليش دعوه بيها خالص..

جارد : خبط ع كتفها وقال بتهديد.. شاطره..وعايزك تعرفي إنك متراقبه أي حركه..اتحملي الي هيحصلك..يلا بقى ياشاطره شوفي انتي رايحه فين..!!!
Автор: Меріам Насар

لمار : هزت راسها برعب..وشغلت العربيه ومشيت..

الجارد : ركب العربيه..وقال للسواق.ارجع ع الجامعه.

------------------بقلمي مريم نصار..

ف بريطانيا.. ف الجامعه..

تيم : رايح على المحاضره..وفتح فونه..وركب شريحه برايڤت..
وبعت مسج وابتسم بمكر.. وقفل الفون..ودخل المحاضره..

عند كامليا..

داخله اوضتها..وبتغنى..وسمعت صوت رساله..وفتحت الفون.. وقالت..ايه ده..مين بعتلي مسج..
وفتحت الرساله..وقرتها.
.(اهلا كامليا المغتصبه..ياترى بقى لسه فكراني.؟) وياترى فاكره الي حصلك في اليوم ده..!!!؟

كامليا : فتحت عينيها بصدمه..وصكت ع أسنانها بغضب شديد..وافتكرت العذاب الي شافته..وصرخت بجنون وهستريا..وحدفت الفون ف المرايا..وشريط اليوم ده اتقرر قدام عينيها..ودخلت في حالة هيستريا..
والشغالين طلعو ع صوت الصريخ..وكتفوها لحد ما اغمى عليها..!!!!

------------------بقلمي مريم نصار.

ف ألمانيا..

ف غرفة الاجتماعات..

زين : قاعد وجمبه آريان وحامد.. ونص الحرس واقفين وراهم..بأمر من زين.. وباقي الحرس قدام غرفة الاجتماعات.

المدير الفني واسمه لويس : بتعجب ورهبه.. مرحباً مستر زين. سُررت كثيراً بلقائك..

زين : بعدم اهتمام وثقه قال...
بالطبع..!!! لأن لقاء زين العدوي دائماً متميز مستر لويس..!!

لويس : بص ع الحرس وبلع ريقه بتوتر..وابتسم.وقال. بمزاح.. لماذا كل هذا العدد من الحرس مستر زين؟ يبدو انك غاضب جدا..!!!

زين : ضحك وقال.. من الصعب أن يحدث هذا.. لأن غضبي مثل البركان الثائر.. والآن هو خامد.. واتمنى أن لا يثور..
اما عن هذا العدد من الحرس.. فأنا اتنيت بهم إلى ألمانيا لنمرح ونتجول قليلاً..
وكمل بخبث..
. بعد تجديد العقد بيننا.. هل يوجد عندك مشكله مستر لويس؟

لويس : عدل الكراڤت وبلع ريقه..وقال.. لا لا يوجد مشكله على الإطلاق..

زين : هز راسه بابتسامه..حسنا.وكمل بمكر.
إذن دعك من كل هذا. فلنمضي العقود لبداية عام جديد بيننا.
.في الحقيقه مستر لويس أبني الدكتور آريان العدوي أتى بنفسه بالأمس ليجدد الاتفاقية معك بدون علمي لانه يحب عمله كثيراً .. وأنت تعلم حماس الشباب وهذا جيد جداً..
ولكن انا أرسلت له رساله خاصه بالأمس أن يذهب الي الفندق ولا يذهب إليك حتى اتي بنفسي.وها انا الآن أتيت لنجدد العقد سويا والاتفاق بيننا..
اين العقود مستر حامد؟

آريان : رفع حاجبه بتعجب وابتسم بمكر ع اسلوب أبوه..

لويس وشريكه ورئيس مجلس إدارة الشركه بصو لبعض. ومش عارفين يعملو ايه؟

لويس : همس لشريكه وقال.. هل فعلا ماقاله مستر زين.. ام هذه خدعة منه؟

شريكه : بنفس الهمس.. لا أعلم..ولكن يبدو على مستر زين الهدوء والاسترخاء..

لويس : بخبث..اممم حسنا. من الممكن أن إبنه آريان لم يمتلك الجراءه ويخبره ماذا حدث بالأمس.. ولكن لايهم.. كل الذي يهمني المال فقط.

حامد : مش فاهم حاجه وحاسس ببلاها..لكن قال.. نعم مستر زين كل العقود معي منذ أمس..

زين : بمكر..حسنا..قدم العقود لمستر لويس.. ودعه يقرأها على مهل..ليتأكد من جميع البنود..
وبص ل لويس بنظرة شر...ومن ثم يتم الامضاء..!!

لويس : وشريكه بصو لبعض ومحتارين..

آريان : قال بغيظ.. معذرة يا أبي لأني أتيت إلى هنا بالأمس..ولكن يا أبي مستر لويس رفض تجديد العقد والاتفاق بيننا وبينهم.. وقال لي أنه وجد فريق عمل وشركه منافسه لنا وامضو معهم تعاقد جديد..

زين : بتمثيل الدهشه.. أحقا هذا مستر لويس؟

لويس : بحرج..أنا أعتذر كثيرا منك مستر زين ولكن مصلحة الشركه فوق الجميع...

زين : مط شفايفه اممم.. بالتأكيد أنت محق.. وأنتم اخليتم بالتعاقد معي دون الرجوع إلي..

شريك لويس : مستر زين نحن.......!!!!

زين : رفع ايدو ليه...وقال..لا أريد مبررات..وانتهى الأمر إلى هنا..
ومسك الملف وحطه قدام لويس بقوه..وقال..حسنا مستر لويس..
ولكن تذكر أن في اليوم الذي اتيت فيه إلى هنا مع الامبراطور للتعاقد معك..كنت أنت في مركز قوه.. وثقه كبيره أنك لن تخلف معنا مادام العمل مستمر. وانت بنفسك وضعت البنود..وانت وضعت هذا الشرط الجزائي..لمن يخل بالاتفاق..

لويس : فتح عينيه بصدمه....

زين : بصوت جهوري للكل..بند الشرط الجزائي والذي وضعه مستر لويس بنفسه..وهو مائة وخمسون مليون دولار لمن يخلف بشروط العقد..!!! والدفع خلال خمسة عشر يوماً..او يرفع الأمر الي القضاء.

شريك لويس : بصدمه كبيره..ولكن هذا مستحيل..!!!

زين : ضحك بسخريه.. لايوجد في قانوني كلمة مستحيل..

لويس : بلع ريقه بصعوبه..وقال مستر زين. دعنا نتحدث ونتشاور في الأمر قليلاً..

زين : ضحك..وقال.. لم يعد الأمر شورى بيننا مستر لويس.. انت رأيت التعاقد مع شركة أخرى.. ونظرت إلى الثمن والعرض المغري. ولكن المال اعمى عينيك عن الشرط المكتوب برغبتك عند التخلي.. ونسيت أمره تماما..
وكم انت محظوظ مستر لويس.. لأني لم اتخذ اي اجراء ضدك..وحينها أسهم شركتك سينخفض بدرجة كبيرة جداً.. فلنحل الأمر بهدوء.. وهذا لمصلحتكم أنتم أولا..
لكن أنا فحتما لم أتنازل عن دولار واحد.. والأمر الآن أصبح في أيديكم..

لويس : بصوت عالي..مستر زين هذا المبلغ ضخم جدآ..وانا لا..!!!!!

زين : بتحذير..انتبه لنبرة صوتك جيداً حين تتحدث مع حليف الامبراطور.. وتذكر جيداً انكم اتخذتم القرار دون الرجوع إلي..

شريك لويس : شد لويس من ايدو يقعد..

لويس : قعد ولعن نفسه لأنه نسي موضوع الشرط الجزائي..او بمعنى اصح فكر إن زين هيتغاضى عن الشرط..

شريك لويس : همس بغيظ.. ماذا سنفعل الآن..!!

لويس : بغضب وحيره.. لا اعلم الأمر خرج من بين يدي..

شريكه : بتفكير..اسمع لويس فلتعتذر من مستر زين ونستمر معه لحين اكتساب حقوقنا بالكامل..

لويس : بتفائل.. نعم انت فعلا محق..

زين : مهتمش ليهم.واتصل ع المحامي التاني..وقال بحزم . أين أنت؟ولماذا تنتظر بالخارج.. فلتأتي لفض العقد الجميع في انتظارك..وقفل.. وبص ل لويس وابتسم..وقال هذا محامي الشركه الخاصة.. أتى معى ومن الجيد أنه أتى..

لويس : مسح وشه بايديه ونفخ بخنقه وقال..مستر زين نحن مستعدون لامضاء وتجديد العقد والاتفاق معك..

زين : ضحك بصوت عالى..وقال..مستر لويس ما الذي دهاك؟ انسيت انك متفق مع شركة أخرى..ومن المؤكد يوجد شرط جزائي آخر..انا حقا مندهش لتصرفك..

لويس بص لشريكه وغمض عينيه ولعن نفسه..

آريان : بثقه.. ومن المؤكد أيضاً أن مستر زين لا يقبل التعاقد معكم مرة أخرى.. نحن لم نعد نثق بكم ثانية..

المحامي..خبط ودخل..

زين : بهيبه وثقه لحامد والي معاه.. ابدؤ باتخاذ الإجراءات القانونية اللازمة حيال هذا التخلي منهم.. وخلال خمسة عشر يوماً..يوجد في حسابي الخاص مائة وخمسون مليون دولار.. وإلا لن تتحملو العواقب..!!

المحامي طلع الاوراق.. ودخل محامي لويس واتفقوا ع كل الإجراءات القانونية..
لويس مجبر يمضي عشان سمعة الشركه.. وشريكه مضى..

زين مضى وع وشه ابتسامه. رغم القلق ال جواه من رهبة المشروع أنه يفشل ولكن ثقته في الله كبيره..

آريان : مضى وجواه خايف جداً.وياترى ايه هيحصل بعد كده..

السكرتيره خبطت ودخلت وقالت بقلق.. سيدي لقد عادت شحنة سيد زين العدوي الي ميناء ألمانيا مرة أخرى..

زين : ابتسم بسخرية ومعلقش..

لويس : كشر عينيه بعدم فهم..وبص ل زين وقال.. ماذا يعني هذا؟

زين : بصله وقال بثقه.. لم يعد للأمر اهميه.. وهذه الشحنه لم يعد لي حاجة إليها.. وأريد الآن ثمن هذه الشحنه...!!!

لويس : خبط ع التربيزه بغضب..وقال أنت تمزح معي..

آريان : خبط ع التربيزه بنفس الغضب وقال بصوت عالى جدا.. في المرة القادمة لن أحذرك أن تخفض صوتك عندما تتحدث مع أبي.. وأنتم الذين خوضتم هذه الحرب ولتتحملو العواقب..
انتم ليس لديكم أدنى مستوى متحضر. وكان من السهل عليكم أن ترسلو الينا عميل للتفاوض معنا أو إبلاغنا بكل الذي حدث.. ولكن انتم ليس لديكم إحترام لهذه الشراكه الذي دامت لسنوات طويلة.. وبعد كل هذا تتطاول وترفع صوتك.؟
انت لا تعرف مع من ورطت نفسك.. إن كنت لاتعرف من هو زين العدوي.. إذن فلتبحث عن اسم الامبراطور آدم العدوي وحليفه زين العدوي..
نحن لا نهاب أحدا..ولا نخاف من أحد.. ومن يبدأ معنا في التلاعب فكتب على نفسه الدمار.. والموت مصيره المحتوم...
ولن أنبه عليك مرة أخرى..عندما تتحدث مع أبي تخفض صوتك وهذا لمصلحتك...!!!

لويس : صك ع أسنانه بغيظ واضح..

آريان : بشر كبير. وقال من بين أسنانه بغضب وتهديد.. فلترسل لنا أموال هذه الشحنه وفي الحال.. وإن لم تفعل؟
سأخرج من هنا على القضاء..وحينها ستمضي سنوات تبني سمعة هذه الشركه من جديد..!!!

زين : ابتسم بفخر كبير من إبنه..وسابه يتصرف...!!

لويس : من بين أسنانه ل زين... اسمعت الهراء الذي يقوله ابنك آريان يامستر زين؟

زين : حط رجل ع رجل..وقال.. أنصحك أن لا تغضب الدكتور آريان.. لأنه سينفذ كل كلمه قالها..

آريان : طلع ملف الصفقه ومضى على عدم استلامها..

شريكه : شاف الحرس مسلحين..وكمان قوة آريان وزكاء زين..وقال.. تمهل لويس ودعنا ننهي الأمر..
وبص ل زين وابتسم بتمثيل.. حسنا مستر زين. نحن مستعدون لتقديم كل أموال هذه الشحنه..فلتنتظر قليلاً..

لويس : بينهج وقعد ع الكرسي بخنقه..

بعد شويه الأمن داخل بشنط الفلوس..وحطوها قدام زين و آريان..

زين : شاور ل حامد..

حامد : شاف الفلوس وضحك بسعاده..وقال كله تمام ياباشا..!!

زين : هز راسه وشاور للحرس يشيلو الشنط..

الحرس شالو الشنط..وواقفين..

زين : قام وقف وقفل جاكت البدله..وقرب من وش لويس وقال بغضب مكبت..
انتظرني بعد ثلاث سنوات من الآن بدأ العد التنازلي.. ل تعرف من هو إبن الامبراطور!!! وسابه وخرج بنفس الهيبه والثقه..

آريان : ماشي جمبه وقال..
ع فكره يابابا.؟ بابا آدم اتصل عليا امبارح بليل..؛!!!

زين : بتحذير اوعا تكون قولتله حاجه يا آريان..؟

آريان : بنفي.ابدا.. أقوله ايه بس يا بابا.. هو اتصل سلم عليا واطمن عليا وقفل..!!

زين : ماشي..وهز راسه.وقال تمام..انا مش عايزه يقلق..

آريان : بقلق..طيب يابابا حضرتك قولتلي هشرحلك بعدين..انا عايز اطمن انا بجد مش عارف انام من امبارح من التفكير..

زين : ابتسم..وقال..هقولك كل حاجه واحنا راجعين على مصر في الطياره يلا بينا..

والكل خرج بره الشركه وبيركبو العربيات..
الجارد فتح باب العربيه ل زين.. اتفضل معاليك..

زين : ركب وجمبه آريان

حامد : ركب عربيه مع المحامي وفتح فونه واتصل..!!!

ف مصر في مكتب آدم..

آدم : قاعد ع المكتب وفونه رن..ورد ع حامد..وقال بهدوء..ها طمني..!!

حامد : بفخر.. لأ سعادتك اطمن جداً..انا عايز اقول لحضرتك إني انهردا كنت قاعد مع نسخه مصغره من الإمبراطور.. حقيقي الباشمهندش زين كان متمركز بنفس حضورك معاليك..

آدم : هز راسه..وتمت ع ايه ياحامد.؟

حامد : ال حصل في الاجتماع معاليك إن مستر زين قال.................!!! وشرح بالتفصيل كل حاجه حصلت ف الاجتماع..!!

آدم : ابتسم بفخر واعتزاز كبير... من ملك السوق القادم زين العدوي..!!!

------------------بقلمي مريم نصار.

عند كامليا..

بعد مافاقت قاعده ف ركن ف الاوضه..وبتهمس بهستريا..انا معملتش حاجه..الديزل.م..مين..مين الديزل؟ لأ عامر انا معملتش حاجه.. لأ ابعدو عني محدش يقرب مني..محددددددش يقرررررب منننننني....!!!

جامعة. (أوكسفورد Oxford)

تيم : خارج من المحاضره..وطلع فونه عشان يتصل ع ميرو .
لكن جت بنت اجنبيه دفعة تيم في الرساله.. وقالت بابتسامه.هاي..

تيم : انتبه..وابتسم بعفويه..هاي..

البنت انا ماري وانت تيم صحيح؟

تيم : بتعجب..نعم هذا صحيح..هل يمكنني المساعده؟..

ماري : مدت ايدها تسلم عليه..وقالت . لأ شيء ولكن أنا سُررت بك كثيراً.. واتمنى أن تكون صديقي المفضل..

تيم : تنح..ها؟ صديقك المفضل..!!

ماري : بتعجب..هاي تيم فلتصافحني..

تيم : بحيره..وبعدها قال. معذرة ولكن أنا لا اصافح النساء..!!

ماري : نزلت أيدها..وكشرت جدآ بتعجب وعدم فهم..وقالت .. ماذا تقول يارجل؟

تيم : بهدوء أنا أعتذر كثيرا..ف انا لدي زوجه أحبها. ولن يصلح لنا أن نكون اصدقاء..

ماري : ضحكت بتعجب..ماذا..!!! هل انت مجنون؟ دعنا من كل هذا..ف أنا حقا معجبة بك..واريدك معي بعض الوقت..

تيم : نفخ بخنقه..وقال وبعدين ف الورطه دي بقى؟

ماري : باستفهام..!!!؟ ماذا تقول؟

تيم : بنفاذ صبر..لا شيء ولكن معذرة انا سأذهب الآن..

ماري : مسكت ايدو بسرعه وقالت..انتظر لا تذهب يارجل..انا حقا اريدك..سنخرج قليلاً.وسنقضي وقتا ممتعا في الديسكو..

تيم : لسه هيرد وهيسحب أيدو..لكن تنح بزهول.. مريم...!!!

ميرو : عينيها ع أيد ماري ال ماسكه ايد جوزها..!!! وقلبها بدأ في مرحلة الغليان...!!!

تيم : سحب ايدو بسرعه..واتلخبط..!!!

ماري : استغربت..وقالت..ماذا بك؟ هل تعتقد ما تفعله
بأمر طبيعي؟

تيم : عينيه ع ميرو...ومصدوم..

ميرو : بغيره كبيره واضحه.زقت تيم وهي وقفت قدامها..وردت عليها وقالت بغيظ..
ميرو : وماذا كنتي تنتظري من رجل متزوج؟ أن يبادلك أطراف الحديث. وان يوافق على عرضك له؟

ماري : بصت ع ميرو باشمئزاز لانها محجبه وقالت. ل تيم هل هذه زوجتك؟ غير معقول؟

ميرو : بصت ل تيم..وعيونها لمعت بدموع..وسابتهم واتحركت بسرعه..

تيم : كان أسرع منها ومسك ايدها..وقربها منه..وقال بفخر.
نعم هذه زوجتي هذه فخري وسعادتي.. وهي أيضاً قبلتي..!!!

ميرو : قلبها دق بقوه.. وضحكت بدموع..

ماري : بإعجاب كبير..اوو من الواضح أنكم تربطكم علاقة حب قويه..أليس كذلك؟

تيم : شبك كف أيدو ف أيدها..وقال بغرام.. ليس حب فقط..بل أنها مسيرة حياة. انها أطياف روحي وسُكناي..!!

ميرو : اتنهدت بأريحية كبيره.وضغطت على أيدو.وضحكت بسعاده..

ماري : ابتسمت بحب وقالت... يا إلهي كم هذا جميل جدا.. أود لو التقي بنصف هذا الحب..ولكن من الصعب إيجاده...اتمنى لكم حياه سعيده.. معذرة فعلي الذهاب.. ومشيت..!!

تيم : نفخ بأريحية كبيره..وقال الحمدلله..

ميرو : ضحكتها اختفت..وشدت أيدها بسرعه وقالت بتوعد..هي كانت ماسكه ايدك ليه ياتيم؟

تيم : تنح..وقال..انا لسه قايل فيكي شعر ع فكره..تقولي ماسكه ايدي ليه؟

ميرو : صكت ع أسنانها بغيظ واضح..وقالت.. اه شعر يسي تيم..
لو عجباك روح ليها. دي حتى عينيها زرقا و شعرها اصفر ولابسه ع الموضه وسابته ومشيت تلعن فيهم..!!!

تيم : ببلاها.. اومال انا بقول لمين سُكناي دلوقتي؟..
وبعدها ضحك ع غيرتها..وراح وراها يصالحها.. يامريم..مريييم ردي عليا..والله حرام عليكى..

ميرو : ماشيه بسرعه..وقالت بصوت غضبان..انا برضه الي حرام عليا؟ واقف معاها وبتتكلم وضحكتك ماليا وشك..اه معلش بقى انا جيت قطعت عليكم..

تيم : ضحك من قلبه..وجري بسرعه مسك أيدها. ومشي جمبها.. وقال في ايه بس ياميرو انتي عارفه إني ماليش زنب والله..وبعدين انا قولتلها اني متجوز قمر ماينفعش ابص لغيرها أبدا..

ميرو : وقفت وكشرت عينيها بغيظ..وقالت وايدها اللي كانت ع إيدك دي ها؟ ولا انا شوفت غلط؟

تيم : كتم الضحكه.. لأ انتي صح طبعا. لكن والله انا لسه كنت هسحب أيدي ولقيتك قدامي..
وبعدين هو زنبي اني زي القمر يعني وبتعاكس.؟ وغمز

ميرو : بتتنفس غيظ وغيره..وقالت لأ مش زنبك يادكتور..روح اجري خليهم يعاكسوك.. بعد إذنك.. وسابته ومشيت..

تيم : يامجنونه.. وراح وراها..

ميرو : خارجه من باب الجامعه..

تيم : شاور لتاكسي.وبيضحك ع نرفزتها...ومسك أيدها غصب عنها.. وفتح ليها باب العربيه..وقال اتفضلي ياروح قلبي..

ميرو : صكت ع أسنانها من بروده..وركبت العربيه وقفلت الباب..

تيم : لف وركب جمبها..وقال للسواق.. أريد أن أذهب إلى مطعم فخم للغايه..

السواق : ابتسم حسنا..واتحرك بالعربيه..

ميرو : بغيظ..انا عايزه ارجع على البيت لو سمحت..

تيم : شبك ايدو ف أيدها..وقال. تيمو عازمك على أجمل غدا..وبعدها نروح السينما ونرجع ع البيت..

ميرو : بصتله..تيم انا مخنوقه جدآ ع فكره..

تيم : بتنهيده..انا آسف..بس ال حصل كان سوء تفاهم والله العظيم..وانا قولتلها إني متجوز.. ولو كانت هتتكلم اكتر انا كنت هوقفها عند حدها.. وبعدين انتى مش واثقه في تيمو حبيبك؟

ميرو : كشرت عينيها بغيظ..ايه ال جاب الغيره للثقه دلوقتي؟
تيم : بضحكه.. أجمل غيره من أجمل مريم عزيز في الدنيا..اضحكي بقى.. بجد التكشيره دي مش لايقه على قمري..

ميرو : بتحذير..بص بقى بجد لو شوفت أي بنت مقربه منك.. أنا....!!!

تيم : بغمزه قولتلك إني قمر والله..

ميرو : ضحكت ماشي ياعم القمر..بس متزعلش بقى لما تشوف جناني الي بجد..

تيم : لأ شوفته في عينيكي..كان فاضل دقيقه وتطلعي نار من بوقك وتحرقي البنت..

ميرو : بكبرياء..كويس إنك عارف إني ممكن أحرق أي حد يقرب منك..

تيم : بدقة قلب..بعشق غيرتك بعشقك كلك على بعضك..

ميرو : بلعت ريقها بتوتر..

تيم : ضغط ع أيدها..وبعشق ارتباكك..بحبك اوى يامريم..

ميرو : بتنهيدة حب.. وانا بحبك اوى ياتيمو...!!

------------------بقلمي مريم نصار.

في أوكرانيا..

عند مراد في القريه...!!!!! -------------يتبع 



موعد الحلقة الجديدة الساعة  8 م  يوميا ان شاء الله .

هنا تنتهى احداث رواية جريمة عشق 5 الفصل 20 ، يمكنكم اكمال باقى احداث رواية جريمة عشق الجزء الخامس الفصل 21 أوقراءة المزيد من الروايات المكتملة فى قسم روايات كاملة .

نأمل أن تكونوا قد استمتعتم بـ رواية جريمة عشق الجزء الخامس ، والى اللقاء فى حلقة قادمة بإذن الله ، لمزيد من الروايات يمكنكم متابعتنا على الموقع أو فيس بوك ، كما يمكنكم طلب رواياتكم المفضلة وسنقوم بوضعها كاملة على المدونة .
تعليقات



حجم الخط
+
16
-
تباعد السطور
+
2
-