رواية ملتزمة تزوجت من رجل أعمال الفصل السابع والثلاثون 37 - روايات جهاد سعيد

نقدم اليوم احداث رواية ملتزمة تزوجت من رجل أعمال الحلقة 37 من روايات جهاد سعيد . والتى تندرج تحت تصنيف روايات رومانسية ، تعد الرواية  واحدة من اجمل الروايات رومانسية  والتى نالت اعجاب القراء على الموقع ، لـ قراءة احداث رواية ملتزمة تزوجت من رجل أعمال كاملة بقلم الكاتبة جهاد سعيد من خلال اللينك السابق ، أو تنزيل رواية سمائي الزرقاء pdf كاملة  من خلال موقعنا .


رواية ملتزمة تزوجت من رجل أعمال الفصل 37 - روايات جهاد سعيد



ملتزمة تزوجت من رجل أعمال الفصل السابع والثلاثون



الفصل السابع والثلاثون

طبعا. وقفنا المرة اللي فاتت عند عبد الرحمن.
عبد الرحمن. ايووه يابابا. انا. مكنتش اعرف اني خديجه هتعمل عندي الفراغ ده.
ام خديجه. بحزن. فعلا. البيت وحش قوي. بس هنعمل ايه. دي سنة الحياه. من اول ماالبنت بتتولد. واحنا. بنفكر في اليوم اللي هتمشي في من بيت اهلها وتروح بيت جوزها. احنا بنبقي عايزين نفرح بيهم. وبرده مش عايزينهم يبعدو عننا. بس غصب عني. كنت عايزه اجوزها وافرح بيها قبل مااموت. والحمد لله ربنا كرمني وشوفتها في بيت زوجها.
عبد الرحمن مازحا. قصدك في فيلاة جوزها. انا لما شوفت الفيلا. قعدت متنح ليها. ييجي نص ساعه. ومش مصدق خديجه اختي. هتسكن في المكان ده.
ابو خديجه. اهم حاجه تكون مبسوطه فيه. في ناس قاعدين في بيوت بسيطه جدا بس مرتاحين. وفي ناس عايشه في قصور. وتلاقيهم. مش طايقين نفسهم.
عبد الرحمن بجديه. عندك حق يابابا. في ناس كتير. بتنتحر ولما بدور علي السبب بيبقي اكتئاب. علي رغم انهم عايشين في قصور وعندهم عربيات. فعلا اهم حاجه الراحه. والرضا
انتهي اليوم وبدء يوم جديد. وطبعا الروتين. بتاع خديجه قامت قبل الفجر. صلت وصحت زوجها. وصلي بيها امام. وهي كانت فرحانه جدا لاول مرة باسم. يصلي بيها. من بعد الزواج.
باسم. تقبل الله.
خديجه منا ومنكم.
باسم. كنت عايز اقلك علي حاجه.
خديجه. اتفضل.
باسم. ماجد صاحبي كان عايز يتقدم. لسميه. عايزك تكلمي سميه. وتشوفي رايها.
خديجه. بأذن الله. هتكلم معاها. بس هي عايزه زوجها يكون ملتزم. هو اخباره ايه.
باسم بجديه. خلاص انا هتكلم مع ياسمين وهي تقول ليها.
خديجه باستغراب. ليه بتقول كده هو انا قلت حاجه. غلط
باسم. من الافضل. هي تشوفه وبعد كده. تعرف كل. حاجه. هو بدأ معايه. بفضل الله. والحمد لله بدانا في حفظ القران. وطبعا. مواظب علي الصلاه. وادينا ماشين علي الطريق ربنا يثبتنا.
خديجه بسعاده. اللهم امين. عايزني اكلمها ولا ياسمين.
باسم بجديه. بصراحه مش عارف.
خديجه. كده كده. هتعرفني. هكلمها انا واعرف اتفاهم معاها بمعرفتي.
باسم بجديه. عارفه لو مكنشي غالي عليا جدا مكنتش خليتك تجيبي سيرة راجل علي لسانك.
خديجه بضحك. هو انا نطقت اسمه. ده حتي اخواتي مبقتشي بنطق اسمهم بسببك. ايه الغيره الغريبه دي.
باسم بضيق. هو انا كده بغير. قاعد وبكلمك عن مواصفات راجل. ده انا هولع بس مضطر.
خديجه بابتسامه. ربنا يبارك فيك. ويحفظك
نروح عند ياسمين.
انتهت من صلاتها. ودعت ربها انو يختار ليها الخير.
فتحت الفيس. وكتبت علي صفحتها.
مرة. شوفت. راجل بيبيع. حلويات. كاشف صواني. ومغلف. صواني. لقيت اي حد لما يشتري. بياخد من الصنيه المتغلفه. فضلت افكر ليه. سايبين اللي هو عارضها. وبياخدو. من المقفوله. عرفت اني. هيطمنو اكتر. لاني مفيش حاجه هتدخل فيها. وكمان لاني المكشوفه معروضه. للحشرات واي حاجه. تقع فيها.
ساعتها بس عرفت يعني ايه معني الستر. البنت المتبرجه هي الصواني المكشوفه. اي حد بيشوف جسمها. اي حد ينهش فيها حتي لو بالنظرة اما الصواني المتغلفه هي البنت العفيفه. اللي سمعت كلام ربها ولبست الحجاب اللي هي عارفه. انو سترها. وهنيئا لمن ارتدت حجاب امهات المؤمنين.
انا من البنات اللي كانت بتقول. وانا هبله عشان اكتم حريتي. واخفي جمالي. بس النهارده بعلن بكل فرح وسرور. اني ارتديت حجاب امهات المؤمنين حتي يجمعني الله بهم في الفردوس الاعلي.
انا يمكن اول مرة اكتب بوست ديني. عشان كده مش منظمه كلامي. بس. انا مش قادرة اوصف السعاده اللي انا حاسه بيها. من ساعت مالبست النقاب.
النهارده اول يوم هخرج بالنقاب. اللهم ارزقني الثبات حتي الممات.
انتهت. ياسمين من البوست ونشرته.
النهار طلع. وكل البيت صحي خلاص من نومه.
خديجه. نازله. علي السلم.
السلام عليكم يااهل الديار.
ابو باسم ومامته. وعليكم السلام ورحمة الله وبركاته.
خديجه بابتسامه. طبعا فطرتو من غيري زي كل يوم.
ام باسم لسه هترد اتفجأت. بياسمين نازله.
ام باسم. بسم الله ماشاء الله. ايه. الجمال ده.
خديجه بتبص. لقت ياسمين نازله. بنقابها.
ابو باسم. حبيبة بابا. ربنا يثبتك ياحبيبيتي. بس كنتي اجلتيه. لبعد ماتتجوزي.
ياسمين بسعاده. انا بجد فرحانه اني لبسته ولو كان علي الزواج خديجه. يعني كانت جميله يوم فرحها.
خديجه بغرور مصتنع. طبعا. انا جميله في كل حالاتي.
ياسمين بابتسامه. جزاكي الله خيرا ياخديجه انتي السبب في كل اللي انا فيه ده وانتي السبب في لبسي. لنقاب.
خديجه بهزار. ايه ياحجه. هو انا اللي دفعت تمنه. مسكالي انتي السبب. انا روحت معاكو عشان. اشرب عصير. قصب.
ابو باسم ههههه.
ام باسم. ربنا يباركلي فيكو ويحفظكو يلا بقا افطري عشان تلحقي جامعتك.
خديجه بابتسامه فكرتيني بالجامعه وايام الجامعه. ياااه يريتها ماترجعشي تاني.
ام باسم بصدمه انتي ليه محسساني انك خلصتي. ياحبيبتي. انتي من الاسبوع اللي جاي ان شاء الله. هترجعي لدراستك. انتي عايزه يقولو البت فشلت ولا ايه.
خديجه بزهق مصتنع. يووه. بتفكريني ليه خليني اعيش الدور.
ابو باسم ههههه عيشي ياحبيبتي. كل الادوار مش دور واحد. بس برده هترجعي كليتك.
خديجه بابتسامه. ان شاء الله.
ياسمين قامت. يلا بقا السلام عليكم.
كلهم وعليكم السلام ورحمة الله وبركاته.
خديجه بابتسامه. هروح اصحي باسم عشان الشركه.
ابو باسم. اتفضلي ياحبيبتي.
طلعت خديجه اتوضت وصلت الضحي. وراحت تصحي باسم.
باسم بنعاس. سبيني. نايم شويه.
خديجه بضحك. قوم ياكسول. كفايه نووم.
نسيب خديجه تصحي الاخ زوجها. ونروح. لياسمين وسميه.
سميه بسعاده. بجد مش مصدقه السعاده اللي انا فيها دي اللهم لك الحمد.
ياسمين بسعاده. وانا كمان حاسه اني ملكه كده
سميه.قبل ماندخل المحاضره كنت عايزه افرحك.
ياسمين. قولي.
سميه. جالي عريس.
ياسمين بسعاده. ماشاء الله. منين.
سميه. ابن صاحب بابا. كان. مسافر ولسه راجع.
ياسمين. كان مسافر فين.
سميه. امريكا. بس ماما بتقول انو شاب محترم جدا ومثقف. ومن عيله كويسه وقالت. هيجي يتعرف وبعد كده الخير اللي يختاره ربنا.
ياسمين. بس انا خايفه من فكرة امريكا دي.
سميه خير ان شاء الله. اكيد هيكون كويس.
ياسمين. اهم حاجه الدين والخلق. دي حطيها في الاساس. عشان منضعشي.
سميه بخوف داخلي. ان شاء الله.
نروح عند باسم
باسم قاعد بيفطر.
باسم. باباكي ومامتك هيجو بكرة ان شاء الله.
خديجه بتقفز بسعاده. بجد. والله. انا مش مصدقه وحشوني قوي.
باسم بابتسامه. ان شاء الله هخليكي تزرويهم علي طول.
خديجه بابتسامه. الله يحبك ويبارك فيك يااجمل زوج في الدنيا.
نسيبهم ونرجع للبنات.
سميه وخديجه دخلو المدرج.
الدكتور احمد عرف انهم ياسمين وصاحبتها. لاني لما رن علي باباها امبارح وطلب يكلمها. استاذنت منه. وهو فرح جدا.
احمد في نفسه. كده هعرف اغض بصري براحتي. الحمد لله فضلت ادعي ربنا وهو استجاب
نروح لخديجه. تدبرت في سورة مريم.
خديجه. تعرفي ياماما. اني لما بحط نفسي مكان السيده مريم. مبقدرش.
ام باسم. ليه. انا عارفه قصة مريم. بس مش قوي الصراحه.
خديجه. يعني. بنت زيها. من يوم مااتولدت. وكبرت بتخدم. المعبد. وبعد مابتخلص خدمه بتدخل المحراب بتاعها. تفضل تتعبد لله. ولاكانت بتخرج يمين ولا شمال. ماكنتش بتفكر. تروح عند صاحبتها ولا حتي تقول هشم هوا. كانت دايما قافله علي نفسها وتصلي لربها. وكانت. محافظه جدا جدا من صغرها.
ربنا وصفها في القران. احصنت فرجها. يعني. دايما يقول. حفظت. الا عند السيده مريم. احصنت. يعني كانت عامله حصن. سيدنا زكريا. زوج خالتها لما كان بيدخل عليها المحراب. كان بيلاقي فاكهة الصيف وهما في عز الشتا. وكان بيلاقي فاكهة الشتا وهما في عز الصيف.
ده رزق ربنا ليها هي ماكنتش بتخلط بالرجال علي رغم انها بنت وحيده. وكمان يتيمه. مقالتشي انا معنديش اخوات ولاد وده زي اخويه وده زي عمي. ولا. كانت. تحب تخرج من محرابها ابدا. الا لضرورة.
وفجأه. ينزل عليها الوحي. جبريل. علي هيئة بشر. ويقول ليها. انك يامريم هتحملي وتخلفي. ولد اسمه عيسي.
الخبر نزل علي مريم كالصاعقه. ازاي. انا عمر مافي راجل. لمسني. انا لم يمسسني. بشر. ولم اكن بغيا.
احنا بنقرء. قصة مريم واحنا عارفين اخرتها ايه ولكن هي عاشت القصه. هي اللي سيدنا جبريل. جه. بشرها. او بمعني اصح. صدمها. بحاجة فوق قدرة البشر.
بفضل افكر ياتري ياماما. عملت ايه في شهور الحمل. اكيد بتفكر ياتري الناس هتقول ايه. كلام الناس بيوجع جدا. مهما يكون الواحد درجة ايمانه بس كلام الناس بيوجع. اهم حاجه ميأثرش علي علاقتنا بالله.
السيده مريم لما جه ليها طلق الولاده. مشيت علي الصحرا. وقعدت تحت جذع نخله. مفيهاش. حتي جريد نخل. وفضلت تبكي وتقول ياريت كنت مت. وكنت. منسيه. من الدنيا.
المهم. الولاده بدات والسيده مريم ولدت وفضلت تبكي وتقول ياليتني. مت. وكنت نسينا منسيا.
ربنا جعل ابنها الرضيع يتكلم. ويقول متخافيش ولاتحزني. وهذي جذع النخله. عشان تنزلك تمر. كلي واشربي. وتوعي تحزني. ولما. تروحي. عند قومك. قولي اني. صايمه عن الكلام.
السيده مريم ساعتها بس فهمت اني معجزه الاهيه. وعملت زي ماابنها قال.
طبعا كلام الناس كتير جدا. وفضلو يتكلمو وهي مش بتطنق. هي دي مريم العفيفه. يااخت هارون ماكان ابوكي امرؤ سوء وماكانت امك بغيا.
يااااه في ثانيه نسيو انها متربيه قدامهم. وعمرها. ماظهر منها الا العفاف. بس. الموضوع صعب. وفي ناس. بيبقو يحبو يشمتو جدا.
السيده مريم مبتردش علي حد فيهم وهما عايزين يعرفو ابن مين ده.
ويشاء الله اني سيدنا عيسي الرضيع ينطق. مرة تانيه ويقول. انا عبدالله اتاني الكتاب وجعلني نبيا.
وجعلني مباركا اينماكنت. واوصاني بالصلاة والزكاة مادمت حيا وبرا بوالدتي ولم يجعلني جبار. شقيا. والسلام عليا يوم ولدت ويوم اموت ويوم ابعث حيا )
الناس اتصدمت. واتاكدو انها معجزه من عند رب البشر. وبكده ظهرت براءة مريم. امام الجميع.
ام باسم. يااااه عندك حق. بس اهم حاجه. انها. اتخلد ذكرها لقيام الساعه.
خديجه بحب. الواحد. بيتعلم منها معني العفاف والحياء. انا لما بقرء. عن مريم او البنت اللي في قصة سيدنا موسي. بحس اني ربنا. بيتباهي بحيائهم جدا. زي مايكون بيقول هما دول بنات الاسلام. اتعلمو منهم. ربنا ذكرلنا في القران مشيتهم وعفافهم وانهم مكنوش بيخضعو بالقول. ربنا بيعلمنا من خلال قصتهم. العفاف والستر والحياء.
ربنا ستير يحب الستر والحياء
ام باسم. ياريت يابنتي كل بنات المسلمين ترجع. تاني. لسترها وحياءها وتبعد انها تقلد الغرب. كفايه بقاا.
خديجه. تعرفي ياامي. اني في دوله من الدول الاوربيه. . واحد يهودي. ربط. عباية امرأه في الكرسي عشان لما تقوم رجلها تنكشف. الست دي. وهي بتقول. لقت رجلها هتنكشف. قعدت بسرعه وتصرخ باعلي صوتها. يامعتصماه.
اليهودي ده فضل يضحك. ايه اللي هيجيب خليفه المسلمين هنا قال ليها بسخريه واستهزاء. المعتصم جاي ليكي دلوقني بحصان ابيض وفضل يضحك
الخبر وصل لامعتصم وغضب بسبب المراه دي. امر الجيش كله انو يطلع. باحصنه ابيض فابيض.
وراحو فتحو البلد دي وحاربو اليهود. والمعتصم راح للمراه وقال. المعتصم. جاء. اليك.
اليهود ياامي اكتر حاجه تخوفهم بجد هي اني. بنات الاسلام ترجع لحجابهم. اللي ربنا. فرضه عليهم. الست دي عشان حته من رجليها انكشفت صرخت باعلي صوتها. دلوقتي ياماما بشوف بنات. بيلبسو چيبه سقط. تبين رجلهم ومحدده جسمهم. زي مايكون مش لابسه حاجه.
وتقلك. انا محجبه كده. وفي بنات بطلع شعرها من الطرحه. وتبين دراعتها وحته من رجليها. لاني حاطه فيها خلاخال. وعايزاه يظهر.
لما ببص. للبسهم. قلبي بيتقطع. دول احفاد فاطمه. الزهراء اللي كانت. شايله هم لما تموت. الكفن. هيجسم جسمها امام الرجال. دول احفاد اسماء بنت ابي بكر. اللي لما ابنها جابلها عبايه من الشام وهي كانت ست كبيره. عدت 90 سنه. تقلو ايه اللي انت جايبه ده.
قالها مش شفاف. ياامي.
قالت بس بيصف. الجسم. انتي متخيله. مين ينظر لست عجوزه. بس هي عفيفه وحتي. لحد ماتدخل القبر مش هتلبس حاجه تغضب ربنا.
بحزن جدا. ياامي. علي بنات المسلمين. طب لو النبي. ربنا. بعته لينا وقالو شوف امتك يامحمد. ساعتها. هيبقي منظرنا ايه قدامه. لما يشوف اني البنات والشباب بالمناظر دي الولد لابس سلسله في رقبته وعامل شعره زي اليهود ولابس. هدوم ولا عارفين هي بناتي ولا رجالي. والبنت تلاقيها لابسه بنطلون هيتقطع من علي جسمها. ورقبتها باينه. وايديها واخر حته في رجليها وتقول. انا محجبه
ام باسم بحزن ربنا يهدي. بنات المسلمين. مفكرين اني كده هيتجوزو ميعرفوش. اني الجواز رزق من الله. ومهما يعملو مش هيتجوزو غير لما ربنا يرزقهم بالزواج.
خديجه عندك حق ياماما. امي كانت بتقلي البسي النقاب بعد الجواز. عشان الناس تعرف انك بنت. ولما صممت علي لبسي لنقاب. وكمان. النقاب الشرعي. مش الموضه اللي طالع اليومين دول الناس كانت بتفضل تقول ليها. ايه اللي بنتك عاملاه في نفسها ده. خليها قاعده جمبك. كنت افضل اقول ياااه. هو النقاب هيمنع رزق الله ليا. والحمد لله كنت دايما اطمن امي اني ربنا مش هيضيعني.
ويشاء الله اني بسبب نقابي باسم اعجب بيا واتجوزني. يعني طلع نقابي سبب زواجي.
مش هو اللي منع الزواج.
ام باسم. ربنا يرزق كل بنت بالزوج الصالح. ويهدي البنات.
خديجه لسه هترد. جرس الباب رن.
خديجه بفرحه. ماما وبابا جم.
ام باسم بابتسامه. قومي. يلا عشان نرحب بيهم.
خديجه جريت عليهم وفضلت تحضن فيهم وتعيط وحشوها جدا. بس. هتعمل ايه.
خديجه بفرح. وحشتوني. جدا.
ام خديجه. وانتي ياحبيبتي البيت وحش من غيرك.
ام باسم. هنا برده بيتها. ياام حسن.
ام خديجه.ربنا. يباركلكو فيها. وتفضل منورة بيتكو علي طول.
عبد الرحمن. بحب. وحشتيني ياديجه.
خديجه بحب وهي بتحضنه وانت اكتر. ياحبيبي.
عبدالرحمن برخامه. طلع. كان ليكي لازمه.
خديجه بغيظ. انت. غتت يلا.
عبد الرحمن بهزار. وحشني قفاكي قوي.
خديجه. بغيظ وهي بتحط علي قفاها. هو انت مفكر اني جوزي هيسيبك. ده هيفرمك. لو لمستني.
عبد الرحمن. ها. مبخافشي ولا يقدر يعمل حاجه.
ابو خديجه. منور ياباسم يابني.
عبد الرحمن بفزع. بيبص وراه. ملقاش حد.
كلهم فضلو يضحكو عليه.
خديجه. ههههه منظرك وحش.
ام باسم بحب. هنفضل واقفين كده كتير.
قعدو كلهم وفضلو يضحكو وخديجه قاعده في حضن باباها.
باسم دخل. سلم علي اهل زوجته.
باسم. هروح. اغير هدومي وارجعلكو.
خديجه سابت حضن باباها. وراحت تشوف باسم ماله. حاساه مضايق. مش علي طبيعته خالص.
خديجه بابتسامه طب انا هطلع. اطلع هدومه.واجيلكو.
ام خديجه. اتفضلي ياحبيبتي. ربنا يرزقو بالذريه الصالحه.
كلهم اللهم امين.
خديجه طلعت. لباسم. ولقته قاعد مضايق.
الحلقه اللي جايه بأذن الله. هنعرف باسم مضايق ليه. وسميه هتوافق علي العريس. ولا هيحصل ايه.
*نكمل بكره*




موعد الحلقة الجديدة الساعة  6 م  يوميا ان شاء الله .

هنا تنتهى احداث رواية ملتزمة تزوجت من رجل أعمال الفصل السابع والثلاثون ، يمكنكم اكمال باقى احداث رواية ملتزمة تزوجت من رجل أعمال الفصل الثامن والثلاثون  أوقراءة المزيد من الروايات المكتملة فى قسم روايات كاملة .

نأمل أن تكونوا قد استمتعتم بـ رواية ملتزمة تزوجت من رجل أعمال، والى اللقاء فى حلقة قادمة بإذن الله ، لمزيد من الروايات يمكنكم متابعتنا على الموقع أو فيس بوك ، كما يمكنكم طلب رواياتكم المفضلة وسنقوم بوضعها كاملة على المدونة .
تعليقات



حجم الخط
+
16
-
تباعد السطور
+
2
-