رواية تحت حماية الفارس الفصل الثالث 3 - روايات نوران جمال

   نقدم اليوم احداث رواية تحت حماية الفارس البارت الثالث من روايات نوران جمال . والتى تندرج تحت تصنيف روايات رومانسية ، تعد الرواية  واحدة من اجمل الروايات رومانسية  والتى نالت اعجاب القراء على الموقع ، لـ قراءة احداث رواية نور الآسر كاملة بقلم نوران جمال من خلال اللينك السابق ، أو تنزيل رواية تحت حماية الفارس pdf كاملة  من خلال موقعنا .


رواية تحت حماية الفارس الفصل 3 - روايات نوران جمال



نور الآسر الجزء الثاني البارت الثالث


٣

كانت نورين تسير في الشارع وكان الشارع لا يوجد به أحد كما كانت تظن ،سمعت نورين صوت سياره بالقرب منها فنظرت نورين فوجدت سياره سوداء كبيره تتحرك بإتجاهها وبحركه لا اراديه وضعت يدها علي وجهها ولم تستطع حتي ان تصرخ ولكن قبل أن تصتدم السياره بها فجأه وجدت من قام بجذبها بشده بعيدا عن السياره ويحميها بجسده فكان ظهرها مستند علي الحائط وهو امامها مباشره لا يفصل بينهما سوي القليل ازالت نورين يدها عن وجهها حتي تري من الذي انقذها في تلك اللحظه الأخيره فهي كانت قد رأت الموت بأعينها.
نظرت نورين إلي ذلك الذي كان يحميها فوجدته فارس ينظر لها بعيون مظلمه ويتنفس بصعوبة مثل الذي كان يجري في سباق دليلا أنه كان يجري ليستطيع إنقاذها في الوقت المناسب نظرت نورين إلي عينيه فسرحت بهم فهذه أول مره تشاهد عيون مثل تلك الأعين " هي لم تلاحظ عيون اسر في المستشفي"
نظر فارس إليها بقلق فوجدها تنظر له بشده فسرح هو أيضا في عيونها التي تشبه البندق ولكن استيقظ هو ونورين من شرودهما حين أصدر فارس صوتا متألما بسبب أنه كان منخفض بجسده لكي يصل إلي طول نورين فهي كانت قصيره جدا بالنسبه له فطولها لم يتعدي158 بينما هو كان طوله193 ولذلك عندما انخفض ليكون بمستواها المه الجرح كثيرا فالجرح لم يلتئم بعد .
نورين بعدما استيقظت من شرودها
نورين بخوف شديد: ايه ايه اللي حصل ده وازاي صاحب العربيه مش يقف يشوفنا كويسين ولا لا وازاي اختفت أصلا..
فارس بضجر: علي فكره انتي عامله زي الراديو مش بتسكتي غير لما حد يقاطع كلامك ..
نورين نظرت له وهنا عرفت فعلا فرق الحجم بينهما ..
نورين : أنت جيت ازاي فجأه كده ده الشارع مش فيه حد ..
فارس بعصبيه: طيب انتي عارفه ان الشارع مش فيه حد ازاي تمشي فيه لوحدك ...
نورين بصوت مرتفع: عشان ده طريق البيت امشي ازاي يعني ...
فارس وضع يده علي جبهته دليل أنه قد أصابه الصداع بسببها: يالا امشي قدامي هوصلك ...
نورين : امشي معاك ليه يعني وكمان انت جيت امتي أصلا..
فارس بصوت مرتفع ومخيف فهو قد استخدم الأن صوت الصياد: امشي قدامي يالا ..
تحركت نورين بخوف مسرعه إلي سياره فارس وركبت بالخلف ..
ضحك فارس علي جنون تلك الفتاه فهو لم يتوقع أن تخاف وتجري بسرعه هكذا
دخل فارس السياره فوجد نورين تجلس بالخلف .
فارس : سواق الهانم أنا..
نورين : مش بركب قدام مع حد غريب وخلص بقي عشان تعبت وعايزه انام فهي شعرت بالأمان بوجوده معها ..
لم يرد عليها فارس فهو قد لاحظ تعبها ..
وبالفعل نامت نورين بالسياره وكان فارس ينظر لها بين الحين والأخر فهو قد قلق عليها فقلبه كان سيتوقف عندما رأي السياره تتحرك بسرعه في اتجاهها فهي فعلا بخطر وعليه حمايتها ..
بينما كانت هناك عيون تنظر لما كان يحدث بغضب شديد
" فيا تري من هو"
_______________________________

في مكان بعيد ومهجور يوجد فيلا كبيره يجلس بها رئيس العصابه ويجلس أمامه رجلين
الرئيس بحده: ايه اللي حصل بالظبط ..
رجل : كنا خلاص هنخبطها بالعربيه وفجأه ظهر الصياد وكان بيحميها بجسده كله رغم إصابته..
الرجل الثاني: احتمال كبير يكون بيحبها فهو حتي مش ركز في العربيه بتاعتنا ولا الأرقام بتاعتها كأن كل همه انقاذها فقط ..
الرئيس بحده: أخرجوا حالا ..، فخرج الرجلين بسرعه ..
جلس الرئيس وفي يده كأس الخمر
الرئيس بخبث: يعني كان اسر ونوران دلوقتي فارس ونورين واضح ان اللعب هيحلو ..ثم ضحك بشر ..
_____________________________________
في قصر الحسيني
معتز بغضب وهو يتذكر ما حدث : ازاي يبقي قريب كده منها ازاي انتي مش هتبقي لحد غيري يا نورين انتي هتبقي ملكي مش هسيبك أبدا...وكان يكسر في كل شئ حوله وكل ما يراه أمامه..
قام معتز بنداء اثنين من رجاله
معتز بأمر: النهارده بليل نورين عبدالله تبقي عندي ومش عايزها تتأذي فاهمين..
الرجلين: فاهمين يا معتز بيه النهارده بليل هتكون عندك ..، خرج الرجلين ليستعدوا لتنفيذ مهمتهم في الليل ..
___________________________________
في قصر الجارحي
كان الشباب يجلسون في الفيلا الملحقه بالقصر لأنه المكان الذي يحبون أن يجتمعوا به ولكن كان جميعهم شارد في شأنه الخاص وفجأه دخلت الفتيات
وكانوا بيتحدثون جميعهم سويا ، كانت لارين تضحك وتتكلم معهم جميعا بإستثناء كرم وكان كرم يحترق في داخله بسبب أن لارين لا تعطيه اهتمام فهو يريد أن يفهم لما تتعامل معاه هكذا فذهب لها ليكلمها
كرم : لارين ممكن نتكلم شويه ..
لارين بلا مبالاه: اتفضل قول عايز ايه ..
كرم : لا لوحدنا ..
لارين : مفيش حاجه اسمها لوحدنا ..
كرم بغضب : يعني إيه ما احنا كنا بنتكلم لوحدنا ايه اللي حصل ..
لارين بغضب: انت قولتها اهو كنا يعني في الماضي اما دلوقتي لأ ..
كرم: قصدك ايه ..
لارين : اقصد أن مفيش حاجه بينا عشان نتكلم فيها لوحدنا زي ما بيقولوا كان فيه وخلص ، وتركتهم جميعا وخرجت ، أول ما خرجت نزلت دموعها وبكت بشده ثم قالت لنفسها : بحبك يا كرم بس مش هضعف زي الأول ..، ثم مسحت دموعها وذهبت إلي القصر ثم إلي غرفتها ولكنها لم تلاحظ نظرات نوران لها
نوران : هتفضلي كتير كده يا بنتي ربنا يهديكي انتي وكرم ..
فجاء اسر واحتضنها من الخلف
اسر بهدوء: كل حاجه هتتحل بس لازم يمروا بفتره زي ديه أنا لولا اني اعرف الحقيقه كنت قتلت كرم بس المشكله ان لارين رافضه تعرف الحقيقه أو تتكلم مع حد وانا عايزها تعرف الحقيقه من كرم مش من حد تاني ..
فأومأت نوران له موافقه علي كلامه

أما في الفيلا كان الجميع ينظر إلي كرم بعد كلامه مع لارين فذهبت كارما واحتضنت اخيها
كارما: كل حاجه هتتحل أن شاء الله..
كرم: أنا مش عارف هي زعلانه ليه هي مش راضيه حتي تفهمني ايه اللي وقع ما بينا كده ..، ثم تركها وخرج إلي القصر ثم الي غرفته ...
خرجت كارما فخرج هو خلفها
كارما : ايه ده خضتني..
زين : آسف مش قصدي ..
ابتسمت كارما له فأبتسم هو أيضا لها
زين وهو يمسك يدها: بحبك ..
كارما : ماشي ..
زين : ماشي ايه ..
خجلت كارما واحمر وجهها فتركته وذهبت فهم يحبون بعض منذ طفولتهم
في الداخل ذهب ادهم وجلس بجانب روان
ادهم : رواني ..
روان : برضه رواني ..
ادهم مسك يدها : بحبك ..
روان : عارفه..
ادهم بمرح: يا واد يا ثقه انت مفيش في مره تعبريني وتقوليلي كلمه حلوه ..
روان: بقولك ايه مينفعش أحنا لسه مخطوبين ..
ادهم : ربنا يتوب علينا وابوكي يسيبنا نتجوز بقي ..
روان : انت عارف المشكله اللي بين لارين وكرم هي اللي عملت كده وأخرت معاد الفرح ..
ادهم:ديه حقيقه ربنا يهديهم ..
" ادهم وروان ،وزين وكارما، وجوري ومروان مخطوبين
اما كرم ولارين كانوا مخطوبين وتركوا بعض"
____________________________
وصل فارس ونورين إلي بيت نورين
نظر فارس بالمرأة فوجد نورين مازالت نائمه
فارس: نورين نورين ..
استيقظت نورين علي صوته فكم كان جميل
نورين: ها
فارس بهدوء : وصلنا ..
نظرت نورين حولها : صح ايه ده انت عرفت المكان ازاي ..
فارس بضحك وغرور: واضح أنك لسه مش عارفاني..
نورين: أنا مش عارفه غير اسمك عموما أنا لازم انزل دلوقتي ونزلت بسرعه
فارس بإستغراب: بنت المجنونه هههه ..، ثم أدار سيارته ليذهب اما نورين كانت تريد أن تعرف المزيد عن فارس وعن كيفية أنه عرف مكان بيتها ولكنها منعت نفسها عن ذلك فهي تخشي الحديث الطويل معه دخلت نورين شقتها وكانت متعبه وفجأه سمعت صوت جرس الباب ذهبت لتفتحه
وعندما فتحته رأت رجلين ضخمين و قبل أن تصرخ كانوا قد وضعوا علي انفها المخدر
" فيا تري ماذا سيحدث ، انتظروا البارت التالي"



موعد الحلقة الجديدة الساعة  8 م  يوميا ان شاء الله .

هنا تنتهى احداث رواية تحت حماية الفارس الفصل الثالث ، يمكنكم اكمال باقى احداث رواية تحت حماية الفارس الفصل الرابع أوقراءة المزيد من الروايات المكتملة فى قسم روايات كاملة .

نأمل أن تكونوا قد استمتعتم بـ رواية تحت حماية الفارس ، والى اللقاء فى حلقة قادمة بإذن الله ، لمزيد من الروايات يمكنكم متابعتنا على الموقع أو فيس بوك ، كما يمكنكم طلب رواياتكم المفضلة وسنقوم بوضعها كاملة على المدونة .
تعليقات



حجم الخط
+
16
-
تباعد السطور
+
2
-