رواية تحت حماية الفارس الفصل العاشر 10 - روايات نوران جمال

  نقدم اليوم احداث رواية تحت حماية الفارس البارت العاشر من روايات نوران جمال . والتى تندرج تحت تصنيف روايات رومانسية ، تعد الرواية  واحدة من اجمل الروايات رومانسية  والتى نالت اعجاب القراء على الموقع ، لـ قراءة احداث رواية نور الآسر كاملة بقلم نوران جمال من خلال اللينك السابق ، أو تنزيل رواية تحت حماية الفارس pdf كاملة  من خلال موقعنا .


رواية تحت حماية الفارس الفصل 10 - روايات نوران جمال



نور الآسر الجزء الثاني البارت العاشر


١٠
فلاش باك
كانت نورين نائمه ولكنها استيقظت فجأه بسبب تلك الكوابيس التي تأتي لها دائما إذا ذهبت إلي مكان غريب عليها فنظرت نورين بجانبها لكي تبحث عن مياه حتي تشرب ولكنها لم تجد فقررت النزول حتي تبحث عن المياه ولكنها أيضا تذكرت انها لا تعلم مكان المطبخ ...
نورين بغضب: يعني مش عارفه مكان المطبخ اعمل ايه دلوقتي ثم فجأه تذكرت تلك الغرفه الموجوده امامها
نورين: أيوه انا هروح اسأل اللي موجود في الأوده ديه اكيد البنات بيسهروا " فهي حتي الأن لا تعلم أنها غرفه فارس" خرجت نورين من غرفتها بعد أن وضعت حجابها عليها .
توجهت نورين الي تلك الغرفه وقامت بالخبط علي الباب وفجأه فتح فارس وصدم بها
باك

تفاجأت نورين من منظر فارس فهو كان عاري الصدر وشعره غير مرتب مما أضاف له شكل رائع مع تلك العيون الزرقاء أو الخضراء فلا أحد يستطيع تحديد لونهم فاقت نورين علي صوت فارس
فارس بحده ولكن بصوت منخفض: أنتي ايه اللي جابك هنا ...
نورين خجلت كثيرا ونظرت إلي الأرض فهذه ليست المره الأولي التي تري فيها رجل عاري الصدر بحكم شغلها كطبيبه جراحه ولكن مع ذلك الفارس كل شئ يختلف .
نورين بخجل وهي تنظر إلي الأرض: ك كنت عا عايزه اشرب ...
ضحك فارس في داخله علي نورين فهو لم يتوقع ابدا أن تكون خجوله ولكنه استطاع التحكم في نفسه .
فارس بلا مبالاه واستفزاز : طيب وانا مالي عايزاني اشربك ...
نورين بغضب مكتوم: فين مكان المطبخ ...
فارس ببرود وهو يريد استفزازها: في الدور الأول ...
نورين بغضب ولكن صوت منخفض: مانا عارفه أنه في الدور الأول ...
فارس : طالما انتي عارفه بتسألي ليه وكان سيغلق الباب ولكن قامت نورين بإمساك مقبض الباب ...
نورين: فين في الدور الأول ...
فارس : علي ايديكي اليمين وقام بإغلاق الباب فجأه في وجه نورين ..
نورين وهي تتمتم: قليل الذوق .، ثم نزلت إلي الطابق الأول ولكن لم تري شئ بسبب أن النور منطفئ كما أنها تخاف من الظلام فصعدت بسرعه الي الطابق الرابع وقامت بالخبط علي باب اودة فارس
بينما كان فارس نائم فإستيقظ علي صوت الباب
فتح فارس الباب فوجد تلك القصيره مجددا
فارس بغضب: عايزه ايه تاني ...
نورين ببعض من التوتر: مش لقيت المطبخ ..
فارس بتسائل: ازاي يعني ..
نورين : يعني مش لقيته كمان النور كان منطفئ فمش شوفت حاجه ...
وهنا علم فارس انها تخاف من الظلام كما أنه لا يريد النزول فهو مرهق جدا ..
فارس وهو يبتعد قليلا عن الباب :ادخلي خدي المايه اللي هنا وخلصيني ...
نورين : ازاي يعني ..
زفر فارس بملل وغضب ودخل احضر لها المياه ثم قام بإغلاق الباب في وجهها.
نورين بغضب: قليل الذوق والإحترام انا ايه اللي جابني عنده اووف.، ثم دخلت إلي غرفتها وشربت المياه ثم نامت .
اما فارس كان غاضب جدا لأن ذلك الطابق ملكه هو اذا لماذا هي تكون به وكمان في الغرفه التي امامه..
فارس: انا تعبت أنا هنام وبكره هشوف حل للموضوع ده .

أما في طابق آخر كانت نوران تتكلم مع اسر .
نوران بفرح : بس ايه رأيك في الخطه ديه ...
اسر بضحك: علي فكره انتوا لحد دلوقتي مش شوفتوا رد فعل فارس ...
نوران : هيعمل ايه يعني ..
اسر : بكره هنعرف ...
اسر بحب : نوران..
نوران : نعم ..
اسر : بعشقك..
نوران : وانا بموت فيك ..
فقام بإحتضانها وناموا .

أما عند مليكه وسيف
مليكه بحزن : سيف أنا قلقانه علي حمزه ..
سيف بتنهيده : هو بس لو يفهم أنه مش بيحبها كل حاجه هتتحل بس مصيره تيجي البنت اللي تغير رأيه..
مليكه : بحبك يا سيفي ..
سيف : وانا بعشقك يا مليكتي .

عند البنات والشباب كانوا مجتمعين
كارما بضحك : انا مش مصدقة اللي حصل النهارده هههه..
زين : مش قادر انسي شكلهم كان عامل ازاي عاملين زي القط والفار ...
كرم بضحك :لا كله كوم ولما قالتله دب قطبي كوم تاني خالص هههه ...
فضحك الجميع بشده .
روان : بس علي فكره رغم كل ده لايقين علي بعض جدا..
ادهم : أنا بحس أنهم مش بيطيقوا بعض بس القدر بيجمعهم ببعض كل يوم ...
حمزه بضحك : قصدك كل ساعتين ده في يومين كانت متعرضه لكمية حوادث مش يتعدوا ههههه.
لارين بضحك : عندك حق بس هي لذيذه جدا والله وانا حبتها ..
جوري : وانا كمان رغم انها فجأه تتعصب وفجأه تضحك بس هي عسل الصراحه..
روان : كلنا حبناها بس يالا كل واحده علي اودتها عشان الوقت اتأخر ..، فأومأ لها الجميع بموافقه وذهبوا إلي غرفهم .

____________________________

في فيلا الحسيني
كان معتز يري فتي صغير يشبهه كثيرا يسير بسعاده وفي يده العاب كثيره وفجأه ظهرت تلك المرأه
عندما رأها الفتي خاف كثيرا
المرأه بغضب : ايه اللي في ايدك ده ..
الفتي بخوف : اللعبه بتاعتي بابا ادهاني..
المرأه بشر: اممم بابا وفجأه ذهبت له وقامت بأخذ اللعبه وكسرتها ثم قامت بشد الولد وذهبت ناحيه البسين وقامت برمي الولد به وهي تعرف أنه لا يستطيع السباحه كما أن البسين كان عميق ظل الولد يستنجد بها فهو سيغرق ولكنها لم تعطيه اهتمام فهي تتمني موته حتي جاء ذلك الرجل وقام بإخراج الولد.
الرجل بغضب: أنتي ازاي تعملي كده في ابنك ..
المرأه: ابني وانا حره وانت ليه أصلا انقذته مش كان يموت ونخلص منه .وعند تلك اللحظه استيقظ معتز وهو فزع بسبب ذلك الكابوس الذي يأتي له كل يوم .
بسبب والدته نعم تلك المرأه كانت سميره والده معتز والرجل كان عم محسن أما الولد فكان معتز .
شرب معتز المياه بجانبه ثم عاد للنوم ولكنه أيضا ظل يحلم بذلك الكابوس.
_____________________________

عند رئيس العصابه السوداء
الرئيس وهو يكلم رجاله : فين نورين ...
الرجل بتوتر وخوف شديد : مش عرفنا نجبها...
الرئيس بغضب: ليه ..
الرجل : الصياد ظهر واخدها معاه القصر...
الرئيس بغضب وصوت مرتفع: أنا قولت تجبوهالي قبل مياخدها هو القصر انتوا اغبيه..، ودون مقدمات اخرج مسدسه وقام بإطلاق رصاصتين في كل منهما فسقطوا وهم مقتولين وكالعاده تم دفنهم في المقبره المعهوده لضحايا الرئيس .
قام الرئيس بتكسير كل شئ من حوله
الرئيس بتوعد وشر: برضه مش هسيبكم ومش هسيب حقه يضيع هنتقم من القناص والصياد بأي فرصه ممكنه وهخلص علي اسطورة العائله ديه نهائي..
وظل يفكر في طريقه يستطيع أن يصل عن طريقها إلي نورين .
___________________________

في القصر استيقظت نورين مبكرا قبل الجميع
وهذا علي غير العاده فهي لم تنم جيدا لتغييرها للمكان فقررت ان تأخذ نظره في أنحاء القصر
صدمت نورين كثيرا حيث ان القصر كان جميل بطريقه خياليه وفي أثناء ذهابها إلي جميع أنحاء القصر استيقظ الجميع
نورين بإبتسامه: صباح الخير..
الجميع : صباح النور ..
اسر : عجبك القصر ..
نورين : جدا ما شاء الله جميل ...
لارين: نورين شوفتي الورد اللي قدام القصر ...
نورين: لأ مش اخدت بالي ..
كارما : طيب اطلعي شوفيه كمان الشارع كله بتاعنا والبوابه مقفوله فإخرجي براحتك ومتقلقيش...
نورين : بجد ينفع ...
يوسف : طبعا يا نورين ..
نورين : شكرا يا عمو يوسف...
يوسف : لأ مش بحب كلمه عمو ..
نورين بضحك : تمام يا جو ...
يوسف يضحك : كده ماشي ..
سيف بضحك : تقدري تخرجي دلوقتي هههه..
نورين بصدمه: ايه ده انتوا شبه بعض اوي ..
سيف : عشان أحنا توأم...
نورين بإبتسامه : عشان كده طيب أنا هخرج دلوقتي فأومأ لها الجميع بموافقه.
خرجت نورين فوجدت بسين كبير أمام باب القصر فنظرت حولها فصدمت كثيرا من جمال المكان حيث أن الشارع بأكمله ممتلئ بالزهور من كل جانب أما في الوسط فالمكان واسع قليلا للسيارات ..
فقررت نورين أن تسير قليلا
ظلت نورين تسير وهي شارده في الطريق بسبب جمال الزهور وفجأه رأت سياره تأتي بسرعه كبيره في اتجاهها
" فيا تري من هو صاحب السياره وماذا سيحدث ، انتظروا"



موعد الحلقة الجديدة الساعة  8 م  يوميا ان شاء الله .

هنا تنتهى احداث رواية تحت حماية الفارس الفصل العاشر ، يمكنكم اكمال باقى احداث رواية تحت حماية الفارس الفصل الحادي عشر أوقراءة المزيد من الروايات المكتملة فى قسم روايات كاملة .

نأمل أن تكونوا قد استمتعتم بـ رواية تحت حماية الفارس ، والى اللقاء فى حلقة قادمة بإذن الله ، لمزيد من الروايات يمكنكم متابعتنا على الموقع أو فيس بوك ، كما يمكنكم طلب رواياتكم المفضلة وسنقوم بوضعها كاملة على المدونة .
تعليقات



حجم الخط
+
16
-
تباعد السطور
+
2
-