رواية الشهد والدموع الفصل الاخير 37 روايات ديدا احمد

  نقدم اليوم احداث رواية الشهد والدموع الفصل 33 من روايات ديدا أحمد . والتى تندرج تحت تصنيف روايات رومانسية ، تعد الرواية  واحدة من اجمل الروايات رومانسية  والتى نالت اعجاب القراء على الموقع ، لـ قراءة احداث رواية نور الآسر كاملة بقلم ديدا احمد من خلال اللينك السابق ، أو تنزيل رواية الشهد والدموع  pdf كاملة  من خلال موقعنا .


رواية الشهد والدموع الفصل السادس 33 روايات ديدا احمد


الشهد والدموع الفصل الثالث والثلاثين



الفصل الاخير
سبحان الله وبحمدك سبحان الله العظيم
اللهم صلي علي سيدنا محمد في الاولين والاخرين وفي الملا الاعلي الي يوم الدين
سبحان الله والحمد لله ولا اله الا الله والله اكبر
الشهد والدموع بقلمي
هدير احمد الحاوي
،،،ديدا احمد ......
DIda
الفصل الاخير
بعد مرور شهرين
حان موعد الزفاف المنتظر
في غرفه شهد في بيت جلال
شهد قاعده علي السرير وكل البنات حوليها وكمان الامهات والاحفاد
مريم في الشهر الرابع تقريبا
وهنا شايله كريم وقاعده جنبها يسرا
ومليكه قاعده علي الكنبه وجنبها الهام الي شايله ادم
وامال شايله كيان
وحنين الي نايمه جنب شهد وحطه ياسين في كرسي هزاز وماجده قاعده بتلاعبه وتمرجحه
واحلام قاعده شايله فارس جنب سميره الي شايله فرح ونور شايله فهد
والكل قاعد بيضحك وبيتريقو علي بعض وعلي شهد الي في عالم تاني ماسكه الفون وشويه تضحك وشويه تكشر
وطبعا واضح انها بتكلم زين بس البنات مش سايبنها في حالها وبيغلسو عليها
مريم ..بت يا شهوده متعرفيش الحنه دي هتبقي ازاي
ايه جو الغموض الي عيشين فيه ده
حنين .اه والله يا مريومه وكل اما اسال حد يقولي
مفاجاه وانا الفضول هيموتني
الكل ههههههههههههه
شهد والله معرف كل مسال علي او زين او بابا يقولي هتنبسطي انا حسه انهم بيتكلمو علي عروسه غيري
ده حتي الفستان مخترتوش ولا اعرف شكل القاعه ولا اي تفاصيل عن الفرح وكل الي طالع عليهم استريحي ومتشغلبس بالك والفستان جاي في الطياره شكل عندهم عقده الخواجه
انتو عارفين ايه الي غايظني
الكل انتبهه لها ومستنينها تكمل
اول مره بابا وزين يتفقو علي حاجه
يسرا .ههههههههه اه ربنا يستر بس المشكله ان مش جلال وزين بس لا ده كل الرجاله في العيله
حتي كل مسال حامد يقولي ريحي نفسك وملكيش دعوه بحاجه
الهام.اه وعاصم نفس الكلام كانهم حافظين من نفس الكتاب
حنين .لا الموضوع شكله كبير وانا هموت لو فضلت كده سبحان من صبرك يا شهد دا لو انا كنت فركشت الفرح انت برده اوي ده انا من كتر الفضول
حاولت اكلم تيته جميله او تيته كريمه ومطلعتش منهم بمعلومه مفيده
مليكه .كان غيرك اشطر هههههههههه
انما يا شهد هتعملو ايه في شهر العسل
شهد .والله معرف حاجه من كتر ما سالته ويقولي مفاجاه بطلت اسال
هنا بتكلم بكل هدوء وهي بتلاعب كريم بكل هدوء يا جماعه متستعجلوش وتشغلو بالكم حد يكره الراحه
الرجاله عوزاكم تريحو نفسكم وانت غويين شقا
رييحي نفسك يا شهد اكيد زين وعمو جلال عوزين يعملو مفاجاه تفرحك
مليكه .بت يا هنا والله شكلك سهنه وعارفه كل حاجه ومخبيه قولي يابت الي تعرفيه بدل ما اسيبهم عليكي
هنا .انا لا والله معرف حاجه دول ولا خطه الحرب بس كلها ساعه ونفهم كل حاجه
سميره .والله يا هنود انت عسل ودماغ عاليه والله
صححيح كل واحد من اجوازكم قلقم الساعه ١٢ هتعرفو كل حاجه ودلوقتي الساعه ١١ خلاص هانت
نور .اه كلها ساعه وتنكشف الستار علي خطه الحنه لتحرير فلسطين
الكل ههههههههههههههههههههعههعععع
وبعد نص ساعه كل واحد فيهم الفون بتاعها يرن برنه رساله
وكلهم يفتحو الرسايل ويتفاجاو ..........
في الفلا بتاعه حامد
في الهول تحت
كل الاباء والشباب والاجداد وكمان الجدات الي صممو انهم يستنو معاهم علشان يفهمو الي بيحصل
والكل سمعا وطاعه
الشباب اتحركو للجنينه يتكلموا فيها
زين .ها يا ادهم عملت ايه
ادهم .تمام يا عريس كل حاجه تمام زي ما انت عاوز بالضبط عد الجمايل
وحمزه بيظبط حوار التيم والكاميرات والشباب كلها شغاله علي قدم وساق في التجهيز والاستعداد
بس القاعده بين الشباب لا تخلو من الهزار الرخم
وترخيمهم علي زين
مازن .وانت يا زين ناوي شهر العسل فين
مراد .شهر ايه هو اسبوعين في شرم وكفايه عليه اوي حتي اسال مجرب
يوسف بسرعه اسبوعين ايه يا عم .هو اسبوع واحد كفايه
عمر . انت ايه رايك في كلامهم يا دكتره
زين .ههههههه سيب العزال يابني دي نفسنه واضحه وانا مش هتكلم عن نفسي
بس هم عندهم حق اكيد مش شهر
يوسف .شوفت يابني مش هيستحمل ههههههههه
زين .شهرين ان شاء الله ومسمعش نفس حد فيكم
امال انا بقالي شهر مفحوت في الشغل ليل نهار ليه
اكيد مش عشان سواد عيونهم كنت بخلص الحلات الي معايا والشغل الي عليا
بس نحن نعمل في صمت ههههههههه
مراد نعم يا اخويا شهرين مين انت هتسوق فيها
زين بحده وهزار .كلمه كمان وهيبقو تلاته وانا مبرجعش في كلمتي وانت عارف
يوسف ومراد تنحوا وسكتو
وباقي الشباب ميته من الضحك عليهم
عادل .بس والله يا دكتر انت محظوظ انا مش عارفه ازاي شهد مبتسالش هلي حاجه ومخلياك انت تعمل كل حاجه
خالد بصوت عالي .الله عليك يا كبير يا مسيطر يا كايدهم
الكل ههههههه
زين .طيب يلا يا خفيف منك له ندخل جوه علشان كل واحد يكلم مرات تستعد ويطلع ياخدها ويوصلها
وفعلا كل واحد بعت رساله لمراته
حبيبتي استعدي انت والنونو ربع ساعه واطلع اخدك ونروح مشوار مهم ..............
______________________
بعد نصف ساعه عربيات كتير وقفت قدام مبني شبه الفندق كده
وده ما هو الا منتجع صحي علي اعلي مستوي
وده كان اقتراح زين وحجز المكان كله خاص واختار التيم الي شغال كله ووقف كل الكاميرات وده كان تحت اشراف حمزه وادهم
بس الحجز كان هديه من جمال المهدي
وكل العربيات وصلت ورا بعض تحت انبهار وفرح من كل البنات
وفعلا المفاجاه تستاهل الصبر
وكان اسطول عربيات يشبه موكب الملوك
١٥ عربيه ١٢ عربيات العيله و٣ عربيات للحراسه
زين و شهد
وادهم ومريم
. ويوسف وحنين وياسين والناني الخاصه بيه
ومراد ومليكه واولادهم والناني بتاعتهم
وحامد ويسرا
وعمر وهنا ومعاهم كريم والناني بتاعته
ماجد وماجده
عاصم والهام
واحمد وامال
وعادل ونور وسميره والاطفال ومعاهم ٢ ناني علشانهم
وايمن واحلام
ومحسن وفريده كمان كانو موجودين
وفعلاةالكل نزل وكان باين عليه علامات السعاده
في عربيه شهد وزين
زين بص لشهد بعد ما وصلو علي الباب
ايه رايك في المفاجاه
شهد بفرحه .الله بجد تحفه يا زين انا تخيلت حجات كتير بس عمري ما اتخيل ان حنتي تبقي في مكان زي ده بس هو هنا يعني .....
زين مسك اديها وباسها عاوزه تقولي ايه انا من سعاتي مش عارف اسيبك تنزلي
شهد .اقصد يعني ان المكان مفتوح
زين .اه لا من النحيادي اطمني المكان كله محجوز برايفت وحمزه وادهم مهتميين بالتامين والكاميرات
والتيم كمان هم الي مختارينه
يعني عيشي حياتك وانجوي وريلاكس عالاخر وهمس في ودنها عاوزك تجددي نشاطك وتشيلي اي استرس عليكي وتستعدي للايام الي جايه محتاج صحتك تبقي كويس علشان تستحملي الي هيحصل هههههه
شهد اتكسفت ووشها احمر وضربته ٥ي كتفه انت قليل الادب
زين بضحك .هو انت شوفتي قله ادب دا انا سافل يا قلبي ههههههههه
ولسه هترد لقت البنات نزلو وبيشورو لها
وفعلا نزلت هي وزين من العربيه ووقفت مع البنات
حامد .يلا يا بنات ادخلو وانبسطو وكل حاجه هتحتاجوها هتلاقوها جوه
وفي كمان فوتوجرافر لو عاوزين تتصورو
وبو فيه كامل كل الي انت عوزينو هتلاقوه
اعملو الي انت عوزينه براحتكم والامن بره علي الباب لو في اي حاجه كلموهم او كلمونا
عاصم .يلا ادخلو بقي متضيعوش وقت واحنا هنمشي
والناني مع الاطفال متقلقوش عليهم ادهم مظبط الدنيا
وفعلا البنات دخلت وهم في قمه الاثاره
وكانت الاستعدادات علي اتم وجه وقبل ما يطلبو الحاجه بتكون اتنفذت
والشباب والابهات رجعو القصر علشان يشوفو هيعملو ايه
والبنات قضو يوم خرافي في المنتجع كل حاجه متاحه
وكان يوم فوق الخيال
مساج وسونه وكريمان ومسكات وكل الحجات الخاصه بالجسم والعنايه بالبشره والشعر
وكمان كان في حمام سباحه بس الميه بتاعته للاسترخاء وكان فوق الرائع
وكان في كذا بنت بترسم حنه والبنات استمتعو جدا
وعلي اخر اليوم كان كل الضغط والتعب الي عندهم انتهي
والكل كان بيغني وفرحان لشهد
وشهد كانت في قمه سعادتها لاهتمام حبيبها بيها
واخر اليوم الشباب رجهو اخدوهم
والكل نام في سعاده وفرح واستعدو للفرح بكره
وشهد بعد ما روحت كلمت زين وقالتله كلمتين بس
(شكرا بحبك ) وقفلت
زين حاول يرن عليها بس هي قفلت الفون
باس الفون ونام من التعب
وكل واحد اخد مراتو في حضنو ونامو من التعب واستعدو لبكره
......................
قدام بيوتي سنتر في غايه الفخامه يتكرر نفس المشهد
من اسطول السيارات
كل واحد ومراته ونفس الشي
كل البنات مش عارفين هيلبسو ايه ولا يعرفو اي حاجه
بس علي اختلاف الامس
انهارده متوقعين مفاجاه تحفه وفساتين فوق الخيال
وشهد بعد مفاجات امبارح سابت كل حاجه لزين هو بمشي الامور
وكل واحد داخل عربيته بيحب في مراته ومع بعض المناوشان من الازواج
وينزل البنات من العربيات واخر حد كالعاده شهد
الي عماله تتكلم مع زين وناسيه العالم
وبعد شويه نزلت ودخلو البنات البيوتي سنتر الي كان كله ضحك وهزار وفرح وكلام عن الي حصل امس في
المنتجع وبعض الرخامه علي شهد وشهد اندمجت معاهم وبعد فتره من الاستجمام كل البنات خلصو الي محتاجينه وجه وقت اللبس وهنا دخل مجموعه من البنات باستاند عليها فساتين بكفرات وكل واحد مكتوب عليه اسم صاحبته
وفعلا كل بنت وام راحت ناحيه اسمها معادا شهد
الي البناتالي شاغلين قالولها انها هتطلع تلبس في غرفه لوحدها وتعمل الميك اب وتنزل
وفعلا شهد طلعت
والبنات والامهات كل واحده شافت فستانها الي كان تحفه فنيه وخصوصا لما لبسته كانو حوريات من الجنه
وكل فستان بكل الحاجات الي حاصه بيه
وكمان الاطفال كل ولد له بدله والبنت فستان شبه مامتها
وفعلا البنات جهزت وبدؤ في لمسات خفيفه من الميك اب
وكل ده مع فرح وسعاده من الجميع وده كمان اتنقل للموظفين في المكان
عند شهد اول ما دخلت لقت الفستان بتاع الفرح متعلق علي الاستاند وكان وهم بكل المقاييس
شهد وقفت مكانها مقدرتش تتحرك من الفرحه والدموع ملت عنيها والابتسامه علي وشها وده كله وفي بنت بتصورها فيديو من غير ما تاخد بالها وده كان طلب زين
وشهد لما استوعبت الصدمه الفرحه ملت وشها وراحت حضنت الفستان ولفت بيه وده كله بيتصور وفعلا شهد بدات تلبس وبعد كل مرحله البت تصورها من غير ما تحس
وبدات في عمايل شعرها والبنت اول ما شافت شعرها انبهرت من طوله وجماله
لدرجت انها قالت لشهد انها تسيبه علي طبعته متعملش فيه حاجه وده كان راي شهد بردو
وبدات تعمل لها الميك اب وظبطت لها الطرحه وكانت ملاك بكل مقاييس الجمال
وفعلا شهد جهزت بس ملبستش النقاب لان زين طلب ان هو الي يلبسهولها لما ييجي يا خدها
وشهد نزلت للبنات الي تنحو من حلاوتها وسميره راحت عليها اخدتها في حضنها وعيطت وشهد كمان
وسميره فضلت تقرا قران تحصن شهد
نور .ايه يا ماما عارفين انها حلوه بس راعي شعور الغلابه الي واقفين وكل البنات والامهات سلمو علي شهد و بركو لها وفضلو يصورو كتير مع بعص والفرحه ماليا المكان
لحد ما سمعو صوت عربيات كتير وبت قالت بصوت عالي ...العريس وصل .....
في الناحيه التايه في القصر
الشباب كلها مهيبره والكل راح يستعد للفرح
في غرفه زين
ادهم ومراد وعلي وعادل قاعدين بيتكلمو ويناكفو في زين
ادهم .ايه يا عم الروقان ده احنا مفحوتين بنعمل الي بتقول عليه وانت رايق هنا وعصير واخر روقان
زين .ايه يا ادهم اخوك وبتتعبله انا عريس ولازم ارتاح
عادل .ههههههههههه اه بيستعد للمهمه
علي .انما يا زين انت هتسافرو بعد الفرح علي طول ولا هتقعد في الفندق
مراد بتريقه .اه هيقضي الشهرين في الفندق ده تمامه
زين .بص لمراد ولعب ليه حواجبه كانه بيغيضه
وكمل كلامه
احنا هنروح بعد الفرح عالشقه وبكره الظهر هنسافر المالديف
ادهم .الله عليك يا كبير وبعد كده
زين .وبعد كده ممكن نروح باريس ونطلع علي تركيا
وربنا ييسر الحال ويبعد عننا الحساد والعين الوحشه
مراد مسك المخده وضرب زين في وشه حساد يا قادر
هو انت محوق فيك حسد ولا غيره يلا ربنا يسعدكم
انا هقوم اجهز
الكل .خدنا معاك احنا كمان نجهز يدوبك
والكل خرج ولسه زين بيفتح الدولاب وياخد هضومه الباب يخبط وجلال يدخل
زين .اتفضل يا عمي ادخل
جلال .انا جيلك هقولك كلمتين ومش هعطلك
زين .براحتك يا عمي اتفضل استريح
جلال .بص يبني انت عارف كل الظروف الي عشناها وللولاك انت ومريم بعد ربنا بنتي عمرها ما كانت
هترجعلي
وانا عارف انك بتحب شهد وهتحافظ عليها بس حبيت
اكد عليك ان سعاده شهد اولا واخيرا واعرف انك لو غلط فيها او زعلتها هتزعل جامد
انا عارف انك ابن حلال وهتصون الامانه علشان انت متربي تحت ايدي خلي بالك من الامانه انا مش هعيش لها العمر كله انت سندها بعد ربنا وانا اوعي تخزلها
زين .ياعمي شهد دي النفس الي بيطلع مني بحس انها بنتي وامي ان شاء الله هحافظ علي الامانه بروحي
يلا بقي ياجلجل مش هتبارك لابنك
جلال بضحك .الف مبروك يا زين ربنا يهنيكم
يلا اسيبك تجهز وارفع راسنا
زين .والله لخليلك راسك في السما من كتر ما هرفعها
جلال .اه يا سافل يلا سلام
زين سلام
وفعلا زين دخل اخد دش وجهز وكان وسيم جدا في البدله عسل ابن حامد
والكل جهز واستعدو للذهاب .........
والعربيات اتحركت
عند البيوتي سنتر زين دخل الاول علشان شهد منتقبه زين دخل واول ما شاف شهد جري عليها واخدها في حضنه ولف بيها في المكان والكل واقف بيسقف والبنت بتصور كل لحظه
وعلي وجلال استازنو بعد شويه ودخلو يسلمو علي شهد ويبركو لها
جلال اول ما شاف شهد الدموع نزلت من عيونه كتير وراح اخد شهد في حضنه ومكنش عاوز يسبها وشهد عماله تعيط وحاضنه بباها جدا
جلال بفرحه كبيره .مبروك يا ضي عيوني
وعلي كمان سلم علي شهد وباسها وبارك لها
وبعد كده خرجو وفضل زين
والبنت ظبطت لشهد الميك اب مكان الدموع
وزين صمم انه يلبس شهد النقاب بايده وفعلا الكل جهز والشباب كل واحد راح جاب مراته
واخيرا خرجت شهد في ايد زين وكانو اجمل ثنائي
والشباب كلها بدات تصفر وتهيص ويرمو عليهم بلالين وورد وكان استقبال جميل
وكل العربيات اتجهت لمكان الفوتو سشن واتصورو كتير جدا وبعد كده الكل راح علي القاعه
وفعلا كان فرح خيالي رقص وهزار بين الشباب والبنات
وشهد وزين في عالم لوحدهم وزين ماسك ايد شهد كانها هتهرب منه وكل شويه يبصلها نظرات عشق والكل كان ملاحظ نظراته ليها وجلال جه اخد شهد ورقص معاها وكان زين واقف هيولع من الغيره وعينه منزلتش من عليها
والعيله كلها كانت في قمت السعاده والفرح
وكل العيله وقف واخدت صوره تزكاريه والفرح كان مالي الوجوه وتبدلت الدموع في الاعين الي الشهد علي الشفاه ..................
تمت بحمد لله روايه الشهد والدموع
بقلمي هدير احمد الحاوي



موعد الحلقة الجديدة الساعة  8 م  يوميا ان شاء الله .

هنا تنتهى احداث رواية الشهد والدموع الفصل الاخير ، يمكنكم اكمال باقى احداث رواية جنون الحب الفصل الاول أوقراءة المزيد من الروايات المكتملة فى قسم روايات كاملة .

نأمل أن تكونوا قد استمتعتم بـ رواية الشهد والدموع ، والى اللقاء فى حلقة قادمة بإذن الله ، لمزيد من الروايات يمكنكم متابعتنا على الموقع أو فيس بوك ، كما يمكنكم طلب رواياتكم المفضلة وسنقوم بوضعها كاملة على المدونة .
تعليقات



حجم الخط
+
16
-
تباعد السطور
+
2
-