رواية عشق القاسي الفصل التاسع عشر 19 من روايات قطرة حياه

    نقدم اليوم احداث رواية عشق القاسي الفصل التاسع عشر من روايات قطره حياة . والتى تندرج تحت تصنيف روايات رومانسية ، تعد الرواية  واحدة من اجمل الروايات رومانسية  والتى نالت اعجاب القراء على الموقع ، لـ قراءة احداث رواية عشق القاسي كاملة بقلم قطرة حياه  من خلال اللينك السابق ، أو تنزيل رواية عشق القاسى pdf كاملة  من خلال موقعنا .


رواية عشق القاسي الفصل 18 من روايات قطرة حياه



عشق القاسى الفصل التاسع عشر


عشق القاسي
الفصل التاسع عشر
مراد: هو ميقصدش معلش يا ياسين هو اكيد لو يعرف انها انخطبت مش هيتكلم
ياسين : حصل خير يلا هستاذن انا بقي يدوب كده الجو اتاخر
عائشة بإبتسامة: ماشي يا حبيبي في رعاية الله
ياسين: مع السلامة
مراد: مع السلامة
///////////
ياسين دخل البيت وهو راكبه 100 عفريت
منال بإستغراب: ياسين
ياسين: ايوا يا امي
منال: ايه يا ابني واخد في وشك كده ورايح فين
ياسين: معلش يا امي ماخدتش بالي والله
منال: حصل خير يا حبيبي اقعد عوزاك في موضوع
ياسين: خير
منال: خير ان شاء الله دلوقتي يا ابني انتو خلاص انخطبتوا ولا بشوفك بتكلم مرام ولا بتزورهم وانا وعائشة قلنا نكتب الكتاب عشان تاخدوا علي بعض يعني

ياسين بتهور: ماشي معنديش مانع
منال بفرحة شديدة: صحيح يا حبيبي والله يا ريت ربنا يفرحني بيك ويسعدك يارب العالمين
ياسين " ايه اللي انا عملته ده ايه خلاني اتسرع واتهور كده "
ياسين بتحزير: بس محدش يقلها حاجة انا اللي هكلمها الاول وهقولها
منال بابتسامة : ماشي يا حبيبي زي ما تحب انا هرن علي عائشة اقولها بس
ياسين: ماشي يا ست الكل بس مرام متعرفش
منال: متقلقش يا حبيبي

ياسين طلع ومنال اتصلت بعائشة
عائشة: ازيك يا منال
منال: الحمد لله ازيك يا عائشة وازي مراد عامل ايه دلوقتي
عائشة: الحمد لله بخير والله
منال بإبتسامة: ربنا يقومه بالف سلامة يارب
عائشة: اللهم امين يارب
منال: انا كلمت ياسين في حكاية كتب الكتاب دي وقال ماشي
عائشة : طيب كويس هقول لمرام بقي ان ياسين عاوز كتب الكتاب في اقرب فرصة بسرعة
مرام كانت داخلة وسمعت الكلمتين دول انصدمت وراحت اوضتها تاني " مستعجل حضرته عشان يتحكم فيا علي مزاجه ويقدر يحكم ويتحكم لكن ده بعدك يا سي السيد "
منال بتحزير: لالا يا عائشة هو عاوز هو اللي يفاتحها في الموضوع وياخد رايها فمتجبيش قدامها سيرة خالص
عائشة: خلاص ماشي ربنا يسعدهم يارب
منال: يارب
مرام فضلت رايحة جاية في اوضتها زي المجنونة من استهتاره فيها وتحكمه وفرض سيطرته دون اخذ رايها في الاعتبار ومن وجهة نظرها مش يحمد ربنا انها وافقت عليه
//////////////
في اوضة ياسين
غير هدومه وقاعد ماسك التليفون عاوز يكلمها بس يا للعجب ياسين متوتر ومش عارف هيقولها ايه ولا هيفاتحها في الموضوع ازاي
وبسخرية: هههههههه الله يرحم لما كانت تستخبي اول ما تشوفك وتترعب منك دلوقتي لسانها طوله شبرين
بس خلاص يا مرام للاسف ملناش مفر انكتبتي عليا وانكتبت ليكي والقدر قال كلمته وانتهينا
اتشجع واتصل بيها
مرام : جيت في وقتك
مرام وبتحاول تهدي نفسها: الو
ياسين بهدؤ: ازيك يا مرام
مرام وفشلت في التمتع بالهدؤ: انا بس عاوزة افهم حاجة انت ازاي تقرر حاجة تخصني وتخص مستقبلي بدون ما ترجعلي كاني اي جماد بدون راي تشيله من هنا تحطه هنا بدون ابداء اي اسباب وبعدين يعني مسالتش نفسك ايه سر المعاملة الجميلة الفظيعة اللي بعاملك بيها لاااا وتتعب نفسك وتفكر ليه انت تقرر وخلاص ما انت سي السيد بقي وانا حمارة مفتحش بقي
ياسين وبيحاول يمسك اعصابه وفشل وبصوت يخوف جدا: تتعلمي الادب وتتكلم باحترام وتنطقي تقولي في ايه دوغري بدون لف ودوران
مرام بضحكة مقهورة وتداعت عدم الخوف: ههههههههه يا برودك يا اخي ده انت تلاجة كانك برئ معملتش اي حاجة
ياسين بعصبية: ما تتهببي تتكلمي بادب احسنلك قلت
مرام بوقاحة لاستفزازه: والاه انا حرة اتكلم بادب او بقلة ادب انا حرة
ياسين بعصبية: اقسم بربي انتي لو جنبي حالا لكنت رازعك في الحيطة يا عديمة الحياء
في بنت متربية تتكلم بالاسلوب ده مع حد بغض النظر لو كان خطيبها يا محترمة بس محلولة بكرة تجيني واربيكي من جديد
مرام بضحكة مقهورة ودموع فشلت في منعها: هههعهههههههه ويا تري عشان كده قررت قرار اننا نكتب الكتاب عشان تقدر تربيني علي مزاجك زي ما بتقول وتمد ايدك براحتك وعلفكرة الراجل اللي بجد وكويس يقدر يفرض احترامه حتي لو كان شايب واكبر مني ب ١١ سنة وعمر ده ما كان بمد الايد ولا الصوت العالي والتهديد والدليل اهو عاوز تكتب الكتاب عشان تمد ايدك براحتك وتستخدم وسيلة انت عارف كويس اني ند غير كفئ ليها والله انا مصدومة فيك اكتر من الاول يا خسارة كل مدي بتاكد ان كان عندي حق في رفضي ليك
ياسين بعصبية لم يعهدها من قبل: والله والله والله انتي لو جنبي حتي لو كنتي مجرد خطيبتي وكنتي جنبي ورحمة ابويا لكانت ايدي معلمة علي وشك بقلم نسيتك بيه اسمك رغم ان ده مش اسلوبي بس اشكالك مينفعش معاها غير كده ورحمة ابويا يا بنت عمي لعلمك الادب واندمك علي كل كلمة قولتيها حالا وانزاحي من وشي دلوقتي
وعلفكرة للمعلومة بس كتب الكتاب الاسبوع الجاي والفرح بعد شهر وقفل السكة في وشها
" بالفعل طعنته في رجولته طعنة سيبقي اثرها طويلا"
ياسين نزل لوالدته بعصبية شديدة ولما شافته كده قفلت مع عائشة بسرعة
منال: ايه يا حبيبي في ايه
ياسين : يا امي انا مش قلت مش تقولوا لمرام حاجة
منال: يا ابني ده انا لسه بكلم عائشة من ساعتها مقفلناش ومقلناش حاجة
ياسين : يبقي هي سمعتكم اكيد
منال بشك: انتو اتكلمتوا
ياسين بعصبية: اه وعلفكرة يا ماما كتب الكتاب الاسبوع الجاي والفرح بعد شهر
منال بصدمة: انت بتهزر
ياسين بصرامة : لا عن اذنك
منال: ياسين
ياسين : نعم
منال: اقعد كده واحكيلي في ايه
ياسين : مفيش حاجة بس ده اخر كلام عندي ولو ده محصلش يبقي هعتبر الخطوبة ملغية عن اذنك
منال بصدمة" لا والله في حاجة وحاجة كبيرة كمان في مصيبة ابني وعرفاه"
مسكت ترن علي عائشة وحكت لها كل اللي حصل
/////////////
في اوضة ياسين " ماشي يا مرام ماشي ان ما علمتك الادب ميبقاش اسمي ياسين الشريف ان ما خليتك تموتي من الرعب من الرمش بس يبقي بحق يا انا يا انتي وده وعد ياسين الشريف "
/////////////
في اوضة مرام
دخلت عائشة عليها وهي بتعيط
عائشة بهدؤ: بتعيطي ليه
مرام: مبعيطش
عائشة: امال ايه ده حصل ايه بينكم
مرام: محصلش حاجة
عائشة: امال ليه عاوز يخلي كتب الكتاب الا
مرام: مبعيطش
عائشة: امال ايه ده حصل ايه بينكم
مرام: محصلش حاجة
عائشة: امال ليه عاوز يخلي كتب الكتاب الاسبوع الجاي والفرح بعد شهر ومصمم علي كده كمان
مرام بصدمة: يعني ايه مبيهددنيش وخلاص
عائشة: اه بيتكلم جد ومتعصب جدا
مرام بصراخ: مش بمزاجه مش لما ابلعه خطيبي الاول واخد علي الحكاية يبقي ابلع اني اتجوزه
عائشة بعصبية: ما تتكلمي باحترام شوية يا بنت بطني ايه اللهجة دي ضيعتي مفتاح لسانك
مرام بدموع: مقدرش اتجوزه دلوقتي والله يا ماما اصبروا عليا شوية
" دلوقتي بس ندمت علي تسرعها وكلامها معاه"
////////////////////////
تاني يوم في المطعم
داليا: ادينا خرجنا برة جو الشغل في ايه بقي
مرام حكت لها كل حاجة
داليا: بصراخة انتي غلطانة جدا وانتي عارفة ومتاكدة من كده
مرام : عارفة بس معرفش حصلي ايه واحنا بنتكلم عصبني اوي يا داليا انه يحدد بدون ما يسال وهو عارف ان ماما مش هتمانع ابدا ده
داليا: بس برده ده ميدكيش الحق تتكلمي معاه كده انتي عارفة لو اتكلمتي بهدؤ كنتي هتوصلي للي انتي عوزاه بسهولة
مرام: اهو اللي حصل بقي
داليا: انتي عارفة ومتاكدة ان جوازكم مفيش منه مفر فحاولي تتاقلمي مع الفكرة بسرعة

دخل سعيد من الباب بسرعة وجه عليه مسعد
سعيد : هما فين يا مسعد ولا مشيوا
مسعد : لا حضرتك هما هناك اهم
سعيد : خلاص روح انت
مسعد مشي وهو مشي بهدؤ لترابيزتهم
سعيد : مساء الخير
مرام وداليا بإستغراب : مساء النور
داليا: خير يا فندم
سعيد بابتسامة وعينه علي مرام: انا سعيد بركات صاحب المطعم وبنختار عشوائي كده من الزباين اللي بنساله عن خدماتنا والراحة هنا والاكل وكل حاجة
داليا: احنا مبنجيش كتير بس عامة حلو يعني
سعيد وموجه حديثه لمرام: وحضرتك
مرام ومستغربة الحوار: عادي حضرتك مفيش مشاكل بتقابلنا هنا يعني
سعيد : شكرا جدا ليكم يا فندم وبيوجه كلامه لمرام شكرا لحضرتك مدام ..
مرام بضيق خلق: اه في حاجة هنا مش كويسة عندكم بصراحة
سعيد : ايه يا فندم
مرام: قلة الراحة والتطفل علي الاخرين حاسبي يا داليا وتعالي هنتظرك برة المكان كان واضح انه كويس بس اكتشفت انه مش كده خالص
داليا حاسبت وخرجت وسعيد الشرار يتطاير من عيونه ونادي علي مسعد
سعيد : انت يا زفت يا مسعد ولم يأبه للناس في المطعم
مسعد جه جري: ايوا يا فندم
سعيد : هي خرجت دلوقتي عاوز اعرف المنقبة دي مين وكل حاجة تخصها انت فاهم اجري قبل ما يبعدوا
مسعد بخوف: حاضر يا فندم
كلمه مسعد بعد نص ساعة وقاله تاهوا منه في الاشارة اتعصب سعيد وكان هيقتلوا 



موعد البارت الجديد الساعة ( 6 م ) يوميا ان شاء الله 

هنا تنتهى احداث رواية عشق القاسي الفصل التاسع عشر ، يمكنكم اكمال باقى احداث رواية عشق القاسي الفصل العشرون  أوقراءة المزيد من الروايات المكتملة فى قسم روايات كاملة .

نأمل أن تكونوا قد استمتعتم بـ رواية عشق القاسى ، والى اللقاء فى حلقة قادمة بإذن الله ، لمزيد من الروايات يمكنكم متابعتنا على الموقع أو فيس بوك ، كما يمكنكم طلب رواياتكم المفضلة وسنقوم بوضعها كاملة على الموقع .
تعليقات



حجم الخط
+
16
-
تباعد السطور
+
2
-