رواية عشقته صدفه الفصل السادس 6 بقلم شروق محمود

الفصل السادس وقفنا البارت إللى فات لما ليليان وقفت مره واحده وبرقت هيا بعد ما شربت وهيا جايه تطلع من المطبخ فى الوقت دا عمر كان داخل المطبخ وميعرفش ان هيا جوا هو كان داخل المطبخ وليليان طالعه من المطبخ وفى ايدها كوب مياه لياسمين وخبطت فى عمر والمياه وقعت عليه وهيا اتخضت لما وجدته قدامها ليليان بخضه : عااااا حرام عليك خضتنى عمر : خضيتك!!!! طب خضيتك تجى رميانى بالمايه ليليان: لا والله مش قصدى انا اتخضيت والله وقعت عليك انا اسفه جدا عمر: اهدى اهدى خلاص والله مفيش مشكله ليليان بتوتر بعد أن أدركت انهم فى المطبخ بمفردهم ليليان: احم طب بعد اذنك وانا اسفه مره تانيه عمر بابتسامه: ولا يهمك اتفضلى واخذت كوب المياه لياسمين وخرجت وتركت ورائها عمر مبتسم وهو بيفتكر حركتها وتوترها وخرج يبدل ملابسه فى الصالون ياسمين وخالد وسيلا قاعدين ليليان خرجت وجلست معهم سيلا: اتأخرتى كدا ليه ليليان: لا مفيش اصل كوبايه المياه وقعت فا جبت واحده تانيه سيلا : طب يلا عشان منتاخرش اكتر من كدا ياسمين : خليكى شويه يا سولى سيلا : ما انتى عارفه هنروح لوحدنا انا وليليان ومش عايزين نتاخر ياسمين : ماشى يا حببتى..... استنى عمر هيجى معاكى يوصلك شويه سيلا : ماشى يا حببتى ليليان اول ما سمعت اسمه اتوترت جدا ليلى بتسلم على سيلا وليليان ليلى : مع السلامه يا سولى وابقى سلميلى على آيات سيلا: الله يسلمك يا طنط ليلى : مع السلامه يا ليلو وخدى بالك من مذاكرتك بقا ليليان: الله يسلمك يا طنط حاضر ان شاء الله عمر طلع من غرفته بعد ما بدل ملابسه ليلى: يلا يا عمر تعالى وصل سيلا عمر : حاضر يا ماما يلا يا سيلا خرجوا من المنزل وكانت سيلا ماشيه فى المنتصف وعلى جانبيها عمر وليليان كانت سيلا وعمر بيتكلمو وليليان مستمعه بس وسيلا كانت بتسأل عمر عن دروسه سيلا : بتاخد دروس فين يا عمر عمر : باخد كل المواد فى سنتر التفوق عرفاه سيلا: اه طبعا عرفاه ليليان بتاخد فيه عمر : احم اه ما انا كنت بشوفها هناك دايما سيلا : انت علمى صح عمر : اه علمى كل هذا وليليان تستمع إليهم فقط وكانت بتقول فى نفسها ( يا نهار ابيض دا طلع معايا فى السنتر وعلمى كمان وانا دلقت عليه المياه يا ليله بيضه وايه يعنى يا ليليان مفيهاش حاجة لا لا بس برده احراج ) دا كله كانت بتحدث نفسها وانتبهت على صوت سيلا سيلا : يلا يا ليلو وصلنا ليليان: طب يلا سيلا : شكرا يا عمر خد بالك من نفسك وانت راجع عمر : العفو يا حببتى انتى اختى يلا اطلعوا سيلا : سلام طلعوا سيلا وليليان وعمر كان واقف مراقبهم لحد ما اختفوا من امامه وبعدين ذهب هو دخلوا سيلا وليليان البيت والقوا السلام على محمود وآيات وقعدوا معاهم شويه ودخلوا غرفتهم سيلا كانت بتاخد شور وليليان كانت قاعده على المكتب بتظبط كتب دروسها بس كانت سرحانه وبتحدث نفسها( هو انا ليه بفكر فيه كدا وبتوتر لما بشوفه او اسمع صوته اوووووووف بقا انا هقوم انا احسن ) خرجت سيلا ورتبوا سرايرهم وناموا عند عمر وصل البيت ودخل غرفته وبدل ملابسه وجلس على سريره وكان بيحدث نفسه ( كان احلى يوم فى حياتى والله وفعلا صدق إللى سماكى ليليان فعلا رقيقه وجميله و زى ضوء القمر ايه ده ايه إللى انا بقوله دا انت هتخيب يا عمر ولا ايه نام احسن نام ) 🌸🌸🌸🌸🌸🌸🌸🌸🌸🌸🌸🌸🌸🌸🌸 فى يوم جديد أثناء آذان الفجر تستيقظ ليليان وايقظت سيلا وصلوا الفجر وقراوا وردهم اليومى وسيلا قامت تنام وليليان قعدت على المكتب تذاكر فى الساعه التاسعه صباحا استيقظت سيلا وجدت ليليان بترتدى ملابسها سيلا: صباح الخير يا ليلو ليليان: صباح النور يا سولى سيلا : بتلبسى ورايحه فين ليليان: هكون رايحه فين يعنى اكيد مش رايحه اتفسح سيلا : يابت هو انتى مش بتعرفى تردى غير لما تطولى لسانك ده ليليان بضحك : هههههههههه ما انتى بتسألى اسئله رخمه زيك هكون رايحه فين يعنى اكيد رايحه الدرس سيلا : اوووووف خلاص خلاص انا غلطانه انى سألتك اساسا ليليان: هههههههههه احسن قومى يلا و.... وقطع كلامها رنين هاتفها ليليان: الو يا منمن اخبارك امانى: ليلو وحشانى والله جداا ليليان: وانتى كمان يا حببتى اخبار شفق والاء ايه امانى: شفق كويسه الحمد لله وبتقولك تعالى السنتر بدرى ليليان: وهيا مرنتش عليا ليه امانى: ما انتى عارفه ان هيا معهاش رصيد ههههههه مفلسه دايما هههههههههه ليليان: ههههههههههههه دايما فعلا شبهنا يا ختى قوليلى لولو عامله ايه امانى: خروجوها من المستشفى وراحت البيت بس مش هتنزل الدروس عشان الجبس بتاع رجليها ليليان: خلاص بعد الدرس نروح نزورها امانى: تمام يلا باى عشان البس للدرس ليليان: باى يا حببتى أغلقت ليليان الخط مع امانى وخرجت من غرفتها وجدت آيات وسيلا يحضرون السفره ومحمود يشاهد التليفزيون ليليان: صباح الخير يا أهل الدار آيات: صباح الخير يا مجنونه ليليان: الله يخليكى يا ماما يارب هههههههههه.... صباح الفل يا حج محمود : صباح الورد يا ليلو .....يلا نفطر قعدوا الاربعه على السفره ليليان: بابا محمود : نعم يا حببتى ليليان: الاء صاحبتى طلعت من المستشفى وراحت البيت بس مش هتنزل الدروس عشان رجليها متجبسه ينفع يعنى اروح ازورها مع امانى وشفق بس هنروح بعد الدرس سيلا بضحك : ههههههههههه دا كله عشان عاوزه تزورى الاء ما تقولى علطول عايزه ازور صاحبتى ليليان: بس يا رخمه ..... ها يا بابا اروح دا بعد اذنك طبعا محمود : روحى يا ليلو بس متتاخريش ماشى ليليان: ماشى يا بابا يا عسل انت آيات: ابقى خدى معاكى زياره يا ليلو ليليان: ما انا و امانى وشفق هنشترى شيبسيهات و شوكولاته آيات: يا بنت الحلال فيه حد يروح يزور شخص بأكياس شيبسى ليليان : عادى يا ماما عشان ناكله مع بعض سيلا بضحك : هههههههههه كمان هتاكلى منه ههههه ليليان: والله انك رخمه بس يا بت ايش حشرك انتى محمود : يلا يا ليلو ننزل مع بعض عشان رايح الشغل ليليان : يلا يا بابا سلام يا ماما آيات: سلام يا حببتى ابقى سلميلى على الاء ومامتها ليليان وهيا تغلق الباب : حاضر يا ماما نزلت ليليان مع محمود ووصلها بالعربيه للدرس دخلت السنتر وجدت امانى وشفق قاعدين وفى اول ديسك من الاول وجدت عمر مع اصحابه اتوترت لما شافته و دخلت قعدت مع اصدقائها وسلمت عليهم شفق: وحشانى مووت والله عامله ايه يا قلبى ليليان: وانتى اكتر يا شوشو كويسه الحمد لله عامله ايه يا منمن امانى: بخير يا حببتى قوليلى بقا اتصورتى بالطقم بتاع كتب الكتاب ليليان: اه يا هبله اتصورت خدى اتفرجى اهو شفق : اوباا بقا و ليلو لابسه دريس امانى : بقيتى محترمه امته يا بت ههههههه ليليان : اتلمى انتى وهيا لبست بس دريس عشان مناسبه وكدا مش اكتر شفق : مين إللى ورا فى الصوره دا يا بت يا ليلو ليليان: ها دا اخو ياسمين العروسه امانى بتذكر: مش دا إللى كان داخل وانتى بتضحكى بصوت عالى غصب عنك هو معانا هنا صح ليليان بتوتر: اه اه هو شفق بغمزه: اه قولتيلى وطلع اخو العروسه وكدا مكمكم وايه إللى حصل ها قولى يلا امانى بضحك : ههههههه اه يلا اعترفى ليليان: بس يا رخمه منك ليها مفيش حاجه حصلت يعنى وعلى الحكى لما نروح عند الاء تمام شفق و امانى بضحك : هههههههههه تمام بدا المدرس شرح الدرس واستمعوا اليه وبعد ساعه ونصف خرجوا اتصلت ليليان على آيات تطمنها انها خرجت وأنها راحه عند الاء وصلوا عماره الاء ورنوا جرس الباب اسماء ( والده الاء ) : يا اهلا يا اهلا اتفضلوا يا حبايبى ليليان : أهلا يا طنط ازيك اسماء : الحمد لله بخير يا حببتى عامله ايه يا امانى ....عامله ايه يا شفق امانى وشفق : بخير الحمد لله يا طنط شفق: اومال الاء فين يا طنط اسماء : جوا فى اوضتها يا حبايبى ادخلوا ليها امانى: ماشى يلا يا بنات اسماء ذهبت إلى المطبخ وليليان وشفق و امانى خبطوا ودخلوا اول ما الاء شافتهم فرحت جدا الاء بفرحه: وحشتوووووونى اووووى ليليان وهيا تحضتنها : وانتى اكتر يا روحى امانى: لولوتى اخبارك يا قلبى شفق : عامله ايه يا بطل الاء : بقيت كويسه لما شوفتكو يا حبايب قلبي عملتى ايه فى الفرح يا ليلو ليليان: لا حول ولا قوة إلا بالله هو انتو متفقين عليا لا سمح الله شفق : مفيش هروب هتحكى يعنى هتحكى يلا الاء : ليه في ايه ها امانى: اصل يا لولو كان في واحد من دفعتنا ومعانا فى السنتر كمان هناك فى كتب الكتاب ويا سبحان الله ويشاء القدر انه طلع اخو العروسه ههههههههههههه ليليان: اتلمى انتى وهيا لحسن والنعمه هبهدلكم شفق وهى تحاول ان تكتم ضحكتها: خلاص هنسكت احكى يلا بدأت ليليان تحكى كل شئ من اول ما دخلت المنزل واتقابلت بعمر لحد موضوع المياه واخرا وهما مروحين وبعد ما خلصت حكى وجدت امانى بتضحك بشده امانى: هههههههههههههه يا نهار ابيض الواد صعب عليا والله ههههههههههههه مش قادره هههههههههه ليليان: ليه بقا ان شاء الله شفق : يعنى مره خبطتيه بالباب ومره وقعتى عليه كوبايه مايه هتعملى ايه تانى فيه يا مفتريه هههههههههههههه ليليان: بس يا كلب البحر منك ليها.....ساكته ليه يا لولو مش عايزه تقولى حاجه انتى كمان الاء: بصراحه عايزه بس خايفه عشان ممكن تضربينى وانا مش قادره ليكى اساسا هههههههههه ليليان: والله انتو عيال رخمه وانا غلطانه انى بحكى اصلا امانى: ايه دا انتى زعلتى يا ليلو!!!! ليليان: ___________________ امانى: متزعليش والله احنا اسفين ااااااااااه ليليان: احسن تستاهلى امانى: يا عضاضه ايه يا بت انتى جعانه ولا ايه شفق : هههههههههه خلاص يا بطل اهدى ههههههه ليليان بضحك : هههههههههه خلاص مفيش حاجه الاء وشفق و امانى: هههههههههههههههه هههههههههههههههه اتكلموا مع بعض وبعدين كل واحده روحت بيتها فى منزل ليليان فى غرفه سيلا نجدها تتحدث فى الهاتف الى ياسمين ياسمين: لازم ننزل يا سولى فى حاجات نقصانى عايزه اجبها سيلا : حاضر هشوف ليلو وهقول لماما وننزل ان شاء الله ي حببتى ياسمين : ماشى يا حببتى.....اخبارك ايه سيلا : الحمد لله بخير يا حببتى بقولك هو عمر بقى هادى كدا ليه ياسمين: والله ما اعرف يا سولى مش بيحكى ليا حاجه خالص بقا كتوم اوى سيلا : انا هبقى اكلمه كدا واشوفه ياسمين : ياريت بجد هو بيحب يتكلم معاكى سيلا : خلاص ماشى هبقى اكلمه يلا سلام عشان ماما عايزانى ياسمين : سلميلى عليها سلام أغلقت سيلا الخط وسرحت شويه وبعدين قامت قعدت على المكتب أخرجت دفتر مذكراتها وكتبت شيئا وأغلقت الدفتر مجددا ووضعته فى الدرج واغلقته وخرجت من غرفتها رجعت ليليان البيت وألقت السلام على آيات وسيلا ودخلت غرفتها بدلت ملابسها وتوضات وصلت فرضها وجلست على المكتب وفتحت دفتر مذكراتها وكتبت وأغلقت الدفتر ونظرت إلى ما كتبته وكانت غير مستوعبه انها كتبت الخاطره دى وقالت لنفسها ( من امته وانتى بتكتبى خواطر رومانسيه يا ليليان ولمين اصلا لا لا لا اكيد مش هو بس هو كان فى بالى وانا بكتب الخاطره لا لا يمكن عشان شوفته انهارده منك لله يا عمر بقيت محتل كل الكبرى وكيانى ) ملحوظه ( ليليان بتكتب خواطر وروايات بس محدش يعرف غير امانى وشفق والاء فقط ) ليليان سمعت صوت رنين جرس الباب وآيات بتنادى عليها عشان تفتح الباب ليليان وهيا تخرج من الغرفه : حاضر حاضر يا ماما هفتح اهو ذهبت وفتحت الباب اول ما فتحت الباب وقفت مصدومه ولقت ............... هنعرف فى الفصل الجاى ان شاء الله

رواية عشقته صدفه الفصل التالي

تصفح قسم روايات كاملة

"اشتركوا الآن لتصلكم أحدث الفصول والتنبيهات فور نشرها"

زيارة قناتنا على تليجرام

زيارة قناتنا على واتساب

زيارة قناتنا على فيسبوك