رواية عشقته صدفه الفصل الثامن 8 بقلم شروق محمود

الفصل الثامن وقفنا البارت إللى فات لما عمر خرج من السنتر وقف مكانه مصدوم ووجد سياره كانت هتخبط ليليان ليليان كانت راحه تشترى الكوتش وكانت بتعدى الطريق اول واحده من اصدقائها شفق و امانى كانوا فى السوبر ماركت بيشتروا حاجه ومخدوش بالهم من العربيه إللى كانت هتخبط ليليان عمر كان لسه هينادى عليها عشان ينبهها وجد شخص بيشدها من ذراعها لما الشخص دا شد ليليان العربيه مشيت من جانبها بسرعه شديده جدا وهيا مكنتش مستوعبه الموقف الشخص: حاسبى حضرتك واجلسها على الرصيف لكى تستريح ليليان بذهول وخضه من الموقف ومكنتش عارفه تاخد نفسها ومكنتش قادره تتكلم شفق و امانى انتبهوا وجريوا عليها امانى وهى تحضتنها : حببتى الحمد لله جات سليمه شفق حضنتها هى الأخرى: الحمد لله يا ليلو الحمد لله ليليان بانتباه ووعى: ها انا انا كويسه متقلقوش وقامت وقفت وشكرت الراجل وهذا كله امام اعين عمر واتعصب جدا لما شاف الراجل بيشد ليليان من ذراعها وهو بيتكلم معاها وبعد ما عمر انتبه للرجل وطلع يعرفه ندا عليه ليليان : متشكره جدا لحضرتك الشخص : العفو حضرتك و.. وقطع كلامه نداء عمر عمر : ادهم الشخص ( ادهم ) بص خلفه: ايه دا عمر بتعمل ايه هنا عمر بضيق لكن اخفاه بسهوله: انا باخد درس هنا ليليان اتوترت من وجود عمر : طب استاذن انا وشكرا جدا لحضرتك . قامت وشفق و امانى سندوها ودخلت السنتر وعمر لاحظ نظرات ادهم ليها واضاايق جداا بس اخفى دا بسهوله . عمر : بتعمل ايه هنا يا ادهم ادهم بسخريه : هكون بعمل ايه يعنى دا سنتر وكنت جاى اخد فيه درس عمر : يبقى تتلم وتلم عينك دى شويه الا هقول لعمتى ادهم : ما براحه يا بن عمتى فاضلك شويه وتضربنى قولى بقا المدرسين هنا شرحهم حلو عمر وهو يمشى: خش وشوف بنفسك واحكم انت دخل عمر السنتر والقى نظره على ليليان وجد صديقتها تعطى لها مياه ذهب ليجلس مع مروان مروان : مالك يا بنى قالب خلقتك كدا ليه عمر بضيق : مفيش يا عم مروان : هتقول ولا عمر : خلاص هقول وحكى لمروان إللى حصل لحد رؤيته لابن عمته( ادهم ) مروان : يااااباى بصراحه ابن عمتك دا غتت اخر حاجه ومش بطيقه متزعلش منى يا عمر بس دى الحقيقه عمر : وهزعل ليه يا مارو حتى انا كمان مش بينزلى من زور مروان : ههههههههههههه سيبك منه المهم ان ليليان كويسه عمر: اه الحمد لله دا انا كنت مرعوب إللى مضايقنى انه مسكها من دراعها يا مروان مروان: اهدى يا عم بدل ما تولع من كتر عصبيتك ههههههههههههه بس لولاه كانت ليليان فى خبر كان عمر بخضه: بعيد الشر عليها يا اخى مروان : اهدى اهدى انا بهزر اهدى يا عمر فى الخارج ادهم حيث يجلس ادهم مع أصدقائه ولكنه شارد شارد فى ليليان استووووووووووب نعرف ادهم ( ادهم : ابن عمه عمر فى ال 18 من عمره فى الصف الثالث الثانوى شخص مستهتر ومش مهتم بدروسه ودراسته ودايما بيغير من عمر ودايما شايف عمر احسن منه وبيحب ياخد اى حاجه مع عمر عاوز يكون هو احسن من عمر فكل حاجه من الاخر كدا يا جماعه شخص غتت اوويى على رأى مروان 😂😂) صديق ادهم ويدعى زياد: ايه يا عم سرحان فى ايه ادهم : مفيش يا زيزو معاك بقولك ما تيجى ندخل جوا السنتر زياد : طب يلا دخل ادهم السنتر اول ما دخل شاف ليليان بس هي كانت جالسه بظهرها هو كان واقف باصص عليها وعمر شافه واضايق جداا عمر ندا ل ادهم عمر : ادهم ادهم شاف عمر وراح قعد معاه ادهم : درس ايه إللى هيبدا يا عمر عمر : انجليزى ادهم: تمام هحضر معاكم ...ايه دا ازيك يا مارو مروان: الحمد لله وبعدين انا اسمى مروان مش مارو ادهم بابتسامه استفزاز : اه ما انا عارف مروان كان هيرد عليه بس عمر مسك ايده بمعنى خلاص متفتحش معاه كلام نروح عند ليليان شفق : هديتى يا ليلو ليليان: الحمد لله يا شوشو امانى وهيا محتضنه ليليان : الحمد لله يا ليلو دا انا اترعبت عليكى ليليان : متقلقيش يا حببتى انا كويسه الحمد لله شفق : كنتى هتبقى انتى و الاء ههههههههههههه امانى: كان هيبقى اسمنا شله المصايب والإصابات ههههههههههههه ليليان : ههههههههههههه صح ههههه ..الحمد لله الأستاذ دخل الحصه وبدا فى الشرح بعد ساعه ونصف خرجوا ليليان : بقولكو ايه انا مش قادره امشى وقفوا تاكسى امانى بقلق: مالك يا حببتى فى حاجه بتوجعك ليليان: انا كويسه يا حببتى بس حاسه انى اعصابى سايبه من الخضه شفق : حاضر يا ليلو هنوقف تاكسى شاوروا للتاكسى ووقف وركبوا ورا وليليان كانت قاعده جنب الشباك وقبل ما التاكسى يمشى شافت عمر وعنيهم جت فى عيون بعض هيا شافت فى عيونه قلق وضيق وهو شاف فى عيونها تعب ليليان فاقت وبصت فى الجهه التانيه بعيد عن عمر التاكسى مشى عمر مشى مع مروان لكن اوقفه نداء ادهم ادهم : عمر استنى ....انت مروح البيت عمر : اه مروح هروح فين يعنى ادهم : طب انا هاجى معاك عمتك عندكو اصلا عمر : تعال يا عم وبعدين عمتى دى مش مامتك ولا ايه ادهم : يا عم مش مهم اهى كلها اسامى هههههه عمر فى نفسه ( غتت ودمك يلطش والله ) وصلوا وودع عمر مروان وطلعوا المنزل دخل عمر وادهم عمر : السلام عليكم ليلى : وعليكم السلام تعال يا عمر سلم على عمتك عمر : ازيك يا عمر وحشانى والله عمه عمر وتدعى نهال: بخير يا حبيبى ليك وحشه يا عمر ليلى : ازيك يا ادهم عامل ايه يا حبيبى ادهم: بخير يا طنط عامله ايه ليلى: الحمد لله يا حبيبى عمر فى نفسه ( طنط لما تنططك يا بعيد....الله يرحم لما كنت بتاكل الايس كريم بالعيش هه طنط هه ) وفاق على صوت ليلى : ايه يا عمر سرحان فى ايه يا حبيبى عمر : مفيش يا ست الكل بس دماغى مصدعه شويه ليلى : طب ادخل صلى وبعدين هديك حاجه للصداع ادهم: الف سلامه عليك يا عمر نهال: الف سلامه عليك يا عمر.... عارف ادهم من يومين كان عمال يقولى عاوز اشوف عمر عاوز اشوف عمر وانت كنت واحشه اوى ليلى : ربنا يخليهم لبعض يارب ادهم راح عند عمر ووضع ايده على كتفه: عمر دا حبيبى يا طنط ليلى عمر بابتسامه : تسلم يا دومه وقال فى نفسه ( حبك برص يا شيخ جتك البلى فى غتتك ) عمر : طب استاذن انا بقا هدخل انام شويه عشان مصدع نهال : اتفضل يا حبيبى دخل عمر غرفته و بدل ملابسه وتوضأ وصلى فرضه وجلس على مكتبه واسترخى وجه فى باله ليليان وقلق عليها لأنه كان شايفها تعبانه وكان عاوز يطمن عليها وجه فى باله فكره عند ليليان وصلت البيت ودخلت كان باين عليها التعب آيات وسيلا شافوها ولاحظوا عليها انها تعبانه وسالوها وحكت ليهم إللى حصل ودخلت غرفتها تستريح وسيلا دخلت معاها ليليان بدلت ملابسها وتوضات وصلت فرضها ونامت على السرير وسيلا قعدت فى شرفه الغرفه وجدت تليفونها بيرن نظرت للمتصل لقته عمر سيلا : يا هلا يا هلا اخيرا افتكرت انك تعرف حد اسمه سيلا يا راجل عمر : معلش والله يا سيلا المذاكره واخده كل وقتي عشان الامتحانات قربت وكدا بقا سيلا : خلاص عفونا عنك هههههههههه....اخبارك عامل ايه عمر : كويس الحمد لله بخير انتى عامله ايه سيلا : الحمد لله ....عمر انت عايز تقول حاجه عمر : هههههههه دايما فهمانى كدا سيلا : هههههههههه طب قول عاوز ايه عمر : بس متفهمنيش غلط والله نيتى كويسه سيلا : قول علطول يا عمر انا مبكرهش في حياتى قد المقدمات عمر : طب خلاص هقول... ليليان عامله ايه كويسه دلوقت سيلا : امممم ليليان....جت نامت تعبانه شويه بسبب إللى حصل عمر : الف سلامه عليها سيلا : الله يسلمك يا عمر بس بتسأل ليه يعنى عمر بتوتر : لا عادى اصل الموقف حصل قدامى يعنى وحبيت اطمن مش اكتر سيلا : ماشى يا عمر ولا يهمك هيا زى اختك عمر : اه اه طبعا يلا سلام عشان هذاكر سيلا : مع السلامه أغلقت سيلا الخط مع عمر واطمنت على ليليان وجلست تذاكر عند عمر فى غرفته ارتاح جدا لما اتطمن على ليليان وافتكر جمله سيلا وهيا بتقوله ان ليليان زى اخته عمر فى نفسه ( اختى ايه بس يا سيلا دى بنتى وحببتى وصحبتى وكل حاجه فى دنيتى والله والحمد لله انها بخير ) اتنهد وفتح المصحف وقرأ فيه شويه وبعدين قعد يذاكر 🌸🌸🌸🌸🌸🌸🌸🌸🌸🌸🌸🌸🌸🌸🌸 فى صباح يوم جديد أثناء آذان الفجر استيقظت سيلا قبل ليليان وايقظتها وتوضأوا وصلوا الفجر وجلسوا يقرأوا وردهم اليومى سيلا وليليان قاعدين في الشرفه سيلا: امانى وشفق اتصلوا عليكى و انتى نايمه علفكره كانوا بيطمنوا عليكى ليليان : هبقى اتصل عليهم بس شويه كدا سيلا : ماشى ....عامله ايه دلوقت ليليان : الحمد لله يا حببتى احسن بكتير انا هقوم اذاكر شويه قبل الدرس سيلا : ماشى يا حببتى قومى قامت ليليان وجلست على المكتب وبدأت تذاكر وسيلا قامت تنام فى الساعه الثامنه صباحا استيقظت ليليان وسيلا رن هاتف ليليان ووجدت المتصل شفق ليليان: الو يا شوشو شفق : ليلو اخبارك يا قلبى ليليان: بخير يا قمرى الحمد لله بس ايه دا من امته وانتى معاكى رصيد يا بت هههههههههه شفق : عشان تعرفى انك غاليه بس مش بشحن غير للغالين ههههههههههههه ليليان : ههههههه يلا روحى البسى للدرس وانا هتصل ب امانى واطمن على الاء وبعدين نتقابل هناك شفق : يلا جود باى بيبى ليليان : جتك القرف فى لغتك باى يا ختى وأغلقت الخط مع شفق واتصلت بامانى ليليان: منمن روح قلبى اخبارك امانى : ليلو عامله ايه يا روحى ليليان: الحمد لله يا حببتى يلا البسى ونتقابل هناك فى السنتر امانى: ماشى يلا سلام ليليان : سلام يا حببتى أغلقت الخط مع امانى واتصلت بالاء الاء : ليلو وحشانى والله جداا ليليان : وانتى اكتر يا قلب ليلو احنا هنجبلك انا والبنات انهارده بعد الدرس الاء : ماشى يا حببتى تنورونى ليليان : تسلمى يا قمرى يلا سلام عشان هلبس واروح الدرس الاء : ماشى يا حببتى سلام أغلقت الخط ولبست ملابسها وعباره عن ( بنطلون واسع ابيض وتيشرت بيبى بلو باكمام واسعه وطرحه بيضاء ) نزلت من البيت وراحت السنتر اول ما وصلت لسه هتدخل لقت شخص وقف قدامها بصت لقت........... هنعرف فى الفصل الجاى ان شاء الله

رواية عشقته صدفه الفصل التالي

تصفح قسم روايات كاملة

"اشتركوا الآن لتصلكم أحدث الفصول والتنبيهات فور نشرها"

زيارة قناتنا على تليجرام

زيارة قناتنا على واتساب

زيارة قناتنا على فيسبوك