الفصل العاشر من رواية "جعلتنى ملتزما" بقلم بنت الصعيد، اقتباس"أدم ...براحتك وجي يمشي قامت كارما حضنته وانفجرت ف العياط ..وهو حضنها جامد وقلق عليها".
جعلتنى ملتزما الحلقة العاشرة
رواية جعلتني ملتزما حبيبة وادم الفصل السابع عشر 17
في المساء في فيلا الالفي
رجع أدم من شغله منهك وتعبان جدا هو بيضغط نفسه كتير في الشغل اليومين دول عشان يلحق يسلم المشروع ف معاده
لقي العيلة متجمعة ومعاهم مروان
أدم ....السلام عليكم ورحمه الله وبركاته...مروان هنا
مش ملاحظ انك ناقص حبة وتجيب شنطة هدومك وتعيش معانا
مروان. .....حب يغيظه .....والله عمو منير قالي بس انا كرامتي نقحت عليا
كلهم ضحكو
أدم....أنا بصراحة جي مفرهد ومش حابب ادخل معاك ف نقاش من اي نوع
اومال حبيبة وكارما فين
زهرة .....البنات يبختارو شوية حاجات لزوم الفرح وانت كمان اوعي تقولي انك بكرة كمان رايح الشغل ..والا مين هيوقف مع مروان ف تجهيزات الفرح
أدم .....بجدية...لا طبعا مش رايح وانا عندي اغلي من ميرو وكارما ..أنا رايح اخد شاور واصلي العشا ..ماما والنبي الاكل بسرعة لحسن ابنك ما اتغداش
زهرة ...يا حبيبي يا ابني حالا يكون جاهز
مروان......عمي هما عيالك ليه مش بيفكروا غير في الاكل
منير همس لمروان .....زي امهم
مروان......ضحك بس كتم ضحكته ..اممم
&&&&&&&&&&&&&&
عند حبيبة وكارما
أدم دخل لقاهم جيبين صور فساتين وحاجات بنات بيتفرجوا عليها ع النت
أدم ....المزز بيعملوا ايه
كارما بصتله ببرأة....ايه رأيك في الفستان دا يا آدم
أدم....يخرب بيتك يا كارما انتي عايزة تلبسي الفستان دا لمروان دانا كنت قتلتك
حبيبة بصت لادم بصدمة وبرقتله عينيها يعني اسكت
وكارما اتكسفت وبصت ف الأرض
أدم .....يوووووه مانا مش متخيل بصراحة أنه كارما البنوتة الصغيرة خلاص كبرت وهتسبنا وتتجوز الفكرة نفسها مش داخلة دماغي يا حورية
حبيبة وفقت وقربت عليه ....هي هتتجوز صاحبك يعني المفروض تبقا فرحان
أدم ....قرب عليها وهمس ...اهو انا دلوقتي فرحان بجد
حبيبة ....أدم عيب كده كارما موجودة
أدم ....بت يا كارما دوري وشك الناحية التانية دقيقة
كارما بزهق ....ولا دقيقة ولا اتنين يا اخويا انا اصلا نازلة .وسابتهم ومشيت
أدم ....بتفهم البت كارما دي
&&&&&&&&&&&&&&&&&&&
عدي الليل علي أبطالنا والكل بيستعد لفرح كارما ومروان
وفي الصبح بقا
عند أدم وحبيبة
حبيبة ساندة راسها علي صدر أدم
حبيبة ....أدم ماما عايزاك تدير شركة بابا الله يرحمه
أدم ....بصي يا حبيبة انتي عارفة أنا اد ايه مشغول بس هحاول ولو ما قدرتش اكيد هجيب واحد أنا بثق فيه يدير الشركة اوك يا حورية
حبيبة ....شاردة ما رديتش
أدم ...حورية رحتي فين
حبيبة ...يا ريت يا آدم لو كان مروان وكارما هيعملوا فرح إسلامي بجد كنت هابقي مبسوطة
أدم ...عشان مش بتحبي الاغاني صح
حبيبة. .....امممم
أدم سمع حد بيخبط ع الباب
أدم ....مين
زهرة .....صباح الخير ...مروان مستنيك تحت يا آدم
أدم......تمام قله خمسة ونازا
&&&&&&&&&&&&&&&&
في الفيلا تحت
أدم نزل لمروان وزهرة كانت واقفة توزع عليهم مهام الفرح
أدم .......اهلا اهلا بعريسنا الغالي بزيادة
مروان بشك....الدخلة دي وراها حكاية صح
زهرة.......بدأنا النقار بتاع كل يوم بعد أما تخلصوا نقار نادوني عشان اقولكو هتعملوا ايه
أدم....ولا حكاية ولا رواية يا ميرو هو ما ينفعش ادلع صاحبي حبيبي ولا ايه
مروان ....بشك ...اصلك مش متعود
أدم قرب منه اوي....هو أنا لو طلبت منك طلب هتوافق اكيد هتوافق إن شاء الله
مروان .....مانا قلت اكيد فيها إن اشجيني
أدم ....ممكن يا ميرو نلغي الدي جي والاغاني ونخليه فرح إسلامي
مروان ربع ايديه ف بعض .....لا
أدم ....والنبي يا مروان عشان خاطري حبيبة مش بتحب الاغاني
مروان ....لا برضو ...وبعدين أنا مالي حبيبة تحب الاغاني ولا ما تحبهاش دا فرحي أنا وكارما يعني نعمل اللي يعجبنا..مش اللي يعجب حبيبة
أدم.....كنت عارف انك عيل خسيس وواطي ومش بتقدر حد
مروان ....يا ابني انت بقا كل تفكيرك انك تعمل اللي يرضي حبيبة حتي لو علي حساب اي حد
يا مجنون حبيبة
أدم اتغاظ....طب يا كلب كارما
مروان ضحك. ......لااااااا كلب كارما ايه بقا دانا كارما همشيها ع العجين ماتلخبطوش
أدم ...يا سلام انت هتعمل في اختي كده طب ايه رأيك بقا ماعندناش بنات للجواز يا مروان يا شاكر وخد بعضك وامشي
مروان.....أنا خلاص حفظت الاسطوانة المشروخة دي ومش هرد
زهرة جات لهم تاني ....هو انتوا لسة مانهتوش الماتش يلا يا مروان عندك شغل كتير في القاعة بلاش لكاعة .وانت يا آدم اطلع شوف مراتك شكلها مضايقة ومش عارفة ليه
أدم فجأة نط وقال ....ايه حوريتي مضايقة وسعي سكة كده يا ست الكل خليني اروح اشوفها وجري بطريقة تضحك
مروان....قوليلي يا طنط هو الهبل وراثة في العيلة دي اصل أنا ملاحظ يعني كده الواد والبت عندهم نفس الداء
زهرة رفعت حواجبها وقالت .....والله يا ابني هما كانوا طبيعين جدا بس من لما دخلت انت علي حياتهم اتجننوا مش عارفة ليه
مروان حط أيده علي راسه ومسح علي شعره....اووبااا قصف جبهة انسحب بشرفي احسن
&&&&&&&&&&&&&&&&
ادم طلع عند حبيبة لقاها باصة لنفسها ف المراية ومضايقة
عشان زادت كام كيلو من الحمل
ادم ....حورية قالولي انك مضايقة
حبيبة.....لسة بتبص في المراية ومضايقة ...آدم انت لسة شايفني حلوة ولا شايفني مقلبظة
ادم ضحك.....انا شايفك قمر يا حورية قلبي
حبيبة .....لا انت بتكدب عليا عشان ولادك اللي ف بطني لكن انا فعلا بقيت تخينة ووحشة
ادم قرب منها .....مين دي اللي وحشة طب دانتي كده بقيت جامدة وربنا
حبيبة ....لا انت بتكدب يا آدم انا حاسة انك مابقيتش تحبني عشان تخنت
ادم بصدمة ....انا ؟؟؟؟!!! طب اقولها ايه دي يا ربي ...يا حورية انتي كل حاجة حلوة ف حياتي ازاي اكرهك وبعدين والله انتي كده جامدة طب لحظة كده
وقام مخرج تلفونه وفتح فيس وقالها
ادم ...تعالي كده انا هصورك لايف ع الفيس واقول يا جماعة الصارووخ دا بيقول نفسه وحش تقولولها ايه
حبيبة جريت وخبت وشها.....الله يهديك يا ادم انت بتقول ايه عايز تطلعني لايف بشعري ووشي وخرجت من الاوضة وهي بتقول ...خلاص صدقت اني لسة صارووخ زي ما بتقول
ادم ضحك وحط ايديه في جيوبه ....صنف يجي بلوي الدراع
&&&&&&&&&&&&&&&&
طبعا ادم ومروان راحوا يتمموا علي القاعة والفرح والحاجات دي
وكارما جاتلها الميكب ارتست وانشغلت هي وحبيبة في تزينها
ومروان راح المطار استقبل اخته زيزي وجوزها وابنها اللي جم من امريكا عشان يحضروا الفرح
&&&&&&&&&&&&&&&&
بالليل بقا في الفرح
ادم دخل القاعة وف ايده كارما اللي كانت زي الاميرات بحجابها وفستنها الابيض الهادي
مروان جي عليهم واستلم كارما..وقال لادم..انت كده استوب يا معلم استغنينا عن خداماتك ...ادم كان هيتجنن هو اللي بيعمله دا كله من ورا غيرته علي اخته
مروان مسك ايد كارما وباسها
ادم .....مش قديم جو بوس الايدين دا هي امك
مروان. ........مالكش فيه انا ابوسها في الحتة اللي تعجبني
ادم.......عدي ليلتك علي خير بدل ما تقضيها في المستشفي
مروان .....ولا بيهمني يلا يا عرستي
ادم راح وقف عند الباب جمب والده عشان يستقبل المعازيم
وفجأة بص
ادم .....رنا؟!!!..
رواية جعلتنى ملتزما الفصل الثامن عشر 18
رواية حبيبة وادم الفصل الثامن عشر 18
في فرح مرون وكارما
ادم راح وقف عند الباب جمب والده عشان يستقبل المعازيم
وفجأة بص
ادم ...بدهشة...رنا؟؟؟؟؟؟...انتي مش قلتي انك مسافرة لوالدك ؟؟!!!
وفجأة يجي صوت من ورا رنا.......انا منعتها تسافر يا باشمهندس
ادم اتفاجئ........المقدم سيف ومنعتها ليه انا مش قلتلك رنا شاهدة وبس وانا مسامحها ع اللي عملته
رنا ابتسمت لانها اول مرة تعرف انه ادم هو اللي قال لسيف يعتبرها شاهدة .....وقالت....سيف ممكن اتكلم مع ادم خمس دقايق
سيف.....اكيد اتفضلي
رنا وادم خرجوا من القاعة تحت انظار حبيبة اللي غمضت عينيها وحست نفسها بيضيق فكرة انه ادم لسة بيفكر ف رنا بتجننها
خارج القاعة
رنا ......سيف بيحبني يا ادم
ادم اتفاجئ بس فرح هو كان نفسه رنا تعيش حياة طبيعية
.....بجد يااااه دا خبر حلو جدا ...طب وأنتي
رنا ....انا قلتله اني فيه شخص لسة ف قلبي بس بقي ماضي
وسيف قالي هساعدك نخرجه مع بعض
ادم.....وامتي حصل دا كله
رن.....انا هحكيلك
&&&&&&&&&& فلاش باااااااااك &&&&&&&&
في مكتب الظابط سيف يوم خطف حبيبة
رنا حكت لسيف ازاي ساعدت هشام انه يبدل الاسمنت
وبعد ماخلصت ..لقت سيف متنح ومبتسم ومش بيرد
سيف......انسة رنا انتي مرتبطة
رنا....لا ...
سيف.....ومش بتفكري في الارتباط
رنا .....لا
سيف .....ليه
رنا .....لسة خارجة من علاقة حب فاشلة بس حضرتك بتسأل ليه هو دا له علاقة بالتحقيق
سيف ....لا له علاقة بقلبي
رنا........ نعم؟؟؟؟؟؟!!!!!
سيف كان عارف انه رنا هتسافر بعد شهادتها علي طول
سيف ..هو انا لو طلبت منك فرصة نتعرف وبالمرة اساعدك تنسي علاقتك الفاشلة هتوافقي...انا بجد معجب بشخصيتك القوية وكمان كان نفسي ارتبط ببنت محجبة (عرفتواااا يابنات الحشمةةةةةةة الله يهديكم)
رناا.........
&&&&&&&&&&بااااااااك &&&&&&&&&&
في الحفلة
رنا.....ووافقت
ادم ...بفرحة....بجد انا مش قادر اعبر انا مبسوط اد ايه
رنا ......عشان خلصت من تأنيب الضمير
ادم ....لا عشان انتي تهميني وكنت بدعي ربنا يكرمك بحد كويس .وبجد سيف شاب كويس جدا ومحترم ....وبعدين يا رنا اللي انتي عملتيه معايا زمان انك تبعيني ل هشام دا ميخليش عندي اي نوع من تأنيب الضمير ولا انتي ايه رايك؟؟؟!!
رنا....بحزن .....عندك حق انا بجد اسفة يا ادم
ادم ....انا سامحتك يا رنا يلا ندخل الحفلة بقا
ادم دخل الحفلة وهو داخل عينه علي حبيبة
&&&&&&&
عند مروان وكارما
كارما ...همست بخجل .....مروان
مروان .....برومانسية ..عيون مروان وقلبه نعم😍
كارما...بنفس الهمس.....انا جعانة🥺🥺
مروان....نعم يا اختي😳😳😳...طب وهنعمل ايه ف المصيبة دي
كارما....انا بصراحة اتلهيت ف الفستان والميك اب ونسيت اكل وانا لما بكون جعانة بفقد تركيزي
مروان....عشان كده كنت كل ما اشوفك بتذاكري كنت الاقي جمبك دستة سندوتشات 🤔
كارما......اممم
مروان......طب الحيتان اللي ف بطنك دي ماتستناش لغاية الفرح ما يخلص....اظن انه برستيجك كعروسة ما يسمحلكش انك تروحي البوفيه وتقفي تاكلي زي اي حد عادي
كارما.....مروان انت مابتحسش بقولك جعانة😫
مروان.....طب اهدي يا كارما اوعي تعيطي ...ياربي طب اقطعلك دراعي تاكليه ولا اعمل ايه ف ام الليلة دي
كارما.....ايه دراعك ايه القرف دا لا انا عندي فكرة....ايه رائيك ننادي حبيبة تجيب لنا حتتين كيك وناكل عادي زي اي اتنين عرسان بياكلوا ف الكوشة
مروان ..انا مش متخيل بجد اتنين عرسان في الكوشة وبيتناقشوا ف حوار زي دا ....انا كنت واخد فكرة غلط تماما عن الكلام اللي بيتقال في موقف زي دا ...فين اخوكي يتصرف الله يخرب بيتك
&&&&&&&&&&
ادم ساب رنا ولسة رايح لحبيبة يبررلها خروجه مع رنا
لكن.....
......واد يا ادم واحتشتييييني
ادم بص...وضحك.....زيزي واحشتيني بجد(زيزي اخت مروان واكبر منه ب١٠ سنين)
وقامت زيزي حضنته ...عامل ايه يالا وايه الحلاوة دي كلها اتغيرت يا دوومة بس بقيت قمر يا جميل
ادم.....زيزي لسة زي مانتي امريكا ما غيرتكيش خالص ...علي فكرة انا اتجوزت
زيزي.....لا بجد ماتقولش انك اتجوزت البت رنا الملزقة اللي كنت هاريها بوس واحضان
ادم........بص لحبيبة اللي هي تقريبا سامعة وشايفة كل حاجة وبتابع ف صمت
ادم.....احم زيزي المدام
زيزي ....يعني بجد رنا بقت المدام
ادم .....زيزي ركزي المدام حبيبة مراتي وراكي
زيزي بصت لقت واحدة منتقبة. وانفجرت ضحك
ادم في نفسه....والله يخرب بيتك يا زيزي علي بيت اخوكي ف يوم واحد
زيزي ....بقا انت تتجوز منتقبة اخر حاجة ممكن اتصورها
وبعدين قالت لحبيبة ....انا اسفة يا جميل اصلك ماتعرفيش النمس دا كان بيعم.....
قاطعها ادم ....مخلاص يا حجة روحي كلمي جوزك بيدور عليكي
زيزي.... ضحكت ......حااااضر هامشي بس ليا قاعدة مع مراتك عشان اشوفها واحكي معاها
ادم فونه رن كان مروان
ادم........عايز ايه يا عريس الغفلة
مروان. ......اختك جعانة
ادم......جرستينا يا كارما الله يخرب بيتك ....خلاص انا هاتصرف. هاقول لحبيبة تجيب لها حاجة لتاكل حد من المعازيم..وقفل ادم الفون لسة بيبص مالقاش حبيبة
لف الفرح كله وبرضو مش لقيها
&&&&&&&&&&&&&&&&&&&
برا القاعة في حتة ضلمة
واقفة بتعيط بقهر هي اتعودت انه اهتمامه كله لها هي وبس ما اتعودتش انه يتجاهلها بالطريقة دي
واثناء ما بتعيط حد حط ايده علي كتفها
........قاعدة لوحدك ليه
بصت حبيبة وقالت .....رنا.....وانتي مالك
رنا......اوعي تكوني زعلتي لما وقفنا نتكلم انا وادم احنا كنا بننهي اخر حاجة بنا
حبيبة.....ازاي
رنا.......انا اتخطبت للظابط سيف وادم دلوقتي بعتبره صديق مش اكتر وف يوم من الايام هاعتبره اخ ليا
علي فكرة يا حبيبة ادم بيحبك بطريقة مختلفة تماما عن الطريقة اللي كان بحبني بيها
حبيبة ....مش فاهمة
رنا ....بيحبك لدرجة انه بيدور عليكي جوا زي المجنون دلوقتي لما ما لاقكيش وانا هاسيبه لغاية ما يلاقيكي بنفسه
صدقيني ادم لو كان بيحبني زي ما بيحبك كده انا عمري ماكنت سمحت له انه يسبني ...بجد انتي محظوظة
وفجأة صوت مرعب
.........حبيبة
وجري عليها وحضنها وكله دا قدام رنا
وبعدين بعدها عنه وهي عيطت
ادم بعصبية .....انا مش ميت مرة قلتلك ما تروحيش اي مكان غير لما تقوليلي.. مش قلتلك لما ما القكيش حواليا بتنيل علي عيني واتجنن ليه مصرة تجننيني ...وبعدين اتكلم بهدوء......لو سمحتي عاتبيني وماتهربيش
رنا ....بصت لحبيبة ....هو دا الحب اللي بقولك عليه ...وسابتهم ومشيت
حبيبة بصت لادم ومن غير ماتتكلم قامت جريت علي حضنه
ادم حضنها.....حبيبة ما تقارنيش نفسك بأي واحدة لاني ببساطة مش شايف غيرك ...انتي مش مراتي ..انتي انا انتي نفسي ..فاهمة..انتي حورية ادم وبس
واخدها ودخلوا الفرح وبعدها رقص مروان وكارما وزيزي وادم وهيصوا الفرح وادم شد منير بالعافية عشان يرقص وزهرة رفضت ترقص معاهم وكانت طول الفرح بتعيط مش مصدقة انه بنتها خلاص هتسيبها وتتجوز وحبيبة كانت مركزة بس مع ادم بكل تفاصيله ضحكته تنطيته مع مروان وبتقول ف نفسها يارب احفظهولي...
خلص الفرح ومروان اخد كارما وراحو عش الزوجية
&&&&&&&&&&&
في شقة مروان
مروان ....نورتي بيتك يا كرملة قلبي
كارما مكسوفة ووشها في الارض
مروان جي يقرب يحضنها بس هي بعدت عنه
كارما.....مروان ما تتهورش وتعمل حاجة نندم عليها انا بقولك اهو
مروان بصدمة....نعم ؟؟؟!!!!...هو انتي زملتي ف المدرسة
علي العموم ادخلي غيري هدومك ونتكلم بعدين
قامت دخلت غيت هدومها ولبست تريننج رياضي لونه بينك
بكم وخرجت
ومروان كمان لبس تي شيرت ابيض وبنطلون رمادي بيتي
مروان.....بصدمة.....ايه اللي انتي لابساه دا يا كرملة فين الفستان اللي بعتهولك ع النت وعجبك
كارما....بصراحة يا مروان ادم قالي لو لبسته هيقتلني وانا مش عايزة ازعله
مروان جاب اخره ....ايه ادم ....ماشي يا آدم الكلب
وبعدين مسك ايد كارما وقعدها جمبه
مروان.....كارما حبيبتي انا مين؟؟؟!!!!
كارما ....انت مروان🙂
مروان......لا نبيهة ما شاء الله الذكاء بيخر من دماغ اهلك
مانا عارف اني زفت ....قصدي انا ابقي لك ايه
كارما ...انت جوزي؟؟؟!!! قالتها كأنها بتسأله
مروان .....انتي بتسألي ليه ...هو حضرتك مش متأكدة.....
يا كرملة انا جوزك والله وادم عشان صاحبي حب يعمل مقلب فيا مش اكتر
تحبي اكلمه دلوقتي واسأله قدامك
كارما .....امممم .ياريت
مروان اتصل بادم وفتح الاسبيكر. .
مروان .....ادم مش انا جوز كارما يعني عادي تلبس اي حاجة قدامي
ادم بضحك .....لا طبعا ولو لبست اي حاجة مش كويسة هاقتلها
مروان..😳
"اشتركوا على قناتنا على تليجرام أو قناة واتساب ليصلكم أحدث الفصول والتنبيهات فور نشرها"
"اشتركوا على قناتنا على تليجرام أو قناة واتساب ليصلكم أحدث الفصول والتنبيهات فور نشرها"
