رواية امتلكني قلبا لا يراني البارت الثالث والثلاثون
الفصل الثالث والثلاثون
رواية:امتلكنى قلبا لا يرانى
بقلم:سهيلة خليل(سونسون)
===$$$$$$$$$$$%%%%%%%%%%%%%%%
اغمض غسان عينه وشعر بالم يكاد يقتله لا يدرى كيف ان يستقبل حديث انتظاره لسنوات...هل هو مستعد لسمعه فى ذلك الوقت ام لا.....ظل هكذا حتى تحدث حاتم وقال بوجع
اتكلم معاك ولا لسة مش مستعد تسمع اللى شالته سنين ممكن اجلك وقت تانى تكون مستعد
امسكه غسان من تلابيب قميصه بكل الوجع اللى سكن داخله سنين وقال بغل
انطق جاى دلوقتى تقول الكلام دا اخلص عايز اسمع واياك تكذب
حاتم بوجع
الحكاية بدات لما عمك جالى وقالى انى سكرتارية سمعت بابا بيتكلم مع المحامى انه كتبلك كل حاجة فضل يتكلم معايا ويملئ دماغى اننا لازم نقتلك لانك بقيت خطر على وانك مش هتدينى حقى قوللته ياعمى مفيش حاجة غير القتل قاللى اه المهم اتفق معايا ندبرلك حادثة نشيل فرامل عربيبتك وبكدة هنخلص منك قوللته لا بلاش تموته نخطفه وبعدين نخلى يكتبلنا تنازل صمم قالى انا هبدا على اللى عزمت عليه اترجته عشان مش يعمل فيك كدة....والله العظيم جتلك يوم الحادثة عشان الحقك لكن كنت خرجت وعربية فلتت منك وخرجوك بين الحياة والموت وفضلت فى غيبوبة سنتين وبعد لما فوقت فقدت بصرك للاسف والله مكنتش عايز اعمل فيك كدة كان همننى الفلوس بس متتاذيش انت
ظل غسان يسدد له اللكمات بكل الوجع الذى بداخله وقال بحقد
انت اخويا شاركت فى قتلى ياحقير خلتنى اعمى استغله ضعفى واضربت وانقذتنى بنت انت ايه معندكش ايه ذرة رحمة ان بكرهك بكرهك كنت تعالى خذ فلوس كلها ياكلب وسبنى اعيش خلتنى اعيش عاجز
هرع من الخارج كلا من صفى وداليلدا وجانا حاول صفى ابعاد حاتم عن غضب غسان الجامح .....حينها قد اشار له غسان باعينه ان يبتعد .....ظل يسدد له اللكمات فى جميع انحاء جسده حتى تركه لا يحرك ساكنا وقال شرزا
والله العظيم ان خارج لو رجعت لقيت الكلب دا حد انقذه ولا اقولكم كلكم برة الاوضة وقفلها بالمفتاح وخرج
اتجه غسان للخارج انهمرت دموعه على وجنتيه بحرقة اخرج هاتفه من بنطاله وهاتف جلينار وقال باحتياج
حبيبتى انتى فين ان محتاجلك اوى ياجنيورتى ان مستنيك ينفع تخرجى معايا
جلينار بقلق
مالك ياحبيبى قلقتنى انت بتعيط خلاص هكلم ماما ولا اقولك تعالى مستنيك
غسان بوهن
انا جاى ياجنيورتى اهووووووو
اتجه غسان نحو منزل جلينار صعد الدرج وقرع الجرس همت بالفتح بخطوات مسرعة دون وعى منه ارتمى فى احضانها يبكى كالطفل يحتاج الى والدته ظل هكذا يبكى بهستيريا حتى انتبه لوضعه وابتعد عنها وقال معتذرا
انا اسف ياحبيبتى غصبان عنى مكنتش فى وعى بس كنت محتاجلك اوى اوى
جذبته جلينار من معصمه برفق ودلفت نحو غرفة الجلوس.....جلسوا سويا حاولت تهدئته من الحالة التى عليها واستاذنت منه قليلا....اتجهت نحو المطبخ تعد له عصير ليمون حتى يهدا ....وهى شاردة تشعر بتمزق بروحها بسبب الم حبيبها....اعدته واعادت اليه مرة اخرى اعطته اياه ظل يرتشف ببطئ شديد وقال بحزن
حبيبتى انا محتاجلك اوى عمرى مااحتاجت لحد قد مااحتاجلتك انتى بس اوعى تبطلى تحبنى فى يوم انتى ملجائ وقت المى
جلينار ببكاء
حرام عليك اهدا انت روحى حد بيسيب روحه احكلى انا سامعك ياحبيبى سرك فى بير قوللى اللى مضيقك ياريت اقدر اخفف عنك المك
امسك بيدها برفق وقبلها وقال بوجع
انتى النعمة اللى ربنا بعتهلى بعد سنين من الوجع والحرمان انتى دنياتى امانى فى وجودك جنبى اوعى تتخلى عنى مهما حصل ياحبيبتى عاتبنى اصرخى فى وشى بس مش تسيبنى ياماما اه انتى ماما اللى ممكن اعيط قدامها ومتكسفش ابدا انا قدامك ببقى طفل صغير بحس بحنيتك انك امى
جلينار بفرح
يااه دا ثقة كبيرة اوى ياغسان ياحبيبى ربنا يقدرنى واكون ليك ام وصديقة وحبيبة وزوجة ارتاح دلوقتى وبعدين اسمع منك ياقلبى
غسان بهدوء
لالا انا عايز احكلك لانى تعبان اوى هو ممكن تسمحى حد وجعك ياجلينار
جلينار بتردد
حسب الموقف هو عاملى ايه بضبط بس الاكيد انى هسامح وبعدين رب العالمين اللى بيحاسب العباد مش انا ياحبيبى......انا مش عايزة اعرف المهم متخليش وجعك يوقفك مكانك سامح وعيش ولو هما فلتوا من عقاب الدنيا مش هيفلتوا من عقاب الاخرة اكيد
غسان بالم
انسى انى اخويا اشترك فى موتى وعشت اعمى بسببه وضربت وانتى اللى انقذتنى من موت محتوم
جلينار بصدمة حاولت ان تخفيها وضعت يدها على قلبه وقالت بابتسامة ساحرة
هتسامح لانك غسان الجميل اللى مش بيحمل ظغاين لحد رب الكون مطلع ياعمرى على كل شئ وانت رد فعلك ايه
غسان بغضب
موته من الضرب وحبسته فى الاوضة ومنعت حد ينقذه عشان يجرب الموت زى ما انا دوقته
جلينار بهدوء
ولو مات هتبقى مرتاح انا متاكدة انك هتبكى بقهر لانك مش زيه روح طلعه وعالجه وسيب الايام تداوى الجروح
غسان بضعف
بس انا مش قادر ياحبيبتى اعمل كدة
جلينار استرخت فى جلستها وقالت
تمام مش تروح بس شوف هتقول لباباك ايه لما يسالك عليه وانت قوللتى مرة انك انت حبيبه وهيزعل منك اوى
غسان بخجل
خلاص هعالجه بس مش تتطلبى منى اسامح تمام
جلينار بنصر
خلاص روح انقذه متطلبتش منك تسامحه قوللتك سيب الايام تداوى متبقاش شرير زى سونسون الحمد لله حلقة وهنخلص منها الله يكون فى عون اوشين ههههة
وغادر والتف اليها وقال
انتى نعمة ربنا يديمك فى حياتى ياحبيبتى مش قوللتك انك ماما بحنيتك وخوفك على
===================================
كان كلا من تياهر واية يبتبعون الاشياء التى تنقصهم حيث لم يتبقى سوى يومين على زفافهم وكان تياهر سعيدا للغاية بوجود اية بجواره وقال
فراولتى انا جعان اوى موجعتيش ولا ايه
اية بنفاذ صبر
انا اية لحد ما اروح بيتك ياتياهر خرجتنى عن شعورى
تياهر بمشاكسة
انتى هتفضلى فراولتى غصب عنك انتى فاهمة ولالا يلا يااميرتى بحبك اوى والله وانتى مش هتقوليها انتى كمان
قد توردت اية خجلا من كلماته وقالت
بطل تكسفنى ياتياهر انا اصلا اللى خلنى اجى معاك لوحدى كنت جبت جلينار معايا ترحمنى من كلماتك دا
تياهر غمز بطرف عينه محدثا اياها وقال
بكرة تتعود على ياجميل مش مستعجل يافرولتى انا وانتى والزمن طويل
اخذت نفسا عميقا وزفرته بضيق وقالت بنبرة تحذيرية
بقولك ايه ياتياهر ضيقتلى خلقى بطل بقى هرجع فى كلامى من جوزة دا
تياهر بزعل مصتطنع
خلاص انا بعفيكى لو انتى مش قادرة تكملى معايا يافرولتى
اية بتلاعب
ياريت تبقى ريحتينى والله
تياهر باستفزاز
بعينك يافرولة دخلتى مصيدة فيران خلاص لا تراجع ولا استسلام
اية باشمئزاز
وانت اهلا بيك فى جحيمى كنت كيوتة خرجتنى عن شعورى
تياهر بمشاكسة
احلى جحيم دا ولا ايه امتى ادخله بقى هموووووت والله
ايه صكت على اسنانها وقالت بنفاذ صبر
هموت ناقصة عمر والله يلا بينا
££££££££€€€€€€€€£££££££££££££££££
ابتدا حاتم يسترد عفيته بعد الضرب الذى اكله من غسان كان نائما بجواره على الفراش وتحدث اليه وقال
نفسى تسامحنى وتعيد تربيبتى من اول وجديد عايزك تبقى الشاهد على جوازى من كارما
اشاح غسان بوجهه الناحية الاخرى....نهض حاتم والتف حواله وقال
طمعان فى كرمك تسامحنى ممكن ياغسان الله يخليك متحرمنيش من اللحظة دا
ظل حائرا مفكرا فى حديث ذلك البغيض وقال
هكون شاهد بس هسامحك متستهلش اصلا ايه حاجة يعنى
حاتم بفرح
ربنا يخليك ليا هو دا العشم خلاص هسيب الايام تداوى والله ماليا ذنب فى اى حاجة
غسان باشمئزاز
اتخمد معندش استعداد اسمع ثرثرتك هكسرك مرة دا
حاتم بسعادة
حاضر هنام وانت هتنام انت كمان
غسان بتافف
وانت مالك انت اتخمد وخلاص
اتجه غسان نحو الشرفة امسك بالهاتف وهاتف جلينار اته الرد سريعا وقال
وحشتنى اوى على فكرة مش مصدق انها كلها ساعات وهتبقى مراتى على سنة الله ورسوله
جلينار بسعادة
قدرت تسامح حاتم ياغسان ولالا
غسان بغضب
انتى قوللتى انك مش هتطلبى منى انى اسامح صح الموضوع صعب اوى وانتى عارفة كدة مش تضغطى على الله يخليكى
جلينار غيرت مجرى الموضوع وقالت بعشق
تمام ياسيدى مسير الايام تداوى على فكرة المهم انت مش تزعل
غسان برضا
انا عارف انك مش هتضغطى على بس لما اقدر هبلغك قبل كدة لا بليز
جلينار بخوف
اهم حاجة انك تكون بخير مش اكثر من كدة دا اللى يكفينى على فكرة
=================================/=
خبر بخط العريض فى احدى الجرائد القبض على كلا من دامر الحداد وحمادة الجوكر والجبالى بتهمة دخول البلد فراخ فسادة غير صالحة للاستهلاك القدامى
فلاش باك
كان دامر الحداد ابن عم كارما قد اتفق مع الجبالى عمه ان يقتل حاتم شقيق غسان...لينتقم من الكينج.. حتى بعد ذلك قد ارسل الجبالى ابنته حتى توقع حاتم فى شباكها وبعد ذلك ياتى ليخطبها ويتم تعذيبه فى الفيلا بطريقة او باخرى ويتم ارسال الفيديو لغسان كوسيلة متلوية حتى ينفذ رغباتهم دون اكتراث ولكن الذى لا يعلموه جيدا انهم يقفون امام الكينج وقد راقبهم جيدا حتى اوقعهم فى شرور انفسهم.....وقد تم حبس عمه راضى هو الاخر بتهمة تجارة الاثار وقد حقق فيهم العدالة وقد طلبت جلينار من غسان ان يخلى سبيل مصطفى من اجل والدته التى ليس لها غيره فى الحياة
===================================
كان اليوم زفاف كلا من شيزا واية كان يبدو كالاميرات كانت تشيزا ترتدى فستانا مطرزا من عند الصدر وواسع من الاسفل وكذلك اية حيث كان قد اتفقان ان يرتدوا مثل بعضهم ..قد انتهت التجهيزات واتى كل من زامل وتياهر لاستلام اميراتهم.....حينها قد استلم تياهر اية وصفر باعجاب وقال
ايه الجمال دا يافراولة مش مصدق الجمال دا كله هينور بيتى بعد قليل
اية بخجل
ربنا يصبر فراولتك ياررررب على فكرة ممكن اللى نفسك تسمعه حضر نفسك بعد قليل
تياهر يكاد قلبه يرقص فرحا غير مصدقا ما سمعه للتو وقال بعشق
ربنا يقدرنى على اسعادك ياحبيبتى والله بحبك اوى يااية من اول يوم شوفتك فيه ياحبيبتى والله
وعلى الجانب الاخر كان زامل غير مصدقا انه قد تحقق حلمه وتزوج من تشيزته التى ملكت قلبه وجعلته اسيرا امام عينيها وقال
انا بحبك اوى ياتشيزتى والله ربنا يقدرنى على اسعادك يارررب انتى استحملتى معايا كثير لحد اللحظة دا وعملتى معايا اللى معملهوش انسان
تشيزا بحب
هو دا واجبى انا معملتش حاجة ياحبيبى
واستقلوا السيارة ذاهبين الى قاعة الافراح وسعادتهم تغمرهم انى كلا منهم قد حظ على نصه الثانى واخيرا قد تحققت احلامهم ....بينما هما فى السيارة كانت جلينار بجوارهم فى سيارة غسان قد حيتهم، وقد ارسلت جلينار قبلة لشيزا وشقيقتها على الهواء،ابتسمت الفتيات على جلينار،حينها قد شدد غسان على يد جلينار برفق وقال
عقبالنا ياحبيبتى ان شاء الله
ابتسمت له ابتسامة عذبة وهو بدوره قد بدلها ابتسامة باكثر عذبة....
===================================
كان كلا من جانا وصفى فى سيارة ،تجلس بجواره يحدق بيها فى المراءة من حين الى اخر يشعر بسعادة غامرة بوجود صغيرته ومشاكسته وزوجته الهادئة التى باتت تستمع الى حديثه وظلوا متفاهمين اكثر من ذى قبل حتى قطعت جانا ذلك الصمت وقالت
حبيبى انت مبسوط
صفى بسعادة
طبعا انا اسعد مخلوق ومبسوط بوجود مراتى اللى وفقت جنبى مش اتخليت عنى
وقد وصلان القاعة صف السيارة جانبا تباطت ذراعيه ودلفوا للداخل.....قد بدا الماذون فى عقد القران كلا من شيزا وزامل وثانيا اية وتياهر وباركوا لهم ،قبل ان يتجه الماذون للخارج اوقفه غسان وقال
لسة فاضل اثنين
الماذون بمزاح
الله يزيد ويبارك ماسورة واتفتحت
وقد تم عقد قران كلا من غسان وجلينار،وكارما وحاتم
وقد اوقف غسان الموسيقى وامسك بميكرفون وقال معلش ممكن تسمعونى دقتين
اولا احب اواجه كل الشكر لجميع الحضور على تلبية الدعوة ثانيا بقى انا كنت انسان عاجز وكارهه الحياة لحد ماقبلت مراتى جلينار غيرت حياتى كانت لى ام واب وكوكتيل من الحنية اتعرضت لازمة وكنت بحاول اسامح شاورت اجمل انسانة وقاللتلى التسامح وانت انسان جميل مش بتحمل ضغائن لحد وكانت واثقة فيا انى هتخطى طالما متشابكى الايدى دلوقتى بعلنها قدام الناس كلها انا مسامحك ياحاتم ياسوافجى
جميع من فى القاعة صفق بحرارة وهرع حاتم باحضان اخيه وانحنى على قدميه قبلها ...اوقفه غسان عن هذا الفعل وقال
استغفر الله
ظلوا متعانق الاثنان اشار غسان الى جانا التى كانت تقف بجوار صفى مرتعبة من تلك اللحظة شدد صفى على يدها برفق واقتربان نحوهم ..حينها قال غسان
جوجو مسامحة حاتم ياحبيبتى
جوجو بابتسامة
ايوة ياابيه
وقد تعانقان الاشقاء الثلاثة وسعادتهم لا توصف
===============================////__
قد بداو العريسان فى رقصة السلو برومانسية .كانت رقصة السلو كلا من شيزا وزامل اغنية سمعنى نبضك
وعلى الجانب الاخر قد حدق تياهر بفرولته وقال
انا اسعد مخلوق النهاردة ياحبيبتى
اية زمت شفتيها وقالت بهدوء
انا بحبك وجنبك ربنا يقدرنى على اسعادك ياررررررب
فتح فاه غير مصدق مما سمعه للتو حملها والتف بيها ودانا بجانب اذنيها
بحبك يافرولتى
اية بسعادة
وانا كمان ياحبيبى
ظلوا هكذا السعادة تغمرهم بوجود من يحبوهم والتقتطوا صورا كثيرا...كانت جلينار تلتقتط الصور واخرهم صورة تجمعها مع تياهر واية.....حينها وقف غسان بجوارها وصك على اسنانه وقال
امسحى صورة اللى فيها جوز اختك عشان بغير
جلينار بمزاح
تمام ياافندم اى اوامر اخرى
غسان بفرح
لا ياافندم حبيبة غسان وعمره ههههههههة
اقترب حاتم من جلينار وقال بامتنان
متشكر ياجلينار بسببك بعد ربنا اخويا سامحنى
جلينار بود
انا مش عملت حاجة على فكرة ياريت تنسى اللى فات
غسان بغيرة
اسمها مدام جلينار متقولهاش باسمها انت فاهم ولالا
===================================
الى اللقاء فى الفصل الرابع والثلاثون والاخير
"اشتركوا على قناتنا على تليجرام أو قناة واتساب ليصلكم أحدث الفصول والتنبيهات فور نشرها"
"اشتركوا على قناتنا على تليجرام أو قناة واتساب ليصلكم أحدث الفصول والتنبيهات فور نشرها"
