نقدم اليوم احداث رواية جريمة عشق 3 الحلقة الخامسة عشر من روايات مريم نصار . والتى تندرج تحت تصنيف روايات رومانسية ، تعد الرواية واحدة من اجمل الروايات رومانسية والتى نالت اعجاب القراء على الموقع ، لـ قراءة احداث رواية جريمة عشق 3 كاملة بقلم مريم نصار من خلال اللينك السابق ، أو تنزيل رواية جريمة عشق 3 pdf كاملة من خلال موقعنا .
جريمة عشق 3 الفصل 15
٨ ج١
رواية جريمة عشق٣
(عشق الفهد)
بسم الله نبدأ
عادل : امم . طيب يا استاذ طلعت . انا عايز اعمل جرد لحسابات الشركه والشحنات من ١٠ سنين فاتت لحد انهردا !!
طلعت : بصدمه حقيقه . اييييه .!!
عادل : بعدم فهم . خير يا استاذ طلعت . انا طلبت حاجه غريبه ولاحاجه !؟. انا جاى اشتغل هنا .مدير حسابات ومن الطبيعي اعمل جرد لحسابات الشركه من وقت كبير علشان افهم واعرف .
طلعت : بصوت جهورى . فيها انك بتشك فيا . وفى حسابات الشركه. انا هنا من زمان جدا وانا الل بعمل الجرد . واخر جرد كان من اسبوع والملف بتاعه قدامك اهو . اتفضل راجع عليه بنفسك . ولما تبدء شغلك تبقى عيد حساباتك انت برحتك . انا مش حرامى علشان تقولى جرد من ١٠ سنين .
عادل : بتعجب من رد فعل طلعت . حضرتك انا مش شايف اى غلط فى كلامى لرد فعلك ده . وانا مقولتش أن حضرتك سرقت أو شكيت فيك . انا بعمل شغلى مش اكتر . وانا بحب شغلى . وطلبت الجرد لانى فى اى شركه او اى شغل بعمل جرد علشان ابدء صح .واكون على وعي وفهم . وبصله . هو حضرتك انا قولت حاجه غلط!؟ ولا مش من الطبيعي أنى اعمل جرد ولا ايه يا ..استاذ طلعت !؟
طلعت : بتوتر . وبيمسح وشه بالمنديل . ها. ايوه ايوه . طبعا . احم. طيب ادينى اسبوع كدا وانا إن شاء الله اجهزلك كل حاجه .
عادل : هز راسه. ولكن مارتحش لتوتر طلعت . امم تمام . انا اتشرفت جدا بحضرتك ..
طلعت : بتوتر . و..وانا كمان يبنى . استاذن انا وخرج على طول .
عادل : راح ل آدم . وخبط ودخل . اسف للازعاج . وكمان السكرتيره مش موجوده بره علشان استأذن ..
آدم : تعالى يعادل . اتفضل ومتقولش كدا . مكانك وشاور اقعد يعادل .
عادل : قعد . متشكر يافندم .
آدم : ها بقى . طلعت شرحلك هتعمل ايه بالظبط !؟
عادل : بتوتر . احم .بصراحه انا جاى لحضرتك مخصوص علشان اتكلم معاك فى الموضوع ده.
آدم : موضوع ايه !؟
عادل : حضرتك الاستاذ طلعت قدملى ملف بالحسابات لآخر شحنه واخر جرد من اسبوع بس . وانا طلبت منه أنى عايز اعمل جرد لحسابات الشركه من ١٠ سنين فاتت . لقيته اتعصب عليا واتكلم بنرفزه . واتهمنى كدا انى بشك فيه واني شايفه حرامى . وانا والله صدقنى مقصدش كدا ابدا. انا بس دى طبيعة شغلى . لازم افهم نظام الشركه من أكبر وقت فات علشان افهم واعرف ولا ده مش من حقى . وبعدين انا استغربت رد فعله وأنه يثور بالطريقه دي . وغير كدا انا فاضى ومواريش حاجه . قالى اسبوع واجبلك الاوراق والملفات ..
آدم : سمع عادل . وسكت شويه ومردتش عليه . وبعدها رفع سماعة الفون . واتصل على السكرتيره . وقالها ابعتيلى مسؤول في الحسابات على مكتبى .
وعادل اتوتر من سكوت آدم .
المسؤل دخل . تحت امرك يافندم .
آدم : الاستاذ عادل مدير حسابات الشركه الجديد وهيستلم مكان الاستاذ طلعت . وانا طلبت منه يعمل جرد لحسابات الشركه والشحنات حالا . استاذ عادل هيروح معاك على الأرشيف .وشوف ايه الل هيطلبه منك وتعمله . اتفضل . وبص ل عادل اتفضل يا استاذ عادل . عايزك تعملى جرد على ملفات الشركه الوارد والصادر في المخازن وتقارنها بملفات الحسابات وخد وقتك . وهستنى منك تقرير فى اقرب وقت.
عادل : اعجب جدا بطريقة آدم وتفكيره . وقاله بإذن الله يافندم اسبوع وملف شامل يكون قدام حضرتك . واستأذن . ومشى .
.وآدم فضل ساكت شويه يفكر في رد فعل طلعت . لكن رفض الفكره لان طلعت شغال معاه اكتر من ٢٠ سنه وبيثق فيه . وفاق على صوت فون الشركه .
محمد : فى المكتب .والباب لسه هيخبط . قالها ادخلى ياروحي .
نور : ضحكت . ههههه ودخلت . والله نفسي اعرف انت عرفت ازاى بجد أنى على الباب حتى بعد النقاب .
محمد : قام وقفل الباب بالمفتاح . وقرب منها . حبيبتي وبنوتى الحلوه . لازم احس بيكى لآني بحس بطاقه غريبه . وساعتها بعرف أن نورى قريبه جدا منى .
نور : مسكته من البالطو . اممم عارف!؟ . بتمنى ديما انك تحس بيا طول العمر .
محمد فك النقاب . وحطه على الكرسي . وحاوطها من وسطها . طول ما محمد بيتنفس . اعرفى انى هحس بيكى ديما . انتى رحلة عشق يانورى مش حب وبس .
نور : بصت فى عينيه . حبيبى يامحمد ربنا يخليك لينا وانت كمان حب وعشق عمرى كله .
محمد : لاارديا . قرب من نور بحبك يانورى . وباسها . ونور تجاوبت معاه . وبعد فتره . نور حطت راسها على صدره . انا الل بحبك اوى ياحماده .
محمد : انهار من جواه . مابلاش حماده دى احنا فى مكان شغل .
نور : بطفوليه . اله بقى . وبصتله انا اقولك حماده فى اى وقت . انا بحب اقولك حماده ..
محمد : وانا تحت امر نورى حبيبتي قولى حماده فى اى وقت لكن مش قدام حد اتفقنا وخصوصاً تيمو.
نور : بضحكه رقيقه . اتفقنا ياحماده .
محمد : لأ بقى دا انتى مصممه .
نور : بدلع مصممه على ايه يابيبى .
محمد : مصممه انى هشيلك دلوقتي وهنطلع على عشنا .
نور : اتكسفت ووشها بقى احمر . وسكتت .
محمد : رفع دقنها بايده وباسها بوسه رقيقه . وحشتينى اوى يانورى..
نور : بصوت مبحوح . وانت كمان يا حماده ..
محمد : همس فى ودنها . البسي نقابك ويلا بينا على عشنا .
نور : طيب وفرح نرمين والدكتور مروان انت ناسي انه انهردا.
محمد : لأ مش ناسي .ولسه بدرى . كدا كدا . هنروح البيت علشان نلبس ونجيب تمارا وتيم من عند آدم . يلا بقى احنا دلوقتي . لانى عايزك فى كلمتين مهمين جدا . وبعدها نجيب الولاد ونروح الفرح اوكي .
نور : ابتسمت بحرج . اوكي . ولبست النقاب .
ومحمد اخدها وخرجو وطلعو على عشهم . واول مادخلو الشقه شالها ودخل بيها على عشهم وعاشو وقت جميل مع بعض .
وبعدها . اتغدو ولبسو وراحو عند آدم واخدو تيم وتمارا وراحو على فرح نرمين . وحضرو الفرح وكان يوم جميل. وكانت نرمين ومروان مبسوطين جدا . وكان فرحهم مميز . ومروان اخد نرمين على عشهم . وأصبحت مراته قولا وفعلا . ونقول مبروك لنرمين ومروان .
--------------------بقلمى Mariem Nasar
بعد يومين .
مراد راجع من الشغل وكان مخنوق . والكل موجود في الفيلا .
مراد : السلام عليكم .
كلهم : وعليك السلام ..
مراد : باس مريم وكانت شايله آدم . اذيك يامريوم .
مريم : حبيبي الله يسلمك يامرادي حمدلله على السلامه ياروحي.
مراد : الله يسلمك ياحبيبتي. اذيك ياحج آدم..
آدم : الله يسلمك .حمدالله على السلامه.
مراد : الله يسلمك ياحج . وسلم على زين وريتال واريان و لي لي
وقرب على آدم الصغير وباسه . اومال فريحه ومريم فين !؟
مريم : بنتك مريم غلبت فريحه وغيرانه من آدم . قولتلها اكلى آدم وخليه معايه وخدي مريم جمبك علشان متأثرش على نفسيتها من ناحية اخوها .
مراد : بتفهم .. فريحه اتغدت .
مريم : مكانتش عايزه تاكل غير لما انت تيجي . وبعتلها مع زينب طبق فاكهه تاكلها لحد ما انت تيجى . اطلع انت وغير هدومك وانا هاقول لسعاد تجهز الغدا .
مراد : هز راسه تمام . وقام وقف .
آدم : حس ان مراد متغير .. اطلع انت يامراد . وهبعتلك الغدا على فوق واتغدي انت ومراتك وبنتك مع بعض .
مراد : يسلام . عليا النعمه برنس . وبص ل مريم . شوفتى الحج آدم ده دماغه الماظات . تسلم ياحج .
آدم : لا انا هبعتلك الغدا علشان تخفى من وشى مش عايز رخامه .
مراد : ههههه رخامة مطبخ.
آدم : اطلع ياض .. اطلع واتغدى وابعتلى مريم نونو جايبلها الشيكولاته بتاعتها .
مراد : يسلام . ربنا يخليك لينا ياحج .وقرب وباس راسه . وآدم اتنهد بحب . ومراد طلع . وشاف فريحه قاعده على السرير وبتلاعب مريم . وبيهزرو مع بعض .
فريحه : اول ما شافت مراد . ضحكت بفرحه وقامت لان مراد فاتح ايديه . وفريحه اترمت في حضنه . مرادى حبيبى وحشتنى .
مراد : اتنهد بزعل . وانتى كمان يافريحتى وحشتنى اوى اوى . وفريحه خرجت من حضنه
مريم : مولاد مولاد .
مراد : ابتسم بحب . قلب مولاد انتى تعالى وفتح ايديه ونزل على ركبه وحضنها كتير وفضل يبوس فيها . انتى يابت عسل كدا ليه وطلع من جيبه شوكليت لمريم . ومرضيش يقول ل آدم لان آدم كل يوم يجبلها . ومريم فرحت وسقفت لاتا لاتا . مولاد بيبى يعنى مراد حبيبى .
ومراد فتحها ليها وسابها . وكان ساكت .
فريحه : استغربت مراد . حبيبى انت كويس .
مراد : بصلها . ومش عايز يقولها أنه هيطلع مأموريه مع فهد بعد العقيقه . واتنهد . لا يابت مفيش حاجه . انا بس من الصبح فى الجهاز وروحت المرور وحجات من دى . ورجعت متأخر . وقام وقرب منها وبصلها تانى وقربها منه . انتى ماتغدتيش ليه يافريحه !؟
فريحه : حاوطت رقبته بايديها . اممم . مستنيه مرادي حبيبى علشان ناكل مع بعض .
مراد : حاوطها من وسطها وقربها منه اكتر . متعمليش كدا تانى . لما اتاخر كلى انتى وبعدين انتى لسه والده ولازم تاكلى كويس.
فريحه : بدلع تؤ انا هستناك . انت عارف !؟ الاكل حقيقى فى وجودك ليه طعم تانى .
مراد : زعل من جواه . طيب ولو قولتلك علشان خاطر مرادك حبيبك .
فريحه : بصت فى عينيه . علشان خاطر مراد حبيبى اعمل اي حاجه حتى لو مستحيله .
مراد : ضمها لقلبه بحب وحضنها ومتكلمش .
فريحه : مغمضه عينيها فى حضنه . تعرف انى مشتقالك أوى ياحبيبى .
مراد : حب يهزر . وحيات امك يابنت الورما انتى . طيب وده ينفع .
فريحه : ههههههه . اله بقى ياموراد انا قولت الل جوايا .
مراد : لا ياروح امك . خلى الل جواكي . جواكي علشان انا بصبر نفسي بالحضن ده اشطا . والباب خبط .
مراد : طلعها من حضنه . ده اكيد الغدا . وفتح الباب واخد الغدا . وشكر زينب . وحط الغدا على التربيزه . وشاور لفريحه وقربت منه . وقعدها على رجله وهيااكلها.
فريحه : ابتسمت . لأ بقى انا هاخد على الدلع ده .
مراد : ومالو يقلبى خدى كل الدلع .. ونده على مريم نونو . تعالى ياقلبى كلى
مريم نونو . جريت عليه . وبتزن علشان ينزل فريحه من على رجله .
مراد وفريحه ضحكو . وشالها على رجله التانيه . وقالها تعالى ياحبيبت ابوكي . انا هاكلك انتى كمان . وبدء يأكل مريم الاول لانها غيرانه من فريحه واكل فريحه . وفريحه بتاكله . ومريم نونو بتقلدها وترفع المعلقه ل مراد وبتحاول تأكله . وضحكو هما التلاته وكان غدا مميز ومريم عملت جو حلو للغدا .
وبعد الغدا .
مراد : مريومه . تروحي ل آدم .
مريم : رفعت ايديها يشيلها . اتم بيبى اتم بيبى .
مراد : بيبك . تعالى ياختى وشالها . ونزلها ليهم . اتفضل ياحج بيبى . مريم اهي .
آدم : بصله بغيظ . ايه بيبى ده كمان .
مراد : هههههههههههه والله ما انا مريم بتقولى اتم بيبى . ههههه بت عندها نظره بردو .
آدم : بغيظ . قصدها آدم حبيبى يامتخلف .
مراد : وهي حبيبى وبيبى ايه ههههه واحد ياحج آدم . وجتله فكره . وبص ل مريم امه .
مريوم . بصي علشان نفرق بين آدم الكبير والصغير . زى ما بنقول مريم نونو . هانقول ل آدم الصغير آدم بيبى هههههههههههه.
وكلهم ضحكو عدا آدم . لكن ضحك لما شاف مريم نونو بتضحك . بتضحكى على ايه يابنت ال... واتنهد ما هو ابن كلب جبله مش عارف اشتمك .
مراد : هههههههه . معلش ياحج استحمل .
آدم : طلع الشيكولاته . ومريم سقفت آدم بيبييى
والكل ضحك .
ومراد طلع عند فريحه ياخد شاور ويقعد معاها شويه . وكان محتار ومش عارف يقولها أنه مسافر بعد ٣ ايام ازاى . هي بلد عربي لكن بعيد شويه . واتنهد وبيفكر ياترى يافهد عرفت رينو ولا لسه .
رينو : بتعيط فى حضن فهد .
فهد : متدايق علشانها . واخدها كلها في حضنه . بس يارينو كفايه عياط .
رينو : فااهد انت رايح مهمه يافهد وهتسبنى وبتعيط ..
فهد : نفخ بديق . طيب بطلى عياط علشان اعرف افهمك . انا يدوبك قولتلك جاتلنا مأمورية . وانتى نازله عياط وخرجها من حضنه ومسح دموعها . حبيبتي . ده شغل وغصب عنى مش بايدى . انا لو عليا انقل مكتبى هنا جمبك .
رينو : بتعيط بشهقات بسيطه . انتو بتروحو مهمات وبتقعدو بالشهور يافهد . وانا مش عارفه هعمل ايه من غيرك وعيطت. .
فهد : زعلان علشانها . وقربها منه حبيبتى انا هسافر ايوه انا ومراد لكن المأموريه في بلد عربي . وإن شاء الله هنخلصها بسرعه. وبعدين يارينو الدراسه هتبدء اهي كلها ١٠ ايام . وانتى هتروحي الكليه . يعنى وقتك كله هتضيعيه في المذاكره ياقلب فهد . وبصلها بزعل وترجي كفايه دموع بقى ارجوكي .
رينو : بعياط طفولى . انا بحبك اوى يفاااهد ومبقتش بعرف انام غير فى حضنك .. متسنيش وتمشى . واترمت في حضنه .
فهد : مش عارف يسكتها . وقام وشالها ودخلها اوضة النوم . ونيمها على السرير . وقعد جنبها . وجابلها ميا . وشربها . حبيبتي اهدى وصدقينى انا هتصل عليكى فى اى وقت اكون فاضى فيه .
رينو : نايمه . واتكلمت بشهقات بسيطه . ابيه مراد كان بيقول لفريحه كدا . ومكنش بيتصل كتير . وبصتله بعشق ودموعها نازله . انا مقدرش اعيش من غيرك يا فهد .
فهد : قلبه دق من نظرتها . وقرب منها . وباس عيونها . وقالها وفهد مايقدرش يتنفس طول مارينو بتعيط وقرب من ودنها وهمس لو بتحبى الفهد كفايه دموع .
رينو : غمضت عيونها . وقلبها بيدق . وسكتت .
فهد : شافها مغمضه وشهقات بسيطه . قرب منها وباسها . البوسه المعهوده . واخد رينو فى جنته وحاول ينسيها العالم كله .
وبعد فتره كبيره . شالها واخدها الحمام ونزلها فى البانيو . وشاف أن رينو مش معترضه على حاجه . وباسها من جبينها . واخدو شاور لاول مره . وخرجها . وقالها انا هصلى العشا . وانتى كمان صلى . علشان نتعشى مع بعض
ونقعد شويه فى البلكون .
رينو : اتنهدت بزعل . وهزت راسها ومردتش . وفهد حاسس بيها . وزعلان علشانها وزعلان أنه هيبعد عنها . وخصوصاً أن الدراسه هتبدء وهيكون قلقان عليها . لكن هو هينبه عليها متروحش لوحدها ابدا .
وصلى العشا . ورينو صلت وعيطت وهي بتصلى وافتكرت جرح كتفه . والخطر الل بيقابلهم ودعت ربنا كتير انه يحفظ مراد والفهد . وبعد شويه . خرجت وكان فهد بيجهز في العشا وهي جهزت معاه لكن ساكته وبتكابر ومش عايزه تعيط قدامه .
فهد : شافها كده . وعيونها حمرا . ولكن سكت معلقش . وقعدو يتعشو وهي كانت بتاكل بتمثيل . لكن فهد اكلها غصب عنها . وبعد العشا بص فى الساعه وكانت ٨ . وقام وشالها . وقالها تلبس علشان هنخرج مع بعض نتمشى شويه .
رينو : معترضتش ولبست فستان اسود رقيق فهد بيحبه . ولبست نقاب بلون تانى . وكانت فاتنه . وكان عايزها تلبس نقاب اسود . لكن شايفها ساكته وزعلانه متكلمش واخدها وخرج وقعدو على البحر ومودها بدء يتظبط . واشترالها بلون كبيره . وورده . ونزل على ركبه يقدملها الورده فى وسط الشارع والناس موجوده والكل منبهر بالفهد . ورينو فرحت وضحكت . وفهد ضحك لما شاف ضحكتها . وقدملها الورده وقالها بحبك اوى ياعشق الفهد
وقضو وقت جميل اوى مع بعض . واخدها على محل مجوهرات . واشترالها سلسله عليها اسم فهد وقالها دى سلسله باسمى وانى انا بين ايديكى . ورينو كانت مبسوطه جدا . وروحو البيت مبسوطين . ورينو قلعت هدومها ولبست طقم رقيق . وفهد قرب منها ولبسها السلسله . وقالها دى رمز حبى ليكى وان فهد بين ايديكى يارينو .
رينو : حطت راسها على صدره . هستناك يافهد . وهدعيلك في كل وقت وكل سجود . تروح وترجع لمعشوقتك بالسلامه يافهد .
فهد : زاد من حضنها . وابتسم . حبيبتي انتى يارينو . واخدها وقعدو على السرير . وهو رجع راسه لورا . وخدها في حضنه . وقالها . اسمعى يارينو . الكليه قربت وع الأبواب . ومفيش يوم تروحيه لوحدك . آدم او زين أو طارق أو محمد . يوصلوكى وترجعى بنفس الطريقة . انتى هتكوني عند آدم . انا علمتك ازاى تدافعي عن نفسك . وكمان عايزك وانا مش موجود تتدربى وتمرنى نفسك علشان ليقاتك اوكي . واسمعى اي حد يكلمك في الجامعه مترديش عليه . واتكلم بتحذيرر شديد .وااسمعي يالارين . لو شوفتى حد بيموت قدامك فى الشارع مالكيش دعوه . الشارع مليان ناس كتير غيرك. اديكى شوفتى الل حصل معاكي قبل كده . ودلوقتي خطف البنات بقى بالطريقه دي . وكمان بيخدروهم عن طريق العصاير والمناديل . واحده تقولك اتفضلى منديل . او اتفضلى اشربى العصير ده . فكك من الحوارات دى . ده كله شغل عصابات . ويالارين مش عايز اكون قلقان عليكى متروحيش الجامعه لوحدك . ولو مفيش حد فاضى وفارس هيوصل رودي . يبقى يعدى عليكى ويوصلك مع رودي . فاهمه يا لارين .
رينو : بصتله مدام قولت لارين يبقى انت مخنوق قوي صح يافهد !!
فهد : ضمها لحضنه .واتنهد اسف ياحبيبتي . انا مش مخنوق . انا بس خايف عليكى .
رينو : زادت من حضنه . متقلقش يافهد انا هكون بخير علشانك . إن شاء الله كل حاجه هتكون كويسه . وانت كمان خلى بالك منك علشانى.
فهد : ابتسم . وباس جبينها . انا كلى علشانك يارينو . ونيمها في حضنه ونام .
فيلا العدوي . يوم الاجازه
آدم ومريم . والكل موجود على الفطار . مراد وفريحه . وزين وريتال . ومريم نونو على رجل آدم . والكل بيفطر . علشان يجهزو للعقيقه انهردا وكل العيله معزومه .
آدم : استغرب صمت مراد. وإن دى مش عادته وكمان لاحظ ان مراد كل شويه يبص على فريحه كأنه عايز يقولها حاجه . وشاور ل مريم تشوف مراد ماله .
مريم : بصت على مراد وشافته بنفس الحاله .
مرادي . مالك ياحبيبى ساكت ليه مش عوايدك يعنى .؟
مراد : اتنهد . ابدا يامريوم مرادك كويس ومسك ايديها وباسها . ربنا مايحرمنيش منك أبدا يااميرة البيت .
آدم : لما شاف مراد بيتكلم بالطريقه دي . فهم وعرف إن مراد هيسافر . وزعل من جواه .
مريم : متأكد يامراد . انت بقالك يومين ساكت كدا وسرحان . ايه ياحبيبى فى حاجه مضيقاك .
زين : مراد لو في حاجه مزعلاك قول . احنا فعلا مش واخدين عليك كدا .
مراد : بتمثيل . جرا ايه يازينو . وانا ايه الل هيزعلنى يعنى . انهردا عقيقة آدم بيبى ههههههه . وبعدين الواد هيتنقط انهردا . ياترى عمه زينو هينقطه بكام . ااقل من ٥٠ج مبنقبلش ههههههههه .
مريم : ضحكت وفريحه .
زين : ٥٠ ج !!! انت داخل على طمع بقى . انا هكرمشلك ٢٠ج وتحمد ربنا .
مراد : لا بتتعب والله . وبص ل آدم طبعا الحج الكبير . اكيد هيفاجأنا انهردا . اومال انا سميته آدم ليه . علشان تتوصى ومش هقبل بااقل من ٩٥ ج ههههههههه .
آدم : اتنهد . وقاله عينيه ل آدم وأبو آدم .
مراد : فهم ان ابوه كاشفه . احم تسلم ياحج وده العشم . وبص ل مريم وانتى بقى يامريوم هتدفعى كام لحفيدك . وخلى بالك اسمه على اسم الغالى وغمز . هاا .
مريم : بحب . ولا كنوز الدنيا كلها تساوى حرف من حروف ال آدم .
كلهم . اوووووو . وزين سقف هو ده .. ومراد صفر . ايوه بقى . والبنات ضحكت . ومريم اتكسفت
آدم : قلبه دق من اميرته . لكن ضحك على جنون ولاده . ومسك أيد ملهمته وباسها حبيبتى وروحي . ربنا مايحرمنيش منك أبدا يااميرة قلب آدم .
فريحه وريتال . حاطين ايدهم على خدهم وقالو بصوت واحد . اممم .
زين : بص ل ريتال . وبص على مريم . شوفتى البت اهي تنحت اهى .
مراد : بص على فريحه . جرا ايه يابت المستخبى هو انا مقصر ولا حاجه .
فريحه : بحب بصت ل مراد . انت !؟ انت سيد الرجاله كلهم يامراد قلبى .
مراد : ايوه كدا اتعدلى . والكل ضحك وكملو احلى فطار جماعى .
مريم : فريحه اطلعى انتى ياحبيبتي وحاولى تنامى شويه . ومريم نونو مع آدم . علشان تقدرى تقعدي مع العيله فى الحفله .
فريحه : حاضر ياماما ربنا يخليكي لينا يارب واتحركت على فوق .
ريتال : همست زينى .
زين : نعم يا روحي .
ريتال : بدلع زينى .
زين : ايه يابت بقولك نعم .
ريتال : برقه . وحشتنى اوى اوى يازينو.
زين : احم. وانتى كمان ياقلب زين وحشتينى اوى
ريتال : مش هتيجي تقفل البلكون ونشد الستاير على اريان ولي لي .
زين : بلع ريقه . بتيجي في أوقات صعبه انتى ياروتى . وغمزلها . بس كدا العيال ممكن تبرد . اطلعي انتى اسبقينى وانا هحصلك .
ريتال : ضحكت برقه . اوكي يازينو . وقامت واستاذنت علشان تشوف اريان ولي لي.
آدم : قام وعطا مريم نونو .لمريم .امسكي ياحبيبتى . وبص لمراد تعالى عايزك فى المكتب .واتحرك ومراد اتحرك وراه .
زين : قام.وعايز يطلع ل روتى . احم مريوم انتى هتعوزى منى اجبلك اى طلبات من بره انهردا للحفله .
مريم : قامت وشايله مريم نونو . لا يازينى . منحرمش منك ياحبيبى. عبدالله جاب كل الطلبات . وواقف مع الطباخ . وسعاد والبنات بيعملو الحلو .
زين : طيب انا هطلع اريح شويه هتعوزي منى حاجه ياحبيبتي .
مريم : عايزاك سعيد ومتهنى يازينى . اطلع ياحبيبي . ولو الولاد مش هيخلوك تعرف تنام . نزلهم هنا انا قاعده مبعملش حاجه . اهو هقرأ قران ويسمعوه جمبى . وشويه كدا توصل اختك نور وتيمو وتمارا . ورينو بنت اللذين الل وحشانى دى .
زين : باس على ايديها . حبيبتي يامريوم ربنا يخليكي لينا ويديمك في حياتنا .
مريم : ولا يحرمنى منك ولامنكو ابدا يازينى .
وزين طلع . وكانت ريتال منيمه الولاد فى اوضتهم الخاصه بيهم .ورجعت لبست طقم رقيق . وزين شافها . وقرب منها وبعدين معاكى ياروتي . انتى هتجننينى معاكى .
ريتال : قربت منه وحاوطت رقبته بايديها . وبعدين معاك انت . جوزى ووحشتنى فيها حاجه دي يازينو .
زين : قربها منه اكتر . دي فيها حجات . تعالى هقولهالك . وقرب منها بكل اشتياق وجنون .
--------------------بقلمى Mariem Nasar
آدم : قعد ومراد قعد على الكرسي الل قصاده .
آدم : طالع مأموريه مش كدا !؟
مراد : اتنهد بزعل . ايوه ياحج بإذن الله.
آدم : امتى !؟
مراد : بكره .
آدم : بدهشه . بكره يامراد !؟ ومعرفتش حد لحد دلوقتي. ولو مكنتش انا سالت كنت هتقولنا امتى . وانت نازل للماموريه تسلم وتمشى !؟
مراد : سامحنى ياحج . الحكايه مش كدا خالص والله.
آدم : طيب ممكن اعرف ايه سبب سكوتك اليومين الل فاتو دول . وكمان الماموريه دى فين وعباره عن ايه !؟
مراد : اتنهد . حاضر يابابا هقولك . انا مسافر بكره انا وفهد على بلد عربي . والماموريه عن تهريب آثار بره مصر . وأنهم اكتشفوا مقبره كبيره جدا . لكن الاثار دى اختفت تانى يوم من اكتشافها . ووصلت معلومات أنهم بيجهزو لبيع الآثار دي لبره مصر . وكلفونى انا وفهد . وهنسافر بكره .
وسبب انى ساكت . انا مش عارف اقول لفريحه ازاى انى هسافر . وبصله .فريحه كانت تعبانه اوى يابابا وهي بتولد . الدكتوره قالت إنها ولاده متعسره . انا شوفت فريحه كأنها كانت بتودعنى ومش عايزاني أبعد خطوه واحده بعيد عنها . ولما سألت الدكتوره عن السبب قالتلى اسباب كتير ومن ضمن الأسباب دى النفسيه وانها تكون اتعرضت لضغوط نفسيه . وفريحه يوم ماعرفت انها حامل انا سافرت انا وفهد وقعدت ٤ شهور . وكانت فتره صعبه عليها وعليا . ولما كنت بكلمها كانت ديما تعيط . وغير كدا لما اتصبت هي كانت حاسه اني مش بخير . ومريم وحضرتك . وانا حاليا مش عارف اقولها ازاى انى هسافر . انا خايف تدخل في اكتئاب ما بعد الولاده . وانا بردو مش عارف هسافر وهرجع امتى . ومحتار . وده سبب انى متكلمتش لحد دلوقتي . حتى فهد قال ل رينو . ومن ساعة ماعرفت وهي بتعيط وزعلانه . ونبهت على فهد ورينو ميعرفوش حد من البيت هنا بموضوع السفر . وخصوصاً فريحه . انا بجد مخنوق ومش عارف اعمل ايه !؟
آدم : اتنهد بزعل . وقاله لازم فريحه هتعرف يامراد . وانت غلطان إنك مقولتلهاش من ساعة ماعرفت على الاقل كنت هتحتويها الل يومين الل انت موجود فيهم . وقام اطلع لمراتك وعرفها يامراد . وحاول بطريقتك انها متزعلش. وغير كدا انا مش عايزك تشيل هم فريحه . فريحه هنا الكل موجود جمبها . انت بقى ربنا معاك فكر في نفسك وركز في شغلك . وفريحه لما تفوق ترجع العياده وتباشر شغلها . وهتلاقى نفسها فيه . انت متقلقش فريحه بنتى قبل ما تكون مراتك . وبص ل مراد بقلب اب موجوع . ربنا يوفقك يبنى وتروح وترجع لينا بالسلامه .
مراد : قام وقف وحضن ابوه . واتنهد ربنا يخليك ليا يابابا . ويبارك في عمرك .
آدم : غمض عينيه . وافتكر الرصاصه . مراد عايزك تاخد بالك من نفسك . ومتتهورش ومتقربش اكتر من اللازم . فاهم يبنى .
مراد : اتنهد فى حضن ابوه . فاهم ياحج الله المستعان ..
آدم : عيونه لمعت بدموع . وطلع مراد من حضنه . يلا بقى اطلع لفريحه . وعرفها وجهزو شطنة السفر مع بعض . وحاول تجيبهالها بطريقه حلوه يعنى مهمه خفيفه كدا . مش لازم تقولها. اثار . علشان متخفش فاهم يبنى .
مراد : هز راسه . فاهم ياحج . بعد اذنك . وخرج وطالع لفريحه .
آدم : قعد مكانه . واتنهد . وخايف . خايف من المجهول وأن حاجه تحصل تأثر فى اجمل عيله واجمل ولاد فى الدنيا بالنسباله . ودعى ربه انه يحفظله مراد من كل سوء وشر. ومش عارف هيقول ل مريم ازاى وكمان زعلان على فريحه .
مراد : حس انه اتشجع شويه بعد ماتكلم مع آدم . وطلع ودخل الاوضه وكانت فريحه نايمه على السرير لكن كانت نايمه صاحيه . وشافت مراد وابتسمت .
مراد : ابتسم وراح قعد خلف منها . ورفع راسها وحطها على صدره . وحضنها من الخلف وباسها بحب من خدها .
فريحه : اتنهدت بحب . ومبسوطه إن مراد جمبها . ومسكت كف ايدو وباستها بحب . ورجعت راسها تحت دقنه . عارف يامرادي . انا بس مجرد وجودك في حياتي دى من أكبر النعم عليا . مراد انا بحبك اوى اكتر من اى حد . قلبى بيحبك اوى يامرادي .
مراد : زاد من حضنها . وباس راسها . ومراد مبيحبش حد قد فريحته وبس . ورفع راسها ليه وبص فى عيونها . مراد عايش علشان فريحه وبس . انتى بنتى انا الل مربيكي يابت . انا مش واخدك حبيبه وزجه وبس لأ . انتى من وانتى صغيره انا موجود جمبك . وابتسم .اخدتك مليكه خاصه من الاعدادى فاكره . لما لبستك الحجاب. انتى بتاعتى انا وبس . علاقتى بيكى انا مش عارف افسرها . حبى ليكى غريب مع انى مش رومانسي اوى بس بعشق امك يافريحتى .
فريحه : قلبها بيدق . وانا بموت فيك يامراد . وانا عايزاك ذي ما انت كدا رومانسي على مهيبر انا بموت فيك كدا .
مراد : انا مهيبر يابنت المستخبى .
فريحه : ههههه احلا مورادى والله .
مراد : أممم بتسبتينى يابت . وحاول يتكلم . احم. فريحتى .
فريحه : ماسكه كف ايدو . نعم يامراد .
مراد : هوا ..احم .ومش عارف يجبهالها ازاى .
فريحه : ايه ياحبيبى عايز تقول حاجه !؟.
مراد : انا عايز اقول . انى عايزك على طول مبسوطه . وعايز كمان اقولك ع حاجه لكن عايزك قبل ماتتكلمى وتعملى اى رد فعل سيبينى اكمل للآخر ماشى .
فريحه : بقلق . وحاولت تقوم وتتعدل . لكن مراد رجعها لحضنه تانى . مراد فى ايه انت قلقتنى .
مراد : حبيبتي مفيش حاجه. وغمض عينيه . ودفن وشه في رقبتها . وقرر أنه يكدب عليها علشان متتعبش ومتزعلش . فريحه انا جالى شغل فى بلد عربي . وقبل ما تتكلمى الشغل ده سهل جدا . مهمه خفيفه جدا جدا . عباره عن ملف هنجيبه . هندور على الراجل ده وهنجيبه ومفيش اى خطر . لاننا مش هنبان في الصوره . انا وفهد هتكون فى مكتبنا وندي الاوامر . لضباط من نفس البلد ويقبضو عليه .
فريحه : دموعها نازله . انت هتسافر وتسبنى يامراد .
مراد : رفع راسه . ولفها ليه . حبيبت مراد . انا قولتلك اهو . مأموريه خفيفه . وصدقينى مفيهاش اى خطر .
فريحه : بدموع .لا يامراد انت شغلك كله خطر .
مراد : بتمثيل . مسح دموعها وابتسم . ومسك دقنها بايده وهو مرادك عمره كدب على فريحة قلبه . لو المهمه صعبه هقولك صعبه علشان تدعيلى . لكن هي مهمه سهله جدا . وغمزلها وميمنعش بردو انك تدعيلى . وابوس ايدك حاولى متزعليش . صدقينى ياحبيبتي . انا لو عليا أفضل فى حضن ام آدم طول العمر . وكمان مش هشتغل . هاكل واشرب ببلاش عند آدم . وخميس وجمعه عند ابوكي المستخبى هههههه
فريحه : غصب عنها ابتسمت .
مراد : حضنها . ايوه كدا . اضحكى .
فريحه : بزعل . هتسافر امتى يامراد .
مراد : اتنهد . بكره يافريحتى .
فريحه : بدهشه ايييه . بكره .
مراد : حب يفكها شويه . ومبسوط لانها منهارتش زى كل مره . وغمزلها ماهو مش هينفع بقى يافريحه . قولت اسافر بدرى بدرى . علشان ارجع الاقيكى مستعده ههههه.
فريحه : بتضحك بدموع . بس بقى يامراد .
مراد : هو ايه الل بس . طيب بزمتك . يرضيكى اقعد جمب منك الفتره دى . وانتى مزه ووتكا كدا واغنى ظالموه . ها يابت .
فريحه : ههههه يلهوى بقى سبنى ازعل.
مراد : قرب من بوقها. فريحه العدوي متزعلش ابدا فاهمه وباسها باشتياق .
فريحه : قلبها دق . وغمضت عينيها . وتجاوبت معاه . ودموعها نزلت . لان مراد واحشها من دلوقتي .
مراد : ضمها لحضنه. بحبك يافريحتى . وصدقينى إن شاء الله هرجعلك .
فريحه : زادت من حضنه . هدعيلك في كل وقت يامراد . ومن دلوقتي هستودعك عند الله .
مراد : رفع دقنها بايده وباسها بكل عشق وفريحه تاهت في عشق مراد . وفريحه استكانت وكمان اطمنت أن مراد فى مهمه سهله ومفيهاش خطر عليه وعلى فهد.
ومراد من جواه مبسوط أن فريحه معيطتش زى كل مره . وشكر آدم بقلبه . وفضل قاعد جمب فريحه يهزر معاها .واخدها في حضنه . وقالها بت يافريحه صدقى نسيت حاجه مهمه اوى اعملهالك.
فريحه : حاجة ايه يامرادى .
مراد : انتى والده والمفروض اجيب شبب واعلقه في رقبتك . هههههههههههه الله يخربيتك ياعوض هههههههههههه
فريحه : هيهيهي . وحبت تغيظه . والله كانت احلى ايام . ايام عوض .
مراد : لسعها على قفاها . عوض مين يابنت الورما .
فريحه : عااااااااا بتضربنى وانا والده ياموراد .
مراد : وحيات امك يافريحه لو سمعتك بتقولى كدا تانى . لاعمل من وشك ده شارع بعربياته فاهمه يابت .
فريحه : بدلع يلهوووى حمش .
مراد : لا انا فى الحمشنه معنديش يمى ارحمينى .
فريحه : هههههههه . يادكرى هههههه.
مراد : جرا ايه يابت . هضربك صدقينى .
فريحه : بدلع . تؤ انا عايزاك تبوسنى .
مراد : ينهار اسوس . انتى الل جبتيه لنفسك ياوتكا تعالى واخدها في حضنه وباسها وقضو وقت جميل مع بعض.
وقامو يحضرو شنطه مراد . ومداش فرصه لفريحه انها تعيط . وكل شويه يضحكها ويفكرها بالمواقف بتاعتها معاه . وجهزو كل حاجه . وهيلبسو علشان الضيوف على وصول.
--------------------بقلمى Mariem Nasar
اشرف بيلبس وكان زعلان جدا .
هنا : زعلانه ولبست وراحت عندو ووقفت قدامه . ايه يااشرف هتفضل زعلان كدا . إن شاء الله. بابا مصطفى . ربنا هيشفيه ويقوم بالسلامه .
اشرف : بزعل حقيقي. وهز راسه . ومتكلمش.
هنا : مسكت ايده . حبيبى انت مؤمن وموحد بالله . وبابا مصطفى كبر فى السن ومعرض في اى وقت انه يتعب . وبعدين يااشرف الدكتور طمنا انها ازمه خفيفه وعدت . حبيبى ارجوك خليك قوى . ماما شيرين منهاره ومحتجالك. وهتتقوى بيك .
اشرف : اتنهد بحزن . إن شاء الله ياهنا . وعيونه اتملت بالدموع . اسمعى احنا هنروح العقيقه ساعة زمن ونرجع . ومش عايز اى حد يعرف أن بابا تعبان وبالشكل ده . احنا هنقولهم هما قاعدين مع مريم وكريم فاهمه .
هنا : حاضر ياحبيبى. طيب ما يوسف ومريم يروحو معاك وانا اقعد جمب بابا وماما .
اشرف : مينفعش . غيابك انتى وبابا وماما . هيخليهم يشكو أن فى حاجه . وانتى شايفه يوسف منهار ازاى .وحابس نفسه . يوسف بيعتبر بابا . ابوه مش جدو . انا هطلع اشوف ماما وهنزل على تحت حصلينى . وسابها وخرج .
وهنا : دعت ربنا أن يجيب العواقب سليمه . لان مصطفى تعبان جداا ..
اشرف : خبط ودخل . ودمعه نزلت منه . لما شاف شيرين دموعها على خدها وماسكه ايد مصطفى . وبتتأمل فيه . وافتكر لما وقع في المكتب . وشالو وجابو الدكتور . وقال جلطه خفيفه على المخ . وحوله على مستشفى غير مستشفى محمد . . وعلقله محاليل وكتبله علاج . وأشرف روح ابوه ع البيت وجاب ممرضه . ومرضيش يعرف محمد . علشان ميكسرش فرحته فى الحفله انهردا وان محمد هيزعل اوى. وهيعرفه بعدين . وقرب من شيرين ومسح دموعها .واتكلم برعشه . جرا ايه ياست الكل . ايه لزمتها الدموع دي . انتى عارفه أن مصطفى عزيز بيحب يهزر معانا . وهيفوق وهيبقى زى الفل .
شرين : بصت ل اشرف . بترجي . تفتكر ابوك هيقوم منها يا اشرف . وبصت لمصطفى . قوم يا مصطفى . قوم علشان انا مش هعرف اعيش من بعدك . انت وعدتنى انك هتفضل جمبى . وانا قولتلك خلينى انا الل اتعب وانت توصل الامانه لمكانها الاول قوم يا مصطفى .
اشرف : دموعه نازله . ايه ياامى. لااله إلا الله .ايه الكلام ده . انتى عارفه أن ناس كتير بتتعب وبتفوق وبترجع زى الاول واحسن . استغفرى ربك ياامى .
شيرين : استغفر الله العظيم . يارب سامحنى يارب . ومسحت دموعها . وباست ايد مصطفى . وحاولت تتكلم . اسمع يابنى مش عايزه حد يعرف بتعب والدك . مش لازم تكسر فرحتهم . ويلا خد مراتك وروحو العقيقه . وقامت وفتحت الدولاب ودموعها نازله . وجابت علبتين قطيفه . امسك يااشرف . العلبه دى هدية فريحه . والعلبه دى ل آدم الصغير . وقولها اى حاجه واعتذرلها . وياريت رنا متعرفش . رنا لو عرفت ابوها تعبان هتتعب علشان خاطرى يابنى . وخصوصاً محمد لو عرف هيزعل اوى . ده روحو فى ابوه .
اشرف : اخد الهدايا . وحضن شرين الل كأنها مصدقت وعيطت بكسره . وإن دى مش اول مره مصطفى يتعب كدا . وعيطت بكل وجع . وأشرف عيط وعيونه على ابوه الل نايم ولاحول له ولاقوه .
زياد لبس وجهز . وماليكه وصلت الشهر السابع . والحمل تاعبها شويه .
زياد : يلا ياماكي تعالى هساعدك في اللبس .
ماليكه : حبيبي ربنا يخليك ليا يازيزو .
زياد : ساعدها في اللبس . وبص عليها قمررر ايه الحلاوه دي قشطه يخربيت كدا .
ماليكه : ههههه .انا بعد ما ولد إن شاء الله هعملى مخصوص صنية بسبوسه بالقشطه . علشان اشوفها هتاثر عليا. زيك كدا ولا ايه .
زياد : اسكتى متفكرنيش . دي كانت احلى واجمل صنية بسبوسه بالقشطه . ياخرابى . ولا القشطه بتاعى انا وباسها من خدها اممم الله عسل هههههههه
ماليكه : ههههه بقيت بكاش اوى يازيزو .
زياد : باسها برقه من شفايفها . طيب وكدا .
مليكه : اتكسفت . ووشها بقى احمر .
زياد : شاور على خدودها .اهى دى بقى قشطه بالفرواله .وضمها لحضنه بحب . حبيبتي ياماكى ربنا يخليكي ليا ياقلبى.
ماليكه : زادت من حضنه . ربنا مايحرمنيش منك أبدا يازيزو .
زياد : اهي زيزو دى بقى بصنية قشطه لوحدها . وغمزلها لما نرجع من الحفله نشوف موضوع زيزو ده وقرب منها وباسها بصراحه انتى وحشانى اوى.
ماليكه : بصت فى عينيه . وانت كمان وحشتنى اوى يازيزوز .
وبعدها لبست الحجاب . وساعدها . واخدها ونزل على الحفله. وحسام وهدى سابقوهم على الحفله .
مالك داخل الفيلا مع ساره وماسكين ايد بعض . والضحكه على وشهم .
ملك : بغيظ . وقامت وقفت . والله يسى مالك . وانتى ياساره . بتصل عليكو من ساعه . ولاحد منكم معبرنى . وداخلين دلوقتي تضحكو ومبسوطين . طيب مفكرتوش انى ممكن نكون انا وجاسر قلقانين عليكو . مكنش مشوار نص ساعه وتقعدو ساعتين واكتر . واتاخرنا على الحفله.
مالك : قرب منها وباس على ايديها . حبيبتي يااااست الكل ياأحلى ملك فى الدنيا . غصب عننا التأخير والله .
ملك : غصب عنكم . ممكن افهم . انت قولت هشترى هديه للبيبى . ومحل المجوهرات . مفيش ربع ساعه وتكون عندو . ايه بقى الل اخرك كدا . انت عايز اخويا يزعل مني ويقول اختى جايالى اخر واحده . وبصت ل جاسر انا قولتلك نمشى انت مسمعتش كلامى .
جاسر : اهدى ياملك . لسه بدرى على الحفله ويستى هتوصلى في ميعادك بالظبط . لكن نعرف بس ايه الل حصل معاهم .
ساره : قربت من ملك . اسفه ياماما . انا السبب في التاخير ده .
ملك : ساره متتاسفيش . انا بس قلقت عليكو لانى اتصلت عليكى وعلى الباشمهندس . ولما مردتوش انا قلقت جدا .
ساره : شافت ملك متعصبه . ومسكت أيدها وحطتها على بطن ساره . وقالت ل ملك . عاقبيه هو بقى . هو الل اخرنا .
ملك : بعدم فهم . وبصت على أيدها الل على بطن ساره . ومش مستوعبه .
جاسر : بص ل مالك وشافه مبسوط .
ملك : فتحت عينيها على الاخر .وحطت ايدها التانيه على بوقها . وقالت بدهشه ساااره انتى ..انتى ..
ساره : ضحكت بدموع . ايوه ياماما . انا حامل . وفي شهرين . حفيدك هو الل اخرنا لانى اغمى عليا فى المحل ومالك اخدنى المستشفى . وعرفت أنى حامل . والفون كان فى العربيه . اسفين ..
ملك : بتضحك بدموع . وحضنت ساره . ياحبيبتى . ياحبيبتى . ساره هتملى علينا البيت الف الف مبروك ياروحي .وعيطت .
جاسر : حضن مالك بسعاده كبيره . ألف ألف مبروك ياحبيبى .
مالك : بفرحه الله يبارك فيك يابابا .
ملك : من فرحتها بتضحك بدموع . وراحت حضنت مالك . مبروك ياروحي مبررروك يانور عيني . انهردا عيد . والله انهردا عيد . انا مش مصدقه .
ساره : دموعها نازله . وضحكت . اهو ده نفس الل مالك عمله . واتغاظت . ابنك رايح يحضن الممرضه من الفرحه . وكلهم ضحكوا .
ملك : شهقت . وانتى سبتيه يحضنها.
ساره : ههههههههه .لا طبعا هو كان هايحضنها وانا صرخت بصوتى كله . وقولتله ماااالك انا هنا هههههه وكنت هقلب عليه . وحطت ايديها على بطنها وابتسمت بحب . بس حفيدك شفعله عندى .
جاسر : حضن ساره . ألف مبروك ياروحي . إن شاء الله هتجبيلنا اجمل احفاد .
ساره : إن شاء الله يابابا . وربنا يرزقنى بجاسر صغير .
جاسر : لااا والله مايحصل . انا مش عايز لخبطه . انا متلخبط طبيعى .
ملك : ابتسمت بسعاده وحمدت ربنا بقلبها على كم النعم الل هما فيها .
جاسر : يلا بقى علشان منتاخرش على الحفله . ونعلن الخبر الحلو ده للكل . واتحرك مع ملك وسبقو مالك وساره .
مالك : قرب من ساره . حبيبتي الف مبروك ياروحي.
ساره : بسعاده . الله يبارك فيك يا حبيبي . انا مبسوطه اوى يامالك .
مالك : قرب منها اكتر وباسها من شفايفها . وقالها . انا من فرحتى كنت هباركلك كدا في المستشفى . لكن دلوقتي اباركلك برحتى .
ساره : اتكسفت . احم . يلا علشان هنتاخر وبابا وماما منتظرين فى عربيتهم علشان نمشى مع بعض .
مالك : اخد ايد ساره وحطها فى دراعه . وخرج بيها . وفتح ليها باب العربيه . وركب جنبها وكان سايق وهو فى منتهى السعاده .
رواية جريمة عشق٣
(عشق الفهد)
بسم الله نبدأ
عادل : امم . طيب يا استاذ طلعت . انا عايز اعمل جرد لحسابات الشركه والشحنات من ١٠ سنين فاتت لحد انهردا !!
طلعت : بصدمه حقيقه . اييييه .!!
عادل : بعدم فهم . خير يا استاذ طلعت . انا طلبت حاجه غريبه ولاحاجه !؟. انا جاى اشتغل هنا .مدير حسابات ومن الطبيعي اعمل جرد لحسابات الشركه من وقت كبير علشان افهم واعرف .
طلعت : بصوت جهورى . فيها انك بتشك فيا . وفى حسابات الشركه. انا هنا من زمان جدا وانا الل بعمل الجرد . واخر جرد كان من اسبوع والملف بتاعه قدامك اهو . اتفضل راجع عليه بنفسك . ولما تبدء شغلك تبقى عيد حساباتك انت برحتك . انا مش حرامى علشان تقولى جرد من ١٠ سنين .
عادل : بتعجب من رد فعل طلعت . حضرتك انا مش شايف اى غلط فى كلامى لرد فعلك ده . وانا مقولتش أن حضرتك سرقت أو شكيت فيك . انا بعمل شغلى مش اكتر . وانا بحب شغلى . وطلبت الجرد لانى فى اى شركه او اى شغل بعمل جرد علشان ابدء صح .واكون على وعي وفهم . وبصله . هو حضرتك انا قولت حاجه غلط!؟ ولا مش من الطبيعي أنى اعمل جرد ولا ايه يا ..استاذ طلعت !؟
طلعت : بتوتر . وبيمسح وشه بالمنديل . ها. ايوه ايوه . طبعا . احم. طيب ادينى اسبوع كدا وانا إن شاء الله اجهزلك كل حاجه .
عادل : هز راسه. ولكن مارتحش لتوتر طلعت . امم تمام . انا اتشرفت جدا بحضرتك ..
طلعت : بتوتر . و..وانا كمان يبنى . استاذن انا وخرج على طول .
عادل : راح ل آدم . وخبط ودخل . اسف للازعاج . وكمان السكرتيره مش موجوده بره علشان استأذن ..
آدم : تعالى يعادل . اتفضل ومتقولش كدا . مكانك وشاور اقعد يعادل .
عادل : قعد . متشكر يافندم .
آدم : ها بقى . طلعت شرحلك هتعمل ايه بالظبط !؟
عادل : بتوتر . احم .بصراحه انا جاى لحضرتك مخصوص علشان اتكلم معاك فى الموضوع ده.
آدم : موضوع ايه !؟
عادل : حضرتك الاستاذ طلعت قدملى ملف بالحسابات لآخر شحنه واخر جرد من اسبوع بس . وانا طلبت منه أنى عايز اعمل جرد لحسابات الشركه من ١٠ سنين فاتت . لقيته اتعصب عليا واتكلم بنرفزه . واتهمنى كدا انى بشك فيه واني شايفه حرامى . وانا والله صدقنى مقصدش كدا ابدا. انا بس دى طبيعة شغلى . لازم افهم نظام الشركه من أكبر وقت فات علشان افهم واعرف ولا ده مش من حقى . وبعدين انا استغربت رد فعله وأنه يثور بالطريقه دي . وغير كدا انا فاضى ومواريش حاجه . قالى اسبوع واجبلك الاوراق والملفات ..
آدم : سمع عادل . وسكت شويه ومردتش عليه . وبعدها رفع سماعة الفون . واتصل على السكرتيره . وقالها ابعتيلى مسؤول في الحسابات على مكتبى .
وعادل اتوتر من سكوت آدم .
المسؤل دخل . تحت امرك يافندم .
آدم : الاستاذ عادل مدير حسابات الشركه الجديد وهيستلم مكان الاستاذ طلعت . وانا طلبت منه يعمل جرد لحسابات الشركه والشحنات حالا . استاذ عادل هيروح معاك على الأرشيف .وشوف ايه الل هيطلبه منك وتعمله . اتفضل . وبص ل عادل اتفضل يا استاذ عادل . عايزك تعملى جرد على ملفات الشركه الوارد والصادر في المخازن وتقارنها بملفات الحسابات وخد وقتك . وهستنى منك تقرير فى اقرب وقت.
عادل : اعجب جدا بطريقة آدم وتفكيره . وقاله بإذن الله يافندم اسبوع وملف شامل يكون قدام حضرتك . واستأذن . ومشى .
.وآدم فضل ساكت شويه يفكر في رد فعل طلعت . لكن رفض الفكره لان طلعت شغال معاه اكتر من ٢٠ سنه وبيثق فيه . وفاق على صوت فون الشركه .
محمد : فى المكتب .والباب لسه هيخبط . قالها ادخلى ياروحي .
نور : ضحكت . ههههه ودخلت . والله نفسي اعرف انت عرفت ازاى بجد أنى على الباب حتى بعد النقاب .
محمد : قام وقفل الباب بالمفتاح . وقرب منها . حبيبتي وبنوتى الحلوه . لازم احس بيكى لآني بحس بطاقه غريبه . وساعتها بعرف أن نورى قريبه جدا منى .
نور : مسكته من البالطو . اممم عارف!؟ . بتمنى ديما انك تحس بيا طول العمر .
محمد فك النقاب . وحطه على الكرسي . وحاوطها من وسطها . طول ما محمد بيتنفس . اعرفى انى هحس بيكى ديما . انتى رحلة عشق يانورى مش حب وبس .
نور : بصت فى عينيه . حبيبى يامحمد ربنا يخليك لينا وانت كمان حب وعشق عمرى كله .
محمد : لاارديا . قرب من نور بحبك يانورى . وباسها . ونور تجاوبت معاه . وبعد فتره . نور حطت راسها على صدره . انا الل بحبك اوى ياحماده .
محمد : انهار من جواه . مابلاش حماده دى احنا فى مكان شغل .
نور : بطفوليه . اله بقى . وبصتله انا اقولك حماده فى اى وقت . انا بحب اقولك حماده ..
محمد : وانا تحت امر نورى حبيبتي قولى حماده فى اى وقت لكن مش قدام حد اتفقنا وخصوصاً تيمو.
نور : بضحكه رقيقه . اتفقنا ياحماده .
محمد : لأ بقى دا انتى مصممه .
نور : بدلع مصممه على ايه يابيبى .
محمد : مصممه انى هشيلك دلوقتي وهنطلع على عشنا .
نور : اتكسفت ووشها بقى احمر . وسكتت .
محمد : رفع دقنها بايده وباسها بوسه رقيقه . وحشتينى اوى يانورى..
نور : بصوت مبحوح . وانت كمان يا حماده ..
محمد : همس فى ودنها . البسي نقابك ويلا بينا على عشنا .
نور : طيب وفرح نرمين والدكتور مروان انت ناسي انه انهردا.
محمد : لأ مش ناسي .ولسه بدرى . كدا كدا . هنروح البيت علشان نلبس ونجيب تمارا وتيم من عند آدم . يلا بقى احنا دلوقتي . لانى عايزك فى كلمتين مهمين جدا . وبعدها نجيب الولاد ونروح الفرح اوكي .
نور : ابتسمت بحرج . اوكي . ولبست النقاب .
ومحمد اخدها وخرجو وطلعو على عشهم . واول مادخلو الشقه شالها ودخل بيها على عشهم وعاشو وقت جميل مع بعض .
وبعدها . اتغدو ولبسو وراحو عند آدم واخدو تيم وتمارا وراحو على فرح نرمين . وحضرو الفرح وكان يوم جميل. وكانت نرمين ومروان مبسوطين جدا . وكان فرحهم مميز . ومروان اخد نرمين على عشهم . وأصبحت مراته قولا وفعلا . ونقول مبروك لنرمين ومروان .
--------------------بقلمى Mariem Nasar
بعد يومين .
مراد راجع من الشغل وكان مخنوق . والكل موجود في الفيلا .
مراد : السلام عليكم .
كلهم : وعليك السلام ..
مراد : باس مريم وكانت شايله آدم . اذيك يامريوم .
مريم : حبيبي الله يسلمك يامرادي حمدلله على السلامه ياروحي.
مراد : الله يسلمك ياحبيبتي. اذيك ياحج آدم..
آدم : الله يسلمك .حمدالله على السلامه.
مراد : الله يسلمك ياحج . وسلم على زين وريتال واريان و لي لي
وقرب على آدم الصغير وباسه . اومال فريحه ومريم فين !؟
مريم : بنتك مريم غلبت فريحه وغيرانه من آدم . قولتلها اكلى آدم وخليه معايه وخدي مريم جمبك علشان متأثرش على نفسيتها من ناحية اخوها .
مراد : بتفهم .. فريحه اتغدت .
مريم : مكانتش عايزه تاكل غير لما انت تيجي . وبعتلها مع زينب طبق فاكهه تاكلها لحد ما انت تيجى . اطلع انت وغير هدومك وانا هاقول لسعاد تجهز الغدا .
مراد : هز راسه تمام . وقام وقف .
آدم : حس ان مراد متغير .. اطلع انت يامراد . وهبعتلك الغدا على فوق واتغدي انت ومراتك وبنتك مع بعض .
مراد : يسلام . عليا النعمه برنس . وبص ل مريم . شوفتى الحج آدم ده دماغه الماظات . تسلم ياحج .
آدم : لا انا هبعتلك الغدا علشان تخفى من وشى مش عايز رخامه .
مراد : ههههه رخامة مطبخ.
آدم : اطلع ياض .. اطلع واتغدى وابعتلى مريم نونو جايبلها الشيكولاته بتاعتها .
مراد : يسلام . ربنا يخليك لينا ياحج .وقرب وباس راسه . وآدم اتنهد بحب . ومراد طلع . وشاف فريحه قاعده على السرير وبتلاعب مريم . وبيهزرو مع بعض .
فريحه : اول ما شافت مراد . ضحكت بفرحه وقامت لان مراد فاتح ايديه . وفريحه اترمت في حضنه . مرادى حبيبى وحشتنى .
مراد : اتنهد بزعل . وانتى كمان يافريحتى وحشتنى اوى اوى . وفريحه خرجت من حضنه
مريم : مولاد مولاد .
مراد : ابتسم بحب . قلب مولاد انتى تعالى وفتح ايديه ونزل على ركبه وحضنها كتير وفضل يبوس فيها . انتى يابت عسل كدا ليه وطلع من جيبه شوكليت لمريم . ومرضيش يقول ل آدم لان آدم كل يوم يجبلها . ومريم فرحت وسقفت لاتا لاتا . مولاد بيبى يعنى مراد حبيبى .
ومراد فتحها ليها وسابها . وكان ساكت .
فريحه : استغربت مراد . حبيبى انت كويس .
مراد : بصلها . ومش عايز يقولها أنه هيطلع مأموريه مع فهد بعد العقيقه . واتنهد . لا يابت مفيش حاجه . انا بس من الصبح فى الجهاز وروحت المرور وحجات من دى . ورجعت متأخر . وقام وقرب منها وبصلها تانى وقربها منه . انتى ماتغدتيش ليه يافريحه !؟
فريحه : حاوطت رقبته بايديها . اممم . مستنيه مرادي حبيبى علشان ناكل مع بعض .
مراد : حاوطها من وسطها وقربها منه اكتر . متعمليش كدا تانى . لما اتاخر كلى انتى وبعدين انتى لسه والده ولازم تاكلى كويس.
فريحه : بدلع تؤ انا هستناك . انت عارف !؟ الاكل حقيقى فى وجودك ليه طعم تانى .
مراد : زعل من جواه . طيب ولو قولتلك علشان خاطر مرادك حبيبك .
فريحه : بصت فى عينيه . علشان خاطر مراد حبيبى اعمل اي حاجه حتى لو مستحيله .
مراد : ضمها لقلبه بحب وحضنها ومتكلمش .
فريحه : مغمضه عينيها فى حضنه . تعرف انى مشتقالك أوى ياحبيبى .
مراد : حب يهزر . وحيات امك يابنت الورما انتى . طيب وده ينفع .
فريحه : ههههههه . اله بقى ياموراد انا قولت الل جوايا .
مراد : لا ياروح امك . خلى الل جواكي . جواكي علشان انا بصبر نفسي بالحضن ده اشطا . والباب خبط .
مراد : طلعها من حضنه . ده اكيد الغدا . وفتح الباب واخد الغدا . وشكر زينب . وحط الغدا على التربيزه . وشاور لفريحه وقربت منه . وقعدها على رجله وهيااكلها.
فريحه : ابتسمت . لأ بقى انا هاخد على الدلع ده .
مراد : ومالو يقلبى خدى كل الدلع .. ونده على مريم نونو . تعالى ياقلبى كلى
مريم نونو . جريت عليه . وبتزن علشان ينزل فريحه من على رجله .
مراد وفريحه ضحكو . وشالها على رجله التانيه . وقالها تعالى ياحبيبت ابوكي . انا هاكلك انتى كمان . وبدء يأكل مريم الاول لانها غيرانه من فريحه واكل فريحه . وفريحه بتاكله . ومريم نونو بتقلدها وترفع المعلقه ل مراد وبتحاول تأكله . وضحكو هما التلاته وكان غدا مميز ومريم عملت جو حلو للغدا .
وبعد الغدا .
مراد : مريومه . تروحي ل آدم .
مريم : رفعت ايديها يشيلها . اتم بيبى اتم بيبى .
مراد : بيبك . تعالى ياختى وشالها . ونزلها ليهم . اتفضل ياحج بيبى . مريم اهي .
آدم : بصله بغيظ . ايه بيبى ده كمان .
مراد : هههههههههههه والله ما انا مريم بتقولى اتم بيبى . ههههه بت عندها نظره بردو .
آدم : بغيظ . قصدها آدم حبيبى يامتخلف .
مراد : وهي حبيبى وبيبى ايه ههههه واحد ياحج آدم . وجتله فكره . وبص ل مريم امه .
مريوم . بصي علشان نفرق بين آدم الكبير والصغير . زى ما بنقول مريم نونو . هانقول ل آدم الصغير آدم بيبى هههههههههههه.
وكلهم ضحكو عدا آدم . لكن ضحك لما شاف مريم نونو بتضحك . بتضحكى على ايه يابنت ال... واتنهد ما هو ابن كلب جبله مش عارف اشتمك .
مراد : هههههههه . معلش ياحج استحمل .
آدم : طلع الشيكولاته . ومريم سقفت آدم بيبييى
والكل ضحك .
ومراد طلع عند فريحه ياخد شاور ويقعد معاها شويه . وكان محتار ومش عارف يقولها أنه مسافر بعد ٣ ايام ازاى . هي بلد عربي لكن بعيد شويه . واتنهد وبيفكر ياترى يافهد عرفت رينو ولا لسه .
رينو : بتعيط فى حضن فهد .
فهد : متدايق علشانها . واخدها كلها في حضنه . بس يارينو كفايه عياط .
رينو : فااهد انت رايح مهمه يافهد وهتسبنى وبتعيط ..
فهد : نفخ بديق . طيب بطلى عياط علشان اعرف افهمك . انا يدوبك قولتلك جاتلنا مأمورية . وانتى نازله عياط وخرجها من حضنه ومسح دموعها . حبيبتي . ده شغل وغصب عنى مش بايدى . انا لو عليا انقل مكتبى هنا جمبك .
رينو : بتعيط بشهقات بسيطه . انتو بتروحو مهمات وبتقعدو بالشهور يافهد . وانا مش عارفه هعمل ايه من غيرك وعيطت. .
فهد : زعلان علشانها . وقربها منه حبيبتى انا هسافر ايوه انا ومراد لكن المأموريه في بلد عربي . وإن شاء الله هنخلصها بسرعه. وبعدين يارينو الدراسه هتبدء اهي كلها ١٠ ايام . وانتى هتروحي الكليه . يعنى وقتك كله هتضيعيه في المذاكره ياقلب فهد . وبصلها بزعل وترجي كفايه دموع بقى ارجوكي .
رينو : بعياط طفولى . انا بحبك اوى يفاااهد ومبقتش بعرف انام غير فى حضنك .. متسنيش وتمشى . واترمت في حضنه .
فهد : مش عارف يسكتها . وقام وشالها ودخلها اوضة النوم . ونيمها على السرير . وقعد جنبها . وجابلها ميا . وشربها . حبيبتي اهدى وصدقينى انا هتصل عليكى فى اى وقت اكون فاضى فيه .
رينو : نايمه . واتكلمت بشهقات بسيطه . ابيه مراد كان بيقول لفريحه كدا . ومكنش بيتصل كتير . وبصتله بعشق ودموعها نازله . انا مقدرش اعيش من غيرك يا فهد .
فهد : قلبه دق من نظرتها . وقرب منها . وباس عيونها . وقالها وفهد مايقدرش يتنفس طول مارينو بتعيط وقرب من ودنها وهمس لو بتحبى الفهد كفايه دموع .
رينو : غمضت عيونها . وقلبها بيدق . وسكتت .
فهد : شافها مغمضه وشهقات بسيطه . قرب منها وباسها . البوسه المعهوده . واخد رينو فى جنته وحاول ينسيها العالم كله .
وبعد فتره كبيره . شالها واخدها الحمام ونزلها فى البانيو . وشاف أن رينو مش معترضه على حاجه . وباسها من جبينها . واخدو شاور لاول مره . وخرجها . وقالها انا هصلى العشا . وانتى كمان صلى . علشان نتعشى مع بعض
ونقعد شويه فى البلكون .
رينو : اتنهدت بزعل . وهزت راسها ومردتش . وفهد حاسس بيها . وزعلان علشانها وزعلان أنه هيبعد عنها . وخصوصاً أن الدراسه هتبدء وهيكون قلقان عليها . لكن هو هينبه عليها متروحش لوحدها ابدا .
وصلى العشا . ورينو صلت وعيطت وهي بتصلى وافتكرت جرح كتفه . والخطر الل بيقابلهم ودعت ربنا كتير انه يحفظ مراد والفهد . وبعد شويه . خرجت وكان فهد بيجهز في العشا وهي جهزت معاه لكن ساكته وبتكابر ومش عايزه تعيط قدامه .
فهد : شافها كده . وعيونها حمرا . ولكن سكت معلقش . وقعدو يتعشو وهي كانت بتاكل بتمثيل . لكن فهد اكلها غصب عنها . وبعد العشا بص فى الساعه وكانت ٨ . وقام وشالها . وقالها تلبس علشان هنخرج مع بعض نتمشى شويه .
رينو : معترضتش ولبست فستان اسود رقيق فهد بيحبه . ولبست نقاب بلون تانى . وكانت فاتنه . وكان عايزها تلبس نقاب اسود . لكن شايفها ساكته وزعلانه متكلمش واخدها وخرج وقعدو على البحر ومودها بدء يتظبط . واشترالها بلون كبيره . وورده . ونزل على ركبه يقدملها الورده فى وسط الشارع والناس موجوده والكل منبهر بالفهد . ورينو فرحت وضحكت . وفهد ضحك لما شاف ضحكتها . وقدملها الورده وقالها بحبك اوى ياعشق الفهد
وقضو وقت جميل اوى مع بعض . واخدها على محل مجوهرات . واشترالها سلسله عليها اسم فهد وقالها دى سلسله باسمى وانى انا بين ايديكى . ورينو كانت مبسوطه جدا . وروحو البيت مبسوطين . ورينو قلعت هدومها ولبست طقم رقيق . وفهد قرب منها ولبسها السلسله . وقالها دى رمز حبى ليكى وان فهد بين ايديكى يارينو .
رينو : حطت راسها على صدره . هستناك يافهد . وهدعيلك في كل وقت وكل سجود . تروح وترجع لمعشوقتك بالسلامه يافهد .
فهد : زاد من حضنها . وابتسم . حبيبتي انتى يارينو . واخدها وقعدو على السرير . وهو رجع راسه لورا . وخدها في حضنه . وقالها . اسمعى يارينو . الكليه قربت وع الأبواب . ومفيش يوم تروحيه لوحدك . آدم او زين أو طارق أو محمد . يوصلوكى وترجعى بنفس الطريقة . انتى هتكوني عند آدم . انا علمتك ازاى تدافعي عن نفسك . وكمان عايزك وانا مش موجود تتدربى وتمرنى نفسك علشان ليقاتك اوكي . واسمعى اي حد يكلمك في الجامعه مترديش عليه . واتكلم بتحذيرر شديد .وااسمعي يالارين . لو شوفتى حد بيموت قدامك فى الشارع مالكيش دعوه . الشارع مليان ناس كتير غيرك. اديكى شوفتى الل حصل معاكي قبل كده . ودلوقتي خطف البنات بقى بالطريقه دي . وكمان بيخدروهم عن طريق العصاير والمناديل . واحده تقولك اتفضلى منديل . او اتفضلى اشربى العصير ده . فكك من الحوارات دى . ده كله شغل عصابات . ويالارين مش عايز اكون قلقان عليكى متروحيش الجامعه لوحدك . ولو مفيش حد فاضى وفارس هيوصل رودي . يبقى يعدى عليكى ويوصلك مع رودي . فاهمه يا لارين .
رينو : بصتله مدام قولت لارين يبقى انت مخنوق قوي صح يافهد !!
فهد : ضمها لحضنه .واتنهد اسف ياحبيبتي . انا مش مخنوق . انا بس خايف عليكى .
رينو : زادت من حضنه . متقلقش يافهد انا هكون بخير علشانك . إن شاء الله كل حاجه هتكون كويسه . وانت كمان خلى بالك منك علشانى.
فهد : ابتسم . وباس جبينها . انا كلى علشانك يارينو . ونيمها في حضنه ونام .
فيلا العدوي . يوم الاجازه
آدم ومريم . والكل موجود على الفطار . مراد وفريحه . وزين وريتال . ومريم نونو على رجل آدم . والكل بيفطر . علشان يجهزو للعقيقه انهردا وكل العيله معزومه .
آدم : استغرب صمت مراد. وإن دى مش عادته وكمان لاحظ ان مراد كل شويه يبص على فريحه كأنه عايز يقولها حاجه . وشاور ل مريم تشوف مراد ماله .
مريم : بصت على مراد وشافته بنفس الحاله .
مرادي . مالك ياحبيبى ساكت ليه مش عوايدك يعنى .؟
مراد : اتنهد . ابدا يامريوم مرادك كويس ومسك ايديها وباسها . ربنا مايحرمنيش منك أبدا يااميرة البيت .
آدم : لما شاف مراد بيتكلم بالطريقه دي . فهم وعرف إن مراد هيسافر . وزعل من جواه .
مريم : متأكد يامراد . انت بقالك يومين ساكت كدا وسرحان . ايه ياحبيبى فى حاجه مضيقاك .
زين : مراد لو في حاجه مزعلاك قول . احنا فعلا مش واخدين عليك كدا .
مراد : بتمثيل . جرا ايه يازينو . وانا ايه الل هيزعلنى يعنى . انهردا عقيقة آدم بيبى ههههههه . وبعدين الواد هيتنقط انهردا . ياترى عمه زينو هينقطه بكام . ااقل من ٥٠ج مبنقبلش ههههههههه .
مريم : ضحكت وفريحه .
زين : ٥٠ ج !!! انت داخل على طمع بقى . انا هكرمشلك ٢٠ج وتحمد ربنا .
مراد : لا بتتعب والله . وبص ل آدم طبعا الحج الكبير . اكيد هيفاجأنا انهردا . اومال انا سميته آدم ليه . علشان تتوصى ومش هقبل بااقل من ٩٥ ج ههههههههه .
آدم : اتنهد . وقاله عينيه ل آدم وأبو آدم .
مراد : فهم ان ابوه كاشفه . احم تسلم ياحج وده العشم . وبص ل مريم وانتى بقى يامريوم هتدفعى كام لحفيدك . وخلى بالك اسمه على اسم الغالى وغمز . هاا .
مريم : بحب . ولا كنوز الدنيا كلها تساوى حرف من حروف ال آدم .
كلهم . اوووووو . وزين سقف هو ده .. ومراد صفر . ايوه بقى . والبنات ضحكت . ومريم اتكسفت
آدم : قلبه دق من اميرته . لكن ضحك على جنون ولاده . ومسك أيد ملهمته وباسها حبيبتى وروحي . ربنا مايحرمنيش منك أبدا يااميرة قلب آدم .
فريحه وريتال . حاطين ايدهم على خدهم وقالو بصوت واحد . اممم .
زين : بص ل ريتال . وبص على مريم . شوفتى البت اهي تنحت اهى .
مراد : بص على فريحه . جرا ايه يابت المستخبى هو انا مقصر ولا حاجه .
فريحه : بحب بصت ل مراد . انت !؟ انت سيد الرجاله كلهم يامراد قلبى .
مراد : ايوه كدا اتعدلى . والكل ضحك وكملو احلى فطار جماعى .
مريم : فريحه اطلعى انتى ياحبيبتي وحاولى تنامى شويه . ومريم نونو مع آدم . علشان تقدرى تقعدي مع العيله فى الحفله .
فريحه : حاضر ياماما ربنا يخليكي لينا يارب واتحركت على فوق .
ريتال : همست زينى .
زين : نعم يا روحي .
ريتال : بدلع زينى .
زين : ايه يابت بقولك نعم .
ريتال : برقه . وحشتنى اوى اوى يازينو.
زين : احم. وانتى كمان ياقلب زين وحشتينى اوى
ريتال : مش هتيجي تقفل البلكون ونشد الستاير على اريان ولي لي .
زين : بلع ريقه . بتيجي في أوقات صعبه انتى ياروتى . وغمزلها . بس كدا العيال ممكن تبرد . اطلعي انتى اسبقينى وانا هحصلك .
ريتال : ضحكت برقه . اوكي يازينو . وقامت واستاذنت علشان تشوف اريان ولي لي.
آدم : قام وعطا مريم نونو .لمريم .امسكي ياحبيبتى . وبص لمراد تعالى عايزك فى المكتب .واتحرك ومراد اتحرك وراه .
زين : قام.وعايز يطلع ل روتى . احم مريوم انتى هتعوزى منى اجبلك اى طلبات من بره انهردا للحفله .
مريم : قامت وشايله مريم نونو . لا يازينى . منحرمش منك ياحبيبى. عبدالله جاب كل الطلبات . وواقف مع الطباخ . وسعاد والبنات بيعملو الحلو .
زين : طيب انا هطلع اريح شويه هتعوزي منى حاجه ياحبيبتي .
مريم : عايزاك سعيد ومتهنى يازينى . اطلع ياحبيبي . ولو الولاد مش هيخلوك تعرف تنام . نزلهم هنا انا قاعده مبعملش حاجه . اهو هقرأ قران ويسمعوه جمبى . وشويه كدا توصل اختك نور وتيمو وتمارا . ورينو بنت اللذين الل وحشانى دى .
زين : باس على ايديها . حبيبتي يامريوم ربنا يخليكي لينا ويديمك في حياتنا .
مريم : ولا يحرمنى منك ولامنكو ابدا يازينى .
وزين طلع . وكانت ريتال منيمه الولاد فى اوضتهم الخاصه بيهم .ورجعت لبست طقم رقيق . وزين شافها . وقرب منها وبعدين معاكى ياروتي . انتى هتجننينى معاكى .
ريتال : قربت منه وحاوطت رقبته بايديها . وبعدين معاك انت . جوزى ووحشتنى فيها حاجه دي يازينو .
زين : قربها منه اكتر . دي فيها حجات . تعالى هقولهالك . وقرب منها بكل اشتياق وجنون .
--------------------بقلمى Mariem Nasar
آدم : قعد ومراد قعد على الكرسي الل قصاده .
آدم : طالع مأموريه مش كدا !؟
مراد : اتنهد بزعل . ايوه ياحج بإذن الله.
آدم : امتى !؟
مراد : بكره .
آدم : بدهشه . بكره يامراد !؟ ومعرفتش حد لحد دلوقتي. ولو مكنتش انا سالت كنت هتقولنا امتى . وانت نازل للماموريه تسلم وتمشى !؟
مراد : سامحنى ياحج . الحكايه مش كدا خالص والله.
آدم : طيب ممكن اعرف ايه سبب سكوتك اليومين الل فاتو دول . وكمان الماموريه دى فين وعباره عن ايه !؟
مراد : اتنهد . حاضر يابابا هقولك . انا مسافر بكره انا وفهد على بلد عربي . والماموريه عن تهريب آثار بره مصر . وأنهم اكتشفوا مقبره كبيره جدا . لكن الاثار دى اختفت تانى يوم من اكتشافها . ووصلت معلومات أنهم بيجهزو لبيع الآثار دي لبره مصر . وكلفونى انا وفهد . وهنسافر بكره .
وسبب انى ساكت . انا مش عارف اقول لفريحه ازاى انى هسافر . وبصله .فريحه كانت تعبانه اوى يابابا وهي بتولد . الدكتوره قالت إنها ولاده متعسره . انا شوفت فريحه كأنها كانت بتودعنى ومش عايزاني أبعد خطوه واحده بعيد عنها . ولما سألت الدكتوره عن السبب قالتلى اسباب كتير ومن ضمن الأسباب دى النفسيه وانها تكون اتعرضت لضغوط نفسيه . وفريحه يوم ماعرفت انها حامل انا سافرت انا وفهد وقعدت ٤ شهور . وكانت فتره صعبه عليها وعليا . ولما كنت بكلمها كانت ديما تعيط . وغير كدا لما اتصبت هي كانت حاسه اني مش بخير . ومريم وحضرتك . وانا حاليا مش عارف اقولها ازاى انى هسافر . انا خايف تدخل في اكتئاب ما بعد الولاده . وانا بردو مش عارف هسافر وهرجع امتى . ومحتار . وده سبب انى متكلمتش لحد دلوقتي . حتى فهد قال ل رينو . ومن ساعة ماعرفت وهي بتعيط وزعلانه . ونبهت على فهد ورينو ميعرفوش حد من البيت هنا بموضوع السفر . وخصوصاً فريحه . انا بجد مخنوق ومش عارف اعمل ايه !؟
آدم : اتنهد بزعل . وقاله لازم فريحه هتعرف يامراد . وانت غلطان إنك مقولتلهاش من ساعة ماعرفت على الاقل كنت هتحتويها الل يومين الل انت موجود فيهم . وقام اطلع لمراتك وعرفها يامراد . وحاول بطريقتك انها متزعلش. وغير كدا انا مش عايزك تشيل هم فريحه . فريحه هنا الكل موجود جمبها . انت بقى ربنا معاك فكر في نفسك وركز في شغلك . وفريحه لما تفوق ترجع العياده وتباشر شغلها . وهتلاقى نفسها فيه . انت متقلقش فريحه بنتى قبل ما تكون مراتك . وبص ل مراد بقلب اب موجوع . ربنا يوفقك يبنى وتروح وترجع لينا بالسلامه .
مراد : قام وقف وحضن ابوه . واتنهد ربنا يخليك ليا يابابا . ويبارك في عمرك .
آدم : غمض عينيه . وافتكر الرصاصه . مراد عايزك تاخد بالك من نفسك . ومتتهورش ومتقربش اكتر من اللازم . فاهم يبنى .
مراد : اتنهد فى حضن ابوه . فاهم ياحج الله المستعان ..
آدم : عيونه لمعت بدموع . وطلع مراد من حضنه . يلا بقى اطلع لفريحه . وعرفها وجهزو شطنة السفر مع بعض . وحاول تجيبهالها بطريقه حلوه يعنى مهمه خفيفه كدا . مش لازم تقولها. اثار . علشان متخفش فاهم يبنى .
مراد : هز راسه . فاهم ياحج . بعد اذنك . وخرج وطالع لفريحه .
آدم : قعد مكانه . واتنهد . وخايف . خايف من المجهول وأن حاجه تحصل تأثر فى اجمل عيله واجمل ولاد فى الدنيا بالنسباله . ودعى ربه انه يحفظله مراد من كل سوء وشر. ومش عارف هيقول ل مريم ازاى وكمان زعلان على فريحه .
مراد : حس انه اتشجع شويه بعد ماتكلم مع آدم . وطلع ودخل الاوضه وكانت فريحه نايمه على السرير لكن كانت نايمه صاحيه . وشافت مراد وابتسمت .
مراد : ابتسم وراح قعد خلف منها . ورفع راسها وحطها على صدره . وحضنها من الخلف وباسها بحب من خدها .
فريحه : اتنهدت بحب . ومبسوطه إن مراد جمبها . ومسكت كف ايدو وباستها بحب . ورجعت راسها تحت دقنه . عارف يامرادي . انا بس مجرد وجودك في حياتي دى من أكبر النعم عليا . مراد انا بحبك اوى اكتر من اى حد . قلبى بيحبك اوى يامرادي .
مراد : زاد من حضنها . وباس راسها . ومراد مبيحبش حد قد فريحته وبس . ورفع راسها ليه وبص فى عيونها . مراد عايش علشان فريحه وبس . انتى بنتى انا الل مربيكي يابت . انا مش واخدك حبيبه وزجه وبس لأ . انتى من وانتى صغيره انا موجود جمبك . وابتسم .اخدتك مليكه خاصه من الاعدادى فاكره . لما لبستك الحجاب. انتى بتاعتى انا وبس . علاقتى بيكى انا مش عارف افسرها . حبى ليكى غريب مع انى مش رومانسي اوى بس بعشق امك يافريحتى .
فريحه : قلبها بيدق . وانا بموت فيك يامراد . وانا عايزاك ذي ما انت كدا رومانسي على مهيبر انا بموت فيك كدا .
مراد : انا مهيبر يابنت المستخبى .
فريحه : ههههه احلا مورادى والله .
مراد : أممم بتسبتينى يابت . وحاول يتكلم . احم. فريحتى .
فريحه : ماسكه كف ايدو . نعم يامراد .
مراد : هوا ..احم .ومش عارف يجبهالها ازاى .
فريحه : ايه ياحبيبى عايز تقول حاجه !؟.
مراد : انا عايز اقول . انى عايزك على طول مبسوطه . وعايز كمان اقولك ع حاجه لكن عايزك قبل ماتتكلمى وتعملى اى رد فعل سيبينى اكمل للآخر ماشى .
فريحه : بقلق . وحاولت تقوم وتتعدل . لكن مراد رجعها لحضنه تانى . مراد فى ايه انت قلقتنى .
مراد : حبيبتي مفيش حاجه. وغمض عينيه . ودفن وشه في رقبتها . وقرر أنه يكدب عليها علشان متتعبش ومتزعلش . فريحه انا جالى شغل فى بلد عربي . وقبل ما تتكلمى الشغل ده سهل جدا . مهمه خفيفه جدا جدا . عباره عن ملف هنجيبه . هندور على الراجل ده وهنجيبه ومفيش اى خطر . لاننا مش هنبان في الصوره . انا وفهد هتكون فى مكتبنا وندي الاوامر . لضباط من نفس البلد ويقبضو عليه .
فريحه : دموعها نازله . انت هتسافر وتسبنى يامراد .
مراد : رفع راسه . ولفها ليه . حبيبت مراد . انا قولتلك اهو . مأموريه خفيفه . وصدقينى مفيهاش اى خطر .
فريحه : بدموع .لا يامراد انت شغلك كله خطر .
مراد : بتمثيل . مسح دموعها وابتسم . ومسك دقنها بايده وهو مرادك عمره كدب على فريحة قلبه . لو المهمه صعبه هقولك صعبه علشان تدعيلى . لكن هي مهمه سهله جدا . وغمزلها وميمنعش بردو انك تدعيلى . وابوس ايدك حاولى متزعليش . صدقينى ياحبيبتي . انا لو عليا أفضل فى حضن ام آدم طول العمر . وكمان مش هشتغل . هاكل واشرب ببلاش عند آدم . وخميس وجمعه عند ابوكي المستخبى هههههه
فريحه : غصب عنها ابتسمت .
مراد : حضنها . ايوه كدا . اضحكى .
فريحه : بزعل . هتسافر امتى يامراد .
مراد : اتنهد . بكره يافريحتى .
فريحه : بدهشه ايييه . بكره .
مراد : حب يفكها شويه . ومبسوط لانها منهارتش زى كل مره . وغمزلها ماهو مش هينفع بقى يافريحه . قولت اسافر بدرى بدرى . علشان ارجع الاقيكى مستعده ههههه.
فريحه : بتضحك بدموع . بس بقى يامراد .
مراد : هو ايه الل بس . طيب بزمتك . يرضيكى اقعد جمب منك الفتره دى . وانتى مزه ووتكا كدا واغنى ظالموه . ها يابت .
فريحه : ههههه يلهوى بقى سبنى ازعل.
مراد : قرب من بوقها. فريحه العدوي متزعلش ابدا فاهمه وباسها باشتياق .
فريحه : قلبها دق . وغمضت عينيها . وتجاوبت معاه . ودموعها نزلت . لان مراد واحشها من دلوقتي .
مراد : ضمها لحضنه. بحبك يافريحتى . وصدقينى إن شاء الله هرجعلك .
فريحه : زادت من حضنه . هدعيلك في كل وقت يامراد . ومن دلوقتي هستودعك عند الله .
مراد : رفع دقنها بايده وباسها بكل عشق وفريحه تاهت في عشق مراد . وفريحه استكانت وكمان اطمنت أن مراد فى مهمه سهله ومفيهاش خطر عليه وعلى فهد.
ومراد من جواه مبسوط أن فريحه معيطتش زى كل مره . وشكر آدم بقلبه . وفضل قاعد جمب فريحه يهزر معاها .واخدها في حضنه . وقالها بت يافريحه صدقى نسيت حاجه مهمه اوى اعملهالك.
فريحه : حاجة ايه يامرادى .
مراد : انتى والده والمفروض اجيب شبب واعلقه في رقبتك . هههههههههههه الله يخربيتك ياعوض هههههههههههه
فريحه : هيهيهي . وحبت تغيظه . والله كانت احلى ايام . ايام عوض .
مراد : لسعها على قفاها . عوض مين يابنت الورما .
فريحه : عااااااااا بتضربنى وانا والده ياموراد .
مراد : وحيات امك يافريحه لو سمعتك بتقولى كدا تانى . لاعمل من وشك ده شارع بعربياته فاهمه يابت .
فريحه : بدلع يلهوووى حمش .
مراد : لا انا فى الحمشنه معنديش يمى ارحمينى .
فريحه : هههههههه . يادكرى هههههه.
مراد : جرا ايه يابت . هضربك صدقينى .
فريحه : بدلع . تؤ انا عايزاك تبوسنى .
مراد : ينهار اسوس . انتى الل جبتيه لنفسك ياوتكا تعالى واخدها في حضنه وباسها وقضو وقت جميل مع بعض.
وقامو يحضرو شنطه مراد . ومداش فرصه لفريحه انها تعيط . وكل شويه يضحكها ويفكرها بالمواقف بتاعتها معاه . وجهزو كل حاجه . وهيلبسو علشان الضيوف على وصول.
--------------------بقلمى Mariem Nasar
اشرف بيلبس وكان زعلان جدا .
هنا : زعلانه ولبست وراحت عندو ووقفت قدامه . ايه يااشرف هتفضل زعلان كدا . إن شاء الله. بابا مصطفى . ربنا هيشفيه ويقوم بالسلامه .
اشرف : بزعل حقيقي. وهز راسه . ومتكلمش.
هنا : مسكت ايده . حبيبى انت مؤمن وموحد بالله . وبابا مصطفى كبر فى السن ومعرض في اى وقت انه يتعب . وبعدين يااشرف الدكتور طمنا انها ازمه خفيفه وعدت . حبيبى ارجوك خليك قوى . ماما شيرين منهاره ومحتجالك. وهتتقوى بيك .
اشرف : اتنهد بحزن . إن شاء الله ياهنا . وعيونه اتملت بالدموع . اسمعى احنا هنروح العقيقه ساعة زمن ونرجع . ومش عايز اى حد يعرف أن بابا تعبان وبالشكل ده . احنا هنقولهم هما قاعدين مع مريم وكريم فاهمه .
هنا : حاضر ياحبيبى. طيب ما يوسف ومريم يروحو معاك وانا اقعد جمب بابا وماما .
اشرف : مينفعش . غيابك انتى وبابا وماما . هيخليهم يشكو أن فى حاجه . وانتى شايفه يوسف منهار ازاى .وحابس نفسه . يوسف بيعتبر بابا . ابوه مش جدو . انا هطلع اشوف ماما وهنزل على تحت حصلينى . وسابها وخرج .
وهنا : دعت ربنا أن يجيب العواقب سليمه . لان مصطفى تعبان جداا ..
اشرف : خبط ودخل . ودمعه نزلت منه . لما شاف شيرين دموعها على خدها وماسكه ايد مصطفى . وبتتأمل فيه . وافتكر لما وقع في المكتب . وشالو وجابو الدكتور . وقال جلطه خفيفه على المخ . وحوله على مستشفى غير مستشفى محمد . . وعلقله محاليل وكتبله علاج . وأشرف روح ابوه ع البيت وجاب ممرضه . ومرضيش يعرف محمد . علشان ميكسرش فرحته فى الحفله انهردا وان محمد هيزعل اوى. وهيعرفه بعدين . وقرب من شيرين ومسح دموعها .واتكلم برعشه . جرا ايه ياست الكل . ايه لزمتها الدموع دي . انتى عارفه أن مصطفى عزيز بيحب يهزر معانا . وهيفوق وهيبقى زى الفل .
شرين : بصت ل اشرف . بترجي . تفتكر ابوك هيقوم منها يا اشرف . وبصت لمصطفى . قوم يا مصطفى . قوم علشان انا مش هعرف اعيش من بعدك . انت وعدتنى انك هتفضل جمبى . وانا قولتلك خلينى انا الل اتعب وانت توصل الامانه لمكانها الاول قوم يا مصطفى .
اشرف : دموعه نازله . ايه ياامى. لااله إلا الله .ايه الكلام ده . انتى عارفه أن ناس كتير بتتعب وبتفوق وبترجع زى الاول واحسن . استغفرى ربك ياامى .
شيرين : استغفر الله العظيم . يارب سامحنى يارب . ومسحت دموعها . وباست ايد مصطفى . وحاولت تتكلم . اسمع يابنى مش عايزه حد يعرف بتعب والدك . مش لازم تكسر فرحتهم . ويلا خد مراتك وروحو العقيقه . وقامت وفتحت الدولاب ودموعها نازله . وجابت علبتين قطيفه . امسك يااشرف . العلبه دى هدية فريحه . والعلبه دى ل آدم الصغير . وقولها اى حاجه واعتذرلها . وياريت رنا متعرفش . رنا لو عرفت ابوها تعبان هتتعب علشان خاطرى يابنى . وخصوصاً محمد لو عرف هيزعل اوى . ده روحو فى ابوه .
اشرف : اخد الهدايا . وحضن شرين الل كأنها مصدقت وعيطت بكسره . وإن دى مش اول مره مصطفى يتعب كدا . وعيطت بكل وجع . وأشرف عيط وعيونه على ابوه الل نايم ولاحول له ولاقوه .
زياد لبس وجهز . وماليكه وصلت الشهر السابع . والحمل تاعبها شويه .
زياد : يلا ياماكي تعالى هساعدك في اللبس .
ماليكه : حبيبي ربنا يخليك ليا يازيزو .
زياد : ساعدها في اللبس . وبص عليها قمررر ايه الحلاوه دي قشطه يخربيت كدا .
ماليكه : ههههه .انا بعد ما ولد إن شاء الله هعملى مخصوص صنية بسبوسه بالقشطه . علشان اشوفها هتاثر عليا. زيك كدا ولا ايه .
زياد : اسكتى متفكرنيش . دي كانت احلى واجمل صنية بسبوسه بالقشطه . ياخرابى . ولا القشطه بتاعى انا وباسها من خدها اممم الله عسل هههههههه
ماليكه : ههههه بقيت بكاش اوى يازيزو .
زياد : باسها برقه من شفايفها . طيب وكدا .
مليكه : اتكسفت . ووشها بقى احمر .
زياد : شاور على خدودها .اهى دى بقى قشطه بالفرواله .وضمها لحضنه بحب . حبيبتي ياماكى ربنا يخليكي ليا ياقلبى.
ماليكه : زادت من حضنه . ربنا مايحرمنيش منك أبدا يازيزو .
زياد : اهي زيزو دى بقى بصنية قشطه لوحدها . وغمزلها لما نرجع من الحفله نشوف موضوع زيزو ده وقرب منها وباسها بصراحه انتى وحشانى اوى.
ماليكه : بصت فى عينيه . وانت كمان وحشتنى اوى يازيزوز .
وبعدها لبست الحجاب . وساعدها . واخدها ونزل على الحفله. وحسام وهدى سابقوهم على الحفله .
مالك داخل الفيلا مع ساره وماسكين ايد بعض . والضحكه على وشهم .
ملك : بغيظ . وقامت وقفت . والله يسى مالك . وانتى ياساره . بتصل عليكو من ساعه . ولاحد منكم معبرنى . وداخلين دلوقتي تضحكو ومبسوطين . طيب مفكرتوش انى ممكن نكون انا وجاسر قلقانين عليكو . مكنش مشوار نص ساعه وتقعدو ساعتين واكتر . واتاخرنا على الحفله.
مالك : قرب منها وباس على ايديها . حبيبتي يااااست الكل ياأحلى ملك فى الدنيا . غصب عننا التأخير والله .
ملك : غصب عنكم . ممكن افهم . انت قولت هشترى هديه للبيبى . ومحل المجوهرات . مفيش ربع ساعه وتكون عندو . ايه بقى الل اخرك كدا . انت عايز اخويا يزعل مني ويقول اختى جايالى اخر واحده . وبصت ل جاسر انا قولتلك نمشى انت مسمعتش كلامى .
جاسر : اهدى ياملك . لسه بدرى على الحفله ويستى هتوصلى في ميعادك بالظبط . لكن نعرف بس ايه الل حصل معاهم .
ساره : قربت من ملك . اسفه ياماما . انا السبب في التاخير ده .
ملك : ساره متتاسفيش . انا بس قلقت عليكو لانى اتصلت عليكى وعلى الباشمهندس . ولما مردتوش انا قلقت جدا .
ساره : شافت ملك متعصبه . ومسكت أيدها وحطتها على بطن ساره . وقالت ل ملك . عاقبيه هو بقى . هو الل اخرنا .
ملك : بعدم فهم . وبصت على أيدها الل على بطن ساره . ومش مستوعبه .
جاسر : بص ل مالك وشافه مبسوط .
ملك : فتحت عينيها على الاخر .وحطت ايدها التانيه على بوقها . وقالت بدهشه ساااره انتى ..انتى ..
ساره : ضحكت بدموع . ايوه ياماما . انا حامل . وفي شهرين . حفيدك هو الل اخرنا لانى اغمى عليا فى المحل ومالك اخدنى المستشفى . وعرفت أنى حامل . والفون كان فى العربيه . اسفين ..
ملك : بتضحك بدموع . وحضنت ساره . ياحبيبتى . ياحبيبتى . ساره هتملى علينا البيت الف الف مبروك ياروحي .وعيطت .
جاسر : حضن مالك بسعاده كبيره . ألف ألف مبروك ياحبيبى .
مالك : بفرحه الله يبارك فيك يابابا .
ملك : من فرحتها بتضحك بدموع . وراحت حضنت مالك . مبروك ياروحي مبررروك يانور عيني . انهردا عيد . والله انهردا عيد . انا مش مصدقه .
ساره : دموعها نازله . وضحكت . اهو ده نفس الل مالك عمله . واتغاظت . ابنك رايح يحضن الممرضه من الفرحه . وكلهم ضحكوا .
ملك : شهقت . وانتى سبتيه يحضنها.
ساره : ههههههههه .لا طبعا هو كان هايحضنها وانا صرخت بصوتى كله . وقولتله ماااالك انا هنا هههههه وكنت هقلب عليه . وحطت ايديها على بطنها وابتسمت بحب . بس حفيدك شفعله عندى .
جاسر : حضن ساره . ألف مبروك ياروحي . إن شاء الله هتجبيلنا اجمل احفاد .
ساره : إن شاء الله يابابا . وربنا يرزقنى بجاسر صغير .
جاسر : لااا والله مايحصل . انا مش عايز لخبطه . انا متلخبط طبيعى .
ملك : ابتسمت بسعاده وحمدت ربنا بقلبها على كم النعم الل هما فيها .
جاسر : يلا بقى علشان منتاخرش على الحفله . ونعلن الخبر الحلو ده للكل . واتحرك مع ملك وسبقو مالك وساره .
مالك : قرب من ساره . حبيبتي الف مبروك ياروحي.
ساره : بسعاده . الله يبارك فيك يا حبيبي . انا مبسوطه اوى يامالك .
مالك : قرب منها اكتر وباسها من شفايفها . وقالها . انا من فرحتى كنت هباركلك كدا في المستشفى . لكن دلوقتي اباركلك برحتى .
ساره : اتكسفت . احم . يلا علشان هنتاخر وبابا وماما منتظرين فى عربيتهم علشان نمشى مع بعض .
مالك : اخد ايد ساره وحطها فى دراعه . وخرج بيها . وفتح ليها باب العربيه . وركب جنبها وكان سايق وهو فى منتهى السعاده .
الاكثر قراءة هذا الشهر :
رواية غرام الاسد كاملة
موعد الحلقة الجديد الساعة ( 4 م ) يوميا ان شاء الله .
الى هنا تنتهى احداث رواية جريمة عشق 3 الحلقة الخامسة عشر ، يمكنكم اكمال باقى احداث رواية جريمة عشق 3 الحلقة السادسة عشر أوقراءة المزيد من الروايات المكتملة فى قسم روايات كاملة .
نأمل أن تكونوا قد استمتعتم بـ رواية جريمة عشق 3 ، والى اللقاء فى حلقة قادمة بإذن الله ، لمزيد من الروايات يمكنكم متابعتنا على الموقع أو فيس بوك ، كما يمكنكم طلب رواياتكم المفضلة وسنقوم بوضعها كاملة على الموقع .