رواية جريمة عشق 3 الحلقة الثامنة عشر 18 ( عشق الفهد ) روايات مريم نصار

  نقدم اليوم احداث رواية جريمة عشق 3 الحلقة الثامنة عشر من روايات مريم نصار . والتى تندرج تحت تصنيف روايات رومانسية ، تعد الرواية  واحدة من اجمل الروايات رومانسية  والتى نالت اعجاب القراء على الموقع ، لـ قراءة احداث رواية جريمة عشق 3 كاملة بقلم مريم نصار من خلال اللينك السابق ، أو تنزيل رواية جريمة عشق 3 pdf كاملة  من خلال موقعنا .


رواية جريمة عشق 3 الحلقة 18 ( عشق الفهد ) بقلم مريم نصار



جريمة عشق 3 الفصل 18

١٠ ج ١
رواية جريمة عشق٣
(عشق الفهد)
بسم الله نبدأ

مريم . قاعده تحت بعد الغدا مع فريحه وريتال والأطفال . وشايفه رينو كانت قاعده وقت الغدا سرحانه وزعلانه واخدت تيمو وطلعت على اوضتها .
فريحه : بتتكلم مع رنا فى الفون . وبطمنها على جدها مصطفى . ورنا لسه راجعه من عندهم .. ورنا عايزه فريحه تروح تقضى عندها يومين بما ان مراد مسافر .
فريحه : ثوانى يامامى . هقول لماما مريم . وبصت ل مريم . ماما . انا عايزه اروح اقعد مع مامي يومين كدا ولا حاجه !
مريم : ومالو يقلبى .. هتروحى امتى !؟
فريحه : دلوقتي لو امكن !
مريم : بتفكير . طيب آدم لسه فى الشركه . وزين معاه ومفيش حد هنا يوصلك .
فريحه : عادي ياماما هروح بعربيتى .
مريم : وهتسوقى ازاى يابنتى . مريم مش هتقعد ساكته وكمان آدم لسه ماتمش شهر . بصى قولى ل رنا لو فارس موجود يجي ياخدك .
فريحه : لسه هتتكلم . رنا سمعت مريم . وقالت مريم معاها حق العيال مش هيخلوكي تعرفى تسوقى انا هبعتلك فارس تكونى انتى جهزتى نفسك .
فريحه : ابتسمت . خلاص ماشى يامامى انا هطلع اجهز حاجتى . يكون هو وصل بالسلامه وقفلو .
فريحه : ماما اتصل على بابا آدم استاذنه ..
مريم : لا ياحبيبتي . انا هبقى اسيبله خبر . لانى كنت بتصل عليه من شويه كنسل عليا . تلاقيه مشغول ياحبيبى فى الثفقه الل عندو . ربنا ينورله طريقه ويكفيه شر ولاد الحرام يارب . قومي انتى وهاتى آدم . وانتى اطلعى جهزى نفسك . ومتنسيش تاخدى غيار ل آدم علشان لو رجع ولا حاجه .
فريحه : قامت . اتفضلى آدم . واخدت مريم نونو . تعالى ياميرو علشان نروح ل طارق .
مريم : نونو سقفت تالق .تالق . وضحكو عليها .
فريحه : جهزت نفسها ونزلت وفارس جه وسلم على مريم وريتال . وشال مريم نونو . وفريحه سلمت على مريم وريتال . وشالت آدم. وخرجو واتحركو .
مريم : روتي . لو عايزه تطلعى تريحي شويه انتى واريان وليليان . على ما زين يرجع بالسلامه .
ريتال : حاضر ياماما . انا فعلا قاعده حاسه انى بنام على نفسي .
مريم : اطلعي ياحبيبتى . وخدي عيالك فى حضنك . مش لازم على طول ينامو في السرير لوحدهم . لازم يحسو حنانك وينامو مطمنين في حضنك .
ريتال : ابتسمت . حاضر ربنا يخليكى لينا يارب .
مريم : ابتسمت . ويخليكو ليا ولا يحرمنى من وجودك انتى وفريحه . اطلعي ياحبيبتى.
ريتال : اخدت . اريان ولي لي وطلعت . وفعلا هتاخد ولادها فى حضنها وهتنام .
مريم : قاعده كل الوقت ده وتفكيرها مشغول ب آدم . وكمان رينو . وقامت علشان تطلع تتكلم مع رينو ..

--------------------بقلمى Mariem Nasar

آدم وطارق لسه ييخرجو من الاوضه .
آدم : لف للمدير . سؤال اخير . الراجل ده مقالش اى اسم قدامك . مثلا جاى من طرف طارق أو آدم .أو زياد. اى اسم حتى لو غير دول .
المدير : بتفكير .. وقال لحظه واحده . انا افتكرت موقف حصل !!
آدم : افتكرت ايه !؟
المدير. افتكرت أن الشخص خرج من المكتب . وانا خرجت بعد منه . وكان واقف فى الطرقه وبيتكلم مع محامى حضرتك فى الفون . وبيقوله انا استلمت الشيك يااستاذ رشوان .

آدم وطارق . بصدمه كبيره .بصو لبعض رااشووان .
طارق : انت متأكد من الاسم ده !؟
المدير : ايوه طبعا متأكد . وكمان انا عارف الأستاذ راشوان كويس لانه ديما بيكون موجود مع الاستاذ زين .
آدم : هز راسه . انا متشكر جدا . يلا بينا ياطارق . وخرجو وركبو العربيه .

طارق : ايه يا آدم ابعت الرجاله يجيبو راشوان .
آدم : باصص قدامه . وبيفكر . ومردش ..
طارق : انت يبنى . هنعمل ايه . ابن الواطي ده سارق مننا اكتر من ٥ مليون دا غير تمن الاجهزه الل باعها بملايين . هنعمل ايه . نجيبه ونوديه المخزن . او نسجنه .
آدم : بصله . وقال . وانا هستفاد ايه لما يتعذب ولا يتسجن . وكمان انت ناسي اننا ماضيين على الأوراق . لأ !! إن كان راشوان . مفكر نفسه ذكي وضحك على آدم العدوي يبقى بيحلم . انا بقى هرجع حقى ومن غير اى تهور . وانت اقعد اتفرج واتعلم . واتحرك بالعربيه . وفى قبله نار وأقسم انه هيرجع كل مليم راشوان اخده منه . وقال لنفسه هنبدء بطلعت .

مريم : اتحركت وطلعت وخبطت على رينو ودخلت . وشافت تيم بيلعب بالعربيه الل جبهالو فهد .
. رينو قاعده على السرير فى اخرو وحضنا رجليها. وواضح من عينيها انها كانت بتعيط . مريم زعلت عليها وراحت قعدت على طرف السرير من الاتجاه التانى .
مريم : بتدارى وجعها . وابتسمت .تعالى يارينو ياحبيبتى اقعدى جمبى .
رينو : انتبهت ل مريم . واتنهدت . واتحركت وقربت وقعدت جمبها . نعم يامامى .
مريم : مسدت على شعرها . مالك ياقلب مامي . سرحانه وساكته ليه !؟
رينو : حطت راسها فى حضنها واتنهدت بزعل ودموع . مفيش حاجه يامامي انا كويسه .
مريم : بتمسد على شعرها . حبيبتي . انا عايزاكي تعيشى الواقع . وإن فهد مسافر فتره صغيره وراجع إن شاء الله . وعايزاكى تدعيله هو واخوكي . لكن مش عايزاكى تفضلى كدا كتير . انتى من يوم مافهد سافر لا بتاكلى كويس ولا بتنامي كويس وعلى طول سرحانه .وتعيطى كدا . وحبت تفكها اومال بقى البت فريحه دى ايه على كده بقى نعملها تمثال . بت قويه كدا وعندها يقين إن مرادها راجعلها وبتحاول تكون قويه علشان خاطر مراد لما يرجع تكون اجمل من الاول . مش تعيط وتزعل ووشها يكرمش . ها !!. حببتى انا إن كان عليا مش عايزاهم يسافرو خالص ولا يبعدو دقيقه واحده عنى وعنكم. لكن لازم نؤمن ان كل حاجه تحصل فى الدنيا دى نصيب . وعياطك وزعلك ده مش هيغير فى القدر والنصيب شئ . خليكى متفائله . وبعدين مراد وفهد بيسافرو شهر شهرين حتى لو سنه . فى ناس بتسافر بالسنين وبيبقو سايبين وراهم عيله كامله . يعملو ايه بقى دول . كل واحده جوزها مسافر هتستسلم للحزن والزعل كدا .
رينو : دموعها نازله . غصب عني يامامى . فهد وحشنى اوى . وعيطت .
مريم : زادت من حضنها . بس يارينو بس كفاياكى عياط يابنتى . عندى فكره حلوه . ايه رايك نتصل على آدم . ونستاذنه ونروح عند ابله شيرين . اهو نطمن على الحج ونقعد كلنا مع بعض . ها ايه رايك موافقه !؟.
رينو : بدموع . اسفه يامامي مش عايزه اروح فى اى مكان . وخرجت من حضن مريم . ومسكت ايديها . وبصتلها بترجي . انا عايزه اروح شقتى يامامى . عايزه اروح اقعد فيها حتى لو يوم واحد .
مريم : قلبها وجعها . على بنتها . وفاهمه انها عايزه تروح لذكرياتها مع جوزها . واتنهدت بزعل . وابتسمت . ومسحت دموع رينو . وقالت . ومالو يقلبى بيتك وحقك كمان . لكن صعب انهردا . بصي لما بابى يرجع انا هكلمه وهقوله انك تروحي يوم الاجازه . وتقضيه كله هناك مبسوطه كدا .
رينو : رمت نفسها فى حضن مريم . لانها كان نفسها تروح دلوقتي لان فهد واحشها بجنون وعيطت ومردتش . ومدايقه من خوفهم عليها بالطريقه دى . هي عايزه تروح تنام فى سرير فهد . عايزه تشم ريحته فى المكان . عايزه تراجع زكريات الشهرين الل قضتهم معاه .
مريم : دمعه نزلت منها . وحضنت رينو بكل حب . وقالتلها غصب عني ياحبيبتى . ولو ليا خاطر عندك بطلى عياط . فهد إن شاء الله راجع .

- محمد اخد نور كلها في حضنه. ونور استكانت فى حضن حبيبها وسندها . وابتمست بسعاده كبيره ودعت من قلبها انهم يعيشو في سعاده ديما .
محمد : زاد من حضنها . بحبك اوى يانورى.
نور : اتنهدت بسعاده . انا الل بموت فيك يامحمد . بجد انت فاجئتنى امبارح . حتى الفطار انهردا جبتهولى لحد هنا . انا مبسوطه اوى .
محمد : بيلاعب خصلات شعرها . اممم ولسه فى مفاجأه كمان .
نور : خرجت من حضنه . وقعدت بجد . طيب قول . قول مفاجة ايه .قووول بليز
محمد : هههه . اهدى طيب . قومى انتى كدا . وخدى شاور . وصلى العصر . وانا كمان . وهكون حضرتلك المفاجاه اوكى .
نور : بدلع . امم مش هصبر قوووول بليييز بقى.
محمد : ههههه . لأ هاقولك بعد ما تخلصى . وخطف منها بوسه . واتحرك . انا هاخد شاور واصلى . وانتى كمان يلا بقى علشان المفاجاه .
نور : قامت بسرعه . ودخلت قبل منه . انا فى ثوانى هكون جاهزه علشان المفاجأه . روح انت بقى الحمام الخارجي . ههههه.
محمد : ابتسم . ودخل معاها الحمام . وشالها . وقالها . احنا ناخد الشاور في وقت واحد علشان نلحق المفاجاه . وباسها من خدها.
نور : اتكسفت ومردتش . واخدو الشاور . وبعدها محمد صلى الاول . وخرج . ونور لبست الاسدال وصلت . ودعت انها تفضل هي وعيلتها فى سعاده . وخلصت وقلعت الاسدال وخرجت . وابتسمت بسعاده . لما شافت محمد بيقطع في قالب الكيك الل متغرق بصوص الشيكولاته . امممم وااااو تحفه بجد .
محمد : تعالى اقعدى . واخدها على رجله . وبدء يأكلها . دى بقى علشان العمليه الل انتى عملتيها بنجاح كبير وابهرتينى بجد . انا فخور بيكى جدا يانورى .
نور : بتاكل . اممم جميله اوى . حبيبى ربنا يخليك ليا يارب . وبصتله . بص بقى احنا نتفق اتفاق مع بعض . اى عمليه جراحيه اعملها انت هتجبلى كيك الشيكولاته اوكى . حتى لو عملية اللوز ههههه.
محمد : ومالو ياستى وانا عينيه ليكى .
نور : قربت وباسته برقه . تسلملى عينيك يامحمد .

- آدم وزين راجعين الساعه ٧ مساءا . ومجهدين.
مريم : قامت تستقبلهم . وسلمت عليهم .
حمدالله على السلامه .
آدم : الله يسلمك يا حبيبتي.
زين : بزعل . الله يسلمك ياماما . بعد اذنكو انا طالع انام .
مريم : استغربته . تنام دلوقتي !؟ هو انتو اتغديتو بره ياحبيبى .
آدم : شايف زين مدايق . لا ياحبيبتي ماتغدناش ولا حاجه . وانا بصراحه واقع من الجوع . وزين كمان . وبص ل زين اطلع غير كدا وخدلك شاور . وتعالى نتغدى مع بعض ونتكلم انا وانت في المكتب .
زين : بخنقه . هز راسه ومردش .
مريم : راحت عند زين . مالك يازينى . ايه الل مزعلك . ومالك كدا حاسه ان هموم الدنيا كلها على اكتافك . مالك يانور عيني .
زين : اتنهد بحزن . ابدا يا امى مفيش اى حاجه . انا بس منمتش امبارح كويس . واتاخرنا انهردا زي ما انتى شايفه . انا مرهق مش اكتر . بعد اذنك هطلع اغير هدومي ونازل . وسابها واتحرك وطالع مخنوق .
مريم : راحت قعدت جمب آدم . ماله زين يا آدم . وشه مش طبيعى ابدا .
آدم : ابدا ياحبيبتى . هو قالك أنه مرهق . وايه بقى مش هتقوليلهم يجهزو الغدا . انا واقع من الجوع .
مريم : مصدقتش آدم . ولكن ندهت على زينب تجهز الغدا ل آدم وزين . وبصت ل آدم . مالك يا آدم . سرحان فى ايه !؟
آدم : ولا حاجه ياروحي . قوليلى . رينو فوق والبنات !؟
مريم : اتنهدت . وبصت ل آدم بزعل أنه بيخبى عليها. لكن قالت . فريحه : راحت عند رنا تقعد يومين . هي كانت عايزه تستاذنك . بس قولتها أنك مشغول فى الشركه .
.وريتال فوق نايمه مع الولاد .
واتنهدت بزعل . ورينو ياقلب امها فوق قاعده فى اوضتها مع تيمو .
آدم : ومالك زعلانه ليه .؟
مريم : بصتله بعدين . انت قوم أغسل ايديك . واتغدى مع زين . ولما تخلص شغلك مع زين . اطلع اقعد مع رينو شويه .
آدم : فهم إن رينو تعبانه من غياب فهد. وهز راسه . وقالها ابعتي اى حد ينادى على رينو تقعد معانا واحنا بنتغدى .
مريم : حاضر . انا هطلع بنفسي واقولها . واتحركت . وآدم قام وغسل ايديه . وبيفكر هيعمل ايه مع راشوان . وعارف إن زين مدايق لان بسببه الشركه خسرت اكتر من ٨ مليون جنيه بالاجهزه . لكن محدش معصوم من الغلط . وقرر أنه يتكلم مع زين . ويشوف زين بعد مايعرف أن المغتلس هو راشوان . تفكيره هيوصل لايه علشان يرجع حقه . وخرج. من الحمام . وشاف رينو نازله ودبلانه .
آدم : زعل من جواه . لكن ابتسم بتمثيل . وفتح ايديه ل رينو . نوتيلتى حبيبتى .
رينو : ابتسمت بتمثيل وحضنت آدم . وغمضت عينيها. واتنهدت بحزن . حمدالله على سلامتك يا بابى .
آدم : باس راسها . الله يسلمك ياقلب بابى . تعالى واخدها وقعدها جمب منه على السفره . وقالها بصي بقى ابوكي واقع من الجوع . وعايزك تاكلى معايه تفتحتى نفسي . ولو قولتى لأ . انا هطلع انام ومن غير لا غدا ولا عشا . هااا . هترفضى يانوتيلت البيت تاكلى مع ابوكي الغلبان .
رينو : ابتسمت بحب . لا طبعا يابابى مقدرش . حاضر هتغدى مع حضرتك .
آدم : بحب . ايوه كدا خلى الاكل يبقى ليه طعم . وهمس في ودنها. بهزار .بينى وبينك . سعاد كبرت وشكلها كدا عندها الضغط والدكتور مانع عنها الملح . وباين حلفت علينا كلنا اننا لازم ناكل اكل ناقص ملح . معدتى خلاص اشتكت ههههه.
رينو : هههههه . لا حرام يابابى دي سوسو اكلها تحفه .
آدم : بتفكير علشان يفكها . طيب بقولك ايه . انا عندى فكره حلوه .
رينو : فكره ايه !؟
آدم : انا بحب الرز بلبن . وبصراحه نفسي فيه . وانتى عارفه مبحبش اميرتى تعمل حاجه . ايه رايك بقى لو انتى الل تعمليه يااااه اممم هيبقى احلا طبق رز بلبن أكلته في حياتى . الله انا شامم ريحته من دلوقتي ههههه.
رينو : ههههه . بس كدا عيونى ليك يا اجمل بابى . بعد ما تتغدى انا هاقوم اعمله اوكى.
آدم : اتنهد بسعاده . لما شاف ضحكة رينو . اوكي ياروح بابى .
مريم : واقفه مبسوطه لما شافت معاملة آدم مع رينو . وانه هون عليها شويه. وبيحاول ينسيها غياب الفهد .
زين : نزل وكانت ريتال نايمه جمب الولاد . ومحبش يصحيها . وقعد . ومريم قعدت جمبه
وحاولت تهون عليه لانه عابس جدا . وفك شويه بطريقة مريم واهتمامها . والكل اتغدى .
آدم : ياااه الحمدلله . انا وزين كنا جعانين بشكل .
مريم : بألف هنا على قلبكم يارب .
آدم : حبيبتي ربنا يخليكي . وبص ل رينو ها بقى على اتفاقنا ولا ايه !؟
رينو : ههههه اكيد طبعا وانا اقدر . انا هاقوم حالا . ده حتى تيمو بيحب الاكله دى . انا هاقوم اعمله . وطبعا بمساعدة مامي ولا ايه يامامى .
مريم : من عينيه انا هقولك على الطريقه تعالى يلا بينا . واتحركو على المطبخ .

آدم : تعالى يازين على المكتب انا عايز اتكلم معاك.
زين : بحزن حاضر يابابا . واتحركو . وقعدو قصاد بعض.
آدم : مالك بقى شايل طاجن ستك ليه . محسسنى إن الدنيا اتهدت .
زين : بزعل حقيقي . ا.انا مش عارف اقول ايه لحضرتك . ولا مليون اعتذار هينفع من أنه يغير انى انا السبب فى الكارثه الل حصلت دى . انا حقيقي مش عارف اوصل لحل . انا مش عارف ازاى مضيت على الأوراق دى . مع انى لازم اقرأ اى ورقه زي ما حضرتك عودتنى . حضرتك مأسس الشركه دى من ٢٤ سنه واكتر . وعمرها ما حصلت معاك حاجه زي كده ابدا . ولما انا امسك الشغل واتحمل المسؤليه اتسبب في كارثه ذى دي . وبص ل آدم . حضرتك من حقك انك تطلب منى اقدم استقالتى . وده طبعا ااقل حاجه ممكن اعملها .
آدم : قاعد بيسمع ابنه . لكن لما قال استقاله . اندهش من تفكير ابنه . لكن معلقش وقال . وانت بقى مين قالك انى عمرى ماتعرضت لحجات زي دي . لا طبعا أنا اتعرضت وللاسؤ من كدا كمان . ياما كنت هخسر حجات كتير بسبب مناقصات وبملايين . ياما اتعرضت لخطر كبير وتبديل في الشحنات. ياما حصل شد بينى وبين طارق بسبب الشغل . انا افتكر مره موقف حصل . وإن تم تبديل اجهزه طبيبه بملايين باجهزه مضروبه . عارف يعنى ايه!؟ معناه أن كان فى ناس كتير هتموت بسببنا . وانى كدا كنت هتدمر خلاص . ولولا ستر من ربنا انى انا وطارق اكتشفنا ده فى اخر لحظه . وقدمنا شكوى واتقبض على ال عملو كدا . فا انا بالنسبالى المشكله دى تافه بمقارنه الل حصلى على مدار السنين الل فاتت دى . والإنسان معرض للخيانه فى اى وقت . ومش شرط انك تكون قريت كل الورق فى مليون طريقه أن اي حد يمضيك على اى ورقه .الحيل الخبيثه كتير يازين . واتنهد .
عارف يازين انا مدايقنى في الموضوع ده كله ايه!؟
زين : بيسمع ابوه ومدهوش من الل بيسمعه . احم خير يابابا.
آدم : يأسك واستسلامك ده . انا احترت فيك . سعات بشوفك آدم العدوي التاني . وسعات بشوف فيك عقل ورزانة مريم . وسعات بحسك غريب . يعنى المفروض أن الل حصل ده يقويك وتصمم تعرف مين وترجع حقك . مش تقول كلام خايب اعتذار واستقاله . وانت لما تستقيل انا كدا استفدت ايه !؟ وانت استفدت ايه !؟ اسمع يازين . انا جبتك هنا دلوقتي علشان اقولك مين الل عمل كدا ! وعايزك تفكر معايا . وتشوف هترجع حقك ازاى ،!
زين : بلهفه كبيره. حضرتك عرفت مين الل عمل كدا !؟ مين هو يابابا ميين !!؟
آدم : بهدوء . راشوان المحامى ..
زين : بصدمه كبيره . وعيونه مفتوحه على الآخر .وقام وقف . ايييه . را...راشوان . وبص ل آدم . طيب ازاى . راشوان. راشوان الل شغال معاك من ١٢ سنه . طيب ازااااى .
آدم : اهدى واقعد . انا عايزك تبطل تتعصب . متعملش ذي ما كنت انا بعمل زمان . اهدى. وانا هحكيلك كل حاجه .
زين : قعد وجواه غل من راشوان . وآدم حكاله الل حصل معاهم انهردا . وبعد ما خلص . ها يازين . تقترح عليا نعمل ايه . ونرجع حقنا ازاى .
زين : بديق حقيقي . وادي عايزه كلام يابابا . احنا نقدم بلاغ فيه ويتقبض عليه .
آدم : بنفس الهدوء . بتهمة ايه !؟
زين : بعدم فهم . بتهمة ايه !!؟ بتهمة الاغتلاس . والشركات الوهميه . وال٥ مليون جنيه . وال٩ اجهزه الل باعهم من ورانا !! كل ده بتهمة ايه !؟
آدم : رجع ضهره لورا . ودليلك ايه على كلامك ده !؟
زين : هيتجنن من آدم . دليل ايه يابابا . الاوراق موجوده . والشيك موجود . وشهادة مدير المشتريات فى المستشفى موجود.
آدم : بص ل زين . وامضتك وامضتى على كل الل حصل ده موجود .
زين : بصدمه . لانهم فعلا ماضيين على الأوراق . وسكت .
آدم : سكت ليه !!؟ امضتك موجوده . يعنى راشوان نفذ كل حاجه تحت اشرافك واشرافى انا شخصيا .
زين : بيسمع وعيونه مفتوحه على الآخر وبتروح يمين وشمال من الصدمه . يعنى اييه !؟ يعنى راشوان كدا خلاص ضحك علينا وسرق الفلوس وتمن الاجهزه وخلاص على كدا طلع منها .!!؟
آدم : راشوان محامى وعارف هو بيعمل ايه . ولعبها بزكاء . لكن زكاء محدود . هو مضاك على الاجهزه . والأوراق . علشان لو احنا اكتشفنا الحوار ده . هيقولنا القانون لايحمى المغفلين . المشكله ان راشوان مش عارف هو بيتعامل مع مين !!! مع أنه شغال معايا ١٢ سنه . ومط شفايفه . واتنهد . المهم بقى عايزك تفكر في اي حل ناخد بيه حقنا من راشوان . ياترى عندك حل !؟
زين : بغيظ . ناخدو على المخزن وهيعترف .
آدم : هز راسه بيأس . انت عايز تتعلم كتير يازين . الشركه دي هتبقى بتاعتك فى يوم من الايام . ولازم تكون مستعد لاى ضربه تتعرض ليها وتصدها وترجع فى قلب الل وجهلك الضربه . وتلعب بنفس طريقته.
زين : بدء يهدى . قصدك هترد الضربه ل راشوان .!؟
آدم : ابتسم . امم يعنى .
زين : فهمنى يابابا الله يخليك . انا اعصابى على اخرها .
آدم : انا هفهمك لازم نرد الضربه ازاى . وعايزك بعد كدا اى مشكله تتعرضلها تقابلها وانت متأكد انك هتحلها . ومفيش حاجه ملهاش حل . او مستحيل. فاهم يازين !
زين : فاهم يابابا . ها قولى حضرتك ناوى على ايه .
آدم : تمام انا هاقولك الل هنعمله بالظبط علشان نرجع حقنا . ولكن انا عايزك تتعلم وتفكر وتشغل عقلك . التهور والعصبيه مش مطلوبه في كل الأحوال . اسمع يازين . بكره حفلة طلعت . احنا بقى هنبدء ب طلعت .انت هتعمل ............

--------------------بقلمى Mariem Nasar

فى بلد عربي .

مراد وفهد قاعدين في شقه صغيره . فى عماره . ومتنكرين فيها بشخصيات تانيه . ومغيرين في شكلهم وطريقة لبسهم . وممعاهمش اى ورقه أو شاره تثبت هويتهم الحقيقه . مراد . اسمه عصام الاشقر . وفهد اسمه . عمار الونش .
والعماره دى فيها شخصيه متراقبه . ودى الل هتوصلهم لل بيتاجرو في الآثار . هي ست عندها حوالى ٢٧ سنه وشغاله مع الناس دي وهي بتظبط التسليم علشان محدش يشك فيها وأن ست أو بنت مش معقول حد يصدق انها بتاجر في مقابر فرعونيه بالضخامه دى . ومطلقه .وصاحبة العماره دى ومراد سال على شقه او اوضه وصاله للايجار فى نفس المنطقه
.وناس وصولهم للست دي . ومراد بطريقته وهزاره وغمزاته . وكمان قالها انهم على باب الله . وطفشو من مصر وسافرو عن طريق غير مشروع . علشان يعملو قرشين حلوين . ويرجعو يتجوزو . البنت وافقت عليهم . واتاجرو وقاعدين فى الشقه بقالهم ٣ تيام ومخرجوش . علشان يدولها الامان .
مراد وفهد قاعدين في الشقه . فى الاوضه . فهد نايم على السرير . ومراد قاعد على الكنبه قصاد الشباك .
مراد : ولا يافهد .
فهد : ارغي .
مراد : البنت نزلت من العربيه وداخله العماره.
فهد : قام بسرعه . انت جاهز .
مراد : تمام .
فهد : يعنى مش هتتألم .
مراد : ماتخلص بقى قبل ما تدخل شقتها .
مراد وفهد كل واحد قطع لبسه من قدام وبهدلو شعرهم كأنهم كانو بيتخانقو مع بعض
فهد : طلع سلاح أبيض . وعور مراد فى دراعه .اسف .
مراد : ااه . أنجز بس بسرعه علشان متخبطش عليها فى شقتها وتشك فينا أنزل جرى واخبط فيها وهي على السلم . واطلب منها شاش وقطن أنجز اااه . الله يخربيتك .
فهد : خرج بسرعه وكأنه متخانق خناقه كبيره . وشاف البنت طالعه على السلم ونزل جري وخبط فيها وبيمثل أنه بينهج ومتوتر .
البنت : ااه يختى . هما بيطلعو امتى دول . حاسب يا أخينا انت .
فهد : بخوف . ا.انا . .اانا . عصام . وحط ايده على جبهته . برعب .
البنت : اله . مالك ياخويا كدا كانك قاتل قتيل . وايه الل عامل فيك كدا .
فهد : لأ لأ هو الل بدء . انا مش قصدى . عا...عندك شاش وقطن . اى مطهر ابوس ايدك .اخويا متعور . فوق والله غصب عني .
البنت : شهقت .وخبطت بايدها على صدرها. يالهوووى انت ضربت اخوك .
فهد : ياست عندك شاش ومعقم ولا لأ اخويا هيتصفى اخلصي .
البنت : يووه حكم . وانت بتزعق ليه . اوعا كدا . دى سكنه ايه الهباب دى . وفتحت باب شقتها استنانى هنا هجبلك علبه الاسعافات .
فهد : انا هطلع اشوفه . ونادى عليا لما تيجبيها
ومستناش ردها وطلع جرى وساب الباب مفتوح . ولا يامراد كل حاجه تمام .
مراد : لابس تيشيرت ابيض بكم والدم مش كتير . اخلص طلع الازازه .
فهد استنى علشان يبان انه دم طازه خارج من الجرح . هروح اشوفها طالعه ولا هتبعت حد .
مراد : يبنى دى ما هتصدق . يلا روح بص عليها بسرعه .
فهد : بص من السلم وشافها طالعه . ودخل بسرعه . وطلع ازازة الدم الصناعي وحطها على كم تيشرت مراد . ونقط على الارض وجبهته .وأيده التانيه كأنه مسك الجرح بايدو . وشال الازازه فوق الدولاب لحد ما تنزل . وجرى كأنه بيتكلم مع مراد وبيعتب عليه . كدا ياعصام كدا . يعنى لازم تخلينى ادايق . هتبطل تدايقنى لحد امتى وتعايرنى بيها.

البنت : دخلت وسمعت الحوار وواقفه بره تسمع الحوار للآخر

مراد : ابعد عنى ياعمار . بعد الل انت عملته ده . انت فعلا مش اخويا . تربية الملاجئ انا وانت عمرنا ما كنا اخوات . انا غلطان انى سفرتك معايا . اااه . انا غلطان انا اتعرض عليا اسافر بلد اجبنى ومرضتش عشانك . لا انت نافع اخ ولا صاحب . تمد ايدك عليا ياعمار بعد العمر ده كله .
فهد : بيمثل الزعل. لا ياعصام انت مسافرتش علشان الفلوس الل النصاب ده هيسفرك بيها مكنتش مكفيا نص تذكره . وعلى العموم . حقك عليا ياعصام . انت الل دايقتنى وفكرتنى بالل حصل زمان ..
مراد : اااه وايه يعنى الل حصل زمان . سرقنا انا وانت وكنا هنتمسك . محنا طول عمرنا بنسرق . بس كنا هنتمسك بسبب خيبتك روحت تحب واحده اول ماعرفت بلغت عننا ااااه . منها لله كان زمانا منقولين نقله كبيره .
فهد : متفكرنيش بقى . انا نزلت تحت علشان اشوف اى صيدليه . لكن قابلت الست صاحبة العماره . وسألتها على شاش ومعقم. وقالت عندها انا هنزل اشوفها جهزت الحاجه . وهجيب الشاش واطلعلك . انت نزفت كتير .
مراد : اااه الله ينتقم منك . وحب يهزر انزل وقولها عصام مجروح ههههه .
فهد : ليك عين تهزر . وبعدين انت عارف انا بكره صنف الحريم .
مراد : وانا مالى بيك . وبعدين صاحبة العماره قمر هتبص لواحد معفن ذيي . وتلاقيها متجوزه ياعم ... اااه يلا بسرعه ياعمار حاسس انى هيغمى عليا . وغمزو لبعض لأنهم عارفين انها واقفه .
فهد : حاضر . حاضر ياعصام . وجاي يتحرك البنت دخلت . يالى هنا . وشافت مراد وشهقت .يلهووى . يلهووى . اييه ده . ايه كل الدم ده . وبصت لفهد . انت الل عملت كدا .!؟. أجرى روح هاتلى طبق وفيه شويه ميا دافيه .
مراد : بصلها كأنه تعبان . ليه بس تعبتى نفسك وطلعتى . وليه الميا الدافيه . انا بشوفها في الافلام لحاجه غير كدا خالص .
البنت : بضحكه مايصه ...هههههههههههه يوه ياسمك ايه وانبى شربات حتى وانت متعور. لا الميا السخنه بتاعة الولاده في حله مش فى طبق هههههههههههه . وبصت لفهد . يووه ماتروح ياجدع انت هات الميا الدافيه وعوجت بوقها حكم ..
فهد : هز راسه وخرج من الاوضه ..
البنت : فتحت علبة الإسعافات . وبصت ل مراد يلا اقلع .
مراد : من جواه ينهار اسوس . دي فريحه هتنفخنى قبل منك . ومثل . احم اااه مش قادر اقوم . وبصلها وغمز . اقطعى كم التيشرت فداكى انا مش زعلان عندى تلاته غيرو .
البنت : هههههههههههه وانبى سكر . وهو التيشرت بقى نافع حاجه ما هو متنيل اهو متقطع. تعالى هات دراعك .
مراد : اااه حاسبى دراعي مش قدك .
البنت : ههههه لا قدى وقدى اوى . وقطعت الكم بايديها .
مراد : الصلاه على النبي . صحه وعافيه ههههه.

البنت : يوه الله اكبر . انت هتنق عليا ولا ايه . إنما قولى اتخانقتو ليه . والمنيل التانى عورك ليه .؟
مراد : محبش يكشف كل حاجه . لا ولا خناقه ولا حاجه . وعمار معورنيش انا عورت نفسي بالغلط .
البنت : بدءت تعجب بمراد . وانه خبى عليها حاجه زى دي يبقى واد مجدع ورجوله. وكمان شافت وسامته عن قرب . وسرحت فى لون عينيه .
مراد : بص ليها . وقال جواه نهار ابوكي طين احنا عايزينك تعترفي مش اكتر من كده . فينك يافهد الكلب انت . وحب يفوقها . ااااه هي هتحتاج خياطه .
البنت : فاقت . ها . هشوف . وزعقت ماتيلا ياجدع انت . انت هتغليها .
فهد : جه . وجابلها الطبق وفيه ميا سخنه . وبينتقم من مراد على الل عمله فيه في مصر .وقالها بجديه . خدى .
البنت : بصتله . ياساتر. ايه خدي دى .
فهد : اله مش انتى طلبتى ميا دافيه اهي قدامك اهي .
مراد : بصلها سيبك منه ده حمار .خليكى مع التعويره ااااه . ايه هتتخيط .
البنت . يوه ماتصبر انت كمان . مستعجل على ايه .
مراد : بصلها . وقال بجديه . اصل . اصل انا بخاف من الخياطه .
البنت : بتريقه ياقلبى ياخويا . لا متخفش . وإن شاء الله مش هتحتاج . وجابت قطنه وحطت طرفها فى الميا . ومسحت الجرح .
مراد : بيغمز لفهد . ومره واحده . اااااه . اااه . اوف . اوف . الميا سووخناااا .
فهد : كاتم الضحكه . وجرى عليه . بتريقه سلامتك ياعصام . انا . انا اسف ياخويا .
البنت : حطت صوباعها في المياه . وكانت سخنه . يوووه يخيبك راجل . انت مبتعرفش تعمل غير المصايب وبس . وقامت . انا رايحه ازودها شوية ميا . واتحركت .
مراد : صك على اسنانه . غباااى غبى
فهد : ههههههههه بصوت واطي . وبيقلد البنت ياقلبى ياخويا .وانبى سكر هههههه
مراد : انت قاصدها يابن ال....
فهد : هاااا يابن ال..ايه . اسكت البنت جايه. سلامتك ياعصام .
البنت : دخلت وقعدت جمب مراد ولازقه فيه جدااا .
مراد : تنح . وبص لفهد . وشايف نظرة شماته في عينيه .
البنت : نضفت الجرح . اه هيحتاج حوالى ٤ غرز .
مراد : بتمثيل . لا انا بخاف . ينفع تعقميه وخلاص . ولا اروح صيدليه .
البنت : جرا ايه . وبعدين تروح صيدليه وهسيبوك كدا انت فاكر نفسك فى مصر . دول ممكن يشكو فيك ويطلبولك الشرطه .
مراد : بخوف . وشد ايدو منها ايييه شرطه. لأ دا احنا نروح فى داهيه.
فهد : عصام استحمل معلش . وبص للبنت . طيب انزل اشترى بنج اصل عصام قلبه ضعيف شويه .
البنت : انا معايه بنج . وياخويا سبلى نفسك . وبعدين انا مستغربه . جرح زي ده نازف الدم ده كله ازاى .
مراد : بهزار . اصل انا عندى سيوله هههههه
البنت : خبطته على صدره . هههههههههههه يلهوى على خفة دمك . وانبى سكر.
مراد : من جواه مدايق . طيب حطي بنج بقى وخيطى بتعرفى تخيطى .
البنت : اومال . انا قلبى ميت .
مراد : ههههه قلبك ميت .! واتحاسب بقى على كدا !؟
البنت : بتريقه . اه اتحاسب ودخل الجنه .
مراد : بيمثل بهيام . طبعا لازم يدخل الجنه . انا شايف الورد مرسوم على وشك .
البنت : بلعت ريقها . احم . انا . انا كنت ممرضه فى مصر .
مراد : شايف انها فرصه . ايه ده . انتى مصريه .
البنت : بصتله بتوتر . مش شغلك ومتسالش كتير .
مراد : طيب متزقيش انا بسال علشان انا مصرى يعنى . وبدء يمثل أنه دايخ
البنت : انا خيطلك الجرح . وبصت ل مراد يوه مالك ياخويا ..
مراد : مش عارف دايخ .
فهد : يمكن علشان نزفت كتير. اقوم اعملك كوباية ميا بسكر.
البنت : ميا بسكر ايه ياجدع انت . اعمله لقمه ياكلها يتقوت بيها .
فهد : طيب فى علبة فول هاقوم اعملها بسرعه.
البنت : بدهشه . نعم فول ايه الل هياكله ده . هو اسمالله عليكو معندكوش حاجه تانيه غير الفول .
فهد : بيمثل باحراج . احم . لا والله معندناش غير الفول . ربنا يفرجها بس بشغل واجبله .
البنت : بتريقه ومياصه . وهو هيصبر لحد ماتفرج . وقامت . انا هنزل اجبلكو لقمه تاكلوها . وبصت ل مراد وابتسمت . ليك فى المحشي ياولا .
مراد : لا مش عايزين نتعبك . كتر خيرك لحد كدا . انا شويه كدا وهكون كويس . احنا مش عارفين من غيرك كنا هنعمل ايه . جميلك فى رقبتى يا... الا هو اسم الكريم ايه . ههههه ولا اقولك بلاش لتفتكرى بعاكس .
البنت : ههههههه . وعايز بقى اسمى الحركى . والا الحقيقي .
مراد : والله الل يجي منك حلو اوى . وقولى الحركي الحقيقه ديما بتوجع هههههههههههه
البنت : هههههههه الحركي وقالت بدلع . رشا .
مراد : ههههههههه . رشا . الله اسم جامد أوى . اومال بقى الحقيقي . بصراحه بعد رشا ده فضولى زاد اعرف اسمك . يا ... رشا ههههه عسل .
البنت : الحقيقى انصاف .
مراد : صدقى بقى انصاف عجبنى جدااا اكتر من رشا . وبصلها . انصفى قلبى . ههههه معلش انا اسف والله انا كدا بحب اهزر .
انصاف : لا ياخويا مفيش حاجه . وبصت على فهد بخنقه. انا بحب الهزار . مبحبش الناس الخنقه . انا هنزل اجبلكو لقمه كدا . وشوية عصير يقوتوك واتحركت ونزلت .
مراد : بعد ما نزلت .. اتعدل . اوووف ست خنقه ..
فهد : بغيظ .انا عايز اعرف . احنا مش متفقين وهي بتتصنت علينا . نقول احنا مش لاقين شغل .
مراد : لأ كدا احسن . واحده واحده علشان متشكش فينا . احنا هنطلع دلوقتي نقعد على الكنبه الل جمب باب الشقه . واول مانحس بيها طالعه هنتكلم في حوار اننا ممعناش فلوس تكفى ولازم لينا شغل باسرع وقت . واننا هننزل ندور من بكره . وهي اكيد لما تسمع كدا هتشوفلنا شغل معاها . واسمع يافهد . عايزين اى طريقه علشان نزرع ليها جي بي اس . البت دى شكلها شمال وربنا يستر .
فهد : ابتسم بخبث .وقلدها .وغمز لمراد ليك فى المحشي ياولا . هههههههههههه .

- آدم : ها يازين فهمت ايه الل هيتم .
زين : مبهور من ذكاء آدم . لأ بجد انا مش مصدق . حضرتك خطتك دي هتدمرو. انا بجد مش مصدق . فكره رهيبه يابابا بجد .
آدم : اهو انا بقى عايزك تتعلم . ولو واجهتك مشكله تستخدم عقلك وبهدوء . بص هاقولك حاجه ديما انا بعملها . انا لما عادل جه وحكالى عن رد فعل طلعت . تخيلت نفسي مش صاحب الشركه . وعادل ده بيحكيلى مشكله تخصه هو . وكأنه بيقولى اعمل ايه . انا بقى فكرت . إن الحوار ده ميخصنيش ولازم اكون هادي . وساعتها فكرت وقولت لأ بما أنه اتوتر يبقى فى حاجه غلط . وصاحب الشركه هو الل يطلب من المسؤول ده جرد . وده إلل انا عملته . فا انا عايزك تركز ويكون عندك ثبات انفعالى .
زين : فهم كلام آدم . وكان مبسوط من تفكيرو . حاضر يابابا . اوعدك . وبصله انا متحمس جدا . لبكره . بعد الحفله . زى ما حضرتك قولت . انا وزياد .هناخد طلعت على أساس اصرفله الشيك لكن مش هيتصرف . واخدو على المخزن . وحضرتك تكون منتظرنى هناك انت وطارق . وتفهم منه كل الل حصل .
آدم : دي البدايه . وكل حاجه متوقفه على الكلام الل هيقوله طلعت بكره . لسه اللعب الل بجد مجاش .
الباب خبط . ودخلت رينو وشايله صنيه وعليها اطباق الرز بلبن. بابى حضرتك فاضى.
آدم : أبتسم . تعالى ياروحي . ادخلى .
رينو : دخلت . اممم اتفضل انا عملتهولك بنفسي ومحدش ساعدنى فيه حتى مامي مخلتهاش تعمل حاجه .
آدم : اممم الله . طعمه واضح من ريحته . حاجه كدا فخمه .
رينو : بحب . اتفضل يابابى . اتفضل ياابيه زين .
كل واحد اخد طبق .
آدم : اكل معلقه . اممم . وبصلها متأكده انك انتى الل عملاه .
رينو : اه والله انا لوحدي ليه بس وحش.
آدم : وحش ايه بس . واكل معلقه تانيه أممم انا حاسس ان مريم هي عاملاه بنفسها . بجد طعمه وهم .
زين : بياكل . اممم طعمه جميل جدا . بجد تسلم ايدك ياقلبى .
رينو : بسعاده .ميرسي بجد . وبصت ل زين ريتال نزلت وبتسال عليك ياابيه .
زين : قام . طيب ياحج انا هاخد الطبق ده وانفرد بيه لوحدى . وبعدها اطلع انام . تؤمرنى بحاجه.
آدم : لا ياحبيبى سلامتك .
زين : بياكل . اممم تسلمى يابت يارينو . تصبحو على خير . وخرج
آدم ورينو . وانت بخير .
آدم : بياكل . امم وغمض عين وفتح عين وقالها بهزار . متاكده انك انتى الل عملاه .
رينو : هههههه .

تاني يوم . عند مراد والفهد

الباب بيخبط جامد .
فهد قام مفزوع من اول خبطه . وبص ل مراد . وصحاه . مراد . مررااااد قوم .
مراد : ايه يا فهد وسع سبنى انام .
فهد : انت ياغبى قوم الباب بيخبط جامد . فوق ها أنا عمار انا مين !!!؟
مراد : أنجز وروح افتح انا فوقت اهو وقال بتريقه. يا ..عمار .
فهد : طيب تمام . قوووم متنمش . وراح يفتح وبص من العيين السحريه . وكانت انصاف . ومفتحش . ورجع بسرعه مراد . دي انصاف وجايبه فطار . خبى سلاحك .
مراد : اووف الله يخربيت امك ياشيخه على الصبح . فطار ايه الساعه ٨ . وقام وخبى سلاحه .
فهد : انا رايح افتح . وفتح وعمل نفسه بيتاوب . مييين وبص وكشر . وسكت ..
أنصاف : يوه . امسك ياجدع انت الصنيه .
فهد : اه لامؤخذه . واخد منها الصنيه . ايه ده وانتى جايبه اكل ليه.
انصاف : قفلت باب الشقه . لكن فهد بتكشيره راح وفتح الباب وسابه مفتوح على الاخر . وقال بتكشيره سيبه مفتوح .

مراد : اهلا اهلا مدام رشا ههههه . صباح الفل
أنصاف : بصت لفهد من فوق لتحت. مش عارفه لسانك ميقولش كلمه حلوه زي اخوك . ولا صاحبك . وبصت ل مراد بهيام صباح الورد والفل والياسمين . طمنى دراعك عامل ايه دلوقتي .
مراد : الجرح شادد عليا اوي . كل شويه يقول أنا عايز رشا هههههههههههه .
أنصاف : هههههههههههه يختى وانبى سكر . وهمست هو صاحبك ده كشرى كدا على طول .
مراد : كشرى مصرى هههههههه . سيبك منه أصله مجروح اوى . واحده علمت عليه .
أنصاف : بصت لفهد وقالت جواها الاتنين احلا من بعض . بس عصام ده زى العسل ودمه شربات مش زى عمار الخنقه ده .
مراد : ايه ياست انصاف روحتى فين. وايه لزومه التعب ده بس .
أنصاف : ها . لا ياخويا مرحتش في حته . وبعدين ولا تعب ولا حاجه.
مراد : ازاى بس . امبارح جبتى عشا محترم . ومسبتيناش غير لما خلصنا الاكل . وكمان كتر الف خيرك هتشوفيلنا شغل . ودلوقتي جايبه فطار . طيب نرد جمايلك ازاى !؟
أنصاف : بدلع . متقلقش هتسد كل حاجه . بس دراعك يخف .
مراد : قال جواه .. مش مطمن لنحنة امك دي . اه إن شاء الله .
أنصاف : تعالى ياعصام . بسم الله . وبصت لفهد . وانت كمان تعالى أفطر .
مراد : والله الواحد مكسوف منك . المفروض احنا الل نعزمك .
أنصاف : كلها اسبوع وتشتغل وتبقى اعزمني برحتك . وقعدت تعالى جمبى هنا يا عصام وافطر يلا . وانت ياعمار ياخويا كل .
فهد : هز راسه . ومن جواه كارهها . لكن قعد . ومراد من جواه قرفان منها . وقعد لكن بعيد شويه . وبدؤ يفطر . وهي تسألهم بتجرجرهم عايزه تعرف عنهم كل حاجه . وهي تسال ومراد يجاوب لانه فاهم انها عايزه تعرف كل حاجه عنهم . وفهد قاعد ساكت وبيفكر عايزها تقلع الساعه علشان يزرع فيه الجي بي اس . لكن ازاى .
أنصاف : الا قولى اسمك عصام ايه معلش فى السؤال .
مراد : اسمى عصام الاشقر . ود عمار الونش.
أنصاف : ازاى يعنى مفيش اسم ثلاثى زي الل فى بطاقتك انت وهو .
مراد : لا دا اسم عادى بس احنا اصلا منعرفش مين ابونا وامنا الحقيقيين . وياريت متقلبيش علينا المواجع .
أنصاف : ليه ياخويا . معلش تحكيلى وحيات رشا ههههه.
مراد : لا انتى حلفتينى بالغاليه. ههههه .ماشى انتى مبقتيش غريبه دلوقتي اسمعى يستى . انا وعمار اتربينا في ملجأ . ولا نعرف مين اهلنا . ولا اسمنا . كبرنا مع بعض . انا عصام وهو عمار . وقابلتنا مشاكل كتير . وعمار مكنش كدا بس اتعايرنا كتير . واتعرضنا . لتعذيب كتير .وبيقينا صحاب واخوات . وكان عمار بيسرق الاكل علشانى . وانا كمان كنت بسرق الاكل علشانه . وسمونى عصام الاشقر علشان وانا صغير شعرى ده كان كله اشقر . وعمار ساموه الونش علشان لما اتغير مبقاش بيعرف يتفاهم زي ما انتى شايفه كده . كبرنا واحده واحده . وخرجنا من الملجاء طبعا مفيش شغل بيدوم . اشتغلنا فى السواقه والحداده . والنجاره اشتغلنا كل حاجه . ولو اشتغلنا نتبهدل ما احنا ملناش اهل ولا نسب. ونسيب الشغل . ومن الجوع بقينا نسرق . والواد عمار ده قابل واحده واتعلق بيها . بقى يصرف كل قرش عليها . وسرقنا حجات خفيفه كدا . ولما البنت دى عرفت أن عمار كان متربى في ملجأ وكمان بيسرق علشان يجبلها هدايا . سابته . وعرفت من تليفونه وكان موبيل قديم . وشافت رساله منى ليه انا يدوبك بفك الخط انا وهو . قولتله هنسرق فيلا وقولتله على العنوان . احنا كنا ناويين نسرقها وبعدها نبعد ونعمل مشروع ونعيش في حالنا . لكن البنت دى بلغت البوليس . وجه وهربنا باعجوبه . وبعدها قررنا نسيب البلد دي بأى طريقه . وكلمنا ناس من إلى بيسفرو ناس هجره غير شرعيه. وكنا هنسافر بلد اجبنى . لكن الفلوس مكفتش . وقولنالو اى بلد المهم نبعد . وجينا على هنا . قولنا يمكن نعيش في مكان تانى ونبدء من تانى على نضافه . بس يستى هي دى حكايتى انا وعمار . وخلى بالك انا وثقت فيكى . ماتندمنيش انى حكيتلك . ومراد مرضيش يسألها على اى حاجه تخصها علشان متشكش فيهم .
وخلصو فطار .
أنصاف : بزعل : ياعينى ياخويا . والله الل يعيش ياما يشوف. وبصت لفهد . معلش يا عمار راحت كلبه تيجي عشره هههههههههههه .
فهد ؛: من جواه ابو تقل دم امك . ومرضيش يبتسم حتى.
أنصاف : ياساتر . وبصت لمراد . لا ياخويا الراجل ده نكد اوى .
مراد : غمزلها سيبك منه أصله مجروح عاطفيا ههههه .
أنصاف : ههههه ومالو . المهم ياخويا وغمزتله ماتيجى جوه اغيرلك على التعويره .
مراد : التعوويييره . اااه وبص لفهد . وفهد غمزله بشماته .
مراد : اه ومالو وقام وقف .ده حتى كدا التعويره تخف بسرعه . وعطى اشاره لفهد يقوم معاه .
مراد : اتحرك وشايف فهد قاعد . وصك على اسنانه بغيظ من فهد .
أنصاف : زقت مراد من صدره . يلا بقى يسي عصام خش جوه . ودخلو الاوضه لوحدهم . أنصاف بتقفل الباب عليهم لكن فهد حط رجله قبل ما تقفل الباب ومراد اتنهد باريحيه . وقال جواه وحيات امى الغاليه لاربيك يافهد الكلب .
فهد : دخل وإنصاف اتدايقت لانها عايزه تقرب من مراد واحده واحده .
فهد : قعد على السرير . ومراد على الكنبه وغيرت على الجرح . واتفقت معاهم انهم هيبدؤ شغل اول الاسبوع ده وأنهم هيشتغلو سواقين يسلمو بضاعه لمخازن . وهيقبضو فى الاول بالاسبوع يظبطو حياتهم وبعد كدا بالشهر . وطبعا أنصاف بتشغلهم كدا بتختبرهم الاول . وغمزت لمراد بحب. ومراد قالها تقعد وهيعملها كوباية شاى تستاهل بوقها . وخرج بسرعه وشتم عليها . وعمل الشاى وقعدو التلاته يشربو مع بعض . ومراد عمال يهزر معاها . وإنصاف اخدت على مراد . لكن فهد مكشر . وده بناءا على الخطه الل بينه وبين مراد . وبعد ماشربت الشاى . غمزت لمراد .
.اتحركت ونزلت .
مراد : اول ماهي نزلت . بغيظ فضل يجرى ورا فهد فى الشقه . وفهد هيموت من الضحك . وبيقلدها . ماتيجي اغيرلك على التعويره هههههههه تعويره ههههه.
ومراد : قلع فردة الشبشب من غيظه وحدفه في فهد لكن مجاش فيه ومتغاظ منه . وفهد هلكان ضحك وبيتخيل لو البنت دى قفلت الباب عليها هي ومراد . وقال لمراد ابقى اسمعك بقى تقولى خنفسه تانى . هاا . يبتاع رااشا هههههههه .

--------------------بقلمى Mariem Nasar

فى شركة آل العدوي .

الموظفين كلهم كانو عاملين حفله ل طلعت . وخصوصاً انه محبوب من الكل . والحفله خلصت . وطلعت راح يسلم على آدم في المكتب .
طلعت : مساء الخير يا آدم باشا .
آدم : ابتسم . اهلا اهلا . مساء الفل ياراجل ياطيب .
طلعت . والله انا مش عارف اشكرك ازاي . ولا اردلك جمايلك ازاى . انا مديون ليك بالكتير .
آدم : لا متقولش كدا . انا معملتش غير واجبى . المهم الحفله عجبتك .
طلعت : إلا عجبتنى . دى حاجه كدا ولا فى الاحلام . انا حسيت انى وزير ههههه . ربنا يبارك فيك يارب ويطول في عمرك .
زين : خبط ودخل . وكان ماسك كوباية عصير كأنها ليه هو . مساء الخير .
آدم : وطلعت مساء الخير ..
زين : بابتسامه عريضه . والله هتوحشنا يا استاذ طلعت .
طلعت : الله يخليك يا باشمهندس زين.
زين : انت واقف ليه اتفضل اقعد . زين جاب كوباية العصير اتفضل بما انك موجود مع مستر آدم . انا هطلب ٢ عصير كمان ونشرب احنا ال٣ . ولا ايه ياحج .
آدم : ومالو يسيدى . ده حتى الواحد قلبه وجعه من القهوه . وانا كمان الل هطلبلك العصير . واتصل وطلب ٢ عصير .
طلعت قعد : وبيضحك واخد كوباية العصير من زين .
السكرتيره . دخلت بالعصير . وزين وآدم اخدو منها . وبدؤ التلاته يشربو . وبعد ماخلصو .
آدم : ها ياطلعت الشيك معاك !؟
طلعت : حط كوباية العصير الفاضيه . احم ايوه يامستر آدم . معايه .
آدم : بص فى الساعه . طيب ياراجل ياطيب . فاضل نص ساعه والبنك يقفل . كدا مش هتلحق .
طلعت : هاخد تاكسي . وإن شاء الله هلحق وقام وقف تؤمرنى بحاجه.
آدم : الآمر لله وحدو . بس انت كدا مش هتلحق البنك انت عارف الزحمه . وبص ل زين انت عندك شغل دلوقتي يازين !؟
زين : ابدأ يابابا . عمي طارق قال إنه هيتاخر انهردا . يعنى انا فاضي وقاعد معاك .
آدم : طيب تمام . انت هتوصل الراجل الطيب ده لحد باب البنك وتدخل معاه وتصرفله الشيك . وتوصله لحد باب البيت عندو . محدش ضامن الظروف وهو ماشى لوحدو بالمبلغ ده .
طلعت : بتأنيب ضمير . ربنا يخليك يا مستر آدم . مالوش لزوم والله كدا بتعبكو معايا .
زين : لا تعب ولا حاجه يا استاذ طلعت .انت عشرة عمر . اتفضل . اتفضل . وزين اتحرك .
وطلعت سلم على آدم . وآدم شاف اسف فى عيون طلعت . تؤمرنى بحاجه يامستر آدم.
آدم : الأمر لله وحده ياراجل ياطيب .
طلعت اتحرك . ونزل في الاسانسير مع زين . وزين بيتكلم معاه ويهزر . وطلعت حس بدوخه بسيطه .
آدم : قاعد فى المكتب . وطارق كان مستخبى في اوضة الاجتماعات . ودخل على آدم . يلا بينا .
آدم : قام وقف . وبيلبس الجاكيت . يلا بينا .
زين ركب وطلعت ركب جمبه . واتحرك .
زياد : ركب عربيته . واتحرك ورا زين .
طلعت : بدء يدوخ .وقال ل زين انا حاسس انى مش شايف كويس ودايخ يا باشمهندس زين .
زين : نام ياطلعت . نام علشان عندك كلام كتير هتقوله . ل آدم باشا .
طلعت : حاول يترجم كلام زين . لكن ناااام بعمق . نتيجة المنوم الل آدم آمر بيه أن طلعت يشربه في العصير . وينام وياخدوه على المخزن من غير شوشره .
وكدا . آدم وطارق . وزياد وزين . متجهين للمخزن . ومعاهم طلعت .
زين وصل المخزن اول واحد . وأمر الجارد يشيلو طلعت ويحطوه فى المخزن . لكن على مهل لانه راجل كبير في السن . وقعدوه على الكرسي . وآدم نبه على زين أنهم ميكتفوش طلعت ولا يربطوه . يسبوه بس على الكرسي .
زياد : وصل ونزل وقعد جمب زين فى العربيه منتظرين وصول آدم وطارق .
وبعد شويه . آدم وطارق وصلو . وكلهم دخلو المخزن . وجابو كراسي وقعدو قدام طلعت منتظرينه انه يفوق .
آدم : قاعد قدامه وطارق جمب آدم.
وزين قاعد جمب طلعت . وزياد جمب طلعت من الاتجاه التانى . وقاعدين يتكلمو مع بعض لحد مايفوق ..

في المستشفى . -------------يتبع 

موعد الحلقة الجديد الساعة ( 4 م ) يوميا ان شاء الله .

الى هنا تنتهى احداث رواية جريمة عشق 3 الحلقة الثامنة عشر ، يمكنكم اكمال باقى احداث رواية جريمة عشق 3 الحلقة التاسعة عشر  أوقراءة المزيد من الروايات المكتملة فى قسم روايات كاملة .

نأمل أن تكونوا قد استمتعتم بـ رواية جريمة عشق 3 ، والى اللقاء فى حلقة قادمة بإذن الله ، لمزيد من الروايات يمكنكم متابعتنا على الموقع أو فيس بوك ، كما يمكنكم طلب رواياتكم المفضلة وسنقوم بوضعها كاملة على الموقع .
تعليقات



حجم الخط
+
16
-
تباعد السطور
+
2
-