رواية جريمة عشق 3 الحلقة التاسعة والاربعون 49 ( عشق الفهد ) روايات مريم نصار

 نقدم اليوم احداث رواية جريمة عشق 3 الحلقة 49  من روايات مريم نصار . والتى تندرج تحت تصنيف روايات رومانسية ، تعد الرواية  واحدة من اجمل الروايات رومانسية  والتى نالت اعجاب القراء على الموقع ، لـ قراءة احداث رواية جريمة عشق 3 كاملة بقلم مريم نصار من خلال اللينك السابق ، أو تنزيل رواية جريمة عشق 3 pdf كاملة  من خلال موقعنا .


رواية جريمة عشق 3 الحلقة 49 ( عشق الفهد ) بقلم مريم نصار



جريمة عشق 3 الفصل 49

٢٦ ج 2
رواية جريمة عشق٣
(عشق الفهد)
بسم الله نبدأ

ونقول بعد مرور شهر .

وهقول نبذه مختصره عن الل حصل خلال الشهر ده.

رينو : بعد ما زين اخدها من اوضه فهد اخدها وطلعها عند مراد وجريت على مراد لكن بحظر وحطت راسها على صدره ..وعيطت بكل وجع.. ومراد حاول يهديها وفهمها الوضع كويس وقالها انا واثق ان فهد هيفوق طول ما انتي جنبه ..
.. ورينو وبعد كده صممت انها كل يوم هتفضل مع فهد ومش هتسيبه دقيقه واحده.ومش هترجع بيتها غير وايدها ف ايد جوزها.
.. وبعد كده عدى كام يوم ..وفضلت جنبه كل يوم الصبح تدخل وتشد السيتار ع ازاز الباب وتقلع النقاب . وتتكلم معاه ..وتعيط .. وبعدها تدخل تانى بالليل تتكلم معاه وتحط راسها على صدره وتتكلم معاه اكبر وقت ممكن .. لكن ما فيش استجابه ..وده كان مخوفها وبعد فتره كان عندها امتحان نظري .. ولازم تروح .
.وزين اخدها بصعوبه وراح بيها الامتحان ..
. وغاده عرفت ومعتز .. وزعلوا جدا علشانها ..
.رينو لما كانت بتروح الجامعه بترجع بسرعه على فهد وتحكيله تفاصيل يومها . وكانت بتتكلم معاه وتفكروا بكل المواقف اللي مرت بينهم .. واخيرا قالتله انها حامل .. وشايله حته منه في بطنها واستمرت على كده اسبوع واكتر لحد ما جه امتحان العملي وراحت امتحنت وما كنتش مركزه لكن حلت وجاوبت على قد ما تقدر ..وخرجت وعاشت الكام يوم دول مع فهد ليل ونهار .. وكانت مريم بتقويها هي وآدم .واصبح عندها يقين ان فهد في يوم من الايام هيرجعلها من تاني .. وقالت للكل انا هافضل جنب فهد لحد ما يقوملي بالسلامه .. والنهارده نتيجه رينو ..

.اما مريم بعدها بيومين عرفت بموضوع فهد وزعلت جدا من آدم وزعلت من مراد وعيطت بهستريا كتير وراحت المستشفى واترمت في حضن رنا وفضله يصبروا بعض ويوميا مريم وآدم يروحوا عند فهد ويقعدوا مع رنا وطارق لحد ما يقوم بالسلامه ..
.
. اما مراد قاعد اول اسبوعين في المستشفى وبعد كده اتحسن شويه . ومدير الجهاز راح لمراد واطمن عليه . وقاله اول ما فهد بتحسن بلغنى لانى عايز اتكلم معاكم ف أمر مهم ... واكرم كان بيروحله وسمير ... وحسن راح عند مراد واعتذر منه ومراد قاله لما فهد يقوم بالسلامه نبقى نشوف هيعمل ايه .. وبعد كده باسبوع مراد خرج من المستشفى على الفيلا لكن ضلعه لسه بيألمه من الجرح وكان كل يوم يروح هو وفريحه يزوروا فهد

. اما طارق ورنا يوميا هناك عند فهد ووجود العيله كلها جنبهم مدلهم دعم كبير وتفاؤل اكبر وبيقينهم وايمانهم هيعدوا المرحله دي ..

. اما محمد عزيز سايب موضوع مريم على جنب لحد ما فهد يتعافه او يشوف فرصه مناسبه ان آدم مستعد ان يتقبل خبر ان مريم لازم تعمل عمليه وتركب دعامه ..

.ونور عرفت بموضوع مراد وفهد وتاني يوم جريت على المستشفى وعيطت بهستيريا وواحده واحده بدات تطمن واطمن رينو وفريحه ..

. ورودي كانت بتروح يوميا واهتمت بعيلتها ووقفت جمب فارس . وكانت قد المسؤوليه ..

.وغاده لما عرفت كانت يوميا بتسال على رينو ..

.. اما معتز كان بيصحح النظري وشايف درجات رينو ضعيفه جدا .. وده مش مستواها ولكن فكر ان السبب في كل ده وليد .. وانه اتهجم عليها ده تعب لارين نفسيا وخلاها تتاثر واثرت على مذاكرتها .. ومعتز شايف ان من واجبه لانه عارف مستوى لارين كويس انه يرفعلها الدرجات علشان السنه ما تضعش عليها هي جابت في الترم الاول امتياز .. وقال ما ينفعش ان لارين ما تجيبش امتياز السنه دي وواجب مني ليها اني اقف جنبها لان وليد السبب في كل اللي حصل ..وبعد كده لما عرف امتحان العملي قرر بطريقته انه يرفع درجاتها للامتياز ...
.. ومعتز كان قاعد في يوم وفتح الشنطه وشاف الكتاب وافتكر انه كتاب غاده لما وقع منها ونسي تماما انه يديهولها .. وطلعه ووقع منه ظرف مفتوح و فيه كام ورقه زي الجواب كده ..وجاي يشيل الظرف لمح اسمه مكتوب على الورقه وفضوله خلاه يفتح الورقه وقرا كل كلام الحب والعشق اللي غاده كاتباه ليه ومعتز بدهشه معقوله غاده بتحبوا الحب ده كله !!؟ وبدا يقنع نفسه ويفكر في غاده لانها بنت جميله ومحترمه .. وكمان البنت الل تكن الحب ده كله لشخص واحد تبقى اكيد جميله ومميزه ..

كده العيله بالستات ..ما عدا مصطفى وشيرين .. يوميا في المستشفى بتزور فهد وبترجع على البيت تاني ..

----------------------بقلمى Mariem Nasar

عوده للوقت الحالي ..

الساعه 11 صباحا رينو قاعده جنب فهد وبتتكلم معاه وبتقوله صباح الخير يا حبيبي .. النهارده النتيجه بتاعتي انا عارفه اني هاجيب درجات وحشه .. لاني مش مركزه لكن مش مهم ..عارف يا فهد المهم عندي اني اسمع صوتك تاني . صدقني صوتك ده هايحييني من تانى .. وقامت قربت منه وقالت عندي ليك خبر حلو .. النهارده حسيت بحركه غريبه في بطني واكتشفت ان ابنك بدا يتحرك في بطني .. ومسكت ايده وحطت ايد فهد على بطنها ..حاسس يا فهد ابنك بيتحرك انا حاسه.. انت اكيد حاسس مش كدا !؟..
. وزين خبط ورينو . نزلت ايد فهد على السرير .
وراحت تفتح ...
زين : صباح الخير يا رينو ..
رينو : صباح الخير يا ابيه .
زين : يلا علشان نجيب الشهاده بتاعتك .
رينو : هو لازم اروح انا يا ابيه ما ينفعش تروح انت .
زين : يا ستي انتي حابسه نفسك هنا تعالي معايا غيرى جو واهو وتفرحي بالنتيجه بتاعتك .
رينو : اصلا النتيجه بتاعتي انا واثقه انها مش هتبقى زي كل سنه ..
زين : سيبيها على الله ويلا بقى انا متأخر..
رينو : طيب ثواني هستاذن فهد واجيلك و راحت عند فهد . وعدلت ايده حبيبي انا هاروح اجيب النتيجه واجيلك ومش هتاخر .. وعارفه هتقول ايه هاركب مع زين .. و هادخل الجامعه ومش هاتكلم مع حد .. ومش هقف مع الدكتور معتز .. وهارجع على طول على هنا .. ما تقلقش انت متجوز بنت بميت راجل وباست جبينه وقالتله استناني هنا هاروح اجيب النتيجه واجي افرحك وودعته وخرجت وقفلت الباب وراها ..
..وراحت على الجامعه وشافت النتيجه واتصدمت انها امتياز ازاي جابت امتياز هي مش عارفه ..
..وزين فرح علشانها وقالها اهي حاجه تفرح وخصوصا اننا محتاجين اي حاجه تفرحنا ..
رينو : بعدم اقتناع هزت راسها ومشيت ..

----------------------بقلمى Mariem Nasar

معتز : كان واقف من بعيد ولما شاف زين بيضحك فرح لفرحه رينو و شايف انه كده قدر انه يرد جزء ولو صغير من الل وليد اتتسبب فيه ..
.. ومعتز محاولش يسال على وليد لانه ندمان انه قريبه او صاحب عمره . معتز شاف غاده بتجيب الشهاده وراح نده عليها انسه غاده .
غاده : لفت بتوتر احم دكتور معتز .وقلبها بيدق.
معتز : اتفضلي انا جبتلك الشهاده بنفسي جيد جدا مع مرتبه الشرف ..
غاده : بدهشه .بصت بجد مش معقول واخدت الشهاده وبصت فيها ..
معتز : بتوتر .احم .انسه غاده ممكن اخد ميعاد واجي اقابل الوالد والوالده النهارده بالليل ..
غاده : بعدم فهم هزت راسها ببلاها مش فاهمه
معتز : ابتسم انسه غاده انا معجب بحضرتك وعايز اجي اتقدملك ..
غاده : قلبها هيطلع من مكانه الفون والشنطه والنتيجه وقعوا من ايديها ومعتز ضحك من قلبه على شكلها ونزل وجايب الشنطه والنتيجه والفون اتفضلي يا ترى اخد ميعاد ولا ايه ..؟
غاده : هزت راسها ببلاها الساعة 8 كويس.
معتز : ضحك وقالها كويس جدا ..

----------------------بقلمى Mariem Nasar
في المستشفى العسكري ..

رينو راجعه وسلمت على العيله كلهم موجودين بره وزين قالهم ان رينو نجحت وجابت امتياز مع مرتبه الشرف زي كل سنه .
. الكل فرح جدا ورينو استغربت ازاي الكل فرحان كده .!؟.
.وطارق قام حضنها ورنا حضنتها بفرحه وآدم ومريم والكل مبسوط كأن رينو عملت معجزه وفرحتهم .. وقالتلهم انا هادخل اقول لفهد ودخلت وقفلت الباب وشدت الستار و قلعت النقاب والحجاب .. وراحت قعدت جنب فهد ومسكت ايده باستها حبيبي انا نجحت انا جبت امتياز ومع مرتبة الشرف ..انت دايما كنت تقولي عايزك يا رينو على طول تجيبي امتياز .. وضحكت انا مش عارفه ازاي جبت امتياز يا فهد بس حصل وخلاص .
.. ويلا قوم بقى علشان تباركلي .. ورينو فردت دراع فهد و حطت راسها على صدره وقالت باشتياق . قوم بقى يا فهد .. انا عايزه اعرف في بطني ولد ولا بنت و عايزاك تقولي مبروك يا رينو علشان انتي حامل .. وكمان نجحتي .. وغمضت عينيها واستكانت في حضن فهد واتنهدت .وحشتنى.. وحشتنى اوى يافهد .. وبعد دقيقه رينو فتحت عينيها بدهشه .وقلبها بيدق بسرعه كبيره جدا.وحست ان فهد بيضمها ..
رينو : رفعت راسها شافت ايدين فهد كلها حوالين وسطها وضمها لقلبه باشتياق كبير.
رينو : بدهشه وضربات قلبها هتطلع من مكانها قالت فاااااااهد ..
فهد : حضنها لقلبه باشتياق كبير .. قلب الفهد يا رينو
-------------يتبع

موعد الحلقة الجديد الساعة ( 4 م ) يوميا ان شاء الله .

الى هنا تنتهى احداث رواية جريمة عشق 3 الحلقة 49 ، يمكنكم اكمال باقى احداث رواية جريمة عشق 3 الحلقة 50  أوقراءة المزيد من الروايات المكتملة فى قسم روايات كاملة .

نأمل أن تكونوا قد استمتعتم بـ رواية جريمة عشق 3 ، والى اللقاء فى حلقة قادمة بإذن الله ، لمزيد من الروايات يمكنكم متابعتنا على الموقع أو فيس بوك ، كما يمكنكم طلب رواياتكم المفضلة وسنقوم بوضعها كاملة على الموقع .
تعليقات



حجم الخط
+
16
-
تباعد السطور
+
2
-