نقدم اليوم احداث رواية جريمة عشق 3 الحلقة 50 من روايات مريم نصار . والتى تندرج تحت تصنيف روايات رومانسية ، تعد الرواية واحدة من اجمل الروايات رومانسية والتى نالت اعجاب القراء على الموقع ، لـ قراءة احداث رواية جريمة عشق 3 كاملة بقلم مريم نصار من خلال اللينك السابق ، أو تنزيل رواية جريمة عشق 3 pdf كاملة من خلال موقعنا .
جريمة عشق 3 الفصل 50
٢٧ ج 1
رواية جريمة عشق٣
(عشق الفهد)
بسم الله نبدأ
هنرجع بالوقت قبل ما فهد يفوق من الغيبوبه
الساعه 11 صباحا رينو كانت قاعده جنب فهد وبتتكلم معاه .وقامت قربت منه وقالت ..
. عندي ليك خبر حلو .. النهارده انا حسيت بحركه غريبه في بطني واكتشفت ان ابنك بدا يتحرك في بطني .
رينو .مسكت ايده وحطت ايدو على بطنها . والبيبى اتحرك تحت ايد فهد ..
فهد : حاسة السمع عندو شغاله وبيعافر علشان يفوق . وسامع صوت معشوقته الصغيره . لكن اول ما ايدو كانت ع بطنها وحس بحركة البيبى .القلب ادي اشاره للمخ أنه يستجيب . والمخ استجاب نوعا ما .
.رينو : حاسس يا فهد ابنك بيتحرك .. انا حاسه.. انت اكيد حاسس مش كدا !؟..
فهد : من جوواه سامعها وعايز يرد عليها . خلاص عقله اشتغل . وهايدى اشاره ل ايدو تتحرك .. لكن الباب خبط..
. زين خبط ورينو . نزلت ايد فهد على السرير .وراحت تفتح ...
رينو : اول ما نزلت ايد فهد ع السرير . فهد حرك ايدو . لكن رينو كانت عند الباب .وسامع الحوار ..وبيجاهد علشان يتكلم.
رينو : رجعت عند فهد . وعدلت ايده
. فهد : عايز يقول رينو انا سامعك كويس .. رينو : حبيبي انا هاروح اجيب النتيجه واجيلك ومش هتاخر .. وعارفه هتقول ايه هاركب مع زين .. و هادخل الجامعه ومش هاتكلم مع حد .. ومش هقف مع الدكتور معتز .. وهارجع على طول على هنا .. ما تقلقش انت متجوز بنت بميت راجل وباست جبينه وقالتله استناني هنا هاروح اجيب النتيجه واجي افرحك وودعته وخرجت وقفلت الباب وراها ..
.فهد : سمع رينو وبيحاول يتكلم . ولما سمع اسم معتز المخ اشتغل كويس جدا . ورينو لفت ومشيت .. وفهد فتح عينيه . وبيهمس رينو . مع قفلة الباب . فهد فاق وبيحاول يستوعب وغمض عينيه وافتكر جيسيكا .وبيشوى وتشانغ .واليخت .والقوه .
وصوت الرصاص. وصوت مراد وهو بيصرخ بإسمه . وفتح عينيه على الاخر وشهق واخد نفس عميق وقلبه دق وقال رينو حامل !!!! .
----------------------بقلمى Mariem Nasar
وبعدها بدقايق
الباب اتفتح : ودخلت رنا وطارق .
فهد : غمض عينيه تانى . وسمع كويس صوت رنا وطارق وكان صوتهم حزين جدا .
رنا : قربت وباست جبينه ودعتله يقوم ف اقرب وقت .. وخارجه هي وطارق ولسه هتفتح الباب ..
فهد : نده عليها .. أم فهد .
رنا وطارق . وقفو بزهول مكانهم . ولفو بسرعه . وعينيهم مفتوحه ع الاخر.
رنا : قلبها بيدق بسرعه . وبصت ع طارق . الل واقف وقلبه هيطلع من مكانه وعينيه كلها دموع .
فهد : فتح عينيه . ورفع ايدو . يا أم فهد .
رنا : فاه ...ف . فهد ابناااى . ابناااي وجريت عليه وحضنته . وعيطت بصوت عالى . فهد الف حمد وشكر ليك ياااارب . الف حمد وشكر ليك ياااارب .
طارق : قرب ع فهد وحضنه مع رنا . وبدموع فهد الحمد لله . الحمد لله يارب الف حمد وشكر ليك ياااارب ..
فهد : غمض عينيه وضم أمه وأبوه بحب كبير . بس يام فهد بتعيطى ليه دلوقتي.
رنا : خرجت من حضنه .وباست كل حته ف وشه ومسكت ايده باستها حبيبي نور عينى انا انهارده روحي رجعت ليا من تانى . وسجدت في الأرض لله ودعت بشهقات وفرحه ..
طارق : اخد راس فهد ف وحطها ع قلبه الل بيدق بسرعه كبيره جدا ..ودموعه نازله . الف حمد وشكر ليك ياااارب . الف حمد وشكر ليك ياااارب فهد ابنى رجع من تانى .وضمه اكتر انا انهردا عرفت قيمة الحياه . عرفت قيمة كل حاجه . وباس ع راس فهد . حمدالله ع سلامتك يبنى .
فهد : حضن طارق بتعب . الله يسلمك يابابا انا الحمد لله كويس ..
رنا : صوت عياطها عالى .ودموعها وجعت قلب طارق ..
فهد : بتعب .خلاص يام فهد تعالى بقى ..
رنا : قامت من السجود . بتضحك بدموع . ومسكت وشه بايديها اتكلم يافهد سمعنى صوتك . قولى انا جيت يارنا . لأ لأ قولى انا جيت يا أم فهد . وعيطت اكتر .سمعنى صوتك يافهد الله يخليك .
فهد : حاول يتعدل . وطارق ساعده . وفهد مسك ايديها الاتنين وباس عليهم . ومسح دموعها . انا رجعتلك يام فهد . رجعتلك يارانوش . وعلشان خاطرى بطلى عياط . ومسك ايد طارق . وانا رجعتلك يابو فهد وباس ع أيدو .
طارق : ضحك بدموع . ايوه ايوه انت رجعت من تانى . انا قلبى بيرقص والله من الفرحه . وقعدو جمبه ومبسوطين ..
والدكتور : جه وشال الأسلاك الل متوصله بالفهد وطمنه انه بقى تمام . وهيخرج بكره.
----------------------بقلمى Mariem Nasar
آدم : طالع ع السلم المستشفى وحاطط ايد مريم ف دراعه .
مريم : حبيبى .
آدم : نعم ياروحي ..
مريم : مراد قالك هيجي امتى هو وفريحه؟
آدم : مراد وفريحه ف الطريق يعنى كلها ٥ دقايق ويكون موجود هنا . وكمان محمد ونور
مريم : يوصلو بالسلامه إن شاء الله .. ويارب يارب يوفقك يارينو ياحبيبتى وتنجحى اي حاجه تفرحك ولو شويه .
آدم : باس على راسها . إن شاء الله هتنجح ياحبيبتى . وبإذن الله كل حاجه هترجع زي الاول واحسن ..
مريم : يارب يارب يا آدم .انا بقالى ٣ تيام بصلى صلاة الحاجه . وطول الليل ادعي لابنى فهد والعيله كلها..
آدم : وانا ع يقين إن ربنا هيستجيب منك ياقلب آدم ..
مريم : يااارب يارب يستجيب يا آدم
وماشيين ف الطرقه .
آدم : قال اله قدام اوضة فهد فاضي . هو طارق ورنا ماجوش . ولا اتأخرو . ولا يمكن جوه عند فهد ..
مريم : ممكن . تعالى نبص ع فهد .
آدم : تعالى . وفتح الباب . وشافو طارق ورنا . لأ وكمان فهد قاعد ع السرير ..
آدم : قلبه دق من المفاجاه . وابتسم بفرحه كبيره جدا ..
مريم : بزهول . وشهقت وقلبها بيدق بسرعه كبيره . وضحكت بدموع . فاه..ف..فهد . وبصت ل آدم برجفه. فهد . ي آدم .فهد فاق .
فهد : رفع عينيه . وشاف آدم ومريم وابتسم .
مريم : اتحركت بسرعه . فهد ابنى نور عينى.
طارق ورنا . ابتسمو بسعاده. و قامو من ع السرير .
فهد : ابتسم وفتح ايديه لمريم .
مريم : بتضحك بدموع .وحضنت فهد .بسعاده كبيره جدا وعيطت بشهقات.فهد ابنى نور عينى . اللهم لك الحمد والشكر يارب .
فهد : ضم مريم لقلبه . بس يامريم.الله يخليكى ارحمي نفسك .
مريم : طلعت من حضنه . ومسكت وشه بايديها . انت كويس يبنى مش كدا !؟ انت . انت موجود معانا دلوقتي صح !؟ حلفتك بالله ترد عليا ..
فهد : مسك ايديها وباس عليهم .وابتسم . انا معاكى .وموجود . والحمد لله رجعت تانى .
آدم : قرب من فهد . خلاص يامريم سيبينى اسلم واطمن عليه . الحمدلله أنه فاق ورجع بالسلامه
وآدم : سلم ع فهد بحب كبير . واخدو ف حضنه . حمدالله ع سلامتك ياحبيب عمك.
فهد : ابتسم . الله يسلمك يا عمى .
آدم : باس جبينه . طولت علينا . لكن نحمد ربنا إن النهايه خير . والله يا فهد قلبى بيرقص سعاده .
صوت من وراهم . فااااهد اخويا .وفريحه جريت عليه .وعيطت وبتضحك بدموع .اخويا . فهد الحمد لله يارب ..
وفهد : ضحك وسلم عليها واخدها في حضنه ..
مراد : واقف عند الباب . وجواه حجات كتير متلخبطه . اخوه . وصحبه وزميله . وبيقضي معاه وقت اكتر من عيلته . ولما شاف فهد فايق . حس بضربات قلب متلخبطه ..
فهد : حس بيه . وقاله . انت كنت مفكرنى هسيبك ف حالك . يبقى بتحلم ياصقر .
مراد : ضحك وبيكابر دموعه . واتحرك بخطوات بسيطه .
وفهد : قام من ع السرير . بتعب .
مراد : وصل عند فهد ووقف قدامه وبصله كتير ..
فهد : واقف وبص لأخوه الكبير المشاكس وصديق عمره . وجوز أخته وزميله .
والكل واقف ومتأثر ع مبسوط ع فرحان ودموعهم نازله ..
وبعدها بلحظات حضنو بعض بحب كبير جدا . ومراد بيضحك لكن غصب عنه دمعه نزلت منه . وربت ع ضهرو حمد لله على السلامه ياحوت .
فهد : مبتسم . وربت ع ضهر مراد الله يسلمك ياصقر .
وبعد : شويه . فارس وردوي دخلو . ونفس الزهول والفرحه والاشتياق الكبير من فارس لتوأمه . وبعدها محمد ونور . وفرحو جدا جدا .
ولكن فهد : عينيه بتدور ع معشوقته . وجواه لهفه واشتياق كبير جدا ليها ..
وبعد كده . زياد ومالك ويوسف . وكل العيله عرفت وفرحت جدااااا .واتجمعت . وسلمت ع فهد . وبعد دقايق . رنا أآكلت فهد حاجه بسيطه .
مراد : قاعد مع فهد. وبيفكرو بكل حاجه . وإن مراد ضلعه اتكسر وهو بينط من اللانش لل اللانش الل كانت عليه جيسيكا . وهي ضربت نار . ومراد محسش بأى حاجه غير بعدها . وحكاله أن فهد بقالو شهر واكتر ف الغيبوبه . وفريحه حكتلو ع مواقف العيله . وتحديداً رينو وانها ماسابتوش لحظه واحده وطول الشهر قاعده جمبه.
الاوضه . كانت زحمه بكل الحبايب . والكل بيبارك ل رنا وطارق ع سلامة ابنهم ..وطارق رجع يهزر من تانى ورنا من سعادتها صغرت يجي 10 سنين
وف وسط الزحمه دي .
. فهد : قاعد ع السرير .وقلبه مشتاق وعايز يشوفها بأى طريقه .. وبيفكر ياترى رينو سافرت البعثه ؟ لا اكيد مسافرتش اصل البعثه المفروض الترم كامل ! طيب مش يمكن سافرت ولما عرفت رجعت !؟ لا انا هتعب نفسي ليه.انا أسأل نور احسن.. وشاور ل نور .
نور : راحت بسعاده كبيره . نعم يا فهد .
فهد : بتوتر . كأنه لسه خاطب .. نور هي رينو سافرت !؟
نور : بعدم فهم . سافرت !!!؟ سافرت فين مش فاهمه !؟
فهد : مش عايز . يفسر كلامه . احم يعنى بعد ما انا سافرت ع المأموريه . رينو مسافرتش لأى مكان !؟
نور : بصوت مهموس .هي الرصاصه أثرت على مخه ولا ايه !؟ لا يا فهد رينو ماسافرتش لأى مكان . وهتسافر تروح فين يعنى !؟ وكمان لوحدها !؟
فهد : قلبه بيدق بسعاده كبيره . ها لأ يعنى انا قصدى رحله تبع الجامعه !
نور : بدهشه . لأ ده اكيد الغيبوبه أثرت عليه . احم واحنا من امتى بنطلع رحلات لوحدنا . بص يا فهد انت ارتاح شويه شكلك مرهق .
فهد : فرح جداااا .. وغصب عنه ابتسم . وقلبه دق لل مشتاقلها اكتر من اي حد . وقال جواه يعنى رينو ماسافرتش.
----------------------بقلمى Mariem Nasar
وجه الدكتور والممرضه علشان ينقلوه غرفه عاديه .
فهد : بص للدكتور . وآدم وطارق ومراد .
مراد : راح عند فهد . ايه يبنى عايز تقول حاجه ..
فهد : ايوه يامراد اسمع انا مش عايز رينو تعرف من اى حد انى فوقت . انا عايز افاجئها بنفسي فاهمنى .
مراد : هز راسه . اممم تمام . سيب كل حاجه عليا .
فهد : تمام ..
مراد : اخد الدكتور بره الاوضه . وقاله انه يسيب فهد شويه بس ف الأوضه لأن ف شخص مهم جاي وفهمه بطريقه غير مباشره .والدكتور هز راسه وقال خلاص ماشي واتحرك هو والممرضه .
الكل خرج بره الغرفه علشان فهد يستريح شويه ..
مراد : شرح للكل أن مفيش حد يقول ل رينو أن فهد فاق . احنا هنسيبها تعرف لوحدها .
والكل ضحك بفرحه واتفقو انهم مش هيتكلمو .
يوسف : جري عليهم بسرعه . زين ورينو وصلو و نازلين من العربيه ..
محمد ونور : قامو بسرعه ودخلو ع الفهد . ووصلو الأسلاك كاتمويه علشان رينو ماتشكش . وقاله لفهد رينو طالعه
فهد : قلبه دق دقات مضطربه ع لخبطه وفرحه واشتياق وكل حاجه حلوه .. وهمس وغمض عينيه .رينو ..
محمد ونور ظبطو كل حاجه بسرعه وخرجو ..
زين ورينو وصلو عندهم . وعرفهم ان رينو نجحت بتقدير امتياز مع مرتبة الشرف ..والكل فرح من الاخبار السعيده الل جت في يوم واحد. ورنا قامت بفرحه وسلمت عليها .
فهد : جوه سمع صوتهم وهما بيباركو ليها . ونفسه يقوم ياخدها ويخبيها بين ضلوعه ..
الباب : اتفتح ورينو دخلت . وقلب الفهد بيدق بسرعه كبيره جدا...
كلهم بره مبسوطين جدا ..
زين : بعدم فهم . هي رينو اكتشفت الذره ع الفرحه دي انا مش فاهم حاجه ..
مراد : لا متشغلش بالك . اصل فهد فاق من الغيبوبه ..
زين : هز راسه . وبعدها رفع راسه .وفتح بقه
.وبصله بزهول . ايييه فهد فاق . واتحرك دى رينو هتفرح اوي انا هدخل اقولها .
مراد : مسكه من قفاه . تعالى هنا . واحنا يعنى مش كنا قادرين نقولها . سيبها هي هتعرف دلوقتي ...
زين : هرش في قفاه . والكل ضحك عليهم..
رينو : قلعت النقاب والحجاب .. وراحت قعدت جنب فهد ومسكت ايده باستها حبيبي انا نجحت انا جبت امتياز ومع مرتبة الشرف .
فهد : مع لمسة أيدها كان هايقوم لمعشوقته الصغيره .لكن صوتها واحشه جدا ..
رينو : انت دايما كنت تقولي عايزك يا رينو على طول تجيبي امتياز .. وضحكت انا مش عارفه ازاي جبت امتياز يا فهد بس حصل وخلاص . ويلا قوم بقى علشان تباركلي .
فهد : قلبه بيرقص اول ماسمع الضحكه الل محروم منها ..
رينو : فردت دراع فهد و حطت راسها على صدره وقالت باشتياق . قوم بقى يا فهد .. انا عايزه اعرف في بطني ولد ولا بنت و عايزاك تقولي مبروك يا رينو علشان انتي حامل .. وكمان نجحتي .. وغمضت عينيها واستكانت في حضن فهد واتنهدت .وحشتنى.. وحشتنى اوى يافهد
فهد : بيسمعها وخلاص مش قادر .مايفتحش عينيه ويكلمها . ولما حطت راسها ع صدره . فهد فتح عينيه .وابتسم بفرحه لما قالت ولد ولا بنت . وقلبه بيدق وحس انها هتكشفه من دقات قلبه المسموعه ..ومقدرش يبعد عنها اكتر من كده . ورفع ايدو وحاوطها بايديه الاتنين وضمها لقلبه باشتياق كبير ..
رينو : بدهشه وضربات قلبها هتطلع من مكانها قالت فاااااااهد ..
فهد : حضنها لقلبه باشتياق كبير .. قلب الفهد يا رينو ..
رينو : مزهوله وعينيها مفتوحه ع الاخر . وبتروح يمين وشمال . ودموعها اتجمعت .. ومش مصدقه . وكلبشت ف الفهد . وصرخت بصوت عالى فااااهد . فاااهد . وبتضحك بدموع من الفرحه ..
فهد : اتعدل وهي ف حضنه . وضمها لقلبه باشتياق كبير وخباها جوه حضنه . وغمض عينيه . واتنهد بحب كبير . حبيبتي وحشتينى اوى يارينو ..
رينو : سمعت صوت فهد . وعيطت بصوت عالى بوجع كبير . لانها مش مصدقه أن فهد رجع الحياه من تانى . وقالت فهد انت رجعتلى . انا مش بحلم لأ . انا مش بحلم . انا ف حضنك ااااه يافهد لو تعرف انا من غيرك كنت عامله ايه .. وعيطت بشهقات وكلبشت فيه اكتر اتكلم يافهد عايزه اسمع صوتك .
فهد : دفن وشه في شعرها . انا جمبك ومعاكي انا فهد حبيبك يارينو . انا رجعتلك . انا معرفش اعيش من غيرك. انتى عشق الفهد يارينو .
رينو : طلعت من حضنه برعشه . ومسكت وشه بايديها . وبتتامل عينيه وحركاته . وبتحاول تقنع نفسها انها مش بتحلم . ودموعها نازله ع خدها .
فهد : عيونه لمعت بدموع . ورجع خصله شعر ورا ودنها . مسك وشها بايديه .وباس دموعها وحشتينى .
رينو : اول ما سمعت وحشتينى قلبها هيطلع من مكانه . رمت نفسها ف حضنه بعياط هيسيترى . فهد ماتسبنيش تاني يافهد ماتبعدش عنى تانى ارجوك .
فهد : اخدها ف حضنه . وقلبه وجعه عليها . ومسد ع شعرها .شش رينو . بس علشان خاطر فهد حبيبك . بلاش دموع انتى عارفه انى مبحبش اشوف دموعك ابدا . وبعدين ياروحي انا جمبك ومعاكي . انا رجعت لنجمتى .
رينو : ضحكت بدموع .فهد انا حامل يافهد.
فهد : قلبه دق كتير . وغمض عينيه وابتسم . مبروك .الف مبروك ياقلب فهد ..
رينو : خرجت من حضنه . وباست جبينه وراسه .ومتلخبطه .. انت كويس يافهد . فيك حاجه ، حاسس بأى الم . انت لسه تعبان مش كدا . انا .انا هاقوم انده الدكتور . واه دى ماما رنا هتفرح اوي . وبابا طارق . وكل العيله هتطير من الفرحه . انا هلبس حجابى ونقابى وهفرحهم . ونزلت من ع السرير وشهقت .
فهد : مبتسم للهفتها عليه . واول ما نزلت شدها لحضنه اووى . وحشتينى . وحشتينى اوى اوى ياعشق الفهد .
رينو : رينو غمضت عينيها بحب واستكانت ف حضنه . وانت كمان وحشتنى اوى يافهد . فهد انا بحبك اوى .
فهد : بيمسد ع شعرها . مبروك لنجاحك ياروحي .
رينو : خرجت من حضنه . وبصت ف عينيه . انهارده اجمل يوم ف حياتى كلها يافهد . مش علشان نجحت لأ . علشان فهد حبيبى وجوزى جمبى . فهد رجع ل رينو بالسلامه ودي اجمل هديه ف الكون كله. انا مش عايزه حاجه تانى . انا اكتفيت برجوعك وبس . انت دنيتى كلها . انت نجاحى ومستقبلى . انا روحي رجعتلى من تانى يافهد . انا رجعت اتنفس من تانى . فهد وجودك جمبى معناها العالم بين ايديا . وابتسمت بدموع . حمدالله ع سلامتك ياحبيبى .
فهد : بيسمع معشوقته الصغيره . والإبتسامة اترسمت ع وشه . وعيونه بتاخد اسكرين لل واحشاه اوى . واتنهد بعشق . سلامتى انى شوفتك من تانى . سلامتى انى اخدك ف حضني من تانى . انا مش عايز من الدنيا غيرك انتى وبس . انتى يارينو انتى حبيبتي وبنتى ومراتى وروحي . انتى وحشانى ووحشتينى . انتى كلك ع بعضك وحشانى . انا بحبك اوى يارينو .
رينو : دموعها نازله . وحطت راسها ع صدره . وضحكت بسعاده انا اخيرا لقيت أماني ..
واتكلمو مع بعض اكتر من ساعه ونسيو العالم كله ..
----------------------بقلمى Mariem Nasar
مراد : بيهز رجله و قاعد بره مع العيله . وبص ل طارق . اومال ايه ياعم طارق . ابنك كل ده بيفاجأها . ده بيشرحلها فوايد الغيبوبه ولا ايه ؟
كل العيله ضحكت عليه ..
طارق : ههههههه . والله منا عارف . اكيد كان ف عطل فنى ف الغيبوبه هههههههههه .
آدم : جرا ايه ياخفيف منك ليه . مش هتلم نفسك انت وهو ولا ايه ؟
مراد : بزمتك ياحج يرضي مين . بقالو ساعه بيفاجأها . انا تعبت من المفجأه بصراحه .
آدم : وانت مستعجل ليه .وراك ايه وبعدين ركز مع نفسك ..
مريم ورنا قاعدين جمب بعض . والضحكه مرسومه ع وشهم ..
زين : قام وقف اوووف . انا ورايه شغل . والله لا داخل عليهم . انا هدخل وسع كدا ياعم انت وهو . وراح خبط ع الباب ..
وكلهم بيضحكو على زين ..
فهد : واخد رينو كلها ف حضنه وبيتكلمو مع بعض وعرفها إن العيله كلها عرفت أنه فاق. وحاطط ايده ع بطنها بيتابع حركة البيبي . وبيضحك وفرحان .
رينو : عندها حالة بلاها ورافعه راسها وهي ف حضنه وعينيها ع فهد بتاخد اسكرين. وساكته . وفاقو على صوت الباب ..
فهد : باس رينو من خدها . قومي البسي النقاب ..
رينو : قلبها دق ووشها بقى احمر جدا . وقامت بحرج . ولبست الحجاب والنقاب ..
وفهد عينيه عليها . واتنهد بعشق .
زين خبط تانى . وفتح الباب ودخل . وابتسم بفرحه كبيره . الف حمد لله على السلامه يا بطل . وراح لعنده وحضنو بعض بسعاده كبيره .
ورينو : خرجت بسرعه وجريت ع ابوها واترمت في حضنه من السعاده . بااابى فهد فاق يابابى .
آدم : بيضحك من قلبه . ايوه ياحبيبت بابى . فهد فاق ورجعلك بالسلامه ..
رينو : خرجت من حضنه . بابى انا فرحانه اوي اوي . انا. انا . مش عارفه مش عارفه . انا مبسوطه ..
كلهم فرحو علشانها .وحاسين بيها .
رينو : مامي وراحت عند مريم وحضنتها . وعيونها اتملت بدموع مامي انا مبسوطه فهد رجعلى جوزي رجعلى تانى ..
مريم : ضحكت بدموع . الحمدلله يانور عيني . نحمد ونشكر ربنا .
رينو : انا . انا هصلى ركعتين شكر لله ع الهديه الجميله دى . بجد اجمل هديه ف الكون كله.
وراحت تصلى ومعاها رنا ومريم .ونور وفريحه .
وآدم وطارق ومراد والشباب راحو يصلو .
----------------------بقلمى Mariem Nasar
وبعدها فهد اتنقل لغرفه خاصه .
وأغلب العيله اطمنت ع فهد وسلمو عليه ومشيو ع اشغالهم ..
فهد : قاعد ع السرير . ورينو قاعده جمبه كأنها طفله صغيره وماسكه ايد فهد ومش عايزه تسيبها . وده مخلى قلب الفهد مبسوط جدا.
آدم وطارق ومحمد ومراد .ومريم ورنا ونور وفريحه قاعدين مع فهد .
طارق : الحمدلله يارب ع نعمك علينا . اظن كدا بقى يا آدم ياخويا نوفي بالوعد ..
آدم : هز راسه . ايه رايك تبقى عندي ف الفيلا .
طارق : لا معلش هتبقى ف الفيلا عندى .
آدم : تمام زي ما تحب .
مراد : طيب نفهم ممكن ولا ايه ؟
طارق : حقك يانجم . دلوقتي لما انت وفهد كنتو ف المستشفى . آدم قال هيدبح عجلين ويوزعهم ع الغلابه . وانا كمان . وفعلا آدم وانا عملنا كدا لما فهد كان ف الغيبوبه ايام الله لا يعودها يااارب . كلهم أمين .
..وكمل وقال . وابوك قال لما فهد يقوم بالسلامه إن شاء الله هنعمل حفله كبيره. ونعزم كل العيله والأصدقاء المقربين . وف نفس الوقت . كل واحد فينا انا وآدم هندبح عجلين كمان ونوزعهم ع الغلابه . بمناسبة رجوعك انت وفهد بالسلامه .
مراد : هز راسه. اممم جميل جدا
ومريم والبنات كلهم قالو فكره جميله اوي .
فهد : بيسرق النظرات لمعشوقته . الل قاعده مبسوطه ومكلبشه ف ايديه .
رنا : للحظه كشرت وعيونها لمعت بدموع ..
طارق : لاحظ دموع رنا . وقام من جمب آدم . وراح قعد جمبها . ومسك ايدها مالك يارنا . شكلك مش مبسوط ليه ياحبيبتى . وكمان بتعيطى ليه !؟
فهد انتبه.وضغط ع ايد رينو بحنيه .ثوانى ياحبيبتى . وحاول يقوم .ورينو بتساعده وخايفه عليه . ع مهلك ياحبيبى .
رنا : شافته . خليك مكانك يافهد . متتعبش نفسك ياحبيبى ..
فهد : ماسمعش منها وقام . وقعد جنبها ومسك ايدها وباسها . تعبك راحه يام فهد . لكن عايز اعرف دموعك دي ليه !؟
رنا : بصوت مبحوح . ومسكت ايد فهد وبصتله بترجي . كفايه كدا يافهد . كفايه لحد كدا ياحبيبى .!
فهد : بعدم فهم . كفايه كدا؟ كفايه ايه يا امي انا مش فاهم .!؟
رينو : قامت بدموع وترجي . ماما رنا قصدها.
إنت وأبيه مراد ان كفايه لحد كدا عذاب ليكو ولينا . بجد احنا تعبنا اوي يا فهد .
فهد ومراد بصو لبعض . وسكتو .
مريم : ابتسمت بدموع . ورعشه . اه ياحبايبى ياريت . أمنية حياتى انكو تعيشو ف امان . والله قلبى تعبنى عليكو وعيطت.
محمد : بخوف ع مريم . قام وقعد جمبها . وربت ع ضهرها انتى اخدتى العلاج ؟
آدم : هز راسه لمحمد . ايوه انا متابع علاجها وبتاخدو ف وقته .. وحاوطها من كتفها . بس اهدى يامريم انتى تعبانه .
مراد : قام بزعل عشان مريم .. ونزل على ركبه قدامها وباس أيدها . انا ماشوفتش ولا هاشوف ف حياتى كمية دموع غير ف العيله دي . يعنى احنا مبسوطين برجوع الواد العبيط ده تقومو تخترعه حاجه تنكد علينا .
مريم : بصتله . غصب عننا ياحبيبى والله . انت متعرفش قلوبنا بتبقى عامله ازاى وانتو بعاد عننا و الخطر محاوطكو . وكمان بعد المسافه ده مميت يامراد يبنى . انا مش عايزه احلفك بالله . لانى عارفه انت وفهد بتحبو شغلكم قد ايه . لكن هاقولك شوف المرادي ربنا نجاكم من الموت . واحنا فعلا كنا بنموت. وقبل ما تقول إرادة الله . احنا مش معترضين على أمر ربنا . بالعكس احنا راضيين وموحدين ومؤمنين بالله . لكن مهما كان الضنا غالى اوى . ومرارة الفقد وحشه اوي يامراد يبنى . الفراق مميت وإحساسه بشع . وخصوصاً لو حد من الولاد . انا بتمنى من الله أنه يجعل يومي قبل يومكو كلكو . انا عمرى ما هستحمل خسارة حد فيكم .
آدم : بيسمعها وزعلان علشانها ..واول ما دعت ع نفسها غضب جدا ..وزعق بصوت عالى ليها . جرا ايه يامريم . ف ايييه . انتو بتحبو تحرقو دمنا دي عيشه تقصر العمر بجد . وقام وخرج بنرفزه .
مريم : عيطت .
مراد : اتنهد بزعل وضمها . بس يامريم بس . انتى عارفه أن آدم مايقصدش .
مريم : خرجت من حضنه .بدموع روحنى لو سمحت يامراد .
محمد : ربت ع ضهرها . مريم انتى عارفه أن آدم زعلان علشان انتى دعيتى ع نفسك . آدم ماعندوش حد مهم ف حياته زيك ..
مريم : هزت راسها . عارفه يا محمد بس انا تعبانه . ولابسه النقاب . ومش قادره عايزه اروح . وبصت ل مراد هتروحنى !؟
مراد : قام . حاضر ياحبيبتى . قومي .
الباب خبط .
مراد : ثوانى يامريم هشوف مين ! وفتح. وكان مدير الجهاز . مساء الخير .
مراد : ابتسم . اتفضل يافندم اتفضل .
المدير : دخل وشاف فهد وقرب منه وسلم عليه وحضنه . حمدالله ع سلامتك يابطل . اول ما الدكتور يسرى بلغنى انك فوقت انا ماستنتش لبكره . الف حمد لله على السلامه .
فهد : الله يسلمك يا فندم . ده شرف ليا ان حضرتك شرفتنى وجيت بنفسك .
آدم : داخل متنرفز . وعينيه ع مريم الل مدايق منها . وشاف المدير وسلم عليه . وكمان طارق ومحمد ..
البنات كلهم قعدو ف جمب لوحدهم . ورينو عينيها على الفهد .
المدير : انا اتفرجت ع الفيديو الل صورته الظابط رغد . بجد انا مبهور بيكو .وشجاعتك يافهد بجد حاجه تشرف . وخصوصاً ال مراد عمله . وانه انقذك من كيڤين . وقبل كدا فهد انقذ مراد من الموت . بجد يا ابطال انا عمرى ما هلاقي ضباط ع كفأه ووفاء وإخلاص بالطريقه دي . انا فخور جدا بيكو . وانا بصراحه بعد ما شوفت الفيديو والتضحيات الل فيه . وبعد تفكير . انا قررت انى احاول ابعدكو عن اي مهمه خطيره بره مصر مؤقتا لكام سنه قدام . وكمان هتبقى مهمات خفيفه إن شاء الله يلزمها مراد وفهد. . انا ماعنديش استعداد اخسر اهم ضباط عندى .
مراد وفهد بصو لبعض بعدم فهم ومش فاهمين حاجه ..
المدير : قام وقف . ومراد وفهد قامو .
المدير بصلهم وابتسم . بعد يومين إن شاء الله تشرفونا ف الجهاز علشان التكريم والمكافأة يا .. سيادة المقدم مراد . انت والمقدم فهد ..
آدم وطارق ومحمد ابتسمو بسعاده ..
مراد وفهد . فتحو بقهم . ومش مصدقين وف صوت واحد قالو .. مقدم !!!؟
المدير : ضحك . طبعا مقدم . ودي ااقل حاجه ليكو انتو الاتنين والمقدم أكرم . وكمان مكافاه ماليه كبيره جدا . وكمان ف مفاجأت كتير . لكن ع ميعادنا بعد يومين ..الف مبروك يا ابطال والمدير استاذن ومشي ..
رينو وفريحه بصو لبعض وفريحه قالت. يعنى مراد وفهد مش هيطلعو مهمات بره مصر .
رينو : ضحكت بدموع . وسقفت بايديها بصوت مهموس . وفرحت جداا ...
رنا : قلبها هدا نوعا ما من الل سمعتو .
مريم : غمضت عينيها . الحمدلله أن ولادي مش هيبعدو عنى تانى. الحمدلله يارب . يارب احفظهم بحفظك.
نور : قاعده جمب مريم . ومبسوطه ومسكت ايدها . افرحي بقى يامامى مراد بقى سيادة المقدم مراد آدم العدوي . وانتى يارانوش افرحي انتى ابنك بقى المقدم فهد طارق السيوفى . يارب يديم علينا نعمة السعاده بجد والله انا مبسوطه اوى ..
مراد وفهد حضنو بعض ع الترقيه والاخبار الجميله دي . وباركو لبعض .
طارق : بارك لفهد ومراد بفخر كبير.
ومحمد : بارك ليهم وكان مبسوط .
آدم : ضم مراد لقلبه وبارك ليه . وكمان حضن فهد وباركلو . وعينيه ع اميرته ..
آدم : راح وقعد جمب مريم .
مريم : قاعده ساكته .
آدم : باس على راسها . حقك عليا .
مريم : صعبت عليها نفسها . ودموعها نزلت وبصت الناحيه التانيه ..
آدم : زعل من نفسه أنه احرجها وزعقلها قدام حد ودي اول مره يعملها . وفكر . وقال إنه هيصالحها ف البيت . وقام ومسك ايدها . يلا نروح البيت علشان ترتاحي ..
مريم : قامت من غير ما ترد عليه .
آدم : طيب يا جماعه الحمد لله اننا اطمنا ع سيادة المقدم فهد . وابتسم بفخر الف مبروك ياولاد .
مراد وفهد . الله يبارك فيك.
طارق : تروح فين انا هطلب غدا .
آدم : لا غدا ايه انا تعبان وعايز انام بقالنا فتره مكناش بنعرف ننام كويس. اطلب غدا لفهد ..
مراد : قرب من مريم وباس جبينها . اهو شوفتى كنتى قلقانه ع الفاضي . اهو احنا يستى هنفضل جمبك ع طول .اضحكى بقى ..
مريم : ابتسمت بتكليف . انا مبسوطه اوى يامراد علشان انت وفهد هتكونو معانا ع طول ربنا يحفظك انت وفهد يارب ..
مراد : اله ومفيش مبروك ولا ايه. دا انا حتى لسه مترقي .
مريم : ابتسمت من قلبها .. وحطت ايدها ع خدو الف مبروك يانور عيني . الف مبروك يا فهد . ربنا يحقق كل احلامك انت ومراد إن شاء الله .
مراد وفهد الله يبارك فيكي ..
آدم : يلا يامريم . علشان الساعه ٦ وعلاجك كمان شويه .
مريم : هزت راسها . وسلمت ع الموجودين وخرجت هي وآدم .
محمد : بهمس حبيبتي انتى وحشانى اوى .
نور : بحرج وانت كمان وحشتنى اوى ياحماده .
محمد : لا مدام فيها حماده يبقى نروح وحالا . وضحكو بحب . وقامو سلمو ع الموجودين وخرجو .
مراد : قاعد . وفريحه راحت قعدت جمبه بسعاده . مبروك . مبروك يامرادي
مراد : الله يبارك فيكي ياقلب مرادك . افرحي يابت انا بقيت مقدم .
فريحه : انا فرحانه اوي يامرادي . وإن شاء الله هتبقى لواء قد الدنيا .
مراد : ههههه لوا مره واحده . ساعتها هقبض ع ابوكي هههههههههههه .
فريحه : كشرت عينيها . مووراااد .
مراد : قرب منها وهمس قلبه .
فريحه : بهيام . يلهوي بقى .
مراد : وحشتينى يابت المستخبى . بقولك ايه.
فريحه : بحرج . ايه ياحبيبى .
مراد : مش خلاص بقى اطمنا ع اخوكي الل نايم بقالو شهر ده . تعالى بقى نروح ع شقتنا انا عاوز سكر .
فريحه : قلبها دق ووشها بقى احمر جدا . وبصت ف الارض ومردتش .
مراد : هز راسه . استعنا بالله. وقام طيب يا جدعان . الحمد لله اطمنا ع فهد باشا . وانا حاسس ان الجرح ف جمبى شادد عليا ومش قادر اقعد .
فريحه : شهقت بخوف . وقامت . مراد حبيبى فيك ايه . طيب . طيب تعالى نشوف الدكتور .
مراد : مسكها من أيدها وضغط عليها . متقلقيش . انا بس اروح البيت واخد دش سخن كدا وهبقى تمام .
فريحه : اتكسفت ووشها جاب الوان وسكتت
.وبعدها سلمت ع الموجودين .
مراد : سلم ع طارق وفهد . ورنا ورينو واخد فريحه وخرج .
طارق : بص ع فهد شاف عينيه متعلقه ب رينو . وبص ع رنا . حبيبتي تحبى نروح علشان ترتاحي شويه . واهو الحمد لله فهد ابنك زي الفل .
رنا : وهنسيبه لوحدو يطارق .؟
طارق : لوحدو ايه بس . ما هي مراته معاه . وانتى مش شيفاهم متنحين لبعض ازاى يعنى . يلا قومى بدال ماحنا عاملين زي العزول كدا . وبصراحه انا تعبان وجعان نوم . وانتى كمان مكنتيش بتنامي الفتره الل فاتت كويس .
رنا : عندك حق ياحبيبى . خلاص الل تشوفه . وكمان رودي لوحدها في البيت . وبصتله انت طلبت لفهد ورينو غدا ؟
طارق : ايوه من بدرى . طلبتلهم كباب وكفته وشيش وطلبت لينا انا وانتى وفارس ورودي. وزمانه ع وصول .
رنا : ربنا يخليك لينا ياطارق ولا يحرمنا منك ابدا ياحبيبى .
طارق : ولا يحرمنى منك ياقلب طارق . وبص ع فهد ورينو . شوفي العيال متنحين لبعض ازاى . دول نسيو اننا قاعدين .
رنا : اتنهدت بسعاده . لغة العيون الل بينهم دى اجمل حاجه ف حبهم لبعض . ربنا يهنيهم ويسعدهم يارب . فهد ابنك تعب ف حياته ربنا يريح قلبه . وقلب رينو يارب .
والباب خبط . والعسكري دخل ومعاه الأوردر . تمام يافندم . الأوردر وصل .
طارق : هز راسه متشكر يبنى .
العسكرى : تحت امرك يافندم وخرج .
طارق : قام . احم احم الووو انت ياعم المقدم .
فهد : انتبه . ها !! احم نعم يا بابا ..
طارق : نعم يا بابا !؟ نعم الله عليك يا خويا . انا بنادى من امبارح عليك .
فهد : بحرج . لانه كان سرحان ف عيون معشوقته .احم وسكت .
رنا : بنفاذ صبر . انت ياراجل مالك كدا . لازم تحط التاتش بتاعك . وبصت ل فهد وابتسمت وباست راسه . حبيبى الف حمدلله على السلامه ياقلبى .
فهد : ابتسم بحب الله يسلمك يا أم فهد .
طارق : امسك يافهد يبنى . وبص ل رينو . انا عايزك تغذي الواد ده . وبص ل فهد البت دى طلعت عينينا ف اكلها انا عايزك تخليها تاكل كل الاكل ده . يلا ورينا شاطرتك بقى .
رينو : اتكسفت ووشها بقى احمر جدا .
فهد : بص عليها وابتسم بحب . ماتقلقش ياحج ..
طارق : طيب ياحبيب ابوك . انا هاخد امك ونروح دلوقتي . وممكن اجيلك بليل ده لو عايز يعنى .
فهد : بسرعه . لا لا متجيش . احم قصدى متتعبش نفسك . انا هنام بدرى .
طارق : بدهشه . وبص ل رنا . شوفتى اهو سلم نمر اهو . وباعنا ف لحظه ..
رنا : ههههههههه . معلش ياحبيبى احنا هنتصل ع فون رينو ونطمن عليه . وربنا يخليله رينو حبيبته اهي معاه .
رينو : اتكسفت جدا .. وفهد قال والله ما اقصد ياحج انت عارف..
طارق : ولا يهمك يبنى . انا فرحة الدنيا كلها ف قلبى لما شوفتك من تانى .. وسلم عليه . ورنا حضنته وسلمت عليهم . وخرجو ..
فهد : قاعد ع السرير . ورينو قاعده ع الكرسي بعيد شويه .. ومكسوفه ومتوتره وكأن فهد ده خطيبها مش جوزها.
فهد : رينو قاعده بعيد عنى ليه ؟
رينو : اتكسفت ووشها جاب الوان . احم انا .
الباب : خبط .
فهد : غمض عينيه بنفاذ صبر . ونفخ بديق حقيقي . وبصوت مدايق ادخل ..
رينو : حست بيه وابتسمت بسعاده ...
الممرضه : دخلت بدلع . مساء الخير ..
فهد : هز راسه . ورينو ردت مساء الخير ..
الممرضه : برقه . حمدالله ع سلامتك يافندم ..
فهد : متشكر .
رينو : حست بالغيره . وقامت وقعدت جمبه ع طرف السرير . والفهد ابتسم .
الممرضه : ممكن ايد حضرتك علشان اركب الكانيولا ..
رينو : برقت وصكت ع أسنانها بغيظ . انا ممكن اركبها لجوزي .
فهد : قلبه بيرقص سعاده وشاف تعابير وشها وكتم الضحكه ..
الممرضه : بصتلها. حضرتك ده شغلى تمام .
رينو : قبضت على ايديها . ومردتش وقعدت زعلانه . وساكته ..
الممرضه : ممكن ايد حضرتك !؟.
فهد : شايف زعل رينو ..وبص للممرضه ببرود لأ . واظن الدكتوره قالتلك انها هتركبها لجوزها. ولا انتى مسمعتيش ؟ اتفضلى سيبى الكانيولا والمحلول واتفضلى ..
الممرضه : بصتلهم بغيظ وسابت الحاجه وخرجت ..
فهد : شاف رينو . قاعده زعلانه . اتعدل وقام وراح قفل الباب بالمفتاح . وراح قعد جمبها . وفك ليها النقاب والحجاب .
رينو : قلبها هيطلع من مكانه . وبتنظم أنفاسها من قرب الفهد وبلعت ريقها بتوتر ونزلت راسها وبصت للأرض..
فهد : شاف شعرها ومسد عليه بحب . ورفع وشها . وبص ف عينيها وقلبه دق وحشتينى ..
رينو : قلبها بيدق ..وبصت ف عينيه . وغمضت عينيها . وانت كمان وحشتنى اوى يافهد ..
فهد : غمض عينيه وقرب منها وباسها من خدها . ودفن وشه في شعرها وضمها لقلبه ..
رينو : مغمضه واتوترت لما باسها من خدها . وبعدها رفعت ايديها وحضنت فهد باشتياق كبير . وفضلو ف حضن بعض شويه . كأن كل واحد فيهم بيتاكد من أنه موجود مع عشقه ..
رينو : طلعت من حضنه . وابتسمت بحب . حمدالله ع سلامتك ياحبيبى ..
فهد : بيتامل فيها . انتى سلامتى يانجمتى ..
رينو : اتكسفت . وقامت . تعالى استريح علشان اركبلك الكانيولا .
فهد : قعد ع طرف السرير . ورينو جابت الكانيولا وهتركبها لكن قلبها وجعها من فكرة انها هتجرحه بالابره ..
فهد : متقلقيش وانتى معايه انا مبحسش غير بيكى وبس ..
رينو : اتنهدت بحب . وغصب عنها ركبت الكانيولا وبصعوبه . وعلقت المحلول . وقالت . تعالى رجع ضهرك ع السرير استريح .ومسكت
الروشته وشافت مواعيد العلاج. وراحت جابت الاكل . ف برشام هتاخدو بعد الاكل .. يلا علشان تتغدي . وفتحت الاكل .
فهد : عينيه عليها وقلبه بيدق سعاده . وقال جواه رينو ماسافرتش يافهد ..
رينو : اخدت الاكل يلا يا فهد بسم الله . وبدءت تاآكله .
فهد : اكل منها . وقال المفروض انا الل ا آكلك .
رينو : ابتسمت . انت ياما اكلتنى يافهد وع طول مهتم بيا . وديما محسسنى انى بنتك مش حبيبتك ومراتك بس ..
فهد : انتى فعلا بنتى يارينو . انتى رقيقه اوى وجميله اوى .
----------------------بقلمى Mariem Nasar
فيلا العدوي .. -------------يتبع
رواية جريمة عشق٣
(عشق الفهد)
بسم الله نبدأ
هنرجع بالوقت قبل ما فهد يفوق من الغيبوبه
الساعه 11 صباحا رينو كانت قاعده جنب فهد وبتتكلم معاه .وقامت قربت منه وقالت ..
. عندي ليك خبر حلو .. النهارده انا حسيت بحركه غريبه في بطني واكتشفت ان ابنك بدا يتحرك في بطني .
رينو .مسكت ايده وحطت ايدو على بطنها . والبيبى اتحرك تحت ايد فهد ..
فهد : حاسة السمع عندو شغاله وبيعافر علشان يفوق . وسامع صوت معشوقته الصغيره . لكن اول ما ايدو كانت ع بطنها وحس بحركة البيبى .القلب ادي اشاره للمخ أنه يستجيب . والمخ استجاب نوعا ما .
.رينو : حاسس يا فهد ابنك بيتحرك .. انا حاسه.. انت اكيد حاسس مش كدا !؟..
فهد : من جوواه سامعها وعايز يرد عليها . خلاص عقله اشتغل . وهايدى اشاره ل ايدو تتحرك .. لكن الباب خبط..
. زين خبط ورينو . نزلت ايد فهد على السرير .وراحت تفتح ...
رينو : اول ما نزلت ايد فهد ع السرير . فهد حرك ايدو . لكن رينو كانت عند الباب .وسامع الحوار ..وبيجاهد علشان يتكلم.
رينو : رجعت عند فهد . وعدلت ايده
. فهد : عايز يقول رينو انا سامعك كويس .. رينو : حبيبي انا هاروح اجيب النتيجه واجيلك ومش هتاخر .. وعارفه هتقول ايه هاركب مع زين .. و هادخل الجامعه ومش هاتكلم مع حد .. ومش هقف مع الدكتور معتز .. وهارجع على طول على هنا .. ما تقلقش انت متجوز بنت بميت راجل وباست جبينه وقالتله استناني هنا هاروح اجيب النتيجه واجي افرحك وودعته وخرجت وقفلت الباب وراها ..
.فهد : سمع رينو وبيحاول يتكلم . ولما سمع اسم معتز المخ اشتغل كويس جدا . ورينو لفت ومشيت .. وفهد فتح عينيه . وبيهمس رينو . مع قفلة الباب . فهد فاق وبيحاول يستوعب وغمض عينيه وافتكر جيسيكا .وبيشوى وتشانغ .واليخت .والقوه .
وصوت الرصاص. وصوت مراد وهو بيصرخ بإسمه . وفتح عينيه على الاخر وشهق واخد نفس عميق وقلبه دق وقال رينو حامل !!!! .
----------------------بقلمى Mariem Nasar
وبعدها بدقايق
الباب اتفتح : ودخلت رنا وطارق .
فهد : غمض عينيه تانى . وسمع كويس صوت رنا وطارق وكان صوتهم حزين جدا .
رنا : قربت وباست جبينه ودعتله يقوم ف اقرب وقت .. وخارجه هي وطارق ولسه هتفتح الباب ..
فهد : نده عليها .. أم فهد .
رنا وطارق . وقفو بزهول مكانهم . ولفو بسرعه . وعينيهم مفتوحه ع الاخر.
رنا : قلبها بيدق بسرعه . وبصت ع طارق . الل واقف وقلبه هيطلع من مكانه وعينيه كلها دموع .
فهد : فتح عينيه . ورفع ايدو . يا أم فهد .
رنا : فاه ...ف . فهد ابناااى . ابناااي وجريت عليه وحضنته . وعيطت بصوت عالى . فهد الف حمد وشكر ليك ياااارب . الف حمد وشكر ليك ياااارب .
طارق : قرب ع فهد وحضنه مع رنا . وبدموع فهد الحمد لله . الحمد لله يارب الف حمد وشكر ليك ياااارب ..
فهد : غمض عينيه وضم أمه وأبوه بحب كبير . بس يام فهد بتعيطى ليه دلوقتي.
رنا : خرجت من حضنه .وباست كل حته ف وشه ومسكت ايده باستها حبيبي نور عينى انا انهارده روحي رجعت ليا من تانى . وسجدت في الأرض لله ودعت بشهقات وفرحه ..
طارق : اخد راس فهد ف وحطها ع قلبه الل بيدق بسرعه كبيره جدا ..ودموعه نازله . الف حمد وشكر ليك ياااارب . الف حمد وشكر ليك ياااارب فهد ابنى رجع من تانى .وضمه اكتر انا انهردا عرفت قيمة الحياه . عرفت قيمة كل حاجه . وباس ع راس فهد . حمدالله ع سلامتك يبنى .
فهد : حضن طارق بتعب . الله يسلمك يابابا انا الحمد لله كويس ..
رنا : صوت عياطها عالى .ودموعها وجعت قلب طارق ..
فهد : بتعب .خلاص يام فهد تعالى بقى ..
رنا : قامت من السجود . بتضحك بدموع . ومسكت وشه بايديها اتكلم يافهد سمعنى صوتك . قولى انا جيت يارنا . لأ لأ قولى انا جيت يا أم فهد . وعيطت اكتر .سمعنى صوتك يافهد الله يخليك .
فهد : حاول يتعدل . وطارق ساعده . وفهد مسك ايديها الاتنين وباس عليهم . ومسح دموعها . انا رجعتلك يام فهد . رجعتلك يارانوش . وعلشان خاطرى بطلى عياط . ومسك ايد طارق . وانا رجعتلك يابو فهد وباس ع أيدو .
طارق : ضحك بدموع . ايوه ايوه انت رجعت من تانى . انا قلبى بيرقص والله من الفرحه . وقعدو جمبه ومبسوطين ..
والدكتور : جه وشال الأسلاك الل متوصله بالفهد وطمنه انه بقى تمام . وهيخرج بكره.
----------------------بقلمى Mariem Nasar
آدم : طالع ع السلم المستشفى وحاطط ايد مريم ف دراعه .
مريم : حبيبى .
آدم : نعم ياروحي ..
مريم : مراد قالك هيجي امتى هو وفريحه؟
آدم : مراد وفريحه ف الطريق يعنى كلها ٥ دقايق ويكون موجود هنا . وكمان محمد ونور
مريم : يوصلو بالسلامه إن شاء الله .. ويارب يارب يوفقك يارينو ياحبيبتى وتنجحى اي حاجه تفرحك ولو شويه .
آدم : باس على راسها . إن شاء الله هتنجح ياحبيبتى . وبإذن الله كل حاجه هترجع زي الاول واحسن ..
مريم : يارب يارب يا آدم .انا بقالى ٣ تيام بصلى صلاة الحاجه . وطول الليل ادعي لابنى فهد والعيله كلها..
آدم : وانا ع يقين إن ربنا هيستجيب منك ياقلب آدم ..
مريم : يااارب يارب يستجيب يا آدم
وماشيين ف الطرقه .
آدم : قال اله قدام اوضة فهد فاضي . هو طارق ورنا ماجوش . ولا اتأخرو . ولا يمكن جوه عند فهد ..
مريم : ممكن . تعالى نبص ع فهد .
آدم : تعالى . وفتح الباب . وشافو طارق ورنا . لأ وكمان فهد قاعد ع السرير ..
آدم : قلبه دق من المفاجاه . وابتسم بفرحه كبيره جدا ..
مريم : بزهول . وشهقت وقلبها بيدق بسرعه كبيره . وضحكت بدموع . فاه..ف..فهد . وبصت ل آدم برجفه. فهد . ي آدم .فهد فاق .
فهد : رفع عينيه . وشاف آدم ومريم وابتسم .
مريم : اتحركت بسرعه . فهد ابنى نور عينى.
طارق ورنا . ابتسمو بسعاده. و قامو من ع السرير .
فهد : ابتسم وفتح ايديه لمريم .
مريم : بتضحك بدموع .وحضنت فهد .بسعاده كبيره جدا وعيطت بشهقات.فهد ابنى نور عينى . اللهم لك الحمد والشكر يارب .
فهد : ضم مريم لقلبه . بس يامريم.الله يخليكى ارحمي نفسك .
مريم : طلعت من حضنه . ومسكت وشه بايديها . انت كويس يبنى مش كدا !؟ انت . انت موجود معانا دلوقتي صح !؟ حلفتك بالله ترد عليا ..
فهد : مسك ايديها وباس عليهم .وابتسم . انا معاكى .وموجود . والحمد لله رجعت تانى .
آدم : قرب من فهد . خلاص يامريم سيبينى اسلم واطمن عليه . الحمدلله أنه فاق ورجع بالسلامه
وآدم : سلم ع فهد بحب كبير . واخدو ف حضنه . حمدالله ع سلامتك ياحبيب عمك.
فهد : ابتسم . الله يسلمك يا عمى .
آدم : باس جبينه . طولت علينا . لكن نحمد ربنا إن النهايه خير . والله يا فهد قلبى بيرقص سعاده .
صوت من وراهم . فااااهد اخويا .وفريحه جريت عليه .وعيطت وبتضحك بدموع .اخويا . فهد الحمد لله يارب ..
وفهد : ضحك وسلم عليها واخدها في حضنه ..
مراد : واقف عند الباب . وجواه حجات كتير متلخبطه . اخوه . وصحبه وزميله . وبيقضي معاه وقت اكتر من عيلته . ولما شاف فهد فايق . حس بضربات قلب متلخبطه ..
فهد : حس بيه . وقاله . انت كنت مفكرنى هسيبك ف حالك . يبقى بتحلم ياصقر .
مراد : ضحك وبيكابر دموعه . واتحرك بخطوات بسيطه .
وفهد : قام من ع السرير . بتعب .
مراد : وصل عند فهد ووقف قدامه وبصله كتير ..
فهد : واقف وبص لأخوه الكبير المشاكس وصديق عمره . وجوز أخته وزميله .
والكل واقف ومتأثر ع مبسوط ع فرحان ودموعهم نازله ..
وبعدها بلحظات حضنو بعض بحب كبير جدا . ومراد بيضحك لكن غصب عنه دمعه نزلت منه . وربت ع ضهرو حمد لله على السلامه ياحوت .
فهد : مبتسم . وربت ع ضهر مراد الله يسلمك ياصقر .
وبعد : شويه . فارس وردوي دخلو . ونفس الزهول والفرحه والاشتياق الكبير من فارس لتوأمه . وبعدها محمد ونور . وفرحو جدا جدا .
ولكن فهد : عينيه بتدور ع معشوقته . وجواه لهفه واشتياق كبير جدا ليها ..
وبعد كده . زياد ومالك ويوسف . وكل العيله عرفت وفرحت جدااااا .واتجمعت . وسلمت ع فهد . وبعد دقايق . رنا أآكلت فهد حاجه بسيطه .
مراد : قاعد مع فهد. وبيفكرو بكل حاجه . وإن مراد ضلعه اتكسر وهو بينط من اللانش لل اللانش الل كانت عليه جيسيكا . وهي ضربت نار . ومراد محسش بأى حاجه غير بعدها . وحكاله أن فهد بقالو شهر واكتر ف الغيبوبه . وفريحه حكتلو ع مواقف العيله . وتحديداً رينو وانها ماسابتوش لحظه واحده وطول الشهر قاعده جمبه.
الاوضه . كانت زحمه بكل الحبايب . والكل بيبارك ل رنا وطارق ع سلامة ابنهم ..وطارق رجع يهزر من تانى ورنا من سعادتها صغرت يجي 10 سنين
وف وسط الزحمه دي .
. فهد : قاعد ع السرير .وقلبه مشتاق وعايز يشوفها بأى طريقه .. وبيفكر ياترى رينو سافرت البعثه ؟ لا اكيد مسافرتش اصل البعثه المفروض الترم كامل ! طيب مش يمكن سافرت ولما عرفت رجعت !؟ لا انا هتعب نفسي ليه.انا أسأل نور احسن.. وشاور ل نور .
نور : راحت بسعاده كبيره . نعم يا فهد .
فهد : بتوتر . كأنه لسه خاطب .. نور هي رينو سافرت !؟
نور : بعدم فهم . سافرت !!!؟ سافرت فين مش فاهمه !؟
فهد : مش عايز . يفسر كلامه . احم يعنى بعد ما انا سافرت ع المأموريه . رينو مسافرتش لأى مكان !؟
نور : بصوت مهموس .هي الرصاصه أثرت على مخه ولا ايه !؟ لا يا فهد رينو ماسافرتش لأى مكان . وهتسافر تروح فين يعنى !؟ وكمان لوحدها !؟
فهد : قلبه بيدق بسعاده كبيره . ها لأ يعنى انا قصدى رحله تبع الجامعه !
نور : بدهشه . لأ ده اكيد الغيبوبه أثرت عليه . احم واحنا من امتى بنطلع رحلات لوحدنا . بص يا فهد انت ارتاح شويه شكلك مرهق .
فهد : فرح جداااا .. وغصب عنه ابتسم . وقلبه دق لل مشتاقلها اكتر من اي حد . وقال جواه يعنى رينو ماسافرتش.
----------------------بقلمى Mariem Nasar
وجه الدكتور والممرضه علشان ينقلوه غرفه عاديه .
فهد : بص للدكتور . وآدم وطارق ومراد .
مراد : راح عند فهد . ايه يبنى عايز تقول حاجه ..
فهد : ايوه يامراد اسمع انا مش عايز رينو تعرف من اى حد انى فوقت . انا عايز افاجئها بنفسي فاهمنى .
مراد : هز راسه . اممم تمام . سيب كل حاجه عليا .
فهد : تمام ..
مراد : اخد الدكتور بره الاوضه . وقاله انه يسيب فهد شويه بس ف الأوضه لأن ف شخص مهم جاي وفهمه بطريقه غير مباشره .والدكتور هز راسه وقال خلاص ماشي واتحرك هو والممرضه .
الكل خرج بره الغرفه علشان فهد يستريح شويه ..
مراد : شرح للكل أن مفيش حد يقول ل رينو أن فهد فاق . احنا هنسيبها تعرف لوحدها .
والكل ضحك بفرحه واتفقو انهم مش هيتكلمو .
يوسف : جري عليهم بسرعه . زين ورينو وصلو و نازلين من العربيه ..
محمد ونور : قامو بسرعه ودخلو ع الفهد . ووصلو الأسلاك كاتمويه علشان رينو ماتشكش . وقاله لفهد رينو طالعه
فهد : قلبه دق دقات مضطربه ع لخبطه وفرحه واشتياق وكل حاجه حلوه .. وهمس وغمض عينيه .رينو ..
محمد ونور ظبطو كل حاجه بسرعه وخرجو ..
زين ورينو وصلو عندهم . وعرفهم ان رينو نجحت بتقدير امتياز مع مرتبة الشرف ..والكل فرح من الاخبار السعيده الل جت في يوم واحد. ورنا قامت بفرحه وسلمت عليها .
فهد : جوه سمع صوتهم وهما بيباركو ليها . ونفسه يقوم ياخدها ويخبيها بين ضلوعه ..
الباب : اتفتح ورينو دخلت . وقلب الفهد بيدق بسرعه كبيره جدا...
كلهم بره مبسوطين جدا ..
زين : بعدم فهم . هي رينو اكتشفت الذره ع الفرحه دي انا مش فاهم حاجه ..
مراد : لا متشغلش بالك . اصل فهد فاق من الغيبوبه ..
زين : هز راسه . وبعدها رفع راسه .وفتح بقه
.وبصله بزهول . ايييه فهد فاق . واتحرك دى رينو هتفرح اوي انا هدخل اقولها .
مراد : مسكه من قفاه . تعالى هنا . واحنا يعنى مش كنا قادرين نقولها . سيبها هي هتعرف دلوقتي ...
زين : هرش في قفاه . والكل ضحك عليهم..
رينو : قلعت النقاب والحجاب .. وراحت قعدت جنب فهد ومسكت ايده باستها حبيبي انا نجحت انا جبت امتياز ومع مرتبة الشرف .
فهد : مع لمسة أيدها كان هايقوم لمعشوقته الصغيره .لكن صوتها واحشه جدا ..
رينو : انت دايما كنت تقولي عايزك يا رينو على طول تجيبي امتياز .. وضحكت انا مش عارفه ازاي جبت امتياز يا فهد بس حصل وخلاص . ويلا قوم بقى علشان تباركلي .
فهد : قلبه بيرقص اول ماسمع الضحكه الل محروم منها ..
رينو : فردت دراع فهد و حطت راسها على صدره وقالت باشتياق . قوم بقى يا فهد .. انا عايزه اعرف في بطني ولد ولا بنت و عايزاك تقولي مبروك يا رينو علشان انتي حامل .. وكمان نجحتي .. وغمضت عينيها واستكانت في حضن فهد واتنهدت .وحشتنى.. وحشتنى اوى يافهد
فهد : بيسمعها وخلاص مش قادر .مايفتحش عينيه ويكلمها . ولما حطت راسها ع صدره . فهد فتح عينيه .وابتسم بفرحه لما قالت ولد ولا بنت . وقلبه بيدق وحس انها هتكشفه من دقات قلبه المسموعه ..ومقدرش يبعد عنها اكتر من كده . ورفع ايدو وحاوطها بايديه الاتنين وضمها لقلبه باشتياق كبير ..
رينو : بدهشه وضربات قلبها هتطلع من مكانها قالت فاااااااهد ..
فهد : حضنها لقلبه باشتياق كبير .. قلب الفهد يا رينو ..
رينو : مزهوله وعينيها مفتوحه ع الاخر . وبتروح يمين وشمال . ودموعها اتجمعت .. ومش مصدقه . وكلبشت ف الفهد . وصرخت بصوت عالى فااااهد . فاااهد . وبتضحك بدموع من الفرحه ..
فهد : اتعدل وهي ف حضنه . وضمها لقلبه باشتياق كبير وخباها جوه حضنه . وغمض عينيه . واتنهد بحب كبير . حبيبتي وحشتينى اوى يارينو ..
رينو : سمعت صوت فهد . وعيطت بصوت عالى بوجع كبير . لانها مش مصدقه أن فهد رجع الحياه من تانى . وقالت فهد انت رجعتلى . انا مش بحلم لأ . انا مش بحلم . انا ف حضنك ااااه يافهد لو تعرف انا من غيرك كنت عامله ايه .. وعيطت بشهقات وكلبشت فيه اكتر اتكلم يافهد عايزه اسمع صوتك .
فهد : دفن وشه في شعرها . انا جمبك ومعاكي انا فهد حبيبك يارينو . انا رجعتلك . انا معرفش اعيش من غيرك. انتى عشق الفهد يارينو .
رينو : طلعت من حضنه برعشه . ومسكت وشه بايديها . وبتتامل عينيه وحركاته . وبتحاول تقنع نفسها انها مش بتحلم . ودموعها نازله ع خدها .
فهد : عيونه لمعت بدموع . ورجع خصله شعر ورا ودنها . مسك وشها بايديه .وباس دموعها وحشتينى .
رينو : اول ما سمعت وحشتينى قلبها هيطلع من مكانه . رمت نفسها ف حضنه بعياط هيسيترى . فهد ماتسبنيش تاني يافهد ماتبعدش عنى تانى ارجوك .
فهد : اخدها ف حضنه . وقلبه وجعه عليها . ومسد ع شعرها .شش رينو . بس علشان خاطر فهد حبيبك . بلاش دموع انتى عارفه انى مبحبش اشوف دموعك ابدا . وبعدين ياروحي انا جمبك ومعاكي . انا رجعت لنجمتى .
رينو : ضحكت بدموع .فهد انا حامل يافهد.
فهد : قلبه دق كتير . وغمض عينيه وابتسم . مبروك .الف مبروك ياقلب فهد ..
رينو : خرجت من حضنه . وباست جبينه وراسه .ومتلخبطه .. انت كويس يافهد . فيك حاجه ، حاسس بأى الم . انت لسه تعبان مش كدا . انا .انا هاقوم انده الدكتور . واه دى ماما رنا هتفرح اوي . وبابا طارق . وكل العيله هتطير من الفرحه . انا هلبس حجابى ونقابى وهفرحهم . ونزلت من ع السرير وشهقت .
فهد : مبتسم للهفتها عليه . واول ما نزلت شدها لحضنه اووى . وحشتينى . وحشتينى اوى اوى ياعشق الفهد .
رينو : رينو غمضت عينيها بحب واستكانت ف حضنه . وانت كمان وحشتنى اوى يافهد . فهد انا بحبك اوى .
فهد : بيمسد ع شعرها . مبروك لنجاحك ياروحي .
رينو : خرجت من حضنه . وبصت ف عينيه . انهارده اجمل يوم ف حياتى كلها يافهد . مش علشان نجحت لأ . علشان فهد حبيبى وجوزى جمبى . فهد رجع ل رينو بالسلامه ودي اجمل هديه ف الكون كله. انا مش عايزه حاجه تانى . انا اكتفيت برجوعك وبس . انت دنيتى كلها . انت نجاحى ومستقبلى . انا روحي رجعتلى من تانى يافهد . انا رجعت اتنفس من تانى . فهد وجودك جمبى معناها العالم بين ايديا . وابتسمت بدموع . حمدالله ع سلامتك ياحبيبى .
فهد : بيسمع معشوقته الصغيره . والإبتسامة اترسمت ع وشه . وعيونه بتاخد اسكرين لل واحشاه اوى . واتنهد بعشق . سلامتى انى شوفتك من تانى . سلامتى انى اخدك ف حضني من تانى . انا مش عايز من الدنيا غيرك انتى وبس . انتى يارينو انتى حبيبتي وبنتى ومراتى وروحي . انتى وحشانى ووحشتينى . انتى كلك ع بعضك وحشانى . انا بحبك اوى يارينو .
رينو : دموعها نازله . وحطت راسها ع صدره . وضحكت بسعاده انا اخيرا لقيت أماني ..
واتكلمو مع بعض اكتر من ساعه ونسيو العالم كله ..
----------------------بقلمى Mariem Nasar
مراد : بيهز رجله و قاعد بره مع العيله . وبص ل طارق . اومال ايه ياعم طارق . ابنك كل ده بيفاجأها . ده بيشرحلها فوايد الغيبوبه ولا ايه ؟
كل العيله ضحكت عليه ..
طارق : ههههههه . والله منا عارف . اكيد كان ف عطل فنى ف الغيبوبه هههههههههه .
آدم : جرا ايه ياخفيف منك ليه . مش هتلم نفسك انت وهو ولا ايه ؟
مراد : بزمتك ياحج يرضي مين . بقالو ساعه بيفاجأها . انا تعبت من المفجأه بصراحه .
آدم : وانت مستعجل ليه .وراك ايه وبعدين ركز مع نفسك ..
مريم ورنا قاعدين جمب بعض . والضحكه مرسومه ع وشهم ..
زين : قام وقف اوووف . انا ورايه شغل . والله لا داخل عليهم . انا هدخل وسع كدا ياعم انت وهو . وراح خبط ع الباب ..
وكلهم بيضحكو على زين ..
فهد : واخد رينو كلها ف حضنه وبيتكلمو مع بعض وعرفها إن العيله كلها عرفت أنه فاق. وحاطط ايده ع بطنها بيتابع حركة البيبي . وبيضحك وفرحان .
رينو : عندها حالة بلاها ورافعه راسها وهي ف حضنه وعينيها ع فهد بتاخد اسكرين. وساكته . وفاقو على صوت الباب ..
فهد : باس رينو من خدها . قومي البسي النقاب ..
رينو : قلبها دق ووشها بقى احمر جدا . وقامت بحرج . ولبست الحجاب والنقاب ..
وفهد عينيه عليها . واتنهد بعشق .
زين خبط تانى . وفتح الباب ودخل . وابتسم بفرحه كبيره . الف حمد لله على السلامه يا بطل . وراح لعنده وحضنو بعض بسعاده كبيره .
ورينو : خرجت بسرعه وجريت ع ابوها واترمت في حضنه من السعاده . بااابى فهد فاق يابابى .
آدم : بيضحك من قلبه . ايوه ياحبيبت بابى . فهد فاق ورجعلك بالسلامه ..
رينو : خرجت من حضنه . بابى انا فرحانه اوي اوي . انا. انا . مش عارفه مش عارفه . انا مبسوطه ..
كلهم فرحو علشانها .وحاسين بيها .
رينو : مامي وراحت عند مريم وحضنتها . وعيونها اتملت بدموع مامي انا مبسوطه فهد رجعلى جوزي رجعلى تانى ..
مريم : ضحكت بدموع . الحمدلله يانور عيني . نحمد ونشكر ربنا .
رينو : انا . انا هصلى ركعتين شكر لله ع الهديه الجميله دى . بجد اجمل هديه ف الكون كله.
وراحت تصلى ومعاها رنا ومريم .ونور وفريحه .
وآدم وطارق ومراد والشباب راحو يصلو .
----------------------بقلمى Mariem Nasar
وبعدها فهد اتنقل لغرفه خاصه .
وأغلب العيله اطمنت ع فهد وسلمو عليه ومشيو ع اشغالهم ..
فهد : قاعد ع السرير . ورينو قاعده جمبه كأنها طفله صغيره وماسكه ايد فهد ومش عايزه تسيبها . وده مخلى قلب الفهد مبسوط جدا.
آدم وطارق ومحمد ومراد .ومريم ورنا ونور وفريحه قاعدين مع فهد .
طارق : الحمدلله يارب ع نعمك علينا . اظن كدا بقى يا آدم ياخويا نوفي بالوعد ..
آدم : هز راسه . ايه رايك تبقى عندي ف الفيلا .
طارق : لا معلش هتبقى ف الفيلا عندى .
آدم : تمام زي ما تحب .
مراد : طيب نفهم ممكن ولا ايه ؟
طارق : حقك يانجم . دلوقتي لما انت وفهد كنتو ف المستشفى . آدم قال هيدبح عجلين ويوزعهم ع الغلابه . وانا كمان . وفعلا آدم وانا عملنا كدا لما فهد كان ف الغيبوبه ايام الله لا يعودها يااارب . كلهم أمين .
..وكمل وقال . وابوك قال لما فهد يقوم بالسلامه إن شاء الله هنعمل حفله كبيره. ونعزم كل العيله والأصدقاء المقربين . وف نفس الوقت . كل واحد فينا انا وآدم هندبح عجلين كمان ونوزعهم ع الغلابه . بمناسبة رجوعك انت وفهد بالسلامه .
مراد : هز راسه. اممم جميل جدا
ومريم والبنات كلهم قالو فكره جميله اوي .
فهد : بيسرق النظرات لمعشوقته . الل قاعده مبسوطه ومكلبشه ف ايديه .
رنا : للحظه كشرت وعيونها لمعت بدموع ..
طارق : لاحظ دموع رنا . وقام من جمب آدم . وراح قعد جمبها . ومسك ايدها مالك يارنا . شكلك مش مبسوط ليه ياحبيبتى . وكمان بتعيطى ليه !؟
فهد انتبه.وضغط ع ايد رينو بحنيه .ثوانى ياحبيبتى . وحاول يقوم .ورينو بتساعده وخايفه عليه . ع مهلك ياحبيبى .
رنا : شافته . خليك مكانك يافهد . متتعبش نفسك ياحبيبى ..
فهد : ماسمعش منها وقام . وقعد جنبها ومسك ايدها وباسها . تعبك راحه يام فهد . لكن عايز اعرف دموعك دي ليه !؟
رنا : بصوت مبحوح . ومسكت ايد فهد وبصتله بترجي . كفايه كدا يافهد . كفايه لحد كدا ياحبيبى .!
فهد : بعدم فهم . كفايه كدا؟ كفايه ايه يا امي انا مش فاهم .!؟
رينو : قامت بدموع وترجي . ماما رنا قصدها.
إنت وأبيه مراد ان كفايه لحد كدا عذاب ليكو ولينا . بجد احنا تعبنا اوي يا فهد .
فهد ومراد بصو لبعض . وسكتو .
مريم : ابتسمت بدموع . ورعشه . اه ياحبايبى ياريت . أمنية حياتى انكو تعيشو ف امان . والله قلبى تعبنى عليكو وعيطت.
محمد : بخوف ع مريم . قام وقعد جمبها . وربت ع ضهرها انتى اخدتى العلاج ؟
آدم : هز راسه لمحمد . ايوه انا متابع علاجها وبتاخدو ف وقته .. وحاوطها من كتفها . بس اهدى يامريم انتى تعبانه .
مراد : قام بزعل عشان مريم .. ونزل على ركبه قدامها وباس أيدها . انا ماشوفتش ولا هاشوف ف حياتى كمية دموع غير ف العيله دي . يعنى احنا مبسوطين برجوع الواد العبيط ده تقومو تخترعه حاجه تنكد علينا .
مريم : بصتله . غصب عننا ياحبيبى والله . انت متعرفش قلوبنا بتبقى عامله ازاى وانتو بعاد عننا و الخطر محاوطكو . وكمان بعد المسافه ده مميت يامراد يبنى . انا مش عايزه احلفك بالله . لانى عارفه انت وفهد بتحبو شغلكم قد ايه . لكن هاقولك شوف المرادي ربنا نجاكم من الموت . واحنا فعلا كنا بنموت. وقبل ما تقول إرادة الله . احنا مش معترضين على أمر ربنا . بالعكس احنا راضيين وموحدين ومؤمنين بالله . لكن مهما كان الضنا غالى اوى . ومرارة الفقد وحشه اوي يامراد يبنى . الفراق مميت وإحساسه بشع . وخصوصاً لو حد من الولاد . انا بتمنى من الله أنه يجعل يومي قبل يومكو كلكو . انا عمرى ما هستحمل خسارة حد فيكم .
آدم : بيسمعها وزعلان علشانها ..واول ما دعت ع نفسها غضب جدا ..وزعق بصوت عالى ليها . جرا ايه يامريم . ف ايييه . انتو بتحبو تحرقو دمنا دي عيشه تقصر العمر بجد . وقام وخرج بنرفزه .
مريم : عيطت .
مراد : اتنهد بزعل وضمها . بس يامريم بس . انتى عارفه أن آدم مايقصدش .
مريم : خرجت من حضنه .بدموع روحنى لو سمحت يامراد .
محمد : ربت ع ضهرها . مريم انتى عارفه أن آدم زعلان علشان انتى دعيتى ع نفسك . آدم ماعندوش حد مهم ف حياته زيك ..
مريم : هزت راسها . عارفه يا محمد بس انا تعبانه . ولابسه النقاب . ومش قادره عايزه اروح . وبصت ل مراد هتروحنى !؟
مراد : قام . حاضر ياحبيبتى . قومي .
الباب خبط .
مراد : ثوانى يامريم هشوف مين ! وفتح. وكان مدير الجهاز . مساء الخير .
مراد : ابتسم . اتفضل يافندم اتفضل .
المدير : دخل وشاف فهد وقرب منه وسلم عليه وحضنه . حمدالله ع سلامتك يابطل . اول ما الدكتور يسرى بلغنى انك فوقت انا ماستنتش لبكره . الف حمد لله على السلامه .
فهد : الله يسلمك يا فندم . ده شرف ليا ان حضرتك شرفتنى وجيت بنفسك .
آدم : داخل متنرفز . وعينيه ع مريم الل مدايق منها . وشاف المدير وسلم عليه . وكمان طارق ومحمد ..
البنات كلهم قعدو ف جمب لوحدهم . ورينو عينيها على الفهد .
المدير : انا اتفرجت ع الفيديو الل صورته الظابط رغد . بجد انا مبهور بيكو .وشجاعتك يافهد بجد حاجه تشرف . وخصوصاً ال مراد عمله . وانه انقذك من كيڤين . وقبل كدا فهد انقذ مراد من الموت . بجد يا ابطال انا عمرى ما هلاقي ضباط ع كفأه ووفاء وإخلاص بالطريقه دي . انا فخور جدا بيكو . وانا بصراحه بعد ما شوفت الفيديو والتضحيات الل فيه . وبعد تفكير . انا قررت انى احاول ابعدكو عن اي مهمه خطيره بره مصر مؤقتا لكام سنه قدام . وكمان هتبقى مهمات خفيفه إن شاء الله يلزمها مراد وفهد. . انا ماعنديش استعداد اخسر اهم ضباط عندى .
مراد وفهد بصو لبعض بعدم فهم ومش فاهمين حاجه ..
المدير : قام وقف . ومراد وفهد قامو .
المدير بصلهم وابتسم . بعد يومين إن شاء الله تشرفونا ف الجهاز علشان التكريم والمكافأة يا .. سيادة المقدم مراد . انت والمقدم فهد ..
آدم وطارق ومحمد ابتسمو بسعاده ..
مراد وفهد . فتحو بقهم . ومش مصدقين وف صوت واحد قالو .. مقدم !!!؟
المدير : ضحك . طبعا مقدم . ودي ااقل حاجه ليكو انتو الاتنين والمقدم أكرم . وكمان مكافاه ماليه كبيره جدا . وكمان ف مفاجأت كتير . لكن ع ميعادنا بعد يومين ..الف مبروك يا ابطال والمدير استاذن ومشي ..
رينو وفريحه بصو لبعض وفريحه قالت. يعنى مراد وفهد مش هيطلعو مهمات بره مصر .
رينو : ضحكت بدموع . وسقفت بايديها بصوت مهموس . وفرحت جداا ...
رنا : قلبها هدا نوعا ما من الل سمعتو .
مريم : غمضت عينيها . الحمدلله أن ولادي مش هيبعدو عنى تانى. الحمدلله يارب . يارب احفظهم بحفظك.
نور : قاعده جمب مريم . ومبسوطه ومسكت ايدها . افرحي بقى يامامى مراد بقى سيادة المقدم مراد آدم العدوي . وانتى يارانوش افرحي انتى ابنك بقى المقدم فهد طارق السيوفى . يارب يديم علينا نعمة السعاده بجد والله انا مبسوطه اوى ..
مراد وفهد حضنو بعض ع الترقيه والاخبار الجميله دي . وباركو لبعض .
طارق : بارك لفهد ومراد بفخر كبير.
ومحمد : بارك ليهم وكان مبسوط .
آدم : ضم مراد لقلبه وبارك ليه . وكمان حضن فهد وباركلو . وعينيه ع اميرته ..
آدم : راح وقعد جمب مريم .
مريم : قاعده ساكته .
آدم : باس على راسها . حقك عليا .
مريم : صعبت عليها نفسها . ودموعها نزلت وبصت الناحيه التانيه ..
آدم : زعل من نفسه أنه احرجها وزعقلها قدام حد ودي اول مره يعملها . وفكر . وقال إنه هيصالحها ف البيت . وقام ومسك ايدها . يلا نروح البيت علشان ترتاحي ..
مريم : قامت من غير ما ترد عليه .
آدم : طيب يا جماعه الحمد لله اننا اطمنا ع سيادة المقدم فهد . وابتسم بفخر الف مبروك ياولاد .
مراد وفهد . الله يبارك فيك.
طارق : تروح فين انا هطلب غدا .
آدم : لا غدا ايه انا تعبان وعايز انام بقالنا فتره مكناش بنعرف ننام كويس. اطلب غدا لفهد ..
مراد : قرب من مريم وباس جبينها . اهو شوفتى كنتى قلقانه ع الفاضي . اهو احنا يستى هنفضل جمبك ع طول .اضحكى بقى ..
مريم : ابتسمت بتكليف . انا مبسوطه اوى يامراد علشان انت وفهد هتكونو معانا ع طول ربنا يحفظك انت وفهد يارب ..
مراد : اله ومفيش مبروك ولا ايه. دا انا حتى لسه مترقي .
مريم : ابتسمت من قلبها .. وحطت ايدها ع خدو الف مبروك يانور عيني . الف مبروك يا فهد . ربنا يحقق كل احلامك انت ومراد إن شاء الله .
مراد وفهد الله يبارك فيكي ..
آدم : يلا يامريم . علشان الساعه ٦ وعلاجك كمان شويه .
مريم : هزت راسها . وسلمت ع الموجودين وخرجت هي وآدم .
محمد : بهمس حبيبتي انتى وحشانى اوى .
نور : بحرج وانت كمان وحشتنى اوى ياحماده .
محمد : لا مدام فيها حماده يبقى نروح وحالا . وضحكو بحب . وقامو سلمو ع الموجودين وخرجو .
مراد : قاعد . وفريحه راحت قعدت جمبه بسعاده . مبروك . مبروك يامرادي
مراد : الله يبارك فيكي ياقلب مرادك . افرحي يابت انا بقيت مقدم .
فريحه : انا فرحانه اوي يامرادي . وإن شاء الله هتبقى لواء قد الدنيا .
مراد : ههههه لوا مره واحده . ساعتها هقبض ع ابوكي هههههههههههه .
فريحه : كشرت عينيها . مووراااد .
مراد : قرب منها وهمس قلبه .
فريحه : بهيام . يلهوي بقى .
مراد : وحشتينى يابت المستخبى . بقولك ايه.
فريحه : بحرج . ايه ياحبيبى .
مراد : مش خلاص بقى اطمنا ع اخوكي الل نايم بقالو شهر ده . تعالى بقى نروح ع شقتنا انا عاوز سكر .
فريحه : قلبها دق ووشها بقى احمر جدا . وبصت ف الارض ومردتش .
مراد : هز راسه . استعنا بالله. وقام طيب يا جدعان . الحمد لله اطمنا ع فهد باشا . وانا حاسس ان الجرح ف جمبى شادد عليا ومش قادر اقعد .
فريحه : شهقت بخوف . وقامت . مراد حبيبى فيك ايه . طيب . طيب تعالى نشوف الدكتور .
مراد : مسكها من أيدها وضغط عليها . متقلقيش . انا بس اروح البيت واخد دش سخن كدا وهبقى تمام .
فريحه : اتكسفت ووشها جاب الوان وسكتت
.وبعدها سلمت ع الموجودين .
مراد : سلم ع طارق وفهد . ورنا ورينو واخد فريحه وخرج .
طارق : بص ع فهد شاف عينيه متعلقه ب رينو . وبص ع رنا . حبيبتي تحبى نروح علشان ترتاحي شويه . واهو الحمد لله فهد ابنك زي الفل .
رنا : وهنسيبه لوحدو يطارق .؟
طارق : لوحدو ايه بس . ما هي مراته معاه . وانتى مش شيفاهم متنحين لبعض ازاى يعنى . يلا قومى بدال ماحنا عاملين زي العزول كدا . وبصراحه انا تعبان وجعان نوم . وانتى كمان مكنتيش بتنامي الفتره الل فاتت كويس .
رنا : عندك حق ياحبيبى . خلاص الل تشوفه . وكمان رودي لوحدها في البيت . وبصتله انت طلبت لفهد ورينو غدا ؟
طارق : ايوه من بدرى . طلبتلهم كباب وكفته وشيش وطلبت لينا انا وانتى وفارس ورودي. وزمانه ع وصول .
رنا : ربنا يخليك لينا ياطارق ولا يحرمنا منك ابدا ياحبيبى .
طارق : ولا يحرمنى منك ياقلب طارق . وبص ع فهد ورينو . شوفي العيال متنحين لبعض ازاى . دول نسيو اننا قاعدين .
رنا : اتنهدت بسعاده . لغة العيون الل بينهم دى اجمل حاجه ف حبهم لبعض . ربنا يهنيهم ويسعدهم يارب . فهد ابنك تعب ف حياته ربنا يريح قلبه . وقلب رينو يارب .
والباب خبط . والعسكري دخل ومعاه الأوردر . تمام يافندم . الأوردر وصل .
طارق : هز راسه متشكر يبنى .
العسكرى : تحت امرك يافندم وخرج .
طارق : قام . احم احم الووو انت ياعم المقدم .
فهد : انتبه . ها !! احم نعم يا بابا ..
طارق : نعم يا بابا !؟ نعم الله عليك يا خويا . انا بنادى من امبارح عليك .
فهد : بحرج . لانه كان سرحان ف عيون معشوقته .احم وسكت .
رنا : بنفاذ صبر . انت ياراجل مالك كدا . لازم تحط التاتش بتاعك . وبصت ل فهد وابتسمت وباست راسه . حبيبى الف حمدلله على السلامه ياقلبى .
فهد : ابتسم بحب الله يسلمك يا أم فهد .
طارق : امسك يافهد يبنى . وبص ل رينو . انا عايزك تغذي الواد ده . وبص ل فهد البت دى طلعت عينينا ف اكلها انا عايزك تخليها تاكل كل الاكل ده . يلا ورينا شاطرتك بقى .
رينو : اتكسفت ووشها بقى احمر جدا .
فهد : بص عليها وابتسم بحب . ماتقلقش ياحج ..
طارق : طيب ياحبيب ابوك . انا هاخد امك ونروح دلوقتي . وممكن اجيلك بليل ده لو عايز يعنى .
فهد : بسرعه . لا لا متجيش . احم قصدى متتعبش نفسك . انا هنام بدرى .
طارق : بدهشه . وبص ل رنا . شوفتى اهو سلم نمر اهو . وباعنا ف لحظه ..
رنا : ههههههههه . معلش ياحبيبى احنا هنتصل ع فون رينو ونطمن عليه . وربنا يخليله رينو حبيبته اهي معاه .
رينو : اتكسفت جدا .. وفهد قال والله ما اقصد ياحج انت عارف..
طارق : ولا يهمك يبنى . انا فرحة الدنيا كلها ف قلبى لما شوفتك من تانى .. وسلم عليه . ورنا حضنته وسلمت عليهم . وخرجو ..
فهد : قاعد ع السرير . ورينو قاعده ع الكرسي بعيد شويه .. ومكسوفه ومتوتره وكأن فهد ده خطيبها مش جوزها.
فهد : رينو قاعده بعيد عنى ليه ؟
رينو : اتكسفت ووشها جاب الوان . احم انا .
الباب : خبط .
فهد : غمض عينيه بنفاذ صبر . ونفخ بديق حقيقي . وبصوت مدايق ادخل ..
رينو : حست بيه وابتسمت بسعاده ...
الممرضه : دخلت بدلع . مساء الخير ..
فهد : هز راسه . ورينو ردت مساء الخير ..
الممرضه : برقه . حمدالله ع سلامتك يافندم ..
فهد : متشكر .
رينو : حست بالغيره . وقامت وقعدت جمبه ع طرف السرير . والفهد ابتسم .
الممرضه : ممكن ايد حضرتك علشان اركب الكانيولا ..
رينو : برقت وصكت ع أسنانها بغيظ . انا ممكن اركبها لجوزي .
فهد : قلبه بيرقص سعاده وشاف تعابير وشها وكتم الضحكه ..
الممرضه : بصتلها. حضرتك ده شغلى تمام .
رينو : قبضت على ايديها . ومردتش وقعدت زعلانه . وساكته ..
الممرضه : ممكن ايد حضرتك !؟.
فهد : شايف زعل رينو ..وبص للممرضه ببرود لأ . واظن الدكتوره قالتلك انها هتركبها لجوزها. ولا انتى مسمعتيش ؟ اتفضلى سيبى الكانيولا والمحلول واتفضلى ..
الممرضه : بصتلهم بغيظ وسابت الحاجه وخرجت ..
فهد : شاف رينو . قاعده زعلانه . اتعدل وقام وراح قفل الباب بالمفتاح . وراح قعد جمبها . وفك ليها النقاب والحجاب .
رينو : قلبها هيطلع من مكانه . وبتنظم أنفاسها من قرب الفهد وبلعت ريقها بتوتر ونزلت راسها وبصت للأرض..
فهد : شاف شعرها ومسد عليه بحب . ورفع وشها . وبص ف عينيها وقلبه دق وحشتينى ..
رينو : قلبها بيدق ..وبصت ف عينيه . وغمضت عينيها . وانت كمان وحشتنى اوى يافهد ..
فهد : غمض عينيه وقرب منها وباسها من خدها . ودفن وشه في شعرها وضمها لقلبه ..
رينو : مغمضه واتوترت لما باسها من خدها . وبعدها رفعت ايديها وحضنت فهد باشتياق كبير . وفضلو ف حضن بعض شويه . كأن كل واحد فيهم بيتاكد من أنه موجود مع عشقه ..
رينو : طلعت من حضنه . وابتسمت بحب . حمدالله ع سلامتك ياحبيبى ..
فهد : بيتامل فيها . انتى سلامتى يانجمتى ..
رينو : اتكسفت . وقامت . تعالى استريح علشان اركبلك الكانيولا .
فهد : قعد ع طرف السرير . ورينو جابت الكانيولا وهتركبها لكن قلبها وجعها من فكرة انها هتجرحه بالابره ..
فهد : متقلقيش وانتى معايه انا مبحسش غير بيكى وبس ..
رينو : اتنهدت بحب . وغصب عنها ركبت الكانيولا وبصعوبه . وعلقت المحلول . وقالت . تعالى رجع ضهرك ع السرير استريح .ومسكت
الروشته وشافت مواعيد العلاج. وراحت جابت الاكل . ف برشام هتاخدو بعد الاكل .. يلا علشان تتغدي . وفتحت الاكل .
فهد : عينيه عليها وقلبه بيدق سعاده . وقال جواه رينو ماسافرتش يافهد ..
رينو : اخدت الاكل يلا يا فهد بسم الله . وبدءت تاآكله .
فهد : اكل منها . وقال المفروض انا الل ا آكلك .
رينو : ابتسمت . انت ياما اكلتنى يافهد وع طول مهتم بيا . وديما محسسنى انى بنتك مش حبيبتك ومراتك بس ..
فهد : انتى فعلا بنتى يارينو . انتى رقيقه اوى وجميله اوى .
----------------------بقلمى Mariem Nasar
فيلا العدوي .. -------------يتبع
الاكثر قراءة هذا الشهر :
موعد الحلقة الجديد الساعة ( 4 م ) يوميا ان شاء الله .
الى هنا تنتهى احداث رواية جريمة عشق 3 الحلقة 50 ، يمكنكم اكمال باقى احداث رواية جريمة عشق 3 الحلقة 51 أوقراءة المزيد من الروايات المكتملة فى قسم روايات كاملة .
نأمل أن تكونوا قد استمتعتم بـ رواية جريمة عشق 3 ، والى اللقاء فى حلقة قادمة بإذن الله ، لمزيد من الروايات يمكنكم متابعتنا على الموقع أو فيس بوك ، كما يمكنكم طلب رواياتكم المفضلة وسنقوم بوضعها كاملة على الموقع .