رواية رجل المهام الصعبة الحلقة الرابعة عشر 14 | روايات ندى محسن

نقدم اليوم احداث رواية رجل المهام الصعبة الحلقة الرابع عشر من روايات ندى محسن . والتى تندرج تحت تصنيف روايات رومانسية ، تعد الرواية  واحدة من اجمل الروايات رومانسية  والتى نالت اعجاب القراء على الموقع ، لـ قراءة احداث رواية رجل المهام الصعبة كاملة بقلم ندى محسن من خلال اللينك السابق ، أو تنزيل رواية رجل المهام الصعبة pdf كاملة  من خلال موقعنا .


رواية رجل المهام الصعبة الحلقة 14 | روايات ندى محسن



رجل المهام الصعبة الفصل الرابع عشر

رواية_رجل_المهام_الصعبة
الحلقة 14
للكاتبة/ندى محسن♕Noody♕
#Nada_Mohsen

عشق في المكتب: لو جه وشافك هيتلكك هو اصلا مش طايقني
ملك: مش عارفة ازاي تاني يوم ليكي وتغلطي الغلطة دي
عشق: مهو مكنش ينفع اسيبه يا ملك هينيمه في الشارع هو انا هقولك عليه
ملك: ماما سمعت صوتك امبارح خبطت قالها نايمة وقفل ف وشها البجح
عشق: متدخلوش نفسكوا في مشاكل انا بعرف اتعامل معاه لأني وخداها حياه او موت انتو بقى هتقعوا في مشاكل
ملك: ربنا ينتقم منه
عشق بصت لأيان لقيته مكشر وباصصلها بغضب ابتسمت: وسيادتك مالك
ايان: زهقان
عشق باست خده: والجميل زهقان ليه
ايان نط وقف على رجليها: عايز يشرب بيبسي
عشق ضحكت: ابدآ لا
ايان: عشان خاطري مرة مرة
عشق: شربت امبارح وفي عصير بس بيبسي لا
ملك جت تجري من برا: عشق عمران بيه وصل
عشق: اوووف حبيبي هتنزل تحت المكتب لحد ميدخل وبس ها اوعى تعمل صوت
ايان استخبى تحت المكتب وحاطت ايده على بؤه وعمران دخل وهو لابس النضارة الشمس بتاعته
عشق بصتله وهو دخل: ملك القهوة دخليها على مكتبي مش عايز اي اجتماعات النهاردا مصدع اعتبري مفيش رئيس مجلس ادارة اي حاجة وديها لسليم بيه كفاية الشغل اللي عندي والتصاميم اللي عايزة تخلص
ملك: حاضر امرك
دخل وعشق اتنهدت: الحمد لله
ايان: هو دا الجميل اللي بوظتي عينه
عشق برقت وملك بصتلها بإستغراب: ايه اللي بتقوله دا
ايان: مش انتي
عشق نزلت تحت المكتب وحطت ايدها على بؤه وهمست: شششش حبيبي دا سر بينا ومش لازم اي حد يعرفها
ايان بعد ايدها بنظرة خبيثة:وبعدين هتجيبيلي بيبسي
عشق:يا مستفز واللهي يا ايان انا هعضك
عمران:اومال فين عشق
عشق طلعت بسرعة من تحت المكتب:اصل...القلم وقع نزلت اجيبه
ملك كاتمة ضحكتها
عمران:تعالي
عشق بصت لملك:خلي بالك عليه
عمران بصلها
عشق:الدوسيه يا ملك خلي بالك على الدوسيه ليروح كدا ولا كدا
عمران بصلها وهمس:مجنونة دي مجنونة
ملك ضحكت:حاضر
دخلو المكتب وعمران شاورلها تقعد قعدت وهو مدلها الملف بتاعها بدأت تقرأ وبصتله بإستغراب:ايه المشكلة!
عمران:اهلك ميتين
عشق:اه...
عمران:عايشة لوحدك؟ف حته كلها قرف وبلطجية؟
عشق بصتله بصوت مهزوز:مش لوحدي...انت قصدك ايه...انا عايشة مع اخويا...
عمران:اممم انا بهتم بمنظر العملاء بتوعي وانتي سكرتيرتي ومش عايز اي نوع من الفضايح فاهمة اكيد فهماني؟
عشق بصتله:انت عايز ترفدني يعني انت زي مبيقولو انت بتتلكك انا اعتذرتلك حقيقي مكنتش اقصد بس انا مبشوفش في الضلمة وكمان انا خوفت انا اسفة تاني وتالت وهفضل اقولهالك انا اسفة....لكن مش هسمح بأي حاجه من كلام حضرتك
عمران:اي غلطة منك مقصودة او لاء اعتبري نفسك برا
الباب اتفتح ودخلت سهيلة:تسمح تقولي هنعمل ايه في التصاميم اللي لسة مخلصتهاش مطلوب مننا نعمل تصميم للڤلة يكون جديد مختلف يا استاذ عمران انت مستهون
عمران:بدأت فيه اهدي بس كدا هو استاذ سليم هو اللي بعتك خدي اديله دول
سهيلة خدته بضيق وبتقلب فيهم ابتسمت وبعدين ضحكت وبقت تتنطت:دول تحفة ايه الجمال دا دي موديل جدا ڤلة على شكل كاس
عمران ضحك:هو دا بس اللي عجبك؟؟
سهيلة حضنته وهي فرحانه:ايوا كلهم جنان ثواني وجيالك
بصت لعشق:مين انتي؟؟
عمران:السكرتيرة بتاعتي الجديدة انجزي بس ووريهم لبابا
سهيلة ابتسمت وهزت راسها بإيجاب وخرجت
عشق بصتله:هخرج...
عمران:اخرجي
خرجت وبصت تحت المكتب لقت ايان نام اتنهدت بحزن وقلعت الچاكيت بتاع الفستان وغطته وهمست:اسفة يا حياتي انت بس مكنش في حل غير اني اصحيك بدري
ملك:مدتيهوش لماما ليه
عشق:مش عايزة اتقل عليكوا وانا عارفة ان باباكي بيضايق مننا يا ملك...انا مش ناقصة مشاكل والقمر الصغنن دا مش ناقص وهو حساس جدا تصدقي انه بيتأثر من تعابير وش اللي قدامه
ملك ابتسمت بحزن:هو خد عنكوا فكرة وحشة من ساعة ممامتك اتجوزت و..
سكتت وعشق بصت في الكومبيوتر بتحاول تلهي نفسها

#رواية_رجل_المهام_الصعبة
للكاتبة/ندى محسن ♕Noody♕
#Nada_Mohsen

اوتار فتحت عينها شافت عز قدامها باصصلها قعدت بسرعه:انا فين ...
عز عينه موجهه ناحية بطنها
اوتار استغربت وبصتله:في ايه يا عز....
عز بصلها
اوتار وقفت بسرعة وداخت وقعدت على السرير :اااه دماغي
عز ساكت وحاسس الدنيا كلها بتلف بيه ازاي حامل؟؟
اوتار بصتله باستغراب:في ايه
عز :قومي اروحك
اوتار وقفت ومشيت معاه باستغراب وهو ساكت وحاسة ان في حاجه اتكلمت بتردد:في ايه يا عز
عز ساكت
اوتار:عز في ايه انت كويس
عز مبيردش وبيسوق وهي قلقت وبقت مركزة معاه وقف قدام عمارة سراج:انزلي
اوتار:هو في ايه يا عز مالك؟؟
عز:انزلي
اوتار نزلت وهو مشي طلعت شافت الباب مفتوح دخلت شافت سراج قاعد حاطت رجل على رجل
سراج:ازيك يا حلوة
اوتار قفلت الباب وجت تدخل الاوضة
سراج:كنتي فين
اوتار:مع عز
سراج:فين
اوتار:تعبت ووداني المستشفى
سراج ابتسم عشان مكذبتش:طيب انا جعان هتاكلي معايا
اوتار:عايزة اكلم زياد بقى ممكن
سراج ابتسم:ممكن يا نور عيني
اوتار دخلت وهي مستغربة هدوئه:اكيد بيفكر في مصيبة مهو اللي زيه ميرتحش الا لو في مصيبة..
اتصلت بزياد
زياد ابتسم لما شاف رقمها ومصدقش :اوتار حبيبتي انتي فين اوتار تليفونك اتقفل ليه حبيبتي طمنيني عليكي
اوتار بإحباط :انا كويسة انت ايه اخبارك وطنط اماني
زياد:كويسين يا اوتار قوليلي انتي فين
حست بأيد حاوطتها اتنطرت وبصت لسراج
اوتار:انا هتخطب.....
سراج قرب حط ايده على كتفها وهي بعدت
اوتار:هكلمك بعدين
قفلت وبصتله :في ايه انت عايز ايه
سراج:عايز احضنك
اوتار بقرف:لو قربت مني انا هموتك انت ايه البرود اللي في دمك دا
سراج مسك سكينه وشدها لوى دراعها وحط السكينة على رقبتها وهي اتصدمت وبتبعد رقبتها لورى وهو حضانها وابتسم:شوفتي ازاي جيتي ف حضني اومال لو جرحتك جرح صغير
اوتار بدموع :ابعد عني يا سراج انت مريض
سراج:تعرفي اني بحبك جدآ
اوتار بغضب:ابعد عني
داست على رجله وبعدت وهي بتمسح هدومها بقرف
سراج:ايه دا للدرجة دي بتقرفي مني
اوتار:انا بكرهك انا مبطقش اشوفك او اسمع صوتك انت كابوس بالنسبة ليا شيطان
سراج بصلها بحزن:بس انا بحبك ومش هأذيكي انا لو عايز ءأذيكي كنت عملتها انا مش عايز اكسرك ومش عايز اجرحك
اوتار بسخرية:هو انت لسه هتكسرني او تجرحني انت مصدق نفسك بتقول ايه هاااا مصدق نفسك يا بني ادم انت
سراج:اوتار انا بحذرك انا حلو اوووي معاكي فمتخلنيش اندمك واعدلي طريقتك معايا فاهمه عشان مش هيعجبك وشي التاني والله وهخليكي تلعني حياتك
خرج وهي رزعت باب الاوضه بقرف وكلمت زياد قالتله انها هتتخطب
زياد:ازاي يا اوتار ازاي هتقبلي بيه وانتي انتي كنتي بتحبي عز ايه اللي اتغير من يوم وليلة يا اوتار اكيد في حاجه حبيبتي انتي زي اختي قوليلي مالك بس ايه اللي حصل يا اوتار
اوتار بدموع:زياد متضغطش عليا انا مكلماك عشان تعبانة نفسيآ بس دا مش هيتغير انا هكلمك بعدين عشان انا مخنوقة
قفلت معاه وقعدت تعيط

#رواية_رجل_المهام_الصعبة
للكاتبة/ندى محسن ♕Noody♕
#Nada_Mohsen

دخل البيت بهدوأ وسارة ابتسمت: حمدلله على السلامة
تقى جريت حضنته وهو ثابت مكانه
تالين بعدتها بغيظ وحضنته هي:انت مالك يا عز
تقى اتعصبت منها خصوصآ انها عارفة انها مش اخته وبقت تغير من تالين من قربها لعز
عز:مفيش يا روحي هروح اغير
احلام:مالك يا حبيبي شكلك ليه متغير
عز بنفاذ صبر:خلاص يا ماما قولت مفيش
حسام باصصله
عز:بعد اذنكوا....
طلع وهما قعدو بإستغراب
سارة:انا هطلع اشوفه ماله
حسام اتنهد بضيق
عز قاعد حاطت راسه بين ايده وحاسس انه تايهه:ازاي دا حصل...ازاي اوتار....انتي ازاي قبلتي بكدا...انتي جوازك منه دا عشان انتي...عشان عرفتي انك حامل!!انتو كلكوا خاينين انتو كلكوا خاينين
سارة دخلت شافته قاعد قربت قعدت على الارض قدامه:انت مالك يا عز في ايه
عز:براا
سارة:لا مش هسيبك لازم تقولي في ايه مالك
عز:مليش ابعدي عني
سارة:لا فيه ولازم اعرف
عز:قولتلك ابعدي عني حلي عن دماغي
سارة:ايه اللي مضايقك يا حبيبي
عز زاها وقام بغضب:انتو خونه انتو خونة كلكوا انا بكرهك وبكرهها انا بكرهها
الدموع لمعت ف عينه غمض عينه بعنف وضرب ايده في ازاز البلكونه كسرو وسارة صوتت بفزع:عععز حاسب
عز بقى عمال يكسر فيه بعنف وايده بتنزف
سارة بتحاول تمسكه او تسيطر عليه مش عارفة وكلهم جريوا على فوق بسبب الصوت
احلام بغضب وخوف:عز ايه اللي بتعمله دا بس
عز بعد وجه يمشي تالين مسكت ايده:عز استنى انت بتنزف
عز اتمالك اعصابه وبعد ايدها بهدوأ ومشي
احلام: انا هتجنن هو ماله في ايه ايه اللي حصله عز

#رواية_رجل_المهام_الصعبة
للكاتبة/ندى محسن ♕Noody♕
#Nada_Mohsen

عمران خرج: انتي لسة هنا منزلتيش ليه تاكلي
عشق بتوتر: هاكل هنا جبت اكل اتفضل حضرتك
عمران هز راسه بإيجاب ونزل
عشق ابتسمت وخرجت ايان
ايان بالم: ضهري وجعني
عشق: معلش حقك عليا مين هيااكل البرجر اللي بيحبه
ايان ابتسم: انااااا
عشق ابتسمت: طب يلا تعالى اقعد على المكتب بقى
ايان هز راسه بنفي: لا قعديني على رجلك واكليني
عشق: ايوا يا عم بقى مين يلاقي الدلع وميتدلعش
ايان ضحك ونط قعد على رجليها وهي فتحت الاكل وبتأكله
ايان خد الاكل هو بيأكلها: انتي مش كلتي
عشق ابتسمت: انا بشبع لما بأكلك
ايان: هو انتي مش بتكرهيني
عشق بصتله بصدمه: اكرهك؟ لا طبعآ انت حياتي كلها ازاي اكرهك يعني
ايان: عمو هاشم قال كدا وانتي بتضربي بسببي
عشق ابتسمت وباست ايده وهي بتزغزغه:حد يكره العسل دا شعر اصفر وعيون خضرا وابيض وحتت سكرة وخدود فراولة
ايان بيضحك
عشق ابتسمت وحضنته وعينها مدمعة
ايان:كفاية انا شبعت بقى هنزل تحت المكتب
عشق:افرد الچاكيت بتاعي على الارض واقعد او البسه هو هيبقى عليك كلك
ايان هز راسه بإيجاب:حاضر
عدت الأيام بسرعة وعز طلع مهمة مع فريقه وفريق احمد واتصاب فيها وكان محجوز في المستشفى بقاله يومين والرصاصة اصابت صدره لحد خطوبة سراج واوتار
عز بيلبس وهو بيتألم
سيف وعمران دخلوا واتفجأو بيه سيف اتكلم: في ايه يا عز انت رايح فين انت تعبان
عز بغموض: النهاردة خطوبة سراج مش هتبارك لصاحبك
سيف: عز مش لازم تروح
عز: ازاي ازاي افوت الحفلة دي
عمران:عز اسمع الكلام اوتار انت مش لازم تقابلها دلوقتي
عز ضحك لحد متألم حط ايده على صدره:ااه لا ضحكتني انت فاكر انها تهمني بجد من كل عقلك لاء بيتهيقلك
سيف:عز بلاش تضغط نفسك انت تعبان
تقى دخلت:انا جهزت يا حبيبي
تالين مسكت ايد عز:انت متأكد انك عايز تروح يا عز؟
عز ابتسم:دا واجب واجب...
تقى بصت لتالين ولأيدها بضيق ووقفت بينهم:مش يلا بقى
عمران بص لسيف:انا جاي معاكوا
سيف هز راسه بإيجاب

#رواية_رجل_المهام_الصعبة
للكاتبة/ندى محسن ♕Noody♕
#Nada_Mohsen

سراج ابتسم:زي القمر الفستان زي القمر عليكي
اوتار بصت في المراية بنظرة حزينه
سراج عينه جت على ايدها:ايه اللي ف ايدك دا
اوتار بصت للخاتم اللي عز لبسهولها وابتسمت:خاتم
سراج صفر:بس شكله غالي اووي انتي جبتيه منين دا
اوتار مسكت ايدها وابتسمت بحزن وهو فهم
سراج مدلها ايده:هاتيه
اوتار بعدت ايدها:لاء مش هتاخده مني
سراج:انا مش عايز امد ايدي عليكي فهاتيه عشان ممسكش ايدك وتضايقي
اوتار بعدت:لا
سراج بنفاذ صبر:كدا كدا غصب عنك هتقلعيه عشان تلبسي بتاعي انا يا نور عيني
اوتار بصتله بتحدي:اه اكيد
الحفلة بدات والكل وصل وعز حاسس بألم كل مادا بيزيد وتالين ماسكه في ايده وتقى هتتجنن وغيرانه ومش قادرة تتكلم
اوتار خرجت وقعدت جمب سراج اللي ابتسم وقعد والأغاني اشتغلت واوتار كانت عنيها على عز عينهم اتلاقوا في نظرة بمشاعر متناقضة مشاعر اوتار المستغربة والمشتاقة ومشاعر عز الساخرة والحزينه وبتلقائية همس في نفسه:يا ترى قلعت الخاتم بتاعي ايدها مش باينه مغطياها بالفستان يا ترى قلعته...ايه الغباء دا يا عز انت بتفكر ف ايه اكيد قلعته دي حامل فوق بقااا فوق...
سيف:عز انت كويس
عز ابتسم:نفسي في كاس
تالين:لا يا عز متشربش
تقى بضيق:يا ستي انتي مالك هو انتي هتمشي كلامك عليه
تالين:ملكيش دعوة متدخليش انتي
عز:خلاص اهدو بعد اذنكوا بقى
سابهم وراح على البار اللي ف شقة سراج قعد يشرب كل شوية الألم بيزيد بيشرب حس بايد مسكت الكاس بصلها وابتسم بسخرية
اوتار بصوت مهزوز:كفاية...عرفت انك اتصابت دا غلط
عز ضحك:ويا ترى من مين من خطيبك ولا اقول جوزك
اوتار بصاله وهو بيبص عايز يشوف ايديها التانية بس هي خفياها
عز:مش خايفة يشوفك معايا
اوتار:هو بيتكلم في التليفون عز كفاية شرب
عز:وانتي مالك
اوتار:كفاية شرب
عز:ملكيش دعوة بيا انا حر في نفسي
اوتار:جسمك دا ربنا هيحاسبك عليه دي انجس حاجة وانت بتشربها حرام عليك وانت مجروح عز دا حرام بلاش تغضب ربنا في حاجه اصلا كلها ضرر ليك
عز ضحك بأعلى صوته وهي بصتله بإستغراب وهو بيحاول يكتم ضحكته:سوري سوري مقصدش استهزء لا خااالص يا حلوة بس انتي اخر واحدة تتكلم عن الحرام والحلال فاهمة
اوتار بصتله بصدمة:انت تقصد ايه
عز بص لبطنها وابتسم بسخرية:بعتي نفسك بالرخيص والله اعلم ايه اللي جاي
اوتار بغضب:انت تقصد ايه انت هترجع لنفس كلامك
عز ضحك:خلاص يا جميل كل حاجه بانت ووضحت بس الأحسن تسرعوا في موضوع الجواز عشان هتبقى مكشوفة اوي انتي فوقتيني سيبيني اشرب براحتي يا سرااااااج سراااج
عمران:هو سكر ولا ايه
سيف:عمرة موصل لنفسه انه يسكر ويغيب عن الوعي دايمآ عارف هو بيعمل ايه
عمران:يخربيت كدا يا اخي يمكن سكر المرة دي
سراج قفل التليفون وراحله:انت عايز ايه
عز:خد حبيبتك من هنا وخليها توفر اهتمامها لحضرتك وتحل عن دماغي
سراج بغضب:انتي بتتكلمي معاه ليه اصلآ اوتار تعالي
اوتار بصت لسيف وبصت لعز وهو فهم نظراتها ابتسم بتقدير وهز راسه وراح لعز:مكفاية شرب
عز ضحك:كلام في سرك
سيف:ايه
عز ضحك بغلب:الألم هيموتني
سيف:عز انت لازم ترجع المستشفى
عز ضحك:انت فاكر ايه
سيف حط ايده على صدره ولمس جرحه لمسة خفيفة :غلط اللي بتعمله دا ممكن يتفتح
عز مسك ايد سيف حطها على قلبه:الألم اللي هنا مغطي على كل الألم الجسدي
سيف بصله بحزن وحط ايده على كتفه وهو بيواسيه:عز قولتلك متجيش
عز:خليني اتلهي سيبني النهاردا يا سيف
سيف:امنع الخطوبة خودها وامشي دي بتحبك انا واثق
عز بسخرية:ااه اوي بتحبني اووي..لا انت غلطان عارف اني فكرت في كدا من اسبوع واحد وتاني يوم غيرت رأيي
سيف:وايه السبب
عز هز راسه بنفي:مش هقولك
سيف:طب ليه
عز ابتسم بحزن متدارى:عشان حبيتها بجد....فمش هينفع اقولك
ابتسم وشرب:عشان خاطر قلبي مش هقول عشان حبها واحترمها و..
ضحك:وملوش لزوم الكلام انساني خاالص بقى النهاردا انبسطوا
تليفون عمران رن بعد ورد:نعم افندم ءأمري ايه
عشق بتوتر ودموع:انا اسفة مش هقدر اجي بكرا لو سمحت..
عمران:افهم انتي من اولها وعاملة كدا اومال كمان شهر هتبقي ازاي وايه اللي حصل هيغيب ست الهانم
عشق بتعيط:انا في المستشفى
عمران بصدمة:مستشفى ليه انتي بتعيطي؟؟
عشق بدموع:اسفة مش هينفع اجي بكرا وياريت متاخدش ناحيتي اي اجراءات بعد اذنك
قفلت قبل ميرد وهو استغرب:ربنا يستر
دخل ومالك ابتسم بخبث وسيف ضحك
عمران:ايه اصله دا
سيف:مين الحلوة اللي مسجلها عشق دي
عمران:اااه انتو ناوين تحفلوا عليا
سيف:الجو هنا ممل وكئيب
مالك:تعالو معايا هوديكو مكان عسل بس اقفلوا تليفوناتكم
عمران:وعز
مالك:عز سيبه هو مش عايز حد معاه ساعة ونرجعله
عمران:وادي التليفون صامت
سيف:اشطا يلا
مشيو
سراج بيهمس لأوتار: خفي شويه عشان انا دلوقتي ابتديت افقد شعوري ومش بعيد اقتله هنا فاهمة
اوتار: لا مش فاهمة
سراج بيعض شفايفة بغيظ: ماشي يا اوتار انا هوريكي
اتكلم بصوت عالي: يا جماعة بشكركم جدآ انكم شرفتونا النهاردا ودلوقتي عايز اقول لأوتار اني بحبها واني مش هسيبها ابدآ ودا وعد مني يا اوتار انا مش هسيبك ومفيش اي حاجة هتقدر تفرق بينا دلوقتي انا هلبسك الشبكة واتمنى انها تعجبك
بصتله وعز وقف وبيشرب الخمرة: البتاع دا مبيسكرش ليه مش فاهم حتى الخمرة بتاعتك يا سراج تقرف ااه....
الم صدره ابتدى يزيد اكتر وهو بيتحمل وبيضغط نفسه
سراج مسك ايدها واتصدم انها مربوطة وهي ابتسمت بتحدي وهو بص لأيدها بخوف ولهفة: ايه دا مال ايدك
اوتار لتهكم: وجعاني
سراج ساب العلبة اللي فيها الدهب وبخوف حقيقي: وجعاكي ومقولتليش ليه انتي ايه اللي حصلك نروح لدكتور؟
اوتار بصتله ولاحظت فعلاً انه قلقان عليها وهي ابتسمت بمكر بصلها بإستغراب وفهم نظراتها غمض عينه بضيق وهو بيهمسلها: انا مينفعش اشتم مش كدا مينفعش طبعآ
اوتار همست بإنتصار: مينفعش تلبسني اي خاتم يا سراج
سراج ابتسم: بسيطة يا جماعة انا جايبلك سلسلة وانسيال مش صعب هاا
اوتار بصتله وهو فتح العلبه
عز خلاص مبقاش متحمل وجع صدره وقلبه الوجع النفسي والجسدي سمح لنفسه يطلق الألم اللي كاتمه بين شفايفة: ااااااه.... سييييف تعالى
اوتار بصتله والكل انتبهله
عز حط ايده على بؤه وقعد يكح وماسك صدره وبص ف ايده لقى دم : عمررران اااه
اوتار بسرعه زأت سراج وجريت عليه بقلق: عز مالك في ايه عز فين سيف وعمران تالي دوري عليهم
عز بعد ومش عايز يبقى قريب منها
اوتار بصدمه: دا دم سراااج بسرعة اطلب الأسعاف
الكل مركز مع اوتار اللي كل تركيزها ولهفتها مع عز
تالين: ناخده احنا بسرعة اسرع
تقى بعدت اوتار بتحذير: خليكي بعيده عنه
مسكت دراعه: عز يلا
عز بص لأوتار ومبقاش قادر ياخد نفسه وابتسم لما افتكر انها قبل كدا حضنته بس سرعان مفتكر انها حامل ونفسه بيضيق بقى ياخد نفسه بصعوبة وغصب عنه نخ على ركبته
تالين بدموع: عز... عز اهدى حبيبي اتنفس
جريت على برا تشوف عمران وسيف ومالك ملهومش اثر
سراج مبتسم وبيهمس: والله وحياتك بقت بين ايديا
مشى اللي موجودين وتقى راحت قدام سراج: عز لازم يتنقل المستشفى
سراج: ششش اخرسي
تقى: انت بتقول ايه انت هتسيبه كدا
تالين طلبت الأسعاف
اوتار بتردد قربت ومسكت ايده: قوم انا هساعدك قوم يا عز ارجوك الأسعاف مش عارفين هتوصل امتى
عز سحب ايده منها: لو حياتي بين ايدك مش عايزها
اوتار بصتله بصدمه وتقى ابتسمت رغم قلقها وعز صوت نفسه بقى عالي وبيغيب عن الوعي وخلاص صعب يقوم غاب عن الوعي وتالين انهارت: متعمل حاجة سراج بالله عليك
سراج مربع ايده قدام صدره وبيتفرج
اوتار: عز.. عز
حطت ايدها تحت انفه وبصت لتالين بصدمه: دا... مبيتنفسش.... تالين الحقيني....
تالين انهارت في العياط وبتحركه وبتتصل بعمران مبيردش
اوتار قربت رفعت راسه:دا غلط هو لازم يفوق
الكل باصصلها بإستغراب هي بتعمل ايه؟ وهي بسرعه خدت شنطة تالين حطتها تحت دماغ عز وبتعمله تنفس صناعي وبتحاول تنعشه وتقى وسراج اتصدموا
اوتار بدموع وهي بتدعك ايده بتحاول تجري الدم في جسمه ومستمرة انها تعمله تنفس صناعي ونسيت قرفها من الخمرة وريحتها :فوق بقى بالله عليك انا مينفعش اضغط على صدرك عشان الجرح
بقت تحركه وتعمله تنفس صناعي لحد مخد نفس عميق ورجع يتنفس وتالين ابتسمت بدموع واوتار بإنهيار غمضت عينه:الحمد لله
الأسعاف وصلت ونزلو واوتار جت تنزل سراج سحبها وضربها بالألم
اوتار صرخت بالم:ااااه انت اتجننت
سراج بغضب:انتي اتجننتي انتي خلاص فقدتي عقلك ازاي تقربي منه ومش بس كدا تعمليله تنفس صناعي
اوتار بدموع ونظرة كره انت السبب انت اللي رفضت تساعده يا عديم الدم والمشاعر
سراج بغضب:ازاي اساعده وانا اللي ضربه ميغور
اوتار بصتله بصدمه:انت....انت بتقول ايه
سراج ابتسم:هو بردو ميعرفش
اوتار بدموع قربت تضربه بالالم وهو لوى دراعها
سراج:حبيبتي متخلنيش ازعلك يلا ادخلي على اوضتك واللي حصل النهاردا دا هحاسبك عليه يا روحي بس هيتردلك فيه هو
بغضب:عشان تبقي تقربي منه كويس وتلمسي شفايفه
اوتار بدموع وغضب زاته:دا كان بيموت كان قاطع النفس يا عديم الدم انت ومكنتش راضي تساعده كنت مربع ايدك وواقف تتفرج كانه فيلم دا كان تعبان انت ايه حجر
سابته ودخلت الاوضة بإنهيار

#رواية_رجل_المهام_الصعبة
للكاتبة/ندى محسن ♕Noody♕
متابعة لصفحتي هنا 👇
#Nada_Mohsen

هاشم:مخلاص بطلي زن
عشق منهارة في العياط في المستشفى:لو حصله حاجة يا هاشم مش هرحمك
هاشم ابتسم:عشان بس صوتك يبقى يعلى حلو يا امورة
عشق بتعيط وبتفتكر اللي حصل
Flash back
هاشم بيحاول يقرب منها وهي بتبعده بغضب
عشق:ابعد عني يا مجنون انت
هاشم لوى دراعها:انتي مبتمليش هااا
عشق بدموع:هصوت سيبني
هاشم ضحك:بردو رجعنا لهصوت متصوتي يا شوشو
عشق بتبعده وراحت مصوته وهي بتفقد اعصابها:قولتلك سيبني سيبني بقى الحقوني
هاشم اتعصب وضربها بالألم وايان خرج بيعيط من خوفه عليها وحضنها
هاشم زأه:ادخل على اوضتك يله انت
ايان بخوف وانهيار استخبى ورا عشق وبيعيط:لاء سيبها انت ملكش دعوة بيها عشق تعالي نمشي بعيد
عشق حضنته وهاشم اتعصب شدها وبعنف ضرب ايان بالالم وايان اتخبط في الحيطة وصرخ بالم وعشق صرخت لما لقت الدم بيسيل من راسه
back
عشق بتعيط:حسبي الله ونعم الوكيل فيك يا هاشم حسبي الله
هاشم:طب لمي لسانك بدل مخليكي فرجة قدام المستشفى كلها

#رواية_رجل_المهام_الصعبة
للكاتبة/ندى محسن ♕Noody♕
#Nada_Mohsen

الدكتور بضيق:انا مش عارف ازاي خرج وانا حذرته ومخدش المسكن لا وشرب كمان ودا هيتعبه اكتر
تالين بقلق ودموع:طب هو عامل ايه دا كان قاطع النفس وواحدة عملتله تنفس صناعي
الدكتور:لولا البنت اللي عملتله التنفس الصناعي زي مبتقولو كان مات عقبال ميوصل هنا دا ساعده كتير وقدرنا نسيطر على الوضع بس يا ريت محدش يجهده في حاجه وميتحركش
تقى باصة على عز من ورا الإزاز بدموع وغيره عينها احمرت وهي بتهمس:انت قوم بالسلامة وانا انا هخلي الكل يعرف الحقيقة هبعد عنك تالين هبعدك عنهم كلهم وابقى معاك انا وانت وبس يا عز...
عمران سكر على الأخر وسيف بيضحك عليه: كفاية يبني بقى
عمران بيشرب وبيضحك
مالك: دا زودها اوي انت عمرك شربت
عمران بيتطوح: طبعا طبعا اومال مش شايفني
سيف: لا شايفينك بس لازم تفوق عشان نروح لأخوك يلااا
عمران: اخويا مين
سيف: لا دا ضاع يلا
عمران بص في تليفونه بقلق وهو مش متزن:الحق تالي اتصلت 58 مرة
مالك:اكيد في حاجه كلمها
عمران قعد:الو يا تالي
تالين بعصبيه ودموع:انت فين انت عز كان بيموت انا اتصلت بيك كام مرة عمران احنا في المستشفى
عمران بصلهم بصدمه وقفل معاها
سيف:ايه يبني في ايه
عمران:عز كان بيموت ونقلوه على المستشفى تاني احنا لازم نروح
مالك وسيف اتصدموا
سيف:كنت عارف ان دا اللي هيحصل عز لو سمع الكلام ممكن يجراله حاجة يلا بينا بسرعة وانت يا مالك سوق عربيه عمران بدل ميعمل حادثة
مالك هز راسه بإيجاب وسيف ركب عربيته وطار بيها على المستشفى
الممرضة:المريض فاق تقدرو تدخلوا تشوفوه
تالين دخلت بسرعة وتقى نفخت بقرف:هانت هانت واخلص منك خالص
عز بصلها
تالين بدموع:قولتلك متشربش وبردو مسمعتش الكلام يعني اتضايق منك ولا اعيط
عز ضحك بألم:انتي حاليآ عاملة الأتنين
تالين بتمسح دموعها وقربت حضنته وهو اتألم فبعدت:معلش اسفة اسفة
عز حط ايده على شفايفه وافتكر قبل لما فتح عينه وشاف اوتار قريبة منه بص لتالين:هو ايه اللي حصل والخطوبة ايه حصل فيها
تالين فهمت انه عايز يسأل على اوتار فأبتسمت:باظت وربنا خلاها سبب انك تعيش كانت هتتجنن عليك
عز ابتسم بحزن:دي الخطوبة
تالين ضحكت:امممم...بس عز سراج دا اتحول...هو كان واقف مربع ايده وبيتفرج علينا رفض انه يساعدك واوتار هي اللي قعدت تعملك في تنفس صناعي وفضلت تنعشك لحد مرجعت تتنفس والدكتور قال انك بسببها عايش عز انت لازم تخلي بالك من نفسك
عز غمض عينه خلاص هو مينفعش حتى يفكر فيها خلاص هو مش هيشوفها تاني وعينها مش هتيجي في عينه هيفضل بعيد عنها وهيركز في شغله و يفضل مع اهله

#رواية_رجل_المهام_الصعبة
للكاتبة/ندى محسن ♕Noody♕
متابعة لصفحتي هنا 👇
#Nada_Mohsen

اوتار قاعدة بتفكر في عز:يا رب استرها معاه واشفيه يا رب وانتقم من اللي كان السبب
عدت ايام وعز خرج من المستشفى وكانت فرحة ليهم ورجع الشغل تاني وكان سيف معزوم عند سلمى وصمم ان عز يجي معاه وعز فاهم انه عايز يخليه قريب من ليلى
راح معاه وعشان يريحهم واول مدخل سلمى سلمت عليه وحضنته زي مهي متعوده وليلى كذلك
خالد اتضايق بس سكت لان عياله مقتنعين انه اخ ليهم ومهما اتكلم معاهم مفيش فايده قعدو كلهم وليلى مركزة مع عز كالعادة
سيف بص لسلمى:وحشتيني
خالد:سيف
سيف:عادي يعني مقصدش اعاكس والله
خالد قاعد مش طايق نفسه وعز لاحظ دا
عز:لو سمحت ممكن اتكلم معاك على انفراد
خالد هز راسه بإيجاب:اتفضل
وقفو في البلكونه وعز بصله:انا عارف انك اب وليك حق تضايق وانا من ناحيتي مفيش اي حاجة هما خدو عليا كاخ عشان كنت دايما معاهم على سيف من ساعة مسيف كان بيحبها ولو وجودي هيضايق حضرتك انا همشي انا جاي عشان عارف ان سيف اهله برا ومش عايزه يحس بنقص
خالد:لا يبني انا واثق فيك بس هما فاهمين سكوتي دا غلط بزعق واخرج عن شعوري وهما مش فاهمين
عز:انا ممكن اتكلم معاهم
خالد هز راسه بإيجاب وسكت

#رواية_رجل_المهام_الصعبة
للكاتبة/ندى محسن ♕Noody♕
#Nada_Mohsen

سراج بيخبط على اوضة اوتار كالعادة وهي مبتردش اتعصب اكتر:افتحي الباب
اوتار:ابعد عني بقى يا اخي انا قرفت منك ومن شكلك ومن صوتك انت اساسآ مصدر قرف
سراج:اوووتااار افتحي والا قسمآ بالله انا هندمك وهذل حبيب قلبك قدام العالم كله النهاردا
اوتار فتحت بغضب:انت عايز ايه يا بني ادم انت
سراج:هنتجوز والنهاردا يا اوتار فاهمة ومش هسيبك بعيدة عني ولو لحظة واحدة
اوتار بصتله بكره:مش هتجوزك
سراج:هاجي من الشغل بالمأذون عايزك الليلة دي تستعديلي يا احلا عروسة
اوتار:لا مش هوافق
سراج ابتسم بحب:مش برأيك يا جميل
سابها ومشي وهي انهارت وقعدت تدعي ان ربنا يخلصها منه
عز دخل الشغل وملاحظ حركة غريبة الكل بيبصله وهو مش فاهم في ايه اتجاهلهم وسمع الصوت الي وقفه بصدمه وكان صوت مزيعة على الشاشة:وثبت بالأوراق ان رجل الأعمال المشهور سليم المنشاوي ليس اب الرائد عز سليم المنشاوي بل متبنى من الملجأ وذلك بالتاريخ والورق سيظهر امامكم الان
عز التفت بصدمه واستغراب ايه اللي بيحصل وسامع همسات الكل وشايف صدمه القائد بتاعه
وهنا اتنشر فيديوهات لعز في الديسكو ووهو بيشرب مع صحابه والمذيعة كملت:كلنا كنا مستغربين ازاي هو غير كل عائلة المنشاوي بتصرفاته الغير لائقة وعدم احترامه لحد والنهاردا اتاكدنا فعلاً واتبعتلنا اللي يثبت دا عز ما هو الا متبنى
عز كان معدي مرحلة الصدمة دي....
وسيف قرب منه:عز ايه الكلام دا دا صح انت كذبت علينا.؟؟
مالك بغضب:ايه الكلام دا بجد؟امك خلفتك بطريقة غير شرعية زي مبيقولو ورمتك في ملجأ؟؟
عز كان مصعوق مش قادر يتكلم وكل كلامهم كان بيطعن فيه وسراج دخل وسمع اللي بيتقال اتصدم ايه اللي بيحصل
مالك زاهم:متتكلم يا عز
عز بصله وهو ثابت وجواه حرب شغالة
سراج ضحك:لا وكان عامل علينا الكبير واتاريك كنت مقضيها واكيد الخيانه ف دمك دي حاجه في منتهى القرف يا اخي
سيف باصصله ومش لاقي كلام يقوله وعز مش باين على وشه اي حاجة
عز مشي بسرعة ركب عربيته وهو مش شايف قدامه ومخدش باله من الأشارة الحمرا خبط في العربية اللي قدامه وراسه اتخبطت في العربية جامد وابتدي ينزف غمض عينه بألم والناس اتلمت حوالين العربيه بتاعته يحاسبوه بس شافو حالته اتراجعوا وهو طلع كل الفلوس اللي معاه حطها ف ايد صاحب العربيه اللي خبطها ومشي بسرعة وصل على الڤلة كانوا واقفين قدام الشاشة بصدمة واحلام قاعدة بتعيط......
عز دخل بصلهم وحاسس انه متخدر وتالين جريت عليه حضنته واتعلقت فيه بكل قوتها كانها خايفة يبعد ومتشوفهوش تاني
سليم اتنهد وبصله شاف راسه بتنزف:عز
عز بصله وبص لتالين
تالين منهارة:عز انت اخويا......
عز الدموع اتجمعت ف عينه
حسام بدموع:متتكلم يا بابا ايه الكلام دا
عمران قاعد في حالة صدمه
سارة بصت لتقى وتقى بتداري ابتسامتها وسارة عرفت انها عارفة ومش بس كدا هي ورا كل دا
عز بعد تالين ووقف قدام سليم بصوت مهزوز لاول مرة:هو دا صح؟اللي اتنشر في التليفزيون والجرايد و...
سكت ياخد نفسه وبصله:هو دا صح؟؟
سليم بصله والدموع ف عينه وقرب خده في حضنه:انت ابني....انت فرحتي الاولى انت ابني ملكش دعوة بحاجة تانية الكلام دا كله هنهيه انا اللي ربيتك وانا اللي عشت معاك كل لحظة حلوة ووحشة انا اللي استحق تقولي بابا مش اللي رماك
عز بص لاحلام وهو مصدوم:ازاي انتو مش اهلي؟؟ازاي....وبعد 26 سنة اعرف...طب ازاي...
احلام منهارة في العياط
عز:عشان كدا كنتي خايفة عليها مني...عشان كدا تالي....يعني هي مش اختي...يعني انتو كدا مش اهلي
باصصلهم وهو مصدوم وصرخ فجأة بكل اللي جواه:طول عمركوا بتتكلموا وتبررو وتدافعوا ساكتييين النهاردا ليييييه انا محتاج اسمع اتكلموا محتاج تبرروا محتاج تواسوا افهم بس انتو ساكتين ليه قولوا اني ابنكم وان دي اشاعة عادي بتحصل انا هقتنع بكلامكوا انا مقتنع اني ابنكوا اصلا اتكلموا وكدبوا دا مين قال ان دايمآ الأخبار بتبقى حقيقة انا مش عايزها...
عمران باصصله والدموع ف عينه وقرب حضنه وعز غمض عينه بضيق ودموع
تالين منهارة:بابا اتكلم
سليم بهدوأ:اتكلم اقول ايه عز برضاك او لا انت هتفضل ابني متنساش ان احلام امك وهي رضعتك وانت صغير مع عمران متنساش انك ابننا
عز بعد بيصرخ:انتو ليه عملتوا فيا كدا ليه مقولتوليش ليه سيبتوني لحد معرف بالطريقة دي الكل مصدق الكل بيتكلم الكل بيجرح فيا انتو عملتو فيا كدا ليه الكل بيزود على الخبر ميت ومليون خبر ومش حاسين
احلام وقفت بدموع بتقرب منه:حبيبي اهدى بالله عليك
عز بعد:انتو مش اهلي انتو كذبتوا عليا انتو جرحتوني انا همشي انا مش عايز حاجة
تالين بدموع:لا عز لا بالله عليك
عز بغضب:انا مش عايز حد فيكوا يقرب مني انا مش عايز اشوفكوا ولا اعرفكوا ولا هحتاج لحد مش عاااايز حد
سليم ضربه بالالم لاول مرة في حياته وعز بصله بصدمه والدموع في عينه
سليم بيحاول يتماسك:انت زي مدلعتك و..هننتك وكبرتك...هربيك تتكلم مع اهلك ازاي
عز بسخرية وحزن:مش لما يبقوا اهلي.....
بصلهم كلهم واحد واحد وكانه بيودعهم مسح دموعه ومشي
احلام بدموع:ليه ضربته هو ناقص حرام عليك يا سليم هو متدمر مين اللي عمل كدا
سليم بغضب خد التليفون واتصل على القناه وعلى كل اللي نشروا الخبر وهددهم ومعرفش يوصل لحاجة كلهم اكدوا انه من شخص مجهول محدش شاف وشه وسليم كان هيتجنن الخبر ازاي اتنشر....
اوتار.....

#استودعكم_الله ♥
يا ريت الكل يعمل متابعة لصفحتي بينزل عليها الرواية بدري 👇
#Nada_Mohsen

الاكثر قراءة هذا الشهر :

موعد الحلقة الجديدة الساعة  10 م  يوميا ان شاء الله .

هنا تنتهى احداث رواية رجل المهام الصعبة الحلقة الرابعة عشر ، يمكنكم اكمال باقى احداث رواية رجل المهام الصعبة الحلقة الخامسة عشر  أوقراءة المزيد من الروايات المكتملة فى قسم روايات كاملة .

نأمل أن تكونوا قد استمتعتم بـ رواية رجل المهام الصعبة ، والى اللقاء فى حلقة قادمة بإذن الله ، لمزيد من الروايات يمكنكم متابعتنا على الموقع أو فيس بوك ، كما يمكنكم طلب رواياتكم المفضلة وسنقوم بوضعها كاملة على الموقع .
تعليقات



حجم الخط
+
16
-
تباعد السطور
+
2
-