نقدم اليوم احداث رواية رجل المهام الصعبة الحلقة الثالثة من روايات ندى محسن . والتى تندرج تحت تصنيف روايات رومانسية ، تعد الرواية واحدة من اجمل الروايات رومانسية والتى نالت اعجاب القراء على الموقع ، لـ قراءة احداث رواية رجل المهام الصعبة كاملة بقلم ندى محسن من خلال اللينك السابق ، أو تنزيل رواية رجل المهام الصعبة pdf كاملة من خلال موقعنا .
رجل المهام الصعبة الفصل الثالث
رواية_رجل_المهام_الصعبة
الحلقة الثالثة
للكاتبة/ندى محسن ♕Noody♕
#Nada_Mohsen
اوتار جريت اتخبطت في جسم صلب ريحته بقت مألوفة بالنسبة ليها في اخر يومين بصتله وابتسمت من وسط دموعها
عز بصلها بعدم فهم وبص لجلال بغضب
اوتار حست بإيد جلال مسكت دراعها بعدتها بصراخ ووقفت ورا عز زي متكون طفلة تايهه واخيرآ لقت ملجأها : لاااء خليه يبعد عني وحيات اغلى حاجة عندك ورحمة اي حد بتحبه متسيبهوش ياخدني انا بكرهه انت كدا تبقى رديت الجميل اللي عايز ترده وزياده خليه يسيبني دلوقتي بس
جلال ماسك ايده بألم وبغضب: انا هخليكي تندمي يا بنت ال******
قرب سحبها: ازاي تتجرأي وتستخبي فيه ومني انا انا محدش بيحبك قدي
اوتار بدموع بتضربه:سيبني سيبني بقى
عز لكمه بعنف وجلال اتصدم مكنش متوقعها وضحك بسخرية: انت تمد ايدك عليا انا يا عز
عز بتحذير مخيف مسكه من رقبة قميصه بعنف:لو ممشتش من هنا هدفنك مكانك وانت اللي جاي برجلك انت تتجرا وتمد رجلك في البيت دا اعتبر نفسك ميت يا جلال هاا
جلال بص لأوتار اللي مستخبيه في عز
وعز لاحظ الدم اللي على هدوم جلال
جلال بعد وهز راسه بإيجاب وسخرية:حاضر حاضر هامشي بس هاخدك فاهمه
مشي وعز بصله ببرود
اوتار بصتله وعنيها اللي تشبه اللؤلؤ الازرق مليانه بالدموع اتفاجأت بيها بتضحك بصلها بإستغراب وعدم فهم
اوتار ابتسمت وهي بتمسح دموعها: شكرا شكرا جدا انا كنت مرعوبة انت اول حد يقف قدامه كدا انا مش عارفة اقولك ايه دا اكبر جميل ممكن حد يعمله معايا
عز باصصلها وساكت
اوتار بصاله وابتسامتها اختفت وافتكرت انها حلفته برحمت مراته
عز بصلها واتنهد بضيق
اوتار اتحرجت واتضايقت انها نسيت : انا.. مقصدتش
عز: انا مش عايز مشاكل وعايزك تبعدي كل البعد عني احسنلك فاهمه انا مش ناقص
اوتار بصت لتحت بإحراج وهو دخل
امجد: في ايه هو ماله بيكي وليه كان بيكلمك كدا
اوتار: مفيش.... انت جيت امتى
امجد:لسة جاي عايزة ايه
اوتار فكرت شوية وابتسمت بثقة: مش عايزة حاجة
امجد استغرب: مالك ايه اللي غيرك مش انتي نفس الشخص اللي كان بيكلمني في التليفون
اوتار بصتله: انا كويسة
امجد:كنتي عايزة ايه
اوتار:انا كنت....عايزة هدوم عيزاك تجيبلي هدوم من البيت
امجد:والنبي؟دا اللي انتي جيباني عشانه
اوتار بغموض:وانت كنت فاكر ايه
امجد حط ايده على كتفها:كنت فاكر حاجات كتير اولهم انك تثقي فيا وتنسي نفسك وانا معاكي
اوتار زأت ايده:انا اسفة بس انا مش هعمل حاجة غلط وحرام ومسمحلكش تمد ايدك
امجد بصلها وهي جريت على جوا وهو كان هيروح وراها بس اتراجع وابتسم بسخرية:بكرا انتي اللي هتجيلي
عز افتكر الدم اللي شافه على هدوم جلال ونزل بضيق خبطت اوتار فيه على السلم
اوتار حطت ايدها على جبينها بألم:انت صدرك دا حجر يا اخي؟
عز رفع حاجبه بتلقائية :نعم هو مش حضرتك اللي مصممه تتظاهري بالعما بصي قدامك
اوتار هزت راسها بإيجاب واحراج
عز بصلها بيفحص جسمها بعناية مفيش اي اثر للدم
اوتار بصتله بإستغراب
عز:افتحي ايدك
اوتار فتحت ايدها:في ايه بتبصلي كدا ليه
عز هز راسه بنفي:مفيش
اوتار:انا هروح فين
عز:يعني ايه
اوتار بكسوف:مش هفضل في اوضتك يعني
عز:الأوضة اللي قدامها دي اللي المفروض تتنضف الخدامه فيها اكيد ماما قالتلها
جه ينزل اوتار وقفته:استنى
عز:اللهم طولك يا روح متسيبك مني انا مالي ومالك
اوتار اتحرجت والدموع لمعت في عينها:مش قصدي اضايقك انا اسفة بس انا مش عارفة اروح فين
نزلت على تحت اترددت تخرج بس راحت الحديقة حست انها ملهاش حد وحست انها رخيصة قعدت في الأرض بإنكماش محاوطة نفسها في عالمها هي وبس بقت ترتجف بخوف وبتفتكر جلال ومع كل مرة قرب منها وحط ايده عليها وبتكره نفسها اكتر انكمشت اكتر وهي محاوطة نفسها ودافنه راسها في رجليها وعيطت وهي بتفتكر أمجد وازاي حسسها انها رخيصة وكان بس بيتباها بيها وحبها لأبوها ويوم موته لما كانت برا البيت مع امجد لما عدى عليها قدام المدرسة ورجعت ملقتوش وبعديها اماني مرات ابوها رجعت لجلال وقعد في بيت باباها وصدمتها من خمس سنين افتكرت معاملت جلال ونظراته بعد مخد كل املاك ابوها ومكانه في البيت انهارت وبقت تعيط من قلبها وافتكرت معاملة عز واحلام حست بحد قدامها انكمشت اكتر وصوت عياطها بيتكتم
عز اتنهد بنفاذ صبر:انا مش ناقص اني احس اني السبب في اللي انتي فيه دا انا مش وحش للدرجة
اوتار بصتله بتفاجأ
عز قعد قدامها:اهدي ممكن
اوتار بدموع:انا بكره نفسي
عز بصلها بإستغراب:ليه بتقولي كدا
اوتار بدموع:انا بكرهني وخلاص
عز بصلها وفهم انه بسبب جلال
اوتار:بجد اسفة انت ملكش ذنب بس انا بعد مبابا مات من خمس سنين حسيت نفسي مليش ضهر انت كنت اول حد يدافع عني عشان كدا كنت هتكلم معاك بس انا نسيت....انا مش متشردة على فكرآ انا عندي فلوس واملاك واكيد انت عارف بس عمي جلال هو واخدهم عارف انا مش عايزة غير انه يبعد عني انا مش عايزة حاجة ومعنديش مكان ابات فيه بس انا عندي حساسية مش عايزة مكان يبقى في تراب وخلاص
عز بصلها وابتسم على برائتها:هنا مفيش تراب متقلقيش
اوتار بصتله وبص لأبتسامته وابتسمت ورجعت بصت لتحت بإحراج
عز:متقعديش في الأرض كدا وتعالي هخلي تالين تشوفلك حاجة تلبيسيها وتبقي براحتك
اوتار:انا كنت هروح مع زياد هيشوفلي مكان و
عز:بعد اللي جلال عمله دا مش في صلحك انسي ولا انا غلطان دا حيوان دا ومبيفكرش
اوتار هزت راسها بإيجاب:انا عضيته
عز ضحك على برائتها وطلع وهي وراه خبط على تالين
تالين فتحت: عز ءامر
عز:شوفيلها حاجة تلبسها وخلي بالك منها
تالين استغربت وبصت لعز:ايه؟
عز بجمود:انجزي
تالين:ح..حاضر ادخلي يا مزة
اوتار دخلت وهو سحب تالين وهمس:مش عايز حسام يبهت عليكي انا مستحمله اساسآ بالعافيه وبعدين متزعليش من اللي حصل الصبح مكنتش اقصد
تالبن بصتله وهي مبتسمة بتفاجأ وهزت راسها بإيجاب وهو نزل قفلت الباب وبصت لأوتار:ايه
اوتار:ايه؟
تالين:عمالتي في اخويا ايه اللي مخليه مهتم بيكي يعني
اوتار بإستغراب:معملتش حاجة
تالين:لا مش هو وشه رايق كدا ومتزعليش من اللي حصل وبتاع ايه الروقان دا
اوتار:هو كدا رايق انا مليش علاقة بس هو طبعه جامد....تحسيه معندوش قلب وف نفس الوقت غريب يعني لو معندوش قلب مكنش هيساعدني
تالين:يساعدك ف ايه؟
اوتار:ايه هاا اه يا بنتي مش قالك تشوفيلي حاجة البسها عشان اغير مش مساعدة دي
تااين:ايوا فكرتيني انتي ادمك خير علينا
اوتار بصتلها وابتسمت بفرح لكلمتها:بجد؟
تالين:بجد وجد الجد
الباب خبط وتالين ردت:نععم
زياد:معلش يا تالي نادي اوتار
تالين ابتسامتها اختفت وبصت لأوتار واوتار لاحظت وخرجت وتالين خرجت فستان لأوتار وقعدت بإنزعاج وضيق:نادي اوتار يا تالي تالي قال تالي في عينك
زياد:يعني هتبقي هنا
اوتار هزت راسها بإيجاب
زياد:هتبقي كويسة
اوتار هزت راسها بإيجاب
زياد:خلي بالك من نفسك لو في حاجة كلميني انتي ممعكيش تليفون صح خدي خلي دا معاكي
اوتار هزت راسها بنفي:دا تليفونك
زياد:انا هتصرف ومبعملش حاجة مهمة فيه رصيد متقلقيش يعني
اوتار ابتسمت:انا مش عارفة لو كان ربنا رزقني بأخ كان هيعمل معايا زي مبتعمل كدا
زياد:كان هيعمل اكتر من كدا خلي بالك من نفسك هحاول اجيلك بكرا
اوتار هزت راسها بإيجاب:سلملي على طنط اماني...
زياد ابتسم:الله يسلمك خلي بالك من نفسك
اوتار هزت راسها بإيجاب
زياد مشي وهي رجعت لتالين اللي عيونها فضحينها وابتسمت وقعدت جمبها:اخويا
تالين بنفس التكشيرة اللي محلياها ومخلية شكلها طفولي:نعم؟
اوتار:زياد دا زي اخويا بالظبط انا وهو زي الأخوات وبس وحتى بينا حدود يعني رسميين اكتر من الأخوات
تالين:وانا مالي بتقوليلي ليه
اوتار:مبقولكيش انتي (شاورت على قلب تالين)بقول لدا عشان يرتاح
تالين اتكسفت ووشها احمر:اوتار دا..مش صح انا...
اوتار:انتي معجبة بيه وانتي صح انك مبينتلوش حاجة زي كدا تأكدي لو ربنا اراد يجمعكوا هيجمعكوا وغصب عنكوا هتبقو من نصيب بعض
تالين ابتسمت بكسوف وهزت راسها بإيجاب
اوتار ابتسمت:تعرفي انا عمري متكلمت مع بنت كدا زي مبتكلم معاكي حقيقي حاجة حلوة ان حد يبقى عنده اخت
تالين:ازاي مكنتيش بتدرسي او روحتي جامعه
اوتار بإحراج:كنت وانا صغيرة اه لكن بعد بابا ممات بقى عمو جلال يضربني اول ميشوفني مع حد وانا بخاف منه ف...مبقتش اصاحب...ولحد الجامعة والمفروض سنة تانية كلية تجارة واهو هتروح عليا...
تالين بحزن مسكت ايدها: تعرفي يا اوتار انتي حلوة اووي وانا مرتحالك جدا
اوتار ابتسمت وسمعوا اذان العصر وتالين دخلت الحمام الخاص بأوضتها واوتار نزلت عشان تصلي
دخلت اوضة الصلاة شافت عز قاعد وساند ضهره على الحيطة ومغمض عينه بيسبح كانت هترجع بس صوت عز وقفها: بتعملي ايه هنا
اوتار بتوتر: انا... كنت هصلي..
عز فتح عينه وبصلها: ادخلي
اوتار بصتله بإستغراب وهزت راسها بنفي
عز بصلها وبلهجة جامدة: ادخلي
اوتار دخلت بتردد
عز: اقفلي الباب
اوتار: لا سيبه...
عز فهم انها مش عايزة تبقى معاه لوحدهم وهز راسه بإيجاب: اقعدي
اوتار قعدت بإستغراب
عز: عايزك تحكيلي على كل صغيرة وكبيرة من ساعة مشوفتي جلال
اوتار بصتله ريقها نشف او يمكن دمها هو اللي هرب ودليل على كدا لون شفتها اللي ابيضت بعد مكانت حمرا وعز ملاحظ اقل انفعالاتها حست ان جسمها تلج
عز: في ايه مالك
اوتار بتبلع ريقها بصعوبة وهزت راسها بنفي: مفيش بس انت عايز تسمع ليه... هيفيدك في ايه انت ناوي تعمل ايه انا مش عايزة مشاكل
عز بسخرية: انا مش جاي احكي معاكي ولا فضول مني انا الرائد عز سليم المنشاوي وجلال انا بجمع معلومات عنه ولحد الأن مفيش دليل قوي اني امسكه
اوتار بصتله بتفاجأه وافتكرت يوم الحفلة: بس اللي هحكيه مش هيفيدك في حاجه
عز: انا اللي هحدد هيفيدني ولا لا
اوتار اتحرجت وهزت راسها بإيجاب
عز مركز معاها وفهم انها خايفة:هو في ايه انتي مرعوبة من ايه كدا
اوتار هزت راسها بنفي:مش من حاجة...بس هو حذرني لو جبت سيره لحد...هو هيحرقني
عز:يحرقك ازاي اكيد بيهدد يعني وانتي مش طفلة عشان تصدقي
اوتار هزت راسها بنفي:انا قولت لأمجد وهو عرف ف..هو جاب السكينه سخنها وغرزها في ضهري لحد دلوقتي معلمه ورفض اني اعالجها او احطلها حاجة انا اسفة يا عز انا اسفة مش هقدر اعمل كدا....
جريت على برا قبل معز ينطق وهو اتنهد والغضب اتحدى بروده بس بمنتهى السهولة فاز وقدر يترسم في ملامحه بمهارة وقف ودخل المكتب وفتح الدرج بتاعه جاب الملف وبقى يقرأ فيه:جلال الرشيدي 12 عمليه نهب وسرقة اشتركت فيها 7 عمليات تهريب تاجر في المخدرات والممنوعات قاتل قتلت رعد السويدي من خمس سنين سكري وكلب ستات
قفل الملف بغضب:كل مادا بكتشف حاجات توديك ولا الشمس بس لسه عشان يوم مهتقع مش هتعرف تقوم فاضل تكه يا حلو
#رواية_رجل_المهام_الصعبة
للكاتبة/ندى محسن ♕Noody♕
#Nada_Mohsen
امجد دخل البيت وهو متعصب:ماشي يا اوتار شاف اماني واقعة في الأرض والدم على جسمها جري عليها بصدمه بيحركها:ماما....ماما فوقي ماما
اماني فتحت بتعب ومش قادرة تاخد نفسها:ا...امجد...انا..بموت
امجد بصلها بصدمه وعدم تصديق:مين اللي عمل كدا مستحيل يكون هو...
اماني:اوتار....متخليهوش..ياخد اوتار
امجد شالها:هنروح المستشفى يلا
اماني بتتالم خرج لقى زياد جاي
زياد بصدمة وخوف:ايه دا امجد هي مالها في ايه
امجد:بسرعه اركب ورا عشان تسندها هنوديها المستشفى انجز
ركب وامجد بيسوق بسرعه ومبقاش شايف قدامه والغضب ماليه من جلال
#رواية_رجل_المهام_الصعبة
للكاتبة/ندى محسن ♕Noody♕
متابعة لصفحتي هنا
#Nada_Mohsen
تقى بتلعب في تليفونها وسارة قاعدة بصلها بغضب وتقى متجهلاها
سارة خدت التليفون منها
تقى:افندم عايزة ايه
سارة:اللي قتلتيه دا انا مش عيزاها تتكرر في بيتي
تقى غمضت بغل:الاحسن متفتحيش الموضوع فاهمة
سارة بغضب:انتي هتعملي الشريفة انتي كنتي بنفسك بتحاولي تغري عز جوز اختك وهو الي رفض يا بنت ال*****
تقى مسكت رقبت سارة بعنف وغل وخبطتها في الحيطة وسارة صوتت بالم:سيبيني يا مجنونة انا امك ااااه
تقى بنظرات مش مبشرة بخير وغضب:لو جبتي سيرة بابا اعتبري نفسك انك ميته واهو تحصلي القذر اللي كان معاكي فاهمة يا سوو هاا فاهمة يا حلوة وتحصلي بنتك القذرة اللي كانت شبهك بكل قرفك ومكنتش تستحق ضافر من عز بس
سارة زأتها بعنف وهي بتحاول تاخد نفسها:سيبيني انا امك انتي اتجننتي
تقى زاتها بعنف وقعتها وخدت التليفون بتلعب عليه بهدوء:انتي اللي ربتيني وانتي اللي علمتيني بس ازاي انا مش شبهك (ابتسمت بحب)الحب بيغير وانا بحب فمش هبقى زيك هاا انا بحبه
سارة بصتلها بغل:ماشي يا تقى ماشي يا بنت مازن
#رواية_رجل_المهام_الصعبة
للكاتبة/ندى محسن ♕Noody♕
متابعة لصفحتي هنا
#Nada_Mohsen
حسام: اوتار متيجي تقعدي معايا تعالي نلعب بلايستيشن
اوتار: مبعرفش
حسام: هعلمك والله
عمران وسليم رجعوا من الشركة وتالين جريت حضنت سليم واوتار بصتلهم ابتسمت
عمران بص حواليه: فين عز
حسام: في اوضة المكتب
عمران: طب كويس عايزو بعد اذنكوا
غمز لأوتار وهي اتكسفت وبصت في الأرض وهو ضحك ودخل لعز
سليم:القمر بتاعتنا عاملة ايه
اوتار ابتسمت وبصتله:الحمد لله انا كويسة يا عمي...
سليم:اومال احلام فين
تالين:في المطبخ بتقول للخدامه هتعمل ايه
سليم هز راسه وراحلها
احلام:اللحمة تشويها كويس انتي عارفة عز بيحبها كدا خلي بالك وكمان هتظبطي الصوص دا سليم بيحبه حلو كدا ايوا روحي يلا وديهم على الشواية اللي في الحديقة يلا بسرعة يا علا
علا هزت راسها بإيجاب:حاضر
خرجت وسليم ابتسم بخبث واستغل الفرصة وحضن احلام وهو وراها وهي شمت ريحته ابتسمت:انت عمرك مهتتغير من27 سنة
سليم ضحك:27 ايه بس هتكبرينا بدري
احلام:طيب سيبني بقى علا او حد من العيال لو جم شكلنا مش لطيف
سليم:ايه المشكلة واحد حاضن مراته عادي يعني
تالين داخلة:ماما بابا
سليم اتنطر لورا واحلام ضحكت
تالين ابتسمت:بتضحكوا على ايه
سليم:ولا حاجة يا حبيبة بابي بقولك ايه يا ست احلام انا رايح اغير وكفاية عماله تعطليني
تالين بمناغشة:هي بردو
سليم ضحك وطلع وتالين واحلام ابتسموا
احلام:كنتي عايزة ايه بقى
تالين:اوتار عايزة تيجي تساعدك قالتلي استأذنك
احلام الغضب اتملكها:تساعدني في ايه دي واحدة (سكتت وابتسمت بمكر)تساعدني وماله خليها تيجي
تالين بفرحة:بجد
احلام:بجد يا روحي طبعآ
تالين ابتسمت وخرجت:شكلها راضيه عنك
اوتار:انا ممكن اساعدها مش حابة يبقى في بينا خلاف هي فاهمة غلط
تالين هزت راسها:روحيلها
اوتار راحتلها واحلام ابتسمت بمكر واوتار مش بصالها:انا عايزة اساعد حضرتك
احلام:تعالي
اوتار قربت
احلام:هتاخدي يا شطورة حلت الميه السخنه دي توديها لعلا في الحديقة عشان زي منتي شايفة انا مشغولة
اوتار هزت راسها بإيجاب وابتسامة
احلام:استني اناولهالك
مسكت الحلة ودلأتها عليها اوتار بعدت بسرعة بس جه على رجليها وغصب عنها صرخت بألم وبصت لاحلام بصدمة ودموع وعز جري اول مسمع صوتها والباقيين وراه
احلام ببرود:اوبس هي جت على رجلك سوري
عز دخل:في ايه (بص بصدمة)ايه دا
اوتار مش واقفة ثابته وبتبعد فستانها بألم جريت على فوق في اوضة عز وهو وراها
سليم بص لأحلام بغضب:وقعت ازاي عليها
احلام:متسألها هي اللي ايدها سايبة وال ايه جاية تساعدني
عمران غمض بضيق:حرام والله اللي بيحصلها دا
اوتار دخلت رفعت البنطلون اللي كانت لبساه وهي بتعيط بألم جسديآ ونفسيآ عز واقف ورا الباب سامعها ودخل وهي وقفت بسرعه ومازالت بتعيط
عز:انتي لازم تقلعي الهدوم دي
اوتار جت تخرج سحابها:جرحك هيلتهب استني انا هجيبلك حاجة من عند تالين
دخل اوضة تالين ولأول مرة يفتح دولابها بيدور في الهدوم لقى صورة زياد استغرب بس خد فستان طويل وطري ودهولها كانت في الحمام خبط عليها:اوتار
اوتار بتدلق ميه على رجليها بألم
عز:افتحي خدي دا
فتحت خدت الفستان ودخلت ودموعها مغرقة وشها
عز قعد على السرير بضيق:ورجله داست على الصورة غصب عنه وطى وخدها وشاف انها صورة ليالي اتصدم ازاي نسي يشيلها من ساعه موقعت ازاي اهملها
اوتار خرجت وهو بتلقائية وقف بصلها وهي بتمسح في دموعها وبتظبط حجابها
عز قرب وقعدها على السرير وجاب علبة الأسعافات خد منها المرهم وكشف جزأ من رجليها واوتار وقفت وبعدت هزت راسها بنفي:ملوش داعي
عز قربها من السرير:يلا اقعدي
اوتار بعدت:لا انا هعالجه انا هعرف ملوش داعي
عز مسك ايدها وهي بتلقائية زاته وتوازنه اختل بسبب السجادة ومسك فيها وهي مقدرتش تسنده ووقعو على السرير وهو وقع عليها
اوتار اتألمت:اااه
عز رفع وشه بصلها وهي بصتله وهو جسمه اتكهرب وهي حست بيه واستغربت وبصتله وكأنه مغيب وبيفتكر
Flash back
ليالي باسته:حبيبي عشان خاطري بقى خلينا نخرج
عز شدها على السرير خدها في حضنه:القعاد في البيت احلا
ليالي:لا يا عز بقاا
عز باسها:احلا
ليالي اتكسفت ودفنت راسها فيه وهو ضحك:ضعيفة قدامي انتي يا لولو
back
اوتار مصدومه لما شافته بيقرب وفي عينه لمعه غريبه وبتبعده صدره اتشنج من لمستها بعدت وشها وبصوت مهزوز:عز...
عز دفن راسه في رقبتها بيبوسها وهو بيفك حجابها:وحشتيني اوي وحشتيني يا لي لي وحشتيني اسف يا عمري اسف يا روحي انتي
بتحاول تزأه:عز ابعد عني انت بتعمل ايه
عز حط ايده هلى شعرها وباس كتفها:انا بحبك
اوتار بتزاه بعنف والغضب تملكها بدموع:ععععز انا اوتار ابعد عنني....عز كفاية فووووق...
عز فاق من الوهم اللي عقله عيشه فيه وبصلها بصدمه
اوتار بالم وغضب:ابعد عني حالآ ااااه
عز بعد وهي حست بجسمها كله واجعها
عز مدلها ايده وهي قعدت وبصتله:الواضح انك زيهم انت متفرقش عنهم حاجة بس انا مش ضعيفة وهعرف احمي نفسي زي مبابا الله يرحمه وصاني هعرف احمي نفسي منكم
عيطت وهو لعن نفسه وبغضب بيكلم نفسه:ازاي دا حصل وازاي شوفت فيها ليالي...ليالي انا اسف انا اسف بجد انا هبعد عنها مش هقرب ولا هشغل بالي بيها سامحيني يا حبيبتي انا خدت عهد على نفسي اني مش هبص لغيرك ولا هخلي في تعامل اصلآ وهرجع افكر نفسي سامحيني
خرج واوتار عيطت هي عارفة انه يقصد مراته مش هي بس يا ترى دا اللي وجعها؟؟
عز نزل في حالة من الجمود والغضب ومحدش كان عنده الجرأة يقف قدامه استغربوا
تالين :هو في ايه احنا مصدقنا اتحسن
حسام:مش عارف
عمران:انا حاسس انه مهتم بأوتار عقله هيديله ميت حجة واولهم ان باباها كان سبب في نجاحه وانه كان بيشجعه بس بلاحظ اوتار بتعرف تتعامل معاه مش عارف بصراحة شايف انهم لايقين على بعض اكتر من هو وليالي ليالي دي مكنتش زيه في حاجه ومتشبهش اوتار في اي حاجة
احلام:انت بتقول ايه يا غبي انت ليالي دي ضفرها برقبة اوتار اوتار دي متتقرنش بيها لا شكلآ ولا استايل ولا كلام ولا اي شيئ
سليم بغضب:خفي على البت شوية وبعدين ليالي على مزاجك عشان ست سارة صحبتك المصونة اللي هتخرب ييتك
احلام:انا مش فاهمة حمقتك عليها الصراحة مش فاهمة في ايه ومالك ومال سارة موضوعكوا خلص من زمان وانت فسخت خطوبتها من اكتر من عشرين سنة وجت فرحنا واحنا لسة صحاب انت مالك يا سليم في ايه
سليم:عمرك مهتفهمي هتفضل تخليكي تعملي اللي هي عيزاه وهي بعيدة هتفضل مسيطرة عليكي
احلام بصتله بغضب وبعدت نظرها
#رواية_رجل_المهام_الصعبة
للكاتبة/ندى محسن ♕Noody♕
#Nada_Mohsen
الدكتور:مخبيش على حضرتك الحالة صعبة هي قعدت تنزف كتير ومنهكة احنا هننقلها دم والباقي في ايد ربنا
امجد قعد
زياد الدموع لمعت في عينه:معقول هو اللي ضربها كدا ازاي يجيله قلب دي مبقتش عارفة تتنفس
امجد:انا لازم اتجوز اوتار انا عندي عمليه بليل لازم اخلصها وبعديها انا هاخد اوتار
زياد بغضب:احنا في ايه ولا في ايه تتجوز وماما في الحالة دي وبعدين اوتار دي سيبها في حالها كفاية وجع قلب ليها وبهدلتها دا مفيش حد في سوء حظها
امجد:شششش اسكت بس انت انا عارف جلال عايز ايه وانا بقى هدمرله كل خطته
#رواية_رجل_المهام_الصعبة
للكاتبة/ندى محسن ♕Noody♕
#Nada_Mohsen
وصلو سيف ومالك وسراج وعز وامجد على المكان اللي هتتم فيه العملية وزي متفقوا كلهم في اماكنهم عز:محدش هيتحرك غير لما ياخد مني الإشارة
سيف هز راسه بإيجاب وهما مستنيين
في شاحنة وقفت على بعد بسيط منهم واستغربوا ايه اللي بيحصل بس عز اتحرك بخفة وهو بيبص حواليه مفيش حد قرب من الشاحنة ملقاش السواق بتاعها موجود
امجد: بيعمل ايه دا
مالك: مش هنروح معاه
سيف: لا محدش يتحرك غير بالإشارة
فضلوا قاعدين وعز ضرب قفل الشاحنه كذا طلقة فتحت لقى حد متغطي شال الغطا واتصدم بصاحبه عادل اللي كان في وسط عصابة الدمنهوري اثار التعذيب باينه عليه ومتحاوط بقنابل بتعد تنازلي في خلال خمس دقايق هتنفجر
عز جري على عربيته مكنش في وقت يروحلهم شاور لسيف وسيف اهتم بالباقي وشاورلهم وامجد متحركش عندآ في عز
عز جاب صندوق من عربيته وبسرعه فتحه جاب اصافة وجري على الشاحنه ومعاه سيف ومالك وسراج اللي اتصدموا عز بيفك السلك والقنبلة مازالت بتعد فاضل اقل من دقيقتين
عز بغضب قوم صاحبة بحذر وبيفك الحزام من ورا بيحاول يفكله القنابل وكل ميخلص يلاقي واحدة لحد رجله صرخ في فريقه: ابعدووو حالآ يلاااااا
سيف: عز انت بتقول ايه لا يمكن نسيبك انت
عز بص لسيف بغضب وتحذير ورجع يفك القنابل من على صاحبه: دا امر امشوا حالآ
سيف:سيييبه عز سيبه فاضل 40 ثانية يا دوبك نبعد عز داااا مااااات
عز بغضب:انت سمعت انا قولت ايه امشوووو
سراج سحبه ومالك بعد وهما مراقبينه وسيف هيتجنن
عز فك اخر قنبله وفاضل 15 ثانيه نزل من الشاحنة بجمود وشال صاحبه وجري بيه بأقصى سرعه بعيد عن فريقه اللي مكنش حابب لو حصله حاجة حد يشوفه القنبلة انفجرت وعز اتنطر وهو لسه ماسك في صاحبه وقع دماغه اتخبطت في الصخرة ابتسم بكبرياء وهمس لصاحبه:مش قولتلك مش هسيبك انت...كنت بطل...ومازلت بطل سلام...في امان الله يا صاحبي
سيف صرخ بغضب:هو فين مش معقول يكون حصله حاجة
امجد بقلق:هو اللي عاملي فيها الشهم يشرب بقى
القنابل بقت تنفجر واحدة ورا التانية وعز ورا الصخور ماسك في صاحبه وحاضنه وهو واثق ان دا الحضن الأخير والدموع لمعت في عينه وهو مركز في تفاصيل وشه وبيفتكر
Flash back
عز:العمر واحد والرب واحد
عادل:صح يا صاحبي بس انت لو حصلك حاجة مش عارف كنت ممكن اعمل ايه خلي بالك من نفسك
عز ابتسم:حاضر دي مراتي نفسها مبتعملش معايا كدا
عادل ضحك:انا اكتر من مراتك يا سيدي ملكش دعوة انا صديقك
عز ابتسم وسند ايده على كتفه:تعرف لو الدنيا كلها خذلتني ببقى عارف اني ورايا اخ وصاحب واب عمره مهيخذلني
عادل برخامه:مين يا ترى
عز زاه بضحك:انت يله رخم
عادل ضحك:يا عم بنضحك معاك منضحكش
عز بغيظ:لا اضحك يخويا اضحك
back
عز غمض عينه بوجع:ابقى سلملي على ليالي يا ريتني كنت مكانك....
الانفجارات وقفت وسيف ومالك كانوا اول حد راحولوا
سيف قرب:مالك تعالى اهو لقيته
قربه وشافوه مجروح وقف بألم وساند عادل
سيف:انت كويس
عز هز راسه بإيجاب
مالك سند عادل بحزن وعز رافض يسيبه
سيف:هنروح على المستشفى
عز هز راسه بإيجاب
في المستشفى
سراج:يعني كانت لعبة بيلعبوا بينا
عز ساكت
مالك:لازم تكشف انت تعبان
عز هز راسه بنفي وملامحه منهكة وسيف قرب حضنه:ربنا يرحمه
عز بصله وبصلهم ووقف
امجد بصله بقلق وبعد نظره عنه
الدكتور خرج:دا ميت من ساعتين والواضح انه اتكهرب كتير غير انه مات غرقان اصلا؟ وهدومه غرقانه
عز بيجز على سنانه بغل والم ومشي
سيف هيروح وراه مالك مسكه وهز راسه بنفي: سيبه هو محتاج يبقى لوحده
هو محتاج يبقى لوحده!هل عز فعلاً محتاج يبقى لوحده هل الواحد لما الدنيا بتضيق عليه ويبقى تايهه بيبقى محتاج يبقى لوحده!!ولا ملقاش اللي يكون ملجأ ليه غير وحدته....
عز مشي وراح على البيت طلع اوضته عشان يغير دخل الحمام قلع كل هدومه وخد شاور وعالج الجرح اللي في جبينه عز قعد على السرير بإحباط وغمض عينه بحزن اتوضى ونزل لاوضته يصلي حس ان دا اكتر وقت محتاج حد جمبه فيه حس انه عايز يترمي في حضن حد ويخرج كل اللي جواه بس لا حياة لمن تنادي عز مش هيلجأ لحد فضل يصلي ويدعي ربه وحس براحة غريبة حس كأن جبال هموم انزاحت من على قلبه خرج لقى اوتار قدامه استغرب انها لسة صاحية وهي بصاله ومركزة معاه نظراتها ليه معرفش يميزها اتجاهلها بجمود وجه يطلع وقفته: عز
عز وقف وملتفتلهاش
اوتار: انت كويس؟؟ انت تعبان.؟ انت كنت فين
عز بصلها بإستغراب وسخرية: بتسالي ليه المفروض اقولك تحركاتي من هنا ورايح ولا ايه مش فاهم
اوتار: حلمت بيك حلم غريب وبعدين سمعت صوت عربيتك لقيتك نازل منهك ومجروح اترددت انزل بس مقدرتش استنى... يمكن محتجلي؟
عز بصلها بإنتباه: انتي حلمتي بإيه
اوتار: حلمت انك كنت هتقع في حفرة سودا كبيرة حواليها تعبان اسود كبير حلمت انك بتتخطاه وانت شايل قلبك على ايدك كان كابوس
عز بصلها والصدمة متملكاه قلبه دا يبقى عادل اللي كان بيحارب الموت وهو معاه
اوتار: بصراحة انا خفت انت كنت فين
عز مش عارف يرد عليها ومش عارف اشمعنا هي اللي تحلم الحلم دا وايه المغزى ميت فكرة وفكرة بتدور في دماغه بيسال نفسه ليه؟
اوتار: عز.؟
عز طلع على اوضته وهي مستغربة وهو قعد بإستغراب: ايه يعني يا عز حلم عادي... ايه المشكلة ومش بعيد يكون امجد قالها وهي بتالف بس ليه...
مسك صورة ليالي ونام
اوتار قعدت في اوضتها وبتدهن رجليها بالم: منتي جريتي على تحت ايه حكايتك يا اوتار ابعدي عن عز....يا رب انا حاسة اني تايهه..اللهم دبر لي فأني لا احسن التدبير
قعدت تكرر الدعاء واستغفرت كتير وحست براحة وفردت جسمها بهدوأ
سيف اتصل بعز الصبح وعز صحي:صباح الخير
عز:صباح الخير
سيف:الجنازة كمان ساعة....
عز:فين
سيف:هنعملها عندنا دا شهيد
عز ابتسم بحزن وهز راسه بإيجاب:هلبس وانزل...
لبس بدلة سودا وكرڤته سودا ونزل الكل التفتله
تالين:النهاردا اجازة رايح فين
عز بصلها وبصلهم واوتار بصاله
سليم:ايه يا عز في حاجة؟
عز:عادل صاحبي..
سليم:ماله بقالي شهور مشوفتوش الواد دا
عمران:كان زي العسل هو فين صح يا زوز
عز:مات....عادل استشهد امبارح
الطبق وقع من ايد احلام اتكسر وبصتله بصدمة والكل اتصدم واوتار بصاله شافت نظرة جديدة في عينه نظرة حزن والم واخيرآ نظرة اشتياق
عمران خد نفس طويل بسرعه وخرجه بنفس السرعه وهو حاسس الاكسجين فجاة خلص او هو اللي نسي ازاي يتنفس....
عز:كنا في مهمة امبارح توهونا بدل منلاقي البضاعه لقينا جثته ومش لازم التفاصيل مش عايز اسألة لأني مش هقدر اجاوب
عمران اتكلم وعينه لمعت بسبب الدموع:استناني انا جاي معاك انا كنت ناوي اخلص شغل اضافي وخارج بس هاجي معاك
حسام مقدرش يستحمل دموعه خانته وخرج
احلام بضيق بصت لسليم والدموع في عينها:انا هستنى لما ابني يحصله حاجه هااا هستنى ايه يا سليم انا قولتلك بلاش نعيش في وجع القلب دا
سليم:ملوش لازمة الكلام دا دلوقتي ممكن تسكتي
عز خرج وهو في قمة ثباته مع ان اللي هيدقق في عينه هيعرف ان جواه عكس كدا جواه انهيارات بتحصل جواه متحطم جواه بيعيط بحرقة ومحدش سامعه....
اوتار متحركتش وعرفت سبب الحلم وعرفت ليه شكله كان منهك وعرفت انه اكيد بيعاني توترة ونظرة الحزن اللي في عينه واخيرآ قسوته وجموده اللي بيحاول طول الوقت يفرضهم على قلبه
سليم بعتاب:ملوش لازمة الكلام يا احلام انتي مش شايفة ابنك.... ابنك ربنا العالم بيه متنسيش ان عادل دا كان اول صديق ليه ولحد موت ليالي مكنش بيفارقه ملوش لازمة تكملي عليه هو مش صغير ولو حاجة مكتوباله هيشوفها ولو قاعد في بيته ثل لن يصيبنا الا ما كتب الله لنا طمني قلبك
احلام:وانا عملت ايه انا قلبي بيوجعني مع كل مهمة بيروحها وابنك مبيسمعش لحد واخدلي اي مهمة صعبة تحدي عاملي فيها رجل المهام الصعبة
سليم:طيب ممكن تهدي ابنك راجل مش صغير والأعمار بيد الله
احلام اتنهدت:ونعم بالله
بصت لاوتار السرحانه:انتي بتعملي ايه هنا
اوتار بشرود:كان شكله منهك وانا مفهمتش ماله...
سليم بصلها:هو اتكلم معاكي امبارح
اوتار هزت راسها بإيجاب:بس في الاخر مردش عليا ومشي
احلام:وانتي تتكلمي معاه ليه انتي
اوتار بصتلها واتحرجت
سليم بص لأحلام بنفاذ صبر:حبيبتي تالين خدي اوتار وروحي اشتري حاجة وهاتيلها اي حاجة تعجبها
احلام بضيق طلعت
اوتار:ملوش داعي...انا مش عايزة حاجة
سليم:لا انا مصمم خلي بالكوا على بعض
تالين هزت راسها بإيجاب:هاخد عربيتك
سليم:ماشي يا ستي اهم حاجة رجلك عاملة ايه دلوقتي يا اوتار
اوتار وعلامات الالم ظاهرة على وشها:الحمد لله
سليم:لا شكلك لسه تعبانه ريحي النهاردا وبكرا لو احسن انزلوا
تالين هزت راسها بإيجاب:تعالي بقى معايا
اوتار:طيب
#رواية_رجل_المهام_الصعبة
للكاتبة/ندى محسن ♕Noody♕
#Nada_Mohsen
الدمنهوري بيضحك:انت جاامد اخر حاجة لولاك مكنتش عرفت انهم كشفونا ومن مين عادل اللي كان مع رجالتي
.....:اهم حاجة العمليه تتم بنجاح فيها مبلغ جامد
الدمنهوري:اككيييد لازم تتم انا بقول نعملها يوم راس السنة مش هيشك
......:تؤ تؤ خلي بالك عز مش سهل لازم تفكر في كل خطوة هتخودها بحساب
الدمنهوري:بقولك ايه احنا هنعملها يوم راس السنة وحد من عند الحلو دا يشرفنا هنا وتليفون يسمع صوتهم يتجنن ونضرب ضربتنا ونخليهم يحصلوا عادل ونخلع ومفيش اي دليل علينا
......:لا بلاش حد من عيلته احنا نشتته وبس لكن اوعى تأذي حد من عنده عز هيبقى عامل زي الأسد المجروح وهيهاجم اي حد انا عارفه كويس
الدمنهوري ابتسم بمكر:امرك
......ابتسم:حلو اووي كدا
عز رجع هو وعمران احلام ندتله:استنى
عز وقف وبصلها
احلام حضنته بحنان
عز ابتسم برسمية
احلام باست جبينه وسليم ابتسم:منتي حنينة اهو مخبياها ليه مفيش عليها ضريبة والله
اوتار ابتسمت
احلام:انا عزمت تقى و مراد ومدام سارة يجوا يقعدوا معانا وعشان نحتفل سوا في حفلة راس السنة ونبدا سوا سنة جديدة
عز بصلها:بجد ووافقوا
احلام هزت راسها بإيجاب:مدام سارة كانت مش عايزة بس تقى قالت هقنعها وهيحجزوا تذاكر السفر على مصر وهيجوا
اوتار همست لتالين:مين دول يا تالي
تالين:اهل ليالي سارة تبقى مامتها بس اجارك الله منها محدش بيرتحلها وتقى ومراد ولادها وقاعدين في امريكا
اوتار هزت راسها بتفهم
عز ابتسم:دي حاجة كويسة جدا شكرا
اوتار ابتسمت لما لقته فرح وهي مستغرباه ازاي مزاجه بيتغير بالسرعة دي
احلام:اوتار انتي هتباتي مع الخدامه لان تقى بتحب الاوضة اللي قدام اوضة عز والخدامه هتظبط باقي الاوض ويا ريت تساعديها
اوتار حست بالإهانه والكل باصصلها ابتسمت بإحراج:اكيد...اكيد علا لو هتروق دلوقتي يلا....
عز اتضايق لما شاف ملامحها بهتت والإحراج اتملكها قبل مينطق امجد دخل واوتار بصتله بإستغراب
امجد:عاملين ايه ازيك يا قلبي
احلام استغربت من تعامله مع اوتار:قلبك!!
امجد ضحك:طبعآ دي حياتي انا جاي اخدك يا توتا
اوتار:بجد
امجد هز راسه بإيجاب
اوتار:بس هنروح فين وطنط اماني و
امجد:تعالي بس وهتعرفي كل حاجة وكمان انا وانتي هنتجوز حالآ هنكتب الكتاب
اوتار وكل اللي واقفين ااتصدموا
امجد:بعد اذنكوا بقى لازم نمشي
سحب اوتار واوتار بصت لأيده وبصتله ........
#استودعكم_الله
يلا الكل يعمل متابعة لصفحتي بينزل عليها الحلقة بدري
#Nada_Mohsen
الأسئلة:-
رأيكم في طريقة تقى مع سارة وهل هي اللي وصلتها لكدا؟! مين اللي خان عز والفريق بتاعه وتفتكرو حد في فريقه وممكن يبقى مين ودا سؤال هتخدو وقت عقبال متعرفو اجابته بس مش هطول عليكوا ؟! امجد هياخد اوتار وهل هي هتوافق؟!
الحلقة الثالثة
للكاتبة/ندى محسن ♕Noody♕
#Nada_Mohsen
اوتار جريت اتخبطت في جسم صلب ريحته بقت مألوفة بالنسبة ليها في اخر يومين بصتله وابتسمت من وسط دموعها
عز بصلها بعدم فهم وبص لجلال بغضب
اوتار حست بإيد جلال مسكت دراعها بعدتها بصراخ ووقفت ورا عز زي متكون طفلة تايهه واخيرآ لقت ملجأها : لاااء خليه يبعد عني وحيات اغلى حاجة عندك ورحمة اي حد بتحبه متسيبهوش ياخدني انا بكرهه انت كدا تبقى رديت الجميل اللي عايز ترده وزياده خليه يسيبني دلوقتي بس
جلال ماسك ايده بألم وبغضب: انا هخليكي تندمي يا بنت ال******
قرب سحبها: ازاي تتجرأي وتستخبي فيه ومني انا انا محدش بيحبك قدي
اوتار بدموع بتضربه:سيبني سيبني بقى
عز لكمه بعنف وجلال اتصدم مكنش متوقعها وضحك بسخرية: انت تمد ايدك عليا انا يا عز
عز بتحذير مخيف مسكه من رقبة قميصه بعنف:لو ممشتش من هنا هدفنك مكانك وانت اللي جاي برجلك انت تتجرا وتمد رجلك في البيت دا اعتبر نفسك ميت يا جلال هاا
جلال بص لأوتار اللي مستخبيه في عز
وعز لاحظ الدم اللي على هدوم جلال
جلال بعد وهز راسه بإيجاب وسخرية:حاضر حاضر هامشي بس هاخدك فاهمه
مشي وعز بصله ببرود
اوتار بصتله وعنيها اللي تشبه اللؤلؤ الازرق مليانه بالدموع اتفاجأت بيها بتضحك بصلها بإستغراب وعدم فهم
اوتار ابتسمت وهي بتمسح دموعها: شكرا شكرا جدا انا كنت مرعوبة انت اول حد يقف قدامه كدا انا مش عارفة اقولك ايه دا اكبر جميل ممكن حد يعمله معايا
عز باصصلها وساكت
اوتار بصاله وابتسامتها اختفت وافتكرت انها حلفته برحمت مراته
عز بصلها واتنهد بضيق
اوتار اتحرجت واتضايقت انها نسيت : انا.. مقصدتش
عز: انا مش عايز مشاكل وعايزك تبعدي كل البعد عني احسنلك فاهمه انا مش ناقص
اوتار بصت لتحت بإحراج وهو دخل
امجد: في ايه هو ماله بيكي وليه كان بيكلمك كدا
اوتار: مفيش.... انت جيت امتى
امجد:لسة جاي عايزة ايه
اوتار فكرت شوية وابتسمت بثقة: مش عايزة حاجة
امجد استغرب: مالك ايه اللي غيرك مش انتي نفس الشخص اللي كان بيكلمني في التليفون
اوتار بصتله: انا كويسة
امجد:كنتي عايزة ايه
اوتار:انا كنت....عايزة هدوم عيزاك تجيبلي هدوم من البيت
امجد:والنبي؟دا اللي انتي جيباني عشانه
اوتار بغموض:وانت كنت فاكر ايه
امجد حط ايده على كتفها:كنت فاكر حاجات كتير اولهم انك تثقي فيا وتنسي نفسك وانا معاكي
اوتار زأت ايده:انا اسفة بس انا مش هعمل حاجة غلط وحرام ومسمحلكش تمد ايدك
امجد بصلها وهي جريت على جوا وهو كان هيروح وراها بس اتراجع وابتسم بسخرية:بكرا انتي اللي هتجيلي
عز افتكر الدم اللي شافه على هدوم جلال ونزل بضيق خبطت اوتار فيه على السلم
اوتار حطت ايدها على جبينها بألم:انت صدرك دا حجر يا اخي؟
عز رفع حاجبه بتلقائية :نعم هو مش حضرتك اللي مصممه تتظاهري بالعما بصي قدامك
اوتار هزت راسها بإيجاب واحراج
عز بصلها بيفحص جسمها بعناية مفيش اي اثر للدم
اوتار بصتله بإستغراب
عز:افتحي ايدك
اوتار فتحت ايدها:في ايه بتبصلي كدا ليه
عز هز راسه بنفي:مفيش
اوتار:انا هروح فين
عز:يعني ايه
اوتار بكسوف:مش هفضل في اوضتك يعني
عز:الأوضة اللي قدامها دي اللي المفروض تتنضف الخدامه فيها اكيد ماما قالتلها
جه ينزل اوتار وقفته:استنى
عز:اللهم طولك يا روح متسيبك مني انا مالي ومالك
اوتار اتحرجت والدموع لمعت في عينها:مش قصدي اضايقك انا اسفة بس انا مش عارفة اروح فين
نزلت على تحت اترددت تخرج بس راحت الحديقة حست انها ملهاش حد وحست انها رخيصة قعدت في الأرض بإنكماش محاوطة نفسها في عالمها هي وبس بقت ترتجف بخوف وبتفتكر جلال ومع كل مرة قرب منها وحط ايده عليها وبتكره نفسها اكتر انكمشت اكتر وهي محاوطة نفسها ودافنه راسها في رجليها وعيطت وهي بتفتكر أمجد وازاي حسسها انها رخيصة وكان بس بيتباها بيها وحبها لأبوها ويوم موته لما كانت برا البيت مع امجد لما عدى عليها قدام المدرسة ورجعت ملقتوش وبعديها اماني مرات ابوها رجعت لجلال وقعد في بيت باباها وصدمتها من خمس سنين افتكرت معاملت جلال ونظراته بعد مخد كل املاك ابوها ومكانه في البيت انهارت وبقت تعيط من قلبها وافتكرت معاملة عز واحلام حست بحد قدامها انكمشت اكتر وصوت عياطها بيتكتم
عز اتنهد بنفاذ صبر:انا مش ناقص اني احس اني السبب في اللي انتي فيه دا انا مش وحش للدرجة
اوتار بصتله بتفاجأ
عز قعد قدامها:اهدي ممكن
اوتار بدموع:انا بكره نفسي
عز بصلها بإستغراب:ليه بتقولي كدا
اوتار بدموع:انا بكرهني وخلاص
عز بصلها وفهم انه بسبب جلال
اوتار:بجد اسفة انت ملكش ذنب بس انا بعد مبابا مات من خمس سنين حسيت نفسي مليش ضهر انت كنت اول حد يدافع عني عشان كدا كنت هتكلم معاك بس انا نسيت....انا مش متشردة على فكرآ انا عندي فلوس واملاك واكيد انت عارف بس عمي جلال هو واخدهم عارف انا مش عايزة غير انه يبعد عني انا مش عايزة حاجة ومعنديش مكان ابات فيه بس انا عندي حساسية مش عايزة مكان يبقى في تراب وخلاص
عز بصلها وابتسم على برائتها:هنا مفيش تراب متقلقيش
اوتار بصتله وبص لأبتسامته وابتسمت ورجعت بصت لتحت بإحراج
عز:متقعديش في الأرض كدا وتعالي هخلي تالين تشوفلك حاجة تلبيسيها وتبقي براحتك
اوتار:انا كنت هروح مع زياد هيشوفلي مكان و
عز:بعد اللي جلال عمله دا مش في صلحك انسي ولا انا غلطان دا حيوان دا ومبيفكرش
اوتار هزت راسها بإيجاب:انا عضيته
عز ضحك على برائتها وطلع وهي وراه خبط على تالين
تالين فتحت: عز ءامر
عز:شوفيلها حاجة تلبسها وخلي بالك منها
تالين استغربت وبصت لعز:ايه؟
عز بجمود:انجزي
تالين:ح..حاضر ادخلي يا مزة
اوتار دخلت وهو سحب تالين وهمس:مش عايز حسام يبهت عليكي انا مستحمله اساسآ بالعافيه وبعدين متزعليش من اللي حصل الصبح مكنتش اقصد
تالبن بصتله وهي مبتسمة بتفاجأ وهزت راسها بإيجاب وهو نزل قفلت الباب وبصت لأوتار:ايه
اوتار:ايه؟
تالين:عمالتي في اخويا ايه اللي مخليه مهتم بيكي يعني
اوتار بإستغراب:معملتش حاجة
تالين:لا مش هو وشه رايق كدا ومتزعليش من اللي حصل وبتاع ايه الروقان دا
اوتار:هو كدا رايق انا مليش علاقة بس هو طبعه جامد....تحسيه معندوش قلب وف نفس الوقت غريب يعني لو معندوش قلب مكنش هيساعدني
تالين:يساعدك ف ايه؟
اوتار:ايه هاا اه يا بنتي مش قالك تشوفيلي حاجة البسها عشان اغير مش مساعدة دي
تااين:ايوا فكرتيني انتي ادمك خير علينا
اوتار بصتلها وابتسمت بفرح لكلمتها:بجد؟
تالين:بجد وجد الجد
الباب خبط وتالين ردت:نععم
زياد:معلش يا تالي نادي اوتار
تالين ابتسامتها اختفت وبصت لأوتار واوتار لاحظت وخرجت وتالين خرجت فستان لأوتار وقعدت بإنزعاج وضيق:نادي اوتار يا تالي تالي قال تالي في عينك
زياد:يعني هتبقي هنا
اوتار هزت راسها بإيجاب
زياد:هتبقي كويسة
اوتار هزت راسها بإيجاب
زياد:خلي بالك من نفسك لو في حاجة كلميني انتي ممعكيش تليفون صح خدي خلي دا معاكي
اوتار هزت راسها بنفي:دا تليفونك
زياد:انا هتصرف ومبعملش حاجة مهمة فيه رصيد متقلقيش يعني
اوتار ابتسمت:انا مش عارفة لو كان ربنا رزقني بأخ كان هيعمل معايا زي مبتعمل كدا
زياد:كان هيعمل اكتر من كدا خلي بالك من نفسك هحاول اجيلك بكرا
اوتار هزت راسها بإيجاب:سلملي على طنط اماني...
زياد ابتسم:الله يسلمك خلي بالك من نفسك
اوتار هزت راسها بإيجاب
زياد مشي وهي رجعت لتالين اللي عيونها فضحينها وابتسمت وقعدت جمبها:اخويا
تالين بنفس التكشيرة اللي محلياها ومخلية شكلها طفولي:نعم؟
اوتار:زياد دا زي اخويا بالظبط انا وهو زي الأخوات وبس وحتى بينا حدود يعني رسميين اكتر من الأخوات
تالين:وانا مالي بتقوليلي ليه
اوتار:مبقولكيش انتي (شاورت على قلب تالين)بقول لدا عشان يرتاح
تالين اتكسفت ووشها احمر:اوتار دا..مش صح انا...
اوتار:انتي معجبة بيه وانتي صح انك مبينتلوش حاجة زي كدا تأكدي لو ربنا اراد يجمعكوا هيجمعكوا وغصب عنكوا هتبقو من نصيب بعض
تالين ابتسمت بكسوف وهزت راسها بإيجاب
اوتار ابتسمت:تعرفي انا عمري متكلمت مع بنت كدا زي مبتكلم معاكي حقيقي حاجة حلوة ان حد يبقى عنده اخت
تالين:ازاي مكنتيش بتدرسي او روحتي جامعه
اوتار بإحراج:كنت وانا صغيرة اه لكن بعد بابا ممات بقى عمو جلال يضربني اول ميشوفني مع حد وانا بخاف منه ف...مبقتش اصاحب...ولحد الجامعة والمفروض سنة تانية كلية تجارة واهو هتروح عليا...
تالين بحزن مسكت ايدها: تعرفي يا اوتار انتي حلوة اووي وانا مرتحالك جدا
اوتار ابتسمت وسمعوا اذان العصر وتالين دخلت الحمام الخاص بأوضتها واوتار نزلت عشان تصلي
دخلت اوضة الصلاة شافت عز قاعد وساند ضهره على الحيطة ومغمض عينه بيسبح كانت هترجع بس صوت عز وقفها: بتعملي ايه هنا
اوتار بتوتر: انا... كنت هصلي..
عز فتح عينه وبصلها: ادخلي
اوتار بصتله بإستغراب وهزت راسها بنفي
عز بصلها وبلهجة جامدة: ادخلي
اوتار دخلت بتردد
عز: اقفلي الباب
اوتار: لا سيبه...
عز فهم انها مش عايزة تبقى معاه لوحدهم وهز راسه بإيجاب: اقعدي
اوتار قعدت بإستغراب
عز: عايزك تحكيلي على كل صغيرة وكبيرة من ساعة مشوفتي جلال
اوتار بصتله ريقها نشف او يمكن دمها هو اللي هرب ودليل على كدا لون شفتها اللي ابيضت بعد مكانت حمرا وعز ملاحظ اقل انفعالاتها حست ان جسمها تلج
عز: في ايه مالك
اوتار بتبلع ريقها بصعوبة وهزت راسها بنفي: مفيش بس انت عايز تسمع ليه... هيفيدك في ايه انت ناوي تعمل ايه انا مش عايزة مشاكل
عز بسخرية: انا مش جاي احكي معاكي ولا فضول مني انا الرائد عز سليم المنشاوي وجلال انا بجمع معلومات عنه ولحد الأن مفيش دليل قوي اني امسكه
اوتار بصتله بتفاجأه وافتكرت يوم الحفلة: بس اللي هحكيه مش هيفيدك في حاجه
عز: انا اللي هحدد هيفيدني ولا لا
اوتار اتحرجت وهزت راسها بإيجاب
عز مركز معاها وفهم انها خايفة:هو في ايه انتي مرعوبة من ايه كدا
اوتار هزت راسها بنفي:مش من حاجة...بس هو حذرني لو جبت سيره لحد...هو هيحرقني
عز:يحرقك ازاي اكيد بيهدد يعني وانتي مش طفلة عشان تصدقي
اوتار هزت راسها بنفي:انا قولت لأمجد وهو عرف ف..هو جاب السكينه سخنها وغرزها في ضهري لحد دلوقتي معلمه ورفض اني اعالجها او احطلها حاجة انا اسفة يا عز انا اسفة مش هقدر اعمل كدا....
جريت على برا قبل معز ينطق وهو اتنهد والغضب اتحدى بروده بس بمنتهى السهولة فاز وقدر يترسم في ملامحه بمهارة وقف ودخل المكتب وفتح الدرج بتاعه جاب الملف وبقى يقرأ فيه:جلال الرشيدي 12 عمليه نهب وسرقة اشتركت فيها 7 عمليات تهريب تاجر في المخدرات والممنوعات قاتل قتلت رعد السويدي من خمس سنين سكري وكلب ستات
قفل الملف بغضب:كل مادا بكتشف حاجات توديك ولا الشمس بس لسه عشان يوم مهتقع مش هتعرف تقوم فاضل تكه يا حلو
#رواية_رجل_المهام_الصعبة
للكاتبة/ندى محسن ♕Noody♕
#Nada_Mohsen
امجد دخل البيت وهو متعصب:ماشي يا اوتار شاف اماني واقعة في الأرض والدم على جسمها جري عليها بصدمه بيحركها:ماما....ماما فوقي ماما
اماني فتحت بتعب ومش قادرة تاخد نفسها:ا...امجد...انا..بموت
امجد بصلها بصدمه وعدم تصديق:مين اللي عمل كدا مستحيل يكون هو...
اماني:اوتار....متخليهوش..ياخد اوتار
امجد شالها:هنروح المستشفى يلا
اماني بتتالم خرج لقى زياد جاي
زياد بصدمة وخوف:ايه دا امجد هي مالها في ايه
امجد:بسرعه اركب ورا عشان تسندها هنوديها المستشفى انجز
ركب وامجد بيسوق بسرعه ومبقاش شايف قدامه والغضب ماليه من جلال
#رواية_رجل_المهام_الصعبة
للكاتبة/ندى محسن ♕Noody♕
متابعة لصفحتي هنا
#Nada_Mohsen
تقى بتلعب في تليفونها وسارة قاعدة بصلها بغضب وتقى متجهلاها
سارة خدت التليفون منها
تقى:افندم عايزة ايه
سارة:اللي قتلتيه دا انا مش عيزاها تتكرر في بيتي
تقى غمضت بغل:الاحسن متفتحيش الموضوع فاهمة
سارة بغضب:انتي هتعملي الشريفة انتي كنتي بنفسك بتحاولي تغري عز جوز اختك وهو الي رفض يا بنت ال*****
تقى مسكت رقبت سارة بعنف وغل وخبطتها في الحيطة وسارة صوتت بالم:سيبيني يا مجنونة انا امك ااااه
تقى بنظرات مش مبشرة بخير وغضب:لو جبتي سيرة بابا اعتبري نفسك انك ميته واهو تحصلي القذر اللي كان معاكي فاهمة يا سوو هاا فاهمة يا حلوة وتحصلي بنتك القذرة اللي كانت شبهك بكل قرفك ومكنتش تستحق ضافر من عز بس
سارة زأتها بعنف وهي بتحاول تاخد نفسها:سيبيني انا امك انتي اتجننتي
تقى زاتها بعنف وقعتها وخدت التليفون بتلعب عليه بهدوء:انتي اللي ربتيني وانتي اللي علمتيني بس ازاي انا مش شبهك (ابتسمت بحب)الحب بيغير وانا بحب فمش هبقى زيك هاا انا بحبه
سارة بصتلها بغل:ماشي يا تقى ماشي يا بنت مازن
#رواية_رجل_المهام_الصعبة
للكاتبة/ندى محسن ♕Noody♕
متابعة لصفحتي هنا
#Nada_Mohsen
حسام: اوتار متيجي تقعدي معايا تعالي نلعب بلايستيشن
اوتار: مبعرفش
حسام: هعلمك والله
عمران وسليم رجعوا من الشركة وتالين جريت حضنت سليم واوتار بصتلهم ابتسمت
عمران بص حواليه: فين عز
حسام: في اوضة المكتب
عمران: طب كويس عايزو بعد اذنكوا
غمز لأوتار وهي اتكسفت وبصت في الأرض وهو ضحك ودخل لعز
سليم:القمر بتاعتنا عاملة ايه
اوتار ابتسمت وبصتله:الحمد لله انا كويسة يا عمي...
سليم:اومال احلام فين
تالين:في المطبخ بتقول للخدامه هتعمل ايه
سليم هز راسه وراحلها
احلام:اللحمة تشويها كويس انتي عارفة عز بيحبها كدا خلي بالك وكمان هتظبطي الصوص دا سليم بيحبه حلو كدا ايوا روحي يلا وديهم على الشواية اللي في الحديقة يلا بسرعة يا علا
علا هزت راسها بإيجاب:حاضر
خرجت وسليم ابتسم بخبث واستغل الفرصة وحضن احلام وهو وراها وهي شمت ريحته ابتسمت:انت عمرك مهتتغير من27 سنة
سليم ضحك:27 ايه بس هتكبرينا بدري
احلام:طيب سيبني بقى علا او حد من العيال لو جم شكلنا مش لطيف
سليم:ايه المشكلة واحد حاضن مراته عادي يعني
تالين داخلة:ماما بابا
سليم اتنطر لورا واحلام ضحكت
تالين ابتسمت:بتضحكوا على ايه
سليم:ولا حاجة يا حبيبة بابي بقولك ايه يا ست احلام انا رايح اغير وكفاية عماله تعطليني
تالين بمناغشة:هي بردو
سليم ضحك وطلع وتالين واحلام ابتسموا
احلام:كنتي عايزة ايه بقى
تالين:اوتار عايزة تيجي تساعدك قالتلي استأذنك
احلام الغضب اتملكها:تساعدني في ايه دي واحدة (سكتت وابتسمت بمكر)تساعدني وماله خليها تيجي
تالين بفرحة:بجد
احلام:بجد يا روحي طبعآ
تالين ابتسمت وخرجت:شكلها راضيه عنك
اوتار:انا ممكن اساعدها مش حابة يبقى في بينا خلاف هي فاهمة غلط
تالين هزت راسها:روحيلها
اوتار راحتلها واحلام ابتسمت بمكر واوتار مش بصالها:انا عايزة اساعد حضرتك
احلام:تعالي
اوتار قربت
احلام:هتاخدي يا شطورة حلت الميه السخنه دي توديها لعلا في الحديقة عشان زي منتي شايفة انا مشغولة
اوتار هزت راسها بإيجاب وابتسامة
احلام:استني اناولهالك
مسكت الحلة ودلأتها عليها اوتار بعدت بسرعة بس جه على رجليها وغصب عنها صرخت بألم وبصت لاحلام بصدمة ودموع وعز جري اول مسمع صوتها والباقيين وراه
احلام ببرود:اوبس هي جت على رجلك سوري
عز دخل:في ايه (بص بصدمة)ايه دا
اوتار مش واقفة ثابته وبتبعد فستانها بألم جريت على فوق في اوضة عز وهو وراها
سليم بص لأحلام بغضب:وقعت ازاي عليها
احلام:متسألها هي اللي ايدها سايبة وال ايه جاية تساعدني
عمران غمض بضيق:حرام والله اللي بيحصلها دا
اوتار دخلت رفعت البنطلون اللي كانت لبساه وهي بتعيط بألم جسديآ ونفسيآ عز واقف ورا الباب سامعها ودخل وهي وقفت بسرعه ومازالت بتعيط
عز:انتي لازم تقلعي الهدوم دي
اوتار جت تخرج سحابها:جرحك هيلتهب استني انا هجيبلك حاجة من عند تالين
دخل اوضة تالين ولأول مرة يفتح دولابها بيدور في الهدوم لقى صورة زياد استغرب بس خد فستان طويل وطري ودهولها كانت في الحمام خبط عليها:اوتار
اوتار بتدلق ميه على رجليها بألم
عز:افتحي خدي دا
فتحت خدت الفستان ودخلت ودموعها مغرقة وشها
عز قعد على السرير بضيق:ورجله داست على الصورة غصب عنه وطى وخدها وشاف انها صورة ليالي اتصدم ازاي نسي يشيلها من ساعه موقعت ازاي اهملها
اوتار خرجت وهو بتلقائية وقف بصلها وهي بتمسح في دموعها وبتظبط حجابها
عز قرب وقعدها على السرير وجاب علبة الأسعافات خد منها المرهم وكشف جزأ من رجليها واوتار وقفت وبعدت هزت راسها بنفي:ملوش داعي
عز قربها من السرير:يلا اقعدي
اوتار بعدت:لا انا هعالجه انا هعرف ملوش داعي
عز مسك ايدها وهي بتلقائية زاته وتوازنه اختل بسبب السجادة ومسك فيها وهي مقدرتش تسنده ووقعو على السرير وهو وقع عليها
اوتار اتألمت:اااه
عز رفع وشه بصلها وهي بصتله وهو جسمه اتكهرب وهي حست بيه واستغربت وبصتله وكأنه مغيب وبيفتكر
Flash back
ليالي باسته:حبيبي عشان خاطري بقى خلينا نخرج
عز شدها على السرير خدها في حضنه:القعاد في البيت احلا
ليالي:لا يا عز بقاا
عز باسها:احلا
ليالي اتكسفت ودفنت راسها فيه وهو ضحك:ضعيفة قدامي انتي يا لولو
back
اوتار مصدومه لما شافته بيقرب وفي عينه لمعه غريبه وبتبعده صدره اتشنج من لمستها بعدت وشها وبصوت مهزوز:عز...
عز دفن راسه في رقبتها بيبوسها وهو بيفك حجابها:وحشتيني اوي وحشتيني يا لي لي وحشتيني اسف يا عمري اسف يا روحي انتي
بتحاول تزأه:عز ابعد عني انت بتعمل ايه
عز حط ايده هلى شعرها وباس كتفها:انا بحبك
اوتار بتزاه بعنف والغضب تملكها بدموع:ععععز انا اوتار ابعد عنني....عز كفاية فووووق...
عز فاق من الوهم اللي عقله عيشه فيه وبصلها بصدمه
اوتار بالم وغضب:ابعد عني حالآ ااااه
عز بعد وهي حست بجسمها كله واجعها
عز مدلها ايده وهي قعدت وبصتله:الواضح انك زيهم انت متفرقش عنهم حاجة بس انا مش ضعيفة وهعرف احمي نفسي زي مبابا الله يرحمه وصاني هعرف احمي نفسي منكم
عيطت وهو لعن نفسه وبغضب بيكلم نفسه:ازاي دا حصل وازاي شوفت فيها ليالي...ليالي انا اسف انا اسف بجد انا هبعد عنها مش هقرب ولا هشغل بالي بيها سامحيني يا حبيبتي انا خدت عهد على نفسي اني مش هبص لغيرك ولا هخلي في تعامل اصلآ وهرجع افكر نفسي سامحيني
خرج واوتار عيطت هي عارفة انه يقصد مراته مش هي بس يا ترى دا اللي وجعها؟؟
عز نزل في حالة من الجمود والغضب ومحدش كان عنده الجرأة يقف قدامه استغربوا
تالين :هو في ايه احنا مصدقنا اتحسن
حسام:مش عارف
عمران:انا حاسس انه مهتم بأوتار عقله هيديله ميت حجة واولهم ان باباها كان سبب في نجاحه وانه كان بيشجعه بس بلاحظ اوتار بتعرف تتعامل معاه مش عارف بصراحة شايف انهم لايقين على بعض اكتر من هو وليالي ليالي دي مكنتش زيه في حاجه ومتشبهش اوتار في اي حاجة
احلام:انت بتقول ايه يا غبي انت ليالي دي ضفرها برقبة اوتار اوتار دي متتقرنش بيها لا شكلآ ولا استايل ولا كلام ولا اي شيئ
سليم بغضب:خفي على البت شوية وبعدين ليالي على مزاجك عشان ست سارة صحبتك المصونة اللي هتخرب ييتك
احلام:انا مش فاهمة حمقتك عليها الصراحة مش فاهمة في ايه ومالك ومال سارة موضوعكوا خلص من زمان وانت فسخت خطوبتها من اكتر من عشرين سنة وجت فرحنا واحنا لسة صحاب انت مالك يا سليم في ايه
سليم:عمرك مهتفهمي هتفضل تخليكي تعملي اللي هي عيزاه وهي بعيدة هتفضل مسيطرة عليكي
احلام بصتله بغضب وبعدت نظرها
#رواية_رجل_المهام_الصعبة
للكاتبة/ندى محسن ♕Noody♕
#Nada_Mohsen
الدكتور:مخبيش على حضرتك الحالة صعبة هي قعدت تنزف كتير ومنهكة احنا هننقلها دم والباقي في ايد ربنا
امجد قعد
زياد الدموع لمعت في عينه:معقول هو اللي ضربها كدا ازاي يجيله قلب دي مبقتش عارفة تتنفس
امجد:انا لازم اتجوز اوتار انا عندي عمليه بليل لازم اخلصها وبعديها انا هاخد اوتار
زياد بغضب:احنا في ايه ولا في ايه تتجوز وماما في الحالة دي وبعدين اوتار دي سيبها في حالها كفاية وجع قلب ليها وبهدلتها دا مفيش حد في سوء حظها
امجد:شششش اسكت بس انت انا عارف جلال عايز ايه وانا بقى هدمرله كل خطته
#رواية_رجل_المهام_الصعبة
للكاتبة/ندى محسن ♕Noody♕
#Nada_Mohsen
وصلو سيف ومالك وسراج وعز وامجد على المكان اللي هتتم فيه العملية وزي متفقوا كلهم في اماكنهم عز:محدش هيتحرك غير لما ياخد مني الإشارة
سيف هز راسه بإيجاب وهما مستنيين
في شاحنة وقفت على بعد بسيط منهم واستغربوا ايه اللي بيحصل بس عز اتحرك بخفة وهو بيبص حواليه مفيش حد قرب من الشاحنة ملقاش السواق بتاعها موجود
امجد: بيعمل ايه دا
مالك: مش هنروح معاه
سيف: لا محدش يتحرك غير بالإشارة
فضلوا قاعدين وعز ضرب قفل الشاحنه كذا طلقة فتحت لقى حد متغطي شال الغطا واتصدم بصاحبه عادل اللي كان في وسط عصابة الدمنهوري اثار التعذيب باينه عليه ومتحاوط بقنابل بتعد تنازلي في خلال خمس دقايق هتنفجر
عز جري على عربيته مكنش في وقت يروحلهم شاور لسيف وسيف اهتم بالباقي وشاورلهم وامجد متحركش عندآ في عز
عز جاب صندوق من عربيته وبسرعه فتحه جاب اصافة وجري على الشاحنه ومعاه سيف ومالك وسراج اللي اتصدموا عز بيفك السلك والقنبلة مازالت بتعد فاضل اقل من دقيقتين
عز بغضب قوم صاحبة بحذر وبيفك الحزام من ورا بيحاول يفكله القنابل وكل ميخلص يلاقي واحدة لحد رجله صرخ في فريقه: ابعدووو حالآ يلاااااا
سيف: عز انت بتقول ايه لا يمكن نسيبك انت
عز بص لسيف بغضب وتحذير ورجع يفك القنابل من على صاحبه: دا امر امشوا حالآ
سيف:سيييبه عز سيبه فاضل 40 ثانية يا دوبك نبعد عز داااا مااااات
عز بغضب:انت سمعت انا قولت ايه امشوووو
سراج سحبه ومالك بعد وهما مراقبينه وسيف هيتجنن
عز فك اخر قنبله وفاضل 15 ثانيه نزل من الشاحنة بجمود وشال صاحبه وجري بيه بأقصى سرعه بعيد عن فريقه اللي مكنش حابب لو حصله حاجة حد يشوفه القنبلة انفجرت وعز اتنطر وهو لسه ماسك في صاحبه وقع دماغه اتخبطت في الصخرة ابتسم بكبرياء وهمس لصاحبه:مش قولتلك مش هسيبك انت...كنت بطل...ومازلت بطل سلام...في امان الله يا صاحبي
سيف صرخ بغضب:هو فين مش معقول يكون حصله حاجة
امجد بقلق:هو اللي عاملي فيها الشهم يشرب بقى
القنابل بقت تنفجر واحدة ورا التانية وعز ورا الصخور ماسك في صاحبه وحاضنه وهو واثق ان دا الحضن الأخير والدموع لمعت في عينه وهو مركز في تفاصيل وشه وبيفتكر
Flash back
عز:العمر واحد والرب واحد
عادل:صح يا صاحبي بس انت لو حصلك حاجة مش عارف كنت ممكن اعمل ايه خلي بالك من نفسك
عز ابتسم:حاضر دي مراتي نفسها مبتعملش معايا كدا
عادل ضحك:انا اكتر من مراتك يا سيدي ملكش دعوة انا صديقك
عز ابتسم وسند ايده على كتفه:تعرف لو الدنيا كلها خذلتني ببقى عارف اني ورايا اخ وصاحب واب عمره مهيخذلني
عادل برخامه:مين يا ترى
عز زاه بضحك:انت يله رخم
عادل ضحك:يا عم بنضحك معاك منضحكش
عز بغيظ:لا اضحك يخويا اضحك
back
عز غمض عينه بوجع:ابقى سلملي على ليالي يا ريتني كنت مكانك....
الانفجارات وقفت وسيف ومالك كانوا اول حد راحولوا
سيف قرب:مالك تعالى اهو لقيته
قربه وشافوه مجروح وقف بألم وساند عادل
سيف:انت كويس
عز هز راسه بإيجاب
مالك سند عادل بحزن وعز رافض يسيبه
سيف:هنروح على المستشفى
عز هز راسه بإيجاب
في المستشفى
سراج:يعني كانت لعبة بيلعبوا بينا
عز ساكت
مالك:لازم تكشف انت تعبان
عز هز راسه بنفي وملامحه منهكة وسيف قرب حضنه:ربنا يرحمه
عز بصله وبصلهم ووقف
امجد بصله بقلق وبعد نظره عنه
الدكتور خرج:دا ميت من ساعتين والواضح انه اتكهرب كتير غير انه مات غرقان اصلا؟ وهدومه غرقانه
عز بيجز على سنانه بغل والم ومشي
سيف هيروح وراه مالك مسكه وهز راسه بنفي: سيبه هو محتاج يبقى لوحده
هو محتاج يبقى لوحده!هل عز فعلاً محتاج يبقى لوحده هل الواحد لما الدنيا بتضيق عليه ويبقى تايهه بيبقى محتاج يبقى لوحده!!ولا ملقاش اللي يكون ملجأ ليه غير وحدته....
عز مشي وراح على البيت طلع اوضته عشان يغير دخل الحمام قلع كل هدومه وخد شاور وعالج الجرح اللي في جبينه عز قعد على السرير بإحباط وغمض عينه بحزن اتوضى ونزل لاوضته يصلي حس ان دا اكتر وقت محتاج حد جمبه فيه حس انه عايز يترمي في حضن حد ويخرج كل اللي جواه بس لا حياة لمن تنادي عز مش هيلجأ لحد فضل يصلي ويدعي ربه وحس براحة غريبة حس كأن جبال هموم انزاحت من على قلبه خرج لقى اوتار قدامه استغرب انها لسة صاحية وهي بصاله ومركزة معاه نظراتها ليه معرفش يميزها اتجاهلها بجمود وجه يطلع وقفته: عز
عز وقف وملتفتلهاش
اوتار: انت كويس؟؟ انت تعبان.؟ انت كنت فين
عز بصلها بإستغراب وسخرية: بتسالي ليه المفروض اقولك تحركاتي من هنا ورايح ولا ايه مش فاهم
اوتار: حلمت بيك حلم غريب وبعدين سمعت صوت عربيتك لقيتك نازل منهك ومجروح اترددت انزل بس مقدرتش استنى... يمكن محتجلي؟
عز بصلها بإنتباه: انتي حلمتي بإيه
اوتار: حلمت انك كنت هتقع في حفرة سودا كبيرة حواليها تعبان اسود كبير حلمت انك بتتخطاه وانت شايل قلبك على ايدك كان كابوس
عز بصلها والصدمة متملكاه قلبه دا يبقى عادل اللي كان بيحارب الموت وهو معاه
اوتار: بصراحة انا خفت انت كنت فين
عز مش عارف يرد عليها ومش عارف اشمعنا هي اللي تحلم الحلم دا وايه المغزى ميت فكرة وفكرة بتدور في دماغه بيسال نفسه ليه؟
اوتار: عز.؟
عز طلع على اوضته وهي مستغربة وهو قعد بإستغراب: ايه يعني يا عز حلم عادي... ايه المشكلة ومش بعيد يكون امجد قالها وهي بتالف بس ليه...
مسك صورة ليالي ونام
اوتار قعدت في اوضتها وبتدهن رجليها بالم: منتي جريتي على تحت ايه حكايتك يا اوتار ابعدي عن عز....يا رب انا حاسة اني تايهه..اللهم دبر لي فأني لا احسن التدبير
قعدت تكرر الدعاء واستغفرت كتير وحست براحة وفردت جسمها بهدوأ
سيف اتصل بعز الصبح وعز صحي:صباح الخير
عز:صباح الخير
سيف:الجنازة كمان ساعة....
عز:فين
سيف:هنعملها عندنا دا شهيد
عز ابتسم بحزن وهز راسه بإيجاب:هلبس وانزل...
لبس بدلة سودا وكرڤته سودا ونزل الكل التفتله
تالين:النهاردا اجازة رايح فين
عز بصلها وبصلهم واوتار بصاله
سليم:ايه يا عز في حاجة؟
عز:عادل صاحبي..
سليم:ماله بقالي شهور مشوفتوش الواد دا
عمران:كان زي العسل هو فين صح يا زوز
عز:مات....عادل استشهد امبارح
الطبق وقع من ايد احلام اتكسر وبصتله بصدمة والكل اتصدم واوتار بصاله شافت نظرة جديدة في عينه نظرة حزن والم واخيرآ نظرة اشتياق
عمران خد نفس طويل بسرعه وخرجه بنفس السرعه وهو حاسس الاكسجين فجاة خلص او هو اللي نسي ازاي يتنفس....
عز:كنا في مهمة امبارح توهونا بدل منلاقي البضاعه لقينا جثته ومش لازم التفاصيل مش عايز اسألة لأني مش هقدر اجاوب
عمران اتكلم وعينه لمعت بسبب الدموع:استناني انا جاي معاك انا كنت ناوي اخلص شغل اضافي وخارج بس هاجي معاك
حسام مقدرش يستحمل دموعه خانته وخرج
احلام بضيق بصت لسليم والدموع في عينها:انا هستنى لما ابني يحصله حاجه هااا هستنى ايه يا سليم انا قولتلك بلاش نعيش في وجع القلب دا
سليم:ملوش لازمة الكلام دا دلوقتي ممكن تسكتي
عز خرج وهو في قمة ثباته مع ان اللي هيدقق في عينه هيعرف ان جواه عكس كدا جواه انهيارات بتحصل جواه متحطم جواه بيعيط بحرقة ومحدش سامعه....
اوتار متحركتش وعرفت سبب الحلم وعرفت ليه شكله كان منهك وعرفت انه اكيد بيعاني توترة ونظرة الحزن اللي في عينه واخيرآ قسوته وجموده اللي بيحاول طول الوقت يفرضهم على قلبه
سليم بعتاب:ملوش لازمة الكلام يا احلام انتي مش شايفة ابنك.... ابنك ربنا العالم بيه متنسيش ان عادل دا كان اول صديق ليه ولحد موت ليالي مكنش بيفارقه ملوش لازمة تكملي عليه هو مش صغير ولو حاجة مكتوباله هيشوفها ولو قاعد في بيته ثل لن يصيبنا الا ما كتب الله لنا طمني قلبك
احلام:وانا عملت ايه انا قلبي بيوجعني مع كل مهمة بيروحها وابنك مبيسمعش لحد واخدلي اي مهمة صعبة تحدي عاملي فيها رجل المهام الصعبة
سليم:طيب ممكن تهدي ابنك راجل مش صغير والأعمار بيد الله
احلام اتنهدت:ونعم بالله
بصت لاوتار السرحانه:انتي بتعملي ايه هنا
اوتار بشرود:كان شكله منهك وانا مفهمتش ماله...
سليم بصلها:هو اتكلم معاكي امبارح
اوتار هزت راسها بإيجاب:بس في الاخر مردش عليا ومشي
احلام:وانتي تتكلمي معاه ليه انتي
اوتار بصتلها واتحرجت
سليم بص لأحلام بنفاذ صبر:حبيبتي تالين خدي اوتار وروحي اشتري حاجة وهاتيلها اي حاجة تعجبها
احلام بضيق طلعت
اوتار:ملوش داعي...انا مش عايزة حاجة
سليم:لا انا مصمم خلي بالكوا على بعض
تالين هزت راسها بإيجاب:هاخد عربيتك
سليم:ماشي يا ستي اهم حاجة رجلك عاملة ايه دلوقتي يا اوتار
اوتار وعلامات الالم ظاهرة على وشها:الحمد لله
سليم:لا شكلك لسه تعبانه ريحي النهاردا وبكرا لو احسن انزلوا
تالين هزت راسها بإيجاب:تعالي بقى معايا
اوتار:طيب
#رواية_رجل_المهام_الصعبة
للكاتبة/ندى محسن ♕Noody♕
#Nada_Mohsen
الدمنهوري بيضحك:انت جاامد اخر حاجة لولاك مكنتش عرفت انهم كشفونا ومن مين عادل اللي كان مع رجالتي
.....:اهم حاجة العمليه تتم بنجاح فيها مبلغ جامد
الدمنهوري:اككيييد لازم تتم انا بقول نعملها يوم راس السنة مش هيشك
......:تؤ تؤ خلي بالك عز مش سهل لازم تفكر في كل خطوة هتخودها بحساب
الدمنهوري:بقولك ايه احنا هنعملها يوم راس السنة وحد من عند الحلو دا يشرفنا هنا وتليفون يسمع صوتهم يتجنن ونضرب ضربتنا ونخليهم يحصلوا عادل ونخلع ومفيش اي دليل علينا
......:لا بلاش حد من عيلته احنا نشتته وبس لكن اوعى تأذي حد من عنده عز هيبقى عامل زي الأسد المجروح وهيهاجم اي حد انا عارفه كويس
الدمنهوري ابتسم بمكر:امرك
......ابتسم:حلو اووي كدا
عز رجع هو وعمران احلام ندتله:استنى
عز وقف وبصلها
احلام حضنته بحنان
عز ابتسم برسمية
احلام باست جبينه وسليم ابتسم:منتي حنينة اهو مخبياها ليه مفيش عليها ضريبة والله
اوتار ابتسمت
احلام:انا عزمت تقى و مراد ومدام سارة يجوا يقعدوا معانا وعشان نحتفل سوا في حفلة راس السنة ونبدا سوا سنة جديدة
عز بصلها:بجد ووافقوا
احلام هزت راسها بإيجاب:مدام سارة كانت مش عايزة بس تقى قالت هقنعها وهيحجزوا تذاكر السفر على مصر وهيجوا
اوتار همست لتالين:مين دول يا تالي
تالين:اهل ليالي سارة تبقى مامتها بس اجارك الله منها محدش بيرتحلها وتقى ومراد ولادها وقاعدين في امريكا
اوتار هزت راسها بتفهم
عز ابتسم:دي حاجة كويسة جدا شكرا
اوتار ابتسمت لما لقته فرح وهي مستغرباه ازاي مزاجه بيتغير بالسرعة دي
احلام:اوتار انتي هتباتي مع الخدامه لان تقى بتحب الاوضة اللي قدام اوضة عز والخدامه هتظبط باقي الاوض ويا ريت تساعديها
اوتار حست بالإهانه والكل باصصلها ابتسمت بإحراج:اكيد...اكيد علا لو هتروق دلوقتي يلا....
عز اتضايق لما شاف ملامحها بهتت والإحراج اتملكها قبل مينطق امجد دخل واوتار بصتله بإستغراب
امجد:عاملين ايه ازيك يا قلبي
احلام استغربت من تعامله مع اوتار:قلبك!!
امجد ضحك:طبعآ دي حياتي انا جاي اخدك يا توتا
اوتار:بجد
امجد هز راسه بإيجاب
اوتار:بس هنروح فين وطنط اماني و
امجد:تعالي بس وهتعرفي كل حاجة وكمان انا وانتي هنتجوز حالآ هنكتب الكتاب
اوتار وكل اللي واقفين ااتصدموا
امجد:بعد اذنكوا بقى لازم نمشي
سحب اوتار واوتار بصت لأيده وبصتله ........
#استودعكم_الله
يلا الكل يعمل متابعة لصفحتي بينزل عليها الحلقة بدري
#Nada_Mohsen
الأسئلة:-
رأيكم في طريقة تقى مع سارة وهل هي اللي وصلتها لكدا؟! مين اللي خان عز والفريق بتاعه وتفتكرو حد في فريقه وممكن يبقى مين ودا سؤال هتخدو وقت عقبال متعرفو اجابته بس مش هطول عليكوا ؟! امجد هياخد اوتار وهل هي هتوافق؟!
الاكثر قراءة هذا الشهر :
رواية غرام الاسد كاملة
موعد الحلقة الجديدة الساعة 10 م يوميا ان شاء الله .
هنا تنتهى احداث رواية رجل المهام الصعبة الحلقة الثالثة ، يمكنكم اكمال باقى احداث رواية رجل المهام الصعبة الحلقة الرابعة أوقراءة المزيد من الروايات المكتملة فى قسم روايات كاملة .
نأمل أن تكونوا قد استمتعتم بـ رواية رجل المهام الصعبة ، والى اللقاء فى حلقة قادمة بإذن الله ، لمزيد من الروايات يمكنكم متابعتنا على الموقع أو فيس بوك ، كما يمكنكم طلب رواياتكم المفضلة وسنقوم بوضعها كاملة على الموقع .