نقدم اليوم احداث رواية رجل المهام الصعبة الحلقة السابعة من روايات ندى محسن . والتى تندرج تحت تصنيف روايات رومانسية ، تعد الرواية واحدة من اجمل الروايات رومانسية والتى نالت اعجاب القراء على الموقع ، لـ قراءة احداث رواية رجل المهام الصعبة كاملة بقلم ندى محسن من خلال اللينك السابق ، أو تنزيل رواية رجل المهام الصعبة pdf كاملة من خلال موقعنا .
رجل المهام الصعبة الفصل السابع
الحلقة السابعة
للكاتبة/ندى محسن ♕Noody♕
#Nada_Mohsen
عز مسك ايدها وبملامح مصدومة والغضب سيطر عليه :انتي بتعملي ايه!!!
سارة بصتله وحاوطت وشه:انا مش عارفة بعمل ايه وانا معاك انا ببقى حاجه تانية
عز بغضب بعد ايدها:انتي اتجننتي!!انتي انا مش عارف انتي سكرانه ولا اتجننتي ولا ايه جرا لعقلك انتي؟؟
سارة حضنته:بحبك ومحتجاك جمبي مش عايزة حاجة غير اني ابقى بين ايدك
عز زاها بمشاعر ضيق وغضب مختلطين بصدمه:انتي اكيد مش في وعيك ايه اللي بتقوليه دا انتي ازاي بتفكري كدا
سارة جت تقرب عز زأها بعنف وصرخ فيها:ساااارة فوووقي ايه الجنون دا انتي زي امي انتي صدقتي نفسك ولا ايه
سارة بغضب:انا مش امك يا عز انا بحبك
عز زاها بعنف بغضب
اوتار دخلت اوضتها بسرعة قبل ميخرج وهي مستغربة بس فرحانه وفي نفس الوقت خايفة من عصبية عز خصوصآ لما سمعت الباب اترزع وعرفت انه نزل ونزلت بسرعة وراه بعد مجابت الشنطة الي فيها الفلوس والمجوهرات
عز الغضب باين على وشه:انجزي مش قولتلك انزل القيكي تحت
اوتار ماشية ومتكلمتش وهو فتحلها العربية وركبت وهو ركب وساق شويه وقف بالعربيه وهي مش بصاله سند راسه على العربيه ورفع راسه اخد نفس طويل وخرجه بسرعة استمر يعمل كدا فترة وبعدين شرب وهي بصاله
عز:مش هتسأليني في ايه
اوتار هزت راسها بنفي وبصت قدامها
عز بصلها وعض شفايفه بغيظ:اشمعنا
اوتار:عشان عيزاك انت اللي تحكي في حاجات مش محتاجة لكلام
عز ابتسم غصب عنه وعارف انها بتردد كلامه
اوتار ابتسمت وهي بصاله وهو رفع وشها وهي بصتله بإستغراب:مالك؟؟
عز:البنفسجي امتى بيظهر لما بتفرحي ولا تتوتر ولا لما تخافي امتى بيظهر وفي الغالب بتكوني وانتي معايا
اوتار بلعت ريقها بصعوبة:معرفش
عز بصلها وبص لشفايفها وهو مركز في لون عينها ومبقاش قادر يبعد
اوتار:مش هنمشي بقى زياد جاي وطنط اماني وانا
عز قاطعها:انتي حاطة روج ليه انتي حلوة من غير حاجه
اوتار:دا مرطب بس م
قبل متكمل كلامها قاطعها عز بشفايفه وهي لامسة شفايفها ومسكها بعنف خاف انها تبعد وهي بتحاول تبعده وهو رافض لحد مهديت بعد ياخد نفسه وهي بتتنفس بصعوبة وبصاله بصدمه وحطت ايدها على شفايفها وعينيها اتحولت للبنفسجي الصافي جدا وهي مش مستوعبة اللي حصل وقلبها بينبض بعنف واتضايقت منه والصدمة ظاهرة على وشها
عز باصلها ومنطقش بكلمه
اوتار دموعها نزلت غصب عنها
عز مسك ايدها:في ايه بتعيطي ليه
اوتار بعدت ايدها من ايده بعنف و بضيق بتمسح دموعها
عز:اوتار!
اوتار بدموع:رجعني البيت حالآ..انت ازاي تعمل كدا انت ازاي عملت كدا
عز:انتي اتضايقتي مني انا بوستك وايه المشكلة انا متخطتش حدودي معاكي وبعدين انا مش حلو بالنسبة ليكي مش عاجبك مش عينك عليا
اوتار عرفت انه بيفكر في سارة وانه متضايق وهي بتعيط وتمسح دموعها
عز اتنهد:مكنتش اقصد انا اسف لو ضايقتك صدقيني انا مش كدا ومبنجرفش ورا رغباتي بس انتي مبقدرش اوقف نفسي ببقى مغيب الظاهر ان وجودك معايا كان غلط...
اوتار بدموع:انا وثقت فيك ومازلت بثق فيك بس انت ضايقتني ودا حرام انك تقرب مني دا مينفعش
عز اتنهد بضيق من نفسه وهو بيحاول يبررلها واتكلم من غير تفكير:مكنش قصدي حقيقي مكنتش اقصد انتي متعرفيش حاولت اوقف نفسي اد ايه ولتاني مرة فشلت
اوتار بصتله:لتاني مرة!!
افتكرت لما كانت في المستشفي وحست بيه وافتكرت نفسها بتحلم وقلقت:امم لما كنا في المستشفى؟؟صح مش كدا؟
عز بصلها وبص قدامه وكتم ضحكته بالعافية وهو بيلعن نفسه ولسانه اللي انجرف وقلها وهي اتأكدت من سكوته واتضايقت من ضحكه اللي ظاهر على وشه وبيجاهد يمنعه راح على البنك وخلصوا مشوارهم واوتار ساكته وكل معز يحاول يتكلم يسكت لما يلاقيها مبتردش كان سايق وفجأة عربية خبطت فيه من ورا واوتار صرخت بتلقائية
عز بص وراه وفهم انهم بيطردوه وفهم انهم في الغالب تبع الدمنهوري:اوتار انتي كويسة
اوتار هزت راسها بإيجاب:عز في ايه
عز:انزلي تحت في الدواسة بسرعة ووازني نفسك عشان متتخبطيش
اوتار فكت حزام الامان نزلت وبصاله بقلق
عز مسك سلاحه وبيسوق بسرعة اتصل بسيف:الو سيف تعالى على طريق*******في ناس بيطردوني وانا هحاول اعطلهم بس مضمنش الظروف تعالى اوتار معايا
سيف خد السلاح بتاعه ومفاتيح العربية وبسرعة نزل
ابتدى يتضرب نار على عربية وعربية تانية ظهرت قدامه واوتار بصتله بقلق
عز:مهما حصل متطلعيش هاا اتفقنا متخافيش
عز ساق بسرعة واحتراف قدر يعدي من جمب العربية والأتنين خبطوا في بعض
عز ابتسم وبص وراه وبسرعة بص قدامه بيسوق بسرعة وهو مع سيف على التليفون:خبطوا في بعض
سمعوا صوت انفجار شديد واوتار اتصدمت وفهمت انهم العربيتين وبصتله حست انها عاشت مغامرة مميزة
عز بصلها وابتسم:مش عارف اقول ايه
سيف:قولي انت فين
عز:رايح على البيت
سيف:انا جايلك خد بالك بس
عز بيبص في المراية شاف عربية سودا ضخمه نوعآ ما جايه وراهم واتنين منها طلعوا من الشباك بيضربوا نار بطريقة مش طبيعية وبيحاولو يفرقعوا العجل بتاع عربية عز
اوتار خافت وبصت لعز:ايه وبعدين
سيف:قربت اهم حاجة تتفداهم عز انت معاك بنت اياك تسيبها
عز:انت هتستهبل يعني فكرك هسيبها منا بحاول اتجنبهم اهو انجز بس العربية كانت هتتقلب بسبب ضرب النار اللي كان زي المطر عليها وخصوصآ على العجل واوتار كانت هتصوت بس حطت ايدها على بؤها عشان صوتها ميطلعش وتوتر عز اكتر عز بيحاول يتفادى ان العربية تتقلب والعربية انحرفت 360 درجة(لفت حوالين نفسها)وقفت وعز مسك السلاح بتاعه وجه هيفتح الشباك سمع واحد منهم بيتكلم:متنسوش هي محدش يأذيها عايز الحلوة اللي معاه وخليكوا حنينين كدا عليها وبلاش دناوى هيحصلها حاجه فيها رقبتكوا دي متوصي عليها جامد اياكوا حد يجي جمبها
هزو راسهم بإيجاب
عز بصلها:اسمعي خلي دا معاكي لأي ظروف
مدلها السلاح بتاعه وهي خدته
خرج مسدس تاني من الدواسة:متخافيش دا لو نجحوا يقربو بس اوعي اوعي اوعي تطلعي فاهمه
هيفتح باب العربية مسكته:هما اربعة لحد دلوقتي انت مينفعش تنزل
عز ابتسم:اهدي بس متقلقيش
نزل وبسرعة ضررب عليهم نار كل واحد بعد في حته وهو اتشقلب لورا العربية واتكلم بحيث تكون اوتار سمعاه:مهما يحصل اوعي تطلعي فاهمه
اوتار:حاضر..خلي بالك من نفسك
عز خد نفس عميق وظهرلهم ضرب اتنين بس كان قاصد ميموتش حد فيهم ونط ورا شجرة ورجالة الدمنهوري بقى عندهم رعب منه خصوصآ انهم عارفين مهرته كويس وان صحابه مسمينوا قطر المخابرات بس اتفاجاو انه مش عايز يموتهم اتسحب وراح عشان يقدر يضربه وواحد من الناحية التانية واوتار شافت كدا خرجت بتصرخ:ععععز خلي بالك
ابتسموا وواحد قرب منها رفعت السلاح في وشه:اياك تقرب
ضحك وبصلها:يعني واحدة بالرقة والجمال دا مستعدة تقتل
اوتار وجهت السلاح عليه وهو وقف قدامها ومسك ايدها وهي زأته بعنف وهو لوى دراعها وعايز ياخدها في اتجاه عربيتهم
عز ركل اللي بيحاول يوصله وبحركه سريعه ضرب التاني في ضهره وقع واوتار اتصدمت
اللي ركله عز قام خد السلاح ووجهه عليه وقبل ميضرب كان فيه عربيه خبطاه
سيف:جيت في الوقت المناسب
عز مسك اوتار بيتطمن عليها:كويسة!حصلك حاجه
اوتار بنفس حالة الصدمة هزت راسها بنفي
عز ملامحه اتحولت بغضب:انتي ايه اللي نزلك افهم ايه اللي نزلك
اوتار بدموع:خفت
عز بغضب وصراخ:خفتي من ايه انا قافل العربية لو حد قرب منها هتصرف انما لما تخرجي كانوا ممكن يصيبوكي بالغلط حتى وهما بيضربوا نار عليا
سيف:خلاص يا عز اهدى انت مش شايف حالتها
عز بصلها وغمض عينه بضيق:اركبي
اوتار جايه تركب عربيته شدها وهي اتخضت:في ايه
عز:انا مش ناقص زكائك انتي مش شايفه انها خربانه اركبي بتاعت سيف
اوتار اتضايقت من طريقة كلامه وفلتت ايدها:متتكلمش معايا كدا انا مش هركب ومش هروح معاك وهروح على الطريق اوقف تاكسي وايدك متلمسنيش
عز بصلها:متعصبينيش اللي كانوا جايين كانوا عايزينك اركبي من سكات
اوتار:انت ملكش دعوة بيا يا عز انا مش هركب وانت مش ولي امري ومسمحش تعلي صوتك
سيف حاطت ايده على خده ومبتسم كانه بيتفرج على فيلم وشمتان في عز
عز:هعد لتلاته
اوتار:والله حتى لو عديت لتلاتين
عز:بقى كدا
اوتار:اه
عز شالها:طب يلا بقى
اوتار بقت تضرب كتفه:نزلني بقى نزلني هنزل من العربية عز سيبني سيييبني هصوت
عز ركب وهو ماسك دراعها جامد:متركب ولا انا هسوق برجلي
سيف ركب وهو بيضحك وساق:مالك في الطريق ومعاه كام واحد وهيعتقلوهم لو حد فيهم كان عايش ومتقلقش هيهتم بالباقي
عز:اتمنى رجالة الدمنهوري توصل قبله عشان يشوفو اللي بيلعب معايا ايه بيحصل فيه
بيفكر لو هما تبع الدمنهوري ليه عايزين اوتار ولا هما كانوا عايزين اي حد معاه؟
اوتار ايدها وجعتها وبتبعدها
عز:اوتار اسكتي بقى
اوتار بغضب:ايدي وجعاني وقولتلك متمدش ايدك
عز سابها وهي مسكت دراعها بألم
سيف كل شوية يبص لعز في المراية ويكتم في ضحكته
عز:افندم كل شوية اقول هيخف هيخف افندم ايه المضحك يا ظريف
سيف بيحاول يتكلم من غير ميضحك: من امتى بتحط روچ......
عز بصله وبص لاوتار اللي بصت لشفايفه وبرقت بصدمة......
سيف ضحك بصوت عالي: وعاملي فيها في خطر دا انت كنت مقضيها بقى الظاهر انهم جم في وقت مش مناسب
اوتار اتضايقت وبصت قدامها وعز مسح شفايفه وهمسلها: شوفتي انه باين بقى مش مرطب
اوتار بصتله بغضب وسيف ضحك بأعلى صوته وعز عز شفايفه بغيظ ولكم سيف من ورا وسيف ضحك اكتر: هنعمل حادثة يخربيتك
عز: طب اتلم
وصلوا واوتار بسرعه نزلت وجريت على فوق خبطت في عمران
عمران:مالك انتي كويسة؟
اوتار هزت راسها وجريت على اوضتها وبتفكر في اللي حصل واتضايقت اكتر
سليم:مالها اوتار يا عز
عز:مفيش حاجة ناس كانوا بيطاردونا
سيف بثقة وهو حاطت ايده في جيبه: انا اللي انقذت حياتهم
عز بصله وعمران ضحك: امم منا عارف ادخل ادخل
عز طلع على اوضته واوتار كانت واقفة في البلكونه وعز دخل البلكونه وسارة راحت وراه
عز من غير ميلتفت: كنت عارف انك جاية
سارة: عشان انا عارفة انك متضايق مني
عز بغضب: وانتي شايفة اني مش المفروض ابقى متضايق مش كدا؟
اوتار فوق وشيفاهم وبعدت شوية عشان عز ميخودش باله وهي سمعاهم
سارة حضنته: انت مش متخيل انت بتعمل فيا ايه عز انا حبيتك قبل متتجوز ليالي بس انت كنت بعيد اوي عني
عز بغضب بعد ايدها عنه: متخلينيش اتعامل معاكي بطريقة هتندمي عليها انتي حصل لعقلك ايه انتي في مقام امي انتي بتقولي ايه انا كنت جوز بنتك ايه الجنون اللي انتي فيه دا
سارة باسته بعنف وهي متعلقه فيه وهو اتصدم وبيحاول يبعدها وهي بتحاول تغريه وزاته لجوا واوتار غصب عنها عيطت حسمت امرها وجريت على تحت خبطت على عز وهي بتمسح دموعها
عز بعد سارة بسرعة والغضب ماليه وسارة غمضت عينها بضيق
اوتار بتخبط
عز بيعدل هدومه:ايوا مين
اوتار:ا..انا
عز بص لسارة وسارة قعدت على الكرسي بضيق من اوتار وعز فتح وبيتعامل طبيعي جدا بصلها عينها كانت داكنه وبتغمق
اوتار بصوت مهزوز:ممكن نتكلم
سارة بغضب:انتي ازاي تخبطي عليه وانتي عارفة انه هنا لوحده!
اوتار بصتلها وعينها بتغمق اكتر
عز:اوتار انتي كويسة؟
اوتار بصتله بصه غضب ومشيت
عز قفل بإستغراب وسارة سحبته:كنا بنعمل ايه
عز زأها:اطلعي برا صدقيني انا ساكت احترامآ لليالي اللي للاسف واحدة زيك امها
سارة ابتسمت بسخرية:لاء بجد ليالي هي اللي يتعملها احترام ..
عز فتح الباب وزأها واوتار قعدت على سريرها وغصب عنها بتعيط راحت لحسام الأوضة ولحسن حظها كان لواحده وتالين لسه نازله من عنده
اوتار بدموع: انا حاولت امنعهم يبقوا سوا بس معرفتش الست دي قذرة...
حسام بغضب: اوتار انا وانتي بس اللي نعرف عشان كدا اتصرفي خليكي لازقة لحد مقوم بس واثبتلهم انها زبالة
اوتار: حسام انا مقدرتش استحمل وهو كانه معملش حاجه مكنش متوتر حتى كان بيتكلم ببرود وهي قاعدة على الكرسي
حسام: انتي حبتيه
اوتار بصتله بصدمه
حسام ابتسم بحنان: انتي حبتيه فعلآ
اوتار الدموع اتجمعت في عينها: انا...
حسام: متخبيش ومتخافيش مش هقول لحد
اوتار بصتله وبتمسح دموعها: حاولت بس غصب عني حبيته... مكنش قصدي
حسام: بصي دي حاجه ملكيش ايد فيها انتي بتعيطي ليه وبعدين حد بيحب بقصده كلنا حبينا وبنحب وهنحب غصب عننا
اوتار: دي حاجه مليش ايد فيها بردو بس انت حبيت؟
حسام ابتسم بشرود:حبيت.. كانت زميلتي في المدرسة في ثانوي...كانت حاجة كدا ملهاش حل كانت شرسة كانت اشطر مني ولحسن حظها المدير كان بيعتبرها اكتر طالبة مميزة....لدرجة كان سامحلها تعاقبني بس كانت بتساعدني...
اوتار:وبعدين
حسام:اتعلقت بيها جدآ كنت بسيبلها القهوة اللي بتحبها في الكرسي بتاعها واخر مرة شوفتها ابتسمت وسابتلي القهوة وشاورتلي باي ومشيت كانت اول مرة تتعامل شوية بلطف...كانت اخر مرة اشوفها تخيلي بقيت احطلها القهوة كل يوم ومتجيش ولا تاخودها وبعدين عرفت من المدير انها سافرت...
اوتار بصتله باسف:ولسة بتحبها؟
حسام ابتسم وغير الموضوع: انتي تستحقي كل خير حقيقي
عز: يا سيدي النحنوح انت
اوتار مسحت دموعها والغضب اتملكها منه
حسام : سبحان الله يا اخي انت مبتجيش غير وهي هنا ايه الردار دا
عز: تعالي
اوتار: انت عايز ايه
عز: عايز ايه! انتي من امتى بقيتي تقعدي مع سيادته بقيت اشوفك كتير هنا مش دا غلط وحرام و خلوة غير شرعية ولا ايه يا شيخة اوتار
حسام: وانت مالك يا سيدي انت ولي امرها مش بعيد نرطبت بما اني انقذتها مرة وهي شايفة فيا البطل مفتول العضلات
اوتار ضحكت
حسام: اللهم صل على النبي ايه الحلاوة دي
عز بغضب: قومي عايزك وانت لم نفسك
حسام بإستفزاز: وانت متعصب ليه وعايزها في ايه انا ولي امرها دلوقتي ونطلب الإذن مني
عز بيدور على حاجه يحدفه بيها وحسام ضحك: قومي قومي شوفيه عايز ايه دا مجنون وانا عارفه
اوتار: مش هقوم مش عايزة انا
عز سحبها بغضب ولسه هيدخلها اوضته فلتت ايدها بغضب: انت بتعمل ايه باي حق ماسكني وباي حق عايزني ادخل اوضتك
عز: دا من امتى
اوتار: انا مش عارفة ازاي وثقت فيك من امتى اصلآ كنت بسمح بكدا من امتى كنت بأمن لحد للدرجة دي خلاص يا عز انا مبقتش بثق فيك ومش عايزة مسعدتك وابعد عني انا اللي بقولك اهو مش عايزة مساعدتك
عز هيمسك ايدها زاته: قولتلك متلمسنيش
عز بصلها بترقب: انتي ايه اللي غيرك فجاة كدا اممم من ساعة مجتيلي الأوضة وشوفتي سارة مش كدا
اوتار بصتله وعينها بقت داكنه وبغضب بصتله: انت بني ادم سافل وقذر انت كنت عامل انك بتحب ليالي بس ليالي كانت طريق ليك صح عشان ترضي رغباتك القذرة انا بشفق على ليالي عشان آمنت لواحد زيك بيعمل علاقات محرمه مع امها والله اعلم مع اختها عامل ايه كويس انها ماتت قبل متشوفك زي منا شيفاك كدا
عز ضربها بالالم بعزم ما فيه وبغضب: اخرررسييي لو جيبتي سيرتها انا هموتك فاااهمة انتي يوم متفكري تتمردي يبقى عليا انا هااا يبقى على اللي عمره مفكر في اي حاجة من اللي بتقوليها دي؟؟
اوتار حطت ايدها على وشها بصدمة ودموع بعدت وحطت ايدها على شفايفها شافت الدم وهو اتصدم من تصرفه وبص لأيده ولخدها
اوتار بإرتجاف وهي مش متوقعه ردت فعله: انت... متفرقش حاجه عنه... انت وجلال واحد
بسرعة طلعت على اوضتها دخلت الحمام وانهارت في العياط وهي بتمسح شفايفها والدم مش عايز يقف وهي منهارة في العياط مش مصدقه انه مد ايده عليها وافتكرت كل حاجة كان بيعملها جلال وعيطت اكتر كان تعبها النفسي اكتر من الجسدي
تالين خبطت: توتااا افتحي زياد وخالتوا اماني جت
اوتار غسلت وشها وصوابع عز لسه معلمه على وشها نزلت ووشها في الأرض بتحاول متبينش جرحها وعز واقف من فوق شايفها وحاسس بالغضب من نفسه مهما حصل مكنش لازم يمد ايده عليها اول مرة يمد ايده على واحدة وتكون هي!!
اماني حضنتها بحنان ودموع: اسفة يا عمري اسفة
اوتار بصتلها وابتسمت: انا مش زعلانه منك
اماني رفعت وشها بصدمة: ايه دا يا اوتار ايه دا؟؟ مين ضربك
زياد مسك وشها بغضب وصوته عالي: مين مد ايده عليكي
سليم بإستغراب: اوتار في ايه وايه اللي حصل
اوتار: مفيش كنت مع عز وناس اعترضوا طارقنا وواحد ضربني بالالم بس عز اتدخل وضربهم
عز اتصدم من كلامها
سيف بإستغراب بصلها هو واثق ان دا مش صح لانه لما شافها كانت كويسه ودلوقتي ايد معلمه على وشها وشفايفها لسه مازالت بتنزف معقول يكون عز؟؟
اوتار: سيبكوا مني انا المهم انك كويسه وبخير
احلام: يلا يا ست اماني مهي قردة قدامك ايه اقعدي بس بقالنا كتير متكلمناش
سارة ابتسمت وعرفت ان اوتار غير مرحب بيها هنا بس استغربت مين ضربها ولما خبطت على الباب كانت كويسة!
مراد حط ايده على كتف تالين: مالك سرحانه في ايه
تالين بعدت ايده: خليك في نفسك ممكن
عمران سحب تالين في حضنه: خليك في نفسك يله انت وملكش دعوة بأميرتي
تالين ضحكت وبتبص بتلقائية اتلاقت عيونها مع عيون زياد لاول مرة تشوف النظرة دي في عينه وهو بيبص لمراد بضيق وغضب وبعد نظره عنها وهي ابتسمت
قعدو سوا واوتار خرجت مع اماني: مش هيردو يمشوني عشان عمي جلال
اماني: دا مش عمك وميستحقش انك تحترميه
اوتار مدتلها الورق واماني خدته
اماني: ايه دا يا اوتار
اوتار: ورق البيت بتاعنا انتو هتفضلوا فيه دا بيتك... وانا مش هستأمن حد غيرك...
بصت لزياد: خلي بالك منها
اماني حضنتها ودموعها غصب عنها نزلت: اسفة يا توتا اسفة انا قسيت عليكي...
اوتار مسحت دموعها وهزت راسها بنفي:انا واللهي مش زعلانه منك كنتي ام ليا وبعدين بتضايق لما تعيطي
زياد ابتسم واوتار حضنت اماني وكل دا وعز واقف على بعد منهم مراقب
مشيوا واوتار قعدت في الحديقة من ورا على الارض وهي منكمشة في نفسها ودافنة وشها في رجليها وبتعيط
عز اتردد يروحلها ولا لا بس حسم امره:انت راجل ومينفعش تسيبها كدا وانت السبب ومينفعش امد ايدي عليها لازم اروحلها
راح وهي شمت ريحته وعرفت انه واقف قدامها وبسرعة من غير متبصله وقفت وهتمشي وهو سحبها..........
اوتار بهدوأ: سيبني
عز وقف قدامها وهز راسه بنفي ورفع وشها وهي مبعده عينها مش عيزاها تيجي في عينه
اوتار بتبعد ايده: انا قولتلك سيبني
عز هز راسه بنفي: وانا مش هسيبك
اوتار: عايز ايه
عز: عايزك تبوصيلي
اوتار هزت راسها بنفي وهي باصة لتحت
عز رفع وشها وخلاها تبصله وبص لشفايفها المجروحة بسببه واتضايق من نفسه وبص لخدها اللي صوابعه مازالت معلمة عليه
اوتار بصوت مهزوز ودموع في عينها: سيبني
عز بيمشي ايده على خدها بحنان: مكنتش اقصد بجد واللهي مكنت اقصد اعمل كدا بس كلامك كان بيطعن فيا وانتي مش عارفة انا حاسس بإيه
اوتار بدموع خلاص بتعلن انهيارها: محدش كان يقصد يأذيني ومحدش كان يقصد يعمل حاجة
عز حط صباعه على شفتها وهي زاته بتحذير
اوتار: انا مبحبش كدا
عز حضانها: وانا محتاج لكدا
اوتار دموعها نزلت وهو بيطبطب عليها في حضنه
عز: باااس انا حيوان معلش انا اسف
اوتار بتعيط : انت ضربتني جامد زي جلال
عز: تتقطع ايدي لو اتكررت تاني
اوتار بهمس: بعد الشر
عز: هامك اووي
اوتار بصتله وبصت لتحت وهي بتمسح دموعها
عز بصلها وهو بيمسح دموعها ورفع وشها وابتسم: معقوله انا كان ممكن اسيبك زعلانه وعينك مش عايزة تيجي في عيني واتحرم من البنفسج
اوتار ابتسمت هي خلاص معترفة انها حبته خلاص قررت تبقى صريحة مع نفسها عارفة ان هي وعز صعب يتجمعوا بس هتستغل كل لحظه معاه
عز: يلا بقى فرفشي كدا عشان ندخلهم متبقيش بتعيطي
اوتار هزت راسها بإيجاب انتبهت لأيده اللي محوطاها وبعدتها:عز متكررهاش تاني
عز: خلاص كدا صاف يا لبن
سيف: حليب ومهلبيه يا باشا
عز نفخ بضيق والتفت: انت يبني موركش حد غيري ولا ايه فين عمران مش صاحبك بردو
سيف: الله هو انا مش صاحبك يا سي عز ولا بيتهيقلي
عز: يعني عايز ايه يعني
سيف بص لاوتار: مساء الخير يا انسة
عز حدفه بالتليفون: غور من هنا
سيف مسكه وضحك:طب انا عملت حاجة هل انا غلطان
اوتار غصب عنها ضحكت
عز بغيظ: ممكن تتفضلي تطلعي
اوتار هزت راسها بإيجاب وطلعت
سيف: جميلة اووي اوتار دي
عز زاه: اتلم
سيف: بقولك ايه من غير لف ودوران انت بتحبها وباين اووي انت لو كنت كتبت ورقة وعلقتها على ضهرك بلاش قفاك عشان متقفش مكنتش هتبقى مكشوف للدرجة دي
عز: حب ايه يا سيف انت اتهبلت ولا ايه؟! لا طبعآ مش معنى اني بتعامل معاها كويس يبقى حب
سيف: عز خليك واضح مع نفسك بلاش تلف وتدور عشان هتتعب دا انت اللي معلمنا يا شيخ نظرتك اهتمامك بيها يوم المستشفى ولما كنت على الطريق والفراولة اللي كانت على شفايفك تشهد ليه لا ليه متحبهاش وليه اي حد يجيب سيرتها بتتعصب ماشي هو طبعك بس معاها حاجه تانية معاها بحسك هتموت اللي قدامك طول منا معاك عينك مبتنزلش من عليها
عز بصله وهز راسه بنفي: لا انا بحب ليالي ليالي وبس
سيف: ليالي ماتت ليالي محرراك منها من زمان
عز بصله حط ايده على راسه وبص في الأرض بتفكير
سيف: اول مرة اجيب سيرة ليالي ومتتعصبش تفتكر دليل على ايه
عز: دليل انك تتكل على الله ومش لازم امد ايدي عليك عشان يبان اني متعصب (لطش منه التليفون ودخل)
سيف ضحك: هتفضل تفكر في اللي قولته يا صاحبي لحد مقلبك هو اللي هيفضحك
#رواية_رجل_المهام_الصعبة
للكاتبة/ندى محسن ♕Noody♕
متابعة لصفحتي هنا
#Nada_Mohsen
مازن:حبيبة انا مخنوق وفيا اللي مكفيني لو سمحتي بقى سيبيني انا مش جعان ولا عايز حاجة ممكن تبعدي عني بقى
حبيبة:طيب انت كل شوية تضايق وانا مش فاهمة في ايه
مازن:سارة وصلت مصر وتقى ومراد ومراد بيكلمني وقالي ان تقى مش معاهم وانا عارف انها اكيد معاهم بس ليه كذب بيخطتوا لأيه يا حبيبة مش عارف ومرضيش يقولي هما فين
حبيبة:اكيد دي اوامر العقربة سارة
جودي:بابا انت لازم تعرف مكانهم
مصطفى:هما مش صغيرين تقى ومراد اكبر منك
جودي:بس مينفعش يفضل بابا متوتر كدا حاول تلاقيهم
مازن سابهم ودخل اوضته وهو عاجز عن التفكير مش عارف يعمل ايه او يتصرف ازاي...
#رواية_رجل_المهام_الصعبة
للكاتبة/ندى محسن ♕Noody♕
متابعة لصفحتي هنا
#Nada_Mohsen
سيف وصل عند النادي نزل من عربيته وشاف بنت جميله بتعدل شعرها قرب بسرعة سحابها في حضنه وهي ابتسمت وملامحها اتغيرت في ثواني وزاته بغضب:انت مستفذ
سيف:ليه طيب انا عملت ايه
سلمى كشرت:انت عارف ان بابا وليلى في الرايحة والجاية بيتريقوا عليا ودا كله ليه عشان مش عايز حضرتك تعلن خطوبتنا
سيف:اممم ابوكي الفري دا
سلمى بغضب:اتلم يا سيف
سيف ضحك:طيب اعمل ايه انتي عارفة ان اهلي كلهم برا وقاعدين في السعودية ينزلوا مُصر بس وانا
سلمى:وانا خلاص شبعت من الكلام دا سيف عز بيعرف يتكلم وبابا بيحبه هاته بس وتعالى ومتقلقش
سيف:امرك يا ستي ماشي مع اني عارف ابوكي عايز ايه بس ماشي
سلمى:ليه يعني هيكون عايز من سيادتك ايه
سيف مسك شعرها بمكر وهزار:مش عايز مني انا عايز من صاحبي اممم وشكل ليلى اختك ضمن الخطة وللأسف عز عارف بس عامل عبيط
سلمى زاته بغضب:انت رخم وفيها ايه يعني مش هو مش مرتبط
سيف ضحك:والله الواحد معارفله حاجة
سلمى:طيب يلا اطلبلي حاجة انا جعانه
سيف:يا روحي انتي دايمآ جعانة عايزة تاكلي ايه
سلمى كشرت:بطل رخامة وهاتلي فرخة مشوية
سيف:مش كتير علينا فرخة؟
سلمى:علينا ايه انا بتكلم عني شوف انت هتاكل ايه بقى
سيف ضحك:وانا اللي كنت فاكر ماشي يا ستي الغريب يا بت انك مبتتخنيش
سلمى:ودا الحلو يا سوفي
سيف بص حواليه بخوف مصطنع وقرب مسك خدودها:سوفي دي مش هنا انا مش اختك الصغيرة اتلمي
سلمى ضحكت بصوتها كله وواحد بصلهم وغمزلها:يا حلوتك يا ابيض
سيف بغضب وفي ثواني كان قام ركله بعنف ورجع ايده لورا لواها ورا ضهره ورجع دماغه لورا وهو معجز حركته:انت تحترم نفسك انت شايفها قاعدة مع سوسن ولا ايه متتلم
......:سيف باشا اسف والله مقصد ااااه معرفش انها قاعدة معاك
سيف بتهكم:لا يا روح امك ابقى بص كويس
زاه بعنف
سلمى بصاله وكان نفسها الأرض تنشق وتبلعها هي عارفة انه بيحبها وبيموت فيها وبيهزر وطبيعته مرحة بس في الغيرة مجنون لابعد حد مسك ايدها وحطها على ايده بصلها بثقة ومشي وكأنه بيثبت للكل انها ملكية خاصة ليه والنادي كله كان بيتفرج
#رواية_رجل_المهام_الصعبة
للكاتبة/ندى محسن ♕Noody♕
متابعة لصفحتي هنا
#Nada_Mohsen
اوتار دخلت المطبخ: انا ملاحظه علا مش هنا من امبارح
احلام بصتلها وبصت قدامها: سافرت عندها حالة وفاة
اوتار: ممكن تسمحيلي اني اعمل الأكل النهاردا!! دا شيئ يسعدني
احلام بصتلها: ودا ليه ان شاء الله
اوتار: اعتبريني عايزة ادوقكوا اكلي انا اللي كنت بطبخ عند طنط اماني
احلام: اه منا عارفة كنتي في مقام خدامة عندهم
اوتار بصتلها
احلام غمضت عينها بغضب: اووف بقى بصي انا كدا مبعرفش اتكلم ومتضايقة اني بجرحك عندك المطبخ وانا طالعه
طلعت واوتار ابتسمت وابتدت تطبخ وهي بتغني بتلقائية: ياما عيون شاغلوني شاغلوني لكن ولا شغلوني الا عيونك انت.. دول بس اللي خادوني خادوني الا عيونك انت دول بس اللي خدوني دول باااس اللي خدوني
عز حضانها من ضهرها ودفن راسه في رقبتها:اوتاري واقفة تعمل ايه
اوتار بصت لايده بصدمه وبصتله عيونها اتحولو للون البنفسجي
عز ابتسم:انا بعشق اللون دا
اوتار ابتسمت وبصت لتحت بكسوف
عز رفع وشها:لا خليكي بصالي
اوتار:عز انت كويس!..عز؟؟عز
عز فاق من تخيلاته لقى نفسه واقف عند باب المطبخ واوتار بتكلمه بإستغراب:انت كويس
عز خد نفس طويل وخرجه ببطئ
اوتار:عايز حاجة؟
عز:لاء...بس صوتك حلو
اوتار ابتسمت:شكرا
عز باصصلها وباصص لعينها
اوتار:في حاجه؟عايزة اكمل
عز قرب منها وهي بعدت
اوتار:عز...متخليش حد يجي ويفهم غلط متضايقيش
عز:هي مبتتحولش ليه
اوتار:هي ايه دي
عز:عنيكي عايز اشوف لونها البنفسجي
اوتار غصب عنها ضحكت:هي مبتتحولش غير بمزاجها
عز:وبمزاجي
اوتار بصتله بإستغراب
عز قرب سندها على الحيطه وبيقرب منها وهي اتفاجأت وهو بصلها شاف عينها اتحولت للبنفسجي بصلها بتفاجأ:اللون دا بيظهر بس لما بقرب منك بيظهر بس ليا لما اقولك كلمة او اكون قريب منك مش كدا؟
اوتار بعدته بتوتر:انا قولتلك ميت مرة متقربش مني واني بتضايق..دا بيظهر لما بتضايق
عز:انتي كذابة دا بيظهر لما بتحبي
اوتار بصتله بصدمه
عز خرج واوتار مصدومه ومش مصدقة ان اللي كان واقف دا عز ومتضايقة اكتر من نفسها ومن ضعفها قصاده وكملت الاكل وهي بتلهي نفسها فيه
عز قعد وابتسامه شاردة على شفايفه:مش مصدق شكلها بيقول تخميني كان صح..شكلي وللأسف هعمل بنصيحتك يا سيف انا شكلي اتجننت
سليم وعمران ملاحظين ابتسامته وملاحظين شروده
عمران:يا رب يكون اللي في بالي صح
سليم ابتسم:شكلك صدقت
عمران:اوووف بص للمصيبة اللي ريحاله
سليم اتنهد بضيق
تقى قعدت جمب عز:سرحان في ايه
عز:في واحدة
تقى ابتسمت:وتطلع مين بقى اللي عز بجلالة قدره سرحان فيها
عز:تؤتؤ مش هتعرفي ومتحاوليش
تقى بامل:عز انت ممكن بجد تفكر تحب وتتجوز تاني
عز:انتي ايه رأيك
تقى:انا من زمان بقولك واتمنى انك تفتح قلبك يا عز بجد انت لازم تعمل كدا كفاية عذاب بقى كفاية انت تعبت كتير
عز:اتكل على الله واعمل بنصيحتك
تقى ضحكت:مش عايزة كلام عايزة فعل قولي بقى بتفكر في ايه
عز:تؤ تؤ بردو لاء هتعرفي يوم راس السنة
تقى ابتسمت:ماشي كلامك يا سيدي
عمران:راس السنة بالسرعه دي دا بعد بكرا!!
سليم:استر يلي بتستر
اتجمعوا كلهم بعد ماوتار خلصت الاكل وتالين سعدتها في حطه والريحة كانت مجننه الكل وتقى وسارة متضايقين انها هي اللي عملته خصوصآ ان عز مبتسم وباصصلها بإعجاب
عمران:الريحة جنان اومال الطعم ايه
اوتار حطت طبق عز قدامه من غير متبصله وبعدت بسرعة
عز بصلها وابتسم:تسلم ايدك
الكل بصله بس محدش علق واحلام بقت مركزة مع نظراته ولقته معظم الوقت مركز مع اوتار واوتار تبصله وتبعد عينها وهو يبتسم ودا ضايقها وقامت
سليم:ايه يا احلام مكلتيش دا الأكل اكتر من رائع بسم الله ما شاء الله
احلام بصت لعز:لا شبعت
اوتار بتاكل وهي قاعدة جمب تالين وجمبها الناحية التانية عمران
عمران:تسلم ايدك
اوتار مبصتلوش واتكلمت برسميه زايدة:شكرا
عمران اتنهد:انا اسف وعارف ان دا مش وقت كلام في الموضوع بس واللهي انا عمري مفكرت فيكي بطريقة وحشة ومبعملش حاجه غلط لاني عندي تالي وبخاف عليها كل الحكاية اني كنت عايز اشوف ردت فعل عز وبس
اوتار:ودا ليه؟
عمران ابتسم وبص قدامه:هقولك بعدين لما عز يقولك الاول
اوتار بإستغراب:انا مش فاهمه
عز مركز معاهم ومستغرب انها بتتكلم مع عمران عادي
عمران ابتسم:هتفهمي بعدين وحيات البوكس والألم اللي خدته يومها مهقولك دلوقتي خليكي تفكري بقى
اوتار غصب عنها ضحكت:عشان ضايقتني وانا اللي بيضايقني بيحصل فيه اكتر من كدا
عمران ضحك:استرها علينا يا رب وخلينا بعاد
عز باصص لأوتار اللي في اخر السفرة وهيتجنن هي بتضحك على ايه مع عمران
عمران خد باله منه:اممم شكلي هاخد بوكس تاني النهاردا
اوتار:ليه بس
عمران همسلها:في واحد صاحبنا هيموت هيطق من الغيرة ولا كانه طفل وخدت منه الحلويات بتاعته
اوتار التفتت تلقائيآ لعز لقته بطل ياكل وباصصلهم والغضب واضح جدا عليه
اوتار بصتله بإستغراب وبصت قدامها وعز قام وسارة وراه واوتار هتتجنن منها خصوصآ ان سارة في وضع ميخليش حد يشك فيها بس اوتار خلاص هتبعدها عنه بأي تمن حتى لو وصل الأمر انها تفضحها قدامهم....
اوتار وقفت وطلعت وراهم ببطئ وسمعتهم
عز بغضب:انتي عايزة ايه انا مش عايز افضحك قدامهم عشان ليالي عشان كانت مراتي وكانت اغلى حاجة عندي وانتي شكلك اتجننتي فعلآ فبالذوق كدا انسي انك تعرفيني لحد مترجعي امريكا والأحسن يكون بسرعة عشان انتي مبقتيش ليكي اي احترام عندي وملكيش قعاد هنا
سارة حاست انها لو خسرته هتخسر سليم وهتبقى احلام اتغلبت عليها ومثلت بدموع:انا مش عيزاك تبعد عني يا عز حتى لو كنت غلطانه دا ضعف مني عشان بحبك ولحظة شيطان خلاص سامحني يا عز
عز بصلها واتنهد وقرب مسح دموعها:انا مش عايز اشوف دموعك هنسى اللي حصل بس انتي كمان لازم تنسي كل حاجة ومش معنى انك لوحدك تسيبي الشيطان يلعب بيكي وينزلك للمستوى الرديئ دا
اوتار بغضب نزلت:دا مبيفكرش هو ازاي هينسى اصلا انا هقول لحسام
طلعت وعز شافها وهي ملتفتتش
سارة شافت عز مركز معاها وهي معديه من قدام اوضته وغضبها بيزيد
عز :بعد اذنك
ساب سارة وراح وراها:استني
اوتار من غير متبصله:افندم نعم
عز حس انه مش عارف يتكلم او يقول حاجة وهي بصاله بإستغراب وهو اخيرآ نطق:انتي مرتبطة!........
#استودعكم_الله
يا ريت الكل يعمل متابعة لصفحتي بينزل عليها الرواية بدري
#Nada_Mohsen
اسئلة الحلقة:-
ليه مراد مش عايز مازن يعرف ان تقى معاهم؟!هل كدا خلاص سارة هتبعد عن عز؟!عز هيسمع كلام اللي حواليه وهيعترف بدا؟!ايه هيبقى رد اوتار على سؤاله وايه هيبقى رده؟!
للكاتبة/ندى محسن ♕Noody♕
#Nada_Mohsen
عز مسك ايدها وبملامح مصدومة والغضب سيطر عليه :انتي بتعملي ايه!!!
سارة بصتله وحاوطت وشه:انا مش عارفة بعمل ايه وانا معاك انا ببقى حاجه تانية
عز بغضب بعد ايدها:انتي اتجننتي!!انتي انا مش عارف انتي سكرانه ولا اتجننتي ولا ايه جرا لعقلك انتي؟؟
سارة حضنته:بحبك ومحتجاك جمبي مش عايزة حاجة غير اني ابقى بين ايدك
عز زاها بمشاعر ضيق وغضب مختلطين بصدمه:انتي اكيد مش في وعيك ايه اللي بتقوليه دا انتي ازاي بتفكري كدا
سارة جت تقرب عز زأها بعنف وصرخ فيها:ساااارة فوووقي ايه الجنون دا انتي زي امي انتي صدقتي نفسك ولا ايه
سارة بغضب:انا مش امك يا عز انا بحبك
عز زاها بعنف بغضب
اوتار دخلت اوضتها بسرعة قبل ميخرج وهي مستغربة بس فرحانه وفي نفس الوقت خايفة من عصبية عز خصوصآ لما سمعت الباب اترزع وعرفت انه نزل ونزلت بسرعة وراه بعد مجابت الشنطة الي فيها الفلوس والمجوهرات
عز الغضب باين على وشه:انجزي مش قولتلك انزل القيكي تحت
اوتار ماشية ومتكلمتش وهو فتحلها العربية وركبت وهو ركب وساق شويه وقف بالعربيه وهي مش بصاله سند راسه على العربيه ورفع راسه اخد نفس طويل وخرجه بسرعة استمر يعمل كدا فترة وبعدين شرب وهي بصاله
عز:مش هتسأليني في ايه
اوتار هزت راسها بنفي وبصت قدامها
عز بصلها وعض شفايفه بغيظ:اشمعنا
اوتار:عشان عيزاك انت اللي تحكي في حاجات مش محتاجة لكلام
عز ابتسم غصب عنه وعارف انها بتردد كلامه
اوتار ابتسمت وهي بصاله وهو رفع وشها وهي بصتله بإستغراب:مالك؟؟
عز:البنفسجي امتى بيظهر لما بتفرحي ولا تتوتر ولا لما تخافي امتى بيظهر وفي الغالب بتكوني وانتي معايا
اوتار بلعت ريقها بصعوبة:معرفش
عز بصلها وبص لشفايفها وهو مركز في لون عينها ومبقاش قادر يبعد
اوتار:مش هنمشي بقى زياد جاي وطنط اماني وانا
عز قاطعها:انتي حاطة روج ليه انتي حلوة من غير حاجه
اوتار:دا مرطب بس م
قبل متكمل كلامها قاطعها عز بشفايفه وهي لامسة شفايفها ومسكها بعنف خاف انها تبعد وهي بتحاول تبعده وهو رافض لحد مهديت بعد ياخد نفسه وهي بتتنفس بصعوبة وبصاله بصدمه وحطت ايدها على شفايفها وعينيها اتحولت للبنفسجي الصافي جدا وهي مش مستوعبة اللي حصل وقلبها بينبض بعنف واتضايقت منه والصدمة ظاهرة على وشها
عز باصلها ومنطقش بكلمه
اوتار دموعها نزلت غصب عنها
عز مسك ايدها:في ايه بتعيطي ليه
اوتار بعدت ايدها من ايده بعنف و بضيق بتمسح دموعها
عز:اوتار!
اوتار بدموع:رجعني البيت حالآ..انت ازاي تعمل كدا انت ازاي عملت كدا
عز:انتي اتضايقتي مني انا بوستك وايه المشكلة انا متخطتش حدودي معاكي وبعدين انا مش حلو بالنسبة ليكي مش عاجبك مش عينك عليا
اوتار عرفت انه بيفكر في سارة وانه متضايق وهي بتعيط وتمسح دموعها
عز اتنهد:مكنتش اقصد انا اسف لو ضايقتك صدقيني انا مش كدا ومبنجرفش ورا رغباتي بس انتي مبقدرش اوقف نفسي ببقى مغيب الظاهر ان وجودك معايا كان غلط...
اوتار بدموع:انا وثقت فيك ومازلت بثق فيك بس انت ضايقتني ودا حرام انك تقرب مني دا مينفعش
عز اتنهد بضيق من نفسه وهو بيحاول يبررلها واتكلم من غير تفكير:مكنش قصدي حقيقي مكنتش اقصد انتي متعرفيش حاولت اوقف نفسي اد ايه ولتاني مرة فشلت
اوتار بصتله:لتاني مرة!!
افتكرت لما كانت في المستشفي وحست بيه وافتكرت نفسها بتحلم وقلقت:امم لما كنا في المستشفى؟؟صح مش كدا؟
عز بصلها وبص قدامه وكتم ضحكته بالعافية وهو بيلعن نفسه ولسانه اللي انجرف وقلها وهي اتأكدت من سكوته واتضايقت من ضحكه اللي ظاهر على وشه وبيجاهد يمنعه راح على البنك وخلصوا مشوارهم واوتار ساكته وكل معز يحاول يتكلم يسكت لما يلاقيها مبتردش كان سايق وفجأة عربية خبطت فيه من ورا واوتار صرخت بتلقائية
عز بص وراه وفهم انهم بيطردوه وفهم انهم في الغالب تبع الدمنهوري:اوتار انتي كويسة
اوتار هزت راسها بإيجاب:عز في ايه
عز:انزلي تحت في الدواسة بسرعة ووازني نفسك عشان متتخبطيش
اوتار فكت حزام الامان نزلت وبصاله بقلق
عز مسك سلاحه وبيسوق بسرعة اتصل بسيف:الو سيف تعالى على طريق*******في ناس بيطردوني وانا هحاول اعطلهم بس مضمنش الظروف تعالى اوتار معايا
سيف خد السلاح بتاعه ومفاتيح العربية وبسرعة نزل
ابتدى يتضرب نار على عربية وعربية تانية ظهرت قدامه واوتار بصتله بقلق
عز:مهما حصل متطلعيش هاا اتفقنا متخافيش
عز ساق بسرعة واحتراف قدر يعدي من جمب العربية والأتنين خبطوا في بعض
عز ابتسم وبص وراه وبسرعة بص قدامه بيسوق بسرعة وهو مع سيف على التليفون:خبطوا في بعض
سمعوا صوت انفجار شديد واوتار اتصدمت وفهمت انهم العربيتين وبصتله حست انها عاشت مغامرة مميزة
عز بصلها وابتسم:مش عارف اقول ايه
سيف:قولي انت فين
عز:رايح على البيت
سيف:انا جايلك خد بالك بس
عز بيبص في المراية شاف عربية سودا ضخمه نوعآ ما جايه وراهم واتنين منها طلعوا من الشباك بيضربوا نار بطريقة مش طبيعية وبيحاولو يفرقعوا العجل بتاع عربية عز
اوتار خافت وبصت لعز:ايه وبعدين
سيف:قربت اهم حاجة تتفداهم عز انت معاك بنت اياك تسيبها
عز:انت هتستهبل يعني فكرك هسيبها منا بحاول اتجنبهم اهو انجز بس العربية كانت هتتقلب بسبب ضرب النار اللي كان زي المطر عليها وخصوصآ على العجل واوتار كانت هتصوت بس حطت ايدها على بؤها عشان صوتها ميطلعش وتوتر عز اكتر عز بيحاول يتفادى ان العربية تتقلب والعربية انحرفت 360 درجة(لفت حوالين نفسها)وقفت وعز مسك السلاح بتاعه وجه هيفتح الشباك سمع واحد منهم بيتكلم:متنسوش هي محدش يأذيها عايز الحلوة اللي معاه وخليكوا حنينين كدا عليها وبلاش دناوى هيحصلها حاجه فيها رقبتكوا دي متوصي عليها جامد اياكوا حد يجي جمبها
هزو راسهم بإيجاب
عز بصلها:اسمعي خلي دا معاكي لأي ظروف
مدلها السلاح بتاعه وهي خدته
خرج مسدس تاني من الدواسة:متخافيش دا لو نجحوا يقربو بس اوعي اوعي اوعي تطلعي فاهمه
هيفتح باب العربية مسكته:هما اربعة لحد دلوقتي انت مينفعش تنزل
عز ابتسم:اهدي بس متقلقيش
نزل وبسرعة ضررب عليهم نار كل واحد بعد في حته وهو اتشقلب لورا العربية واتكلم بحيث تكون اوتار سمعاه:مهما يحصل اوعي تطلعي فاهمه
اوتار:حاضر..خلي بالك من نفسك
عز خد نفس عميق وظهرلهم ضرب اتنين بس كان قاصد ميموتش حد فيهم ونط ورا شجرة ورجالة الدمنهوري بقى عندهم رعب منه خصوصآ انهم عارفين مهرته كويس وان صحابه مسمينوا قطر المخابرات بس اتفاجاو انه مش عايز يموتهم اتسحب وراح عشان يقدر يضربه وواحد من الناحية التانية واوتار شافت كدا خرجت بتصرخ:ععععز خلي بالك
ابتسموا وواحد قرب منها رفعت السلاح في وشه:اياك تقرب
ضحك وبصلها:يعني واحدة بالرقة والجمال دا مستعدة تقتل
اوتار وجهت السلاح عليه وهو وقف قدامها ومسك ايدها وهي زأته بعنف وهو لوى دراعها وعايز ياخدها في اتجاه عربيتهم
عز ركل اللي بيحاول يوصله وبحركه سريعه ضرب التاني في ضهره وقع واوتار اتصدمت
اللي ركله عز قام خد السلاح ووجهه عليه وقبل ميضرب كان فيه عربيه خبطاه
سيف:جيت في الوقت المناسب
عز مسك اوتار بيتطمن عليها:كويسة!حصلك حاجه
اوتار بنفس حالة الصدمة هزت راسها بنفي
عز ملامحه اتحولت بغضب:انتي ايه اللي نزلك افهم ايه اللي نزلك
اوتار بدموع:خفت
عز بغضب وصراخ:خفتي من ايه انا قافل العربية لو حد قرب منها هتصرف انما لما تخرجي كانوا ممكن يصيبوكي بالغلط حتى وهما بيضربوا نار عليا
سيف:خلاص يا عز اهدى انت مش شايف حالتها
عز بصلها وغمض عينه بضيق:اركبي
اوتار جايه تركب عربيته شدها وهي اتخضت:في ايه
عز:انا مش ناقص زكائك انتي مش شايفه انها خربانه اركبي بتاعت سيف
اوتار اتضايقت من طريقة كلامه وفلتت ايدها:متتكلمش معايا كدا انا مش هركب ومش هروح معاك وهروح على الطريق اوقف تاكسي وايدك متلمسنيش
عز بصلها:متعصبينيش اللي كانوا جايين كانوا عايزينك اركبي من سكات
اوتار:انت ملكش دعوة بيا يا عز انا مش هركب وانت مش ولي امري ومسمحش تعلي صوتك
سيف حاطت ايده على خده ومبتسم كانه بيتفرج على فيلم وشمتان في عز
عز:هعد لتلاته
اوتار:والله حتى لو عديت لتلاتين
عز:بقى كدا
اوتار:اه
عز شالها:طب يلا بقى
اوتار بقت تضرب كتفه:نزلني بقى نزلني هنزل من العربية عز سيبني سيييبني هصوت
عز ركب وهو ماسك دراعها جامد:متركب ولا انا هسوق برجلي
سيف ركب وهو بيضحك وساق:مالك في الطريق ومعاه كام واحد وهيعتقلوهم لو حد فيهم كان عايش ومتقلقش هيهتم بالباقي
عز:اتمنى رجالة الدمنهوري توصل قبله عشان يشوفو اللي بيلعب معايا ايه بيحصل فيه
بيفكر لو هما تبع الدمنهوري ليه عايزين اوتار ولا هما كانوا عايزين اي حد معاه؟
اوتار ايدها وجعتها وبتبعدها
عز:اوتار اسكتي بقى
اوتار بغضب:ايدي وجعاني وقولتلك متمدش ايدك
عز سابها وهي مسكت دراعها بألم
سيف كل شوية يبص لعز في المراية ويكتم في ضحكته
عز:افندم كل شوية اقول هيخف هيخف افندم ايه المضحك يا ظريف
سيف بيحاول يتكلم من غير ميضحك: من امتى بتحط روچ......
عز بصله وبص لاوتار اللي بصت لشفايفه وبرقت بصدمة......
سيف ضحك بصوت عالي: وعاملي فيها في خطر دا انت كنت مقضيها بقى الظاهر انهم جم في وقت مش مناسب
اوتار اتضايقت وبصت قدامها وعز مسح شفايفه وهمسلها: شوفتي انه باين بقى مش مرطب
اوتار بصتله بغضب وسيف ضحك بأعلى صوته وعز عز شفايفه بغيظ ولكم سيف من ورا وسيف ضحك اكتر: هنعمل حادثة يخربيتك
عز: طب اتلم
وصلوا واوتار بسرعه نزلت وجريت على فوق خبطت في عمران
عمران:مالك انتي كويسة؟
اوتار هزت راسها وجريت على اوضتها وبتفكر في اللي حصل واتضايقت اكتر
سليم:مالها اوتار يا عز
عز:مفيش حاجة ناس كانوا بيطاردونا
سيف بثقة وهو حاطت ايده في جيبه: انا اللي انقذت حياتهم
عز بصله وعمران ضحك: امم منا عارف ادخل ادخل
عز طلع على اوضته واوتار كانت واقفة في البلكونه وعز دخل البلكونه وسارة راحت وراه
عز من غير ميلتفت: كنت عارف انك جاية
سارة: عشان انا عارفة انك متضايق مني
عز بغضب: وانتي شايفة اني مش المفروض ابقى متضايق مش كدا؟
اوتار فوق وشيفاهم وبعدت شوية عشان عز ميخودش باله وهي سمعاهم
سارة حضنته: انت مش متخيل انت بتعمل فيا ايه عز انا حبيتك قبل متتجوز ليالي بس انت كنت بعيد اوي عني
عز بغضب بعد ايدها عنه: متخلينيش اتعامل معاكي بطريقة هتندمي عليها انتي حصل لعقلك ايه انتي في مقام امي انتي بتقولي ايه انا كنت جوز بنتك ايه الجنون اللي انتي فيه دا
سارة باسته بعنف وهي متعلقه فيه وهو اتصدم وبيحاول يبعدها وهي بتحاول تغريه وزاته لجوا واوتار غصب عنها عيطت حسمت امرها وجريت على تحت خبطت على عز وهي بتمسح دموعها
عز بعد سارة بسرعة والغضب ماليه وسارة غمضت عينها بضيق
اوتار بتخبط
عز بيعدل هدومه:ايوا مين
اوتار:ا..انا
عز بص لسارة وسارة قعدت على الكرسي بضيق من اوتار وعز فتح وبيتعامل طبيعي جدا بصلها عينها كانت داكنه وبتغمق
اوتار بصوت مهزوز:ممكن نتكلم
سارة بغضب:انتي ازاي تخبطي عليه وانتي عارفة انه هنا لوحده!
اوتار بصتلها وعينها بتغمق اكتر
عز:اوتار انتي كويسة؟
اوتار بصتله بصه غضب ومشيت
عز قفل بإستغراب وسارة سحبته:كنا بنعمل ايه
عز زأها:اطلعي برا صدقيني انا ساكت احترامآ لليالي اللي للاسف واحدة زيك امها
سارة ابتسمت بسخرية:لاء بجد ليالي هي اللي يتعملها احترام ..
عز فتح الباب وزأها واوتار قعدت على سريرها وغصب عنها بتعيط راحت لحسام الأوضة ولحسن حظها كان لواحده وتالين لسه نازله من عنده
اوتار بدموع: انا حاولت امنعهم يبقوا سوا بس معرفتش الست دي قذرة...
حسام بغضب: اوتار انا وانتي بس اللي نعرف عشان كدا اتصرفي خليكي لازقة لحد مقوم بس واثبتلهم انها زبالة
اوتار: حسام انا مقدرتش استحمل وهو كانه معملش حاجه مكنش متوتر حتى كان بيتكلم ببرود وهي قاعدة على الكرسي
حسام: انتي حبتيه
اوتار بصتله بصدمه
حسام ابتسم بحنان: انتي حبتيه فعلآ
اوتار الدموع اتجمعت في عينها: انا...
حسام: متخبيش ومتخافيش مش هقول لحد
اوتار بصتله وبتمسح دموعها: حاولت بس غصب عني حبيته... مكنش قصدي
حسام: بصي دي حاجه ملكيش ايد فيها انتي بتعيطي ليه وبعدين حد بيحب بقصده كلنا حبينا وبنحب وهنحب غصب عننا
اوتار: دي حاجه مليش ايد فيها بردو بس انت حبيت؟
حسام ابتسم بشرود:حبيت.. كانت زميلتي في المدرسة في ثانوي...كانت حاجة كدا ملهاش حل كانت شرسة كانت اشطر مني ولحسن حظها المدير كان بيعتبرها اكتر طالبة مميزة....لدرجة كان سامحلها تعاقبني بس كانت بتساعدني...
اوتار:وبعدين
حسام:اتعلقت بيها جدآ كنت بسيبلها القهوة اللي بتحبها في الكرسي بتاعها واخر مرة شوفتها ابتسمت وسابتلي القهوة وشاورتلي باي ومشيت كانت اول مرة تتعامل شوية بلطف...كانت اخر مرة اشوفها تخيلي بقيت احطلها القهوة كل يوم ومتجيش ولا تاخودها وبعدين عرفت من المدير انها سافرت...
اوتار بصتله باسف:ولسة بتحبها؟
حسام ابتسم وغير الموضوع: انتي تستحقي كل خير حقيقي
عز: يا سيدي النحنوح انت
اوتار مسحت دموعها والغضب اتملكها منه
حسام : سبحان الله يا اخي انت مبتجيش غير وهي هنا ايه الردار دا
عز: تعالي
اوتار: انت عايز ايه
عز: عايز ايه! انتي من امتى بقيتي تقعدي مع سيادته بقيت اشوفك كتير هنا مش دا غلط وحرام و خلوة غير شرعية ولا ايه يا شيخة اوتار
حسام: وانت مالك يا سيدي انت ولي امرها مش بعيد نرطبت بما اني انقذتها مرة وهي شايفة فيا البطل مفتول العضلات
اوتار ضحكت
حسام: اللهم صل على النبي ايه الحلاوة دي
عز بغضب: قومي عايزك وانت لم نفسك
حسام بإستفزاز: وانت متعصب ليه وعايزها في ايه انا ولي امرها دلوقتي ونطلب الإذن مني
عز بيدور على حاجه يحدفه بيها وحسام ضحك: قومي قومي شوفيه عايز ايه دا مجنون وانا عارفه
اوتار: مش هقوم مش عايزة انا
عز سحبها بغضب ولسه هيدخلها اوضته فلتت ايدها بغضب: انت بتعمل ايه باي حق ماسكني وباي حق عايزني ادخل اوضتك
عز: دا من امتى
اوتار: انا مش عارفة ازاي وثقت فيك من امتى اصلآ كنت بسمح بكدا من امتى كنت بأمن لحد للدرجة دي خلاص يا عز انا مبقتش بثق فيك ومش عايزة مسعدتك وابعد عني انا اللي بقولك اهو مش عايزة مساعدتك
عز هيمسك ايدها زاته: قولتلك متلمسنيش
عز بصلها بترقب: انتي ايه اللي غيرك فجاة كدا اممم من ساعة مجتيلي الأوضة وشوفتي سارة مش كدا
اوتار بصتله وعينها بقت داكنه وبغضب بصتله: انت بني ادم سافل وقذر انت كنت عامل انك بتحب ليالي بس ليالي كانت طريق ليك صح عشان ترضي رغباتك القذرة انا بشفق على ليالي عشان آمنت لواحد زيك بيعمل علاقات محرمه مع امها والله اعلم مع اختها عامل ايه كويس انها ماتت قبل متشوفك زي منا شيفاك كدا
عز ضربها بالالم بعزم ما فيه وبغضب: اخرررسييي لو جيبتي سيرتها انا هموتك فاااهمة انتي يوم متفكري تتمردي يبقى عليا انا هااا يبقى على اللي عمره مفكر في اي حاجة من اللي بتقوليها دي؟؟
اوتار حطت ايدها على وشها بصدمة ودموع بعدت وحطت ايدها على شفايفها شافت الدم وهو اتصدم من تصرفه وبص لأيده ولخدها
اوتار بإرتجاف وهي مش متوقعه ردت فعله: انت... متفرقش حاجه عنه... انت وجلال واحد
بسرعة طلعت على اوضتها دخلت الحمام وانهارت في العياط وهي بتمسح شفايفها والدم مش عايز يقف وهي منهارة في العياط مش مصدقه انه مد ايده عليها وافتكرت كل حاجة كان بيعملها جلال وعيطت اكتر كان تعبها النفسي اكتر من الجسدي
تالين خبطت: توتااا افتحي زياد وخالتوا اماني جت
اوتار غسلت وشها وصوابع عز لسه معلمه على وشها نزلت ووشها في الأرض بتحاول متبينش جرحها وعز واقف من فوق شايفها وحاسس بالغضب من نفسه مهما حصل مكنش لازم يمد ايده عليها اول مرة يمد ايده على واحدة وتكون هي!!
اماني حضنتها بحنان ودموع: اسفة يا عمري اسفة
اوتار بصتلها وابتسمت: انا مش زعلانه منك
اماني رفعت وشها بصدمة: ايه دا يا اوتار ايه دا؟؟ مين ضربك
زياد مسك وشها بغضب وصوته عالي: مين مد ايده عليكي
سليم بإستغراب: اوتار في ايه وايه اللي حصل
اوتار: مفيش كنت مع عز وناس اعترضوا طارقنا وواحد ضربني بالالم بس عز اتدخل وضربهم
عز اتصدم من كلامها
سيف بإستغراب بصلها هو واثق ان دا مش صح لانه لما شافها كانت كويسه ودلوقتي ايد معلمه على وشها وشفايفها لسه مازالت بتنزف معقول يكون عز؟؟
اوتار: سيبكوا مني انا المهم انك كويسه وبخير
احلام: يلا يا ست اماني مهي قردة قدامك ايه اقعدي بس بقالنا كتير متكلمناش
سارة ابتسمت وعرفت ان اوتار غير مرحب بيها هنا بس استغربت مين ضربها ولما خبطت على الباب كانت كويسة!
مراد حط ايده على كتف تالين: مالك سرحانه في ايه
تالين بعدت ايده: خليك في نفسك ممكن
عمران سحب تالين في حضنه: خليك في نفسك يله انت وملكش دعوة بأميرتي
تالين ضحكت وبتبص بتلقائية اتلاقت عيونها مع عيون زياد لاول مرة تشوف النظرة دي في عينه وهو بيبص لمراد بضيق وغضب وبعد نظره عنها وهي ابتسمت
قعدو سوا واوتار خرجت مع اماني: مش هيردو يمشوني عشان عمي جلال
اماني: دا مش عمك وميستحقش انك تحترميه
اوتار مدتلها الورق واماني خدته
اماني: ايه دا يا اوتار
اوتار: ورق البيت بتاعنا انتو هتفضلوا فيه دا بيتك... وانا مش هستأمن حد غيرك...
بصت لزياد: خلي بالك منها
اماني حضنتها ودموعها غصب عنها نزلت: اسفة يا توتا اسفة انا قسيت عليكي...
اوتار مسحت دموعها وهزت راسها بنفي:انا واللهي مش زعلانه منك كنتي ام ليا وبعدين بتضايق لما تعيطي
زياد ابتسم واوتار حضنت اماني وكل دا وعز واقف على بعد منهم مراقب
مشيوا واوتار قعدت في الحديقة من ورا على الارض وهي منكمشة في نفسها ودافنة وشها في رجليها وبتعيط
عز اتردد يروحلها ولا لا بس حسم امره:انت راجل ومينفعش تسيبها كدا وانت السبب ومينفعش امد ايدي عليها لازم اروحلها
راح وهي شمت ريحته وعرفت انه واقف قدامها وبسرعة من غير متبصله وقفت وهتمشي وهو سحبها..........
اوتار بهدوأ: سيبني
عز وقف قدامها وهز راسه بنفي ورفع وشها وهي مبعده عينها مش عيزاها تيجي في عينه
اوتار بتبعد ايده: انا قولتلك سيبني
عز هز راسه بنفي: وانا مش هسيبك
اوتار: عايز ايه
عز: عايزك تبوصيلي
اوتار هزت راسها بنفي وهي باصة لتحت
عز رفع وشها وخلاها تبصله وبص لشفايفها المجروحة بسببه واتضايق من نفسه وبص لخدها اللي صوابعه مازالت معلمة عليه
اوتار بصوت مهزوز ودموع في عينها: سيبني
عز بيمشي ايده على خدها بحنان: مكنتش اقصد بجد واللهي مكنت اقصد اعمل كدا بس كلامك كان بيطعن فيا وانتي مش عارفة انا حاسس بإيه
اوتار بدموع خلاص بتعلن انهيارها: محدش كان يقصد يأذيني ومحدش كان يقصد يعمل حاجة
عز حط صباعه على شفتها وهي زاته بتحذير
اوتار: انا مبحبش كدا
عز حضانها: وانا محتاج لكدا
اوتار دموعها نزلت وهو بيطبطب عليها في حضنه
عز: باااس انا حيوان معلش انا اسف
اوتار بتعيط : انت ضربتني جامد زي جلال
عز: تتقطع ايدي لو اتكررت تاني
اوتار بهمس: بعد الشر
عز: هامك اووي
اوتار بصتله وبصت لتحت وهي بتمسح دموعها
عز بصلها وهو بيمسح دموعها ورفع وشها وابتسم: معقوله انا كان ممكن اسيبك زعلانه وعينك مش عايزة تيجي في عيني واتحرم من البنفسج
اوتار ابتسمت هي خلاص معترفة انها حبته خلاص قررت تبقى صريحة مع نفسها عارفة ان هي وعز صعب يتجمعوا بس هتستغل كل لحظه معاه
عز: يلا بقى فرفشي كدا عشان ندخلهم متبقيش بتعيطي
اوتار هزت راسها بإيجاب انتبهت لأيده اللي محوطاها وبعدتها:عز متكررهاش تاني
عز: خلاص كدا صاف يا لبن
سيف: حليب ومهلبيه يا باشا
عز نفخ بضيق والتفت: انت يبني موركش حد غيري ولا ايه فين عمران مش صاحبك بردو
سيف: الله هو انا مش صاحبك يا سي عز ولا بيتهيقلي
عز: يعني عايز ايه يعني
سيف بص لاوتار: مساء الخير يا انسة
عز حدفه بالتليفون: غور من هنا
سيف مسكه وضحك:طب انا عملت حاجة هل انا غلطان
اوتار غصب عنها ضحكت
عز بغيظ: ممكن تتفضلي تطلعي
اوتار هزت راسها بإيجاب وطلعت
سيف: جميلة اووي اوتار دي
عز زاه: اتلم
سيف: بقولك ايه من غير لف ودوران انت بتحبها وباين اووي انت لو كنت كتبت ورقة وعلقتها على ضهرك بلاش قفاك عشان متقفش مكنتش هتبقى مكشوف للدرجة دي
عز: حب ايه يا سيف انت اتهبلت ولا ايه؟! لا طبعآ مش معنى اني بتعامل معاها كويس يبقى حب
سيف: عز خليك واضح مع نفسك بلاش تلف وتدور عشان هتتعب دا انت اللي معلمنا يا شيخ نظرتك اهتمامك بيها يوم المستشفى ولما كنت على الطريق والفراولة اللي كانت على شفايفك تشهد ليه لا ليه متحبهاش وليه اي حد يجيب سيرتها بتتعصب ماشي هو طبعك بس معاها حاجه تانية معاها بحسك هتموت اللي قدامك طول منا معاك عينك مبتنزلش من عليها
عز بصله وهز راسه بنفي: لا انا بحب ليالي ليالي وبس
سيف: ليالي ماتت ليالي محرراك منها من زمان
عز بصله حط ايده على راسه وبص في الأرض بتفكير
سيف: اول مرة اجيب سيرة ليالي ومتتعصبش تفتكر دليل على ايه
عز: دليل انك تتكل على الله ومش لازم امد ايدي عليك عشان يبان اني متعصب (لطش منه التليفون ودخل)
سيف ضحك: هتفضل تفكر في اللي قولته يا صاحبي لحد مقلبك هو اللي هيفضحك
#رواية_رجل_المهام_الصعبة
للكاتبة/ندى محسن ♕Noody♕
متابعة لصفحتي هنا
#Nada_Mohsen
مازن:حبيبة انا مخنوق وفيا اللي مكفيني لو سمحتي بقى سيبيني انا مش جعان ولا عايز حاجة ممكن تبعدي عني بقى
حبيبة:طيب انت كل شوية تضايق وانا مش فاهمة في ايه
مازن:سارة وصلت مصر وتقى ومراد ومراد بيكلمني وقالي ان تقى مش معاهم وانا عارف انها اكيد معاهم بس ليه كذب بيخطتوا لأيه يا حبيبة مش عارف ومرضيش يقولي هما فين
حبيبة:اكيد دي اوامر العقربة سارة
جودي:بابا انت لازم تعرف مكانهم
مصطفى:هما مش صغيرين تقى ومراد اكبر منك
جودي:بس مينفعش يفضل بابا متوتر كدا حاول تلاقيهم
مازن سابهم ودخل اوضته وهو عاجز عن التفكير مش عارف يعمل ايه او يتصرف ازاي...
#رواية_رجل_المهام_الصعبة
للكاتبة/ندى محسن ♕Noody♕
متابعة لصفحتي هنا
#Nada_Mohsen
سيف وصل عند النادي نزل من عربيته وشاف بنت جميله بتعدل شعرها قرب بسرعة سحابها في حضنه وهي ابتسمت وملامحها اتغيرت في ثواني وزاته بغضب:انت مستفذ
سيف:ليه طيب انا عملت ايه
سلمى كشرت:انت عارف ان بابا وليلى في الرايحة والجاية بيتريقوا عليا ودا كله ليه عشان مش عايز حضرتك تعلن خطوبتنا
سيف:اممم ابوكي الفري دا
سلمى بغضب:اتلم يا سيف
سيف ضحك:طيب اعمل ايه انتي عارفة ان اهلي كلهم برا وقاعدين في السعودية ينزلوا مُصر بس وانا
سلمى:وانا خلاص شبعت من الكلام دا سيف عز بيعرف يتكلم وبابا بيحبه هاته بس وتعالى ومتقلقش
سيف:امرك يا ستي ماشي مع اني عارف ابوكي عايز ايه بس ماشي
سلمى:ليه يعني هيكون عايز من سيادتك ايه
سيف مسك شعرها بمكر وهزار:مش عايز مني انا عايز من صاحبي اممم وشكل ليلى اختك ضمن الخطة وللأسف عز عارف بس عامل عبيط
سلمى زاته بغضب:انت رخم وفيها ايه يعني مش هو مش مرتبط
سيف ضحك:والله الواحد معارفله حاجة
سلمى:طيب يلا اطلبلي حاجة انا جعانه
سيف:يا روحي انتي دايمآ جعانة عايزة تاكلي ايه
سلمى كشرت:بطل رخامة وهاتلي فرخة مشوية
سيف:مش كتير علينا فرخة؟
سلمى:علينا ايه انا بتكلم عني شوف انت هتاكل ايه بقى
سيف ضحك:وانا اللي كنت فاكر ماشي يا ستي الغريب يا بت انك مبتتخنيش
سلمى:ودا الحلو يا سوفي
سيف بص حواليه بخوف مصطنع وقرب مسك خدودها:سوفي دي مش هنا انا مش اختك الصغيرة اتلمي
سلمى ضحكت بصوتها كله وواحد بصلهم وغمزلها:يا حلوتك يا ابيض
سيف بغضب وفي ثواني كان قام ركله بعنف ورجع ايده لورا لواها ورا ضهره ورجع دماغه لورا وهو معجز حركته:انت تحترم نفسك انت شايفها قاعدة مع سوسن ولا ايه متتلم
......:سيف باشا اسف والله مقصد ااااه معرفش انها قاعدة معاك
سيف بتهكم:لا يا روح امك ابقى بص كويس
زاه بعنف
سلمى بصاله وكان نفسها الأرض تنشق وتبلعها هي عارفة انه بيحبها وبيموت فيها وبيهزر وطبيعته مرحة بس في الغيرة مجنون لابعد حد مسك ايدها وحطها على ايده بصلها بثقة ومشي وكأنه بيثبت للكل انها ملكية خاصة ليه والنادي كله كان بيتفرج
#رواية_رجل_المهام_الصعبة
للكاتبة/ندى محسن ♕Noody♕
متابعة لصفحتي هنا
#Nada_Mohsen
اوتار دخلت المطبخ: انا ملاحظه علا مش هنا من امبارح
احلام بصتلها وبصت قدامها: سافرت عندها حالة وفاة
اوتار: ممكن تسمحيلي اني اعمل الأكل النهاردا!! دا شيئ يسعدني
احلام بصتلها: ودا ليه ان شاء الله
اوتار: اعتبريني عايزة ادوقكوا اكلي انا اللي كنت بطبخ عند طنط اماني
احلام: اه منا عارفة كنتي في مقام خدامة عندهم
اوتار بصتلها
احلام غمضت عينها بغضب: اووف بقى بصي انا كدا مبعرفش اتكلم ومتضايقة اني بجرحك عندك المطبخ وانا طالعه
طلعت واوتار ابتسمت وابتدت تطبخ وهي بتغني بتلقائية: ياما عيون شاغلوني شاغلوني لكن ولا شغلوني الا عيونك انت.. دول بس اللي خادوني خادوني الا عيونك انت دول بس اللي خدوني دول باااس اللي خدوني
عز حضانها من ضهرها ودفن راسه في رقبتها:اوتاري واقفة تعمل ايه
اوتار بصت لايده بصدمه وبصتله عيونها اتحولو للون البنفسجي
عز ابتسم:انا بعشق اللون دا
اوتار ابتسمت وبصت لتحت بكسوف
عز رفع وشها:لا خليكي بصالي
اوتار:عز انت كويس!..عز؟؟عز
عز فاق من تخيلاته لقى نفسه واقف عند باب المطبخ واوتار بتكلمه بإستغراب:انت كويس
عز خد نفس طويل وخرجه ببطئ
اوتار:عايز حاجة؟
عز:لاء...بس صوتك حلو
اوتار ابتسمت:شكرا
عز باصصلها وباصص لعينها
اوتار:في حاجه؟عايزة اكمل
عز قرب منها وهي بعدت
اوتار:عز...متخليش حد يجي ويفهم غلط متضايقيش
عز:هي مبتتحولش ليه
اوتار:هي ايه دي
عز:عنيكي عايز اشوف لونها البنفسجي
اوتار غصب عنها ضحكت:هي مبتتحولش غير بمزاجها
عز:وبمزاجي
اوتار بصتله بإستغراب
عز قرب سندها على الحيطه وبيقرب منها وهي اتفاجأت وهو بصلها شاف عينها اتحولت للبنفسجي بصلها بتفاجأ:اللون دا بيظهر بس لما بقرب منك بيظهر بس ليا لما اقولك كلمة او اكون قريب منك مش كدا؟
اوتار بعدته بتوتر:انا قولتلك ميت مرة متقربش مني واني بتضايق..دا بيظهر لما بتضايق
عز:انتي كذابة دا بيظهر لما بتحبي
اوتار بصتله بصدمه
عز خرج واوتار مصدومه ومش مصدقة ان اللي كان واقف دا عز ومتضايقة اكتر من نفسها ومن ضعفها قصاده وكملت الاكل وهي بتلهي نفسها فيه
عز قعد وابتسامه شاردة على شفايفه:مش مصدق شكلها بيقول تخميني كان صح..شكلي وللأسف هعمل بنصيحتك يا سيف انا شكلي اتجننت
سليم وعمران ملاحظين ابتسامته وملاحظين شروده
عمران:يا رب يكون اللي في بالي صح
سليم ابتسم:شكلك صدقت
عمران:اوووف بص للمصيبة اللي ريحاله
سليم اتنهد بضيق
تقى قعدت جمب عز:سرحان في ايه
عز:في واحدة
تقى ابتسمت:وتطلع مين بقى اللي عز بجلالة قدره سرحان فيها
عز:تؤتؤ مش هتعرفي ومتحاوليش
تقى بامل:عز انت ممكن بجد تفكر تحب وتتجوز تاني
عز:انتي ايه رأيك
تقى:انا من زمان بقولك واتمنى انك تفتح قلبك يا عز بجد انت لازم تعمل كدا كفاية عذاب بقى كفاية انت تعبت كتير
عز:اتكل على الله واعمل بنصيحتك
تقى ضحكت:مش عايزة كلام عايزة فعل قولي بقى بتفكر في ايه
عز:تؤ تؤ بردو لاء هتعرفي يوم راس السنة
تقى ابتسمت:ماشي كلامك يا سيدي
عمران:راس السنة بالسرعه دي دا بعد بكرا!!
سليم:استر يلي بتستر
اتجمعوا كلهم بعد ماوتار خلصت الاكل وتالين سعدتها في حطه والريحة كانت مجننه الكل وتقى وسارة متضايقين انها هي اللي عملته خصوصآ ان عز مبتسم وباصصلها بإعجاب
عمران:الريحة جنان اومال الطعم ايه
اوتار حطت طبق عز قدامه من غير متبصله وبعدت بسرعة
عز بصلها وابتسم:تسلم ايدك
الكل بصله بس محدش علق واحلام بقت مركزة مع نظراته ولقته معظم الوقت مركز مع اوتار واوتار تبصله وتبعد عينها وهو يبتسم ودا ضايقها وقامت
سليم:ايه يا احلام مكلتيش دا الأكل اكتر من رائع بسم الله ما شاء الله
احلام بصت لعز:لا شبعت
اوتار بتاكل وهي قاعدة جمب تالين وجمبها الناحية التانية عمران
عمران:تسلم ايدك
اوتار مبصتلوش واتكلمت برسميه زايدة:شكرا
عمران اتنهد:انا اسف وعارف ان دا مش وقت كلام في الموضوع بس واللهي انا عمري مفكرت فيكي بطريقة وحشة ومبعملش حاجه غلط لاني عندي تالي وبخاف عليها كل الحكاية اني كنت عايز اشوف ردت فعل عز وبس
اوتار:ودا ليه؟
عمران ابتسم وبص قدامه:هقولك بعدين لما عز يقولك الاول
اوتار بإستغراب:انا مش فاهمه
عز مركز معاهم ومستغرب انها بتتكلم مع عمران عادي
عمران ابتسم:هتفهمي بعدين وحيات البوكس والألم اللي خدته يومها مهقولك دلوقتي خليكي تفكري بقى
اوتار غصب عنها ضحكت:عشان ضايقتني وانا اللي بيضايقني بيحصل فيه اكتر من كدا
عمران ضحك:استرها علينا يا رب وخلينا بعاد
عز باصص لأوتار اللي في اخر السفرة وهيتجنن هي بتضحك على ايه مع عمران
عمران خد باله منه:اممم شكلي هاخد بوكس تاني النهاردا
اوتار:ليه بس
عمران همسلها:في واحد صاحبنا هيموت هيطق من الغيرة ولا كانه طفل وخدت منه الحلويات بتاعته
اوتار التفتت تلقائيآ لعز لقته بطل ياكل وباصصلهم والغضب واضح جدا عليه
اوتار بصتله بإستغراب وبصت قدامها وعز قام وسارة وراه واوتار هتتجنن منها خصوصآ ان سارة في وضع ميخليش حد يشك فيها بس اوتار خلاص هتبعدها عنه بأي تمن حتى لو وصل الأمر انها تفضحها قدامهم....
اوتار وقفت وطلعت وراهم ببطئ وسمعتهم
عز بغضب:انتي عايزة ايه انا مش عايز افضحك قدامهم عشان ليالي عشان كانت مراتي وكانت اغلى حاجة عندي وانتي شكلك اتجننتي فعلآ فبالذوق كدا انسي انك تعرفيني لحد مترجعي امريكا والأحسن يكون بسرعة عشان انتي مبقتيش ليكي اي احترام عندي وملكيش قعاد هنا
سارة حاست انها لو خسرته هتخسر سليم وهتبقى احلام اتغلبت عليها ومثلت بدموع:انا مش عيزاك تبعد عني يا عز حتى لو كنت غلطانه دا ضعف مني عشان بحبك ولحظة شيطان خلاص سامحني يا عز
عز بصلها واتنهد وقرب مسح دموعها:انا مش عايز اشوف دموعك هنسى اللي حصل بس انتي كمان لازم تنسي كل حاجة ومش معنى انك لوحدك تسيبي الشيطان يلعب بيكي وينزلك للمستوى الرديئ دا
اوتار بغضب نزلت:دا مبيفكرش هو ازاي هينسى اصلا انا هقول لحسام
طلعت وعز شافها وهي ملتفتتش
سارة شافت عز مركز معاها وهي معديه من قدام اوضته وغضبها بيزيد
عز :بعد اذنك
ساب سارة وراح وراها:استني
اوتار من غير متبصله:افندم نعم
عز حس انه مش عارف يتكلم او يقول حاجة وهي بصاله بإستغراب وهو اخيرآ نطق:انتي مرتبطة!........
#استودعكم_الله
يا ريت الكل يعمل متابعة لصفحتي بينزل عليها الرواية بدري
#Nada_Mohsen
اسئلة الحلقة:-
ليه مراد مش عايز مازن يعرف ان تقى معاهم؟!هل كدا خلاص سارة هتبعد عن عز؟!عز هيسمع كلام اللي حواليه وهيعترف بدا؟!ايه هيبقى رد اوتار على سؤاله وايه هيبقى رده؟!
الاكثر قراءة هذا الشهر :
موعد الحلقة الجديدة الساعة 10 م يوميا ان شاء الله .
هنا تنتهى احداث رواية رجل المهام الصعبة الحلقة السابعة ، يمكنكم اكمال باقى احداث رواية رجل المهام الصعبة الحلقة الثامنة أوقراءة المزيد من الروايات المكتملة فى قسم روايات كاملة .
نأمل أن تكونوا قد استمتعتم بـ رواية رجل المهام الصعبة ، والى اللقاء فى حلقة قادمة بإذن الله ، لمزيد من الروايات يمكنكم متابعتنا على الموقع أو فيس بوك ، كما يمكنكم طلب رواياتكم المفضلة وسنقوم بوضعها كاملة على الموقع .