رواية رجل المهام الصعبة الحلقة التاسعة 9 | روايات ندى محسن

  نقدم اليوم احداث رواية رجل المهام الصعبة الحلقة التاسعة من روايات ندى محسن . والتى تندرج تحت تصنيف روايات رومانسية ، تعد الرواية  واحدة من اجمل الروايات رومانسية  والتى نالت اعجاب القراء على الموقع ، لـ قراءة احداث رواية رجل المهام الصعبة كاملة بقلم ندى محسن من خلال اللينك السابق ، أو تنزيل رواية رجل المهام الصعبة pdf كاملة  من خلال موقعنا .


رواية رجل المهام الصعبة الحلقة 9 | روايات ندى محسن



رجل المهام الصعبة الفصل التاسع

الحلقة التاسعة
للكاتبة/ندى محسن ♕Noody♕
#Nada_Mohsen

اوتار:انا مصدقاك مش شاكة فيك....بس انت كان لازم تخرجها ومتخليهاش تقرب منك
عز هز راسه:اخر مرة بس بلاش دموعك دي
اوتار :حاضر خد الأكل بقى
اوتار بصتله وهو بعد عن االباب وهي حطت الأكل ومسحت دموعها
عز اتنهد:انا بحبك يا اوتاري ومش هخليها تدخل هنا تاني يوم راس السنة هيبقى اخر يوم ليها ويا ريت تمشي
اوتار ابتسمت :انا واثقة فيك كل قبل متنام....تصبح على خير
عز:انا هاكل في البلكونه اطلعي واقفي في البلكونه عشان نتكلم شوية
اوتار هزت راسها بايجاب وابتسمت جات تمشي مسك ايدها وهي بصتله بإستغراب وهو بصلها قلقت من طريقته: مالك يا عز
عز ساب ايدها: مفيش
اوتار هزت راسها بنفي: لا فيه مالك اتكلم معايا انا مش هطلع
عز بصلها والحزن والضيق بان في عيونه
اوتار بصتله: انت مالك!
عز مسك ايدها وبص للخاتم وبصلها
اوتار قلقت اكتر وبصوت مهزوز: انت حاسس انك اتسرعت في
عز قاطعها: ممكن متكمليش بطلي الكلام دا انتي لازم يكون عندك ثقة ف كل خطوة بعملها مبرجعش فيها
اوتار: مهي دي المشكلة انك مبترجعش فيها مش عيزاك تحس انك اتورطت
عز هز راسه بنفي: الموضوع مش كدا خالص
اوتار: اومال مالك....
عز: انا مش عارف اعمل ايه بجد مش عارف سارة انا كنت بحترمها جدا وكانت بالنسبة ليا صديقة بس انا مش فاهم ازاي اتحولت كدا فجأة مش عايز اني اكون سبب في مضايقتك والخاتم بدل ميكون سبب سعادتك يكون سبب حزنك
اوتار:وليه متقولش انها ظهرت على حقيقتها يا عز ودا عمره ميكون سبب حزني بالعكس
عز: عمري مشوفتها ولا استحقرتها كدا...
اوتار:انت لازم تفهم انها من الاول كدا وان حسام مكنش كذاب لما قالك
عز:وانتي عرفتي منين
اوتار:عرفت من حسام
عز غمض عينه بضيق وهنا تليفونها رن:ايه دا مين جبهولك
اوتار ابتسمت:زياد كان مديهوني ولما سيبته في الشقة هو راح وجبهولي وجاب واحد جديد
عز:طب ردي مين بيتصل في الوقت دا وليكي ولا لزياد
اوتار ردت:الو
امجد:وحشتيني اوي لدرجة اني هموت واخدك في حضني
اوتار بصت لعز وهي مصدومه.....
امجد:عندي مهمة بكرا يا نور عيني واول مرة متصليش وتقوليلي انا دعتلك
اوتار:انت عايز ايه دلوقتي...
عز جه ياخد التليفون منها هزت راسها بنفي
امجد بيكلمها في التليفون:عايز ايه عايزك عايز اتجوزك عارف اني غلطت في حقك انا بكرا جاي الحفلة ونتكلم واوعدك اني مش هضايقك بكرا في مهمة بعد الحفلة ولازم نتكلم وحشني كل حاجة فيكي وحشني ابتسمتك نظرتك وحشتني القهوة بتاعتك اللي بتبقى متحلية بأسمك وحشتيني اووي انا هشوفك بكرا
اوتار معرفتش تتكلم ومحبتش تعمل مشاكل خصوصآ ان عز مركز معاها:حاضر
امجد:سلام
اوتار قفلت وبصت لعز
عز:مين! ومالك
اوتار:كان امجد
عز:وعايز ايه سي زفت
اوتار بصتله وسكتت
عز اتنهد: مقولتيلوش ليه اننا
اوتار قاطعته: هيجي بكرا الحفلة وهكلمه
عز ابتسم: فكرتيني
اوتار: بأيه
عز: بدا
فتح الدولاب وخرج فستان بنفسجي كان غاية في الروعة والجمال وهي بصتله بدهشة
عز: هتلبسيه في الحفلة اللي هطلب فيها ايدك يا صاحبة البنفسج
اوتار ابتسمت:دا حلو جدا يا عز
عز: هو هيبقى احلى عليكي ومش همشيكي من جمبي عشان عينك تفضل بنفسجي دايما
اوتار بصت لتحت بكسوف
عز: روحي نامي
اوتار: لا مكملناش موضوعنا اتكلم في اللي مضايقك
عز: دا اللي مضايقني انا مش عارف اعمل ايه حاسس اني مخنوق وعارف اني ممكن اكون بضغطك بس غصب عني ومظنش انها هتمشي بسهولة
اوتار بصتله بتفكير: عز هي ممكن توصل بيها ان هي تعمل ايه
عز: هي بتفقد عقلها على الاخر ليالي مكنتش كدا ليالي كانت راسية ايوا كانت مجنونة بس مش كدا
اوتار بصتله وهو اتنهد: اوتار انا غصب عني
اوتار ابتسمت: في ايه ليه التوتر انا فهماك وعارفة انك مستحيل تنساها وانك بتحبها بس عز في حاجه شغلاني من ساعة محكتلي ايه السبب اللي خلاك متبحثش عن اللي قاتلها ولا انت دورت ومعرفتش؟
عز هز راسه بنفي وغل: مدورتش
اوتار بصاله بإستغراب
عز: عشان وعدتها وعدت ليالي قبل متموت
Flash back

ليالي بتتنفس بصعوبة وهي بصاله: عز استنى متنقلنيش على المستشفى استنى
عز بينزف والدموع في عينه: هتبقي كويسة
ليالي: عز حبيبي ارجوك اوعدني اخر وعد
عز بصلها
ليالي: اوعدني يا عز انك... انك مش هتدور على اللي عمل كدا اوعدني انك مش هتبحث في الموضوع عشاني يا عز عشان خاطري
عز بصدمة: انتي بتقولي ايه انا مش هرحمهم العيال دي هعرف مين اللي وراهم
ليالي عيطت وهزت راسها بنفي: ابوس ايدك لا بلاش توقع نفسك معاهم اوعدني بالله عليك يا عز
عز خاف عليها من الحركة: اوعدك اوعدك بس اهدي عشان خاطري...
back

اوتار بإستغراب بصتله هي حاجه مريبة فعلآ ايه اللي هيخلي ليالي ترفض؟؟ وليه خلت عز يوعدها وهي مصرة
عز: مقدرتش اعمل حاجه عشان وعدتها انا وعدتها.... ومش هقدر اخلف وعدي معاها بأي شكل من الاشكال يا اوتار
اوتار بصتله وهي مستغربة في غموض وعز عارف وفهم نظراتها
عز:اكيد هي مكنتش عايزاني اتورط في حاجه هي دايما كانت تقولي سيب الشغل دا بس مش هقدر لانه حاجه مهمة جدا في حياتي
اوتار بتفكير هزت راسها بإيجاب:عز علاقتك بليالي مختلفة تمامآ عن علاقتك بسارة الست دي مش كويسة وهما فيهم حاجه مريبة واكيد انت حسيت ولو لمرة بكدا ارجوك يا عز ارجوك ابعد عن الست دي ومش غيرة المرة دي لا خوف....
عز هز راسه بإيجاب:حاضر انا هشوف حل ومتقلقيش
اوتار بصتله ولقت انها مش لازم تتكلم بس هي قلقت ولحد متفهم مش لازم تتكلم مع عز وقررت من هنا ورايح هتاخد بالها من تصرفاتهم
طلعت ووقفت في البلكونه لحد مكل ودخلت نامت وهي فارشة الفستان جمبها بسعادة وقلق مجهول
النهار طلع وشوية والكل صحي وبيرتبو في باقي مستلزمات الحفلة وعز عينه على اوتار من بعيد وبيصورها بيصور كل ضحكة بتضحكها وكل حركة وهزارها مع تالين وهو مستمتع وسرحان ومش واخد باله بتقى اللي واقفة وراه وهو قاعد على الكنبة والغضب والغل مالينها....
عز استمر بمراقبة وتصوير اوتار وتقى ملاحظاه وكل شوية غضبها يزيد لحد مكلمت واحد: هتنفذ الليلة الساعه واحدة وتلت بالدقيقة هنطلع كلنا وهعمل اي حاجة اني اقعدها مش عيزاك تموتها بسهولة عيزاك تعذبها عيزاك تخليها تندم وعايزة فيديو بكل حاجه هتعملها فيها وكل مألمها يزيد كل مهكافأك مفهوم
....: مفهوم
تقى: وانت طبعآ عمرك مكلمتني ولا شوفتني ولا تعرفني
..... بثقة: انتي واثقة فيا عمري مهطلع سرك لحد دا سر مهنتي واظن انك جاية على السمعة
تقى قفلت معاه وهي فرحانه وجت وقت الحفلة الكل متشيك وامجد واقف يشرب وسليم متضايق من احلام اللي طوعت سارة وعملت بار ومتضايق من وجود امجد وزياد
سراج: مش كفاية شرب بقى ولا ايه
امجد بصله ومردش: جاي هنا ليه هااا جاي هنا ليه روح اقف ما سي عز روح
سراج: افهم بس متضايق ليه
امجد: بص سيبني في حالي بس وفكك مني
هنا اوتار نزلت بفستانها الجذاب البنفسجي وامجد ابتسم ووقف شاف عز وقف قدامها وهي ابتسمت
عز: احلى بنوته في العالم كله هي حبيبتي
اوتار ابتسمت وعينها اتحولت للبنفسجي وهو ضحك وهي بصت لتحت بكسوف
عز: بحبك
اوتار ابتسمت
امجد اتصدم والكاس وقع من ايده وسراج بصله
سيف لاحظ وفهم ان امجد بيحبها لسة هو لسه مش عارف ايه اللي جابها هنا
امجد بغضب راحلهم
سراج: طب مبدأيآ كدا باظت الحفلة باظت
اوتار باصة لعز لقت اللي سحبها وعز اتعصب: انت اتجننت ولا ايه
امجد صرخ فيه: عععز ابعد انت عن الموضوع دا خاااالص فاهم انا كدا عرفت ليه مرضتش اننا نتجوز وليه مديت ايدك عشانها عشان بتحبها عشان داخلة دماغك عشان عامل علينا الشريف المحترم وانت كلب ويوم متفكر في حد تفكر فيها هي دي بتاعتي فاااهم دي ملكي
عز لكمه: انت شارب متخلنيش انسى انك في بيتي
سحب اوتار وراه والكل باصصلهم والموسيقى وقفت
اوتار غمضت بضيق: عز بالله عليك بلاش
امجد: انتي بتاعتي اوتار نسيتيني نسيتي امجد نسيتي القهوة اللي كنتي بتعملهالي واسمك اللي كان بيبقى عليها اوتاااار انا امجد انا حبيبك
اوتار وقفت قدامه: انا عارفة انك امجد ومازلت بحبك بس حبي ليك مكنش حاجة غير حب اخوات واحتياج انت فاكرني نسيت كل حاجه بس الواضح انك انت اللي ناسي ناسي شتيمتك وضربك ليا على الفاضية والمليانة وناسي انك كنت سايبني لجلال وانت عارف نواياه وكنت عايزني افضل ساكته اي حب دا دا يبقى اسمه حب امتلاك اني عايزك بتاعتي تبقي تحت امري وبس لكن انت محبتنيش خليك صريح مع نفسك انت محبتنيش حتى محبتنيش حب امتلاك وانت عارف نوايا طلال وسايبني انهي حب دا اللي بتتكلم عنه انت؟
امجد: لا حبيتك ومستعد اتجوزك حالآ
اوتار: انت سكران
امجد صرخ فيها: انا فايق فايق وعارف وفاهم انا بقول ايه
اوتار: وانا مش عيزاك
امجد بص لعز بغضب: وعيزاه هو
اوتار مردتش
امجد: دا حقير دا
اوتار قاطعته: دا اللي كان غرقان في مشاكله وبقى يساعدني بقيت احسه قريب مني واني اعرفه من سنين في الايام وفي الفترة الصغيرة دي محدش عمل زي مهو عمل محدش وقف جمبي في حياتي كلها من بعد مبابا مات غيره هو
امجد: انتي فاكرة انك كدا صح دا خمرجي وبتاع ستات اتجوز عشان بس دخلت دماغه وكانت صعبة وماتت حس بالذنب وبقى يصلي وخلاص كلكوا كدا شايفينه شيخ دا قذر انااا عااارفه انا عااارف كل حاجة وعاارف ليه مراته مكنتش (سكت فجأة وسراج بصله بإستغراب وسيف بص لمالك بإستغراب)
عز بصله وبيحاول يمنع غضبه
اوتار وقفت قدام عز
عز: الكلام دا حصل بس انا دلوقتي حاجة تانية انا من يوم مهي ماتت فعلاً بحاول اقرب من ربنا..ومعملتش اي علاقة
اوتار مسكت ايد عز وباستها......
والكل اتصدم حتى عز نفسه اتصدم
حطت ايده على راسها وابتسمت وهو بتلقائية ضحك ومسك ايدها بإستغراب
احلام بصالهم والصدمه مسيطرة عليها: عز انت ناوي فعلاً انك
قاطعها عز بهز راسه بإيجاب وابتسم: اه انا ناوي اتجوزها وناوي متخلاش عنها ابدآ ومش هغير رأيي وواثق انه اختيار صح
الكل اتصدم وسيف صقف وصفر هو وعمران وحسام اللي كان قاعد على الكرسي وتالين راحت مزغرطة هي واماني
امجد بص لأماني وهي بصتله شافت نظرت وجع وحزن ودا وجع قلبها وهو مشي من الحفلة وتقى مشيت على الحديقة بدموع صرخت بغضب: اوتاار انا هندمك
..... حضانها: شششش اهدي استرخي
تقى زأته وبغضب: عملت دا كله عشانه وفي الاخر بت زي دي تاخده مني لااا دي بتحلم
...... هز راسه بإيجاب وحب يستفزها: اهدي وبعدين البت حلوة وتاكل عقل اجدعها راجل وبصراحة لايقين على بعض
تقى بصت حواليها شافت مرايه مكسورة خدتها وعايزة تضربه بيها في وشه وهو مسك ايدها: يا بنت ال******انتي اتجننتي ولا ايه
تقى بغضب وصراخ: انا هقتلك فاااهم هقتلك عز داا بتاعي انا وبس
مجهول ضرب ايدها والمراية وقعت منها وهي بتعيط باسها بعنف وهي زاته بغضب: لو قربت انا هصوت فااهم وهقتلك
...... ابتسم وهو بيبصلها وسحبها: اتفقنا تبقي هادية وحلوة وبعدين مش قولتي هنتفق ونتقابل
تقى زاته: انا مش طايقة نفسي ابعد احسنلك انا تقى مش ليالي وبطل معملتك دي انا مش ملكك ولا ملك نفسي انا ملك عز وبس فاهم
......: انتي عز خلاص لحس عقلك بس في داهية انتي فاكرة اني بحبك انتي بس اللي حلوة وجامدة وعايز اقضي معاكي شوية وقت ايه بقى مالك
تقى زأته ودخلت وهنا شافت اوتار بترقص مع عز والكل مبتسم وفرحان ماعدا طبعآ احلام وسارة اللي مكنوش طايقين اوتار احلام واعذارها انها مش شيفاها مناسبة لعز وان عز يستاهل واحدة مختلفة شيك وجميلة ومن عيلة زي تقى كدا في نظرها او زي مسارة مبينالها وسارة ولأنها طمعانه فيه واخيرآ تقى اللي حبها ليه وصل للجنون
عز: انا بموت في البنفسجي
اوتار ضحكت وبصت لتحت بكسوف: عز احنا بس اللي بنرقص والكل باصص علينا
عز: واحنا مالنا وبعدين ايه الحرك اللي عمالتيها دي
اوتار: حركة ايه
عز مسك ايدها باسها وتقى طلعت على اوضتها بقت تكسر اي حاجة قدامها قابلة للكسر خدت السكينه ومسكتها بكل قوتها لحد منزفت غمضت عينها واتنهدت ودموع الغل في عينها
اوتار: ايه المشكلة منت دايمآ بتبوس ايدي
عز هز راسه بنفي: الموضوع مختلف والتوقيت مختلف انتي كنتي بتفكري في ايه لما عملتي كدا ولا طبعك ولا اسلوبك
اوتار: اممم هقولك يا سيدي كنت بفكر اني فخورة بيك ومحترماك وان ثقتي مش هتتهز فيك واني...
بعدت نظرها عنه بكسوف
عز رفع وشها: وانك...
اوتار بإبتسامة حب: واني
عز ابتسم:بتحبيني
سيف جاله: يا عريس عايزك
عز بنفاذ صبر: عايز ايه
سيف: القائد ماهر عايزنا
عز: ماله
سيف: معرفش يمكن عنده برد ولا بيرجع
عز: يا ظريف
سيف همسله: يا عم عندنا مهمة
عز: متقول انه عايزنا نطلع دلوقتي هي عارفة
سيف بإبتسامه خبيثة: لازم تكون عارفة طبعآ
عز زأه: طب قدامي يلا... شويتين وراجع
اوتار بقلق: طيب خلي بالك من نفسك انا هستناك
عز هز راسه بآيجاب وابتسم ومشي
وراحوا يجهزوا نفسهم
مالك: الا قولي يا سيف
سيف: اقولك ايه
مالك: ايه الحزام الاسود الجميل دا اللي بيلبسه عز
سيف بصله وضحك: دا واقي للرصاص بمنتهى الحب
عز متجاهلهم وببرود رد من غير ميبصلهم: طالعين مهمة ومش عايز استظراف خلينا نخلص ونخلص من الزفت اللي اسمه الدمنهوري دا

#رواية_رجل_المهام_الصعبة
للكاتبة/ندى محسن ♕Noody♕
#Nada_Mohsen

سارة:انا عايزة اخرج متيجوا نخرج لو مش هيمانع سليم باشا
سليم بصلها بقرف:لا وهمانع ليه براحتكوا حتى نتهوى انا وحلمي
سارة بصتله بقرف
احلام:فكرة حلوة
حسام:روحوا انتوا انا هطلع ارتاح بقى
تقى:لا يا حسام كلنا نخرج يلا بينا بقى
تالين:يلا يا حسام ويلا يا اوتار
اوتار هزت راسها بنفي:لا معلش روحوا انتوا وانا هاجي مرة تانية معاكوا
تقى بغل ابتسمت وهي بتهمس لنفسها:اكيد هتستنيه بس هو هيجي مش هيلاقيكي
مشيوا كلهم واوتار طلعت غيرت هدومها ولبست عباية مريحة وانيقة ولبست الحجاب ونزلت اوضة الصلاة بتاعت عز وبقت تصلي وتدعي لعز وفي نفس الوقت كان عز اتحرك مع فريقة ووصلوا على المكان شويه ورجالة الدمنهوري ظهرت ابتدى الضرب وكتير من رجالة الدمنهوري وقعوا وهنا عز شاف القائد ماهر بيتكلم في التليفون لأول مرة في مهمة وملامحه متغيرة وعز راحله
القائد ماهر: مراتي وبنتي.... الدمنهوري خطفهم وكان بيهددني احنا لازم نوقف الضرب
عز اتصدم وبصله واتنهد:مش هينفع انت عارف
ماهر: دا معندوش رحمة وانت عارف هيقتلهم
عز: هما اكيد هنا اكيد واخدهم في المخزن بتاعه اللي قريب من هنا العملية مينفعش تتلغي مينفعش
ماهر بغضب وصراخ: وبعدين هتعمل ايه عندك حل تاني
عز راح لسيف: تعالى انت ومالك
امجد: على فين
عز: الدمنهوري خد رهاين مرات القائد ماهر وبنته
احمد اتكلم بسرعة: انا هاجي معاكوا خلاص احنا بنسيطر على الوضع
عز هز راسه بإيجاب
اتحركوا وراحوا على المخزن بالفعل كان توقعات عز صح وكانوا هناك ورجالة الدمنهوري التمانية وكانوا من اشرس الرجالة بدأو يضربوا نار وعز والفريق بتاعه اتفرقوا وبقوا يتحركوا ويضربوا بمهارة وعز بقى يتحرك بخفه وعايز يوصل للدمنهوري وبيحذر فريقه: خلي بالكوا محدش يصيب مراته او بنت القائد ماهر
هنا عز اتصدم من الصوت اللي سمعه
(ليالي: امجد ابوس ايدك متعملش فيا كدا انا بحبك)
امجد اتسمر بصدمه
(ليالي: انا بحبك انت امجد بالله عليك كفاية تعمل كدا وكفاية تجرحني
امجد بصراخ: ليالي ابعدي عني انا خلاص تعبت ليالي انا مبقتش طايق اللي بتعمليه دا)
عز في حالة صدمة من اللي بيسمعه والكل قرب وسراج باصص لعز وعلامات الصدمة على وشه شافوا شاشة وشغال عليها الفيديوا دا ومرات القائد ماهر وبنته قاعدين مستغربين
احمد:ايه دا!!!
(امجد بيزعق ليالي:كفاية بقى
ليالي حضنته:انت عارف اني بحبك
امجد غمض عينه وباسها بعنف وهي حضنته وهو بعد وبصلها وقرب منها دفن راسه في رقبتها:انتي ازاي بتأثري عليا كدا هااا ازاي انا بحبك اووي انتي حلوة اوي
ليالي:انت مش هتتجوز اللي اسمها اوتار دي انت هتبعد عنها
امجد بيبوس في رقبتها:انا هكرها فيا انتي اوعي تغيري منها اوعي)
عز في حالة غريبة حالت صدمة وخيبة امل واللي سيطر عليه اكتر الغضب
سيف بغضب لكم امجد:يا ابن ال*****
امجد مسك فكه بالم:انت ااجننت يا سيف
سراج مسك رقبت قميصه:انت اييييه ازاي تعمل كدا ازاي دا صاحبك دا ابن خالتك
عز باصص للشاشة وهو تايهه بعيد عنهم وهو شايف مراته على السرير وواحد معاها وهو مصدوم وهو شايف اللي عاش متعذب سنين بسببها كانت خاينة كانت بتخونه
مسك حجر كبير وبعنف ضرب بيه الشاشة كسرها وخد الفلاشة مسكها بغل حطها في جيبه
امجد زأ سراج ومسك عز:انت ساكت ليه محصلش كدا انا سيبتها واللهي دا كدب انا منمتش معاها ملمستهاش كانت لحظة ضعف وفوقت وبعدت سيبتها هي مكنتش تستاهلك ومعرفش ازاي اتصور دا انا معملتش كدا...عز انا بجد ملمستهاش
احمد مسك عز بقلق:انت كويس في ايه فيك ايه
سراج:عز....
مالك:عز متسكتش
عز باصص لأمجد بملامح محدش عارف يوضحها ملامح غامضة وكان هادي عكس عادته
امجد الدموع اتجمعت في عينه وهز راسه بنفي بغضب:هي خانتني زي مخنتك انا واللهي ملمستهاش واتبعتلي فيديوهات وهي مع واحد بس معرفتش اوصله مكنش باين وشه واللهي انا مغلطتش معاها انا فوقت
عز فك الحبل من على مرات القائد وبنته اللي كانت في حدود 6 سنين وكانت بتعيط وخايفة وعز شالها وخرج والكل في حالة صدمة وبيبص لأمجد بإستحقار معادا واحد بس اللي عيونه كانت مليانه بالغل والحقد وابتسامة مكر ظهرت على وشه وهمس:اول كسرة يا روح قلبي ضربة معلم في الوقت الصح...

#رواية_رجل_المهام_الصعبة
للكاتبة/ندى محسن ♕Noody♕
#Nada_Mohsen

اوتار لقت الباب اتفتح واتقفل ابتسمت وافتكرت عز جه جريت على برا بابتسامة واتصدمت ووقفت:انت...مين....
شريف ابتسم وبصلها وطلع التليفون بدأ تصوير فيديوا وحطه في جيبه وهي بصاله بإستغراب وقلق
شريف قرب وابتسم:تصدقي طلعتي قمر اووي قالوا اعذبك بس انا همتعك عايز استمتع بكل لحظه معاكي
اوتار بعدت بصدمة لحد موصلت في اوضة صلاه عز دخلتها وقفلت على نفسها الباب وبعدت عنه وشريف بيخبط بعنف:افتحي احسنلك مش صعب عليا اكسر الباب افتحي حالآ يلاااا
اوتار بدموع بتتصل بعز مبيردش:انا عارفة ان عندك مهمة بس رد..عمران صح عمران
اتصلت بعمران مردش عيطت وبتحاول تتصل بعز
تقى معاها تليفون سليم وعمران وكتم صوتهم وهي شايفة اوتار بتتصل على عمران
عز رد بنفاذ صبر وهو في قمة غضبه وبيحاول يبقى ثابت وهو قدام القائد بتاعه وعرف ان الدمنهوري نجح انه يهرب بس خلاص التهمة اتثبتت عليه والبضاعه معاهم:الو يا اوتار في ايه نععم مردتش اكيد مش فاضي سمع صوت خبط ونفس اوتار المضطرب وقلق ومشي بسرعة:في ايه ايه اللي بيحصل عندك
اوتار بصوت مهزوز ومضطرب:انا في البيت...وفي واحد هنا في واحد هنا وشكله حرامي
عز بسرعة جري بيوقف تاكسي:اهدي اهدي انتي فين
اوتار بدموع:في اوضة الصلاة بتاعتك انا ورا الباب انا قفلته وقعدت وراه هو بيدب عليه جامد اكيد هيكسره يا عز
عز ركب التاكسي:بسرعة اطلع على #####
اوتار مسحت دموعها واطمنت ان عز معاها وجاي
شريف غمض بغضب هو مش عارف يكسر الباب الباب مش سهل يتكسر مهما حاول وبغضب زعق لاوتار:افتحي احسنلك والا انا هموتك ومهرحمك افتحي يلا افتحي
عز:اوعي تفتحي انا جاي اهدي
اوتار ابتسمت:انا مش خايفة وهادية والله انت بقى مالك
عز:مالي ايه
اوتار:انت متضايق ليه ليه صوتك متضايق شغلك حصل فيه حاجه
عز:واحد بيحاول يدخلك ايه بقى المفروض ابقى هادي
اوتار:من قبليها يا عز متخبيش عليا
عز:انتي ف ايه ولا ف ايه
اوتار كشرت:عز متخبيش عليا بقى وقولي انت كدة كدة جاي هما خمس دقايق
شريف بغضب خرج وفعلآ عز ماخرش وجري على جوا لقى الحراس متخدرين جري بيدور عليها جه يفتح اوضه الصلاة لقاها مقفوله خبط:اوتار افتحي انا عز افتحي
اوتار ابتسمت وفتحت وابتسمت
عز:هو فين
اوتار:مشي تقريبآ جاله جلطة وانا بكلمك
عز غصب عنه ضحك وبيقرب يحضنها
اوتار بعدت:اتفقنا على ايه
عز:لااا انسي
اوتار بعدت وهزت راسها بنفي:مقولتليش مالك يا عزي
عز:كنت خايف عليكي والحمد لله مجتش متأخر وبعدين ازاي تفتحيله الباب
اوتار:كان معاه المفتاح يا عز
عز:وشكله ايه
اوتار:كنت اول مرة اشوفوا كان اسمر ومليان شوية وشعره خشن شوية
عز:وعينه لونها ايه
اوتار:لونها بني
عز بغيظ:وانتي مركزة فيه اوي كدا ليه
اوتار بغيظ:مركزة ايه بس دا انا كنت هموت من الخوف وسبحان الله اني لحقت ادخل قبل ميمسكني
عز بيحاول يخليها تفك :واكيد عينك اتحولت لأزرق فاتح وكنتي قمر
اوتار ابتسمت بغيظ وهي بصاله
عز قرب يبوسها بعدت وهزت راسها بنفي:عز لو سمحت متقلقنيش منك....
وهو اتنهد:اللهم اغزيك يا شوشو
اوتار ضحكت
عز بصلها وافتكر اللي شافه وافتكر ليالي
اوتار:مالك يا عز
عز اتنهد:مش عايز اتكلم ممكن
اوتار هزت راسها بإيجاب:بس انا واثقة انك هتيجي وتتكلم معايا
عز ابتسم:انتي خرجتيني النهاردا من مشاعر كتيرة ومن متاهه انتي دايمآ من ساعة مجيتي وانتي نجدة ليا انتي مش متخيلة
اوتار ابتسمت:هحضرلك الاكل
عز:تمام وانا هستنى في اوضةالمكتب
دخل وهو بيفكر مين اللي بيأذيه كدا ومين اللي شغل الفيديوا وامجد فعلاً خانه بس مش امجد اللي كان مع ليالي في السرير عز بمهارة قدر يميزه بس كان مصدوم افتكر واتعصب تاني يعني ليالي اتقتلت بسببها هي هي اللي عملت كدا واللي قتلها مكنش عايز يأذي عز وبس كان بينتقم منها!!يعني هو عاش في عذاب عشان واحدة متستهلش كان الكل معاه حق وهو كان اعمى مقدرش ينكر انه حبها ودا خلاه يحس ان كرامته اتهانت وانه عاجز انه يردها... رفضت انه يدور ورا اللي قتلها عشان بس متفضحوش مش عشان خايفة على عز الدموع لمعت في عينه وخبط ايده في الحيطة بغضب
اوتار خبطت ودخلت بالأكل:انا عملتلك اكل هيعجبك ان شاء الله
شافت ايده بتنزف سابت الأكل ومسكت ايده:عز ايه دا ايه اللي انت عملته دا
عز بيتمالك اعصابة بالعافية:مش وجعاني اطلعي دلوقتي
اوتار:عز انت مش عايز تقولي حاجة واحترمت دا لكن انك تجرح نفسك دا اللي مش مقبول وحرام كمان
عز سحب ايده بعنف وهو متضايق وكل لحظه عاشها مع ليالي بتتعاد قدامه
اوتار مسكت ايده زاها بعنف وهي غصب عنها وقعت واتخبطت جامد في الارض وكتمت المها
عز غمض بضيق وغضب:قولتلك ابعدي قولتلك لما مكنش عايز اتكلم تبعدي عني قولتلك لما اتعصب ابعدي وانتي بردو مفيش سمعان كلام
اوتار بصوت مهزوز وقفت:انا بس كنت عايزة اخفف عنك مقصدتش....انا بس كنت عايزة حتى وانت متضايق تتكلم معايا ابقى راحتك....بس..انا اسفة
مشيت وعز اتنهد وغصب عنه راح وراها مسكها وخلاها تبصله لقى الدموع على خدها ابتسم بحزن:اسف
اوتار:انا اللي اسفة لو اتدخلت زيادة عن اللزوم بس انا بحبك ومكنتش عايزاك تضايق وانا اسفة...
عز سحابها :اسفة على ايه انا اللي اسف اوتار لما ابقى متضايق متقربيش مني
اوتار جت تبعد مسكها
عز ابتسم بمناغشه:الواحد عايز يشيلك وهو حضنك بدل مهو حاسس انك بنته كدا
اوتار ضحكت بمناغشة:بعينك يا سيادة الرائد... مش هتقولي بردو في ايه
عز بصلها:هقولك بس مش دلوقتي
اوتار:طيب تعالى كل بقى
عز قعد ياكل وياكلها وهي مبتسمة ورجعوا عيلة عز على البيت شافوا اوتار وعز قاعدين
تقى اتصدمت هي وسارة المفروض هي باعتة اللي يخلص عليها ازاي حصل كدا وازاي عز معاها دلوقتي وهي كويسة لا ورايقة كمان؟؟
عمران:الحراس شكلهم كانوا تعبانين ومدروخين في ايه؟
اوتار بصت لعز هز راسه بنفي انها متقولش حاجه
تقى باصه لأوتار بغضب
عز:انتوا روحتوا فين مقولتوش يعني انكم خارجين
احلام:مدام سارة كانت زهقانه وكلنا اتشجعنا
عز بص لسارة بشك:واوتار مرحتش معاكوا ليه
احلام بصت لاوتار:مش معنى انك اعلنت ومن غير متاخد ولا رأيي ولا راي ابوك معنى كدا انك تفرضها علينا يا عز البت دي عمرها مهتكون كنتي عمرها مهتكون فاهم
عز:انا مطلبتش ترضي عنها او لا بس هي هتكون مراتي
سارة بغضب:انت ازاي تاخد قرار زي دا بدماغك هااا انت ازاي مبتفكرش ف حد
عز:سبق وفكرت يا مدام سارة وللاسف كنت غلطان اوي وكانت اكبر غلطة اني اتجوزت بنتك
سارة بصتله بصدمة والكل اتصدم من كلامه
سارة بغضب:انت بتقول كل دا عشان خلاص لقيت بديل
عز:اظن انك عارفة كويس انا ايه ومش معنى اني هتجوز اوتار يبقى خلاص اني انسى اللي ماتت بس حتى اللي ماتت دي مكنتش بسببي بنتك كانت خاينة هي خانتني هي هانت كرامتي ومع مين خانتني مرة مع ابن خالتي امجد مع امجد ومرة مع مين ومرة ايه بس مراات انا معايا فيديوهات تحبي تشوفيها ولا ايه
اوتار بصاله بصدمه
تقى اتصدمت ازاي عز عرف بكل دا جزت على سنانها بغيظ اكيد بسببه....
سليم وعمران بصوا لبعض وعلامات الصدمة باينه على وشهم
عز:الفلاشة معايا ومش هفضحها بس هعرف اللي معاها دا يبقى مين وقسمآ بالله مهرحمه
طلع على السلم وبعدين نزل خد ايد اوتار:يلا انتي ملكيش قعاد معاهم اطلعي على اوضتك
طلعها وهي ساكته وعيونها مدمعه وبصاله
عز باس ايدها:اطلعي ومتفكريش في حاجه انا كويس
اوتار طلعت ودخلت البلكونه لقته واقف ابتسمت بحزن وغصب عنها عيطت ودموعها نزلت على ايده حس بيها ورفع راسه واتنهد وهز راسه بنفي
اوتار بحزن بتمسح دموعها:انت كويس بجد؟
عز ابتسم:واللهي كويس ودا بفضلك
اوتار ابتسمت وعينها اتحولت للبنفسجي الصافي
عز ابتسم:انا بحبك اوووي
اوتار:وانا بحبك اوي اوي اوي
عز ضحك:يا حياتي انتي
اوتار ضحكت وفضلوا يتكلموا لحد ممراد طلع في البلكونه اللي جمب اوتار:وانا اقول الصوت الحلو دا جاي منين
عز بغضب:اتلم وخش اتخمد احسن خلاص بقت خطيبتي وقريب هتبقى مراتي فخف
مراد ابتسم بخبث:طبعآ يا عز باشا طبعآ
اوتار:عز انا هدخل تصبح على خير
عز:وانتي من اهله يا حبيبتي
دخلت وعز بص لمراد بغضب ودخل ومراد اتنهد بغضب:انا هوريك يا عز الكلام اللي قولته على ليالي تحت هيعمل فيك ايه...

ايه...#رواية_رجل_المهام_الصعبة
للكاتبة/ندى محسن ♕Noody♕
#Nada_Mohsen

تقى:ايه اللي انت عملته دا وليه عملت كدا
.....بغضب:كنت فاكر انه خلاص هيموت امجد او هيتذل مكنتش اعرف انه هيبقى بالثبات دا ومكنتش اعرف انه هيفضل متمسك بالبت دي ولا كان في حاجه
تقى:مين قالك ولا كان في حاجه عز هيدور على صاحب الفيديوا وانت ازاي كنت بتصورها
.....:مش صعبة يا قلبي انا كنت عارف انها بتحب امجد ووجودها معايا كان اه شوية ضعف منها على تهديد اني افضح امرها لعز وكل لحظه كنت بصورها عشان لو هي غدرت بيا اطلع كسبان كسبان ولا ايه
تقى بغضب:انت ايه جنسيتك بقى يا اخي ايه انت حجر مبتحسش
.....:وانتي زعلانة ليه هتعمليلي فيها المثاليه اللي بتحب اختها
تقى بغضب:عز مش هيسكت وهيجيبك افهم يا اخي
.....:انا مش خايف منه اعلى ما في خيله يركبه ولو خايفة اوووي هاتي الفلاشة ولا كأن في حاجه
تقى:وهجيبها منين انا
.....:مهو لأما في المكتب بتاع باباه لأما في اوضته اتصرفي ومتوجعيش دماغي
تقى خلصت كلام معاه وهزت راسها بنفي
تقى:يا غبي افهم هتخليه يدور وراك وانا معنديش استعداد دا يحصل او اكون في قايمة الشك بتاعت عز
سراج:هجيلك بكرا تكون الفلاشة معاكي فاهمة
قفل وهي غمضت بضيق
سارة سحبتها وضربتها بالالم وتقى اتصدمت
تقى عينيها احمرت بغضب:انتي اتجننتي
سارة:اخرسي هو دلوقتي بقى متعلق بيها اكتر مين عرفه ان ليالي كانت بتخونه وانتي قولتي هتخلصي منها مخلصتيش منها ليه
تقى بغضب:معرفش معرفش شريف قفل معايا قبل ميدخل البيت وانا معاكوا وضمنلي انه فتح الباب معرفش ايه اللي حصل معرفش وازاي مقدرش يتصرف هكلمه واعرف
سارة زاتها بغضب:كنت غلطانه لما اعتمدت عليكي كنت غلطانه فعلاً
زاتها ومشيت
تقى بغضب ضربت الحيطة برجليها وهي في الحديقة اللي ورا الڤلة:اوتار انا بكرهك وهوريكي
ابتدى يوم جديد ومالك وسراج وسيف وصلوا على البيت ورنو الجرس فتحتلهم الخدامه دخلوا وهما بيتهامسوا واتفقوا مش هيتكلموا في حاجه الا لما يشوفو ردت فعله وهنا سمعوا صوت ضحك عز اللي خلاهم استغربوا ومشيوا شوية لقوا اوتار واقفة على الكرسي عشان تطول بصاله بغضب وحاطة ايدها في وسطها:عز متعصبنيش
عز:وانا بعصبك ليه بس يا اوتاري عشان بقولك ليا اصدقاء بنات ممكن اتعامل معاهم عادي
اوتار نزلت زاته:طب ابعد بقى خليني اعدي
عز مسكها:طب استهدي بالله كدا مش انتي سالتيني
سيف بإبتسامة خبيثة:صح مش انتي سالتيه
عز غمض عينه بغضب:يخربيت كدا
سيف ضحك:هو التوقيت مش حلو معايا بس حاليآ بقى معانا كلنا
سراج بص لاوتار وهي عينها جت ف عينه وبصت لتحت بإحراج
مالك بإبتسامة:لا بس شكلك بسم الله ماشاءالله قمر
عز:شكرا ايه اللي جابكوا بقى كلها ساعة وكنت هبقى في الشغل
مالك:حبيبي يا زوز والله الواحد قلق عليك
سيف:اه واصر سيادته اننا نجيلك
مالك:اومال دا وحشني جداً والله مش زيك يبن ال#### مبتسالش ف امي
عز زاه بعنف:اتلم في بنات هنا متخلنيش اطردك وهتزعل
مالك بصلها وحط ايده ورا راسه بإحراج:معلش يا انسة اصل انا وسيف مش متربيين
سيف:لا حول ولا قوة الا بالله وانا مالي عمرك شوفتيني بشتم شتيمة وحشة كدا يا انسة
اوتار هزت راسها بنفي وكسوف
سيف:شوفت اتبط بقى
مالك:بس بس العب بعيد
سراج نفخ بضيق:انتوا مبتصدقوا مخلاص بقى
عز:حبيبتي روحي يلا شوفي هتعملي ايه كنتي هتصلي ركعتين يلا
سيف:شوف شوف حبيبتي وغيران انها واقفة قدامنا
عز زاه:يلا نقعد في الصالون يلا اوتار ابقي قولي لتالي انهم هنا عشان متدخلش
اوتار:حاضر
دخلوا واوتار ابتسمت انه بيقولها حبيبتي ومش مضطر يداري حبه ليها ولا محرج من حد زي جلال اللي كان كل ماماني تكلمه او تمسك ايده قدام حد يتعصب وزي امجد اتنهدت ودخلت تصبلهم بيبسي وهنا اتفاجات باللي حط ايده على كتفها لفت واستغربت
.....ابتسم:في ايه اهدي مكنتش ناوي اخضك انتي عارفة يعني انا ضاربة مني شوية
بيبصلها وهي مش عارفة ترد او تاخد ردت فعل ومحرجة
اوتار بخجل وخدودها بتحمر ودا زادها حلاوة:ا..انت عايز حاجة
.....:بصراحة كدا عايزك
اوتار بصتله وهو بيقرب وابتسم وهي......

#استودعكم_الله ♥
يا ريت الكل يعمل متابعة لصفحتي بينزل عليها الرواية بدري 👇

اسئلة الحلقة:-
تفتكروا مين اللي حط الفيديوا؟! عز هيلاقي شريف وهل هيعرف حاجة منه؟! تقى هتلاقي الفلاشة وممكن ايه يحصل؟! اوتار هتتصرف ازاي مع صاحب عز اللي بيضايقها وهل عز هيتدخل؟!


الاكثر قراءة هذا الشهر :

موعد الحلقة الجديدة الساعة  10 م  يوميا ان شاء الله .

هنا تنتهى احداث رواية رجل المهام الصعبة الحلقة التاسعة ، يمكنكم اكمال باقى احداث رواية رجل المهام الصعبة الحلقة العاشرة  أوقراءة المزيد من الروايات المكتملة فى قسم روايات كاملة .

نأمل أن تكونوا قد استمتعتم بـ رواية رجل المهام الصعبة ، والى اللقاء فى حلقة قادمة بإذن الله ، لمزيد من الروايات يمكنكم متابعتنا على الموقع أو فيس بوك ، كما يمكنكم طلب رواياتكم المفضلة وسنقوم بوضعها كاملة على الموقع .
تعليقات



حجم الخط
+
16
-
تباعد السطور
+
2
-