رواية رجل المهام الصعبة الحلقة الثامنة عشر 18 | روايات ندى محسن

   نقدم اليوم احداث رواية رجل المهام الصعبة الحلقة الثامن عشر من روايات ندى محسن . والتى تندرج تحت تصنيف روايات رومانسية ، تعد الرواية  واحدة من اجمل الروايات رومانسية  والتى نالت اعجاب القراء على الموقع ، لـ قراءة احداث رواية رجل المهام الصعبة كاملة بقلم ندى محسن من خلال اللينك السابق ، أو تنزيل رواية رجل المهام الصعبة pdf كاملة  من خلال موقعنا .


رواية رجل المهام الصعبة الحلقة 18 | روايات ندى محسن



رجل المهام الصعبة الفصل الثامن عشر

الحلقة 18
للكاتبة/ندى محسن♕Noody♕
#Nada_Mohsen

خرج برا واحلام بحزن خرجت وراه
احلام:انت ضربتها ليه
عز:مكنتش واعي
احلام:يعني ايه
عز:يعني سكران
احلام:وانت من امتى بتسكر للدرجة
عز:دا اللي حصل
احلام حضنته بحنان:انت وحشتني يا عيوني انت متقلقش واللهي كل حاجة هترجع كويسة
عز ابتسم وحضانها:انا محتاجكوا معايا انتو مش عيلتي انا مش ابنك بس
احلام ابتسمت بحنان:شششش ايه اللي مش ابنك يا عبيط انت ومن امتى مش ابني مين اللي رباك ودلعك دا انت البكري عندي انت روحنا انا وابوك كنا عايزينك تهدى والحمد لله انت بخير وهي معاك مش كدا انت بتحبها
عز بدموع اتمردت واتحررت من عينه :بحبها بس اذيتها وجرحتها بحبها بس غصب عني انا اذيتها مكنتش اقصد مش عارف ايه اللي حصل كل محاول اعوضها بتسببلها في جرح جديد هي تستحق كل خير وكل اللي بيحصل معاها غلط
احلام دموعها نزلت:يا حبيبي هي هتبقى كويسة وبعدين متعودتش عليك كدا
عز:سيف اتغير معايا هو ومالك.... سراج بيحاول يدمرني ومش فاهم اذيته في ايه وطول عمري جمبه وطول عمرنا صحاب كل حاجة فوق دماغي وكل حاجة هلكاني حاسس ان طاقتي انتهت خلاص
احلام بتمسح دموعه وحضنته:طيب اهدى ممكن كل حاجة هتبقى كويسة بس اياك تاخد قرار وانت في الحالة دي عشان متندمش يا عز
عز غمض عينه بيفتكر كل لحظة معاها كل لحظة جرحها فيها ودا وجعه اكتر وصوت صويتها بيتردد في ودنه "عععز انا بموووت"
عز اتنطر واحلام بصاله:عز؟
عز بيتنفس بسرعه
احلام:حبيبي انت كويس انت غفلت
عز بصلها وغمض عينه بالم:مش كل الكوابيس بتيجي واحنا نايمين
فتح الباب يشوفها شافها نايمه وسليم باصصلها بحزن دخل وهمس:هي كويسة؟
سليم بصله:هي نامت ودا طبيعي جدا تعالى نشوف جرحك دا
عز:كويس انا كويس انا عايز اقعد جمبها شويه قبل متصحى
سليم هز راسه بإيجاب ووقف
عز بإحراج:هي تعبانه ومش هتقبل مني اي حاجة...مش عايزها تحس بالوحدة او العجز لو سمحت...ممكن تسيب ماما معاها...انا اسف بس
سليم بذهول:مش فاهم انت بتطلب خدمه وهتتاسف على ايه انت اتجننت ولا ايه دي امك وطبيعي هتقعد مع مراتك
عز بصله وبص تحت:ممكن...
سليم:انا هسيبها ولو احتجت اي حاجة كلمني كلم ابوك يا عز فاهم بالنسبة ليا الخبر دا مغيرش عندي اي حاجة
عز ابتسم بسخرية من نفسه:بس غير عندي كل حاجة
سليم بعطف:ليه يا حبيبي احنا المهم اننا سوا وانت لو كنت اتصدمت فهي كانت معاك
عز اعصابه اتشدت والدموع في عينه وبغضب:هي كانت معاك هي كانت معاك انت متخيل ولا فاهم ان دا شيئ كويس هي اتاذت بس عشان كانت معايا انا حياتي كلها اتدمرت حياتي باااظت انا خسرت كل حاجة صحابي شغلي انا خلاص نكرة انا مش عارف اسم ابويا ايه انا روحت الملجأ ادوني اسم راجل فعلآ جابني بس لقاني وميعرفش اهلي وتيجي تقولي مفيش حاجة اتغيرت....
سليم:الكلام هنا مش هينفع
عز:الكلام كدا كدا مش هينفع انا مش رايح الشغل تاني ودا قراري
سليم بصله بأستنكار ومشي ووصى احلام تبقى معاه
احلام دخلت وقعدت على الكنبه وهو جمب اوتار على الكرسي واوتار نايمة وكل شوية الدكتورة تيجي تطمن عليها

#رواية_رجل_المهام_الصعبة
للكاتبة/ندى محسن ♕Noody♕
متابعة لصفحتي هنا 👇
#Nada_Mohsen

عشق بتصوت بألم بسبب ايد هاشم الماسكة شعرها:يا حيوان يا
هاشم ضربها بالالم:يلا اغلطي تاني بصي انا خلاص فاض بيا منك بكرا انا هكتب عليكي فاهمه انا مقربتش من امك اصلآ انتي تحليلي وهكتب عليكي بكرا
عشق بتضرب ايده بغل وغضب:دا على جثتي اني اوافق على واحد بلطجي زيك اااه
هاشم ابتسم:اوعدك هيحصل بكرا ولو محصلش تفتكري اعمل ايه
بص لايان اللي بيعيط عند الاوضة من الخوف وضحك:هقدملك رقبته هدية هدبحه
عشق تخيلت اللي ممكن يحصل وبعدت بخوف ودموع:لاء ملكش دعوة بيه
هاشم سابها وابتسم:يبقى هيحصل
عشق خدت ايان بسرعه وقفلت الباب بخوف
ايان بخوف ودموع: هو هيدبحني
عشق حضنته جامد هي عارفة ان هاشم ممكن يعملها ممكن يقتل ايان عيطت وهزت راسها بنفي: ابدآ على جثتي
عدى اليوم وتاني يوم عشق مرحتش الشغل وهاشم راح يجيب الماذون بعد مخد كل اللي الفلوس اللي معاها عشان يضمن انها مش هتمشي
عشق غمضت عينها بضيق:يا رب يا رب ساعدني...
ايان:عشق
عشق بصتله:نعم
ايان:انا ممكن اروح لعمران
عشق بصتله وابتسمت بأمل:عمران بيه...صح هو دا الحل بس يا رب يرضى
كلمته بسرعة وبخوف هاشم يجي وهو رد:الو
عشق ابتسمت بأمل:انا ليا طلب ممكن
عمران:اللي هو
عشق:انا مش هينفع اجي الشغل النهاردا
عمران:امممم بجد وايه اللي حاصل المرة دي بقى
عشق:لو سمحتي انا عيزاك تيجي تقابلني بس وهفهمك ولو سمحت الموضوع ضروري تعالى عند الحته اللي وصلتني عندها قبل كدا
عمران:افندم دا على اساس اني فضيلك
عشق:اول متوصل رن عليا الموضوع ضروري
قفلت وعمران بدل مكان رايح على الشركه مشي في الاتجاه المعاكس
ايان:هتوديني
عشق ابتسمت وحضنته:اه يا نور عيني اه
ايان:وانتي؟مش هتيجي معايا
عشق:انا هجيب حاجات عقبال متتبسط واخدك منه
ايان:لاء انا خايف ليضربك
عشق:لا متخفش انت راجل ولازم تبقى شجاع
ايان هز راسه بإيجاب:انا شجاع
عشق ابتسمت وعمران رن عليها بعد شوية وهي ابتسمت وبسرعه شالت ايان ونزلت
عمران:افندم
عشق:هتخلي ايان معاك
عمران:انا عندي شغل وبعدين بسلامتك مش جاية ليه
عشق بقلق:لو سمحت خليه معاك بس لحد ماجي اخده وانا اللي اكلمك محدش تاني لو مين كلمك قول انه مش عندك انا مضمنش
عمران:انتي خطفاه ولا ايه
عشق ركبت ايان العربيه وعمران مستغرب:انتي غريبة اوي يعني هو بالعافيه
عشق كلمته بصوت واطي:انا عارفة ان قلبك كبير ومش هتعترض..لو حصل ومكلمتكش او حصلي حاجة ايان امانه في رقبتك...لو مش هتقدر عليه او مش هتقدر تربيه....ف....فوديه ملجأ كأخر اختيار...بس اوعى تديه لحد...
عمران:انا مش فاهم في ايه ومالك خايفة كدا ليه وهتعيطي
عشق ابتسمت وبصت لأيان من الشباك وبعتتله بوسه وهو خبط ففتحت الباب وهو مدلها ايده وحضنها وهي ابتسمت وغصب عنها دموعها نزلت مسحتها وابتسمت:انا قولتلك انت جميل ومتسمعش لأي حد يقول غير كدا انت جميل وقلبك ابيض وزي القمر في كل حالاتك
ايان ابتسم
عشق بصت لعمران:معلش انا عارفة انك اتخنقت بس سامحني...
جريت من قدامه بسرعة ملحقش يسال وركب وبيكلم ايان ساكت
عمران:مالك مبتردش ليه بسال عن حالك
ايان:عشان عايز عشق
عمران:ومش عايز تيجي معايا ليه انا هاخدك الشركة شوية وبعدين البيت وتقعد مع اتنين زي العسل هناك وهيحبوك هما بيحبو على نفسهم اصلآ
ايان:هي عشق ممكن تموت
عمران بصله بإستغراب وهو بيسوق:ليه
ايان:هاشم ممكن يموتها؟يعني ممكن يدبحها هي
عمران بعدم فهم:هاشم مين؟
ايان:هاشم اللي اتجوز ماما بس هي ماتت وهيتجوز عشق النهاردا
عمران وقف العربيه قدام الشركة وشاله وطلع:لا احكيلي ايه اللي تقصده عشان انا مش فاهم حاجة دي حقيقة ولا حدوته
ايان كشر
عمران ضحك:طيب كمل معلش

#رواية_رجل_المهام_الصعبة
للكاتبة/ندى محسن ♕Noody♕
متابعة لصفحتي هنا 👇
#Nada_Mohsen

عشق بتلم حاجتها وهاشم دخل ومعاه المأذون واتنين من صحابه اللي كان شكلهم زيه في همجيته
هاشم:عشق تعالي يلا يا روحي المأذون جه
عشق غمضت بغضب واتمالك اعصابها وخرجت بتهكم:بيعمل ايه المأذون هنا
هاشم بص لصحابه وبصلها بتحذير
عشق بغضب:خد الصيع بتوعك دول وبراا
هاشم بغضب:عشق انا بحذرك
عشق:براااا
الماذون:مينفعش نكتب الكتاب وهي مش موافقة لو سمحتوا اتفقوا وبلغوني
مشي وصحاب هاشم مشيو وهي بصتله بتحدي وغضب:ايه رأيك بقى اني همشي كمان واعلى ما في خيلك اركبه يا قذر انت
هاشم سحب شعرها بعنف وهي كتمت صراخها بين شفايفها وضربت رجله بعد بألم وبصلها بغضب دخل اوضتها ملقاش اخوها خرج يحبها من شعرها بعنف:فين الواد
عشق بغضب:سيب شعري يا حيوان
هاشم ضربها بالألم:فين هو
عشق ابتسمت بإنتصار:مشيته من هنا بعدته عن واحد مريض زيك
هاشم ابتسم:حلو يا روحي عشان نبقى براحتنا
عشق بتحاول تضربه ضرب رجليها وقعها وهي سحبت دراعه لوته كتم المه وبغضب كمم بؤها بإيده وخرج المطوة بتاعته ضربها في كتفها من ورا وهي شهقت بألم وصدمه صرخت بس هو كاتم صوتها سحب السكينه منها وهي شهقت بألم وبتعيط بصويت بس صوتها مكتوم ومش قادرة تبعد ايده وهو طعنها في ضهرها بخفه وهي صرخت بألم وصدمة وهو لسة كاتم بؤها رماها بعنف على الأرض وابتسم:شوفتي لما قولتلك نهايتك هتبقى على ايدي لو اتجرأتي واتحدتيني
عشق بغضب والم بصاله:يا...يا قذر يا زبالة يا ابن ال *******
هاشم ضحك بغضب:انتي لسة فيكي حيل تشتمي وتقلي ادبك يا زبالة بس تعرفي اني مش هسيبك انتي واكلة عقلي وانا بقى هكلك
عشق عايزة تمد ايدها تجيب السكينه مش عارفة وهو مسك ايدها وقرب منها عايز يبوسها وهي ضربته بدماغها وخلاص مش قادرة تقاوم حاسة انه هيغم عليها وصوتها مش طالع
هاشم مسك شعرها بعنف وبيقرب بغل عايز يبوسها بس اتصدم باللي ركله بعيد عنها عشق بصت بصدمه وابتسمت بقلق والم
عمران بصدمه قرب قعد جمبها:انتي بتنزفي ينهار اسود ايه دا....
اتلهى معاها وهاشم بسرعة هرب كان هيلحقه بس مقدرش يسيبها شالها وهي اتألم وهي بتتنهد بالم:ايان فين....ايان اوعى ياخده ارجوك....ايان ملوش حد دا يتيم...
عمران نزل بيها بسرعة تحت نظرات الجميع وام محمد شافتهم واتخضت على عشق عقبال منزلت كان مشي عمران بعد محطها في العربية وصلوا للمستشفى وقدرو يعالجوها
الدكتورة:اتطمن هي هتبقى احسن قدرنا نوقف النزيف ممكن تشوفها
دخلوا هو وايان وهي ابتسمت لأيان وهو نط حضانها اتألمت:اااه
عمران شاله بهزار:متعورة هي متعورة
ايان كشر عايز احضنها
عمران بص لعشق:هيحضنك ومش هيجي جمب دراعك
عشق هزت راسها بإيجاب وابتسمت خدته في حضنها:كنت خايفة مشوفكش تاني
ايان باس خدها بحب
عشق بصت لعمران بإستغراب:ازاي جيت؟
ايان:انا جيبته
عشق بصت لعمران بإستغراب
عمران هز راسه بإيجاب:دي حقيقة...هو جابني...
عشق بصتله بإستغراب:ازاي
عمران:حكالي على هاشم وانا افتكرتها حدوته يا ستي بس لقيته متأثر وانا شكيت بس قولت اتأكد ليحصل حاجة ومين دا اللي مصمم يتجوزك وروحت لقيتك بتنزفي
عشق حاضنه ايان بحب ودموع:يا روحي انت
عمران رفع حاجبة:على فكرا انا اللي انقذتك
عشق ضحكت وايان خرجله لسانه وعمران ضحك وشده بقى ينعكش شعره:بتغظني يله انا اتغاظ
ايان ضحك وهو بيبعد ايد عمران:شععري
عشق ابتسمت وانتبهت:انا عايزة اروح عايزة امشي من هنا
عمران:يلا بينا على الڤلة بقى
عشق بإستغراب:ڤلة ايه؟
عمران:انتو هتيجوا معايا لحد مالبوليس يلاقي الكلب اللي هرب
عشق هزت راسها بنفي:لاء طبعا لاء....
عمران ابتسم بإستغراب:انتي مالك قلقتي كدا ليه
عشق:اجي معاك فين انت؟انت فاكر عشان ساعدتني خلاص انا هسلملك نفسي؟
عمران ضحك بذهول:يا بنتي انا طلبت منك حاجه انا عامل على الصغير دا بدل ميتبهدل ولا يرجع يأذيه او يأذيكي انا قاعد مع عيلتي على فكرآ مش لوحدي وماما واختي وصاحبت امي وفي خدامه مش هتبقي لوحدك انا عايزك تقتنعي عشانه بس انتي هتحتاجي للي يخلي باله منه وهو هيبقى في وسط ناس
عشق بتوتر:صعب....واهلك؟
عمران:ملكيش دعوة انا هتعامل معاهم واهلي طيبين متخافيش...
عشق بصت لايان اللي ابتسم بحماس وهزت راسها بإيجاب البوليس جه وخد اقوالها ومشي
عمران مد ايده لأيان وايان نط في حضنه وهو شاله: اووبا
ايان حضنه وابتسم
عشق مشيت معاهم وهي خايفة ومتوترة وبقت تطمن نفسها ركبت ورا وايان ركب جمب عمران وعشق سندت راسها على الشباك بألم
وصلوا ودخلوا احلام استغربت وبصت لعمران بإستغراب
عمران: اقدملك ماما... دي عشق سكرتيرتي الجديدة هي هتقعد معانا فترة لظروف خاصه ودا اخوها
احلام بصاله بإستغراب مش فاهمة حاجة
عمران: بعد اذنكوا هوديها ترتاح
عشق قربت سلمت على احلام وهي محرجة وشايفة استغراب احلام
عمران: يلا
احلام باصة لعمران : لا منت فهمني في ايه وهي مالها ايدها مالها وايه اللي حصل
عمران: مش وقته يا ماما خليها تطلع وتريح ونتكلم بعدين تعالي
مشي وعشق مسكت ايان وطلعت وراه وهو وداها اوضة في الدور التاني وهي بصتله فابتسم: متقلقيش هيقدروا يقبضوا عليه
عشق افتكرت الشيك وغمضت عينها بضيق:استاذ عمران..
عمران: نعم
عشق: لو حصل اي حاجة هتهتم بأيان صح...
عمران بصلها: وايه اللي هيحصل منتي كويسة الحمد لله
عشق بصتله بدموع: انا مش عارفة.... هو ممكن يحبسني هو ممضيني على شيك بنص مليون جنيه
عمران بصلها بدهشة: دا ليه
عشق بدموع: عشان يضمن وجودي كان هيموت ايان وقتها كان ايان عنده سنتين وكان عمال يضربه بغباء
عمران غمض بضيق: هو ايه جنس المخلوق دا وامك ازاي تتجوز واحد زيه
عشق: هي مكنتش كبيرة وهو كان مهتم بيها وبينا وكلامه كان متزين اووي لحد ماقنعها انها محتاجة يبقى معاها راجل وربنا يسامحها بقى... لحد متعبت وماتت وهو فضل معانا واحنا في ذل وقهر
عمران: تتحل بإذن الله متقلقيش
عشق: ان شاء الله....
عمران: ريحوا يلا وانت يا بطل تيجي معايا ولا هتقعد معاها هنا
عشق: لا سيبه
عمران بهزار: انتي قلقانه ليه انا مش هاكله
عشق: لا عشان ميضايقش حد خلينا كدا احسن
ايان حضنها وهي ابتسمت
عمران ضحك: عارفة زي العسل كدا جميل وبسم الله ماشاء الله تحسيه عاقل وبيحبك
ايان باس خدها بوسة طوويلة : طبعا انا بحبها وبمووت بموت بموت فيها قد الدنيا كلها وكل حاجة
عشق ضحكت وهي بتتالم
عمران ضحك: ربنا يحفظهولك يلا مش ناوي تيجي انت مكلتش من بدري وانتي هطلعلك اكل مع علا الخدامه والمسكن دا تاخديه بعد الاكل هو والمضاد الحيوي
عشق هزت راسها بإيجاب: حاضر...
عمران شال ايان ونزل
احلام: منت فهمني انا حاسه ان بيتي بقى ملجأ
حسام ضحك: مين دا انت خلفت ولا ايه
عمران: دمك يلطش يا ماما يا حبيبتي دي واحدة عندها ظروف ومش صح ولا اخلاقنا تسمحلنا اننا نسيبها وهي معاها الجميل دا
احلام بغضب:احنا في ايه ولا ف ايه واخوك متضايق
عمران:ماما بس اهدي
احلام بصت لأيان وهو مكشر
تالين قربت: واحدة مين يا عمران ومين الجميل دا يختي قمورة وعسل وجميلة
ايان كش اكتر ومسك في عمران بخوف
عمران: السكرتيرة بتاعتي الجديدة ودا اخوها
تالين: طب انا عايزة اشيله
عمران: براحة طيب هو يا دوب بيتكلم
تالين قربت ايان مسك في عمران اكتر وعيط
عمران اتفاجأ واتضايق: تالين ابعدي
بعد بيه وبيطبطب عليه: حبيبي مالك اهدى طيب يا قمري ايان حبيبي
ايان بيعيط
عشق نزلت بسرعة متجاهلة المها: هو ماله ايه اللي حصل
تالين: مش عارفين هو فجاة عيط
عشق قربت بحنان شالته بدراع واحد وقعدت بيه وضمته ليها جامد وايان اتلعق بيها وهدي
احلام استغربت: هو في ايه
عشق: هو حد زعقله!
عمران: لاء خالص دي حتى تالي كانت بتلاعبه
عشق باست راس ايان بحنان: هو بيحصله كدا لما كان هاشم بيزعقله او بيضربه لما يخاف
عمران عرف انه فهم كلام احلام وعدم قبولها ليه بص لاحلام واحلام بعدت نظرها بتكبر
عشق: استاذ عمران معلش انا هاخدو فوق معايا دلوقتي
شالته واتألمت غصب عنها
عمران: خليني اساعدك
عشق هزت راسها بنفي: صدقني مش هيقبل
ايان حاضنها بكل قوته وهي سنداه بدراعها السليم

#رواية_رجل_المهام_الصعبة
للكاتبة/ندى محسن ♕Noody♕
متابعة لصفحتي هنا 👇
#Nada_Mohsen

عز مدخلهاش خالص والدكتورة لمار متضايقة من وجوده
الدكتور مروان دخل اوضة اوتار وعز وقف على الباب شافها نايمة وهو اطمن عليها وخرج
عز: اومال فين الدكتورة لمار
مروان: الدكتورة لمار بتمر على المرضى وبما اننا المسؤلين على حالتها فمحدش تاني هيدخل لأنسة اوتار
عز بيأكد على كل حرف: مدام اوتار انا جوزها
مروان: اسف مخدتش بالي
مشي وعز مش عارف يعمل ايه تعبان نفسيآ وجسديآ نزل يشتري حاجة يشربها واتفاجأ لما ملقاش فلوس في جيبه :اهو دا اللي كان ناقص...
اوتار حالتها زي مهي بتفوق وتغيب والدكتورة عرفت انها نفسيآ متدمرة خرجت تتكلم مع عز
الدكتورة لمار:انت جوزها مش كدا
عز باصصلها وساكت
لمار:انصحك بعد مصحتها تتحسن شوية تتعرض على دكتور نفسي لأنها متدمرة نفسيآ ودا نوعآ ما هيسبب تأخر في علاجها لأنها معندهاش اي نوع من المقاومة هي مستسلمة تمامآ ولما المريض بيوصل لحالة زي كدا نسبة الشفا بتبقى بطيئة جدا
عز بخنقة وحزن:انا عايزها بس تفوق وتقبل تتكلم معايا مش اكتر انا عارف انها مش قابلة بس هي لازم تسمعني
لمار:انت كنت السبب في حالتها مش كدا؟
عز بصلها وقعد وهي قعدت جمبه وعز حس انه محتاج يتكلم:ايوا انا السبب معرفش ازاي انا شربت بس مسكرتش ورجعت البيت عشانها واتكلمنا وكنت طبيعي وفجاة حسيت نفسي بتحول حرفيآ قلبي بقى بينبض بعنف حسيته هيقف فجاة وجسمي اتشنج وكنت حاسس اني ممكن اموتها كنت بقولها تبعد عني ومحستش بحاجة حد ضربني على دماغي بس وصحيت ملقتهاش ولقيت سراج نقلها على المستشفى اللي جابها هنا
لمار:انت اللي بتقوله دا يدل انك خدت كمية كبيرة جدا من منشطات
عز هز راسه بنفي:بس انا عمري مخدت حاجة زي كدا اصلا
لمار:مش شرط بس تفتكر ممكن تكون اتحطتلك؟
عز:بالفعل روحت على المكان اللي قعدت فيه اليوم دا بس اتفاجات لما عرفت ان اللي كانوا معايا وكانوا بيصبولي اتقتلوا!!
الدكتورة عرفت انها مترتبه:وبعدين
عز:انا شاكك في واحد بس دلوقتي مش هقدر اعمل حاجه لأني دلوقتي مش عايز غير انها تفوق واديني بحاول بس...مش هخليها تشوفني مش عايزها تتعب اكتر او تعاني عشان مش هستحمل اشوفها بتعاني بسببي ممكن تساعديني ممكن تكلميها
لمار ابتسمت:متقلقش هي هتبقى كويسة بس حاول معاها وانا هحاول اخليها تسمعك متقلقش
عز ابتسم بتكلف:شكرا
لمار:العفو انا في مكتبي لو حصل اي حاجة لو حابب تتكلم انا معنديش مانع وانصحك انك تروح تغير وتظبط نفسك وتجيبلها حاجة حلوة هدية مثلآ
عز بضحكت بغلب:يعني مخلنيش كدا يمكن اصعب عليها
لمار:خلي بالك انها لو شافتك في الحالة دي حالتها مش هتسمحلها انها تكلمك بل بالعكس هتسوء اكتر لان المفروض انها بتحبك واللي بيحب حتى لو اتجرح مبيعرفش يجرح دا اللي بيحب
عز:هي بتحبني وقولتي ان حالتها مش هتسمح انها تهتم بيا بالعكس حبها غصب عنها اندفع وطلبت مني وهي في بداية صدمتها اروح اعالج جرحي انتي متخيلة كمية البشاعة اللي فيا عشان ءاذي واحدة زيها كدا كتتتير يتمنو بس يبقى عندهم حد يحبهم ربع حبها
لمار ابتسمت:طب اسمع الكلام وريح نفسك ومتقلقش انا هقعد معاها ومش هروح مكتبي ووعد
عز:لا متتعبيش نفسك
لمار:ولا تعب ولا حاجة يا سيادة الرائد
عز:طيب امري لله
لمار ابتسمت وهو مشي وهي دخلت قعدت جمب اوتار زي معز طلب
اوتار فتحت عينها بإرهاق
لمار ابتسمت:الجميل عامل ايه
اوتار ابتسمت بإصطناع:الحمد لله بخير الحمد لله
لمار:انتي مش بس قلقتينا وقلقتي حبيبك عليكي
اوتار بصتلها
لمار:انا عارفة انه غلط في حقك بس انتي لازم تسمعيه هو بيحبك ومستحيل هيأذيكي زي منتي فاكرة
اوتار بإستغراب وملامح مرهقة:وانتي عرفتي منين
لمار:هو حكالي كل حاجة انتي تتخيلي انه كان ممكن يخنقك او يعتدي عليكي ليه هيلجأ للطريقة دي؟
اوتار فهمت من كلام لمار انه حكالها كل حاجة ودا ضايقها اكتر مهي متضايقة ليه يدخلها في تفاصيل حياتهم تفاصيل خاصة بيهم ليه يحكيلها
لمار:حبيبتي انا بتكلم معاكي كصديقة اديله فرصة ومتهدميش كل دا
اوتار ببرود بتحاول تداري غضبها:هو فين
لمار:هو كان شكله مرهق وهدومه متبهدلة اصريت عليه يروح يغير وياخد دوش ويجي
اوتار بصتلها والغضب اتملكها:طيب لو سمحتي انا عايزة ارتاح ممكن تخرجي
لمار:مفيش مشكلة انا هفضل هنا وانتي ارتاحي
اوتار بصتلها بإستغراب:نعم؟
لمار:انا وعدت عز اني مش هسيبك ومش عيزاه يفقد الثقة فيا
اوتار بغضب:لو سمحتي يا ريت تخرجي عشان هنام ممكن
لمار بلطف مصطنع:خلاص اهدي مفيش مشكلة انا برا هستناه لما يجي وامشي ارتاحي
خرجت واوتار غمضت بضيق:انا خلاص انا اتخنقت انا مش عيزاك
فتحت عينها بصدمه:مش عيزاه؟
سالت نفسها هي ممكن فعلاً تنهي علاقتها معاه
دموعها نزلت وهي بتفتكر اللي حصل
لمار اول مخرجت كلمت سراج وقالتله على اللي قالته
سراج ابتسم:شكرا شكرا جداً يا دكتورة انتي هترجعيلي حبيبتي اهم حاجة تصرفك يبان تلقائي
لمار بأبتسامة:متقلقش كله تمام بس على فكرا عز مش وحش هو بني ادم لطيف جدا وبيحبها بجد والواضح انها بتحبه ايه اللي هيخليه يخطفها منك لو هي بتحبه؟
سراج ابتسم بغل:طبعا هو لطيف بس دي حبيبتي انا
كمل بخبث:انتي متجوزة؟
لمار:لا ليه
سراج:اممم يمكن ربك يسهلها ويبقى من نصيبك رائد في مركزه وشكله قمر
لمار اتحرجت:احم لاء طبعا انا مبفكرش في حاجه زي كدا....يلا بقى سلام
قفلت وسراج ابتسم بسخرية
لمار ابتسمت بكسوف

#رواية_رجل_المهام_الصعبة
للكاتبة/ندى محسن ♕Noody♕
متابعة لصفحتي هنا 👇
#Nada_Mohsen

عشق بتأكل ايان بتعب
ايان: انتي تعبانة
عشق: لا يا روحي الحمدلله انا بخير
ايان: لو انتي تعبانه انا هعرف اكل لوحدي
عشق: انا بحب ءأكلك كدا
ايان ابتسم
عشق: ايه اللي خلاك تعيط من شوية
ايان: مامت عمران مش عيزانا وقالت كلمة ضايقتني
عشق اتنهدت وحضنته: حقك عليا يا نور عيني حقك عليا...
ايان:عشق هو هاشم مات
عشق هزت راسها بنفي
الباب خبط وعشق ردت:ادخل
تالين دخلت ومعاها شنطة ابتسمت:انا قولت مينفعش يبقى في قمر زعلان كدا فقومت جبتله هدية بقى
عشق:طب وليه كلفتي نفسك هو عنده حاجات كتير
تالين:دي حاجة بسيطة
ايان استخبى في عشق
عشق حطت ايدها على شعره:حبيبي متقلقش هي طيبة خالص بص
ايان بصلها
عشق ابتسمت وهي بتطمنه
تالين قعدت قدامه:يا خبر دا انت زعلك وحش اووي
ايان بصلها وهي ابتسمت ومدتله الشنطة وهو فتحها وبص لعشق
عشق غمضت وهي بتمثل العياط:اهئ اهئ حرام عليكي يا تالي دا كله دا انا بمنعه من الحلويات بالعافية
ايان ضحك:وجابت بيبسي
تالين:اصل انا مدمنة بيبسي فجبتلك اللي بحبه بقى عمران بيقول اني طفلة فذوقنا هيتفق
ايان ضحك وهي ضحكت معاه
عشق:حضرتك دا مدمن بيبسي
تالين ابتسمت:متخافيش انا هظبطهولك تحب تيجي تلعب معايا انا وحسام في الجنينة
ايان بص لعشق وهي هزت راسها بنفي فهو هز راسه بنفي
تالين:ليه طيب شغل الحركات دي
عشق ضحكت:مش حركات ولا حاجة خليه قاعد هنا متتعبوش نفسكوا
تالين:مش تعب ولا حاجة عمران كان عايز يطلع بنفسه يجيبه بس قولتله مينفعش وماما طبعها صعب شوية ومعاها ست سارة دي فكملت
عشق اتنهدت:طيب براحتك يا قمري عايز تروح روح
ايان:لا مش هسيبك لوحدك
تالين ابتسمت:هي هتنام شويه يا ايان تعالى اقعد معانا شوية
ايان بص لعشق وهي ابتسمت فأبتسم ونزل

#رواية_رجل_المهام_الصعبة
للكاتبة/ندى محسن ♕Noody♕
متابعة لصفحتي هنا 👇
#Nada_Mohsen

عز وصل كانت لمار برا قرب وكان متشيك على الأخر لابس بنطلون اسود وتيشيرت اسود وچاكيت بدلة رصاصي ورافع شعره
لمار ابتسمت:ايه الشياكة دي كلها
عز برسمية:هي فاقت
لمار:اه بس نامت تاني
عز:شكرا انك خدتي بالك منها
لمار:دا شغلي يا سيادة الرائد
عز:يعني هي نايمة
لمار هزت راسها بإيجاب:تقدر تدخل تشوفها
عز دخل واوتار مغمضة عينها بس صاحية
عز ابتسم قرب باس جبينها وهي شهقت واتفزعت
عز بقلق:اسف اسف انا قلقتك انا افتكرتك رايحة في النوم...
اوتار بصتله وبصت لهدومه وهو ابتسم وهي بعدت نظرها عنه بغضب انه سمع كلام لمار وهو استغرب
عز بترقب:شكلي وحش للدرجة دي
اوتار:سيبني واطلع برا اه شكلك وحش كدا ومش عاجبني
عز:اوتار
اوتار:سيبني في حالي ممكن
عز:انتي لسة تعبانه ايه اللي تعبك
اوتار مش بصاله وبتهكم:لاء اصلي واخدة شوية برد
عز اتنهد وبحنان قعد جمبها:انا عارف انك تعبانه وبسببي وعارف انك متضايقة مني بس انا محتاجلك زي منتي محتجالي
اوتار غمضت عينها بدموع:انا مش محتاجة لحد
عز اتنهد:طيب يا اوتار...ماشي بس انا محتاجك هتتاخري عن حد محتاجك
اوتار بدموع:انا مش عارفة انت ازاي عملت كدا انت كنت بتموتني انت مش عارف ولا ايه انا مش فاهمه
عز خلاها تبصله وهي بعدت وشها بقلق وجسمها ارتجف بعد عنها وعرف انها خايفة منه
اوتار بصتله وهو اتنهد وخرج ودموعها نزلت بحزن
تقى اتصلت بيه وهو رد: الو
تقى: انا مشيت مع بابا ماما اتصلت بيه وكان لازم امشي معاه هو مخلنيش استنى وانا كان نفسي اشوفك
عز بضيق من سارة: وبعدين
تقى: مفيش لسة واصله معاه وكان عنده اخواتي مصطفى و جودي انت عارف انه كان متجوز
عز: اه عارف
تقى: محتاجة اشوفك ومحتاجة اتكلم معاك ممكن يا عز انا مش هقدر استنى
عز: تقى انا في المستشفى اوتار تعبانه
تقى بإستغراب ابتسمت: مالها
عز مخدش باله من لهفتها: تعبانه شويه اجلي مقبلتنا عشان انا مش قادر
تقى: طب اجيلك انا
عز: لا ملوش داعي انا هشوفك قريب
تقى: طب انت لوحدك هناك
عز: اه ماما كانت هنا امبارح وصممت انها تروح
تقى: عز اللي حصل...
عز: مش قادر اتكلم في حاجه دلوقتي واللي حصل مش هيغير حاجة...
تقى: يعني ايه؟
عز: يعني دول اهلي واخواتي هيفضلوا اخواتي واللي حصل مش هخليه يأثر على علاقتنا
تقى جزت على سنانها بغضب: اممم طبعا...
عز: هكلمك بعدين
قفل واتنهد وتقى ابتسمت: واثقة انه هيأثر يا عز هي مسألة وقت وهيحصل اللي عيزاه بس اوتار مالها اكيد سي زفت يعرف لما اشوفه
اتصلت بسراج وهو رد: افندم
تقى: ايه اللي حصل مالها اوتار هو دا بسببك ولا نصيب
سراج اتنهد بغضب وهو بيلوم نفسه: بسببي
تقى وقف بأبتسامه: بجد عملت ايه يا سراج قولي
سراج: انتي مبسوطة اه ملازم تكوني مبسوطة مهو اللي زيك يتبسط
تقى ضحكت بسخرية: اللي زيي انت نسيت انت تبقى مين ولا ايه ونسيت مين اللي خلاني كدا انت يا سراج وبعدين انت مالك حزين ليه
سراج غمض عينه:مش هتفهمي عمرك مهتفهمي....انا حاسس اني خلاص مش عايز اكمل في حاجه بس عايزها عايزها معايا انام واقوم وانا عارف انها جمبي حتى لو هنفضل نتخانق انا ممكن اقدم استقالتي اسيب الدنيا كلها وابقى معاها
تقى بصدمه:انت حبيتها بجد بقى
سراج:تقى مش عايز اشوف رقمك عندي تاني(ابتسم بثقة وبحب)عشان ولا هكلم ولا هشوف حد غيرها فاهمة اياكي تتصلي
قفل السكة وهي بغضب رمت التليفون على السرير
عدى خمس ايام عشق ابتدت تتحسن واوتار بتتحسن ببطئ وهي بتدوس على قلبها ورافضة تشوف عز ولمار بتتكلم معاها وهي مبقتش متحملة كلام لمار وانها اتقربت من عز
عز دخل لاوتار كعادته كانت لمار بتديها الدوا وابتسمت وعز بادلها الأبتسامة
اوتار اتضايقت اكتر
عز: ايه اخبارها
لمار: بتتحسن كتير انت مش سايبها
عز ابتسم: وانا ليا مين غيرها
لمار ابتسمت: منا عارفة
عز قرب قعد جمب اوتار ولمار خرجت
اوتار: اطلع برا وسيبني
عز: انتي مزهقتيش بقى من الاسطوانة دي
اوتار: انت عايز ايه
عز: واحد قاعد مع مراته غريبة والله سؤالك عيزاني اسيب مراتي وحبيبتي في المستشفى وامشي يعني
اوتار: مراتك ولا تسيب الدكتورة
عز بإستغراب يصاحبه صدمه: ايه؟ الدكتورة
اوتار بتهكم: اه الدكتورة انت فاكرني عبيطة
عز بغضب بيجاهد يسيطر عليه بس فشل: لا دا جنون دكتورة ايه اللي هبصلها
اوتار: لمار اللي فجأة بقت سرك وحكتلها كل حاجة خاصة بينا
عز: اولآ محكتش حاجة غير المشكله دي وهي فهمت ان في حاجه اتحطتلي اللي انتي مش عايزة تفهميه وكلامي معاها عشان بس توصلك عشان بس تتكلم معاكي
اوتار: عز انا ليا طلب
عز اتنهد: اتفضلي
اوتار بصتله بصوت مهزوز: طلقني
عز بصلها بصدمه
اوتار دموعها نزلت: بالله عليك طلقني وسيبني انا مكنتش متخيلة اني هطلب حاجة زي كدا بس انا تعبت... انا حقيقي تعبت
عز غضبه زاد بس اتحكم فيه واقنع نفسه ان دا رد فعل طبيعي جدا على تصرفاته حاوط وشها وقرب بهدوأ حضانها وهي عيطت وهو لعن نفسه باس جبينها:انا اسف انا حيوان انا اسف واللهي كان غصب عني انا خلاص يا اوتار قررت مش هشرب تاني حبيبتي خلاص كل حاجه خلصت بجد
اوتار حست براحة وهي في حضنه بس غصب عنها كرامتها اتهانت بعدت عنه:انا مش عيزاك
عز خلاها تبصله وهو بيتعامل معاها بلطف حتى في لمسته ليها:وانا عايزك
اوتار بصاله بدموع:انت بتدمرني نفسيآ وجسديآ
عز:هنتكلم وهنتفاهم واي حاجة بينا هنصلحها مينفعش نهدم علاقتنا مع اول عاصفة تمر بينا يمكن كل دا حصل عشان ابطل شرب اوتار انا عارف انها كانت صعبة عليكي سامحيني
اوتار بصاله بتفكير
لمار دخلت وعز اتعدل ولمار اتضايقت
اوتار:انا عايزة امشي من هنا
عز:مش هينفع انا عايزك تتحسني على الأخر
اوتار بصت للمار وبصت قدامها بإصرار:مشيني من هنا....
لمار:اوتار مش هينفع
اوتار:عز انا عايزة امشي مشيني من هنا
عز هز راسه بإيجاب:حاضر حاضر دكتورة احنا هنمشي
لمار وشها اتغير وبضيق:عز لسة هي بتتعالج ودا غلط...
اوتار غمضت عينها بضيق: انا قولت همشي وملكيش دعوة انتي وشكرا لأهتمامك وفريه لنفسك كل واحد عارف مصلحته
لمار بإحراج والدموع في عينها: انا اسفة مقصدتش حاجة والله.... انا هسيبكوا على حريتكم...
مشيت وعز بص لاوتار وابتسم واوتار نوعآ ما ارتاحت انه مش مهتم بلمار
عز: ها يلا بينا بس مش عايز اعتراض هشيلك وهتسمعي الكلام هنروح على بيتنا ومش عايز حركة
اوتار بتفكير: مش هروح هناك...
عز:اللهم طولك يا روح
اتنهد وابتسم وبيحاول يتمالك اعصابة: هتروحي فين يا قمر
اوتار: عند عمو سليم
عز بصلها بضيق: اوتار انا مش
اوتار: انا هروح على هناك
عز: اوتار انا مش عايز اضايقك بس انا مش هينفع
اوتار قاطعته:دا اخر كلام عندي انا مش هقعد معاك
عز بيجز على سنانه : حاضر هوديكي
اوتار:ومتعملش سنانك كدا
عز نفخ وبصلها بغيظ
اوتار بصتله وهو ابتسم وقعد جمبها وهي جت تتحرك ثبتها: لا اثبتي انا مش عايز حركة
اوتار بعدت ايده
عز اتنهد وباس خدها
اوتار بعدت وشها
عز ابتسم بحزن وهو بيلمس جروح وشها بلطف: اسف انا اسف انتي مش متخيلة الايام عدت عليا ازاي وكأنها سنين كل يوم انام وانتي مش في حضني دا كان اكبر عذاب
اوتار الدموع لمعت في عينها وهو حاضنها: هناديلك الدكتورة تساعدك تغيري ولا اساعدك انا
اوتار: شكرا انا هغير انا
عز بخبث:هساعدك انا طيب
اوتار بصتله بتحذير
عز ضحك بهزار: عشان متتعبيش
اوتار: قولت خلاص انا هغير
عز ابتسم: ماشي يا جميل هدومك اهي هجبهالك على السرير
قرب خد الهدوم حطهالها على السرير: يلا يا جميل هستناكي برا هتحتاجي اي حاجة ناديلي
خرج وهي مش عارفة تفكر هي قلقانه وفي نفس الوقت بتحبه ومجروحة منه هي حست انه مكنش طبيعي فعلآ اليوم دا وكلامه اكدلها ان في حاجه اتحطتله مش عارفة تفكر حست نفسها عاجزة بس قرارها انها تروح على بيت سليم المنشاوي اكيد مش هتندم عليه...
لمار كانت برا بتمسح دموعها اول معز خرج وعز اتفاجأ:انتي بتعيطي في ايه مالك
لمار:مفيش
عز:مالك يا دكتورة لمار.
لمار:مفيش
عز:انتي اتضايقتي من اوتار؟
لمار بعدت نظرها عنه
عز:هي متقصدش حاجة هي بس كانت متعصبة و
لمار:هي مغلطتش انا اللي كنت مهتمية زيادة عن اللزوم
عز:انتي كنتي بتساعديني وانا ممتن جدا جدا ليكي
لمار:اتمنى ان دا مياثرش على شغلك يا عز
عز ابتسم بحزن:مخلاص يا دكتورة
لمار:اسمي لمار وحابة اسمعها منك لمار
عز ابتسم:ماشي يا لمار
لمار ابتسمت:هو كدا خلاص صداقتنا اتقطعت
عز:اتقطعت؟لا طبعآ
لمار:ممكن رقم تليفونك
عز بصلها شوية وكان عايز يرفض بس هي بصاله بعشم وهو اتحرج يكسفها:ا..اه طبعا
ادالها رقم تليفونه وهي ابتسمت:اكيد هتواصل معاك
عز ابتسم بإصطناع
اوتار خرجت شافته واقف معاها وقربت بالم
عز ابتسم وقرب منها:يلا بينا
اوتار هزت راسها بإيجاب
عز شالها وهو واخد باله منها:لوضايقتك او اتوجعتي قوليلي
اوتار هزت راسها بإيجاب
لمار بصت لأوتار واوتار لاحظت نظراتها ودفنت راسها في رقبت عز كانها بتثبتلها انه ملكها......


الاكثر قراءة هذا الشهر :
رواية رجل المهام الصعبة كاملة 
رواية غروب الروح كاملة 
رواية هنا التقينا كاملة 
رواية عاشقان الروح كاملة 

موعد الحلقة الجديدة الساعة  10 م  يوميا ان شاء الله .

هنا تنتهى احداث رواية رجل المهام الصعبة الحلقة الثامنة عشر ، يمكنكم اكمال باقى احداث رواية رجل المهام الصعبة الحلقة التاسعة عشر  أوقراءة المزيد من الروايات المكتملة فى قسم روايات كاملة .

نأمل أن تكونوا قد استمتعتم بـ رواية رجل المهام الصعبة ، والى اللقاء فى حلقة قادمة بإذن الله ، لمزيد من الروايات يمكنكم متابعتنا على الموقع أو فيس بوك ، كما يمكنكم طلب رواياتكم المفضلة وسنقوم بوضعها كاملة على الموقع .
تعليقات



حجم الخط
+
16
-
تباعد السطور
+
2
-