رواية رجل المهام الصعبة الحلقة الخامسة والعشرون 25 | روايات ندى محسن

   نقدم اليوم احداث رواية رجل المهام الصعبة الحلقة الخامسة والعشرين من روايات ندى محسن . والتى تندرج تحت تصنيف روايات رومانسية ، تعد الرواية  واحدة من اجمل الروايات رومانسية  والتى نالت اعجاب القراء على الموقع ، لـ قراءة احداث رواية رجل المهام الصعبة كاملة بقلم ندى محسن من خلال اللينك السابق ، أو تنزيل رواية رجل المهام الصعبة pdf كاملة  من خلال موقعنا .


رواية رجل المهام الصعبة الحلقة 25 | روايات ندى محسن



رجل المهام الصعبة الفصل الخامس والعشرون

رواية_رجل_المهام_الصعبة
الحلقة 25
بقلم/ندى محسن ♕Noody♕
#Nada_Mohsen

سمعت صوت ضحكهم وحست انها ملهاش مكان بينهم بس الباب فجاة اتفتح وظهر مصطفى وهي وقفت بغضب:مش تخبط يا بني ادم انت
مصطفى ضحك:يا ستي معلش متحبكيهاش كدا تعالي يا صغننه
تقى بصتله
مصطفى ابتسم:تعالي اقعدي معانا
تقى هزت راسها بنفي:لاء...مش عايزة اطلع برا
مصطفى بيحاول يبقى هادي ولطيف وهو بيتعامل معاها
تقى:مبراا قولت ولا البيه اطرش متخلنيش امسح بكرامتك الأرض
مصطفى شالها وهي اتصدمت وهو ضحك:مش هتيجي بمزاجك هتيجي بالعافيه
تقى بتزأه:طيب نزلني يا سيدي هو بالعافيه انا مش طيقاك
مصطفى نزلها وهو حاضنا:بس تعرفي الغريب اني بحبك جداً يعني متفهميش ليه رغم انك شرسة بطريقة اوڤر اوووووي
تقى بصاله وحست بقلق
مصطفى بإستغراب:مالك يا توتي
تقى مركزة في عينه وكأنها بتشوف فيها حاجة مهمة
مصطفى:انتي كويسة
تقى:انت بتحبني بجد كأختك؟
مصطفى ابتسم وهز راسه بإيجاب:اه بعيدآ اني خدت ضرب بسببك مخدوش حرامي غسيل
تقى ضحكت وحضنته وهو اتفاجأ بس حضنها وهو بيطبطب على شعرها
مصطفى:يلا بقى نطلع نقعد سوا شوية ومتقلقيش انا معاكي
تقى ابتسمت وهو مسك ايدها وطلعو ومازن وجودي وحبيبة استغربوا انه اقنعها
بدر ابتسم:ايه مش ناوية تقعدي معانا
تقى متجاهلاه وقعدت جمب مازن وهو طبطب على راسها وهمس:ايه اللي خلاكي جيتي
تقى:متضايق من وجودي؟
مازن هز راسه بنفي:لاء ابدآ بس استغربت
تقى بصت لمصطفى وابتسمت
مصطفى لاحظ وابتسم
حبيبة استغربت بس سكتت
قعدوا شوية بدر بيتكلم مع مصطفى ومازن وحبيبة بتتكلم مع جودي وقاموا يحضروا حاجة يشربوها
مازن وقف وتقى مسكت ايده:رايح فين
مازن ابتسم:هشتري حاجة من تحت وجاي متخافيش
مصطفى بيلعب في تليفونه ومبتسم وبعدين اتصل وخرج
بدر بص لتقى وابتسم:تعرفي انك مختلفة
تقى بصتله بإستغراب
بدر:يعني جيت هنا كنت حاسك قاسية اوي وبعدين دلوقتي لما اتعلقتي في ايد جوز عمتي حسيتك خايفة من كل حاجة
تقى بسخرية وتهكم:ليه حضرتك دكتور نفسي
بدر ابتسم بثقة:دكتور في الحياة قرب قعد جمبها وابتسم:انتي كنتي فين قبل متقعدي مع عمي بدر
تقى:وانت مال اهلك
وقفت وهو استغرب وبتلقائية مسك ايدها في لحظه كانت ضرباه بالألم:انت اتجننت
مصطفى خرج بسرعة على صوتها واتصدم لما لقى بدر حاطت ايده على خده والغضب ماليه
تقى بغضب:انت تلزم حدودك فاهم واياك تتجرأ وتلمسني يا حقير
حبيبة:في ايه يا تقى؟
تقى بغضب:البني ادم دا قولوله ملوش دعوة بيا
جودي:هو عملك ايه يعني
تقى بصتلها بتحذير:انا قولت كلمة تتنفذ
مصطفى بص لبدر:انت عملتلها ايه
بدر بغضب يصاحبه صدمه:دي مجنونة دي مجنونة فعلاً انا بكلمها وقفت افتكرت ان كلامي بايخ مسكت ايدها راحت ضرباني بالألم
مصطفى بغضب:وتمد ايدك عليها ليه بدر ملكش دعوه بيها
بدر بغضب:يبني انت بتقول ايه انا عملت ايه افهم؟؟
الباب خبط وجودي فتحت
بدر:مصطفى انت مش شايف انك محبكها
تقى بغضب:انا بحذرك انك تفكر تقرب مني بأي شكل
دخلت اوضتها وقفلت الباب ومازن بصلهم:في ايه يا بدر ومالك بيها؟
بدر:مالي بيها هو انا عملت ايه كنت بكلمها بس دي مجنونة
مازن بغضب:بدر الزم حدودك فاهم
دخل لقاها قاعدة وقفت وبصتله بقلق
مازن ابتسم:مال الجميل
تقى:مفيش...مراد انا عايزة مراد
مازن استغرب من طلبها:هجيبلك مراد مفيش مشكله
تقى ابتسمت
مازن اتصل بمراد:عايزك
مراد:خير
مازن:عايزك تعالالي
مراد:هي ست سارة كلمتك
مازن:مراد تعالى وخلاص
مراد هز راسه:اشطا هبقى اعدي عليك هي البت لسة عندك
مازن بنفاذ صبر:مسمهاش بت اسمها تقى واتلم
مراد بسخرية:اممم طيب
مازن:هستناك قريب واتمنى تبقى قد كلمتك
قفل معاه ومراد بص للتليفون:ازاي هي لسة سيباكوا عايشين انا خايف اشوفها تتحول والله

#رواية_رجل_المهام_الصعبة
للكاتبة/ندى محسن ♕Noody♕
متابعة لصفحتي هنا 👇
#Nada_Mohsen

سارة قاعدة في الشارع بتاكل وحاوطت كتفها وهي حاسة بالبرد ودموع غضب في عينها معرفتش تنام فين وانتهى بيها الأمر في حوش عمارة ودلوقتي كلهم مبسوطين الكل مبسوط الا هي الفكرة دي كانت بتجنناها حبها لسليم اتحول لكره نفسها تقتله وتسيب احلام تتعذب نفسها تموت حبيبه وتنهيها نفسها لو تخلي اوتار وتقى خاضعين ليها حست بحد قدلمها فتحت بصت قدامها شافت اربع رجاله شكله مش في وعيهم بيبوصلها واتكلم واحد منهم:تصدق حلوة
....:مش يمكن تبلغ عنا
سارة وقفت وهتمشي شدوها وواحد كتم بؤها وابتسم:تبلغ مين بس احنا هنخليها تقضي معانا يومين وبعدين نخلص منها
سارة بصت بصدمه وبتحاول تزأهم بس مفيش حد تستنجد بيه شافوا عربية معديه خبوها وخدوها مكان غريب كان في مقام مخزن للمعادن القديمة وهي مش عارفة تبعد عنهم ومنهارة حتى صوتها مش طالع افتكرت كل لحظه خلت تقى تعاني فيها وندمت اشد الندم حست انها ضيعت نفسها وحياتها وحتى ولادها.....

#رواية_رجل_المهام_الصعبة
للكاتبة/ندى محسن ♕Noody♕
متابعة لصفحتي هنا 👇
#Nada_Mohsen

حلم قاعدة في الأوضة وعز نايم على السرير ومستغرب هي مش هتنام: انتي مش هتنامي ولا ايه
حلم: نام انت يا سيدي
عز بصلها
حلم ماسكة تليفونها بتكتب عليه
عز: بتكلمي مين؟
حلم انتبهت واتنهدت سابت التليفون وقربت نامت جمبه وهو سايب فاصل بينهم وهي مستغربة تصرفه معاها وابتدت تشك قربت منه وهو بصلها بإستغراب
حلم حضنته وبتقرب من شفايفه زاها: انتي بتعملي ايه
حلم بشك: ايه يا عز مش جوزي مش انا مراتك؟
عز:حلم....انا مش ناقص ودماغي فيها مليون حاجة
حلم بتقرب منه:وايه المشكلة لما نبقى سوا
عز لاحظ طريقتها:عايزة توصلي لأيه
حلم اتراجعت:تؤ ولا حاجة بس اخرج انا عايزة اقعد لوحدي شوية
عز مستغرب وهنا جاله تليفون وخرج:ازيك
.....:مش كنت بتدور على اهلك عايز اشوفك في اسرع وقت
عز استغرب:انت عرفت حاجة مش قولت انك جبتني ومتعرفش اهلي
......:تعالى وهتعرف
عز قفل معاه واتنهد
الباب خبط واوتار عرفت انه هو لبست الروب بتاعها فوق فستان سواريه وكان الروب مداري شعرها اللي نازل على ضهرها: مين
عز بص للأوضة اللي فيها حلم وهمس: حبيبك
اوتار ابتسمت وفتحت الباب نص فتحة:غمض عينك
عز غمض:اشمعنا
قربت مسكت ايده ودخلته وقفلت:اوعى تفتح اوعى
عز ضحك:طب بتعملي ايه
اوتار قلعت الروب وظبطت شعرها:فتح
عز فتح وابتسم:ايه القمر دا
اوتار:بص حواليك بس
عز بص حواليه للبلالين وللتورته: دا مش عيد ميلادك؟
اوتار: صح بس التورته حاجة حلوة لينا
عز مستغرب: بس بمناسبة ايه
اوتار مسكت علبة ومدتهاله
عز بإستغراب خدها وفتحها وهي مبتسمه وشاف مدليا واختبار حمل بصلها بإستغراب: ايه دا
مسكه واستوعب اللي شايفه وبصلها بصدمه وابتسامة شاردة اترسمت على شفايفه
اوتار حاوطت بطنها بحب: وقريب هتبقى بابي
عز قفل العلبة وحطها على الترابيزة وشالها وهو حضانها الإحساس اللي كان حاسس بيه كان اكبر من اي كلام بصلها وهي بتضحك وعينها اتحولت للبنفسجي قرب باسها وهي حضنته
عز اخيرآ بعد عنها وقعد في مستوى بطنها وبصلها حط ايده على بطنها ابتسم وهي شايفة فرحته حست كأنه طفل صغير وهو مش عارف يتكلم واخيرآ نطق: ازيك يا قلب بابا مش هتتخيل ازاي انا فرحان بوجودك وقف وهي حضنته بحنان بتطبطب عليه وهو باس جبينها: بحبك
اوتار: وانا بموت فيك
عز بيقرب بعدت بضحك: استنى بقى لاء احنا هنقطع التورتة وناكل ونرقص سوا مليش دعوة
عز ضحك: طيب يا ستي اعملي اللي انتي عايزاه
اوتار ابتسمت وهزت راسها بإيجاب قطعوا التورتة وكلو منها وشغلت اغنية رومانسية وهو مسك ايدها حطها على كتفه وايده على وسطها وهي رفعت نفسه وحضنته ابتسم: دا كان سبب تعبك بقى
اوتار بصتله وعينها تشبه البنفسج في لونه ونقاءه
عز: بس الدكتورة قالت انك كويسة ازاي معرفتش انك حامل
اوتار: انا طلبت منها متقولش عشان عايزة اللحظة دي تبقى خاصة ولو سمحت انا صورتها
بعدت وخدت التليفون وورتله الفيديو وهو شاف نفسه وشاف فرحته ابتسم: دي احلا لحظة في حياتي حياتي معاكي كل مادا بتزيد حلاوة بحبك يا روحي
اوتار ابتسمت
عشق نايمة وحست بالباب بيتفتح غمضت وهي حاضنة ايان بقلق وحست بأيد على شعرها وهمس: عشق
عشق حست بخوف وقعدت: انت عايز ايه....
عمران: تعالي عايز اتكلم معاكي
عشق: انت ازاي دخلت ومن غير متخبط
عمران: تعالي بس يلا
مسك ايدها قومها وهي هتصحي ايان سحبها: سيبيه نايم عايزة ايه
دخل اوضته وهي بصاله بإستغراب وطمنت نفسها هو مش هيقدر يقرب منها هي في بيت اهله ومش هيقدر يعمل حاجة
عمران: عايز اتكلم معاكي عشان مش عارف انام انا هتجوزك شرعي وهعملك فرح وهنقعد هنا في البيت دا
عشق هزت راسها بنفي واحباط: ملوش لزمة الفرح
عمران: ليه
عشق بإبتسامة حزينة: بشوف الفرح دا رمز للحب ولتميز اليوم دا بين الأتنين بيحبوا الناس كلها تفرح لكن بالنسبة ليا لاء..... بالنسبة ليا الوضع مختلف.... يمكن مليش حق افرح.... كفاية ان الناس تعرف اني بقيت مراتك من خلال الصحف ومحدش هيتكلم
عمران: ازاي ملكيش حق
عشق بدموع: اللي ملوش ضهر الفقير واليتيم ملوش حق في حاجة مش دا مبدأكوا اللي مبتعترفوش بيه بس بتعملوا بيه
عمران: حبيبتي دا مش صح انا حبيتك وبعدين انا مبصتش لحاجة تانية
عشق بسخرية: حبيتني انا عجبتك فقررت تتجوزني او نقول تشتريني وايه يعني الجواز عندك مش هيفرق صح هيكلفك ايه يعني ومحدش هيتكلم معاك
عمران: انتي مبتحبنيش
عشق بدموع وسخرية: مش قولتلك انا مليش حق في حاجة حتى الحب
عمران اتنهد وكأنه مفرقش معاه: في خلال الأسبوع دا هكون متجوزك
عشق بصتله وهز راسها بإيجاب وجت تخرج سحبها: استني
عشق بعدت ايده: نعم
عمران بصلها: عايزك معايا شويه انا بجد مش جايلي نوم
عشق بضيق: متنساش اننا لسة متجوزناش ومش من حقك اي حاجة
خرجت وهو نفخ: انا هعاني من تعاملي معاكي انا عارف
عشق دخلت عند ايان باست خده ونامت جمبه اتغطت ودفنت وشها فيه بدموع:مش عارفة اعمل ايه انا مش عايزة اتجوزه هو بني ادم مش متزن هو لطيف بس معايا لاء انا مش عارفة ازاي صمم يتجوزني وهو عارف اني مش عايزة

#رواية_رجل_المهام_الصعبة
للكاتبة/ندى محسن ♕Noody♕
متابعة لصفحتي هنا 👇
#Nada_Mohsen

زياد بيكلم تالين مبتردش
تالين دموعها نازلة وباصة للمكالمة اللي كانت دايمآ بتستناها وبتستمتع بيها بس دلوقتي هي متضايقة منه وغضبها كل مادا يزيد قلبها وكانه قفل منه اتنهدت وقفلت التليفون خلاص مبقاش في حاجة مهمة امجد كان مركز مع زياد وانفعاله
امجد:انت بتحبها بجد؟
زياد بإحباط:طبعآ انا مكنتش متخيل لو كانت اتجوزت حد تاني قبل معترفلها واتقدملها كان ايه حصل كان ممكن اروح فيها
امجد ابتسم بذهول:اخويا رومانسي لاء ورائع
زياد بغيظ:سيبني في حالي بقى وروح حفل على حد تاني
امجد ابتسم بشرود:اوتار حامل
زياد بإستغراب:اه اوعى تكون حنيت
امجد:حسيت احساس غريب حسيتها بنتي اووي يعني انا اللي كنت مربيها فاكر شكلها بالضفاير ولبس المدرسة وفجاة اتجوزت وهتبقى ام
زياد:انت عمرك محبيتها
امجد:طبعآ حبيتها ومين ميحبهاش؟مين ميحبش الصغير المميز دا حاسس انها اختي وحاسس نفسي غبي ازاي كنت رميها حاسس بحاجات غريبة مش عارف امتى بقيت احسها بس عايزها مبسوطة وعايز ربنا يجعل عز عوض ليها وكفاية وجع قلب ليها
زياد ابتسم وحضنه:لأول مرة حاسس اني بحبك
امجد ضحك وحضنه واماني ابتسمت وجت:ايه مالكوا
زياد:مالنا يا ست الكل يا قمر انت
اماني ضحكت:انت بكاش يله انت
امجد خدها في حضنه وهي استغربت وهو باس دماغها:حقك عليا
اماني بصتله وابتسمت بحنان:انا مش واخده على خاطري منك ولا زعلانة منك غير في حاجه واحدة
امجد:اللي هي
اماني:هتسافر وتسيبني انا مليش غيركوا خليك احسن مني وسامحني
امجد هز راسه بنفي:مش هسافر وهفضل عمري كله معاكوا انتي والباشا دا
اماني ابتسمت:ايه اللي قلب كيانك كدا
امجد:هتصدقيني لو قولتلك مش عارف بس انا عايز ابقى معاكوا
اماني ابتسمت وحضنته وزياد جه حضنهم
جلال:امممم انتو عايشين في هنا ونسيتو ان في واحد بيسف التراب
اماني شهقت واتنفضت وزياد اتصدم وامجد اتصدم بس مبنش عليه اماني بتتغلب على خوفها وشافت في ايده مفتاح البيت وحست انها غبيه انها مغيرتهوش بس مجاش في بالها انه ممكن يجي وهو عارف ان ممكن يتقبض عليه وبنرفزة بصتله:انت عايز ايه ليك عين تيجي هنا يا بجاحتك
جلال:انا جاي اخد حقي اللي انتو خدتوه مني
اماني:حق ايه يا قليل الأصل انت
جلال بتحذير:مش عايز قلة ادب
امجد:برا اطلع برا عشان مسلمكش بنفسي
جلال:انا يا امجد انت ناسي ان انا اللي خليتك راجل
امجد:انت كنت بتحاول تستغلني من صغري انت ملكش اي جمايل عليا فاهم
جلال:امممم يعني كلكوا ضدي بس انا ميهمنيش اللي عايزه هيكون
زياد بغضب:انت عايز ايه انت
جلال:انتو هتستهبلوا انتو فاكرني نسيت ولا انتو اللي نسيتوا اوتار هاخدها... ودلوقتي انا محتاج فلوس
اماني بصتله بإستحقار
جلال هز راسه بنفي وابتسم بتحذير:ايه اخبارك وايه اخبار جروح جسمك
اماني فهمت انه بيهددها وبعدت ودا عصب امجد زاه بعنف وخرج فلوس حطها في جيبه وزاه:برااا مش عايز اشوف وشك مرة تانية متجيش هنا
جلال ابتسم:انا اللي اقرر يا...هه يا ابني
مشي وزياد بقلق:هيعمل حاجة انا واثق هيحاول يأذيها هيحاول يأذي اوتار.....
اوتار فتحت كالعادة شافته باصصلها ابتسمت وعينها اتحولت للبنفسجي
عز: صباح الخير
اوتار: صباح النور
عز: عاملة ايه النهاردا
اوتار: احسن يا حبيبي الحمد لله
عز ابتسم بحب: الحمد لله يا قلب حبيبك
اوتار ابتسمت وغمضت
عز: ايه هتنامي تاني؟
اوتار هزت راسها بإيجاب: اه عايزة انام وانت هتسيبني كدا كدا
عز ابتسم باس ايدها: انا عمري مسيبك اومال كنت قاعد بعمل ايه
اوتار بصتله وابتسمت: تعرف اني بحب اصحى على عيونك اوووي
عز: تعرفي اني بحبك اوي
اوتار ضحكت: عندك دايمآ رد لكل حاجة
عز: اه انا في الرومانسيه معنديش ياما ارحميني
اوتار ضحكت:اه انت هتقولي
عز:اه....يعني هتنامي
اوتار بإستغراب قعدت:مالك في حاجه غريبة
عز بصلها وابتسم بحنان:مفيش
اوتار حاوطت وشه بحب:واثقة انه فيه
عز:هاخدك معايا مشوار
اوتار:متقول كدا يا سيدي انت لو كنت صحتني وقولت كدا كنت هطير معاك
عز ضحك:طيب ايه
اوتار:هنروح فين
عز:الراجل اللي وداني الملجا
اوتار:عز مش كنا
عز قاطعها :هو اللي اتصل بيا عنده معلومات او يمكن قرر يقولي الراجل دا مليان بالغموض...
اوتار:انا مش عايزاك تتعشم
عز:انا مش متعشم انا هشوفه بس عايزك معايا
اوتار ابتسمت وهزت راسها بإيجاب:حاضر ياا عزي
قامت دخلت الحمام تاخد شاور وتجهز نفسها وهو بيلبس برا خرجت وبتلبس الطرحة قدام المراية وهو حضانها ودفن وشه في رقبتها:ايه الريحة دي ريحة فل
اوتار ابتسمت وهزت راسها بإيجاب
عز رفع حاجبه:وبعدين اي حد يشم الريحة دي!!
اوتار ضحكت:مش اي حد بيدفن وشه في رقبتي والله هو واحد بس حبيبي ونور عيني اللي انا ملكه هو وبس
عز ابتسم وسحبها في حضنه
اوتار بضحك:مش هعرف البس وانت حر
عز حط ايده بحنان على بطنها:مصبحتش عليه
اوتار ضحكت:طيب يا حبيبي صبح عليه
عز قعد في مستوى بطنها وبقى يكلمه بحنان:صباح الخير يا عيون بابا اسف بقى يا سيدي جت متأخرة مهي مامتك واكلة عقلي
اوتار ابتسمت بحب وهو باصصلها:هتبقي احسن ام في العالم لاء بجد هتبقي حاجة كدا ملهاش مثيل انتي فيكي حنية غريبة وليكي شخصية جميلة حد يطول يبقى عنده مامي كدا
اوتار ابتسمت:الطيبون للطيبات يا عز
عز:وهو انا طيب للدرجة دي
اوتار لفت ايدها حوالين رقبته:اممم انا جوزي حبيبي احلا واجمل واطيب راجل في الدنيا (محدش شافهم وهما كانوا شوية وهيضربوا بعض هسكت انا ومش هنكد اهو خليكوا مع الرومانسية دي 🙄
)
عز:طيب مش ناوية تلبسي ولا نلغيها احسن وانا معنديش مانع
اوتار ضحكت ولبست الحجاب بشكل جميل وبصتله وهو فتح الباب مشافش حد نزل وخرج من باب الحديقه اللي ورا وهي ضحكت:حضرت الرائد بيهرب بمراته يعني يوم ميهرب بواحدة تبقى مراته؟
عز ضحك:طب اركبي طيب
ركبت وطول مهو سايق بصاله وكأنها اول مرة تشوفه لاء دي كانها بتشوف حاجة نادرة ضحك:ايه يا اوتاري بتشبهي عليا
اوتار ابتسمت:عايزاه يطلع شبهك بالظبط في كل حركاتك
عز:بس انا عايزه شبهك
اوتار:عز دا راجل مليش دعوة بقى
عز ضحك:اولدي بس ونشوفه ربنا يسهل
اوتار:انت مستعجل دا لسة بدري يا قرة عيني
عز ابتسم وبص قدامه:طب اسكتي عشان منعملش حادثة

#رواية_رجل_المهام_الصعبة
للكاتبة/ندى محسن ♕Noody♕
متابعة لصفحتي هنا 👇
#Nada_Mohsen

عشق صحيت حطت ايدها جمبها ملقتش ايان قعدت بفزع بتبص لعمران اللي قاعد جمبها وقفت:انت بتعمل ايه هنا وايان فين ايان
عمران:نزل مع تالي
عشق:ومن امتى بينزل من غير ميقولي
عمران ابتسم:انا هبقى باباه وانا قولتله
عشق جت تنزل سحبها وهي زأته:بعد اذنك ابعد ايدك
عمران نفخ بضيق:عشق انا عايز اخد رايك في الفستان خدي المجلة دي اختاري اللي يعجبك اي حاجة تعجبك وهتكون عندك
عشق بصتله:انت لسة مصمم
عمران:لسة مصمم؟عشق دا ابسط حقوقك يلا نختار
عشق:صدقني مش فارقة
عمران:هو انا ليه حاسس اني بتجوزك غصب عنك
عشق بإبتسامة ساخرة:حاسس؟بجد حاسس...يعني مش متاكد
عمران اتجاهلها وشاورلها على فستان ابيض جميل ماسك من فوق وواسع من تحت ومنفوش بشكل جذاب ورقيق جدآ بصتله وذوقه عجبها وهي بصاله
عمران:حلو؟
عشق استوعبت نفسها بعدت نظرها عنه:مش هتفرق
عمران نفخ بضيق وخرج
سليم قاعد بيفطر واحلام بصاله وهو متجاهل هو قرر يربيها بس مفيش فايده تالين بتلعب مع ايان وهو حاسس انها هتهجم عليهم بيهدي نفسه هو وقفها وفي نفس الوقت مكنش قاسي معاها ورجعها في وقتها ودا هيخليها تاخد بالها شوية من تصرفاتها
ايان حضن تالين وضحك وهي ضحكت وبتلعب معاه بالكورة وبعدين بصلها:انا هطلع
تالين:ليه يا صغنن
ايان كشر:هشوف عشق انا
تالين ضحكت:ماشي يا عم حد قالك حاجة تعالي يلا اركب على كتفي وهوديك
ايان نط عليها وهي ركبته على كتفها وطلعت شافت عمران نازل وابتسم اول مشافه وايان ضحك:بابا
عمران ابتسم وهو شايف فرحت الملاك الصغير دا
احلام وقفت بغضب:بابا؟؟
عمران بصلها وبيترجى ربنا انها متتكلمش وتكسر بخاطر ايان وسليم شدها عليه وهمس:هنرجع تاني؟هنعيده تاني؟
احلام بحزن:انا رايحة عند اماني محتاجة اقعد معاها بعد اذنكوا بقى
مشيت وتالين اتنهدت بضيق وايان باصصلها وهي ابتسمت:يلا يا قلبي نشوف عشق طلعت وعمران بص لسليم:عايز اتجوزها في خلال الأسبوع دا؟
سليم:انت مش شايف انك بتتسرع
عمران:انت هتعمل زي ماما
سليم هز راسه بنفي:لاء بس مستغرب تسرعك قلقان مش عليك منها لاء عليها هي قلقان تكون نزوة في حياتك وتبقى اخترت الشخص الغلط لأنك هتبقى حرمتها من كل حاجة ودل يتامى انا بهنيها انها برغم الطفل اللي معاها قادرة تشتغل وتربي وتحتويه
عمران:بيتهيقلي ان دا احسن لاني مش هقدر اسيبهم ودول مهما كان يتامى زي منت قولت مش هبقى متطمن يمكن ربنا وقعها فينا عشان نساعدهم صدقني دا الصح
سليم بغموض:يا خوفي لتكون قدرها الأسود
عمران ضحك بغيظ:يا سليم باشا قولك كلمة حلوة ليه اليأس
سليم:لما نشوف
حسام:عمران...
عمران:يا رب استر
حسام ضحك:جاي معاك
عمران:فين يا اخويا؟
حسام:معاك الشركة
عمران بص لسليم:جاي يهبب ايه دا انت زهقت من شركتك وقررت تبيدها
سليم ضحك بصوته كله وحسام بصلهم بغيظ:نعم؟
عمران بضحك:نعم الله عليك اتكل يله من هنا
حسام:هاجي مليش فيه انا عايز اشتغل اي حاجة انا كلها سنة واتخرج
عمران:يعني اخدك اعمل بيك ايه
سليم:انت مش عندك عجز في السكرتارية وعشق بيتهيقلي مش هتيجي خده بقى
حسام بغيظ:انا ليه حاسك بتقوله خده تكسب فيه ثواب او هيقعدلك في عيالك المهم انك بتشحت عليا!
سليم وعمران ضحكوا وهنا عشق نزلت وهي شايلة ايان على كتفها هو مبسوط بصت لسليم:عمي...لو سمحت...
سليم ابتسم بتقدير:ءأمري يا قمر
عشق:انا هخرج اشتري حاجة...
عمران:وانا كيس جوافة؟
عشق باصه لسليم وسليم هز راسه بإيجاب وهو باصص لعمران بإستغراب
عشق جت تخرج عمران شدها وايان كان هيقع فمسكته بخضة وزأت عمران:انت اتجننت انت عارف لو كان وقع ولا حصله حاجة انا كنت هوديك في داهيه
بصو بصدمه وهي شايله ايان وحضناه:ضهرك وجعك لما رجعت لورا؟؟
ايان بأسف:لاء...بس مسكت في شعرك جامد
عشق حطت ايدها على شعرها بألم متداري:المهم انك بخير
مشيت وعمران بغضب هيروح وراها سليم اتكلم:عايزك..
عمران:بابا انا لازم امشي
سليم:قولت عايزك يبقى من سكات تيجي
عمران راح وراه وبصله:نعم
سليم:ايه اللي حصل هي عايزة تتجوزك ولا لاء
عمران:هي مقاومتش
سليم:بس موافقتش؟
عمران:بابا يا ريت تفهمني
سليم بغضب:افهم ايه وهي مش طيقاك ومن دلوقتي الجو بينكوا متوتر
عمران:بابا هو بس في سوء فهم هي فكراني بستغلها انما انا مفكرتش كدا كل اللي عايزه اني احافظ عليها وعلى الولد الغلبان دا معندهمش حد ويتامى
سليم:يعني مبتحبهاش
عمران بصله وابتسم :يعني مش عارف هي عجباني
سليم بغيظ:يعني ايه عجباك
عمران بصله بشرود:مش عارف
سليم:عمران لو مفكرتش بعقل هتندم
عمران:دا عين العقل صدقني...

#رواية_رجل_المهام_الصعبة
للكاتبة/ندى محسن ♕Noody♕
متابعة لصفحتي هنا 👇
#Nada_Mohsen

عز:انزل يا جميل
اوتار ابتسمت ونزلت بصت حواليها وللبيت بقلق
عز: في ايه
اوتار: حاسة بخوف... مش عارفة الحته دي
عز: فقيرة عمرك مشوفتي حاجة كدا
اوتار هزت راسها بنفي: لا مش حكاية فقيرة.... مخيفة
عز مسك ايدها وحط ايده ورا ضهرها: انا معاكي يلا
دخلوا بيت وفتحلها راجل بسيط ارتاحتله نفسيآ وهو ابتسم: اتفضلوا
عز دخل وهو ماسكها: مراتي
الراجل ابتسم بتقدير: اهلآ يا بنتي
عز: ايه الاخبار وليه عايز تشوفني
الراجل بصله ومدله صورة وهو استغرب مسكها وكانت صورة حلم وهي قاعدة سرحانه: ايه دا؟ انت تعرفها منين
الراجل: دي اللي انت بتلعب عليها مش كدا؟
عز اتفاجا ازاي الراجل دا عرف والراجل غضبه زاد لما ظنه طلع صح واوتار مستغربة
عز: انت عرفت ازاي
الراجل: ظابط بيلف حوالين مجرمة فاكر انها غريبة عنه دا معناه ايه؟
عز: فاكر؟ هي تبقى مين دي اصلآ
الراجل: اختك....
عز:نعم؟ انت بتقول ايه انت اتهبلت؟؟
الراجل:اختك بقولك اختك
عز بعدم اقتناع:المفروض اني اصدقك وبعدين عرفت العصابة دي منين وان انا بطاردهم او معاها الا بقى(في ثواني كان مخرج سلاحه ضرب رجل الراجل لوى ايده لورا في ثواني وحط المسدس في رقبته)الا لو معاهم بقى
اوتار صرخت بخوف:عز انت بتعمل ايه سيبه
عز بصلها بتحذير انها تسكت وهي اتفاجات بملامح وشه وجموده الغير معتاد
الراجل:هتقتلني عشان قررت اقولك؟
عز:تقولي ايه انت بتفتي ولا بتلعب بأعصابي
الراجل:هي اختك روبرت عارف كدا بس الكبير امر انه يقتلكوا دانيال كان عايز يقتلكوا
عز:ودا ليه
الراجل:كان فيه عداوة بينه وبين ابوك...ابوك كان مقدم في المخابرات كان راجل طيب واصيل وعشان كدا مقدرش يكمل كان بيطارد دانيال وهو لسة شاب ودانيال خطت يقتله عشان ينتقم لأبوه اللي مات على ايده وكان عايزني اساعده وانا شغال عند ابوك قولتله وهو قال انه هيسافر وهينهيه سابك معايا وامك كانت مع لارا وحلم التوأم اللي يا دوبك لسة مولودين في المستشفى...
عز بيسمعه بذهول وحاسس انها اقرب لحدوته لفيلم قديم لخيال مستحيل تكون حقيقة صدمته مقلتش عن صدمة اوتار
الراجل بدموع مكتومة:ابوك راح المهمة وفعلا مرجعش...دانيال قتله وحتى مستلمناش جثته وكان عايز يموتك انا وقتها وديتك الملجا واطمنت ان راجل زي سليم المنشاوي خدك ومتعرفش خوفي كان ازاي لما عرفت انك...عرفت انك بقيت رائد....وبتتقدم في طريق اتسبب في موت ابوك
عز سابه بصدمه
الراجل كمل وهو قاعد:دانيال لما فشل يلاقيك وانا انكرت اني اعرف مكانك خد امك والبنتين وعرفت بعديها من خلال روبرت اللي بيتأكد من سكوتي واللي اصر اني ابقى معاهم في حتت متدارية تحسبآ لأي ظروف ان امك ماتت بحزنها على حب عمرها عزام....والبنتين حلم ولارا هما مع دانيال لسة....بس اسوا ما يكون....
عز بعدم تصديق:لاء دا دا غلط....
الراجل جبله شهايد الميلاد:دا دين اتأخر بس صدقني غصب عني صدقني مكنتش عارف هعمل ايه انا اسف بس انا مستحملتش ميتحملتش انك تموت اختك ولا تحكم عليها كفاية اللي هي فيه دي دانيال معتمد عليها في معظم عمليات التهريب بتاعته غير عينه الزايغه واللي حاميها روبرت دراعه اليمين صدقني متستاهلش انك تعذبها
عز باصص للورق وبص لأوتار اللي مصدومه وخايفه من المجهول اللي منتظرهم
عز بشرود:كان اسمها فلورا...كان اسم مميز....
اوتار مسكت ايده وهو ضغط عليها وبص للراجل:اعمل ايه المفروض اعمل ايه وليه دلوقتي ليه دلوقتي يظهر كل دا
الراجل:اسمي الحقيقي احمد بس بيقولولي چورچ...تعمل ايه معرفش انما اللي اعرفه انك متأذيش حد فيهم عشان دول من دمك...
عز مسك اوتار وخرج:يلا بينا
اوتار ركبت بهدوأ وهو بصلها وهي مسكت ايده:حبيبي انت كويس؟
عز هز راسه بنفي:تايهه
اوتار ابتسمت بحنان وباست ايده:انت لازم تاخد قرارك دول اخواتك
عز هز راسه بنفي:مش قبل متأكد....
راح على البيت وبسرعه طلع يشوف حلم ملهاش اثر لقى ورقة على السرير فتحها وقرأ«للأسف كنت غبي او كنت بتستغباني انت طول الليل كنت مع مراتك وانت فاكر كل حاجة ولو بتفكر تدور ورايا انسى انا هتغاضى عنك عشان انقذت حياتي مش اكتر وحلم مفيش حد ليه جمايل عندها»
حط الورقه في جيبه قعد وراسه بين ايده حس بإيد على كتفه رفع عينه:مشيت
اوتار حضنته:وبعدين
عز وقف فجأة وبص على السرير مكانت بتنام بقى يفحصه بعناية ولقى شعرة لون شعرها حطها في منديل وجه ماشي مسكت ايده:هاجي معاك مش هسيبك...
عز ابتسم بحنان وبهدوأ:حبيبتي انتي حامل لازم ترتاحي خلاص
اوتار:مش هرتاح طول منت بعيد صدقني انا معاك
عز استسلملها واستسلم لرغبته:امري لله يلا
نزل
سليم:على فين تاني حبيبتي انتي لازم متتحركيش كتير عز انا هوصيك عليها
عز:في مشوار مهم وبعدين مين قالك اني افتكرت؟
سليم بص لتالين وتالين بصتله بغيظ
عز ضحك:سوسة اوي يا بت انتي
تالين:مهي مشيت البعبع وبعدين يا عز انت كنت باين اوي كفاية وجودك مع اوتار واللي مقدرتش تمنعه
عز بصلها بغيظ وبص لأوتار: يلا
مسك اوتار ومشي على المستشفى
عشق رجعت مع ايان جايبة شنط حست بإيد مسكتها مسكت ايان بخضة
عمران بغيظ:في ايه انا بخوف
عشق بضيق: عايز ايه
عمران: كنتي فين
عشق: كنت بشتريله حاجات
عمران: منين؟
عشق بقلق بصت لتحت: من فلوسك اللي ادتهاني....
عمران بضيق منها ضرب دماغها بصباعه: اقصد المكان بلاش غباء
عشق: من اقرب محلات هنا
عمران: امممم
ايان باصصله
عمران شاله وابتسم: انت بتحلو بسرعه كدا
ايان ابتسم وباس خده
عمران: تصدق وحشتني اووي انا مروحتش الشغل لغيت مشوفك
بص لعشق وابتسم وهي مش بصاله:روح شغلك يلا يا ايان تعالى معايا
خدته وطلعت وهو نفخ بضيق:هيطلع عيني انا عارف

#رواية_رجل_المهام_الصعبة
للكاتبة/ندى محسن ♕Noody♕
متابعة لصفحتي هنا 👇
#Nada_Mohsen

عز ودا الشعرة المعمل عشان يتاكد من تحاليل DNA وطلبهم يستعجلوا اوتار ماسكه ايده وهو ابتسم بحنان:انا كويس يا روحي
اوتار حضنته وبصاله باين على وشها التعب
عز:انتي كويسة
اوتار وقفت:هروح الحمام
مشيت بسرعه وهو عرف انها هترجع وقال للممرضه انهم في الحمام جري على هناك كانت بترجع وهو مسك دماغها وهي حاسة ان معدتها بتتعصر وهو حاسس بيها عيطت غصب عنها غسل وشها وحضنها:بس بس اهدي
اوتار بدموع حضناه وهي حاسة بالضغط اللي عليه وهو قلق:ايه يا قلبي مالك؟حاسة بأيه اوتار قولتلك لازم ترتاحي حرام اللي بتعمليه فيا دا
اوتار حضنته بكل قوتها وهو حس بخوفها عليه بقى يطبطب عليها:يا حياتي انا كويس اهدي اوتار انتي معايا ودا يكفيني صدقيني
اوتار بعدت ومسحت دموعها ومسكت ايده:انا مش عارفة ليه دا كله بيحصل معانا بس...خير...خير..
عز ابتسم:خير يا قلبي
الممرضة جت:لو سمحت الدكتورة طلباك
راحوا والدكتورة بصتله:تحاليل ال DNA متطابقة فعلآ
عز بهدوأ هز راسه بإيجاب وخدهم:شكرا...
مسك اوتار وخدها على عربيته وقفوا في مكان فاضي عند النيل حته بتنزلها بسلالم ومن تحت مليان بالطوب مسك ايدها ونزلها بهدوأ وهي بصاله قعد على اخر سلمة والهوا مع شكل الشمس كان شكله خيالي
اوتار قاعده على السلمة اللي فوقيه بالظبط حطت ايدها على شعره وضمته بحنان وهو بصلها
اوتار:ناوي على ايه
عز:دي اختي....بس مجرمة....وكل الأوراق ضدها دانيال ما هو الا مشتبه فيه وهي اللي شايلة الليلة
اوتار:حاول تتصرف يا عز عشان متندمش فكر على مهلك
عز:مش محتاجة تفكير انا مش هسلمها بإيدي وهعمل المستحيل لو هي فعلآ عايزة تتغير اتمنى تكون فيها شوية امل
اوتار ابتسمت وحاوطت وشه:انا واثقة انك هتعمل الشيئ الصح
عز ابتسم وسند راسه على رجليها وهي بلعب في شعره فضلوا ساكتين الدقايق بتعدي ببطئ وقف عز وبصلها:يلا اروحك انا مخنوق
اوتار:وانت
عز:انا هروح اشوفهم فين هروح للراجل دا اللي اسمه احمد واعرف مكانهم
اوتار:انا
عز قاطعها:كفاية عليكي مشاوير انتي هتروحي ترتاحي ومتعمليش حاجه فاهمه مش عايز حاجة تتعبك اكتر كفاية انك تعبانه
اوتار هزت راسها بإيجاب واستسلام
روحها ومطلعش حتى معاها راح عند بيت احمد لقى الباب مفتوح دخل:احمد يلي هنا
شاف الدنيا في حالة فوضى وفي دم على الأرض اتصدم ومشي ورى الدم لحد مدخل الحمام شاف احمد ميت والسكينه رشقه في صدره ومتغرق بالدم والأرض مكتوب عليها بالدم (سرا)حس بخطوات وراه لف ومسك ايد اللي كان على وشك ضربه بالسكينة

#رواية_رجل_المهام_الصعبة
للكاتبة/ندى محسن ♕Noody♕
متابعة لصفحتي هنا 👇
#Nada_Mohsen

عشق بتلعب مع ايان بسعادة وتليفونها رن ردت:الو
هاشم ضحك:تصدقي وحشتيني
عشق بإستغراب:انت مين وعايز ايه
هاشم: لحقتي نسيتيني طبعآ مهو معاكي اللي ينسيكي الدنيا بحالها وقعتي واقفة يا بنت ال
عشق بغضب واخيرآ عرفته: انت اياك تغلط او تجيب سيرة ابويا فاهم
هاشم :فاهم فاهم اوووي كمان بقول ايه مش هطلع من المولد بلا حمص بصي يا قمر انتي وقعتي على بنك فلوس هتسحبي وتديني وانا اوعدك هسيبهولك
عشق بغضب وصوتها علي:انت ايه يا اخي انت جبلة مبتحسش انا كل اللي انا فيه دا بسبب ينعن ابو الفلوس اللي تعمل كدا ابعد عني وسيبني في حالي واخبط دماغك في اتخن حيطة حسبي الله ونعم الوكيل
رمت التليفون وعيطت وايان قرب منها بنظرات حزن:انتي بتعيطي ليه طب اهدي طيب مين كان بيكلمك مين ضايقك
عشق بتعيط بإنهيار:يا رب بقى ساعدني مستحيل جوازي من البني ادم دا يبقى حل مستحيل بأي شكل من الأشكال
انهارت في العياط والباب خبط وهي بقت تمسح دموعها بس خلاص مبقتش عارفة ولا قادرة تسيطر على نفسها
تالين دخلت:عشق حبيبتي مالك عشق؟
عشق منهارة:سيبيني يا تالين سيبيني واخرجي لو سمحتي
تالين بإصرار:لاء مش هسيبك لاء حبيبتي قوليلي مالك
عشق بإنفعال ونرفزة:تاالين سيبيني لو سمحتي والا انا همشي
تالين:طيب طيب اهدي انا تحت لو عوزتي اي حاجه ناديلي بس
خرجت وعشق بتعيط وايان دموعه نزلت وقرب حضانها بتعيط خدته في حضنها بحنان وحست انها رخيصة انها مش من حقها تفرح او تعيش زي مهي عايزة مش من حقها الشخص اللي تتجوزه تكون بتحبه كل حاجة مفروضة عليها هي مش من حقها اي حاجة
عشق بصت لأيان وحاوطت وشه بلطف ودموع:توعدني وعد صغير بس توفي بيه عمرك كله
ايان هز راسه بإيجاب وببراءة:ومش تعيطي
عشق ابتسمت بحنان:ومش اعيط
ايان ابتسم مسح دموعه بإيديه الأتنين:اوعدك
عشق غصب عنها ضحكت بدموع:مقولتش حاجة لسة
ايان:اوعدك على اي حاجة متخلكيش تعيطي
عشق ابتسمت:هتوعدني انك لما تكبر يبقى ليك مستقبل عظيم وكبير توعدني كل يوم انك مش هتتخلى عني ولا تسمح حد يجرحنا تاني اوعدني انك مش هتخلي حد يجرحنا او يقلل مننا
ايان ابتسم:اوعدك اوعدك اوعدك وهبقى اكبر من عمران والناس تخاف مني وعندي عضلات كتيرة وايدي وبطني وضهري
عشق ضحكت على افكاره وحضنته:هتبقى احلا ولد في الدنيا هتبقى اجمل راجل واشجع بطل هتبقى احسن من ميت عمران
ايان ابتسم وهي ابتسمت على افكارها

#رواية_رجل_المهام_الصعبة
للكاتبة/ندى محسن ♕Noody♕
متابعة لصفحتي هنا 👇
#Nada_Mohse

حسام:منا مش فاهم انا مش عارف انت ازاي تعاملني المعاملة الرديئة دي
عمران:رديئة ليه ان شاء الله
حسام:مخلي اقل موظف عندك هو اللي يضربني على الشغل والله حضرتك ال يعني مش عارف
عمران بإبتسامة خبيثة:انا هنا رئيس مجلس الإدارة فأتلم دا رقم واحد انما بقى رقم اتنين انت فاكر نفسك هتيجي تبقى نمبر وان هنا ملازم تتعب ويطلع عينك ومحدش يعرف اني اخوك فاااهم
حسام:امممم انا كدا فهمت اللي عمله سليم باشا فيك بتطلعه عليا يعني مريض نفسي ودي مصيبة تانية خالص
عمران بغضب وغيظ وقف وبيقرب منه وحسام جري على برا الموظفين بصوله
حسام:لاء رئيس مجلس الإدارة كان بيتفاهم معايا
كتموا ضحكتهم وحسام عض على شفايفه بغيظ:والله لتشوف يا عمران
خالد:انت مشيت من غير متقول على فكرآ في هنا انضباط انا مش عارف ازاي عمران بيه قبل يشغلك يلا خليك تخلص باقي الورق
حسام بيتكلم في سره:لولا ان شرطك ان محدش يعرف اني اخوك كنت وريتك بس الصبر حلو

#رواية_رجل_المهام_الصعبة
للكاتبة/ندى محسن ♕Noody♕
متابعة لصفحتي هنا 👇
#Nada_Mohsen

سارة فاقت حست نفسها جسد بلا روح حطت ايدها على راسها شافت دم عرفت انه بسبب ضربهم عشان يحاولوا يسيطروا عليها غمضت عينها بدموع وهي مش قادرة تتحرك حست ان ايدها مكسورة قربوا منها:هنعمل فيها ايه دلوقتي؟
....:يلا هنخلص منها
سارة منطقتش مبقاش فارق هي خسرت كل حاجة حتى وشها اتشوهه وجسمها اللي كانت بتتباها بيه محدش هيبصلها بالمنظر دا
شولوا وراحوا مكان فاضي عند النيل طلع واحد سكينه وقرب منها حست ببرودة السكينه على رقبتها
.....:انجز في ناس جايين
اللي معاه السكينه دبحها وبسرعه جريوا والشباب اللي كانوا ماشيين لاحظوا واستغربوا واتصدموا باللي واقعه بتطلع في الروح......

#استودعكم_الله ♥
يا ريت الكل يعمل متابعة لصفحتي بينزل عليها الرواية بدري 👇
#Nada_Mohsen

اسئلة الحلقة:-
هل في امل ان تقى تتغير وتنسى كل حاجة عن ماضيها ؟! احلام مش هتتغير من يوم وليلة بس تفتكروا ان سليم قادر على انه يخليها تتحكم في نفسها؟! مين اللي ممكن يكون موت احمد ومين اللي كان هيضرب عز؟! رأيكم ايه في عقاب سارة مع العلم ان دي مش هتكون نهايتها؟!.......

الاكثر قراءة هذا الشهر :
رواية رجل المهام الصعبة كاملة 
رواية غروب الروح كاملة 
رواية هنا التقينا كاملة 
رواية عاشقان الروح كاملة 

موعد الحلقة الجديدة الساعة  10 م  يوميا ان شاء الله .

هنا تنتهى احداث رواية رجل المهام الصعبة الحلقة الخامسة والعشرون ، يمكنكم اكمال باقى احداث رواية رجل المهام الصعبة الحلقة السادسة والعشرون  أوقراءة المزيد من الروايات المكتملة فى قسم روايات كاملة .

نأمل أن تكونوا قد استمتعتم بـ رواية رجل المهام الصعبة ، والى اللقاء فى حلقة قادمة بإذن الله ، لمزيد من الروايات يمكنكم متابعتنا على الموقع أو فيس بوك ، كما يمكنكم طلب رواياتكم المفضلة وسنقوم بوضعها كاملة على الموقع .
تعليقات



حجم الخط
+
16
-
تباعد السطور
+
2
-