رواية جريمة عشق الجزء الرابع الحلقة السادسة والعشرون 26 | روايات مريم نصار

 نقدم اليوم احداث رواية جريمة عشق الجزء الرابع ميراث العشق الحلقة 26 من روايات مريم نصار . والتى تندرج تحت تصنيف روايات رومانسية ، تعد الرواية  واحدة من اجمل الروايات رومانسية  والتى نالت اعجاب القراء على الموقع ، لـ قراءة احداث رواية اسيرة العادات والتقاليد كاملة بقلم مريم نصار من خلال اللينك السابق ، أو تنزيل رواية جريمة عشق 4 pdf كاملة  من خلال موقعنا .

رواية ميراث العشق مريم نصار الفصل السادس والعشرين

الحلقه ٢٣ ج 2

رواية جريمة عشق ٤
(ميراث العشق)

وغدًا يصيرُ الحلمُ أمرًا واقعًا
وتطيرُ من فرح البشارةِ ضَاحكا."

______________________________________

بسم الله نبدأ .

بعد فتره .

زين وعيلته رجعو من عند أشرف عزيز وزعلو جدا ع ميرو . وليليان جريت تطمن عليها ..

فهد : جه علشان ياخد عيلته. واطمن ع ميرو . ومشيو ..

آدم : شاف مريم قاعده والحزن مسيطر عليها . ومسح وشه بايديه بتعب . وقال مراد ياحبيبى . اطلع وانقل ميرو ع جناحي ..

مراد : من وقت ما عرف بحب بنته وهو ساكت تماما .

آدم مراد : قام . خليك انت يابابا . انا هطلع ..

مراد : هز راسه ليه . وسكت ..

آدم مراد : طلع . ودخل عند ميرو . وشاف لليليان قاعده جمبها وبتعيط .. وقال ليليان قومي اغسلى وشك ومريم مافيهاش حاجه.

ليليان : قامت وبتعيط بصمت . وراحت ع اوضتها..

آدم مراد : قعد جمب مريم ومسح جبينها . وباس راسها .
. وشالها. ونزلها جناح آدم .. ونزلها ع السرير وشد عليها الغطا . واتعدل . وفضل يبص ع وشها بحيره كبيره ...

آدم : قام ومسك ايد مريم . وقال . مراد خد مراتك واطلع ع جناحك .
. وانت يازين . ومش عايز حد يفكر كتير . حفيدتى تحت رعايتى . اتفضلو ..

كل واحد سمع كلام آدم وطلعو فوق ..

تالين : بحزن . بابا ممكن حد ينام معايا انهردا ..؟

مراد : ابتسم بتمثيل . روح قلبى تؤمر أمر . وشاف التعب واضح ع فريحه . وقال بس انا عندى فكره اجمل . ايه رايك انتى بقى تنامى معانا انا وماما ..؟

تالين : بفرحه ياريت يابابا .

فريحه : ابتسمت بحب ومسكت ايد تالين ومراد ساند فريحه . وطلعو اوضتهم ..

------------------بقلمي مريم نصار

عند فهد ..

رينو : قاعده ف السرير بتعب ..

فهد : قعد خلفها . وبيعملها مساج ف راسها . وقال مالك ياحبيبتى..

رينو : مغمضه عينيها وقالت . ميرو يافهد ..

فهد : اتنهد بزعل . انا بجد مش عارف ايه الل قلب كل الموازين كدا . ومش داخل دماغي إن حادثه توصل ميرو للحال ده ..

رينو : رفعت عينيها ل فهد وقالت . انهيار عصبي يافهد ...

فهد : فتح عينيه بصدمه . انتى بتقولى ايه يارينو؟

رينو : ميرو عندها انهيار عصبي . وانا صممت إن فريحه متشوفش العلاج .
. وسلمته لريتال بعد ما رجعت . انا بجد محتاره . انا مابقتش فاهمه حاجه .

فهد : هز راسه بحيره . طيب متعرفيش مريم مثلا بتمر بظروف نفسيه او اي حاجه ..

رينو : بتريقه . مش لما جوزى حبيبى يقولى ايه الل حصل معاك انت وتيم يوم خطوبة ليليان ؟ لما اعرف بنت اخويا بتفكر ف ايه؟او بتمر بايه؟

فهد. : ابتسم . وضمها لقلبه ياروحي ما انا قولتلك كان حوار عادى جدا..

رينو : بنرفزه .. ولما هو حوار عادى جدا . انت مش راضي تقول. ليه لحد دلوقتي .
. تيم كان جاي ياخدنى انا وآرين و آركان ع الحفله . ومكنش يعرف انك رجعت من السفر .
.ولما انت موافقتش انه ياخد آرين معاه ف العربيه . تيم طلب منك تقعدو ع انفراد . وبعدها انت وافقت إن آرين و آركان يرحو مع تيم وكنت مبسوط جدا ..

فهد : ضحك ع نرفزتها . وباس خدها. طيب اهدى ياروحي وانا هقولك حاضر. هو انا عندي كام نجمه ..

بصي . تيم اتكلم معايا بصراحه . وقالى انا عارف يافهد انك بتغير ع رينو و آرين من اى حد .
وده حقك . وانا لو مكانك هعمل زيك . بس انا عايز اقولك حاجه مهمه .
. آرين بنتى واختى .وكبرت بيها و معاها . وهي زي تمارا بالظبط .
. ومفيش جوايا اى حاجه غير إن آرين مسؤوله منى ف غيابك وحضورك .
رينو امي وآرين اختى . وعايزك تشيل فكرة إن ممكن يكون جوايا حاجه من ناحية آرين ..

.بينى وبينك مخبيش عليكى فرحت جدا .

رينو : بصت ل فهد بزعل. .

فهد : ابتسم . لا مش قصدي كدا . انا طبعا اتمنى واحد زي تيم لبنتى .
.لكن انا حافظ آرين يارينو. آرين تيم بالنسبه ليها اخ مش اكتر .
.كل خوفى إن تيم يتعلق ببنتى . وبنتى متفكرش فيه. او العكس .
. رينو !!؟ .. انا تعبت اوي ف حبك . ومكنتش عايز حد يتعذب وخصوصاً حب من طرف واحد . وده الل انا مش هقدر اتحمله لأفراد عيلتى.

رينو : اتنهدت . ماشي يافهد كويس انك اطمنت . والحمدلله إن مفيش حد فيهم بيتعذب ..

فهد : بص قدامه . وقال جواه .. انا متأكد من إن تيم بيتعذب ..

------------------بقلمي مريم نصار.

بعد فتره .. فيلا العدوي ..

ف جناح آدم ..

ميرو : نايمه تحت تأثير المهدئ ..

مريم : قاعده جمب ميرو وحطه أيدها ع جبينها وبتقرا قرآن ليها.

آدم : قاعد جمب ميرو من الاتجاه التانى . وبيقرا ف الورد اليومي وخلص وحط المصحف ع الكمود ورجع بضهرو لورا .
. وجواه عكس كل حاجه . ومش مقتنع ب ولا كلمه من الل حصل انهردا .
.وفكر بحيره إن ممكن يكون حصل حاجه مع تيم وميرو. ف عيد الميلاد .
. واتخانقو مع بعض.؟ او ميرو شافت حاجه وصلتها للحاله دي ؟ لأن حتي تيم مرجعش معاها . خروجه قلبت موزاين البيت يا آدم ياعدوى .
. وغمض عينيه واخد نفس عميق .. وبص ع مريم . وشافها بتقرا قرآن ع جبين ميرو ..

مريم : صدقت . ومسحت وش ميرو وباست جبينها بحب كبير ..

آدم : ابتسم . شبهك اوي ميرو ياحبيبتى .

مريم : بابتسامه جميله . ميرو ملاك يا آدم . بجد زعلانه عشانها ونفسي ترتاح بقى .وعيونها لمعت بدموع.

آدم : قام من مكانه وراح قعد جمبها ومسك أيديها الاتنين. وقال . وبعدين يا أميرة آدم ماينفعش كدا. وبعدين انتى مش واخده بالك انى كسرت القواعد وحد شاركنا ف جنة آدم. ؟

مريم : ابتسمت بحب .. اه والله يا آدم انت متعرفش وقت ماقولت حفيدتى هتنام ف الجناح بتاعي متعرفش انا فرحت قد ايه . ربنا يديمك ف حياتنا كلنا يارب ..

آدم : باس ع ايديها الاتنين وقال .. انتى بس شاورى وآدم وكل حاجه هنا وف العالم كله رهن اشارتك ياملكة قلب آدم ..

مريم : بتنهيده ربنا يحفظك ياحبيبى ويباركلى فيك ولا يحرمنى منك.

آدم : شاف ميرو بدءت تفوق .وهمس ميرو ..

مريم : مسكت ايد ميرو بسرعه . بنت قلبى اسم الله عليكى ياروحي ..

ميرو : فتحت عينيها بتعب .وهمست بابا آدم...

آدم : قلبه دق بحب كبير لبنت قلبه .وقام قعد جمبها وباس جبينها . حبيبت جدها ..

ميرو. : بدموع وتوهان .لأ انت مش جدو انت بابا آدم وبس ..

آدم : بيكابر دموعه وضحك. ايوه صح انا بابا آدم وبس .

ميرو : فتحت .. وابتسمت بوجع ماما مريم ..

مريم : مسحت دموعها وابتسمت . عيون ماما يابنت قلبى .انتى كويسه دلوقتي؟

ميرو : حاولت تقوم. وساعدوها. وقعدت ف النص بينهم . وبتحاول تفوق لكن هي تحت تأثير المهدئ ..

آدم : اتصل ع الارضي. الو زينب. ابعتى اكل ميرو ع جناحي بسرعه .وقفل .

وبعد شويه .مريم وآدم اكلو ميرو بالعافيه.

مراد وفريحه . واقفين بعيد واطمنو ع ميرو . ومراد حاوط كتفها واخد فريحه ورجعو ع جناحهم .

ومراد جواه استريح لما شاف احتواء ابوه وامه لبنته حبيبت قلبه وروحه..

بعدها .

ميرو : بتعب انا هروح انام ف اوضتى ..

آدم : بهزار. خلاص بقى مش هينفع انتى كسرتي القواعد هههههههه.

ميرو : من جواها الكلمه وجعتها . لانها شافت فعلا انها كسرت القواعد وجابت العار لأهلها ..
. وقالت جواها حتى لو غصب عنك يامريم لكن خلاص انتى بقيتى عار ع عيلتك الل بتحبك ومستعده تعمل عشانك اى حاجه..

مريم : ميرو روحتى فين ياحبيبتى ..

ميرو : انتبهت وابتسمت بوجع متدراي . ابدا ياماما . انامعاكم ..احم .بس...

مريم : مسدت ع ضهرها بحنان .. انتى مش عايزه تنامى ف حضنى ؟

ميرو : بتمثيل. وبابا آدم؟

آدم : بتريقه مجبر .. بابا آدم مجبر. وكمل بمكر وهي ليله وربنا يصبرنى ع بعدها بقى . هعمل ايه.؟

ميرو : ابتسمت وسكتت ..

مريم : هزت راسها بتشكر آدم. وقالت اجبلك غطا ومخده ..وا.....

آدم : كشر عينيه وقاطعها .. وقال لأ وانتى مفكره انك هتنامي بعيد عنى ؟

مريم : كشرت عينيها بعدم فهم . اله اومال ايه بقى يا آدم . الله يهديك.

آدم : هز راسه لأ يامدام . انسي . وبص ل ميرو . بت ياميرو. اتاخري ع طرف السرير ده.
. ايوه انتى هتنامى ع الجمب ده مكاني ومريم اميرتى هتنام ف النص .
.وانا مكان اميرتى. ايوه ما انا مش هسمح لأى حد ينام مكان اميرتى غيرى.

مريم : غصب عنها ضحكت ..يا الله عليك يا آدم..

آدم : نام ع طرف السرير وقال تصبحو ع عشق ال آدم.

مريم : ههههه وهزت راسها بيأس . عارفه كلامك الل هيمشي ف الآخر ..

آدم : مغمض عينيه وقال مش ده الرد الل مستنيه يامدام .

مريم : ههههه . تصبح ع جنة مريم ..

------------------بقلمي مريم نصار.

تانى يوم . عند محمد عزيز ..

نور : بتجهز الغدا. وبتكلم محمد ف الفون. وقالت . ايوه ياحبيبى.
.انا معرفش رجع امتى . انا دخلت الساعه ٩ الصبح . لقيته ف الحمام بياخد شاور .
وبعدها خرجت . واستنيته يخرج من اوضته مخرجكش.
. والساعه بقت ١١ انا قلقت عليه. خبطت ودخلت لقيته نايم .
.بس اشك انه كان نايم اصلا . نديت عليه مره واتنين. ومردش عليا . سبته وخرجت .
. دلوقتي بقى لقيته لابس ومتشيك كدا . وقالى انا خارج ..
قولتله رايح فين.؟ قالى عند بابا آدم . وسابنى ومشي ماستناش حتى أقوله استنى خدنى معاك .او يفطر ولا يشرب حاجه قبل ما ينزل .

محمد : نفخ بنفاذ صبر . ومسح وشه بايدو مش عارف يانور . الواد ده انا مبقتش قادر أفهمه . عموما انا مفيش عندى نبطشيه انهردا . هرجع ع المغرب إن شاء الله.وهنعرف كل حاجه .. تمارا فين؟

نور : تمارا . راحت مع ليليان وبنات العيله وآريان وكريم يشترو فساتين الفرح .

محمد : ابتسم بحب . ربنا يوفقهم يارب.

------------------بقلمي مريم نصار.

ف فيلا العدوي ..

آدم ومريم وتالين وفريحه قاعدين مع بعض ..

فريحه : قامت . ماما انا هاخد الغدا لميرو فوق .

مريم : ابتسمت ياريت يافريحه. متنسيش تخليها تاخد علاج الفيتامين هتلاقي البرشامه جمب المصحف ف اوضتى ..

فريحه : حاضر ياحبيبتى. هتيجي معايا ياتوتا ؟

تالين : قامت حاضر ياماما .. واتحركو ..

بعد شويه ..

تيم ..دخل الفيلا . وجواه.مدمر تماما . وعندو صداع غير محتمل لانه منامش من امبارح . ولكن كالعاده ابتسم بوجع متدراي. السلام عليكم.

آدم : ومريم وعليك السلام ..

تيم : باس ع أيد آدم ومريم . وباس جبينها اذيك يا ست الكل ..

مريم : الحمد لله ياحبيبى .. مالك عينيك حمرا ليه كدا ؟

تيم : مش عارف ممكن تكون حساسيه ..

مريم : سلامتك يا نور عيني .. تشرب ايه؟

تيم : ياريت قهوه ساده .

مريم : عزه قولى ل زينب تعمل قهوه ساده لتيم ..

عزه : حاضر يا ست مريم

تيم : قال ل آدم من غير مايبصله .. اذيك يابابا ..

آدم : كشر عينيه بشك .. وقال تمام يادكتور . ايه من وقت ما وصلت مريم وانت مختفي . انت حتى مدخلتش توصل (الامانه) لحد عندى ..

تيم : بلع ريقه بغصه والكلمه وجعته جدا . وقال آسف ا.انا . كان عندى مشوار مهم جداً وا.... ووصلتها ومشيت عشان .متاخرش ..

آدم : رفع حاجبه بعدم اقتناع. وقال بطريقه غير مباشره . انت شوفت الحادثه يادكتور؟

تيم : فهم قصده . وقال ايوه والطفله توفت . بصراحه من وقتها وانا مش قادر استوعب.

مريم : بزعل حقيقي انا لله وانا اليه راجعون ..

زينب : جابت القهوه .

تيم : بيشرب . ومش حاسس بطعم اى حاجه . واخد نفس عميق وجمع قوته. وقال بابا انا عايز حضرتك ف موضوع مهم ..

آدم : خير يادكتور تيم ..

تيم : انا طالب ايد مريم ..

مريم : فتحت عينيها بدهشه كبيره جدا وقلبها بيدق بفرحه ملهاش وصف ومش مصدقه الل بيحصل.

آدم : كشر عينيه ..وبص ف عينيه ومط شفايفه امممم...

تيم : بيجمع أعصابه . وكمل وقال . انا بصراحه كنت مستنى لما اخلص سنة الامتياز .
.احم . وجيت انهردا اقول لحضرتك . واعرف رايها . ولو موافقه .
.اجيب بابا وماما انهردا بليل ونتقدملها رسمى
.وياريت نعمل الفرح مع آريان وكريم . يعنى لو وافقت يبقى فرح جماعي .

مريم : بتتفس بسرعه ومش مصدقه وعيطت ..

آدم : ربت ع ضهرها وغمزلها تهدا ..

تيم : قام بسرعه وقعد جنب مريم . واستغرب عياطها .
واترعب لايكون عرفو بأى حاجه . لكن لأ لأ ياتيم . لو عرفوا مكانش ده هيبقى الوضع . وقال مالك ياماما بتعيطى ليه؟

مريم : مسكت ايدو برجفه. بعيط من فرحتي يابن قلبى .انا مبسوطه اوى بالل سمعته ده .. وانا مش هلاقى لحفيدتى احسن منك يانور عيني..

تيم : ابتسم بوجع . خلاص بما انك وافقتى يبقى كل حاجه هتكون تمام .
.وبص ل آدم . بابا لو سمحت . قبل ما تاخد رأي.. احم .. مريم كنت عايز اتكلم معاها قبل الموافقه . ممكن؟

آدم :. من جواه مبسوط لأن ميرو اكيد هتفرح . وابتسم وهز راسه ممكن ..

تيم : جواه حرب عكس الابتسامه الل ع ملامحه . وبيطرد اى فكره يتخيلها عشان مايفقدش صوابه ..

مريم : شقهت . تيم يبنى مال ايديك مجروحه ليه كدا ؟

تيم : فتح ايديه وابتسم بكسره . وقال وقت حادثة البنت الصغيره . بس الحمدلله متقلقيش .

آدم : بشك متداري .. لكن قال جرحك لازم يتعقم ..

تيم : مش وقته . انا بس عايز اتكلم مع مريم . ولو خير .. بعدها ارجع ع البيت عشان اقول لبابا وماما.

آدم : اتصل ع ميرو . وقال هو فون ميرو مقفول من الصبح ليه ؟ ونسيت اسألها ..

تيم : غمض عينيه بتعب . وفون مريم معاه ف جيبه . لكن مردش ..

مريم : تلاقيه فاصل شحن ولا حاجه .وندهت ع مياااده .

مياده : جت تحت امرك يست مريم ..

مريم : بفرحه اطلعى بسرعه وقولى للدكتوره مريم تنزل ضرورى. بسرعه يامياده ..

مياده : امرك .. واتحركت بسرعه ع فوق ..

مريم : بسعاده ربتت ع ضهرو . اشرب ياحبيبى قهوتك ..

تيم : بيشرب القهوه وبيهرب مش عايز يبص ل آدم . وخايف يلاحظ حاجه .
. وقام وقف ورسم ضحكه . احم انا هستناها ف الجنينه .. بعد اذنكم .. ولف ضهرو والغضب اترسم ع وشه ..

آدم : شك ف الأمر .. لكن بص للناحيه الايجابيه ..

ميرو : نازله وقلبها بيدق بخوف كبير . ومش عارفه تفكر . لانهم مش سايبنها لوحدها .. وقالت برجفه . حض...حضرتك طلبتينى؟

مريم : قامت بسرعه وحضنتها بفرحه كبيره جدا . وقالت نور عيني انتى . انا انهردا كملت فرحتى ..

ميرو : كشرت عينيها بعدم فهم ...ومش فاهمه ..

آدم : ابتسم بحب كبير . وقال خلاص ياروحي سبيها هي تعرف لوحدها ..

مريم : طلعتها من حضنها صح . انت كلامك صح يا آدم وهتبقى الفرحه كبيره اوى الحمد لله يارب..

ميرو : انا مش فاهمه حاجه؟

مريم : بضحكه صافيه . هتعرفى كل حاجه. بس اطلعى الجنينه بسرعه . ف حد مهم مستنيكي هناك

ميرو : قلبها دق بخوف . وقالت بتلعثم .ح...حد . حد مين؟

مريم : ههههه متخافيش كدا . اطلعى انتى بس. يلا بسرعه .

ميرو : بلعت ريقها بصعوبه . وخارجه وسمعت مريم بتقول انا فرحانه اوي يا آدم. كدا انا قلبى ارتاح عشان ميرو .

ميرو : ماشيه ف الجنينه .. وع وشها علامات استفهام كتيره .. وشافت حد واقف بعيد عن الفيلا ف آخر الجنينه . وقلبها بيدق بخوف كبير ورجليها مش قادره تشيلها ..

تيم : واقف وحاطط ايدو ف جيبه . وواضح ع وشه الجمود ..

ميرو : ماشيه وقربت من الشخص ده . وشهقت بخضه . لانها عرفته من ضهرو . وهمست بدموع تيم؟

تيم : حس بيها . ولف ليها . وبصلها كتير . نظرات غيره وكُره وعدم تصديق وتعجب واستفهام .وحيره وكل حاجه. جواه صراع كبير ..

ميرو : وقفت قدامه وساكته وبصت بعيد وبتحاول تكون ثابته لكن قلبها بيدق من الخوف ..

تيم : صك ع أسنانه بغيظ واضح ومسح بايديه ع شعرو ومحسش بالألم .. واتكلم معاها بجمود . وقال انا طلبت ايدك للجواز ..

ميرو : اتصدمت .. وكأن وقع عليها ميا ساقعه . وبتنهج من الل سمعته وقلبها بيدق بحجات كتيره مختلفه . صدمه بجد .
( يعنى حلمي جاى ف الوقت الغلط )

تيم : لف ضهرو ليها . وكمل . انا هاخد منك الموافقه قدام بابا آدم . وهروح اجيب بابا وماما ونطلبك رسمى . كتب الكتاب مع آريان وتمارا والفرح معاهم .

ميرو : اضايقت من أسلوبه . وقالت بس انا مش موافقه ..

تيم : لف ليها بغيظ كبير . واتكلم بجمود . ومين قالك انى باخد رايك توافقى او لأ . انتى ماينفعش ترفضي .

ميرو : بدموع ونرفزه ليه ماينفعش ارفض ؟ انا بقولك اهو انا مش موافقه عليك ياتيم..

تيم : صك ع أسنانه بتوعد. انتى هتوافقى يامريم برضاكي أو غصب عنك ..

ميرو : بعصبيه ليييه؟ لييه غصب عني ليه؟

تيم : قرب من وشها بغضب . انتى بعد الل كل الل حصل بتسالى ليه ؟
عشان العيله يامريم .. العيله الل هتتفضح . إن كنتى انتى انانيه ومفكرتيش ف سمعة العيله . ف انا مستعد اموت ولا العيله يمسها كلمه واحده ..

ميرو : اتصدمت ..وقالت ل تيم بانهيار . تيم انت مصدق الل حصل امبارح ؟

تيم : قبض ع ايديه ونزفت دم من تانى . وقال بحده . انا قولت الل عندى.
. وانتى المفروض تخافى ع سمعة بابا آدم الل بيفضلك عن أحفاده .
.تخافى ع سمعة ماما مريم الل لو عرفت بحاجه زي كدا. هتموت فيها. العيله هتتشتت . كل حاجه هتتدمر بسبب...... وسكت .

ميرو : بكسره . بسببى مش كدا؟ متقولها سكت ليه؟

تيم : رفع ايدو ليها يتحذير . وقال اسمعى . انا لحد دلوقتي مش قادر افهم اي حاجه .
.ولا عارف اهدا ولا افكر . وف حاجه غلط اكيد .انا كل حاجه قدامي سودا ..

.وانا مش هسيبه اقسم بالله ماهرحمه . ومش هسكت . لكن اول حاجه هعملها انى احافظ ع عيلتى . وتتفضلى تدخلى دلوقتي وتقوليهم انك موافقه .

ميرو : حطت ايدها ع بوقها بعياط .. وهزت راسها لأ انا مش عايزاك ياتيم .

تيم : غمض عينيه بوجع كبير. وقال تمام يامريم . انا عارف إن انتى مش عايزانى من البدايه .

وفتح عينيه وقال .. سنه يامريم . جوازي منك هيكون سنه واحده بس. عشان احافظ عليكى انا رايح اجيب عيلتى .

ميرو : هتتكلم .

تيم : شاور ليها بايدو مش عايز اسمع منك كلمه واحده... واتفضلى. تليفونك والرسايل انا محذفتهاش
. وياريت يكون ده حلم يامريم . ياريت. وسابها ومشي بسرعه .

ميرو : قعدت ع الأرض مكانها وعيطت بوجع كبير . ومش عارفه تعمل ايه؟
. ومين الل كان معاها امبارح. . وتيم دلوقتي عايز ينقذها من الفضيحه .
. يعنى حب عمرى جالى متأخر. طيب اعمل ايه؟

.لو موافقتش انا ممكن اتفضح ف اي وقت . ولو موافقتش ههرب من نظرات عيلتى و تيم ازاي؟

وفتحت الفون . واتصدمت ..ولطمت ع وشها لما شافت الرسايل . ودلوقتي بس عرفت ليه تيم ممكن يكون مش مصدقها ..
. وبعد شويه وهي قاعده مكانها افتكرت فرحة مريم وآدم .
. وشافت قد ايه الضحكه والسعاده ع وشهم . وكأنهم كانو عارفين بحبها لتيم . وغمضت عينيها واخدت قرار الموافقه بجواز السنه ...

------------------بقلمي مريم نصار.

بعد فتره ..

محمد ونور عرفو من تيم الخبر وفرحو جدا . ونور عيطت من السعاده وكمان عيطت بزعل لان ولادها الاتنين هيتجوزو ف يوم واحد والبيت هيفضى عليهم . لكن محمد حاول يهديها .

نور : قالت لتيم انت اشتريت خاتم الخطوبه؟

تيم : بخفقان ف قلبه. رد عليها لأ .

نور : بصت ل محمد .

محمد : هز راسه ليها متقلقيش . واحنا رايحين هنعدي نشتري لمرات ابنى المستقبليه اجمل خاتم .

تيم : قام من مكانه . وقال انا داخل اغير هدومي ياريت محدش يتأخر . بعد اذنكم .
. ودخل اوضته وحاسس إن ف حبل حوالين رقبته. وفونه رن وكانت كامليا ومردش عليها .. وبعتتله مسج انها بتتصل عليه من امبارح من وقت ما وصلت المانيا ومبيردش عليها . واعتذرت عن أسلوبها مع مريم .

تيم : شاف الرساله .واتنهد بوجع كبير . ومسح وشه بايديه . وحس بالألم. وبص ع ايديه وشافها مجروحه . وقام بعدم اهتمام. اخد شاور وعقم الجروح ولف ايدو بشاش . وبيلبس ..

محمد ونور . قامو بسعاده . وجهزو نفسهم . ونور فاتحه النت بتتفرج ع احدث موديلات خواتم السوليتير . اخدت رأي محمد واختاروا خاتم رقيق جدا .

------------------بقلمي مريم نصار.

بعد فتره .

ف فيلا العدوي .. وكلهم موجودين..

آدم : اتصل ع طارق وبلغه لانه قبل ما يكون جد ميرو هو اخوه وصاحب عمرو .

طارق : فرح جدا . وكمان رنا مبسوطه. وجهزو نفسهم ورنا . اخدت عقد مامتها شيرين كهديه متوارثه من بنات العيله .. وخرجو وجايين ع الفيلا .

مريم : قالت لفريحه . الل كانت هيغمى عليها من الفرحه الكبيره .

ومراد : فرح بسعاده كبيره .. وقلبه استريح لأن بنته اخيرا هترتبط بالل اختاروا قلبها .

زين وريتال مبسوطين جدا . لان هيبقى فرح جماعي .

آدم مراد : ابتسم بسعاده . اولا إن تيم خطب أخته وثانيا كدا يبعد عن آرين . وف نفس الوقت مبسوط لأخته .

ليليان : رجعت مع تمارا وآريان . ومعاهم فساتين الفرح. ومبسوطين.
وليليان اول ما عرفت بخبر تيم أنه جاى دلوقتي يتقدم لمريم رسمي .
الفستان وقع منها واتنططت بسعاده كبيره وحضنت الكل بفرحه مغموره بسعاده كبيره جدا .

. والكل ضحك عليها .. ومن سعادتها كانت هتحضن آدم مراد .الل خبطها ع راسها عشان تفوق.

وضحكت ببلاها . واخدت الفستان وطلعت جري لمريم عشان تساعدها وهي بتجهز نفسها . وتختار ليها فستان ع زوقها ..

تمارا : فرحت جدااااا وجريت ورا ليليان عند مريم .

تالين : طبعا قاعده ف حضن مراد ومبسوطه جدااا .

فهد وعيلته . راحو بطلب من مريم الجزار .ولما عرفو. كانو مبسوطين جدا جدا.

و آرين سقفت بفرحه كبيره واتنططت بسعاده كبيره لكن وقفت مكانها مره واحده لأن آدم مراد بصلها بتحذير .
.وقعدت مكانها محرجه ومش عارفه ليه انهردا حاسه بتوتر تجاه آدم ..

------------------بقلمي مريم نصار.

بعد شويه ..

تيم وعيلته اخيرا وصلو فيلا العدوي .

ومحمد طلب ايد مريم رسمي من آدم ومراد . وتمت الموافقه .

تيم : قاعد بيرسم الضحكه لأنه لاحظ نظرات آدم العدوي .ليه كأنه بيقوله ف حاجه غلط ؟

ليليان : شافت الحزن مسيطر ع ميرو وهي بتلبس وسرحانه ودموعها نازله بصمت .

واتوقعت إن دموع ميرو من الفرحه الكبيره الل حصلت . لكن جواها سؤال . الل هو ميرو قالت إن تيم عندو حبيبه؟
طيب ياترى ايه الل حصل؟ وراحت تسأل ميرو . لكن وقفت مكانها وقالت جواها لأ لأ ميرو ممكن تزعل . اهم حاجه إن تيم لميرو . وميرو لتيم .. لكن سألت ميرو مالك انتى مش مبسوطه؟

ميرو : انتبهت وابتسمت بوجع متدراي. وقالت بالعكس أنا اكتر واحده مبسوطه .

آرين : طلعت تجري بفرحه كبيره ودخلت عند ميرو وحضنتها بفرحه.
. وبلغتهم بكل حاجه تمت تحت عند جدها. وإن الدكتور محمد طلبك رسمى وبابا آدم وخالو وافقوا . وكتب الكتاب اخر الأسبوع مع آريان وتمارا .
. والفرح معاهم . وبكره هتخرجي مع تيم وهتختارى فستان الفرح بتاعك وااااووووو بجد انا مبسوطه اوووى ..

ليليان : سقفت بفرحه ايوووه بقى انا هموت من الفرحه ..

تمارا : بسعاده كبيره وااووو بجد بجد انا مش مصدقه . ميرو القمر دي هتبقى مرات اخويا . انا قلبى بيدق من السعاده ..

آرين : مسكت ايد ميرو . انتى طالعه زى الملاك ياميرو . يلا تعالى انزلى عشان تيم يلبسك خاتم الخطوبه . وبتشدها من أيدها عشان ينزلو .

لكن ميرو متحركتش من مكانها . وحاسه انها ف حلم جميل ممزوج بكابوس مزعج .
. هل ياترى هي بتحلم؟ هي بجد ف حد اغتصبها؟ هو معقول حب عمرها اتقدملها وهيكون جوزها؟ هو بجد تيم هيتجوزنى وهيطلقنى بعد سنه ؟ انا مش فاهمه حاجه ..

(ولا الفانز وحياتك فاهم حاجه )

آرين : شاورت بايديها الووو ميروووو روحتى فين يادكتوره .. هههههههه اكيد مش مصدقه ثح ثح..

ليليان : هههههههه اكيد طبعا . يلا ياميرو عشان اتصل بكيمو واقوله ع الخبر الجميل ده . وكمان البت چود هتفرح اووووى .

البنات اخدوها من أيدها . وميرو ماشيه وتايهه ومش حاسه بأى حاجه غير أنها ضايعه..

مراد : رفع عينيه وشاف ميرو نازله وكانت جميله جدا . ولابسه فستان منفوش باللون النبيتى ولمسات خفيفه من المكيب وكانت ف منتهى الجمال.. وقام من مكانه وراح وقف عند السلم بابتسامه جميله..

ميرو : شافت ابوها . وابتسمت بتمثيل عشان محدش يلاحظ حاجه .

تيم قاعد ومشبك ايديه ف بعض ومخنوق جدا..

فهد : خبطه ف كتفه. وقال عروستك اهي ماشاء الله زى القمر ..

تيم : رفع عينيه وشافها. وغمض عينيه .......

مراد : بضحكه . قمر يابنت الايه . تعالى .ومد ايدو ليها .

ميرو : نزلت بابتسامه .. وحطت أيدها ف ايد ابوها .

مراد : باس ع أيدها . وابتسم واخدها ف حضنه .مبروك ياميرو ..

ميرو : مغمضه عينيها ف حضنه وصكت ع أسنانها عشان متعيطش. لكن صعب جدا . غصب عنها دموعها نزلت مع ابتسامة وجع .
. وقالت بصوت مبحوح الله يبارك ف حضرتك...

مراد : طلعها من حضنه وباس جبينها بحب كبير . وحط ايدها ف دراعه . وراح بيها الليفنج ..

الكل : انبهر بجمالها الهادى . والكل سلم عليها . وجه الدور ع آدم العدوي ..

آدم : قام وقف وابتسم ومسد ع حجابها . ومسك وشها بايديه وباس جبينها . وضمها لقلبه . وقال مبروك ياروحي..

ميرو : حضنت جدها بحب كبير وغمضت عينيها بوجع اكبر . وقالت جواها انا اسفه يابابا.. اسفه جدا .كان نفسي تفضل فخور بيا .وفاقت. وقالت الله يبارك فيك يا بابا .

بعد كدا .

فهد : غمز تيم قوم لبس عروستك الخاتم ..

نور : بسعاده . اتفضل ياحبيبى الخاتم اهو . وكمان الدبله..

ليليان والبنات انبهرو من روعة الخاتم. وااااووووو

تيم : بص كتير ع الخاتم .وساكت ..

فهد : انت يبنى متنح ليه مش مصدق ولا ايه؟ قوم اخلص ..

تيم : انتبه . وابتسم بتمثيل ..واخد الخاتم .. وقام وقف . قدام مريم . ومد ايدو وقال بوجع كبير . ايدك يا..(عروسه) ..

ميرو : الكلمه وجعتها جدا . وفاقت ع صوت الزغاريط . ورفعت أيدها برجفه ..

تيم : اول مره يمسك ايد ميرو . ولبسها الخاتم . بسرعه . وقال مبروك .

ميرو : بشبح ابتسامه هزت راسها ....وسكتت . واخدت الدبله برعشه كبيره . ووقعت من أيدها ..

آركان : جابها . وقدمها ليها .

ميرو : لبست الدبله ل تيم بمعجزه . ومخنوقه بالعياط ..

طبعا الكل متوقع ردود افعال ميرو ع أنها محرجه من حب حياتها ..

بعد كدا . رنا قدمت العقد ل مريم . وفريحه كانت من أسعد الناس .
.ومريم الجزار كالعاده بتعيط بفرحه وبتشكر ربنا بقلبها ..

وعدت الخطوبه ع خير .. وف انتظار كتب الكتاب..

تاني يوم ...

آدم مراد : رفع عينيه ليها وقال بتحذير. تيم حاجه وانا حاجه تانيه يا آرين. واول وآخر مره تحطي أسمى ف مقارنه مع اى حد مهما كان انتى فاهمه -------------يتبع 

الاكثر قراءة هذا الشهر :

رواية ست الحسن كاملة

رواية اسيرة العادات والتقاليد كاملة 

رواية احببت ابنت الخادمة كاملة 

رواية ما بعد الجحيم كاملة 

رواية هكذا يكون الحب كاملة

موعد الحلقة الجديدة الساعة  8 م  يوميا ان شاء الله .

هنا تنتهى احداث رواية جريمة عشق 4 الحلقة 26 ، يمكنكم اكمال باقى احداث رواية جريمة عشق الجزء الرابع الحلقة 27 أوقراءة المزيد من الروايات المكتملة فى قسم روايات كاملة .

نأمل أن تكونوا قد استمتعتم بـ رواية جريمة عشق الجزء الرابع ، والى اللقاء فى حلقة قادمة بإذن الله ، لمزيد من الروايات يمكنكم متابعتنا على الموقع أو فيس بوك ، كما يمكنكم طلب رواياتكم المفضلة وسنقوم بوضعها كاملة على ال

تعديل المقال