رواية جريمة عشق الجزء الرابع الحلقة الرابعة والعشرون 24 | روايات مريم نصار

نقدم اليوم احداث رواية جريمة عشق الجزء الرابع ميراث العشق الحلقة 24 من روايات مريم نصار . والتى تندرج تحت تصنيف روايات رومانسية ، تعد الرواية  واحدة من اجمل الروايات رومانسية  والتى نالت اعجاب القراء على الموقع ، لـ قراءة احداث رواية اسيرة العادات والتقاليد كاملة بقلم مريم نصار من خلال اللينك السابق ، أو تنزيل رواية جريمة عشق 4 pdf كاملة  من خلال موقعنا .


رواية جريمة عشق 4 ( ميراث العشق ) الحلقة 24 | روايات مريم نصار



رواية ميراث العشق مريم نصار الفصل الرابع والعشرين


الحلقه ٢٢ ج 2.

رواية جريمة عشق ٤
(ميراث العشق)

(هناك خير ف كل شر لا يعلمه إلا الله)
______________________________________

بسم الله نبدأ .

تيم : مسح وشه بايديه . ولسه بيشغل العربيه .. سمع صوت رساله . وكانت من فون ميرو . ونزل بالشاشه . وشاف رساله قلبت موزاين حياته.

(مريم حبيبتى انا بعتلك عنوان الشقه تانى ف رساله عشان لو نسيتى العنوان لانه صعب وف مكان مهجور . انتى متعرفيش انا مبسوط قد ايه انك جيالى الشقه دلوقتي. انا بموت فيكى بحبك اوى . وده العنوان (......) الدور التالت شقه ٦)

تيم : قرأ الرساله وقلبه دق بصدمه كبيره . لكن حاول يستوعب وانها تكون رساله غبيه من حد بيعاكس .. لكن الصدمه الأكبر وصلت رساله تانيه وهي .

( اه نسيت اقولك متخافيش المكان مافيهوش اى كاميرات مراقبه زي ما قولتلك قبل كدا العماره ف مكان مهجور ومفيش حد هيشوفك وانتى جيالى الشقه . ومتنسيش المفتاح تحت الدواسه قدام باب الشقه . انا مستنيكي ع احر من الجمر ومجهز كل حاجه عشان نقضي ليلة دُخلتنا . ومتنسيش تمسحي الرساله عشان محدش يشوفها . بحبك .)

تيم : للحظه حس إن الأرض وقفت عن الدوران . وعينيه مش عارف يقفلها من الصدمه . وفاق ع صوت كلاكسات العربيات حواليه . وبص حواليه وبينهج . وبسرعه طلع فونه واتصل ع رقم صاحب الرساله ورن .. وبعدها الفون اتقفل .

تيم : عقله هينفجر . وشغل العربيه . وطار بخوف كبير ع العنوان الل ف الرساله ..

------------------بقلمي مريم نصار.

بعد شويه .

. ف شقه بسيطه جدا . وف مكان مهجور . ف اوضة نوم قديمه .

ميرو : نايمه ف السرير بالبنطلون والتوب . وشعرها مفرود جمبها .. ومش حاسه بحاجه ..

عامر : ف المطبخ . بياكل تفاحه . ومبسوط من الل عمله .وطلع الفون واتصل وقال (كله تمام).

وقفل الفون. ودخل ع مريم الاوضه . وقعد جنبها ع طرف السرير . و خبط ع وش مريم. فووقى. فوقى يامريم.

ميرو : فتحت عينيها بتوهان . وهمست بتعب انا فين؟

عامر : مبروك .

ميرو : مسكت دماغها وحاسه بتشويش ف الرؤيه

عامر : قومي البسي فستانك ياحبيبتى عشان اوصلك .

ميرو : فتحت عينيها بتعب واتعدلت . شافت نفسها ع السرير . وبشعرها .واستغربت ورفعت عينيها بزهول وقالت انت مين ؟
.وجت تشد عليها الغطا من الاحراج . لكن الصدمه الأكبر. انها شافت دم ع مفرش السرير .

عامر : مبروك يااااا.........مدام . .

ميرو : عينيها ع بقعة الدم وعينيها رايحه يمين وشمال من الصدمه . وبدءت تنهج وقلبها هيطلع من مكانه . وجسمها رجف بسرعه ..

عامر : ابتسم بخبث . وقال كنتى زى القمر وانتى ف حضنى . انا هروح اجبلك كوباية عصير تعوضك وبعتلها بوسه ع الهوا . وقام ...

ميرو : بتهز راسها بصدمه ودموعها متحجره من هول الصدمه . وحاسه انها بتحلم . ومين ده؟ وحاسه انها مش قادره تتحرك وبتنهج بسرعه.

تيم : وصل المكان ونزل بسرعة البرق . وطلع العماره بيجري ع السلم . وشاف رقم الشقه . ورفع الدواسه . وشاف مفتاح . ومتأكد انها اشتغاله من حد . واقسم انه هيقتله اكيد .

تيم : دخل الشقه بسرعه . وشاف ميرو وهي ف السرير.

ميرو : شافت تيم وبصدمه شدت الغطا عليها. وهزت راسها لأ .

تيم : دخل ليها بخوف كبير وهيتحرك . لكن شاف بقعة الدم . والصدمه لجمته .

عامر : خارج من المطبخ . وشاف واحد غريب وقال انت مين؟

تيم : مش سامع حد .. ومش عارف يغمض عينيه من الل شافه. وقلبه هيطلع من مكانه حرفياً .

عامر : خاف . وحط الكوبايه بشويش .

تيم : للحظه شاف حد بيتحرك . وجه يمسكه .

عامر : كان جمب باب الشقه. ونزل جري.

تيم : ساب كل حاجه ونزل يجري وراه .

عامر : ركب عربيه . وطار بيها . ولأن الدنيا ليل النمره مش واضحه .

تيم : مسك راسه ف الشارع بزهوول .. وحاسس الدنيا كلها بتلف بيه . من الصدمه . وبينهج ..

ميرو : فوق . حاولت تقوم بمعجزه وجسمها كله بتنفض . ومش مصدقه انها . هُتك عِرضها.
. وبتاخد نفسها بالعافيه ولبست الفستان برعشه ووقعت ع الأرض .
.وحاولت تقوم تانى . وسندت ع السرير. وشدت الحجاب وغطت بيه شعرها ومش قادره تلف الحجاب . وبتنهج وبتحاول تستوعب وايه الل حصل . هي كانت آخر حاجه واقفه قدام الاستراحه.

. ومسكت راسها بانهيار . وشافت صورة تشويش راجل عجوز ومش فاكره اي حاجه بعد كده . واتخضت ع دخول تيم . وحاولت تقف بمعجزه ..

تيم : دخل وقف قدامها وعينيه متحوله باللون الاحمر وجواها دموع متحجره . واسنانه بتعمل صوت من الغضب .

ميرو : شافت وفهمت .. إن تيم مصدق وهزت راسها ليه . لا وحاولت تتكلم وصوتها مش طالع ..

فون مريم جالته رساله تالته.

تيم : طلع فونها من جيبه ونزل الشاشه . وشاف الرساله الاصعب .

(مريم مين الل جه ده اوعى يكون قريبك بصي انا منكرش انى عشت معاكي اجمل ليله ف حياتى كلها وكنت ناوي نتجوز حتى لو (عرفي)
لكن بعد الل حصل ده متحاوليش تدورى عليا لانك مش هتعرفي توصليلى وانسينى باااى ...)

تيم : قبض ع ايدو بغضب العالم كله لدرجة ان راسه وشعرو بيتحركو من صكة اسنانه وبتعمل صوت.

ميرو : واقفه بتترجف جدا ودايخه ومش عارفه تتكلم . لكن حاولت وقالت بصوت مبحوح جدا ت....تي....ا.انا....

تيم : بينهج بصوت عالى جدا . وبصلها بكُره كبير . وضربها قلم بقوته كلها .

ميرو : مستحملتش القلم واغمى عليها.

تيم : الفون وقع من ايديه .. وقابض ع ايديه الاتنين واتحول لهلاك فعلا.
. وبدء يكسر كل حاجه موجوده في الشقه كلها . واوضة النوم .
.وساب مريم واقعه ع الأرض مكانها . وكان زي النمر الغضبان . ومش شايف قدامه وعينيه اتحولت لل اللون الاسود .
. كسر كل حاجه موجوده ع التسريحه والمرايا وايديه انجرحت وراح يكسر السرير لكن وقف مكانه بصدمه اكبر وعينيه جت ع الدم . وكُرهه للعالم بيزيد .. ومحاولش يبص ع مريم ..

ميرو : لسه مغمى عليها وفونها رن مره واتنين ..

تيم : فونه رن بعدها . وطلع الفون من جيبه من غير ما يبص عليه وفتح من غير ما يرد . وبينهج بصوت مسموع ..

فريحه : بقلق تيم ياحبيبى انتو فين الساعه 8 وميرو مابتردش عليا ليه ؟

تيم : حاول بكل قوته يتكلم لكن صعب. وجاهد نفسه وعافر .. وقال مش هنتاخر .

فريحه : اتنهدت باريحيه . الحمدلله انك رديت انا قلبى كان مشغول اوى . لكن الل مطمن قلبى انك معاها واكيد هتكون ف آمان. هي فين اكلمها؟

تيم : بجمود وكُره . ف عيد الميلاد. هنادي عليها واوصلها متقلقيش . سلام . وقفل .. وبص ع ميرو وصك ع اسنانه . وجواه حرب وصراع . وعينيه لوحدها راحت ع الدم . وهز راسه بعدم تصديق وغمض عينيه مع نزول دمعه وجع كبير جدااا .

تيم : خرج من الاوضه بسرعه ودخل المطبخ . بيدور فيه زي المجنون وشاف جركن بنزين . وكبريت. واخد الجركن . وفتحه ودخل عند مريم . ورش البنزين ع السرير والارض وف كل مكان . وحدف الجركن ع الأرض .. ووقف قدام مريم يبص عليها ومش مصدق الل هي عملته ..
.ولا كان يتخيل ف أحلامه ذره صغيره من فكرة انها تكون كدا .
. وشال مريم بين ايديه . وبص ع وشها البرئ وهي مغمضه عينيها بين ايديه . وخدها عليه علامات القلم منه. وغمض عينيه بتعب . واخدها وخرج من الشقه .
ونزل بيها وحطها ف العربيه جمبه . وقفل الباب وطلع الشقه بسرعه .. واخد فونها وحطه ف جيبه.. وولع الكبريت . وبص ع السرير بغضب السنين وحدف الكبريت ع السرير والنار شعلت ف الاوضه . ودي متجيش حتى دخان من جنهم الل ف قلب تيم عزيز .

------------------بقلمي مريم نصار

فيلا العدوي . ف الليفنج ..

زين : بص ف الساعه . وقال مش عارف انا ريتال كل ده بتلبس .

مريم : معلش ياحبيبى هي يعنى بمزاجها والله ريتال بتصعب عليا. طول اليوم ف الشركه معاك . وبترجع مش شايفه قدامها.

زين : بتنهيده. بينى وبينك ياامى انا عايزها تقعد من الشغل .

مريم : متزعلهاش منك يازين انت مش بتقول مكتبها جمبك ع طول وليليان معاها. يبقى فين المشكله.

زين : المشكله انى عايزها تستريح . وغير كدا انا بكون قلقان عليها وع ليليان. وكمان ليليان كلها أسبوعين وتتجوز وتسافر شهر وهتبقى مع جوزها واكيد مش هيوافق ان مراته تشتغل بعيد عنه.

مريم : بتنهيده اااه ليليان حبيبة قلبي . والله البيت ماهيكون ليه طعم من غيرها.

آدم : حاوط كتفها وباس ع أيدها وانا روحت فين يا اميرتي .

مريم : انت ؟ انت ربنا يديمك ف حياتنا كلنا يا آدم . دا انت البيت من غير وجودك عدم.

آدم : ابتسم . وانا مش عايزك تفكرى ف اي حاجه . البت ليليان هتتجوز وتعيش مبسوطه. ومش هتفكر فينا اساسا ههههه.

ليليان : من وراه . احم احم نحن هنا وسمعتك ع فكره . وحضنته من الخلف وهو قاعد . حبيبى يابابا وانا عمرى انساك ولا انسى حنانك عليا. وباست راسه بمرح ..

آدم : ههههه تعالى يالمضه اقعدى جمبى هنا . وايه الجمال ده . لأ انا كدا أرفض انك تروحي انهردا عند جدك اشرف ..

ليليان : بدلع موافقه بس بشرط . تاخدنى دلوقتي وتعزمنى ع عشا رومانسي انا وانت وبس.

كلهم ضحكو .

ريتال : نزلت . وآريان نازل وراها .

زين : قام ونفخ باريحيه . اخيراااا .

ريتال : سورى يازين . اتأخرت معلش .

زين : ولا يهمك . يلا بينا الساعه 8 ونص هنرجع امتى .

آريان : عادي يابابا. احنا هنقعد شويه ونطمن ع جدو أشرف ونرجع . انا هاخد ليليان معايا ف العربيه. تعالى يالمضه . وسلم ع الكل وخرج .

زين : أخد ريتال وسلمو ع الكل وخرجو .

مراد : غير هدومه ونازل هو وفريحه .

مراد : اله اومال زين خرج ولا ايه؟

مريم : ايوه ياحبيبى . اخد عائلته وراحو زياره عند عيلة عزيز.

مراد : هز اممم تمام .

آدم : اتصلتي ع مريم يافريحه.

فريحه : ايوه يابابا. وتيم قال إنهم هيخرجو من عيد الميلاد وهيوصلها. احسن حاجه إن تيم عطل نفسه وراح معاها عند صحبتها . انا لما عرفت استريحت .

مراد : من جواه غيران . لكن عشان خاطر امه وافقت سكت.

مريم : بصي انا شايفه إن ميرو مالهاش اصحاب كتير .
.ومن وقت ما قالت لينا انها معزومه ع عيد ميلاد صحبتها. قولت وماله مافيهاش حاجه لما تفك عن نفسها شويه.
. طول السنين دي ميرو تعبانه ومزاكره وحابسه نفسها وعمرها ما قالت لأ ع حاجه .
.وانا عارفه إن مراد ابنى ونور عيني مضايق . بس انا ليا وجة نظر تانيه يامراد ياحبيبى.
. إن تيم واحد مننا وميرو رايحه عند واحده احنا منعرفش عنها حاجه . وقولت تيم امان ليها هيوصلها ويجيبها . وانا الل وافقت . اي نعم ميرو بنتك انت وفريحه . بس هي قطعه من قلبي . متزعلش بقى ..

مراد : ابتسم .وانا عمرى ما ازعل منك ياست الكل . انتى تؤمري واحنا علينا ننفذ وبس .وميرو انا متعبتش ف تربيتها قدك انتى والحج ..

مريم : ابتسمت تسلم لقلبى ياحبيبى.

آدم : اتصلت ع آدم يامراد ؟

مراد : انا اتصلت عليه قالى ف مشوار مهم وهيتاخر شويه ..

آدم : كشر عينيه مشوار ؟

فريحه : فركت ف ايديها بتوتر ...

آدم : شافها . مالك يافريحه يابنتى . عايزه تقولى حاجه؟

فريحه : بصت ل مراد .

مراد : هز راسه ليها. اتكلمى.

فريحه : بلعت ريقها بتوتر وقالت بصراحه يابابا ف عريس لمريم . وهو جارنا هناك عند بابي . وملتزم ومحترم جدا وع خلق وقبطان بحري. واتكلم مع بابي وعايز يتقدم لمريم آخر الأسبوع ده ......

------------------بقلمي مريم نصار.

قصر الجبالى ..

رؤوف : الو طمنى .

عاشور : كله تمام ياباشا .

رؤوف : يعنى فضحية آدم قربت اووووى . هههههههههههه

ف الطريق .

تيم : سايق بغباء ومش شايف قدامه غير بقعة الدم وشكل مريم وهي بتشد الغطا عليها .. وفرمل العربيه مره واحده . ف مكان هادى . وبيتنفس غيظ كبير .وعايز يقتل اى حد ...

ميرو : جمبه ومغمى عليها ..

تيم : قاعد جنبها ومحاولش يبص عليها . وقعد حوالى ربع ساعه سكون من برا. واعصار جواه .

ميرو : بدات تفوق .وتآن.

تيم : ..............

ميرو : فتحت عينيها بتعب شديد وحطت أيدها ع راسها . وعندها صداع غير محتمل .. وشافت نفسها سانده ع ازاز العربيه . وبتستوعب هي فين. وبصت حواليها بتعب.
. شافت تيم ووشه غضبان وكله احمر جدا . وخافت منه. وللحظه افتكرت القلم . وحطت أيدها ع خدها وغمضت عينيها بوجع .
.وفجاءه افتكرت الاوضه والشاب والدم . وفتحت عينيها بسرعه واتنفست بسرعه . وبصت ل تيم .وقالت بتلعثم وخوف ورعب من المصيبه الل حصلت. تي......تيم . ا.انا .........

تيم : رفع ايدو ليها تسكت..... وقال بنبره تخوف . مش عايز اسمع منك كلمه واحده .. ومد ايدو ف الكرسي الخلفي وجاب ازازة ميا. وقال بجمود امسكى . اغسلى وشك واظبطى حجابك عشان قربنا ع البيت.

ميرو : قلبها اتكسر .. وقالت بدموع وصوت مبحوح تيم ...اسمعنى .. .

تيم : بصوت من نار. قوووووولت مش عاااااايز اسمع منك كلمه . اييييييه مابتفهميش ؟

ميرو : اتخضت ودموعها نازله زي المطر ..

تيم : زعق امسكي اغسلى وشك ..ولا عايزه العيله تشوفك كدا اخلللللصي..

ميرو : بتترعش . واخدت منه الازازه وفتحت الباب وغسلت وشها .
. وحاولت تفوق هي عايزه تفتكر ايه الل حصل من البدايه . وظبطت حجابها. وحاولت متعيطش وفضلت قاعده ساكته . لكن قلبها مرعوب من المصيبه دي.

تيم : شغل العربيه بعصبيه وساق بسرعه .. ووصل قدام بوابة الفيلا . وقال بزعيق انزلى ...

ميرو : مفكرتش ف اسلوب تيم .. هي بتفكر ف الكارثه وأنها كدا الموت اهون ليها من الفضيحه . ونزلت وماشيه بتعب . ومبصتش وراها .وشاهين ماكنش واقف ع البوابه.

تيم : ساق بسرعه .. ومشي . وسمع صوت فون ميرو . وكان ف جيبه .

ميرو : دخلت الفيلا ومش حاسه هي وصلت ولا لأ .. لكن فاقت ع صوت فريحه .

فريحه : قامت بسعاده . اهي جت اهى . حمدالله ع السلامه ياقلب ماما ..

ميرو : انتبهت .بتوهان .. هااا ...

فريحه : كشرت عينيها بعدم فهم . مالك ياميرو .

ميرو : بتوهان . لأ لأ ما .. مفيش. .. مفيش. احم وبصت حواليها شافت انها ف الليفنج ..

آدم : ابتسم حمد لله ع سلامتك ياروحي . تعالى مش هتسلمى ع جدك ؟

ميرو : ماشيه وحاسه إن رجليها تقيله جدا . وحاولت ترسم البسمه عشان متتكشفش . وسلمت ع الكل . وقعدت جمب آدم ..

آدم : كشر عينيه اله مقولتيش يعنى انت مش جدو . انت بابا آدم وبس ..

ميرو. : بتحارب دموعها . وابتسمت بتمثيل ك.....كنت لسه هقول كدا . ا..احم ا.نت م ...مش جدو انت بابا آدم وبس.

مراد : عملتى ايه ف عيد الميلاد ياميرو ..

ميرو : جسمها اتشد وقلبها اتقبض بخوف ..

مراد وآدم : بشك . وف صوت واحد مالك يامريم؟

ميرو : حست انها هتتفضح . وحاولت تتكلم لكن صوتها رايح . وبصت ليهم ف نظرة انها بقت عار عليهم . وغصب عنها عيطت بوجع كبير .

كلهم : قلقو عليها .. واتعدلو من قعدتهم . ومراد قام بسرعه وقعد جنبها واخدها ف حضنه . وقال بنرفزه بتعيطى ليه؟ قوليلى ف حد داسلك ع طرف وانا ادفنه تحت رجلك حالا .

آدم : بقلق مسد ع حجابها مالك يابنتى قوليلى بتعيطى كدا ليه؟

مريم : بدموع .. مالك يانور عيني حصل ايه ؟

فريحه : بقلق كبير مالك يامريم بتعيطى ليه يابنتى وتيم فين مدخلش ليه؟

ميرو : خافت من تيم .. وخرجت من حضن مراد بسرعه . وقالت لأ لأ . هوا.... اصل . ا..اصل ... حصل حادثه .

كلهم بدهشه ايييه؟ حدثه؟

آدم : بقلق تيم كويس وانتى ياحبيبتى حصلك حاجه ..

ميرو : بعياط . لأ لأ .الحادثه لبنت صغيره بريئه ماتت قدام عينيا . وعيطت بكسره ...

كلهم زعلو . ولكن اتنهدو براحه كبيره انهم بخير . وحاولو يهدوها.

وبعد شويه ..

فريحه : من جواها مبسوطه من العريس ده لانه اكيد هينسيها تيم . وهتعيش معاه مبسوطه . وقالت ميرو ياحبيبتى كنت عايزه اقولك ع حاجه . وبصراحه انا مبسوطه اوى المرادي .

ميرو : ع عكس الل جواها وعيونها دبلانه . ونفسها مكسوره . وقالت بتعب خير يا مامى .

فريحه : بفرحه . ف عريس وعايز يتقدملك آخر الأسبوع ده .. وهو........

ميرو : قامت بفزع . اييه؟ ع....عريس .

آدم ومريم اتنهدو بزعل ...

مراد : باستغراب .. ايوه ياحبيبتى عريسك مالك كدا؟ . وجدك طارق كلمنى انهردا . هو عريس محترم جدا وع مستوى من الالتزام . وهيحافظ عليكى . وكمان جدك طارق عارفهم من زمان . والعريس مستعد لكل طلباتك ..

ميرو : حاسه إن الأرض بتلف بيها . وهزت راسها لأ لأ انا مش هتجوز . مش عايزه اتجوز .

فريحه : قامت وقفت بنرفزه . ازاى يعنى مش عايزه تتجوزى . مريم فوقي لنفسك . انتى سنك ٢٤ سنه ورفضتى عرسان كتير جدا . الدكتور والمستشار ورجال أعمال . وكمان ظابط من طرف باباكى . ومحدش فينا اعترض ع قرارك . لكن لحد هنا وكفايه ..

مراد : بتحذير . فريحه .....

فريحه : بصتله ومش عايزه تقوله بنتك هتضيع نفسها بسبب حب من طرف واحد .
لكن قالت . اسفه يامراد . واسفه ل بابا وماما انى اتكلمت بالاسلوب ده .
. لكن يامراد انت مقتنع برفض بنتك بكل عريس لمجرد زكر اسم عريس وبس. ديما ترفض اى عريس من غير حتى ما تدى لنفسها فرصه ونشوف مميزات الشخص ده . لكن العريس المرادي جارنا وناس محترمه جدا وهيصونو ويحافظو ع بنتى يبقى لازم اعترض لما بنتى ترفض حاجه زى دي من غير حتى ما تشوفه مره ع الاقل ..

مراد : اخد نفس عميق . ومسد ع حجابها وقال طيب ياميرو ياحبيبتى انتى ايه اسباب رفضك؟

ميرو : ...........

مراد : ابتسم . طيب انتى ف حد ف حياتك . وصدقينى كلنا هندعمك ..

ميرو : قلبها دق بخوف . وهزت راسها لأ لأ انا مفيش حد ف حياتي ومش عايزه اتجوز . ارجوكو انا هفضل كدا من غير جواز ..

مراد : بصوت جهوري ازاى يعنى هتفضلي كدا من غير جواز ..

آدم : بحزم . مراااد ...

ميرو : قامت وقفت بسرعه. ودموعها نزلت وقالت بعد اذنكم وجريت من قدامهم .

فريحه : قلبها مكسور ع بنتها . لكن لازم تفوقها . سنها بيعدى وتيم مبيفكرش فيها . وقامت بجمود . انا طالعالها . ولازم توافق ..وجت تتحرك .

مريم : استنى يافريحه.

فريحه : وقفت . نعم يا ماما ..

مريم : محدش هيغصب حفيدتى ع حاجه هي مش عايزاها .

فريحه : بعدم فهم . ازاى؟ حضرتك مريم رافضه اي عريس وده مش منطق ..

مراد : فعلا ياماما . مريم بما إن معندهاش اسباب تمنعها عن الجواز ليه رافضه . انا لازم اتكلم معاها . واشوف ايه سبب انها ترفض الجواز عموما ..

مريم : وقفت. وانا قولت محدش هيغصب حفيدتى ع حاجه..الجواز عمره ما كان بالعافيه ..

فريحه : بزعل . ماما لو سمحتى انا ادرى بمصلحة بنتى ..

مراد : بصوت جهوري . فرييييحه ..

مريم : بحرج .. هزت راسها فعلا عندك حق. وابتسمت ل آدم وقالت اظاهر دورنا كدا خلص يا ابو مراد ..

فريحه : جريت عليها بسرعه. لأ والله العظيم ماقصدي كدا يا ماما انتى فهمتينى غلط ارجوكي انا اسفه مش قصدى .

مريم : بصت ل آدم وقالت آدم انا عايزه ارجع شقتنا القديمه ..

مراد : اتصدم .. وقرب منها بسرعه ماما انتى بتقولى ايه؟

مريم : برجفه . انا دوري انتهي يامراد . ويمكن انا اتعديت حدودي لما أدخلت ف حاجه انا مش عارفه مصلحتها ..

فريحه : ماما انتى بتقولى ايه؟و عيطت .. ....

آدم : ............قام وقف. وقال بحزم .. البيت ده بيتك ..ولكن طلباتك اوامر يا ام مراد. ومن دلوقتي لو عايزه هترجعي ع بيتك .

مراد : بص لفريحه بغضب ..وصك ع أسنانه بغيظ . ده مش هيحصل ابدا .

فريحه : بعياط .. جريت ع آدم . بابا والله العظيم مقصد ا..انا . ا....وداخت واغمى عليها.

مراد : بخوف . فرريييييييحه .. وجري عليها بخوف .

مريم : قعدت ع الكنبه بتعب ودموعها نزلت. وغمضت عينيها . ومش عايزه تعذب ميرو.

آدم : ل مراد . شيلها هنا ع الكنبه بسرعه ..

تالين : بتعيط . مامااااا .ماااامااااا.

ميرو : نزلت تجري ع صوت تالين وشافت فريحه مغمى عليها .. ونزلت ع ركبها قدام امها وعيطت بوجع كبير جدا .
. مااامي . فوووقى ارجوكي . فوووقى وانا موافقه ع كل حاجه انتو عايزينها . مااامي قومي وهعملك كل الل انتى عايزاه . ارجوووووكي فوقى .

مراد : شال فريحه . وطلع بيها ع فوق . والبنات وراهم .

آدم : قعد جمب مريم ومسح دموعها وبص ف عينيها بعتاب ..

مريم : بهمس . حفيدتى يا آدم ..

آدم : باس جبينها . كل طلباتك اوامر . وطول ما آدم موجود محدش يقدر يجبرها ع حاجه هي مش عايزاها . ومتزعليش من فريحه .

مريم : بدموع أنا مش زعلانه منها وهي كمان معزوره . بس الجواز عمره ما كان بالعافيه .. انا قلبى حزين اوى يا آدم .

آدم : اخدها ف حضنه بحب كبير . ومسد ع ضهرها بحنان .
.اهدي ياروحي . وكل حاجه هتمشي زي ما انتى بتتمنى . وعشان آدم بلاش دموعك دي .. تعالى اطلعى معايا وارتاحي .. وقام واخدها وهو محاوطها من كتفها وطالعين والحزن مرسوم ع وشهم ..

تيم : واقف ع الباب وشاف كل السيناريو الل حصل ده .

تيم : رجع الفيلا عشان يرجع الفون . عشان تالين كانت بتتصل عليها . ووقف عند الباب لما شاف ميرو بتعيط . وقالتلهم ع الحادثه الل محصلتش . وواقف سمع وشاف كل حاجه ..

------------------بقلمي مريم نصار.

تاني يوم ...

فيلا العدوي.

آدم : خير يادكتور تيم ..

تيم : انا طالب ايد مريم -------------يتبع



موعد الحلقة الجديدة الساعة  8 م  يوميا ان شاء الله .

هنا تنتهى احداث رواية جريمة عشق 4 الحلقة 24 ، يمكنكم اكمال باقى احداث رواية جريمة عشق الجزء الرابع الحلقة 25 أوقراءة المزيد من الروايات المكتملة فى قسم روايات كاملة .

نأمل أن تكونوا قد استمتعتم بـ رواية جريمة عشق الجزء الرابع ، والى اللقاء فى حلقة قادمة بإذن الله ، لمزيد من الروايات يمكنكم متابعتنا على الموقع أو فيس بوك ، كما يمكنكم طلب رواياتكم المفضلة وسنقوم بوضعها كاملة على الموقع .
تعليقات



حجم الخط
+
16
-
تباعد السطور
+
2
-