رواية جريمة عشق الجزء الرابع الحلقة الثامنة والثلاثون 38 | روايات مريم نصار

     نقدم اليوم احداث رواية جريمة عشق الجزء الرابع ميراث العشق الحلقة 38 من روايات مريم نصار . والتى تندرج تحت تصنيف روايات رومانسية ، تعد الرواية  واحدة من اجمل الروايات رومانسية  والتى نالت اعجاب القراء على الموقع ، لـ قراءة احداث رواية اسيرة العادات والتقاليد كاملة بقلم مريم نصار من خلال اللينك السابق ، أو تنزيل رواية جريمة عشق 4 pdf كاملة  من خلال موقعنا .


رواية جريمة عشق 4 ( ميراث العشق ) الحلقة 38 | روايات مريم نصار



رواية ميراث العشق مريم نصار الفصل الثامن والثلاثون

الحلقه ٢٩ ج 2

رواية جريمة عشق ٤
(ميراث العشق)

‏عندما تستيقظ ف الصباح ..
‏فكِّر كم هو ثمين ورائع أن تكون ع قيد الحياة .. أن تتنفس ..وتتعبد.. وتفكر .. وتستمتع .. وتحب " ..

‏⁧______________________________________

بسم الله نبدأ.

أسم الكاتبة الحقيقي : شريهان ابراهيم.
الإسم الحركي للكاتبة : مريم نصار.

بعد شويه فيلا عزيز .

يوسف : بص ف الساعه وقال باستغراب . الساعه ٣ ومصطفى كل ده لسه نايم؟

مريم : اكيد ياحبيبى . ماهو طلع كل طاقته امبارح ف الفرح . ههههه .

يوسف : ابتسم . واد مشكله . بس فكرة انه يعيد فرح فهد ولارين عجبتنى جدا . ههههه الكل كان مبسوط جدا.

مريم : طبعا . ابنى بيطلع منه افكار متجيش ع بال حد خالص . ربنا يهديهك يامصطفى يبنى يارب .

يوسف : ههههه ع فكره انتى جايه ع مصطفى اوى . سيبى الولد يعيش حياته .

مريم : بغيظ مكبت انا جايه عليه؟ يوسف ياحبيبى انت مش عارف حاجه خالص من مصايب ابنك . وخلينى ساكته احسن . انا هطلع اصحيه . يقوم يفطر . وسابته وطلعت .

يوسف : بتعجب . مصايب ابنك؟ ده مصطفى عزيز مفيش حد زيه ابدا ..

مريم : طلعت خبطت ع الباب. مصطفى ياحبيبى قوم كفايه نوم .

مصطفى : .............

مريم : خبطت تانى . وتالت . ونفخت بخنقه وبعدين بقى ف الولد ده . وفتحت الباب ودخلت . وكان سرير مصطفى زي ما هو مترتب ومفيش حد نايم . وقالت اله الولد ده فين؟ وخبطت ع الحمام . ومش موجود . ودخلت أوضة اللبس ومش موجود . وقالت بقلق . مصطفى هيكون راح فين؟ وخرجت بسرعه . وقلبها بيدق بقلق ..وماشيه ف الطرقه جمب اوضة كريم . ووقفت . ودخلت اوضة كريم . وكشرت عينيها . وزعلت وقالت ياحبيبى يامصطفى .

مصطفى : نايم ع سرير كريم . بعمق . ودخلت وقعدت جنبه . وابتسمت وبتمسد ع شعرو . وقالت اكيد زعلان ياحبيبى عشان كريم اخوك . وبدءت تصحيه . مصطفى ؟

مصطفى : .............

مريم : مصطفى ياحبيبى قوم الوقت أتأخر .

مصطفى : بدأ يفوق . وفتح عينيه . واتعدل وربع رجليه . ومسح وشه بايديه وبيتاوب . صباح الخير يا روما .

مريم : هزت راسها بنفاذ صبر . صباح الخير؟ قصدك مساء الخير . كل ده نوم يامصطفى؟

مصطفى : بيهرش ف شعرو . وكسلان . انا نايم الصبح ياماما . بتصحينى ليه بس؟

مريم : بصحيك ليه؟ انت عارف الساعه كام دلوقتي؟ اخوك كريم ومراته زمانهم وصلو باريس وانت لسه نايم . وبعدين انت ليه نايم هنا ف اوضة اخوك ؟

مصطفى : بصلها . وقال اسمعى بقى ياست الكل . من دلوقتي الاوضه دى بقت بتاعتى . اه كريم اتجوز وعايش حياته. والاوضه دى اكبر من اوضتى . وعجبانى .

مريم : بدهشه . انت نايم هنا عشان الاوضه عجباك؟ مش عشان زعلان ع اخوك ؟

مصطفى : بتريقه . ازعل عليه؟ ده هو الل يزعل عليا . ده عريس وزمانه هايص ومسافر شهر عسل . قال ازعل عليه قال .

مريم : خبطته ف كتفه بغيظ . انت بتنق ع اخوك يامصطفى ؟ انا احترت فيك .

مصطفى : اضربي اضربي . حلوه معاملة مرات الأب دي ..

مريم : شهقت . انا بعاملك معاملة مرات الأب ؟ ولد غبي ..

مصطفى : بصي من الآخر كدا . الاوضه دي وقتى بقت بتاعتى اه اشطا ياموزه؟

مريم : صكت ع أسنانها بغيظ . موزه . قووم انزل كلم ابوك . هو الل هيتصرف معاك .

مصطفى : اشطا حيث كدا . انا ضمنت الاوضه ف جيبى . طيرى انتى بقى عشان اخد شاور . وقولى ل داده ثريا تعملى كابتشينو .

مريم : هزت راسها لأ لأ انت رهيب يامصطفى.

مصطفى : اه وقوليها تغسل طبق مانجا .

مريم : بصتله وسكتت .

------------------بقلمي مريم نصار.

بعد فتره . ف الطريق

تيم : سايق . وميرو نامت . وراسها مالت ع كتفه. وابتسم . ووصل قدام الفندق . وركن العربيه. وبص عليها يتأملها وقت كبير. ورفع ايدو ع خدها بحب كبير . وقرب منها وباس جبينها . وهمس وحشتينى اوى .

ميرو : اتنهدت . وبدأت تفوق .

تيم : ابتسم بمكر . حمدلله ع السلامه.

ميرو : فتحت عينيها وشمت برفانه. وقالت بعفويه الله يسلمك. واتخضت وشقهت بحرج . ورفعت راسها من ع كتفه بسرعه. واتوترت .

تيم : ههههههه . طبعا ممنوع لانها فترة خطوبه . مش كدا ؟ وغمز .

ميرو : وشها جمرة نار . واتكسفت جدا . وقالت بتلعثم . ا.انا مع .... احم معرفش نمت ازاى ؟

تيم : ودي احلى حاجه . شكلها كدا هتبقى اجمل فترة خطوبه .

ميرو : بلعت ريقها بتوتر . وبصت شافت الفندق .

تيم : انتى احسن دلوقتي ننزل ؟

ميرو : بحرج احم . ايوه لكن انا كنت عايزه اقولك ع حاجه.

تيم : اتفضلى .

ميرو : بحرج . ا.انا عايزه حجز غرفه لوحدي . يعنى كل واحد ف غرفه .

تيم : صك ع أسنانه بغيره . وقال ده عندها هناك .. لما ابقى سوسن . ماشي ؟ ويلا انزلى .

ميرو : تيم لو سمحت .

تيم : ببرود . وحياة تيم ال طالعه منك زي العسل ده ما هيحصل حاجه من الل بتفكري فيه .
. وقرب من وشها اوي . انتي. مراتى . وانا سايبك بمزاجي . ماشي ياقلب تيم . وغمز . وبعد عنها .

ميرو : قلبها بيدق بقوه . من قربه منها .. ومش عارفه تتكلم ..

تيم : اتفضلى امسحي المكيب قبل ما تنزلى .

ميرو : بتوتر . مسحت وشها .

تيم : ابتسم ..ورفع دقنها بحب . وقال انتى كدا رجعتى ملاكي . ملاك تيم وبس .

ميرو : بتتنفس بسيط . لو سمحت ياريت بجد تبطل اسلوبك ده .

تيم : بغمزه . هو انتى لسه شوفتى اسلوب . وفتح الباب ونزل .

ميرو : غصب عنها ضحكت بسعاده كبيره . وغمضت عينيها واتنهدت بحب كبير ..

------------------بقلمي مريم نصار.

بعد فتره .

فيلا العدوي .

مراد : راجع البيت مع فريحه وتالين . السلام عليكم.

آدم ومريم . وعليكم السلام .

مراد سلم عليهم .

مريم : فتحت ايديها . اهلا توتا روح تيته . وحشتينى اوى.

تالين : ف حضنها بابتسامه وحضرتك وحشتينى اوى ياتيته . وباست ع ايدها.

آدم : بابتسامه . وجدو آدم مالوش حضن حلو زى ده ؟

تالين : برقه . ياخبر ياجدو . انت تؤمر أمر . وحضنته . وآدم ضمها لقلبه ومسد ع ضهرها . حبيبت جدها توتا القمر.

تالين : حضرتك عامل ايه؟

آدم : انا الحمد لله زى الفل ياحبيبتى ..

مريم : اطلع يامراد ياحبيبى غير هدومك . تكون زينب حضرت ليكم الغدا .

مراد : لأ ياست الكل . احنا اتغدينا بره قبل ما نيجى . عزمت توتا قلبى ع الاكل الل بتحبه .

مريم : ابتسمت بالف هنا يانور عيني . اله مالك يافريحه ؟

فريحه : بتنهيده . ميرو وحشانى اوى ياماما.

مريم : بابتسامه . ياحبيبتي فكرى بايجابيه والحمدلله ميرو مبسوطه اوى. هي كلمتك؟

فريحه : ايوه ياماما. هي وصلت الفندق من زمان. ربنا يسعدها . مفيش اخبار عن ليليان وتمارا؟

مريم : ايوه وصلو الحمدلله بالسلامه. وربنا يسعد أوقاتهم .

كلهم آمين .

وبعد حوالى ساعتين.

آدم مراد : رجع البيت. بعد ماراح المخزن . ومسك عامر والجارسون ضرب وهلكهم العلقه التمام .. بعد الاعتراف بكل حاجه ..وجواه إعصار ومخنوق جدا لكن ساكت بأمر من جدو.

وسلم ع كل الموجودين . وقعد جمب فريحه . ومحاوط تالين .

فريحه : هتتغدي ياحبيبى .

آدم مراد : بهدوء . لأ شويه كدا . وبص ل جدو. بابا .

آدم : نعم يا حبيب جدك .

آدم مراد : بما إن الدكتور محمد هيسافر مع عمتو ورايحين دهب . واخواتي ف شهر العسل .وانا عندى اسبوع اجازه . ايه رايك . لو كلنا وعمتو رينو . نطلع كام يوم ع بيت المزرعه.

تالين : سقفت ببرأه. الله ياريت. سهيل وحشنى اوى يا أبيه.

آدم مراد : ابتسم وباس خدها. طلبات توتا تحت امر عيون أبيه.

آدم : ابتسم. وماله فكره حلوه. ايه رايك ياروحي .

مريم : بفرحه . وماله . مدام حفيدى عايز كدا . وكمان الجو هناك يرد الروح .

مراد : ايه رايك يافريحتى ؟

فريحه : ياريت ياحبيبى . انا مخنوقه وميرو مش جمبى .

مراد : ابتسم . وقال خلاص نجهز للمزرعه من بكره إن شاء الله..

آدم مراد : بص ل جدو ف نظره .. معناها آرين؟

آدم : فهم و ابتسم وهز راسه ليه . متقلقش هتيجى..

مريم : بزعل بس زين وريتال ؟

آدم : ربت ع أيدها ياروحي زين وريتال مسافرين بعد بكره سنغافوره مع زياد . ف شغل مهم . يعنى هيتفسحو برضو ..

مريم : هزت راسها . ربنا يوفقهم يارب ويحفظهم ف كل خطوه .

------------------بقلمي مريم نصار.

ف باريس .

كريم وليليان . صحيو من النوم . وقامو بنشاط وفرحه. ولبسو . وخارجين يتعشو بره . وليليان مبسوطه جدا . بحب كريم ليها ..

ف تركيا ..

آريان وتمارا . بيتعشو ع البحر . ومبسوطين وآريان مش مصدق إن تيما اخيرا بين ايديه .

بعد شويه .. ف اسكندريه ..

ف جناح كامل مخصص للعرسان. ال هما تيم
وميرو .

تيم : اتصل وطلب عشا يطلع ع الجناح ..وقفل . وقام يشوف مريم فين ..

ميرو : لابسه فستان ازرق ف ابيض وحجاب .وواقفه ف التراس والهوا شديد لانهم ع البحر . وبتتأمل البحر وسرحانه .

تيم : قرب منها ووقف وراها. وقال . مش كنتى وافقتى نتعشي تحت قدام البحر ..

ميرو : انتبهت . ومابصتش ليه. وقالت . لو عايز تنزل انت . انا مش جاى ع بالى اعمل حاجه .

تيم : وقف جمبها وسند ع السور . وقال . انتى من وقت ما وصلتى الفندق مخرجتيش . حتى الغدا ما اكلتيش كويس . وانا عايز اخرج معاكى ايه رايك ننزل نتمشي ع البحر بعد العشا .

ميرو : بتنهيده . انا تعبانه انهردا . انت عارف ارهاق الفتره الل فاتت . وكمان امبارح . وسفر انهردا . احم بكره إن شاء الله ..

تيم : بص ل عينيها . وقال تعرفي انا بحب لون عيونك اوى. ومن زمان جدا .

ميرو : قلبها دق بقوه . واتوترت .......

تيم : ابتسم . وشك احمر جدا ليه كدا . انا لسه ماقولتش حاجه عشان تتكسفى . يا.....خطيبتى العزيزه ..

ميرو : بلعت ريقها بتوتر . وبصت ف الساعه . وقالت بتلعثم .ا.الوقت أتأخر ا.انا هروح انام . وجت تتحرك.

تيم : شدها من أيدها بسرعه عليه . وخبطت ف صدره .

ميرو : شهقت . وأيدها ع صدره وايدها التانيه ف ايد تيم بتملك . وقلبها هيطلع من مكانه . وبتنهج. وقالت بصوت مبحوح .. تيم لو سمحت

تيم : بيتأمل فيها .وتاه وقال ف اللاوعي . انتى جميله اوي ياميرو .

ميرو : رفعت عينيها ليه وتاهت ف لون عينيه . وبترسم تفاصيله عن قرب .

تيم : قلبه بيدق ورفع ايدو ع خدها. وهمس وحشتينى.

ميرو : من لمسته بتنهج . وقلبها بيدق بقوه . غمضت عينيها بتوتر . وخايفه تضعف . وافتكرت القلم . وقالت تيم ماينفعش كدا .

تيم : حاوطها من وسطها وقربها منه . وقال ايوه فعلا ماينفعش نكون اتنين عرسان وف فترة خطوبه ..

ميرو : رفعت عينيها ليه بدموع . انا مش قادره اتخطى ضربك ليا بالقلم ياتيم؟..

تيم : للحظه افتكر لما ضربها بقوه واغمى عليها . وغمض عينيه واخد نفس عميق . وبعد عنها .. وقال اتعشي ونامي . وسابها ودخل جوه .

ميرو : عيطت بوجع . وضمت نفسها . وبصت للبحر .

فيلا العدوى ..

آدم : ف المكتب .. وفاتح اللاب توب .

الباب خبط ..

آدم : أدخل .

آدم مراد : فتح الباب . حضرتك فاضي يابابا؟

آدم : وقف شاشة اللاب توب . وقال تعالى يا آدم ..

آدم مراد : دخل . ووقف قدام المكتب .وبص لجدو ف نظره طويله .

آدم : رفع عينيه وقال اقعد يا آدم ..

آدم مراد : مسح وشه بايديه . وقال باحترام . حضرتك روحت امبارح المخزن مع رعد .وبعت الجارد ل رؤوف الجبالى ؟

آدم : مط شفايفه امممم . ايوه انا عملت كدا .

آدم مراد : صك ع أسنانه بغيظ مكبت . ليه يابابا؟ لييه؟

آدم : شاور ل آدم . اقعد .

آدم مراد : قعد . وقال ايه وجهة نظر حضرتك انك تبعتهم . ازاى حضرتك قدرت ؟ دول كانوا......ومقدرش يكمل وقبض ع ايديه بغيره كبيره ....

آدم : ومحصلش .. الل كانو عايزيه محصلش يابني .. وده من لطف ربنا علينا . أنه كملها مع حفيدتى بالستر . وانا مش هستنى لما انت تقتلهم وتضيع مستقبلك عشان كلاب زي دول
والجارد انا مش هسيبهم . لكن انا حبيت اطمن الجبالى.

آدم مراد : بص لجدو ..وقال يعنى تقصد......؟

آدم : ابتسم بمكر .. جدك عمره ما ساب تار وخصوصاً لما يوصل لحريمنا وبناتنا . اطمن انا عارف انا بعمل ايه كويس ..

آدم مراد : طيب ممكن اكون معاك .

آدم : هز راسه لأ . انت ركز ف شغلك . وارسم مستقبلك . وسيب الجبالى ده عليا انا. انا هعرف اتعامل معاه ..

آدم مراد : هز راسه تمام يابابا ..

آدم : اتفضل بقى عشان عندي شغل مهم ..

آدم مراد : قام وقف . وخارج .

آدم : من غير ما يبصله .. آرين والعيله مسافرين معانا بكره بعد العصر تمام ..؟

آدم مراد : ابتسم بمكر . وهز راسه . وخرج .

آدم : ابتسم . وحرك شاشة اللاب توب وتابع شغله ..

------------------بقلمي مريم نصار.

عند فهد .

فهد قاعد ورينو جمبه. وآركان قصادهم .

آرين : بتتنطط بفرحه . واااااو . واااو بجد . اخيرا هشوف ساهيل .و دارلي أرابيان . بجد مش مصدقه نفسي .

فهد : بيضحك . يابنتى اعقلى وتعالى اقعدي جمبي هنا.

آرين : قعدت جنبه بمرح . واااو بابي انا بجد فرحانه اووووى . ونفسي اركب خيل .

فهد : غمض عينيه بنفاذ صبر . يابنتى انا شكلى دلعتك ع الاخر . خيل ايه الل انتى عايز تركبيه بس اعقلى ها ؟.

آركان : ههههه اه عشان تقع ع بوزها . ست آرين هانم . وتقرفنا عاااااااااهات. ههههه .

فهد ورينو ضحكو ..

آرين : صكت ع أسنانها بغيظ . وقالت مش هرد عليك عشان بابي حبيبي موجود .

رينو : ههههه اتنين أجن من بعض . خيل ايه يا آرين ياحبيبتى هو انتى صغيره ع الكلام ده؟ طلباتك غريبه جدا ..

آرين : فيها ايه بس يامامي؟ وكملت بمرح بما إن تيم مش موجود معانا . انا هركب الحصان بتاعه . دارلي أرابيان وااااو حصان يجنن .

فهد : خبط كف ع كف . وقال لأ وكمان عايزه حصان دارلي ال محدش بيعرف يروضه غيرى انا وتيم . اعقلى يا آرين الله يهديكى . انا بشترى الصبر عشانك ماشي ياروحي.

آرين : بطفوليه عاااااااااا انتو لييه كداااا . فيها ايه لما اركب خيل . بابي بقى بليز وافق . انا عايزه أكون قويه زي حضرتك عاااااااا.

فهد : بص ل رينو . ورفع حاجبه . اقوم اضربها .

رينو : هههههههه تصدق فكره . ههههه بتخيلك وانت بتجري ورا المجنونه دي ههههههه.

آركان : والله بجد البت دى عايزه علقه. تركبي خيل اه . انتى اخرك حماره .

رينو : كتمت الضحكه .

آرين : نزلت وشها ف الارض بزعل ..

فهد : بتحذير . آركان وبعديييين؟

آركان : بهزار . يابابا انا بهزر معاها والله . دي اختى حبيبتى . بس يعنى لو تعقل شويه.

آرين : بغضب طفولى. خلاص مش عايزه حاجه . ميرسي جدا لحضرتك ياسي بابي .

فهد : ضحك وحاوطها من كتفها . يابت انتى عامله ليا ايه ها؟
.مبقدرش ع زعلك . بس يا آريني ف حجات للبنت تنفع تعملها وف حجات متنفعش . وبعدين حصان دارلي وساهيل مش هتعرفي تتعمالى معاهم . ده مش هزار ياروحي .
. وياريت تعرفي انى بخاف عليكي . مش كفايه انى هروح الشغل واسيبك ف المزرعه وانا قلقان عليكى .

آرين : بطفوليه . ليه بس يابابي . مامي هتكون موجوده وكملت بمرح . وغير كدا بابا آدم حبيبى وماما مريم . وعمتو فريحه القمر . وا....احم تالين . وسكتت .

فهد : بغيره كبيره مكبوته . وهز راسه وسكت .

رينو : مالك ياحبيبى ؟

فهد : مفيش . يلا عشان عايز انام . الوقت أتأخر ..

رينو : استغربت . لكن قالت حاضر . يلا .

فهد : بص ل آرين . ورجع شعرها . وابتسم وباس جبينها . وربت ع ايدها وقام . تصبحي ع خير ياحبيبتي ..

آرين : وحضرتك بخير يا اجمل بابي ف الدنيا

فهد : تصبح ع خير يا آركان .

آركان : وحضرتك بخير يا بابا .

رينو : يلا كل واحد ع اوضته . وباستهم تصبحو ع خير .. ودخلت مع فهد .

آركان : بص ل آرين وضحك عايزه تركبي خيل ههههههههه.

آرين : حدفته بالمخده . انت مالك انت؟

آركان : اااه بتضربينى يا آرين ؟ طيب مش هقولك فيلم مين الل جاي ف السهره ..

آرين : طلعت لسانها ليه . مش عايزه اعرف . انا هدخل اقرا روايه جديده .

آركان : بتعجب ؟ روايه وده من امتى ده؟

آرين : ابتسمت ببراه . ميرو قالتلى ع روايه اقراها . يلا سلام يارخم ..

آركان : حدفها بالمخده . سلام يابارده.. خلصنا من الاسئله التافهه . دخلنا ف الروايات . لما اقوم اشوف حاجه تتاكل ايه الزهق ده.

------------------بقلمي مريم نصار.

الساعه ١٢ صباحا .

فيلا السيوفي .

چود : بتتاوب . ورايحه تنام. وفونها رن . واستغربت وقالت مين بيتصل دلوقتي؟ . وشافت الفون . وفتحت عينيها بدهشه . وقالت بغيظ . يابجاحتك يا اخي بتتصل دلوقتي ؟ عيل متخلف . وردت بغيظ . الو ؟

مصطفى : بياكل مانجا . الو مسا مسا ع عيونك ياچودي ..

چود : بغيظ . انت عبيط يالا انت ؟ انت خلاص مش واخد بالك من الوقت ؟ انت بتتصل ليه دلوقتي؟ وبتتصل عليا ليه اصلا ؟

مصطفى : نام ع ضهرو وحط رجل ع رجل . وقال ياروح مصطفى انا اتصل عليكى ف اى وقت . انتى الحته بتاعتى . وبعدين انا مش جايلي نوم. قولت اتصل عليكى تسلينى ..

چود : نفخت بنفاذ صبر . حته بتاعتك ايه يبنى ادم انت؟ وايه اسيلك دى انت شايفنى قرده ؟

مصطفى : بتحذير چوووود وبعدين . متظلميش القرده . ههههههه .

چود : ضحكت انت يبنى مجنون ؟ والله مجنون . ويلا بقى زوق عجلك ومتتصلش تانى ..

مصطفى : بتمثيل الحزن. بقى كدا ياچود . يعنى انا بقيت وحيد من بعد كريم . وقولت اكيد چود هي الوحيده ال هتحس بالوحده ال انت فيها يامصطفى . وهتتصل عليك تتطمن وتقف جمبك . تقومي تعملى كدا ؟

چود : ضغطت ع شفايفها بحرج وزعلت علشانه. لكن قالت . معلش الوقت أتأخر وعيب انك تكلمنى دلوقتي.

مصطفى : اتعدل بخنقه وقال چود انتى بتحبيني ولا لأ؟

چود : نفخت بحيره. تصبح ع خير يامصطفى .

مصطفى : كشر عينيه وقال مااااشي انتى ال جبتيه لنفسك . بس مترجعيش تعيطى .اشطا ياحته؟

چود : صكت ع أسنانها بغيظ كبير . انا حته . ياعديم الزوق . غور يلا من هنا . ومشوفش رقمك تانى عندي سلاااام.

مصطفى : بحبك . سلاااام وقفل .

چود : قفلت ونفخت بخنقه . وبعدها ضحكت من قبلها ع مصطفى وقالت يابن المجانين ..

------------------بقلمي مريم نصار.

ف اسكندريه ..

ميرو : كانت بتتوضى وخارجه من الحمام . وشافت رقم كاميليا بالصدفه. وحست بالغيره
.واتخنقت وقلبها متغاظ جدا .صلت القيام وقرأت الورد . وعايزه تنام . وموجود سرير واحد ف الجناح. وكنبه وكراسي .

تيم : قاعد ع الكنبه . ومخنوق جدا من كلام مريم . وكمان لأن كاميليا كل شويه تتصل عليه . ولاحظ إن مريم اضايقت من اتصالها . وسابته ودخلت تصلى .

ميرو : بزعل .. لو سمحت انا هنام فين ؟

تيم : بخنقه . نامي ع السرير .

ميرو : بتوتر. وانت هتنام فين؟

تيم : وصلته رساله من آدم مراد بالفيديو اعتراف الجارسون وعامر . وابتسم بخبث .
. وقال انا هنام ف اى مكان مش هتفرق . نامي انتى .وقام رايح ع التراس . تصبحي ع خير ..

ميرو : سمعت صوت الرساله . وقالت جواها بغيره اه تلاقيها ست كامليا . اممم . ونفخت بغيره. وانت من أهله . واتحركت بنرفزه . ونامت ع السرير بالحجاب . ومخنوقه ومش عارفه تنام وهي لابسه الحجاب ..

تيم : مراقب تصرفاتها . وضحك بصمت .. وحط السماعه ف ودنه وشغل الفيديو . وبيسمع ويتفرج ..

عامر : بينهج . وقال انا شغال ف شركة عبدالباري بيه انا وعمي . وكنا واخدين منه سلفه كبيره . عمى كان هيعمل عمليه لابنه . وانا كنت عايز اسدد ديون ع اخويا الكبير. ومضينا ع وصولات امانه. وف يوم عرفنا إن عبدالباري بيه تعب واتحجز ف المستشفى. وروحنا نطمن عليه انا وعمي وكانت بنته كامليا واقفه جمبه . وعمى اترجاه أنه يسلم لينا وصولات الامانه. واحنا هنسدد ع فترات. لكن موافقش . وقال ده حق اثبات ومينفعش وده اتفاق من الاول ولو مدفعتوش انا هرفع الوصولات للنيابه . وخرجنا محتارين وخايفين . الدكتوره كامليا . خرجت ورانا وقالت أنا هسلمكو وصولات الامانه ومش هتاخد فلوس بس بشرط واحد . والل هو ف واحده معايه ف الكليه اسمها مريم العدوي وعايزه تخطف خطيبي مني وبتلعب عليه دور الاخلاق ..وقالت كمان أن خطيب الدكتوره كامليا بدء يعجب بالدكتوره مريم . وهي هتلعب لعبه
صغيره . هتثبت للدكتور تيم إن الدكتوره مريم يعنى اخلاقها ......... احم وقالت هشوف خطه واعرفكم . وبعدها اتصلت عليا ف يوم. وجاتلى البيت ال الدكتور كان فيه وحرقه بعد كده. وشافت أنه قديم ومفيهوش كاميرات مراقبه وامان . وقالت بكره مريم هتكون ف الفندق. واتفقت مع الجارسون انها اول ماتروح الحمام أنه يخدرها ويطلعها لينا من الباب الخلفي. لكن محصلش ولما الدكتوره خرجت بره بعتت لينا رساله انها بره الفندق. مع صوره ليها. واتفجأنا بالشبه الل بينهم . والدكتوره مريم راحت قعدت ف الاستراحه وانا ف العربيه .وعمى مثل أنه تعبان خالص وقعد جنبها وجابتله عصاير وحجات تانيه. وانا كنت واقف وراها ورشيت مخدر ف وشها واغمي عليها. والناس سالتنا وعمى قال دى بنتى . وأخوها . واخدناها ف العربيه. والجارسون جه واخد الفون وسلمه للدكتور. وباتفاق مع الدكتوره كامليا. هي بعتت ليا الرسايل . وانا بعتها ع رقم الدكتوره مريم. عشان الدكتور تيم يشوف الرسايل . بس الدكتوره كامليا نبهت علينا وهددتنا إن محدش يقرب من الدكتوره مريم لانها حته تقيله ف البلد . بعتت لينا رساله إن ابوها مخابرات عامه وجدها الامبراطور آدم العدوي. وجدها اللواء طارق السيوفي وأخوها مخابرات عامه . واحنا لو كنا نعرف كدا مكناش عملنا حاجه زي دي . بس احنا والله معرفنا هي مين غير وهي متخدره معانا ف الشقه. وبعدها حطيت اللون ع السرير . والدكتوره كامليا اتصلت عليا. وقالت أنا ف المطار ونص ساعه والدكتور هيكون عندك . واول ما يطلع انت اهرب بسرعه . وبعد ماتهرب ابعت آخر رساله ع رقم الدكتوره مريم . وده الل حصل. وبعدها هربت. ولحد دلوقتي لا أخدنا الوصل ولا عارفين ننام من الخوف لانها مسافره . الدكتوره كامليا منها لله ضحكت علينا انا وعمي.

تيم : بيسمع الفيديو . والدم غلى ف عروقه وقبض ع ايديه بغضب واضح . وضرب ايدو ف سور التراس بقوه واتجرح. وقال اقسم بالله العظيم ياكامليا . لا اخليكى تعيشي ف صراع طويل مع نفسك . واخليكى تتمنى كل يوم إنك مقابلتيش تيم عزيز ف طريق حتى لو بالصدفه ..

تاني يوم ..

.ميرو : بتعب هو ايه الل حصل . انا مش فاكره حاجه . وايه الل جابنى هنا ؟ -------------يتبع


موعد الحلقة الجديدة الساعة  8 م  يوميا ان شاء الله .

هنا تنتهى احداث رواية جريمة عشق 4 الحلقة 38 ، يمكنكم اكمال باقى احداث رواية جريمة عشق الجزء الرابع الحلقة 39 أوقراءة المزيد من الروايات المكتملة فى قسم روايات كاملة .

نأمل أن تكونوا قد استمتعتم بـ رواية جريمة عشق الجزء الرابع ، والى اللقاء فى حلقة قادمة بإذن الله ، لمزيد من الروايات يمكنكم متابعتنا على الموقع أو فيس بوك ، كما يمكنكم طلب رواياتكم المفضلة وسنقوم بوضعها كاملة على المدونة .
تعليقات



حجم الخط
+
16
-
تباعد السطور
+
2
-