نقدم اليوم احداث رواية جريمة عشق الجزء الرابع ميراث العشق الحلقة 42 من روايات مريم نصار . والتى تندرج تحت تصنيف روايات رومانسية ، تعد الرواية واحدة من اجمل الروايات رومانسية والتى نالت اعجاب القراء على الموقع ، لـ قراءة احداث رواية اسيرة العادات والتقاليد كاملة بقلم مريم نصار من خلال اللينك السابق ، أو تنزيل رواية جريمة عشق 4 pdf كاملة من خلال موقعنا .
رواية ميراث العشق مريم نصار الفصل الثاني والاربعون
الحلقه ٣٢ ج ١
رواية جريمة عشق ٤
(ميراث العشق)
هل تؤمن برسائل الله لك؟!
هذه رسالتك اليوم
لا تظن أنك وحيد، اللَّه دائماً معك، وكن ع يقين بهذه الثلاث، لا أحد أرحم بك من ربك، ولا أحد أعلم بهمك أكثر من ربك، ولا أحد يقدر ع رفع الضرر عنك إلا ربك، فلا تيأس وتذكر ان الله معك وابتسم.
ف أيامكم الصعبه ، اكثروا من هذا الدُعاء :
"اللهُمَّ أرني عجائب صنعك ف دعائي وأرني لطفك ورحمتك ف قضاء حوائجي وأرني كرمك وقدرتك ف ما تعلق به قلبي إنك ع كل شيء قدير."
______________________________________
بسم الله نبدأ
أسم الكاتبة الحقيقي : شريهان ابراهيم.
الإسم الحركي للكاتبة : مريم نصار.
فيلا عزيز ..
ف الليفنج .
هنا : مريم ياحبيبتى زمان العيله ع وصول كل حاجه جاهزه ؟
مريم : طبعا ياماما . اطمنى حضرتك كل حاجه قولتى عليها اتنفذت . والأكل تحفه اوووى بجد .
هنا : ابتسمت بحب . حبيبتي تسلمي . انا عايزه كل حاجه تكون زى ما ماما شرين كانت بتجهزها . وعيونها لمعت بدموع . ربنا يرحمها . كانت لما تعزم رنا ومريم . تجهز الاكل بالطريقه دي . عايزه رنا لما تدخل البيت متحسش انها غريبه . او انى مرات اخوها . لأ . رنا دي اختى وصحبتى . وده هيفضل بيتها ال اتربت فيه .. ودموعها نزلت .
مريم : قامت بسرعه وقعدت جمبها . بزعل حقيقي بتعيطى ليه دلوقتي ياماما .
هنا : بدموع . ماما شرين وبابا مصطفى وحشوني اوى ..ومسحت دموعها بسرعه وابتسمت .
. وقالت تعرفي يامريم ؟ انا امى اتوفت وال تعب ف تربيتى بابا الله يرحمه . كنت خجوله وشخصيتى ضعيفه جدا .
.وضحكت بسخريه .وسهل جدا إن حد يضحك عليا . بس تعرفي عشان كان قلبى برئ ونيتى خير؟
ربنا رزقنى واتعرفت ع رنا ف الجامعه . وكانت اجمل حاجه حلوه حصلتلى . رنا قدمت ليا الدعم المعنوى .
. وحاولت تغير من شخصتى للأحسن . وبعدها اتجوزت عمك أشرف .
. وابتسمت بحب . اجمل سنين عمرى عشتها ف البيت ده .
. وماما شرين كانت بتعاملنى زى بنتها واحسن . ويشهد الله انها كانت ونعم الأم والصديقه.
.وعمرها ما جت عليا ابدا ولا ظلمتنى . لأ .. كانت تيجى ع اشرف . وتقوله هنا دى بنتى . ولو زعلتها تبقى زعلتنى انا .
. وبابا مصطفى كان ونعم الأب كان حنين علينا اوى . وكان ديما يقولى بحب توترك اوى يابت ياهنا ويضحك لما بتلخبط ..
.وعندو يوسف ده كان ابنه قبل حفيدو . هو وريتال . بجد زكريات لا تنسي ابدا . ربنا يرحمهم ويغفرليهم .
مريم : دموعها نازله بصمت كبير . وافتكرت أمها وأبوها ..
هنا : شافتها وحست بيها . وضمتها لقلبها بحنان وربتت ع ضهرها بحنان . ربنا يرحمهم ويغفرليهم ياحبيبتى . واعرفي يامريم انك بنتى . انتى زيك زي ريتال بالظبط . انتى غلاوتك من غلاوتهم . دى انتى مرات الغالى . وجبتيلي اجمل احفاد . كريم ابن قلبى ربي يسعدو . ومصطفى البكاش ده . ولد مشاكس . وضحكت ..
مريم : غصب عنها ضحكت . وخرجت من حضنها وباست ع ايدها . ربنا يباركلى ف حضرتك وبابا اشرف .. انتو عمركم ماحسستونى انى وحيده من بعد فراق ماما وبابا الله يرحمهم . وابتسمت . أما مصطفى ده بجد ربنا يهديه . الولد بجد ايكونه غريبه جدا ياماما .
هنا : ليه عمل ايه تانى الولد ده؟
مريم : هههههههه لأ لأ مش هتصدقي عمل ايه قبل الفرح بيومين . انا انهارت ضحك بسببه . مش عارفه طالع لمين الولد ده ..
هنا : ههههه اكيد ل رنا كانت كدا وهي صغيره . ماما شرين كانت تقولى إن رنا كانت فظيعه وعقلت شويه لما دخلت الجامعه .. المهم عمل ايه قوليلى عشان أشد ودانه .
مريم : ههههه بصي يستي انا كنت نازله ع السلم وبتصل ع أصحابي اعزمهم للفرح . المهم سمعت صوت طالع من المكتب . انا استغربت .وقولت ايه ده؟ بابا ويوسف خرجو يشترو بدل الفرح . مين ف المكتب؟ المهم اتسحبت وكنت خايفه اوي . وقربت من المكتب . سمعت صوت مصطفى وهو بيتكلم بأمر وكان بيزعق لحد وبيقول انت اخدت كل فرصك . وخلاص ... انا الانسان ليه عندى فرصه واحده بس. اتفضل قدم استقالتك . وانزل ع الخزنه صفى حسابك ومشوفش وشك هنا تاااانى .
انا تنحت وحسيت انى مش فاهمه حاجه . المهم دخلت المكتب . هههههههه . لقيت الاستاذ لابس قميص ابيض وعليه كراڤت اسود . وقاعد ع مكتب جدو . وفاتح اللاب توب . وكأنه مندمج أوى وصاحب شركه . انا قولتله مصطفى انت بتعمل ايه؟
مصطفى قالى . بتحذير . لو سمحتى خلى بالك من كلامك . انا هنا الباشمهندس مصطفى . مصطفى دى بقى ف البيت يادكتوره وياريت تخبطي بعد كده . مش باب وكاله هو ..
انا بصتله بدهشه وقولت انت بتقول ايه ياولد انت؟ وانت ازاى تدخل مكتب جدك؟ . قووم اطلع بره .
هههههههههههه مش عايزه اقولك لما قام وقف هههههههه كان لابس الشراب والجزمه ع شورت البيت مع القميص والكرافت هههههههههههه وكان شكله يهلك ضحك . وخارج يبرطم ويقولى يعنى بتطردينى من الجنه . اتفضلى ادي استقالتي اهي . وختم ع ورقه فاضيه . وسابنى وخرج . هههههههههههه . كنت هموت من عمايله .
هنا : ضحكت من قبلها . الولد ده خاطف قلبى رغم كل عمايله . حبيب قلبي ربنا يسعد ايامك يامصطفى يابن قلبى يارب ..
------------------بقلمي مريم نصار.
الجارد اتصل ع فون البيت.
مريم : ثوانى ياماما. وقامت ردت. الو .
الجارد : باحترام . طارق باشا وعيلته وصلو يافندم .
مريم : ابتسمت تمام شكرا جدا. وقفلت .
هنا : ايه وصلو ؟
مريم : ايوه ياحبيبتى . انا هقول ل داده ثريا تجهز الاكل .
هنا : طيب البس انا بقى نقابى . وبسرعه يامريم بلغي أشرف ويوسف ف المكتب ان العيله وصلت . هو مصطفى فين؟
مريم : بنفاذ صبر . ف اوضته فوق .
طارق دخل بالعربيه . ومعاه رنا وچود .
فارس دخل وراه بالعربيه ومعاه رودي وچواد .
طارق : نزل وشاور للحارس . يشيل شنط الهدايا . ويدخلها جوه.
رنا : ماشيه جمب طارق . وساكته خالص .
طارق : لاحظ سكوتها اول ما نزلو . وشاف عينيها بتدور ف كل مكان . كأنها بتفتكر زكريات عيلتها زمان . واتأكد من ده لما شاف دموع ف عينيها .
طارق : مسد ع حجابها وقال ادعيلهم بالرحمه والعفو يارانوش .
رنا : مسحت دموعها وهزت راسها الله يرحمهم . تعرف ياطارق . من غيرهم البيت مالوش طعم ولا روح .
. اي نعم اشرف وهنا مقصروش معايا ف اي حاجه بعد وفاتهم .
. بس لما بدخل بحس إن سعادة البيت اختفت.
. وابتسمت فاكر ياطارق بعد جوازي ع طول لما كنت بدخل الفيلا واجري ع بابي ..كنت بترمي ف حضنه اوى وكنت هوقعه من شدة الحضن . وضحكت .
طارق : بمرح ايوه فاكر يختى . وانا بقعد مع امك الله يرحمها كانت موزه جامده .
رنا : بصت ليه يزهول . ايه ال انت بتقوله ده؟
طارق : اهو ده الل ياخدو منك . زهول .وصدمه وتنحي . مفيش مره تتدلعي كدا . ياوليه انا ف سن حرج . زي ما تقولى كدا مراهقه متأخره . ومحتاج حنان من ال اتحرمت منه زمان .
رنا : هههههههههههه . الله يهديك ياطارق . مش عارفه اعمل فيك ايه؟
طارق : تعملى ايه؟ دلعينى ياوليه . قوليلى يابيبى.
رنا : ههههههههه لأ لأ يلا ندخل الله يهديك .
طارق : بغيظ . طيب عليا الطلبات ما انتى داخله ال لما تقوليلى يلا بينا .يابيبى .
رنا : هزت راسها بنفاذ صبر . وقالت يلا بينا يا .... هههههههههههه.
طارق : باس ع أيدها وقال . ايوه كده . بياض التلج تضحك وتفرح وبس .
رنا : بتنهيدة حب . ربنا يديمك ف حياتى كلها ياطارق .
چود : نازله من العربيه . وقلبها بيدق بفرحه كبيره ومبسوطه انها هتشوف مجنونها.
. وماشيه ورفعت عينيها بالصدفه وشافت مصطفى واقف ف التراس . وفتحت عينيها بزهول . وقالت ينهار ابوك مالوش ملامح؟ انت بتشرب سجاير يامصطفي؟
وصكت ع أسنانها بغيظ كبير . وماشيه . وقربت من الفيلا . عينيها ع مصطفى . لكن وقفت مكانها مره واحده . وفتحت عينيها بزهول اكبر . وقالت بؤصمات؟ بتشرب بؤصمات يامصطفى؟
مصطفى : واقف ف التراس . وبياكل بؤصمات . وبيكلم نفسه. ومش واخد باله من چود.
.. وبيقول ياااااااه .. لو اكون مافيا كبير . واشرب سِجار .
.والجارد يدخل يقولى تمام يابوص ياكبير . قتلنا چود هانم . عشان مقالتش انها بتحبك ياباشا.
.واقوم انا احط رجل ع رجل بجبروت. واشرب سِجار كدا .
.وقلد كأنه بيشرب وحط البؤصماته ف بوقه . وبينفخ الدخان لفوق . وقال بشر ... ولعو ف جتتها .
ياااااه عليا ف الشر جبروت جبروت يعنى مفيش كلام ..
. . اممم . وبص ع الجنينه وبيشرب سِجار البؤصمات. وشاف چود . وضحك وشاور ليها بايدو . ونفخ الدخان لفوق .
------------------بقلمي مريم نصار..
طارق والعيله دخلو . وبعد السلامات والترحيب كلهم قعدو مع بعض ..
فارس : اومال مصطفى فين ؟
يوسف : مصطفى فوق ونازل حالا .
چود : بتكلم نفسها . العبيط مفكر البؤصمات سجاير . انا حبيت غلط والله . عيل اهبل .
. ورفعت عينيها ع السلم وشافت مصطفى . وفتحت عينيها بدهشه من جماله وقلبها بيدق بسرعه .
.وكان لابس بنطلون اسود وقميص أبيض . وشكله يجنن بعضلاته . وچود . بتوهان . يخربيت جمال امك مفيش منك اتنين .
مصطفى : نزل وريحة برفانه واصله لعقلها . وقال بمرح . السلام عليكم ورحمة الله وبركاته . وال ف جيبك هاته ههههههههه ..
كلهم ضحكو . وعليكم السلام ..
مصطفى : بابتسامه. جدو طارق ملك العيله كلها اقسم بالله .. وسلم عليه ..
طارق : اهلا اهلا الواد ده بيفهم .. طالعلى ..
اشرف : وحياتك وافظع . الواد ده انا مش قادر افهم دماغه .
طارق : بس بس سيب الواد ده ف حاله . انتو ال بتحبو الدراما كتير .
مصطفى : بمرح . نااناااه رنا القمر . وانا اقول الفيلا زادها نور ليه ياناصح افندي ؟
.رد وقالي من اللمبه اللد هههههههههههه . وضمها بمرح . وعيونه عليها وقال نورتى بيتك يقلبى وغمز لچود ..
چود : صكت ع أسنانها بغيظ وبصت بعيد .لكن قلبها مبسوط.
رنا : هههههههههه والله . يعنى مش انا الل نورت البيت؟
مصطفى : مين العبيط ال يقدر يقول كدا . دا انتى شعاع النور كله يااجمل ناناه .
طارق : بغيره . ماخلاص ياض انت هو مفيش غيرها. خش سلم ع عمك فارس واخلص .
مصطفى : ههههه همس ل رنا عِنيف عم الحج .
رنا : هههههههههههه .
طارق : بغيظ بيقولك ايه الواد ده؟
مصطفى : لأ لأ مقولتش انا بقولها بيغير عليكى . احم ولا ايه؟
رنا : هههههههههههه ايوه طبعا .
مصطفى : بمرح .. عمى فارس .. او خالى فارس اى كان انا بحبك والله .
فارس : ههههه وانا كمان يسيدى . عامل ايه يادرش ؟
مصطفى : الحمد لله تمام وزى الفل . بس ايه رأيك ف العضلات . وبص لچود . وقال ايه رايك ف الباى والتراي .؟
فارس : لأ ماشاء الله عليك . انت مش محتاج عضلات يابطل .
مصطفى : كشر عينيه ليها . وقال انت عارف بقى إن ف ناس بتحب الشكليات . قولت وماله . مافيهاش حاجه لما نعمل باي وتراي اهو نفك العقد ال عندهم.
چود : من بين أسنانها عيل لمض فاكر دمه خفيف ..
مصطفى : باحترام . منورانا يادكتوره رودي . والله البيت منور انهردا .
رودي : حبيبى يامصطفى . كلك ذوق .
مصطفى : اذيك ياچواد باشا .
چواد : تمام يادرش .
مصطفى : وقف قدام چود .بغمزه . اذيك يا انسه .
چود : شمت برفانه . وهمست الله يخربيتك . وقالت الله يسلمك .
اشرف : منورين ياجماعه والله . اليوم ناقصه آدم وعيلته .
طارق : اه والله . وحشنى إبن الايه ..
اشرف : هي مريم كلمتك يارنا .
رنا : كل يوم ياحبيبى زى ما عودتنا . وكانت عايزه أننا نروح معاها بيت المزرعه . بس طارق رفض بقى .
يوسف : كشر عينيه بعدم فهم . ليه بس ياعمى . حد يرفض الطبيعه .
طارق : ابتسم . والله آدم اتحايل عليا . بس انا فكرت قولت مش هينفع . اسيبه مع عيلته برحته . واحنا الرجاله كلنا كدا بربطة المعلم نروح يومين . ايه رايك يا اشرف؟
اشرف : انا معاك ف اي حاجه .
هنا : بسعاده . نورتي بيتك يا رنا .
رنا : بحب . منور بيكى ياهنا . ربنا يبارك فيكي ياحبيبتى ..
مريم : بفرحه . والله ياعمتو . ماما هنا من امبارح مبسوطه جدا ان حضرتك هتشرفينا انهردا . ومحتاره عايزه تعملك كل حاجه حلوه .
رنا : ابتسمت . هنا عشرة عمر بحاله يامريم يابنتى . ربنا يديم الود والحب بينا .
كلهم آمين .
مصطفى : طيب انا جعان .
كلهم ضحكو .
مريم : بغيظ . اييه يامصطفى انت صغير . عيب كدا .
مصطفى : اله هو انا قاعد مع حد غريب . دول صحاب البيت . ورقص حواجبه ل چود . ولا ايه؟
چود : ارتبكت وبصت بعيد . لكن فرحانه اوي .
هنا : مريم ياحبيبتي . قولى للبنات يجهزو السفره .
مريم : هزت راسها حاضر ف ثوانى . وقامت .
رودي : كريم وليليان اخبارهم ايه؟
يوسف : ضحك .. لا زى الفل . العريس مش عايز يكلمنا . كل شويه خارجين . خارجين . قولت وماله ربنا يسعد أوقاتهم .
كلهم آمين ..
وبعد شويه . الغدا جهز . والكل اتغدي وكان وقت جميل بينهم .
------------------بقلمي مريم نصار.
ف بيت المزرعه ..
آركان : عقم الجروح لأخته وكان زعلان جدا عليها . واكتشف أنه مايقدرش يعيش من غيرها . وكان خايف جدا عليها . وشربها العصير بالعافيه .وقعد جنبها شويه.
آرين : عيطت كتير ف حضن جدتها مريم . مع اعتذار متكرر لحد ما هديت ونامت .
رينو : عدلتها وشدت عليها الغطا . وقعدت جمبها تعيط ومرعوبه من فهد لو عرف هايبهدل الدنيا . آرين عندو خط احمر . وغمضت عينيها بتعب . وقالت اعمل ايه بس يارب . يارب حلها من عندك .
آرين : نايمه ودموعها نازله من الجمب وبتأن بخوف من رهبة الموقف ..
آدم العدوي : يلا بقى الكل ينزل تحت وسيبو آرين تستريح .
مريم : باست جبينها بحب .ومسدت ع شعرها . وقامت بزعل . وقالت رينو يابنتى شغلى قرآن جنبها يطمنها .
رينو : مسحت دموعها حاضر يامامي .
آدم العدوي : شاف مريم زعلانه . وربت ع أيدها وقال أنا هنا و كل حاجه هتكون تمام ..
مريم : بصتله بترجي كبير . وخايفه من المشاكل ..
آدم العدوي : ابتسم . وهز راسه ليها اطمنى ياروحي . يلا تعالى . ونزلو .
فريحه : شغلت قرآن. وقالت تعالى يارينو ياحبيبتى وسبيها تستريح . هي بس اتخضت . وإن شاء الله هتكون بخير .
رينو : مسحت وشها بتعب . وبصت ع آرين . واتنهدت بتعب . وباست جبينها . وقامت . ونزلت مع فريحه ..
كلهم ف الليفنج . وآدم ف المكتب ..
فريحه : بقلق . هو آدم فين ؟ مش موجود ف البيت ولا المزرعه؟
آركان : وانا بجيب علبة الاسعافات . سمعت صوت العربيه بتاعته .
تالين : انا سألت طنط مرات عمو منصور . وقالت خرج بالعربيه اول ما نزل من فوق .
فريحه : استغربت . خرج؟ هيكون راح فين؟
رينو : بتفرك ف ايديها بتوتر واضح . وبتتخيل ما لايحمد عقباه من فهد لما يعرف.
.واتخيلت أنه بيزعق ل آرين وآدم وهي كمان فهد ممكن يبعد عنها . وقلبها بيدق بخوف .. وغمضت عينيها استر يارب .
مريم : ربتت ع كتفها وحدي الله يارينو يابنتى . الحمد لله انها جت ع قد كدا . يعنى لو كان لاقدر الله حصلها حاجه ؟ مش كنا هنقول ياريت حد لحقها والباقي سهل؟ خلاص نحمد ربنا بقى أنه حفظها .
رينو : بتوتر . الحمدلله طبعا . والله انا راضيه بقضاء الله.
وكملت بدموع .. بس خوفي كله من فهد . المشكله انه انهردا الصبح ع الفطار نبه عليا اكتر من مره انى اخد بالي من آرين وماسيبهاش لوحدها . وانا قولتله ماتقلقش عليها .
رينو : مسكت ايد مريم بخوف . مامي انا مش عارفه فهد لما يعرف هيعمل ايه؟
. انا اول مره اخاف كدا . آرين عند فهد كل حاجه دى لو اتخدشت خدش صغير بيضايق جدا عشانها . انا مش قادره اتخيل رد فعله . مامي قوليلى الله يكرمك اعمل ايه؟
مريم : غمضت عينيها بتعب . واتخيلت فهد لما يعرف كمان إن آدم شال بنته بين ايديه
.وربتت ع ايد رينو وابتسمت وقالت . متقلقيش وإن شاء الله ربك قادر يحلها .
رينو : ونعم بالله .. وكملت بخنقه . ازاى بس هتتحل ؟
.فهد كلها ساعتين ويكون هنا . وكمان ايد آرين مجروحه وملفوفه بشاش . وآرين عمرها ماخبت حاجه عن فهد ابدا ..
. ملهاش حل يامامي . ملهاش حل .. استغفرك ربي و اتوب اليك . لاحول ولاقوة إلا بالله . ليه كدا يا آرين يابنتى الله يهديكى . ده ابوكي نبه عليكى كتير ماتجيش جمب الاسطبل ولا الخيل .
مريم : ابتسمت بيقين .. ومسدت ع حجابها وقالت مفيش مشكله ابدا وملهاش حل . ورب العزه قال ...
" قُلِ اللَّهُ يُنَجِّيكُم مِّنْهَا وَمِن كُلِّ كَرْبٍ ."
هوني ع نفسك يانور عيني . وسبيها ع الله ..
رينو : حطت وشها بين ايديها بإحباط كبير وقالت ونعم بالله .. ونعم بالله ..
آدم العدوي : سمع كل حاجه ف الليفنج . ومط شفايفه بتفكير واتنهد .. وقفل باب المكتب . وقعد ع الكرسي الهزاز . يفكر ..
------------------بقلمي مريم نصار.
آدم مراد : خرج غضبان .لانه مش عايز يتكلم مع حد .
.وكمان مش عايز يتواجه معاها عشان مش عارف هو ممكن يعمل فيها ايه؟
. وسايق بسرعه كبيره جدا .وغضبان. وصورة السرج لما اتفك و آرين وهي بتقع من ع الحصان . قدامه ع طول . وجواه إعصار كبير جدا من لحظة الخوف . والضعف .
و (آرين نقطة ضعفه) وهو بيكره الضعف.. وصك ع اسنانه بغضب شديد . لدرجة انها عملت صوت . وكل مايفكر لو ملحقهاش . وبينهج بسرعه وصوت عالى . عشان ماسمعتش كلامه. وغبائها كان هيخسرها حياتها .
.وقال من بين أسنانه بكُره العالم كله . فرصتك خلصت يا آرين . وزعق غبييييييه . غبييييه يا آااررررييييين . وشاف صورتها وهي بتعيط بخوف وجرح ايديها . ودخل ف حته ضلمه . ودااااااس بنزين بسرعه كبيره .
.وسايق ومش شايف قدامه . وكان ف شجره كبيره جدا ..
.وآدم انتبه ع آخر لحظه وفرمل لكن ملحقش . والعربيه خبطت ف الشجره . وآدم جبينه اتخبط ف الدريكسيون . واتجرح ونزف . وغمض عينيه . ورجع راسه لورا . ومهتمتش بكل ال حصل معاه ..
آدم مراد : مرجع راسه لورا ومغمض عينيه وقلبه بيغلى من الغيظ والغيره وكل حاجه . وأنها جازفت بحياتها عشان عنادها ..
بعد شويه فونه رن .
. وانتبه للصوت . وطلع الفون من جيبه بخنقه . وشاف شاشة الفون اتكسرت . واكيد وقت لما وقع من ع الحصان. وشاف الرقم بصعوبه وكان جدو آدم .
.وماينفعش مايردش عليه . واخد نفس عميق . ورد . بثبات الو.
آدم العدوي : قام وقف قدام الشباك وحط ايدو ف جيبه . وعينيه ع الخيل. وقال بهدوء .. روحت فين؟
آدم مراد : مش عارف يتكلم . او مش قادر ولا عايز يتكلم .. واتنهد ...
آدم العدوي : هز راسه بتفهم . ولكن حب يضغط ع الوتر . وقال هربت ؟
آدم مراد : صك ع أسنانه بغضب . وقال مش آدم العدوي ال يهرب ..
آدم العدوي : بشبح ابتسامه . اومال ال انت عملته ده ايه؟
آدم مراد : بتعب انا مهربتش يابابا . انا بعدت شويه .
آدم العدوي : طيب بعدت شويه ... ولما ترجع هتعمل ايه؟
آدم مراد : اتخيل انه عايز يولع ف كل حاجه . ويعاقب آرين .وصك ع أسنانه ..........
آدم العدوي : سمع صوت الغيظ . واخد نفس عميق . وقال ايه هتعاقبها؟
آدم مراد : بغضب .انا مش هرجع .. انا هنزل مصر .. عشان مش عايز اتصرف تصرف مايعجبهاش ..
آدم العدوي : بتحبها؟
آدم مراد : كشر عينيه باستغراب .. حضرتك بتسأل يابابا بحبها؟
آدم العدوي : مش دى الاجابه ع سؤالي .. بتحبها؟
آدم مراد : غمض عينيه ..وشاف برائتها و لون شعرها وعينيها . واتنهد وقال . بحبها بكل كيانى يا بابا .
آدم العدوي : طيب لما هي كدا بالنسبالك . انت بعيد عنها ليه؟
آدم مراد : بخنقه .. عشان خايف عليها مني ..
آدم العدوي : لأ غلط . مفيش حاجه ف الحب اسمها خايف عليها منى .
.ال بيحب عُمره ما بيأذي تحت اي ظرف .. ولو حصل وغلط بيتعلم من غلطه .
. لأن الحب معناه الأمان . وحط تحت كلمة امان دى خطوط كتيره .
وبما انك بتحبها .. انت لازم ف الوقت ده تكون جنبها.
. لانك قبل ما تكون حبيب واخ وهتبقى زوج لازم تكون اب تانى ليها. ومهما تغلط انت تغفر وتسامح .
آدم مراد : بتنهيده .. بس هي غلطت وخلتنى اخاف .
آدم العدوي : وخوفك ده طبيعي لان الفقد ماحدش يقدر يتحمله .
. لكن سؤال مدام انت خوفت عليها. سايبها دلوقتي ف أشد احتياجها ليك ليه ؟
آدم مراد : بأحباط . انا بعدت عشان آرين بتخاف منى .
.وعشان كده انا خايف . وصك ع اسنانه بغضب انا معرفتش يعنى ايه خوف غير انهردا يابابا ..
آدم العدوي : انت لازم تحتوي المشكله دي وتصلحها .. ارجع ياحفيدى . ارجع ومتصلحش الغلط بغلط اكبر ..
آدم مراد : بس هي غلطت يابابا .
آدم العدوي : وماله .. غلطت ؟ وايه يعنى ؟ كلنا غلطنا قبل كدا وبنغلط وهنغلط .
.هي دي الدنيا لازم نغلط عشان نتعلم .
. اومال ازاى هنتعلم لو مغلطناش؟ لكن الأهم أننا نصلح الغلط .
.احيانا بنغلط غصب عننا عشان نثبت العكس لل بنحبهم .
وانت عارف حفيدتى . انها عندها حماس كبير . وحب المغامره .
. آرين قويه يا آدم ماتستهونش بيها . عندها شغف كبير .وتحدي اكبر.
. واكيد آرين جازفت المجازفه دي عشان كانت عايزه تثبت ليك و لفهد انها قويه وعايزه تقولك اهو .. انا اقدر . لانها يهمها انت وفهد وبس مش حد تاني .
. مفيش حاجه ف الحب اسمها غلطت واعاقبها .. انت دورك ف حياتها عباره عن ايكونه مكتمله . اخ وصديق وحبيب . وأهم حاجه انك تكون اب ليها .
. والأهم من كل ده . الامااان . مش هقولك تانى .. انت امانها .
.وواجبك مهما هي تغلط انت تصلح . لما تزعل انت تطبطب .
. هي تقلق انت تطمنها. هي تبكي انت تمسح دموعها . لما تغضب انت تحتويها . ال بيحب حد . بيطلع بيه لفوق . الحب بينور ياحفيدى مابيطفيش .
آدم مراد : بدأ يهدا . وافتكر غضبها الطفولى . وقلبه دق ليها . ونفسه بغمض عينيه ويفتح يلاقيها ف حضنه . لكن قال . لما تهدا هتكلم معاها ..
آدم العدوي : غلط ... اوعا ف يوم تسيب الشخص ال انت بتحبه وتقول هسيبه لما يهدى ؟
طيب لما تسيبه ف عز تعبه؟ . هترجعله لما يهدى ليه.؟
. ماهو خلاص بقى كويس . وانت هتكون من وجهة نظره اتخليت عنه وقت ضعفه واحتياجه ليك .
ال بيحب حد بجد مايهونش عليه يبعد عنك ثانيه ف وقت حزنك . لأن الوقت ده الوحيد هو الاثبات ع حبك .
آدم ياحفيدى انت دلوقتي آدم العدوي شبهي لكن زمان جدا .
.لما كنت بغضب كنت هخسر بسبب غبائى واستسلامى للغضب ..
.لأ انا عايزك آدم العدوي دلوقتي الامبراطور. عايزك تستخدم النعم ال ربنا ميزك بيها صح .
. اشتري للآخر يبنى ومتبعش . انت عندك صبر وعقل وقوه وذكاء . استخدمهم مع بعض . وخلى ذكائك وصبرك يتفوق ع الغضب والتسرع . ومتنساش فهد . لو عرف هيعمل ايه ف آرين وعمتك وكمان آركان .. وخصوصا أنت!!!...
آدم مراد : مسح الدم من ع جبينه . وبص قدامه . وقال أنا مش هيفرق معايا انا خالو يعمل معايا ايه..
.. لكن عمتو لارين و آرين هيكونو ف آمان وده وعد منى لحضرتك يا بابا .
آدم العدوي : ابتسم . وهز راسه . وبص ف الساعه وقال تمام . فهد حاليا ساعتين ويكون ف المزرعه . لما اشوف حفيد آدم العدوي . هيتصرف ازاى.!!!؟
------------------بقلمي مريم نصار.
ف اسكندريه ..
تيم : جاب المدونه . وبيقرا العنوان بفضول . وقال بتعجب .
(ميراث العشق)
وفتح صفحه من بين الصفحات . وبيقرأ بعنيه .
ع فكره .انا مش ضعيفه .. ايوه تيم نقطة ضعفي. وبعشقه حد الانهيار .
.لكن انا عمرى ما هفكر اهين نفسي. وابقى مجرد إحتمال ف حياة حد .
. يا اكون آكيد يا يااكون بعيد ..لكن مش ضعيفه. انا عمرى ما هقول ل تيم انى بحبه لأ. هو الل يقولى . انا لازم احس واعيش الاعتراف ده .هههه ده لو يعنى بيحبنى .
تيم : انهردا كان جميل جدا معايا. حسيته مختلف . وفجاءه يقولى انتى اختى. كلمه سخيفه محبتهاش منه. بس عادي .
. هو سالنى انا مخبيه عنه حاجه؟ طيب ياترى السؤال ده مقصود فعلا ؟
.ولا لمجرد شايف انى متغيره. اااه ياترى جواك ايه ياتيم ؟
ف حاجه عايزه اقولهالك ياتيم .
"لا نحتاج سوى الرأفه ببعضنا البعض، الرأفه ف الحديث، ف الفعل، ف التمسّك، وحتى ف التّخلي .
المهم اليوم انهردا كان حلو لقلبى . M/T
تيم : بيقرأ وعينيه مفتوحه . بزهول . معقول ؟ وفجاءه سمع صوت باب الحمام . وبسرعه رجع المدونه مكانها . وحط الفستان مكانه وقفل الدولاب . واتحرك كام خطوه .
ميرو : افتكرت انها ما اخدتش لبس ليها . وخرجت من الحمام .بتعب . ومركزتش مع تيم . لانها زعلانه بكسره .
وحاسه انها مكسوره وقلبها حقيقي مقسوم . وفتحت الدولاب بيأس وطلعت بيجامه .
تيم : واقف عينيه وقلبه عليها. ومش مصدق نفسه ولا ال قراه بعنيه . وخصوصاً جملة بعشقه حد الانهيار .
.ومسح وشه بايديه . وجواه مشاعر كتيره من فرحه وسعاده وزعل وحزن . وقرب منها . تحبى اساعدك ؟
ميرو : ..............
تيم : ابتسم . ميرو تحبي اساعدك ف حاجه؟
ميرو : ............... مردتش ..ودمعه نزلت ع خدها ومسحتها . وسابته ودخلت الحمام ..
تيم : مسح ع شعرو .ونفخ بخنقه كبيره . وقال لازم اصلح كل حاجه . لازم .
. مريم اوعدك انى هخليكى مبسوطه ع طول .. وخرج وقف ف التراس .. وبيفكر ازاى يعملها مفجأه تليق بعشقه ليها.
------------------بقلمي مريم نصار
ف نفس الوقت ف فيلا عزيز.
الكل بعد الغدا قاعدين مع بعض.
چود : قاعده ساكته ع غير طبيعتها .
مريم : چود ياحبيبتي . لو عايزه تخرجي تتمشي ف الجنينه شويه.
چود : ماصدقت . وقالت ياريت والله ياخالتو. بعد اذنك طبعا يابابي .
فارس : هز راسه تمام ياحبيبتى خدى معاكي چواد .
چود : قامت بابتسامه . وخرجت ومعاها چواد .
مصطفى : عايز يخلع وراها . بس هنشوف هيعمل ايه ؟
رودي : فونها رن .
فارس : مين ياحبيبتي ؟
رودي : ثوانى ياحبيبي وطلعت الفون من الشنطه . وضحكت بسعاده كبيره . ده اخويا بسام يافارس . بيتصل من امريكا .
فارس : فرح لفرحتها. طيب ياحبيبتى . قومي كلميه . وسلميلى عليه .
رودي : بضحكه كلها حماس . وقالت حاضر .بعد اذنكم ياجماعه . ومشيت بسرعه وردت بسعاده الو بسام اخويا . عامل ايه ياحبيبي ؟
بسام : بتكبر اذيك يا دكتوره انا كويس .
رودي : وحشتنى اوى اوى يابسام . انا هموت واشوفك انت وولادك واكمل ابنك عامل ايه اكيد كبر دلوقتي وخلص جامعه مش كدا؟ .بقالى ١٥ سنه نفسي اشوفك . مش ناوى تنزل مصر قريب .؟
بسام : مش وقته . وبعدين ما انتى بتشوفي صورتي ع الميديا . المهم خلينا ف المهم . انا بتصل ع بابا مبيردش ليه ؟
رودي : بحزن من أسلوبه . بابا تعبان شويه . واكيد كان نايم وقت اتصالك .
بسام : ايه تعبان ماله يعنى ؟
رودي : انت عارف أنه بابا كبر واتقدم ف العمر . ومبقاش قادر ع إدارة الشركه .وف يوم تعب واغمى عليه . وحاليا بيتابع علاج طبيعي .
بسام : والله انا ياما قولتله يبعتلى كل الملفات وانا هتصرف . المهم يارودي . عايز منك دلوقتي تروحي ل بابا . وتطلبي منه ملفات الشركه والسجلات . وتبعتيلى نسخه ع ميل شركتى . انتى عارفه لو جراله حاجه اكيد مراته دي هتكوش ع كل حاجه . وانا طبعا اولا بكل ده .
رودي : كشرت عينيها بعدم فهم . وقالت تقصد ايه بكلامك ده يابسام ؟
بسام : ياحبيبتي مقصدش حاجه . انا عايز اضمن حقى وحقكم ف التركه كلها . وهي حلال عليها العماره . إكراما ل بابا مش اكتر .
رودي : فتحت عينيها بصدمه كبيره . وهزت راسها . ده ال انت بتفكر فيه؟ انت حتى مطمنتش ع بابا يابسام؟
بسام : انتى ليه فهمتى كلامي غلط . وبعدين انا اخوكي الكبير ومن حقي احافظ ع كل حاجه. وبابا انا هتصل عليه . مع السلامه ..
رودي : بحزن حقيقي قفلت وخافت من المستقبل .
مصطفى : قام اتسحب بطريقته ..ودخل المطبخ . داده ثريا .
ثريا : نعم ياسي مصطفى . عايز حاجه يابنى ؟
مصطفى : كشر عينيه عايز طبق مانجا وطبق عنب يكونو محترمين كدا .
ثريا : حاضر . ثواني اجبلك ..
چود : ماشيه ف الجنينه . واد ياچواد انت عايز لما تخلص ثانوي تدخل كلية ايه؟
چواد : والله ياچود يختى انا لسه رايح تانيه ثانوي .. بس حلمي بجد ادخل اكاديميه بحريه .. نفسي ابقى قبطان بحري .
چود : امممم ياجامد . لا حلو ياض استمر ع كدا .
چواد : يامسهل الحال . احم بقولك تعرفي إن ياسين وحياه عند عمو مالك .
چود : امم عارفه كارما قالتلى .
چواد : بلخبطه هي كويسه ؟
چود : هي مين دي ياض ؟ كارما ؟
چواد : بلع ريقه بتوتر . لأ لأ احم انا قصدى طنط ساره وعمو مالك .
چود : كشرت عينيها بتعجب . ورفعت حاجبها بمكر . امممم وايه ال جاب القلعه عند البحر ياقبطان . هههههههه الهوى اجدعان . انت منمر ع كارما ياض هههههههه ..
چواد : نفخ بغيظ انتى مستفزه بجد . كارما زي اختى الصغيره . وبعدين انا بكلمك ع ياسين انتى ال قولتى كارما .
چود : بغمزه . قلبك ابيض ياقبطان متزعلش . بس انت اخويا حبيبى وانا افرحلك يعنى. ولو عايزنى اظبط الكلام واعرف التمام . انا معاك يا نجم .
چواد : قلبه دق وقال قصدك ايه؟ يعنى انتى ممكن تقوليلها عنى ؟
چود : ياض متبقاش غشيم . بس قولى انت ايه حوارك عشان نكون ف السليم . ونلحقها مش يمكن حد تانى منمر عليها .؟
چودا : فتح عينيه بصدمه . لاا استحاله . وكمل بتوتر . بصي انا مش عارف.
چود : صارحني بس والله العظيم هروقك . انت مش واثق ف اختك؟ دا انا رجوله وصاحب صاحبه . قولى بس انت بتحبها ؟
چواد : اتنهد . بصي هو انا مش عارف . وابتسم بحب وافتكر جمالها الهادي الجميل . وقال ف اللاوعي ..بس انا ف حاجه بتحصلي اول ما اشوف كارما قدامي . قلبى ده بيفضل يدق . وببقى عايز اتكلم معاها . رقتها واحترامها جميله جدا. يوم الفرح كانت جميله خيال . وطول الوقت غصب عني بلاقى عينى بتدور عليها . ولما بتقولى اذيك ياچواد . مش عارف بحس ان نطق اسمى منها مختلف عن باقى الناس . مش عارف ياچود . انا بقالى سنه واكتر ع الحال ده. وبقول لنفسي ممكن يكون إعجاب مش اكتر . زي ما بسمع من صحابي ف المدرسه . بس اكيد لأ . لانى مش شايف غيرها. ومش عارف اعمل ايه انا لسه صغير وهي لسه ف ٣ اعدادي . يعنى صغيرين . وخايف لما تكبر متكونش من نصيبى. بجد خايف ..
چود : ربعت ايديها الاتنين وبتسمع چواد . وشافت لمعت الحب ف عينيه. وابتسمت بحب كبير . ولعبت ف شعرو. وقالت مش عايزاك تخاف من حاجه . وانا هشوف الحوار ايه .
چواد : انتبه . وقال هتعملى ايه؟
چود : يغمزه. مالكش دعوه انت بقى . انا هتصرف . بس مش دلوقتي . ولو كارما حسيت ان من ناحيتها اعجاب ليك . انا هريح قلبك .
چواد : يتفائل احلا چووووود دي ولا ايه؟
مصطفى : من بعيد .چووااد يا چواد .
چواد : لف ليه وابتسم نعم يامصطفى.
مصطفى : تعالى عايزك .
چواد : هز راسه تمام جاي . وساب چود ومشي .
چود : عينيها ع مصطفى . وحطت أيدها ع قلبها اول ما سمعت صوته . واتوترت . ولفت ضهرها ليه وبصت للبيسين ..
چواد : نعم يادرش .
مصطفى : بمكر عامل ايه ياض ياچوچو .
چواد : بغيظ . أسمى چواد مش چوچو . ماشي.
مصطفى : ههههه يبنى فين عضلاتك ال يبان منها انك چواد . ده عيب ع اسمك. اقولك ع حاجه . تعالى معايه .
چواد : بعدم فهم معاك ع فين؟
مصطفى : تعالى بس . وشدو من ايدو . وراحو ع صالة الجيم بتاعة كريم .
چواد : امممم عند بابا زيها ايه الجديد بقى ؟
مصطفى : لازم تتدرب وتتمرن وتعمل كام عضله كدا تلفت انظار البنات . الواحده التافهه من دول تبص ع ابو عضلات . أما عضلة القلب دي طلعت ولا ليها لازمه غير ضخ الدم وبس .
چواد : بتفكير اممم . صدق كلامك صح . وكمان بابا طارق . تعب منى ف انى اتمرن . واقوله ف تالته ثانوي . لا انا هتمرن من بكره إن شاء الله . تسلم يادرش .
مصطفى : بخبث وليه من بكره .عندك صالة الجيم اهو . تحت امرك وتتمرن وتسخن اول يوم كدا ع خفيف.
چواد : بس كدا مش هينفع .
مصطفى : ده لازم ينفع . لانى لازم أخرج ناو . اسمع منى . واتمرن من دلوقتي . يلا سلام اسيبك انا مع الباى والتراي يابطل . وسابه وخرج .
چود : واقفه قدام البيسين. فرحت لاخوها . وقالت انا هتكلم مع كارما كتير ع چواد اخويا . وأشوف رد فعلها . ويارب بقى تحبه هي كمان . ونظبط الجي ونعلى الدي يامااان ..
مصطفى : من وراها . بسبس بسبس . چوداء
چود : حطت ايدها ع قلبها الل بيدق . ولفت بتوتر وفتحت عينيها بدهشه . وقالت كل دي مانجا؟
مصطفى : طيب وبالنسبه للعنب ده . ماشيفتهوش . وغمز ولا المانجا مايشوفش غير المانجا . يامانجا انت . يخربيت جمال امك . ايه ياچود الحلاوه دي .
چود : صكت ع أسنانها بغيظ . انا مانجا . ياعديم الزوق انت .؟
مصطفى : حط الصينيه ع التربيزه . وبعدين بقى معاكى انتى فرهدتى امي ف حبك .
. ومالها المانجا يختى ؟ دول هيموتو وياكلو مانجا معانا .
چود : كشرت عينيها هما مين دول ؟
مصطفى : رقص حواجبه . مش هقولك غير لما تعترفي . قولى يلا بحبك يامصطفى .
چود : بلخبطه . امشي من هنا . انت جاي ورايا ليه؟
مصطفى : اييييه يابت جاى وراكي دي؟ انتى فاهمانى صح ع فكره ..
چود : هههههههههههه.
مصطفى : يخربيت جمال ام ضحكتك . تهبل .. ياتراب القمر .
چود : ببلاها .. ها.؟ تراب ايه؟
مصطفى : قرب منها وبص ف عينيها وقال بحُب . انتى ياچودي ببشرتك الخمريه ال مجننه قلبى .. انتى (تراب القمر) . انتى من عالم تانى .
انتى من القمر نفسه. انتى تراب القمر ل مصطفى عزيز ياچودي .
چود : غمضت وفتحت عينيها ببلاها . وقلبها بيدق بسرعه كبيره جدا ..وسرحت ف عينيه وهمست يتوهان مصطفى...
مصطفى : ضيع سحر اللحظه . وقال بصوت عالى يااااالهوي يانا ياما ع مصطفى وجمال مصطفى منك يابت . اخرابي أعرابي.
چود : اتخضت منه . وانتبهت . ونفخت بتوتر . وبصت ليه بغيظ كبير . بص بقى ياجدع انت؟ . انت تخفى من وشي عشان متغباش عليك اشطا ؟
مصطفى : يابت اعترفي بحبك ليا يابت. دول بيغنو لمصطفى . انتى مش هتغنى لحبيبك؟
چود : بتريقه غنو لمصطفى؟ وغنو ايه إن شاء الله؟
مصطفى : بيرقص حواجبه .وقال بغمزه . مصطفى يامصطفى انا بحبك يامصطفى .
چود : اووووف استغفر الله العظيم يااااارب . اتكل ع الله يبنى انت .
مصطفى : طيب تعالى كلى مانجا يلا .
چود : ببرود مش عايزه حاجه منك .
مصطفى : وانا بطرح مانجا؟ دي من الشجر مش منى .
چود : هههههههه يبنى حرام عليك انت عايز منى ايه؟
مصطفى : ببرود تاكلى مانجا .
چود : بتمثيل .. احم ...لأ لأنها مش متقطعه ف طبق . ولا جاهزه للأكل .
مصطفى : كشر عينيه نعم يختي؟ مش ايه؟ وهي المانجا بتتقطع؟
.انتي هتعمليهم عليا ياچوود.؟ وهتمثلى زي بنات اليومين دول ؟
. تقولك ياااااي ايييه ضااااه . زي ما بيعملو مع الرنجه كدا .
. وهي اصلا هتاكل الرنجه وهي ف حالة صرع من طريقة اكلها .
.وتقولك لأ لأ أنا مبحبش الحاكات تي ..
. المانجا بتتلهط كدا بتمسكى المانجايا تفترسيها والبذر يطلب الرحمه منك .
.ياچود دا انتى بتاكلي المانجا زي اللمبى مع فيحاء ههههههههه.
چود : قبضت ع ايديها بغضب وقالت . لمبي؟ وفيحاء ورنجه ؟ امممممشي من وششششي .
مصطفى : لمح يوسف وفارس خارجين من باب الفيلا . وقال طيب طيب ماشي وبرحتك . بس عايزك تعرفي حاجه مهمه جدا .
چود : نفخت بنفاذ صبر اييه هي بقى؟
مصطفى : قرب من وشها . وهمس . لو معترفتيش بعشقك ليا قريب هتندمى اوى اوى ياچودى . تراب القمر . واتعدل بسرعه .
چود : بلعت ريقها بتوتر . وقلبها بيدق ..
مصطفى : غمز ليها يلا سلام . ولف ضهرو ليها وابتسم وماشي .
چود : بتوهان ولخبطه . مصطفى انت كنت بتشرب بؤصمات ع أنها سجاير ليه؟
مصطفى : من غير ما يبصلها . ماشي وقال كنت بولع ف جتتك ...
------------------بقلمي مريم نصار.
ف بيت المزرعه ..
ف الليفنج .
آدم : قاعد جمب مريم. وماسك كف أيدها بيطمنها . وقالها متقلقيش..
مريم : بصتله . طيب قولى آدم حفيدى فين؟ وفهد شويه وجاي . ورينو زي ما انت شايف .
آدم : بص ع رينو . ال عيونها حمرا. والتوتر واضح عليها . وقال بابتسامه تعالى يانوتيلا جمبي هنا ..
رينو : قامت بسرعه وقعدت جمبه . وقالت بابي فهد لما يعرف ........
آدم : ضمها لقلبه هششش بس ياقلب ابوكي . انا مش عايز اشوف دموع نوتيلا البيت . وبعدين اهدى فهد مش هيعرف اى حاجه ..
رينو : خرجت من حضنه وبصت ليه ف سؤال ازاى مش هيعرف ؟
آدم : مسد ع حجابها بحنان . اهدى ياروحي . انا هتصرف .
رينو : ضحكت بدموع . يعنى فهد مش هيعرف ؟ وبعدها كشرت بخوف . بس . بس آرين مبتخبيش عليه حاجه . وانا كمان . مبعرفش اخبي عليه . علشان لو خبيت وعرف بعدها . فهد بيكون واحد تانى ..انا بجد قلقانه ع آرين اوي يا بابي .
آدم : ع فكره بقى انتى ظالمه فهد . فهد حنين جدا . ولو شاف آرين وعرف مش هيتحمل يشوفها كدا . وانا قولتلك اهدي انا هتصرف .وانا مكان فهد ومكان الكل .
. وبعدين مش معنى إن آرين متقولش ولا حد يقول لفهد . إننا كدا بنغلط ؟
.لأ ف حجات ماينفعش تتقال ف وقتها ع الاقل . وممكن مع الوقت تتنسي خالص. انتى بس قومي اغسلى وشك ده . وعايز منك لما فهد يرجع بالسلامه تكونى ع طبيعتك .
رينو : اترمت ف حضنه تانى ميرسي جدا لحضرتك بجد . ربنا يديمك ف حياتنا ..
آدم : ابتسم .وضمها لقلبه بحب كبير . حبيبتي يارينو ..
رينو : قامت . تغسل وشها . وبتدعي بحماس كبير ..
مريم : بصت ل آدم ........
آدم : فهم .وباس كف ايدها وقال حورية قلبى مش عايزها تفكر كتير .
مريم : ربتت ع ايدو . وقالت طيب ريح قلبى وقولى .
آدم : ابتسم . وغمز ليها . حفيدك هيتصرف ..
مريم : فتحت عينيها بدهشه . وضحكت وقالت لأ قول بالله عليك . انت قصدك إن آدم بيحب آر......
آدم : هشش وطي صوتك . ايوه يا روحي . وهو جاي دلوقتي . عشان يتكلم مع آرين .
.ويقنعها متقولش ل فهد . لأنه بجد لو عرف مش هيسكت . وخصوصاً اننا عارفين آرين عندو ايه؟ والحصان مش ضعيف . وفهد هيتجنن ع بنتك وبنته من خوفه عليهم .
. وممكن يحصل فيها مشكله ليهم . و آدم هيتصرف عشان الموضوع يعدى ..
مريم : ضحكت بسعاده . اللهم بارك يارب . طيب . طيب و آرين .ها ؟ طمنى يا آدم الله يرضي عليك.
آدم : ضحك . طيب مافيش واحده سكر تحت الحساب .وانا اقولك هههههههه ..
مريم : بحرج .بصت حواليها. الله يهديك يا آدم انت ف اى مكان كدا تقول حاجه زي كده. بالله بقى قولى. ..
آدم : ابتسم بحب وباس ع أيدها وهمس ف ودنها. آدم و آرين . ف ميراث العشق حاليا. ..
مريم : ضحكت بدموع . اللهم بارك يارب ماشاء الله .
آدم : بص قدامه وقال جواه . لعنة ميراث العشق بدأت من انهردا . يا اميرتي .
------------------بقلمي مريم نصار.
بعد شويه .
آدم مراد : داخل عليهم بجمود .
فريحه : بخوف قامت بسرعه . وشهقت ابنى؟ ايه ال حصلك ؟ وعيطت .
آدم مراد : غمض عينيه واتنهد . امي انا كويس جدا . دي خبطه بسيطه .
رينو والكل اتخضو .
آدم : بص ليه .. ايه ال جرحك يا آدم؟
آدم مراد : ابدا العربيه اتخبطت ف شجره .
الكل شهق بخوف .
مريم : بدموع . اسم الله عليك يا نور عيني .حاسس بايه اتأذيت؟ حاجه حصلت لجسمك؟ طيب قولى حاسس بتعب .تعالى اقعد هنا ..
آدم مراد : ارجوكي يا ماما ماتعيطيش انا كويس ياجماعه . المهم دلوقتي انا عايز اتكلم مع الكل . خالو فهد ياريت مبعرفش بال حصل انهردا ابدا .وقبض ع ايديه ..وكمل عشان آرين غلطت وممكن تحصل مشكله ..
فريحه : بدموع تعالى طيب اعقملك جرحك الاول .
آدم مراد : بجمود لأ . انا عايز لوسمحتو اتكلم مع آرين ضرورى . قبل ما خالو فهد يرجع . لأنها اكيد هتقوله ..
فريحه : طيب ياحبيبى . هعقملك جرحك تكون عمتك رينو صحتها ولبستها الحجاب
آدم مراد : بنفاذ صبر يا امي انا......
فريحه : بتحذير . وبعدين معاك بقى . انا قولت هعقملك جرحك يبقى تسمع كلامى . واقعد .
آدم العدوي : هز راسه ليه . يسيطر ع غضبه ويهدى .
آدم مراد : صك ع أسنانه . وقعد .
مريم : قامت بسرعه وراحت ع المطبخ
رينو : انا هطلع ل آرين .. وطلعت .
فريحه : جابت علبة الاسعافات وعقمت الجرح وقالت الحمد لله الجرح سطحي ومش محتاج خياطه .
مريم : جت من المطبخ ومعاها كوباية عصير ل آدم . وقالت الحمد لله . امسك يانبض قلبى . اشرب العصير ده .
آدم مراد : غصب عنه . اخدو شكرا ياماما .
آدم العدوي : استنى ف الجنينه يا آدم . و آرين هتجيلك . ماينفعش تطلع فوق .
آدم مراد : وده الل انا عايزه . وقام وقف بسرعه وخرج .
. وشاف دارلي أرابيان . وقبض ع ايديه بغضب ونفسه يقتله .
. ومشي بسرعه عشان مايرتكبش جريمه . ووقف قدام البيسين .
. ورفع راسه للسما . وبيحاول يسمع كلام جدو . وياخدو بعين الاعتبار . ولازم يكون اهدا من كدا .
آرين : صحيت وغيرت فستانها .وجواها خايفه جدا من آدم .وفهد . وبتعيط بشهقات بسيطه .. ورينو لبستها حجابها . وقالت خلاص يا آرين بطلى عياط ياحبيبتى . ال حصل حصل مش هنغير منه حاجه . لكن عايزاكي تسمعى كلامي وكلام آدم . لو بابي عرف بجد هتحصل مشكله كبيره ..
آرين : هزت راسها برجفه . وتالين ساعدتها وخرجوا ..
رينو : غمضت عينيها بتعب وقالت سامحنى يافهد . انت بس لو عرفت إن آدم شال بنتك دى لوحدها ممكن تعمل فجوه كبيره بينك وبيني .
.وانا مقدرش اعيش من غيرك .. وانهردا شوفت ف آدم مراد فهد تانى .. وابتسمت . وقالت بإذن الله خير . وربنا يستر منك يافهد .
آرين : خارجه ..وتالين سانداها . وبتفكر اكيد آدم انها ماسمعتش كلامه ومكسوفه جدا من آدم واكيد هيزعقلها . وهتتحرج قدام تالين . وقالت بتعب. انا كويسه ياتوتا . انا هروح ل آدم . خليكى انتى .
تالين : متاكده يا آرين انك كويسه . انا ممكن اوصلك وارجع عادى ..
آرين : لأ انا كويسه ياحبيبتي .
تالين : ابتسمت ماشي ياحبيبتى . ربنا معاكي . ودخلت البيت .
آرين : ماشيه برجفه . وشافت دارلي أرابيان . وغمضت عينيها بسرعه وخافت . وحست الحادثه تانى . وداخت .
آدم مراد : ضهرو ليها وحس بيها . وغمض عينيه واخد نفس عميق ..
آرين : قربت منه ووقفت وراه . ونزلت راسها ف الارض بحرج كبير . ودموعها نازله .
آدم مراد : قبض ع ايديه بغضب ولف ليها بسرعه
-------------يتبع
رواية جريمة عشق ٤
(ميراث العشق)
هل تؤمن برسائل الله لك؟!
هذه رسالتك اليوم
لا تظن أنك وحيد، اللَّه دائماً معك، وكن ع يقين بهذه الثلاث، لا أحد أرحم بك من ربك، ولا أحد أعلم بهمك أكثر من ربك، ولا أحد يقدر ع رفع الضرر عنك إلا ربك، فلا تيأس وتذكر ان الله معك وابتسم.
ف أيامكم الصعبه ، اكثروا من هذا الدُعاء :
"اللهُمَّ أرني عجائب صنعك ف دعائي وأرني لطفك ورحمتك ف قضاء حوائجي وأرني كرمك وقدرتك ف ما تعلق به قلبي إنك ع كل شيء قدير."
______________________________________
بسم الله نبدأ
أسم الكاتبة الحقيقي : شريهان ابراهيم.
الإسم الحركي للكاتبة : مريم نصار.
فيلا عزيز ..
ف الليفنج .
هنا : مريم ياحبيبتى زمان العيله ع وصول كل حاجه جاهزه ؟
مريم : طبعا ياماما . اطمنى حضرتك كل حاجه قولتى عليها اتنفذت . والأكل تحفه اوووى بجد .
هنا : ابتسمت بحب . حبيبتي تسلمي . انا عايزه كل حاجه تكون زى ما ماما شرين كانت بتجهزها . وعيونها لمعت بدموع . ربنا يرحمها . كانت لما تعزم رنا ومريم . تجهز الاكل بالطريقه دي . عايزه رنا لما تدخل البيت متحسش انها غريبه . او انى مرات اخوها . لأ . رنا دي اختى وصحبتى . وده هيفضل بيتها ال اتربت فيه .. ودموعها نزلت .
مريم : قامت بسرعه وقعدت جمبها . بزعل حقيقي بتعيطى ليه دلوقتي ياماما .
هنا : بدموع . ماما شرين وبابا مصطفى وحشوني اوى ..ومسحت دموعها بسرعه وابتسمت .
. وقالت تعرفي يامريم ؟ انا امى اتوفت وال تعب ف تربيتى بابا الله يرحمه . كنت خجوله وشخصيتى ضعيفه جدا .
.وضحكت بسخريه .وسهل جدا إن حد يضحك عليا . بس تعرفي عشان كان قلبى برئ ونيتى خير؟
ربنا رزقنى واتعرفت ع رنا ف الجامعه . وكانت اجمل حاجه حلوه حصلتلى . رنا قدمت ليا الدعم المعنوى .
. وحاولت تغير من شخصتى للأحسن . وبعدها اتجوزت عمك أشرف .
. وابتسمت بحب . اجمل سنين عمرى عشتها ف البيت ده .
. وماما شرين كانت بتعاملنى زى بنتها واحسن . ويشهد الله انها كانت ونعم الأم والصديقه.
.وعمرها ما جت عليا ابدا ولا ظلمتنى . لأ .. كانت تيجى ع اشرف . وتقوله هنا دى بنتى . ولو زعلتها تبقى زعلتنى انا .
. وبابا مصطفى كان ونعم الأب كان حنين علينا اوى . وكان ديما يقولى بحب توترك اوى يابت ياهنا ويضحك لما بتلخبط ..
.وعندو يوسف ده كان ابنه قبل حفيدو . هو وريتال . بجد زكريات لا تنسي ابدا . ربنا يرحمهم ويغفرليهم .
مريم : دموعها نازله بصمت كبير . وافتكرت أمها وأبوها ..
هنا : شافتها وحست بيها . وضمتها لقلبها بحنان وربتت ع ضهرها بحنان . ربنا يرحمهم ويغفرليهم ياحبيبتى . واعرفي يامريم انك بنتى . انتى زيك زي ريتال بالظبط . انتى غلاوتك من غلاوتهم . دى انتى مرات الغالى . وجبتيلي اجمل احفاد . كريم ابن قلبى ربي يسعدو . ومصطفى البكاش ده . ولد مشاكس . وضحكت ..
مريم : غصب عنها ضحكت . وخرجت من حضنها وباست ع ايدها . ربنا يباركلى ف حضرتك وبابا اشرف .. انتو عمركم ماحسستونى انى وحيده من بعد فراق ماما وبابا الله يرحمهم . وابتسمت . أما مصطفى ده بجد ربنا يهديه . الولد بجد ايكونه غريبه جدا ياماما .
هنا : ليه عمل ايه تانى الولد ده؟
مريم : هههههههه لأ لأ مش هتصدقي عمل ايه قبل الفرح بيومين . انا انهارت ضحك بسببه . مش عارفه طالع لمين الولد ده ..
هنا : ههههه اكيد ل رنا كانت كدا وهي صغيره . ماما شرين كانت تقولى إن رنا كانت فظيعه وعقلت شويه لما دخلت الجامعه .. المهم عمل ايه قوليلى عشان أشد ودانه .
مريم : ههههه بصي يستي انا كنت نازله ع السلم وبتصل ع أصحابي اعزمهم للفرح . المهم سمعت صوت طالع من المكتب . انا استغربت .وقولت ايه ده؟ بابا ويوسف خرجو يشترو بدل الفرح . مين ف المكتب؟ المهم اتسحبت وكنت خايفه اوي . وقربت من المكتب . سمعت صوت مصطفى وهو بيتكلم بأمر وكان بيزعق لحد وبيقول انت اخدت كل فرصك . وخلاص ... انا الانسان ليه عندى فرصه واحده بس. اتفضل قدم استقالتك . وانزل ع الخزنه صفى حسابك ومشوفش وشك هنا تاااانى .
انا تنحت وحسيت انى مش فاهمه حاجه . المهم دخلت المكتب . هههههههه . لقيت الاستاذ لابس قميص ابيض وعليه كراڤت اسود . وقاعد ع مكتب جدو . وفاتح اللاب توب . وكأنه مندمج أوى وصاحب شركه . انا قولتله مصطفى انت بتعمل ايه؟
مصطفى قالى . بتحذير . لو سمحتى خلى بالك من كلامك . انا هنا الباشمهندس مصطفى . مصطفى دى بقى ف البيت يادكتوره وياريت تخبطي بعد كده . مش باب وكاله هو ..
انا بصتله بدهشه وقولت انت بتقول ايه ياولد انت؟ وانت ازاى تدخل مكتب جدك؟ . قووم اطلع بره .
هههههههههههه مش عايزه اقولك لما قام وقف هههههههه كان لابس الشراب والجزمه ع شورت البيت مع القميص والكرافت هههههههههههه وكان شكله يهلك ضحك . وخارج يبرطم ويقولى يعنى بتطردينى من الجنه . اتفضلى ادي استقالتي اهي . وختم ع ورقه فاضيه . وسابنى وخرج . هههههههههههه . كنت هموت من عمايله .
هنا : ضحكت من قبلها . الولد ده خاطف قلبى رغم كل عمايله . حبيب قلبي ربنا يسعد ايامك يامصطفى يابن قلبى يارب ..
------------------بقلمي مريم نصار.
الجارد اتصل ع فون البيت.
مريم : ثوانى ياماما. وقامت ردت. الو .
الجارد : باحترام . طارق باشا وعيلته وصلو يافندم .
مريم : ابتسمت تمام شكرا جدا. وقفلت .
هنا : ايه وصلو ؟
مريم : ايوه ياحبيبتى . انا هقول ل داده ثريا تجهز الاكل .
هنا : طيب البس انا بقى نقابى . وبسرعه يامريم بلغي أشرف ويوسف ف المكتب ان العيله وصلت . هو مصطفى فين؟
مريم : بنفاذ صبر . ف اوضته فوق .
طارق دخل بالعربيه . ومعاه رنا وچود .
فارس دخل وراه بالعربيه ومعاه رودي وچواد .
طارق : نزل وشاور للحارس . يشيل شنط الهدايا . ويدخلها جوه.
رنا : ماشيه جمب طارق . وساكته خالص .
طارق : لاحظ سكوتها اول ما نزلو . وشاف عينيها بتدور ف كل مكان . كأنها بتفتكر زكريات عيلتها زمان . واتأكد من ده لما شاف دموع ف عينيها .
طارق : مسد ع حجابها وقال ادعيلهم بالرحمه والعفو يارانوش .
رنا : مسحت دموعها وهزت راسها الله يرحمهم . تعرف ياطارق . من غيرهم البيت مالوش طعم ولا روح .
. اي نعم اشرف وهنا مقصروش معايا ف اي حاجه بعد وفاتهم .
. بس لما بدخل بحس إن سعادة البيت اختفت.
. وابتسمت فاكر ياطارق بعد جوازي ع طول لما كنت بدخل الفيلا واجري ع بابي ..كنت بترمي ف حضنه اوى وكنت هوقعه من شدة الحضن . وضحكت .
طارق : بمرح ايوه فاكر يختى . وانا بقعد مع امك الله يرحمها كانت موزه جامده .
رنا : بصت ليه يزهول . ايه ال انت بتقوله ده؟
طارق : اهو ده الل ياخدو منك . زهول .وصدمه وتنحي . مفيش مره تتدلعي كدا . ياوليه انا ف سن حرج . زي ما تقولى كدا مراهقه متأخره . ومحتاج حنان من ال اتحرمت منه زمان .
رنا : هههههههههههه . الله يهديك ياطارق . مش عارفه اعمل فيك ايه؟
طارق : تعملى ايه؟ دلعينى ياوليه . قوليلى يابيبى.
رنا : ههههههههه لأ لأ يلا ندخل الله يهديك .
طارق : بغيظ . طيب عليا الطلبات ما انتى داخله ال لما تقوليلى يلا بينا .يابيبى .
رنا : هزت راسها بنفاذ صبر . وقالت يلا بينا يا .... هههههههههههه.
طارق : باس ع أيدها وقال . ايوه كده . بياض التلج تضحك وتفرح وبس .
رنا : بتنهيدة حب . ربنا يديمك ف حياتى كلها ياطارق .
چود : نازله من العربيه . وقلبها بيدق بفرحه كبيره ومبسوطه انها هتشوف مجنونها.
. وماشيه ورفعت عينيها بالصدفه وشافت مصطفى واقف ف التراس . وفتحت عينيها بزهول . وقالت ينهار ابوك مالوش ملامح؟ انت بتشرب سجاير يامصطفي؟
وصكت ع أسنانها بغيظ كبير . وماشيه . وقربت من الفيلا . عينيها ع مصطفى . لكن وقفت مكانها مره واحده . وفتحت عينيها بزهول اكبر . وقالت بؤصمات؟ بتشرب بؤصمات يامصطفى؟
مصطفى : واقف ف التراس . وبياكل بؤصمات . وبيكلم نفسه. ومش واخد باله من چود.
.. وبيقول ياااااااه .. لو اكون مافيا كبير . واشرب سِجار .
.والجارد يدخل يقولى تمام يابوص ياكبير . قتلنا چود هانم . عشان مقالتش انها بتحبك ياباشا.
.واقوم انا احط رجل ع رجل بجبروت. واشرب سِجار كدا .
.وقلد كأنه بيشرب وحط البؤصماته ف بوقه . وبينفخ الدخان لفوق . وقال بشر ... ولعو ف جتتها .
ياااااه عليا ف الشر جبروت جبروت يعنى مفيش كلام ..
. . اممم . وبص ع الجنينه وبيشرب سِجار البؤصمات. وشاف چود . وضحك وشاور ليها بايدو . ونفخ الدخان لفوق .
------------------بقلمي مريم نصار..
طارق والعيله دخلو . وبعد السلامات والترحيب كلهم قعدو مع بعض ..
فارس : اومال مصطفى فين ؟
يوسف : مصطفى فوق ونازل حالا .
چود : بتكلم نفسها . العبيط مفكر البؤصمات سجاير . انا حبيت غلط والله . عيل اهبل .
. ورفعت عينيها ع السلم وشافت مصطفى . وفتحت عينيها بدهشه من جماله وقلبها بيدق بسرعه .
.وكان لابس بنطلون اسود وقميص أبيض . وشكله يجنن بعضلاته . وچود . بتوهان . يخربيت جمال امك مفيش منك اتنين .
مصطفى : نزل وريحة برفانه واصله لعقلها . وقال بمرح . السلام عليكم ورحمة الله وبركاته . وال ف جيبك هاته ههههههههه ..
كلهم ضحكو . وعليكم السلام ..
مصطفى : بابتسامه. جدو طارق ملك العيله كلها اقسم بالله .. وسلم عليه ..
طارق : اهلا اهلا الواد ده بيفهم .. طالعلى ..
اشرف : وحياتك وافظع . الواد ده انا مش قادر افهم دماغه .
طارق : بس بس سيب الواد ده ف حاله . انتو ال بتحبو الدراما كتير .
مصطفى : بمرح . نااناااه رنا القمر . وانا اقول الفيلا زادها نور ليه ياناصح افندي ؟
.رد وقالي من اللمبه اللد هههههههههههه . وضمها بمرح . وعيونه عليها وقال نورتى بيتك يقلبى وغمز لچود ..
چود : صكت ع أسنانها بغيظ وبصت بعيد .لكن قلبها مبسوط.
رنا : هههههههههه والله . يعنى مش انا الل نورت البيت؟
مصطفى : مين العبيط ال يقدر يقول كدا . دا انتى شعاع النور كله يااجمل ناناه .
طارق : بغيره . ماخلاص ياض انت هو مفيش غيرها. خش سلم ع عمك فارس واخلص .
مصطفى : ههههه همس ل رنا عِنيف عم الحج .
رنا : هههههههههههه .
طارق : بغيظ بيقولك ايه الواد ده؟
مصطفى : لأ لأ مقولتش انا بقولها بيغير عليكى . احم ولا ايه؟
رنا : هههههههههههه ايوه طبعا .
مصطفى : بمرح .. عمى فارس .. او خالى فارس اى كان انا بحبك والله .
فارس : ههههه وانا كمان يسيدى . عامل ايه يادرش ؟
مصطفى : الحمد لله تمام وزى الفل . بس ايه رأيك ف العضلات . وبص لچود . وقال ايه رايك ف الباى والتراي .؟
فارس : لأ ماشاء الله عليك . انت مش محتاج عضلات يابطل .
مصطفى : كشر عينيه ليها . وقال انت عارف بقى إن ف ناس بتحب الشكليات . قولت وماله . مافيهاش حاجه لما نعمل باي وتراي اهو نفك العقد ال عندهم.
چود : من بين أسنانها عيل لمض فاكر دمه خفيف ..
مصطفى : باحترام . منورانا يادكتوره رودي . والله البيت منور انهردا .
رودي : حبيبى يامصطفى . كلك ذوق .
مصطفى : اذيك ياچواد باشا .
چواد : تمام يادرش .
مصطفى : وقف قدام چود .بغمزه . اذيك يا انسه .
چود : شمت برفانه . وهمست الله يخربيتك . وقالت الله يسلمك .
اشرف : منورين ياجماعه والله . اليوم ناقصه آدم وعيلته .
طارق : اه والله . وحشنى إبن الايه ..
اشرف : هي مريم كلمتك يارنا .
رنا : كل يوم ياحبيبى زى ما عودتنا . وكانت عايزه أننا نروح معاها بيت المزرعه . بس طارق رفض بقى .
يوسف : كشر عينيه بعدم فهم . ليه بس ياعمى . حد يرفض الطبيعه .
طارق : ابتسم . والله آدم اتحايل عليا . بس انا فكرت قولت مش هينفع . اسيبه مع عيلته برحته . واحنا الرجاله كلنا كدا بربطة المعلم نروح يومين . ايه رايك يا اشرف؟
اشرف : انا معاك ف اي حاجه .
هنا : بسعاده . نورتي بيتك يا رنا .
رنا : بحب . منور بيكى ياهنا . ربنا يبارك فيكي ياحبيبتى ..
مريم : بفرحه . والله ياعمتو . ماما هنا من امبارح مبسوطه جدا ان حضرتك هتشرفينا انهردا . ومحتاره عايزه تعملك كل حاجه حلوه .
رنا : ابتسمت . هنا عشرة عمر بحاله يامريم يابنتى . ربنا يديم الود والحب بينا .
كلهم آمين .
مصطفى : طيب انا جعان .
كلهم ضحكو .
مريم : بغيظ . اييه يامصطفى انت صغير . عيب كدا .
مصطفى : اله هو انا قاعد مع حد غريب . دول صحاب البيت . ورقص حواجبه ل چود . ولا ايه؟
چود : ارتبكت وبصت بعيد . لكن فرحانه اوي .
هنا : مريم ياحبيبتي . قولى للبنات يجهزو السفره .
مريم : هزت راسها حاضر ف ثوانى . وقامت .
رودي : كريم وليليان اخبارهم ايه؟
يوسف : ضحك .. لا زى الفل . العريس مش عايز يكلمنا . كل شويه خارجين . خارجين . قولت وماله ربنا يسعد أوقاتهم .
كلهم آمين ..
وبعد شويه . الغدا جهز . والكل اتغدي وكان وقت جميل بينهم .
------------------بقلمي مريم نصار.
ف بيت المزرعه ..
آركان : عقم الجروح لأخته وكان زعلان جدا عليها . واكتشف أنه مايقدرش يعيش من غيرها . وكان خايف جدا عليها . وشربها العصير بالعافيه .وقعد جنبها شويه.
آرين : عيطت كتير ف حضن جدتها مريم . مع اعتذار متكرر لحد ما هديت ونامت .
رينو : عدلتها وشدت عليها الغطا . وقعدت جمبها تعيط ومرعوبه من فهد لو عرف هايبهدل الدنيا . آرين عندو خط احمر . وغمضت عينيها بتعب . وقالت اعمل ايه بس يارب . يارب حلها من عندك .
آرين : نايمه ودموعها نازله من الجمب وبتأن بخوف من رهبة الموقف ..
آدم العدوي : يلا بقى الكل ينزل تحت وسيبو آرين تستريح .
مريم : باست جبينها بحب .ومسدت ع شعرها . وقامت بزعل . وقالت رينو يابنتى شغلى قرآن جنبها يطمنها .
رينو : مسحت دموعها حاضر يامامي .
آدم العدوي : شاف مريم زعلانه . وربت ع أيدها وقال أنا هنا و كل حاجه هتكون تمام ..
مريم : بصتله بترجي كبير . وخايفه من المشاكل ..
آدم العدوي : ابتسم . وهز راسه ليها اطمنى ياروحي . يلا تعالى . ونزلو .
فريحه : شغلت قرآن. وقالت تعالى يارينو ياحبيبتى وسبيها تستريح . هي بس اتخضت . وإن شاء الله هتكون بخير .
رينو : مسحت وشها بتعب . وبصت ع آرين . واتنهدت بتعب . وباست جبينها . وقامت . ونزلت مع فريحه ..
كلهم ف الليفنج . وآدم ف المكتب ..
فريحه : بقلق . هو آدم فين ؟ مش موجود ف البيت ولا المزرعه؟
آركان : وانا بجيب علبة الاسعافات . سمعت صوت العربيه بتاعته .
تالين : انا سألت طنط مرات عمو منصور . وقالت خرج بالعربيه اول ما نزل من فوق .
فريحه : استغربت . خرج؟ هيكون راح فين؟
رينو : بتفرك ف ايديها بتوتر واضح . وبتتخيل ما لايحمد عقباه من فهد لما يعرف.
.واتخيلت أنه بيزعق ل آرين وآدم وهي كمان فهد ممكن يبعد عنها . وقلبها بيدق بخوف .. وغمضت عينيها استر يارب .
مريم : ربتت ع كتفها وحدي الله يارينو يابنتى . الحمد لله انها جت ع قد كدا . يعنى لو كان لاقدر الله حصلها حاجه ؟ مش كنا هنقول ياريت حد لحقها والباقي سهل؟ خلاص نحمد ربنا بقى أنه حفظها .
رينو : بتوتر . الحمدلله طبعا . والله انا راضيه بقضاء الله.
وكملت بدموع .. بس خوفي كله من فهد . المشكله انه انهردا الصبح ع الفطار نبه عليا اكتر من مره انى اخد بالي من آرين وماسيبهاش لوحدها . وانا قولتله ماتقلقش عليها .
رينو : مسكت ايد مريم بخوف . مامي انا مش عارفه فهد لما يعرف هيعمل ايه؟
. انا اول مره اخاف كدا . آرين عند فهد كل حاجه دى لو اتخدشت خدش صغير بيضايق جدا عشانها . انا مش قادره اتخيل رد فعله . مامي قوليلى الله يكرمك اعمل ايه؟
مريم : غمضت عينيها بتعب . واتخيلت فهد لما يعرف كمان إن آدم شال بنته بين ايديه
.وربتت ع ايد رينو وابتسمت وقالت . متقلقيش وإن شاء الله ربك قادر يحلها .
رينو : ونعم بالله .. وكملت بخنقه . ازاى بس هتتحل ؟
.فهد كلها ساعتين ويكون هنا . وكمان ايد آرين مجروحه وملفوفه بشاش . وآرين عمرها ماخبت حاجه عن فهد ابدا ..
. ملهاش حل يامامي . ملهاش حل .. استغفرك ربي و اتوب اليك . لاحول ولاقوة إلا بالله . ليه كدا يا آرين يابنتى الله يهديكى . ده ابوكي نبه عليكى كتير ماتجيش جمب الاسطبل ولا الخيل .
مريم : ابتسمت بيقين .. ومسدت ع حجابها وقالت مفيش مشكله ابدا وملهاش حل . ورب العزه قال ...
" قُلِ اللَّهُ يُنَجِّيكُم مِّنْهَا وَمِن كُلِّ كَرْبٍ ."
هوني ع نفسك يانور عيني . وسبيها ع الله ..
رينو : حطت وشها بين ايديها بإحباط كبير وقالت ونعم بالله .. ونعم بالله ..
آدم العدوي : سمع كل حاجه ف الليفنج . ومط شفايفه بتفكير واتنهد .. وقفل باب المكتب . وقعد ع الكرسي الهزاز . يفكر ..
------------------بقلمي مريم نصار.
آدم مراد : خرج غضبان .لانه مش عايز يتكلم مع حد .
.وكمان مش عايز يتواجه معاها عشان مش عارف هو ممكن يعمل فيها ايه؟
. وسايق بسرعه كبيره جدا .وغضبان. وصورة السرج لما اتفك و آرين وهي بتقع من ع الحصان . قدامه ع طول . وجواه إعصار كبير جدا من لحظة الخوف . والضعف .
و (آرين نقطة ضعفه) وهو بيكره الضعف.. وصك ع اسنانه بغضب شديد . لدرجة انها عملت صوت . وكل مايفكر لو ملحقهاش . وبينهج بسرعه وصوت عالى . عشان ماسمعتش كلامه. وغبائها كان هيخسرها حياتها .
.وقال من بين أسنانه بكُره العالم كله . فرصتك خلصت يا آرين . وزعق غبييييييه . غبييييه يا آااررررييييين . وشاف صورتها وهي بتعيط بخوف وجرح ايديها . ودخل ف حته ضلمه . ودااااااس بنزين بسرعه كبيره .
.وسايق ومش شايف قدامه . وكان ف شجره كبيره جدا ..
.وآدم انتبه ع آخر لحظه وفرمل لكن ملحقش . والعربيه خبطت ف الشجره . وآدم جبينه اتخبط ف الدريكسيون . واتجرح ونزف . وغمض عينيه . ورجع راسه لورا . ومهتمتش بكل ال حصل معاه ..
آدم مراد : مرجع راسه لورا ومغمض عينيه وقلبه بيغلى من الغيظ والغيره وكل حاجه . وأنها جازفت بحياتها عشان عنادها ..
بعد شويه فونه رن .
. وانتبه للصوت . وطلع الفون من جيبه بخنقه . وشاف شاشة الفون اتكسرت . واكيد وقت لما وقع من ع الحصان. وشاف الرقم بصعوبه وكان جدو آدم .
.وماينفعش مايردش عليه . واخد نفس عميق . ورد . بثبات الو.
آدم العدوي : قام وقف قدام الشباك وحط ايدو ف جيبه . وعينيه ع الخيل. وقال بهدوء .. روحت فين؟
آدم مراد : مش عارف يتكلم . او مش قادر ولا عايز يتكلم .. واتنهد ...
آدم العدوي : هز راسه بتفهم . ولكن حب يضغط ع الوتر . وقال هربت ؟
آدم مراد : صك ع أسنانه بغضب . وقال مش آدم العدوي ال يهرب ..
آدم العدوي : بشبح ابتسامه . اومال ال انت عملته ده ايه؟
آدم مراد : بتعب انا مهربتش يابابا . انا بعدت شويه .
آدم العدوي : طيب بعدت شويه ... ولما ترجع هتعمل ايه؟
آدم مراد : اتخيل انه عايز يولع ف كل حاجه . ويعاقب آرين .وصك ع أسنانه ..........
آدم العدوي : سمع صوت الغيظ . واخد نفس عميق . وقال ايه هتعاقبها؟
آدم مراد : بغضب .انا مش هرجع .. انا هنزل مصر .. عشان مش عايز اتصرف تصرف مايعجبهاش ..
آدم العدوي : بتحبها؟
آدم مراد : كشر عينيه باستغراب .. حضرتك بتسأل يابابا بحبها؟
آدم العدوي : مش دى الاجابه ع سؤالي .. بتحبها؟
آدم مراد : غمض عينيه ..وشاف برائتها و لون شعرها وعينيها . واتنهد وقال . بحبها بكل كيانى يا بابا .
آدم العدوي : طيب لما هي كدا بالنسبالك . انت بعيد عنها ليه؟
آدم مراد : بخنقه .. عشان خايف عليها مني ..
آدم العدوي : لأ غلط . مفيش حاجه ف الحب اسمها خايف عليها منى .
.ال بيحب عُمره ما بيأذي تحت اي ظرف .. ولو حصل وغلط بيتعلم من غلطه .
. لأن الحب معناه الأمان . وحط تحت كلمة امان دى خطوط كتيره .
وبما انك بتحبها .. انت لازم ف الوقت ده تكون جنبها.
. لانك قبل ما تكون حبيب واخ وهتبقى زوج لازم تكون اب تانى ليها. ومهما تغلط انت تغفر وتسامح .
آدم مراد : بتنهيده .. بس هي غلطت وخلتنى اخاف .
آدم العدوي : وخوفك ده طبيعي لان الفقد ماحدش يقدر يتحمله .
. لكن سؤال مدام انت خوفت عليها. سايبها دلوقتي ف أشد احتياجها ليك ليه ؟
آدم مراد : بأحباط . انا بعدت عشان آرين بتخاف منى .
.وعشان كده انا خايف . وصك ع اسنانه بغضب انا معرفتش يعنى ايه خوف غير انهردا يابابا ..
آدم العدوي : انت لازم تحتوي المشكله دي وتصلحها .. ارجع ياحفيدى . ارجع ومتصلحش الغلط بغلط اكبر ..
آدم مراد : بس هي غلطت يابابا .
آدم العدوي : وماله .. غلطت ؟ وايه يعنى ؟ كلنا غلطنا قبل كدا وبنغلط وهنغلط .
.هي دي الدنيا لازم نغلط عشان نتعلم .
. اومال ازاى هنتعلم لو مغلطناش؟ لكن الأهم أننا نصلح الغلط .
.احيانا بنغلط غصب عننا عشان نثبت العكس لل بنحبهم .
وانت عارف حفيدتى . انها عندها حماس كبير . وحب المغامره .
. آرين قويه يا آدم ماتستهونش بيها . عندها شغف كبير .وتحدي اكبر.
. واكيد آرين جازفت المجازفه دي عشان كانت عايزه تثبت ليك و لفهد انها قويه وعايزه تقولك اهو .. انا اقدر . لانها يهمها انت وفهد وبس مش حد تاني .
. مفيش حاجه ف الحب اسمها غلطت واعاقبها .. انت دورك ف حياتها عباره عن ايكونه مكتمله . اخ وصديق وحبيب . وأهم حاجه انك تكون اب ليها .
. والأهم من كل ده . الامااان . مش هقولك تانى .. انت امانها .
.وواجبك مهما هي تغلط انت تصلح . لما تزعل انت تطبطب .
. هي تقلق انت تطمنها. هي تبكي انت تمسح دموعها . لما تغضب انت تحتويها . ال بيحب حد . بيطلع بيه لفوق . الحب بينور ياحفيدى مابيطفيش .
آدم مراد : بدأ يهدا . وافتكر غضبها الطفولى . وقلبه دق ليها . ونفسه بغمض عينيه ويفتح يلاقيها ف حضنه . لكن قال . لما تهدا هتكلم معاها ..
آدم العدوي : غلط ... اوعا ف يوم تسيب الشخص ال انت بتحبه وتقول هسيبه لما يهدى ؟
طيب لما تسيبه ف عز تعبه؟ . هترجعله لما يهدى ليه.؟
. ماهو خلاص بقى كويس . وانت هتكون من وجهة نظره اتخليت عنه وقت ضعفه واحتياجه ليك .
ال بيحب حد بجد مايهونش عليه يبعد عنك ثانيه ف وقت حزنك . لأن الوقت ده الوحيد هو الاثبات ع حبك .
آدم ياحفيدى انت دلوقتي آدم العدوي شبهي لكن زمان جدا .
.لما كنت بغضب كنت هخسر بسبب غبائى واستسلامى للغضب ..
.لأ انا عايزك آدم العدوي دلوقتي الامبراطور. عايزك تستخدم النعم ال ربنا ميزك بيها صح .
. اشتري للآخر يبنى ومتبعش . انت عندك صبر وعقل وقوه وذكاء . استخدمهم مع بعض . وخلى ذكائك وصبرك يتفوق ع الغضب والتسرع . ومتنساش فهد . لو عرف هيعمل ايه ف آرين وعمتك وكمان آركان .. وخصوصا أنت!!!...
آدم مراد : مسح الدم من ع جبينه . وبص قدامه . وقال أنا مش هيفرق معايا انا خالو يعمل معايا ايه..
.. لكن عمتو لارين و آرين هيكونو ف آمان وده وعد منى لحضرتك يا بابا .
آدم العدوي : ابتسم . وهز راسه . وبص ف الساعه وقال تمام . فهد حاليا ساعتين ويكون ف المزرعه . لما اشوف حفيد آدم العدوي . هيتصرف ازاى.!!!؟
------------------بقلمي مريم نصار.
ف اسكندريه ..
تيم : جاب المدونه . وبيقرا العنوان بفضول . وقال بتعجب .
(ميراث العشق)
وفتح صفحه من بين الصفحات . وبيقرأ بعنيه .
ع فكره .انا مش ضعيفه .. ايوه تيم نقطة ضعفي. وبعشقه حد الانهيار .
.لكن انا عمرى ما هفكر اهين نفسي. وابقى مجرد إحتمال ف حياة حد .
. يا اكون آكيد يا يااكون بعيد ..لكن مش ضعيفه. انا عمرى ما هقول ل تيم انى بحبه لأ. هو الل يقولى . انا لازم احس واعيش الاعتراف ده .هههه ده لو يعنى بيحبنى .
تيم : انهردا كان جميل جدا معايا. حسيته مختلف . وفجاءه يقولى انتى اختى. كلمه سخيفه محبتهاش منه. بس عادي .
. هو سالنى انا مخبيه عنه حاجه؟ طيب ياترى السؤال ده مقصود فعلا ؟
.ولا لمجرد شايف انى متغيره. اااه ياترى جواك ايه ياتيم ؟
ف حاجه عايزه اقولهالك ياتيم .
"لا نحتاج سوى الرأفه ببعضنا البعض، الرأفه ف الحديث، ف الفعل، ف التمسّك، وحتى ف التّخلي .
المهم اليوم انهردا كان حلو لقلبى . M/T
تيم : بيقرأ وعينيه مفتوحه . بزهول . معقول ؟ وفجاءه سمع صوت باب الحمام . وبسرعه رجع المدونه مكانها . وحط الفستان مكانه وقفل الدولاب . واتحرك كام خطوه .
ميرو : افتكرت انها ما اخدتش لبس ليها . وخرجت من الحمام .بتعب . ومركزتش مع تيم . لانها زعلانه بكسره .
وحاسه انها مكسوره وقلبها حقيقي مقسوم . وفتحت الدولاب بيأس وطلعت بيجامه .
تيم : واقف عينيه وقلبه عليها. ومش مصدق نفسه ولا ال قراه بعنيه . وخصوصاً جملة بعشقه حد الانهيار .
.ومسح وشه بايديه . وجواه مشاعر كتيره من فرحه وسعاده وزعل وحزن . وقرب منها . تحبى اساعدك ؟
ميرو : ..............
تيم : ابتسم . ميرو تحبي اساعدك ف حاجه؟
ميرو : ............... مردتش ..ودمعه نزلت ع خدها ومسحتها . وسابته ودخلت الحمام ..
تيم : مسح ع شعرو .ونفخ بخنقه كبيره . وقال لازم اصلح كل حاجه . لازم .
. مريم اوعدك انى هخليكى مبسوطه ع طول .. وخرج وقف ف التراس .. وبيفكر ازاى يعملها مفجأه تليق بعشقه ليها.
------------------بقلمي مريم نصار
ف نفس الوقت ف فيلا عزيز.
الكل بعد الغدا قاعدين مع بعض.
چود : قاعده ساكته ع غير طبيعتها .
مريم : چود ياحبيبتي . لو عايزه تخرجي تتمشي ف الجنينه شويه.
چود : ماصدقت . وقالت ياريت والله ياخالتو. بعد اذنك طبعا يابابي .
فارس : هز راسه تمام ياحبيبتى خدى معاكي چواد .
چود : قامت بابتسامه . وخرجت ومعاها چواد .
مصطفى : عايز يخلع وراها . بس هنشوف هيعمل ايه ؟
رودي : فونها رن .
فارس : مين ياحبيبتي ؟
رودي : ثوانى ياحبيبي وطلعت الفون من الشنطه . وضحكت بسعاده كبيره . ده اخويا بسام يافارس . بيتصل من امريكا .
فارس : فرح لفرحتها. طيب ياحبيبتى . قومي كلميه . وسلميلى عليه .
رودي : بضحكه كلها حماس . وقالت حاضر .بعد اذنكم ياجماعه . ومشيت بسرعه وردت بسعاده الو بسام اخويا . عامل ايه ياحبيبي ؟
بسام : بتكبر اذيك يا دكتوره انا كويس .
رودي : وحشتنى اوى اوى يابسام . انا هموت واشوفك انت وولادك واكمل ابنك عامل ايه اكيد كبر دلوقتي وخلص جامعه مش كدا؟ .بقالى ١٥ سنه نفسي اشوفك . مش ناوى تنزل مصر قريب .؟
بسام : مش وقته . وبعدين ما انتى بتشوفي صورتي ع الميديا . المهم خلينا ف المهم . انا بتصل ع بابا مبيردش ليه ؟
رودي : بحزن من أسلوبه . بابا تعبان شويه . واكيد كان نايم وقت اتصالك .
بسام : ايه تعبان ماله يعنى ؟
رودي : انت عارف أنه بابا كبر واتقدم ف العمر . ومبقاش قادر ع إدارة الشركه .وف يوم تعب واغمى عليه . وحاليا بيتابع علاج طبيعي .
بسام : والله انا ياما قولتله يبعتلى كل الملفات وانا هتصرف . المهم يارودي . عايز منك دلوقتي تروحي ل بابا . وتطلبي منه ملفات الشركه والسجلات . وتبعتيلى نسخه ع ميل شركتى . انتى عارفه لو جراله حاجه اكيد مراته دي هتكوش ع كل حاجه . وانا طبعا اولا بكل ده .
رودي : كشرت عينيها بعدم فهم . وقالت تقصد ايه بكلامك ده يابسام ؟
بسام : ياحبيبتي مقصدش حاجه . انا عايز اضمن حقى وحقكم ف التركه كلها . وهي حلال عليها العماره . إكراما ل بابا مش اكتر .
رودي : فتحت عينيها بصدمه كبيره . وهزت راسها . ده ال انت بتفكر فيه؟ انت حتى مطمنتش ع بابا يابسام؟
بسام : انتى ليه فهمتى كلامي غلط . وبعدين انا اخوكي الكبير ومن حقي احافظ ع كل حاجه. وبابا انا هتصل عليه . مع السلامه ..
رودي : بحزن حقيقي قفلت وخافت من المستقبل .
مصطفى : قام اتسحب بطريقته ..ودخل المطبخ . داده ثريا .
ثريا : نعم ياسي مصطفى . عايز حاجه يابنى ؟
مصطفى : كشر عينيه عايز طبق مانجا وطبق عنب يكونو محترمين كدا .
ثريا : حاضر . ثواني اجبلك ..
چود : ماشيه ف الجنينه . واد ياچواد انت عايز لما تخلص ثانوي تدخل كلية ايه؟
چواد : والله ياچود يختى انا لسه رايح تانيه ثانوي .. بس حلمي بجد ادخل اكاديميه بحريه .. نفسي ابقى قبطان بحري .
چود : امممم ياجامد . لا حلو ياض استمر ع كدا .
چواد : يامسهل الحال . احم بقولك تعرفي إن ياسين وحياه عند عمو مالك .
چود : امم عارفه كارما قالتلى .
چواد : بلخبطه هي كويسه ؟
چود : هي مين دي ياض ؟ كارما ؟
چواد : بلع ريقه بتوتر . لأ لأ احم انا قصدى طنط ساره وعمو مالك .
چود : كشرت عينيها بتعجب . ورفعت حاجبها بمكر . امممم وايه ال جاب القلعه عند البحر ياقبطان . هههههههه الهوى اجدعان . انت منمر ع كارما ياض هههههههه ..
چواد : نفخ بغيظ انتى مستفزه بجد . كارما زي اختى الصغيره . وبعدين انا بكلمك ع ياسين انتى ال قولتى كارما .
چود : بغمزه . قلبك ابيض ياقبطان متزعلش . بس انت اخويا حبيبى وانا افرحلك يعنى. ولو عايزنى اظبط الكلام واعرف التمام . انا معاك يا نجم .
چواد : قلبه دق وقال قصدك ايه؟ يعنى انتى ممكن تقوليلها عنى ؟
چود : ياض متبقاش غشيم . بس قولى انت ايه حوارك عشان نكون ف السليم . ونلحقها مش يمكن حد تانى منمر عليها .؟
چودا : فتح عينيه بصدمه . لاا استحاله . وكمل بتوتر . بصي انا مش عارف.
چود : صارحني بس والله العظيم هروقك . انت مش واثق ف اختك؟ دا انا رجوله وصاحب صاحبه . قولى بس انت بتحبها ؟
چواد : اتنهد . بصي هو انا مش عارف . وابتسم بحب وافتكر جمالها الهادي الجميل . وقال ف اللاوعي ..بس انا ف حاجه بتحصلي اول ما اشوف كارما قدامي . قلبى ده بيفضل يدق . وببقى عايز اتكلم معاها . رقتها واحترامها جميله جدا. يوم الفرح كانت جميله خيال . وطول الوقت غصب عني بلاقى عينى بتدور عليها . ولما بتقولى اذيك ياچواد . مش عارف بحس ان نطق اسمى منها مختلف عن باقى الناس . مش عارف ياچود . انا بقالى سنه واكتر ع الحال ده. وبقول لنفسي ممكن يكون إعجاب مش اكتر . زي ما بسمع من صحابي ف المدرسه . بس اكيد لأ . لانى مش شايف غيرها. ومش عارف اعمل ايه انا لسه صغير وهي لسه ف ٣ اعدادي . يعنى صغيرين . وخايف لما تكبر متكونش من نصيبى. بجد خايف ..
چود : ربعت ايديها الاتنين وبتسمع چواد . وشافت لمعت الحب ف عينيه. وابتسمت بحب كبير . ولعبت ف شعرو. وقالت مش عايزاك تخاف من حاجه . وانا هشوف الحوار ايه .
چواد : انتبه . وقال هتعملى ايه؟
چود : يغمزه. مالكش دعوه انت بقى . انا هتصرف . بس مش دلوقتي . ولو كارما حسيت ان من ناحيتها اعجاب ليك . انا هريح قلبك .
چواد : يتفائل احلا چووووود دي ولا ايه؟
مصطفى : من بعيد .چووااد يا چواد .
چواد : لف ليه وابتسم نعم يامصطفى.
مصطفى : تعالى عايزك .
چواد : هز راسه تمام جاي . وساب چود ومشي .
چود : عينيها ع مصطفى . وحطت أيدها ع قلبها اول ما سمعت صوته . واتوترت . ولفت ضهرها ليه وبصت للبيسين ..
چواد : نعم يادرش .
مصطفى : بمكر عامل ايه ياض ياچوچو .
چواد : بغيظ . أسمى چواد مش چوچو . ماشي.
مصطفى : ههههه يبنى فين عضلاتك ال يبان منها انك چواد . ده عيب ع اسمك. اقولك ع حاجه . تعالى معايه .
چواد : بعدم فهم معاك ع فين؟
مصطفى : تعالى بس . وشدو من ايدو . وراحو ع صالة الجيم بتاعة كريم .
چواد : امممم عند بابا زيها ايه الجديد بقى ؟
مصطفى : لازم تتدرب وتتمرن وتعمل كام عضله كدا تلفت انظار البنات . الواحده التافهه من دول تبص ع ابو عضلات . أما عضلة القلب دي طلعت ولا ليها لازمه غير ضخ الدم وبس .
چواد : بتفكير اممم . صدق كلامك صح . وكمان بابا طارق . تعب منى ف انى اتمرن . واقوله ف تالته ثانوي . لا انا هتمرن من بكره إن شاء الله . تسلم يادرش .
مصطفى : بخبث وليه من بكره .عندك صالة الجيم اهو . تحت امرك وتتمرن وتسخن اول يوم كدا ع خفيف.
چواد : بس كدا مش هينفع .
مصطفى : ده لازم ينفع . لانى لازم أخرج ناو . اسمع منى . واتمرن من دلوقتي . يلا سلام اسيبك انا مع الباى والتراي يابطل . وسابه وخرج .
چود : واقفه قدام البيسين. فرحت لاخوها . وقالت انا هتكلم مع كارما كتير ع چواد اخويا . وأشوف رد فعلها . ويارب بقى تحبه هي كمان . ونظبط الجي ونعلى الدي يامااان ..
مصطفى : من وراها . بسبس بسبس . چوداء
چود : حطت ايدها ع قلبها الل بيدق . ولفت بتوتر وفتحت عينيها بدهشه . وقالت كل دي مانجا؟
مصطفى : طيب وبالنسبه للعنب ده . ماشيفتهوش . وغمز ولا المانجا مايشوفش غير المانجا . يامانجا انت . يخربيت جمال امك . ايه ياچود الحلاوه دي .
چود : صكت ع أسنانها بغيظ . انا مانجا . ياعديم الزوق انت .؟
مصطفى : حط الصينيه ع التربيزه . وبعدين بقى معاكى انتى فرهدتى امي ف حبك .
. ومالها المانجا يختى ؟ دول هيموتو وياكلو مانجا معانا .
چود : كشرت عينيها هما مين دول ؟
مصطفى : رقص حواجبه . مش هقولك غير لما تعترفي . قولى يلا بحبك يامصطفى .
چود : بلخبطه . امشي من هنا . انت جاي ورايا ليه؟
مصطفى : اييييه يابت جاى وراكي دي؟ انتى فاهمانى صح ع فكره ..
چود : هههههههههههه.
مصطفى : يخربيت جمال ام ضحكتك . تهبل .. ياتراب القمر .
چود : ببلاها .. ها.؟ تراب ايه؟
مصطفى : قرب منها وبص ف عينيها وقال بحُب . انتى ياچودي ببشرتك الخمريه ال مجننه قلبى .. انتى (تراب القمر) . انتى من عالم تانى .
انتى من القمر نفسه. انتى تراب القمر ل مصطفى عزيز ياچودي .
چود : غمضت وفتحت عينيها ببلاها . وقلبها بيدق بسرعه كبيره جدا ..وسرحت ف عينيه وهمست يتوهان مصطفى...
مصطفى : ضيع سحر اللحظه . وقال بصوت عالى يااااالهوي يانا ياما ع مصطفى وجمال مصطفى منك يابت . اخرابي أعرابي.
چود : اتخضت منه . وانتبهت . ونفخت بتوتر . وبصت ليه بغيظ كبير . بص بقى ياجدع انت؟ . انت تخفى من وشي عشان متغباش عليك اشطا ؟
مصطفى : يابت اعترفي بحبك ليا يابت. دول بيغنو لمصطفى . انتى مش هتغنى لحبيبك؟
چود : بتريقه غنو لمصطفى؟ وغنو ايه إن شاء الله؟
مصطفى : بيرقص حواجبه .وقال بغمزه . مصطفى يامصطفى انا بحبك يامصطفى .
چود : اووووف استغفر الله العظيم يااااارب . اتكل ع الله يبنى انت .
مصطفى : طيب تعالى كلى مانجا يلا .
چود : ببرود مش عايزه حاجه منك .
مصطفى : وانا بطرح مانجا؟ دي من الشجر مش منى .
چود : هههههههه يبنى حرام عليك انت عايز منى ايه؟
مصطفى : ببرود تاكلى مانجا .
چود : بتمثيل .. احم ...لأ لأنها مش متقطعه ف طبق . ولا جاهزه للأكل .
مصطفى : كشر عينيه نعم يختي؟ مش ايه؟ وهي المانجا بتتقطع؟
.انتي هتعمليهم عليا ياچوود.؟ وهتمثلى زي بنات اليومين دول ؟
. تقولك ياااااي ايييه ضااااه . زي ما بيعملو مع الرنجه كدا .
. وهي اصلا هتاكل الرنجه وهي ف حالة صرع من طريقة اكلها .
.وتقولك لأ لأ أنا مبحبش الحاكات تي ..
. المانجا بتتلهط كدا بتمسكى المانجايا تفترسيها والبذر يطلب الرحمه منك .
.ياچود دا انتى بتاكلي المانجا زي اللمبى مع فيحاء ههههههههه.
چود : قبضت ع ايديها بغضب وقالت . لمبي؟ وفيحاء ورنجه ؟ امممممشي من وششششي .
مصطفى : لمح يوسف وفارس خارجين من باب الفيلا . وقال طيب طيب ماشي وبرحتك . بس عايزك تعرفي حاجه مهمه جدا .
چود : نفخت بنفاذ صبر اييه هي بقى؟
مصطفى : قرب من وشها . وهمس . لو معترفتيش بعشقك ليا قريب هتندمى اوى اوى ياچودى . تراب القمر . واتعدل بسرعه .
چود : بلعت ريقها بتوتر . وقلبها بيدق ..
مصطفى : غمز ليها يلا سلام . ولف ضهرو ليها وابتسم وماشي .
چود : بتوهان ولخبطه . مصطفى انت كنت بتشرب بؤصمات ع أنها سجاير ليه؟
مصطفى : من غير ما يبصلها . ماشي وقال كنت بولع ف جتتك ...
------------------بقلمي مريم نصار.
ف بيت المزرعه ..
ف الليفنج .
آدم : قاعد جمب مريم. وماسك كف أيدها بيطمنها . وقالها متقلقيش..
مريم : بصتله . طيب قولى آدم حفيدى فين؟ وفهد شويه وجاي . ورينو زي ما انت شايف .
آدم : بص ع رينو . ال عيونها حمرا. والتوتر واضح عليها . وقال بابتسامه تعالى يانوتيلا جمبي هنا ..
رينو : قامت بسرعه وقعدت جمبه . وقالت بابي فهد لما يعرف ........
آدم : ضمها لقلبه هششش بس ياقلب ابوكي . انا مش عايز اشوف دموع نوتيلا البيت . وبعدين اهدى فهد مش هيعرف اى حاجه ..
رينو : خرجت من حضنه وبصت ليه ف سؤال ازاى مش هيعرف ؟
آدم : مسد ع حجابها بحنان . اهدى ياروحي . انا هتصرف .
رينو : ضحكت بدموع . يعنى فهد مش هيعرف ؟ وبعدها كشرت بخوف . بس . بس آرين مبتخبيش عليه حاجه . وانا كمان . مبعرفش اخبي عليه . علشان لو خبيت وعرف بعدها . فهد بيكون واحد تانى ..انا بجد قلقانه ع آرين اوي يا بابي .
آدم : ع فكره بقى انتى ظالمه فهد . فهد حنين جدا . ولو شاف آرين وعرف مش هيتحمل يشوفها كدا . وانا قولتلك اهدي انا هتصرف .وانا مكان فهد ومكان الكل .
. وبعدين مش معنى إن آرين متقولش ولا حد يقول لفهد . إننا كدا بنغلط ؟
.لأ ف حجات ماينفعش تتقال ف وقتها ع الاقل . وممكن مع الوقت تتنسي خالص. انتى بس قومي اغسلى وشك ده . وعايز منك لما فهد يرجع بالسلامه تكونى ع طبيعتك .
رينو : اترمت ف حضنه تانى ميرسي جدا لحضرتك بجد . ربنا يديمك ف حياتنا ..
آدم : ابتسم .وضمها لقلبه بحب كبير . حبيبتي يارينو ..
رينو : قامت . تغسل وشها . وبتدعي بحماس كبير ..
مريم : بصت ل آدم ........
آدم : فهم .وباس كف ايدها وقال حورية قلبى مش عايزها تفكر كتير .
مريم : ربتت ع ايدو . وقالت طيب ريح قلبى وقولى .
آدم : ابتسم . وغمز ليها . حفيدك هيتصرف ..
مريم : فتحت عينيها بدهشه . وضحكت وقالت لأ قول بالله عليك . انت قصدك إن آدم بيحب آر......
آدم : هشش وطي صوتك . ايوه يا روحي . وهو جاي دلوقتي . عشان يتكلم مع آرين .
.ويقنعها متقولش ل فهد . لأنه بجد لو عرف مش هيسكت . وخصوصاً اننا عارفين آرين عندو ايه؟ والحصان مش ضعيف . وفهد هيتجنن ع بنتك وبنته من خوفه عليهم .
. وممكن يحصل فيها مشكله ليهم . و آدم هيتصرف عشان الموضوع يعدى ..
مريم : ضحكت بسعاده . اللهم بارك يارب . طيب . طيب و آرين .ها ؟ طمنى يا آدم الله يرضي عليك.
آدم : ضحك . طيب مافيش واحده سكر تحت الحساب .وانا اقولك هههههههه ..
مريم : بحرج .بصت حواليها. الله يهديك يا آدم انت ف اى مكان كدا تقول حاجه زي كده. بالله بقى قولى. ..
آدم : ابتسم بحب وباس ع أيدها وهمس ف ودنها. آدم و آرين . ف ميراث العشق حاليا. ..
مريم : ضحكت بدموع . اللهم بارك يارب ماشاء الله .
آدم : بص قدامه وقال جواه . لعنة ميراث العشق بدأت من انهردا . يا اميرتي .
------------------بقلمي مريم نصار.
بعد شويه .
آدم مراد : داخل عليهم بجمود .
فريحه : بخوف قامت بسرعه . وشهقت ابنى؟ ايه ال حصلك ؟ وعيطت .
آدم مراد : غمض عينيه واتنهد . امي انا كويس جدا . دي خبطه بسيطه .
رينو والكل اتخضو .
آدم : بص ليه .. ايه ال جرحك يا آدم؟
آدم مراد : ابدا العربيه اتخبطت ف شجره .
الكل شهق بخوف .
مريم : بدموع . اسم الله عليك يا نور عيني .حاسس بايه اتأذيت؟ حاجه حصلت لجسمك؟ طيب قولى حاسس بتعب .تعالى اقعد هنا ..
آدم مراد : ارجوكي يا ماما ماتعيطيش انا كويس ياجماعه . المهم دلوقتي انا عايز اتكلم مع الكل . خالو فهد ياريت مبعرفش بال حصل انهردا ابدا .وقبض ع ايديه ..وكمل عشان آرين غلطت وممكن تحصل مشكله ..
فريحه : بدموع تعالى طيب اعقملك جرحك الاول .
آدم مراد : بجمود لأ . انا عايز لوسمحتو اتكلم مع آرين ضرورى . قبل ما خالو فهد يرجع . لأنها اكيد هتقوله ..
فريحه : طيب ياحبيبى . هعقملك جرحك تكون عمتك رينو صحتها ولبستها الحجاب
آدم مراد : بنفاذ صبر يا امي انا......
فريحه : بتحذير . وبعدين معاك بقى . انا قولت هعقملك جرحك يبقى تسمع كلامى . واقعد .
آدم العدوي : هز راسه ليه . يسيطر ع غضبه ويهدى .
آدم مراد : صك ع أسنانه . وقعد .
مريم : قامت بسرعه وراحت ع المطبخ
رينو : انا هطلع ل آرين .. وطلعت .
فريحه : جابت علبة الاسعافات وعقمت الجرح وقالت الحمد لله الجرح سطحي ومش محتاج خياطه .
مريم : جت من المطبخ ومعاها كوباية عصير ل آدم . وقالت الحمد لله . امسك يانبض قلبى . اشرب العصير ده .
آدم مراد : غصب عنه . اخدو شكرا ياماما .
آدم العدوي : استنى ف الجنينه يا آدم . و آرين هتجيلك . ماينفعش تطلع فوق .
آدم مراد : وده الل انا عايزه . وقام وقف بسرعه وخرج .
. وشاف دارلي أرابيان . وقبض ع ايديه بغضب ونفسه يقتله .
. ومشي بسرعه عشان مايرتكبش جريمه . ووقف قدام البيسين .
. ورفع راسه للسما . وبيحاول يسمع كلام جدو . وياخدو بعين الاعتبار . ولازم يكون اهدا من كدا .
آرين : صحيت وغيرت فستانها .وجواها خايفه جدا من آدم .وفهد . وبتعيط بشهقات بسيطه .. ورينو لبستها حجابها . وقالت خلاص يا آرين بطلى عياط ياحبيبتى . ال حصل حصل مش هنغير منه حاجه . لكن عايزاكي تسمعى كلامي وكلام آدم . لو بابي عرف بجد هتحصل مشكله كبيره ..
آرين : هزت راسها برجفه . وتالين ساعدتها وخرجوا ..
رينو : غمضت عينيها بتعب وقالت سامحنى يافهد . انت بس لو عرفت إن آدم شال بنتك دى لوحدها ممكن تعمل فجوه كبيره بينك وبيني .
.وانا مقدرش اعيش من غيرك .. وانهردا شوفت ف آدم مراد فهد تانى .. وابتسمت . وقالت بإذن الله خير . وربنا يستر منك يافهد .
آرين : خارجه ..وتالين سانداها . وبتفكر اكيد آدم انها ماسمعتش كلامه ومكسوفه جدا من آدم واكيد هيزعقلها . وهتتحرج قدام تالين . وقالت بتعب. انا كويسه ياتوتا . انا هروح ل آدم . خليكى انتى .
تالين : متاكده يا آرين انك كويسه . انا ممكن اوصلك وارجع عادى ..
آرين : لأ انا كويسه ياحبيبتي .
تالين : ابتسمت ماشي ياحبيبتى . ربنا معاكي . ودخلت البيت .
آرين : ماشيه برجفه . وشافت دارلي أرابيان . وغمضت عينيها بسرعه وخافت . وحست الحادثه تانى . وداخت .
آدم مراد : ضهرو ليها وحس بيها . وغمض عينيه واخد نفس عميق ..
آرين : قربت منه ووقفت وراه . ونزلت راسها ف الارض بحرج كبير . ودموعها نازله .
آدم مراد : قبض ع ايديه بغضب ولف ليها بسرعه
-------------يتبع
الاكثر قراءة هذا الشهر :
موعد الحلقة الجديدة الساعة 8 م يوميا ان شاء الله .
هنا تنتهى احداث رواية جريمة عشق 4 الحلقة 42 ، يمكنكم اكمال باقى احداث رواية جريمة عشق الجزء الرابع الحلقة 43 أوقراءة المزيد من الروايات المكتملة فى قسم روايات كاملة .
نأمل أن تكونوا قد استمتعتم بـ رواية جريمة عشق الجزء الرابع ، والى اللقاء فى حلقة قادمة بإذن الله ، لمزيد من الروايات يمكنكم متابعتنا على الموقع أو فيس بوك ، كما يمكنكم طلب رواياتكم المفضلة وسنقوم بوضعها كاملة على المدونة .