نقدم اليوم احداث رواية جريمة عشق الجزء الخامس مملكة ميراث العشق الفصل 50 من روايات مريم نصار . والتى تندرج تحت تصنيف روايات رومانسية ، تعد الرواية واحدة من اجمل الروايات رومانسية والتى نالت اعجاب القراء على الموقع ، لـ قراءة احداث رواية اسيرة العادات والتقاليد كاملة بقلم مريم نصار من خلال اللينك السابق ، أو تنزيل رواية جريمة عشق 4 pdf كاملة من خلال موقعنا .
مملكة ميراث العشق الفصل الخمسون
فصل ٢٦ ج 1
رواية جريمة عشق 5
(مملكة ميراث العشق)
الكلمة؟.
مفتاح الجنة فى كلمة... دخول النار على كلمة.. وقضاء الله هو كلمة... الكلمة نور.. وبعض الكلمات قبور.. وبعض الكلمات قلاع شامخة يعتصم بها النبل البشرى..الكلمة فرقان بين نبى وبغى.. بالكلمة تنكشف الغمة.. الكلمة نور..ودليل تتبعه الأمة.. عيسى ما كان سوى كلمة. أضاء الدنيا بالكلمات وعلمها للصيادين فساروا يهدون العالم.. الكلمة زلزلت الظالم.. الكلمة حصن الحرية.. إن الكلمة مسئولية.. إن الرجل هو كلمة.. شرف الله هو الكلمة.
ارتقوا في إختيار الكلمات قبل وقوعها على قلب فينام حزيناً للأبد..!!!
================================
بسم الله نبدأ.
أسم الكاتبة الحقيقي : شريهان ابراهيم.
الإسم الحركي للكاتبة : مريم نصار.
في المستشفى..
Автор: Меріам Насар
حرس آدم مراد..مش عارفين يعملوا إيه؟
واحد منهم قال.. الله يكون في عونهم..وأظن إن آرين هانم مش هترجع الجامعه دلوقتي..
التاني : قال.. أكيد.. وأحنا كدا في يعتبر في اجازه..
التالت : طيب تعالوا نسلم مفاتيح العربيه لأي حد..!!
الأول : يلا بينا تعالوا نسأل على قسم الحروق.. واتحركوا..
زين وريتال بيجروا وفارس وزياد ومالك ويوسف وكل شباب العيله..
رينو : ماشيه شبه مصدومه ورجليها مش شيلاها. ودموعها نازله بصمت.. وفريحه سنداها..وبتعيط. و آركان معاهم.
مراد : داخل المستشفى بسرعه.. وشاف رينو بالشكل ده وجري عليها..وقال بلهفه..
رينو.. رينو أنتي كويسه؟انا مش عايزك تخافي من حاجه.. آرين قويه وهتبقى بخير..
رينو : رفعت عينيها بيأس وهزت راسها بعدم تصديق..وعيطت بوجع..
مراد : أتوجع علشانها..وخدها في حضنه وغمض عينيه بحزن كبير..
آركان : مقدرش يصبر أكتر من كدا.. واطمن علي رينو مع مراد و فريحه وسابهم وطالع ع السلم بسرعه..وقلبه قايد نار..ومليون سؤال ملهمش أجابه.. وقلبه شبه محطم..
Автор: Меріам Насар
في قسم الحروق
زين : جري ع أبوه بقلق..مالها آرين يا بابا؟ حصل معاها إيه؟
آدم : بحزن.. أزمة وهتعدي يازين يبني..
زين : بص ع الاوضه..ورايح ليها..
محمد : استنى يازين مش هينفع تدخل دلوقتي..!! تعالى..
زين : راح لمحمد وقال بخوف..بنت اختى مالها يامحمد.. ريتال بتقولي أنها اتحرقت.. قولي بالله عليك آرين فيها إيه؟
محمد : بتنهيدة حزن..حاضر.. وييحكيلة إللي حصل.
فارس : جري ع طارق وبيتكلم معاه وكان حزين جدا..
------------------بقلمي مريم نصار..
آرين : وشها كله ملفوف بضمادات حفاظاً على نظافة وتعيقم الجروح.. ولكن أيديها مش ملفوفه لأن جروج أيديها مش عميقه..
الكل شاف فهد وخايفين من رد فعله..!!
فهد : ماشي بخطوات بطيئة وكأنه ماشي أميال. مع دقات قلب مختلفه..خوف وقلق ورعب وزهول وعدم تصديق.. حجات كتير جدا..
فهد : قرب من باب آرين..
تيم : مسك أيد فهد بسرعه .وقال استنى يافه......!!!
فهد : بهدوء سحب أيدو.ومردش ولا بص ع حد..!! وفتح باب الأوضه بتردد كبير....
آرين : فاقت وفتحت عينيها ببطء......!!!
فهد : زق الباب ببطء ودخل خطوه.. ورفع عينيه بخوف كبير من الصوره إللي رسمها بعد ما سمع الخبر..وشاف آرين....!!!
شاف بنته ووشها المتغطي بالشاش.. وغمض عينيه بقوه كبيره وقبض على أيديه بقلة حيلة.. وقلبه وعقله رافض الصوره إللي شافها..!!
آرين : فتحت عينيها بتعب.ومش حاسه بقوة الألم من المسكن.لكن شافت ابوها..وابتسمت بحب..وهمست بابي..!!!
آدم مراد : سمع صوتها..والروح بدأت تتغلغل لجسمه من تاني.. وبدأ يستوعب كل حاجه حواليه..
فهد : قلبه دق بوجع كبير..وفتح عينيه..وقرب منها..لكن مش قادر يتحمل الصوره.. وكان بيتمنى أنه هو إللي يكون مكانها..
آرين : بعد ما ندهت ع فهد..حست بوجع بسيط في جسمها.وغمضت عينيها بتنهيدة ألم. وانتبهت ع حركة فهد وهو بيقعد جمبها.. وقالت بتعب..
بابي تعرف أنا كنت بحلم بكابوس وحش أوي.. كابوس مخيف جدا.. لدرجة أني صحيت دلوقتي وحاسه إني تعبانه بسببه..
فهد : عينيه تايهه يمين وشمال وقلبه بينزف حرفيا.. لأ دي مش آرين بنتي.. لأ مستحيل.. أيوه هو نفس صوتها..لكن مش دي الفراشه لأ..دي..دي..مش آريني..!!!
آرين : بقلق مبهم..تعرف يابابي شوفت نفسي في معمل الجامعة.. وفاجأة صوت إنفجار.. والنار..!!
النار يابابي جت في وشي.. وانا حسيت كأنه حقيقه..النار مقدرتش اتحملها.وشي كان بيحرقني.
.وصرخت..صرخت وندهت عليك كتير..
كتير جدا..بس محدش جه وانقذني..حتى ايديا اتحرقت في الحلم.. وا...........!!!!
و آرين بترفع أيديها الأتنين وشافت الحروق.. والمحلول.. وعينيها اتثبتت ع الحروق..وفتحت عينيها بصدمه.. وبصت حواليها وشافت نفسها في اوضة كشف..و آدم واقف وكأنه تمثال بيتنفس وبس..
وبصت ع فهد وشافت دموعه نزلت ع خدو والوجع باين ع ملامحه..
وافتكرت زهره صحبتها..ولمار والمعمل.. وأنابيب الإختبار..والبنت إللي خبطت فيها..وصوت الإنفجار والنار.. إللي حرقتها وكانت بتاكل في وشها..
آرين : جسمها اتشد وبتنهج..وهزت راسها بالرفض..وهمست بتيه..يعني ده مكنش حلم..؟!!! مكنش كابوس..!! يعني أنا...!!!!
ورفعت أيدها ع وشها..وحست الشاش..ومتحملتش الألم...!!!
وبصت لايديها الاتنين..ومصدومه بهستريا..وخبت وشها بأيديها..وصرخت صرخة وجعت قلوب كل الموجودين..!! لاااااااااااااء
فهد : بسرعه..شال أيديها من ع وشها..وشدها خباها في حضنه.. خباها جوه روحه..نفسه يدخلها بين ضلوعه علشان متحسش ولا تعيش الألم..
ضمها لقلبه.. وأول مرة يعيط.. أيوه عيط. عياط وجع .. روحه بتنزف ألم على ضناه وبنته الوحيده..
الكل بره الأوضه في حالة حزن كبيره.ومنهم إللي..بيعيط..ومنهم إللي كاتم في قلبه.علشان يقوي العيله..
آركان : واقف على باب الأوضه..ودموعه عرفت طريقها.. والصدمه لجمته..
ومريم قعدت ع الكرسي بأحباط لما شافت مراد جاي وساند رينو في حضنه..ومش قادره تمشي..
مريم رفعت عينيها للسما.. ودعت ربنا بقلبها وذل كبير..اللهم آجرنا في مصيبتنا وأخلف علينا خيرا.
رنا : بتعيط بحرقه..وبتدعي بالصبر..
طارق : ساند أيدو ع الحيطه..ومغمض عينيه بحزن أشد من أي حزن..ع حفيدته وابنه..
آدم : واقف وباصص قدامه بشرود وقلبه مكسور جدآ..للي بيحصل لعيلته..
والفرحه إللي مش بتكمل..لكن لازم تقوي عيلتك يا آدم.. لأن ده ابتلاء.. ونهايته اكيد خير..!!!
فهد : حضنها بحذر وخوف من انه يألمها..وبيمسد على ضهرها..ووجع العالم كله جواه..
آرين : رغم الألم اللي في وشها.. إلا أنها مخبيه وشها في حضن أبوها..ومش قافله أيديها علشان الحروق.. وبتصرخ بوجع كبير جدا.. وقالت..
لااااااااء لااااء مستحيل.. اء.. أنا اتحرقت يابابي. اتحرقت.. خلاااص كل حاجه انتهت خلاص.. أنا اتشوهت.. أنا اتشوهت يااابااااابي..
فهد : قلبه اتكسر حرفياً في الوقت ده.. ونفسه في معجزة..نفسه يكون بيحلم..وصك على أسنانه بقلة حيلة..وقال جواه..
معجزة يااارب..يارب أكون بحلم..يااارب...
آركان : قلبه متحملش..وجري بسرعه عليهم.. وقال بعياط مكتوم..
آرين.. آرين..بصيلي أنا آركان أخوكي..
آرين : بشهقات وصراخ..مخبيه وشها في حضن أبوها.. وقالت..لاا لاا أخرج يا آركان.. أنا خلاص شكلي بقى وحش..انا مبقتش آرين.. أخرج يا آركااااان..
فهد : بعياط..وصوته مش طالع..قال..بس يا آرين..متقوليش كدا.. أنتي.........!!! ومقدرش يكمل..
رينو : دخلت وبتنهج بتعب.وشافت أيدين آرين..واتصدمت وقلبها وجعها.وقالت بوجع وعياط آرين بنتي..!!!
آرين : كلبشت في فهد أكتر..وقالت بعياط..مش عايزه حد يشوفني.. ارجوكي يا مامي خليكي بعيد عني.. آرجوووووك يابابي خبيني..
رينو : بعياط.. آرين اهدي يابنتي..وخليني أشوفك وبردي قلبي.. أنا أمك.. أنا اديكي من عمري ولا ابعد عنك ياحبيبتي..
فهد : أخد نفس عميق جدآ..وقال بثبات عكس الكسر إللي جواه..
آرين أنتي مافكيش أي حاجه.. أنتي آرين بنتي القويه. إللي بتتحدى أي ظروف مهما كانت..مش كدا..؟
وحاول يطلعها من حضنه.. وخايف انه يوجعها أو يجرحها..
آرين : بتعيط بحرقه..ومش مصدقه إللي حصل ليها.. وخرجت من حضنه ببطء..ومغمضه عينيها..
رينو : شافت وشها كله ملفوف.. وشهقت بصدمه..ورجعت لورا وكانت هتقع ومراد لحقها..
آركان : واقف فاتح عينيه وباصص لأخته كأنه بيسأل ويقول.. فين آرين أختي الجميلة.؟ دي مش آرين لأ..!!
مراد : غمض عينيه بحزن كبير..وزعل جدآ جدآ عليها.. وفتح عينيه وبص ع آدم إبنه.. إللي واقف وكأن في حرب قايمه جواه..
رينو : بخوف على بنتها..قربت من بنتها برجفه.وحضنتها وعيطت بصوت عالى كله وجع وقهر وخيبة أمل..وقالت.رحمتك يارب..لطفك يارب. كلنا جمبك يا آرين.. ارجوكي بطلي عياط..
آرين : بصراخ..خلاص يامامي أنا اتشوهت يامامي..النار كانت حقيقه.. أنا كنت خايفه أوي.. متحملتش النار يامااامي..اااااااه كل حاجه انتهت..
فهد : حس أنه مش قادر يتنفس..والكون بيضيق عليه.. وقام وخرج بسرعه..ووقف قصاد الشباك.. وكأنه بيجاهد عشان يقدر يقاوم ويتنفس..!!
آدم : ربت ع كتفه..وقال بهدوء ممزوج بكسره.وحزن كبير.. وقال... هتعدي يافهد..!!
فهد : هز راسه بالرفض.. لأ أنت مشوفتهاش ياعمي..
آدم : مسح دموعه بسرعه..وقال.. اليأس ده مش ليك يابن السيوفي.. كل داء وله دواء.. وكل مصيبه معاها صبر..وكل ابتلاء بعدو هدية الصبر والفرج..
فهد : لف راسه ليه ودموعه نازله..وقال بنتي اتشوهت ياعمي..!! بنتي اتألمت..!! بنتي النار كانت بتاكل فيها.. في روحي قبل وشها..
آدم : بيكابر لكن مش قادر..وشد فهد لحضنه وربت ع ضهرو..
فهد : غمض عينيه فى حضن آدم..وعقله وتفكيرو في عالم تاني..وبيتخيل قد ايه بنته اتألمت واتوجعت..!!! وإحساس الذنب بيقتل فيه.. إن بنته استغاثت بيه وفشل في أنه يلحقها ويحميها.. اااه على وجع قلبك يافهد..!!!
آركان : قعد قدام آرين. وقال بوجع.. آرين..بطلي عياط..
آرين أنتي هتفضلي طول عمرك زي القمر.. وبلاش كلامك ده.. انتي هتتعالجي وهترجعي زي الاول وأحسن..
آرين بس عايز أعرف كل ده حصل ازاي؟
آرين : بتعيط..وشافت آدم واقف ومش عايزاه يشوفها..وهزت راسها لأ لأ مش عايزه اتكلم ارجوكوا سيبوني لوحدي..
وصرخت بهستريا..سيبووووني لوحدددى.. ابعدوووا عنييي.. أنا مش عايزه حد غير ابويااااا.. باااااااباااااااا..
Автор: Меріам Насар
العيله بدأت تدخل ليها والكل حرفياً أتصدم..وصعب يخبوا إحساس الدهشه والصدمه..
فهد : جري عليها بسرعه..وشافها بتشد الكانيولا من أيدها بجنون.. ولحقها..ومسك ايديها.. بس يا آرين بس واهدي أنتي كدا بتجرحي ايديكي.. أنتي هترجعي زي ما كنتي..
آرين : بدأت تصرخ من قوة الألم..لاااء..ناااار بتاكل في وشي..ايديا بتحرقني..مش قاااادره اتحمممممل.. ااااه..
تيم : دخل بسرعه..وحط مخدر في الكانيولا...ومسك كتفها..وبيعيط.. وقال بحزم..آرين آرين. بصيلي.. بصي عليا يا آرين.. انا تيم وبقولك من دلوقتي أنتي هتكوني أحسن وهترجعي زي من الأول انا بوعدك.. أنا عمري ماوعدتك وخلفت وعدي ليكي.. بصيلي يا آرين..
آرين : بتتألم..وهزت راسها لأ لأ..ابعدووووا عني.. ابعدهم ياباااابي أرجووووك.. أنا مش عايزه حد..
مريم : دخلت بسرعه..وقالت بحزم..الكل يطلع لو سمحتوا..
آدم : بحزن شاور لكل الموجود يخرجوا.
مراد : أخد رينو إللي عياطها كان بأنهيار.. وخرجوا.. وقال خلي بالك منها يافريحه.. وسابها ودخل ومسك كتف فهد.. وقال.تعالى معايا يافهد.. تعالى واخد فهد بالعافيه وخرجوا..
نور : خرجت وبتعيط بحرقه..وقربت من رينو وأخدتها في حضنها.. وحضنوا بعض وبيعيطوا..
رينو : بنار وحرقه..اااه بنتي يانور. بنتي بتروح مني..
نور : بشهقات.. لأ يارينو ياحبيبتي بالله عليكي خليكي اقوى من كدا..
تيم : مسح وشه بأيديه..واخد آركان وخرج.
مريم : برعشه ورجفه .وقلبها مبتور.. قعدت.. وقالت. بحنان وصوت مكسور.. أهدي يانور عيني..خلاص كله خرج.. مفيش غيري أنا وجدك..
آرين : بتترجف وبتعيط..ورفعت عينيها وشافت آدم مراد لسه مكانه.. وملامحه كلها نار بتاكل فيه..وعيونه جمر نار.. ونقط العرق بتنزل من شعرو.. كأنه بيحارب..
آدم : قعد جمبها..ومسد على راسها.. وقال بوجع مكتوم.. آرين بنتي وحفيدتي.. أقوى بنت ف بنات العيله..مستحيل تستسلم كدا بسهوله..
مريم : بدموع.. بنتي وحبيبتي..هوني عليكي يانور عيني.. ونحمد الله أنها جت ع قد كدا.. وكل محنه وبعدها منحه..
ويعالم إرادة رب العالمين مقصودها إيه؟ وأكيد خير.. رب العباد كل أمره وحكمته خير..
آرين : المخدر بدأ يعمل مفعول..و عينيها ع آدم..وبتغمض وتفتح وهمست بنوم.. آدم..!!!
وغمضت عينيها ونامت بعمق.. كأنها بتهرب من الواقع..
آدم مراد : سمع إسمه منها..و استوعب أخيراً..وفك قبضة أيديه.. وشافها نامت.. وكأنه اطمن عليها أنها نامت ومش حاسه بأي الم..
مريم : شدت الغطا عليها.. واطلقت لنفسها العنان وعيطت بصوت كله تعب ووجع..
آدم : هز راسه بتعب..وقام وقف واحتوى مريم..واخدها وخارج..
------------------بقلمي مريم نصار.
آدم مراد : خرج من الاوضه..بسرعة البرق..وغضب العاالم في عينيه..
الحرس واقفين..
آدم مراد : من غير تفكير..ضرب الحرس. من غير ما يتحكم في أعصابه.. ومحدش قادر عليه..
كل العيله اندهشت واستغربت رد فعل آدم..ومين دول؟
تيم و آريان وكريم وياسين جريوا على آدم.. لكن محدش عارف يحوشوا
آدم مراد : قال بصوت من نار.. أنااا عايز اعرف انتوا لازمتكوا اييييه؟
أنااا مشغلكوا علشان تحموووهااااا.. انتوا اغبيااااا..
انتوا ليييييه سبتوهاااا.. ليييييه محدش فييييكووووا أتصرف ولحقهاااا..؟!!!
ومسك واحد من ياقته..وقال بغضب شديد.. أنا عايز أعرف.. أنت كنت فين وقت الإنفجار.. ولما سمعت صوت الإنفجار..متحركتوش ليييييه؟ليييييييه
وضربه بوكس قوي في وشه.. وبيلعن فيهم من غير وعي لأي حد موجود..
كل العيله بتسمع آدم ومش فاهمين حاجه..
آسر : شاف علامات استفهام عند الكل.. وبص لفهد وقال بحزن..دول طقم حرس خاص.. آدم مكلفهم بحماية بنتك آرين من سنه.. من أول دراستها في الجامعة..
فهد : بص ل آدم مراد في نظره طويله.....!!!!
تيم : وقف قدام آدم مراد أخيراً.. وقال بحزم.. آدم.. آدم حاول تهدا..وفكر أنهم ملهمش ذنب..
مراد : مسك كتف آدم..وقال.. الحرس ملهمش ذنب يا آدم.. وممنوع دخولهم أي معمل..
الحرس : قاموا من ع الأرض وبيتألموا..
آدم مراد : برفض.وغضب وبينهج.. لأ يابابا.. لأ وقت الإنفجار مسموح لأي حد يدخل.. وكان في أيديهم يلحقوها..!! كان في أيديهم متتأذيش..
وبص للحرس..وقال بشر كبير. أنا عايز أعرف كل حاجه.. وزعق بصوت عالى.كل حاجه مفهوووووم...!!!
الحارس الاول : مسح الدم من ع بوقه.. وقال بألم.. والله العظيم ياباشا حضرتك إحنا شوفنا آرين هانم خارجه مع زمايلها وراحت عند المعمل زي كل مرة.. وأحنا واقفين جمب العربيه.. مكناش متوقعين إن حاجه زي كده تحصل.. وأول ما عرفنا اتصلنا على سيادتك..
آدم مراد : بيتنفس غيظ وغضب..وقرب يضربهم.. ورفع قبضة أيدو..
آدم : قال لحفيدو..بحزم.. آدااام..
آدم مراد : وقف أيدو.. وبص ل جدو.. وهز راسه ليه بالرفض..وبينهج وقال.. لأ يابابا. المرادي لأ.. ونزل أيدو.. وسابهم ومشي....!!
كل الشباب بتنده عليه وهو مبيردش على حد..
آدم : شاور ل شاهين يروح وراه..
شاهين : هز راسه تحت امرك.. وراح وراه..
فهد بيمسح وشه بأيديه..ومخنوق وتعبان جدآ.. وانتبه ع صوت آركان..
آركان : ماماااااا..وجري عليها..
الكل اتخض على لارين إللي اغمى عليها..
فهد : أتحرك بسرعه واتخض..وشالها..
نور : شاورت لفهد ونزلوا بيها الدور إللي تحت.
------------------بقلمي مريم نصار.
بعد فتره..
Автор: Меріам Насар
كل البنات واقفين جمب بعض وبيعيطوا بحرقه على آرين..بعد ماشافوها..
واكتر واحده موجوعه.. هى تالين.. وأول مرة تعيط بحرقة قدام الكل..
وميرو اخدتها في حضنها تهون عليها.. وغمضت عينيها وقالت بترجي..!!"اللهم وإن إستحالَت.. بأمرك تكون."..!!!
زين : رايح جاي بقلة حيلة ومخنوق جدآ..
الدكتور عزمي : جه ومعاه الممرضات..ودخلوا ل آرين
ودخل معاه محمد وتيم..
وحطوا كريمات مرطبه للحروق وعقموا الجروح وغيرو الضمادات.. وخرج..
آركان : جري عليه..وقال دكتور.. هي آرين ينفع ترجع ع البيت؟
د/عزمي : هز راسه بتفهم.. ينفع طبعاً..ولكن يفضل تفضل هنا يومين على الأقل متابعه.. وبعد كده تخرج..
واطمن الدكتور محمد اتكلم معايا.. واتفقنا إني بنفسي هروح ليها متابعه في البيت..
آركان : بتفهم..شكرا لحضرتك يادكتور..
د/عزمي : العفو وألف سلامه عليها..ومشي.
بعد شويه
ف غرفة آرين..
آرين : نايمه..
وطارق ورنا قاعدين قصادها.. والحزن مسيطر عليهم..
ورنا بتقرأ قرآن جمبها..
الممرضه : اتفضلوا حضراتكم..علشان نعقم الغرفه..
طارق ورنا خرجوا..
محمد : قعد قدام آدم ومريم.. ومسح دموع مريم. وقال ليها..خلاص انتي تعبانه.وكل حاجه هترجع زي ما كانت أنا بوعدك..
وبص لكل العيله وقال..
أنا طبعاً مش أقل منكم صدمه وقلق.. لكن أنا بحكم عملي وخبرتي عايز اطمنكم على آرين.وانها فتره بسيطه وهترجع زي الأول وأحسن..
في حالات كتير جدا..جم هنا وكانوا اسوء من كدا.. وخرجوا من المستشفى..زي الاول وأحسن بكتير..
ودلوقتي..اتمنى من الكل يرجع على البيت واطمنوا.. صدقوني وجودكم هنا مش هيحل شيء..
آرين نايمه تحت تأثير المخدر.. ومش هتفوق دلوقتي.
مريم : بشهقات.. نسيبها إزاي بس يامحمد.. أنت ماشوفتش حالتها كانت إزاي؟ يعز علينا نسيبها. ياقلبي عليكي يابنتي..
ده محدش بيقدر يتحمل حرارة عود كبريت.. هي اتحملت نار شاعله.. إسم الله عليكي يابنت قلبي..
آدم : ربت ع أيدها وقال..هوني عليكي يام مراد.. وإن شاء الله أزمة وهتعدي..
وأنا مع محمد في كلامه.. وبص للشباب.. وقال. كل واحد سايب شغله ومصالحه وبيته.. ياريت ترجعوا على اشغالكم.
وكل واحد ياخد مراته ويرجع ع بيته. ومحمد وتيم موجدين هنا..ده غير أبوها وأمها..
فارس : بحزن..مش هينفع اسيب أخويا في أزمته ياعمي.. انا بعتذر منك..
محمد : صدقوني ياجماعه وجودكم هنا أولا غلط.. لأن الزياره بمواعيد..
وثانيا هتفضلوا منتظرين في الاستراحة تحت من غير جدوى..
طارق : مسح وشه بأيديه..وقال..معاك حق.. قعدتنا كدا مالهاش لازمه. بس يعز علينا نسيبها يامحمد..
رنا : مسحت دموعها وقالت.. أنت تعبان ولازم تستريح وتاخد علاجك.وشك أحمر وعينيك زي الدم من الضغط.. أرجع انت وانا هفضل هنا..
فهد : بجديه..الدكتور محمد بيتكلم صح. وهو وتيم ومراد معايا.
وأنا هنا ولو احتجت لحاجه أكيد هتصل عليكم.. اتفضلوا انتوا..
فارس : برفض مش هسيبك يافهد..
فهد : ضغط ع ايد فارس..وشاور ع أبوه..وقال.. أبوك تعبان يافارس..من بدري وهو قاعد كدا.. والتفكير الكتير بيتعبه..
أنت خد ابوك ومراتك وارجعوا ع البيت.. ماينفعش تسيبهم لوحدهم..
وصدقني لو احتجت لأي حاجه هكلمك اول واحد.. وانا ليا مين غيرك هحتاجله. يلا إسمع كلامي وخد بابا وماما وروحوا..
وبعد محاولات من شباب العيله..لكن باءت بالفشل.. وفهد صمم إن الكل يرجع على بيته..
جاسر وأشرف..وكريم أخد ليليان بالعافيه..
وكمان چود مكنتش عايزه تمشي ومصطفى حاول معاها وفهد صمم ومشيت.
زين رفض يمشي رغم كمية اتصالات عليه علشان الشغل..
لكن آدم أقنعه..واخد آريان وراحوا ع الشركه.. وحالتهم وحشه جدا..
وباقي العيله مشيت ومن جواها الرفض وزعلانين حقيقي على آرين.. البنوته المرحه الجميله إللي ديما ضحكتها منوره وشها.. لكن للأسف خلاص كل حاجه انطفت.
------------------بقلمي مريم نصار.
بعد لحظات..
فهد : باصص علي آرين من الازاز.. وقبض على أيديه.. وقال لنفسه بتوعد..بصوت مسموع.. اقسم لك يابنتي إني هعرف مين اللي اتسبب في وجعك.. وهتبقى نهايته الموت..!!! اقسم بالله ماهسيبو يرتاح يوم تاني بعد كده..
مراد : ربت ع كتفه وقال..وحد الله يافهد.. أنا عايزك تهدا.. وأنا حكتلك كل حاجه وقولتلك أنها قضاء وقدر.. بتحصل يصحبي..
فهد : بص ل مراد وقال بشر.. مستحيل يامراد.. مستحيل..الحكايه مش كامله.. وأنا اللي هحط نهايتها..!!
بنتي شافت العذاب يامراد.. بنتي اتشوهت..
وضرب أيدو ف الحيطه وقال بغضب.. بنتي آرين اتشوهت يامراد.. ولو حصل بفعل فاعل.. يبقى نهاينة سودا..!!!
مراد : بتنهيده..طيب انا معاك للآخر..بس دلوقتي تعالى نطمن ع لارين..من وقت ما أغمى عليها وهي تحت مع نور وفريحه..واكيد محتجالك دلوقتي..!!
فهد : رفع عينيه على بنته..ودموعه اتجمعت..وبص بعيد.وسابها وراح يطمن ع مراته.
نور : بتعب..يلا يا رينو ياحبيبتي أنتي لازم تاكلي حاجه.. ماينفعش إللي أنتي بتعمليه ده..
رينو : بعياط مكتوم..هزت راسها لأ.. أنا مش عايزه اكل انا عايزه آرين.. آرين بنتي يانور .
فريحه : مسحت دموعها وقالت بحزن حقيقي.. هترجعلك زي الاول يارينو..بنتك هترجع. وأنتي لازم تقويها وتقفي جمبها.. وده مش هيحصل وانتي ضعيفه كدا..
ريتال : بعياط..وحدي الله يارينو..لازم تكوني اقوى من اي حد. بنتك محتجالك..
رينو : برفض وعياط وجع.. ارجوكم سيبوني لوحدي
أنا مش عايزه حاجه..
مراد خبط.. وقال فهد معايا يانور .
نور : مسحت دموعها ولبست النقاب.. وقامت وقالت.. اهو فهد جالك.وهو أكيد إللي هيقدر يقنعك.. أنا هروح اطمن على آرين وهرجع اطمنك.. تعالى معايا ياريتال.. وخرجوا..
فهد : دخل وقلبه تايه وحزين..
فريحه : اترمت في حضنه وعيطت بصوت مكتوم.. وقالت..
ربنا معاك ياحبيبي..نفسي اخليك مبسوط يافهد لو بأيدي بس حكمة ربنا فوق كل شيء..
فهد : ربت ع ضهرها..وقال بتنهيده.. الحمدلله..
مراد : قرب من رينو.. وباس راسها وقال..عامله ايه دلوقتى ياحبيبتى..
رينو : بوجع..تعبانه اوي يامراد.. تعبانه.. بنتي انتهت يامراد..بيتي بينطفي..
مراد : ضم راسها لحضنه..واتنهد بتعب..
فريحه : مسحت دموعها وقالت..تعالى معايا يامراد.. وفهد هيأكل رينو علشان تاخد الدوا..
مراد : ربت ع خد رينو..وقال كل حاجه هتبقى تمام.. أوعدك.. وسابهم وخرجوا..
فهد : قعد بتعب قصاد رينو..وحاول يتكلم لكن معرفش..وحاسس إن صوته رايح..
رينو : عيطت بوجع وقالت.. أنا عايزه بنتي يافهد.. قولي إني في حلم..قولي إن آرين بخير ونايمه في اوضتها..
وصرخت اتكلم يافهد انت سااااكت ليييه.. قولي إن آرين لسه زي ما هي..
فهد : مسك وشها بايديه وقال..بقلق..بس اهدي يا لارين.. بنتك هتبقى بخير..
رينو : بعياط .بخير ازاااي بنتي اتشوهت يافهد..بنتي اتشوهت.. أنا مش قادره اصدق.. ليه بيحصل معانا كدا...ليييييه.. ااااه ياروحي عليكي يابنتي..
فهد : شدها لحضنه..وغمض عينيه ودموعه نازله.. ومش عارف يتكلم.. نفسه يهرب بعيد.. عايز يكون لوحدوا في مكان مافيهوش اي مخلوق..عايز يصرخ بصوت عالى..عايز يطلع كل صرخة ألم جواه..
لكن في الوقت ده..ماينفعش هروب يافهد.. لازم تواجه..وتقف في ضهر عيلتك..
واخد نفس عميق..وطلعها من حضنه.. ومسك وشها.وقال. بتمثيل الثبات.. آرين تبقى بنت فهد السيوفي وبنت لارين العدوي..
يعني بنتك قويه بكفايه وهتقدر تعدي أي ظرف .. بنتك دلوقتي في حالة صدمة ومحتاجالنا..ولما تلاقينا كلنا جمبها وبنقويها أكتر.. هتعديها..
وانتي أكتر واحده فينا اللي هتقدري تقوي بنتك بيكي.. فاهمه يالارين..
رينو : هزت راسها بعياط..وقالت.. أنت بتطلب مني المستحيل.. انا دلوقتي أضعف من أي حد.. أنا انهرت يافهد.. انا محتجالك ومحتاجه لولادي.. اااااه أنا عايزه بنتي يافهد عايزه آريييين...!!!
------------------بقلمي مريم نصار.
في غرفة آرين..
آركان فتح الباب ودخل..وشاور للممرضه تخرج.. وخرجت..
آركان : قرب من آرين وقعد جنبها ع طرف السرير.. ومسك كف أيدها..وبص عليه..
وكاتم العياط..وبص ع وشها.. ورفع ايدو ومشاها ع وشها..
ومسك أيدها وباس عليها.. وفجاءه عيط.. عيط بوجع كبير..
وقال سامحيني يا آرين.. سامحيني لأني عمري ما كنت جمبك في اي وقت تحتاجيني فيه.. أنا آسف..
صدقيني لو كنت جمبك كنت حميتك ولحقتك.
ياريت كنت أنا مكانك..
آرين أنتي هترجعي زي ما كنتي..
وأبتسم بوجع..وقال هترجعي ترخمي عليا من تاني.. مش انتي ديما تقولي إنك أجمل مني.. وانا بشع؟
أنا فعلا بشع..وانتي ملكة جمال..بس سامحيني في تقصيري..
صدقيني انا مش هسكت..وهعرف مين اللي ورا إللي حصل.. وحياة وجعك لادمره.. وحياة كل صرخة بتاكل في قلبي لاجبلك حقك..ومش هسيب حقك يضيع..!!
عند فهد..
فهد : مسح دموع رينو..وقال..خلاص أحسن دلوقتي؟
رينو : هزت راسها ايوه.. بصمت...
فهد : طيب تسمعي كلامي وتاكلي..
رينو : رفضت وقالت..متحاولش أرجوك.انا ماليش نفس.. لو بتحبني بلاش أرجوك..
فهد : بإستسلام..ماشي أنا هسكت دلوقتي..لكن شويه وهتاكلي بالاجبار..
رينو : بتنهيدة وجع.. إن شاء الله..
فهد : حاول يبتسم لكن معرفش وقال..العصر أذن. هروح أصلي..
رينو : بصت ف عينيه وقالت بترجي..ادعيلها يافهد..
فهد : صك ع أسنانه بيكابر الوجع..وهز راسه ليها حاضر. هدعيلها..!!!
------------------بقلمي مريم نصار.
بعد فتره..
فيلا العدوي..
آدم : قاعد في مكتبه وقافل على نفسه..وعايز يقعد في هدوء..
مريم : قاعده لوحدها في الليفنج وماسكه السبحه وسرحانه.. وعيونها دبلانه..وفيها لمعه من الحزن..
زين : رجع و آريان.. وسلموا عليها..
زين : بحزن... آيان فين يا أمي؟
مريم : بتنهيده.. آيان مع تمارا يبني..!!
زين : طيب أنا هطلع اغير واطلع ع المستشفى..
آريان : وانا كمان..استناني يابابا هروح بسرعه اغير واجيلك.. وخرج.. وزين طلع..
زينب : جت..وقالت بحزن كبير.. الغدا جاهز ياست مريم..
مريم : بإحباط..ومين له نفس يازينب..
زينب : بزعل..وهو الاكل دخله إيه باللي إحنا فيه ده ياست الكل..
مريم : بتعب..بالله عليكي يازينب أنا مش حمل مناهده..شيلي الأكل..
ولا اقولك أنا طالعه الجناح.. أنا مش عايزه اتكلم ولا قادره اتكلم..
زينب : بس ياست......!!
مريم : قامت وماشيه وقالت..ادعيلها يازينب.. ادعيلها.. وطلعت..
زينب : بدموع رفعت ايديها للسما.. وقالت.. يارب العيله دي بتعمل كل خير..ومبيأذوش حد.. يارب تريح قلوبهم..وتشفي آرين بنت حوا وآدم..
يارب اكشف الغمه وزيل الهم ياااارب..!!!
------------------بقلمي مريم نصار..
عدا الوقت.. والساعه ١٠ مساءاً..
فهد قاعد ومربع ايديه.. ومرجع راسه لورا وساكت... ومعاه مراد و آركان..
آركان : مسح وشه بايديه ونفخ بخنقه.. وقال. خالو مراد.!!!
مراد : نعم يا آركان..
آركان : من وقت آدم ماضرب الحرس وخرج ومرجعش لحد دلوقتي.متعرفش هو فين؟
مراد : بتنهيدة.. للأسف معرفش.. حتى موبيله في البيت..
لما اتصلت عليه عوض رد عليا وقالي أنه سمع صوت الموبيل في الجراش..
اظاهر وقع من آدم اول ما عرف بالخبر..
آركان : هز راسه وسكت..
مراد : بص ل فهد. وقال بقولك ايه يافهد..
فهد : من غير ما يبتحرك قال. ايه يامراد..
مراد : تعالى ننزل أنا وأنت نتمشى شوية بالعربيه.. أنا عارف إنك محتاجها..
فهد : بتنهيدة..ياريت يامراد..ياريت..لكن مش هينفع اسيب آرين..
مراد : آرين مش لوحدها.. قوم معايا..وشد أيدو. عايز أتكلم معاك شويه..
فهد : قام بتعب..
مراد : خلي بالك من أختك يا آركان..هاخد أبوك مشوار وراجعين..
آركان : أتفضل ياخالو. ومتقلقش..
مراد أخد فهد ونزلوا وركب العربيه وساق..وفتح ازاز الشباك إللي جمب فهد..
فهد : رجع راسه ع الكرسي.. وبيفكر في أحداث اليوم..!!!
------------------بقلمي مريم نصار.
في مكتب تيم..Автор: Меріам Насар
ميرو : خرجت من عند رينو وراحت لتيم.. وخبطت ودخلت. وشافت تيم بيمسح دموعه بسرعه.. ولف بعيد..
ميرو : قعد جمبه.. وقالت..بتخبي وجعك مني ياتيم..
تيم :..........!!!
ميرو : لفت وشه ليها وقالت.. أنا أكتر واحده حاسه بيك وعارفه آرين بالنسبالك إيه؟ ومش بالنسبالك انت وبس.. آرين مهمه جدا لكل العيله..
تيم : بوجع. آرين مش بس اختي يا مريم. آرين دي بنتي.. وكانت ديما مسؤوله مني..
وأبتسم بوجع وقال.. أنا افتكر ديما لما بعاندها..وافرض رأيي عليها.. شوفتي كانت بتعمل ايه؟ كانت بتتنطط زي الأطفال.
ولا بقى لما كنت أقولها يابت.. كانت بتتجنن مني.
عشنا كلنا أيام وسنين حلوه اوي يامريم..
أنا ديما اتوقع أنها ممكن تتعب عادي جدا كلنا بنتعرض لأي تعب جسدي.. لكن عمري ما كنت اتخيل أنها تتشوه..مش قادر انسى شكل الجرح ووشها إللي نصه اتشوه..مش قادر..
ميرو : عيطت بوجع وحطت أيدها ع بطنها..وقالت..هو ليه ديما مكتوب علينا نتوجع على أكتر ناس بنحبهم..
آدم أخويا خلاص كان هياخد اهم خطوه في حياته. خلاص كان كلها سواد الليل وتبقى خطيبته.
آدم كلمني الصبح واول مرة اسمع صوت ضحكته..وحسيت فرحته الكبيرة نابعه من القلب.. وقالي أنا مبسوط اوى يامريم.. انتي اول واحده اكلمها اول ما صحيت علشان أقولك بكره هتقدم رسمي ل آرين..
أنا فرحتي لفرحته مكنتش سيعاني..
.لكن القدر بيحطنا في امتحانات صعبه جدا..
آرين صعبانه عليا اوي..وزعلانه عليها..على قد زعلي على أخويا اللي الفرح مش من نصيبه..
ومش عارفه هو راح فين لحد دلوقتي.. انا خايفه اوي ياتيم.. خايفه عليهم من بكره..!!!
تيم : حاوطها من كتفها وضمها وربت ع ضهرها وقال.. كفايه يامريم انتي حامل وتعبانه.. ومتخافيش على آدم.
آدم مش من السهل أنه يتخلى عن آرين..
ميرو : بترجي..يارب ..يارب خليك معانا.. واحفظ عليتي من كل شر...
------------------بقلمي مريم نصار..
الساعه ١ صباحاً..
كل بيت من بيوت العيله.. فيهم إللي بيدعي وفيهم إللي بيصلي وساجد بيدعي..وفيهم إللي بيقرأ قرآن
فون آدم العدوي رن.. وقفل المصحف.. ورد وقال.. ايوه ياشاهين..وصلت لحفيدي؟
شاهين : قال..بصعوبه جدآ سيادتك..لفيت مناطق كتير جدا.. لكن لمحت العربيه بتاعته على الطريق.. ومشيت وراه بالعربيه.. لحد ما وصل المستشفى يا آدم باشا..
آدم : هز راسه وقال.. بهدوء..تمام.. أرجع انت على بيتك ياشاهين..!!
شاهين : تحت امرك ياباشا..
آدم : قفل..وبص ع مريم إللي ساجده وبتدعي.. وبص قدامه وقال جواه..ياترى كنت فين كل الوقت ده ياحفيد العدوي..!!!
------------------بقلمي مريم نصار..
في مستشفى النور..
فهد رجع مع مراد..
مراد : قال..بقولك ايه.. بما إن آركان بيطمن على رينو تعالى إحنا كما نطمن عليها.. ونطلع ل آرين..
فهد : قال..طيب أطلع أنت وأنا هشوف دكتور عزمي.. أسأله عن حالة آرين..وجاي وراك..
مراد : ماشي بس متتأخرش.. وكل واحد مشي في إتجاه..
فهد خبط ع مكتب الدكتور عزمي وفتح..وقال ممكن أتكلم مع حضرتك..!!
د/عزمي : أتفضل يا ابني استريح..
فهد : قعد قدامه..وقال بحزن..كنت عايز أسأل عن حالة آرين بنتي..
هل هي هترجع زي ما كانت بالظبط..ولا.....!!!! ولا هيبقى ف أثر للحروق وتسيب ندبات..!!
د/عزمي : قلع النضاره..وقال.. طبعاً أنا مقدر موقفك ومقدر احساسك كأب.. وأنا هطمنك..
بنت حضرتك إن شاء الله هترجع زي الاول.. لأن بعد الحادثه مباشرة تم عمل الإسعافات الأولية اللازمة..
هي بس هتاخد وقت. حوالي ٢٠ يوم..
أنا كتبت ليها على عبوات كريم مرطبه ومسكنات.. وبعد قرص العلاج هيتم تحويلها لجراحة التجميل.. وهنا بقى دور الدكتور زوهير والدكتور تيم..
والدكتور محمد بعت كل التقارير للدكتور زوهير لأنه علامه فى مجال التجميل. وأكد إن الحاله هترجع زي ما كانت..وكمان تتجنب التعرض لأشعة الشمس..
لكن في أمر مهم لازم كل إللي حواليها يتبعوه..
فهد : بأمل جديد وحماس..ايه هو يادكتور..
د/عزمي : لازم تراعوا الحاله النفسيه اللي هتمر أو بتمر بيها بنتك..
أكيد نفسيتها بعد الحادث اللي حصل ده هتتعب.و
وهتلاقي إن كل تصرف أو فعل من اي شخص..هو شفقه مش أكتر.. لازم تحتووها. وتتحملوها..
إبن حضرتك كان لسه عندي من شويه بيطمن على الحاله..
وواضح جدا الاستياء على حالته..
ولكن أنا أعجبت بيه.. لأنه جاب ضمادات العسل الطبي النقي للقضاء على اي بكتريا وألتئام الجروح..
وسألني لو كانت الضمادات صحيه.. وأنا أكدتله أنها أمنه تماماً..وتفكير جميل جدا منه..
وشرحت ليه كيفية التعامل مع الحاله. وإن شاء الله.. الشفاء قريباً..
وألف سلامه على بنت حضرتك..
فهد : كشر عينيه بعدم فهم..وقال.. آركان؟!! وحاول يبتسم للدكتور وقال..بتيه أكيد هنتبع التعليمات..متشكر جدا لحضرتك.. وقام وخرج.. وبيفكر..
وقال آركان كان كل شويه يتصل يطمن عليا..ومخرجش من المستشفى..وقال إنه نازل يطمن على لارين..
طيب الدكتور يقصد مين؟ لو تيم كان قال لأنه عارف تيم...!!!
وفتح عينيه وقال معقول يكون آدم..!!!
وطلع بسرعه.. ووصل عند أوضة آرين وشاف الممرضه نازله ع السلم..
وحط ايدو ع اوكرة الباب وفتحه بسيط جدا..وشاف آدم..!!
Автор: Меріам Насар
آدم مراد : قاعد ع الكرسي جمب آرين وباصص عليها..وواضح جدا عليه أنه محطم بالكامل..
ورفع أيدو وبيفك الشاش من على وش آرين.
آرين : نايمه ومش حاسه بأي حاجة..
آدم مراد : انتهى من فك الشاش وشاله..وشاف الجرح....!!!!
فهد : شاف الجرح..وفتح عينيه بصدمه..وقلبه في الوقت ده ادبح بسكينه بارده.. وأتمنى أنه يكون هو إللي مكانها مش هي أبدا..
والدموع اتحجرت في عينيه...
آدم مراد : بيتأمل في الجرح..وكأن في سهم بيتغرز في قلبه..وروحه بتنزف..
لكن اخد نفس عميق.. وحط الشاش القديم في الباسكت..ولبس جوانتي..وجاب طبق فيه مادة تعقيم.. وبدأ يمسح الجروح.اللي في أيديها ووشها.
ورغم أنه شاف جروح كتير وخاض مأموريات أشبه بالحرب..
لكن جرح آرين بالنسباله روح بتتسحب منه.. وخلص تنضيف الجرح..
وقلع الجوانتي..وفتح الضماده إللي عليها عسل طبي.. وحط واحده على جبينها..وواحده على خدها..
وبص ع كف أيدها..وحط فيهم ضمادات..
بعد كدا.. آدم. قام وبص ع المحلول.. ورجع قعد ع الكرسي جمبها تاني.. وشبك أيديه تحت دقنه.. وبدأ يتكلم مع آرين..!! وبص ليها وقال...!!!
آرين تعرفي انا كنت جايلك ع الجامعة انهردا.. علشان أقولك إني بكره هطلب أيدك من خالي فهد. وأنا لسه عند كلامي..وبكره هتقدملك..
وكنت عايز أقولك إني طلبت إيدك قبل كده في وسط الموت..
آرين ضي آدم وضي كل حاجه حلوه ف حياتي..
في كلمة مهمه جدا عايز اقولهالك..بس لسه ميعادها مجاش..
لازم أقولهالك قدام كل الناس..مش انتي بس.. أنتي عارفه إني مبخافش من حد.. لأني ديما بعمل كل حاجه صح..
أنا عايزك بكره تكوني جاهزه علشان هتلبسي خاتم الخطوبه..
هو معايا في جيبي من الصبح..
بس مش هينفع تشوفيه دلوقتي..اول ما تفوقي هيكون جمبك في اوضتك..
وقرب من وشها بغضب شديد وقال بتهديد.. لكن قسما بربي إللي عمل فيكي كدا لايكون تحت رجليكي في أقرب وقت..
أنا لو عدا عليا عمر بحاله..يستحيل أنسى إللي اتسبب في في إنك تتألمي..
أنا وعدتك قبل كده.. إنك هتعيشي في أماني.. وإني هحميكي حتى من نفسي..
فهد واقف وشاف تصرف آدم وسامع كل كلمة قالها.. ومش عارف إزاي هو واقف متلجم كدا..؟!!
آدم مراد : خلص كلامة مع آرين.. وفضل قاعد قصادها وعينيه تايهه فيها.. لحد ما غمض عينيه. ونام..!!!
فهد : كان هيدخل يزعق.لكن وقف ف آخر لحظه.. وساب الباب موارب...
وخرج وقعد ع الكرسي في الطرقه مسلوب.. وبيعيد حساباته...
ف إن آدم مكلف حراسه خاصه من سنه...؟ يعنى كان مأمن بنتي وأحنا في أوكرانيا؟
ودلوقتي لسه متمسك ببنتي ولسه ع ميعاده بكره....!!!
------------------بقلمي مريم نصار.
في نفس الوقت في غرفة آرين..
آدم مراد : كان لسه بينام.. لكن فتح عينيه لما حس خطوات..وبص بسرعه ع الباب.. ولمح أيد فهد..
لكن معملش أي رد فعل..و رجع راسه لورا.. وافتكر إللي حصل انهردا بعد ما خرج من المستشفى...
فلاش باك..
آدم مراد عمل شوية تحريات من الحرس ومين كان موجود وقت الحادثه.. وأول ما سمع بإسم لمار.. أمر بعنوانها...
وبعد ما جاب عنوانها..راح ع الفيلا بتاعتها..وفضل مراقبها..
آدم عندو معلومات عن علاج الحروق والجروح وإن العسل الطبي بيساعد على العلاج..
ولأن ممعهوش موبيل.. أخد فون الحارس.. واتصل ع صديق ليه يجيب ليه الضمادات..
وبعد كده الساعه ١٢ ونص صباحاً.. آدم مراد نط من ع سور الفيلا بطريقة المخابرات.. ومن شباك لشباك..طلع لبلكون لمار..!! ووقف فيها..
لمار : بتتكلم ع الفون وبعد كده قفلت وطفت النور ونامت..
آدم مراد : دخل من التراس.. وطلع ورقه من جيبه. وثبتها بسكينه في الحيطه جمب التسريحه..
وقرب من لمار وقعد جنبها ع السرير وقرب وشه منها بكُره وغضب العاالم...وبيتنفس بصوت عالى..
لمار : فتحت عينيها..واتخضت ورجعت لورا بسرعه وقلبها كان هيقف من الخضه..وكانت هتصرخ..
آدم مراد : حط ايدو ع بوقها..وقال بتحذير.. أقسم بالله.. لو طلع ليكي يد في إللي حصل..؟ لا خليكي تتمني تسجدي وتدعي ربك بالرحمه مني..!!!
لمار : كانت بتسمعه ومغمضه..وفتحت عينيها بزهول..
لكن ملقتش حد جمبها..
واتعدلت بسرعه وبصت يمين وشمال..مالقتش حد.. وقامت بسرعه قفلت باب التراس. ورجعت قعدت ع السرير..وحطت أيدها ع قلبها ونفخت بتوتر كبير.. وأنها ممكن تكون بتتخيل.وحاولت تنام...!!!
وآدم خرح ونط من على السور وركب العربيه وساق في طريقه لضيه...!!!
------------------بقلمي مريم نصار.
تاني يوم.. الضهر.. -------------يتبع
رواية جريمة عشق 5
(مملكة ميراث العشق)
الكلمة؟.
مفتاح الجنة فى كلمة... دخول النار على كلمة.. وقضاء الله هو كلمة... الكلمة نور.. وبعض الكلمات قبور.. وبعض الكلمات قلاع شامخة يعتصم بها النبل البشرى..الكلمة فرقان بين نبى وبغى.. بالكلمة تنكشف الغمة.. الكلمة نور..ودليل تتبعه الأمة.. عيسى ما كان سوى كلمة. أضاء الدنيا بالكلمات وعلمها للصيادين فساروا يهدون العالم.. الكلمة زلزلت الظالم.. الكلمة حصن الحرية.. إن الكلمة مسئولية.. إن الرجل هو كلمة.. شرف الله هو الكلمة.
ارتقوا في إختيار الكلمات قبل وقوعها على قلب فينام حزيناً للأبد..!!!
================================
بسم الله نبدأ.
أسم الكاتبة الحقيقي : شريهان ابراهيم.
الإسم الحركي للكاتبة : مريم نصار.
في المستشفى..
Автор: Меріам Насар
حرس آدم مراد..مش عارفين يعملوا إيه؟
واحد منهم قال.. الله يكون في عونهم..وأظن إن آرين هانم مش هترجع الجامعه دلوقتي..
التاني : قال.. أكيد.. وأحنا كدا في يعتبر في اجازه..
التالت : طيب تعالوا نسلم مفاتيح العربيه لأي حد..!!
الأول : يلا بينا تعالوا نسأل على قسم الحروق.. واتحركوا..
زين وريتال بيجروا وفارس وزياد ومالك ويوسف وكل شباب العيله..
رينو : ماشيه شبه مصدومه ورجليها مش شيلاها. ودموعها نازله بصمت.. وفريحه سنداها..وبتعيط. و آركان معاهم.
مراد : داخل المستشفى بسرعه.. وشاف رينو بالشكل ده وجري عليها..وقال بلهفه..
رينو.. رينو أنتي كويسه؟انا مش عايزك تخافي من حاجه.. آرين قويه وهتبقى بخير..
رينو : رفعت عينيها بيأس وهزت راسها بعدم تصديق..وعيطت بوجع..
مراد : أتوجع علشانها..وخدها في حضنه وغمض عينيه بحزن كبير..
آركان : مقدرش يصبر أكتر من كدا.. واطمن علي رينو مع مراد و فريحه وسابهم وطالع ع السلم بسرعه..وقلبه قايد نار..ومليون سؤال ملهمش أجابه.. وقلبه شبه محطم..
Автор: Меріам Насар
في قسم الحروق
زين : جري ع أبوه بقلق..مالها آرين يا بابا؟ حصل معاها إيه؟
آدم : بحزن.. أزمة وهتعدي يازين يبني..
زين : بص ع الاوضه..ورايح ليها..
محمد : استنى يازين مش هينفع تدخل دلوقتي..!! تعالى..
زين : راح لمحمد وقال بخوف..بنت اختى مالها يامحمد.. ريتال بتقولي أنها اتحرقت.. قولي بالله عليك آرين فيها إيه؟
محمد : بتنهيدة حزن..حاضر.. وييحكيلة إللي حصل.
فارس : جري ع طارق وبيتكلم معاه وكان حزين جدا..
------------------بقلمي مريم نصار..
آرين : وشها كله ملفوف بضمادات حفاظاً على نظافة وتعيقم الجروح.. ولكن أيديها مش ملفوفه لأن جروج أيديها مش عميقه..
الكل شاف فهد وخايفين من رد فعله..!!
فهد : ماشي بخطوات بطيئة وكأنه ماشي أميال. مع دقات قلب مختلفه..خوف وقلق ورعب وزهول وعدم تصديق.. حجات كتير جدا..
فهد : قرب من باب آرين..
تيم : مسك أيد فهد بسرعه .وقال استنى يافه......!!!
فهد : بهدوء سحب أيدو.ومردش ولا بص ع حد..!! وفتح باب الأوضه بتردد كبير....
آرين : فاقت وفتحت عينيها ببطء......!!!
فهد : زق الباب ببطء ودخل خطوه.. ورفع عينيه بخوف كبير من الصوره إللي رسمها بعد ما سمع الخبر..وشاف آرين....!!!
شاف بنته ووشها المتغطي بالشاش.. وغمض عينيه بقوه كبيره وقبض على أيديه بقلة حيلة.. وقلبه وعقله رافض الصوره إللي شافها..!!
آرين : فتحت عينيها بتعب.ومش حاسه بقوة الألم من المسكن.لكن شافت ابوها..وابتسمت بحب..وهمست بابي..!!!
آدم مراد : سمع صوتها..والروح بدأت تتغلغل لجسمه من تاني.. وبدأ يستوعب كل حاجه حواليه..
فهد : قلبه دق بوجع كبير..وفتح عينيه..وقرب منها..لكن مش قادر يتحمل الصوره.. وكان بيتمنى أنه هو إللي يكون مكانها..
آرين : بعد ما ندهت ع فهد..حست بوجع بسيط في جسمها.وغمضت عينيها بتنهيدة ألم. وانتبهت ع حركة فهد وهو بيقعد جمبها.. وقالت بتعب..
بابي تعرف أنا كنت بحلم بكابوس وحش أوي.. كابوس مخيف جدا.. لدرجة أني صحيت دلوقتي وحاسه إني تعبانه بسببه..
فهد : عينيه تايهه يمين وشمال وقلبه بينزف حرفيا.. لأ دي مش آرين بنتي.. لأ مستحيل.. أيوه هو نفس صوتها..لكن مش دي الفراشه لأ..دي..دي..مش آريني..!!!
آرين : بقلق مبهم..تعرف يابابي شوفت نفسي في معمل الجامعة.. وفاجأة صوت إنفجار.. والنار..!!
النار يابابي جت في وشي.. وانا حسيت كأنه حقيقه..النار مقدرتش اتحملها.وشي كان بيحرقني.
.وصرخت..صرخت وندهت عليك كتير..
كتير جدا..بس محدش جه وانقذني..حتى ايديا اتحرقت في الحلم.. وا...........!!!!
و آرين بترفع أيديها الأتنين وشافت الحروق.. والمحلول.. وعينيها اتثبتت ع الحروق..وفتحت عينيها بصدمه.. وبصت حواليها وشافت نفسها في اوضة كشف..و آدم واقف وكأنه تمثال بيتنفس وبس..
وبصت ع فهد وشافت دموعه نزلت ع خدو والوجع باين ع ملامحه..
وافتكرت زهره صحبتها..ولمار والمعمل.. وأنابيب الإختبار..والبنت إللي خبطت فيها..وصوت الإنفجار والنار.. إللي حرقتها وكانت بتاكل في وشها..
آرين : جسمها اتشد وبتنهج..وهزت راسها بالرفض..وهمست بتيه..يعني ده مكنش حلم..؟!!! مكنش كابوس..!! يعني أنا...!!!!
ورفعت أيدها ع وشها..وحست الشاش..ومتحملتش الألم...!!!
وبصت لايديها الاتنين..ومصدومه بهستريا..وخبت وشها بأيديها..وصرخت صرخة وجعت قلوب كل الموجودين..!! لاااااااااااااء
فهد : بسرعه..شال أيديها من ع وشها..وشدها خباها في حضنه.. خباها جوه روحه..نفسه يدخلها بين ضلوعه علشان متحسش ولا تعيش الألم..
ضمها لقلبه.. وأول مرة يعيط.. أيوه عيط. عياط وجع .. روحه بتنزف ألم على ضناه وبنته الوحيده..
الكل بره الأوضه في حالة حزن كبيره.ومنهم إللي..بيعيط..ومنهم إللي كاتم في قلبه.علشان يقوي العيله..
آركان : واقف على باب الأوضه..ودموعه عرفت طريقها.. والصدمه لجمته..
ومريم قعدت ع الكرسي بأحباط لما شافت مراد جاي وساند رينو في حضنه..ومش قادره تمشي..
مريم رفعت عينيها للسما.. ودعت ربنا بقلبها وذل كبير..اللهم آجرنا في مصيبتنا وأخلف علينا خيرا.
رنا : بتعيط بحرقه..وبتدعي بالصبر..
طارق : ساند أيدو ع الحيطه..ومغمض عينيه بحزن أشد من أي حزن..ع حفيدته وابنه..
آدم : واقف وباصص قدامه بشرود وقلبه مكسور جدآ..للي بيحصل لعيلته..
والفرحه إللي مش بتكمل..لكن لازم تقوي عيلتك يا آدم.. لأن ده ابتلاء.. ونهايته اكيد خير..!!!
فهد : حضنها بحذر وخوف من انه يألمها..وبيمسد على ضهرها..ووجع العالم كله جواه..
آرين : رغم الألم اللي في وشها.. إلا أنها مخبيه وشها في حضن أبوها..ومش قافله أيديها علشان الحروق.. وبتصرخ بوجع كبير جدا.. وقالت..
لااااااااء لااااء مستحيل.. اء.. أنا اتحرقت يابابي. اتحرقت.. خلاااص كل حاجه انتهت خلاص.. أنا اتشوهت.. أنا اتشوهت يااابااااابي..
فهد : قلبه اتكسر حرفياً في الوقت ده.. ونفسه في معجزة..نفسه يكون بيحلم..وصك على أسنانه بقلة حيلة..وقال جواه..
معجزة يااارب..يارب أكون بحلم..يااارب...
آركان : قلبه متحملش..وجري بسرعه عليهم.. وقال بعياط مكتوم..
آرين.. آرين..بصيلي أنا آركان أخوكي..
آرين : بشهقات وصراخ..مخبيه وشها في حضن أبوها.. وقالت..لاا لاا أخرج يا آركان.. أنا خلاص شكلي بقى وحش..انا مبقتش آرين.. أخرج يا آركااااان..
فهد : بعياط..وصوته مش طالع..قال..بس يا آرين..متقوليش كدا.. أنتي.........!!! ومقدرش يكمل..
رينو : دخلت وبتنهج بتعب.وشافت أيدين آرين..واتصدمت وقلبها وجعها.وقالت بوجع وعياط آرين بنتي..!!!
آرين : كلبشت في فهد أكتر..وقالت بعياط..مش عايزه حد يشوفني.. ارجوكي يا مامي خليكي بعيد عني.. آرجوووووك يابابي خبيني..
رينو : بعياط.. آرين اهدي يابنتي..وخليني أشوفك وبردي قلبي.. أنا أمك.. أنا اديكي من عمري ولا ابعد عنك ياحبيبتي..
فهد : أخد نفس عميق جدآ..وقال بثبات عكس الكسر إللي جواه..
آرين أنتي مافكيش أي حاجه.. أنتي آرين بنتي القويه. إللي بتتحدى أي ظروف مهما كانت..مش كدا..؟
وحاول يطلعها من حضنه.. وخايف انه يوجعها أو يجرحها..
آرين : بتعيط بحرقه..ومش مصدقه إللي حصل ليها.. وخرجت من حضنه ببطء..ومغمضه عينيها..
رينو : شافت وشها كله ملفوف.. وشهقت بصدمه..ورجعت لورا وكانت هتقع ومراد لحقها..
آركان : واقف فاتح عينيه وباصص لأخته كأنه بيسأل ويقول.. فين آرين أختي الجميلة.؟ دي مش آرين لأ..!!
مراد : غمض عينيه بحزن كبير..وزعل جدآ جدآ عليها.. وفتح عينيه وبص ع آدم إبنه.. إللي واقف وكأن في حرب قايمه جواه..
رينو : بخوف على بنتها..قربت من بنتها برجفه.وحضنتها وعيطت بصوت عالى كله وجع وقهر وخيبة أمل..وقالت.رحمتك يارب..لطفك يارب. كلنا جمبك يا آرين.. ارجوكي بطلي عياط..
آرين : بصراخ..خلاص يامامي أنا اتشوهت يامامي..النار كانت حقيقه.. أنا كنت خايفه أوي.. متحملتش النار يامااامي..اااااااه كل حاجه انتهت..
فهد : حس أنه مش قادر يتنفس..والكون بيضيق عليه.. وقام وخرج بسرعه..ووقف قصاد الشباك.. وكأنه بيجاهد عشان يقدر يقاوم ويتنفس..!!
آدم : ربت ع كتفه..وقال بهدوء ممزوج بكسره.وحزن كبير.. وقال... هتعدي يافهد..!!
فهد : هز راسه بالرفض.. لأ أنت مشوفتهاش ياعمي..
آدم : مسح دموعه بسرعه..وقال.. اليأس ده مش ليك يابن السيوفي.. كل داء وله دواء.. وكل مصيبه معاها صبر..وكل ابتلاء بعدو هدية الصبر والفرج..
فهد : لف راسه ليه ودموعه نازله..وقال بنتي اتشوهت ياعمي..!! بنتي اتألمت..!! بنتي النار كانت بتاكل فيها.. في روحي قبل وشها..
آدم : بيكابر لكن مش قادر..وشد فهد لحضنه وربت ع ضهرو..
فهد : غمض عينيه فى حضن آدم..وعقله وتفكيرو في عالم تاني..وبيتخيل قد ايه بنته اتألمت واتوجعت..!!! وإحساس الذنب بيقتل فيه.. إن بنته استغاثت بيه وفشل في أنه يلحقها ويحميها.. اااه على وجع قلبك يافهد..!!!
آركان : قعد قدام آرين. وقال بوجع.. آرين..بطلي عياط..
آرين أنتي هتفضلي طول عمرك زي القمر.. وبلاش كلامك ده.. انتي هتتعالجي وهترجعي زي الاول وأحسن..
آرين بس عايز أعرف كل ده حصل ازاي؟
آرين : بتعيط..وشافت آدم واقف ومش عايزاه يشوفها..وهزت راسها لأ لأ مش عايزه اتكلم ارجوكوا سيبوني لوحدي..
وصرخت بهستريا..سيبووووني لوحدددى.. ابعدوووا عنييي.. أنا مش عايزه حد غير ابويااااا.. باااااااباااااااا..
Автор: Меріам Насар
العيله بدأت تدخل ليها والكل حرفياً أتصدم..وصعب يخبوا إحساس الدهشه والصدمه..
فهد : جري عليها بسرعه..وشافها بتشد الكانيولا من أيدها بجنون.. ولحقها..ومسك ايديها.. بس يا آرين بس واهدي أنتي كدا بتجرحي ايديكي.. أنتي هترجعي زي ما كنتي..
آرين : بدأت تصرخ من قوة الألم..لاااء..ناااار بتاكل في وشي..ايديا بتحرقني..مش قاااادره اتحمممممل.. ااااه..
تيم : دخل بسرعه..وحط مخدر في الكانيولا...ومسك كتفها..وبيعيط.. وقال بحزم..آرين آرين. بصيلي.. بصي عليا يا آرين.. انا تيم وبقولك من دلوقتي أنتي هتكوني أحسن وهترجعي زي من الأول انا بوعدك.. أنا عمري ماوعدتك وخلفت وعدي ليكي.. بصيلي يا آرين..
آرين : بتتألم..وهزت راسها لأ لأ..ابعدووووا عني.. ابعدهم ياباااابي أرجووووك.. أنا مش عايزه حد..
مريم : دخلت بسرعه..وقالت بحزم..الكل يطلع لو سمحتوا..
آدم : بحزن شاور لكل الموجود يخرجوا.
مراد : أخد رينو إللي عياطها كان بأنهيار.. وخرجوا.. وقال خلي بالك منها يافريحه.. وسابها ودخل ومسك كتف فهد.. وقال.تعالى معايا يافهد.. تعالى واخد فهد بالعافيه وخرجوا..
نور : خرجت وبتعيط بحرقه..وقربت من رينو وأخدتها في حضنها.. وحضنوا بعض وبيعيطوا..
رينو : بنار وحرقه..اااه بنتي يانور. بنتي بتروح مني..
نور : بشهقات.. لأ يارينو ياحبيبتي بالله عليكي خليكي اقوى من كدا..
تيم : مسح وشه بأيديه..واخد آركان وخرج.
مريم : برعشه ورجفه .وقلبها مبتور.. قعدت.. وقالت. بحنان وصوت مكسور.. أهدي يانور عيني..خلاص كله خرج.. مفيش غيري أنا وجدك..
آرين : بتترجف وبتعيط..ورفعت عينيها وشافت آدم مراد لسه مكانه.. وملامحه كلها نار بتاكل فيه..وعيونه جمر نار.. ونقط العرق بتنزل من شعرو.. كأنه بيحارب..
آدم : قعد جمبها..ومسد على راسها.. وقال بوجع مكتوم.. آرين بنتي وحفيدتي.. أقوى بنت ف بنات العيله..مستحيل تستسلم كدا بسهوله..
مريم : بدموع.. بنتي وحبيبتي..هوني عليكي يانور عيني.. ونحمد الله أنها جت ع قد كدا.. وكل محنه وبعدها منحه..
ويعالم إرادة رب العالمين مقصودها إيه؟ وأكيد خير.. رب العباد كل أمره وحكمته خير..
آرين : المخدر بدأ يعمل مفعول..و عينيها ع آدم..وبتغمض وتفتح وهمست بنوم.. آدم..!!!
وغمضت عينيها ونامت بعمق.. كأنها بتهرب من الواقع..
آدم مراد : سمع إسمه منها..و استوعب أخيراً..وفك قبضة أيديه.. وشافها نامت.. وكأنه اطمن عليها أنها نامت ومش حاسه بأي الم..
مريم : شدت الغطا عليها.. واطلقت لنفسها العنان وعيطت بصوت كله تعب ووجع..
آدم : هز راسه بتعب..وقام وقف واحتوى مريم..واخدها وخارج..
------------------بقلمي مريم نصار.
آدم مراد : خرج من الاوضه..بسرعة البرق..وغضب العاالم في عينيه..
الحرس واقفين..
آدم مراد : من غير تفكير..ضرب الحرس. من غير ما يتحكم في أعصابه.. ومحدش قادر عليه..
كل العيله اندهشت واستغربت رد فعل آدم..ومين دول؟
تيم و آريان وكريم وياسين جريوا على آدم.. لكن محدش عارف يحوشوا
آدم مراد : قال بصوت من نار.. أنااا عايز اعرف انتوا لازمتكوا اييييه؟
أنااا مشغلكوا علشان تحموووهااااا.. انتوا اغبيااااا..
انتوا ليييييه سبتوهاااا.. ليييييه محدش فييييكووووا أتصرف ولحقهاااا..؟!!!
ومسك واحد من ياقته..وقال بغضب شديد.. أنا عايز أعرف.. أنت كنت فين وقت الإنفجار.. ولما سمعت صوت الإنفجار..متحركتوش ليييييه؟ليييييييه
وضربه بوكس قوي في وشه.. وبيلعن فيهم من غير وعي لأي حد موجود..
كل العيله بتسمع آدم ومش فاهمين حاجه..
آسر : شاف علامات استفهام عند الكل.. وبص لفهد وقال بحزن..دول طقم حرس خاص.. آدم مكلفهم بحماية بنتك آرين من سنه.. من أول دراستها في الجامعة..
فهد : بص ل آدم مراد في نظره طويله.....!!!!
تيم : وقف قدام آدم مراد أخيراً.. وقال بحزم.. آدم.. آدم حاول تهدا..وفكر أنهم ملهمش ذنب..
مراد : مسك كتف آدم..وقال.. الحرس ملهمش ذنب يا آدم.. وممنوع دخولهم أي معمل..
الحرس : قاموا من ع الأرض وبيتألموا..
آدم مراد : برفض.وغضب وبينهج.. لأ يابابا.. لأ وقت الإنفجار مسموح لأي حد يدخل.. وكان في أيديهم يلحقوها..!! كان في أيديهم متتأذيش..
وبص للحرس..وقال بشر كبير. أنا عايز أعرف كل حاجه.. وزعق بصوت عالى.كل حاجه مفهوووووم...!!!
الحارس الاول : مسح الدم من ع بوقه.. وقال بألم.. والله العظيم ياباشا حضرتك إحنا شوفنا آرين هانم خارجه مع زمايلها وراحت عند المعمل زي كل مرة.. وأحنا واقفين جمب العربيه.. مكناش متوقعين إن حاجه زي كده تحصل.. وأول ما عرفنا اتصلنا على سيادتك..
آدم مراد : بيتنفس غيظ وغضب..وقرب يضربهم.. ورفع قبضة أيدو..
آدم : قال لحفيدو..بحزم.. آدااام..
آدم مراد : وقف أيدو.. وبص ل جدو.. وهز راسه ليه بالرفض..وبينهج وقال.. لأ يابابا. المرادي لأ.. ونزل أيدو.. وسابهم ومشي....!!
كل الشباب بتنده عليه وهو مبيردش على حد..
آدم : شاور ل شاهين يروح وراه..
شاهين : هز راسه تحت امرك.. وراح وراه..
فهد بيمسح وشه بأيديه..ومخنوق وتعبان جدآ.. وانتبه ع صوت آركان..
آركان : ماماااااا..وجري عليها..
الكل اتخض على لارين إللي اغمى عليها..
فهد : أتحرك بسرعه واتخض..وشالها..
نور : شاورت لفهد ونزلوا بيها الدور إللي تحت.
------------------بقلمي مريم نصار.
بعد فتره..
Автор: Меріам Насар
كل البنات واقفين جمب بعض وبيعيطوا بحرقه على آرين..بعد ماشافوها..
واكتر واحده موجوعه.. هى تالين.. وأول مرة تعيط بحرقة قدام الكل..
وميرو اخدتها في حضنها تهون عليها.. وغمضت عينيها وقالت بترجي..!!"اللهم وإن إستحالَت.. بأمرك تكون."..!!!
زين : رايح جاي بقلة حيلة ومخنوق جدآ..
الدكتور عزمي : جه ومعاه الممرضات..ودخلوا ل آرين
ودخل معاه محمد وتيم..
وحطوا كريمات مرطبه للحروق وعقموا الجروح وغيرو الضمادات.. وخرج..
آركان : جري عليه..وقال دكتور.. هي آرين ينفع ترجع ع البيت؟
د/عزمي : هز راسه بتفهم.. ينفع طبعاً..ولكن يفضل تفضل هنا يومين على الأقل متابعه.. وبعد كده تخرج..
واطمن الدكتور محمد اتكلم معايا.. واتفقنا إني بنفسي هروح ليها متابعه في البيت..
آركان : بتفهم..شكرا لحضرتك يادكتور..
د/عزمي : العفو وألف سلامه عليها..ومشي.
بعد شويه
ف غرفة آرين..
آرين : نايمه..
وطارق ورنا قاعدين قصادها.. والحزن مسيطر عليهم..
ورنا بتقرأ قرآن جمبها..
الممرضه : اتفضلوا حضراتكم..علشان نعقم الغرفه..
طارق ورنا خرجوا..
محمد : قعد قدام آدم ومريم.. ومسح دموع مريم. وقال ليها..خلاص انتي تعبانه.وكل حاجه هترجع زي ما كانت أنا بوعدك..
وبص لكل العيله وقال..
أنا طبعاً مش أقل منكم صدمه وقلق.. لكن أنا بحكم عملي وخبرتي عايز اطمنكم على آرين.وانها فتره بسيطه وهترجع زي الأول وأحسن..
في حالات كتير جدا..جم هنا وكانوا اسوء من كدا.. وخرجوا من المستشفى..زي الاول وأحسن بكتير..
ودلوقتي..اتمنى من الكل يرجع على البيت واطمنوا.. صدقوني وجودكم هنا مش هيحل شيء..
آرين نايمه تحت تأثير المخدر.. ومش هتفوق دلوقتي.
مريم : بشهقات.. نسيبها إزاي بس يامحمد.. أنت ماشوفتش حالتها كانت إزاي؟ يعز علينا نسيبها. ياقلبي عليكي يابنتي..
ده محدش بيقدر يتحمل حرارة عود كبريت.. هي اتحملت نار شاعله.. إسم الله عليكي يابنت قلبي..
آدم : ربت ع أيدها وقال..هوني عليكي يام مراد.. وإن شاء الله أزمة وهتعدي..
وأنا مع محمد في كلامه.. وبص للشباب.. وقال. كل واحد سايب شغله ومصالحه وبيته.. ياريت ترجعوا على اشغالكم.
وكل واحد ياخد مراته ويرجع ع بيته. ومحمد وتيم موجدين هنا..ده غير أبوها وأمها..
فارس : بحزن..مش هينفع اسيب أخويا في أزمته ياعمي.. انا بعتذر منك..
محمد : صدقوني ياجماعه وجودكم هنا أولا غلط.. لأن الزياره بمواعيد..
وثانيا هتفضلوا منتظرين في الاستراحة تحت من غير جدوى..
طارق : مسح وشه بأيديه..وقال..معاك حق.. قعدتنا كدا مالهاش لازمه. بس يعز علينا نسيبها يامحمد..
رنا : مسحت دموعها وقالت.. أنت تعبان ولازم تستريح وتاخد علاجك.وشك أحمر وعينيك زي الدم من الضغط.. أرجع انت وانا هفضل هنا..
فهد : بجديه..الدكتور محمد بيتكلم صح. وهو وتيم ومراد معايا.
وأنا هنا ولو احتجت لحاجه أكيد هتصل عليكم.. اتفضلوا انتوا..
فارس : برفض مش هسيبك يافهد..
فهد : ضغط ع ايد فارس..وشاور ع أبوه..وقال.. أبوك تعبان يافارس..من بدري وهو قاعد كدا.. والتفكير الكتير بيتعبه..
أنت خد ابوك ومراتك وارجعوا ع البيت.. ماينفعش تسيبهم لوحدهم..
وصدقني لو احتجت لأي حاجه هكلمك اول واحد.. وانا ليا مين غيرك هحتاجله. يلا إسمع كلامي وخد بابا وماما وروحوا..
وبعد محاولات من شباب العيله..لكن باءت بالفشل.. وفهد صمم إن الكل يرجع على بيته..
جاسر وأشرف..وكريم أخد ليليان بالعافيه..
وكمان چود مكنتش عايزه تمشي ومصطفى حاول معاها وفهد صمم ومشيت.
زين رفض يمشي رغم كمية اتصالات عليه علشان الشغل..
لكن آدم أقنعه..واخد آريان وراحوا ع الشركه.. وحالتهم وحشه جدا..
وباقي العيله مشيت ومن جواها الرفض وزعلانين حقيقي على آرين.. البنوته المرحه الجميله إللي ديما ضحكتها منوره وشها.. لكن للأسف خلاص كل حاجه انطفت.
------------------بقلمي مريم نصار.
بعد لحظات..
فهد : باصص علي آرين من الازاز.. وقبض على أيديه.. وقال لنفسه بتوعد..بصوت مسموع.. اقسم لك يابنتي إني هعرف مين اللي اتسبب في وجعك.. وهتبقى نهايته الموت..!!! اقسم بالله ماهسيبو يرتاح يوم تاني بعد كده..
مراد : ربت ع كتفه وقال..وحد الله يافهد.. أنا عايزك تهدا.. وأنا حكتلك كل حاجه وقولتلك أنها قضاء وقدر.. بتحصل يصحبي..
فهد : بص ل مراد وقال بشر.. مستحيل يامراد.. مستحيل..الحكايه مش كامله.. وأنا اللي هحط نهايتها..!!
بنتي شافت العذاب يامراد.. بنتي اتشوهت..
وضرب أيدو ف الحيطه وقال بغضب.. بنتي آرين اتشوهت يامراد.. ولو حصل بفعل فاعل.. يبقى نهاينة سودا..!!!
مراد : بتنهيده..طيب انا معاك للآخر..بس دلوقتي تعالى نطمن ع لارين..من وقت ما أغمى عليها وهي تحت مع نور وفريحه..واكيد محتجالك دلوقتي..!!
فهد : رفع عينيه على بنته..ودموعه اتجمعت..وبص بعيد.وسابها وراح يطمن ع مراته.
نور : بتعب..يلا يا رينو ياحبيبتي أنتي لازم تاكلي حاجه.. ماينفعش إللي أنتي بتعمليه ده..
رينو : بعياط مكتوم..هزت راسها لأ.. أنا مش عايزه اكل انا عايزه آرين.. آرين بنتي يانور .
فريحه : مسحت دموعها وقالت بحزن حقيقي.. هترجعلك زي الاول يارينو..بنتك هترجع. وأنتي لازم تقويها وتقفي جمبها.. وده مش هيحصل وانتي ضعيفه كدا..
ريتال : بعياط..وحدي الله يارينو..لازم تكوني اقوى من اي حد. بنتك محتجالك..
رينو : برفض وعياط وجع.. ارجوكم سيبوني لوحدي
أنا مش عايزه حاجه..
مراد خبط.. وقال فهد معايا يانور .
نور : مسحت دموعها ولبست النقاب.. وقامت وقالت.. اهو فهد جالك.وهو أكيد إللي هيقدر يقنعك.. أنا هروح اطمن على آرين وهرجع اطمنك.. تعالى معايا ياريتال.. وخرجوا..
فهد : دخل وقلبه تايه وحزين..
فريحه : اترمت في حضنه وعيطت بصوت مكتوم.. وقالت..
ربنا معاك ياحبيبي..نفسي اخليك مبسوط يافهد لو بأيدي بس حكمة ربنا فوق كل شيء..
فهد : ربت ع ضهرها..وقال بتنهيده.. الحمدلله..
مراد : قرب من رينو.. وباس راسها وقال..عامله ايه دلوقتى ياحبيبتى..
رينو : بوجع..تعبانه اوي يامراد.. تعبانه.. بنتي انتهت يامراد..بيتي بينطفي..
مراد : ضم راسها لحضنه..واتنهد بتعب..
فريحه : مسحت دموعها وقالت..تعالى معايا يامراد.. وفهد هيأكل رينو علشان تاخد الدوا..
مراد : ربت ع خد رينو..وقال كل حاجه هتبقى تمام.. أوعدك.. وسابهم وخرجوا..
فهد : قعد بتعب قصاد رينو..وحاول يتكلم لكن معرفش..وحاسس إن صوته رايح..
رينو : عيطت بوجع وقالت.. أنا عايزه بنتي يافهد.. قولي إني في حلم..قولي إن آرين بخير ونايمه في اوضتها..
وصرخت اتكلم يافهد انت سااااكت ليييه.. قولي إن آرين لسه زي ما هي..
فهد : مسك وشها بايديه وقال..بقلق..بس اهدي يا لارين.. بنتك هتبقى بخير..
رينو : بعياط .بخير ازاااي بنتي اتشوهت يافهد..بنتي اتشوهت.. أنا مش قادره اصدق.. ليه بيحصل معانا كدا...ليييييه.. ااااه ياروحي عليكي يابنتي..
فهد : شدها لحضنه..وغمض عينيه ودموعه نازله.. ومش عارف يتكلم.. نفسه يهرب بعيد.. عايز يكون لوحدوا في مكان مافيهوش اي مخلوق..عايز يصرخ بصوت عالى..عايز يطلع كل صرخة ألم جواه..
لكن في الوقت ده..ماينفعش هروب يافهد.. لازم تواجه..وتقف في ضهر عيلتك..
واخد نفس عميق..وطلعها من حضنه.. ومسك وشها.وقال. بتمثيل الثبات.. آرين تبقى بنت فهد السيوفي وبنت لارين العدوي..
يعني بنتك قويه بكفايه وهتقدر تعدي أي ظرف .. بنتك دلوقتي في حالة صدمة ومحتاجالنا..ولما تلاقينا كلنا جمبها وبنقويها أكتر.. هتعديها..
وانتي أكتر واحده فينا اللي هتقدري تقوي بنتك بيكي.. فاهمه يالارين..
رينو : هزت راسها بعياط..وقالت.. أنت بتطلب مني المستحيل.. انا دلوقتي أضعف من أي حد.. أنا انهرت يافهد.. انا محتجالك ومحتاجه لولادي.. اااااه أنا عايزه بنتي يافهد عايزه آريييين...!!!
------------------بقلمي مريم نصار.
في غرفة آرين..
آركان فتح الباب ودخل..وشاور للممرضه تخرج.. وخرجت..
آركان : قرب من آرين وقعد جنبها ع طرف السرير.. ومسك كف أيدها..وبص عليه..
وكاتم العياط..وبص ع وشها.. ورفع ايدو ومشاها ع وشها..
ومسك أيدها وباس عليها.. وفجاءه عيط.. عيط بوجع كبير..
وقال سامحيني يا آرين.. سامحيني لأني عمري ما كنت جمبك في اي وقت تحتاجيني فيه.. أنا آسف..
صدقيني لو كنت جمبك كنت حميتك ولحقتك.
ياريت كنت أنا مكانك..
آرين أنتي هترجعي زي ما كنتي..
وأبتسم بوجع..وقال هترجعي ترخمي عليا من تاني.. مش انتي ديما تقولي إنك أجمل مني.. وانا بشع؟
أنا فعلا بشع..وانتي ملكة جمال..بس سامحيني في تقصيري..
صدقيني انا مش هسكت..وهعرف مين اللي ورا إللي حصل.. وحياة وجعك لادمره.. وحياة كل صرخة بتاكل في قلبي لاجبلك حقك..ومش هسيب حقك يضيع..!!
عند فهد..
فهد : مسح دموع رينو..وقال..خلاص أحسن دلوقتي؟
رينو : هزت راسها ايوه.. بصمت...
فهد : طيب تسمعي كلامي وتاكلي..
رينو : رفضت وقالت..متحاولش أرجوك.انا ماليش نفس.. لو بتحبني بلاش أرجوك..
فهد : بإستسلام..ماشي أنا هسكت دلوقتي..لكن شويه وهتاكلي بالاجبار..
رينو : بتنهيدة وجع.. إن شاء الله..
فهد : حاول يبتسم لكن معرفش وقال..العصر أذن. هروح أصلي..
رينو : بصت ف عينيه وقالت بترجي..ادعيلها يافهد..
فهد : صك ع أسنانه بيكابر الوجع..وهز راسه ليها حاضر. هدعيلها..!!!
------------------بقلمي مريم نصار.
بعد فتره..
فيلا العدوي..
آدم : قاعد في مكتبه وقافل على نفسه..وعايز يقعد في هدوء..
مريم : قاعده لوحدها في الليفنج وماسكه السبحه وسرحانه.. وعيونها دبلانه..وفيها لمعه من الحزن..
زين : رجع و آريان.. وسلموا عليها..
زين : بحزن... آيان فين يا أمي؟
مريم : بتنهيده.. آيان مع تمارا يبني..!!
زين : طيب أنا هطلع اغير واطلع ع المستشفى..
آريان : وانا كمان..استناني يابابا هروح بسرعه اغير واجيلك.. وخرج.. وزين طلع..
زينب : جت..وقالت بحزن كبير.. الغدا جاهز ياست مريم..
مريم : بإحباط..ومين له نفس يازينب..
زينب : بزعل..وهو الاكل دخله إيه باللي إحنا فيه ده ياست الكل..
مريم : بتعب..بالله عليكي يازينب أنا مش حمل مناهده..شيلي الأكل..
ولا اقولك أنا طالعه الجناح.. أنا مش عايزه اتكلم ولا قادره اتكلم..
زينب : بس ياست......!!
مريم : قامت وماشيه وقالت..ادعيلها يازينب.. ادعيلها.. وطلعت..
زينب : بدموع رفعت ايديها للسما.. وقالت.. يارب العيله دي بتعمل كل خير..ومبيأذوش حد.. يارب تريح قلوبهم..وتشفي آرين بنت حوا وآدم..
يارب اكشف الغمه وزيل الهم ياااارب..!!!
------------------بقلمي مريم نصار..
عدا الوقت.. والساعه ١٠ مساءاً..
فهد قاعد ومربع ايديه.. ومرجع راسه لورا وساكت... ومعاه مراد و آركان..
آركان : مسح وشه بايديه ونفخ بخنقه.. وقال. خالو مراد.!!!
مراد : نعم يا آركان..
آركان : من وقت آدم ماضرب الحرس وخرج ومرجعش لحد دلوقتي.متعرفش هو فين؟
مراد : بتنهيدة.. للأسف معرفش.. حتى موبيله في البيت..
لما اتصلت عليه عوض رد عليا وقالي أنه سمع صوت الموبيل في الجراش..
اظاهر وقع من آدم اول ما عرف بالخبر..
آركان : هز راسه وسكت..
مراد : بص ل فهد. وقال بقولك ايه يافهد..
فهد : من غير ما يبتحرك قال. ايه يامراد..
مراد : تعالى ننزل أنا وأنت نتمشى شوية بالعربيه.. أنا عارف إنك محتاجها..
فهد : بتنهيدة..ياريت يامراد..ياريت..لكن مش هينفع اسيب آرين..
مراد : آرين مش لوحدها.. قوم معايا..وشد أيدو. عايز أتكلم معاك شويه..
فهد : قام بتعب..
مراد : خلي بالك من أختك يا آركان..هاخد أبوك مشوار وراجعين..
آركان : أتفضل ياخالو. ومتقلقش..
مراد أخد فهد ونزلوا وركب العربيه وساق..وفتح ازاز الشباك إللي جمب فهد..
فهد : رجع راسه ع الكرسي.. وبيفكر في أحداث اليوم..!!!
------------------بقلمي مريم نصار.
في مكتب تيم..Автор: Меріам Насар
ميرو : خرجت من عند رينو وراحت لتيم.. وخبطت ودخلت. وشافت تيم بيمسح دموعه بسرعه.. ولف بعيد..
ميرو : قعد جمبه.. وقالت..بتخبي وجعك مني ياتيم..
تيم :..........!!!
ميرو : لفت وشه ليها وقالت.. أنا أكتر واحده حاسه بيك وعارفه آرين بالنسبالك إيه؟ ومش بالنسبالك انت وبس.. آرين مهمه جدا لكل العيله..
تيم : بوجع. آرين مش بس اختي يا مريم. آرين دي بنتي.. وكانت ديما مسؤوله مني..
وأبتسم بوجع وقال.. أنا افتكر ديما لما بعاندها..وافرض رأيي عليها.. شوفتي كانت بتعمل ايه؟ كانت بتتنطط زي الأطفال.
ولا بقى لما كنت أقولها يابت.. كانت بتتجنن مني.
عشنا كلنا أيام وسنين حلوه اوي يامريم..
أنا ديما اتوقع أنها ممكن تتعب عادي جدا كلنا بنتعرض لأي تعب جسدي.. لكن عمري ما كنت اتخيل أنها تتشوه..مش قادر انسى شكل الجرح ووشها إللي نصه اتشوه..مش قادر..
ميرو : عيطت بوجع وحطت أيدها ع بطنها..وقالت..هو ليه ديما مكتوب علينا نتوجع على أكتر ناس بنحبهم..
آدم أخويا خلاص كان هياخد اهم خطوه في حياته. خلاص كان كلها سواد الليل وتبقى خطيبته.
آدم كلمني الصبح واول مرة اسمع صوت ضحكته..وحسيت فرحته الكبيرة نابعه من القلب.. وقالي أنا مبسوط اوى يامريم.. انتي اول واحده اكلمها اول ما صحيت علشان أقولك بكره هتقدم رسمي ل آرين..
أنا فرحتي لفرحته مكنتش سيعاني..
.لكن القدر بيحطنا في امتحانات صعبه جدا..
آرين صعبانه عليا اوي..وزعلانه عليها..على قد زعلي على أخويا اللي الفرح مش من نصيبه..
ومش عارفه هو راح فين لحد دلوقتي.. انا خايفه اوي ياتيم.. خايفه عليهم من بكره..!!!
تيم : حاوطها من كتفها وضمها وربت ع ضهرها وقال.. كفايه يامريم انتي حامل وتعبانه.. ومتخافيش على آدم.
آدم مش من السهل أنه يتخلى عن آرين..
ميرو : بترجي..يارب ..يارب خليك معانا.. واحفظ عليتي من كل شر...
------------------بقلمي مريم نصار..
الساعه ١ صباحاً..
كل بيت من بيوت العيله.. فيهم إللي بيدعي وفيهم إللي بيصلي وساجد بيدعي..وفيهم إللي بيقرأ قرآن
فون آدم العدوي رن.. وقفل المصحف.. ورد وقال.. ايوه ياشاهين..وصلت لحفيدي؟
شاهين : قال..بصعوبه جدآ سيادتك..لفيت مناطق كتير جدا.. لكن لمحت العربيه بتاعته على الطريق.. ومشيت وراه بالعربيه.. لحد ما وصل المستشفى يا آدم باشا..
آدم : هز راسه وقال.. بهدوء..تمام.. أرجع انت على بيتك ياشاهين..!!
شاهين : تحت امرك ياباشا..
آدم : قفل..وبص ع مريم إللي ساجده وبتدعي.. وبص قدامه وقال جواه..ياترى كنت فين كل الوقت ده ياحفيد العدوي..!!!
------------------بقلمي مريم نصار..
في مستشفى النور..
فهد رجع مع مراد..
مراد : قال..بقولك ايه.. بما إن آركان بيطمن على رينو تعالى إحنا كما نطمن عليها.. ونطلع ل آرين..
فهد : قال..طيب أطلع أنت وأنا هشوف دكتور عزمي.. أسأله عن حالة آرين..وجاي وراك..
مراد : ماشي بس متتأخرش.. وكل واحد مشي في إتجاه..
فهد خبط ع مكتب الدكتور عزمي وفتح..وقال ممكن أتكلم مع حضرتك..!!
د/عزمي : أتفضل يا ابني استريح..
فهد : قعد قدامه..وقال بحزن..كنت عايز أسأل عن حالة آرين بنتي..
هل هي هترجع زي ما كانت بالظبط..ولا.....!!!! ولا هيبقى ف أثر للحروق وتسيب ندبات..!!
د/عزمي : قلع النضاره..وقال.. طبعاً أنا مقدر موقفك ومقدر احساسك كأب.. وأنا هطمنك..
بنت حضرتك إن شاء الله هترجع زي الاول.. لأن بعد الحادثه مباشرة تم عمل الإسعافات الأولية اللازمة..
هي بس هتاخد وقت. حوالي ٢٠ يوم..
أنا كتبت ليها على عبوات كريم مرطبه ومسكنات.. وبعد قرص العلاج هيتم تحويلها لجراحة التجميل.. وهنا بقى دور الدكتور زوهير والدكتور تيم..
والدكتور محمد بعت كل التقارير للدكتور زوهير لأنه علامه فى مجال التجميل. وأكد إن الحاله هترجع زي ما كانت..وكمان تتجنب التعرض لأشعة الشمس..
لكن في أمر مهم لازم كل إللي حواليها يتبعوه..
فهد : بأمل جديد وحماس..ايه هو يادكتور..
د/عزمي : لازم تراعوا الحاله النفسيه اللي هتمر أو بتمر بيها بنتك..
أكيد نفسيتها بعد الحادث اللي حصل ده هتتعب.و
وهتلاقي إن كل تصرف أو فعل من اي شخص..هو شفقه مش أكتر.. لازم تحتووها. وتتحملوها..
إبن حضرتك كان لسه عندي من شويه بيطمن على الحاله..
وواضح جدا الاستياء على حالته..
ولكن أنا أعجبت بيه.. لأنه جاب ضمادات العسل الطبي النقي للقضاء على اي بكتريا وألتئام الجروح..
وسألني لو كانت الضمادات صحيه.. وأنا أكدتله أنها أمنه تماماً..وتفكير جميل جدا منه..
وشرحت ليه كيفية التعامل مع الحاله. وإن شاء الله.. الشفاء قريباً..
وألف سلامه على بنت حضرتك..
فهد : كشر عينيه بعدم فهم..وقال.. آركان؟!! وحاول يبتسم للدكتور وقال..بتيه أكيد هنتبع التعليمات..متشكر جدا لحضرتك.. وقام وخرج.. وبيفكر..
وقال آركان كان كل شويه يتصل يطمن عليا..ومخرجش من المستشفى..وقال إنه نازل يطمن على لارين..
طيب الدكتور يقصد مين؟ لو تيم كان قال لأنه عارف تيم...!!!
وفتح عينيه وقال معقول يكون آدم..!!!
وطلع بسرعه.. ووصل عند أوضة آرين وشاف الممرضه نازله ع السلم..
وحط ايدو ع اوكرة الباب وفتحه بسيط جدا..وشاف آدم..!!
Автор: Меріам Насар
آدم مراد : قاعد ع الكرسي جمب آرين وباصص عليها..وواضح جدا عليه أنه محطم بالكامل..
ورفع أيدو وبيفك الشاش من على وش آرين.
آرين : نايمه ومش حاسه بأي حاجة..
آدم مراد : انتهى من فك الشاش وشاله..وشاف الجرح....!!!!
فهد : شاف الجرح..وفتح عينيه بصدمه..وقلبه في الوقت ده ادبح بسكينه بارده.. وأتمنى أنه يكون هو إللي مكانها مش هي أبدا..
والدموع اتحجرت في عينيه...
آدم مراد : بيتأمل في الجرح..وكأن في سهم بيتغرز في قلبه..وروحه بتنزف..
لكن اخد نفس عميق.. وحط الشاش القديم في الباسكت..ولبس جوانتي..وجاب طبق فيه مادة تعقيم.. وبدأ يمسح الجروح.اللي في أيديها ووشها.
ورغم أنه شاف جروح كتير وخاض مأموريات أشبه بالحرب..
لكن جرح آرين بالنسباله روح بتتسحب منه.. وخلص تنضيف الجرح..
وقلع الجوانتي..وفتح الضماده إللي عليها عسل طبي.. وحط واحده على جبينها..وواحده على خدها..
وبص ع كف أيدها..وحط فيهم ضمادات..
بعد كدا.. آدم. قام وبص ع المحلول.. ورجع قعد ع الكرسي جمبها تاني.. وشبك أيديه تحت دقنه.. وبدأ يتكلم مع آرين..!! وبص ليها وقال...!!!
آرين تعرفي انا كنت جايلك ع الجامعة انهردا.. علشان أقولك إني بكره هطلب أيدك من خالي فهد. وأنا لسه عند كلامي..وبكره هتقدملك..
وكنت عايز أقولك إني طلبت إيدك قبل كده في وسط الموت..
آرين ضي آدم وضي كل حاجه حلوه ف حياتي..
في كلمة مهمه جدا عايز اقولهالك..بس لسه ميعادها مجاش..
لازم أقولهالك قدام كل الناس..مش انتي بس.. أنتي عارفه إني مبخافش من حد.. لأني ديما بعمل كل حاجه صح..
أنا عايزك بكره تكوني جاهزه علشان هتلبسي خاتم الخطوبه..
هو معايا في جيبي من الصبح..
بس مش هينفع تشوفيه دلوقتي..اول ما تفوقي هيكون جمبك في اوضتك..
وقرب من وشها بغضب شديد وقال بتهديد.. لكن قسما بربي إللي عمل فيكي كدا لايكون تحت رجليكي في أقرب وقت..
أنا لو عدا عليا عمر بحاله..يستحيل أنسى إللي اتسبب في في إنك تتألمي..
أنا وعدتك قبل كده.. إنك هتعيشي في أماني.. وإني هحميكي حتى من نفسي..
فهد واقف وشاف تصرف آدم وسامع كل كلمة قالها.. ومش عارف إزاي هو واقف متلجم كدا..؟!!
آدم مراد : خلص كلامة مع آرين.. وفضل قاعد قصادها وعينيه تايهه فيها.. لحد ما غمض عينيه. ونام..!!!
فهد : كان هيدخل يزعق.لكن وقف ف آخر لحظه.. وساب الباب موارب...
وخرج وقعد ع الكرسي في الطرقه مسلوب.. وبيعيد حساباته...
ف إن آدم مكلف حراسه خاصه من سنه...؟ يعنى كان مأمن بنتي وأحنا في أوكرانيا؟
ودلوقتي لسه متمسك ببنتي ولسه ع ميعاده بكره....!!!
------------------بقلمي مريم نصار.
في نفس الوقت في غرفة آرين..
آدم مراد : كان لسه بينام.. لكن فتح عينيه لما حس خطوات..وبص بسرعه ع الباب.. ولمح أيد فهد..
لكن معملش أي رد فعل..و رجع راسه لورا.. وافتكر إللي حصل انهردا بعد ما خرج من المستشفى...
فلاش باك..
آدم مراد عمل شوية تحريات من الحرس ومين كان موجود وقت الحادثه.. وأول ما سمع بإسم لمار.. أمر بعنوانها...
وبعد ما جاب عنوانها..راح ع الفيلا بتاعتها..وفضل مراقبها..
آدم عندو معلومات عن علاج الحروق والجروح وإن العسل الطبي بيساعد على العلاج..
ولأن ممعهوش موبيل.. أخد فون الحارس.. واتصل ع صديق ليه يجيب ليه الضمادات..
وبعد كده الساعه ١٢ ونص صباحاً.. آدم مراد نط من ع سور الفيلا بطريقة المخابرات.. ومن شباك لشباك..طلع لبلكون لمار..!! ووقف فيها..
لمار : بتتكلم ع الفون وبعد كده قفلت وطفت النور ونامت..
آدم مراد : دخل من التراس.. وطلع ورقه من جيبه. وثبتها بسكينه في الحيطه جمب التسريحه..
وقرب من لمار وقعد جنبها ع السرير وقرب وشه منها بكُره وغضب العاالم...وبيتنفس بصوت عالى..
لمار : فتحت عينيها..واتخضت ورجعت لورا بسرعه وقلبها كان هيقف من الخضه..وكانت هتصرخ..
آدم مراد : حط ايدو ع بوقها..وقال بتحذير.. أقسم بالله.. لو طلع ليكي يد في إللي حصل..؟ لا خليكي تتمني تسجدي وتدعي ربك بالرحمه مني..!!!
لمار : كانت بتسمعه ومغمضه..وفتحت عينيها بزهول..
لكن ملقتش حد جمبها..
واتعدلت بسرعه وبصت يمين وشمال..مالقتش حد.. وقامت بسرعه قفلت باب التراس. ورجعت قعدت ع السرير..وحطت أيدها ع قلبها ونفخت بتوتر كبير.. وأنها ممكن تكون بتتخيل.وحاولت تنام...!!!
وآدم خرح ونط من على السور وركب العربيه وساق في طريقه لضيه...!!!
------------------بقلمي مريم نصار.
تاني يوم.. الضهر.. -------------يتبع
الاكثر قراءة هذا الشهر :
موعد الحلقة الجديدة الساعة 8 م يوميا ان شاء الله .
هنا تنتهى احداث رواية جريمة عشق 5 الفصل 50 ، يمكنكم اكمال باقى احداث رواية جريمة عشق الجزء الخامس الفصل 51 أوقراءة المزيد من الروايات المكتملة فى قسم روايات كاملة .
نأمل أن تكونوا قد استمتعتم بـ رواية جريمة عشق الجزء الخامس ، والى اللقاء فى حلقة قادمة بإذن الله ، لمزيد من الروايات يمكنكم متابعتنا على الموقع أو فيس بوك ، كما يمكنكم طلب رواياتكم المفضلة وسنقوم بوضعها كاملة على المدونة .