نقدم اليوم احداث رواية تحت حماية الفارس البارت 26 من روايات نوران جمال . والتى تندرج تحت تصنيف روايات رومانسية ، تعد الرواية واحدة من اجمل الروايات رومانسية والتى نالت اعجاب القراء على الموقع ، لـ قراءة احداث رواية نور الآسر كاملة بقلم نوران جمال من خلال اللينك السابق ، أو تنزيل رواية تحت حماية الفارس pdf كاملة من خلال موقعنا .
نور الآسر الجزء الثاني البارت السادس والعشرين
٢٦
في غرفة نورين
كانت نورين نائمه ولكنها استيقظت فجأه بسبب أنها شعرت بوجود أحد بجانبها فإستدارت بخوف فوجدت تلك العيون التي تعشقها ..
نورين بإستغراب: فارس انت ايه اللي جابك هنا عيب كده..
فارس بمرح: الجو في اودتي حر وخنقه قولت اجرب اشوف اودتك عايز اشم هوا ده غير انك بقيتي مراتي اجيب المأذون يشهد ...
نورين بسخريه : وعلي ايه بس في حاجه اسمها بلكونه تطلع فيها أو تنزل الجنينه تشم هوا لكن تخضني بالمنظر ده لا...
فارس وهو ينظر لها : سيبك انتي الأزرق هياكل منك حته ...، فنظرت نورين الي ملابسها فوجدت انها ترتدي شورت باللون الأزرق وبلوزه زرقاء ففتحت نورين فمها بصدمه كبيره ثم انتفضت من علي السرير
نورين بسرعه وغضب: يا سافل يا قليل الأدب غمض عينك بسرعه ...
فارس بضحك على منظرها: اغمض ليه بس انتي يا بنتي ولكنه لم يجدها امامه فهي قد هربت بسرعه كبيره الي الحمام ..
فارس وهو يستلقي جيدا علي السرير ويضحك بشده عليها: هههه بنت المجنونه انا ايه اللي خلاني الفت انتباهها بس هههه ..، وبعد مرور عشر دقائق خرجت نورين ووجهها لونه احمر من الخجل وكانت ترتدي بيجاما واسعه عليها نوعا ما لونها وردي..
فارس بضحك : علي فكره الأزرق عليكي احلي بس الأحمر الصراحه هيبقي احلي اكتر هههه .
نورين بغضب: فارس انت قليل الأدب بجد واخرج بره عشان كده عيب ..
فارس بمرح: مين اللي عيب يا اختي ..
نورين : لو سمحت أخرج..
فارس بتنهيده : طيب تعالي اقعدي وشاور لها لتجلس بجانبه ..، فذهبت نورين بخطوات بطيئة وجلست بجانبه فقام بإحتضانها واستلقوا علي السرير ..
نورين : فارس وسع كده ..
فارس بهدوء: اهدي بس عايز اقولك حاجه مهمه ..
نورين بهدوء وقد لاحظت ان نبرته تغيرت : نعم ..
فارس : نورين انتي بجد في خطر يعني لازم تاخدي بالك علي نفسك أنا فضلت متتبع مروان لحد ما عرفت من رقم تليفونه انه كان بيتواصل مع رئيس العصابه وكمان هو كان يقصد أنه يقتلك يوم ما حط الحبل عشان توقعي في البسين وتغرقي ..، وهنا خافت نورين واقتربت من فارس أكثر فقام فارس بإحتضانها أكثر
فارس بطمئنينه: انا مش بقولك كده عشان تخافي انا بقول كده عشان تاخدي بالك انتي بكره هتنزلي تجيبي الفساتين وللأسف في اجتماع هنا في القصر فمش هقدر اجي معاكي ...
نورين بإبتسامه : سعد هيبقي معايا ..، فقام فارس بقرص خصرها ..
نورين بألم وخجل: اه ليه كده ..
فارس بغضب: متجبيش سيرته قدامي فاهمه ...
نورين بضحك علي غيرته : فاهمه ..
فارس بإبتسامه : بحبك يا نوري يا اغلي حاجه في حياتي انتي اللي وقعتيني في حبك وقعتي الصياد نورين نورين ..، ثم نظر لها فوجدها نائمه ..
فارس بغيظ: عندي حق لما كنت بقولك قرده ..، ثم ابتسم وقام بتقبيل رأسها ونام بجانبها وعند الفجر خرج إلي غرفته حتي لا يحرج نورين غدا امامهم ..
__________
جاء اليوم التالي واستيقظ الجميع
استيقظت نورين ونظرت حولها فلم تجد فارس فإبتسمت فهي قد فهمت أنه ذهب حتي لا يحرجها فجهزت نفسها ونزلت إليهم في الأسفل وسلمت عليهم ثم خرجت إلي الجنينه ونظرت إلي الورود وهي تتذكر عندما اعترف فارس لها بحبه فإبتسمت وفجأه شهقت عندما شعرت بأحد يحتضنها من الخلف ولكنها إبتسمت عندما سمعت صوته واشتمت رائحته المميزه
نورين بحب: بحبك يا احلي فارس في حياتي ..
فارس بحب وهو بقربها منه اكثر: وانا بعشقك..
فأتي معتز إليهم
معتز بمرح: آسف اني هقطع اللحظه الرومانسيه ديه بس جوري هتروح تجيب الفستان ونورين المفروض انها هتروح معاها عشان مفيش وقت ...
فإبتعد فارس عن نورين وهو يشتم معتز فضحكت نورين عليهم ثم خرجت مع جوري لشراء الفستانين ومعهم سعد ورجلين اخرين من الحراسه..
أما فارس وجد صديقه يدخل من باب القصر فذهب لإستقباله
فلاش باك
امبارح الصبح كان فارس يجلس في غرفته
فقرر ان يتصل بصديقه فأمسك هاتفه
فارس : ألو ..
اسد بإستغراب ومرح: اخيرا افتكرت ان ليك صاحب ..
فارس بمرح: الدنيا بقي المهم انت عامل ايه يا ذئب ..
اسد بضحك: كان زمان انت ايه اخبارك دلوقتي يا صياد ..
فارس : عازمك علي فرحي ..
اسد بصدمه : انت كويس أنا برضه قولت ان فيوزات عقلك باظت...
فارس بضحك : لا ما بظتش يا روح امك اه الفرح بكره ده غير اني عايزك تيجي قابليها بأربع خمس ساعات عشان في اجتماع في القصر ...
اسد بضحك: حاضر هاجي حتي عشان اشوف اللي وقعت الصياد ده انا والله ما مصدق ..
فارس بحده: اسد احترم نفسك ومتتأخرش ..
اسد بضحك: حاضر يا صياد فارس فارس ..،ثم نظر الي الهاتف: العاده ديه هتفضل فيه ثم ضحك وفجأه سمع صوت في الخارج فهو كان في شركته وهنا دخل إليه رجل غريب ..
اسد بحده : انت مين ..
الرجل: أنا محمود وجاي عايزك تساعدني والموضوع يخصك..
اسد بحده: أنطق انت عايز ايه بسرعه ..
محمود : أنا ابقي والد رونان سكرتيرتك الجديده وكمان ابقي والد تقي خطيبتك ..
اسد بغضب : قصدك اللي خانتني وسابتني يوم فرحنا ..
محمود : ارجوك افهمني تقي مخطوفه وناس هما اللي خلوها تعمل كده يعني هما اللي وقعوها في طريقك أصلا أما رونان مش بنتي ...
اسد : تقصد ايه ..
محمود : زمان من خمسه وعشرين سنه كانت مراتي بتولد وللأسف كانت بتولد بدري وكنت عشان انقذ بنتي واخلي الدكتور يعالجها كمان مكنش معايا فلوس لقيت راجل جيه ليه وقالي اخطف بنت من الأوده اللي جنبي رقم 288 وديه كانت الحضانه وكان هناك تلت بنات قاللي اخطف اللي عيونها ملونه وطبعا كنت عايز انقذ بنتي فروحت فعلا ولقيت بنتين نايمين وبنت صاحيه وكان عنيها ملونه فخطفتها فروحت للراجل ده عشان ياخد البنت قاللي لأ انا اربيها وهو هياخد بنتي وهددني انه يقتلها وكنت بكلمها كل فتره لحد آخر مره كانت هتنتحر ده غير ان مش هي اللي كان المفروض تتخطف كان المفروض اخطف بنت تانيه عنيها زرقاء مش رمادي فأرجوك هاتهالي...
اسد : قصدك أن تقي هي بنتك المخطوفه ورونان بنت الناس التانيين...
محمود : أه..
أسد: طيب متعرفش اسم اللي خطفها او رقمه..
محمود : لأ عشان هو كان بيتواصل معايا عن طريق مساعده..
اسد : خلاص انا هساعدك بس عشان صعبت عليا لكن غير كده بناتك ميهمونيش ..
محمود : حاضر حاضر شكرا ليك ..، ثم خرج محمود أما اسد كان يفكر مع نفسه كثيرا ثم قام بالإتصال برونان حتي تأتي الإجتماع غدا
باك
قام اسد بإحتضان فارس فكان قد فات وقت طويل علي لقائهم
اسد : عاش من شافك يا صياد..
فارس وهو ينظر له : جدع وجاي بالبدله وجاهز ..
اسد : مش فرح صاحبي بقي..ثم ضحكوا هما الإتنين وجلسوا معا في الجنينه ثم نزل الشباب جميعا وسلموا علي اسد فهم كانوا يعرفونه مسبقا ثم ذهبوا مره اخري
كان فارس واسد يتكلمون عن أمور الشغل وفجأه أتت روان لتقدم لهم الشاي وهنا توسعت اعين اسد من الصدمه ..
فارس بإستغراب: اسد في حاجه ..
اسد : أه فارس هي روان عندها اخت ..
فارس : بتسأل ليه ..
اسد بحده: قول بس بسرعه ..
فارس : كان ليها اخت توأم زمان بس مش عارفين نلاقيها لدرجه ان احنا قولنا انها ماتت ...
اسد : اختها مش ماتت يا فارس ..
فارس بإستغراب: تقصد ايه ..
اسد : امبارح جالي واحد و حكي له ما حدث ..
فارس بصدمه : يعني هي مش ماتت ..، ثم وقف وذهب بسرعه الي الداخل كان الجميع موجودين وحكي لهم عن اخت روان وهنا صدمت رودينا بشده
رودينا : يعني بنتي عايشه ياسين بنتنا عايشه..
ياسين بفرح: أه يا رودينا اسد هي فين ..
اسد : جايه في الطريق ..
وهنا وصلت نورين وجوري في وقت وصول رونان وبالطبع صدمت الفتاتين من شكل رونان فهي تشبه روان بشده مع اختلاف لون العين وعندما دخلوا صدمت رونان بشده من جمال القصر وكانت الصدمه الكبيره من تلك التي تشبهها التي ذهبت لإحتضانها وهنا خرجت رودينا وقامت بإحتضان رونان ايضا..
رونان بصدمه : انا مش فاهمه حاجه ..
نورين : متفهمونا في ايه ..
فحكوا لهم ما حدث
رونان بصدمه : يعني إيه يعني انتوا اهلي ...
ياسين: أيوه انتي بنتي يا رونان ..
ثم قام بإحتضانها مره اخري وبعد مرور ساعه كان الجميع يجلس في الداخل فرحانين بوجود رونان
رودينا بلهفه : أنتي هتعيشي معانا صح ..
رونان بتردد: بصي يا ماما انا نفسي بس مش هقدر اسيب اللي عشت معاهم سنين ماما ياسمين واخويا ساهر بس هاجي هنا كتير ومش هسيبكوا بعد ما لقيتكوا..
رودينا : بس ..
رونان بحب: ارجوكي يا ماما ..
رودينا : حاضر يا بنتي بس هتكلمينا كل يوم وتيجي هنا كتير تمام ..
رونان : طبعا يا ماما ..
نورين بحب ومرح: أنا عارفه ان المفروض ما اقطعش الجو الدرامي ده بس النهارده فرح عايزين نفرح ها فرح وهيصه ههههه ..، ثم بسرعه : يا لهوي نسيت الجزمه نسيتها ثم ذهبت الي الخارج بسرعه فهي قد نست الجزمه في المحل وبالطبع ذهب خلفها رجلين من الحراسه وهم يجرون خلفها حتي يلحقوا بها ...
اسد وهو يهمس لكرم : ديه مرات فارس صح ..
كرم بضحك : أيوه ههه ..
اسد بضحك: فصيله ومجنونه زيه هههه..
فارس : بتقول حاجه يا اسد ..
اسد : مين انا لأ طبعا ما قولتش بس ممكن اقول حاجه ..
فارس : قول ..
اسد بضحك: انت طويل اوي وهي قصيره اوي عليك هههه فعلا يوضع سره في اضعف خلقه ههه..
فارس بضحك : انا شخصيا كنت مستغرب بس نعمل ايه في ده ..،ثم شاور علي قلبه ..
اسد بمرح: واخيرا شوفتك يا فارس وانت واقع كده ..
فارس بحب: احلي واقعه ..، ثم بغضب : ثانيه بس كده انت بصتلها اوي عشان تعرف طولها انت بتستعبط يا أسد...
فنظر له أسد بصدمه : والله ما دققت فيها ولا حاجه ...
فجلس فارس وهو غاضب حتي لا يضرب صديقه اما اسد بصوت منخفض سمعه الشباب: هو في ايه..
معتز بضحك : كويس أنه ماتحولش وكلك...
زين بضحك: انت نفدت بجلدك ...
ثم نظروا لبعضهم وضحكوا بشده ثم نظر كل واحد الي حبيبته بعشق وكان متبقي علي معاد الفرح ثلاثه ساعات اما اسد كان ينظر الي رونان نظرات غامضه ولكن فهم الشباب انها بدايات الحب ..
اما فارس ذهب الي غرفه نورين حتي يري الفستان قبل ان ترتديه و لايحدث مثل ما حدث امبارح في كتب الكتاب ودخل غرفتها وصدم من جمال الفستان وكان يتخيله علي نورين ثم نزل إليهم
___________________
كانت نورين في الطريق عائده بعد ان وجدت حذائها وكانت تفكر في شكل فارس بعد رؤيته لها بالفستان الأبيض وكانت تبتسم وهي تمشي من فرحتها وفجأه سمعت صوت إطلاق الرصاص من حولها حتي سقط رجلين الحراسه وهنا جائت سياره سوداء خرج منها رجل قام بتخدير نورين وخطفها " فيا تري ماذا سيحدث" وقبل ان تفقد الوعي آخر ما نطقته هو اسم فارس .
_________________
كان فارس يجلس مع الجميع وفجأه شعر بألم في صدره وعلم أن نورين في خطر شديد
فارس بسرعه وهو يخرج هاتفه ويكلم رجلين الحراسه..ظل فارس يرن عليهم ولكن لارد وبعد ربع ساعه اتاه الرد
فارس بحده: انتوا فين .. فأتاه صوت رجل من رجال الحراسه وهو يتكلم بضعف شديد : نورين يا صياد نورين اتخطفت ثم انقطع الصوت معلنا عن وفاه الرجلين وسقوط قلب فارس فصرخ فارس بإسم نورين بشده
نوران بقلق: فارس في ايه نورين فين ..
فارس بغضب : خطفوها خطفوها ولازم الاقيها ..
فقام كل من أبطالنا بالإتصال بعده ارقام للبحث عن نورين .
________________
في مكان بعيد كان مروان يجلس ويتكلم مع رئيس العصابه
مروان بغضب: انت خطفتها بس مش هتأذيها..
الرئيس بخبث: مين قالك ..
مروان بغضب : انت مشكلتك مع القناص من الأساس يبقي نورين وأي واحده من البنات تئذيها ليه ..
الرئيس بغضب : عشان اسر هو اللي قتل والدي هو اللي قتل ادوارد ايمانويل وطبعا نسيوا ان انا عايش أنا مارك ايمانويل وانت ابني ولازم تاخد حق جدك ..، ثم تركه وذهب اما مروان ظل جالس يفكر فهو تلقي معامله جيده منهم إذا كيف يكونوا بهذا الشر فقرر الذهاب إلي مكتب والده ليشاهد فيديوا الحادثه من تسعه وعشرين سنه مره اخري فوجد الفلاشه المحمل عليها الفيديو من كاميرات المراقبه التي كانت موجوده في هذا المكان وعندما فتحه صدم بشده فكان في الفيديوا ادوارد هو من قام بإصابه نوران فقام اسر وإسلام بإطلاق النار عليه وهنا اصبحت الأرض تدور بمروان هل كان يظلمهم هل كان سيقتل نورين ظلم وهنا قرر أن يفعل أمر مهم " فيا تري ما هو "
___________________
في ايطاليا
كانت تولين تجلس وتشرب كأس من النبيذ وتتلذذ به يأتي لها اخبار كل شئ عن طريق رجالها في مصر
تولين بشر : دلوقتي الدنيا هناك مولعه ثم بضحك وشر اكبر: ولسه هتولع اكتر لما اظهر في الصوره ههههه
" فيا تري ايه اللي هيحصل ومروان هيعمل ايه وايه اللي تولين بتخطط ليه كل ده هنعرفه البارت الجاي، انتظروا"
الاكثر قراءة هذا الشهر :
موعد الحلقة الجديدة الساعة 8 م يوميا ان شاء الله .
هنا تنتهى احداث رواية تحت حماية الفارس الفصل السادس والعشرون ، يمكنكم اكمال باقى احداث رواية تحت حماية الفارس الفصل السابع والعشرون أوقراءة المزيد من الروايات المكتملة فى قسم روايات كاملة .
نأمل أن تكونوا قد استمتعتم بـ رواية تحت حماية الفارس ، والى اللقاء فى حلقة قادمة بإذن الله ، لمزيد من الروايات يمكنكم متابعتنا على الموقع أو فيس بوك ، كما يمكنكم طلب رواياتكم المفضلة وسنقوم بوضعها كاملة على المدونة .