رواية عندما تتنفس الكتب الحلقة الواحدة والثلاثون 31 من روايات ندى محسن

نقدم اليوم احداث رواية عندما تتنفس الكتب الحلقة 31 من روايات ندى محسن . والتى تندرج تحت تصنيف روايات رومانسية ، تعد الرواية  واحدة من اجمل الروايات رومانسية  والتى نالت اعجاب القراء على الموقع ، لـ قراءة احداث رواية عندما تتنفس الكتب كاملة بقلم الكاتبة جهاد سعيد من خلال اللينك السابق ، أو تنزيل رواية عندما تتنفس الكتب pdf كاملة  من خلال موقعنا .


رواية عندما تتنفس الكتب الحلقة 31 - روايات ندى محسن



عندما تتنفس الكتب الفصل الواحد والثلاثون


الحلقة 31
للكاتبة/ندى محسن عوض الله ♕Noody♕

زينب نظرت له بحزن
عادل ابتسم وامسك يدها برجاء
-ارجوكي ساعديني....ارجوكي ساعديني اننا نكمل....
زينب هزت رأسها بإيجاب....
-ماشي يا عادل....بس متضغطش عليا اكتر ارجوك لأني فعلآ تعبت....
عادل ابتسم وقام بضمها
-صدقيني يا زبنب مش هتندمي....

نسرين ابتسمت وهي تنظر له
كاسر امسك يدها بحنان
-نامي يا حبيبتي متخافيش انا جنبك انتي ملحقتيش تنامي..
نسرين هزت رأسها
-هنام...انا مش خايفة..انا مش هسمح لحد يستغلني...اللي حصلي مع القذر اللي اسمه تامر ولويس فوقني من صدمتي في رشدي..انا مش هسمح لحد يخوفني...مش دا صح؟
كاسر ابتسم وقرب يدها من فمه قبلها رغم المه وهي ابتسمت بحب
-بحبك اوي يا كاسر...ومتعودتش عليك ضعيف خف بسرعة يا كاسر...
كاسر ابتسم وهز رأسه بإيجاب....

#رواية_عندما_تتنفس_الكتب
للكاتبة/ندى محسن ♕Noody♕
#Nada_Mohsen

فهد نظر ليوسف بتعب
-الحمد لله انه فاق...يوسف.....انتو عمالتو ايه في رشدي؟
يوسف بغضب
-اهو متنيل زي مهو وحيد زي الكلب الجربان
فهد نظر له برجاء
-روح شوفه يا يوسف ارجوك هو غلط...بس خليك فاكر كاسر صاحبك في عرض دعوة بلاش تظلم حد....هو مش هيقف قدامكوا ولا هيعاديكوا بعد اللي حصل انا عارفه عارف انه غلط...بس انتو سايبينو لوحده شوف من امتى من غير لا ماية ولا اكل....
يوسف نظر له
فهد امسك بيد يوسف
-ارجوك....انا اللي جبته مش عايز اشيل ذنبه
يوسف عارض
-دا يستاهل دا العدل
فهد بإنفعال
-انا مبطلبش منك كزابط انا بطلب لأني كنت فاكرك طيب..
يوسف نظر له بغيظ وفهد ادار وجهه وهو يتجاهله بضيق...

#رواية_عندما_تتنفس_الكتب
للكاتبة/ندى محسن ♕Noody♕
#Nada_Mohsen

رحيم قبل جبين نغم وهي ابتسمت اذن لهم الطبيب بالرحيل وعندما وصلوا امام البيت نغم نظرت لرحيم
-عايزة حاجة يا رحيم....
حملت مريم منه
-ممكن تروح تجيبلي بيبسي واكل
رحيم تعجب
-بس في فوق
نغم هزت رأسها بنفي
-عايزة جاهز
ابتسم وهز رأسه بإيجاب رحل وهي صعدت بقلق دلفت للشقة وجدت اثار دم لكريم اشمأزت وحاولت ان تتمالك نفسها نظفت المكان واخذت الصورة التي بدأت برسمها للشاب الذي كانت تحلم به ينقصه رسم العين وضعت مريم واخذت القلم وبدأت برسم عينه شعرت بالحيرة اتقم بتلوينها باللون الأخضر ام الأزرق عيناه كانت خضراء لكنها كانت تراها للون منافي تمامآ للأخضر وهو الأزرق..
حسمت امرها وقامت بتلوينها بالأزرق لتبتسم بدموع مسحت دموعها وقامت بإضائة الشموع واطعمت مريم وغيرت ملابسها ووضعتها بسريرها الصغير قبلت جبينها وهي تفكر بريم لا تظن انها ستحب مريم بتلك الطريقة لو كانت ابنة ريم ورحيم...فهي بالأخير انسانة.. تنهدت برضا و جلست بإنتظار رحيم.....

لم يمض كثيرإ من الوقت ودق رحيم باب الشقة لتفتح نغم وهي ترتدي فستان روز رقيق للغاية وهي تاركة شعرها لينسدل على ظهرها دخل وجد اضاءة الشقة منخفضة وهي تشعل الشموع ذات الرائحة المميزة ابتسم
-ايه كل دا وليه تعبتي نفسك كدا
ابتسمت نغم وهي تشعر بالخجل يشتعل بها اخذت منه الطعام وزجاجات البيبسي والعصير وضعت البعض بالثلاجة واتت بالبيبسي على الطاولة وضعته بالكأس وجهزت الطعام وهو يتابعها بنظرات سعادة وتعجب بآن واحد
-نغم انتي تعبانة ليه عملتي كدا
نغم بخجل
-من قبل متجوز او اتخطب كنت بحلم بحاجة زي كدا...اني اقعد مع شخص بحبه على ترابيزة بالمنظر دا ونتكلم في تفاصيل يومه...لحد مشوفت الشخص دا في احلامي حبيته جدآ
نظرت لرحيم ولقد تغيرت ملامح وجهه كليآ لينظر لها بجدية
-انا هدخل اريح شوية علشان تعبان....كلي انتي
اتى ليدخل للغرفة حتى لا يضايقها برد فعله وهي ابتسمت رأت غيرته عليها حتى من مجرد حلم امسكت بيده
-رحيم....
نظر لها ونظر ليدها
نغم ابتسمت
-انا خلصت رسم الشخص اللي كنت بحلم بيه واللي كنت بدعي ربنا يرزقني بيه....مش بس علشان ينقذني من كل مشكلة كعادته في احلامي..علشان هو الشخص اللي بيفهمني واللي لما احتاجله قبل مفكر اني الجأله بلقيه جنبي...
رغم غيرة رحيم الشديدة الا انه صمت يريد ان يرى من الذي اغرمت به تلك الفتاة حتى انها تتحدث امامه غير مراعاة له
مدت له نغم الورقة ليمسكها رحيم وتتسع عيناه بذهول
-نغم؟..دا....
نعم ابتسمت بعشق
-انت يا رحيم....احلامي ما هي الا هروب من الواقع وانت كنت ومازلت اجمل واقع....كنت في احلامي بتنقذني من الكوابيس وفي واقعي انقذتني من كريم ومن حاجات كتير....حتى من العجز....يمكن الأحلام كنت انا بس الل عايشة فيها بس الواقع احنا الأتنين فيه صدقني يا رحيم....انا حبيت الواقع دا اكتر من اي حلم
لم يشعر رحيم بنفسه الا وهو يضمها بقوة
-حاسس انك جزء مني حاسس انك حتة مني وبجد مش ببالغ حاسس اني اتوجدت علشان عبادت ربنا و.... علشانك يا نغمي
نغم صمتت ونظرت له بذهول وهي تتذكر صوته بأحلامها "لا ادري اشعر اني خلقت للعبادة ولحمايتكي" ابتسمت كثيرآ وحكت له ما حلمت به ليبتسم وهو يشعر بالتعجب كيف ان هذا القدر غريب جمعهما ولو حتى عن طريق الأحلام هي مختبئة بحضنه مغمضة عيناها اجل لقد سلمت له روحها وقلبها ومن غيره يمكنها ان تأمن له!!فهو رحيم بقلبها قبل اي شيئ حقآ هو رحيم....

كانت تهرب من واقعها بالأحلام وغفلت عن اجمل واقع رزقت به عن شخص يحيها حقآ وليس اي شخص انه رحيم الذي جعل الله به رحمة لمن حوله من عائلته او غيرها لم يعد يوجد شخص مثله ابدآ شخص لم يغيره شيئ ولم يتكبر على مساعدة غيره الى اي مدى سيصل عشقك بقلبها من بعد الأن يا رحيم!!

#رواية_عندما_تتنفس_الكتب
للكاتبة/ندى محسن ♕Noody♕
#Nada_Mohsen

يوسف دلف للغرفة الموجود بها رشدي وجده معلق كما هو وجهه شاحب اجل هو على وشك الموت قطع الحبل ليسقط بالأرض ويقتربا حاجباه في الم ليسمع صوت يوسف يتحدث
-مش عارف والله انا جيت لواحد زيك ليه مكنت اسيبك تموت زي الكلب
رشدي نظر له وهو يتنفس بصعوبة القى يوسف زجاجة المياه امامه والقى الطعام كان يعامل الكلاب افضل من معاملته سريعآ امسك رشدي الزجاجة وشرب كل ما بها وتساقطت دموعه بألم وندم من هذا الذل والإهانة اخذ يأكل ويشرب ويوسف ابتسم بسخريه اشار له على الباب
-الباب مفتوح وانت ليك الخيار هنشوفك في اي حتة هنخلص عليك بأبشع الطرق تخافي فاااااهم الشقة اللي عند اهل نسرين تسيبها وتاخدلك مكان في اي داهية يلة انت فاهم
رشدي نظر له ومسح دموعه وهو لا يقوى حتى على الكلام
ذهب يوسف وهو يشعر بالإرهاق وحسم امره
-بكرا هروح على الجهاز لازم اتكلم مع اللوا جلال...لازم.....الموضوع دا لازم اخلص منه...

#رواية_عندما_تتنفس_الكتب
للكاتبة/ندى محسن ♕Noody♕
#Nada_Mohsen

نسرين استفاقت وابتسمت عندما التقت عيناها بعيناه
-صباح الخير
كاسر ابتسم بحب
-صباح الجمال
نسرين جلست ورأت الممرضة بجواره تعجبت والممرضة تضع له المحلول نظرت له بقلق
-انت كويس؟
كاسر هز رأسه بإيجاب
-متقلقيش انا كويس
ذهبت الممرضة بعد ان انتهت
نسرين اقتربت قبلت وجنتيه
-هروح اجيبلك اكل
كاسر ابتسم وهز رأسه بإيجاب
-چو برا اكيد متحركش ناديه بس وانا هقوله على اللي انتي عايزاه
نسرين هزت رأسها بإيجاب وبالفعل خرجت وجدته ودلف لكاسر اخبروه ماذا يريدون وذهب
نسرين اقتربت بجوار كاسر
-حاسس بإيه
كاسر ابتسم
-حاسس اني بحبك....
نسرين ضحكت
-كاسر...
كاسر ابتسم ونظر لها وهو يرى ارهاقها
-نسري...روحي لباباكي ولمامتك اقعدي معاهم بلاش ترهقي نفسك
نسرين هزت رأسها بنفي
-مش برهق نفسي يا كاسر صدقني....انا راحتي معاك
كاسر تنهد ونظر لها
-يعني دا اخر كلام
نسرين هزت رأسها بإيجاب
-اه اخر كلام
كاسر تنهد وهو يفكر بشيئ...

يوسف اخبرهم انه سيذهب لمشوار هام وبالفعل ذهب للواء جلال
-باشا ازيك...
جلال ابتسم ووقف يرحب به برسميه
-اقعد يا سيادة الرائد ولا نقول مقدم مبروك الترقية
يوسف ابتسم وسريعآ ما اختفت ابتسامته
-انا عايز ارفع قضية.....
جلال بتعجب
-قضية!
يوسف هز رأسه بإيجاب
جلال ضحك بتعجب
-ويا ترى على مين انت اللي مش عاجبك في ثواني يكون بين ايديك
يوسف هز رأسه بنفي وتفكير
-اللي مش عاجبني دلوقتي اعلى مني....وهو ابدآ مش كويس....انا لجأتلك لأني المرة دي محتاج مساعدتك وهقولك كل حاجة...

مر اليوم والطبيب يطمأن على حالة كاسر من وقت لأخر ونسرين ذهبت لجميلة مع يوسف
يوسف كان يتابع جميلة واقترب
-حبيبتي في حاجة بتوجعك؟
جميلة هزت رأسها بنفي
-لا يا چو الدكتورة على طول بتديني مسكن علشان متألمش
يوسف ابتسم وهز رأسه بإيجاب
نسرين وقفت
-انا هروح لمازن
وقفت وسارت بإتجاه غرفة كاسر قبل ان تفتح الباب وجدته يفتح ونظرت بصدمه......

#رواية_عندما_تتنفس_الكتب
للكاتبة/ندى محسن ♕Noody♕
#Nada_Mohsen

محمد وجد نسمة شاردة اقترب جلس بجوارها..
-ايه يا نسمتي
نسمة ابتسمت بقلق
-محمد....
محمد نظر لها بتعجب
-ايه يا قلبي
نسمة مدت له هاتفها
-خد...
محمد تعجب
-ايه دا
نسمة بقلق
-دي المحادثات... اللي كانت بيني وبين كريم
محمد نظر لها بذهول وتعجب
-وليه بتديهالي وليه محتفظة بيها
نسمة هزت رأسها بنفي
-مش محتفظة مكنتش فكراها اصلآ....انا....
محمد امسك بيدها قربها من شفاهه وقام بتقبيلها ووضع الهاتف بها
-لا يهمني اقرأ ولا يهمني المكتوب فيها ولا يهمني اي حاجة فاتت....بحبك
نسمة ابتسمت والدموع اجتمعت بعيناها
محمد قرب يده منها وضها على وجنتيها
-ليه الدموع دي ليه؟؟
نسمة بألم
-ندمانة على اني عرفت قذر زيه....وندمانة على اني اتكلمت معاه يوم وانا عارفة انها علاقة محرمة ندمانة اوي يا محمد...(بكت بحزن)وربنا خلاني اتوجعت بكرمه رزقني بواحد زيك يا محمد انت احسن عوض من عند ربنا...
محمد ملامحه متأثرة بها اجتمعت الدموع بعينه وهو يمسح دموعها
-بطلي تعيطي...ارجوكي كفاية بلاش عياط...
نسمة نظرت له بذهول هل يحبها لهذه الدرجة ماذا فعلت كي يجازيها ربها به ابتسمت كثيرآ وضمته بقوة
-انا بحبك اوي متضايقش....
محمد ابتسمت وهو يضمها
-والله انا اللي حبيتك من اول مرة وازاي محبكيش وانتي نصيبي الجميل اللي ربنا مختارهولي....

رجاء بغيظ
-خليكي يا زهرة قاعدة
زهرة ضحكت
-انتي يا ست انتي عايزة ايه هو لأما اطبخ معاكي لنسمة ورحيم لأما ابقى وحشة مكل واحد يعمل اكله الله بقى
رجاء بغيظ
-دا انتي رخمة اهلهم هيجوا عيب بقى كدا ويلا نحضر الأكل اهلهم هيجوا بكرا يا زهرة وعايزة كل حاجة تبقى جاهزة فنبدأ من دلوقتي
زهرة هزت رأسها بإيجاب وقامت بمساعدتها.....

#رواية_عندما_تتنفس_الكتب
للكاتبة/ندى محسن ♕Noody♕
#Nada_Mohsen

نسرين بذهول
-انت ايه اللي عامله دا يا كاسر رايح على فين كدا لابس كدا ليه ورايح فين
كاسر نظر لها وهو يرتدي بنطال اسود وتيشيرت اسود يبرز عضلاته
-مش هقعد تاني هنا اتخنقت هنروح هنروح لأهلك
نسرين نظرت له وفهمت انه رد فعل على عدم ذهابها
-مازن متضايقنيش
ناتاشا اقتربت منه
-كاسر حبيبي مينفعش تخرج....
كاسر نظر لها ونظر لنسرين
-ناتاشا....
ناتاشا نظرت له
-ايه....
كاسر وهو يفكر
-بعدين....هنتكلم بس بعدين
ناتاشا وقفت امامه
-انا هروح فين يا كاسر..
كاسر بهدوء
-قصر العميري متغيرش لسة موجود وعليه حراسة وفاطمة موجودة
ناتاشا بدموع
-راجو متهور ومجنون...ويمكن عمل حاجات كتيرة وحشة بس هو مش زي لويس...انا عايزة اخويا يا كاسر عايزة اللي باقيلي....
كاسر نظر لها وشعر بالحيرة...
-بعدين يا ناتاشا....
كاسر خرج ونسرين خلفه تتحدث قابله يوسف
-على فين يخربيتك انت ايه الي قومك
كاسر بضيق
-هروح معاها عند اهلها...عايز اشوف فهد واشوف جميلة ممكن
يوسف هز رأسه بإيجاب وذهب لفهد
فهد ابتسم عندما رأه وتعجب
-كاسر....انت ايه اللي قومك انت مش تعبان
كاسر بهدوء وهو يكتم الألم الذي يشعر به
-كويس جروحي بتلتأم بسرعة متقلقش
دلف طبيب كاسر في هذه اللحظه بغضب
-انت هتجنني انت عارف اللي عملته دا يسمى ايه دي مخاطرة بحياتك انت موجود هنا علشان لو حصل اي مضاعفات نسعفك انت ممكن تموت من الألم بس
نسرسن نظرت له بضيق وقلق
كاسر بهدوء
-الحقنة المسكنة انا ممكن اخدها ممكن هي تديهالي مراتي بتعرف
نسرين نظرت له وتذكرت عندما هبطت لشقة رشدي كي تعطي كاسر حقنة في بداية تعرفهم لم يكن كاسر يقصد شيئ ولكنه جعل نسرين تشعر بالحزن.....
اطمأن كاسر على جميلة ويوسف صمم ان يوصله وهبط ليأتي بالحقن المسكنة لكاسر تفاجأوا زينب وعادل بوجودهم ولكنهم كانوا سعداء اقتربت زينب ضمت نسرين بحب وسعادة
-حبيبتي ادخلي يا روح قلبي حمدلله على السلامة
عادل نظر لكاسر وهو لا يشعر بالراحة تجاهه
-انت ايه اللي جابك
نظرت نسرين له ليتابع حديثه
-اقصد ايه اللي جابك وانت تعبان
كاسر ابتسم بهدوء
-مش ممكن اسيب مراتي تيجي لوحدها
عادل بإنفعال
-ليه هي جاية في الشارع ولا ايه
كاسر صمت وهو لا يتحمل الخوض بأي نقاش
زينب وهي تحاول التخفيف من حدة الموقف اقتربت من كاسر بحنان
-تعالى يا ابني ارتاح جوا اوضة الضيوف جاهزة واعتبروها اوضتكوا
كاسر نظر لغرفة نسرين وتذكر عندما دخلها وعندما كانت ينتظرها وهو امامها في النافذة ابتسم
-عايز ابقى في اوضة نسرين
زينب لاحظت نظراته وابتسمت
-اتفضل يا حبيبي بس اوضة نسرين اصغر
كاسر امسك بيد نسرين وهي دلفت معه للغرفة الباب دق وعادل فتح ويوسف مد له حقيبة
-دول حاجات بسيطة علشان لو كاسر حب يغير هدومه
كاسر ابتسم
-شكرآ يا چو...
يوسف نظر له بغيظ
-وفرهولك الشكر نسرين في اي وقت الواد اللي ماشي بدماغه دا تعب ولا حصله حاجة كلميني
نسرين هزت رأسها بإيجاب وكاسر ينظر له بإستفزاز
دلفوا لغرفتهم وهو يحاول الجلوس ببطئ وهي تتابع الألم على وجهه ابتسم بوجع
-بقيت مكسح...
ضحك وهي قلقة جلس وهو يكتم المه بين شفتيه تحدثت بقلق
-كاسر...خلينا نرجع المستشفى
كاسر هز رأسه بنفي
-انا كويس...قولتلك كويس لو تعبان هقول....
عادل دق الغرفة عليهم فتحت نسرين وابتسمت
-نعم يا بابا
عادل بحنان
-هتناموا دلوقتي؟
نسرين هزت رأسها بنفي
-انا مش هنام بس هشوف مازن لو هينام
عادل هز رأسه بإيجاب
-طيب ممكن تيجي تقعدي معايا شوية
نسرين ابتسمت وهزت رأسها بإيجاب وكاسر ابتسم وهز رأسه هو يعلم كم يعشق هذا الرجل لأبنته
دلفت لكاسر ونظرت له
كاسر ابتسم
-روحي يا نسرين انتي وحشاه بس ليا طلب يمكن غريب...بس عايزك تنفذيه....ممكن...
نسرين هزت رأسها بإيجاب
-اكيد يا كاسر اطلب اللي انت عايزو
كاسر امسك بيدها
-مش عايزو يحضنك او يبوسك مبحبش كدا
نسرين تعجبت
-مين اللي يحضني او يبوسني
كاسر تنهد وهو يعلم انه يخطأ ولكن ماذا يفعل هو يشعر بالضيق
-عمي عادل
نسرين بذهول وعدم تصديق
-ولزمتها ايه عمي عادل دي متقول ابوكي ولا هتعقلك...انت مجنون يا كاسر دا ابويا
كاسر بضيق
-هو دا طلبي يا نسرين بتخنق مش عايز اي راجل يضمك او يبوسك طب اعمل ايه بتخنق عارف انه مش صح بس بحس بخنقة انتي خاصة بيا زي منا خاص بيكي
نسرين نظرت له بعدم اقتناع وخرجت ليتنهد بندم
-غلطت لما كلمتها؟؟
زينب ابتسمت واشارت لها ان تجلس جوارها فسحبها عادل لتقع على قدمه
-دي هتفضل في حضني زي مكانت دايمآ
نسرين نظرت له وابتسمت كثيرآ ضمته وهو نظر لزينب وابتسم
-زيزي هتيلنا مانجا هي بتحبها
ابتسمت زينب واسرعت بجلب المانجا وبعض الفواكهه المحبة لقلب نسرين
عادل بدأ يأكلها بيده وضع يده على بطنها وهو سعيد
-حبيبي كل براحتك يا روح جدو انت تيجي بالسلامة
نسرين ضحكت وهو يأكلها لتنظر له بطفولية وكأنها عادت طفلة من جديد
-يا بابا بعرف اكل
عادل ضحك
-ولو يا روح بابا انا بردو بعرف ءأكلك ودلوقتي هأكلك واكله كمان حبيب جدو هتسميه ايه يا نسري
نسرين وهي تتذكر حديث كاسر عندما اتصاب
-صقر
عادل بتعجب
-اشمعنا
نسرين ابتسمت
-كاسر عايز اسم صقر
عادل ابتسم وهز رأسه بإيجاب قبل جبينها وزينب اعدت لها العصير ونسرين امسكت بيدها
-اقعدي بقى كلي واشربي معانا من ساعة مقعدت وانتي عمالة تجيبي في حاجات
زينب ابتسمت
-يا قلبي بألف هنا وشفا كلي انتي محتاجة تتغذي
لم يكف عادل عن اطعامها وهما يضحكان الثلاثة سويآ ليقاطعهم صوت غاضب
-نسرييييييييييين
نسرين انتفضت دون ارادة ونظرت لكاسر بغيظ
-ايه خضتني
اقترب كاسر بضيق وغضب سحبها بعنف
-تعالي معايا
عادل بتعجب
-ايه انت ماسكها كدا ليه اهدى عليها
زينب بتفاجأ
-ايه يبني في ايه
كاسر وهو يحاول ان يبقى هادئ
-قولتيلها متعملش حاجة وهي غاوية تعاندني عايز اتكلم معاها
اخذها لغرفتها واغلق الباب نظر لها بغضب
-ايه اللي انا شوفته دا
نسرين بتعجب
-شوفت ايه يا كاسر كنت باكل وانت خضتني انا مش فاهمه في ايه انت بالشكل دا ضايقتهم ازاي تسحبني بالطريقة دي وبالشكل دا وتعلي صوتك كدا
كاسر اقترب منها فجأة وهو يتحمل المه بصعوبه امسك كتفها بقوة وهو يتحدث من بين اسنانه
-لييييييه بتعاندي قولتلك متخليهوش يحضنك ولا يبوسك الاقيكي في حضنه وقاعده على رجله انتي ايه غبية ولا بقرة مبتفهميش
نسرين ابعدت يده بخفوت ودموع تحاول السيطرة عليها
-انت بتتكلم بجد ولا بتهزر..دا ابويا ومش اول مرة انا دايمآ بقتد في حضنه لأني ببقى فرحانة وبحس بالأمان...انا افتكرتك بتهزر انت مجنون؟
كاسر والمه يتحكم به امسك شعرها بقوة
-نسرييييين
لم يريد الضغط على شعرها لم يريد ان يؤلمها لكن المه جعلت يداه تقبض على شعرها بقوة لتشهق بألم وتضع يدها على فمها لتكتم صوتها تساقطت دموعها وهي تأن بألم تدعوا ان لا يسمعوها والا لن يمر هذا مرور الكرام
نسرين بألم وخفوت نظرت له
-ك.....
لم تكمل وهي تكتم المها
-كفاية......
استوعب ما يقم به وتركها لتمسك رأسها بألم وتمسك شعرها بدموع تنظر له وركضت لأخر السرير نامت ووضعت الغطاء عليها لتنهار بالبكاء بصمت وهو نظر ليده بعدم استيعاب وجد بها الكثير من الشعر انه شعرها الحريري نظر لها بذهول والمه يطغى عليه لقد اخطأ بخروجه من المستشفى لم يعد يحتمل يريد التخلص من هذا الألم يريد ان يرتاح امسك حقيبة العلاج ونظر لها اراد لو تشعر به لكنه المها هو اخطأ ولكنه يغار عليها حضنها هو ملكية خاصة له هو فقط هو لا يقبل المشاركة قام بتعبئة الحقنة واخذ سلك ربط به يده وهو يعض على قطعة قماشة من شده الألم جلس على السرير وامسك الأبرة وغرسها بزراعه وقام بإفراغها يأمل ان يقل الألم لكنه يزداد وقف وهو يريد مصالحتها لكنه لم يقدر الباب دق وكانت زينب التي تجاهد لجعل عادل يهدأ من قلقه عليها
-نسرين حبيبي مش عايزين حاجة؟
نسرين مسحت دموعها وحاولت جعل صوتها طبيعي
-لا يا ماما تسلمي...بتكلم انا ومازن شوية بس....
نظرت لكاسر بدموع وغضب ولكنها رأت وجهه الشاحب والسلك المربوط على يده والأبرة بجواره شهقت بصدمه وانتفضت من مكانها امسكت بزراعه بحرص
-انت عملت ايه....يا لهوي انت عملت ايه....كاسر انت اديت لنفسك الحقنة انت اتجننت افرض حصل حاجة انت حاسس بإيه اتكلم...
كاسر ارجع ظهره للخلف وفرد جسده وقد ارهقه الألم
-مرهق...
نسرين امسكت بيده
-طيب نروح المستشفى طيب...خليني اكلم چو
اقتربت لتأخذ الهاتف لكنه سحبها
-لا....وبعدين اسمه يوسف انتي متقوليش چو....انا هبقى كويس
نظرت له بحزن وقبلت يده
-ان شاء الله هتبقى كويس....
كاسر نظر لها ولقلقها عليه الذي جعله يلعن نفسه امسك بشعرها بلطف وقرب رأسها منه بهدوء قبل جبيها وضمها لتبكي هي بقوة وهو يدفن وجهها بكتفه لتهمس
-كنت عايزة اقعد معاهم زي زمان واحس احساس قبل متجوز....معملتش حاجة ليه عملت كدا...ليه قاسي عليا بالشكل دا...ليه؟
كاسر قبل وجنتيها
-بحبك...وبغير عليكي حضنك دا حاجة خاصة بيا واسف والهي مكنت اقصد اني اشد شعرك ابدآ انا كنت ماسكك لما انفعلت والألم اتحكم فيا خلاني فقدت السيطرة على نفسي سامحيني ارجوكي...
نسرين ابتسمت بحزن
-كاسر..انا مبحبش انك تعاملني بالطريقة دي....انا مبعاندكش بس انت مش كل اللي بتعمله بيكون صح...
كاسر هز رأسه بإيجاب وهي ابتسمت قبلت جبينه
-ارتاح يا حبيبي يلا..تصبح على كل خير
ابتسم كاسر واغمض عينه وهو يضمها لتبتسم وتفكر بهذا الكاسر الغريب....

#رواية_عندما_تتنفس_الكتب
للكاتبة/ندى محسن ♕Noody♕
#Nada_Mohsen

مرت ايام تحسن كاسر ولكن مازال يشعر ببعض الألم ويوسف يوميآ يأتي ليجلس معه وجميلة وفهد حالتهم اصبحت افضل وخرج فهد من المستشفى ويوسف اصر على بقاء جميلة حتى تشفى تمامآ
نسرين ابتسمت وهي تأخذ شوربة الخضار ملأت الملعقة وقربتها من فم كاسر
-افتح بؤك يلا هم يا جمل
كاسر اكل وقهقه ضاحكآ
-يا بنتي انا لو طفل مش هتعملي اللي بتعمليه دا خفي شوية يا نسري
نسرين ظلت تطعمه
-وايه يعني وبعدين بابا وماما مش هنا بابا في الشغل وماما في السوق
كاسر غمز لها
-ودا وقته يا نسري للأكل في حاجات اهم
نسرين بتعجب
-زي؟
كاسر وقف واقترب منها
-زي قلة الأدب مثلآ
نسرين شهقت وقامت بحرقه بملعقة الطعام الساخنة بفعل الشوربة ليبتعد بألم وينظر لها بغيظ وظهره المه ايضآ
-ااااه.. ااااه يا غبية
نسرين بإستفزاز
-انت واحد قليل الأدب ايه ذنبي انا وابنك نستحمل
كاسر نظر لها بذهول وغيظ سحبها ليضمها
-بقى كدا
نسرين نظرت له وليده
-كاسر....
كاسر بتعجب
-ايه ممنوع احضن مراتي كمان؟
نسرين بخجل
-هو انت هتطلق ناتاشا؟
كاسر نظر لها قليلآ وهو صامت لتشعر بالغيرة
-كاسر انت مش عايز تطلقها؟؟عايزها تبقى على ذمتك عايزها تبقى مراتك؟
كاسر هز رأسه بنفي
-اكيد مش كدا...فكرة انها على ذمتي فأنا ظالمها.. هطلقها بس مستني حاجة مهمة...
نسرين بتعجب
-زي ايه!
كاسر ابتسم
-هقولك يا نسري....

#رواية_عندما_تتنفس_الكتب
للكاتبة/ندى محسن ♕Noody♕
#Nada_Mohsen

ناتاشا بضيق
-انا اتخنقت من قعدة المستشفى دي
يوسف بضيق
-روحي القصر
ناتاشا بإنفعال
-مش طاايقة
جميلة نظرت لها
-استني لما نخرج وتعالي معانا
ناتاشا ادارت وجهها وخرجت رأت طبيبان اعتادت ان تراهم دائمآ لا تعلم اهي صدفة ام ماذا ولكنها لم تهتم سارت ليتحدث احد الأطباء وهو يدعى خالد لصديقه
-يونس....
يونس لم ينتبه له ونظره موجه لناتاشا
خالد نادى عليه بصوت عالي لينتبه له يونس
-ايه يا خالد في ايه
خالد ابتسم
-متروح وتكلمها يا عم انت بدل اللي انت فيه دا
يونس ابتسم بتفكير
-من اول يوم جات فيه هنا هي حزينة اوي...يا ترى ليها مين هنا....
خالد ابتسم
-روح يا حبيبي كلمها واعرف وبعدين دا واجب عليك مش ممكن تكون محتاجة لمساعدتك كدكتور
لم يكن حديث خالد مقنع ولكن يونس اقتنع به وبسرعة ذهب خلف ناتاشا
-لو سمحتي استني....
ناتاشا التفتت نظرت له بتعجب
يونس بحيرة وقد شعر بالإحراج
-اصل....انتي محتاجة اي مساعدة؟
ناتاشا مسحت دموعها التي باتت تتنمر عليها
يونس بإنزعاج
-طيب قوليلي لو في اي دكتور عايزاه او اي حد مصاب انا صحيح دكتور نفسي بس اقدر اساعدك...صدقيني....
ناتاشا نظرت له
-انت دكتور نفسي بجد!
يونس هز رأسه بإيجاب
ناتاشا بتفكير
-طيب...انا عايزة اكشف
يونس بتعجب
-ايه
ناتاشا بتشتت
-اقصد عايزة اتكلم معاك ممكن...
يونس ابتسم كثيرآ
-ممكن طبعآ اتفضلي معايا.....
خالد رأه وابتسم وهي يشعر ان صديقه ينجذب لتلك الفتاة ....

#رواية_عندما_تتنفس_الكتب
للكاتبة/ندى محسن ♕Noody♕
#Nada_Mohsen

نغم اطعمت مريم ورحيم اقترب منها ضمها وهي ابتسمت بخجل قبل وجنتيها
-حبيبي عامل ايه
نغم ابتسمت بخجل
-الحمد لله يا حبيبي
رحيم ابتسم كثيرآ سمعوا الباب يدق ذهب وفتح وجد امامه جمال لينظر له بغضب
-انت عايز ايه تاني
جمال وهو يحاول ان يبقى هادئ
-عايز اتكلم معاك بعقل ممكن نتكلم بعقل ولا هتتجنن
رحيم بغضب
-شوف بردو بيقل ادبه ازاي يعني انت عايز تتربى
جمال تنهد بهدوء
-معلش استحملني شوية يا اخي ممكن؟
رحيم بضيق
-ثواني
دلف لنغم
-حبيبتي ادخلي الأوضة وخدي مريم معاكي جمال هنا وعايزنا نتكلم فمتطلعيش
دخلت نغم لغرفتها وهو سمح لجمال بالدخول فجلس ونظر لرحيم
-انت ناوي تفضل واخد بنتي مني
رحيم نظر له بهجوم
-في فرق انا مخدتهاش انت اللي سيبتها انا فجأة لقيتها مسؤولة مني
جمال نظر له بخبث
-حبيبتي ريم كانت بتحكيلي ساعات كتيرة عنك طيب وجدع وتعرف ربنا معقول هتكتب واحدة مش بنتك على اسمك؟معقول تسمح بإختلاط الأنساب دا مش محرم بردو ولا انا غلطان
رحيم وقف ونظر له بهجوم
-انت اخر واحد تتكلم عن الحرام والحلال فاااهم انت واحد ز....
صمت رحيم ونظر له بغضب واعاد الحديث
-الكل عارف انها مش بنتي وهي نفسها هتعرف انها مش بنتي...انا مغلطتش في حاجة غير اني نفذت وصية ريم انها تتكتب على اسمي...
جمال تنهد ووقف امامه
-انا مش عايزها ولا عايزها على اسمي...انا عايز حاجة واحدة بس...
رحيم نظر له وهو يزيد كرهه لذلك الحقير يود لو يقتله....
تابع جمال الحديث بشرود وتريس كعادته
-انا بس عايز اشوفها وقت مطلب اشوفها....
رحيم اجابه دون رضا
-لو توقيتك مناسب لتوقيتي تمام...
جمال هز رأسه
-عايز اشوفها دلوقتي..
رحيم دلف لغرفتها اخذها من نغم وخرج حملها جمال وهو يتأملها وهي فتحت عيونها نظر لها وابتسم فتحت فمها وهي تلمس وجهه بيدها كانت بريئة للغاية كانت جميلة ابتسم على مظهرها واقترب يريد ان يقبلها ولكنه توقف فجأة منع نفسه واعطاها لرحيم واسرع بالخروج الدموع اجتمعت بعينه ركب سيارته الفارهه هامسآ
-البنت دي مش....مش هتعمل حاجة غير انها هتجيبلك المشاكل وتعرك يا جمال فوق بقى...انت متعلقتش ولا هتتعلق بحد....انت جمال الدسوقي اللي محدش...محدش يقدر يتحكم في مشاعره...
قاد سيارته بسرعآ هاربإ من مشاعره قبل اي احد...
نغم ابتسمت
-مشي...
رحيم هز رأسه بإيجاب واقترب من مريم قبلها مرة بعد مرة وضمها بقلق
-ربنا يحميكي...ربنا يحميكي من كل سوء وكل وجع يا قلبي انتي...

#رواية_عندما_تتنفس_الكتب
للكاتبة/ندى محسن ♕Noody♕
#Nada_Mohsen

يونس سمعها للنهاية وشعر بشعور غريب هي متزوجة هي مرت بأشياء لم يتخيلها احد..
ناتاشا نظرت له
-انت مبتتكلمش ليه... هل انا غلطانة.. هل استحق يحصل معايا كل دا!؟
يونس نظر لها وابتسم
-تستحقي...
ناتاشا نظرت له بدموع
يونس ابتسم بهدوء
-تستحقي ربنا يبتليكي علشان يخلص من عندك ذنوب كتير... بس تصبري
ناتاشا نظرت له بتركيز
يونس ابتسم وهو قد شرد بها وهمس سرآ وهو يزداد اعجابه بتلك الفتاة بشكل ملحوظ بل شعر بالخوف عليها...ليهمس لنفسه..
-وماله يا دكتور.... وماله

#رواية_عندما_تتنفس_الكتب
للكاتبة/ندى محسن ♕Noody♕
#Nada_Mohsen

زهرة تجلس مع نغم في شقتها بعد ان ذهب رحيم للعمل اجل لقد عاد لعمله بنشاط وحيوية بسبب نغمه..
نغم قبلت مريم ونظرت لزهرة
-هدخل اخد شاور سريعآ كدا هااه وسيبي الباب مفتوح بتاع الشقة علشان نسمة المفروض عايزانا زمانها طالعة
زهرة هزت رأسها بإيجاب واتت لتأخذ مريم لتحذرها نغم
-مش عايزة بوس هااااه مش عايزة اسمع صوت عياطها
زهرة ضحكت وهي تهز رأسها
-عيب عليكي اتطمني
نغم نظرت لها بشك وذهبت
زهرة تجلس وهي تلعب مع مريم
عبد الرحمن اقترب ورأها في هذا الوقت لا يعلم لماذا وقف تسمر جسده للمرة الأولى يرى شعرها للمرة الأولى يراها تلك الهيئة اللطيفة
مريم بكت ونغم من داخل الحمام صرخت بزهرة
-زهرررررة
زهرة ضحكت ووقفت وهي تحمل مريم
-خلاص هبطل بوس فيها يا ستي اهدي بق....
لم تكمل جملتها حتى تصادمت عيناها بعينان عبد الرحمن نظرت حولها لم تجد حجاب ذهبت لغرفة الأطفال وهو شعر بالإحراج وضعت زهرة مريم على السرير واخذت احدى المفارش على الطاولة وضعتها على شعرها وهي غاضبة من عبد الرحمن كثيرآ التفتت وجدته خلفها......

#استودعكم_الله




موعد البارت الجديد الساعة ( 6 م ) يوميا ان شاء الله 

هنا تنتهى احداث رواية عندما تتنفس الكتب الحلقة الحادية والثلاثون ، يمكنكم اكمال باقى احداث رواية عندما تتنفس الكتب الحلقة الثانية والثلاثون  أوقراءة المزيد من الروايات المكتملة فى قسم روايات كاملة .

نأمل أن تكونوا قد استمتعتم بـ رواية عندما تتنفس الكتب ، والى اللقاء فى حلقة قادمة بإذن الله ، لمزيد من الروايات يمكنكم متابعتنا على الموقع أو فيس بوك ، كما يمكنكم طلب رواياتكم المفضلة وسنقوم بوضعها كاملة على الموقع .
تعليقات



حجم الخط
+
16
-
تباعد السطور
+
2
-