نقدم اليوم احداث رواية عشق القاسي الفصل السادس عشر من روايات قطره حياة . والتى تندرج تحت تصنيف روايات رومانسية ، تعد الرواية واحدة من اجمل الروايات رومانسية والتى نالت اعجاب القراء على الموقع ، لـ قراءة احداث رواية عشق القاسي كاملة بقلم قطرة حياه من خلال اللينك السابق ، أو تنزيل رواية عشق القاسى pdf كاملة من خلال موقعنا .
عشق القاسى الفصل السادس عشر
عشق القاسي
الفصل السادس عشر
في بيت اول مرة نزوره
يجلس رجل في بداية عقده الرابع
سمير : هههههههههههههههههه جدع لاخوه زمان ياسين باشا راكباه العفاريت دلوقتي
علي احد رجاله: اكيد يا باشا بقالنا 3 شهور مش عارفين ناخد راحتنا وكاتم علي نفسنا
سمير بأبتسامة: متقلقش هتروق وتحلي المهم شوف الراجل بتاعك عاوز اعرف كل حاجة عنه في اقرب وقت
علي : حاضر يا باشا
سمير : صحيح هو سعيد راح فين
علي: في المطعم لانه من زمان مرحش فرايح يطمن علي الشغل
سمير : اها ماشي روح انت
علي : عن اذنك يا باشا
دخلت فتاة في بداية الثلاثنيات يظهر علي وجهها الانكسار والضعف والخوف
مني: سمير ماما وحشتني اوي من زمان مرحتلهاش وعليا كل يوم تكلمني تتحايل عليا اروح لهم هي لسه صغيرة
سمير باستهزاء : خلصتي وصلة الصعبنيات بتاعتك
مني تهز راسها باسي والدموع مالية عنيها
سمير: طيب مفيش روحة في حتة اللي هما عاوزينه بيروح لهم لكن انتي لا خلي بالك من اللي في بطنك وخلاص
مني بدموع : ليه بس
سمير بحزم : مزاجي ومتعيطيش واخفي من قدام وشي دلوقتي
مني مشيت منكسرة
سمير : مقدرش اسيبك تروحي اخاف تروحي وتوديني في داهية
مني في اوضتها بتعيط " الله يسامحك ليه بتعمل فيا كده والله ما كنت هسمع كلامها ولا ابلغ عنك انا بحبك والله وانا عارفة انك انسان مقرف وقتال قتلة"
وفضلت تفتكر لما اكتشفت بالصدفة وهو بيكلم سمير عن صفقة اسلحة وراحت حكت لمامتها اللي انصدمت وكلمته وبهدلته وراح اخد مني غصب عنها وهددهم لو اتكلموا مش هيشفوها طول عمرهم
//////////////////////////
في بيت منال
تليفون مراد بيرن
مراد : الو ....... ايوا يا رضا ……..لا والله خلاص ماشي نص ساعة واكون هناك ان شاء الله .......ماشي سلام
عائشة: خير في حاجة
مراد: اه شغل فجأة كده الموضوع كله ساعتين بالكتير واجي ان شاء الله
عائشة: ماشي يا حبيبي ربنا يسهلك
مراد: يارب ابقي وصل ماما انت بقي يا ياسين
ياسين: اكيد يعني من غير ما تقول
مراد: يلا مع السلامة
الجمميع : مع السلامة
////////////////////////
في فيلا سمير بركات
سمير : يا هلا هلا باللي رافع راسي ومشيب بعبع الدخلية
سعيد : هههههههههه تربيتك يا كبير
سمير : زمانه هيجيله جلطه دلوقتي المهم تممت اللي اتفقنا عليه
سعيد : اه الميعاد كمان شهرين
سمير: حلو هنكون رتبنا امورنا كلها وهتحلو
سعيد بسرحان : اها هي حلوة اوي
سمير بخبث: هي ايه دي اللي حلوة
سعيد : ها لا ولا حاجة
سمير : علي اخوك ياد
سعيد : لا حقيقي ولا حاجة
سمير : ماشي بكرة تعترف
سعيد : غريبة فين مني مبقتش بشوفها خالص
سمير : هتكون فين يعني تلاقيها في اوضتها
سعيد: انت لسه حابسها ومش عاوزها تزور اهلها
سمير بحزن : اخر مرة ربنا ستر مش بعيد امها تخليها عندها وتلوي دراعي يا اطلقها يا تبلغ عني فخليها هنا احسن وبعدين ماهي بتكلمها في التليفون قدامي وده اخرها معايا
سعيد بخبث: ما تقول انك بتحبها وخايف تخسرها
سمير : والنبي بلاش كلام فاضي حب ايه وبتاع ايه
سعيد: ههههههههههه علي اخوك
سمير : قوم ياد من وشي
سعيد : ههههههه ماشي
////////////////////////////////
مرام وداليا
مرام: يلا بقي اشوفك بكرة ان شاء الله بس يارب افضل عايشة لبكرة هي متصلتش بيا عشانها في بيت عمي لكن انا عرفاها هتطين عيشتي
داليا : مانا قلتلك روحي انتي اللي صممتي تيجي معايا
مرام : ما هو اكيد يعني مش هسيبك تروحي لوحدك وانتي قاعدة معايا طول النهار
////////////////////////////////
في عربية ياسين
عائشة : معلش يا حبيبي تعبتك معايا وانت جاي من شغلك تعبان
ياسين : متقوليش كده يا طنط وتزعليني منك هو انا مش زي مراد ولا ايه
عائشة : اكيد يا حبيبي وربنا يعلم ربنا يحميك يارب
ياسين بابتسامة: تسلمي يا ست الكل صحيح يا طنط هي مرام روحت
عائشة: اكيد يا ابني زمانها روحت هتقعد ده كله برة ليه هرن عليها اشوفها
عائشة: الو
مرام: بتوتر: ايوا يا ست الكل
عائشة وهي سامعة صوت عربيات بعصبية : انتي لسه بره
ياسين عينه احمرت في ثانية من العصبية ومسك الدريكسون وفضل يضغط عليه عشان يفرغ شحنة عصبيته
مرام بتوتر : والله يا ماما دقيقة واحدة وهكون في البيت ولما اجي واحكيلك ايه اخرني هتعزوريني
عائشة بعصبية: اخلصي يا مرام ولينا كلام سوا لما نوصل
مرام : انا خلاص وصلت البيت اهو
عائشة بزهق : ماشي سلام
مرام : مع السلامة
ياسين بعصبية مكتومة: لسه برة لدلوقتي
عائشة بتبرير: معلش يا حبيبي مش عارفين ظروفها ايه اكيد لها سبب
ياسين: سبب ايه بس يا طنط اللي يخليها لدلوقتي برة البيت وهي مخلصة من 3 بقالها 4 ساعات مخلصة ايه بتعمل ايه كل ده
عائشة وهي مش عارفة ترد تقول ايه: اهو دلوقتي نعرف خلاص وصلنا
في بيت عائشة
مرام" ربنا يستر"
عائشة: ادخل يا ياسين تعال يا ابني
ياسين: اتفضلي حضرتك وانا هركن واجي
عائشة: ماشي يا حبيبي اركن وتعالي وانا هسيبلك الباب مفتوح
ياسين: حاضر
عائشة دخلت
ياسين بيحاول يمسك اعصابه قبل ما ينزل من العربية
عائشة: تقدري تقوليلي ايه اللي اخرك بقي
مرام : والله العظيم يا ماما رحنا اتغدينا زي ما قلت لحضرتك ولما قعدنا واخدنا راحتنا ونازلين مروحين علي 5 كده داليا افتكرت ان مامتها قايلة لها علي حجات تجيبها معاها فمينفعش لسه عزماني عشان خطوبتي ومتغدين سوا واروح واسيبها لوحدها
وبترفع صابعها وتحلف: والله العظيم الطلبات هي اللي اخرتنا
عائشة اخدت بالها ان ايد مرام مفيهاش الدبلة وبعصبية : انتي مش لابسة الدبلة ليه
ياسين سمعها واعصابه اللي هديت بقت نار تاني " وكمان قالعة الدبلة " صبرني يااااااارب
مرام بتوتر: نسيتها
قبل ما ترد عائشة نادي ياسين: يا طنط
عائشة: تعالي يا حبيبي اتفضل
مرام نزلت النقاب بسرعة
عائشة: اقعد يا حبيبي اقعدي يا مرام مع ياسين تشرب ايه يا حبيبي
ياسين بهدؤ: ولا حاجة يا طنط تسلمي
عائشة: لا يا حبيبي ميصحش
ياسين بابتسامة: خلاص شاي تقيل يا ست الكل
عائشة: من عنيا يا ابني
ياسين : تسلمي
الفصل السادس عشر
في بيت اول مرة نزوره
يجلس رجل في بداية عقده الرابع
سمير : هههههههههههههههههه جدع لاخوه زمان ياسين باشا راكباه العفاريت دلوقتي
علي احد رجاله: اكيد يا باشا بقالنا 3 شهور مش عارفين ناخد راحتنا وكاتم علي نفسنا
سمير بأبتسامة: متقلقش هتروق وتحلي المهم شوف الراجل بتاعك عاوز اعرف كل حاجة عنه في اقرب وقت
علي : حاضر يا باشا
سمير : صحيح هو سعيد راح فين
علي: في المطعم لانه من زمان مرحش فرايح يطمن علي الشغل
سمير : اها ماشي روح انت
علي : عن اذنك يا باشا
دخلت فتاة في بداية الثلاثنيات يظهر علي وجهها الانكسار والضعف والخوف
مني: سمير ماما وحشتني اوي من زمان مرحتلهاش وعليا كل يوم تكلمني تتحايل عليا اروح لهم هي لسه صغيرة
سمير باستهزاء : خلصتي وصلة الصعبنيات بتاعتك
مني تهز راسها باسي والدموع مالية عنيها
سمير: طيب مفيش روحة في حتة اللي هما عاوزينه بيروح لهم لكن انتي لا خلي بالك من اللي في بطنك وخلاص
مني بدموع : ليه بس
سمير بحزم : مزاجي ومتعيطيش واخفي من قدام وشي دلوقتي
مني مشيت منكسرة
سمير : مقدرش اسيبك تروحي اخاف تروحي وتوديني في داهية
مني في اوضتها بتعيط " الله يسامحك ليه بتعمل فيا كده والله ما كنت هسمع كلامها ولا ابلغ عنك انا بحبك والله وانا عارفة انك انسان مقرف وقتال قتلة"
وفضلت تفتكر لما اكتشفت بالصدفة وهو بيكلم سمير عن صفقة اسلحة وراحت حكت لمامتها اللي انصدمت وكلمته وبهدلته وراح اخد مني غصب عنها وهددهم لو اتكلموا مش هيشفوها طول عمرهم
//////////////////////////
في بيت منال
تليفون مراد بيرن
مراد : الو ....... ايوا يا رضا ……..لا والله خلاص ماشي نص ساعة واكون هناك ان شاء الله .......ماشي سلام
عائشة: خير في حاجة
مراد: اه شغل فجأة كده الموضوع كله ساعتين بالكتير واجي ان شاء الله
عائشة: ماشي يا حبيبي ربنا يسهلك
مراد: يارب ابقي وصل ماما انت بقي يا ياسين
ياسين: اكيد يعني من غير ما تقول
مراد: يلا مع السلامة
الجمميع : مع السلامة
////////////////////////
في فيلا سمير بركات
سمير : يا هلا هلا باللي رافع راسي ومشيب بعبع الدخلية
سعيد : هههههههههه تربيتك يا كبير
سمير : زمانه هيجيله جلطه دلوقتي المهم تممت اللي اتفقنا عليه
سعيد : اه الميعاد كمان شهرين
سمير: حلو هنكون رتبنا امورنا كلها وهتحلو
سعيد بسرحان : اها هي حلوة اوي
سمير بخبث: هي ايه دي اللي حلوة
سعيد : ها لا ولا حاجة
سمير : علي اخوك ياد
سعيد : لا حقيقي ولا حاجة
سمير : ماشي بكرة تعترف
سعيد : غريبة فين مني مبقتش بشوفها خالص
سمير : هتكون فين يعني تلاقيها في اوضتها
سعيد: انت لسه حابسها ومش عاوزها تزور اهلها
سمير بحزن : اخر مرة ربنا ستر مش بعيد امها تخليها عندها وتلوي دراعي يا اطلقها يا تبلغ عني فخليها هنا احسن وبعدين ماهي بتكلمها في التليفون قدامي وده اخرها معايا
سعيد بخبث: ما تقول انك بتحبها وخايف تخسرها
سمير : والنبي بلاش كلام فاضي حب ايه وبتاع ايه
سعيد: ههههههههههه علي اخوك
سمير : قوم ياد من وشي
سعيد : ههههههه ماشي
////////////////////////////////
مرام وداليا
مرام: يلا بقي اشوفك بكرة ان شاء الله بس يارب افضل عايشة لبكرة هي متصلتش بيا عشانها في بيت عمي لكن انا عرفاها هتطين عيشتي
داليا : مانا قلتلك روحي انتي اللي صممتي تيجي معايا
مرام : ما هو اكيد يعني مش هسيبك تروحي لوحدك وانتي قاعدة معايا طول النهار
////////////////////////////////
في عربية ياسين
عائشة : معلش يا حبيبي تعبتك معايا وانت جاي من شغلك تعبان
ياسين : متقوليش كده يا طنط وتزعليني منك هو انا مش زي مراد ولا ايه
عائشة : اكيد يا حبيبي وربنا يعلم ربنا يحميك يارب
ياسين بابتسامة: تسلمي يا ست الكل صحيح يا طنط هي مرام روحت
عائشة: اكيد يا ابني زمانها روحت هتقعد ده كله برة ليه هرن عليها اشوفها
عائشة: الو
مرام: بتوتر: ايوا يا ست الكل
عائشة وهي سامعة صوت عربيات بعصبية : انتي لسه بره
ياسين عينه احمرت في ثانية من العصبية ومسك الدريكسون وفضل يضغط عليه عشان يفرغ شحنة عصبيته
مرام بتوتر : والله يا ماما دقيقة واحدة وهكون في البيت ولما اجي واحكيلك ايه اخرني هتعزوريني
عائشة بعصبية: اخلصي يا مرام ولينا كلام سوا لما نوصل
مرام : انا خلاص وصلت البيت اهو
عائشة بزهق : ماشي سلام
مرام : مع السلامة
ياسين بعصبية مكتومة: لسه برة لدلوقتي
عائشة بتبرير: معلش يا حبيبي مش عارفين ظروفها ايه اكيد لها سبب
ياسين: سبب ايه بس يا طنط اللي يخليها لدلوقتي برة البيت وهي مخلصة من 3 بقالها 4 ساعات مخلصة ايه بتعمل ايه كل ده
عائشة وهي مش عارفة ترد تقول ايه: اهو دلوقتي نعرف خلاص وصلنا
في بيت عائشة
مرام" ربنا يستر"
عائشة: ادخل يا ياسين تعال يا ابني
ياسين: اتفضلي حضرتك وانا هركن واجي
عائشة: ماشي يا حبيبي اركن وتعالي وانا هسيبلك الباب مفتوح
ياسين: حاضر
عائشة دخلت
ياسين بيحاول يمسك اعصابه قبل ما ينزل من العربية
عائشة: تقدري تقوليلي ايه اللي اخرك بقي
مرام : والله العظيم يا ماما رحنا اتغدينا زي ما قلت لحضرتك ولما قعدنا واخدنا راحتنا ونازلين مروحين علي 5 كده داليا افتكرت ان مامتها قايلة لها علي حجات تجيبها معاها فمينفعش لسه عزماني عشان خطوبتي ومتغدين سوا واروح واسيبها لوحدها
وبترفع صابعها وتحلف: والله العظيم الطلبات هي اللي اخرتنا
عائشة اخدت بالها ان ايد مرام مفيهاش الدبلة وبعصبية : انتي مش لابسة الدبلة ليه
ياسين سمعها واعصابه اللي هديت بقت نار تاني " وكمان قالعة الدبلة " صبرني يااااااارب
مرام بتوتر: نسيتها
قبل ما ترد عائشة نادي ياسين: يا طنط
عائشة: تعالي يا حبيبي اتفضل
مرام نزلت النقاب بسرعة
عائشة: اقعد يا حبيبي اقعدي يا مرام مع ياسين تشرب ايه يا حبيبي
ياسين بهدؤ: ولا حاجة يا طنط تسلمي
عائشة: لا يا حبيبي ميصحش
ياسين بابتسامة: خلاص شاي تقيل يا ست الكل
عائشة: من عنيا يا ابني
ياسين : تسلمي
الاكثر قراءة هذا الشهر :
موعد البارت الجديد الساعة ( 6 م ) يوميا ان شاء الله
هنا تنتهى احداث رواية عشق القاسي الفصل السادس عشر ، يمكنكم اكمال باقى احداث رواية عشق القاسي الفصل السابع عشر أوقراءة المزيد من الروايات المكتملة فى قسم روايات كاملة .
نأمل أن تكونوا قد استمتعتم بـ رواية عشق القاسى ، والى اللقاء فى حلقة قادمة بإذن الله ، لمزيد من الروايات يمكنكم متابعتنا على الموقع أو فيس بوك ، كما يمكنكم طلب رواياتكم المفضلة وسنقوم بوضعها كاملة على الموقع .