الفصل العاشر من رواية "جعلتنى ملتزما" بقلم بنت الصعيد، اقتباس"أدم ...براحتك وجي يمشي قامت كارما حضنته وانفجرت ف العياط ..وهو حضنها جامد وقلق عليها".
جعلتنى ملتزما الحلقة العاشرة
رواية جعلتني ملتزما حبيبة وادم الفصل الخامس عشر 15
في مكان مجهول
الشاب اخد حبيبة ونيمها ع السرير وكانت لسة فاقدة الوعي وفجأة
هشام..........اخير وصلتي مكانك الحقيقي يا حبيبة قلبي
هشام قلع حبيبة النقاب وفضل باصص في ملامحها لانه من خمس سنين من لما لبست النقاب ف أولي جامعة وهو ما لمحش حتي وشها
وبعد فترة مش طويلة اوي بدأت حبيبة تفتح عينيها وماسكة راسها من الالم
بصت لقت هشام قدامها فقدت النطق مش قادرة تتكلم عينيها بس بتتكلم ف صمت دموعها شلالات وقلبها هيقف من الرعب حطت أيدها علي وشها ما لقيتش النقاب وهو باصص لها بنظرة كده بتقول انا عاشق مجنون
حبيبة ف اللحظة دي مش قادرة تتكلم بس قلبها المؤمن هو اللي بيتكلم حطت ايديها علي بطنها ورددت الآية الكريمة
(إِذْ يَقُولُ لِصَاحِبِهِ لَا تَحْزَنْ إِنَّ اللَّهَ مَعَنَا ۖ فَأَنزَلَ اللَّهُ سَكِينَتَهُ عَلَيْهِ وَأَيَّدَهُ بِجُنُودٍ لَّمْ تَرَوْهَا)
اي ايمان ف قلبك يا حبيبة ..ثقتها في ربنا أنه عمره ما هيضيعها إيمانها بالآية الكريمة
(وَاصْبِرْ لِحُكْمِ رَبِّكَ فَإِنَّكَ بِأَعْيُنِنَا ۖ وَسَبِّحْ بِحَمْدِ رَبِّكَ حِينَ تَقُومُ (48) ) هي اللي بقت مسيطرة عليها
هشام قرب من السرير اللي هي قاعدة عليه وقال بكل حب وهدوء
هشام ....حبيبة اناااا......بس هي ما خلتهوش يكمل كلامه بدأت تتكلم بصوت عالي وتردد الآية الكريمة
(۞ وَأَيُّوبَ إِذْ نَادَىٰ رَبَّهُ أَنِّي مَسَّنِيَ الضُّرُّ وَأَنتَ أَرْحَمُ الرَّاحِمِينَ) فضلت ترددها من غير توقف الرعب دب ف قلب هشام هو كان نفسه يلمس وشها بايده بس مش عارف ليه دلوقتي مش قادر
هشام ...فقد أعصابه ....واتكلم بصوت مرعب....بس كفاية كده أنا مش هأذيكي أنا هخيرك بين حاجتين وانتي اللي هتختاري بدون ما اجبرك علي حاجة انتي بنت عمي يا حبيبة وعمري ما أذيكي
&&&&&&&&&&&&&&&&&&&
عند أدم
أدم كان في العربية بيسوق زي المجنون متجه للمكان اللي حبيبة مخطوفة فيه ازاي بقا عرف ؟؟؟!!!!!
&&&&&&& فلااااااااش باااااااك -&&&&&&&&
قبل خطف حبيبة وبعد ما نزلت من شركة أدم بنص ساعة بالظبط
في مكتب أدم
أدم بيتصل بحبيبة يطمن هي وصلت البيت ولا لسة بس مافيش رد أدم قلق رن ع حسن السواق برضو مافيش رد كان هيتجنن هو حاسس أنه في حاجة غلط رن علي مامته
اللي قالتله لسة ما وصلتش
مروان ....ايه يا آدم لسة ما عرفتش توصل لحبيبة
أدم ماردش واخد مفاتيح عربيته وجري ومروان وراه
وهو سايق ع الطريق لقي عربية حبيبة وجمبها حسن اللي فاق بس رأسه بتنزف
نزل أدم زي المجنون من العربية وراح ل حسن اللي حكاله كل حاجة
أدم في اللحظة دي مش عارف يفكر وبعدين واخيرا افتكر حاجة.
أدم.......السلسلة وجري ع العربية جاب تليفونه
مروان .....سلسلة ايه أنا مش فاهم حاجة
أدم ......السلسة اللي جبتها لحبيبة.فيها GPS (جهاز تتبع)
أدم بص ف الفون بتاعه لقي حبيبة متجهة للمنصورة ولسة ف الطريق
أدم .....يلا يا مروان أنا عرفت المكان
مروان ....أنا هكلم الظابط سيف يجيب قوة ويحصلنا
أدم ...يلا مافيش وقت
&&&&&&& باااااااك. &&&&&&&&&&
أدم بيسوق زي المجنون ....وديني يا هشام لو اذيت حبيبة لاشرب من دمك كان متوتر وأيديه بترتعش شافه مروان اللي خلاه وقف العربية وساق مروان بداله لانه كان فاقد اعصابه
مروان ....اهدي يا آدم ربنا هيستر إن شاء الله ( صنائع المعروف تقي من مصانع السوء) وحبيبة ملتزمة وتعرف ربنا اكيد هيحفظها
أدم حابس دموعه بالعافية كل ما يتخيل أنه مراته عند هشام المختل عقليا بدأ يدعي ربنا ف سره أنه يحفظله حبيبة
&&&&&&&&&&&&&&&&
عند هشام
حبيبة بعد ما سمعت هشام بيقول انها بنت عمه استجمعت قوتها وقدرت تتكلم
حبيبة ..باستهزاء ..... ابن عمي ...بجد انت ابن عمي ..ابن العم هو الاخ ..انت عمرك ما حسستني انك اخويا انت كنت بتخوفني بنظراتك من وانا طفلة
انا واختي مالناش اخ كان المفروض تبقا انت اخونا تبقا سندنا وبابا كان بيحبك زي ما تكون ابنه بالظبط بس انت عمرك ما قدرت دا
هشام ....بصوت عالي .....غلط عمي عمره ما اعتبرني اكتر من خدام عنده دراعه اليمين اللي بيستر علي بلاويه كلها
استخسرك فيا وادكي لادم رغم أنه كان عارف أنه أدم صايع ومقطع السمكة وديلها ...بس وافق عشان مصلحته عشان يستغل تصاميم أدم وانا اللي كنت زي الكلب عنده بخدمه بإخلاص ركني ع الرف ولا كأني كنت خاطبك منه
اسمعي يا حبيبة قدامك خيارين تسافري معايا بارادتك واسيب أدم ف حاله ولا اسيبك تمشي دلوقتي بس قبل ما هتوصلي البيت هكون قاتل أدم زي ما قتلت عمي لما حب يحرمني منك
حبيبة صرخت لما عرفت أنه هشام قتل باباها هي كل دا وفاكرة باباها مات موتة عادية مش مقتول أدم خبي عليها عشان يخفف المها
انت مجنون انت مش بني ادم حرام عليك هتروح من ربنا فين ربنا مش هيسيبك يمهل ولا يهمل ...وقالت الاية الكريمة
وَلَا تَحْسَبَنَّ اللَّهَ غَافِلًا عَمَّا يَعْمَلُ الظَّالِمُونَ ۚ إِنَّمَا يُؤَخِّرُهُمْ لِيَوْمٍ تَشْخَصُ فِيهِ الْأَبْصَارُ (42)
هشام ....حبيبة أنا مش عايز اسمع غير جملة واحدة اخترتي ايه
حبيبة ....أنا هاروح معاك
هشام ....بحب .. ..بجد يا حبيبة..طب يلا بسرعة مافيش وقت لازم نمشي بسرعة من هنا الشرطة اكيد بتدور عليا أنا هجيب طيارة عمي ونسافر علي طول
حبيبة ..بهدوء ..ماشي بس بشرط
هشام ...ايه شرطك
حبيبة ....عايزة اتوضي واصلي العصر
هشام ...بس كده عادي صلي يا ستي براحتك
وفعلا اتوضت حبيبة وبدأت تصلي عدت نص ساعة وحبيبة لسة بتصلي
دخل هشام فضل مستني حبيبة تخلص صلاة بس مافيش هي بتصلي متواصل من غير ما تسلم
هشام هيتجنن مش عارف يتصرف طب يشلها وياخدها غصب عنها بس هو مش عايز يخوفها منه اكتر
هشام بصوت مرعب .......حبيبة كفاية صلاة
حبيبة اترعبت من صوته وجسمها كله ارتعش لكن اتجاهلت كلامه ولسة هيمسكها من أيدها سمع صوت هز اركان الفيلا المهجورة اللي كان قاعد فيها
أدم .....هشاااااااااام ..اطلع يا جبان أنا عارف انت اللي خطفت حبيبة ...هشااااااااااااام
في اللحظة دي حبيبة انهارت علي سجادة الصلاة بس برضو ما بطلتش تصلي فضلت تعيط بصوت عالي وتشهق وهي بتصلي وتردد الحمدلله الحمدلله
هشام طلع مسدسه ونزل ....اهلا اهلا بالشيخ أدم
أدم....كان هيموت من الخوف علي حبيبة بس حب يظهر
برود أعصابه.......يااااااه بقا هشام العدلي اللي بيخاف من البمب (قنابل لعبة مش بتأذي) يمسك مسدس مش مصدق اوعي يكون لعبة
هشام ....ما تختبرش صبري يا آدم لحسن افرغه دلوقتي ف دماغك
مروان .....فين حبيبة يا هشام
هشام ......حبيبة خلاص ما بقيتش ليك يا آدم بقت بتاعتي أنا أنا خلاص اخدت اللي انا عايزه ..طبعا هو بيستفز أدم
أدم ...حس أنه دماغه هتتشل مش قادر يستوعب أنه هشام اذي حوريته
مروان .....انت كداب
وفجأة يدخل الظابط سيف ومعاه قوة
الظابط ......سلم نفسك يا هشام يا عدلي انت مطلوب القبض عليك ف قضايا كتير جدا أهمهم قتل عمك والاسمنت المغشوش رنا اعترفت عليك .ف سلم نفسك احسن
هشام في اللحظة دي اتجنن حس أنه الدنيا ضاقت عليه صوب مسدسه ناحية أدم وقال بصوت عالي ...هموتك يا ادم
وضرب رصاصة بس بحركة سريعة من مروان عشان يبعد أدم فجات الرصاصة فيه ووقع ع الأرض في اللحظة دي حبيبة سمعت صوت هشام وهو بيقول هموتك يا لدم وسمعت صوت الرصاص فوقعت مغمي عليها وهي بتصلي
..هشام حب يهرب بس في قوة لفتله من ورا الفيلا ومسكوه
أدم مسك مروان وصرخ ...مروووووواااااان. ..مروان ودموعه نزلت دا صاحب عمره وأخوه واقرب إنسان لقبله ازاي يخسره ف لحظة بس مروان قاله
مروان بضعف ...ما تقلقش يا صاحبي هبقا كويس مش هتخلص مني بسهولة روح شوف مراتك
سيف اتصل بالإسعاف وسند مروان وادم طلع يشوف حبيبة
أدم وصل لقي حبيبة واقعة علي سجادة الصلاة ومغمي عليها وفيه اثار دم مكانها ودا اللي خلاه يصدق كلام هشام اللي قاله انه اذي حبيبة أدم حس بنار قايدة ف قلبه شال حبيبة ونزل بيها بسرعة وهو مش قادر يستوعب اللي قاله هشام
وبسرعة جات عربية إسعاف واخدت مروان وحبيبة وادم ركب معاهم..
يتبع
رواية جعلتنى ملتزما الفصل السادس عشر 16
رواية حبيبة وادم الفصل السادس عشر 16
أدم وصل لقي حبيبة واقعة علي سجادة الصلاة ومغمي عليها وفيه اثار دم مكانها ودا اللي خلاه يصدق كلام هشام اللي قاله انه اذي حبيبة أدم حس بنار قايدة ف قلبه شال حبيبة ونزل بيها بسرعة
وبسرعة جات عربية إسعاف واخدت مروان وحبيبة وادم ركب معاهم.
في الاسعاف
حبيبة فتحت عينيها ببطء وتقريبا ما كانتش شايفة كويس بصت قصادها لقت مروان غرقان في دمه افتكرته أدم غمضت عينيها تاني وماعملتش اي رد فعل إلا أنه دموعها فضلت نازلة طول الطريق وهي لسة مغمي عليها
واخيرا وصلوا المستشفي
دخل مروان علي أوضة العمليات علي طول
وحبيبة علي غرفة طبيب نساء
أدم هيتجنن لا عارف يركز مع صاحبه اللي بيصارع الموت ولا حبيبته اللي بقت بقايا ست طبعا هو فاكر أنها تعرضت للاغتصاب
وبعد فترة مش قليلة خرج الدكتور من عند حبيبة
أدم جري عليه وقال بلهفة وقلق.....خير يا دكتور هي كويسة صح
الدكتور .....هي بقت كويسة احنا قدرنا نوقف النزيف والأطفال كويسين
أدم ...اطفال مين ؟!!!
الدكتور ...المدام حامل ف تؤام
أدم بحزن ....طب وهي يا دكتور هيبقي حالتها ايه لما تفوق يعني قصدي عشان اتعرضت للاغتصاب وكده هتكون طبيعية ولا محتاجة مساعد نفسي
الدكتور بدهشة .....اغتصاب ايه ...المدام ما اتعرضتش لاي اغتصاب والنزيف دا اثر تعرضها لضغط نفسي وتوتر شديد مش اكتر عشان كده أنا اديتها إبرة مهدئة عشان ردود افعالها تبقي بطيئة وماتنفعلش لانه دا خطر عليها
أدم تقريبا كان نفسه يحضن الدكتور ويبوسه بس خاف يفهمه غلط🤣
أدم كلم والده اللي جاب العيلة كلها وجه وكمان والدة حبيبة واختها وصلوا
أدم جري علي حبيبة لاقها نايمة ع السرير وبتبكي من غير صوت دموع نازلة وبس
قرب عليها وهي شافته ومش مصدقة نفسها فاكرة أنها بتحلم
حبيبة بهدوء جامد .....أدم ؟؟؟!!!!.انت حقيقي ولا بتخيل انت اضربت بالرصاص ..وبدأت تعيط جامد ....هشام قتلك عشان يحرمني منك
أدم في اللحظة دي قام انحني واخد حبيبة ف حضنه
أدم ....هششش اهدي أنا كويس..محصليش حاجة اهو
اهدي يا حورية
حبيبة ...أنا شفتك وانت بتنزف دم في الاسعاف
أدم ...بحزن دا مروان ادعيله يا حبيبة هو دلوقتي ف العمليات هو ضحي بنفسه عشان ينقذني
وفجأة أدم سمع شوشرة ودوشة برا ...بعد عن حبيبة
أدم ...أنا هخرج اشوف في ايه برا وراجعلك
حبيبة ....مسكت ايد أدم ....ما تسبنيش يا آدم أنا خايفة
أدم ....ماتخافيش يا قلبي أنا معاكي هشام خلاص الشرطة قبضت عليه ما تقلقيش راجعلك
خرج أدم لقي العيلة كلها وصلت والف سؤال وسؤال ووالده بيعاتبه ازاي مايقولهوش ويروح لهشام برجليه ولوحده
أدم.....يا جماعة أنا مش هقدر لا اتكلم ولا احكي ف حاجة قبل ما اطمن علي مروان سيبوني بقا
خرج الدكتور من عند مروان ...احنا محتاجين دم ضروري وبسرعة
أدم ...أنا ومروان فصيلة دم واحدة الدم اللي انت عايزه مني خده يا دكتور المهم مروان يعيش
الدكتور ...اتفضل معايا
وفعلا أدم اتبرع لمروان بدمه وماكانش قادر يبص علي صاحبه وهو ف الحالة دي كان وشه الناحية التانية وبيعيط من سكات طول ماهو بيتبرع لمروان
خرج أدم لقي كارما منهارة بتبص لادم بعتاب كأنها عايزة تقوله انت السبب
قام ادم أخدها ف حضنه وهمس ف ودنها ....هيبقي كويس دا قرد انا عارفه مش بسهولة هنخلص منه
تقريبا أدم كان بيطمن نفسه مش بيطمن كارما
وعدت ساعة وخرج الدكتور وأعلن انتهاء العملية وأنه المريض هيبقي كويس
بعد لحظات من القلق الكل اخيرا اطمن وهدي وادم سمع الكلمة دي وقام رايح لمروان اللي كان نايم
أدم .....مسك ايد مروان وربط عليها ....طب طول عمرك وانت جمبي وماسبتنيش لحظة حتي وانت بعيد كنت واقف معايا ..اعمل ايه انا دلوقتي مش قادر اشوف سندي الوحيد ف الدنيا راقد الرقدة السودة دي وقرب منه وقاله وحياة البيبي لتفوق
الغريبة أنه مروان سمع الكلمة دي وأيده ارتعشت بين ايد أدم وادم انهار بكا جمبه
وبعدين أدم خرج وراح لحبيبة اللي هيموت ويعرف هشام اتصرف معاها ازاي
أدم .....اخبار الحورية ام الاولاد ايه
حبيبة .....بلهفة .....أدم مروان كويس دلوقتي
أدم بتفاؤل....إن شاء الله هيبقي كويس أنا متأكد مروان قوي وقدها
بالحق يا حبيبة هشام الكلب دا عمل معاكي ايه
حبيبة حكت لادم كل اللي حصل وازاي فضلت تصلي ساعة كاملة من غير ما تفصل
أدم باس راسها ....فعلا (من يتقي الله يجعل له مخرجا)
الحمد لله عدت علي خير وكل واحد هياخد جزائه
حبيبة .....أنا آسفة يا آدم ماسمعتش كلامك لما قلتلي ما أخرجش لوحدي تاني
أدم حضنها ....حصل خير يا حوريتي أنا مش قلتلك عايز تؤام
حبيبة ....اممم
أدم.......ربنا استجاب لدعايا وانتي حامل ف تؤام يا حورية
حبيبة .....اللهم لك الحمد كما ينبغي لجلال وجهك وعظيم سلطانك
عدي الليل بهدؤه علي أبطالنا وكلهم ف المستشفي
وفي الصبح بقا مروان استعاد وعيه وكلهم راحوا يشوفوا
وكلهم اطمنوا عليه واتمنوا له الصحة وطبعا الموقف مايخلاش من نقار أدم ومروان رغم تعبه
أدم ......كنت عارف انك بطل وقدها
مروان ....بتعب ....ايوا ايوا يا خويا كل بعقلي حلاوة مانا اللي اتفرهدت مش انت ولعلمك أنا ماكنتش ناوي اخد الضربة مكانك أنا بس كنت حابب ازقك عشان يبقالي عندك جميل بس مع الاسف تأتي الرياح بما لا تشتهي السفن
أدم ....تصدق انت عيل واطي صحيح خسارة فيك دموعي طول الليل وانا مانشفتهاش
مروان بسهوكته اللي متعودين عليها ونسي أنه الكل موجود....بجد يا بيبي كنت قلقان عليا مش مصدقة
أدم .....ميل علي مروان ....وهمس ...احم هيفهمونا غلط الله يخرب بيت البيبي
مروان مسك دماغه......ااااااه دماغي البنج دا غريب بيخلي الواحد يهلوس فجأة كده انما اخبارك ايه يا ابو نسب
وفين المزة بتاعتي مش شايفها
طبعا كلهم ضحكوا علي اسلوب مروان
أدم .....انت ايه واخد بنج ولا حقنة استظراف ما تظبط كده لاظبطك ياض
مروان ....حسبي الله ونعم الوكيل فيك خطيبتي ومش مهنيني بيها ابدا
وفي اللحظة دي أتدخل منير اللي بص لقي بنته واقفة بعيد ومكسوفو تتطمن علي خطيبها
منير....طب يا جماعة يلا احنا نسيب مروان يرتاح وانتي يا كارما اطمني عليه واخرجي بسرعة ورانا
كارما ....حاضر يا بابا
أدم همس لوالده ....ماخلاص اطمنت عليه ايه لزومه بقا
منير ....اهدي يا آدم وروح لمرأتك اطمن عليها
أدم ....اه صحيح الحورية اروح لها تلاقيها صحيت وجري علي حبيبة. تحت انظار منير اللي ضحك وقال والله مجنون زي امك بالظبط وفجأة
زهرة ...بتقول حاجة يا منير
منير.... ياما سلام قول من رب رحيم
&&&&&&&&&&
عند مروان
كارما قربت ومسكت ايد مروان
كارما ....بدموع ....انت كويس دلوقتي يا مروان
مروان .....انا دلوقتي بقيت كويس لما مسكتي ايدي
كارما عيطت.....كنت هموت لو جرالك حاجة
مروان باس ايدها .....بعد الشر عليكي يا كرملة قلبي
وبعدين قال بخبث .. كارما ممكن تسنديني اقوم
كارما .....اه طبعا اكيد ...حضنته وهو كان قاصد عشان يقرب منها ....وبعدين قومته وجات عينيها عينه ولسة هيبوسها دخلت الممرضة كارما انكسفت وبعدت عنه
الممرضة.......الحقنة يا استاذ
مروان في نفسه ...هي حبكت دلوقتي ....وبعدين قالها ..اكيد طبعا
كارما ...باحراج.....طب الف سلامة عليك يا مروان وسابته وخرجت.
&&&&&&&&&&&&&&&&
عدت الايام بسرعة ومروان اتعافي وخرج من المستشفي وكله بقا تمام وحبيبة كمان بتحاول تنسي اليوم الكئيب اللي اتعرضت له بسبب هشام وادم حاسس بحزنها وبيحاول علي قد ما يقدر ينسبها اللي هي فيه
&&&&&&&&
في فيلا الالفي
مروان كان معزوم ع العشاء
مروان......عمي أنا كنت عايز اقول يعني يا ريت لو حضرتك توافق أنه يبقي كتب كتاب وفرح في نفس الوقت
منير .....والله يا بني كان بودي بس البنت لسة في اولي جامعة وانا خايف الجواز يأثر علي مستقبلها. ولا انتي ليه رأيك يا كارما
كارما بصت في الأرض ....اللي حضرتك تشوفه يا بابا ..وبعدين بصت لوالدها وقالت بلهفة.......تعرف يا بابا مروان دا عبقري في المحاسبة ايه الدماغ دي أنا متهيألي لو ذاكرلي هطلع الأولي من غير كلام....وبعدين بصت للأرض تاني وقالت بهدوء ....بس اللي حضرتك تشوفه
منير ضحك علي برأتها ....وهو بعد ما قلتي هتطلعي الأولي عايزاني اقول ايه يعني علي بركة الله قام مروان تلقائي حضن منير اللي برق بعنيه وباسه من خده
مروان....حبيبي يا عمو منير
أدم كان نازل من فوق من عند حبيبة .....ايه دا ايه دا انا شايف قرارات بتتاخد ف غيابي
كارما بفرحة .....أدم أنا هتجوز
أدم .....ايه يا بن الايه يا مروان البت لسة صغيرة ماعندناش بنات للجواز
مروان ....تصدق انا هنصح اي شاب ما يتقدمش لاخت صاحبه دا انت عقدتني ف ام اختك دي يا شيخ
منير ....ولد. مروان .....اسف يا حج انت مش شايف ابنك بيقول ايه هو ماله اصلا طالما عمو الحج وافق انت مالك يا ثقيل ...وهمس لادم وديني لاحرمكم منها لما اتجوزها
أدم ...بنفس الهمس....دا بعدك دي اختي وهتختارني أنا
مروان..همس..ما تحطش نفسك في احراج لأنها هتختار جوزها
أدم ....هنشوف
زهرة .....كفاية خناق انت وهو ويلا العشا جاهز وانت يا آدم روح نادي حبيبة للعشا
&&&&&&&&&&&&&&&&&&&&&&
في الصبح بقا
في ملجأ الأيتام
أدم.......يا حضرة المديرة أنا بقول لحضرتك هتبناه فكريا يعني هدخله ثانوية عامة و هصرف عليه انتي مش هتبقي ملزومة غير انك توفريله مكان كويس وهادي عشان يذاكر فيه
المديرة .....أنا خايفة باقي زمايله يغيروا يا باشمهندس
أدم ......وفيها ايه أنا في فكرة ف دماغي لو ظبطت هنفذها وساعتها هيبقي أي طفل موهوب زي زياد من حقه ياخد فرصته احنا محتاجين حضرتك للموارد البشرية المبدعة ف بلدنا
المديرة .....بجد حضرتك ونعم الشاب ربنا يحفظك يا ريت كل الناس زيك تبدأ بنفسها
أدم .....اعتبر دي موافقة من حضرتك علي أنه زياد يدخل ثانوية عامة
المديرة ....ما باليد حيلة موافقة يا سيدي
أدم ....تمام شكرا . وبص ل زياد وغمزله وزياد ضحك
يااااااااه العطاء شعور جميل جدا بيحسسك قد ايه انت انسان وبتحس باللي حواليك وبالذات لما تاخد بايد طفل يتيم وتعمله حاجة تفرحه مهما كانت صغيرة وزي ما رسولنا الكريم عليه افضل الصلاة والسلام قال(حديث سهل بن سعد قال: قال رسول الله ﷺ: أنا وكافل اليتيم في الجنة هكذا، وأشار بالسبابة والوسطى وفرج بينهما[1 )صدق رسولنا الكريم..
"اشتركوا على قناتنا على تليجرام أو قناة واتساب ليصلكم أحدث الفصول والتنبيهات فور نشرها"
"اشتركوا على قناتنا على تليجرام أو قناة واتساب ليصلكم أحدث الفصول والتنبيهات فور نشرها"
