نقدم اليوم احداث رواية جريمة عشق الجزء الرابع ميراث العشق الحلقة 23 من روايات مريم نصار . والتى تندرج تحت تصنيف روايات رومانسية ، تعد الرواية واحدة من اجمل الروايات رومانسية والتى نالت اعجاب القراء على الموقع ، لـ قراءة احداث رواية اسيرة العادات والتقاليد كاملة بقلم مريم نصار من خلال اللينك السابق ، أو تنزيل رواية جريمة عشق 4 pdf كاملة من خلال موقعنا .
رواية ميراث العشق مريم نصار الفصل الثالث والعشرين
الحلقه ٢٢ ج ١.
رواية جريمة عشق ٤
(ميراث العشق)
(هناك خير ف كل شر لا يعلمه إلا الله)
______________________________________
بسم الله نبدأ .
طبعا عدا شهرين ع أبطالنا ..
فيلا عزيز .
مصطفى : ف الاوضه بيلعب بلايستيشن . ومبسوط لانه نجح هو وچود . وفونه رن . وكان سعيد صاحبه . ورد الوهات يانجم .
سعيد : بصوت متوتر الو مصطفى . هو...ا.انا . هو انا كنت .....
مصطفى : ههههههههه اله مالك ياسعيد حد دايس ع رقبتك ولا ايه ؟ قول انا دلوقتي بعضلاتى دي بقيت فندام عزيز ههههه.
سعيد : نفخ بخنقه. هو انت اتخانقت مع سامح يامصطفى؟
مصطفى : ياعم فكك منه. ولا خناقه ولا حاجه . ده شد ف الكلام بس .
سعيد : ممكن اعرف ايه الل حصل يعنى ؟
مصطفى : يعم قولنا فكك . هو زعلان عشان ماغششتوش ف الامتحان . انا مالى اغششه ليه ؟ هو انا اتعب واذاكر ويطلع عينى . وهو ياخد تعبى ع الجاهز .
سعيد : هز راسه اااه عشان كدا . اممم انت تعرف أنه شال مادتين ؟
مصطفى : لأ ولا عايز اعرف .
سعيد : هرش ف قفاه طيب تعرف إن سامح اخد كوثر وجيبهالك ع البيت دلوقتي؟
مصطفى : قام وقف بصدمه كبيره . انت بتقول ايه ياسعيد؟
سعيد : والله زي ما بقولك . سامح غفلنى واخد كوثر . ولما جريت وراه . قالى لازم أفضح مصطفى . واخدها ف العربيه ومشي وانا اتصلت عليك ع طول . مصطفى اتصرف اعمل حاجه . انت قولت لو حد عندك عرف تبقى مصيبه .
مصطفى : صك ع أسنانه بغيظ كبير . ومسح ع شعره . وقال دي هتبقى فضحيه مش مصيبه وبس . انت غبى ياسعيييد . غبى . عشان اقولك بلاش سامح يعرف . قولت لاا سامح واد رجوله ويصون السر . الله يخربيتك انت وسامح ف يوم واحد . وقفل ف وشه . وحدف الفون ع السرير . ومسح وشه بايديه ونفخ بحيره اعمل ايه دلوقتي؟ وفتح عينيه بصدمه . ينهار اسو... لو حد شاف كوثر ......
------------------بقلمي مريم نصار.
ف المستشفى .
محمد عزيز . بيوزع . ع كل الموجودين ف المستشفى حلو. بمناسبة نجاح تيم ف آخر سنه امتياز. وتقدير امتياز . وماشي مبسوط وفرحان جدا .
ميرو : ماشيه وقابلت محمد . وابتسمت صباح الخير يا خالو.
محمد : بسعاده . صباح الفل ع اجمل ميرو. عامله ايه ؟
ميرو : بابتسامه الحمدلله تمام جدا . ومبسوطه عشان الرساله بتاعتى. وكمان نجاحنا كلنا. الحمدلله بجد .
محمد : بتنهيدة راحه . متعرفيش ياميرو يابنتى انا من امبارح اول ما عرفت بنجاح تيم . والنوم طار من عينى والفرحه ساكنه قلبى .
. انا مبسوط جدا. وعمتك نور كل شويه تعيط مش مصدقه . وكمان نجاح تمارا بتقدير امتياز حاجه بجد تشرف ربنا يفرح الجميع يارب .
ميرو : بضحكه رقيقه . يارب ياخالو. واشوفك ع طول مبسوط كدا.
محمد : ابتسم امين يارب. بقولك ايه انا عندى كمية كشف كبيره جدا وعازم عمتك ع الغدا انهردا . هروح غرفة الكشف. عشان اخلع بدرى ماشي ياقمر .
ميرو : ابتسمت اتفضل حضرتك . وانا كمان هروح المكتب . بالتوفيق إن شاء الله.
محمد : إن شاء الله ياحبيبتى . ومشي.
ميرو : دخلت المكتب. واتخضت. تيم ؟
تيم : قاعد ع طرف المكتب. ايوه تيم يادكتوره مريم .
ميرو : دخلت بثبات .احم .. صباح الخير وقعدت ع كرسي المكتب.
تيم : صباح الخير.
ميرو : ابتسمت بتمثيل . مبروك .
تيم : مبروك ؟ ع ايه ؟
ميرو : شمت برفانه و قلبها بيدق . احم .م... مبروك ع النجاح . بجد فرحت عشانك .
تيم : هز راسه . بجد؟ بس انا ناجح من امبارح . وكنت عندكم و زي كل مره . بتتهربي منى ..
ميرو : بتوتر . ابدا انا هتهرب منك ليه بس ؟
تيم : ماهو ده السؤال الل مش لاقي ليه جواب. بقالك فتره كل ماتشوفينى تسلمي وتطلعي ع اوضتك . وحجه وراها حجه . وعزر وراه عزر . لدرجة انى حسيت انى مش مرغوب بوجودي ..
ميرو : هزت راسها بنفي لأ لأ. انت فاهم غلط . صدقنى مفيش حاجه من دي وانت عارف كدا كويس .
. كل الحكايه .انى كنت بحضر ف الرساله . والحمد لله السنادي عدت ع خير . وكنت مشغوله . هو انا الل هقولك يعنى . ما انت عارف الطب مش سهل ..
كامليا : داخله المستشفى وبتتصل ع تيم ومبيردش . ونفخت بخنقه . وقابلت ممرض. احم لو سمحت . دكتور تيم عزيز موجود فين؟
الممرض : حضرتك انا شوفته داخل مكتب رقم ٢٠ ف الدور التالت .
كامليا : فتحت عينيها بصدمه . وصكت ع أسنانها بغيظ مكبت . وهزت راسها ميرسي لحضرتك . وطالعه ع السلم بسرعه ..
تيم : انا عارف إن الطب مش سهل . لكن برضو
ده مايمنعش إنك متغيره . انا تيم يامريم مش غريب عنك عشان ماحسش بتغيرك ..
ميرو : قلبها بيدق بسرعه كبيره . وقالت تيم انا......
كامليا : فتحت الباب بسرعه. وشافت تيم قاعد ع طرف المكتب. وجواها إعصار غيره .ودخلت بسرعه ممكن اعرف انت قاعد كدا ليه؟
ميرو : اتخضت. وفتحت عينيها بدهشه . من طريقة هجوم كامليا. وخايفه تفهم غلط . هي من آخر مره بعدت عن تيم خالص .
تيم : متحركش من مكانه . ورد بهدوء . دخولك بالطريقه دي غلط . كان ممكن تخبطى عادي جدا .
كامليا : بتتنفس غيظ . وغمضت عينيها بتحاول تسيطر ع أعصابها. واخدت نفس عميق . وفتحت عينيها وبصت ل مريم بلوم.
ميرو : بصت بعيد . وقامت وقفت. احم اذيك ياكامليا. مبروك لنجاحك ..
كامليا : قربت منها وسلمت عليها وحضنتها . وهمست ف ودنها انتى خلفتى بوعدك ليا.
ميرو : اتصدمت . وطلعت من حضنها. وهزت راسها بلاء .
كامليا : ضحكت بتمثيل. عندك حق ياتيم ياحبيبى . انا بس مبسوطه اوى لنجاحك. ودخلت بسرعه عشان اقولك قد ايه انا مبسوطه . وكمان زعلانه ف نفس الوقت .
تيم : هز راسه حصل خير . والدك عامل ايه دلوقتي .
كامليا : بدموع .. منا كنت جايه عشان كدا . بابي تعبان اوي ياتيم.
.وهنسافر بعد بكره. وجيت اقولك اننا هنحجز ونسافر ع ألمانيا. واتصلت عليك كتير وانت مبتردش .
تيم : طلع الفون وقال امم فونى صامت من الصبح . و متقلقيش إن شاء الله والدك هيكون بخير .
ميرو : جواها منهار . وقالت بوجع. الف سلامه ع والدك . وربنا يطمنك عليه.
كامليا : مسحت دموعها وابتسمت ميرسي جدا يامريم . وبصت ل تيم. وقالت أنا عيد ميلادي بعد بكره ياتيم ..
تيم : ابتسم كل سنه وانتي طيبه ..
كامليا : وانت طيب ياحبيبى . ايه يا مريم مش هتقوليلى كل سنه وانتي طيبه؟
ميرو : بلمعه ف عيونها. كل سنه وانتي طيبه.
كامليا : شافت حده ف نظرة تيم ليها. وابتسمت وقالت أنت مش هتحتفل معايا بعيد ميلادي . ده اول عيد ميلاد ليا وانت معايا.
ميرو : قعدت ع الكرسي بأحباط كبير .
تيم : . لما ترجعى . انتى قولتى إن عيد ميلادك وسفرك بعد بكره . ف مش هينفع..
كامليا : لأ انت ممكن تحتفل بيا قبل السفر. احنا هنسافر بليل. ارجوك ياتيم عايزه احتفل معاك بليز.
تيم : هز راسه تمام مفيش مشكله .
كامليا : بسعاده ميرسي جدا ياحبيبى. ايه رايك بعد بكره نروح فندق (.....) الساعه 4 ؟
تيم : ماشي .
كامليا : ضحكت وااو ميرسي بجد . وبصت ع مريم . وانتى يامريم ماتنسيش تكوني معانا ونحتفل مع بعض. .
ميرو : بدهشه . انا ؟
الباب خبط . الممرض دكتور تيم . دكتور محمد طلب حضرتك .
تيم : قام وقف . طيب اتفقوا مع بعض وانا هشوف بابا وراجع. وبص ل كامليا بنظرة تحذير . وخرج ..
كامليا : حطت الشنطه ع المكتب وقعدت. وبصت ل مريم وقالت . انا عزمتك عشان خاطر تيم . مش عشان حاجه تانيه .
. انا لازم اثبت لتيم انى كويسه . لانى فعلا كدا . تيم دايما اشوف ف عينيه نظرة اتهام ليا وا.....
ميرو : قاطعتها . لو سمحتى . انا مطلبتش منك اعرف تفاصيل .
.وانك دى تانى مره تتهمينى بححات مالهاش أساس من الصحه .
.ف انا برفض اسلوبك . انا عمرى ما خلفت وعدى ليكى .
.انتى من فتره كبيره من اخر مره جيتيلى هنا المكتب وطلبتى منى ابعد عن تيم .
. انا بعدت عشان خاطر انا وعدتك . رغم إن مفيش بينى وبين تيم اى حاجه غير صلة القرابه وبس . انتى عقلك مصور ليكى حجات تانيه ف انتى حره مش مشكلتى .
وكمان انا هاجى عيد ميلادك عشان اثبتلك انك غلطانه .
كامليا : بدموع مريم انا أسفه جدا . انتى متعرفيش انا مجنونه بحبي لتيم قد ايه.؟
بصي انا عيبي الوحيد أنى ديما متسرعه جدا ف رد فعلى ومبعرفش امسك نفسي .
. وأكون عصبيه واقول اى كلام وخلاص . لكن لما بقعد مع نفسي بفكر . واشوف أن تصرفى ده غلط . ارجوكي متزعليش منى . وانا هكون مبسوطه جدا لو نبقى اصدقاء ..
ميرو : معتقدش اننا هنبقى أصدقاء ياكامليا لاسباب كتير . واولهم غيرتك ع تيم . ونظرة اتهامك . وشكك ف كل الل حواليكى لمجرد إن حد اتكلم مع تيم . عموما بتمنالك حياه سعيده .وقامت وقفت واخدت شنطتها بخنقه .. وقالت وبلغينى وقت ماتكونى ف الفندق بعد اذنك .
كامليا : انتهدت بأريحيه . وابتسمت وقالت طيب اوكي. وارجوكي متزعليش منى.
ميرو : بوجع مفيش زعل ولا حاجه . بعد اذنك لازم ارجع ع البيت .. وخرجت بسرعه وجواها خنقه كبيره جدا .
------------------بقلمي مريم نصار.
فيلا عزيز .
كريم : طبعا خلص جيش من فتره كبيره .. وخارج من صالة الرياضه. ونده داده ثريا؟
ثريا : جت تحت امرك ياباشمهندس كريم .
كريم : ماما لسه مجتش؟ وجدو وناناه فين؟
ثريا : الدكتوره لسه مجتش . وسي أشرف بيه وست هنا هانم. خرجوا راحو شقة حضرتك يتممو ع العفش . والف مبروك ياباشمهندس.
كريم : بابتسامه . الله يبارك فيكي . وطالع ع السلم . وبيفكر ف ليليان . كلها أسبوعين وتكون ف حضنه . وماشي ف الطرقه . ووقف مره واحده وسمع همس جاي من اوضة مصطفى . وكشر عينيه . وقال اله هو مصطفى بيتكلم مع مين. وموطي صوته اوي كدا ليه ؟ الواد دا هيتجنن قريب . وقرب من الباب بشويش ..وحط ودنه ع الباب . وسمع .
مصطفى : انا بحمد ربنا إن مفيش حد موجود ف الفيلا وإلا كنت هروح فيها . وسامح ده حسابه معايا بعدين .. يلا ياكوثر ياحبيبتى خد كلى دى كمان . لأ؟ طيب ليه كدا؟ طيب تعالى اقعدى هنا ع رجلى ..
كريم : تنح وفتح عينيه ع الاخر بصدمه . كوثر؟ واقعدى ع رجلي؟
مصطفى : تعالى بقى متزعليش . تعرفي ياكوثر ياحبيبتى . انا معنديش مانع انى اعترف للدنيا كلها انى بحبك اوى .
.ونفسي اكون معاكى ليل ونهار . بس انا عارف إن اهلى هيرفضو وجودك هنا ف البيت .
.وعشان كده أجرت ليكى شقه بعيد عن هنا . ياكوثر شيلى ايدك من قفايا بغير . هههههههه .
كريم : فتح عينيه بصدمه اكبر . مصطفى جايب نسوان ف البيت؟ ومأجر شقه كمان؟ حلاوتك ف الهلس ياطعم .
مصطفى : ههههه عايزاني ابوسك ههههه طيب هبوسك بس بشرط . تاكلى التفاحه دى .
كريم : من بين أسنانه بتوعد هي وصلت للبوس .
وبتأكلها تفاح كمان .
. ده انت طلعت صايع يامصطفى . عملت الل جد جد جد جدك ماقدرش يعملو . ده انت عديت يالا .
دا انا هنفخك .
مصطفى : شاطره يقلبى تعالى بقى ف حضنى وبطلى تلعبي ف شعرى . هههههههه ياكوثر بغير .
كريم : بغيظ . لاا بقى انا مش هسكت . البيت ده طاهر . وهيفضل طووول عمره طاهر . وحياتك ياصاصا . لاتاخد منى العلقه التمام .انت وست كوثر بتاعتك دي .
.وحدف الفوطه ع الأرض . وهجم ع الباب مره واحده ودخل جري ووقع ع السرير جمب مصطفى وكوثر ..
كريم : فتح عينيه وشاف كوثر .. وصرخ لااااا لااااااا لااااااا لااا
مصطفى : اتصدم وقام بسرعه .. تعالى هنا ياكوثر ابعدى عنه .
كريم : بيصرررخ . لااااااااااااااء شيلها من عليا ياحيووووواااان .
مصطفى : جري عليها بسرعه كوثر ابعدى عنه.
كريم : فتح عينيه وقام وقف ع السرير بخوف وصرخ اكتر لااااااااااااااء قرده 
قرررررده ف بيتنا لااااااااااااااء.
مصطفى : شال كوثر. وكوثر طلعت ع كتفه . وقال اهدى متخافيش. وبلع ريقه بتوتر .كر....كريم بص وحيات ابوك ماتقول لحد حاجه .انا هفهمك كل حاجه.
كريم : واقف وخايف . وقال دا انا هفضحك . جااايب قرده ف البيت يااااكلب .
مصطفى : وبعدين ف الغلط ده بقى . اولا دى مش قرده . دى نسناسه 
واسمها كوثر ياريت تحترمها عشان بتزعل ..
كريم : بخوف متداري . بتزززعل . ولااا . خد القرف الل معاك دى وارميهااا بره البيت بسررررعه انت فاهم ..
كوثر : هتنزل من كتف مصطفى.
مصطفى : بس ياحبيبتى اهدى ومتزعليش منه هو مش فاهم حاجه ..
كوثر : نطت من ع كتف مصطفى وراحت عند كريم .
كريم : صرخ لااااا ء . ونط بسرعه ع الكنبه . وكوثر نطت وراه . وكريم جري بره الاوضه وكوثر طلعت تجري وراه
مصطفى : لطم ع خدو بخوف . خدى يااااكوثر . ينهار مش واضح انهردا . وجري نزل وراهم .
كريم : نازل ع السلم جري . وكوثر نطت ع درابزين السلم وسبقته . ونطت ع كتفه .واتشعلقت فيه ..
كريم : صرخ اكتر . وبيجري ومش شايف قدامه ووقع ع الكرسي. وحيااااات امك يامصطفى ما هسييييبك . والله العظيم لا اربيك يااااكلب . لااااا . ولاااا تعالى ابعدها عنى يالاااا.
كوثر : بتعمل صوت كأنها مبسوطه من اللعبه دي ..
مصطفى : بيجري وراهم . وكريم بيجري وكوثر بتجري وخرجو ف الجنينه. وحصل هرج ومرج ف الفيلا .
كوثر : بتجري . والحرس بيجرو وراها ومصطفى . بيحلق عليها. مع الحرس. وكوثر مصممه تروح لكريم .
كريم : دخل الفيلا جري . وحط ايدو ع قلبه وبياخد نفسه . وفجاءه حس بحركه قدام رجله. وبلع ريقه بخوف ونزل عينيه وبص . وشاف كوثر واقفه قدامه ورافعه راسها ليه. وكريم تنح ..
مصطفى : داخل بينهج . وشاف الموقف .
كريم : لسه هيزعق ..
مصطفى : شهق بصدمه . وزعق . ايييه دا ياكريم؟ قرده ياكريم؟ انت يطلع منك كل ده؟
كريم : واقف خايف ومش فاهم حاجه ..
مصطفى : خبط كف ع كف . انت ياكريم ياعاقل ياراسي . تعمل كدا . وتجيب قرده ع البيت. انت مش عارف إن ماما وبابا وكمان ناناه منبهين عليينا إن ممنوع الحيوانات تدخل البيت. لا إله إلا الله . تؤ .
كريم : لسه هيزعق .
مريم : صرخت بصوت عالى. ااااه يامامي اييييه دااااا ياكريييييييم .
كريم : لف ليها واتصدم امه وراه . وفهم كلام مصطفى . وصك ع اسنانه بغيظ وخايف يتحرك من اال واقفه قدامه كأنها بتهدده..
مصطفى : جري ع مريم . اهدي ياماما . اهدي وكل حاجه هتتحل . وكريم عرف غلطه خلاص . هو اكيد مكنش يقصد .
كريم : بصله بصدمه. وزعق انت بتق......وسكت لأن كوثر اتحركت ..احم .
مريم : وقفت ورا مصطفى بخوف كبير . وقالت بتلعثم م....مو..صط ..وصرخت..اي داااااااااا .
كريم : قبض ع ايديه بغضب واضح.
مصطفى : بلع ريقه بتوتر ..
كوثر : جريت نطت ع مصطفى ولفت حوالين رقبته وعملت صوت..
مريم : خافت وجريت وقفت ورا كريم . ومسكت ف تيشرته . وقالت بخوف وغيظ ف نفس الوقت . انا كنت عارفه انك انت الل ورا ال بيحصل ده . وصدقنى الموضوع ده مش هيعدى بسهوله يامصطفى ..
مصطفى : بزعل حقيقي ليه بس ياماما . كوثر اليفه ومبتأذيش حد وانا بحبها ..
كريم : حاوط امه من كتفها لانها خايفه.
مريم : اييه؟ كوثر ؟ مين كوثر دي؟
مصطفى : النسناسه دى . اعرفك ع كوثر ..
مريم : صكت ع أسنانها بغيظ مكبت. وقالت والله العظيم لو ما اتخلصت من القرف ده . لا اتصل ع ابوك حالا.
. والا اقولك انا هلم هدومي وامشي من الجبلايه دى حالا.
كريم : كتم الضحكه .
مصطفى : بتريقه جبلايه . ماشي ياماما . عموما كرامة كوثر فوق كل شئ وانا مرضاش انها تقعد ف مكان وجودها مش مرغوب فيه .
انا رايح ارجعها لسعيد صحبى . وجه يتحرك . وقرب منهم كوثر بسرعه يخوفهم
مريم صرخت . وكريم رجع لورا .
مصطفى : هههههههههههه خايف؟ عشان تعرف انها مش بالعضلات ياكيمو
------------------بقلمي مريم نصار.
فيلا الجبالى ..
رؤوف : الو ايوه يا عاشور طمنى ايه الأخبار؟
عاشور : بتوتر .احنا مراقبين كل تحركاتها ياباشا . لكن هي بقالها اسبوع مابتجيش العياده . والل عرفناه من السوشيال ميديا إن فرح احفاد آدم العدوى قريبا .
رؤوف : وقف بغيظ وزعق انت بتقووووول ايييييه يابهييم انت . انت لسه جاااااى تقول الكلام ده ياحيووووواااان . اسمع انا عايز كل المعلومات عن حفيدته مريم العدوي الفرح لاااااازم يتقلب لفضيحه انت فاااااااهم ..
عاشور : نفخ بنفاذ صبر تحت امرك ياباشا كل المعلومات عن حفيدته اعتبرها قدام سعاتك.
رؤوف : قفل وبص قدامه بكُره كبير انت ترفض ابنى انا ..ان ما خليتك تندم يا آدم ياعدوى مابقاش أسمى الجبالى ..
بعد يومين ..
فيلا العدوي.
ميرو لابسه فستان رقيق جدا باللون الجنزارى وحجاب رقيق . ونازله ع السلم . وراحت الليفنج . مساء الخير . وسلمت ع مريم.
مريم : مساء السعاده ياميرو ياحبيبتى.
ميرو : هو بابي و مامي لسه مرجعوش من عند بابا طارق؟
مريم : لأ ياحبيبتى . هما قالو هيرجعو بعد المغرب بإذن الله .
ميرو : إن شاء الله.
مريم : ابتسمت . جبتى هديه لصحبتك ولا انا اتصرف؟
ميرو : ابتسمت . طبعا جبتلها . وانا اقدر انسى تعليماتك ياست الكل . انا هدخل اسلم ع بابا آدم ..
مريم : آدم راح للعمال مع زين . يستلمو الفيلا ل آريان .
ميرو : ابتسمت بحب الحمدلله إن الفيلا خلصت بجد ياماما شكل الفيلا الخارجي يجنن حستها كريستال بجد تحفه جدا ماشاء الله .
مريم : يتنهيده عقبال ما نعملك يانور عيني.
ميرو : ابتسمت بتمثيل . إن شاء الله . احم ا.انا همشي بقى عشان متاخرش ع عيد الميلاد . لانها مسافره زي ما قولت لحضرتك .
مريم : شاهين هيوصلك .
ميرو : بحرج . لأ هوا... بصراحه تيم هيوصلني ويحضر معايا عيد الميلاد هو زمانه ع وصول . احم ده بعد اذنك.
مريم : ودي عايزه إذن . كدا اكون مطمنه عليكى اكتر . روحي ياحبيبتى. ربنا يحفظك بحفظه . خلى بالك من نفسك.
ميرو : سلمت عليها . حاضر ياحبيبتى . وخرجت من الڤيلا . وشافت تيم لسه واصل حالا ..
تيم : نزل من العربيه . وابتسم اتأخرت عليكي؟
ميرو : لا ابدا .
تيم : فتح باب العربيه ليها . اتفضلى .
ميرو : بتوتر .. احم ميرسي وركبت جمبه ..
تيم : لبس النضاره . وركب جمبها .. واتحرك .. وقال عامله ايه دلوقتى؟
ميرو : انا كويسه الحمد لله ..
تيم : شغل ميوزك .
ميرو : سرحت مع كلمات اغنية وائل جسار . خدينى معاكي مشوارك ..
تيم : سايق وبيسمع الاغنيه وساكت ..
خديني معاكي مشوارك انا ملهوف لاخبارك
وحاجه غريبه تحصلي بعيش الجنه ف نارك
بشوف الحب ف مرايا واقول لو كنتي ويايا
وهفهم سره م صورتك وامتي سكنتي جوايا
انا معرفش حبيت ليه ومين بيلومني ع اللي انا فيه
وليه سلمت واستسلمت مشيت ف طريق شاورت عليه..
سألتك مره مترديش وليه ع طول انا بدي
ياريتك مرة تهتمي وتدي الحب ع قدي
بعيش وياكي ايامك ومهما بعدت قدامك
ولو نمتي ف عز النوم انا بصحي ف احلامك
انا اختارتك مفيش غيرك مصيري شوفته ف مصيرك
انا عايش عشان خاطرك وليه ماشغلش تفكيرك
------------------بقلمي مريم نصار.
بعد شويه ف الفندق .
كامليا : لابسه فستان جميل جدا .وحطه ميكب . ومستنيه تيم وقاعده ع الترابيزه .
وبصت ف الساعه ونفخت. اووف الساعه 4 وتيمو قالى أنه داخل عليا فين بقى ؟
ورفعت عينيها شافت تيم وميرو داخلين مع بعض.وميرو رغم مافيش اى ميكب إلا إن جمالها هادى ومميز . وده غاظها اكتر وجسمها ولع نار . وصكت ع أسنانها بغيظ كبير .
تيم : راح عندها مساء الخير اذيك ياكامليا؟
كامليا : ابتسمت بتمثيل مساء الخير يا حبيبي .انا كويسه طول ما انت جمبى .
ميرو : بثبات عكس الل جواها .كل سنه وانتي طيبه يا كامليا .
كامليا : ببرود وانتي طيبه .
ميرو : ابتسمت . ماشاء الله انتى انهردا طالعه زي القمر..
كامليا : بكبرياء طول عمري مش انهردا بس .
تيم : اضايق منها . وشاور للجارسون. تشربو ايه؟
ميرو : لأ ميرسي .
كامليا : بغيظ نشرب ايه ياتيم . فين التورته اومال انت حاجز التربيزه دي لايه بقى.
تيم : ع طول مستعجله . وبص للجارسون . نزل الطلب لو سمحت .
الجارسون تحت امرك يافندم . واتحرك .
تيم : مقولتيش يامريم تشربى ايه؟
ميرو : بتوتر . لا ميرسي انا مش جاي ع بالى اي حاجه.
تيم : وانتى ياكامليا .
كامليا : اختار انت ليا ع زوقك ياحبيبى.
ميرو : غمضت عينيها . ولعنت نفسها انها جت .
بعد شويه التورته نزلت. وكامليا احتفلت. وتيم قدم ليها هديه .
كامليا : بسعاده ميرسي جدا جدا ياحبيبى بجد ساعه تحفه .
ميرو : بحرج قدمت الهديه . سوري بقى ياكامليا انا معرفش إن تيم اختار ساعه . انا كمان جبتلك ساعه . ويارب تعجبك .اتفضلى .
كامليا : ابتسمت بتكليف. ميرسي يامريم كفايه تعبك . وجميله اوي تسلم ايدك.
ميرو :. هزت راسها . وقامت بعد اذنكم هروح الحمام اظبط الحجاب . واتحركت.
تيم : هتسافرى امتى
كامليا : بتهيده كمان الساعه 8. بجد انا قلقانه اوى ع بابي ياتيم .
تيم : متقلقيش إن شاء الله خير. وهيقوم بالسلامه . وانا عرضت عليكى يعملها هنا ف المستشفى . لكن انتى رفضتى.
كامليا : غصب عني والله ياحبيبى عمو هو الل مصمم انه ياخد بابي ويسفرو بره مصر . لانه بيحب بابي جدا وخايف عليه.
تيم : هز راسه . تمام ربنا يشفيه إن شاء الله.
كامليا : بزعل .. انا اكتر حاجه مضايقانى انى هبعد عنك فتره كبيره اوى .
تيم : بعدم فهم ليه؟
كامليا : انت ناسي إن بابي هيعمل عملية قلب مفتوح . ودى هتاخد وقت كبير . العمليه هتتعمل اول الشهر الجاى . وغير فترة النقاهه بعد العمليه حوالى ٤ شهور . وعشان مامى مش هتقدر تقعد لوحدها . انا الل هكون مرافق مع بابي . يعنى انا مش هنزل مصر غير بعد ٦ شهور تقريبا ..
تيم : اممم اهم حاجه انك تطمنى ع والدك .
كاميليا : بتنهيده . إن شاء الله . وابتسمت عندى ليك خبر حلو ع فكره.
تيم : ايه؟
كامليا : بابى وعدنى انى اول ما ارجع هيفتحلى عياده خاصه بيا . ودى هدية عيد ميلادى. واااو بجد
تيم : اممم جميل . الف مبروك مقدما ..
كامليا : . الله يبارك فيك ياحبيبى.
ميرو : جت . وقعدت .
كامليا : عينيها بتراقبها وتشوف نظراتها رايحه فين ..
ميرو : فتحت الفون وركزت فيه عشان متضعفش .
كامليا : بتريقه ايه يامريم. انتى مشغوله اوي بالفون . واضح انك بتكلمي حد مهم .
ميرو : بعفويه . فعلا .
كامليا : عشان تغيظ مريم قالت .حبيبى انا جيت ف تاكسي انت بقى هتوصلنى المطار . ولو مريم مستعجله ممكن تاخد تاكسي .
تيم : بغيظ مكبت . مريم مش هتروح ف تاكسي ياكامليا وانا موجود . وإن كان ع المطار ف انا هوصلك متشغليش بالك ومتفكريش كتير .
ميرو : حست بالاحراج وقالت بحرج . لأ انا عندى مشوار مهم . وصلها انت .و...
تيم : بتحذير مشوار ايه؟ وانتى مش هتروحي ف اى مكان لوحدك .و زى ما جبتك من البيت هوصلك لحد البيت .
ميرو : حست إن مفيش هوا حواليها. وندمت انها جت من البدايه . وهزت راسها خلاص ياتيم زي ما تحب .
كامليا : غمضت عينيها بغيظ . اهددددى ياكامليا . بطلى عصبيه .
تيم : نفخ بنفاذ صبر . ومش عايز يتكلم مع كامليا قدام مريم ..
ميرو : شافت نظرات كامليا ليها . وقامت . احم انا هطلع برا هعمل مكالمه مهمه . وراجعه بعد اذنكم .
تيم : مش لازم تطلعى برا . انتى ممكن تتكلمى جوه الفندق .
ميرو : معلش ياتيم سبنى برحتى . وابتسمت بتمثيل وبعدين انا مش عايزه اكون عزول اكتر من كده ههههه . ثوانى وراجعه . واخدت الفون وخرجت قدام الفندق لانها حاسه انها مسجونه ف وجود كامليا ..
تيم : بصلها بغضب . اقسم بالله آخر مره ياكامليا هحظرك من انك تتكلمى اى حرف صغير يضايق مريم .انتى فاهمه ولا لأ؟
كامليا : بصتله بصدمه . انت بتكلمنى انا كدا ياتيم؟ هو انا اتكلمت قولت ايه؟
تيم : انتى عارفه كويس اوى انتى قولتى ايه.
. واتكلم بنبره تخوف . اى غلطه منك اعتبري الل بينا منتهي فاهمه .
كامليا : هزت راسها بزهول . ا.انت بتقول ايه ياتيم؟ انت عندك استعداد تسيبنى عشانها .
تيم : انتى مش شايفه اسلوبك وطريقتك قدام مريم ازاى؟ ديما بتحبي تحرجيها . انا مش غبى ياكامليا .
وكمان انا عندى استعداد اسيب اى حد يحاول يأذى اى حد من عيلتى مش مريم بس .
انتى لو اتكلمتى بأسلوبك ده مع اي بنت تانيه غير مريم انا هتصرف بنفس الطريقه . ومش هنبه عليكي تانى . مريم و آرين وليليان وتالين وحياة وكارما . حذارى تضايقى اي حد فيهم .
انا مش فاهم انتى لو اتعاملتى بطريقه ارقي من كدا هيحصل ايه؟
كامليا : وقفت بغضب . انا عايزه امشي دلوقتي لو سمحت.
تيم : قام وقف مفيش اى مشكله . وطلع الحساب .
الجارسون : داخل من بره الفندق . وقال لتيم اتفضل حضرتك الفون ده وقع من الانسه الل كانت قاعده ع تربيزة حضرتك وخرجت بره الفندق ..
تيم : بعدم فهم . وقع ؟ مش فاهم ؟
الجارسون : حضرتك انا كنت داخل الفندق . والانسه شاورت لتاكسي . وركبت والفون وقع منها. والتاكسي مشي وملحقتش التاكسي . انا جبت الفون لحضرتك .
تيم : قبض ع ايديه بغضب شديد وبص لكامليا لانها السبب وميرو مشيت بسبب كلامها ..
كامليا : بلعت ريقها بتوتر . ا.ايه ياتيم بتبصلى كدا ليه؟
تيم : صك ع أسنانه . مريم مشيت بسبب كلامك وطريقتك المتعجرفه.
كامليا : عيطت والله انا مقصد حاجه.انا قولت انت توصلنى ..
انا وانت ونتكلم مع بعض شويه ف الطريق . انا اسفه مكنتش اعرف انها هتزعل كده .
تيم : مسح وشه بايديه ونفخ بخنقه. اتفضلى عشان اوصلك .
كامليا : بخوف طب.......
تيم : قاطعها وزعق بصوته كله اتفضلى ...
اكتر الموجودين انتبهوا ع صوته
كامليا : اتخضت وحست بالاحراج . وعيطت وجريت من قدامه.
تيم : اخد فونه والمفاتيح . وفون مريم وخارج بره الفندق وبص حواليه كويس . وركب العربيه . وكامليا ركبت وبتعيط . وطول الطريق محدش كلم التاني . ووصلو المطار اخيرا.
تيم : اتفضلى انزلى.
كامليا : بصتله انت مش هتوصلنى جوه المطار .
تيم : بنرفزه. انا كنت هعمل كده لو متكلمتيش كلامك ده وضايقتيها ومشيت بسببك .
.لكن انا دلوقتي لازم امشي حالا عشان اوصل قبلها ع البيت ماهو ماينفعش تبقى معايا وتروح لوحدها . وكمان اديها فونها. اتفضلى .
كامليا : صكت ع أسنانها بغيظ . ونزلت ورزعت الباب ودخلت المطار وجواها غيره كبيره وبتلعن ف مريم.
تيم : مسح وشه بايديه . ولسه بيشغل العربيه .. سمع صوت رساله . وكانت من فون ميرو . ونزل بالشاشه . وشاف رساله قلبت موزاين حياته .
. -------------يتبع