رواية جريمة عشق الجزء الرابع الحلقة السابعة والثلاثون 37 | روايات مريم نصار

نقدم اليوم احداث رواية جريمة عشق الجزء الرابع ميراث العشق الحلقة 37 من روايات مريم نصار . والتى تندرج تحت تصنيف روايات رومانسية ، تعد الرواية  واحدة من اجمل الروايات رومانسية  والتى نالت اعجاب القراء على الموقع ، لـ قراءة احداث رواية اسيرة العادات والتقاليد كاملة بقلم مريم نصار من خلال اللينك السابق ، أو تنزيل رواية جريمة عشق 4 pdf كاملة  من خلال موقعنا .


رواية جريمة عشق 4 ( ميراث العشق ) الحلقة 37 | روايات مريم نصار



رواية ميراث العشق مريم نصار الفصل السابع والثلاثون


الحلقه ٢٩ ج ١

رواية جريمة عشق ٤
(ميراث العشق)

‏عندما تستيقظ ف الصباح ..
‏فكِّر كم هو ثمين ورائع أن تكون ع قيد الحياة .. أن تتنفس ..وتتعبد.. وتفكر .. وتستمتع .. وتحب " ..

‏⁧______________________________________

بسم الله نبدأ

أسم الكاتبة الحقيقي : شريهان ابراهيم.
الإسم الحركي للكاتبة : مريم نصار.

فيلا السيوفي ..

طارق .. صلى القيام . وقعد ع السرير بتعب اااااه يعضمك ياسمير ..

رنا : بتقلع الاسدال . ههههه سمير؟ انت كل يوم بإسم شكل . ارسالك ع اسم ياطارق .

طارق : تعرفي يابت يارانوش . انا مبسوط اوى اه والله . ياااه الدنيا دى عجيبه اوى سبحان الله . مين كان يصدق انى اوصل للمكانه دى لأ وكمان اتجوز من بياض التلج رانوش . وكمان اخلف بالتلاته زي اليمين بالظبط هههههههه . وكمان افرح بيهم . واحضر فرح احفادى ميرو أميرة العيله . ع تيم يااااه بجد سبحان الله .

رنا : قعدت جنبه . وقالت سبحان الله فعلا . لأ والأغرب من ده انى اعقل ع ايد مجنوني طاروق . وكمان ربنا يرزقنى ب رودي الطاقه وسبحان الله ربنا يرزقنا ب چود مكيس منك ومن رودي . متخيل انا بعانى قد ايه؟ ههههههه بس كله يهون عشانك ياطاروق ياقمر انت..

طارق : تصدقى يابت يا رنا ؟ هتصدقى إن شاء الله . إنك لما بتعقلى بتكرهينى ف صنف الحريم . قومي قومي اتحزمى كدا وارقصي عشره بلدى . ولا اقولك هشغل مهرجانات شعبي وترقصي عليها . وهجبلك سلاح أبيض تتشقلبى بيه اشطا ؟

رنا : تنحت وفتحت بوقها ومش عارفه تعمل ريأكشن معين .. وحست انها جالها تخلف عقلى..

طارق : اله مالك متنحه كدا ليه؟ بتكلم عبري . ماتقومي يابت . هزى .

رنا : صكت ع أسنانها بغيظ مكبت وقالت اهز؟ بزمتك انت مش مكسوف من نفسك؟ واحد ف سنك يقول لمراته هزى؟ وسلاح أبيض؟ انت مخك راح فين ياطارق ارحمنى ياراجل جننتنى معاك؟

طارق : قرب من وشها وقال بتريقه . خليكى انتى كدا نكدي عليا لما اطفش واروح موالد وافراح واتفرج ع الراقصين . ولا اقولك عيالك هيلمونى من الكباريهات يارنا .عشان ايه ده كله؟ كفرت ولا كفرت؟ هي حرام الست تهز لجوزها .؟ قومي يابت

رنا : بنفاذ صبر . قالت ياصبر ايوووب يارب . وابتسمت بغيظ مكبت . أهدى ياطاروق ياحبيبى ايه هزارك ده . وبعدين دا انا بقيت جده . وانت ماشاءالله عليك سيادة اللوا ماينفعش هيبتك يا اسد .

طارق : كشر عينيه بتثبيتى يارانوش؟ طيب انا هوريكى مين الجد يابت . انتى اصلا وحشانى من زمان . وشدها لحضنه وقرب منها بحب ومرح . ورغم كل ده إلا إن رنا بتعشق جنونه ال مالوش حدود وعاشت معاه وقت مميز ..

------------------بقلمي مريم نصار.

عند فارس .

فارس : بينفخ بغيظ .يااااروووودي كل ده بتلبسي؟انجزي انا مسافر بكره .

رودي : من ورا الباب ماتهدا ياشبح .ولا اطلعلك بترنج وتقول مراتى منكده عليا حياتى. وساعتها تبص لبره وقتها اقتلكو وامثل بجثتكو .اه وعهد الله بقول كلام حق و حقيق ياشقيق.

فارس : قعد ع الكنبه بيأس وقال سعد زغلول قال مفيش فايده. وهو كان عارف إن ف نوع كدا عمره ما هيتغير ..

رودي : بتقوووول حاااجه يابرنس؟

فارس : بقول لا اله الا الله يارودي .

رودي : ربنا يقومي ايمانك . سبح كدا عما اخلص .

فارس : بتعجب . عما؟ لا خدى راحتك . انا هنام ساعتين ع ماتلبسي وتخلصي .. وقام رايح ع السرير بنرفزه ..

رودي : خرجت من باب الحمام . ولابسه طقم جنان . وقصه شعرها وعامله نيولوك جديد .. وقالت بغمزه فروستي؟

فارس : بغيظ لف ليها نع...........وتنح وقال ببلاها انتى مين؟

رودي : بهزار عفت الشربيني من أمام إحدى بيوتش الد..... هههههه ولا بلاش عشان انتش بتشغير عليا . ولفت حوالين نفسها وغمزت ايه رايك ياقلبى ..

فارس : فتح عينيه وقفل بعدم تصديق . وقال رودي انتى صغرتي اوى . انتى قمر بجد انتى جميله اوي.

رودي : اتسكفت وقالت بحرج ممزوج بهزار .. يعنى الواحد حاسس انه مقصر بس ..

فارس : مقصره ايه؟ بالجمال ده . وقرب منها وباس ع أيدها وقال انتى ملكة جمال قلب فارس .

رودي : بحرج . بجد يعنى عجبتك يافروستى؟

فارس : تاه ف جمالها . وقال انتى دوبتى قلبى وجننتى عقلى يارودي المجنونه . وقرب منها بحب كبير وشالها وراح بيها لعالمهم الخاص ..

------------------بقلمي مريم نصار.

عند فهد .

آرين : اخدت شاور ولبست بيجامه عليها رسوم كرتونيه مضحكه .
.وواقفه قدام المرايا تسرح شعرها . ومبسوطه. وقالت كان نفسي أغنى اوى ف الفرح . امممم محدش مقدر موهبتى والله . غنى يا آري وسمعيهم موهبتك . احم احم .
ومسكت فرشة الشعر ع اساس انها مايك . ووقفت تغنى بمرح . ل سبونج بوب . انجليزى وعربي .

Are you ready, kids?
Aye-aye, Captain!
I can't hear you!
Aye aye, Captain!
Ooooooooooooooooooooooh...
Who lives in a pineapple under the sea?
SpongeBob SquarePants!
Absorbent and yellow and porous is he
SpongeBob SquarePants!
If nautical nonsense be something you wish
SpongeBob SquarePants!
Then drop on the deck and flop like a fish
SpongeBob SquarePants!
Ready?
SpongeBob SquarePants!
SpongeBob SquarePants!
SpongeBob SquarePants!
SpongeBob SquarePants!!

جاهزون يا اطفال
آي آي كابتن .. لا اسمعكم
آي آي كابتن
اوووووووووووووووووووو
من يسكن البحر ويحبه الناس . سبونج بوب سكوير بانتز . لونه اصفر مربع حساس .سبونج بوب سكوير بانتز . لو كنت تبحث عن مرح البحار . سبونج بوب سكوير بانتز . فهيا للسطح وكن كالمحار . سبونج بوب سكوير بانتز
سبونج بوب ...... سكوير بانتز
سبونج بوب ...... سكوير بانتز
سبونج بوب ...... سكوير بانتز
سبووووووووووووونج بوووووووووووب سكوووووووووووير باااااااااااانتز

وبعدها ضحكت ع نفسها . هههههههههههه قمر بجد يا آري قمرررر . وبعتت لنفسها بوسه ع الهوا ..

وبتكلم نفسها . اممم اليوم انهردا كان جنان . واو والعرايس قمرات اوووى . ومفجأة تيمو ل ميرو كانت تجنن واو رومانتك اوى .
وبعدها كشرت بطفوليه وقالت . بس آدم ده نكد عليا ف الفرح .. ومش كفايه لبست فستان اسود؟ .

. انا مش قادره أفهمه شخص غريب جدا . وبتقلدو . متقوميش من مكانك ياتقعدى ع التربيزه بتاعتى . يا اما مع عمتو .
.لأ ويقولى انتى قمر ويسبنى ويمشي . اوووف وكمان بيبصلى كتير اوى . وقلبى بيدق . وقعدت ع طرف السرير .. وقالت .
. تؤ معقول بجد يكون آدم بيحبنى انا ... لأ وانا كمان ممكن ؟ يوووه.
.انا مش فاهمه حاجه . آدم مابيهتمش بحد كدا . اوووف .
. بس ليه انا بحب طريقته وأسلوبه وكل حاجه فيه بتشدنى .
.وابتسمت ياخرابي لما بيغمزلى قمر قمر .

. وبعدها كشرت . إيه ده بقى؟ ايه الل انا بفكر فيه ده؟. انا لسه صغيره ع الحجات دي . آرين اعقلى اوكي .
وبعدها ابتسمت . امممم لما بيضحك بكون فرحانه اوى ضحكته قمر خطفتنى ولا البدله عليه ياااربنا ع الجمال .
. وبعدها كشرت تانى . لأ لأ . آرين وبعدين احنا قولنا انك لسه صغيره اوكى . ايوه اعقلى .

. وبعدها مسكت السلسله وضمتها لقلبها وابتسمت آدم مراد جميل اوى اوى يلهوى ع شخصيته القمر.

. وبعدها فاقت . وقالت لااا . والله كدا ماينفع . انا بالطريقه دي اكيد جعانه . وشهقت بصوت مسموع هييييي كنزى حبيبى هو فين؟.
وقامت بسرعه . جابت الكيس من ع المكتب . وقعدت ع السرير وربعت رجليها . وجابت كوكيز وحاجه ساقعه . وبدأت تاكل . وتقول بتمثيل .

(ليه اديتني كل حاجه وف لحظه اخدت مني كل حاجه يا بسيوني) انا اتغيرت علشانك اهيء اهيء.

امممم الكوكيز وجماله . وشهقت ياخبر . السؤال ؟

. لما افتح نت اشوف السؤال .واكيد الفانز كله جاوب اعااااااا
. . انا نسيت خالص . وجابت الفون وفتحت نت وبتاكل .
. ووصلت رسالة آدم . وشافتها . وفتحت عينيها بدهشه وكحت .. كح كح . هيييي آدم بعتلى رساله . احم .
. وقالت ف ايه يا آرين؟ مالك هو بيسالك عادى وصلتى؟
.ردي عليه وقوليله ايوه فيهاش حاجه يعنى . وبلعت ريقها بتوتر . وكتبت ايوه وصلت ..

آدم مراد : سمع صوت الرساله . وفتح واتس . وابتسم . كل ده ؟

آرين : سابت الاكل . ورجعت بضهرها ع السرير . وكتبت . سورى لسه شايفه المسج دلوقتي.

آدم مراد : رجع بضهرو ع السرير وكتب . عامله ايه دلوقتى؟

آرين : ابتسمت . كويسه جدا . انت بقى عامل ايه؟

آدم مراد : انا كويس يا آري.

آرين : اتوترت وسكتت .......

آدم مراد : كنتى حلوه اوي انهردا .

آرين : قلبها بيدق .وقالت بحرج ميرسي..

آدم مراد : بتعملى ايه؟

آرين : ببرأه باكل كوكيز وبشرب حاجه ساقعه . وانت؟

آدم مراد : ابتسم . انا قاعد مستنيكى تردي عليا واطمن عليكى .

آرين : بعفويه . طيب ليه متصلتش ع اي حد تطمن ؟

آدم مراد : بس انا عايز اطمن عليكى انتى وبس .

آرين : قلبها بيدق . ومحتاره .. وسكتت..........

آدم مراد : يلا نامي بقى الوقت أتأخر ..

آرين : آدم ممكن أسألك سؤال .؟

آدم مراد : اتنهد بحب . اسألى .

آرين : انت ليه ............ لأ لأ خلاص مفيش حاجه.

آدم مراد : فهم هي عايزه ايه؟ وقال هتعرفي انا بعمل كل ده ليه؟ ومهتم بيكى انتى الوحيده ليه؟

آرين : شهقت وحطت ايدها ع بوقها . وكتبت ايوه ازاى عرفت انى عايزه أسألك كدا؟

آدم مراد : بابتسامه. المفروض تكوني عرفتى الاجابه لانى شوفتها ف عينيكى قبل كده . بس انا بحب كل حاجه تيجي ف وقتها.

آرين : وشها بقى احمر جدا ..وفهمت وضغطت ع شفايفها بحرج ..احم .وسكتت ....

آدم مراد : تصبحي ع خير يا آري ..

آرين : بإحساس مختلف . وانت بخير يا آدم .

------------------بقلمي مريم نصار

عند تيم ..

تيم : نفخ بنفاذ صبر . وخبط عليها طيب ماينفعش انام ع الكنبه عندك ؟ حرام كدا والله العظيم..

ميرو : من ورا الباب .قالت بغيظ . انت زى اخويا وماينفعش تنام هناااااا ..

تيم : صك ع أسنانه بغيره كبيره . وزعق بغيظ . انا مش اخووووكي ولاااا انتى اختى ..

ميرو : قفلت الباب بالمفتاح .ودخلت الحمام.

تيم : صك ع أسنانه بغيظ واضح. ونفخ بضيق . مااااشي يامريم . مااااشي . واخد هدومه بنرفزه ودخل الحمام ياخد شاور ..

بعد شويه . ميرو لبست بيجامه ولبست الاسدال. وصلت ركعتين شكر لله . وسجدت وعيطت بصوت عالى من الفرحه الكبيره وأنها محدش لمسها. وشكرت ربنا كتير جدا . وحمدت ربها انها بخير . وعيطت ف السجود فتره كبيره ..

تيم : خرج من الحمام . وسمع صوت شهقات بسيطه .
.وقرب من الباب بقلق وخوف واضح . ولسه هيخبط . سمعها وهي بتعيط و بتقول . شكرا يارب . الف حمد وشكر ليك يارب . انا مش مصدقه نفسي انى محدش لمسنى . بجد خبر بعمري كله. انا محدش فرحان قدي . وتيم ؟ تيم؟
سبحانك ربي بعد كل السنين دي وحبي ل تيم ف قلبى . تجبر بخاطرى بفرحه كبيره مكنتش احلم بيها . انا مبسوطه اوى يارب . انا مش قادره اوصف احساسي . الف حمد وشكر ليك يارب . الف حمد وشكر ليك ..

تيم : زعل لصوت عياطها . ولكن ابتسم . انها مبسوطه . واتنهد وقال وعد منى ليكى ياميرو انى هقدملك السعاده بين ايديكي . وهاخد حقك من كل حد فكر بس انه يجرح ملاكي .
واخد سجادة الصلاه وراح يصلى هو كمان ركعتين شكر لله .

ميرو : خلصت صلاه . وقامت ومسحت دموعها . وحست بدوخه بسيطه لانها ما اكلتش من بدرى .

ميرو بصت حواليها . وشافت ديكور الاوضه وعجبها جدا .وقعدت ع طرف السرير . وبتكلم نفسها ف اللاوعي . هو بجد تيم اتجوزنى؟
.وابتسمت يعنى انا دلوقتي مراته . انا حقيقي مش مصدقه كمية فرحه كبيره جدا . وكمان محدش لمسنى . ايوه تيم قالى انها مؤامره .
. وبعدها كشرت عينيها بتعجب !!!. طيب هي مؤامره من مين؟
.مين ال جواه كُره كبير ليا اوى كدا انه يأذينى ف اهم حاجه ؟
. مين ال فكر بشيطانيه كدا عشان يهدم سمعتى ؟

.معقول يكون أعداء ل بابي أو بابا آدم . لأ مش قادره اتخيل ان ف ناس بالشر والحقد ده .. مش هقول غير حسبى الله ونعم الوكيل مهما كان مين ربنا إن شاء الله هيجبلى حقي .

تيم : خلص صلاه. وقعد ع كنبة الليفنج . وبص للمخده والغطا بغيظ كبير . وشد الغطا بنرفزه . ونام ع ضهره .
. وباصص للسقف وبينفخ بغيظ. وقال معقول؟ مريم تبقى معايا وبعيده عنى؟ والله حرام كدا . اوووف . وبص للوقت . وقال مريم ما اكلتش من بدرى . واكيد هتتسكف تخرج . وابتسم بخبث . وقام بسرعه . وراح ع المطبخ . وجاب صينيه . وعليها اطباق . وحط الأكل ف الأطباق بطريقه ظريفه . وكوباية عصير فريش . واخد الصينيه وخرج ووقف قدام باب الاوضه . ونده عليها . ميرو .

ميرو : اتخضت وشهقت . ووقفت مكانها . وردت بتلعثم .ن..نعم .احم ا.ايوه .

تيم : ابتسم . حبيبتي انا عارف انك ما اكلتيش حاجه . انا جبتلك العشا ممكن تفتحي ..

ميرو : وقفت ورا الباب . وابتسمت بحب . وقالت برقه . لأ ميرسي مش جعانه ..

تيم : قلبه بيدق . احم . مش جعانه ازاى؟ انتى ف الفرح من بدرى وما اكلتيش حاجه . ممكن عقابك ليا ميكونش ليه علاقه بالاكل . ؟

ميرو : حطت خدها ع الباب وقلبها بيدق . وقالت بس انا مش جعانه . وانا مش بعاقبك . دى فترة خطوبه ..

تيم : سند ع الباب . وقال وانا موافق ع اى حاجه . المهم انك معايا . وبما انى جوزك . قصدى خطيبك . افتحي خدى الاكل .وكمل بمكر.. ولا اتصل ع بابا آدم ؟

ميرو : فتحت عينيها بدهشه . إيه؟ بابا آدم؟ لأ . احم ثوانى . ولبست حجاب الاسدال . ونفخت بتوتر . وفتحت الباب برجفه .

تيم : شافها بالاسدال . وابتسم . وقال طيب بما انك ما شاء الله محجبه قدامى . ممكن نتعشي مع بعض .ياريت بجد ؟

ميرو : اخدت منه الصينيه . وقالت بتوتر تصبح ع خير . ودخلت بسرعه وقفلت الباب . وبتنهج .

تيم : حط ايدو ف جمبه . ومط شفايفه امممم. شكلك هتتعبينى يابنت مراد . لكن ماشي . لما نشوف مين فينا نفسه اطول من التانى .؟

------------------بقلمي مريم نصار.

فيلا زياد جمال .

ف اوضة حياة . واقفه قدام المرايا بالفستان ال جابه ليها آسر .وبتبص ع الفستان وعجبها تصميمه جدا . وأعجبت جدا بموقفه الرجولى . وقالت أنا لازم ابعتله مسج شكر ع ال عمله معايه . بجد آسر ابن خالو عمل موقف جميل جدا . ومسكت الفون . وفتحت الشات . وكان فاتح . وقفلت بسرعه واتكسفت وقالت آسر اونلاين . لأ عيب انى ابعتله مسج دلوقتي .. وقالت . عيب ليه بس؟ هو معايا موقف جميل . الفستان اتقطع وهو خبى جسمى بجد آسر عظيم جدا . وفتحت الشات . وبلعت ريقها بتوتر. وكتب آسر . انا بجد بشكرك ع ال انت عملته معايا .. وبتضغط ارسال . ونفس الوقت آسر بعتلها حياة عامله ايه دلوقتى؟

والاتنين ابتسمو .

حياة : الحمدلله انا كويسه. وانت؟

آسر : انا مش عايز اسمع منك كلمة شكرا دي تانى . انتى بنت عمتو . وحتى غير كدا . دا واجبي تجاهك ياحياة.

حياة : بفرحه . ميرسي جدا يا آسر. والفستان يجنن بجد .

آسر : برضو ؟ مفيش فايده فيكى . واضح انك مفهمتيش كلامي كويس. ده واجبي تجاهك ياحياة . تمام ؟ وبعدين انتى ال خليتى الفستان جميل ..

حياة : اتوترت . انا مش عارفه اقولك ايه؟

آسر : كان هيندفع ويقولها بحبك . لكن شاف انها لسه صغيره . وكتب . متقوليش حاجه. كل الل انا عايزه منك . لو حصل معاكي اى حاجه حتى لو صغيره كلمينى ع طول من غير تردد .

حياة : ابتسمت . حاضر يا آسر .

آسر : ف لحظة ضعف . كتب. حياة انتى غاليه اوي . وبخاف عليكى .

حياة : وشها بقى احمر جدا. ومردتش .......

آسر : لعن نفسه. أنا قصدى انك بنت عمتو وغاليه زيها بالظبط .

حياة : ضحكت بسعاده . وقالت تصبح ع خير يا آسر .

آسر : ابتسم . وانتى بخير يا حياة .

....

عند ياسين.

.ياسين : واقف تحت الدش . ودماغه هتنفجر من التفكير . وكل مايغمض عينيه يشوف صورة تيم وهو بيعترف بحبه ل ميرو . ويشوف وتيم شايلها وبيلف بيها. وهي بتاكله قطعة التورته وتيم مسك أيدها. وصورة تيم وهو شايلها بتملك بين ايديه . وقبض ع ايديه بغيره كبيره . وفجاءه ظهرت قدامه صورة همس . وعيونها ال تشبه عيون القطط . وافتكر وهي بتمتم قدام العربيه . وظهر منه شبح ابتسامه بسيطه .

--
وعدت الليله ع خير .. و تمت نقل ملكية ليليان العدوي . لليليان عزيز .
وتمت نقل ملكية تمارا عزيز . ل تمارا العدوي .

------------------بقلمي مريم نصار.

تاني يوم الصبح .

فيلا الجبالي ..

رؤوف : نايم وعرقان . وبيهلوس بكلام مش مفهوم . وشايف كابوس مزعج. إن آدم العدوي بيقطع راسه. وقام مفزوع. وصرخ. لااااااااااااااء لااااااااااااااء مش عايز امووووت. مش عايز امووووت . وبينهج بسرعه كبيره ومرعوب . وعطشان جدا .. وبص حواليه كويس وشاف نفسه ف جناحه . وأنه كان كابوس مش اكتر . وقلبه بيدق . واتنهد . ومسح وشه بايديه برجفه . وجاب كوباية الميا من ع الكمود برجفه وبيشرب والميا بتقع منه من رعشة ايدو . وبينهج .ومتغاظ وحدف الكوبايه بعيد واتكسرت . ومسح بوقه بشر كبير وتوعد وقال . اقسم بالله ما هسيبك يابن العدوي ..

فيلا آريان العدوي .. الساعه ١١

آريان : بيصلى الضحى .

تمارا : بتتكلم مع نور ف الفون .

تمارا : بسعاده .. ايوه يا مامي . انا فعلا مبسوطه اوى . آريان كل شويه يصحى ويقول انا مش مصدق نفسي انك معايه ههههه..

نور : بسعاده . يارب ديما ياروحي تكونى مبسوطه .

تمارا : بدموع . بابي فين ؟ وحشنى جدا ..

نور : بابى جمبى اهو . ومانمش طول الليل . عشانك انتى وتيم ..معاكى اهو .

محمد : بصوت مبحوح . صباح الخير ياروحي..

تمارا : مسحت دموعها وابتسمت . صباح الورد ع اجمل بابي ف الدنيا . وحشتنى جدا.

محمد : ابتسم بحب . وانتى كمان وحشتينى جدا . عامله ايه ياحبيبتى؟

آريان : خلص صلاه . وقعد خلفها وضمها لقلبه وهي بتتكلم .

تمارا : ابتسمت . انا كويسه جدا يابابي. ومش عايزاك تقلق عليا اوكي ..

آريان : دفن وشه ف شعرها . وهمس بحبك ياتيما .

محمد : ابتسم . وانا مش قلقان عليكي ياحبيبتى . ربنا يوفقك ف حياتك .

تمارا : قلبها بيدق . وقالت بتلعثم . اوكي .

محمد : كشر عينيه اوكي ؟

آريان : ضحك بصمت ..

تمارا : خبطته بالمخده . وقالت احم قصدى اللهم امين ياحبيبى . حضرتك كلمت تيم؟

محمد : شويه كدا هتصل عليه . انتو مسافرين امتى؟

تمارا : بعد الضهر إن شاء الله .

محمد : ابتسم بالسلامه إن شاء الله . وخلى بالك من نفسك يا تيما .

آريان : شدها لحضنه وبيغلس عليها. وقال متقلقش عليها يادكتور . .تيما ف عينيا .

محمد : ابتسم . تمام يا حبيبى . ربنا معاكم ياحبايب قلبى . وقفلو .

تمارا : كشرت عينيها .وقالت كدا يا آريان توترني كدا وانا بتكلم مع بابي ؟

آريان : شدها لحضنه اكتر . اعملك ايه بس . من الصبح اتصلتى ع العيله كلها . ماما مريم . وعمتو لارين . وعمتو نور . وبعيده عنى .

تمارا : ضحكت . اله عيلتى وحشانى وبطمن عليهم .

آريان : باسها برقه . طيب وانا ؟ ماوحشتكيش؟

تمارا : اتكسفت وبصت ف الارض بحرج .احم وحشتنى اكيد .

آريان : قلبه دق . وقرب منها بحب كبير واخدها لعالمه الخاص ..

------------------بقلمي مريم نصار.

عند كريم عزيز .

ليليان : نايمه وشبه الملايكه . وكريم صاحي جمبها وبيتأملها . وبدء يصحيها بطريقه رومانسيه. وجاب ورده من الڤاظه وحطها ع خدها . وهمس ليلياني روح قلبى .

ليليان : حطت ايدها ع خدها وهرشت خدها ونفخت ..

كريم : أبتسم بحب . لي لي حبيبتى قومي بقى هنتاخر ع السفر ..وباسها من خدها ..

ليليان : فتحت عينيها بصدمه .وصرخت عااااااااااا . انتتتت مييييين؟ يامااامااعع . ورجعت بضهرها وشدت عليها الغطا .. حراااامي . لااااااااء ارجووووك ابعد عنننننني . عاااااااا باااابي .

كريم : اتخض منها . وحط أيدو ع بوقها بسرعه. هششش بس ياليليان انا كريم . كرررييييم . جوزك .

ليليان : فتحت عينيها ع الاخر . وهزت راسها ليه . ف نظره شيل ايدك من ع بوقي ..

كريم : شال ايدو . وقعد جنبها . ايه يا لي لي . حد يخض حد كدا ؟ وحرامي ايه بس؟

ليليان : بعدم فهم . كريم؟ ايه ال جابك هنا ؟ وبابي سمحلك انك تدخل عليا اوضتى؟ . لااا مش معنى أننا كاتبين الكتاب تدخل ف اى وقت . بابا آدم لو عرف هيعمل منك بطاطس محمره .

كريم : ههههههه . ليليان ياحبيبتى. انتى ف عشنا . انتى ناسيه فرحنا ولا ايه؟ وغمز ليها .

ليليان : شهقت بصوت عالى ايوه صح .. وكملت بتوتر احم سورى ياكريم . اصل كنت بحلم بالبيت هناك .

كريم : باس كف أيدها وقال ولايهمك ياحبيبتي... صباح الورد ع اجمل ليليان قلب كريم .

ليليان : قلبها دق. وكملت بتوتر صباح الخير يا كريم .

كريم : حس توترها . وقال يلا يا روحي قومي خدى شاور . عشان نفطر ونلبس ونطلع ع المطار .

ليليان : بدموع ممكن طلب ..

كريم : بقلق . ايه يالي لي وبتعيطى ليه؟

ليليان : ممكن قبل ما نسافر نروح عند بابا آدم بجد وحشونى اوى وعايزه اشوف بابي ..

كريم : ابتسم بس كدا عيون كريم . انتى تطلبى وكريم ينفذ وبس ..

ليليان : فرحت جدا . وباسته من خدو كتعبير عن شكرها ليه .

كريم : بص ف الساعه. وقال لسه بدرى ع الطياره . وغمز . وقرب منها بحب كبير واخدها لعالمه الخاص ..

------------------بقلمي مريم نصار.

عند تيم عزيز .

ميرو : صحيت من شويه . وصلت الضحي . وبتقرا ف الورد اليومي .. ومش عايزه تخرج من الأوضه. وصدقت وحطت المصحف ع رف الكتب . وقلعت الاسدال . ولابسه بيجامه . وجدها وحشها جدا . واخدت الفون . واتصلت عليه ..

عند آدم العدوي ..

آدم ومريم . وزين وريتال . و آدم مراد . قاعدين ع السفره بيفطرو .

مريم : تمارا بتسلم عليكم كلكم . وقبل ما يسافرو هيجو ع هنا يسلمو علينا .. وليليان اكيد لسه نايمه . ربنا يسعدكم يا احفادي يارب .

كلهم آمين .

آدم : فونه رن . وابتسم بحب . ورد . وقال كنت عارف انك هتكلمينى اول واحد ..

ميرو : ابتسمت بحب . اكيد . انا ملهوفه انى اكلمك واسمع صوتك .

آدم : ابتسم . صباح الخير ياحبيبتى ..

ميرو : صباح الخير يا بابا . حضرتك عامل ايه؟

آدم : انا زى الفل . وبفطر مع اميرتي ..

ميرو : ابتسمت . ماما وحشانى اوى . حضرتك شربت قهوتك ؟

آدم : ايوه طبعا . لكن من ايدك ليها طعم تانى .

ميرو : ضحكت بدموع . وحشتنى اوى يابابا .

آدم : بتنهيده . وانتى كمان ياقلب جدك .

ميرو : بصوت مبحوح .. لأ انت مش جدو انت بابا آدم وبس . ودموعها نزلت .

آدم : بيكابر دموعه وقال عندك حق انا بابا آدم وبس ههههه .

مريم : حست من نبرة صوته أنه مخنوق عشان احفاده بعيد عنه . وقالت آدم ياحبيبى افتح الاسبيكر نكلمها كلنا مع بعض . ميرو وحشانى اوى ..

ميرو : مسحت دموعها وابتسمت ..

آدم : فتح الاسبيكر ..

مريم : بحب . صباح الخير يانور عيني .

ميرو : ابتسمت بدموع . صباح الخير يا ماما . حضرتك وحشانى اوى ..

مريم : بدموع وانتى كمان يقلب ماما . قوليلى تيم ابن قلبى عامل ايه؟

ميرو : قامت وقفت بتوتر . وقالت بتلعثم .تي... احم نايم . تيم نايم ..

مريم : نوم الهنا إن شاء الله ..

آدم مراد : صباح الخير ياميرو ..

ميرو : قعدت ونفخت بتوتر. صباح الخير يا آدم عامل ايه ياحبيبى .

آدم مراد : انا تمام. قوليلى هتسافرو اسكندريه امتى؟

ميرو : بحيره. مش عارفه .احم لما تيم يصحي اكيد .

آدم مراد : هز راسه . مبروك يا حبيبتي .

ميرو : الله يبارك فيك .

آدم : اسمعى ياميرو . لما تيم يصحى خليه يكلمنى . انا حجزتلكم وظبط ليكو كل حاجه ياروحي . وعايزك تتبسطى اوكي .

ميرو : ابتسمت . حاضر يا حبيبي ربنا يديمكم ف حياتى كلها يارب .

وبعد كده زين وريتال كلموها . وزينب . وقفلت.

تيم : نايم ع الكنبه . وفونه رن . وفتح عينيه بكسل . وغمض تانى . ومردش . ورن تاني . وزق الغطا بنرفزه . اووف مين بيتصل ع الصبح . ومسك الفون وكان محمد . واتعدل ومسح وشه بايديه . ورد وابتسم الو ..

محمد : ابتسم . صباح الخير ياعريس .

تيم : هز راسه بتريقه عريس؟ . وقال صباح الخير يابابا .

محمد : كشر عينيه صباح الخير يا بابا؟ ومالك بتقولها كدا ؟ مالك ع الصبح.

تيم : بيتاوب . ابدا يادكتور . انا زى الفل . حضرتك عامل ايه؟ ونورى عامله ايه؟ اوعا تكون نامت زعلانه .

محمد : ضم نور لحضنه . وقال لأ متشغلش بالك بينا . ركز انت بس ف حياتك . وعايزك تعيش مبسوط وخلى بالك من ميرو .

تيم : بتذمر . همس اخلى بالى منها؟ المفروض تقولها هي الكلمتين دول ..

محمد : باستغراب . بتقول ايه ياتيم .

تيم : انتبه . ابدا يادكتور. احم ماما فين؟

نور : بابتسامه . صباح الخير ياقلب ماما. مبروك ياحبيبى..

تيم : بص ع أوضة ميرو بغيظ . وقال مبروك؟ الله يبارك ف حضرتك .

نور : قولى ميرو صحيت ولا لسه؟

تيم : بيمسح ع شعرو . نايمه . ميرو نايمه .

نور : طيب ياروحي سلملى عليها اول ما تصحى. هتسافرو امتى إن شاء الله..

تيم : بص ف الساعه بغيظ . وقال بعد الضهر إن شاء الله.

نور : ابتسمت . بالسلامه ياحبيبى ربنا يحفظك انت وميرو يارب. مع السلامه ..

تيم : مع السلامه ياحبيبتي . وقفل .. وحط الفون . وبص ع الليفنج والمخده والغطا . واتنهد ومسح وشه بايديه ونفخ بحيره .
. وقام . وفونه رن وكانت كامليا . وقبض ع ايديه بغضب واضح . وبص قدامه بتوعد وقال حسابك معايا كبير اووى ياكامليا .. وكنسل عليها بغيظ . واتصل ع آدم مراد . ورد .

آدم مراد : الو .

تيم : بكُره واضح . اسمع يا آدم . انا عايزك تطلع ع المخزن القديم عند الكلاب دول . وعايز منك فيديو اعتراف منهم بكل حاجه حصلت . وتبعتهولى .

آدم مراد : حط ايدو ف جيبه وقال سهله جدا . بس انت ناوى ع ايه؟

تيم : من بين أسنانه . ناوى ع كل خير .

آدم مراد : هز راسه تمام . بعد الشغل هطلع ع المخزن . واعتبر الفيديو عندك .

تيم : تمام .. مع السلامه . وقفلو . ودخل الحمام ياخد شاور واتوضي وصلى . واستغرب كل ده مريم ماخرجتش من الاوضه . وخبط عليها .. مريم ..

ميرو : قلبها دق لصوته . وراحت وقفت ورا الباب وقالت بصوت مبحوح . نعم .

تيم : ابتسم بحب . صباح الخير .

ميرو : ابتسمت . صباح الخير .

تيم : عامله ايه دلوقتى؟

ميرو : برقه . الحمدلله.

تيم : هرش ف قفاه . طيب انا جعان .

ميرو : ضغطت ع شفايفها بحيره كبيره . ومش عارفه تعمل ايه؟

تيم : بمكر . هما المخطوبين . مابياكلوش ولا ايه ؟ وع فكره انا ما اكلتش من امبارح .

ميرو : زعلت علشانه . وقالت بتوتر . طيب.. احم انا هخرج اعملك فطار .

تيم : أبتسم بمكر . تمام يقلبى..

ميرو : اتكسفت . وكانت بالبيجامه . ولبست فستان رقيق . وحجاب . وخرجت بحرج كبير . وراحت ع المطبخ ع طول .

تيم : راح وقف عند باب المطبخ . وسند كتفه ع الباب . وقال صباح الورد .

ميرو : غمضت عينيها بحرج وقلبها بيدق . وحاولت تكون ثابته . ولفت ليه وتجاهلته تماما . وردت بجديه صباح الخير . حضرتك هتشرب حاجه قبل الفطار ؟

تيم : قرب منها ووقف قدامها . وحط ايديه ف جيبه . وابتسم . وحشتينى .

ميرو : بتتنفس بسيط . وقالت تيم لو سمحت..

تيم : مسك أيدها بترجي . طيب قوليلى اعمل ايه؟ حبيبتى قدام عينيا ومراتي كمان ومش عايزانى حتى اقولها وحشتينى ؟

ميرو : سحبت أيدها بسرعه . ورجعت خطوه لورا . وقالت ف شرط بينا . ياريت تلتزم بيه .

تيم : بمكر . طيب وبعد الشرط ده هتسامحينى .

ميرو : قلبها بيدق وقالت جواها ... انا مسمحاك من زمان ياتيم . بس معرفش ف جرح كبير ومش عارفه اتخطى الل حصل ..

تيم : شافها سرحانه . وقرب منها .

ميرو : انتبهت . ورجعت خطوه . وقالت لو سمحت . يلا عشان تفطر .

تيم : تمام . انا هلتزم بالشرط . ولكن بشرط هنعيش مع بعض السنه دي . نفطر ونتغدى ونتعشى مع بعض . وهنخرج مع بعض .
. ووقت النوم انتى نامي ف اوضتك مفيش مشكله. المهم انك معايا . غير كدا آسف .

ميرو : بلعت ريقها بتوتر من قرب تيم منها. وهزت راسها موافقه ..

تيم : ابتسم . تمام يلا هساعدك ف تجهيز الفطار . عشان السفر .

ميرو : بصت بعيد بحرج . هو لازم نسافر ؟

تيم : ابتسم . ده لازم نسافر . انا هاخد خطبيتى ونتفسح يوميا . اومااااااال ايه؟

ميرو : غصب عنها ابتسمت ..

تيم : ضحك بصمت . وقال يلا بينا .

ميرو : هزت راسها . وبدأت تجهز الفطار . ومتوتره من وجود تيم عشقها ف مكان واحد ولوحدهم . ومتلخبطه .

تيم : بيساعدها . وعينيه عليها . وقلبه مبسوط من وجودها معاه .

بعد شويه . خلصو الفطار . وقعدو ع السفره بيفطرو . وميرو طبعا مكسوفه جدا .وتيم كل شويه يضحك ع كسوفها الل بيحبه .

بعد شويه . مراد اتصل واطمن عليهم هو وفريحه وتوتا .

وتيم دخل يلبس وجهز نفسه.

وميرو قاعده تفكر ف كلام چود وإن الراجل بيحب البنت الل تطلع عينيه . وضحكت بمكر وقالت ماشي ياتيمو . وقامت تلبس . وخبت مدونة ميراث العشق ف شنطة السفر بتاعتها . وتيم بعت الشنط مع البواب . وخبط ع ميرو . وقال يلا يامريم ..

ميرو : خرجت من الاوضه ولابسه فستان جنزاري رقيق جدا عليها وحجاب وحزام وسط من نفس لون الحجاب . وتعمدت تحط لمسات خفيفه.

تيم : وقف مكانه وقلبه هيطلع من مكانه. وقال بتوهان يخربيت جمالك . وانتبه. وصك ع اسنانه بغيره. وقال ايه ال ف وشك ده يامريم ؟

ميرو : بعدم اهتمام. دي لمسات خفيفه . وقبل ما تتكلم بتهايألى انى هركب ف العربيه ومتفيمه يعنى محدش هيشوفنى .
. وسابته ومشيت بسرعه وقلبها بيرتجف من الرهبه . وحاسه انها عملت مصيبه.

تيم : قبض ع ايديه بغضب شديد . وقال بغيظ هي سنه سو......باين عليها .
.وهتشوفى . وخرج بغضب وقفل الباب . وركبو الاسانسير . وبصلها بغيظ .

ميرو : متوتره وبصت بعيد بتهرب من نظراته .

تيم : رفع ايدو ليها بغيظ . امسحي الل ف وشك ده عشان اليوم يعدى ع خير .

ميرو : بصت ف عينيه بعند مش همسح وبعدين دي لمسات خفيفه جدا كمان . ومش باين منها حاجه .

تيم : ضغط ع شفايفه بغيظ .

ميرو : لوهله خافت. وباب الاسانسير فتح . وانقذها وخرجت بسرعه .

تيم : غمض عينيه بغيره. وقال ماااااااشي يابنت مراد .
. وخرج وبص قدام العماره بغيره عليها ومش عايز حد يشوفها . واتحرك بسرعه وفتح باب العربيه بنرفزه . اركبى ..

ميرو : قلبها بيرقص ومبسوطه من غيرته ال اتحرمت منها . وعايزه تعيش كل المشاعر والحب معاه من جديد .

تيم : قفل الباب بنرفزه . وركب جمبها . وبصلها بغيظ.

ميرو : بلعت ريقها بتوتر وبصت بعيد .

تيم : شغل العربيه. وقال بتحذير . نوصل اسكندريه . وقبل ما تنزلي من العربيه . الل ف وشك ده يتشال .. وساق بنرفزه .

ميرو : بصتله . بس انا.....

تيم : رفع ايدو ليها تسكت. وقال بحده . مريم ف حجات ماينفعش تتخطيها حتى لو بتعاقبينى . النظام ده ممنوع معايا .
. وكمان انتى عمرك ما خالفتى دينك ولا اتربيتى ع كدا .

ميرو : ضغطت ع شفايفها بحرج . ونزلت وشها ف الارض . وقالت بزعل . آسفه .

تيم : اتنهد . وابتسم . متتاسفيش ياحبيبتى انا عارف انك عروسه وعايزه تفرحي.
.ههههه قصدى مخطوبه جديد يعنى ههههه ع الله حكايتي معاكى والله . شكلك ناويه تعذبي قلبى معاكى ..

ميرو : غصب عنها ابتسمت بفرحه وبصت من الازاز .

تيم : شغل ميوزك . وقال اسمعى دى ليكى ياروحي .
وكانت اغنيه ل وائل جسار . بحبك مش هقول تانى . وساق العربيه وجواه مبسوط .

ميرو : سندت راسها ع الازاز وسرحانه ف كلمات الاغنيه . والابتسامه الصافيه ع وشها .
-------------يتبع


موعد الحلقة الجديدة الساعة  8 م  يوميا ان شاء الله .

هنا تنتهى احداث رواية جريمة عشق 4 الحلقة 37 ، يمكنكم اكمال باقى احداث رواية جريمة عشق الجزء الرابع الحلقة 38 أوقراءة المزيد من الروايات المكتملة فى قسم روايات كاملة .

نأمل أن تكونوا قد استمتعتم بـ رواية جريمة عشق الجزء الرابع ، والى اللقاء فى حلقة قادمة بإذن الله ، لمزيد من الروايات يمكنكم متابعتنا على الموقع أو فيس بوك ، كما يمكنكم طلب رواياتكم المفضلة وسنقوم بوضعها كاملة على المدونة .
تعليقات



حجم الخط
+
16
-
تباعد السطور
+
2
-